رواية جديدة؛#لن_أحبك_مهما_فعلت

قراءة ممتعة🔥

#لن_احبك_مهمه_فعلت
#أثير_روجينا

___
___

الجزء الاول الثاني الثالث الرابع

ياسمين : يا ماما ما بدي إياه الله يخليكي توقفي معي
سعاد : ليش ما بدك إياه فهميني
ياسمين : شو افهمك يا امي هو كبير علي وكمان بخاف منه هو كتير عصبي وليئم
سعاد : وانتي شو عرفك انو هو هيك

ياسمين : انا عايشه بينهم وبشوفه كيف بتعامل مع خواته اذا إخوته الشباب بجمدو مكانهم منه بدك اياني اعيش معه وانا كمان بهاد العمر ما بدي والله بموت حالي ولا يوافق اتزوجه

دخول صوت رجولي من الخارج .... : وانا حكيت انتهت الموضوع عرسكم بعد شهر هو ابن اخوي وأخي ختارك من بين كل بنات العيلة وانا مش مستعد اخسرو كرمال ارضيكي

ياسمين بخوف مسيطر على اعصابها : بس انا ما بدي

حاتم : انا ما راح استخدم معك اسلوب الجبر حاولي اتقبلي لحالك بدل ما تتزوجي بالغصب

سعاد : خلص اتركها انا بحكي معها
حاتم : جهزيها اليوم جاين نقرأ الفاتحه

ياسمين : اليوم
حاتم : اه واذا بسمع كلمة منك ما بتعرفي شو ممكن اعمل فيكي

سعاد : خلص اتركها روح انا بتفاهم معهم

ياسمين في نوبة بكاء هستيري : ماما ماما ما بدي حرام عليكم انا لسا طفلة قاصر انتو ليش هيك بدك تعملو انا بنتك حبيبتك ليش بدك ترميني هيك بشو غلط معكم لا ترمي وانا بهاد العمر

سعاد : لا اله الا الله يا بنتي حسستيني رميتك لواحد مجرم انا بدي استرك وازوجك للي يسعدك هاني كتير منيح ورجال بكل معنا الكلمة انتي شايفه هيك بس لأنك صغيرة وزواجك بهاد العمر افضل الك والنا الدنيا بتخوف يا بنتي وانا وابوكي ما بدنا غير سعادتك وراحتك وبيت عمك راح يتعاملو معك على أنك بنتهم لو انو زي ما انتي بتحكي كان اعطيناكي لغريب بس احنا بدنا تكوني تحت عيونا

فضلت السكوت وسلمت حالي الهم لاني دمية بين ايدهم ما الي حق احكي ولا ارفض

ياسمين وتمسح دمعتها : اعملو الي بدكم اياه

سعاد : الله يرضى عليكي ... يلا روحي غسلي وتعالي ساعديني نخلص شغل مشان اختي تجهزك لعريسك

ياسمين بكسرة : حاضر يا امي

سعاد ببعض الحزن : الله يرضى عليكي بيوم راح تفهمي ليش هيك عملت

ياسمين : ......

___
انتهى كلامها بنهاية طفولتي اجا الليل واجا الوحش تبعي .... اختي وماما جهزوني وصرت عروسة جاهزة تستقبل عريسها ... وقفت قدام لمراي قبل ما اطلع ما عرفت حالي بالمكياج واللبس الي اكبر من عمري ... بس ما كان في قدامي غير امسح دمعتي واطلع لعندهم ... كل شي قدرت اتحكم فيه ال رجفت جسمي كان الخوف مسيطر علي بشكل ملفت للإنتباه ... وهو لاحظ وبعد قراءة الفاتحه طلب نقعد لحالنا ... وزي كل مرة من دون ما يسألوني موافقه ولا لا دخلوني معه غرفة لضيوف الثانية وسكرو الباب علينا.... ومجرد ما تسكر الباب انتفضت ولفيت عليه بسرعة رجعت خطوات لورا

ياسمين : انا .. انا

هاني بصوته الرجولي القوي : ليش هيك خايفه

ياسمين : هئ هئ
هاني ببعض الحنية عكس شخصيته الظاهره : تعالي نحكي

جمدت بمكاني ما تخيلت بيوم هاني الي الكل مرعوب من صوته انا واياه بغرفة لحالنا الموت اهون علي من الي انا في

هاني : بدك ضلك واقفه هيك

ياسمين : شو بدك مني
هاني بابتسامة خفيفة : شو بدي يعني بدي نحكي
ياسمين : بشو
هاني ويمسك أيدها وقربها من المقعد : اقعدي مشان اعرف احكي
ياسمين ودمعتها خانتها من الخوف : ابعد عني
هاني : بعيد انا بس انتي مالك ليش هيك خايفه مني انا عملتلك شي يخوفك
ياسمين : لا
هاني : طيب روقي انا جيتك احكي معك لاني حسيت بخوفك برا
ياسمين : ....
هاني : روقي ياسمين ما راح اعملك شي
ياسمين : ما بدك تضربني
هاني بضحكه عفوية : وليش اضربك
ياسمين : لأنك أنت هيك
هاني : انا بضرب ؟؟؟
ياسمين : انت عصبي وبتخوف الكل بخاف منك وما بحب يحكي معك
هاني تزداد ضحكته : هاد انا بعبع
ياسمين : ....
هاني : بكرة بس تعيشي معي راح تعرفي اني مش هيك
ياسمين : .......
هاني : .... بدك ضلك ترجفي
ياسمين : لا
هاني : طيب خلينا نحكي شوي
ياسمين : ...
هاني : شوفي انا بتفهم خوفك وعارف شو بدور ببالك بس بدي تطمني انا عمري ما بظلمك وراح احاول قد ما بقدر اسعدك بس كمان بالمقابل بدك تكبري وتفهمي شو يعني زواج وتعرفي شو الي برضيني وشو الي بزعلني كرمال نضل حبايب طول الوقت
ياسمين : ....
هاني : انا بحكيلك هاد الكلام مشان تطمني وبنفس الوقت ترضيني انا وقت قررت اتزوج بنت بعمرك لانو ما بدي وحدة عنيدة بدي وحدة تكبر على أيدي ... ما بدي الي احكيلها لا ترد بوجهي بدي الي احكي كلمة ما تكسرها فهمتي .... نتفق اليوم قبل ما يتسكر باب علينا وهيك بنعيش مرتاحين .. الك مني الي بدك إياه وانا ما بدي غير اني ارتاح بحياتي

ياسمين : حاضر
هاني : يحضرلك الخير ... وانا بوعدك كل ما تحكي هاي الكلمة تعيشي سعادة عمرك ما توقعتيها

ياسمين : انا بدي ....

هاني : شو بدك كملي

ياسمين : ....

هاني : ياسمين احكي

ياسمين : بابا حكالي بدك اياني اترك المدرسة بس انا ما بدي

هاني بتفكير عميق : ....

ياسمين : انا لسا صغيرة ومش فاهمه انتو ليش هيك بتعملو معي وإذا هاد لمصلحتي زي ما بتحكو انا موافقه بس لا تحرمني من مدرستي

هاني : طيب موافق بس بشرط
ياسمين تترقب بصبر : ...

هاني : بس تصيري عندي بحكيلك إياه من بكرة روحي على مدرستك ما عندي مانع وانا بخبر عمي

ياسمين مبتسمه اول ابتسامه من ايام : شكرا

‌هاني بنظرة تمعن في ملامحها الطفوليه العفوية : العفو ... بدك شي ثاني

ياسمين : لا

هاني : وقت بدك شي احكيلي

ياسمين : طيب ..
هاني : يلا تعالي نطلع نقعد معهم برا
ياسمين بصوت هامس: طيب ..... هاني

هاني يلتفت إليها بهدوء : نعم
ياسمين : شكرا ... انت طلعت مش زي ما الكل بفكرك
هاني : ولسا راح تعرفي اني ما بستاهل كل هاد الخوف
ياسمين : ....
___

يتبع

الجزء الثاني

الايام كانت سريعه كتير بيوم وليلة لقيت حالي بالفستان الابيض ومعه في بيت واحد تحت سقف واحد

طفلة بين ايدين رجال بنت بعمر ١٤ سنة مع رجال بعمر ٢٩ سنة اديش الفرق صعب والاصعب بهيك ليلة كابوس حقيقي رعب ما بعدو رعب من طفلة لست لامرأة ... على ما بذكر ما كان قاسي علي كان عنده حنيه بس قد ما كان حنون كنت حاسة روحي بطلع مني كان يوم صعب للغاية .. شعور غريب تكوني بين ايدي رجال بيوم وليلة ......والحياة تفرض عليكي كل شي كان ممنوع صار لازم يصير وانتي مفروض عليكي تتقبلي وما تعارضي ولا تخافي ... انتهت اول ليلة في بكى وخوف وألم وشخص شبيه بالوحش اقتحم حياتي وكبرني قبل اواني ....

هاني : ياسمين لسا خايفه مني

ياسمين تجمد مكانها من لمست ايده : اتركني اتركني

هاني : هشش وطي صوتك
ياسمين : اتركني لاصرخ واعبي البيت صوتي اتركني ما تلمسني

هاني يجذبها بقوة : لما بحكيلك وطي صوتك بتردي

ياسمين بشهقات متتالية : ا ت ر اترك

هاني : روقي خلصنا ما راح اقرب منك بس بدي تهدي شوي

ياسمين : بدي ماما
هاني يحاول يضمها ليهدئها : خلص يا ياسمين انا راح اتركك وانتي روحي نامي وانا بنام على الارض .. وبوعدك الي صار ما راح يصير لكم يوم بينا تمام

ياسمين : ....

هاني : يلا روحي نامي

ياسمين : هئ

هاني : شو بدك
ياسمين : ما بدي ترجع تعمل الي عملته معي
هاني : طيب حاضر ما راح اعمل شي
ياسمين : وعد
هاني : وعد

_
نمت وتمنيت يومها اصحه من الكابوس الي لقيت حالي فيه .... بس الواضح ما راح اخلص منه انحكم علي اعيش بينهم واعيش زوجة بالليل وست بيت بالنهار ...بعد اسبوع خلصت لعبة العروسة ونزلت على المطبخ مرت عمي كانت كتير قاسية علي كانت تتفنن بتعذيبي ... ليش ما بعرف

ام هاني : هيك امك علمتك تعملي المحشي
ياسمين بعفوية : ماما ما علمتني
ام هاني : اه هي فاضية الك هي رمتك الي اعلم واكبر
ياسمين : ...

سالي : ماما براحه عليها هي لسا صغيرة يعني وانا قدها البيضه ما كنت بعرف اعملها

ام هاني : مشان هيك طلعتي خايبه الك متزوجه اربع سنوات ولليوم انتي وجوزك بتغدو عند حماتك شو هل جيل هاد

أسامة الاخ الأصغر ل هاني : امي مالك صوتك طالع على الصبايا

ام هاني : وانت شو بتعمل عنا يلا عند ابوك وبس نخلص بنيجي لعندكم

أسامة : وانا بحكي هاني لمين طلع روقي ام هاني العصبية مش حلوة عليكي

ام هاني : انت ما حدا بعلمك الأدب غيرو ... هاني وينك

أسامة يهرب بسرعة البرق : خلص خلص روحت سلام يا اشطه

سالي بضحكه مقهقه : ماما حرام عليكي عامله رعب للبيت بابنك

ام هاني : الله يرضى عليه لولا عليكم كان من زمان طلعتو من تحت ايدي

سالي. : الله يخليلك إياه خليكي هيك ضلك أنفخي فيه

هاني يدخل من الباب بكشرته المزيفه : مش عاجبك يا فصعونه

سالي : هاني لا حبيبي عاجبني ونص

هاني بضحكته الجذابة يقرب يقبلها وقبل جبين ولدتها ... ويقرب من زوجته ويقبلها من خدها : كيفها الحلوة

ياسمين : الحمد لله

هاني بهمس بأذنها : هيك بتتركني طول الليل على الأرض مش حرام عليكي

ياسمين توسع فتحت عيونها : هااااا

هاني : حضري حالك اليوم اخر يوم انكسر ظهري من نومت الأرض

ام هاني : انتو شو بتحكو

سالي تترقب لمعت الدمع بعيونها : ياسمين مالك ليش بدك تبكي

هاني يراقب عيونها : بتبكي ؟؟؟

ياسمين : لا ... بس اشتقت لماما

هاني بفهم ما بها من خوف : طيب بس هيك روحي بعد الغدا وضلك للعشا

ياسمين : حاضر

____.
طول الوقت كنت اهرب منه ومن نظرات عيونه وخوفي من الليل بس يقرب روحت للحضن الحنون ابكي عليه بكيت وحكتلها عن خوفي منه والرعب الي عايشه فيه كنت بتمنى تخلصني منه بس يمكن اول مرة بشوف ماما انسانه ضعيفه شفت دمعتها بتنزل على حالي مش لاني تتزوج الي فهمته منها انو هاد الوضع طبيعي كل المتزوجة هيك اول حياتهم بس الي مصعبها علي عمري الي عقلي الطفولي مش مستوعب العلاقة الزوجية والرجال والبيت والمسؤولية ...تفهمت عجزها واكتفيت امسح دموعي زي كل مرة واطلع من البيت الي كرهته من يوم ما جبروني تتزوج شخص ما بدي إياه ...

ورجعت لحياتي الجديدة ... وقت دخلت كانو قاعدين كلهم بالصاله وعيون هاني على التلفزيون ما رفعهم فيه طرحت السلام وقربت لعندهم

ياسمين : السلام عليكم
الجميع : وعليكم السلام

ابو هاني ؛ تعالي يا بنتي اقعدي جنب جوزك

ياسمين تقترب بحذر وتجلس بعيده عنه : ..
ام هاني : يلا انا تصبحو على خير

رامي الاخ الأوسط : بدري ابو هاني لسا سهرانين

ام هاني : لا خلص السهر الكم احنا كبرنا يا ابني

رامي : له له له يا ابو هاني مش حلوة بحقك هاي
هاني بعصبية غير مبرره : رامي احترام حالك
رامي : اخي ما حكيت شي بمزح مع بابا
هاني : هذا مش مزح
ابو هاني : هاني يا ابني خفف عصبيتك اخوك بمزح معي مش اكتر

هاني : حاضر ... تصبح على خير

سالي : وين
هاني : بدي انام عندي شغل الصبح
ام هاني : خلص قررت ترجع لدوامك
هاني بنظرو على ياسمين : اه خلصنا شو اقعد اعمل

ابو هاني : يا ابني ملحق على الشغل ضلك مع عروستك كمان اسبوع

هاني بعدم رضى : أن شاء الله

__
من اسبوع ما شفته معصب هيك شو صاير معه وليش ما حكى معي .... الخوف والفضول كأنه بالعبو فيه دور بدي الحقه ودور بدي اضل تحت لحد ما ينام ... وقطع تفكيري صوته وهو بنادي علي من فوق زي الرعد تلفت حولي الاقي من يعطيني نظرة امان ما لقيت غير أسامة اخوه ... كان من وهو صغير اكتر واحد بفهمني وقريب مني ... اعطاني إشارة بعيونه اطلع لعند هاني حاولت اخذ منه جرعة قوة وطلعت لعند هاني الي بعرفه هيك طول عمري والي وقت خفت منه طلع خوفي بمحله

ياسمين ترتجف من صوته المرعب : نعم

هاني : سكري الباب وادخلي

ياسمين : حاضر

هاني : ..
ياسمين : ...

هاني : جهزي أغراضي بدي اتحمم وحضري التخت ومن اليوم فكرت خوفك مني بدي تنتهي مفهوم وإذا بقرب منك بترفضي وبترجعي للبكى في اعطيكي درس ما تنسي .... مفهوم

ياسمين تهز براسها: ... اه اه

هاني : روحي من وجهي

تمنيت الأرض تنشق وتبلعني هاد اليوم هاني من زمان عنده حالات غريبة فجأة بصير عصبي وتصرفاته ما حدا بفهمها ...كنت أسمع هيك دايما من خواته واسامة وكل خوفي منه كان من هاي الحالة الي مستعده اعمل اي شي لاتجنب جنونه

ياسمين تتراجع لآخر التخت : شو شو بدك

هاني : ما بدي اسمع صوتك

عيونه كانت كتله من الجمر قد ما كنت خايفه منه كنت بتمنى اعرف شو الي غير حالو فجأة من حنون لمجنون ...اول ليلة قد ما كانت قاسية بس كان في بعض الحنية منه .... بس اليوم طلع الوحش الي بخاف منه اخذني للمرة الثانية بس من دون رحمه وتركني وطلع على البرنده يشرب سكارة .... مجرد ما قام من عندي هربت على الحمام وسكرت الباب علي وبكيت لحد ما نشفت دموعي وقمت تحممت ولبست وطلعت لقيته قدامي المرة هاي بعيون ندمانه قرب مني ورما كل تقله علي وضمني بقوة

يتبع

الجزء الثالث

هاني يحاوط وجهه بيده : انا اسف ما كنت بدي اقسى عليكي هيك
ياسمين تحاول تتراجع للخلف : ....
هاني : ..
ياسمين : ....
هاني : مش بيدي انا بمرق بفترة صعبة تحملني لتعدي على خير
ياسمين : ...
هاني : ياسمين انا بعرف اني كبرتك قبل اوانك وانا غلطان وقت قررت ادفعك ثمن غلطه ما الك فيها ...
ياسمين : ...
هاني : ليش ساكته
ياسمين بحيرة ودموعها تسيل على ايده : غلطت شو

هاني : هاد سر ما حدا بعرف في بس راح احكيلك اياه لانو حقك تعرفي اليوم او بكرة راح تعرفي

ياسمين تترقب بخوف : ...

هاني : انا .... متزوج من سنة ومرتي حامل بس راح نطلق

ياسمين : وليش تزوجتني

هاني :. ....
ياسمين : ....
هاني : لهون وبكفي الباقي ما الك في .. بس بتمنى الي عرفتي فيه ما تحكي لحدا ......لحد ما انا أخبرهم ... ماشي

شو لسا يا دنيا بدك مني .... ظلمتيني وانا بعمر الورد مع واحد اكبر مني وطلع متزوج ... وعنده ولد ... اخ يا ايام يا ظالمه

هاني بترقب ردت فعلها : وين صافنه

ياسمين : .. ولا شي بدي انام

هاني : تنامي ...؟؟

ياسمين : تعبانه
هاني : طيب بس لا تنسي الي حكتلك إياه

ياسمين : لا تخاف ما راح احكي لحدا ليش هو انا الي رايي ولا بطلعلي احكي شي ... تصبح على خير

طعنه جديدة منه فوق ما انا بنار تحولت حياتي لجحيم ... من هاد اليوم قررت اسكر على قلبي وعقلي وتمي .. الي جواتي ما بهم حدا منهم لا اهلي ولا هو كنت صغيرة على هيك قرار بس خبر زواجه صحاني على واقع اسوء من زواجي وانا طفلة ... من هاد الخبر وقرري عشت معه جسد من بلا روح ومع الجميع مرق وقت طويل وانا على هاي الحاله .... كنت بشوف حيرتهم فيه بعيونهم واحد واحد بس همه الي رموني وهو الي دمر طفولتي ... مرقت سنة والثانية والثالثة وانا على نفس الحال كل فترة ست لزوجي جسد من دون روح ... وخدمه عند مرت عمي الي طلعت غيرتها وكرها لماما فيه ... وبين دراستي الي تمسكت فيها بكل طاقتي ... والحمد لله الي ساعدني اني ما حملت بهاي الثلث سنوات لحد ما وصلت لتوجيهي كانت السنة الحاسمه عندي استنيتها من وقت ما دخلت بيته ....

بس حماتي كان تصعبها علي ليش كمان ما عرفت بكل فترة انضغط فيها بالدراسة كانت تزيد الشغل علي وهاني ما كان يوقف معي كان يحكي جملة تقهرني بس بكل مرة أصر على التحدي والنجاح لاقدر اوقف على رجلي وأحط حد الو والهم كلهم ... والنسمة الحلوة الي كانت تضوي يومي هو أسامة ابن عمي وأخو هاني لصغير هو اكبر مني بسنتين كبرنا سوا ... علاقتي في ما حدا بفهمها . هو اخ ولا صديق ولا ابن عم ولا شو بزبط يمكن انا حد ذاتي ما بعرف بس الي بعرفه اني ما بقدر بمرق يومي من دونه ... بس ما في شي حلو بكمل هاني زي كل مرة سرق مني كل شي بحبه بشخصيته العنيفه فرض علي ابعد عنه لسبب مجهول بالنسبة الي ؟

____
ام هاني : وبعدين معك ما بدك تفتح عيونك عليهم
هاني : يا امي همه اخوه لبعض وبس لا تكبريها برأسك
ام هاني : هو ابن عمها مش اخوها وبعدين جيل مع بعض وطول الوقت مع بعض فتح عيونك قبل ما يصير شي ما بتتوقعه

هاني بتفكير عميق : ... طيب اتركيلي الموضوع انا راح ارقبهم وإذا فعلا لقيت كلامك في منه راح أبعدها عنه

ام هاني : شوف يا هاني هي ما بتهمني أن صار الي بالي اخرتها بيت اهلها بس انا ما بدي تخسرو بعض انت واخوك عندي ادفنها ولا يصير الي بالي

هاني : طيب ماشي خلص بحكي معها

ام هاني : الله يرضى عليكي
_
ياسمين : أسامة لا تتخوت هات لكتاب بدي اكمل

اسامة : لا بكفيكي اليوم بدنا نلعب دور شطرنج وإذا غلبتك بدك تقومي تعمليلي احلى عشا

ياسمين : لا ما حزرت هات ... خلصني

الثور الهايج وقف كلامنا ومزحنا مع بعض بطريقة مش مفهومه لا الي ولا ل أسامة

هاني : شو بصير هون

اسامة يقف بحذر : اخي

هاني : اه اخوك شو بتعملو

أسامة : ولا شي ياسمين كانت تدرس عليها امتحان وحبيت امزح معها تطلع من جو ضغط الدراسة

هاني بشموخ وحزم : هاد المزح بلا منه لا انت صغير ولا هي ولا تنسى انها مرت اخوك لكبير صارت

أسامة : اسف اخي ما كان قصدي شي بس ...

هاني : من دون بس كلامي واضح .... وانتي تعالي معي

ياسمين تحاول تفلت أيدها من ايده وعيونها على أسامة الواقف مصدوم من تصرف اخو: لوين بدك توخذني

هاني يقف فجأة لضرب راسها بجسدها : امشي وانتي ساكته

أسامة محاول التدخل يمسك ايده : اخي مالك عليها روق شوي

هاني بنظره كالجمر وصوت خافض مرعب : اياك وتدخل بينا

اسامة يتراجع بهدوء : ...

ياسمين محاولت تهدئة الوضع : خلص أسامة انا تعودت عليه هلا بروق انت لا تشغل بالك

هاني والغضب يزداد أضعاف ضعفه يشدها من أيدها لدخلها غرفتهم مجبره : ..

ياسمين : ااااي ايدي مالك

هاني يجذبها بقوة من أيدها لعنده : شايفك قويانه وصايره تحكي

ياسمين : شو حكيت انا

هاني ويشدد على أسنانه : وقت احكي ما بسمع صوتك وقت احكيلك امشي قدامي ما بتوقفي هاد الكلام انتفقنا عليه من زمان صح ولا لا
ياسمين : ... انت ليش هيك معصب انا ...

هاني : انتي بتخرسي وانا بحكي وبتسمعيني

ياسمين محاولت الإفلات من بين يده : طيب سامعه

هاني : بدي اسألك سؤال وبدي جواب ومن دون لف ودورنا

ياسمين تترقب باقي كلامه :

هاني : شو قصتك مع اسامة

ياسمين مندهشة من طريقة السؤال والسؤال نفسه : مش فاهمه

هاني : مش ملاحظة انكم طول الوقت سوا وهاد الاشي مش حلو الك
ياسمين : ...لا

هاني : انتي هيك شايفه
ياسمين بتأكيد : اه هو بفهمني وصديقي من واحنا اطفال يعني هو اقرب شخص الي ... بس انت ليش مدايق

هاني بهدوء ليفهم بعد كلامها : مدايق لأنك مش منتبه لتصرفاتك معه

ياسمين : تصرفات شو شو عملت انا

هاني : شو ما عملتي ..ما شفتي حالك اديش قريبه منه وقت حاولتي توخذي كتابك وغير الضحك الي ما الو لازمه

ياسمين بعدم تصديق : انت غيران منه ؟؟؟

هاني بضحكه ساخرة : مين هاد الي غيران منه وعلى مين .. يا حلوة لا تحكي حكي اهبل زيك ... انا ما بهمني غير اسمي وسمعتي وبس

ياسمين : وانا جيت في سمعتك

هاني : وقت تكوني على اسمي وما تنتبهي على تصرفاتك وتجيبلي الحكي وقتها شو بتكوني عملتي

ياسمين : ...

هاني : همه كلمتين ما بدي أعيدهم أسامة ممنوع تحكي معه ال للضرورة مفهوم

ياسمين بتجمع الدموع بعيونها : لا

هاني يضغط بقوة على أيدها لتتالم : ما سمعت
ياسمين لتبكي الم داخلي وخارجي : انت ليش كل شي بحبو بتحرمني منه

هاني : يعني انتي بتحبي ؟؟؟؟

ياسمين بعفوية : اه بحبو وكتير عمرو ما حدا يفهمني وحبني زيه ... انا بحبه اكتر منك ومن اهلي

هاني يترك أيدها بهدوء لصدمته من كلامها : ...

ياسمين : انا ما راح ابعد عنه ... حياتي بتحملها معك بس لانه هو فيها ما راح اسمحلك تحرمني منه

هاني بفقدان السيتره على نفسه ليتكلم بحزم : همه كلمتين وغيرهم ما راح احكي ... أسامة ممنوع تحكي معه ولا تقعدي معه

ياسمين :

هاني يحاول أن يهدء من نفسه ويأخذ حسن نية علاقتهم .... وقبل انا يخرج من الغرفه توقف عند اخر جملة توقع سماعها

ياسمين : اذا بدك تحرمني منه راح اترك البيت

هاني ليعود مندهش : تترك البيت ؟؟
ياسمين بطفولية : اه انا ما بحبك ولا بحب حدا هون غيرو وحياتي معك كابوس وهو الوحيد الي بهونها علي بدك ما احكي معه .... ما راح ارد عليكي وراح اترك البيت

هاني : بدك تتحديني

ياسمين بقوة مزيفه : اه عند أسامة بتحداك

هاني ياخذ نفس عميق : طيب اسمعي الي عندي طلعه من البيت ممنوع ونزلو تحت ممنوع ودراسة ممنوعه واسم أسامة ممنوع اسمعك بتحكي ... ولاشوف كيف بدك تتحديني

ياسمين : دراستي ؟؟.

هاني بتجبر : اه يا حلوة مشان انا ما بتعاند وإذا بتفكري انك قوتي وكبرتي ما حزرتي راسك هاد بكسرلك إياه
ياسمين : .... بدك تحرمني دراستي كمان

هاني : ونفسك بحرمك منه كمان

ياسمين : ... انا بكرهك

هاني : مش مهم تحبيني المهم تسمعي كلامي وتمشي من تحت امري

ياسمين : ليش هو انا ما الي رايى

هاني بضحكه ساخرة : ههه لا ما الك

ياسمين : صدقت انا من البداية ما كان الي رايى زواجي منك بدو يكون الي معك
هاني بتمعن بعيونها الحزينه : طلبتي تدرس ما عارضت وحكتلك عندي شرط ... وقتها ما خبرتك إياه ترك اشوف تصرفاتك واليوم الي كنت بستنى في اجا وقت توقفي وتعاندي بوجهي ما الك اي حق تكملي بعدها

ياسمين : .. انت ظالم

هاني : طيب شكرا
ياسمين : وانا بكرهك
هاني : حكتلك مش مهم
ياسمين بتحدي غريب عليها : انت اخذت روحي من زمان وحرمتني طفولتي واليوم جاي تحرمني من الشخص الي بفهمني ومن مستقبلي ..... بس هاد وعد مني بيوم من الايام راح أحرمك من شغلة اعلق قلبك فيها بيدي ..... انت من وجهت نظرك انا طفلة ... وبدك تحرمني من حياتي ... بس انا وقت انت عملتي زوجة بعمر صغير كبرتني قبل اواني ...وانا بطلت خسرانه شي كل شي حلو بحياتي راح وما ضل شي ازعل عليه ... دراسة وما بدي ادرس واسامة وما راح احكي معه واهلي وما بدي اروح عندهم وانت وما راح احكي معك وتحت ما راح انزل اشتغل راح اقضي عمرو بهاي الغرفة ... زوجة مطيعه الك .... بس اقسم بالله لاحرق قلبك زي ما حرقتني

هاني مندهش من كلامها واغرب تصرفاتها

لتكمل ياسمين بفقدان السيطرة على تصرفاتها : وهي كتبي الي انت بدك تحرمني منهم ماشي. وها وها وها .. هيهم قدامك ممزعين ما بدي شي من الدنيا كلهم

هاني محاول يهدئها يقرب محاول أن يضمها حزن على حالها : طيب خلص اهدي

ياسمين تدفشه ليبعد عنها : انا كنت اقبل تقرب مني لاني بخاف منك بس بعد اليوم ما راح اخلف من شي واذا بتفكر تلمسني راح اخبر الكل عن زواجك وابنك

هاني بغضب مدمر لمجرد سماع ما قالت يجذبها من شعرها بقوة : ما سمعت شو بدك تعملي

ياسمين محاولت الإفلات منه وتماثل القوة : راح أخبرهم كلهم

شو سر هاي الإنسانة ليش تحول لوحش ما بعرفه كل الي شفته معه من قبل شي واليوم شي ثاني اليوم كان فاصل كبير بحياتنا .... فاصل وقت قررت اتنمرد عرف كيف يكسرني ويحطم اي ذرة حب للحياه بعد اليوم ..... اليوم هاني اغتصبني بكل ما تعني الكلمة ... في شي تغير نظرة عيونه لمست ايده نبرة صوته قساوة قلبه .. اول ما لمسني واحاولت أبعده ضربني وقعني على الأرض ورجع جذبني من شعري ورماني على التخت وقرب مني بصوت شبه مسموع ليرعبني

هاني : بتتحدني قاعدة ولك انتي حشرة انا جيتك صغيرة مشان ما تكوني زيها انا تزوجتك طفلة مشان اربيكي زي ما بدي بكسرك الف مرة ولا بشوفك زيها

ياسمين ببكى وترجي : هاني هاني ابعد عني أنا اسفة ما بعيدها بس انت ابعد

هاني : ابعد والله لاطلع بروحك بين ايده

ثبتني بيد وضربني بالثانية على وجهي ومسك شعري بقوة وقربني منه بالغصب

هاني : لا عشتي ولا كنتي اذا بدك تهدديني وتوقفي بوجهي

ياسمين بجمود مكانها من حالته المرعبة : ...

لا حكيت ولا صرخت لحد ما اعتدى علي بعنف ..يمكن حاولت افسر شو صار بس ما قدرت عقلي ما استوعب الي صار وصحيت من الوجع على صوت حدا بدق الباب

هاني بعصبية وصوت مرعب : مين

سالي : انا اخي شو مالكم صوتكم طالع والله رعبتي

هاني : انقلعي من هون

سالي : اخي

هاني :سالي روحي احسن ما اوصلك

ياسمين محاولت الفلات منه لكن جسدها خانها : .... ابعد عني موجوعه اتركني

هاني : راح اتركك بس هاد درس الك مشان تعرفي توقفي وتتحديني ومبروك على الحمل .... كنت بعتبرك طفلة صغير ورافض تحملي وانتي بهاد العمر بس هيك كبرتي واسم الله عليكي بتعرفي توقفي بوجهي وتجاوبي من أليوم بدك تتحمل المسؤولية عن حق وحقيقي لاشوف يا حلوة حياتك فعلا كانت صعبة ولا مزحه قدام الي جاي

ياسمين تتلوى من آلام وتبكي بشده

هاني : بدي ادخل اتحمم ارجع الاقي الغرفة زي ما كانت واحلى

ياسمين : ...

هاني : ما سمعت حكيتي شي

ياسمين مجبره : حاضر

_

سالي : يا امي شو بصير فوق مالو عليها

ام هاني : ما بعرف وما دخلنا

أسامة : شو ما بتعرفي ابنك شو صاير معه انتي ما شفتي تصرفه معنا

سالي : مش فاهمه مالو. ومالك

أسامة : ما بعرف عنه كنا قاعدين زي دايما انا وياسمين اجا وعصب وأخذها
سالي : هيك من دون سبب
أسامة : اه ما في سبب واضح

سالي : ماما انا متأكدة انك بتعرفي شي

ام هاني : شو اعرف اعرف انها بنت مش مزبوطه واخوكي شاكك فيها وحب يتاكد بنفسه

أسامة : كيف يعني

ام هاني تقف لنتهي كلامهم : خلص ما حدا يجيب سيرتها قدامي

سالي : ماما

ام هاني :. ولا كلمة

أسامة يمسك ايد سالي لتسكت : ...اتركيها كل شي آخرته بيبين

سالي بهمس : بتعرف شي

أسامة : لا بس يا رب الي بالي ما يكون صح
سالي : شو الي بالك
_
ما اصعب الم الروح والجسد مع بعض قمت غصب عني لبست بجامتي ورتبت الغرفة وحضرت اغراضه وقعدت على طرف التخت

____
شو عملت انا ... ليش لليوم سيرتها بتفقدني السيطرة .. شو دخل هاي البنت فيها ليش انتقم منها بسبب وحدة ثانية ... وينتى بدك تعرف تنساها
___
يتبع
الجزء الرابع

بعد مرور شهر الايام شبه بعض فرض علي الاوامر الي ممنوع تناقش فيها ... ما كنت اشوف حدا غير مرت عمي وأوقات سالي وكل فترة اروح عند اهلي من اول ما اصحه على شغل البيت وبالليل انام وحيدة .. كان جنبي بس ما احس في .. والي زاد الأمر سوء صار معي حالة مرعبة بس يقرب مني اضل اصرخ وأبكي ... وما اسمحله يلمسني ... وكل ما كنت أهدى يرجع يزيد الوضع اسوء كل ما يذكرني انو هاد حقه وهداك اليوم كان ردت فعل لتصرفاتي ومفروض اتعداها بسرعة ... حتى رحمه ما في بقلبه ... ولحسن حظي اني كشفت نقطة ضعفه. ...... مين هي ما قدرت اعرف بس الي قدرة اعرفه انو هي نقطة وجع بقلبه وانا راح العب في زي ما لعب فيه. .... وكمان هو تزوجني لسبب واحد بدو بنت صغيرة يربيها على ايده وانا بدي أعلمه درس انو اي وحدة ممكن تكون زي ما بدك واكتر بس بالحنية مش بالظلم ..... بعد فترة من قعدت البنت فكرت ليش اضل بهاي الحاله خدامه وزوجه وبس ليش ما اتسلى فيهم وهو وأمه .... وكانت فترة ممتعه ومسلية للغاية ... او فكرة هي هاني كيف اجيب آخره كل رجال اله طريقه وبدي اجرب معك كل الطرق بوعدك وبنفس الوقت غير اتسلى في امك حبيبت قلبك ..

سالي : ياسمين

ياسمين : اه حبيبتي

سالي : شو هاد
ياسمين : شو

سالي : شو هاد الي بوجهك
ياسمين : مالو وجهي

سالي : مالو يا بنت روحي روحي شوفي على لمراي قبل ما تيجي امي وتشوفك

ياسمين تقف عند لمراي في الممر وتتمعن في وجهه : يا بنتي شو مالو وجهي هيو نظيف ما في شي

سالي تدهن وجهه في لكريمه وتضحك بصوت عالي : وهيو صار في

ياسمين تمسح وجهه بيدها: يا الله منك

صوتنا كان بكل البيت هي تضحك وانا اتوعدلها لحد ما وصلت لنص الصاله وشفت امنا الغوله ولمعت بالي فكرة بايخه شوي بس طفولية وبتسلي .... بعد ما ركضت سالي وراها ... ايدي كانو كلهم كريمه بيضه وركضت امسك سالي الي لاول مرة بتصرف هيك من وقت ما تزوجت الكل كان يشوفني هادية وبحالي والحزن مخيم بقلبي وملامحي بس تغيري كان هدف من خططي .... مشان اقدر اوقع هاني ... ركضت لعند سالي وقبل ما أمسكها كنت ماسحه ايدي في مرت عمي وكان شو شكلها بغمي من الضحك .. الي ما حكتلكم عنه انها من الناس الي ماخذة بحالها مقلب هي أكابر بنت أكابر 😏😏. وعمري ما شفت عليها شي او لبسها مش مرتب الي عملته فور الدم بعروقها وسالي شهقت شهقه كبيرة .. ورجعت لورا .. وكان بدخلت أسامة البيت ...
ياسمين بتمثيل البراءة : اسفة مرت عمو كنت بدي ...

ام هاني : اخرسي ما بدي اسمع صوتك

ياسمين بمسكنه تتراجع لورا : حاضر

سالي : ماما الحق علي

ام هاني : وانتي كمان ولا كلمة شو هل فوضه هاي مفكرة حالك صغيرة بتلعبي بنص البيت اصحي على حالك وهاي التصرفات عند الست والدتك بتعمليها عندي بتحترمي حالك مفهوم ولا لا

ياسمين بخبث مكتوم : حاضر معك حق

أسامة بأسف على حالها : ماما ما صار شي لكل هاد

ام هاني : وانت كمان ولا كلمة .... خليكم بحالكم يلا تفضلي قدامي على المطبخ بدي ينزل كلو ويتعزل معك ساعتين بس بدي يلمع ولا الي معك تصرف ثاني

ياسمين بنبرة مستفزة : اه معك حق والله يا مرت عمو استغربت ليش هيك وسخ يعني الي بعرفك بعرف انو الغبرة ما بتدخل بيتك كيف كيف مطبخك فوق الخزاين كلو غبرة ولا كمان مبارح وانا بفتح خزانة المونه شفت صرصور يعع بقرف كنت بدي استفرغ بس شفته وهو من مرتبان لمرتبان ... حتى تذكرت كلام ماما عندك وقت كانت تحكي في نظافتك يعني توقعت بيتك بيكون غير هيك بس يلا الواضح الظاهر بتخدع

ام هاني : نعم نعم ما سمعت

سالي : ياسمين انتي شو بتحكي

ام هاني : انا بيتي في صراصير مستحيل انتي وحدة كذابة ..

ياسمين : الله يسامحك يا حماتي انتي حرة بس مش حلوة يوم الجمعة بس تيجي عمتي عندك تشوف شي بنط من هون لهون

ام هاني : سالي روحي اتصلي على أم محمد تجيب بنتها وتيجي تعزلي المطبخ بسرعه انا في بيتي هاد القرف وانتي حسابك بعدين

أسامة مبتسم على خبث ياسمين ويمهس بعد ما غادرة سالي وامها : امانه ما هي لعبة منك

ياسمين تكتم ضحكتها : بدك أعزل المطبخ كلو لحالي هههه

أسامة : اذا كشفتك يومك اسود

ياسمين : لا تخاف بطلع حالي منها .. وهلا بدي اروح اعمل حالي بساعدهم قبل ما يجي اخوك الثاني ويعصب لاني واقفه معك

أسامة : ماشي بس ديري بالك على حالك

ياسمين : خاف على حالك ولا تخاف علي ههه
أسامة : شايفك صايرة مشاكسة .
ياسمين ؛ اي مع اخوك هاد الي مفكر حالو شغله وامك بنت الأكابر غصب بدي اتغير خليني اتسلى فيهم شوي

أسامة : بنت تأدبي

ياسمين : ههههه بحكي غلط امانه

اسامة : لا بس روحي لانو جوزك الي مفكر حالو شغلة سيارته وصلت

ياسمين تهرب بسرعه

أسامة بضحكه خفيفه : هههههههههه هبلوها للبنت الله يعوض

_

هاني : السلام عليكم

أسامة بجدية : وعليكم السلام

هاني : مع مين كنت تحكي

أسامة : مع حالي ليكون ممنوع

هاني : ...لا مش ممنوع .... وين ماما

أسامة : بالمطبخ قال في حشرات بالطبخ بدها تشوف شو القصة

هاني : حشرات عنا احنا بيت ام هاني

أسامة بكتم الضحكه : شفت

هاني : طيب اروح اشوفهم

____

ام هاني : وين شفتي

ياسمين : هون يا مرت عمي حكتلك

ام هاني : مطوله ام محمد لتوصل
سالي : لا بدها ربع ساعه وبتوصل

ياسمين بخبث : بدك انا بنظفه مرت عمو

ام هاني : انتي روحي من وجهي احسلك

ياسمين : زي ما بدك

هاني : شو بصير هون

سالي : كملت

هاني بغمزة ل سالي : شو في

سالي بهمس : انسى خذ مرتك واطلع فوق ماما مش شايفه الفضى

هاني باستغراب : طيب ..
ياسمين تعالي بدي اياكي

ياسمين بكتم ضحكتها لنجاح خطتها وتخليصها من بين ايدين حماتها : حاضر
_
ام هاني : خلصي ارجعي اتصلي فيها تسرع
سالي : حاضر يا ماما
___
هاني : شو في تحت مالهم
ياسمين ببرود عكس ما بداخلها : ولا شي من كم يوم شفت صرصور بالمطبخ وبس عرفت انجنت امك

هاني : اه ...غريبة عمرها ما صارت في بيتنا

ياسمين : اه ما انا مشان هيك استغربت

هاني : طيب بسيطه حضري الحمام بدي اتحمم وانام شوي تعبان كتير

ياسمين : ماشي
____
ياسمين : حمام الهنا
هاني : الله يهنيكي
ياسمين : ما بدك تتغدا
هاني : لا بس بدي انام

ياسمين : طيب

هاني : في بتمك حكي شو عندك

ياسمين بخبث ممزوج ببراءة وجها الكذابة : ولا شي
هاني : شو عندك احكي
ياسمين : اشتقت لماما اروح اشوفها
هاني : متأكدة بس هيك
ياسمين : اه
هاني : لا ما تروحي قبل يومين كنتي عندهم

ياسمين :. ....

هاني : ما بدك تنامي عندي

ياسمين : لا
هاني : نعم
ياسمين : مش انت ما بدك اروح عند ماما وانا ما بدي انام

هاني يجذبها لعنده بقوة : شو يعني وحدة بوحدة

ياسمين برسم البراءة لتكتم خوفها : لا مش هيك

هاني بتجول ايده على وجهه : ولا شو

ياسمين محاولت الهروب منه : ولا شي بدي اروح اساعد مرت عمي هلا بتعصب علي

هاني يجذبها بقوة اكتر : لا تخافي منها وانتي معي

ياسمين لتنزع قناع العب والقوة : انت شو بدك اتركني

هاني : ما بدي شي بنحكي قاعدين

ياسمين : طيب بنحكي وانت بعيد عني

هاني : انتي وينتى بدك تكبري وتبطلي هاد الخوف جننتيني

ياسمين : مش انت بدك وحدة صغيرة بدك تتحمل لتكبر

هاني : حاضر راح اتحمل بس ما بوعدك عندي صبر كتير

ياسمين : ...
هاني : لا تخافي ما بدي الي بالك بس بدي تتركي هاد الخوف ونعيش حياة طبيعية النا مع بعض ثلث سنوات ما بكفي صار لازم تتعودي علي

ياسمين بتلاعب لتوصل لغرضها : صعب

هاني : ليش
ياسمين : ما بعرف
هاني : انتي بتكرهيني

ياسمين : ...

هاني : لا ؟؟؟

ياسمين : ..
هاني : انا بعرف اني ظلمتك بس انتي طلعتي بحياتي بلحظة غضب .. انتي لو تنسي وتتقبلي تقربي مني وتعطيني فرصة اعوضك

ياسمين : بتقدر ترجعلي حياتي الي اخذتها

هاني : انا ما اخذت حياتك انا يمكن غلطت وأخذت طفولتك بس حياتك لا

ياسمين : ...

هاني محاولت التقرب منها : ... راح اعوضك بس اعطيني فرصة

ياسمين تبتعد بهدوء : موافقه بس عندي شرطين

هاني : الي همه

ياسمين : ترجعني اكمل دراستي

هاني بتفكير عميق : والثاني

ياسمين : ....

هاني : احكي شو بدك

ياسمين : لا تقرب مني لحد ما أطبق عشرين سنه
هاني : اوف شو عم بتحكي انتي
ياسمين : مش قادرة اتقبلها

هاني : بس هلا انتي مش صغيرة صار عمرك ١٧ سنة يعني بتقدري تتقبليني

ياسمين : هاي بوجهة نظرك بس انا عقلي مش مستوعب الي بصير كل ما كنت تقرب مني احسن روحي بدها تطلع

هاني : ...

ياسمين : انت وافق وانا بصير زي ما بدك

هاني : ما بوعدك الاول بفكر في بس الثاني

ياسمين : اسمع خلينا نتفق مش انت بتحكي بدك اكون زي ما بدك وما بدك تظلمني

هاني : اه

ياسمين : خلينا زي الخاطبين .. لفترة ويمكن اقدر انسى الي صار وانا بنفسي اقرب منك

هاني : طيب يا ياسمين انا ما راح افرض حالي عليكي بس انا كمان عندي شرط

ياسمين تترقب كلامه :

هاني : كلامي ما بعيده مرتين ... واي شي بدي إياه منك بتحكي حاضر ... وغير هيك كل صغيرة وكبيرة بحياتك بدك ترجعيلي فيها .. وبس بدك نحكي تعالي وانا واياكي بنتفاهم

ياسمين : انت ليش هيك

هاني : شو مالي
ياسمين : بدك تتحكم فيه

هاني : ما بدي اتحكم بس انا هيك عقلي .. اذا انتي موافقه وقتها انا بوافق على الي بدك إياه

يتبع

الجزء الخامس

ياسمين : طيب موافقه بس اوقات بتعطيني مجال اناقشك

هاني : الي بسمعك وانتي بتحكي هيك ما بحكي عنك طفلة أي شكلي انا الطفل قدامك
ياسمين : حكيت شي غلط

هاني : لا بس طلباتك وطريقة كلامك ما بتطلع غير من بنت شاطرة وبتعرف تفكير لقدام منيح

ياسمين : لا تنسى اني كبرت قبل اواني

هاني بتفكير عميق بمستقبلهم مع بعض :
ياسمين : ...

ام هاني بصوت عالي : وينها .... ياسمين افتحي ياسمين بحكيلك افتحي

هاني : شو في مالها

ياسمين بعفوية تتثبت بملابسة : لا تخليها تعصب علي

هاني بنظرة محيرة بأمرها : شو عملتي

ياسمين : بفهمك بعدين بس لا تخليها تعصب علي

هاني يستغل قربه منه لأول مرة ويطبع قبله على خدها : مشان هاي البوسة ما راح اخلي حدا يزعلك

ياسمين تبتعد بخجل وتضع أيدها على خدها : انت شو عملت

هاني بغمزة : هاي تجاوز للشرط لأنك انتي الى قربتي

ياسمين .::

يقطع كلامهم طرق الباب بقوة : افتحي والله لاربيكي يا بنت سعاد

ياسمين تتثبت بايدها بقوة : .


هاني بابتسامة على خوفها : روحي على الحمام وسكري الباب وانا بحكي معها

ياسمين : طيب

__
هاني يفتح الباب : شو في يا امي
ام هاني : وينها مقصوفة الرقبة
هاني : بالحمام طولي بالك وفهميني مالها شو عملت

ام هاني : ولك انا تلعب فيه بنت فصعونه زيها تشغلني ساعتين تحت وهي لعبة منها ابعد من قدامي اطلعي والله لاطلع بروحك

هاني : طولي بالك أم هاني مالك البنت صغيرة لو غلطت مرقي

ام هاني : مرقي ماشي يا هاني اخرتها توقع بين ايدي والله ما ارحمها

هاني بعد ما طلعت وسكرت الباب بقوة : يا امي كسرتي الباب .... اطلعي ياسمين راحت افتحي

ياسمين : ...
هاني : يلا افتحي
ياسمين تظهر راسها من ورا الباب : ما عملت

هاني : تعالي

ياسمين تخرج بخوف : ..

هاني بحزم : شو عملتي

ياسمين : ما عملت شي

هاني : بسألك بتجاوبي

ياسمين : كنت بركض ورا سالي واجت ايدي على مرت عمو وتعبت كريمه

هاني : وبعدين

ياسمين بمسكنه : بدها تعاقبني طلبت أعزل كل المطبخ وانا والله تعبانه من الصبح على شطف ومسح وغسيل وطبيخ وجلي انهد حيلي

هاني : اه وطلعتي قصة الحشرات

ياسمين بوجه طفولي يدوب الحجر : اسفة ما بعيدها

هاني بداخله ( يخرب بيت جمالك وبرائتك هاي كيف بدي ابعد عنها سنتين ). :

ياسمين : بدك تعصب علي
هاني بكتم لمشاعره يقرصها من خدها : هو لازمك عقاب بس المرة راح امرقها بشرط ما بتعيدها اوعديني
ياسمين : وعد

هاني : طيب تعالي معي اعتذري من مرت عمك بس اصحك تحكيلها انك كنت قاصدة والله كل الدنيا ما بتبعدها عنك

ياسمين : حاضر

هاني : يحضرلك الخير

____
نزلت واعتذارت منها زي ما طلب مني وهي عصبت وبهدلتني شوي بس هاني سكتها بطريقته ومرق اليوم بس هي حطتني براسها وزادت الضغط علي وانا كل ما كانت تجيني فرصة استفزها ما اقصر ... وهاني كان لطيف معي كتير ولا مرة دايقني ورجعني اكمل دراستي وجابلي كتب جديدة ... كنت بشوفه كيف بحاول يقرب مني بس بيمنع حاله .. وأوقات يطلع من الفيلا بس يحس حالو مش قادر يسطر على نفسه ... وانا استغليت هاد العذاب الي بلحظة طلع على راسي .

هاني : شو مالك

ياسمين تنزل القلم من أيدها : شو عرفك اني بدي شي

هاني : احكي شو بدك

ياسمين : في درس مش قادرة أفهمه ...و

هاني : و شو

ياسمين : بالعادة أسامة بساعدني وانت ما بدك احكي معه .. ممكن بس هاي المرة تخلي يفهمني

هاني : هاتي كتابك وتعالي

ياسمين : ..
هاني : مالك تعالي
ياسمين : راح تعرف

هاني : شو رايك ولا ما بنعجب

ياسمين : مش قصدي

هاني : طيب يلا تعالي

الي عملته كان غلطته كبيرة وقت فكرت العب فيه ما كنت بعرف انها راح تطلع على راسي اول ما قعدت جنبه خطرت على بالي العب في مشاعرو شوي لاتسلى وارجع حقي منه

هاني : بشو صافنه

ياسمين : فيك
هاني : ليش يعني
ياسمين : انت كيف هيك
هاني بركي دقنه على ايده وتأمل وجهه : كيف يعني وضحي

ياسمين : ما بعرف اوقات بشوفك قاسي وبكرهك وأوقات غير

هاني : وهلا شو شايفه

ياسمين : حنون كتير

هاني : بس حنون
ياسمين :

هاني يمسك أيدها ويطبع قبله حنونه لترسل لهل مشاعر مخربطه : ما بتشوفي فيه شي غير اني حنون

ياسمين : نفسي افهمك

هاني بضحكة جذابة : شو بدك تفهمي بزبط

ياسمين : كل شي

هاني يطبع قبله آخره : انا هاد والي قدامك بس ما بحب الغلط وما بحب حدا يكسر كلامي ولا يعاندي ... ولا بحب الخيانه

ياسمين تسحب أيدها بخجل : مين فينا بحب الخيانه

هاني : ..

ياسمين : انت جد شو بدك مني
هاني : بدي تكوني مرتي الي اعيش معها طول عمري

ياسمين : ...

هاني : ...

ياسمين بتقريب منه بطريقه مهلكه لمشاعره : شو قصتها

هاني بتحكم بمشاعره : مين قصدك

ياسمين : اذا بدك تعصب انسى

هاني : لسا بالك هي
ياسمين :

هاني : هي حب حياتي عمري ما حبيت غيرها ... بس هي كانت أنانية كتير .. حبنا عاش عشر سنوات من وقت كنت بالجامعه وكبرنا سوا وأحلامنا كبرت سوا ... وحققت كل الي بتتمنى بس كانت رافضة نتزوج لحد ما ضغطت عليه وافقت بس كان شرطها زواجنا بالسر ما حدا يعرف في غير امها لانها كانت تشوف زواجها بشكل رسمي من وجهة نظرها راح يدمر مستقبلها وقتها وانا من حبي الها ما قدرت ارفض

ياسمين : ليش شو كانت تشتغل
هاني : معي بالشرطة

ياسمين : هي شرطيه

هاني : ملازم اول صارت وهيك وظيفه ما بدها زواج وخلفه

ياسمين : بس انت حكيتلي أنها حامل

هاني بالم : نزلته
ياسمين : شو

هاني : اه بعد ما تزوجنا ضلينا مع بعض سنة بس كانت كتير صعبة كلها مشاكل خلافاتنا ما بتنتهي ... هي الها شخصيتها الغريبة وانا ما قدرت اتحملها

ياسمين : زي شو

هاني يمسك أيدها ويقربها منه : شوفي احنا كبرنا انو الست ما بتمشي الا برايى جوزها صح ولا لا
ياسمين : ...

هاني : ردي

ياسمين : اه
هاني : هي بدها تعيش انها الزلمه يعني تطلع وتدخل بكيفها بدها تعمل علاقات مع رجال عادي تحت مسمى زميل .... بدها تلبس براحتها وتتصرف زي ما بدها ... تعبت منها قد ما حبيتها بس ما قدرت اعيش معها زي ما بدها وكملتها علي وقت قتلة ابني وهو في بطنها

ياسمين :

هاني : وقت تزوجتك

كانت منزله ومطلقين بس ما حبيت احكيلك الحقيقة وقتها زواجي منك كان ردت فعل دورت على بنت صغيرة اشكلها زي ما بدي مشان ما اعيش نفس التجربة ... وقت طلبت من امي تخطبك وهي وافقت على طول والباقي بتعرفي

ياسمين : ما انا آخرتي اكبر مش خايف اعمل زيها

هاني : كل شي جائز

ياسمين : ليش ما خليتني احمل لليوم

هاني : ....

ياسمين : ما بدك تربط حالك بولاد مني

هاني : انتي كلامك وتفكير اكبر من عمرك

ياسمين : ....

هاني يمسك أيدها : لوين

ياسمين : بدي انزل اشرب مي

هاني يحاوط وجهه بيدو : بعرف انها الحقيقة صعبة بس تعرفيها اليوم افضل الك انا ما بحب الغش ولا بحب اغش حدا انتي مرتي وعلى إسمي ومن حقك تعرفي ماضية

ياسمين : طلقني

هاني يتأمل دموعها المغادرة جفونها ببطئ. : شو
ياسمين :. .... طلقني وريحني

هاني :عمري ما بطلقك
ياسمين :

هاني يقبل دموعها : لا تبكي انتي الي بدك تعرفي وهي ماضي وراح

ياسمين تأشر على قلبه : عشر سنين ما بتروح بيوم وليله

هاني : يمكن من قلبي صعب تروح من عقلي راحت وانتي صرتي كل تفكيري

اليوم كان فاصل لعلاقتنا كان هدفي ادايقه شوي بس جبت سيرتها ... واحرك مشاعره من قربي اله بس طلعت بدمر حالي من دون ما اعرف يا ريتي ما عرفت هاي الحقيقة المره ... ولا سلمت حالي اله بكيفي اليوم اول مرة من ثلث سنوات بسلم حالي لهاني من دون مقاومه ورفض داخلي .. للحظات نسيت الماضي وقف عقلي من التفكير بالمستقبل

هاني يمسح دموعها : ليش بتبكي
ياسمين : كيف صار هيك

هاني : عادي طبيعي يصير بينا علاقة متبادلة

ياسمين تبعده عنه بالقوة : لا مش طبيعي مش لعبة عندك انا مش طبيعي بعد ما دمرتني وظلمنتي بدك اسلمك حالي

هاني محاول تهدئتها : اهدي شوي الي صار مش بيدي. ولا بيدك

ياسمين : انت وعدتني ما تلمسني

هاني بداخله ( كيف أفهمه هاي ) : ... وعدتك بس لا تنسي انك انتي ما رفضتي
ياسمين : منك انت ضحكت علي ما بعرف شو عملت فيه لنسيت كرهي الك

هاني : .. ياسمين وطي صوتك الكل نايم وبعدين لا تحكي وانتي بتبكي وما انتهت الدنيا الي صار بينا طبيعي وراح يصير كتير رضيتي ولا لا .. والشرط الاهبل الي حطتي بتنسى انا جاريتك مشان اعرف اتقرب منك وتنسى الي عملته معك بس ضلك هيك وكل شوي عياط وصراخ ورفض هاي مش حياة

ياسمين بكلام جارح يعكس الي بداخله : انت بتفكر اني بيوم ممكن اتقبلك ولا اعتبارك جوزي بتضحك على حالك انا بشوفك ختيار جنبي شوف فرق العمر بينا كيف بدك احبك ولا اتقبلك حتى بعلاقه انا بقرف منك وبكرهك ويكون في علمك كل الي عملته معك بس لاعلب فيك شوي .... ودايما بس اقرب منك بكون بدي اتسلى بمشاعرك. وبيني وبين نفسي بضحك عليك واليوم وبكره ول اخر يوم بحياتي راح اكرهك وكمان تاكد بس اكبر واقدر اوقف بوجهك راح اطلق منك واتزوج واحد بعمري

هاني يضع ايده على تمها بالقوة : هشششش ولا كلمة لا تفوري الدم بعروقي

ياسمين محاولت الكلام بالغصب : اتركني ابعد عني انت لو عندك احساس ما يتقرب من وحدة بتكرهك

طلع وما شفت وجهو لثاني يوم المغرب وين راح ما بعرف واول ما شفته دخل البيت صابتني رجفه من الخوف .. بعد الي حكيته والي صار بينى كيف بدو يتسكر باب علينا

رامي : جيت بوقتك تعال شاركنا

هاني وهو يتجنبها : شو في

رامي : بدنا نطلع نسهر ومرتك خايفه تطلع من دون اذنك تعالي معنا خلينا ننبسطت

هاني : انا تعبان من مبارح ما نمت خذوها وروحو انتو

ام هاني : كيف يعني تطلع من دون جوزها بعدين جوزها تعبان روحو انتو وهي خليه عنده

هاني : اذا حابه تروح تروح

ام هاني : وانا حكيت ما تروح

هاني : تصبحو على خير

ياسمين : ....

رامي : وهلا شو

ام هاني : اطلعي عند جوزك

ياسمين : حاضر

رامي : انتو ليش هيك بتعملو اخرتها البنت تطفش منكم

ام هاني : انت لا تدخل
_
ياسمين يتراجع : بدك شي ثاني

هاني : لا اطفي الضو بدي انام

ياسمين : حاضر
____
بعد بكم يوم

ياسمين بتوتر : انت ليش طلبت تجمعهم شو بدك تعمل
هاني : بس ننزل بتعرفي
ياسمين بخوف :.... بدك تحكيلهم شو حكتلك

هاني : الي قدامك ختيار مش ولد

ياسمين تنزل راسها : طيب فهمني

هاني : بتفهمي معهم

يتبع

الجزء السادس

_
ابو ياسمين : خير هاني ليش طلبت منا نيجي صاير شي بينك وبين ياسمين

هاني : لا بس في قرار بدي أخبركم إياه

ابو هاني : خير ابني

هاني : خير ان شاء الله ... وقت طلبت ايد ياسمين منك من ثلث سنوات كان عندك شرط تتزوج هون تحت عيونكم وانا وافقت ومن يومها بحاول اوفي بوعدي الكم وما اطلع على بيت خاص فينا بسبب عمرها لصغير وكنت بتفهم انها ما بتقدر تفتح بيت لحالها ... بس هي كبرت وصارت بعمر بنقدر نعتمد عليها ... انا شريت شقة قريبه من شغلي وبدي انتقل عليها كمان كم يوم هي مفروشة جاهزة بس بدنا نوخذ معنى كم غرض

ام ياسمين بخوف على ابنتها : بس يا ابني هي لسا صغيرة السنه عندها توجيهي يعني كيف بدها تكون قد هاي المسؤولية

هاني : لا تخافي عليها انا معهم وحسبت حساب كل هاد الحكي في بنت راح تساعدها ودراستها انا بساعدها فيها انا بهمني مستقبلها زيكم

ابو ياسمين : والله يا ابني اذا انت حابب هيك ما حدا منا بقدر يرفض هي بالأولى والاخر مرتك وين ما بدك بتوخذها

ياسمين بصوت مكسور : وانا ما الي رايى

هاني بحزم : انتي مكانك ما بكون بتكوني

ابو ياسمين : كلام جوزك صحيح ... واحنا عندك وقت ما بدك بتقدري تيجي وكمان احنا راح نزورك باستمرار

ام هاني بعدم قبول للفكرة : وشو سبب قرارك

هاني : حابب استقر معها لحالنا

ام هاني : ... يعني عنا ما في استقرار

هاني : مش هيك قصدي بس ...

ابو هاني : من دون ما تبرر حياتك واعمل المناسب فيها
ام ياسمين : لوين يا بنتي

ياسمين وهي تمشي من دون ما تنظر لأحد : بدي اطلع ادرس عندي امتحان بكرة

ابو هاني : وينتى بدك ترحل

هاني : الخميس أن شاء الله

ام هاني : يعني كمان يومين
هاني : اذا الله راد

ام ياسمين : ابني الله يرضى عليكي اطول بالك عليه هي لسا صغيرة

هاني : لا تخافي عليها هي بعيوني

__

هاني وعيونه عليه بتركيز بعد نص الليل : .... لسا ما خلصتي

ياسمين وعيونه بالكتاب : لا

هاني : بتكملي الصبح تعالي نامي

ياسمين : ما بلحق لازم اخلص قبل ما انام

هاني : الساعة صارت ثنتين دوبك ترتاحي شوي

ياسمين : لا تشغل بالك انا منيحه

هاني : براحتك ...تصبحي على خير

ياسمين : تلاقي خير

_

بعد اذان الفجر في زاوية من زوايا البيت قرب المطبخ بصوت هامس

أسامة : اذا بدك انا بحكي معه لا تعملي شي وانتي ما بدك لا تتعلمي تمشي زي ما بدهم لو كان زوجك بس انتي الك رايى

ياسمين بهمس وخوف : هسس وطي صوتك مش عارفه يا اسامه شو اعمل هو قرر وبابا وافق زي دايما من دون ما يسألوني ... شو طالع بيدي

أسامة : طيب انتي فهميني من شو خايفه

ياسمين : انا حكتلك شو حكتله اخر مرة ومن بعدها قرر هاد القرار ومن وقتها ما حكى معي بدك ما اخاف

أسامة : شوفي هو اخوي عصبي وانا معك بس والله احن من قلبه ما في

ياسمين : انا ما بحبه يا اسامة ما بقدر اعيش معه لحالنا والله صعبة علي ليش ما حدا بفهمني
أسامة : هانت كلها كم سنة وبتكبري وقتها قرار حياتك بيدك

ياسمين : الواضح هاد كابوس عمري ما راح اخلص منه

صوت خافض من الخلف : انتو شو بتعملو

ياسمين تتراجع للخلف : هاني

هاني : شو بتعملي هون

أسامة : اخي

هاني : ولا كلمة اطلع على غرفتك والي كلام معك بعدين

أسامة : يا اخي اسمعني لا تفهمنا غلط هي بس كانت نازله تشرب مي وشفتها وقفنا حكينا

هاني يثبته من فك : الساعه خمسة الفجر ... اطلع من وجهي لاخلي وجهك خريطه ....اطلع خلصني قبل ما تصحه امك

ياسمين والدموع تتسابق بنزول :. اتركني اتركني

هاني يكتم صوتها بايده بقوة ويجبرها تطلع معه على غرفتهم :

ياسمين تتراجع لورا بخوف ورجفه في جسدها : ...انا ا .. ن

هاني وعيونه كجمرة مشتعله :. ليكون هو الي بدك تتركيني وقت تكبري وتتزوجي

ياسمين ترجع اكتر واكتر وصوتها مرتجف : لا ... ل ا لا والله لا

هاني يقترب اكتر لتصدم رجلها بحفة التخت ويختل توزنها وتوقع على التخت : بتخبري كل شي بينا وبتحكيلو انك بتكرهيني

ياسمين تحاول تفلت من بين ايده بصعوبة : مش كل شي والله ... هو صديقي من وانا صغيرة ووو وانا برتاح وقت احكي معه هاي هي كل القصة والله والله

هاني : صديق ولا حبيب مش هو الي حكتيلي انك بتحبي اكتر مني

ياسمين تخبىء وجهه بيدها من نظراته المرعبة : بحبو بس بس مش زي ما في بالك

هاني ينزل أيدها ويضغط علي رقبتها بقوة : اقسم بالله اذا بكتشف انكم على علاقه لاقتلكم بيدي

ياسمين وهي تنزل ايده بقوة ولكن تفشل : ....اتركني مش قادرة اتنفس

هاني يتركها : بسرعه جهزي أغراضك بدنا نترك البيت اليوم

ياسمين برجفه وشهقات متتالية : وين بدك توخذني

هاني : على جهنم معك بس ربع ساعة وتكوني جاهزة

ياسمين ترجع لآخر التخت : ما بدي اروح معك مكان مشان الله رجعني عند اهلي انا ما بدي اعيش معك

هاني يجذبها بقوة إلى الخارج : اذا بسمع صوتك بموتك فاهمه

ياسمين بمحاولت كتم بكائها : اتركني مشان الله تتركني
هاني بحزم ؛ بحكيلك اخرسي خلصنا

يتبع

الجزء السابع

شو هي الجريمة الي عملتها ليصير فيه هيك

يا عالم انا عايشة برعب مش مستوعبة الي بصير معي شو يعني اذا حكيت مع ابن عمي ... وليش هو هيك بتعامل معي على اني ملكه وممنوع افتح تمي ... ليش حياتي اله هو يتحكم فيها وبس

هاني يوقف السيارة امام عمارة مركبة من خمس طوابق ودخل سيارته بالكراج وينزل ويجبرها تنزل : .... من دون صوت بتنزلي وبتمشي معي في جيران اذا بتخلي صوتي يطلع ما تلومي غير حالك

ياسمين بهمس بصوت مرتجف : وين احنا

هاني يجذبها من أيدها ويجبرها تمشي معه : بس نطلع فوق بنحكي
____
ياسمين تتأمل تفاصيل البيت من الداخل : هاد بيت مين

هاني : بيتنا الي من اليوم وطالع ما الك طلعه منه الا معي

ياسمين : .....

هاني يجذبها من أيدها وقربها منه بالغصب بعيون تكدح شرار : انا كنت بدي اعملك ملكة هاد البيت واعيشك حياة عمرك توقعتيها. .... ابعد عن امي والدنيا كلها وامدلك ايدي لتوصلي لأعلى المراتب ... اعيش الك وبس ... لو ما بحبك وما بنكر اني ما بحبك بس انا كنت بدي اعيش معك انتي وبس بدي تكبري بين ايد وانتي مبسوطه ... كنت بخطط اوفرلك كل شي بريحك وبهنيكي ... بس انتي طلعتي ما بتساهلي زيك زي اي بنت وطلعت مش غلطان وقت قرارت اتزوج وحدة بعمرك لانكم انتو كلكم صنف واحد ما بدكم غير دعس على الرأس .... شايفه هاد الباب اذا رجلك بتوصلو غير اكسرلك اياه ... ومين ما بدق على الباب ممنوع تفتحي حتى لو كان ابوكي وامك .... شايفه هاد نفسك وقت بدو يطلع بدك تخبريني ....والبيت هاد كلو من مسؤوليتك من اليوم وطالع الله يطعمك اشوف في شي مش بمكانه ... وبدك تتعملي الطبيخ وكل شي بالمطبخ معك هي كتب وكل الي بلزمك ...... وغيرو قصة خوفك مني ما بدي اشوفها خوفك اكتمي جواتك بس تشوفيني فاهمه كل يوم بدي اياكي عروس بتستني بتختي ..... على ما أضن عقلك بستوعب شو بحكي ...وبخصوص دراستك راح تكمليها .. بس هون بالبيت راح احاول ملفك دراسة خاصة وانا بشوف حدا يساعدك كل فترة ... وغير هيك اذا بسمع نفسك بطلع وأسلوب القوة والعناد تبعك بحطمك وتلفونك ممنوع تلمسني غير بأذني

ياسمين بنشفان دمها من قربه وعيونه الشبيه بالجمر من كدحهم : .....

هاني يترك أيدها بقوة ويمسك خدها : هيك بلكي كرهتيني اكتر واكتر وحبيته ... وانا اتفرج عليكي وانتي بتتعذبي

ياسمين بردت فعل غير متوقعه منها : بتفكر راح تكسرني وتخوفني انت ينتقم منها فيه .... بس معلش راح ارجع أعيدها بيوم من الايام راح أملك قلبك وبعدها أكسرو واروح لوااحد من عمري يفهمني ويكون حنون مش زيك

ليتحول من اسد غضبان لإنسان محتار بأمرها ... لعاجز قدام طفلته الشاغبة ... شو لازم يتصرف معها هو تزوجها لتكون زي ما بده ولا هي تغيرو بعد كل هاد العمر

هاني بحيره : شو حكيتي

ياسمين : انت بتفكرني بخونك بتكون غلطان انا اه صغيرة ومش فاهمه شي من الدنيا لسا بس كمان احنا جيل واعي ونعرف شو يعني خيانه وتحكم وظلم وانا إنسانة حرة ما راح اسمحلك تتحكم فيه ولا تظلمني بدك اتحمل مسؤولية البيت ومسؤوليتك حاضر موافقه وبدك اكون عروسة الك كمان حاضر ... وبدك ادرس لحالي كمان حاضر ... وما اطلع من البيت وتعيشني بسجنك كمان حاضر ... بس نفسي وكلامي وشخصيتي ما راح تقدر عليهم واذا قدرت الك الي بدك إياه ..... بس تاكد ما راح تقدر اذا ضربتني راح اخف منك اه بس قدامك ومن وراك راح اعمل الي بدي إياه ... وبدك تغتصبني زي ما عملت من قبل كمان عادي تعودت بس وقتها راح أحرمك العمر كلو تعيش مبسوط .... لا تفكر بتقدر تنفذ سيطرتك علي واخضع انا حرة بنت رجال حر

طفلة بسن المراهقه اعطتني كف بسوا حياتي كلها ... شو هل بنادمه هاي الي واقفه قدامي بشموخ وثقه ورمشه من عيونها ما رمشت ... كنت فعلا بقدر اضربها على كلامها بس الي شفته بعيونها صعب ينكسر ...

هاني بإنهاء الحوار : ما راح ارد عليكي الي عندي حكيته واذا بتخلفي كلامي وقتها بتعرفي شو ممكن اعمل فيكي

ياسمين بعفوية : وين رايح وتركني

هاني مبتسمه غصب عنه لبرائتها : ...

ياسمين : ليش عم تضحك

هاني : هلا كنتي عشر رجال ببعض صرتي بدك اضل معك

ياسمين : شو دخل اني بخاف ... انا ... بخاف اضل لحالي ... وبعدين المكان جديد علي

هاني : عادي بكرة بتتعودي

ياسمين : طيب انت وين بدك تروح الساعه ستة الصبح

هاني يقرب خطوة الها : وانتي شو دخلك

ياسمين ترجع خطوه بعفوية : مش انت جوزي ولازم تعرف عني كل شي وكمان انا لازم اعرف عندك

هاني بتمعن بعيونه الغريبة مخربطه بين القوة والخوف : انا الي عندك بس انتي لا

ياسمين بعفوية : بس هاد ظلم

هاني مبتسم ابتسامة ساحرة : وانا ظالم وبحب اظلمك

ياسمين لأول مرة تنتبه لملامح وجهة الجذابة الشرقية : ....

هاني ينتبه لنظراتها : شو مالك الختيار عجبك

ياسمين ببلاه : هاااا

هاني يبتسم لجمالها وبرائتها بعفوية ليزيد جماله جمال : هااا شو

ياسمين : احكيلك شي

هاني بترقب : اه

ياسمين : انت كتير حلو ... اول مرة بنتبه عليك

هاني يضحك بصوت عالي ويجذبها من خصرها : منيح انو الختيار عجبك

ياسمين تنزل عيونها لتوقع على صدرة من قربه منه : ....

هاني يضع ايدو تحت دقنها يجبرها ترفع وتنظر اله : انا بعرف انو. ما في شي بينكم وانو هو زي اخوكي ولو ما بعرف هيك كان طلقتك من وقتها انا بس اعصب بفقد السيطرة على حالي .. لا تزعلي مني ..

ياسمين : هاااا

هاني : يا ياسمين احنا بدنيا بتخوف انا بعرفك وبعرف اخي انكم ما بتعملوها وسمعت كلامكم وبعرف شو بصير بس كمان لو حدا غيري شافكم شو كان ممكن يصير

ياسمين : ......

هاني : انا بس بدي تنتبهي لتصرفاتك وقت بعدتك عنه المرة الاول كان مشان مصلحتك وهاي المرة كمان

ياسمين : طيب ما احنا طول عمرنا مع بعض ولا مرة حدا حكالي انو هاد شي غلط

هاني : وقتها ما كنتي متزوجه اخو

ياسمين :. ......

هاني : طيب اسألك سؤال

ياسمين : تفضل

هاني : هلا انا بعرف انك ما بتحبيني وانتي بتعرفي اني ما بحبك .. صح

ياسمين بألم غريب بقلبها عند سماع ما قال : اه

هاني : هلا لو انا قعدت مع واحد من بنات عمتي أو عمي وعلى مزح وواقرب منهم طريقة عفوية بس ملفته للإنتباه قدام العيلة هاد ما بدايقك

ياسمين بتفكير بكلامه لتجيب بعفوية. : لا

هاني : متأكدة

ياسمين لتبتعد عنه من مشاعرها المخربطه وتكمل : وقت بدي اديق وقتها لازم يكون في مشاعر اتجاهك بس انا ما بحس معك شي غير الكره

هاني يجذبها مرة ثانية : متأكدة انك بتكرهني

ياسمين بتوتر : اه

هاني : انتي كذابة لو بتكرهيني ما بتتقبلي قربي بس شوفي كيف خجلانه مني ومش معارضه. ... انتي زعلانه وعقلك رافض حياتك معي وهاد انا بتفهمو بس كره لا الي زيك ما بعرف بكره

ياسمين بعفوية خطفة قلبه : عكس الكره محبه وانا ما بحبك

هاني : ...

ياسمين : ليش بتطلع فيه

هاني : ....

ياسمين : مالك

هاني : روحي على غرفتك وسكري الباب عليكي

ياسمين : ليش

هاني يقرب من اذنها ويهمس : مشان اضل محافظ على وعدي الك

ياسمين تبتعد لتلتقي عيونهم : اي وعد

هاني : مش انتي ما بدك يصير شي بينا لحد ما اطبقي العشرين روحي وقت احكيلك روحي بتروحي من دون نقاش

ياسمين بفهم ماذا يقصد : طيب ... تصبح على خير

هاني : تلاقي خير .... روحي على الغرفة الثانية بعد الممر

____

شو بصير معك يا ياسمين ليش هيك انجذبتي .... ليش كنتي هبله قدامه ليش ما فهمتي اديش بتكرهي. .... الحق عليكي ... لو كنتي حاسمة اكتر كان ما فهم انك ما بتكرهي .... هو انا جد بكرهو ولا لا؟؟؟ ...شو هل خريطه الي بتصر معي .... ما هو معك حق هو اسم الله عليه شو حلو اديش الي عايشه معه اول مرة بنتبه لملامح وجهه .... اديش غبيه البنت الي كان يحبها كيف تركته .... هو اه عصبي ولئيم بس بنحب ..... ياسمين مين هاد الي بنحب هاد واحد ليئم وقاسي وانتي اخر مرة بتحكي هاد الحكي .... قال بنحب قال .... اروح اتحمم احسن ..... بعدين صح مش هو حكالي بدو انام بنفس الغرفه .... اقسم بالله هاد واحد مجنون وانا انبليت في .... يييي صح كيف بدي انام قبل ما أخذ تلفوني منه اروح بسرعه احاول اخذو قبل ما ينام

_

هاني بضيق : شو بدك كم حكتلك لا ترني علي
.. : ما بدك تسامحني .. انا والله ندمانه وبعرف انك بتحبني لسا خلينا نرجع حياتي فاضية من دونك انت كنت كل شي حلو بحياتي لا تقسي علي انا نور حب حياتك يا هاني سامحني

هاني : وقت قتلتي ابني ما فكرتي بمشاعري مشان انا افكر فيكي هلا

نور : انت بتعرف اني كنت بمرحله صعب اخلف ليش ما حاولت تفهمي

هاني : هاد الكلام كلو ما الو داعي انا هلا متزوج ومبسوط مع مرتي بتمنى لا ترجعي تحكي معي

نور : مستحيل تكون مبسوط معها انت الي انا وما راح تكون لغيري لو عشت معها بس قلبك الي وانا متاكد حب عشر سنوات ما بروح بكم سنة

هاني : بحبها ولا لا انتي ما دخلك ويلا تصبحي على خير

ياسمين :.....

هاني بتسكر الخط بسرعه : ياسمين

ياسمين تلف وترجع : انا ....

هاني يقف ويوقفها : شو بدك

ياسمين تمسح دمعتها بسرعه :. ... بدي تلفوني

هاني يتفحص وجهه : انتي بتبكي

ياسمين محاولت اخفئ مشاعرها الغريبه عليها : مش عارفه انام بالغرفه المكان بخوف

هاني : تنامي عندي

ياسمين بنفي : لا بحاول انام لحالي

هاني يمسح طرف دمعتها بإصبعه : انتي سمعتي مكالمتي

ياسمين : لا ..

هاني يرفع دقنها بإصبعه : ولا مالك

ياسمين : اذا بدك ترجعلها ما عندي مانع طلقني وارجعلها

هاني يضمها بحنية كانت بحاجة الها : لو بدي اياها ما طلقتها هي ماضي وراح وانا بدي مستقبلي معك انتي

ياسمين تحاول تبتعد ببطئ : ممكن تعطيني تلفوني

هاني : ....

ياسمين : ..... بدي اروح انام اعطيني اياه

هاني بتفكير بداخله ( يا ترا هاي دموع شو اذا انتي بتكرهيني وانا ليش قلبي ناطف على ما ادخلك بقلبي وامسح دموعك ..... شو بدك تعملي فيه لسا يا ياسمين )

يتبع

الجزء الثامن

هاني : تفضلي

ياسمين وعيونها على الأرض : شكرا

هاني : العفو ..... استني

ياسمين : نعم

هاني : تعالي نامي عندي اذا خايفه

ياسمين : لا ما في داعي

هاني بحزم لجبرها تبقى أمام عيونه يتقدم بخطوات مربكه : البنت المؤدبة وقت جوزها يحكيلها تنام عنده بتحكي حاضر

ياسمين : وللاسف انا بنت مش مؤادبة

هاني بتحكم نفسه وبحزم : والي بتعرف تجاوب جوزها بتستاهل يجبرها

ياسمين : اتركني شو بتعمل ... هاني اتركني بمشي لحالي

هاني يسكتها بوضع ايده على تمها : هسسس امشي وانتي ساكته

ياسمين : ما بدي اتركني .
هاني : شو رايك احملك مشان اخلص من لسانك

ياسمين : خلص اتركني

هاني : هلا بتركك

ياسمين. : شو هاي

هاني : غرفتنا

ياسمين : كيف يعني والغرف الثانية

هاني : هاي الغرفة وقت بدنا نكون مع بعض بتجمعنا وقت تكوني رافضة قربي بترجعي على غرفتك

ياسمين : مش فاهمه عليك

هاني : هاد البيت بيتي من خمس سنوات بس ما حدا بعرف في ومن وقت قصة الطلاق سكرته .... وقبل كم يوم بعد الي صار بينا قررت افتحه ... وطبعا ما لحقت اغير في شي غير غرفتك وهاي الغرفه ...حبيت يكون في اشي النا خاص بس ما راح تكون النا غير وقت انتي بدك

ياسمين بكلام يحيره بأمرها اكتر واكتر : يعني غرفتك الي بدك تنام فيها كانت غرفتكم.

هاني بصدمه : انتي هاد الي همك ...لتكوني بتغاري

ياسمين : لا طبعا بس بسأل مشان اتاكد

هاني : الواضح غير هيك

ياسمين : الواضح مش غير هيك اغار عليكي يعني بحبك وانا ما بحبك

هاني : طيب مش ضروري تحبيني المهم عندي نتفق ... من اليوم هاي بداية جديدة النا مع بعض كلامي الي حكيته ما بدي اعيده وانا راح اشوف حدا يساعدك بالبيت لحد ما تخلصي دراسة وبوعدك عمري ما ازعلك ولا اظلمك طول وواحنا متفقين ... وبعدين بخصوص الي سمعتي ما كنت بعرف انها هي كل مرة بتحكي معي رقم غير ... بس انتي الك حق عندي ما اسمعها ولا ارد عليها وانا بعتذر اذا زعلتك

ياسمين وعلامات الدهشه على وجهه : انت شو بصير معك ... ليش كل ساعه بحال

هاني : ما بعرف يمكن هاي الثلاث سنوات الي عشتهم معك قدرو يغيرو شي جواتي

ياسمين :. .....

هاني : انا نعسان خلينا انام شوي كمان ساعتين عندي شغل

ياسمين : طيب

هاني يمسك أيدها : وين

ياسمين : بدي انام بغرفتي

هاني : خلينا هون اليوم مع بعض خليها تكون بداية النا

ياسمين : ... ما بدي
هاني بابتسامه صغيرة : .... بس اليوم وعد

ياسمين : ..... افهمها ما بدي قربك ولا راح اكون زوجه الك بيوم لاني تزوجت بالغصب من اول يوم لليوم وانا من جوا رافضتك وراح ارفضك اكتر واكتر ... والي بدك. إياه ما راح يصير انا عايشة معك بالغصب لا تضحك علي وعلى حالك لا انت راح تنساها ولا انا راح اعتبرك زوجي بيوم .... تصبح على خير يا ابن العم

هاني :....

_

بعد اربع شهور

سالي : شو يا بنت شو القصة حليانه هيك شكلو اخوي مهنيكي

ياسمين : بلاها خفت دمك

سالي : جد احكيلي كيف أموركم بالبيت لجديد

ياسمين : عادي كيف بدها تكون حياه ممله طول الوقت على شغل وتعزيل وجلي وطبيخ .... لا واخوكي الي ما بعجبو العجب كل ما اتعلم شغلة واكون مبسوطه فيها ببلش تعليق على مالحه وبدها سويت استوى أو ناقصه ملح وبهار ... او اذا بدي اجرب اعمل حلو بتمسخر علي انو بشبه كل شي الا الحلو ...وهاد كلو كوم ودراستي الي بلاني ادرسها لحالي أو هو يعمل حالو معلم علي ويدرسني على . طريقته الغريبه أوف كل شي فيها مقرف ... مملل

سالي : على فكرة أنا سألتك عن علاقتكم مش شغل البيت

ياسمين : مالها علاقتنا

سالي : انتي فاهمه علي كيف صارت

ياسمين : كيف بدها تصير عادي يعني

سالي : لا تضحكي علي .... ما حاول يتقرب منك وانتي ما فتحتي قلبك الو

ياسمين : ...

سالي : بدك تخبي علي

ياسمين : هو شو يعني حب

سالي : ....حب

ياسمين : اه شو يعني واحد يحب وحدة

سالي : أو وحدة تحب زوجها

ياسمين : على. فكرة سألتك سؤال واضح ما بدها نغاشة

سالي : الحب وقت يجي لحالك راح تتعرفي عليه ... زي وقت ما تتمنى من الدنيا غير انك تشوفي ... وما يحلى يومك من دونه وقت تحبي راح تحبي الحياه بعيونه وضحكته هي روحك ...هاد قلبك نبض قلبه بصير ...الحب يعني هو وحبو الك يعني انتي...فهمتي يعني الحب الشخص ينسى حاله قدام الي بحبه .. ووو

ياسمين تقاطع كلامها : خلص بلا حكي فاضي ... قال هو انا وانا هو ... شو هل تخلف

سالي تأشر على قلبها باصبعها: بس يدق هاد راح تعرفي انو بيوم ميلادك على ايده

ياسمين : ...

سالي : يلا سلام بدي الحق اروح ازور ماما قبل ما يروحو لولاد من المدرسة

ياسمين : خليكي تغدي معنا

سالي تقبلها من خدها : لا حبيبتي خلص صار لازم اروح وانتي تعالي زوريني

ياسمين : يا ريت بس هو يرضى اخوكي بس شايفه كيف حابسني غير معه ما بطلع

سالي : لا تزعلي هو عقله صعب مش عارفه لمين طلع هيك بس كمان انتي ادردحي شوي اطلبي منه بشوية دلع وهو ما اتوقع يتحمل ثواني

ياسمين : سالي مرت عمي هلا بتعصب عليكي روحي الله يرضى عليكي قال ادلع قال

سالي : الله يعينك يا اخوي يا حبيبي

ياسمين : الله يعينه ولا يعيني عليه

سالي : برجع وبحكيلك انتي الست وكمان انتي صغيرة وحلوة بدوب الحجر مش بس هاني ... استغلي الجمال الي عندك وانتي شوفي كيف راح تكوني سعيدة ويتمنالك الرضى ترضي

ياسمين :..
سالي : فكري بكلامي .. سلام

ياسمين : الله معك

____
معقول كلامها صح ... يعني انا على الجهتين محبوسة ليش ما اجرب يمكن تزبط واذا ما زبطت بتسلى في شوي .....طيب مش يمكن يا ياسمين تطلع على راسك زي المرة الاولى ..... ما هو انتي هلا عرفتي نقطة ضعفه وينتى بتقدري تتحكمي في ... راح اجرب مش خسرانه شي هو كمان وعدني ما يجبرني على شي ما بدي إياه

__

هاني : وبعدين معك انتي ما بدي اخلص منك

نور في مكتب هاني بصوت خافض : افهمني أنا بموت من دونك حياتي من دونك عذاب ارحمني

هاني : يا نور بكفي انا متزوج خلصنا

نور :لا انت الي زواجكم ما بهمني ... طيب اسمع خليك معها وخلينا نرجع نتزوج بسر وبعيش خدامه تحت رجليك والشغل مستعده اتركه بس ارجعلي ... ما راح اسمحلك تنسى حب عشر سنوات هيك بلحظة انا يستاهل فرصة ثاني

هاني بتذكر كلام ياسمين (افهمها ما بدي قربك ولا راح اكون زوجه الك بيوم لاني تزوجت بالغصب من اول يوم لليوم وانا من جوا رافضتك وراح ارفضك اكتر واكتر ... والي بدك. إياه ما راح يصير انا عايشة معك بالغصب لا تضحك علي وعلى حالك لا انت راح تنساها ولا انا راح اعتبرك زوجي بيوم ) : .....

نور : هاني انت معي

هاني وعيونه عليه يكلم نفسه بسره ( انا حاولت معها كتير وصبرت عليها يمكن رجوع نور بحياتي اليوم هو لصالح ياسمين .. ... بس انت وعدتها ما تظلمها ... هاد مش ظلم انت الك معها سنوات وهي على مبادئها وقرب منها حارميتني ... وانا رجال اديش بدي اتحمل هاي الحياه )

نور تضع أيدها على قلبه : ما اشتقلي

هاني يسرح بعيد ( لا تعملها يا هاني ). :.

____

يتبع

الجزء التاسع

نور بقرب اكتر محاولت تضعف قلبه وتضع أيدها على صدره : ... ارجعلي

هاني وتذكر دمعت ياسمين اخر مرة من اربع شهور : .... ابعدي عني ... انتي نسيتي حالك

نور : لا ما نسيت بس

هاني : من دون بس اطلعي برا

نور بحزن : انت حبيتها

هاني : ..

نور تضربه على صدره: رد حبيتها بعد كل الي كان بينا قدرت ادخل وحدة ثانية بقلبك ... رد

هاني يمسك أيدها ويتامل وجهه العاشق : لو ما حبيتها بس اذا عملتها راح اوجعها اكتر انا دمرتها بطفولتها واخذت منها اجمل ايام حياتها بسببك هي دفعت ثمن حبي الك ... وقت انتي جرحتيني هي الي انتقمت منها ... الي شافته على أيدي مش قليل ولليوم لسا بتدفع ثمن حبي الك ... مش راح بعد كل هاد اكسرها وارجعلك ...ولو ما بحبها وهي ما بتحبي الحب مش كل شي بالدنيا .. الي هي بتعطيني إياه اهم من حبك

نور بصدمه :...

هاني : اه اعطتني الي انتي ما قدرتي تعطيني إياه ... معها عرفت معنى راحت البال .... معها حسيت شو يعني اني رجال وقدامه انثى .. بتفكري انها ما الها شخصيه هي شخصيتها اقوى منك أضعاف ضعفك بس بتعرف تحط حدا لحالها مع انها صغيرة بس بتعرف كيف تغيرني انتي عملتي مني انسان عصبي وعنيد وقاسي .. بس هي عكسك في برائتها رسمت ضحكه على. وجهي وبضحكتها دخلت نسمة حلوة لهاد القلب الي انتي كسرتي وانا ما راح اكسرها .. انا بستنى الوقت الي تسامحني في واعوضها على الي عملته فيها بسببك ... وانت جاي بعد كل هاد بدك ارجعلك بالسر واكسر خاطرها .. ما حزرتي .... ويلا تفضلي برا قبل ما ابلغ فيكي القسم

نور : راح تندم

هاني : انتي وحدة ما بندم عليكي .. روحي الله يوفقك بحياتك بس ابعدي عني لاخليكي عبرة لكل وحدة زيك .....يلا تفضلي

نور تغادر وعقلها رافض الحقيقة الي سمعتها .

_

مممم شو لازم البس .. كل هاد مشلح وانا بستحي البس هيك قدامه ... طيب شو اعمل ... اوووووف ما بلبس لو بموت هيك شي ... بعدين شو دخل البس خلص انا بلبس جينز وبلوزه حلوة وخلص وبحط مكياج وعطر وزبط شعري وهيك تمام ... بعدين دوبني اروح الحق احضر الاغراض وابلش اول شي بالطبخ الي مش عاجبك يا هاني افندي

____
أسامة : انتي متأكدة أنهم مناح انا من يومها ما عرفت احكي معها

سالي : هي منيحه لا تشغل بالك بس اخوك الواضح بغار عليها بدك تتحمل انا متأكدة انو مش شاكك فيك بس انت كمان كنت لازم تنتبه وما تحكي معها بوقت متأخر وهو منبه عليك

أسامة : شو بعرفني حزنت عليها كانت بتبكي ما تحملت ما احكي معها

سالي : فاهمه حبيبي بس هاي فرصة الهم يمكن يقدرو يحبو بعض ... اليوم سألتني سؤال الواضح بشرت خير

أسامة يترقب باقي كلامها : ... الي هو

سالي : عن الحب بدها تعرف شو يعني

أسامة : والله يعني وقعت السنارة

سالي : شكلو بس بتكابر ... وقت حاولت اشوف شو جواتها لقيتها تخربطت واستخفت بكلامي وطلعت من الموضوع

أسامة : يا رب يزرع الحب بقلوبهم هي بتستاهل تنحب واخوكي بدو مين يكسر رأسه ويوقعه

سالي تضرب كتفه :. وله هاد اخوك لكبير احكي منيح عنه

أسامة : طيب شو حكيت انا ... يا بنتي طول عمرو عامل رعب للكل بلكي أن حبها تغير شوي

سالي : بهاي معك حق .. بس والله انو حنون

أسامة : ولا دافعي عنه ما هو حبيب القلب

سالي : كلكم حبايبي بلشنا غيره

أسامة : انتي مطوله عنا يلا عند جوزك وولادك بستنو فيكي

سالي بتصنع الزعل : انتو مالكم علي هي طرتني لعندكم وانت لبيتي .. ماشي الحق علي الي بسمعكم اخرتكم ترجعولي انت واياها ...

أسامة يداعبها من خدودها : يا قلبي زعلتي مني بمزح معك احنا النا بركه غيرك

سالي : روح يا مشاكس لا تحكي معي

أسامة : استني استني

___

هاني عن باب البيت يكلم نفسه بصوت عالي : شو شكلي غلطت بالعنوان

ياسمين بتلبك واضح : انت جيت

هاني وعيونه عليها من فوق لتحت : ياسمين

ياسمين : .....

هاني : شو عامله بحالك

ياسمين : شو عامله

هاني بداخله ( هو انا ناقصني قبل وما كنت متحمل بعدك وهلا كيف بدي اشوف هيك جمال واقاوم )

ياسمين : مالك
هاني بمحاولة تجاهله : ولا شي شو طبختي ميت من الجوع وتعبان بدي اتغدا وانام

ياسمين : ما طبخت

هاني : ليش

ياسمين بتلاعب باعصابة تتكلم بدلع غريب عليها مع فستانها القصير وشعرها. المرفوع لفوق ومكياجها الناعم وريحت عطرها المغرية : حضرت كل شي بس بدي تساعدني ... انت ما بعجبك طبخي قلت بحضر كل شي وانت بتطبخ

هاني بشرود بينها وبين نور ويكلم نفسه ( كنت راح تخسرها للابد لو ضعفت لنور ..معقول كنت في اختبار وهاي هي النتيجة ... يا الله شو بصير معك يا هاني )

ياسمين : ما بدك

هاني يقترب بعفوية ويحاوط خصرها : اسمعي يا بنت انا مش قدك انتي شو بالك

ياسمين بتلبك ومحاولة البعد : ولا شي

هاني : شو صار ليش هيك عامله بحالك ومن وينتى انتي بتستنيني على الباب وبدك اساعدك انتي لسا مبارح كنتي ترفضي تقعدي معي بغرفة وحدة

ياسمين : عادي يعني انت كل شئ مش عاجبك