የቴክኒክና ሙያ ስልጠና ኢንስቲትዩት ለክረምት መርሐግብር ሠልጣኞች የመውጫ ፈተና ሰጥቷል።

የኢንስቲትዩቱ የክረምት መርሐግብር ሰልጣኞች በተቋሙ ዋና ግቢ፣ በአዲግራት፣ በባህር ዳር፣ በራያ፣ በወልቂጤ እና በወሎ ዩኒቨርሲቲዎች ውስጥ የመውጫ ፈተና መውሰዳቸውን ኢኒስቲትዩቱ ገልጿል።

@tikvahuniversity

የተለያዩ የመንግሥት ዩኒቨርሲቲዎች ለግብርና መረጃ ናሙና ሰብሳቢዎች እና ተቆጣጣሪዎች ስልጠና መስጠት ጀምረዋል፡፡

ስልጠናው በሀገር አቀፍ ደረጃ ለሚከናወን የግብርና መረጃ ናሙና የመሰብሰብ ፕሮጀክት፣ ሰብሳቢዎችን እና ተቆጣጣሪዎችን ለሥራው ብቁ ለማድረግ የሚሰጥ መሆኑ ተገልጿል፡፡

ሰልጣኞቹ በአቅራቢያቸው ወደሚገኙ የመንግሥት ዩኒቨርሲቲዎች በመሔድ ስልጠናውን መከታተል እንደጀመሩ ለማወቅ ተችሏል፡፡

ስልጠናው በትምህርት ሚኒስቴር፣ በኢትዮጵያ ስታትስቲክስ አገልግሎት እና በዩኒቨርሲቲዎቹ ትብብር እየተሰጠ ሲሆን፤ እስከ መስከረም 05/2017 ዓ.ም ድረስ ይቆያል ተብሏል፡፡

ምስል፦ ቡሌ ሆራ ዩኒቨርሲቲ፣ አርሲ ዩኒቨርሲቲ እና ወራቤ ዩኒቨርሲቲ

@tikvahuniversity

በአማራ ክልል መደበኛ የተማሪዎች ምዝገባ ከነሐሴ 20 እስከ 24/2016 ዓ.ም እንደሚከናወን የክልሉ ትምህርት ቢሮ አሳውቋል፡፡

በክልሉ ከቅድመ መደበኛ እስከ 12ኛ ክፍል ሰባት ሚሊዮን ተማሪዎችን ለማስተማር ዝግጅት መደረጉን የክልሉ ትምህርት ቢሮ ኃላፊ ሙሉነሽ ደሴ (ዶ/ር) ለአሚኮ ተናግረዋል፡፡

መደበኛ የተማሪዎች ምዝገባ እስከ ነሐሴ 24/2016 ዓ.ም እንደሚከናወን የገለፁት ኃላፊዋ፤ እስከ ጳጉሜን/2016 ባሉት ቀናት ደግሞ ተጨማሪ ማስረጃ የሚያስፈልጋቸውን ተማሪዎቾ የማጥራት ሥራ ይከናወናል ብለዋል፡፡

መስከረም 7/2017 ዓ.ም መደበኛ የመማር ማስተማር ሒደቱ እንደሚጀምር ኃላፊዋ ገልፀዋል።

@tikvahuniversity

#የሥራ_ቅጥር_ጥቆማ
#MattuUniversity

መቱ ዩኒቨርሲቲ በተለያዩ የትምህርት መስኮች መምህራንን አወዳድሮ መቅጠር ይፈልጋል።

► የሥራ መደብ፦ በተለያዩ የሙያ መስኮች
► ተፈላጊ መምህራን ብዛት፦ 67
► ተፈላጊ የትምህርት ደረጃ፦ ከመጀመሪያ ዲግሪ ጀምሮ
► የሥራ ቦታ፦ መቱ እና በደሌ

መስፈርቱን የምታሟሉ አመልካቾች በመቱ ዩኒቨርሲቲ የብቃትና የሰው ሀብት አስተዳደር ሥራ አስፈጻሚ ቢሮ ቁጥር 7 እና 26 እንዲሁም በበደሌ ካምፓስ የሰው ሀብት ቢሮ እና በፖ.ሳ.ቁጥር 318 በመላክ መመዝገብ የምትችሉ መሆኑን ዩኒቨርሲቲው አሳውቋል፡፡

(መቱ ዩኒቨርሲቲ ያወጣው ሙሉ ክፍት የሥራ መደብ ማስታወቂያ ከላይ ተያይዟል።)

@tikvahuniversity