የ12ኛ ክፍል መልቀቂያ ፈተና ለመፈተን ከዋግኽምራ ብሄረሰብ አስተዳደር ዞን ወልድያ ዩኒቨርሲቲ የገባችው የተፈጥሮ ሳይንስ ተማሪ ብስራት ጌታነው ሴት ልጅ ተገላግላለች።

ተፈታኟ ሐምሌ 07/2016 ዓ.ም ከሌሊቱ 10፡00 ሰዓት አካባቢ በወልድያ ጠቅላላ ስፔሻላይዝድ ሆስፒታል ሴት ልጅ ወልዳለች፡፡

"እሷም፣ ልጇም በጥሩ ጤንነት ላይ እንደሚገኙ" የተናገረችው ተማሪ ብስራት፤ ፈተናዋና ለመውሰድ መዘጋጀቷን ገልጻለች፡፡ ዩኒቨርሲቲውም ፈተናዋን እስክትጨርስ አስፈላጊውን ድጋፍ አደርግላታለሁ ብሏል።

@tikvahuniversity

#ጥቆማ

በቅርቡ የተመረቀው የአርባ ምንጭ ዩኒቨርሲቲ የማስተማሪያ እና ኮምፕርሄንሲቭ ስፔሻላይዝድ ሆስፒታል ከነገ ሐምሌ 9/2016 ዓ.ም ጀምሮ የሕክምና አገልግሎት መስጠት ይጀምራል፡፡

በሕጻናት፣ በማህፀንና ጽንስ፣ በአጠቃላይ ቀዶ ጥገና እና በውስጥ ደዌ ተመላላሽ ሕክምና እንዲሁም የተለያዩ የላቦራቶሪ እና ኢሜጂንግ አገልግሎቶች አገልግሎት መስጠት የሚጀምር መሆኑ ተገልጿል፡፡

ከሰባት ሚሊዮን በላይ ለሚሆኑ ዜጎች አገልግሎት ይሰጣል የተባለው ሆስፒታሉ፤ 600 የህሙማን አልጋዎች እና የተለያዩ ዘመናዊ የህክምና ግብዓቶች የተሟላለት ነው፡፡

@tikvahuniversity

#DebreMarkoUniversity

ደብረ ማርቆስ ዩኒቨርሲቲ የነባር የመጀመሪያ እና የሁለተኛ ዲግሪ የክረምት መርሐግብረ ተማሪዎች የምዝገባ ጌዜን በቀናት አራዝሟል።

የ2016 ዓ.ም ነባር የክረምት ተማሪዎች የምዝገባ ጊዜ ሐምሌ 16 አና 17/2016 ዓ.ም መሆኑን ዩኒቨርሲቲው ገልጿል።

@tikvahuniversity

ሐረማያ ዩኒቨርሲቲ ለመጀመሪያ ዲግሪ ፕሮግራም የክረምት መርሐግብር ነባር ተማሪዎች ጥሪ አድርጓል።

የ3ኛ እና 4ኛ ዓመት ተማሪዎች የመግቢያ ቀን ሐምሌ 21/2016 ዓ.ም ሲሆን፤ ምዝገባ የሚደረገው ሐምሌ 22 እና 23/2016 ዓ.ም መሆኑ ተገልጿል።

የ6ኛ ዓመት PGDT ተመራቂ ተማሪዎች የመግቢያ ቀን ሐምሌ 28/2016 ዓ.ም ሲሆን፤ ምዝገባ ሐምሌ 29 እና 30/2016 ዓ.ም ይከናወናል ተብሏል።

(ተጨማሪ መረጃ ከላይ ተያይዟል።)

@tikvahuniversity

ዋቸሞ ዩኒቨርሲቲ የነባር የመጀመሪያ ዲግሪ እና የ PGDT የክረምት መርሐግብር ተማሪዎች የ2016 ዓ.ም የምዝገባ ጊዜ ሐምሌ 15 አና 16/2016 ዓ.ም መሆኑን ዩኒቨርሲቲው ገልጿል።

በርቀት ለሚሰጡ ኮርሶች የሁለተኛ ዙር ቲቶሪያል ሐምሌ 17 እና 18/2016 ዓ.ም እንደሚሰጥ ተገልጿል።

(ተጨማሪ መረጃ ከላይ ተያይዟል።)

@tikvahuniversity

#NATIONAL_EXAM

ሁለተኛው ዙር የ12ኛ ክፍል ሀገር አቀፍ መልቀቂያ ፈተና ዛሬ መሰጠት ይጀምራል።

ሁለተኛው ዙር የተፈጥሮ ሳይንስ ተማሪዎች የ12ኛ ክፍል ፈተና ከዛሬ ሐምሌ 9/ 2016 ዓ.ም ጀምሮ ለሦስት ተከታታይ ቀናት በወረቀት እና በኦንላይን እንደሚሰጥ ይታወቃል።

በዛሬው የመጀመሪያ ቀን ፈተና የእንግሊዝኛ እና የሒሳብ ትምህርት ፈተናዎች ይሰጣሉ።

በተመሳሳይ በትግራይ ክልል ሁለተኛው ዙር የ12ኛ ክፍል ፈተና ከዛሬ ሐምሌ 9/2016 ዓ.ም ጀምሮ ለአራት ተከታታይ ቀናት በመቐለ፣ ራያ፣ አዲግራት እና አክሱም ዩኒቨርሲቲዎች ይሰጣል፡፡

@tikvahuniversity

የግል ተፈታኞች ቅሬታና የት/ት/ሚ/ር ምላሽ

ባለፈው ወር የተሰጠውን የመውጫ ፈተና የወሰዱ የግል ከፍተኛ ትምህርት ተቋማት ተማሪዎች ከፈተናው ጋር ተያይዞ ያላቸውን ቅሬታ ለቲክቫህ አቅርበዋል።

"የመንግሥት እና የግል ከፍተኛ ትምህርት ተቋማት እኩል ፈተናውን ወስደው፣ ውጤት ለምን በተለያየ ጊዜ ተገለፀ?" "የመንግሥት ተፈታኞች በብዛት ሲያልፉ በርካታ የግል ተቋማት ተፈታኞች ለምን ወደቁ?" "እያንዳንዳቸው አንድ አንድ ነጥብ ያላቸው መቶ ጥያቄዎች ተፈትን 37.92 አይነት ውጤት እንዴት ተመዘገበ?" የሚሉ ጥያቄዎች በተፈታኞቹ ተነስቷል።

ቲክቫህ ዩኒቨርሲቲ በትምህርት ሚኒስቴር የግል ከፍተኛ ትምህርት ተቋማት አገልግሎት ዴስክ ኃላፊ የሆኑትን እዮብ አየነው (ዶ/ር) ጠይቋል።

ከውጤት ነጥብ ጋር በተያያዘ ለተነሳው ጥያቄ ኃላፊው ተከታዩን ብለዋል፦

1. የጤና ትምህርት ዘርፍ ሁለት ፈተና (ጠዋት ከ100 ከሰዓት ከ100 በድምሩ ከ200) ስለሚፈተኑና ለማለፊያ የሁለቱ ፈተናዎች ውጤት ተደምሮ አማካኝ ውጤት ስለሚያዝ ውጤታቸው በነጥብ ሊቀመጥ ይችላል፡፡

2. አንዳንድ የትምህርት ፕሮግራሞች ለምሳሌ ሒሳብ እና ማርኬቲንግ ማኔጅመንት በተለያዩ ምክንያቶች ተማሪዎች የተፈተኑት ጥያቄ ቁጥር ከመቶ ያነሰ ስለነበር ያገኙት ውጤት ወደ መቶ ሲቀየር በነጥብ ሊቀመጥ ይችላል፡፡

"ውጤት ሲገለፅ የጊዜ መቀዳደም ካልሆነ በስተቀር በሲሰተሙ ላይ ምንም አይነት ችግር እንዳልነበረ" ኃላፊው አረጋግጠዋል።

የማለፍ ምጣኔን በተመለከተ "ተፈታኞቹ የተማሩባቸውን ተቋማት እንዲሁም የራሳቸውን ብቃት መመልከት" አለባቸው ብለዋል።

ያስፈተኗቸውን ተማሪዎች 100% ያሳለፉ የግል ከፍተኛ የትምህርት ተቋማት እንዳሉ ኃላፊው ገልፀዋል።

@tikvahuniversity

የ12ኛ ክፍል ፈተናቸውን አብረው እየወሰዱ የሚገኙት እናት እና ልጅ

የተፈጥሮ ሳይንስ ትምህርታቸውን አብረው ሲከታተሉ የነበሩት እናት እና ልጅ ሀገር አቀፍ ፈተናውን በጥሩ ውጤት ለማለፍ በጋራ ሲዘጋጁ መቆየታቸውን ይናገራሉ፡፡

እናት ወ/ሮ ፍሬህይወት ኃይሉ የ8ኛ ክፍል ተማሪ እያለች ልጇን በመውለና በማኅበራዊ ጫና ትምህርቷን አቋርጣ ነበር። በሒደት ያቋረጠችውን ትምህርት በመቀጠል፣ ከልጇ ተማሪ ሰብሪና ታጅር ጋር ትምህርቷን በመከታተል የ12ኛ ክፍል መልቀቂያ ፈተናን በጥሩ ውጤት ለማጠናቀቅ ሲዘጋጁ መቆየታቸውን ገልፃለች።

እናት እና ልጅ እየተደጋገፉ ልጅ ቀን እናት በማታ ትምህርታቸውን እየተማሩ በመደጋገፍ ለፈተናው ሲዘጋጁ እንደነበር ወ/ሮ ፍሬህይወት ጠቁመው፤ ባለቤታቸውም ጥሩ ውጤት እንዲያመጡ ድጋፍ ሲያደርግላቸው እንደነበረ ተናግራለች።

እናት እና ልጅ ፈተናቸውን በሐረማያ ዩኒቨርሲቲ እየወሰዱ ሲሆን፤ ጥሩ ውጤት በማምጣት በቀጣይም አብረው ትምህርታቸውን ለመማር ማቀዳቸውን ለሐረማያ ዩኒቨርሲቲ ማኅበረሰብ ሬዲዮ ገልፀዋል።

@tikvahuniversity

በትግራይ ክልል ሁለተኛው ዙር የ12ኛ ክፍል መልቀቂያ ፈተና በመሰጠት ላይ ይገኛል፡፡

በዚህኛው ዙር በ2013/14 የትምህርት ዘመን በቀድሞ ስርዓተ ትምህርት ተምረው ፈተናውን ሳይወስዱ የቆዩ ተማሪዎች ፈተናቸው እየወሰዱ መሆኑ ተገልጿል፡፡

23 ሺህ የሚሆኑ ተማሪዎች፤ ከዛሬ ሐምሌ 9/2016 ዓ.ም ጀምሮ ለአራት ተከታታይ ቀናት በመቐለ፣ ራያ፣ አዲግራት እና አክሱም ዩኒቨርሲቲዎች የሚሰጠውን ፈተና እንደሚወስዱ የክልሉ ትምህርት ቢሮ ኃላፊ ኪሮስ ጉዕሽ (ዶ/ር) ተናግረዋል።

@tikvahuniversity

ለቻርጀር መሯሯጥ ድሮ ቀረ! ገና ቀኑ ሳይጋመስ የሚያልቅ ባትሪ አላማረራችሁም? እንደዛ ከሆናችሁ ቅመም Itel Pro ለእናንተ ነው! ትልቅ የ4000mAh የባትሪ አቅም ስላለው በአንድ ጊዜ ቻርጅ ብቻ ለሁለት ቀናት እንደልባችሁ ስልካችሁን መጠቀም ያስችላችኋል! ቅመም Itel Pro በሄዳችሁበት ሁሉ አብሯችሁ ነው!

#SafaricomEthiopia
#MpesaSafaricom
#1Wedefit
#FurtherAheadTogether

ሠመራ ዩኒቨርሲቲ የክረምት መርሐግብር የ2016 ዓ.ም ምዝገባ የሚካሔደው ከሐምሌ 17 እስከ 19/2016 ዓ.ም መሆኑን አሳውቋል፡፡

ሰኞ ሐምሌ 22/2016 ዓ.ም ትምህርት የሚጀምረው መሆኑ ተገልጿል፡፡

@tikvahuniversity