حديث استشهاد القاسم ابن الحسن عليهما السلام


لاحول ولاقوة الا بالله العلي العظيم ... انا لله وانا اليه راجعون

لما قتل العباس عليه السلام اقبل من بعده القاسم ابن الحسن عليه السلام وهو غلام لم يبلغ الحلم وقيل ان عمره ثلاثه عشر سنه وكان وجهه كفلقة قمر فلما نظر الحسين عليه السلام اليه قد برز اعتنقه وجعلا يبكيان حتى غشي عليهما فلما استفاقا استأذن القاسم عمه في المبارزه فلم يأذن له قائلا له : ( ياابن الاخ انت من اخي علامه واريد ان تبقى لاتسلى بك )
فجلس مهموما مغموما باكيا حزين واضعا راسه على رجليه وذكر القاسم ان اباه قد ربط له عوذه في كتفه الايمن وقال له : ( اذا اصابك الم او هم فعليك بحل العوذه وقرائتها وفهم معناها واعمل بكل ماتراه مكتوبا فيها ) فقال القاسم لنفسه مضت اعوام ولم يصبني من مثل هذا الالم فحل العوذه وفضها ونظر الى كتابتها واذا فيها : ( ياولدي قاسم اوصيك انك اذا رأيت عمك الحسين في كربلاء وقد احاطت به الاعداء فلا تترك البراز والجهاد لاعداء رسول الله ولاتبخل عليه بروحك وكلما نهاك عن البراز عاوده لياذن لك في البراز لتحضى في السعاده الابديه )
فاتى بالعوذه الى عمه الحسين عليه السلام فلما نظر الحسين الى خط اخيه الحسن عليه السلام بكى بكاء شديدا
فلم يزل القاسم يقبل يدي عمه ورجليه حتى اذن له فالبسه ثيابه بصورة الكفن وشد سيفه بوسطه واركبه فرسه وارسله الى المعركه وماهي الا فتره واذا بالنداء : ادركني ياعماه فاتاه الحسين عليه السلام ودموعه جاريه ثم نزل اليه واحتمله على صدره ورجلاه تخطان في الارض لان الحسين اصبح محني الظهر لمصيبة القاسم هذا حال الحسين فما كان حال امه ساعد الله قلبها عندما رأت ابنها مطبور على راسه لايقدر ان يفتح عينه طلعت من الخيمه تقوم مره وتقع مره اخرى تنادي واولداه ... واقاساماه ...


         گالت

ياهو اليگومني اعله حيلي
يومك جمر يچوي بدليلي
چا وين اروح اگعد احچيلي


چا وين اروح اخلاف عينك
تون ويفت گلبي ونينك
ليش اعله راسك طابرينك


شو جيت للصيوان مطبور
گوه تون ودمك ايفور
اشلون ازفنك للگبور


للمگبره زفيتك اشلون
يومك يبز اصبي العيون
اويلاه يالبعدك ازغيرون


ازغيرون يوليدي عله الموت
روحك گضت والوجه مبهوت
چنك بعد ماتسمع الصوت


چنك بعد مليت الاعتاب
بالنوم شلك توك اشباب
الچفن ذبه والبس اثياب


ذب الچفن والبس اهدومك
اليوم يبني موش يومك
اصواب العدو غير ارسومك


اصواب العدو حار ومضهدك
ردتك ضخر واگعد بسدك
وصلك گطعته وهاذه حدك



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخرhttps://www.tg-me.com/Wounds_AshuraOne

مجلس نعي للقاسم (عليه السلام)
◆━━━◆❃◆━━━◆
(نعي مجاريد)
وسط الحرب زفتك يجسام
وامـــــك تون الگلب محتام
بالارض نايـــــم كلك اسهام

يهون اعليك گلب امك تمرده
يـــماي العــــافيه ومنها تبده
راح الـــــــولد لمـــه اشـيرده

جســــــام راح وبعـد ميعود
بالحومه جاسم طاح ممدود
بلعمد راســه انضرب ممرود
◆━━━◆❃◆━━━◆
(نعي عاشوري)
ابنج يرمـــــله ابعمد صابوه..اه اه
من الدمـــــــه هاليوم حنوه.. اه اه
ايـــــلوب منه النحر گطعوه.. اه اه

ابنج يرمله وســــط هالناس.. اه اه
مگطوع نحره وخمد النفاس.. اه اه
طفي شموعه وخربي الياس.. اه اه

طاح الولـــــد طفي شموعه.. اه اه
وايــــسي منه ومن رجوعه.. اه اه
اتضوگيــــــن بفراگه اللوعه.. اه اه
◆━━━◆❃◆━━━◆
(نعي ملائي)
طايح بالتــــراب ٢ ابنج يون طايح بالتراب
وبراسه منصاب ٢ بالحومه جاسم راسه منصاب
ابهذا المـصاب ٢ يجبرج ﷲ ابهذا المصاب


ﷲ يـجــــبرج ٢ بمـــصاب الولد ﷲ يجبرج
بفراگه يصبرج ٢ ينزل السلوى وبفراگه يصبرج
وبحيرة امـرج ٢ويعيــنج يرمله بحيرة امرج

◆━━━◆❃◆━━━◆
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إلهhttps://www.tg-me.com/Wounds_AshuraOne

نعي للقاسم
~~
بدينه العتب وي الشبابات
شلكم يايمه بلمظلمات
وبكلوبنه باتت الجمات
احوي يانار النحبهم
〰️〰️〰️〰️〰️
الولد مايحمل ترابه
للمكبره ياهو الجابه
اليوم بحزن تبجي احبابه
〰️〰️〰️〰️〰️
خده ترف مايحمل تراب
ونيت يمه وكلبي انعاب
تلجم روحي وي الهواء الهاب
〰️〰️〰️〰️
ياروح موتي ولا ضلين
ياروح ضلي بس للونين
احزن عليك اسنين وسنين
〰️〰️〰️〰️
تمنيت يبني اموت وياك
الموت سابكني غفل جاك
والوكت ذبني وين الكاك وداك
احوووي ياماي عيني
〰️〰️〰️
نامت عيونك بالمكابر
وعفيه ياكلبي شلون صابر
الله اليجابرني ياجابر
〰️〰️〰️〰️
نايم اوليدي ولا كعد
ملكاك يا يمه السعد
جنه الولد شال وبعد
〰️〰️〰️〰️
ونيت تالي الليل ونيت
بسمك يايمه اليوم ناديت
كالولي ميت مادريت
〰️〰️〰️〰️〰️
يالولد حس امك ينادي
بضعونه يحدي الحادي
وبكلوبنه الهضم سادي
~~✍🏻بقلمي الفقير خادمه البتول المله ولشاعره ام نادين المحمداويهhttps://www.tg-me.com/Wounds_AshuraOne

قصيده جلوه حول القاسم ع لحن يمه اذكريني من تمر زفت شباب



*شمعت القاسم بالله اشعلوهه*
*امعرس المدلول الحنه اعجنوهه*


يا ابني يا محروم يمه حاجيني
من الهوه محروم يا بعد عيني
ابونتك تدري الكلبي تاذيني
*ام الشباب اليوم رمله اذكروهه*


فاكده الغالي والكلب مالوم
من الهوه ياحيف يا الولد محروم
امعرس وعرسه والغضاب اهدوم
*حنته دمه من تشوفوهه*


يا عزيز امك يابني يا جسام
عل تراب اشلون يالولد واتنام
ماحسبت احساب خانت الايام
*خانت الايام يل نسيتوهه*



غمض اعيونه ونايم الغالي
وحنته من الدم عل ترب ذاري
يمه يا يمه تنضر الحالي
*من بعد عيناك روحي اذوهه*


ماترد هيهات ماترد لينه
وبلحزن تنحب ظلت اسكينه
ترضه ويه اجناب من تخلينه
*وامك الضلت يبني ياسروها*


انطفي اشموعه ولا تخليهه
وسكنه ثوب احزان كومي لبسيهه
وحنت العريس لا تعجنيهه
*رمله هذه اليوم يالله واسوهه*


*لخادمة الزهراء العلويه ام جعفر*
غير مبري الذمه من بحذف الاسم وياخذ الكلام وينسبه لهhttps://www.tg-me.com/Wounds_AshuraOne

جلوه للقاسم ع
-------
يازينب اثياب العرس لبن الحسن جيبيها
علكي يرمله شمعته والحنته عجنيها
-----
كومي وعدلي خيمته خل جاسم ايزفونه
خل عمه بثياب العرس جاسم تشوفه عيونه
طشي الملبس عالولد يارمله يامحزونه
وخليهه تفرح بالولد وعروسته عدليها
-------
رمله تمنت من زغر جسام عرسه اتشوفه
وتشوفه عريس الولد واخوانه كلها اتحوفه
خليها تعجن حنته وتحني بيها اجفوفه
كومي يزينب بالعجل والخيمته نصبيها
-------
جسام اجه يم عمته وكال العرس ماريده
يايمه كومي وشاهدي عمي الحسين اوحيده
وانصاره كلها عالثره ويردون حز اوريده
خليني عرسي بحومتي والخيمتي فلشيها
------
اطيني سيفي والدرع خل اكصد الميداني
عرسي يرمله بالحرب وثوب الجفن نيشاني
والحومه هيه عروستي ابوي الحسن وصاني
انطيني سيفي بالعجل حتى الحك بتاليها
-------
للموت رايح مااجي ياوالده ودعيني
لوجابني عمي واجه وهلهولتج سمعيني
وصيحي يمحروم الهوى يايمه باحلى سنيني
لوشفتي زفات وعرس يايمه لا تنسيني
دمعاتج الذكري تهل شبان لوشفتيها
-------

✍ام زينب كربلاء غير مبري الذمه من ياخذ الكلام وينسبه له او يحذف الاسمhttps://www.tg-me.com/Wounds_AshuraOne

قصيدة ثكيله بحق الامام القاسم ع


عذبني الوكت ياناس.... عالشبان لاحكني
انه الوالده التعبيت....كلساع وصحت يبني



شايل من وكت يمه
متوازي ورحت مني
مو وكت السفر يبني
فراكك حيل يتعبني
تدري بفركتك صعبه
و غيابك يعذبني
يمه اطول الغيبه......ضل وياي ياهيبه
كل ساع وصحت يني




شايل من وكت كلي
شلون امك تخليها
تدري فراكك يموت
و يخرب معانيها
يمه يالولد كلفه
ومك من يباريها
شلون اتعوضك وتهده...يمه وشخصك اترده
كل ساع وصحت يني




شماله الوكت لاحكني
على لشبان وازاني
ردت ابني يضل يمي
ليش ايشيل خلاني
الموت استعجل شماله
خله الوالي عافاني
شيعوضه ويرد ليه....ابني الزين طاريه
كل ساع وصحت يني



احاه يا فركتك صعبه
يمه ادخيل رد ليه
تشيل شلون يالوالي
يمه بغير وعديه
يأ بعد العمر كله
و سنينه وغواليه
رد يمعدل لبيتك.....يمه شكثر تانيتك
كل ساع وصحت يني




بقلم الشاعرة أم كرار الساعدي
غير مبري الذمه من يحذف اسم الشاعرhttps://www.tg-me.com/Wounds_AshuraOne

*((القصيدة من ديوان📚 مسير الفواطم لإرض المظالم جزء٢))*
*قصيده للقاسم عليه السلام(يبني جسام)*
❥━──➸➽❥❂❥━──➸➽❥❂
     شلون اودعك للحرب
     يمه  يا  بعد  الگلب
يبني جسام      يبني جسام
❥━──➸➽❥❂❥━──➸➽❥❂
يمه يا بعد الگلب يا گرة العين
عليك حاربني زماني ودهري والبين
شلون بيه لو رحت انطي الوجه وين
وين اروح ليا مكان ... عگبك اذاني الزمان
يبني جسام       يبني جسام
❥━──➸➽❥❂❥━──➸➽❥❂
عگبك اذاني زماني ودهري ذبني
والله يخنگني النفس لو صحت يبني
عليك اون ويفت حته الصخر وني
ليلي ونهاري اون ... روحي غاطيهه الحزن
يبني جسام      يبني جسام
❥━──➸➽❥❂❥━──➸➽❥❂
عليك انوحن يالولد صبح ومسيه
ردت ازفك للعرس بثنين اديه
تالي ازفك بالچفن للغاضريه
وعرسك دموم ودمع    بيك دلالي انفجع
يبني جسام       يبني جسام
❥━──➸➽❥❂❥━──➸➽❥❂
عرسك آهات ومناحه وحزن ودموع
وبيك عمك يالولد دلاله مفجوع
وبدمع عيني يغالي طفت الشموع
طفت يمه شمعتك ... صار عرسك موتتك
يبني جسام    يبني جسام
❥━──➸➽❥❂❥━──➸➽❥❂
الموت يبني والعرس صارن سويه
انتحب واعليك اون ونه شجيه
ليش حاچيني اگطعت هالگطعه بيه
راح حيلي من رحت … يالولد يبني صحت
يبني جسام            يبني جسام
❥━──➸➽❥❂❥━──➸➽❥❂
*بقلم ✍🏻خادمة اهل البيت*
*الشاعرة العلوية مريم النور نسألكم الدعاء الفاتحه الى روح اختي ولإمواتكم:*https://www.tg-me.com/Wounds_AshuraOne

لطميه للقاسم ع
《وزن ثلاثة ارباع الشيعتي》
♡♡♡♡♡♡♡♡♡♡♡♡
يالرحت بعداك شباب
گلبي يمه عليك ذاب
یمه شــــلك بالگبر
بعـــــدك باول عمـر

اه يالشباب اه يالشباب
💔💔💔💔💔💔💔💔💔
ليش صارت سفرتك يمه طويله
ولبعد تدريني يمه مالي حيله
ماخذ اوياك الگلب ودمعي اسيله
يمه عذبني الهجـــر
بعدك باول عـــــمر
اه يالشباب اه يالشباب
✍ام نادين
💔💔💔💔💔💔💔💔💔
بعدك باول عمر شمعة سنيني
سهر ليلي انته ورباي وماي عيني
اشلون بيه بفرگتك يمه حاچیني
راح تعبي والســــهر
بعـــدك باول عمــــر
آه يالشباب آه يالشباب

✍العلويه ام ضيغم المحنا
💔💔💔💔💔💔💔💔💔
اه يمه من رحت كلبي خذيته
اني امك يالولد عمرك شريته
بعمري وروحي ييمه بدليته
ليلي ظلمه بلا گــمر
بعــــدك باول عمر
اه يالشباب اه يالشباب
✍ام محمد الساري
💔💔💔💔💔💔💔💔💔
اهواي مشتاگه ييمه ارد اشمك
يوليدي ليش ابلا ذنب ايسيل دمك
اتمنى ترجع يالولد وبروحي اضمك
امنين اجيبنه الصـبر
بعــــدك باول عـمـر
اه يالشباب. اه يالشباب

✍ام زهراء الزيداويه البصراويه
💔💔💔💔💔💔💔💔💔
انه امك يالولد منشده بالي
شلون مني تروح حاچین يغالي
يمه اريدن تعبي وسهر الليالي
گلبي لفراگك جمر
بعـــدك باول عمر
اه يلشباب. اه يلشباب

✍🏻ام كرار الزينبيه
💔💔💔💔💔💔💔💔💔
عني من يوم الرحت ماشفت راحه
گلبي لمصاب الولد كثرت جراحه
اتمنى يم گبره اظل اشبع مناحه
حالي من بعدك عسر
بـعــــدك باول عـمـر
اه يالشباب. اه يالشباب

✍ام حسين الزيداويه
💔💔💔💔💔💔💔💔💔

يمه جاسم لو رحت چا یاهو الیه
یل عمه عیوني رباك وفتك بيه
وتالي تعبي تروح بارض الغاضريه
بيك فجعـوني الكـــفر
بعـــدك باول عـمــر
آه يالشباب آه يالشباب

✍العلويه ام ضيغم المحنا
💔💔💔💔💔💔💔💔💔

تـــمـ بحمدالله ـــت
باقـــ✍ـــلام خادمات اهل
البيت ع في رابطة دموع العقيله

لانجيز حذف الاسماء
🙏🏻🙏🏻نسالكم الدعاء🙏🏻🙏🏻https://www.tg-me.com/Wounds_AshuraOne

قصيده ثكيه حول القاسم ابن الحسن



يوم الولد عذبني يوم الولد عذبني

ابجي واون لمصابه يوم الولد عذبني



خلاني بل هم والحزن ومارد عليه
بعده شباب وحسرته خلاهه بيه
يمه الربه وينه الربه وشيلك بديه
يومك صعب تعبني يوم الولد عذبني



يبني الخلك عدهه الولد العوز الايام
وانه ضخرتج للكبر يبني يجسام
ماحسبت كبل العرس من عدي اتنام
هذه الجره دوهني يوم الولد عذبني



دوهني يومك من رحت من بين اديه
يبني يمحروم العرس سوده عليه
كلت اعجن الحنه الك يمه بديه
وياك اموتن خلني يوم الولد عذبني



شلي بحياتي والعمر عكبك يغالي
حرمه صفيت ابلا ولد وانه شبكالي
ضيعتك ابلحضه ونمت ونته دلالي
يمه الولد تاخذني يوم الولد عذبني



وياك اريدن يالولد وياك اريدن
شلي بحياتي والعمر ماريد اظلن
من الهوه ابني انحرم وشموعه يطفن
ذني شموعه ذني يوم الولد عذبني



عذبني يومك والكلب ظل بونينه
يالفاركتني ابفركتك تدري حزينه
امك واريدك يالولد تنهض تجينه
تكعد تجي اه يبني يوم الولد عذبني


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له القصيده من ديوان طف الحوراء الجزء الرابعhttps://www.tg-me.com/Wounds_AshuraOne

#من_ديوان_قربان_الطف_ج_٣
قصيدة للقاسم(قاسمچ راح)
❥━──➸➽❥❂❥━──➸➽❥❂
قاسمچ راح يرمله قاسمچ راح
عدي الجراح دگومي عدي الجراح
گومي طفي شمعته .. واچفي طاسة حنته
قاسمچ راح يرمله قاسمچ راح
❥━──➸➽❥❂❥━──➸➽❥❂
گومي بسرعه يرمله وطفي الشموع
بدال زفته يالحزينه هلي الدموع
راح منچ بعد ما يرجعلچ ارجوع
عليه ظلي ابچي بحزن وبگلب موجوع
والله تفجع قصته .. واچفي طاسة حنته
قاسمچ راح يرمله قاسمچ راح
❥━──➸➽❥❂❥━──➸➽❥❂
كعبة جسمه اصبح يويلي تطوفه السيوف
دارت اعليهه الكتائب ويه الصفوف
ومن دمه الهامه تحنت ذيچ الچفوف
شحالها امه نظرته واللون مخطوف
ماكو مثل مصيبته .. واچفي طاسة حنته
قاسمچ راح يرمله قاسمچ راح
❥━──➸➽❥❂❥━──➸➽❥❂
منهو مثله ضحه لأجل الدين دمه
وگال عمري كله فدوة لابو اليمه
وبدماه بدال عرسه انفجعت امه 
اه يا جاسم گلب امك تلچمه
شلون طيحة طيحته .. واچفي طاسة حنته
قاسمچ راح يرمله قاسمچ راح
❥━──➸➽❥❂❥━──➸➽❥❂
بيوم جابه للخيام ويبچي الحسين
واجت مذهوله تلگته النساوين
ورمله نادت يالولد يبني طحت وين
اليوم يبني عليك خلها تعمي العين
وبدمعها نادته .. واچفي طاسة حنته
قاسمچ راح يرمله قاسمچ راح
❥━──➸➽❥❂❥━──➸➽❥❂
نادته عني رحت يالذخر مريود
شلون طولك عالترايب يمه ممدود
بعد ما احلم ييمه لحضني تعود
طاح وي طيحتك گلبي وچن مموجود
راح منها وفگدته .. واچفي طاسة حنته
قاسمچ راح يرمله قاسمچ راح
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور.
نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*https://www.tg-me.com/Wounds_AshuraOne

لطميه للقاسم ع عن لسان حال رمله ع

مانامت اليل    مانامت اليل
ياناس  الي مضيعة الولد    مانامت اليل
وايركد الحيل    وايركد الحيل
الفراك تكتل حسرته        وايركد الحيل

............
ياناس  المضيعه ولد شنهي صبرها
لوراح من عدها ومشه شلها بعمرها
واعتاب ماينفع بعد قاسي  دهرها

والمدمع ايسيل    والمدمع ايسيل
مكسوره الخاطر تضل  والمدمع ايسيل
...............
مكسور كلبي  يالولد  ياهوه اليجبره
وتدري الكلب من ينكسر مايبره كسره
حزنانه  وتكضي العمر حسره عالحسره

اعليمن  اتميل         اعليمن تميل
والوالده خلاف الولد  واعليمن اتميل
.............
عليمن  تذبين الحمل  لويثكل اوطاح
لاينفع  الون والبجه ولاينفع  اصياح
والراح من عدها ولد لا تضن  ترتاح

لورايد ايشيل     لورايد  ايشيل 
ايحمل اضعون الوالده لورايد ايشيل
.........

لوراح من عندج  ولد ماتطفى ناره
سهمج يضل بس البجه ولاغيره جاره
وحزنج ابد  ماينكضي ودمعج تجاره 

نارج بالادليل      نارج  بالا دليل
ماتطفى يارمله  بعد   نارج بالادليل
..............
شلون يطبكلي جفن  من بعد جسام
والله يعين  الفاركت لاتغفه  واتنام
شيعود دهري  بالولد   واترد  الايام

يوليدي  ادخيل     يوليدي ادخيل
وياك اخذني لورحت  يوليدي ادخيل

✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب  المآسي الفاطميه الجزء السادسhttps://www.tg-me.com/Wounds_AshuraOne

لطمية للقاسم بن الحسن عليهما السلام (حسبالي اهنيك)


حسبالي اهنيك     حسبالي اهنيك
حسبالي ازفك يالولد     حسبالي اهنيك
بالحومه اخليك     بالحومه اخليك
اشلون اروح اميسره     وبالحومه اخليك


اشلون اروح اميسره     وبالحومه اعوفك
عريس وبدم هامتك     حنو اچفوفك
گالولي روحك گاضيه     وتكلف ضروفك
خليني اشدن طبرتك     خليني اشوفك
بدموعي اداويك     بدموعي اداويك
موش بضماد ولادوه     بدموعي ادوايك


موش بضماد ولادوه     بدموعي اضمدك
مابيه اعوفك يالولد     بالحومه وحدك
كلساع اصيحن هم ترد     لو هاذه حدك
والموت اجاك وفرهدك     مارضه يهدك
ماقبل ينطيك      ماقبل ينطيك
البين شالك من وكت     ماقبل ينطيك


البين شالك بالعجل      من بين اديه
عرسك ويومك يالولد     صارن سويه
جمرت مصابك ماطفت     ضلت سريه
احاه يعملت كربله     العمت عليه
مهضومه احاچيك     مهضومه احاچيك
بالليل اجيت المصرعك     مهضومه احاچيك


بالليل اجيت المصرعك     جدمي ايتعثر
لوعات وافراگ وعطش     چا گلي شگدر
شفتك عساني ولاشفت      راسك امطبر
وجهك حلو ومن الشمس     كلش تغير
واعتابي ياذيك     واعتابي ياذيك
ماعاتبك عفت العتب     واعتابي ياذيك


ماعاتبك وادري العتب     حار ويلچمك
ملهوفه اجيتك للحرب     خليني اشمك
صارت الگاع امنصتك      والحنه دمك
ياماي عيني اتطشرت     واشلون المك
وبروحي اغطيك     وبروحي اغطيك
لفرشلك اجروح الگلب     وبروحي اغطيك



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخرhttps://www.tg-me.com/Wounds_AshuraOne

نزله للقاسم ع

كومو علكو شمعته
اليوم جاسم زفته
هذا عريس هذا عريس
............

هذا عريس الهواشم يالمحبين
كومو عجنو حنته وبدمعت العين
زفته وسط المعاره اكبال الحسين

والهلاهل صرخته
كومو علكو شمعته

هذا عريس هذا عريس
........
اكبال عمه وامه المالومه
صاح هاي عروستي بالحومه
رمله عجني حنته من ادمومه

من خضابه حنته
كومو علكو شمعته

هذا عريس هذا عريس
..........

الياس والحنه اله جيبوها
اكبال رمله شيعته نصبوها
صرخه بدموع وحزن علوها

واسو امه الفكدته
كومو علكو شمعته

هذا عريس هذا عريس

........
صيحو ياعريس والدمعه جريه
شلون صارت زفتك بالغاضريه
اشكالت امك من طحت فوك الوطيه

بنفسي ضلت فرحته
كومو علكو شمعته

هذا عريس هذا عريس

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الماسي العلويه الجزء العاشرhttps://www.tg-me.com/Wounds_AshuraOne

قصيده للقاسم عـ‌ـلَيـ‌ـهّ آلَسـ‌ـلَآم
.❥ـــــــــــــ❂❥ـــــــــــــ❥❂ـــــــــــــ❥.
ابني... اليوم عرسه وموتته
ابني.. الدمه صاير حنته
ابني.. ويلي تفجع قصته

.❥ـــــــــــــ❂❥━──❥❂ـــــــــــــ❥.
قصته ماصارت بكل البريه
ياعرس دم انذكر بالغاضريه
شايفين معرس ونام بوطيه
امه وبدمه صبغت شعري واديه

شفته.. ابني نايم عالثره
شفته.. من العطش متفطره
شفته.. ابني بسته بمنحره

.❥ـــــــــــــ❂❥━──❥❂ـــــــــــــ❥.
دنگت بسته بوريده الغالي
وشفت خده الزهري نور يلالي
كتله يوليدي انفطر دلالي
تعوفني وماعندي غيرك والي

اسمع.. على راسك نحبتي
اسمع.. يمه گوم لنخوتي
اسمع.. وانهض امسح دمعتي

.❥ـــــــــــــ❂❥━──❥❂ـــــــــــــ❥.
منهو يمسح دمعي غير جفوفك
وياحجي يطيبني غير حروفك
الليله اموتن يمك وماعوفك
ولااروح ميسره وماشوفك

امشي..ومااشوفنك بعد
امشي.. شلون اعوفك يالولد
امشي.. عليك دلالي انمرد

.❥ـــــــــــــ❂❥━──❥❂ـــــــــــــ❥.
نمرد دلالي وجرح گلبي انفطر
من لمحتك طحت ياضهري انكسر
بلحضه غيم بالي برسوم وصور
واذكرت ذاك الربه وتعب السهر

تعبي..راح يمه بطيحتك
تعبي..تجازي هيج الربتك
تعبي.. موت تالي زفتك

.❥ـــــــــــــ❂❥━──❥❂ـــــــــــــ❥.
زفه هايه لو موادع للگبر
چا كلتلي حتى لاضل انتضر
ادعي الله لايطولي عمر
گلبي مايحمل ولاعندي صبر

صبري.. نفذ وعيوني عمن
صبري.. مانفع وي الزمن
صبري.. حيل راوني المحن
.❥ـــــــــــــ❂❥━──❥❂ـــــــــــــ❥.
الشاعره نورس الحلفيhttps://www.tg-me.com/Wounds_AshuraOne

قصيدة موشح للقاسم(طفوا شموعه)
تقرأ: جلوة-حيدري- نزلة- شور-فزاعي
❥ــــــــ☆ــــــــ●ــــــــ☆ــــــــ❥
جاسم العــريـس طفوا شموعه
زفه ابوســـط الحرب موضوعه
❥ــــــــ☆ــــــــ●ــــــــ☆ــــــــ❥
طلع للحــــــــومه وسیفه شایله
وامــــــه الدمـــــعات منها هامله
حــــــسبت الولد حنه اتسوي اله
تالـــــــي اتفگده وتضوگ اللوعه
❥ــــــــ☆ــــــــ●ــــــــ☆ــــــــ❥
جاسم العـــريس طـفوا شمعته
وســــط التربان صــــارت زفته
امــــــه ابالام عجــنـــت حنــته
والجـــفن من عدها دم ادموعه
❥ــــــــ☆ــــــــ●ــــــــ☆ــــــــ❥
اشلون حال ام الولد هاللــــیله
راح ابنها للحـــــــرب تــــنعیله
اتمنت اتـــــــعرسله وتحـــنیله
لاچن رایح للــــحرب مفجوعه
❥ــــــــ☆ــــــــ●ــــــــ☆ــــــــ❥
ایموت ابنها بالحرب عدها علم
وبــــــدال الحنـــه یتحنه بالدم
یعیــــــــن الله رمله مالیها الالم
راح للــــحومه وصعب مرجوعه
❥ــــــــ☆ــــــــ●ــــــــ☆ــــــــ❥
صابو العــــــریس اعلــــه الهامه
روحــــــه لاجت بالترب محتامه
حاوطــــوه الکفـــــــر ویه ازلامه
جثتـــه وســــط الترب مصروعه
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إلهhttps://www.tg-me.com/Wounds_AshuraOne

مربعه للحاجة من القاسم(نريد امراد)
تقرأ: بعدة اطوار..
❥ــــــــ☆ــــــــ●ــــــــ☆ــــــــ❥
نريد امراد من عندك يجــــسام
اجــــينه لمجلسك وكلــــنا الام
❥ــــــــ☆ــــــــ●ــــــــ☆ــــــــ❥
نريــــــد امرادنه هاليــوم منك
كــريم وبالـكرم يحجــون عنك
انت بالكــرم والـــــــــدك جنك
كريــم انت يـسيد وبن الاكرام
❥ــــــــ☆ــــــــ●ــــــــ☆ــــــــ❥
نحلفك بالعزيز احــسين هاليوم
تشــافي امراضــه وتزيل الهموم
ومتــــــردنه ابد حاشه يجيدوم
حضرنه مجلسك والگلب محتام
❥ــــــــ☆ــــــــ●ــــــــ☆ــــــــ❥
حـــــضرنه مجلسك ونريد المراد
وحاشه ماتــــــــردنه يبن الـجواد
حوائجنه چثـــــــيره وذاب الفـاد
جمر وسط الگـــلب مشــتعل كام
❥ــــــــ☆ــــــــ●ــــــــ☆ــــــــ❥
هــــــذا العــنده هم وذاك معلول
ونريد امـــــــرادنه منك والحلول
وكفــــــو منك يخير يبن الفحول
صيــــــتك كله يعجب زلمه وهام
❥ــــــــ☆ــــــــ●ــــــــ☆ــــــــ❥
متـــــــعنين الك هاليــــوم اجينه
وبـــــجاهك بعــــــد تترس ادينه
شكـــــــايين الك مــــــــن العلينه
من الضــــــــيم يــــــامولاي منام
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إلهhttps://www.tg-me.com/Wounds_AshuraOne

قصيده للقاسم ع✍ بقلم خادمة الامام علي ع. ام انور الذبحاوي
--------------

اسم الله عالولد من جابو اعلومه
نار وتشب وسط الروح مهدومه

اسم الله عالولد مني هضيمه يروح
يخليني وحيده والگلب مجروح
يبو طول الحلوه ويابو سماحة روح
شاغلي الفكر من ساعته اويومه

يشاغلي الفكر والطول. محلاته
لو طب العصر ابني عله اخياته
اويلا من زماني وآه. غدراته
محرومه العزيز،اليوم محرومه

يمحرومه من الغالي،وضوه عيوني،
اويا شيال نعشه وياه شيلوني
وسدوني الحد وابطوله مدوني
ييمه لاتخلي الروح مالومه

تضل مالومه يمه وداعت اعيونك
ابد ماريد عمري يمه من دونك
عجب شم الهوه منه يحرمونك
ترضاها يجاسم اضل مندومه

جا وين الربه يبني اطالب بي
عميان النضر والجدم بس يحبي
ماشوفن ييمه اوضيعت دربي
ومن اعداك هالصبحت مشتومه



ام انور الذبحاويhttps://www.tg-me.com/Wounds_AshuraOne

#الطميه_بديوان_أئمة_الهدى_الجزء_٦_.


لطميه للقاسم عليه السلام


اليوم أم الولد علولد حزنانه
جاسم بلحرب طايح امنحصانه
❥━──➸➽❥💔❥━──➸➽❥💔
جاسم بلحرب طايح يجر ونه
وين اليوم ابوه المجتبى عنه
واسهام المنايه اليوم حاطنه
جابوه للخيم مجتول خوانه
❥━──➸➽❥💔❥━──➸➽❥💔
رمله تون لبنهه واعجنت حنته
فرحانه وتهلهل للولد زفته
ربته وضخر للضيج رادته
منلعريس ليش الخيمه خلوانه
❥━──➸➽❥💔❥━──➸➽❥💔
رمله اليوم علعريس مابيهه
حزنانه وتون والضيم غاطيهه
شايل يلولد ما ينشد عليهه
نايم علترب ومغيره الوانه
❥━──➸➽❥💔❥━──➸➽❥💔
رمله اليوم صبح حالهه شلونه
من شافت ابنهه امسلهم عيونه
من دم ركبته كامو يحنونه
يلعريس يومك حيل بجانه
❥━──➸➽❥💔❥━──➸➽❥💔
اليوم ام الولد تنعاه وابعبره
علتفكد ولدهه العمر شيصبره
يافركه الولد وسط الكلب جمره
لا شوفه بعد لا يرجع ويانه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*https://www.tg-me.com/Wounds_AshuraOne

لطمية للقاسم ابن الحسن عليه السلام (هاذه اليوم مو يومك)


هاذه اليوم مو يومك يجسام
اشلون اتعوفني وبالمعركه تنام


شلون اتعوفني شحالي وغريبه
تسعر ماطفت نار المصيبه
وجهك راح من ايدي شيجيبه
وگلبي الشوفتك كلساع يعتام
هاذه اليوم مو يومك يجسام


گلبي الشوفتك يعتام كلساع
اشلون تعوفني وتنام بالگاع
وجهك ضاع مني والعگل ضاع
راح ارباي كله وتعب الايام
هاذه اليوم مو يومك يجسام


وين ارباي راح ارباي كله
اگعد للعرس والنوم خله
يومك يالولد مابيه احمله
وفگدك مو سهل للحيل هدام
هاذه اليوم مو يومك يجسام


يهد الحيل فگدك ماريده
عزيز وشوفتك صارت بعيده
ياعريس بالدم حنو ايده
من دم هامتك حنوك ظلام
هاذه اليوم مو يومك يجسام



من دم هامتك چفك تحنه
ياعريس مثلك ماتهنه
محد هلهلت نجهر الونه
صار اصياح عرسك بين الاخيام
هاذه اليوم مو يومك يجسام


صار اصياح مابين الصواوين
للميدان زفاك وبچه حسين
واهلك عالرمل كلهم مطاعين
بعرسك ماحضر عمك الضرغام
هاذه اليوم مو يومك يجسام


بعرسك ماحضر وين الشفيه
وي حسين ودالك وصيه
يگول امگطعات اچفوف اديه
وضل حسين وحده ايريدله احزام
هاذه اليوم مو يومك يجسام



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخرhttps://www.tg-me.com/Wounds_AshuraOne

قـصــيـده لــلامــام الـقـاســم ع

❥❥ـــــــــــــ❁❂❁ـــــــــــــ❥❥

شنهي العطلك جسام بالحومـه
صــارت حنتـه يا ناس بدمومـه

❥❥ـــــــــــــ❁❂❁ـــــــــــــ❥❥

شنهي العطلك يالولد حاجينـي
ضربوك العده يمه وبعد عينـي
اموت وياك يا جسـام خلـيـنـي
امك ناحله واعليك مهـدومـــه

❥❥ـــــــــــــ❁❂❁ـــــــــــــ❥❥

صابو هامه العـــريس ياوسـفه
دمـه حنـتـه وتحنــت ابـجـفـه
احا يا طيحتك هضمتني وكلفـه
مندومه على الشـبان منـدومـه

❥❥ـــــــــــــ❁❂❁ـــــــــــــ❥❥

عـريــس الولد خلهـم يزفـونــه
وطفو شمعته يـامن تواسـونــه
طايح بلحرايب غمضت عـيونـه
وام جسام حكها تون مهضومـه

❥❥ـــــــــــــ❁❂❁ـــــــــــــ❥❥

حرموك الهوه جـسـام يوليـدي
للمحـروم هــا يــاونـتي زيـدي
لـو تنـسام اسومنك انه شبيدي
يـمه وداعتك مانمت مالـومــه

❥❥ـــــــــــــ❁❂❁ـــــــــــــ❥❥

خربت كشختك يلحلوه رسومك
يمــه عذبتني شـوفــه ادمومـك
ما لاكت عليـك وخربك نـومــك
اضل طول العمر يلولد محرومـه

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿https://www.tg-me.com/Wounds_AshuraOne