بێ سەبەب لێم زویر ئەبی لێم دوور ئەبی
جان و دڵ ھەر دوو بەقوربانی سەرت

#عەبدوڵڵا_زێوەر

دڵبەرەی قەد عەرعەرەی
بێ ڕەحمەکەی بەدبەختەکەم
دڵڕفێنەی شۆخەکەی
بێ عەهد و پەیمانم وەرە..

نازەنینەی سوخمەئاڵەی
دیدەمەستەی کەچ کولاه
گوڵعوزارەی شۆخوشەنگەی
شاهی خوبانم وەرە..



#تاهیربەگی_جاف

دوور لە باڵای نەونەمامت
زامی جەرگم تازەیە..
وەک عەرەب سەد جار دەخیلەک
زووبە لوقمانم وەرە..

کەس نییە سابت قەدەم وەک من
لە داوی زوڵفدا
بۆ سوپاهی غەمزەکەت
مەردی مەیدانم وەرە..


#تاهیربەگی_جاف

دەردەدارم، بێزبانم، بێدڵم، سەوداسەرم

ئاخ لە بۆ دڵ میهرەبانێ، ھەم زەبان و ھەم سەرێ

#وەفایی

تۆ دڵ دەبەی بە غارەت و بە منیش دەڵێی: مەبە
بۆچی! مەگەر بە دەستی منە ئیختیاری من؟!

#ئەدەب &

ئەم بەڵێنەی بە منت فەرموو: گوتت "دێمە ژوان"
چاوەڕێم ڕۆژ و شەوم وەعدەیی پارم گەرەکە

#عەونی

ئەگەر لوتفی ببێ ساتێ لە لام دانیشێ ئەو شۆخە
هەتا ئەمرم منەتباری ئەبم دایم لەمەولاوه


#مەدهۆش

دڵ ئەمانەت بوو لە لات ئێستا کە وا حاشا دەکەی
ئەی موسوڵمانینە! وەرنە سەیری ئەم بێ مروەتە


#کوردی

بە جارێ شەرمەزارم لێرە نی نازت بکێشم

#هونەر

تا یاری منی یاری دڵم ھەر غەمی تۆیە...

#سالم

هەڵهاتنت لەوەی ئازارت دەدات
زیاتر ئازارت دەدات!
هەڵمەیە ئازار بچێژە تا چاک دەبیتەوە.


#مەولانا #ڕۆمی

لەم شارەدا
ڕوو دەکەمە هەر کونجێک تۆی..


#پەشێو

سینە پڕ خوێن و زووخاوم، دڵ پەرێشانم وەرە

#تاهیربەگی_جاف

سەلامێکت بەدەم بادی سەباوە
بنـێرە بــۆ دڵـم سـەدجار شکاوە

وەفاتت کرد و ڕۆیشتی لەلای من
کـەچـی ناوت وەکو جاران لەناوە

هەتا بێ باخی ڕووخسارم ئەبێ گەش
بـەفـرمـێـسکی فـیــراقت ئــــاو دراوە

هەتا مابووی لەتۆ دوور بووم عەزیزم
ئــەمێستاش ئــاگری دووریـت بـەتاوە

لەباخی دیدەنیت وا بولبولی دڵ
ئـــەنــاڵێنێ ، ئــەگـریێ تاوە تاوە

وەرە و با تێر ببینم ڕووت ، لەبەر ئەو..
هـەموو ئەشکەی کەبۆ دووریت ڕژاوە

وەرە و با کەم بکا شیوەن دڵی من..
ئــەگەر مــابــێ بــەیادی تۆوە ماوە

بەدڵ نەمدیوە دڵخۆشبێ دڵی من
لەئەو ڕۆژەی لەچاوت دوور خراوە

ئەگەرچی خۆ لەشوێن پێی تۆوە دوورم
غــوڵامـێــکــم پــەنــام بــۆتـۆ هــــێنــاوە

ئــیتر لام وابـــوو دەســتم نــاگری تۆ
کەچی دەستی وەفات لێم بەرنەداوە

حەزم وابوو کەئەمشەو لێرە بایەی
لــەخزمەتـــتا دڵ و گیان نێمە لاوە..

هـــەتـاکو بەربەیان بیکەم تەوافت..
بسوتێ لەش بەدەم شەوقی چراوە

بڵێم ئۆخەی فەنا فی تۆیە (ماتی)
دڵێکی بــوو ئەویش ئێستا نەماوە.


#ماتی

کە تۆ سەییادی من سەیدی بریندار
حەقی من بوو هەڵێم، تۆ بۆ هەڵاتی...!


#کوردی

نەتئەزانی
من بەبێ تۆ
ڕۆحی نەسرەوتم؟!

#جەلال_مەلەکشا

نەک ئەتۆ عالەم بزانن
شێت و سەرگەردانتم

گیانەکەم عاشق چ باکێکی
لە لۆمەی عالەمە!


#عەباس_کەمەندی

تۆ هەر بێری به من هەر شوان، فریشتەی تاسه و ئاواتم

#هێمن