👈ما الفرق بين فيتامين D2 و D3؟

👈باختصار فيتامين D عموما هو الكالسيفيديول calcifediol وده مركب مهم جدا للجسم وخصوصا العظام لأنه بيعلى من نسبة الكالسيوم فيها وبيرسبها جواها وده الصورة النهائية اللي بيستفاد بيها جسمنا..طيب أمال إيه موضوع D2 و D3 ده ؟

👈فيتامين D2 اللي هو الإرجوكالسيفيرول وده بصفة خاصة بيتصنع جوة النباتات ومش بيتصنع جوة الجسم وبالتالي بنحصل عليه من مصدر خارجي اللي عادة بيبقى مصدر نباتي زي الفطر أو المشروم يعني والمكملات الغذائية .

👈إنما فيتامين D3 اللي هو الكوليكالسيفيرول وده بيبقى مصدره حيواني بناخده من الزبدة مثلا زيوت السمك الدهنية وصفار الببض وبعض أنواع الحبن وغيره وده .

وسواء كان فيتامين D2 أو D3 فهو في الآخر بيخش الجسم ويتنشط في الآخر للصورة الفعالة من فيتامين D اللي هو 25 hydroxy calcifediol اللي قلناها فوق خالص.

👈يعني هتفرق معايا يا دكتور أخد أي نوع فيهم؟

👈بص يا سيدي هي مش هتفرق كتير وإن كان بعض الدراسات بتحبذ الفيتامين D3 أكتر من D2 وده لأنه بيتنشط أسهل جوة الجسم وأكثر استقرارا يعني بيقعد فترة اكتر جوة الجسم من أخوه D2 لأنهم لقيوا إن الناس اللي بتاخده ال D3 عندهم كالسيفيديول calcifediol اللي هو الصورة النهائية لفيتامين D أكتر من اللي خدوا D2.

👈في فرق تاني وإن كان مش هيفرق لو بتاخد حضرتك المكملات من بره الجسم ..وهو إن فيتامين D3 ممكن يتنشط بالتعرض لأشعة الشمس على الجلد لأن أشعة الشمس بتحول مركب 7-dihydrocholesterol اللي موجود في طبقات الجلد لفيتامين D3 .

👈مريض السكر في في مثلث كده عنده لازم يخلي باله منه .
👈١-مريض السكر في ٣ حاجات لازم يتابعها وتبقي متظبطة عنده ..وهي السكر والضغط ومستوي الدهون في الدم ..مينفعش انه يهتم بالسكر بس ويقول مدام تحاليلي في السكر فل يبقى خلاص ..لازم كمان يظبط ضغطه ويحافظ عليه ميزيدش بالكتير عن ١٤٠/٩٠ ولو كان عنده مشكلة في القلب يفضل ميزيدش عن ١٣٠/٨٠..ولو في الكلى يبقى ١٢٠/٨٠ ..لازم يخلي باله من مستوى الدهون في الدم خصوصا ال LDL-cholesterol أو الدهون منخفضة الكثافة ..وده عن طريق تظبيط الاكل وأدوية الstatins .

👈٢-الفكرة كلها هي منع حدوث المضاعفات سواء مضاعفات macrovascular من cardiovascularو cerebrovascularو peripheral يعني مضاعفات علي القلب والمخ والأطراف أو microvascular سواء كانت retinopathyيعني مشاكل في العين والشبكية و nephropathyاعتلالات في الكلية و neuropathyاعتلالات في الأعصاب ..عشان كده مهم أوي منع المضاعفات ديه أو على الاقل التقليل من معدل حدوثها يعني بدل ما تحصل بعد ٥ سنين يبقوا ١٠ او ١٥ مثلا.

👈من ضمن الدراسات الجديدة اللي معمولة على الميتفورمين وهي إنه من الممكن استخدامه خارجيا في علاج حالات الكلف melasma وده لأنه وجدوا إنه له تأثير melanopenic action يعني بيقلل من افراز وشغل خلايا الميلانين ..وإن تأثيره تقريبا معادل للتركيبة الثلاثية الشهيرة بتاعة الكلف TCC ..وطبعا هيكون توبيكال يعني في صورة كريم خارجي.

Dr.Beshoy fawzy د.بيشوي فوزي:
#الهالات_السوداء 𝗗𝗮𝗿𝗸 𝗰𝗶𝗿𝗰𝗹𝗲𝘀 وكل ما يخصها باختصار شديييد.

⛔أولا ليه بتحصل الهالات السوداء ؟

👈بص يا سيدي الهالات السوداء ديه عبارة عن تصبغات أو مناطقة داكنة بيزيد فيه غمقان الجلد تحت العينين ممكن تحصل نتيجة سوء الحالة النفسية..مشاكل في النوم ..الجوع الزايدوالرچيم القاسي ..قلة المية والعطش.. الإرهاق أو كعرض لبعض الأمراض زي الأنيميا مثلا..وطبعا ممكن من بعض الأدوية زي الأدوية اللي ممكن تعمل إدمان مثلا.

👈إحنا عندنا تحت العين في عضلة دويرية بنسميها ال orbicular muscle of the eye.. هتلاقي صورتها في الكومنتات..العضلة ديه بتتحكم في قفل وفتح العين واللي بيعمل القصة ديه كلها هو العصب السابع..العضلة ديه بنقسم لتلات أجزاء:
١- جزي بنسميه ال orbital وده لو تخيلنا إن عضلة العين دائرية فال orbital ده هو الجزء اللي من برة.

٢-جزء جفني بنسميه palberal وده الجزء اللي من جوة واللي ماسك الجفون ومحوطها.

٣-جزء دمعي أو lacrimal وده مرتبط بالقناة الدمعية أكتر.

👈الشغل الطبيعي للعضلة هو إن ال Orbital تشد وتفتح في الجلد وده اللي بيشد الجفون ويكرمشها.

👈مع حركة الغلق والفتح للعضلة ديه وشد الجلد بالإضافة لوجود نشاط دموي في المنطقة ديه Hypervascularity
بيحصل ضعف في الجلد وضعف في العضلة ديه ده غير الكولاچين في المكان ده بيقل عشان طبقة ال epidermis لما بيحصل أي مشكلة فيها بتطلع إنزيم الكولاچيناز اللي بيكسر الكولاچين بتاع الجلد..والنتيجة الجلد بيكون جاف ومكرمش وبيزيد فيه نشاط خلايا الميلانين melanocytes واللي بالمناسبة في منها نوعين..المهم في النهاية بتتكونلي العالات السودا حوالين العينين وبتكون بدرجات تتفاوت من شخص لآخر.

⛔طيب إزاي بنعالجها؟

👈الأول نشوف السبب إيه ونحاول نصححه..يعني نشرب مية كتير..نظبط النوم ..لو في أي مشاكل أنيميا نظبطها ..بلاش فرك كتير تحت العينين وغيره من الأسباب اللي قلتها فوق.

👈ممكن نستخدم المواد الطبيعية زي الخيار لما بيتعمل شرايح تتحط كماسك على العينين والجفون😀..فتلة الشاي الدافي لما نعمل بيها كمادات وده بيحسن من الدورة الدموية عشان الكافيين غير طبعا تأثيره المضاد للأكسدة..لو عينيك بتدمع كتير حاول تصحح المشكلة عشان الدموع ديه لما بتنزل على الجفون بتزود الجفاف وبالتالي الهالات وعشان كدة بينصحوا إنك تزود المخدات تحتيك وأنت نايم عشان الدموع متفضلش راكدة فيها..كمادات التلج الضاغطة برضه بتحسن شوية من الموضوع والأفضل تستخدم معلقة باردة خصوصا لو جفونك منتفخة وتنزل بضهر المعلقة البارد من الناحية المحدبة وتسيبها شوية علي جفونك...ممكن كمان المساچ في حركات دائرية حوالين العين يحسن الدنيا شوية.
غير طبعا بعض المكياچ والأي كونسيلر والفاونديشن ممكن يداريها مع السيدات بس طبعا مش بيعالجها.
⛔نكلم بقى عن الكيماويات والكريمات والأي كونتور..
أشهر حاجة بتستخدم بس طبعا بتركيزات صغيرة بتكون #الهيدروكينون و #فيتامين_سي ..بس الهيدروكينون له شوية محاذير في استخدامه فمش دايما بيكون أنسب اختيار .

👈ممكن نستخدم الأي كونتورز اللي مالية الأسواق وديه أغلبها بيكوني غني بالهيالورنويك وخلاصة العرقسوس liquorice extract وديه بتشد الجلد وبترطبه..غير شوية حاجات تانية زي الجلسرين والكافيين والجلوتاثيون والكولاچين بس يعني بتكون حاجات بسيطة مش زي ما الناس متخيلة ولا زي ما الشركات بتسوقلها..وهكلم إنشاءلله في بوستات منفصلة عن مراجعة شاملة لأشهر الأي كونتورز اللي موجودة وإزاي نختار ما بينهم.

👈بعد كدة في التقشير الكيميائي chemical peel بأحماض الفاكهة زي ال ألفاهيدروكسي AHA بس ديه عيبها إنها ممكن تعمل شوية التهابات خصوصا إن منطقة تحت العينين منطقة حساسة وبتحتاج تتغسل كويس بمرطبات وصوديوم بيكربونات عشان متلتهبش..وساعا كمان ال TCA بيستخدم بتركيزات من ١٥ ولحد ٥٠٪..بس برضه بنخاف لا حاجة تخش في العين.

👈الليزر قد يكون حل مع البعض في حالات فشل كل التركيبات الموضعية اللي فوق وبتكون أجهزة بترددات معينة.

👈ممكن يتحط فيلر tissue filler
وده بيتحقن فيه هيالورونيك أسيد في الجفون او حقن البلازما PRP اللي بتحسن من ترابط الكولاچين ببعضه في المنطقة ديه..وساعات بتوصل لجراحة blepharoplasty يعني كأنهم بينضفوا الجفن غير كمان عمليات ال autologous fat transplantation اللي هو بيزرعوا طبقة دهنية تحت جفن العين فوق عضلة العين الدويرية.

👈طبعا مش عاوز أقول بلاش تعرض للشمس كتير في جميع الحالات ولو اضطرينها يبقى نستخدم صن بلوك
أو على الأقل نضارة شمس..ولو بندخن ياريت نقلل والأحسن نبطل.

👈لو استفدت من البوست ده اعمل لايك وعلق بتم عشان توصلك بقية البوستات.

⛔⛔ليه في حالات خمول الغدة الدرقية ممكن نلاقي معاها شوية #أنيميا؟

١-بص يا سيدي أولا الغدة الدرقية ديه اللي بتطلع الثيروكسين وده الهرمون اللي بيحفز وظايف كتيرة جدا جوة الجسم من ضمنها إنه بيزود من تصنيع حمض الهيدروكلوريك HCL وبالتالي في حالة الخمول #hypothyroidism الحمض بيقل ومن المعروف إن الحديد بيحصله امتصاص في الوسط الحامضي وليس القاعدي وبالتالي هيقل معايا امتصاص الحديد وبكدة ده هيكون أول سبب من أسباب الأنيميا.

👈٢-السبب التاني وهو إنه مع الخمول درجة حرارة الجسم بتقل ومن المعروف إن نخاع العظام واللي مسئول عن تصنيع ال RBCs أو كرات الدم الحمرا بيقل نشاطه كل ما درجة الحرارة قلت وبالتالي ده هيكون السبب التاني معايا في الأنيميا.

👈بيقولك كمان إن وجود الأنيميا مع حالات خمول الغدة ده على الناحية النفسية بيوحي إن علاج الغدة مش مظبط الدنيا لسة وإن أدوية الغدة محتاجة تزيد جرعتها يعني مثلا لسه الشعر بيقع وإحنا اتشخصنا غدة فظبطنا الغدة بس برضه لسه الشعر زي ما هو عمال بيقع ..هنا بيكون السبب التاني هو الأنيميا اللي لسه متظبطتش ..وبالتالي مع تظبيط الغدة محتاج كمان أصحح الأنيميا عشان أحس بتحسن مقبول ونتيجة مرضية في أقرب وقت.

👈كمان عمليةالأيض بتاعة الثيروكسين بتعتمد اعتماد كلي على وجود الزنك والسيلينيوم اللي اكلمنا عنه قبل كدة وكمان بتعتمد على الحديد وده عشان في عملية تصنيع هرمون الغدة وهو الثيروكسين بنحتاج انزيم مهم بنسميه thyroid peroxidase enzyme وده بيعتمد اعتماد كبير في تصنيعه على عنصر الحديد
وبالتالي ده هيدخلني في دايرة مفرغة أو جهنمية بمعني الخمول مزود الأنيميا والأنيميا هتزود الخمول ونقعد نلف حوالين بعض.

👈ويمكن ده سبب من أسباب إنه في بعض حالات خمول الغدة غير السريري subclinical hypothyroidism يعني tsh عالي و T4 نورمال ومعانا أنيميا جامدة بنلاقي الدكتور بيكتب الالتروكسين والثيروكسين للعيان.

👈نقول تاني..»👈ارتفاع نسبة #اليوريك_أسيد في الدم لا تعني وجود #النقرس..ووجود النقرس مش بالضرورة نلاقي معاه ارتفاع في نسبة اليوريك أسيد في الدم.

👈عشان نقول ده نقرس gout أو نقول داء المفاصل النقرسي gouty arthritis لازم يحصل ترسب لحمض اليوريك في المفاصل..واللي بتترسب على هيئة كريستالات(mono sodium urate)وديه بتبقى شبه الأبر في المفصل وهي اللي بتدي التأثير الملهب والاحساس بالوجع في المفصل نفسه وتحب أوي المفاصل الصغيرة خصوصا أصبع القدم الكبير مسببة ال podagra..لكن عادي ممكن تحلل اليوريك أسيد ويطلع قليل برغم من وجود النقرس.

👈العكس بقى بقى ..ممكن نلاقي اليوريك أسيد عالي ..أعلى من ٧ ..والعيان يقولك عندي نقرس..زي ما قلت فوق عشان يحصل نقرس بيحصل ترسب لليوريك اسيد في المفاصل..أه هناخد أدوية تزود من خروجه من الجسم او تقلل تصنيعه لمن لسة مفيش نقرس..وبالتالي ارتفاع اليوريك أسيد في الدم uricemia او نلاقيه في النورمال ده في حد ذاته لا يشخص نقرس.
Serum uric acid measurement only is not a diagnostic tool of gout.

Dr.Beshoy fawzy د.بيشوي فوزي:
👈لو وصلك البوست ده فمن فضلك تفاعل معاه عشان بجد تعبت في كتابته وحرام ميوصلش لحد وميستفادش منه.
------------------------------------------------------------------------------------
⛔كل ما ينبغى أن تعرفه عن #التاڤانيك ..لو حضرتك دكتور أيا كان تخصصك تابع معايا البوست للأخر لأنه أكيد من الأدوية المهمة اللي هتعدي عليها.

☝️التاڤانيك واللي تركيبته #ليڤوفلوكساسين يعتبر من عيلة الفلوروكينولونز وده يعتبر من أقوى وأشطر المضادات الحيوية اللي بتخلص على البكتريا..وهنا هنقول حوالي ٢٠ معلومة مهمة عنه لازم تكون عارفها قبل ما تكتبه في روشتتك أو تصرفه لعيان...يلا بينا:

👈 ١-جرعته كده مبدأيا مرة واحدة في اليوم تكفي ..حضرتك ال T1/2 بتاعته من ٦ل٨ ساعات..هتقوللي إيه ده يا دكتور طب ما كده نديه كل ٨ ساعات ..ما يا حبي ال duration يختلف عن ال T1/2..يعني المعلم ده بينزل الدم ينط على ال neutrophils يركب عليها يطلع على مكان ال infection يستقر هناك ..يعني تسحب عينه متلاقيهوش في الدم ..لكن هو موجود وشغال في مكان ال infection وبالتالي ال duration بتاعه بيوصل ل ١٢ و١٤ ساعة..والحركة ديه بنسميها post antibiotic effect أو post therapeutic effect.

👈٢- بنعتبره من الجيل التالت من عيلة ال flouroquinlones ..بعض الكتب بتصنفه كجيل تاني وده عشان هو l-isomer لأخوه وحبيبه الأوفلوكساسين اللي هو جيل تاني لكن هو ربنا كرمه وفتح عليه وخلاه طلع جيل تالت.

👈٣- لأنه جيل تالت فبالتالي ال spectrum بتاعه بيكون أحسن في حالات ال gram Positive bacteria لأننا كل ما بنعلى في الجيل بتاع المجموعة ديه كل ما بيزيد ال spectrum ناحية الجرام بوزتف وبيقل ناحية الجرام نيجاتيف..وكمان له تأثير حلو جدا على ال atypical bacteria.بعكس الجيل التاني زي السيبرو ملوش.

👈٤- عشان هو بيقدر ينشن على ال gram positive bacteria وال atypical فبنلاقيه في حالات ال respiratory infection بيكون ممتاز جدا هو وأخوه الموكسيفلوكساسين ومن هنا بنسميهم respiratory quinolones...لأنع في الغالب حالات ال respiratory infection بتكون بوزتف أو atypical زي Legionella pneumophila اللي بتيجي من التكييفات في الغالب.

👈٥- له قدرة ممتازة على اختراق أنسجة كتير زي البروستاتا والتمركز فيها..وال CSF وال sinus والsaliva وبيعدي ال placenta وبينزل كمان في ال breast milk وبالتالي هيكون خيار ممتاز جدا في حالات ال prostatic infection وال meningitis وال UTI وال sinusitis ...وخصوصا مع البروستاتا زي حالات ال prostatic diverticulum او جيوب المثانة واللي كل شوية تعبي infection ونلاقي pus في ال urine..وبرضه مع ال UTI لأنه highly concentrated in urine.

👈٦- بلاش تكتبه لحد عنده neuritis جامدة خصوصا من السكر ..هتلاقيها زادت معاه أكتر وده لأن البيه له تأثير GABA inhibitory يعني لما يقفل ال GABA اللي مرخياك أصلا هيخليك تتنطط.

👈٧- من أشهر الأعراض الجانبية لليڤوفلوكساسين على وجه الخصوص هي اصابات الأوتار وده لأنهم كلهم من عيلة الفلوروكينولونز ودول كلهم ليهم تأثير tendonopathic effect يعني بيتعبوا الأوتار أكتر وتحديدا وتر أكيليس أو العرقوب واللي في بعض الحالات ممكن توصل معانا لقطع فيه achilles tendon rupture.

👈٨- في العموم العيلة ديه كلها ليها تأثيرها musculoskeletal خصوصا على ال grown cartridge للي تحت ال ١٨ سنة يعني هيضعف نمو الغضاريف ويحصلها تآكل.. بصفة عامة هو بيحب ال connective tissueجدا وبيروح يتمركز فيها وبرضه يبوظ فيها ..وبالتالي مش محبذة للأطفال ولا الحوامل أو المرضعات وإن كان الكلام الجديد بدأ يسمح بالسيبرو للأطفال في بعض حالات ال meningitis أو التهاب السحايا لأنه حتى الآن ده مثبت على الفئران فقط مش على البني أدمين.

👈٩- نقول تاني استخدامه بيكون له تأثيرات على الجهاز العصبي CNS .. يعني لو عندي مريض بمشاكل الجهاز العصبي يفضل تجنب العيلة ديه خالص مش التاڤانيك بس وده عشان ليها تأثير في قفل بعض النواقل العصبية المهمة في الدماغ زي ال GABA ومعروف إن ال GABA ديه من أقوى النواقل العصبية اللي بتعمل ارتخاء inhibitory وبالتالي قفلها هينشط الدنيا أكتر ..فلو مريض صرع وكهربا زايدة ممكن التشنجات تزيد معاه..لو مريض أرق مش هيعرف ينام كويس(وعشان كدة بلاش ناخد العيلة ديه خالص مساءا..خليها الصبح أحسن) ..لو مريض سكر وعنده peripheral neuropathy او اعتلال في الأعصاب الطرفية..فهنلاقي الحرقان والتنميل والشعوطة بتاعة الأطراف زادت..فيفضل تجنبهم ما لم يكن قدامنا سواهم.

👈١٠- خليه الصبح عشان ممكن مينيمكش كويس بليل ويكون قبل الاكل بساعة أو بعد الأكل بساعتين.

👈١١- بلاش قهوة وكافيينات كتير معاه وده مراعاة للقاعدتين رقم ٩ و ١٠.

👈١٢- يعتبر bactericidal طبعا مش static وده لأنه بيمنع الduplication لل DNA من الأول ولو حابب تعرف أكتر هو بيمنع شغل ال topoisomerase 2 و4 في الباكتريا ودول انزيمات بيرخوا ال DNA عشان يسهل من عملية التضاعف..منع الإنزيمات ديه بيسبب تلف جامد في ال DNA بتاع البكتريا ..طبعا مش بيأثر أوي على الإنسان عشان الجرعات بتكون على أد البكتريا.

👈١٣- راجع القاعدة رقم ٧ كويس وأوعى تنساها.

👈١٤- خيار ممتاز معايا في في حالات ال plaque وال anthrax وال epididymitis وال osteomyelitis لأنه بيروح مخصوص يتمركز في الأماكن ديه.

👈١٥- بيزود من ال QT interval وديه أنا حكيت عنها كتير قبل كدة ..يعني المسافة في رسم القلب بين ال Q و ال T هتزيد عن ٤٥٠ m/s يعني لو مريض بمشاكل في كهربا القلب أو بياخد علاج لكهربا القلب أو بياخد دوا تاني بيزود من المسافة بين ال Q وال T فبلاش نستخدمه معاهم ..أو على الأقل يكون بحذر..عشان منخشش في torsade de pointes او ما يعرف بال polymorphic ventricular tachycardia..وديه حالة fatal لو متلحقتش.

👈١٦- في حالة لو في أي مشاكل في الكلى any grade of CKD ياريت نعمل modification للجرعة على حسب الgrade بس في الغالب هيكون قرص ٥٠٠ كل ٤٨ ساعة ..فمتستغربش لو لقيته مع مريض كلى مزمن مكتوبله كل ٤٨ ساعة.

👈١٧- ممكن يعمل شوية photosensitivity والمسئول عن كدة هو ذرة الفلور الموجودة في تركيبه..فيعني بلاش نتعرض للشمس كتير وإحنا واخدينه..طبعا هو مش بنفس غتاتة التيتراسيكلين في الموضوع ده بس أهو نخلي بالنا.

👈١٨- طبعا بيعمل chelation مع ال secondary and tertiary cations زي الكالسيوم والماغنسيوم والزنك والحديد وغيره برضه مش بنفس غتاتة التيتراسيكلين لكن بتحصل..فبلاش ناخده معاهم في نفس الوقت..يعني بلاش ناخد معاه فوارات الحموضة والمكملات الغذائة في نفس الوقت..وبلاش ناخده بلبن أو زبادي..المية حلوة أوي.

👈١٩- ممكن نستخدمه ك off label في حالات ال acni vulgaris .

👈٢٠- خلي بالك له minimum CYP 450 inhibitor effect يعني هيزود من شغل الأدوية التانية اللي بتتاخد معاه ..هي ميزة وعيب..ميزة لو أنا عاوزه مع دوا يدي تأثير أقوي ..وعيب لو معاه حاجة زي الديجوكسين ولا الثيوفيللين مثلا وده وارد جدا في حالات ال pneumonia وال bronchitis فنخلي بالنا من الثيوفيللين لأنه ال therapeutic index بتاعته بعافية شوية 😀.

👈باختصار الديكسا ده يعتبر كورتيزون وده بيتاخد لأغراض علاجية فقط وبأمر الطبيب فقط ..مينفعش حضرتك منك لنفسك أو حد مش دكتور يقولك خده.

👈الكورتيزون من أعراضه الجانبية إنه بيحبس مية تحت الجلد نظرا لتأثيره ال mineralocorticoidal action وده تأثيره في زيادة وزن لا يتخطي ال ٤ ل ٥ كجم.. بالإضافة إنه هيعمل moon face يعني هيخلي وشك زي القمر ..بس مش حلو زيه القمر ..أبسيليوتلي😁 ..لا مدور ومنفخ زيه واللغد ملفوف حواليه زي الكوفية😀..هيعملك buffalo hump..يعني عدم المؤاخذة كده في اللفظ لو بصينا على رقبة الجاموسة هيدينا صورة أقرب للي نقصده 😁 ..مش بتريء والله اسمه كده فعلا..الأطراف للأسف وفي الغالب مش بتتملى وبتفضل رفيعة ..فهتلاقي المنظر العام جذع كبير ورقبة مركبة ولغد متدلي وبطن مترهلة وأطراف رفيعة..ده بالظبط اللي هيعمله الكورتيزون للي عاوزه تتخن بيه وفاكره إنه هيخليها هند رستم..لكن في الواقع هيخليها شبه البتاع الأخضر اللي في شركة المرعبين المحدودة 😁.

☝️افتكر دايما لما تلاقي عيان بطنه منفوخة ومحجرة من كل النواحي abdominal distension وداخل عاوز حاجة للانتفاخ وأنت بتاخد الهستوري فكر في ال 5f يعني ٥ حاجات بيبدأوا بحرف ال f :

👈١- ال Flatus أو ال Flatulence وهنا يعني انتفاخ نتيجة غازات عاملة ضغط لبرة ..وهنا علي حسب الأعراض المصاحبة بيكون التصرف..يعني لو امساك فغالبا بنسبة كبيرة حالة قولون عصبي IBS وده ميمنعش تكون colitis برضه..لو اسهال ..ممكن colitis وممكن مشاكل في المرارة زي cholecystitis مثلا خصوصا لو كان في dyspepsiaومعاه steatorrhea يعني الاسهال دهني خالص..لو معانا heart burn قد تكون ارتجاع مريء GERD وقد تكون مشكلة مرضية أخري خاصة بالمريء..متنساش برضه جرثومة المعدة H pylori قد تكون سبب من الأسباب..وعلى حسب العوامل المصاحبة بيكون التصرف ما بين مجرد أدوية otc لتسيير الوضع أو التحويل للباطنة.

👈٢- ال Fetus بعني حالة حمل وطبعا هتكون Female وديه سهل تعرفها لو لسه متزوجة والبريود مبتجيش وديه مع العلم برضه أكلها مفيهوش مشكلة وديه في الغالب هتلاقيها هي بتشك وبتطلب منك اختبار حمل وطبعا ديه حالة نسا.

👈٣- ال Fat وده هيكون شخص obese يعني وزن زايد جدا ..يعني كرش بالبلدي وده ميمنعش إنه الحالة كمان تكون gases لأنه محتمل بنسبة كبيرة يكون أكلة متلغبط .

👈٤-ال Feces أو تراكم الstool وده بسبب امساك أو غيره ولو اكلمنا عن أسباب الامساك فهنعد للصبح أولهم القولون العصبي IBS ..وبالتالي الأهم معالجة السبب الأساسي للامساك ولو كان معاهم مغص فخلي بالك لو أديت حاجة للمغص ممكن تزود من الامساك والغازات.

👈٥- ال Fluids بمعنى مية تحت البطن ascites وديه طبعا حالة hepatic على الاغلب وفي الغالب هتلاقي معاها jaundice او يرقان او صفار في الجسم كله وده يا هيكون مريض عارف حالته أصلا يا حضرتك متديلوش اي حاجة وتحوله لإخصائي كبد.

👈أخيرا قد يكون هناك أسباب أخرى ك fatal t tumor مثلا لكن لا داعي لذكرها الآن لأني هنا حاولت ألم أكثر الأسباب شيوعا.

👈من البوستات اللي خدت معايا وقت في كتابتها فياريت تفاعل عليها عشان البوست يوصل لأكبر عدد ..دول شوية تريكات كدة خاصة بأدوية المعدة والجهاز الهضمي العلوي عموما upper GIT كتبتها باختصار:

👈١- أدوية المعدة كلها بتتاخد قبل الأكل ..يعني متخفش مش عشان المعدة تعبانه يبقي لو خدناها من غير أكل هتتعب أكتر.

👈٢- مش كل أدوية المعده ينفع تتاخد مع بعض عادي ..في أدوية الأفضل يكون بينها فاصل زمني ..زي مثلا لو بدي جاستروفيت ولا مينالاكس مع حاجة زي الأوميز .

👈٣-مش كل وجع في المعدة معناه إن معدتك هي اللي تعبانه ..ممكن مشاكل من القلب عادي خالص وديه هتحصل مع المجهود ..ممكن ارتجاع مريء وديه مع الأكل والنوم ..ممكن اي التهاب في عضلات وغضاريف المنطقة ديه .

👈٤-لو عندك ارتجاع مريء قبل ما تفكر في أدوية حاول تخس..ارفع حرف السرير تحت راسك ٢٠ درجه لفوق ..خف سجاير وحاجات حامية وتوابل واكل نوم..ده هيجيب نتيجة أحسن من الأدوية.

👈٥-مفيش حاجة اسمها هاخد دوا ولا شربة انضف قولوني من الغازات والانتفاخات والبطن تنزل ..أي حد هيقولك مصطلح غسيل قولون اعرف إنه نصاب يا إما جاهل بالشيء.

👈٦-لو بتتعب بعد الأكل والوجع بيكون منتتشر كدة ناحية فم المعدة بس مش عراف تحدد مكانه بصوبعك diffuse pain فغالبا المشكلة من المعدة نفسها ..لو بترتاح بالأكل فغالبا المشكلة في الأثنى عشر خصوصا لو كان الألم محدد في نقطة معينة localized pain وبيزيد بالليل
والاتنين علاجهم تقريبا واحد وإن كانت الأثنى عشر بتتحسن أفضل better prognosis وأقل خطورة.

👈٧-لو معاك عسر هضم dyspepsia وانتفاخات واسهال دهني خالص steatorrhea فكر في المرارة وحصواتها.

👈٨-لو سن كبير وبيخس ومتحسنش على دوا معدة في الأول وخصوصا لو لقيت lymph nodesوارمة تحت باطه (supraclavicular lymph node)..ده محتاج منظار ومتضيعش وقت.

👈٩- لو حرقان في الصدر الصبح retrosternal painمع ريق ممر ونفس مش حلو Halitosis وخصوصا لو في دهون بطن أو حمل أو كلنا بليل فده ارتجاع..بس ميمنعش تشك في الحلزوني برضه.

👈١٠-متنساش تفكر في الحلزوني لو ألم المعدة بيروح ويجي علي العلاج وبصفة عامة بقي يطلب مع اي وجع معدة وهستوري بالفاست فوود.

👈١١-تحليل الأجسام مضادة للحزوني بتاع الدم ملوش لازمة لو حضرتك اتصبت بيه قبل كده فلو مش عندك حاليا وعملته هيديك ايجابي كاذب ..وتحليل البراز للأسف بيتأثر بأدوية المعدة وبعض المضادات الحيوية ويدينا العكس سلبي كاذب ..
أفضل حل قاطع بيكون باختبار ال Urea breath test بس بيكون غالي شوية.

👈١٢-حسب لون الدم في البراز بنشوف النزيف جاي منين ..لو من فوق هيكون أسود غامق melena وممكن كمان يكون نتيجة ادوية زي الحديد والبزموث أو قرحة ..وممكن صاحبها مش حاسس بيها خصوصا لو ال autonomic عنده مضروب ..في سكر مثلا
لو الدم فريش فأهلا بيك في الجهاز الهضمي السفلي حيث التهابات القولون والبواسير وغيره.

👈١٣-لو في ألم في البلع بسيط ومع الوقت بقي مزمن وبيزيد dysphagia ومعاه خسسان ..ده محتاج منظار فورا مش دوا للبلع
Carcinoma of esophagus

👈١٤-جاسترين زايد وحلزوني سلبي في الغالب zollinger ellison syndrome

👈١٥-أدوية المعدة ال PPI قبل الأكل أحسن عشان بيتنشطوا بحمض المعدة وأدوية ال H2 blockers قبل النوم أفضل عشان بيقللوا من افراز حمض بليل وأدوية ال PCAB زي الفونوبرازان عادي مش مرتبطين بأكل.

👈١٦-أدوية ال prokinetics هي أدوي بتحسن من حركة ال upper GIt وتسرع من معدل تفريغ المعدة..وبالتالي قبل الأكل هيكون أفضل عشان تكون المعدة مستعدة.

👈١٧-مريض السكر خصوصا ومرضي الأعصاب عموما ممكن يشتكوا بأن الأكل واقف في معدتهم ..فكر في ال gastroparesis يعني بالبلدي كسل المعدة نتيجة إن ال autonomic اضرب ..هنا لو اديته prokinetic هتحسنه جدا ويدعيلك

👈١٨-خلي بالك من الprokinetics ليها مشاكل ..يعني لو بنديله ميتوكلوبراميد يبقي متكترش عن ٣ اسابيع عشان ال extrapyramidal effect والل limbic effect والبرولاكتين وطبعا ابعد عنه لو مريض باركنسون..لو هنديله دومبريدون خلي بالك من البرولاكتين وضريات قلبه..لو موزابرايد شوف باقي أدويته لو فيها حاجة لضربات القلب او بتعمل مشاكل لضربات القلب torsadogenic drugs..لو ايتوبرايد بلاش مع مريض الزايمر أو dementia عموما.

👈١٩-احيانا بنستخدم الاريثرومايسين ك prokinetic لأنه بيشغل receptors اسمها motillin موجودة في ال upper GIT بس ده بيكون بجرعة واحدة بس لأنه تاني جرعة في الغالب هيحصل tolerance ..وبالتالي هيكون مناسب في حالات زي ال postoperative ileus بس خالي بالك لو في أي أدوية torsadogenic

👈٢٠-العرقسوس له تأثير ملطف لمرضى قرحة المعدة عشان جواه ال carbinoxolone وده بيزود ال mucous production وبالتالي بيزود الالتئام بتاع القرحة بس خد بالك من ال mineralocorticoidal effect بتاعه.

Dr.Beshoy fawzy د.بيشوي فوزي:
👈من البوستات اللي خدت معايا وقت في كتابتها فياريت تفاعل عليها عشان البوست يوصل لأكبر عدد ..دول شوية تريكات كدة خاصة بأدوية المعدة والجهاز الهضمي العلوي عموما upper GIT كتبتها باختصار:

👈١- أدوية المعدة كلها بتتاخد قبل الأكل ..يعني متخفش مش عشان المعدة تعبانه يبقي لو خدناها من غير أكل هتتعب أكتر.

👈٢- مش كل أدوية المعده ينفع تتاخد مع بعض عادي ..في أدوية الأفضل يكون بينها فاصل زمني ..زي مثلا لو بدي جاستروفيت ولا مينالاكس مع حاجة زي الأوميز .

👈٣-مش كل وجع في المعدة معناه إن معدتك هي اللي تعبانه ..ممكن مشاكل من القلب عادي خالص وديه هتحصل مع المجهود ..ممكن ارتجاع مريء وديه مع الأكل والنوم ..ممكن اي التهاب في عضلات وغضاريف المنطقة ديه .

👈٤-لو عندك ارتجاع مريء قبل ما تفكر في أدوية حاول تخس..ارفع حرف السرير تحت راسك ٢٠ درجه لفوق ..خف سجاير وحاجات حامية وتوابل واكل نوم..ده هيجيب نتيجة أحسن من الأدوية.

👈٥-مفيش حاجة اسمها هاخد دوا ولا شربة انضف قولوني من الغازات والانتفاخات والبطن تنزل ..أي حد هيقولك مصطلح غسيل قولون اعرف إنه نصاب يا إما جاهل بالشيء.

👈٦-لو بتتعب بعد الأكل والوجع بيكون منتتشر كدة ناحية فم المعدة بس مش عراف تحدد مكانه بصوبعك diffuse pain فغالبا المشكلة من المعدة نفسها ..لو بترتاح بالأكل فغالبا المشكلة في الأثنى عشر خصوصا لو كان الألم محدد في نقطة معينة localized pain وبيزيد بالليل
والاتنين علاجهم تقريبا واحد وإن كانت الأثنى عشر بتتحسن أفضل better prognosis وأقل خطورة.

👈٧-لو معاك عسر هضم dyspepsia وانتفاخات واسهال دهني خالص steatorrhea فكر في المرارة وحصواتها.

👈٨-لو سن كبير وبيخس ومتحسنش على دوا معدة في الأول وخصوصا لو لقيت lymph nodesوارمة تحت باطه (supraclavicular lymph node)..ده محتاج منظار ومتضيعش وقت.

👈٩- لو حرقان في الصدر الصبح retrosternal painمع ريق ممر ونفس مش حلو Halitosis وخصوصا لو في دهون بطن أو حمل أو كلنا بليل فده ارتجاع..بس ميمنعش تشك في الحلزوني برضه.

👈١٠-متنساش تفكر في الحلزوني لو ألم المعدة بيروح ويجي علي العلاج وبصفة عامة بقي يطلب مع اي وجع معدة وهستوري بالفاست فوود.

👈١١-تحليل الأجسام مضادة للحزوني بتاع الدم ملوش لازمة لو حضرتك اتصبت بيه قبل كده فلو مش عندك حاليا وعملته هيديك ايجابي كاذب ..وتحليل البراز للأسف بيتأثر بأدوية المعدة وبعض المضادات الحيوية ويدينا العكس سلبي كاذب ..
أفضل حل قاطع بيكون باختبار ال Urea breath test بس بيكون غالي شوية.

👈١٢-حسب لون الدم في البراز بنشوف النزيف جاي منين ..لو من فوق هيكون أسود غامق melena وممكن كمان يكون نتيجة ادوية زي الحديد والبزموث أو قرحة ..وممكن صاحبها مش حاسس بيها خصوصا لو ال autonomic عنده مضروب ..في سكر مثلا
لو الدم فريش فأهلا بيك في الجهاز الهضمي السفلي حيث التهابات القولون والبواسير وغيره.

👈١٣-لو في ألم في البلع بسيط ومع الوقت بقي مزمن وبيزيد dysphagia ومعاه خسسان ..ده محتاج منظار فورا مش دوا للبلع
Carcinoma of esophagus

👈١٤-جاسترين زايد وحلزوني سلبي في الغالب zollinger ellison syndrome

👈١٥-أدوية المعدة ال PPI قبل الأكل أحسن عشان بيتنشطوا بحمض المعدة وأدوية ال H2 blockers قبل النوم أفضل عشان بيقللوا من افراز حمض بليل وأدوية ال PCAB زي الفونوبرازان عادي مش مرتبطين بأكل.

👈١٦-أدوية ال prokinetics هي أدوي بتحسن من حركة ال upper GIt وتسرع من معدل تفريغ المعدة..وبالتالي قبل الأكل هيكون أفضل عشان تكون المعدة مستعدة.

👈١٧-مريض السكر خصوصا ومرضي الأعصاب عموما ممكن يشتكوا بأن الأكل واقف في معدتهم ..فكر في ال gastroparesis يعني بالبلدي كسل المعدة نتيجة إن ال autonomic اضرب ..هنا لو اديته prokinetic هتحسنه جدا ويدعيلك

👈١٨-خلي بالك من الprokinetics ليها مشاكل ..يعني لو بنديله ميتوكلوبراميد يبقي متكترش عن ٣ اسابيع عشان ال extrapyramidal effect والل limbic effect والبرولاكتين وطبعا ابعد عنه لو مريض باركنسون..لو هنديله دومبريدون خلي بالك من البرولاكتين وضريات قلبه..لو موزابرايد شوف باقي أدويته لو فيها حاجة لضربات القلب او بتعمل مشاكل لضربات القلب torsadogenic drugs..لو ايتوبرايد بلاش مع مريض الزايمر أو dementia عموما.

👈١٩-احيانا بنستخدم الاريثرومايسين ك prokinetic لأنه بيشغل receptors اسمها motillin موجودة في ال upper GIT بس ده بيكون بجرعة واحدة بس لأنه تاني جرعة في الغالب هيحصل tolerance ..وبالتالي هيكون مناسب في حالات زي ال postoperative ileus بس خالي بالك لو في أي أدوية torsadogenic

👈٢٠-العرقسوس له تأثير ملطف لمرضى قرحة المعدة عشان جواه ال carbinoxolone وده بيزود ال mucous production وبالتالي بيزود الالتئام بتاع القرحة بس خد بالك من ال mineralocorticoidal effect بتاعه.

👈٢١-السيتوتيك كان علاج معدة لأنه أصلا prostaglandin analogue لكن ده قبل ما يروح في السكة الشمال وينحرف ويبقى له استحدامات تانية سواء شرعية ولا غيره.

👈٢٢-الجاستروفيت أقراص حلو أوي لو في قرحة لأنه بيشكل physical barrier عليها ويحميها من ال HCL بس خد بالك لو مريض كلى بلاش عشان ممكن يحصله امتصاص وده جواه ألومنيوم اللي هي nephrotoxic والدنيا مش ناقصة

👈٢٣-أوعى أوعي توقف أدوية المعدة اللي بتشتغل ك anti secretory مرة واحدة..يعني لو أدوية زي ال PPI ولا H2 blocker تقف بالتدريج تجنبا لل rebound hyperacidity .

👈٢٤-راقب الكالسيوم والماغنسيوم وب١٢ مع أدوية ال ppi خصوصا عشان بتقع مع ال prolonged use وممكن تعمل أعراض مرضيه نتوه فيها وهي كلها جاية من أدوية المعدة.

👈٢٥-كتر استعمال فوارات الحموضة خصوصا اللي فيها كالسيوم كربونات هتزودلك ال rebound hyperacidity يعني الدنيا تهدي شوية وبعدها ترجع تهيج تاني وده عشان الكالسيوم لما هيمتص هيزودلك من افراز الجاسترين اللي هيطلع على المعدة تاني ويزودلك ال HCL فياريت تكون عند اللزوم أوي

👈٢٦-استخدام ال physical antacid مع عيان الارتجاع بيدي نتيجة أحسن من ال chemical ..يعني كيس جأفيسكون بالنسبة له أحسن من كيس فوار فروت ..بس بلاش ياخده وينام.

👈٢٧- حوالي٥٠٪ من الناس عندها حلزوني مش بتبان عليهم أعراض ..و ١٠٪ منهم بس اللي الموضوع بيتطور معاهم لقرحة.

👈٢٨-مريض سكر أو قلب أو كبير في السن وبيتشكي من ألم مفاجيء في المعدة..ده يتعمله ECG فورا
To exclude MI and other cardiac risks

👈٢٩-أدوية المعدة اللي بتقلل الحمض تداخلاتها الدوائية كتير فلازم تخلي بالك وتبعدها عن الحديد والكالسيوم وأدوية الغدة وغيره.

👈٣٠- البكتريا الحلزونية ديه micro aerobic وبتخش تسكن deep في طبقة ال mucosa وبالتالي بقي في مقاومة شديدة منها للمضادات الحيوية ومبتتعالجش بسهولة مع الكلاريثرومايسين مثلا..خليك في بروتوكولات الليڤوفلوكساسين أحسن.

Dr.Beshoy fawzy د.بيشوي فوزي:
👈دول شوية معلومات كده لازم تكون عارفها قبل ما تطلع أي ملين او تتعامل عموما مع حالة امساك فاقراهم كويس كدة والنبي واتفاعل على البوست الله يكرمك عشان اتشجع انزل اللي بعده..بص يا سيدي:

👈١- عشان نقول في امساك يعني العيان يكون بيدخل الحمام بمعدل يقل عن ٣ مرات أسبوعيا.. ومش شرط يكون في سبب للامساك..ممكن عادي يكون من غير سبب وده هنسميه chronic idiopathic constipation وهنختصره CIC وممكن يكون في سبب برضه زي حمل ..قلة الحركة وشغل المكاتب ..أدوية..أو نتيجة لأمراض تانية زي السكر وخمول الغدة الدرقية بأنواعه وTumors وغيره.

👈٢- متعالجش امساك من غير ما تعرف سببه..هتقوللي منت قلت ممكن يكون مالوش سبب ..منا أقصد بعد استبعاد كافة الأسباب المرضية والعضوية والحركية والخاصة بنمط وحياة العيان.

👈٣- خاف جدا من الامساك الحاد اللي بيظهر فجأة ومعاه دم وخسسان وتاريخ مرضي بأورام ..ده مش محتاج ملين ..ده محتاج فحوصات.

👈٤- عشان نضيع الامساك لازم نحفز القولون بتاع العيان إنه يتحرك عشان يطرد الفضلات ..والحركة ديع بتكون حركة شبة حركة الدودة اللي بتزحف على الأرض ..ديه بنسميه ال Peristalsis..واللي بيتحكم فيها هو ال autonomic عن طريق ضفيرة عصبية بتمد طبقة طبقتين من ال GIT ..واحدة بتوصل سلك لطبقة ال muscularis وديه هنسميها myenteric plexus وديه هي ال main supply..والتانية السلك بتاعها رايح أعمق بنسميها ال submucosa والسلك بتاعها اسمها submucosal plexus..ودول بيشتغلوا بالأوتونوميك وتحديد بال parasympathetic..ونفهم من ده أي مرض هيضرب ال autonomic بدوره هيضرب ال peristalsis وبالتالي هيعمل امسااااك.

👈٥- في الغالب الامساك بيتحسن في الحالات العادية من غير أدوية..المهم ياكل ألياف كتير زي الخضار والفاكهة والردة..يشرب مية وسوايل عموما كتير..يتحرك كتير عشان نزود ال peristaltic reflex ..وطبعا نخف قهوة وشاي وكولا وسجاير شوية.


👈٦- عادي تلاقي مع مريض السكر اللي بقاله فتره امساك مزمن..هنا غالبا سببه autonomic neuropathy يعني الاوتونوميك بتاعه اضرب وال myenteric plexus بتاعته حصلها degeneration ومبقتش شغاله..وده شكل من أشكال التهاب أعصاب السكري اللي بتعمل chronic constipation وفي الغالب هتلاقي معاه chronic gastroparesis يعني الأكل مش بيتحرك من معدته وده هيحتاج كمان دوا معاه prokinetic.

👈٧- أي organic obstruction هيسد القولون هيعملي امساك يعني لو في أي ورم هتلاقي معاه امساك حاد قلب بمزمن وده مش علاجه الأساسي في الملينات ..إنما الملينات مجرد علاج عرضي عشان نمشي الدنيا لحد ما نلاقي صرفة للورم ..وخلي بالك لو قلب بترجيع ومفيش معاه أي اخراج خالص لفضلات أو غازات ..هنا لو اديته الملين ممكن تكون كارثة لأنه في الغالب هو دخل في انسداد معوي intestinal obstruction..ده يروح طواريء فورا.

👈٨- الملين يحب المية ..دايما انصح عيانك يشرب معاه سوايل كتير.

👈٩- لازم نفرق بين ٣ مصطلحات
ال laxative وده ملين عادي بيسهل من عملية الاخراج وده ياخد معانا نيشان واحد.
ال purgative وده ملين قوي بيسرع من عملية الاخراج وده ياخد ٢ نيشان.
ال cathartic وده ملين من الأخر ممكن يخليها تطلب معاك بدخول الحمام فجأة وده هنديله معانا ٣ نياشين.

👈١٠- لو عندك طفل بيرضع عنده اسهال مزمن ومش لاقيله سبب ..قبل ما دماغك تروح لحساسية اللاكتوز اسألها بتاخد ملينات ولا لا..وخصوصا لو ملينات قوية من نوعية ال stimulant laxative زي البرجاتون مثلا ..عادي ممكن يحصل من السنامكي اللي فيه شوية هيحصلهم امتصاص وينزلوا مع اللبن وده هيوصل للرضيع ويعمله cathartic diarrhea وممكن يكون chronic.

👈١١- الملينات بتتقسم أنواع علي حسب طريقة شغلها..اشهرها ال stimulant أو في مجلس أخر بنقول عليهم irritant ودول بيحفزوا ال peristalsis عن طريق إنهم بيقفلوا انزيم موجود في القولون اسمه Na K atpase ده لما بيتقفل بحصل direct irritation وده بدوره بيحفز ال autonomic عن طريق ال myenteric plexus انه يشتغل فيزود من ال peristalsis.

👈١٢- البرجاتون والمينالاكس والسنالاكس والاجيولاكس والبيساديل والبيكولاكس وزيت الخروع نسبيا بينتموا للمجموعة ديه..بس دول ميتمشوش عليهم علي طول ..خليهم عند اللزوم قبل النوم فقط.

👈١٣- بلاش المجموعة ديه مع واحدة حامل او بترضع او في فترة البريود وخصوصا زيت الخروع.

👈١٤- البيساكوديل اللي موجود في البيساديل والمينالاكس very irritant وبنغلفه بغلاف gastro resistant يعني مصمم انه يقاوم حمض المعدة وينزل على القولون في ال alkaline medium ويتفتح القرص هناك ويشتغل..متجيش حضرتك توصفه مع أدوية معدة ولا فوارات حموضة ولا يشربه بلبن حتى..كده هتخليه يفتح في المعدة..اعمل فاصل زمني احسن.

👈١٥- لما العيان عندك يبطل حاجة من الأنواع اللي قلناها فوق قوله يستني شوية لحد ما هو هيرجع يخش الحمام لوحده ..الأدوية ديه بتفضي القولون خالص ..وبالتالي لما يبطلها(بفرض مطولش عليها) هياخدله بتاع ٥ أيام تقريبا لحد ما القولون يرجع يتملي تاني ..فبلاش يستعجل ويقول الامساك مراحش ويرجع ياخدها تاني ..قوله اصبر.

👈١٦- لو ماشى علي العيلة ديه من الملينات على طول ممكن يخش فيما يعرف بال laxative abuse أو ال laxative habit بالبلدي مش هيعرف يخش الحمام من غيره ..عشان حصل خلاص degeneration لل myenteric plexus ومش بيستجيب غير بيه..ابعده عن استخدامهم المزمن احسن.

👈١٧- البيكولاكس نقط رغم اننا قلنا ابعد عن مجموعتها في الحوامل الا انها تمشي لو الحالة acute وهناخدها للضرورة فقط.

👈١٨- اي حاجة فيها senna leaves زي البرجاتون والسنالاكس (anthraquinone glycosides) ممكن تعمل تغيير في لون البول (هيغمق غالبا).

👈١٩- زي الخروع هينفع لو عاوزين نفضي القولون خالص total colonic evacuation مع الحالات اللي هتعمل منظار مثلا أو جراحة او حاجة اشعاعية.

👈٢٠- راجع القواعد اللي فوق كويس وافتكرها دايما مع حالات الامساك ..وأنا هنا اكلمت عن مجموعة واحدة بس من أدوية الامساك لو لقيت عليها تفاعل هنزل عن باقي انواع الملينات البوست الجاي.

لست وحدك الذي له ذنوب كثيرة لا يعلمها أي أحد من الناس
لست وحدك الذي تاب من ذنب ثم رجع إليه
لست وحدك الذي يريد أن يعيد أيام الالتزام الأولى
* * ***
سِتر الله مسدول على كل خلقه، ورحمتُه وسعتهم كلَّهم
▪️وفوق ذلك هو مجيب لا يمل مهما أكثر العبد من الإلحاح
▪️وحليم لا يعاجل بالعقوبة
▪️عطاؤه كرم، ومنعه لطف
▪️نعصي ونهجر ونبتعد، ويتودد إلينا -سبحانه وتعالى- ويدعونا للتوبة
يقول الله -ﷻ- في الحديث القدسي الصحيح:
(يا عِبَادِي إنَّكُمْ تُخْطِئُونَ باللَّيْلِ وَالنَّهَارِ، وَأَنَا أَغْفِرُ الذُّنُوبَ جَمِيعًا، فَاسْتَغْفِرُونِي أَغْفِرْ لَكُمْ)
* * ***
اللهم خذ بنواصينا إليك، أخذَ الكرام عليك🤲