የኦሮሚያ ክልል በ2016 ዓ.ም የ12ኛ ክፍል መልቀቂያ ፈተና ወስደው ከፍተኛ ውጤት ላስመዘገቡ የክልሉ ተማሪዎች ዕውቅና ሰጥቷል።

በክልሉ የ12ኛ ክፍል ፈተና ከወሰዱ ከ241,000 በላይ ተማሪዎች መካከል 8,520 ተማሪዎች የዩኒቨርሲቲ መግቢያ ውጤት ማምጣታቸውን የክልሉ ትምህርት ቢሮ ኃላፊ ቶላ በሪሶ (ዶ/ር) ገልፀዋል።

ከእነዚህ ተማሪዎች ውስጥ 305 የሚሆኑ ተማሪዎች ከፍተኛ ነጥብ ማምጣታቸውን ተናግረዋል።

ከፍተኛ ውጤት ካመጡ ተማሪዎች ውስጥ ለ77 ተማሪዎች የላፕቶፕ፣ የገንዘብ እና የሜዳልያ ሽልማት ተበርክቷል።

በክልሉ የሚገኙ ሞዴል እና ልዩ አዳሪ ትምህርት ቤቶች እንዲሁም የዩኒቨርሲቲ የማህበረሰብ ትምህርት ቤቶች ተማሪዎቻቸውን ሙሉ በሙሉ ማሳለፋቸውን ጠቅሰዋል።

@tikvahuniversity

የድኅረ ምረቃ ፕሮግራሞች የመግቢያ ፈተና (NGAT) ውጤት መለቀቅን ተከትሎ በርካታ ዩኒቨርሲቲዎች አዲስ የድኅረ ምረቃ አመልካቾችን ለመቀበል ማስታወቂያ እያወጡ ይገኛሉ።

አመልካቾች በትምህርት ሚኒስቴር የተሰጠውን የመግቢያ ፈተና (NGAT) ማለፍ ይጠበቅባቸዋል፡፡

(የተወሰኑ ዩኒቨርሲቲዎች ያወጧቸው የጥሪ ማስታወቂያዎች ከላይ ተያይዘዋል፡፡)

@tikvahuniversity

በ2016 ዓ.ም የ12ኛ ክፍል ሀገር አቀፍ መልቀቂያ ፈተና ያስፈተኗቸውን ተማሪዎች ሙሉ በሙሉ ማሳለፍ የቻሉ ትምህርት ቤቶች ሰባት ብቻ ናቸው።

ከነዚህ ጥቂት ስኬታማ ትምህርት ቤቶች መካከል በጅግጅጋ ከተማ የሚገኘው The Spark Academy አንዱ ነው።

ትምህርት ቤቱ ለ12ኛ ክፍል ሀገር አቀፍ መልቀቂያ ፈተና ያስፈተናቸውን 35 ተማሪዎች ሙሉ በሙሉ ማሳለፍ ችሏል። ሁለት ተማሪዎች ደግሞ ከ500 በላይ ውጤት አስመዝግበዋል።

የተገኘው ውጤት የት/ቤቱ ማኅበረሰብ የተቀናጀ ጥረት ፍሬ መሆኑን የአካዳሚው ባለቤት ክፍለገብርኤል ወ/ተንሳይ ለ SRTV አማርኛ ተናግረዋል።

አካዳሚው በ2017 ዓ.ም 25 የ12ኛ ክፍል ተማሪዎች እንደሚያስፈትን የገለፁት ባለቤቱ፤ ሁሉንም ተማሪዎች ለማሳለፍና የሀገሪቱ ከፍተኛ ውጤት በትምህርት ቤቱ እንዲመዘገበ እየተሠራ መሆኑን ገልፀዋል።

@tikvahuniversity