بسم الله ما شاء الله
ارح قلبك ومسمعك💜💜💜💜💜🌿

وكأنه من مزامير آل داود

يا بُنيّ.. أنفُس الناس تارة أصلب من الحديد، وتارة أشبه بالزجاج، فلا تغرّنك قوة المرء، فإنه في لحظات الضعف والهَمّ التي تعتريه قد تقتله كلمة.. أو تحييه.
يا بُنيّ، أوصيك بالإحسان.. يا بُنيّ، أوصيك بالمرحمة.

د/ هبة رءوف عزت.

سُبحان مُقلِّب القُلوب!

_ في يوم كُنت بتحب الأغاني لـِ درجة طبيعي بتغني وعلى إعتقادك الخاطئ إنك ما بترتاح إلا بيها!

واليوم إنت بتنفر مِن الأغاني وما بترتاح في مكان فيهو أغاني! واستبدلت الأغاني بالقُرآن ❤️.

_ في يوم كنت بتجيب سيرة الناس بالعاطل وطبيعي كلامك كلو قال وقالت وقلت

واليوم انت مشغول بنفسك ولو زول جاب سيرة حد قدامك إما دافعت عنو ولا سكتت الزول دا! ❤️

_ في يوم كنتِ شايفة اللبس الساتر بكبرك وبخليك ما حلوة ف عشان كده ما كنت عليه شديد !

واليوم إنت شايفة ايوة انو بكبرك؛ بكبرك عند ربنا! ❤️

_ في يوم النوم كان بالنسبة ليك أحبَّ من الصلاة! وبتستغرب فاللي بقيموا الليل وبخلوا البطانية كيف!

واليوم إنت اصلا ما بترتاح في نومك عارف ليه؟ لأنك أكدّت لنفسك انو راحتك الحقيقية هي مع ربنا ..❤️

يا الله! ❤️

والله وتالله الواحد لما يقارن نفسو قبل توبته وبعد والله إنه قلبو يرتعش من الحاجات الكان بعملها ظنًا منو إنها راحة ليه!

يا الله لك الحمد إنك ما قبضت أرواحنا على غفلة 💔
يا الله لك الحمد إنك أذنت لينا بعُمر جديد في طاعتك ❤️

يا ربِّ
أنا بئس العبد!
وأنت .. أنت نِعم الرب ❤️

يا ربِّ!
لا تُزغ قلبي بعد إذ هديتني، لا تبعدني بعد إذ قربتني! ❤️

يا ربِّ!
أعنّي عليّ؛ فإني عدوّي!

- ﴿ وَاذْكُر ربّكَ إِذَا نَسِيتَ ﴾

- سُبحان الله
- الحمدالله
- الله أكبّر
- أستغفر الله
- لا إله إلا الله
- لاحول ولا قوة إلا بالله.

اللهمّ أعنِّي لأنْ أكون ممّن يُكبِّرون في ظلام صدورهم حتى ينبعث منها نورها، وهبْني أن أقول "الله أكبر" باللسان والحال، فتطابق تكبيراتي تكبيرات مَن عرفوك.

هذا المساء.. ❤️


واقفة من الصباح داخلة مارقة اعمل في العصيدة بي جاي والملاح بي جاي، وشغالة في حر والجمر يبرد ازيد الفحم واقعد اهبب في النار..

نزلتَ حلة الملاح ورفعت العصيدة، جا هوا وشكلو دخل تراب في حلة الملاح وأنا ما انتبهت ليو

خلصتَا وغرفت الأكل بي آخر نَفَس لَي من التعب
وقعدنا في الصينية
التراب كان يضرِس
للأسف من أول لقمتين وقفنا أكل وقُمنا خليناو في محلو!

الحسرة والحزن الدخلو فيني ما أقول ليكم بس
إحساس من متين واقفة بعمل فيو، والتعب؟ كلو راح ساي!

الموقف ده ذكرني يوم القيامة بس!
تخيّل تتعب في الدنيا دي صلاة وصيام في عز الحر والكهربا القاطعة
تقوم وتقع عمرك كلو في العبادات
تجي بي تصرف واحد منك تنسِف كل عملك ده كأنه ما كان

تعمل حاجة سمحة لي زول، وتقعد تمِن عليو إنك عملتا
الطنطنة بتاعت كل يوم دي
غسلتا ليكم العدة
سوّيت ليكم داك
اديتك داك
وعملتا ليك وعملتا ليك
ده اسمو مَن، وأذى، وأخير كلو كلو ما تعمل الحاجة بدل تعملا وتتبِعا بي الكعب!
تعمل الحاجة السمحة، وتتبعها بي الكلام الشين
حرفيًا ياهو زي الملاح الاتكشح فيو تراب
ما نافع!!

تلقّط في الحسنات حسنة حسنة
وتجي تنسِفها بي قطيعة في فلانة وكلام في عِلّان
زي الملاح الاتكشح فيو تراب
ما نافع!!

تصومي وتصلي وتتحجّبي
وتجي تردي لي أمك الكلمة بي الكلمة كأنها قدرك
زي الملاح الاتكشح فيو تراب
ما نافع!!


• الخُلاصة ..

الواحد زي ما إنو تِعِب في الدنيا دي عشان يلقى ليو في الآخرة أجر
ما يفسِد عملو السَّمِح ده بي تصرفات بسيطة ما يلقي ليها بال
تنسِف حسناتو ولو كانت جبال!

نختِم بحديث النبي ﷺ لأصحابِهِ حينَ قال:

أتدرون من المفلس؟ قالوا: المُفْلِس فينا من لا دِرهَمَ له ولا مَتَاع، فقال: «إن المفلس من أمتي من يأتي يوم القيامة بصلاة وصيام وزكاة، ويأتي وقد شَتَمَ هذا، وقذف هذا، وأكل مال هذا، وسَفَكَ دم هذا، وضرب هذا، فيعطى هذا من حسناته، وهذا من حسناته، فإن فنيت حسناته قبل أن يُقْضَى ما عليه، أخذ من خطاياهم فَطُرِحتْ عليه، ثم طُرِحَ في النار».

وما ننسى ندعي بـ دعاء النبي ﷺ❤️:

"اللهم اهدِني لأحسن الأخلاق لا يهدي لأحسَنِها إلا أنت واصرف عني سيئها، لا يصرف عني سيئها إلا أنت".


#صفِيَّة_مُصطفى.

من نعم الله الجليلة أن يبصرّك الله بحقيقة الدنيا وأنت في شبابك حتى لا يفنى عمرك في الركض خلف زينتها الباطلة ،
نعوذ بالله من ضياع الأعمار

اللهم استخدمنا في طاعتك في شبابنا.🤍

-اللي يومه يبدأ بالأذكار والورد القرآني وحده يشعـر بالاختلاف والراحـة!♥️

-اللي يصلي الفجر حاضر ويقرأ الأذكار
ويستفيد من فترة الصباحية دي
بذكر الله أو تحصيل الرزق والدراسة
دا هو اللي يومه بكون مزاجه رايق وبحس ببركة في وقته وشغله، وطمأنينة وراحة ومعيّة الله وحفظه له.
بعكس تمامًا اللي بصحى متأخر وهو ما صلى الفجر في وقته ولا قرأ أذكار الصباح.
ولو سألته تلقاه دايمًا متضايق وحاسي
إنو ضايع وأي شغل ما قادر ينجزه في
وقته غير الأذى اللي ممكن يصيبه بسبب عدم تحصينه لنفسه.

- في معاني عظيمة شديد في كل ذكر
من أذكار الصباح والمساء، لو استشعرتها
بقلبك قبل لسانك، وإنت بتقول:
(اللهم إني أسألك خير هذا اليوم فتحه ونصره ونوره وبركاته وهداه واعوذ بك من شر مافيه وشر ما بعده)
إنت بتسأل الله أن يفتح عليك، يبارك في يومك، ويُريك الخير كله، يعينك ويسهل أمرك، ويبعد عنك أي شر ممكن يصيبك.♥️
برضو لمن تقول:
(يا حيُّ يا قيُّوم برحمتك أستغيث أصلح لي شأني كله ولا تكلني إلى نفسي طرفة عين).
هنا بتلتجأ لله تعالى وتتوكل عليهِ في كل امورك، تستغيث بالرحمان الذي وسعت رحمته كل شيء، أن لا يخذلك بتركك لنفسك، أن لا يُخلِّي بينك وبينها، فإنك لن تحصل منها إلا على سوء أفعالها ويضيقُ صدرك.
ويوفقك فلا يكلك إلى نفسك، فالعبد مُتقلبٌ في الساعة الواحدة بين طاعته وعصيانهِ.

-لمن تقرأ الأذكار استشعر إنك قلت ما:
1- قد أجرت في يومك هذا من الشيطان
فلن يضرك بشيء.
2- أن الله وّكل لك ملائكة يحمونك من
كل أذى تعلمه أو لا تعلمه.
3- أن النبي صلى الله عليه وسلم يأخذ بيدك حتى يدخلك الجنة.
4- أن الله قد أعتقك من النار.
5- أنك قد أديت شكر يومك وليلتك.
6- انك استغفرت الله باستغفار لو مُت
من يومك أو ليلتك دخلت الجنة.
7- أنك ذكرت الله بكلماتٍ ملأن ميزانك
أجرًا وفضلاً.
8- أنه لن يأتي أحد أفضل منك يوم
القيامة إلا من زاد على تسبيحك وتهليلك عددًا وفكرًا.
9- أنك تصدقت بماهو أفضل من مئة بدنة، ومئة فرس يُحمل عليها، ومئة رقبةٍ معتقة، بكلماتٍ معدودات، فضلاً
من الله ونعمة.
10- شفاعة النبي صلى الله عليه وسلم تدركك يوم القيامة.

-ودائمًا خليك دايمًا قدوة حسنة بالتذكير المستمر لناس
بيتكم، أصدقاءك، والناس اللي حولك.
ممكن يكون شخص ناسي وتكون سبب في التزامه، ويتعود يبدأ يومه صح♥️.

-في الأخير..

اذكارك ووردك هي أُكسجين روحك..
أنت بدونها على وشك أن تختنق!♥️

#زكية_عاطف

-

ا" للهم يا أمان الخائفين، أعطنا من الأمان ما يكفي للتغلب على ما نخافه، ومدّنا بالطمأنينة كي نتجاوز الأيام إن ثقلت، وألهمنا صبراً على ما لا نطيق" .

اللهم صلي وسلم ع نبينا محمد وع اله وصحبه اجمعين 💙.

أدعو أن أرى أيامًا محفوفة بعوض من الله".🤍

" اللَّهُمَّ رَبِّ ابْنِ لِي عِنْدَكَ بَيْتاً فِي الجَنَّةِ.❤️"

هذه الصفحات ليست لتقرأها ولكنها صفحات ستعيشها! ستبحر بسفينة نجاة إلى عالم الله الخفي الملئ بالأسرار العجيبة التي لم تكن تعرفها، وقصص المعجزات الحقيقية المدهشة للأشخاص في زماننا المعاصر، لا هم أنبياء ولا أولياء أصحاب كرامات ولا شيوخ....
أناس مثلي ومثلك "خطّائون"، ولكنهم حققوا ما تمنوا لما فهموا أسرار هذا العالم وحققوا قوانينه ...
فأفرد شراع قلبك، واستعد لتغيير عالمك لما تتمناه وتدعو به !!.
الكتاب دا غيّر حياتي وأتمنى يغير حياتكم ، لاتنسوني من صالح الدعاء :-)❤
وأنشروا الكتاب ورسلوهو لي كل زول ولكم جزيل الثواب.

صباح الخير جدآ..

لمن الواحده ربنا يهديها وتلبس ليها نقاب او حجاب شرعي زي ما بقولو..

الناس دي كلها بتفتكر انو خلاص...

هي واحدة من جنس الملائكة وعيب وعار كمان عليها انو تقع في خطأ أو تغلط

اي زول بتلقى قاعد ليها بالمرصاد كدا ومنتظر اقل غلطه منها عشان يقيف ليها في حلقها..

وإن أخطأت يومآ لي بشريتها اتهموها انها منافقه ودي لابسه نقاب او حجاب ساي

دقيقه!!

خلوني اقول ليكم حاجة انا لمن لبست النقاب ما كتبت عليو ولا علي عبايتي ولا طرحتي اللابساها، (ملكه معصومه من الذنوب)....

انا زوله زي وزيكم وواحد كمان...

بصيب وبخطي وبذنب وبستغفر..

انا بس اخترت رضي ربنا في لبسي ، ونفسي تاقت للستر والعفاف والفخر وبعتز بيو جدآ جدآ

وبحاول وبسعي بكل جهدي في طاعه ربنا واتعلم واعرف حاجات كتيره عن ديني

لكن انا زوله في النهايه بشر ، والعصمه البشريه دفنت مع النبي صلى الله عليه وسلم

في النوع البقول ليك..

انتي منقبه وبتضحكي؟؟!

منقبه وبتتونسي؟!!

خلاص كملتي الحفلات دي كلها؟؟ اي انا كملت الحفلات دي كلها وربنا هداني ووراني الطريق الصح هل انت عندك اعتراض ع كدا؟؟

ع فكره انا في واحده لقتني ضاربه منكير قالت لي وبعلي دي انتي المنقبه كمان؟؟!!!

عليكم الله يا تقولو خير يا اما تصمتو..

نحن قادرين نلبس اي لبس بنحبو ونعمل اي مكيب بس عارفين كيف ووين ومتين؟

اما والله اذا كان في نفسكم حاجه تانيه وبتنظرو لي بحاجه تانيه ف دا والله ما بأثر معاي بي اي حاجه...

وخليكم عارفين انو كل دا والله لا يَزيدني إلا عزه وشموخ

انا الاخترت الطريق دا ورسمتو من بدايته...

وعنه لن احيد وإن تعثرت يومآ او تثاقلت خطواتي ، لكن ما ح اغير وجهتي لحدي ما اصل لي هدفي انو أرضى ربنا سبحانه وتعالى..

وأمهات المؤمنين قدوتي ، والجنه منيتي

ف الناس تبطل حقد وحسد وتركز في حياتها اكتر ، وتشوف وتحاول تعالج وتصلح من نفسها ، ف النهايه كلنا بشر وماف زول معصوم ليو من خطأ..

فالصراط المستقيم نوراً ساطع ، لا ولن تظللهُ غيوم السُفهاء الحاقدين الغافلين!


شكرآ
وعفون بالنون


#الرسالة_لطف_الله.

ولا تَجلِس إِلى أَهلِ الدَنايا
فَإِنَّ خَلائِقَ السُفَهاءِ تُعدي!

- أبو العلاء المعري.

عارف يعني إيه ؟

"وَأُفَوِّضُ أَمري إِلَى اللَّهِ إِنَّ اللَّهَ بَصيرٌ بِالعِبادِ"

هنا بقا كأنك بتقول لربنا انا معرفش حاجه ومش فاهم حاجة ومعرفش نصيبي إيه ،، ف مسلملك أمري كله ، رتبه إنت يا رب ، ودبره إنت يارب وأنا راضي ومؤمن بيك..

" ‏من سرور القلب وابتهاجه؛ معاهدة الورد القرآني والالتزام بالمقدار المُحدّد لقراءته دون نقصان، لا سيما وقت الصّوارف والمُلهيات، فإنّ المحافظة على مقدار الوِرد جهادٌ آخر، وبقدر المُجاهدة في أخذه؛ يكمل النَّعيم القلبي، والسُّرور الأبدي، والقُرآن ما زاحم شيئًا من الأوقات إلا باركه💛🌸"

صباح الخير❤️


لو فاضيين و حابين تسمعو تفسير للقران، ادخلوا اليوتيوب واكتبوا
‏دروس الدكتور : محمد بن عبدالعزيز الخضيري .. لأي سورة واسمعوا التفسير !! تفسيره جميل و مبسط.

‏حين قال سُبحانه: ﴿وإن يمسَسك الله بضرّ فلا كاشفَ له إلا هو﴾، فسّرها السَّعدي بقوله:

بأنّ الخلق لو اجتمعوا على أن ينفعوا بشيء، لم ينفعوا إلا بما كتبه الله، ولو اجتمعوا على أن يضروا أحد، لم يقدروا على شيء من ضرره، إذا لم يرده الله"، وهذا المعنى يستوجب من العبد التعلّق بالله وحد.