በጅግጅጋ ዩኒቨርሲቲ የ12ኛ ክፍል መልቀቂያ ፈተናዋን እየወሰደች የምትገኘው ተማሪ ኒሞ ኢብራሂም የልጅ እናት ሆናለች፡፡ በጅግጅጋ ዩኒቨርሲቲ ስፔሻላይዝድ ሆስፒታል ልጇን ወልዳለች፡፡

ብዙ የለፋችበትና የተዘጋጀችበት የ12ኛ ክፍል ፈተና እንዲያመልጣት ያልፈለገችው ተማሪ ኒሞ፤ ከሆስፒታል ሆና የመጨረሻ ቀን ፈተናዋን በመውሰድ ላይ ትገኛለች፡፡

@tikvahuniversity

#NATIONAL_EXAM

ሁለተኛው ዙር የ12ኛ ክፍል ሀገር አቀፍ መልቀቂያ ፈተና ከትግራይ ክልል ውጪ ዛሬ ተጠናቋል።

የተፈጥሮ ሳይንስ ተማሪዎች የ12ኛ ክፍል መልቀቂያ ፈተና ከማክሰኞ ሐምሌ 9/ 2016 ዓ.ም ጀምሮ ለሦስት ተከታታይ ቀናት በወረቀት እና በኦንላይን ሰሰጥ ቆይቷል።

ዛሬ ከሰዓት ከተሰጠው የባዮሎጂ ትምህርት ፈተና በኋላ፣ ሁለተኛው ዙር የ12ኛ ክፍል መልቀቂያ ፈተና ከትግራይ ክልል ውጪ መጠናቀቁ ታውቋል። በዚህም ተፈታኞች ወደየቤተሰቦቻቸው መመለስ ጀምረዋል፡፡

በትግራይ ክልል ሁለተኛው ዙር የ12ኛ ክፍል ፈተና ነገ ሐምሌ 12/2016 ዓ.ም እንደሚጠናቀቅ ይጠበቃል፡፡

@tikvahuniversity

#EAES

የ2016 ዓ.ም የ12ኛ ክፍል ሀገር አቀፍ መልቀቂያ ፈተና በተሳካ ሁኔታ መጠናቀቁን የትምህርት ምዘናና ፈተናዎች አገልግሎት አሳውቋል።

"በወረቀት እና በበይነ መረብ እየተሰጠ ያለው የ12ኛ ክፍል ሀገር አቀፍ ፈተና፥ በሰላምና እጅግ በጣም በተሳካ ሁኔታ ተጠናቋል" ብሏል አገልግሎቱ።

በተመሳሳይ መልኩ በትግራይ ክልል እየተሰጠ ያለው የመልቀቂያ ፈተና ነገ ከሰዓት በፊት እንደሚጠናቀቅ አገልግሎቱ ገልጿል።

አገልግሎቱ በፈተና የመስጠት ሒደቱ ለተሳተፉ ዩኒቨርሲቲዎች፣ ትምህርት ቢሮዎች፣ የፀጥታና ደህንነት ተቋማት፣ ኢትዮ ቴሌኮም፣ ኢትዮጵያ አየር መንገድ፣ ኢትዮጵያ መብራት ኃይል፣ የፈተና አስፈጻሚዎች፣ አመራሮች እና ተማሪዎች ላበረከቱት አስተዋጽኦ ምስጋና አቅርቧል።

@tikvahuniversity