° " በጀት አጥሮናል ቤታችሁ ቆዩ በመባላችን አላግባብ ጊዜያችን እየተቃጠለብን ነው መፍትሔ እንሻለን " - የሀዋሳ ዩኒቨርሲቲ የጤና ሳይንስ ተማሪዎች

° " ከተወካዮቻቸው ጋር በቅርቡ እንነጋገራለን " - የሀዋሳ ዩኒቨርሲቲ የጤና ሳይንስ ት/ክፍል ተጠሪ

" ላለፉት ስምንት ዓመታት ትምህርት ላይ ብንሆንም አሁንም በተለያየ መልኩ ጊዜያችን እየተቃጠለ በመሆኑ የመመረቂያ ጊዜያችን አሳሳቢ ሆኗል " ሲሉ የሀዋሳ ዩኒቨርሲቲ የጤና ሳይንስ ተማሪዎች ቅሬታቸውን ለቲክቫህ ኢትዮጵያ አቅርበዋል።

" ዩኒቨርሲቲው በበጀት እጥረት ምክንያት መግቢያችን ለሁለተኛ ጊዜ መራዘሙ ትክክል አይደለም " ብለዋል ተማሪዎቹ።

በኮቪድ-19 ለአስር ወራት እንዲሁም በ12ኛ ክፍል ፈተና ምክንያት የትምህርት ጊዚያቸው መቃጠሉንና የመመረቂያ ጊዚያቸው መራዘሙን ተማሪዎቹ ገልፀዋል።

በዚህ ዓመት ለ12ኛ ክፍል ፈተና እንዲወጡ ተደርገው ሐምሌ 17/2016 ዓ.ም እንደተጠሩና በኋላም ወደ ሐምሌ 25/2016 ዓ.ም እንደተገፋ፤ አሁን ደግሞ ላልተወሰነ ጊዜ መራዘሙን ይገልፃሉ።

አሁን የምግብ በጀት በቂ ባለመሆኑ ኢንተርን ዶክተሮች ወደ የነን ካፌ ፎርም በመሙላት ከዶርም እንዲወጡና እየተመላለሱ እንዲጨርሱ እንዲሁም ወደቤተሰብ የሄዱ ተማሪዎች በዛው እንዲቆዩ  ዩኒቨርሲቲው ማስታወቂያ ማውጣቱ አሳሳቢ እንደሆነ አንስተዋል።

በመሆኑም የሚመለከተው አካል መፍትሔ ይስጠን ሲሉ ጠይቀዋል።

ቲክቫህ ኢትዮጵያ በጉዳዩ ላይ የጠየቃቸው በሀዋሳ ዩኒቨርሲቲ የጤና ሳይንስ ትምህርት ክፍል ተጠሪ ዶ/ር ጌታሰው ጥያቄውን በተመለከተ ከተማሪዎች ጋር በተለይም ከተማሪ ተወካዮች ጋር እንደሚነጋገሩ ተናግረዋል።

#TikvahEthiopiaFamilyHawassa

@tikvahethiopia

ሀዋሳ ዩኒቨርሲቲ ምላሽ !

" ማስታወቂያዉ ከኮሌጁ እውቅና ውጭ የተለጠፈ በመሆኑ በለጠፈዉ አካል ላይ አጣርተን እርምጃ የምንወስድ ይሆናል " - የሀዋሳ ዩኒቨርሲቲ ጤና ሳይንስ ኮሌጅ

የሀዋሳ ዩኒቨርሲቲ በኑሮ ዉድነቱ ምክኒያት ተማሪዎችን መመገብ ባለመቻሉ ተማሪዎች የተመደበላቸዉን 22 ብር ወስደዉ እንዲጠቀሙ የሚገልጽ ማስታወቂያ ማዉጣቱን እንዲሁም ለ12ኛ ክፍል ፈተና ሲባል ግቢዉን ለቀዉ የወጡ ተማሪዎች ጥሪ እንዳልተደረገላቸዉ መናገራቸዉን ገልጸን የተማሪዎችን ቅሬታ አቅበን ነበር።

ይህን ተከትሎ " የቀረበዉ መረጃ ትክክል አይደለም " ያሉን የሀዋሳ ዩኒቨርሲቲ የህክምናና ጤና ሳይንስ ኮሌጅ ቺፍ ኤክስኪዩቲቭ ዳይሬክተር ተባባሪ ፕሮፌሰር አለሙ ጣሚሶ ኢንተርን ሀኪሞች ከግቢ እንደማይወጡና ዶርማቸዉን እንደማይለቁ ይልቁንም ለተወሰነ ጊዜ የዩኒቨርስቲው የምግብ አገልግሎት በመቋረጡ በጀታቸዉን እንዲጠቀሙ ስለመገለጹ ነግረዉናል።

ይህ የሆነበት ምክኒያት አሁን ላይ ለሶስት አመት ዉል የገቡ ነጋዴዎች በእቃ መወደድ ምክኒያት ምንም አይነት የምግብ ግብአት ሊያቀርቡልን ባለመቻላቸዉና ይህን ችግር ተወያይተን መፍትሄ እስክንሰጠዉ ነው ሲሉ ይገልፃሉ።

ሌሎች ተማሪዎች ቅድመ ዝግጅት ከተጠናቀቀ በቅርቡ ወደ ትምህርት ገበታቸው ይመለሳሉ ትክክለኛ ቀኑንም ለተማሪዎች በይፋ የሚነገራቸው ይሆናል የሚሉት ሀላፊዉ ተማሪዎችን አሁን ላይ መቀበል ያልቻሉት ከምግብ አቅርቦትና አንዳንድ ማስተካከያ የሚፈልጉ ጉዳዮች ስላሉ ነዉ ብለዋል።

ከዚህ ዉጭ በየጊዜዉ ለ12ኛ ክፍል ፈተና ሲባል መዉጣታቸዉም ሆነ አሁን ላይ በቶሎ አለመግባታቸዉ የሚወስድባቸዉን ጊዜ ለማካካስም ዩኒቨርሲቲዉ መፍትሄዎችን ማስቀመጡን ገልጸዉልናል።

ይሁንና ተማሪዉን የሚያደናግር ማስታወቂያ ያወጣዉ አካል ከኛ እዉቅና ዉጭ በመሆኑ ማንነቱን አጣርተን እርምጃ የምንወስድ ይሆናል ብለዉናል።

በሀዋሳ ዩኒቨርሲቲ የህክምና ሳይንስ ተማሪዎች ህብረት ፕሬዝደንቱ ተማሪ ደረጀ መንገሻ ለቲክቫህ ኢትዮጵያ በሰጠው ቃል ፤ ምንም እንኳን ኢንተርን ዶክተሮች ከግቢ ባለመዉጣታቸዉ እስካሁን መጉላላት እንዳልደረሰባቸዉ ቢገልጽም ማስታወቂያዉ ያለነሱ እዉቅና መለጠፉም ሆነ ተማሪዉን ሳይፈልግ ወደነን ካፌ መቀየር አግባብ ስላልሆነ ለዩኒቨርሲቲዉ አመራሮች ዉሳኔዉ ልክ አለመሆኑን የሚገልጽ ደብዳቤ አስገብተን ምላሽ እየጠበቅን ነዉ ብሏል።

ተማሪዎች ሀምሌ 25 ያልገቡበት ምክኒያት ዩኒቨርሲቲዉ ከበጀት ማስተካከያና ካምፓስ ዉስጥ ከሚያስተካክሏቸዉ አንዳንድ ነገሮች ጋር በተያያዘ ምክኒያት መሆኑንና በዚህ ምክኒያት በቀጣይ ተማሪዎች ላይ የሚከሰተዉን ጫና በተመለከተ ዩኒቨርሲቲዉ እንዲያስብበት ተነጋግረናል በማለት ገልጿል።

#TikvahEthiopiaFamilyHW

@tikvahethiopia

ሰመራ ዩኒቨርሲቲ የመጀመሪያውን የቀድሞ ተማሪዎች ጉባዔ (Alumni Conference) ሊያካሒድ ነው፡፡

ለዚህም ዩኒቨርሲቲው የቀድሞ ተማሪዎች ኅብረት ለማቋቋም እየተንቀሳቀስ እንደሚገኝና ምዝገባ እያደረገ መሆኑንም ገልጿል፡፡

ዩኒቨርሲቲው የመጀመሪያውን የቀድሞ ተማሪዎች ጉባኤ በ2017 ዓ.ም ለማካሄድ የቀድሞ ተማሪዎቹን በማሰባሰብ ላይ ነው።

ለምዝገባ የተዘጋጀውን ቅፅ 👉 https://forms.gle/qEjb6XLEEpHGsasq6 በመሙላት የቀድሞ ተማሪዎች ኅብረቱን ይቀላቀሉ፡፡

@tikvahuniversity

ከመላ አገሪቱ የተውጣጡ 'የኮዲንግ' ሰልጣኞች በአዲስ አበባ ስልጠናቸውን እየተከታተሉ ነው፡፡

'Addis Coder' የተሰኘው መርሐግብር ለአራት ሳምንታት በነጻ የሚሰጥ የክረምት ስልጠና መርሐግብር ሲሆን፤ የ2ኛ ደረጃ ተማሪዎች የአልጎሪዝም እና ፕሮግራሚንግ ስልጠናዎች ይሰጣቸዋል፡፡

ስለጠናው በአንጋፋ የዩናይትድ ስቴትስ ዩኒቨርሲቲዎች ውስጥ በሚያስተምሩ መምህራን ከትምህርት ሚኒስቴር ጋር በመተባበር የሚሰጥ ነው፡፡

@tikvahuniversity

#ጥቆማ

የአዲስ ቻምበር ማሰልጠኛ ኢንስቲትዩት የተለያዩ አጫጭር የቢዝነስ ስልጠናዎችን ከዛሬ ጀምሮ መስጠት ይጀምራል፡፡

ስልጠናዎቹ ከሐምሌ 29/2016 ዓ.ም እስከ መስከረም 9/2017 ዓ.ም እንደሚቆዩ ተገልጿል፡፡

ከሚሰጡ ስልጠናዎች መካከል ካፒታል ማርኬት፣ ዲጂታል ማርኬቲንግ፣ የአመራር ክህሎት፣ የደንበኞች አገልግሎት አሰጣጥ እንዲሁም ኦፊስ ኦፐሬሽንስ ማኔጅመንት ይገኙበታል፡፡

ለበለጠ መረጃ፦
0115500934 / 0911194965 / 0911343078 / 0913553393

የኢ-ሜይል አድራሻዎች፦
[email protected] / [email protected] / [email protected]

(የስልጠናዎቹን አይነት፣ የጊዜ ርዝመት እና ክፍያ መጠን የሚያሳይ ከኢንስቲትዩቱ የተገኘ መልዕክት ከላይ ተያይዟል፡፡)

@tikvahuniversity