الحمد لله انه مُحوطانا عناية إلهية عظيمة

مهما خططنا ، اجتهدنا و فشلنا واتبشتنّا وضاقت بينا الأرض بما رحبت من حيث لا نتحتسب ربنا بيفتح لينا باب من جديد ، فـنستشعر قُربه وكرمه اللامحدود علينا ..

ربنا الذي "لا تأخذه سنة ولا نوم" ما قاعد يغفل عننا لحظة وحدة !

إتخيلو نحن كلنا بهمومنا ومشاكلنا والدنيا الفانية دي الماخدة تركيزنا كله ربنا قاعد ينظر لقلوبنا وشايف أحزانّا ومتجاهل تقصيرنا في العباده وذنوبنا كلها وقاعد يدينا على حسب لُطفه ورحمته التي تسع السموات والأرض❤️.

بنقيف مشدوهين ونقول

"سبحان الله !
فُرجت من حيث لا نحتسب "

كم مرة حسينا كدة بالله ؟!


محتاجين نطمّن ونهدي روحنا شوية

..

في آخر الليل ده حابة اقول ليك ..

مهما كنت شايل همّ
إلا باكر يجي وتشرق شمسنا ويفرجها علينا من عنده

احنا عندنا رب معانا
محاوطانا عناية مقدسة تاني نشيل هم شنو ؟!


تصبحو مجبوري الخاطر يارب .



#إقتباس_النهاية

‏"كيف في أعماقنا،
شيئًا فشيئًا،
كانت تتجمد الآمال الأخيرة❤️؟"




- تنزيل صابر.
- على آخر الليل .

-أَتَعْلَمْ مَا مَعْنَى: عَسَى خَيْرًا؟

"أَنْ يُبْعِدَ اللهُ عَنْكَ الأَسْوَأْ، لِيُقَرِّبَ مِنْكَ الأَجْمَلْ"💛🌻.

مصيبة لما يتقلك ان من كبائر الذنوب هو نومك عن صلاة الفجر وعدم اهتمامك بأدائها في وقتها

وتستمر زي ما انت
والمصيبة الأكبر انك مش حاسس بخطورة الموضوع

كل صلاة تصليها بعد خروج وقتها بدون عُذر
= ذنب من كبائر الذنوب

كبيرة واحدة قد تُلقي صاحبها في النار
فتخيل لما كل يوم تصحى على كبيرة.. كل يوم!

«فويلٌ للمُصلين . الذين هم عن صلاتهم ساهون»

الحاجة الما جاتك ما نصيبك، ولو بعدت عنك معناها فيها شر ليك..

اقتنعت بالجملة دي قريب قريب شديد، لما كان نفسي في حاجة ودايراها أسي وطالعة وداخلة بدعي بيها.

لمن قنعت خلاص وخليتها على ربنا؛ لقيت الحاجة دي مشت بعيد مني!

واكتشفت أنها كانت خطر بالنسبة لي، وإنو لو حصل الكان نفسي فيه كنت خسرت أكتر من ما هي في يدي.

كان عندي كباية سوداء سادة بحبها شديد وما بعرف أشرب الشاي زاتو لو ما شربت بيها، مر الزمن واليد بتاعتها أنكسرت فزعلت زعل على أنها أنكسرت فـ بقيت بشرب بيها وهي يدها مكسورة..

بعد فترة بقيت بشرب الشاي وأنا ما مرتاحة في الكباية دي
لازم أنتظر الشاي يبرد شوية حتى أشربُ.

لازم الكباية تكون في صينية عشان تقعد عديل..

لازم الكباية ما يكون فيها شوية موية عشان ما تتكسر كلها.

لقيت نفسي باذلة مجهود كبير شديد في الكباية، أضطريت أخليها وأشتري واحدة سوداء تانية.

بعد فترة الكباية السوداء الجديدة زاتها وقعت وانكسرت وحيرتني!

بس ما زعلت عليها زي الأولى، لأنو كنت مقتنعة تماماً إنو الكباية دي ما فيها خير لي..

أو لو كانت معاي يمكن كان تتكسر في يدي ويحصل لي يدي حاجة.

الحكمة من الكلام دا كله شنو إنو الحاجة المكتوبة ليك بتجيك بتجيك.

والفيها نصيبك بتصيبك، فما تزعل على حاجة مشت منك..

ولو مشت منك وزعلت عليها أتذكر إنو كان ممكن يكون فيها شر ليك.


"ورب الخير لا يأتي إلا بالخير"♥️


#مثابة_السمحة

هل تؤمن برسائل الله لك ..؟

هذه رسالتك اليوم :
‏
أنت لا تعرف كيف سيغير الله المشهد لأجلك، وكيف سيُعيد ترتيب الأقدار لأجل نداءك ورجاءك "فاستجبنا له"
هذه لوحدها كفيلة أن تجعل من المستحيل ممكناً، ومن الصعب سهلاً، ومن البعيد قريباً، فأبشر يا من لجأت لمن أراد شيئاً قال له كن فيكون

إن يعلم الله في قلوبكم خيراً يؤتكم خيراً .❤

متذكرة لما كنتِ بتصلي الصلوات في وقتها وبتقري قرآن وعلاقتك بـ ربنا كويسة متذكرة لمن بتتصدقِ ومواظبة على أذكارك وكنتِ حاسة بـ قلبك بيضحك ووشك منور وصدرك منشرح.
ما ناوية ترجعي لله وتضوقي لذة القرب منه ؟!💕

#أذكار صباحك_حصنك
#ورِدك بركة يومك

‏يُشغلني التّفكير بالملاحِدة أحيانًا، وآسىٰ على حالهم، يُوجعني قلبي شفقةً عليهم بمَنْ يلوذ الواحِد منهم حين يَرتعش من شدّةِ العويل ويتخبّط من لوعةِ الغُموم، بمَنْ يستظل أثْناء هجِير السفر وقَسوة الحياة؟ آهِِ يا إلهي.. تكاد تنفجر أفئِدتنا تحنانًا إليكَ ونحن لم نَرك، فكيف بعد رُؤية جَمالك ؟!💛🌸

والله لو طَهُرَت قلوبكم، ما شَبِعَت من كلام ربكم

- سيدنا عثمان بن عفان -رضي الله عنه-

صباح الخير:

عد إلى الله بـإجهادك ، بـلهاثك، بـخوفك بـصدماتك ، بـأوتار قلبك التي ارتخت ، بـهزائمك الثقيلة والخفيفة ، بـكلّ شيء هدمته الحياة فيك💛🌸

-
" ‏اللهم عز شأني وارفع مكاني واحفظ لساني عن العالمين وسخر لي ملائكة السماء وجنود الأرض، اللهم غير حالي لأفضل حال وارزقني رزقًا واسعًا مباركًا فيه."

اللهم صلي على نبينا محمد وع اله وصحبه
اجمعين🩵.

بتكَلّم مع صحبتي قلتا ليها عندي ليك نكتة رهيبة شديد تعالي انَّحكيها ليك
قالت لي كهربتنا قاطعة والجو كاتم خليها بعدين😂!
قلتا ليها الرابط شنو يعني ما فهمتا دي ما سخانة يضحكو فيها يعني ولا كيف؟؟

قالت لي يا صفية زمان في الجامعة تقريبًا قبل 6 سنوات كده
لاقتني واحدة وكنتَ بضحك، قالت لي نفسي يوم بس أشوفك ما بتضحكي! اليوم كله بتضحكي!
قالت لي أنا تقريبًا ما كنت متحصِّنَة
لكن من وقتها يا صفية
أنا كلما أضحك بتجيني كتمة نَفَس إلا آخد أوكسجين!!
للدرجة دي ؟؟ ااي للدرجة دي

ذكرتني واحدة قريبتي -قريبتي شديد يعني- لكن خلوها كده بدون ذكر أسماء

مشت عيادة الأسنان، قامت واحدة قاعدة قصادها ساي شافتها تشيل تضحك وتتونس وهي ما شاء الله بشوشة شديد وضحكتها جميلة
فالبت بدون تقول تبارك الله، قالت ليها انتي متأكدة جاية لي أسنانك دي؟؟
ومن وقتها هي عندها ألم في أسنانها فوق الطبيعي
ألم لدرجة ما بتتحمل الهوا واليوم كله لابسة كمامة
لغاية ما أسنانها الأمامية كلها وقعت
للدرجة دي؟؟ واللهِ للدرجة دي وأكتر وكنتا بمشي معاها الدكتور أنا وربنا بسألني!!

بتذكر في المعسكر كان معانا واحدة جميلة ومحبوبة ولطيفة شديد ما شاء الله تبارك الله
البت دي قدر ما تبدا الحلقة هي تستحضر
ولمن تستحضر بتتكلم بي صوت بت
وتقعد تقول ليه يحبوها؟؟ ليه الناس كلها بتحبها وتتونس معاها هي وتحبها هي؟؟
ليه بس العرسان بجوها هي؟؟
ليه هي اليوم كله مبسوطة وفرحانة و و و

البت دي كانت شدة ما بتتعب
تصل الموت وتجي راجعة!!

أنا واللهِ ياخوانَّا بستغرب
ما من الزول البشوف الحاجة وما بقول تبارك الله
لالا بستغرب من زول عارف إنو الناس نفوسها ما واحد
وإنو الحقد والحسد ده مزروع في أغلب نفوس الناس وتهذيب النَّفس ده اجتهاد شخصي من الزول ومن تربية أهلو

بستغرب انتي تكوني عارفة ده كلو
ولسه تشيلي وترفعي صورك هنا وهناك

وتشيلي وتقولي راجلي عَمَل وراجلي فَعَل وراجلي جاب!
واللهِ مقدّرين إنك عايزة تفرحي وتعبّري عن حُبّك وسعادتك وفرحتك
لكن ما هنا
ولا مع كل الناس!
عشان شنو؟؟
عشان ما كل الناس دايرة ليك الخير
ولا كلهم ح يفرحو ليك!

في الما انكتب ليو نصيب لسه في فرحة زي فرحتك دي
وفي الما عندها حق الـ skin care الانتي بترفعي صوره يمين وشمال
في الما عندهم حق الأكل وانتي تشيلي وتصوّري طلعاتك ونزلاتك في المطاعم
وفي الما عندها صحبات وانتي تشيلي وترفعي صحباتي هناي وصحباتي بتاع

في البتشوف فرحتك وتقول تبارك الله وتسأل ربنا من فضلو يديها
وفي الما بتقول تبارك الله وانتي بهناك أمورك تجوط وحياتك تَخرَب!!

هل بتتحصّنو صباح مسا قبل ترفعو وتقولو وتكتِبو ؟؟
إذا مقصّرين في التحصين
ما تجو تبكو تقولو الناس ليه بتحسدنا وليه الناس نفوسا كعبة!

النبي ﷺ قال لينا أغلب أهل المقابر ديل ماتو بي سبب العين
ونحنا لسه عشان سعادة مؤقتة مستعدين نبوّظ حياتنا ونجوطها فوق تحت

واللهِ لا اللايكات بعدين ح ترجّع ليك صحتك
ولا التعليقات الحلوة دي ح تعوضك الممكن تفقديو بي سبب العين والحسد!

تتمني العافية ما تلقيها
وتسألي أنا ليه حياتي معكسة قدر ده!!

فرحتكم اتقاسموها مع القريبين والبحبّوكم
وأخباركم الحلوة شاركوها مع القُرَاب والانتو ضامنين محبّتهم ليكم
وكلما كانت دائرتك ضيقة
كلما كنتِ مرتاحة وسعيدة
وربنا يبعد عنكم شر الحاسدين، ويحفظكم من العيون .


أذكاركم=حِصنَكُم♥️


#صفِيَّة_مُصطفى

«المُحاولة؛ عِبادة♡».

قد تخنقك العبرات في موقفٍ، وتتحشرج الكلمات في حلقك، ويضيقُ صدرُك كأنك تأخذ أنفاسك من خُرم إبرة، ثُمَّ تذكُر أنَّ الله ربّك فتسبحه، فيزيل عنك كل ما أهمَّك ويبدلُك بعد ذلك فرحًا لم تذقه من ذي قبل.💛

د. حازم شومان دايماً كان بيقول:

"لو دخلت الطاعات من الباب، هتهرب المعصية من الشباك."

دا تشبيه واقعي جداً، مش عارف تبطل الذنب؟ ما تيأسش إدعي ربنا وأعمل طاعات على قد ما تقدر، زوّد نوافل، زوّد ورد القرآن، طلّع صدقة وأستغفر ربنا كتير، وصدقني هتكون بخير وتبطل الذنب دا بإذن الله.

"خلي بس توبتك صادقة لنفسك ولوجه الله، ونابعة من قلبك فعلاً واسأل ربنا الثبات"♥️

-
#علمتني_آية ..💬🌸

قال الله ﷻ :‏ ‏"‌‏"وألقيتُ عليكَ محبّةً منّي"

‏يقول قتادة في تفسير "المحبّة" هنا :
"ملاحةً في عينيكَ ، لا يراكَ أحدٌ إلّا أحبّك"

‏اللهم اجعلنا منهم🤍🌸

{كَلَّا إِذَا بَلَغَتِ التَّرَاقِيَ}

التَّرَاقِي جمع تَّرْقُـوَة = clavicle

_ هي عظمة ذكرت في القرآن الكريم لوصف خروج الروح من الجسد من بين عظمتي الترقوة.

_ هي أول عظمة تتكون في الجسم وأخر عظمة تخرج منها الروح.

_ هي نفسها العظمة التي قُتل بها أبي بن خلف [المشرك الوحيد اللي قتله الرسول ﷺ].

_ وهي نفسها اللي يقولوا عليها علامة الجمال.

هي نفسها اللي لما تنكسر ما تتجبس (أي لا تُجبر).

"كلّا إذا بلغت التّـراقي وقيـلَ من راق وظـنّ أنّه الفِراق والتفّت السّاق بالسّاق إلى ربك يؤمئذٍ المساق"

"كلا إذا بلغت التـراقي"
أي إذا بلغت الروح الغرغرة في حالة الموت.

"وقيل من راقٍ"

فيها تفسيرين التفسير الأول يقول بعضهم لبعض من يرقيه؟! من الرقية وهي القراءة على المريض طلباً للشفاء، والتفسير الثاني يقول الملائكة بعضهم لبعض من راقٍ بروحه *"بالروح"* أي من يرقى بالروح إلى الله سبحانه وتعالى فالروح تصعد لله سبحانه.


{هَذَا خَلْقُ اللَّهِ فَأَرُونِي مَاذَا خَلَقَ الَّذِينَ مِنْ دُونِهِ}

#العيش_عيش_الآخرة💛

إنِّي لأبتعدُ عن القرآن فأجدُ أثرَ ذلك في قلبي وخُلُقي!

اتصلو بينا وكلمونا بخبر وفاة
قمنا أنا وابوي لبسنا سريع سريع عشان نمشي نحصل الدفن
مرقنا وقفنا في الشارع وما لقينا اي عربية أمجاد
ابوي قال ممكن نركب ركشة لانو ماقاطعين كبري
لقينا كم ركشة واقفات تحت ضل شجرة والجوكية يشربو في الجبنة
اعتذرو لينا لانهم بتونسو او بغسلو في الركشات
عمك كبير وركشتو تعبانة تعب السنين لدرجة أنا وابوي ذي الاتفقنا ما نسالو خاااالص
وقفنا في الزلط تاني من غير نتيجة
ابوي عاين للركشة القديمة والمقاعد حقتها مقطعة والسقف مشرط
عمك سيد الركشة ماسك سبحتو وقاعد
أنا حسيت لو ركبنا الركشة دي ممكن نصل بعد اسبوع
ضربو لينا من بيت البكا
ابوي استقبل المكالمة وقال لي ياولدي نمشي نركب الركشة القديمة دي بدل الوقفة الما منها فايدة
قلت ليهو يابوي الركشة دي قلبي مابيها دي منتهية ومكركبة
ابوي ما اشتغل بي ومشى لي عمك سيد الركشة وسلم عليهو وقال (لو سمحت ماشين ودنوباوي)
سيد الركشة قال اتفضلو وابوي قال لي ياولدي اركب وطبعا ماعندي طريقة ركبت
أول حاجة خوفتني الركشة مافيها خلف وعمك لزاها للخلف ودور
مشينا لاهو اتكلم معانا لا نحنا اتكلمنا معاهو
وصلنا بيت البكا وناولناهو القروش ختاها في جيبو وماحسبها والأغرب من كدة نزل معانا لما شافنا الناس اتلمو فينا كوووورجة كدة وشالو معانا الفاتحة .. زولك رفع معانا فاتحتنا وداير يمشي شاف صبارة الموية فات طفح ليهو كوز لقاها سخنة مولعة نار
كان خبر البكا يادابو جا والناس اتجمعت ووقفو تحت ضل الشجر والحيط منتظرين الجثمان يجي من المستشفى والسخانة تلحم ومافي زول انتبه للتلج وكدة
عمك بتاع الركشة لزة الركشة خلف واستعدل ودور مشى
انا نسيتو طبعا ومدور فواتح وتلفونات وبتكلم مع الناس عن تجهيزات الفراش والدفن
فجأة اسمع نفس صوت الركشة القبيل داك واشوف نفس الركشة وعمك زاتو نزل وساق ليهو ولد للركشة ونزل منها لوح تلج
الولد نزل اللوح ختاهو في المسطبة ودخل البيت وعمك سيد الركشة دور فات وجريت جري عشان الحقو لكن ابوي ناداني ومشيت عليهو وفي اللحظة دي بتاع الركشة غطس في الشوارع
ابوي قال لي إنت ياولد ماشي تحرج نفسك مالك ؟
الزول جا يشرب لقا الموية سخنة ومشى سريع جاب لينا لوح تلج من عندو بدون مايشاورنا
ماشي تقول لي شنو
لو مشيت شكرتو ولا دفعت ليهو حق التلج بتبوظ الشغلانية مرة واحد
ما اي حاجة لازم تدخل فيها يدك بتوسخها يا ولدي في مواقف بتحصل كدة ساي مابتحتاج تفتش جواها او تفسرها
الدنيا دي كدة
لو عندك مال قارون برضو في فرقة ناقصة عندك لازم يجي زول من برة يسدها ليك..


- سهل الطيب