#WolaitaSodoUniversity

ወላይታ ሶዶ ዩኒቨርሲቲ በ2017 ዓ.ም ሀገር አቀፍ የድኅረ ምረቃ መርሐግብር መግቢያ ፈተና (NGAT) ያለፉ አመልካቾችን ተቀብሎ ለማስተማር የአመልካቾች የምዝገባ ጊዜን እስከ ጥቅምት 16/2017 ዓ.ም አራዝሟል፡፡

ዩኒቨርሲቲው የዶርም አገልግሎት ለሚፈልጉ መደበኛ የሁለተኛ እና የሦስተኛ ዲግሪ ተማሪዎች በዩኒቨርሲቲው በተመጣጣኝ ክፍያ አገልግሎቱ እንደሚሰጥ ገልጿል።

@tikvahuniversity

#AAU

ለ2017 ዓ.ም በአዲስ አበባ ዩኒቨርሲቲ በመንግስት ስኮላርሺፕ እንዲሁም በግል ከፍላችሁ ለመማር ቅበላ ያገኛችሁ #በአዲስ_አበባ_የምትኖሩ የአንደኛ ዓመት የቅድመ ምረቃ ተማሪዎች ሪፖርት ማድረጊያ ቀን ሰኞ ጥቅምት 11/2017 ዓ.ም መሆኑን ዩኒቨርሲቲው አሳውቋል፡፡

ለምዝገባ ስትሔዱ የ12ኛ ክፍል ማጠቃለያ ፈተና ውጤት ዋናውና ኮፒው እንዲሁም አራት ጉርድ ፎቶግራፎች መያዝ ይኖርባችኋል፡፡

የ2017 ዓ.ም የመጀመሪያ ሴሚስተር ትምህርት ማክሰኞ ጥቅምት 12/2017 ዓ.ም እንደሚጀምር ተገልጿል፡፡

ስለምዝገባ ሒደቶች በተመለከተና ተጨማሪ መረጃ ለማግኘት 👇
https://portal.aau.edu.et/NewStudents/Welcome

@tikvahuniversity

በአማራ ክልል ለ2017 ትምህርት ዘመን እስካሁን ምዝገባ ያደረጉ ተማሪዎች 31 በመቶ መሆናቸው ተገለፀ።

የክልሉ ትምህርት ቢሮ የ2017 መጀመሪያ ሩብ ዓመት ዕቅድ አፈጻጸም እና ቀጣይ አቅጣጫዎች ላይ ከዞን የትምህርት መምሪያ ኃላፊዎች ጋር ውይይት አካሒዷል።

በክልሉ በ2017 ዓ.ም ምዝገባ የሚያደርጉ ተማሪዎች ቁጥርን ለማሳደግ ከማኅበረሰቡ እና ከባለድርሻ አካላት ጋር ውይይቶች ቢደረጉም የሚጠበቀውን ያህል ተማሪዎች አለመመዝገባቸው ተገልጿል።

ከ 7.1 ሚሊዮን በላይ ተማሪዎችን ለመመዝገብ ታቅዶ እስካሁን ከቅድመ አንደኛ እስከ 12ኛ ክፍል የተመዘገቡት 2.2 ሚሊዮን ተማሪዎች ብቻ መሆናቸውን የቢሮው ምክትል ኃላፊ መኳንንት አደመ ተናግረዋል።

አሁን ላይ የተመዘገቡ ተማሪዎች ቁጥር ባለፈው ዓመት ከተመዘገቡት ያነሰ መሆኑንም ኃላፊው አብራርተዋል።

ማንኛውም ለክልሉ እድገት የሚያስብ አካል ለትምህርት ቅድሚያ እንዲሰጥ ኃላፊው ጥሪ አቅርበዋል። #አሚኮ

@tikvahuniversity

የባህር ዳር ሕግ ትምህርት ቤት ተማሪዎች የ7ኛው ሀገር አቀፍ ምስለ ችሎት ዓለም አቀፍ የሰብአዊነት ሕግ ውድድር አሸናፊ ሆነዋል።

ውድድሩ በዓለም አቀፉ የቀይ መስቀል ኮሚቴ በኢትዮጵያ የተዘጋጀ ሲሆን፤ የባህር ዳር ዩኒቨርሲቲ ቡድን በፅሁፍ እና በቃል የውድድሩ ክፍሎች የላቀ አፈፃፀም በማሳየት አሸናፊ ሆኗል።

የቡድኑ አባላት ተማሪ ዮናስ መጬ፣ ተማሪ ሮዛ ይመር እና ተማሪ የአብስራ በለጠ በውድድሩ ፍፃሜ ከአዲስ አበባ ዩኒቨርሲቲ እና ከሀዋሳ ዩኒቨርሲቲ ብርቱ ፉክክር ቢገጥማቸውም በአሸናፊነት አጠናቀዋል።

በመምህር መካሻው ጫኔ የሚመሩት የባህር ዳር ዩኒቨርሲቲ ቡድን አባላት፥ በቀጣይ በናይሮቢ ኬንያ በሚካሔደው የመላው አፍሪካ "ዓለም አቀፍ የሰብዓዊነት ሕግ" የምስለ ችሎት ውድድር ኢትዮጵያን በመወከል የሚሳተፉ ይሆናል።

@tikvahuniversity

#Update

በአዲስ አበባ ዩኒቨርሲቲ ለ2017 ዓ.ም በመንግስት ስኮላርሺፕ እንዲሁም በግል ከፍላችሁ ለመማር ቅበላ ያገኛችሁ #በአዲስ_አበባና_አካባቢዋ የምትኖሩ የአንደኛ ዓመት የቅድመ ምረቃ ተማሪዎች የዶርም አገልግሎት ልታገኙ የምትችሉበት ዕድል ሊኖር እንደሚችል ዩኒቨርሲቲው ገልጿል።

"በሚተርፉን ውስን የመኝታ ቦታዎች ላይ እንደየርቀታቸሁ ሁኔታ አይተን የመኝታ አገልግሎት ለመስጠት እንዲቻል" ለትምህርት በየተመደባችሁበት ግቢ ትራንስክሪፕታችሁንና ሌሎች ደጋፊ ሰነዶችን በመያዝ ከጥቅምት 12 እስከ 15/2017 ዓ.ም ድረስ በየኮሌጃችሁ በግንባር በመቅረብ እንድትመዘገቡ ዩኒቨርስቲው አሳስቧል።

የመኝታ አገልግሎት ለማግኘት ምዝገባው #የግል አመልካቾችንም (Self-sponsored) እንደሚመለከት ተገልጿል፡፡

@tikvahuniversity

#Update

ደብረ ማርቆስ ዩኒቨርሲቲ ለነባር አንደኛ ዓመትና ከዚያ በላይ መደበኛ የቅድመ-ምረቃ ተማሪዎቹ ጥሪ ማድረጉ ይታወቃል፡፡

በተመሳሳይ በ2017 ዓ.ም የድኅረ-ምረቃ የመግቢያ ፈተና (NGAT) ተፈትናችሁ የማለፊያ ውጤት ያገኛችሁና በደብረ ማርቆስ ዩኒቨርሲቲ ለመማር ፍላጎት ያላችሁ የምዝገባ ጊዜ ጥቅምት 14 እና 15/2017 ዓ.ም መሆኑ ተገልጿል፡፡

@tikvahuniversity

ከ31 ሺህ በላይ ዜጎች የኮደርስ ስልጠና ወስደው ብቃታቸው ተረጋግጦ ሰርተፍኬት አጊኝተዋል።

ከ246 ሺህ በላይ ዜጎች ተመዝግበው የኮደርስ ስልጠና እየወሰዱ እንደሚገኙ የኢኖቬሽንና ቴክኖሎጂ ሚኒስቴር ገልጿል።

ከእነዚህ ውስጥ ከ31 ሺህ በላይ የሚሆኑት ብቃታቸው ተረጋግጦ ሰርተፍኬት መውሰዳቸውን ሚኒስትሩ በለጠ ሞላ (ዶ/ር) ገልፀዋል።

የስልጠና ዘርፎች፦

► ዌብ ፕሮግራሚንግ
► አንድሮይድ ማበልፀግ
► ዳታ ሳይንስ

ስልጠናውን በስምንት ሳምንት ያጠናቀቁ ሰልጣኞች ዓለም አቀፍ ተቀባይነት ያለው ሰርተፊኬት ይሰጣቸዋል።

ለመመዝገብ 👇
https://www.ethiocoders.et/

@tikvahuniversity

#MoE

የሁለተኛ ደረጃ መምህራን እና የትምህርት ቤት አመራሮች የክረምት የአቅም ግንባታ ስልጠና ውጤት ይፋ ሆኗል።

ተከታዩን ሊንክ ተጠቅማችሁ የምዝገባ ቁጥር ወይም Username በማስገባት ውጤቶቻችሁን ማየት ትችላላችሁ 👇
https://result.ethernet.edu.et

ከሐምሌ 22 እስከ ነሐሴ 16/2016 ዓ.ም የተሰጠውን ስልጠና፣ ከ49 ሺህ በላይ የሁለተኛ ደረጃ መምህራን እና የትምህርት ቤት አመራሮች መውሰዳቸው ይታወሳል፡፡

@tikvahuniversity

#Update

ደብረ ማርቆስ ዩኒቨርሲቲ ነባር መደበኛ ተማሪዎቹን ለመቀበል ለጥቅምት 14 እና 15/2017 ዓ.ም ጥሪ ማድረጉ ይታወቃል።

ይህ ጥሪ በ2016 ዓ.ም የሪሚዲያል ትምህርታችሁን ስትከታተሉ የነበራችሁ ተማሪዎችን የማይጨምር መሆኑን ዩኒቨርሲቲው አሳውቋል።

@tikvahuniversity

ኮተቤ የትምህርት ዩኒቨርሲቲ በ2016 ዓ.ም የ12ኛ ክፍል ሀገር አቀፍ ፈተና ወስደው ከፍተኛ ውጤት ላስመዘገቡ ተማሪዎቹ ዕውቅናና ሽልማት ሰጥቷል፡፡

የዩኒቨርሲቲው ሼርድ ካምፓስ በ2016 ዓ.ም ያስፈተናቸውን ተማሪዎች በሙሉ ማሳለፍ መቻሉ ይታወቃል፡፡ 62.4 በመቶ ተማሪዎች ደግሞ ከ600 ከታረመው ከ500 በላይ ውጤት አስመዝግበዋል፡፡

በሽልማት መርሐግብሩ ለሁሉም ተማሪዎች ሽልማትና ዕውቅና የተሰጠ ሲሆን፤ እጅግ ከፍተኛ ውጤት ላስመዘገቡት ተማሪዎች የታብሌት ሽልማት ተበርክቶላቸዋል፡፡

@tikvahuniversity

#Update

የሁለተኛ ደረጃ መምህራን እና የትምህርት ቤት አመራሮች የክረምት የአቅም ግንባታ ስልጠና ውጤትዎን ይመልከቱ!

ውጤት ለመመልከት 👇
https://result.ethernet.edu.et

ሊንኩን በመጫን ከሚመጡት አማራጮች 'TDP' የሚለውን ይምረጡና የምዝገባ ቁጥር ወይም Username በማስገባት ውጤትዎን ማየት ይችላሉ፡፡

70 እና ከዚያ በላይ ውጤት ያመጡ ሰልጣኞች ብቻ የተረጋገጠ ሰርተፊኬት እንደሚሰጣቸው ያገኘነው መረጃ ያሳያል፡፡

@tikvahuniversity