ሐረማያ ዩኒቨርሲቲ ከጤና ሚኒስቴር ጋር በመተባበር በዶክትሬት ዲግሪ የኅብተረተሰብ ጤና ትምህርት (DrPH) ማስጀመሪያ መርሐግብር አካሒዷል።

የሦስተኛ ዲግሪ ፕሮግራሙ በሀገር አቀፍ ደረጃ በሐረማያ ዩኒቨርሲቲ ከያዝነው ዓመት ጀምሮ እንደሚሰጥ ይፋ ተደርጓል፡፡

ሐረማያ ዩኒቨርሲቲ ፕሮግራሙን ለመጀመር ባለፉት አምስት ዓመታት ዝግጅት ሲያደርግ መቆየቱን የተቋሙ የጤናና ሕክምና ሳይንስ ኮሌጅ ቺፍ ኤግዚኪዩቲቭ ዳይሬክተር ዶ/ር አህመድ መሐመድ ተናግረዋል፡፡

ፕሮግራሙ በሀገሪቱ ጤና ተቋማት ውስጥ ያለውን የአመራር ክፍተት ለመሙላት የሚያግዝ ነው ተብሏል፡፡

የፕሮግራሙ ስርዓተ ትምህርት በመፅደቁ ዩኒቨርሲቲው በቅርቡ ተማሪዎችን መቀበል እንደሚጀምር የተገለፀ ሲሆን አዲስ አበባ ዩኒቨርሲቲ በተመሳሳይ ይህንኑ መርሀሐግብር ለማስጀመር ዝግጅት እያደረገ መሆኑ ተገልጿል፡፡

@tikvahuniversity

#WachemoUniversity

ዋቸሞ ዩኒቨርሲቲ አዲስ የተመደባችሁ ሬዚደንት ሐኪሞች ምዝገባ መጋቢት 9 እና 10/2016 ዓ.ም መሆኑን ዩኒቨርሲቲው አሳውቋል።

ተመዝጋቢዎች በንግስት እሌኒ መታሰቢያ ኮምፕሪሄንሲቭ ስፔሻላይዝድ ሆስፒታል በመገኘት የሥራ ቅጥር መፈፀም እንዳለባችሁ ዩኒቨርሲቲው ገልጿል።

ለምዝገባ እና ለሥራ ቅጥር የሚያስፈልጉ አስፈላጊ ሰነዶችን ከላይ ከተያያዘው የዩኒቨርሲቲው መልዕክት ይመልከቱ።

@tikvahuniversity

አዲስ አበባ ሳይንስና ቴክኖሎጂ ዩኒቨርሲቲ
ትናንት መጋቢት 6 ቀን 2016 ዓ.ም ከኢትዮጰያ ንግድ ባንከ ኤ.ቲ.ኤም ማሽን የሌላቸውን ገንዘብ ወጪ ያደረጉ የተቋሙ ተማሪዎች በፍጥነት በቅሊንጦ ቅርንጫፍ በመቅረብ እንዲመልሱ አሳስቧል።

ወጪ ያደረገውን ገንዘብ የማደመልስ ተማሪ ላይ ዩኒቨርሲቲው አስተዳደራዊ እርምጃ እንደሚወሰድና ተማሪዎቹ በሕግ እንደሚጠየቁ ዩኒቨርሲቲው ገልጿል።

በተመሳሳይ ጅማ ዩኒቨርሲቲ ከትክክለኛ ሒሳባቸው ውጪ ገንዘብ ወጪ ያደረጉ ተማሪዎች የራሳቸው ያለሆነውን ገንዘብ በአስቸኳይ ወደ ኢትዮጵያ ንግድ ባንክ የትኛውም ቅርንጫፍ በመሔድ ተመላሽ እንዲያደርጉ በጥብቅ አሳስቧል።

የኢትዮጵያ ንግድ ባንክ በሲስተም ችግር ምክንያት ዛሬ የአገልግሎት መቋረጥ አጋጥሞት እንደነበር መግለፁ ይታወቃል።

@tikvahuniversity

#Update

ከፍተኛ ትምህርት ተቋማት ተማሪዎቻቸውና ሌሎችም የተቋሙ አካላት በካሽ የወሰዱትን እና ለሌላ ሶስተኛ ወገን ያስተላለፉትን ገንዘብ እንዲመልሱ አስጠነቀቁ።

በኢትዮጵያ ንግድ ባንክ ሲስተም ላይ ካጋጠመው ችግር ጋር በተያያዘ በርካቶች ገንዘብ ያለገደብ ሲያወጡና ሲያስተላልፉ ነበር።

በተለይም የዩኒቨርሲቲ ተማሪዎች እና የዩኒቨርሲቲ ማህበረሰብ አካላት ትላንት ካጋጠመው ችግር ጋር በተያያዘ ገንዘብ ወጭ ሲያደርጉና ወደ ሌላም ሲያስተላልፉ እንደነበር ተነግሯል።

ይህንን ተከትሎ የራሳቸው ያልሆነን ገንዘብ ያወጡና ያስተላለፉ እንዲመልሱ ተቋሞቻቸው እያሳሰቡ ይገኛሉ።

የከፍተኛ ትምህርት ተቋማቱ ባንኩ የተፈጠረዉን ችግር በተመለከተ ፦
* ከኢትዮጵያ ፌደራል ፖሊስ፤
* የመረጃ እና ደህንነት እንዲሁም ከሌሎች ከሚመለከታቸዉ ተቋማት ጋር በመሆን እየሰራ እንደሚገኝ ጠቁመዋል።

በባንኩ የተፈጠረዉን የሲስተም መቋረጥ ምክንያት እንደ አጋጣሚ በመጠቀም ፦
➡️ የራሳቸው ያልሆነን ገንዘብ #በካሽ ወጭ ያደረጉና በማንኛዉም የባንኩ የድጅታል አማራጮች የተቀበሉ
➡️ ወደ 3ኛ ወገን ያስተላለፉ ተማሪዎች እና የዩንቨርሲቲ ማህበረሰብ አባላት የወሰዱትን እና የተላለፈላቸውም አካላት ገንዘቡን ተመላሽ እንዲያደርጉ አስጠንቅቀዋል።

ገንዘቡ ተመላሽ የሚደረገው በአቅራቢያ ባለ የባንኩ ቅርንጫፍ መሆኑን አሳውቀዋል።

ለመመለስ ፈቃደኛ ካልሆኑ ጉዳዩ የሕግ ተጠያቂነትን የሚያስከትል መሆኑንም እየገለጹ ናቸው። ገንዘብ ያወጡ ተማሪዎች እና የዩኒቨርሲቲ ማህበረሰብ አባላት ስም ዝርዝር እንዳላቸውም ጠቁመዋል።

@tikvahethiopia

አዲስ አበባ ዩኒቨርሲቲ ትላንት መጋቢት 6 ቀን 2016 ዓ.ም. ምሽት የኢትዮጵያ ንግድ ባንክ ካጋጠመው የሲስተም ችግር ጋር በተገናኘ የማይገባ ገንዘብ ከኤ.ቲ.ኤም (ATM) ማሽን ወጪ ያደረጉየዩኒቨርሲቲው ማህበረሰብ አባላት ካሉ ወደ ባንኩ ቅርንጫፎች በመሄድ ገንዘቡን ተመላሽ እንዲያደርጉ አሳስቧል።

@tikvahuniversity