#Safaricom Ethiopia

የ 400,000 ብር ሽልማት አሸናፊ ይሁኑ!

#1Wedefit የዲጂታል ሙዚቃ ውድድርን ለመቀላቀል፦
🎥 የአንድ ደቂቃ የራሳችን ሙዚቃ ቪዲዮ በTikTok ላይ እንፖስት
📲 የሳፋሪኮም ኢትዮጵያን ገጽ ታግ እናድርግ
🏷 #የምትኖሩበትን ከተማ አድራሻ እና #1Wedefit የሚለውን ማስገባት እንዳትረሱ

እንዝፈን፣ እንወዳደር፣ እንሸለም!

#SafaricomEthiopia #1Wedefit #Furtheraheadtogether #DigitalMusicChallenge

የ12ኛ ክፍል ተፈታኙ የኃይማኖት አባት

ነገ ሐምሌ 3/2016 ዓ.ም መሠጠት የሚጀምረውን የ12ኛ ክፍል ብሔራዊ ፈተና ለመውሰድ በሰላሌ ዩኒቨርሲቲ ከተገኙ ተፈታኞች መካከል የኃይማኖት አባት የሆኑት አባ ተ/ወልድ ወ/ጻዲቅ ይገኙበታል።

አባ ተ/ወልድ በ1962 ዓ.ም ነበር ትምህርታቸውን ከ8ኛ ክፍል ያቋረጡት። "ሞራልና ፍላጎት ካለ ከትምህርት ምንም ሊገድበኝ የሚችል ነገር የለም" በማለት ያቋረጡትን ትምህርት በመቀጠል፥ ዘንድሮ የ12ኛ ክፍል ብሔራዊ ፈተናን ይወስዳሉ።

"ጊዜው የቴክኖሎጂ ነው፥ የትኛውም የሥራ መስክ በትምህርት ካልተደገፈ ሙሉና የተሳካ ሊሆን አይችልም" ይላሉ አባ ተ/ወልድ።

የ12ኛ ክፍል መልቀቂያ ፈተናውን በማለፍ ወደፊት አቅማቸው እስከፈቀደ ድረስ ትምህርታቸውን ለመቀጠል ቁርጠኝነት እንዳለቸው አባ ተ/ወልድ ይገልፃሉ። #SalaleUniversity

@tikvahuniversity

የ12ኛ ክፍል መልቀቂያ ፈተና በአማራ ክልል

በአማራ ክልል 96,408 ተማሪዎች የ12ኛ ክፍል መልቀቂያ ፈተና እንደሚወስዱ የክልሉ ትምህርት ቢሮ አሳውቋል።

ነገ ሐምሌ 3/2016 ዓ.ም መሠጠት የሚጀምረውን አገር አቀፍ የዩኒቨርሲቲ መግቢያ ፈተና፤ 96,408 ተማሪዎች በአማራ ክልል እንደሚወስዱ ቢሮው ባወጣው መግለጫ ገልጿል።

51,900 የማኅበራዊ ሳይንስ ተማሪዎች እና 44,508 የተፈጥሮ ሳይንስ ተማሪዎች ፈተናውን በ 375 የፈተና ጣቢያዎች እንደሚወስዱ ተገልጿል። ይህ አሀዝ ቢሮው ፈተናውን ይወስዳሉ ብሎ ይጠብቅ ከነበረው በግማሽ ያነሰ ነው።

ተፈታኞችን ለማዘጋጀት የማጠናከሪያ ትምህርት መሰጠቱን፣ የክለሳ ሥራዎች መደረጋቸውን እንዲሁም ሞዴል ፈተናዎች መሠጠታቸውን የክልሉ ትምህርት ቢሮ ኃላፊ ሙሉነሽ ደሴ (ዶ/ር) ገልፀዋል።

የ2016 ዓ.ም የ12ኛ ክፍል ብሔራዊ ፈተና በሁለት ዙር ከሐምሌ 3-11/2016 ዓ.ም እንደሚሰጥ ይታወቃል።

የፀጥታ ችግር ባለባቸው አካባቢዎች በተለይም በአማራ ክልል የሚገኙና ምዝገባቸውን ማድረግ ላልቻሉ ተማሪዎች በመስከረም 2017 ዓ.ም ሁለተኛ ዙር ፈተና እንደሚዘጋጅ የትምህርት ምዘናና ፈተናዎች አገልግሎት መግለፁ አይዘነጋም።

@tikvahuniversity

#University_of_Gondar

ጎንደር ዩኒቨርሲቲ የቅድመ እና የድኅረ ምረቃ ፕሮግራም ነባር የክረምት ተማሪዎች የ2016 ዓ.ም የምዝገባ ጊዜ ሐምሌ 15 እና 16/2016 ዓ.ም መሆኑን አሳውቋል።

በመሆኑም ነባር የክረምት ተማሪዎች በኮሌጅ፣ በኢንስቲቱዩት ወይም በትምህርት ቤት ረዳት ሬጅስትራር ጽ/ቤቶች በመገኘት ምዝገባችሁን እንድታደርጉ ዩኒቨርሲቲው አሳስቧል።

ትምህርት ሐምሌ 17/2016 ዓ.ም እንደሚጀምር ተገልጿል።

@tikvahuniversity

የኢትዮጵያ ሲቪል ሰርቪስ ዩኒቨርሲቲ እንዲሁም የፌዴራል ቴክኒክና ሙያ ስልጠና ኢንስቲትዩትን ጨምሮ 44 የመንግሥት ከፍተኛ ትምህርት ተቋማት በተለያዩ የትምህርት መስኮች ያስተማሯቸውን ተማሪዎች ባሳለፍነው ሳምንት አስመርቀዋል።

የነዚህ ከፍተኛ ትምህርት ተቋማትን የ2016 ዓ.ም የተማሪዎች የምረቃ ሥነ-ስርዓት የተመለከቱ መረጃዎች በሙሉ ወደናንተ አድርሰናል።

ይሁን እንጂ አራት ዩኒቨርሲቲዎች ተማሪዎቻቸውን ባሳለፍነው ሳምንት አላስመረቁም።

ባህርዳር ዩኒቨርሲቲ፣ ጎንደር ዩኒቨርሲቲ፣ መቅደላ አምባ ዩኒቨርሲቲ እና መቐለ ዩኒቨርሲቲ ተማሪዎቻቸውን እንዳላስመረቁ ቲክቫህ ዩኒቨርሲቲ ታዝቧል።

እነዚህ ዩኒቨርሲቲዎች በቅርቡ የ2016 ዓ.ም የተማሪዎች የምረቃ ሥነ-ስርዓት ይኖራቸው እንደሆን ለማጣራት ያደረግነው ሙከራ አልተሳካም።

መቐለ ዩኒቨርሲቲ በዚህ ዓመት 2,350 ተማሪዎችን ኅዳር 8/2016 ዓ.ም ማስመረቁ ይታወሳል።

@tikvahuniversity