የደቡብ ምዕራብ ኢትዮጵያ ህዝቦች ክልል ትምህርት ቢሮ ለ2017 የትምህርት የዘመን የተማሪዎች ምዝገባ ማካሔድ ጀምሯል፡፡

ምዝገባው በክልሉ በሁሉም አካባቢዎች ከዛሬ ነሐሴ 20/2016 ጀምሮ እስከ ጳጉሜን 5/2016 ዓ.ም ይካሔዳል ተብሏል።

እድሜያቸው ለትምህርት የደረሱ ህፃናት ወደ ትምህርት ገበታ እንዲሄዱ ለማድረግ በክልሉ የሚገኙ መምህራን፣ ተማሪዎች፣ ወላጆች፣ የትምህርት ዘርፍ አመራሮች እና ባለሙያዎች የድርሻቸውን እንዲወጡ ቢሮው ጠይቋል።

@tikvahuniversity

ክቡር ኮሌጅ የ2ኛ ደረጃ ትምህርታቸውን ላጠናቀቁ ከ 600 በላይ ተማሪዎች ልዩ የክህሎት ስልጠና በነፃ በመስጠት ላይ ይገኛል፡፡

ስልጠናው ተማሪዎች ከሁለተኛ ደረጃ ወደ ከፍተኛ ትምህርት ተቋማት ለሚያደርጉት ሽግግር በመሰረታዊ የህይወትና የቴክኖሎጂ ክህሎት ብቁ እንዲሆኑ ለማድረግ በማሰብ የተዘዘጋጀ ነው፡፡

እንዲሁም በከፍተኛ ትምህርት ተቋማት የሚማሩትን የትምህርት መስክ እንዴት መምረጥ እንዳለባቸው የሚያግዝ ስልጠና መሆኑ ተገልጿል።

በአምስት የክህሎት ዘርፎች ማለትም የአመራር ክህሎት፣ የሥራ ፈጣሪነት አስተሳሰብ፣ ዲጂታል ማርኬቲንግ፣ ግራፊክስ ዲዛይን እና ፕሮግራሚንግ የተዋቀረውን ሰልጠና፣ ከ 65 የግል እና የመንግሥት ሁለተኛ ደረጃ ትምህርት ቤቶች የተወጣጡ ከ 600 በላይ ተማሪዎች በመውሰድ ላይ ይገኛሉ፡፡

@tikvahuniversity

#MoE

ከፍተኛ ትምህርት ተቋማት የአመራር ምደባ ሲያደርጉ ችሎታ እና ብቃት ያላቸውን ሴቶች ወደ ከፍተኛ አመራር ደረጃ በብቃታቸው መሠረት የሚሸጋገሩበት ሁኔታን ታሳቢ እንዲያደርጉ ትምህርት ሚስቴር አሳሰበ፡፡

በተለያዩ ዩኒቨርሲቲዎች በመካከለኛ አመራር ደረጃ ያሉ አመራሮችን ወደ ከፍተኛ አመራር ለማሸጋገር ግብ ያደረገ ስልጠና ለ 150 ሴቶች መሰጠቱን ሚኒስቴሩ አስታውሷል፡፡

በትምህርት ሚኒስትር ዴኤታ ኮራ ጡሹኔ ተፈርሞ ለሁሉም የመንግሥት ዩኒቨርሲቲዎች የቦርድ ሰብሳቢዎች የተላከ ሰርኩላር፣ በአሁኑ ወቅት በከፍተኛ ትምህርት ተቋማት በከፍተኛ አመራርነት ያሉ የሴት አመራሮች ድርሻ ከ 11 በመቶ ወደ 8 በመቶ ዝቅ ማለቱን ይጠቁማል፡፡

ስለሆነም ከፍተኛ ትምህርት ተቋማቱ ሴቶችን በማብቃት ወደ ከፍተኛ አመራር ደረጃ እንዲሻገሩ ማድረግ ላይ በልዩ ትኩረት እንዲሰሩ ሚኒስትር ዴኤታው አሳስበዋል፡፡

(ሚኒስትር ዴኤታው ለ 46 የመንግሥት ዩኒቨርሲቲዎች የቦርድ ሰብሳቢዎች የፃፉት ሰርኩላር ከላይ ተያይዟል፡፡)

@tikvahuniversity

#WachemoUniversity

ሳራ ሽኩር ሙዘይን (ዶ/ር) የዋቸሞ ዩኒቨርሲቲ የአካዳሚክ፣ ምርምርና ቴክኖሎጂ ሽግግር እና ማኅበረሰብ አገልግሎት ምክትል ፕሬዝዳንት ሆነው እንዲሠሩ በዩኒቨርሲቲው የሥራ አመራር ቦርድ ተወክለዋል፡፡

በዩኒቨርሲቲው የሥራ አመራር ቦርድ ሰብሳቢ ብርሃኑ መገርሳ (ዶ/ር) በቀን ነሐሴ 20/2016 ዓ.ም ተፈርሞ የወጣ ደብዳቤ፣ ሳራ ሽኩር ሙዘይን (ዶ/ር) ከነሐሴ 20/2016 ዓ.ም ጀምሮ የተወደከሉ መሆናቸውን ያሳያል፡፡

(የውክልና ደብዳቤው ከላይ ተያይዟል፡፡)

@tikvahuniversity

#BahirDarUniversity

ባህር ዳር ዩኒቨርሲቲ ኦሪጅናል ዲግሪ እንዲሠራላችሁ በ45ኛ ዙር የጠየቃችሁ 106 አመልካቾች ኦሪጅናል ዲግሪያችሁ የደረሰ በመሆኑ መውሰድ እንደምትችሉ አሳውቋል፡፡

ኦሪጅናል ዲግሪ ለመውሰድ ስትሔዱ ክሊራንስ እና ቴምፖራሪ ኦርጅናሉን መያዝ ይጠበቅባችኋል፡፡

(ኦሪጅናል ዲግሪ የደረሰላችሁ አመልካቾች ስም ዝርዝር ከላይ ተያይዟል፡፡)

@tikvahuniversity