☝️لو وصلك البوست ده تفاعل معاه عشان توصلك بقية البوستات يمكن كمان يوصل البوست لحد محتاجه.
__________
👈ده #المنرين #minirin أقراص واللي بنستخدمه في علاج بعض أمراض سلس البول nocturnal enuresis وحالات البول السكري الكاذب Diabetes insipidus ...وده لأنها تعتبر كهرمون تعويضي أو systemic analogue لهرمون الڤازوبروسين اللي بيمسك البول .


👈⛔ لو حد محتاجه أو مش لاقيه فهو متوفر حاليا ال #منرين #minirin أقراص بتركيزاتها ..لو حد في نطاق الأسكندرية محتاجهم يكلمني على الواتس هبعتهمله..أو موجودين في صيدلية الحبشي د. معتز شعبان مشالي .
☝️وياريت تفاعل على البوست عشان لو حد محتاج العلاج ده يوصله..
1207445196

👈دلوقتي كمان ممكن نستخدم المينرين في حالات #الهيموفيليا أو نزف الدم و حالات Von Willebrand Disease وديه بيكون فيها نقص في عامل من عوامل التجلط فبتزيد مدة ال PTT او بالعربي بيحصل سيولة جامدة ويحصل نزيف لأقل حاجة وديه يتكون حالات وراثية للأسف..المينرين هنا وظيفته إنه بيقلل من المدة ديه فيزيد von Willebrand factor VIII and t-PA levels وبالتالي النزيف بيقل ..وده يعتبر استخدام مستحدث له ومش كتير يعرفوه..و approved من ال FDA.

👈مينفعش نستخدم الفلاجيل في علاج عدوى المسالك البولية خالص..هتقوللي يا دكتور ما هو الفلاجيل أغلبه بينزل unchanged في ال urine يبقى هيعدي من هناك ويعالج زيه زي الليڤو والسيبرو..برضه مينفعش.

👈عدوي المسالك البولية UTI بتكون غالبا gram negative وبتكون هوائية aerobic وديه مستحيل يقدر الفلاچيل يعملها حاجة عشان مفيهاش ال PFOR enzyme اللي بيروح يكسر الروابط التساهمية بتاعة الفلاجيل ويحرر الجذور الحرة free radicals اللي بتخرب في DNA البكتريا زي ما شرحنا البوست اللي فات..وبالتالي البكتريا اللاهوائية anaerobic فقط هي اللي بيشتغل عليها الفلاچيل.

👈باختصار الديكسا ده يعتبر كورتيزون وده بيتاخد لأغراض علاجية فقط وبأمر الطبيب فقط ..مينفعش حضرتك منك لنفسك أو حد مش دكتور يقولك خده.

👈الكورتيزون من أعراضه الجانبية إنه بيحبس مية تحت الجلد نظرا لتأثيره ال mineralocorticoidal action وده تأثيره في زيادة وزن لا يتخطي ال ٤ ل ٥ كجم.. بالإضافة إنه هيعمل moon face يعني هيخلي وشك زي القمر ..بس مش حلو زيه القمر ..أبسيليوتلي😁 ..لا مدور ومنفخ زيه واللغد ملفوف حواليه زي الكوفية😀..هيعملك buffalo hump..يعني عدم المؤاخذة كده في اللفظ لو بصينا على رقبة الجاموسة هيدينا صورة أقرب للي نقصده 😁 ..مش بتريء والله اسمه كده فعلا..الأطراف للأسف وفي الغالب مش بتتملى وبتفضل رفيعة ..فهتلاقي المنظر العام جذع كبير ورقبة مركبة ولغد متدلي وبطن مترهلة وأطراف رفيعة..ده بالظبط اللي هيعمله الكورتيزون للي عاوزه تتخن بيه وفاكره إنه هيخليها هند رستم..لكن في الواقع هيخليها شبه البتاع الأخضر اللي في شركة المرعبين المحدودة 😁.

☝️لو حضرتك مريض بمشاكل غدة درقية فحضرتك محتاج تتابع البوست ده كويس بس قبل ما تقرى لازم تفهم إن ده الكلام العام وقد يكون له بعض الاستثناءات اللي ممكن يشوفها طبيبك المختص بالغدد الصماء وده طبعا مش تخصصي إنما أنا بوجهك بصفة عامة عن الكلام العلمي اللي المفروض يتعمل وإنك تراجع طبيبك المختص مرة أخرى.

⛔ ومن فضلك تفاعل على البوست عشان يوصل لعدد أكبر جايز حد يستفيد منه.


👈١- لو حضرتك بتاخد #التروكسين #eltroxin او #إيثيروكس أو الهرمون التعويضي عموما والدكتور المختص كتبهولك ففيه شوية قواعد حضرتك محتاج تعرفها هتلاقيني حططهالك في أول كومنت..اقراها كويس هتفرق معاك جدا وفوق ما تتخيل.

👈-٢ الأجسام المضادة زي Anti-TG و anti-TPO واللي بيزيدوا في حالات #هاشيموتو ملهمش أي قيمة في المتابعة ..بمعني ممكن يكونوا بيتعملوا مرة واحدة فقط بس ميتكرروش تاني..هبسطهالك لنفترض عندي جيش بيحارب نفسه ..هنا الاجسام المضادة هي الجيش نفسه لكن احنا ميهمناش الجيش ده أد إيه احنا يهمنا مقدار الضرر اللي حصل في الحرب ديه وده هو اللي هيتعالج وليس عدد الجيش ده ..وبالتالي تكون مية تكون ألف تكون مليون كبر دماغك منها.

👈٣- السونار لا يشخص نوع التورم أو التضخم اللي في الغدة..أبسيلوتلي😀..السونار يا فندم بيحددلك حضرتك محتاج تعمل الخذعة FNA biopsy ولا لا وده بيتحدد بنظام ال TI-RADS وده له ٥ درجات على أساسها وحسب حجم الغدة الطبيب المختص هيحددلك هتسحب عينة ولا لا..إنما السونار ميقولش أبدا حضرتك هتشيل الغدة ولا لا.

👈٤- السونار مش هيقولك نوع الورم إيه ..السونار بيوجهك لسحب العينة ولا لا..السونار مش هيقولك الغدة شغالة ولا لا، لأنه مش بيحدد الوظيفة وأنما هو بيحدد الحجم والشكل والنمو..يبقي بالنسبة للسؤال الأعظم اللي مغرق عندي الإنبوكس بتاع الدكتور قاللي نشيل الغدة والدكتور التاني قاللي بلاش هتكون اجابته طبعا طبيبك المختص هو الأدري بالحالة مش أنا وقد يرى استثناءات احنا مش شايفينها بس في العموم الغدة مش هتتشال بناءا على سونار أو تحاليل فقط.



👈٥- الخذعة FNA biopsy لما بتتعمل ليها ٦ درجات بسكور اسمه #bethesda وده على أساسه بيتحدد نوع الورم هل هو خبيث أم حميد..هل محتاج تعيد الخذعة ولا لا..هل محتاج فقط متابعة دورية بالسونار ولا لا وغيره.

👈٦- بنسبة من ٩٥ ل ٨٨ ٪ من حالات عقد الغدة بتكون حميدة ولا داعي للقلق..والنسبة الباقية هي اللي بتحتاج عملية استئصال.

👈٧- المسح الذري هيتعمل في حالات فرط نشاط الغدة وليس في الخمول.

👈٨- تقييم وظيفة الغدة بيكون بناءا على التحاليل ولو كان الخمول أولي من الغدة الدرقية بيتقيم بال TSH وإنما لو كان ثانوي من النخامية وده نسبته قليلة بيتقيم بال T4.

👈٩- هل بنبدأ بالالتروكسين ولا لا في حالات الخمول غير السريري #subclinical_hypothyroidism ده بيتحدد بناءا على عدة عوامل قلتها في بوست سابق هتلاقيني سايبلك لينك البوست في تاني كومنت.

👈١٠- هل ينفع تغير من نوع لنوع تاني مثلا من أدوية الغدة ؟ بص الإجابة عن السؤال ده ليها شقين..الأول في حالة توفر كل البدايل والدوا أو البراند بتاعك موجود هتكون الإجابة لا ..متغيرش من نوع لتاني خالص نتيجة لاختلاف امتصاص كل براند عن التاني bioavailability ..الشق التاني لو النوع بتاع حضرتك ناقص ولقيت بديل له فأكيد مش من المنطقي هنوقف الدوا بتاعنا لمجرد إننا مش لاقيينه..لا يا فندم نص العمى ولا العمى كله.. هنا هناخد اللي اتوفر قدامنا مع شرط هام وهو إننا نحلل TSH كمان ٦ أسابيع وحاول متبدلش من نوع للتاني قدر امكانك.

👈١١- نقول تاني هل السونار والتحاليل بيقولولك تشيل الغدة ولا لا؟ ..السونار هيقولك هتعمل الخذعة ولا لا..والتحاليل بتقيم وظيفة الغدة فقط.

👈١٢- لو ال TSH بيعلي وحضرتك حامل فلازم ينزل (ال TSH مش العيل 😀) عشان نتجنب خطر الإجهاض.

👈١٣- لو هتحلل تحاليل الغدة خصوصا ال TSH وبتاخد أي مكملات غذائية خصوصا حاجات الشعر اللي فيها #بيوتين فلازم توقفها قبل التحليل بيومين على الأقل لأنها بتأثر على نتايجها...في العموم وقف اللي تقدر توقفه من الأدوية.




👈١- لينك بوست فيه ٢٠ قاعدة مهمة للزم تخلي بالك منها لو حضرتك ماشي على البديل الهرموني للغدة سواء التروكسين أو إيثيروكس وغيره من الحاجات اللي فيها ليڤوثيروكسين.
https://m.facebook.com/story.php?story_fbid=pfbid0WMWk5toivevqBa6M6ooK1WJWm15QbofshudmhfTjdoQ7BqEgmeyXpLcrfnfvUTejl&id=100076333375015&mibextid=Nif5oz

👈٢- لينك بوست فيه امتى يتاخد الالتروكسين وبدايله في حالات خمول الغدة تحت السريري subclinical hypothyroidism يعني TSH عالي بس ال T4 نورمال.
https://m.facebook.com/story.php?story_fbid=pfbid0BWeYMoB2jRfTkaPXx8BAx567P2chKDE2gcmaqiWWdCB6sNvgGeVy1xR2rri9DB57l&id=100076333375015&mibextid=Nif5oz

Dr.Beshoy fawzy د.بيشوي فوزي:
☝️لو حضرتك مريض بمشاكل غدة درقية فحضرتك محتاج تتابع البوست ده كويس بس قبل ما تقرى لازم تفهم إن ده الكلام العام وقد يكون له بعض الاستثناءات اللي ممكن يشوفها طبيبك المختص بالغدد الصماء وده طبعا مش تخصصي إنما أنا بوجهك بصفة عامة عن الكلام العلمي اللي المفروض يتعمل وإنك تراجع طبيبك المختص مرة أخرى.

⛔ ومن فضلك تفاعل على البوست عشان يوصل لعدد أكبر جايز حد يستفيد منه.


👈١- لو حضرتك بتاخد #التروكسين #eltroxin او #إيثيروكس أو الهرمون التعويضي عموما والدكتور المختص كتبهولك ففيه شوية قواعد حضرتك محتاج تعرفها هتلاقيني حططهالك في أول كومنت..اقراها كويس هتفرق معاك جدا وفوق ما تتخيل.

👈-٢ الأجسام المضادة زي Anti-TG و anti-TPO واللي بيزيدوا في حالات #هاشيموتو ملهمش أي قيمة في المتابعة ..بمعني ممكن يكونوا بيتعملوا مرة واحدة فقط بس ميتكرروش تاني..هبسطهالك لنفترض عندي جيش بيحارب نفسه ..هنا الاجسام المضادة هي الجيش نفسه لكن احنا ميهمناش الجيش ده أد إيه احنا يهمنا مقدار الضرر اللي حصل في الحرب ديه وده هو اللي هيتعالج وليس عدد الجيش ده ..وبالتالي تكون مية تكون ألف تكون مليون كبر دماغك منها.

👈٣- السونار لا يشخص نوع التورم أو التضخم اللي في الغدة..أبسيلوتلي😀..السونار يا فندم بيحددلك حضرتك محتاج تعمل الخذعة FNA biopsy ولا لا وده بيتحدد بنظام ال TI-RADS وده له ٥ درجات على أساسها وحسب حجم الغدة الطبيب المختص هيحددلك هتسحب عينة ولا لا..إنما السونار ميقولش أبدا حضرتك هتشيل الغدة ولا لا.

👈٤- السونار مش هيقولك نوع الورم إيه ..السونار بيوجهك لسحب العينة ولا لا..السونار مش هيقولك الغدة شغالة ولا لا، لأنه مش بيحدد الوظيفة وأنما هو بيحدد الحجم والشكل والنمو..يبقي بالنسبة للسؤال الأعظم اللي مغرق عندي الإنبوكس بتاع الدكتور قاللي نشيل الغدة والدكتور التاني قاللي بلاش هتكون اجابته طبعا طبيبك المختص هو الأدري بالحالة مش أنا وقد يرى استثناءات احنا مش شايفينها بس في العموم الغدة مش هتتشال بناءا على سونار أو تحاليل فقط.



👈٥- الخذعة FNA biopsy لما بتتعمل ليها ٦ درجات بسكور اسمه #bethesda وده على أساسه بيتحدد نوع الورم هل هو خبيث أم حميد..هل محتاج تعيد الخذعة ولا لا..هل محتاج فقط متابعة دورية بالسونار ولا لا وغيره.

👈٦- بنسبة من ٩٥ ل ٨٨ ٪ من حالات عقد الغدة بتكون حميدة ولا داعي للقلق..والنسبة الباقية هي اللي بتحتاج عملية استئصال.

👈٧- المسح الذري هيتعمل في حالات فرط نشاط الغدة وليس في الخمول.

👈٨- تقييم وظيفة الغدة بيكون بناءا على التحاليل ولو كان الخمول أولي من الغدة الدرقية بيتقيم بال TSH وإنما لو كان ثانوي من النخامية وده نسبته قليلة بيتقيم بال T4.

👈٩- هل بنبدأ بالالتروكسين ولا لا في حالات الخمول غير السريري #subclinical_hypothyroidism ده بيتحدد بناءا على عدة عوامل قلتها في بوست سابق هتلاقيني سايبلك لينك البوست في تاني كومنت.

👈١٠- هل ينفع تغير من نوع لنوع تاني مثلا من أدوية الغدة ؟ بص الإجابة عن السؤال ده ليها شقين..الأول في حالة توفر كل البدايل والدوا أو البراند بتاعك موجود هتكون الإجابة لا ..متغيرش من نوع لتاني خالص نتيجة لاختلاف امتصاص كل براند عن التاني bioavailability ..الشق التاني لو النوع بتاع حضرتك ناقص ولقيت بديل له فأكيد مش من المنطقي هنوقف الدوا بتاعنا لمجرد إننا مش لاقيينه..لا يا فندم نص العمى ولا العمى كله.. هنا هناخد اللي اتوفر قدامنا مع شرط هام وهو إننا نحلل TSH كمان ٦ أسابيع وحاول متبدلش من نوع للتاني قدر امكانك.

👈١١- نقول تاني هل السونار والتحاليل بيقولولك تشيل الغدة ولا لا؟ ..السونار هيقولك هتعمل الخذعة ولا لا..والتحاليل بتقيم وظيفة الغدة فقط.

👈١٢- لو ال TSH بيعلي وحضرتك حامل فلازم ينزل (ال TSH مش العيل 😀) عشان نتجنب خطر الإجهاض.

👈١٣- لو هتحلل تحاليل الغدة خصوصا ال TSH وبتاخد أي مكملات غذائية خصوصا حاجات الشعر اللي فيها #بيوتين فلازم توقفها قبل التحليل بيومين على الأقل لأنها بتأثر على نتايجها...في العموم وقف اللي تقدر توقفه من الأدوية.




👈١- لينك بوست فيه ٢٠ قاعدة مهمة للزم تخلي بالك منها لو حضرتك ماشي على البديل الهرموني للغدة سواء التروكسين أو إيثيروكس وغيره من الحاجات اللي فيها ليڤوثيروكسين.
https://m.facebook.com/story.php?story_fbid=pfbid0WMWk5toivevqBa6M6ooK1WJWm15QbofshudmhfTjdoQ7BqEgmeyXpLcrfnfvUTejl&id=100076333375015&mibextid=Nif5oz

👈٢- لينك بوست فيه امتى يتاخد الالتروكسين وبدايله في حالات خمول الغدة تحت السريري subclinical hypothyroidism يعني TSH عالي بس ال T4 نورمال.
https://m.facebook.com/story.php?story_fbid=pfbid0BWeYMoB2jRfTkaPXx8BAx567P2chKDE2gcmaqiWWdCB6sNvgGeVy1xR2rri9DB57l&id=100076333375015&mibextid=Nif5oz

👈٣- امتى تعيد تحليل ال TSH
شوف البوست ده
https://m.facebook.com/story.php?story_fbid=pfbid036Sm8HyPBdENYWrKo5CpMQpYkAuywhhFH5FgCgm4eQVPvQzAGeqZeArpv4dajyE3sl&id=100076333375015&mibextid=Nif5oz

👈٤- هل تضخم الغدة معناه إننا قدام حالة فرط افراز فقط؟
اقرى البوست ده
https://m.facebook.com/story.php?story_fbid=pfbid02AAEZUJ1na9tMiKHecsy1DZUBDBYQEoTConnipqijjJu3c7EmXTwQ4hR2RATvt1Lzl&id=100076333375015&mibextid=Nif5oz

٥- لو حضرتك مريض خمول الغدة الدرقية #hypothyroidism
وبتاخد التروكسين وعمال تزود في الجرعة كل شوية وبرضه ال TSH لسه عالي والخمول مستمر فتابع البوست ده
https://m.facebook.com/story.php?story_fbid=pfbid02Ymr8xLP4Hsg2mXjc129LnaCR6XZu9ihuypMVL8TCdaPaNg7Qm7XTyd5u36pnVarel&id=100076333375015&mibextid=Nif5oz

https://m.facebook.com/story.php?story_fbid=pfbid0fbdHi2SU8cByePuWewFu1VvcCwvndm5qKgM7imzMS83zmTXATyap4Cq7FBCMqVR8l&id=100076333375015&mibextid=Nif5oz

https://m.facebook.com/story.php?story_fbid=pfbid0TGdM3vYtG23yxRqbisou6AqyrzQzVweNYnkxbweFsiyh7pqxN1Rxzqf4VGtAYbr4l&id=100076333375015&mibextid=Nif5oz

👈ليه بنفضل نتابع أدوية زي #الماريڤان بتحليل ال INR خصوصا؟

👈#الماريڤان من أشهر أدوية السيولة anticoagulant واللي سبق واكلمت عنها بالتفصيل ..وعادة بيتم متابعة جرعتها بتحاليل السيولة وخصوصا بتحليل ال prothrombin time وده النورمال بتاعه بيبقى لحد ١٣ ثانية تقريبا..بس المشكلة إنهم لقيوا إن التحليل ده خصوصا بتختلف النورمال بتاعته من معمل للتاني باختلاف التكنيك المستخدم ..طيب إيه الحل؟

👈الحل إننا هنعمل نسبة بين ال pt اللي طلع قي العينة مع النورمال pt بتاع المعمل فالمفروض تكون تقريبا النسبة الطبيعية للشخص العادي تطلع واحد صحيح..وحطوا حوالي 0.2 فوق وتحت ك variation وبالتالي أصبح النورمال من 0.8 ل 1.2 والنسبة ديه سموها international normalized ratio أو ال #INR وطبعا ممكن نحتاج تكون أعلى من 1.2 مع بعض المرضى اللي عندهم مخاطر عالية للجلطات يعني مع الماريڤان بنفضل تكون النسبة تتراوح ما بين ال 2 لل 3..وظه على أساسه بتحدد هل محتاج تزود الجرعة ولا تنقصها..وطبعا ده بيكون كل أسبوعين المفروض يتعمل أو على الأقل بصورة شهرية..لكن متبقاش جرعة الماريڤان جرعة مطلقة وثابتة أبدا.

👈 استخدام حقن #الديكساميثازون لوحدها في تقليل أعراض الترجيع والغثيان ملوش أي قيمة إلا لو بتستخدمه مع دواء آخر مضاد للقيء antiemetic drug ساعتها الديكسا بتعمل potentiation للدوا ده وتزود من شغله ومفعوله.

☝️ #خلي_بالك الجرعة القصوى من
👈👈 #الباراسيتامول 𝗽𝗮𝗿𝗮𝗰𝗲𝘁𝗮𝗺𝗼𝗹👉👉
بتكون في حدود 3.25 جم وفي بعض الأماكن بتوصلها ل 4جم غير كمان لو كان العيان عنده مشاكل في الكبد فبتكون الجرعة القصوى 2.5 جم وديه جرعة قصوى مش معنى كدة نوصلها عادي ..وده عشان حاجة زي #الدوليبران أقراص القرص فيه 1 جم وممكن تلاقي العيان بياخده كل شوية زي البونبوني عادي ويسأل أي حد هيقوله عادي متقلقش خد منه براحتك..طبعا غير انتشار الباراسيتامول في أدوية كتير جدا فتلاقي العيان بياخد كذا نوع داخل جواه الباراسيتامول مع الدوليبران وهو مش داري.

👈 فالخلاصة كفاية أوي قرصين بحد أقصى منه أو تاخد من البنادول واللي تركيز القرص من ده 0.5 جم من ٣ ل ٤ مرات يوميا.


👈الباراسيتامول أو الأسيتامينوفين القرص منه بيحصله امتصاص كامل وده في خلال ساعة تقريبا.

👈 ليس مضاد للالتهاب وإنما هو خافض حرارة ومسكن فقط ..لو كان بيتوصف مثلا مع حالات فيها التهابات كخشونة المفاصل مثلا فهنا دورة مجرد مسكن أمن فقط.

👈 ممكن وجوده مع بعض الأدوية الأخرى تكون حاجة كويسة بحيث إنه يزود من شغلها ويحبسها وقت أطول جوة الجسم زي التينيدازول اللي هو البروتوزول والترايميبيوتين اللي هو الجاست ريج وغيره..وممكن تكون حاجة لازم تخلي بالك منها كويس مع العيان لو كان بياخد #ماريڤان .

👈لو عاوز تأثيره يكون أقوى خده بشاى أخضر بدل مية 😀
Pharmacodynamic synergism.

👈 طبعا مشاكله بتكون في الجرعات التوكسيك زي مثلا ١٥ جم مرة واحدة منه وده طبعا بيعمل hepatic centrolobular necrosis وفي الغالب لو متلحقش بدري بالجلوتاثيون بيكون irreversible لأنه الباراسيتامول بيرتبط ب Covalent bond على ال hepatic vien من برة في ال hepatocytes..وطبعا الروابط اللي بتكون covalent بتكون قوية بعكس ال ionic اللي سهل تكسيرها..وطبعا ال antidote بتاعه بيكون ال ACC و as soon as possible مع gastric lavage ولو عدى وقت ممكن hemodialysis كمان.

👈الباراسيتامول في الحمل أه أمن لكن بعض الدراسات بتربط بينه وبين إنه ممكن مع كتر استخدامه يحصل male infertility لو كان الجنين ده ولد.

👈ده اسمه #أتموسالازين وهو بديل #البنتازا اللي بنستخدمه في علاج التهابات تقرحان القولون ومرض كرون.. ممكن حضرتك تلاقيه في السوق ونسبيا متوفر ..أنا عارف إنه البنتازا من الأدوية ال brands واللي مش محبذ نقلب على generics أو بدايل محلية ليها وده لأن البنتازا متصممة بطريقة معينة وبتشتغل على أجزاء معينة في القولون ..يعني لو قدامك الأتنين طبعا تكمل زي منت على البنتازا..لكن هي مش موجودة..نوقف علاجنا؟!

👈مش منطقي طبعا..على الأقل نص العمى ولا العمي كله..ناخده عادي بنفس الجرعة ونتابع بالأعراض والتحاليل زي تحليل التهابات القولون #Calprotectin بعد شهر مثلا ونشوف.

👈البنتازا أو الأتموسالازين بتركيبته اللي بتحتوي علي الميسالازين ..بتتاخد بجرعة 1جم 4 مرات يوميا لمدة 8 أسابيع سواء في تقرحات القولون أو مرض كرون وطبعا وارد أكتر على حسب الحالة ..وهي عبارة عن timed release microgranules يعني بتشتغل أول ما بتنزل وبتشتغل على أى segment او قطاع من الأمعاء الدقيقة أو القولون ..لو التقرحات ديه في المستقيم rectum يفضل يتاخد ال canasa® وديه بتبقى عبارة عن لبوس لأنها بتوصل أحسن من الأقراص.

👈مهم جدا نخلي بالنا من حاجة..الدوا ده بيشتغل في الوسط القلوي يعني ال PH يبقى أكتر من 7 ..يعني لما هينزل المعدة المفروض مشه هيشتغل عشان الوسط هيكون حمضي وينزل على الأمعاء يشتغل هناك في الوسط القلوي وهما عاملينه على أساس كدة..دلوقتي لو العيان بياخد معاه دوا معدة من عيلة ال PPI مثلا زي الأميبرازول فبيقلل من الحمض في المعدة وده ممكن يخلي الوسط قلوي والدوا يشتغل في المعدة بدل الأمعاء..وبالتالي كفاءته تقل وفي نفس الوقت هيتعبلي المعدة أكتر.
👈كدة نعمل فاصل بينه وبين أدوية ال PPIs زي الأوميز والكونترولوك وعيلة ال PCAB زي الڤونسيكا.. وعيلة ال H2 blockers زي الأنتودين.

👈نخلي بالنا لو العيان بياخد معاه لاكتيلوز أو دوفلاك عموما لأنه لما بينزل في الأمعاء بيخلي الوسط حمضي وده هيقلل من شغل البنتازا اللي عاوزه وسط قلوي تشتغل فيه.

👈لو عيان عنده مشاكل في الصدر recurrent chest infection وبتقلب معاه ب pneumonia وبياخد البنتازا يتحط في الاعتبار إنها ممكن تكون السبب لأنها بتعمل أحيانا eosinophilic pneumonia
👈 لو العيان عنده مشاكل في الكلى او الكبد يتعاد النظر في جرعته او يتوقف حسب الحالة.

👈 #خلي_بالك مريض #الباركنسون أو الشلل الرعاش واللي ماشي على الدوا ده 👇👇
𝘀𝗶𝗻𝗲𝗺𝗲𝘁
أو #السينميت أقراص مينفعش إنه ياخد أي حاجة داخل في تركيبها فيتامين ب ٦ في نفس الوقت ..الأفضل فاصل زمني على مدار اليوم ..أنا مش بقول ميتاخدش خالص ..لكن أفصل أو متاخدوش غير للضرورة مش على الفاضي عشان البيريدوكسين أو ما يعرف باسم فيتامين ب ٦ بيقلل من شغل السينيمت وتأثيره وهو مش ناقص.


👈الكلام عن الشلل الرعاش والسينميت يطول لكن باختصار هنا هنكلم عن الشق الدوائي وهو السينميت واللي هو عبارة عن توليفة ما بين ال Levodopa واللي بيتحول لدوبامين أول ما بيعدي ال BBB بانزيم اسمه decarboxylase enzyme..المشكلة هنا لو حصل التحول ده قبل ما يوصل للمخ واللي هيكون بره المخ وهنسميه بال peripheral decarboxylation فساعتها الدوبامين نفسه مش هيقدر يعدي ال BBB وتقريبا النسبة اللي بتوصل لا تتخطى ال ٥٪..فكان الحل هنا إننا ندي حاجة تقلل من عملية ال peripheral decarboxylation وكان هو الcarbidoba .

👈 وبالتالي كان السينميت أقراص هو عبارة عن خلطة ما بين ال Levodopa و ال carbidopa بنسبة ١:١٠ وده عشان بالبلدي نحمي الدوا ونوصله بأعلى نسبة منه للمخ ونهدي من الرعشة.

👈من المعروف إن فيتامين ب ٦ واللي هو البيريدوكسين له تأثير في تزويد عملية ال peripheral decarboxylation وبالتالي هو هنا هيعاكس شغل الدوا ويقلل من النسبة اللي هتوصل منه للمخ ..وعلى فكرة هو السينميت مش ناقص نقلل من نسبته لأنه دوا بيتأثر بأي حاجة يعني بالأكل مثلا فعشان كدة ياريت يتاخد على معدة فاضية..كمان ال T1/2 بتاعته في حدود الساعتين..وده اللي بيخليه يتكسر بسرعة ويعمل ظاهرة ال
on - off phenomenon
واللي ممكن نشرحها في بوست تاني وإزاي نقدر نتغلب عليها قدر الامكان.

Dr.Beshoy fawzy د.بيشوي فوزي:
👈لو وصلك البوست ده علق بتم عشان توصلك بقية البوستات.

⛔تنويه على السريع للي بيشكوا إن عندهم #مقاومة_أنسولين وعاوزين يعملوا تحليل #Homa_IR ..التحليل ده ملوش أى قيمة في تشخيص أى شيء وهو باختصار معادلة حسابية بتكون حاصل ضرب السكر الصايم في مستوى الأنسولين في الدم في نفس العينة ..والنتيجة بنقسمها على 405..يعني لنفترض إن السكر الصائم كان عند سيادتك 85 mg/dl ولنفترض إن مستوى الأنسولين بالدم كان 11 وحدة لكل مل في نفس العينة..يبقي 85*11 مقسومين على 405 تكون النتيجة 2.3 ..طيب ده معناه إيه؟

👈معناه إنه لو النسبة زادت عن 1.8 ل 2.5 بحد أقصى ( وقد تختلف من معمل لآخر ) إن في مقاومة لأنسجة لدخول الأنسولين إليها واللي بدوره بياخد السكر يدخله جوه الخلايا وبالتالي يزيد مستوى السكر في الدم..ومع ال قت يقلب بمرض البول السكري.

👈طيب هل يعتد بهذا التحليل في شيء؟..للأسف لا يعتد به في شيء هو مجرد تحليل يؤخذ به في الأوراق البحثية فقط..استخدامه على الواقع لا يعني شيء لأنه بيتأثر بمستوى الأنسولين وقت سحب العينة فلو حسبته في وقت تاني هيديني نتيجة تانية..وهكذا أشبه كدة بتحليل #السكر_العشوائى بحيث ميعتدش به في تشخيص السكر لأنه كل مرة على حسب الأكل بيدي نتيجة شكل.

⛔طيب إيه الحل باختصار لمقاومة الأنسولين؟

والله نقدر نلخصهم في ٣ حروف هم #FEW :
👈١- ال F ------> وهي ال #food او باختصار تنظيم الأكل وتقليل الدهون والسكريات ونكتر من الخضروات والفواكة.
👈٢- ال E ------> وهى ال #exercise يعني نلعب رياضة مش أقل من ساعة يوميا.
👈٣- ال W ------> وهى ال #weight_loss يعني نخس ونوصل ل #BMI أو مؤشر كتلة جسم لا يزيد عن 25.

👈لو حضرتك بتعاني من ارتفاع في الضغط ..سكر ..ارتفاع في دهون الدم ..في دهون بطن موجودة (شكل البطن هو شكل التفاحة وليس الكمثرى) ..نهجان مع المجهود ..بقع بني في منطقة الرقبة من الخلف ..في تكيس مبايض لو حضرتك أنثى ونمو شعر بكثافة في مناطقة حساسة وخشونة الصوت ..بيطلعلنا حبوب دهنية في منطقة الجفون او في باقي الجسم عموما..فمرحبا بك في المتلازمة الأيضية metabolic syndrome.

👈إيه حكاية ال metabolic syndrome ديه ؟ ..بص يا سيدي الموضوع كله بيبدأ بلغبطة في نظام الأكل بتاع حضرتك وفي أسلوب حياتك بصفة عامة..يعني عادات صحية خاطئة بصورة مزمنة زي الأكل الكتير اللي مليان سكر ..الدهون المتمثلة في الأكل بتاع الشارع والمقليات اللي بتكون في الدهون المشبعة وغيره..الأكل الزايد عن حاجة الجسم ..الأكل والنوم على طول عملا بالمثل المصري الشهير اتغدى واتمدى 😀..طبعا التدخين برضه عامل مهم منقدرش نتغافل عنه...كل ده مع الوقت بيبدأ يعملنا حاجة مشهورة جدا بنسميها #مقاومة_الأنسولين ..يعني الأنسولين اللي وظيفته إنه يروح الخلية يجبلنا حاجة بنسميها Glut أو الترانسبورتر وده اللي بيمسك في الجلوكوز ويدخله الخلية عشان يطلع طاقة..مع الوقت العملية ديه مبتبقاش بنفس كفاءة الأول ونلاقي إن الجسم بدأت احتياجاته من الأنسولين تزيد عشان يقدر يعمل نفس اللي كان بيعمله الأول يعني أصبح هناك ما يعوق شغل الأنسولين ويقاومه.

👈باختصار نقدر نقول عليه metabolic syndrome أو insulin resistance أو ندلعها بال syndrome X..وكل ده أساساها طبعا دهون البطن visceral obesity اللي بتكون أول علامة معانا(وهي ماشاءالله عندنا كلنا 😂😭) وديه بتكون حاجة بتساهم في تشويه شكل الترانسبورتر او الناقل بتاع الجلوكوز اللي قلنا عليه (واللي بالمناسبة عندنا منه بتاع ١٣ نوع أهم نوع هو رقم ٤ Glut type 4) وبالتالي تبدأ مقاومة الأنسولين.


👈 دلوقتي كتر الدهون اللي اتكونت ديه بتبدأ مع الوقت تمنع شغل الأنسولين على الخلايا وبالتالي تبدا تبوظلي في دورة ال Krebs cycle أو مايسمى بدورة حمض الستريك..المهم وباختصار إن الجلوكوز مدام مش عارفين نخلص منه ونحرقه في سكة الأنسولين نتيجة إنه مبقاش يعرف يشتغل زي الأول يروح السكر ماشي في سكة تانية.. فهنلاقي إن ال acetyl CoA اللي بيطلعيلي في Krebs cycle مقدامهوش غير سكة تصنيع الدهون واللي هنسميه cholesterol and ketones pathway وبالتالي نلاقي الدهون بتاعة الدم بدأت تزيد فنلاقي ال LDL أو الدهون الضارة اللي هي منخفضة الكثافة تصنيعها زاد..الدهون الثلاثية زادت أوي TGS والليبوبروتين A ليباز اللي هو الإنزيم اللي كان بيكسرهم مبقاش شغال كويس..وفي المقابل ال HDL أو الدهون عالية الكثافة اللي بنحبها واللي بتكنس كل ده في الدم قلت خالص ونزلت تحت ال ٤٠ ..وعلى المدى البعيد تبدأ الدهون في الدم تترسب من غير ما تتكنس ..ولو شمت ريحة أيونات كالسيوم تبدأ تعملي plaque أو ما يسمى بال atherosclerosis أو تصلب الشرايين..وديه خطوة لو وصلنالها خلاص مفيهاش رجوع irreversible وبالتالي الريسك للجلطات والذبحات ومشاكل القلب هيزيد
Increases risk of coronary insufficiency and cerebral stroke.


👈 التصلب ده ممكن يعملي ضغط مرتفع أو يظهر ضغط مرتفع الأول ويزود التصلب ونخش في دايرة جهنمية مقفولة vicious circle والضغط اللي بنسميه القاتل الصامت بيزود التصلب لأنه بيحاول يعمل proliferation لجدار الوعاء والتصلب بدوره يعلى الضغط..ويزيد الريسك لأمراض القلب والسكتات الدماغية.

👈في الغالب هتلاقي اليوريك أسيد عالي كمان وداخلين في نقرس ..لو في مقاومة أنسولين وحضرتك واحدة ست ..ممكن تسببلي بنسبة ٧٠٪ تكيس مبايض PCOs وطبعا هيعقبه مشاكل في الحمل والانجاب ..نمو شعر كثيف في منطاق حساسة hirsutism نتيجة لنشاط الأندروچينات ..خشونة في الصوت كمان..هنلاقي acanthosis nigricans أو مناطق بني داكنة أشبه بالطين الجاف المشقق ومدرجة على مناطق في الجلد أشهرها الرقبة من الخلف وعند الكوع ومابين الفخذين ..ممكن نلاقي حبوب دهنية صفرا بتطلع في الجلد بتاع الجسم عند الكوع برضه وما بين الفخذين والأوتار والركبتين وديه هنسميها xanthoma ولوطلعت على جفون العين هنسميها xanthelasma..وهسيبلك صور الحاجات ديه في التعليقات تحت.

👈الحل باختصار هو رقم واحد life style modification أو تعديل أسلوب الحياة بعادات غذائية صحية مع الرياضة طبعا والنزول في الوزن وتخسيس منطقة دهون البطن بحيث يكون محيط الخصر Waist circumference لا يزيد عن ١٠٢ سم في الرجال و ٨٨ سم في النساء.

👈ليه بندي فيتامين د vitamin D للرضع أول ما يتولدوا على طول؟

أشهر حاجة ممكن تتاخد للرضع هى ال ڤي دروب نقط vidrop وديه بنديها من أول يوم لسببين رئيسيين هما :

☝️ الأول هو حماية الطفل من الكساح rickets أو لين العظام osteomalacia وده لأن الطفل مع الوقت بيفقد مخزونه من فيتامين د ويبدأ يستهلك من اللي في العظام وإن كان ده في المراحل المتأخرة ..فبندي فيتامين د عشان نحافظ على كمية الكالسيوم في العضم ثابتة وبتبقى بجرعة ٤٠٠ وحدة دولية من أول الولادة يعني حوالى ٤ نقط وممكن يزيدوا بعد سنة ل ٦ نقط مع التنبيه بتعرض الطفل للشمس على الأقل ١٠ دقايق ٣ مرات في الأسبوع عشان فيتامين د يتنشط وهشرح البوست الجاى يعني إيه يتنشط.

☝️☝️السبب التاني هو إنه في بعض الأبحاث بتربط بين نقصه وبين الإصابة بالنوع الأول من مرض السكري Diabetes mellitus type 1 لأنهم لقيوا عند أغلب الأطفال اللي اتصابوا بالسكر نقص في فيتامين د..ده غير إن بعض الأبحاث بتربط بين مستوي فيتامين د عندهم وفرصة تعرضهم للاكتئاب والأمراض النفسية مع السن..يعني كل ما قل كل ما زادت الفرصة.

👈من ضمن الدراسات اللي معمولة علي #فيتامين_د إن نقصه بيسبب مع السن مشاكل في الادراك cognitive impairment بس ده مش معناه إني اخده عمال علي بطال زي ما بقى موضة اليومين دول؛ لأن كتره عن الجرعة اليومية المطلوبة له تأثيرات ضارة على الكبد..فقط بعد عمل الفحوصات اللازمة.