قصيدة: العودة الكم يخدام
بصوت: عمار الكناني
الشاعر: حسين طالب السماوي

.............
خلصت ياحرامات .. راحت احلى ساعات  .. من عمر الخدم

يشبه ساعة الموت .. الشارع بلا صوت ..ولا رفة علم

خلصت احلى الايام
العوده الكم يخدام

خلصت

..
باچر طريق اهل العشك من الصبح وحشه

وما نركض نشيل العمر وللزاير انفرشه


يافشلة الخادم لمن ..يوكف يجي ..ويفتحها ذرعانه
والدرب خالي من البشر ..محد يمر.. الفاجعة اهنانه

چلمة عساك ومـ اتعبت .. باچر تظل .. خجلانه بلسانه


باچر تطلع الروح ..عند الصوته مبحوح ..من كثر الحچي

الهلا بالزاير يصيح ..بعتبة موكبه يطيح ..من كد البچي

للبلخدمه ما نام
العوده الكم يخدام
خلصت
..............

الصبح يخلص بس بعد شيخلص المغرب
تلكاه مثل فاكدله ابن وينوح المعزب

يسأل يظل بصاحبه .. صارت صدك ..لو آنه متوهم
اتلگه زاير بالهلا .. لو خلصت.. هالليله ما نخدم ؟

بحزامي انام من التعب ..وتعودت ..آنه اغفه متحزم

آنه محضر الماي ..شو محد عّلي جاي ..ما واحد يمر

فاكد ذاك التراب ..المن اجدام الاحباب ..الاحلى من العطر

للظل گلبه محتام
العوده الكم يخدام
خلصت
.....

باجر صبح مابي هلا مابي ركض خادم

وچلمة علي وياكم كضت ماتسمع الوادم


آه شكبر كسرة ابو .. الموكب لمن .. مايلگه مشايه

يطلع ويوگف بالدرب .. مايقتنع ..زوار ما جايه

بالله شيصبره الچان امس ..من الفجر ..يشتم هوا الرايه

طريق بلايه زوار.. يشبه طبة النار .. يهدم بالگلب

حلاتك وانته تعبان ..تركض وي الاذان ..توكف بالدرب


يل فاركتو الأعلام
العوده الكم يخدام
خلصت


.....
باجر صدك يبدي التعب وتبين ايامه

كسرة ظهر باچر تجي للينزع احزامه




الخلصهه ركضات وهلا .. باجر يحس..  مابيده كل حيله

اتكتله من تحجي اله ..ماكو مشي .. افراشك بعد شيله

ساعاته تخلص ع الدرب..  بين الدمع ..والصفنه الطِويله

من ما يلگه رايات ..چن واحد اله مات ..لا واكثر بعد

الخادم راحته بهاي .. من يتعب لمشاي .. ويتعب لو كعد


يل شديتو الحزام
العوده الكم يخدام
خلصت
....

لتگله يشرح حيرته المعزب الحاير
شلونه چا هو بعد الفارگ الزاير


ذاك العمود البي فزع ..يسد الدرب .. من توصل اعزازه

من خلصت ايام المشي .. اعليه انتچه .. وانگلب عكازه
طاسه الماي الفارغة .. بيده ارجعت..  چن شايل جنازه

هوسات العشك وين ..فارغ درب الحسين . ياحسرة وقهر
نتنطر اله نعود ..صفر يمته يجي اردود ..نحسب جم شهر


نظل نتنطر العام
العوده الكم يخدام
خلصت
....................
#اللهم_عجل_لوليك_الفرج_والنصر_والعافية
العودة الكم ياخدام مكتوبة
خلصت يا حرامات

للأستماع 👇https://www.tg-me.com/Wounds_AshuraOne

حزن المغربية
كلمات : هادي شبيب الخيگاني
أداء : عباس عجيّد العامري
•
•
ما برد جرحي و احبك و انه واحد ماله تالي
فدوه مد چفك عليه لا تهدني ابهذا حالي
خوفي أذنب لو الچمك انته عندي اهوايه غالي
غربه بعدك عيشتني و احسب اجروح الليالي
يماخذ حيلي ماخليت كل حيل
و اخلصها بواچي اوياك لليل
عالمكسور ضهره وداسته الخيل
ليل الهجر خذاني
كل مغربيه اتاني هلبت تمر
و الينتضر حبيبه
يكثر عليه مشيبه من الهجر
بالباب اخلي عيني
و اتأملت تجيني ضاگ الصدر
انه بس الخدمه دربي وخوفي لا طيح ابمصيبه
هيه دنيه و انه مذنب و بيدك المذنب تجيبه
لاتهد ايدي امن اصيحك أرد احلفك ب الحبيبه
بزينب و ريحة اخوها ب شيلة الماتت غريبه
أنه المكسور گلبه و حيل ما بيه
أنه الرايدله واحد حيل ينطيه
أنه ال بس انته تستاهل بواچيه
ضيم اليمر عليه
ضيم المشت سبيه بين الزلم
حبك رزق لگيته
مو بالذنب جزيته لو افتهم
ضاع العمر خساره
الماعشته بإنتضاره امضيع حلم
أنكسر و احچي ويروحي هيه غربه وتحدي بيه
هوه ليحب تدري گلبه حزنه يبدي المغربيه
اعتذرلك غلطه مني زادن اذنوب ال عليه
و برحمتك لا تهدني لو تجي ساعه المنيه
اخافن لا يجيني الموت ع الباب
و ادخل للگبر و يطمني لتراب
لا يمي الأهل لا يمي الاحباب
صار الدمع سلوتي
خايف يجيني موتي يگضي العمر
و بوحشة انكساري
اظلم علي نهاري وحشه الگبر
انه و غربتي باچر
ماحب حچي المگابر ما بي ستر
هيه غربه وعمري ضلمه و انته عن عيوني غايب
يگضي عمري ويبقى ضيمك بلا شيگضي المصايب
لايح الشيب اب لحيتك من شفتهن ع الترايب
ويلي عماتك سبوهن گعدوهن ب الخرايب
ضيم البيك من حرگوها لخيام
خدر الله عزيز و طاب الشام
تفرش ع الترابه ام عون و تنام
ي ابن الحسن مصيبه
زينب مشت غريبه ب الچف حبل
شام و بچي و خرابه
فرشن عبي ابترابه سد الهزل
تعبهه ممشه الهيمه
لا ضل اخو لا خيمه لا ضل طفل
ياهو يستاهل غربتك و بغربتك چم مصيبه
اعيونك اشما غمضتهن تلكه ب اخيمكم نهيبه
و العطش يندل مچانه تعب ام عون الحبيبه
تبچي عالچف والحوافر تبچي عالراحت غريبه
ما تندل دربها و راچبه النوك
تطلع هيمه تلگه الضعن بالسوك
أتدنگ عينهه و شيسد الاحلوك
يكتل حچي الشماته
ابعين اليحب خواته نام السهم
و التحترك خيمهن
رادن زلمهن يمهن تطفي الخيم
ي المهدي عاشن حيره
كلساعه يمشن ديره و ابلا علم .
~~~
صلوا على محمد وآل محمد
https://www.tg-me.com/Wounds_AshuraOne

#الأنصار
▪️يبو اسكينه


يبواسكينه يبو اسكينه

الك كل العمر منذور يالغالي
معاك الموت والله الموت يحلالي
ولا نرضى سواك وغيرك الوالي
الف مره نموت وضعنك العالي

ولا انعوفك ولا انعوفه
بشر غيرك ولا انشوفه
الك هالروحِ موقوفه
الخدمتك كلها ملهوفه
يبو اسكينه يبو اسكينه
———-

الك ارواحنه يحسين منذوره
تحت راية هواك ادمانه منثوره
ضوا هالدنيا انت يالولي ونوره
معاك الموت يحلى وتحلى المروره
الك بعناها هالارواح
بقلم مكتوبه والالواح
قبل موتك نذوق الموت
الك علّينه هذا الصوت
يبو سكينه يبو سكينه
———
رفع سيفه حبيب وعدل احزامه
يهوّس والزلم اتصيح جدامه
لاگر عينج يبنت اللي انطبر هامه
ونروّيها السيوف وحك العمامه

وحگ شيباتي وأيامي
يبنت الراضيه نامي
لدماكم افتدي دمي
ونحري المنحره الدامي
يبو سكينه يبو اسكينه
——-
الف عابس معاك وحملك انشيله
والف موته نموت ودمنه انسيله
تجننه بهواك ومالنا حيله
نحب الموت لاجله ابكل تفاصيله

تحت امرك علي كيفك
تمشينه على كيفك
تأشر يالولي اجفوفك
رمح بيدك والك سيفك
يبو اسكينه يبو اسكينه
——-
تخيّرنه ولا نقبل ابد خيره
نعوفك لاتظن يبن الوصي ابحيره
امرنه اصبع من اجفوفك ترى ايديره
والك انصار ما نرضى بعد غيره

معاك بآخره ودنيه
والك نرميها كل رميه
عيون الما تحب عميه
ومعاك الموت لِنا منيه
يبو اسكينه يبو اسكينه
———
#بنت_الشمري
٢٠٢٤


https://www.tg-me.com/Wounds_AshuraOne

لطميه مربعة لسيدة زينب عليها السلام عند رجوعها الى دار الامامه
==================
اشلون الدار يازينب لكيتيها
تراب الحزن على الخوان غاطيهه
===
دخلتي ديارهم والعين هماله
احا يافركه الوليان جتاله
خذت مني الحيود الدنيا مياله
وروحج على المشو بلهم كضيتيهه
اشلون الدار يازينب لكيتيها
===
يادار الحبايب صعب ملكاهه
وحنينه ارواحنه والعشره ردناهه
ضيعنه الحنان وفاركيناهه
وذيج وجوههم خربت معانيهه
اشلون الدار يازينب لكيتيها
===
مشو وطشرت كعداتنه الزينه
وبس هم وحزن بدار لاكينه
حنينه وعليهم حيل ونينه
بعد وصلت احبابج ضيعيتهه
اشلون الدار يازينب لكيتيها
===
مشو وطشرينه وفلت الخوه
وبيت بلايه هيبه اخو مايسوه
فاركنه الحياده وكلهم مروة
ومست دارهم ضلمه محاريهه
اشلون الدار يازينب لكيتيها
===
ونين ونوح من شالو وخلونه
كانو هيبه النه وليش عافونه
نمر بديارهم والروح محزونة
حسرتنه بهضم يمهم نبديهه
اشلون الدار يازينب لكيتيها
===
جزينه والجدم كوه يرد بينه
محتامين يم الباب وجينه
بعد ماضل صبر والهم اشتاكينه
وياكعدت اهلنه وين الاكيهه
اشلون الدار يازينب لكيتيها
===
امر من بابهم حزني يتراولي
صدك هيبه الاخو والراس بي عالي
عني من مشه كل هم تراوالي
واختك من رحت محد يمر بيها
اشلون الدار يازينب لكيتيها
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي ٢٧ ٦ ٢٤ ٠ ٢


https://www.tg-me.com/Wounds_AshuraOne

*﷽*.

اللهم صل على محمد وال بيت محمد وعجل فرجهم الشريف ياالله 🤲
🌺قصيدة لوداع ام البنين والعليلة ع🌺
——————————————-———

ودعــنـه الــعـلــيـله و ام الابــنـين
و مشينه ابهالسفر والدمعه بالعين
يـزيـنب ودعيهن
الفرگه مو بديهن
و مشينه ابهالسفر و الدمعه بالعين
•••••

صاح حسين خويه اگعد يعباس
شد اضعونه لا تطلع الناس
و صعدهن خواتك يبو النوماس
انت اللي اكفلتهن
و بيدك طلعتهن
طلعهن خواتك خويه هالحين
.....
شبگها حسين ون يمها ويگلها
مو هين الحنينة انروح عنها
و الكبرى عفت يمج حملها
بيها ريحه مني
و لزعلين عني
صحت يمنه الحنينه لا تعتبين
.....
دارت عينها زينب على الدار
يويلي والعقل من عدها محتار
ضلت بس عليله و الگلب نار
يعمة وداعة الله
بروحج هلله هلله
يبويه وداعة الله صاح الحسين
.....
يكتل حيل يفراك الغوالي
ييمه افراگهم ماهو اعله بالي
اضل انحب عليهم دمعي هالي
اعزاز وفاركونه
راحو ما اجونه
عنـي سافرو كل اهلي غــالــين
.....
صاح حسين و ادموعه جريه
لمه ام الكمر وَيَا الابنيه
رايح خاف ماضن الي جيه
مو بيدي عفتكم
و ياذيني بعدكم
ادعولي ابخير ارجع وَيَا الابنين
.....
كـل حـرمـه تضـل ابعوز والـي
وام عباس تبجي ابدمع هالـي
تون الكبرى كالت شوف حالي
ذليله الراح ابوها
و بعده يهضموها
اضل ارجة واون يهلي المرحلين
.....
سرى ضعن الاهل حانت وفاتي
اتگول الطفله اريد اويا عماتي
عسى لا شوفهن يمشن خواني
راحن واني ضليت
افتر وحدي بالبيت
عميت من البجي و الوعد جا وين

—————————————————
*تمت باقلام خادمات اهل البيت ع*
*✍️الشاعره و الملا رغـد الـبـهـادلـي*
*✍️الشاعره والملا ام حسام الغرابيه*
ذمة عدم حذف الاسم وغير مبرئ الذمة كل من ياخذ من الكلام وينسبه له
رحم الله من قرأ سورة الفاتحة على روح والداي
والى روح العلويه الشاعره ام حسام الغرابيه


https://www.tg-me.com/Wounds_AshuraOne

للخدمه


يالمنتقيني من العــــــدم
يمسجل اسمي وي الخدم
كلما يهل شهر الدمــــــــــع
ترزقني جمره من الخيـــم
،،،،،،،
مِن قَبل عالم نشئتي ومن قبل عالم وجودي بيّه ضل يمشي العشــــــــگ

من شفت خيمة عفافك وقعت صفحة هيامي وگلبي ضل بسمك يـــــــــدگ

حبي ابيض چنه شيبه
حب يقين بلايه ريبـــه
ياملاك وكله طيبـــــــــه
مايخون انسان اذا حب من صــــــــــدگ

انه كل عاشر محرم ابچي لمصيبة بناتك وي رقيّه انه احترك

ما ادور وياك الأجـــــــــــر
يالتستحق لطم الصــــــدر
عليك احترك مثل الشمـــع
كلما يهل شهر الدمــــــــــع
،،،،،،،
منّ احط اسمك ابگفه وكلشي احطه بكفه اُخره يرجح اسمك سيدي
امي جابتني ونعتلك وانه ابچيلك وصيحاً ياحسين بمولدي

مگمط وما ارضه اقنـــــــع
ايصبّروني وعيني تدمـــع
عمري يوم ومجلس اسمع
اسكت وارجع انوحاً مجلس اقره الوحدي

لابد الكلشي نهايه وانته تفرق بس بدايه
كل محرم تبتدي

يمسجل اسمي بدفتـــرك
يابو العشگ حيل اشكرك
بچفوفي الطم عالضلــــع
كلما يهل شهر الدمـــــــــع
،،،،،،،
خنگه هاي الدنيه خنگه والنفس بس انت بيها ياهوه وبعد الهوه
كل فجر شمس الله تطلع نور تاخذ من جبينك انت مصدر للضوه

سيدي شمحله الخدامه
ترفع ابنادم مقامــــــــــه
بين خوّانه وعماعــــــــه
يشعر بجالك تقــــدر يوصل اعله المستوه
عابس ايسجله ويقبله وينطي للخادم هويه ويكتب عليها نچوه

اول محطات العشــــــگ
فطرت ضميرك والصدگ
الحمزه الزغير استمـــــع
كلما يهل شهر الدمـــــــع
،،،،،،،
شفتك امنول دمعتي بلايه راس وياي تبچي لونعينه اعله الخدر

انه الطم ونته تلطم والفرق يابو رقيه ضلوعي كلهن بالصدر

اثر حافر باقي بيــــــك
حسين كلما اصد عليك
تسع اصابع بس بديــك

لااثر سيف اعله نحري لا اثر رفسة شـمر
جرّبت كلشي وشفتها مضيعه العمري اعرفتها مجلسك هوّه العمر

شفت الخلود بمجلسك
يحسين الله القدســــك
الگه السواد بكل فـــــرع
كلما يهل شهر الدمـــــــع
،،،،،،،،
بعد قربني الخيامك خل اشم دخان منهن
ودري بيهن مبخره
ياربح مابيه خساره حسين راس المال انته وفوز دنيه واخره

منهن اردشتم عقيــــده
واحترگ وكتب قصيده
المدلك ايده الزمله ايده
اخذه وياك بحنانك للبدور الطاهــــــره

والله من تلزمني اقبّل چفك الطاهر حبيبي ورد اشوفن خنصره

ابچي اعله خنصر يمنتك
الچانت تلزمه ارقيتــــــك
انحب اضل عالمنگطــــــع
كلما يهل شهر الدمـــــــــع

لخادم الحسين ع
محمد الفهداويhttps://www.tg-me.com/Wounds_AshuraOne

القصيدة من ديوان 📚قربان الطف الجزء الاول
قصيدة لسان حال ام البنين بعد سفر أولادها إلى كربلاء(والله مره)
❥━──➸➽❥❂❥━──➸➽❥❂
والله مره ... فركة احباب النودهم
والله مره ...  راحو ولينه شيردهم
      والله مره     والله مره
❥━──➸➽❥❂❥━──➸➽❥❂
سافروا لأرض المنيه وكلبي مهموم
نحل جسمي وعيني تبجي محاربه النوم
عالضعون التمشي ظلت روحي تحوم
وين يكضي الليل كلمن حيله مهدوم
البيت ظل وحشه علي ... من بعدهم منهو الي
      والله مره     والله مره
❥━──➸➽❥❂❥━──➸➽❥❂
ظلمه صارت دنيتي وبيتي عليه
ودعيت اولادي اوداع المنيه
ما اظن يردون اليه وهاي هيه
من سره بيهم الحادي ماله جيه
آ ييمه شيبت ... من الفراك تعذبت
      والله مره     والله مره
❥━──➸➽❥❂❥━──➸➽❥❂
عيوني تهمل من اصدن وانظر الباب
بصوت اصيحن ما ترجعولي يالاحباب
آه يا حسكم ييمه امن النزل غاب
عالدرب اكعد واناطر ماكو اجواب
وياي بتكم هل تون ... واذبلت من الحزن
      والله مره     والله مره
❥━──➸➽❥❂❥━──➸➽❥❂
ينهظم كلبي من اباوع للعليله
حنت لعبد الله واشتاكت تشيله
تنادي يالوالي اونتها ثكيله
تنحب بآهات والمدمع تسيله
طول عليها البعد ... زغيره ما تحمل فكد
      والله مره     والله مره
❥━──➸➽❥❂❥━──➸➽❥❂
آه منك يا زماني شكثر ناديت
واحرمت طفله من أهلها وشمعة طفيت
جروح خمسة من فكدهم بيه خليت
رجع اولادي يدهري ثكله ظليت
بحسره والهم والألم ... حزني واصل للعظم
      والله مره     والله مره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
https://www.tg-me.com/Wounds_AshuraOne