ችሮታው አየለ (ዶ/ር) የሀዋሳ ዩኒቨርሲቲ ተጠባባቂ ፕሬዝዳንት ሆነው በትምህርት ሚኒስቴር መመደባቸው ይታወቃል፡፡

በትምህርት ሚኒስትሩ ብርሃኑ ነጋ (ፕ/ር) በቀን ነሐሴ 21/2016 ዓ.ም ተፈርሞ የወጣ ደብዳቤ፥ ችሮታው አየለ (ዶ/ር) ከነሐሴ 22/2026 ዓ.ም ጀምሮ የሀዋሳ ዩኒቨርሲቲ ተጠባባቂ ፕሬዝዳንት ሆነው እንዲሠሩ መመደባቸውን ያሳያል።

የሀዋሳ ዩኒቨርሲቲ ፕሬዝዳንት በመሆን ሲያገለግሉ የነበሩት አያኖ በራሶ (ዶ/ር) የኃላፊነት ጊዚያቸው አብቅቶ ነው? ከኃላፊነት ተነስተው ወይስ ለሌላ ኃላፊነት ተፈልገው? የሚለውን ቲክቫህ ዩኒቨርሲቲ ጠይቋል።

በዚህም የአያኖ በራሶ (ዶ/ር) የኃላፊነት ጊዜ ከሁለት ዓመት በፊት እንዳበቃ ለማወቅ ችለናል። ይሁን እንጂ ትምህርት ሚኒስቴር በምትካቸው ምደባ ባለማድረጉ ምክንያት እስካሁን በስራቸው ላይ የቆዩ ሲሆን፤ ዩኒቨርሲቲው ራስ ገዝ ለመሆን የጀመረውን ጉዞ ሲመሩ እንደነበርም ሰምተናል።

በሌላ በኩል ባደረግነው ማጣራት ፕሬዝዳንቱ ከስልጣን ተነስተዋል ለማለት አስቸጋሪ እንደሆነም ተገንዝበናል፡፡ ምክንያቱም የሥራ ዘመናቸውን ከጨረሱ የቆየ በመሆኑ።

አያኖ በራሶ (ዶ/ር)ን በመተካት የሀዋሳ ዩኒቨርሲቲ ተጠባባቂ ፕሬዝዳንት ሆነው የተመደቡት ችሮታው አየለ (ዶ/ር)፣ ላለፉት ስድስት ዓመታት የዲላ ዩኒቨርሲቲ ፕሬዝዳንት በመሆን ሲያገለግሉ ቆይተዋል፡፡

@tikvahuniversity

ነጻ የኮዲንግ ስልጠና ይውሰዱ!

በዌብ ፕሮግራሚንግ፣ በአንድሮይድ ማበልፀግ፣ ዳታ ሳይንስ እና አርቲፊሻል ኢንተለጀንስ ዘርፎች የኮዲንግ መሠረታዊ ክህሎት ለማዳበር የሚያስችሉ ነጻ የኦንላይን ስልጠና ዕድሎች ተጠቃሚ ለመሆን https://www.ethiocoders.et/ ላይ ይመዝገቡ፡፡

ስልጠናውን በተሰጡት ስምንት ሳምንታት ለሚያጠናቅቁ ብቁ ሰልጣኞች ዓለም አቀፍ ተቀባይነት ያለው ሰርተፊኬት ይሰጣቸዋል፡፡

ይመዝገቡ 👇
https://www.ethiocoders.et/

@tikvahuniversity

በኦሮሚያ ክልል ለ2017 የትምህርት ዘመን የተማሪዎች ምዝገባ ነሐሴ 27/2016 ዓ.ም ይጀመራል፡፡

በ2017 የትምህርት ዘመን በኦሮሚያ ክልል ከቅድመ መደበኛ እስከ ሁለተኛ ደረጃ ትምህርት ቤቶች 12.3 ሚሊዮን ተማሪዎች ለመመዝገብ መታቀዱን የክልሉ ትምህርት ቢሮ ምክትል ኃላፊ ግርማ ባይሳ ተናግረዋል፡፡

የ2017 ትምህርት ዘመን ምዝገባ ከነሐሴ 27 እስከ ጳጉሜን 5/2016 ዓ.ም ድረስ የሚከናወን ሲሆን፤ የመማር ማስተማር ሂደቱ መስከረም 7/2016 ዓ.ም እንደሚጀመር ገልፀዋል።

በክልሉ በክረምቱ ወቅት የመማሪያ ክፍሎች ግንባታና ጥገና፣ የቤተ-መጻሕፍት ግንባታ እንዲሁም የአንደኛ ደረጃ የመማሪያ መጻሐፍት ስርጭት መከናወኑን ተናግረዋል፡፡

@tikvahuniversity

እለታዊ የ150 ሜ.ባ የኢንተርኔት ፓኬጅ ገዝተናል ፤በሉ ምርቃቷን ጣል አድርጉባት' ላላችሁን ፤ እስከ 50% ተጨማሪ 100 ሜ.ባ ስጦታ እንዳከልንበት ብንነግራችሁስ ? ምርቃት M-PESA ላይም አለ እለታዊውን የኢንተርኔት ጥቅል እንግዛ እስከ 50% ተጨማሪ ስጦታን እናግኝ !

የM-PESA ሳፋሪኮም መተግበሪያን በዚህ ሊንክ እናውርድ ፡ https://play.google.com/store/apps/details?id=et.safaricom.mpesa.lifestyle

የቴሌግራም ቻናላችንን እዚህ እንቀላቀል 👉https://www.tg-me.com/Safaricom_Ethiopia_PLC

ስለ አገልግሎታችን ማንኛውንም ጥያቄ ወይም መረጃ  በቴሌግራም   ቻናላችን https://www.tg-me.com/Safaricom_Ethiopia_PLC 24/7 ማግኘት ይቻላል!

#MPESASafaricom  #FurtherAheadTogether

በ2016 ዓ.ም አራት የመንግሥት ዩኒቨርሲቲዎች 16 ፕሮግራሞቻቸውን ዓለም አቀፍ ዕውቅና እንዲያገኙ አስደርገዋል፡፡

አዲስ አበባ ሳይንስና ቴክኖሎጂ ዩኒቨርሲቲ ዘጠኝ፣ ባሕር ዳር ዩኒቨርሲቲ አራት፣ አዲስ አበባ ዩኒቨርሲቲ ሁለት እንዲሁም ሐረማያ ዩኒቨርሲቲ አንድ በድምሩ 16 ፕሮግራሞች ዓለም አቀፍ ዕውቅና ማግኘታቸውን ተሰምቷል፡፡

ይህ ዕውቅና አለም አቀፍ ተቀባይነት ያለው ተማሪ ለማፍራት እንደሚያግዝ በትምህርት ሚኒስቴር የከፍተኛ ትምህርት ልማት ዘርፍ አስተዳደርና መሰረተ ልማት መሪ ስራ አስፈጻሚ ሰለሞን አብርሃ (ዶ/ር) ዛሬ በአዲስ አበባ በተጀመረው ሀገር አቀፍ የትምህርት ጉባኤ ላይ ተናግረዋል፡፡

@tikvahuniversity

#ScholarshipTip

የስኮላርሺፕ ዕድል ለወጣት የፊልም ባለሙያዎች ከመልቲቾይስ አፍሪካ!

በዲኤስቲቪ /መልቲቾይስ ታለንት ፋክተሪ/ ለአንድ ዓመት ለወጣት የፊልም ባለሙያዎች የሚሰጥ ነጻ የስኮላርሺፕ ዕድል ተጠቃሚ ለመሆን ያመልክቱ።

ዕድሜያችሁ ከ18-26 ዓመት የሆናችሁ ወጣት የፊልም ባለሙያዎች እስከ መስከረም 5/2017 ዓ.ም ድረስ በ applications.multichoicetalentfactory.com ላይ ማመልከት ትችላላችሁ፡፡

አመልካቾች የእንግሊዝኛ ቋንቋ ችሎታ እና ጊዜው ያላለፈበት ፓስፖርት ሊኖራችሁ ይገባል!

@tikvahethiopia

#MoH

የጤና ባለሙያዎች የብቃት ምዘና ፈተና ከመስከረም 8-10/2017 ዓ.ም ይሰጣል።

ጤና ሚኒስቴር በተለያዩ የጤና ሙያ መስኮች ከከፍተኛ ትምህርት ተቋማት በመጀመሪያ ዲግሪ ለተመረቁ ቴምፓራሪ ዲግሪ ለተሰጣቸውና የብቃት ምዘና ፈተና ለመውሰድ ምዝገባ ላጠናቀቁ የጤና ባለሙያዎች በነሐሴ 2016 ዓ.ም ሊሰጥ የነበረው የብቃት ምዘና ፈተና ከመስከረም 8-10/2017 ዓ.ም እንደሚሰጥ አሳውቋል።

ማንኛውም ተመዛኝ ወደ ፈተና ጣቢያ ሲሔድ በምዝገባ ወቅት ሲስተሙ የሚሰጠውን የፈተና መለያ ቁጥር የያዘ ወረቀት (ስሊፕ) ፕሪንት አድርጎ መያዝ ይጠበቅበታል ተብሏል።

@tikvahuniversity

የ12ኛ ክፍል ውጤት መቼ ይፋ ይደረጋል?

የ2016 ዓ.ም የ12ኛ ክፍል መልቀቂያ ፈተና ውጤት መቼ ይፋ እንደሚደረግ የሚጠይቁ በርካታ መልዕክቶች ለቲክቫህ ዩኒቨርሲቲ ደርሰዋል፡፡

የመልቀቂያ ፈተናው ውጤት መቼ ይፋ ይደረጋል ስንል አንድ የትምህርት ምዘናና ፈተናዎች አገልግሎት ከፍተኛ አመራርን ጠይቀናል፡፡

"የፈተናው እርማት በጥንቃቄ እየተከናወነ እንደሆነ" የገለፁት ኃላፊው፤ እርማቱ እንደተጠናቀቀ በመገናኛ ብዙሃን አማካኝነት መግለጫ እንደሚሰጥ ተናግረዋል፡፡

"እርማቱ በጥንቃቄ እና በፍጥነት እየተሠራ መሆኑንና በቅርቡም ውጤቱ ይፋ እንደሚደረግ" ኃላፊው ጠቁመዋል፡፡

@tikvahuniversity

በአማራ ክልል በጦርነት ምክንያት ሥራ ያቆሙ መምህራን በዝውውር በሌሎች አካባቢዎች እንዲሠሩ የክልሉ ትምህርት ቢሮ መመርያ አስተላለፈ፡፡

በክልሉ የተፈጠረው የፀጥታ ችግር በ2016 ዓ.ም መምህራንና የትምህርት ቤት አመራሮች በሥራ ቦታቸው በመገኘት የመማር ማስተማር ሥራቸውን በአግባቡ ማከናወን ካለመቻላቸውም ባሻገር፣ በከፍተኛ የሥነ ልቦናና ማኅበራዊ ችግሮች በመጋለጣቸው ተዘዋውረው እንዲሠሩ ቢሮው
ለዞንና ለሪጂዮ ፖሊታን የከተማ አስተዳድር ትምህርት መምርያዎች ከላከው ደብዳቤ ለመረዳት ተችሏል፡፡

ከመደበኛ ሥራ ላይ ካለው የዝውውር መመርያ ወጣ በማለት፣ በጦርነቱ ችግሩ የገጠማቸውን መምህራንና አመራሮችን ለመርዳት ቢሮው መወሰኑን ስማቸው እንዳይጠቀስ የፈለጉ የትምህርት ቢሮው አንድ የሥራ ኃላፊ ለሪፖርተር ተናግረዋል።

ነሐሴ 21/2016 ዓ.ም በክልሉ ትምህርት ቢሮ ኃላፊ ተፈርሞ የወጣው ደብዳቤ፣ ከዚህ ቀደም ለተመሳሳይ ዓላማ የወጣውና እስከ ሰኔ 30/2016 ዓ.ም እንዲያገለግል ተብሎ የተላለፈው ጊዜያዊ ዝውውርን የሚፈቅድ አሠራር በድጋሚ ለአንድ ዓመት መራዘሙን ይገልጻል፡፡

ደብዳቤው የፀጥታ ሁኔታው እየተሻሻለ ያለ ቢሆንም፣ ችግሩ ሙሉ በሙሉ ያልተቀረፈ በመሆኑ፣ ከአሁን በፊት የወረደውን የአሠራር አቅጣጫ እንዲራዘም ማድረግ አስፈላጊ መሆኑን አመልክቷል፡፡

በጦርነቱ ከፍተኛ የሆነ የስነ-ልቦናና የደኅንነት ስጋት ያጋጠማቸውን መምህራንና የትምህርት ቤት አመራሮች፣ እስከ ሰኔ 30/2017 ዓ.ም ድረስ ብቻ የሚያገለግል አስተዳደራዊ መፍትሔ በመስጠት፣ ከስጋታቸው ነፃ እንዲሆኑ ማድረግ አስፈላጊ ሰለመሆኑ ደብዳቤው ያብራራል፡፡ #ሪፖርተር

@tikvahuniversity