فزاعيه او مربعه حول القاسم



*والمن هل شموع اليوم طفوهه*

*اذكرو كل شباب الطاح ذكروهه*


لاجل ابن الحسن صدرج تدكينه
والفاكد ولد لازم تذكرينه
يستاهل عليه دمعج تهلينه
*من اجل الشباب دموع هلوهه*


هلي دمعتج رمله تواسيهه
هاي ام الشباب اليوم عازيهه
مفكود الولد رايح امخليهه
*عاف امه ورحل والكوم يسروهه*



اليوم ابن الحسن جنهم يزفونه
للميدان نيتهم يودونه
يا حيف الشباب الغمض اعيونه
*وامه ابطيحته يا حيف خبروهه*



نايم عل تراب ويجذب الونه
محسر بل عمر يامن تذكرنه
طفو شمعته وشيلولنه الحنه
*وكلب الوالده بل ولد فجعوهه*


فجعاهه الولد من غمضت عينه
ظلت بل خيم تتنطر اسكينه
جاسم طاح ابد ما يرجع اعلينه
*مايرجع بعد عل راح عازوهه*


*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه لهhttps://www.tg-me.com/Wounds_AshuraOne

*القصيدة من ديوان📚 عبرات وأنين في رثاء الطاهرين الجزء ٣*
لطمية مربعة للقاسم "اون اعله الولد"
❥━──➸➽❥❂❥━──➸➽❥❂
اون اعله الولد والروح محزونه
من فيض الدمه وسفه يحنونه
❥━──➸➽❥❂❥━──➸➽❥❂
اون اعله الولد والروح خلصانه
رحل بأول شبابه وخالي مچانه
أظل طول العمر عالراح حزنانه 
بالتربان نام وغمضت عيونه
❥━──➸➽❥❂❥━──➸➽❥❂
بالتربان نام وما يرد اردود
حيلي أعله الولد من الحزن مهدود
گلبي اعليك يمه من البچي ممرود
شلون وحيد بالمظلم يخلونه
❥━──➸➽❥❂❥━──➸➽❥❂
شلون وحيد خلوه بگبر مظلم
عله العريس حيلي اليوم متهدم
جرح گلبي كبر هيهيات ما يلتم
خيعونه المشه وياك خيعونه
❥━──➸➽❥❂❥━──➸➽❥❂
رمله تصيح يا جسام آه يبني
مرمرني زماني وبيك دولبني
اصيحن حيل وأبني ما سمع وني
شلون وجوه حدر الگاع مدفونه
❥━──➸➽❥❂❥━──➸➽❥❂
تعبني زماني بفرگة الغالي
اصيحن يالولد ونفطر دلالي
رحت عني ييمه وخابت آمالي
تدرون الولد للعازة يردونه
❥━──➸➽❥❂❥━──➸➽❥❂

*بقلم خادمة اهل البيت*
*الشاعره العلويه مريم النور*
*نسألكم الدعاء الفاتحه الى روح اختي وﻷمواتكم:*🍃
غير مبري الذمه من يحذف الاسم او ينسب الكلمات له...https://www.tg-me.com/Wounds_AshuraOne

فزاعية للقاسم ابن الحسن عليهما السلام (والموت لمك عوفه)


اگعد يجاسم للهوه
والموت لمك عوفه


عوف التراب ونومه
رد لمك المهضومه
من شوفتك محرومه
اتصيح راح ابني وبعد ماشوفه


ماشوف وجهك صاحت
كلما تگوم وطاحت
گوه المچانك راحت
تبچي وبعدهه الجيتك ملهوفه


والجيتك معتامه
امك تدگ عالهامه
يافرگتك هدامه
وجيش اللعين اعليك سل اسيوفه


الجيش كله حاربك
بيمن يجاسم يطلبك
انشلت ايده الصوبك
واصواب البراسك خطر شيروفه


اصواب البراسك خطر
عريس شلك بالگبر
امك صبرهه ياصبر
بالضيم والهم صبحت مكلوفه


بالضيم رمله امكلفه
طولك تبده وانچفه
باچر تروح امچتفه
يامجلس الشمات گوه اتطوفه


تدخل الديوان العده
باچر تشوف الماسده
تعوف الجنازه امدده
عنك تروح ميسره للكوفه



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخرhttp://www.tg-me.com/Wounds_AshuraOne

فزاعية للقاسم ابن الحسن عليهما السلام (مافرحت المهضومه)


وبعرس ابنهه بس تون
مافرحت المهضومه


لافرحت ولاهلهلت
الونه بس الهه حلت
وادموع رمله اتهاملت
والولد يكلف يومه


يومه كلف وافراگه
وامه تضل مشتاگه
لليابسات ارياگه
وعاف العرس واهدومه


عاف العرس وامنصته
وبالكون طفو شمعته
ضمن اهدومه وحنته
واتحنه من ادمومه


بالدم امحني اچفوفه
وشلون رمله اتشوفه
النوم صاحت عوفه
شلك بهاي النومه


بالنوم شلك عالثره
امك عفتهه امساهره
من الفراگ امغيره
وامصوبه ومالومه


من الفراگ اموجعه
وطولك اشلون اتضيعه
عرسك مصيبه وفاجعه
صار العرس بالحومه


صار العرس بين العده
حگهه تون الفاگده
للصبح تلطم گاعده
من شوفتك محرومه



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخرhttp://www.tg-me.com/Wounds_AshuraOne

فزاعـيه للقاسم ع (كالو مات المعرس)
من ديوان سلاطين الحومه الجزء الاول



كالــــو مــات الـــــــــمـعرس
والعـمــات حـــزنـــانـــــــــه

ـــــــــــــ
كالــو بلحـــرب طـايـــــــح
بلخيـــمه نشب صـــايــــح
بس الهضم والنـــايـــــــــح
الدمعـــــات جــريــــــانــــه

ـــــــــــــ
من دم جاريــه الادمــــوع
ورملـــه عليه اتلـــــــــــوع
ويلفكـده حنـه الاضلــــوع
امــــه اعليـــــه ولهــانـــــه

ــــــــــــ
امــــه تصيــح وتنــــــادي
ابني ولبـــة افــــــــــــادي
يمه اعليك وشســــــــادي
رد النـــــه يمفــــانــــــــــه
ـــــــــــ

رد ابســــــاع للخيــمــــــة
وخلي عرسك انجيمـــــــه
افــراكك محمل وضيمـــه
ومــن الـــطف تعبـــــانـــه

ـــــــــــــ

تعبنــي مــرار يـــــــزيـــد
ياخــذني سبيه ايـــريـــد
ونـــار الكلــب متهيـــــــد
ومن الضيــــم خــربـانـــه

ـــــــــــــ


تمت بعون الله
✍بقلم الشاعره زينب المالكي
(ام ادم الزهرائية)


غير مبري الذمه اليمسح الاسم او يتلاعب بلقصيده ❌http://www.tg-me.com/Wounds_AshuraOne

فزاعيه للقاسم عليه السلام( يا زينب تلگيني )


بنص الخيم صاح حسين
يا زينب تلگيني
❥━──➸➽❥💔❥━──➸➽❥💔
صاح أو تهمل أدموعه
ومنه أمهدمه أضلوعه
جاسم طفو أشموعه
وهلي الدمع يا عيني
❥━──➸➽❥💔❥━──➸➽❥💔
لن زينب تلگته
وبيده الولد شافته
منه أنذبحت أرگبته
راح الگلهه حنيني
❥━──➸➽❥💔❥━──➸➽❥💔
طلعت تصرخ أبهليوم
ويلي أعليك يلمظلوم
ما لايگ عليك النوم
يا عمه دحاچيني
❥━──➸➽❥💔❥━──➸➽❥💔
عمه هاي تاليهه
گلي أمك شحاچيهه
فدوه گوم رد ليهه
أتجافيهه وتجافيني
❥━──➸➽❥💔❥━──➸➽❥💔
وأهلك وسفه ما زفوك
ولا بچفوفهم حنوك
عمك شايلك لاگوك
ويگلي دعينيني
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٢٨ من شهر شوال
الموافق / ٢٠٢٤/٥/٧http://www.tg-me.com/Wounds_AshuraOne

لطمية للقاسم ابن الحسن عليهما السلام على طور بالعباس احلفنك يالحسين (جابك للخيم عمك)


جابك للخيم عمك ... يعريس
مطبور ويصب دمك ... يعريس


جابك للخيم مكسور ضهره
عمك يالولد شنهو اليصبره
يصد الهامتك ويشوف طبره
اسمعه ايصيح يازينب بعبره
اجه العريس گوميله ... يعريس
وخل رمله تفييله ... يعريس
من شفتك طحت يمك ... يعريس
مطبور ويصب دمك ... يعريس


اجيتك راكضه والطم عله الراس
روحك گاضيه وماعندك انفاس
عرسك يختلف عن كل الاعراس
الدم حنتك ودموعنه الياس
بدم اصوابك امحنه ... يعريس
يالهلهولتك ونه ... يعريس
اسم الله اعليك واعله اسمك ... يعريس
مطبور ويصب دمك ... يعريس


اسم الله اعليك من يوم المنيه
اصواب البيك كون يدير بيه
الك شم الهوه والگاع اليه
چانت خيمتك حلوه وزهيه
صارت خيمتك ظلمه ... يعريس
طفينه الشمع يمه ... يعريس
چا ليش اللحد سهمك ... يعريس
مطبور ويصب دمك ... يعريس


شو سهمك گبر يالبعدك ازغير
محد گالك بالعرس عالخير
گلبي اليامصيبه ايصير وايصير
وعيني امساهره ولمچانك اتدير
اشوف امچانك الخالي ... يعريس
نايم بالشمس تالي ... يعريس
لو هب الهوه ايلچمك ... يعريس
مطبور ويصب دمك ... يعريس


لو هب الهوه يلچم اصوابك
جاسم ماتهنيت بشبابك
عمك للخيم مچتول جابك
بگلبي اشلون مايحمل غيابك
گلبي ينوح ويريدك ... يعريس
اگعد خل احني ايدك ... يعريس
صوت الوالده ايحشمك ... يعريس
مطبور ويصب دمك ... يعريس


لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخرhttp://www.tg-me.com/Wounds_AshuraOne

ديوان جراحات الطف الرابع
👇👇👇👇
على طور عريس الولد جابوه يتجوله

للعريس

نايم يالولد لا لا تكعدونه
عايف فرحته ومسلهم عيونه
〰️〰️〰️〰️
شدو صواب راسه وحيل الطموله
ويه امه الحنينه اليوم ونوله
يله بلعجل اجفان جيبوله

مصوب يالولد بلهامه تدرونه
〰️〰️〰️〰️
مطول نومته جاسم شمحلاته
يبجن بلخيم امه وعماته
مغمضهن عيونه وتجري دمعاته

للخيمه الهولشم خل يجيونه
〰️〰️〰️〰️
جاسم نام وامه تضل للونه
تكله يالولد شو عايف الحنه
ضحى بيوم عرسه وشترى الجنه
بعد ماكو عرس بي ويهنونه
〰️〰️〰️
اظن روحه هدت وطول النومه
ياجرح النشده تنزف ادمومه
غفه بطيوف عرسه وفرحته ويومه

جروحه اهواي بله لا تجلمونه
〰️〰️〰️〰️
ايده مسبله جا وين حناته
نايم يلحلو وبكلبي وناته
عجنن حنته يله يعماته

ليش الولد نايم ماتحنونه
〰️〰️〰️✍🏻
بقلمي الفقير خادمه اللتول المله ولشاعره ام نادين المحمداويه ملكه الحسجه الجنوبيهhttp://www.tg-me.com/Wounds_AshuraOne

قصيدة للقاسم ( ع) بطور يافطمة يم الحسن




يارملة ياام الوولد

جسام مايرجع بعد

للحومه عريس ويطب

من الله هاذهو الوعد



يارمله صال بكربله وبصولته يشبه علي

وللحره زينب عمته دنك وكلها دللي

يارمله لوطالح الولد تبكين حرمه بلاولي

ولولد عازه عازته لومال يعدل محملي

يارمله نايم بلشمس مكطوع اضن منه النفس

وانه ييمه يلولد انده وابد لامايحس

📚 📚 📚

عريس وطب للحرب ياناس ابد ماصايره

وامه الحزينه تنتحب بلحومه تبجي وحايره

يانار هجرك يلولد ضلت بكلبي موجره

بلحومه صاح ابن الحسن فدوه انه للطاهره

فدوه اروح لعمتي وفديها الها دنيتي

بس كون ترضه ام الخدر خل يصيبو هامتي

📚 📚 📚

ويلابس ثياب العرس وشايل وياه الرمح

وريت بـاجر لايهل ولايطلع علينه الصبح

وخبر منك يلولد اسمع كليبي ينجرح

وشلون التفكد والد مايرهم وياها الفرح

يافرح كلبي يشوفه وابني سهام تطوفه

وشلون لْـۆ جانه السبي امشي وحيد نعوفه

📚 📚 📚


جسام بس انته الي وتدري ماعندي تره

لخاطر امك يلولد وعوف نوم المكبره

ورسوم وجهك بلكبر تخرب والله تغيره

وخلاف عينك يلولد مانام وابكه ساهره

وعيوني ميمرها النوم ونايم حلْـۆ الرسوم

وكون الموت يبيع لشريه وبروح نسوم

📚 📚 📚

عريس طلب للمعركه وشايل بايده سيفه

ويصيح ياارض البله يلي تغدر ضيفه

وعمي وين الحاربه اليوم ابد منعيفه

والكال اسبي عمتي لاوالله ابد موبكيفه

شبل الحسن بلموزمه وسوه بلكوم الحاطمه

والكال واليسئل عليه امه الشريفه فاطمه

📚 📚 📚


♦️تمتتتتتت ✏️ بقلم الشاعره اسيل الزينبيهhttp://www.tg-me.com/Wounds_AshuraOne

هوسات للقاسم بن الحسن عليهما السلام


لبس ثوب الشهاده وشال بيده السيف
ايريد الموت جاسم مايريد الكيف
يطلب ثار بالميدان يطلب حيف
(( جسام ايگول اخذ حيفي ))


اخذ حيفي گال ومااعوف الثار
كلشي ولايضل عمي السبط محتار
اطب للجيش اسوي اصفوفهم طشار
(( ويموت اليوگف گدامي ))


سالم مايرد كلمن يبارزني
ماهمني العدو والجيش ماهزني
بس صوت الغريب حسين فززني
(( من ضل يعاتب بنصاره ))


وگف بيناتهم عمي ويعاتبهم
واهل المرجله اهتزت شواربهم
اجيت اليوم للعدوان احاربهم
(( والعمي حسين افدي عيوني ))


شنهي العين ياهو الگال اهم بيهه
احطهه اعله العمر والعمي انطيهه
صحت حناي يمه لاتعجنيهه
(( خليني اتحنه بدم راسي ))


من دم هامتي خليني اتحنه
تهلهل گامت امه وگطعت الونه
عفيه ابني تصيح الهاي اريدنه
(( ضميته الهاي وجازاني ))



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخرhttp://www.tg-me.com/Wounds_AshuraOne

هوسات لشجاعة القاسم ع

برز شبل الحسن واتوسط الميدان
هذا اربات حيدر داحي البيبان
ماهم بالجيوش وكثرة الجيمان

( طباها بزود ابن الهيبه)
.........
طلبلها وصرخ صرخات بدموعه
شاف حسين وحده واحنه اضلوعه
بالميدان اقسم تنطفي اشموعه

( بايع روحه لعيون العم )
.......

زهك من الحياة بيوم شاف حسين
وحده بالمعاره وبس يدير العين
طلب رخصه وتقدم خلفت الطيبين

( ارخصني وخل اخذ ثاري)

.......

هله بجسام يوم الصول بسيفه
شجاع ابن الحسن بيهم اخذ حيفه
لعب بالسيف بن هاشم عله كيفه

( جسام حيود مربيته)
.........
هذا اربات نيبه ومايطخ الهام
تدرب من مدارس حيدر الضرغام
عياله هله عله العيله عيب اتنام

( عياله اهلك يبن النيبه)

........

...............

✍أم زينب كربلاء غير مبري الذمه من ياخذ الكلام وينسبه له او يحذف الاسمhttp://www.tg-me.com/Wounds_AshuraOne

هوسات للقاسم ابن الحسن عليهما السلام


غير انه الحنينه اشلون تنساني
فحط گلبي عليك ويابس الساني
افراگك ماانام الليل خلاني
(( واتمنه الموت بكل ساعه ))


كون اوياك ميته ولامفارگتك
يمن للضيج والكلفات رايدتك
مريضه ومن گلب وجعان عاتبتك
(( حسبالي اتگوم اتچيلي ))


حسبالي تجيني وترحم بحالي
غميجه وماتطيب اجروح دلالي
ضميتك ضخر وين الضخر تالي
(( ضيعتك ياثمر اسنيني ))


ضيعتك يبعد العين بالهيمه
گلبي اوداعتك كثرن مهاضيمه
ردت افرح بعرسك وافرش الخيمه
(( والبين افرح ماخلاني ))


ليش البين مايرضه افرح بعرسك
خذاك ابساع يالشم الهوه بنفسك
نمت بالمگبره وماينسمع حسك
(( يالحسك چان شمحلاته ))


گبل حسك عليه الدار تارسهه
روحي اخلاف عينك مات واهسهه
سكنه اليوم ثوب اسود نلبسهه
(( بت عمك ضلت مهضومه ))



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخرhttp://www.tg-me.com/Wounds_AshuraOne

راي احد ملايات بجهاز الجديد يفوتكم
جهاز راقي مع لاقط باسمي الذهبي
شاهدو المقطع قبل الحذف

⭕غير مبري الذمه اليعيد النشر⭕

متوفره الان
سارعو بالحجز والشراء

#الطلب_والاستفسار⭕👇👇👇⭕

@ABRAR5325


كروب اجهزة ملايات👇👇

https://www.tg-me.com/+n-BgqsOHygw5OWNh

راي احد ملايات بجهاز الجديد يفوتكم
جهاز راقي مع لاقط زيتوني

شاهدو المقطع قبل الحذف

⭕غير مبري الذمه اليعيد النشر ⭕

متوفره الان
سارعو بالحجز والشراء

#الطلب_والاستفسار⭕👇👇👇⭕

@ABRAR5325


كروب اجهزة ملايات👇👇

https://www.tg-me.com/+n-BgqsOHygw5OWNh

عباس سبع الگنطره
ام البنين تنادي
___
يبني وهيبة حيدره
انهض يسبع الگنطره
راحوا الهيبه والضمد
عباس سبع الگنطره..


ضاعن جفوفه ورايته
وبالعمد طبروا هامته
يانار كلبي المسعره
عباس سبع الگنطره...


عباس گطعوا ميسره
عباس گطعوا ميمنه
عباس نام على الثره
عباس سبع الگنطره...


لارجع تالي ولا سلم
ونداس صدره ونهشم
طاحن الگربه والعلم
عباس سبع الگنطره...


عباس ياذخري وهلي
عباس زينب بالسبي
عباس طاحت رايته
عباس سبع الگنطره...



عگبك يسبع الگنطره
حسين گطعوا منحره
حسين مذبوح الفقه
عباس سبع الگنطره...


وينك يحماي الحمه
عباس رد العايله
حسين ضربوا طفلته
عباس سبع الگنطره...
https://www.tg-me.com/Wounds_AshuraOne

وهذا الوشاح الي تطلبو دائمآ

اذا حابة تلبسين وشاح دزي اسمچ واتواصلي معاهم عالمعرف لباقي التفاصيل

للحجز والاستفسار التواصل من خلال هذه 👇المعرف
@ABRAR5325

متوفره الان
سارعو بالحجز والشراء



قناة مكتبة عاشوراء 👇👇👇
https://www.tg-me.com/AiDoiwwn19878

كروب اجهزة ملايات👇👇

https://www.tg-me.com/+n-BgqsOHygw5OWNh

راي احد ملايات بجهاز الجديد يفوتكم
جهاز راقي مع لاقط زيتوني

شاهدو المقطع قبل الحذف

⭕غير مبري الذمه اليعيد النشر ⭕

متوفره الان
سارعو بالحجز والشراء

#الطلب_والاستفسار⭕👇👇👇⭕

@ABRAR5325


كروب اجهزة ملايات👇👇

https://www.tg-me.com/+n-BgqsOHygw5OWNh

تـابـﻋـوني حبايب فضلاً ولــــيس أمرا🥺
tiktok.com/@ze_hs23