📜قصيدة: ندمان وراجعلك
🎤بصوو: عباس عجيد العامري
🎤الذاكر: حسن الشامي
🖋️الشاعر:حسين حمدان الدلفي ومصطفى المرشدي

🔷🔷🔷🔷🔷🔷🔷🔷

ندمان ونخيتك ... توبت حر اجيتك
مااريد ابتعد عن خيمة اعيونك
الهج بعتذاري.    راجع بنكساري
وقبلني عبد اخدم عبد جونك

راجعلك .. مو مثل ذيج الجروح البيه
اقبلني .. ابداعت الصاحت يفضه اعليه
من دونك .. روحي كل لحظه بذنب مسبيه

رايد تربيلي گلب نبضاته كربله
وجرحني مولاي بجرح ماكو دوه اله
بمصيبت العاشر تضل دمعاتي هامله

🔷🔷🔷🔷🔷🔷🔷🔷

اقبلني اجيلك.   اريد اصبح ذليلك
وريد ابچي لحد ماتنطفي عيوني
عيشني بهيامك.  وحرگني بخيامك
مثل حرگ المخيم يحترگ يوني

يحسيني.  منذور الك دمعي ولطمتي وعمري
كون إني   بالحوافر انسحگ ياذخري
ياغالي مثل صدرك كون يصبح صدري

وي روحي بس لمصيبتك يتوالم الحزن
وضلوعي كون بمجلسك من لطمي تنسحن
ومرادف. ادموعي التصب وتجرح الجفن_

🔷🔷🔷🔷🔷🔷🔷🔷🔷

تلزمني امن اديه ..  وتحافظ عليه
اخاف بسرعة اضيعن لو عفتني
بعطفك وبرحمتك. تشمل گلبي رتك
عن دربك رحت ياما وصحتلي

غطيني.. بجفك المتروس رحمة وغيرة
واسترني .. ابداعت الضلت وحدها بحيرة
وخليني ..  گبال عينك يا جبيــر الـديـرة

ياوطن للماله وطن ياسيد العشگ
واليسهر الغيرك ذنب يامرجع الصدگ
المايحترگلك بالحزن لا يحچي بالحرگ

🔷🔷🔷🔷🔷🔷🔷🔷🔷

ربيني اعل كيفك ...  وخليني بمضيفك
اصيرلك عبد والحد نزع روحي
موتني بعتابك ... واجرحني بمصابك
على ضعنك اريداً.  ابقى بجروحي

اذبحني .. بالسهام النامت بنص گلبك
والزمني .. لا تخلينـي ابـارح  دربـك
واجرحني .. رايد بروحي يضل بس حبك

ماريد عنك انشغل وتغرني دنيتي
مولاي خايف تنسلب من عيني دمعتي
ميهمني كلشي سيدي بس همي خدمتي

🔷🔷🔷🔷🔷🔷🔷🔷🔷🔷
الكاتب عادل الوائلي https://www.tg-me.com/Wounds_AshuraOne

جهاز برين مع لاقط الاستيل
#الطلب_والاستفسار⭕👇👇👇⭕

@ABRAR5325


قناة مكتبة عاشوراء 👇👇👇
https://www.tg-me.com/AiDoiwwn19878

كروب اجهزة ملايات👇👇

https://www.tg-me.com/+n-BgqsOHygw5OWNh