بترفعلو ايدا ليشوفا وهي مبتسمة ومبسوطة عمار لما شافا مبسوطة كل هالقد قلبو طلع من محلو
قربت فرح لتقطع الشارع بتجي سيارة مسرعة من بعيد وبتضرب فيها
عمار: فرح حبيبتي انتبهي فرححححححح
بيقرب لعندا عمار بيلمسلا وجها
عمار: فرح يا روحي قومي مشان الله بدي فرجيكي عالصالة وكتير شغلات عملتا مشانك قومي قومي لك اطلبو الاسعاف
اجا الاسعاف ونقلو فرح عالمشفى وعمار عيونو متل الجمر من كتر البكي ماقدر يحكي مع حدا اويخبر حدا غير اختو رولا
عمار: رولا رولا
رولا:عمار حبيبي شبك ليش هيك صوتك
عمار: فرح فرح عملت حادث خبري اهلا وتعو
رولا: شووو
رولا متل المجنونة تركت محاضراتا وراحت على بيت اهلو لحسام دقت الباب فتحلا حسام
حسام: رولا خير ليش جاي على ملا وجك
رولا: فرح فرح عمار خبرني انو فرح عملت حادث وهنن بالمشفى
الكل: شووو
منطلع كلياتنا عالشفى
بيركض فادي على عمار
فادي: وينا وينا فرح كيف هيك صار
بيطلع الدكتور من العمليات وبخبرن

الجزء العاشر

الدكتور: وضع المريضة بخطر عم نعمل كلشي بيطلع بأيدنا
عمار:(بصرخ)كيف يعني كلشي بيطلع بايدكن فرح مالازم يصرلا شي فهمانين مالازم يصرلا شي
كل واحد وضعو اسوأ من التاني عمار كانو عيونو متل الجمر وحسام صامت ومصدوم وابو فادي مكسور وام فادي عم تتحسر على بنتا الوحيدة وفادي رايح وجاي خايف من شي خبر سيئ ورولا مو عارفة مين بدا تواسي رولا ضمت اخوها عمار بقوة
رولا: لا تخاف يا عمري فرح قوية رح تتخطى هالمرحلة
عمار: انا موجوع كتير موجوع يا رولا
رولا: لا تزعل رح تقوم ونفرح فيكن
عمار: ياااارب
رولا تركت عمار ولحقت حسام
رولا: حسام وين رايح حسااام عم احكي معك رد علي
حسام: تركيني مخنوق بدي روح شملي شوية هوا
رولا: رح روح معك استناني
حسام: معقول يصير لفرح شي
رولا: لا فرح قوية رح تقوم ورح نفرح فيهن هي وعمار
حسام: الله يسمع منك
رولا: يلا قوم نطمن على فرح
دخلو رولا وحسام كان وجه الكل مابيتفسر كانت ام حسام عم تبكي وتشهق وهمار كان عم يبكي متل ولاد صغار وابو حسام كانو عيونو مدمعين وفادي نفس الشي
رولا: شوفي ليش عم تبكو
الكل:.....
رولا: لك شبكن ليش عم تبكو عمار حبيبي اخي شبك
حسام: بابا فادي شبكن فرح فيها شي
عمار:(بوجع) لك اااااه يااااارب فرح راحت فرح ماتت
ام حسام: اخ يا بنتي وين رحتي وتركتينا يا عمري انتي
رولا كمان ماقدرت تمسك دموعا كان مناظرن بتبكي الحجر
حسام: لا اكيد عم تمزحو فرح قوية مو هيك رولا
رولا(تبكي).......☞ 𝓜𝓿𝓫𝓽𝓪𝓮𝓲𝓭𝓲𝓷 🇸🇾𝓔𝓝 🇸🇾 𝓪𝓵𝓪𝓵𝓪𝓶 ☜
عمار: صار يركض متل المجنون ولحقو رولا وفادي
رولا: اخي مشان الله لا تعمل هيك بحالك
عمار: اتركوووني اتركوني مابدي حدا من بعدا
فادي: خلص رولا اتركي خلي يفضي الوجع الي بقلبو بلكي بيرتاح
رجعت مع فادي عالمشفى تفاجأت بحسام كيف كان عم يبكي لما شاف رولا مسح دموعو كان مخبي دموعو حتى مايطلعو قدام رولا كان موت فرح صدمة كبيرة للكل بنت بعمرا ماتجاوزت العشرين سنة عروس بالجنة
دفنوا فرح وكانو اندفن عمار معا صار جسد بلا روح كاان الوضع مأساوي بهالفترة رولا واهلا ماتركو اهل حسام ولا دقيقة كان عمار عم يدوب متل الشمعة على فراق حبيبتو فرح وفادي الي بمشيتو بهز الارض انكسر على موت فرح اختو الوحيدة
اما حسام كان الي مصبرو عيون رولا الي عم يقولو في امل خلصو ايام العزا واهل رولا رجعو على بيتن
ام عمار: رولا بنتي ادخلي شوفي اخوكي صرلو يومين ماحط لقمة بتمو خايفة يصرلو شي
رولا: لا تخافي امي مو سهل الي مرق فيه انا رح شوفو
راحت رولا على غرفة اخوها كان حاطط صورتو هو وفرح بحضنو وجمدان بارضو ماعم يعطي اي استجابة
رولا: حبيبي قوم مابدك تتغدا معنا انت لازم تاكول حتى فرح ماتتعذب بقبرا
عمار:........
رولا: هاليكا مايا اجت تتغالظ عليك مابدك نهرب منا متل قبل
عمار:.......
مايا: عمور مابدك تاخدنا ناكول بوظة حاجتك حزن نحن اشتقنالك(تبكي)ارجعلنا
عمار ضم اخواتو
عمار: لا تخافو انا منيح بس مصدوم شوي فترة وبرجع متل قبل هلق اتركوني ارتاح شوي يلا حبيباتي
طلعو رولا ومايا من الغرفة
ام عمار:شو يا ولاد ليش اخوكن مااجا والله قلبي واجعني عليه(والدمعة على عيونا) يلي مرق فيه مو سهل بنوب بس الله يصبر اهلا انا ام وبعرف يلي عم تمرق فيه اما لا فرح
رولا: امي حبيبتي عمار بحاجة لوقت حتى يستوعب يلي صار ماتنسي لو مو هل حادثة كان عرسن مو مطول عمار قوي اكيد رح يرجع متل اول لاتخافي
مايا: مشتاقة لايام زمان ايام يلي كان عمار يضحك ويضحك البيت كلو معو
رولا: لا تزعلي اختي ان شاءالله بيرجع متل اول بس انتي ادعيلو الله يريح بالو
مايا: ان شاءالله يارب

رولا: انا رايحة على غرفتي بدي ارتاح شوي اذا بدكن شي ندهولي
ام عمار: روحي بنتي رتاحي صرلك من وقت الحادث وعيونك ماشافت النوم وانتي كمان مايا الله يرضى عليكي روحي ارتاحيلك شوي
راحو رولا ومايا كل واحد على غرفتو ليرتاح
_اتسطحت رولا على تختا وهي عم تفكر بيلي مرقو فيو ولوين وصلو عمار يلي حالتو بتبكي الحجر وحسام مكسور بعد موت اختو من بعد موت فرح الكل انكسر صبية بعمر الورود بس مو طالع بالايد شي مسكت تليفونا ودقت لحسام مشان تطمن عليه رن اول رنة وتاني رنة لحتى الاخيرة بس مارد حطت راسا عالمخدة لبين ما حسام يدق اكيد مو حاسس عليه وهي عم تستنى غفيت من التعب والارهاق ماصحيت غير على صوت مايا
مايا: ورلا رو

لا فيقي
رولا: وهي عم تفرك عيونا )خير مايا شوفي
مايا: عمار عمار طلع لبرا
رولا: نطت من عالتخت) كيف هيك
مايا: اي اختي بس لسه زعلان ماعم يحكي شي
رولا: روحي انتي لاحقتك
راحت مايا وقامت رولا من التخت لتطلع لبرا قبل ماتطلع تذكرت حسام مسكت التليفون كان في مكالمات من حسام دقتلو بعد رنتين رد
رولا: كيف حسام
حسام: (بحزن)الحمدالله من الله بخير وانتي كيفك
رولا: منيحة لما انت بتكون بخير
حسام: عم حاول حبيبتي بس هي اختي الوحيدة المهم كيفو عمار طمنيني عنو
رولا: والله حالتو بتبكي الحجر مو سهل يلي مرقنا فيه
حسام:لاتخافي فترة وبتمر
رولا:ان شاءالله بدي سكر هلق بدي اطلع شوف عمار بحاكيك بعدين
سكرت رولا الخط وطلعت لبرا لتشوف عمار
____في صالون كانو ام عمار وابو عمار ومايا وعمار قاعدين ماكان في حدا عم يحكي ابدا الكل ساكت وعم يطلع بعمار بس رولا قطعت الصمت راحت قعدت جنب عمار وقالتلو
رولا: شبو اخي عمار زعلان
عمار:......
عمار كان ماسك حالو بس اهلو ماتحملو يشوفو بهالوضع قامو وراح على غرفة تانية بس رولا ومايا ضلو كانت مايا بعيد عنن شوي
رولا: عمار رد علي حاجتك حزن وزعل الله هيك بدو يلي الله كاتبو بدو يصير اخي
عمار: اشتقتلا كتير فرح كانت حبيبت عمري وهلق هي هيك كيف بدي انساها
رولا: يا اخي يا حبيبي لازم تطلع من يلي انت فيو
عمار: رح اطلع كرمال فرح بس بدي شوية وقت
رولا:بعرف اخي عمار قوي ومافي شي بيكسرو
عمار: ان شاءالله اختي هلق بدي روح على غرفتي
رولا: لازم تاكول شي ماهيك
عمار: والله مو جاي على بالي
رولا: طيب هلق بجي وبحبلك عالغرفة مافي مو جاي على بالي رح تاكول وانت عم تضحك
عمار: طيب
راح عمار على غرفتو وبعد ربع ساعة لحقتو رولا وكان بايدها صينية اكل دقت الباب ودخلت
رولا: وهي جبتلك اكل يلا كول
عمار:طيب كرمالك بس
اكل عمار كم لقمة وشبع
عمار:دايمة شبعت
رولا:لك شو دايمة ما دايمة ماكلت شي اي والله العصفور بياكول اكتر منك
عمار:خلص رولا بكفي عنجد شبعت وهلق بدي ارتاح
رولا: طيب ماشي
طلعت رولا من الغرفة وطلعو

*قصة :لغة العيون '👀🦋

*❴🔢❵الـــبـــ{الثاني عشر والأخير}ــــارت*
〰️〰️〰️〰️〰️〰️〰️〰️〰️〰️
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
مايا:لانو يا ذكية عر
ام عمار: هيك لانك عروس
ام فادي: جهزي حالك في عنا مشوار
بتطلع رولا باما ومو فهمانة شي متل الاطرش بالزفة
ام عمار: متل ماقلتلك جهزي حالك ومن تم ساكت
راحت رولا ولحقتا مايا وصارت تجاكرا
مايا: خدي البسي هالفستان بيطلع بيجنن عليكي
رولا: حاسة حالي رايحة على شي عررس والله حلي عني
مايا: متل ماقالت ماما نفذي من تم ساكت
رولا: ماناقص غير فصعونة متلك تتحكم فيني
لبست رولا فستانا القصير المورد ورفت شعرا كعكة مع غرة صغيرة من قدام طلعت كيوت نزلو ام فادي وام عمار ومايا ورولا كان حسام مستنين تحت حسام شاف رولا طار عقلو فيا ركبو حسام ورولا من قدام واهلن من ورا كانو متل عصافير عم يرفرفو كانو لابقين لبعض كتير
وقف حسام السيارة قدام المحكمة وقالن نزلو رولا تفاجأت كانو عمار وفادي وابو فادي وابو عمار جوا عم يستنوهن جوا
رولا: يمكن صار لازم اعرف شو عم يصير ولا شو
فادي: اهلا بالعرسان تاخرتو الشيخ عم يستنا
حسام مسك ايدين رولا ودخلو لجوا
حسام: اليوم رح تصيري حلالي وملكي وحبيبة قلبي وعمري
رولا: وانت اليوم رح تصير جوزي وحبيبي ومملكي ومملكتي
انكتب كتاب حسام ورولا وصارو لبعض كانت فرحتن مابتنوصف
كان حسام مجهزلا لرولا مفاجأة كبيرة
بعد يومين كان عرس رولا وحسام حسام واهلو واهل رولا كانو مجهزين كلشي من دون ماتعرف رولا هي كانت مفاجاة حسام لرولا كان عرس من الخيال روووعة
رولا: اوف منك يا حسام لو مخبرني قبل بوقت بس للصراحة مفاجاة بتجنن يخليلي ياك حبيبي وتفاجأني دائما
حسام: يلا خليني وصلك عالكوفيرة ضالل كم شغلة بخلصن وبجي باخدك
راح حسام ورولا ساوت شعرا والميك اب ولبست فستانا الابيض طلعت فيو ملكة وستنت عريسا وحبيبا ليجي ليبدو حياتن الزوجية اجا حسام لياخود رولا على بيت اهلا ليطالعا من هنيك متل الاميرات
حسام: دخيل الله عهل جمال
رولا: حسام خجلتني
حسام: اخيرآ ياعمري رح نصير تحت سقف واحد
رولا: اي كم ساعة ومنصير سوا رح امسك ايدك بقوة لاخر العمر
حسام: انزلي حبيبتي نص ساعة وبرجعلك
نزلت رولا من السيارة كان البيت مليان ناس والكل عم يصلي عالنبي كان الكل فرحان برولا وحسام حتى عمار كان مبسوط كتير بس في غصة بقلبو كان لازم هالعرس يكون عرسو هو وفرح الله يرحما بس القدر سرقا منو كانت رولا عم تتصور مع قرايبينا ويباركولا لحتى اجا صوات
صوت زمامير السيارات اجا اميرا لرولا طلعت ام حسام وقرايبين حسام لعند بيت رولا لحتى ينزلو العروس
عليت صوات الاغاني والزمامير اجو ابو رولا و عمار يودعو رولا
ابو عمار: الف مبروك بنتي الله يرضى عليكي
عمار ضما لاختو عمار: الف مبروك حبيبة قلبي الله يوفقك بحياتك
كانت لحظة مابتنتسى كانت لحظة مختلطة بين الحزن والفرح لحظة مابتتعوض
مسك عمار ايد رولا ونزلا لعند حسام كان حسام واقف بنص الشارع والشباب والرجال حواليه وعم رولا وفادي وابو واقغين والنسوان عم ينزلو ورا رولا حط عمار ايد رولا بايد حسام وباركلن وانسحب لعند فادي وابوه وابو حسام
حسام: نورتي يا ملكة قلبي

رولا: منورة بوجودك حبيبي
طلب حسام هو يسوق السيارة طلعو رولا وحسام بسيارة العروس والباقي كل واحد طلع بسيارتو ومنن بالباصات
حسام: شو رأيك نتركن يحتفلو لحالن ونهرب انا وياكي
رولا: لحقانين حبيبي اي المهم طالع حلو كتير حبيبي خليلي هالشبوبية
حسام: هالحلا كلو مشانك حبيبتي
رولا: عيونك عم يلمعو وعم يخبروني انووو
حسام: انو شو
رولا: انو جوعانة
حسام: هههههههه انتي عنجد مو معقوله عقلك بيضل ببطنك
رولا: هلق هيك خلص نزلني بطلت اتجوزك من هلق عم تمنع علي الاكل
حسام: لا دخيلك مجنونة وبتعمليا
رولا: اي مجنونة بس فيك
صفت سيارة العرسان نزلو حسام ورولا كان الكل بانتظارن بلشت الفتاشات حواليهن بكل مكان عم تضوي والورود عم تنزل عليهن متل زخات المطر شي ورود حمر شي بيض والكل عم يصفقولن كانت رولا مبسوطة وفخورة كتير بحبيبا
دخلو حسام ورولا عالصالة والورود لسه عم تنزل عليهن اول مادخلو اشتغلت الاضاءة ملونة وغنية رومانسية لبسو المحابس وطلب حسام يشغلو غنية يلا نعيش الحب جنون ليلى مع قيس المجنون وتداوي قلب الحنون
انتي انتي عمري وحبي وحياتي
يلا نعيش الحب جنون ليلى مع قيس المجنون
وتداوي قلب الحنون
انتي انتي

عمري وحبي وحياتي
انا ياعمري شوفك قبالي
شوفك انا بلزم سكوتي
ياعمري يا احلا مافي الكون
انا بحبك مجنون
حمل رولا وصار يدور فيها
رقصو حسام ورولا رقصة رومانسية بعدا جابو قالب كاتو عبارة عن خمس طوابق كلو بصور حسام ورولا قطعو الكاتو كان عرس خيالي بالنسبة لرولا وحسام ☞ 𝓜𝓿𝓫𝓽𝓪𝓮𝓲𝓭𝓲𝓷 🇸🇾𝓔𝓝 🇸🇾 𝓪𝓵𝓪𝓵𝓪𝓶 ☜
خلص العرس راحو رولا وحسام عالبيت
حسام: كان يوم متعب بس احلا يوم بعمري وحياتي الحمدلله الله جمعنا تحت سقف واحد
فتح حسام باب البيت دخلو كانت الاراضي كلا شموع كملو على غرفة نومن كان مشعول فيا كم شمعة كبار بلون الاحمر ورد مغطي التخت حمل حسام رولا وحطا عالتخت قرب عليها صارت عيونن قراب من بعض انفاسن اختلطت ببعض
حسام: عيونك املي ومستقبلي
رولا: عيونك اماني ومأمني
حسام: مستني هالحظة من زمان
رولا: بحبك
رولا غدرت بحسام وهربت منو وهو حاول يلحقا ليمسكا
رولا:(مديت لسانا) اذا قدرت مسكني ياابو عيون حلوين
حسام: اذا بمسكك رح اكلك وعد وبتشوفي
رولا: ننن مارح تقدر
حسام: خليني روح خبي الكاتو الي عل طاولة
رولا: كاتو وين
بيدخل حسام على غرفة النوم ويعمل حيلة على رولا بيكون حاطط الكاتو بالمطبخ ومكتوب عليه بعشق عيونك الحلوين
رولا: ياروحي انت
حسام: مسكتك
رولا: ولي ياامي غشاش
حط ايديه على خصر رولا وقربا عليه وقلا وين ماتروحي رح امسكك قربا عليه اكتر صارو ملزقين ببعض وطبع بوسه على شفايفا
حسام: شو مابدك نجيب شي ولد على هالحالة مارح يصير عنا ولاد
رولا: امبلا بدي
مسكت ايديه وراحو على غرفتن
بيوم التاني صحيت رولا شافت حسام عم يتأملا
رولا: صباحو حبيبي
حسام: يسعد صباحا لروحي وحبيبتي
رولا:(وهي ععم تفرك عيونا)نمت كتير
حسام: لا عمري لسه الساعة 10
رولا: اي شو رح نعمل هلق انا جوعانة كتير
حسام: ولا يهمك حبيبتي عملت هالحساب وعبيتلك البراد وهلق الفطور عم يستناكي يا اميرتي
رولا: دخيلو الحنون
بعد سنة
الممرضة: مبروك يا جماعة مبروك استاذ على سلامة المدام والبنوتة
عمار: مبروك صهر تربى بعزك ودلالك
الكل بارك لحسام بقيام رولا بالسلامة وبجيت البنوتة الي نورتلن حياتن
حسام: اي حبيبتي شو بدنا نسمي بنوتتنا القمر
رولا: مابعرف عمري متل مابدك
عمار: اذا بتسمحولي انا بدي سميا
حسام: طبعآ
رولا: اكيد اخي فيك تسميا انت
عمار: رح سميا فرح
ام فادي: الله يرضى عليك ياابني عمار والاسم بمحلو
ابو عمار:الله يحميا لفرح الصغيرة
حسام: بنتي فرح حبيبتي خالك سماكي فرح على اسم عمتك
الكل عجبو الاسم وصار اسم بنتن فرح
كبرت فرح وصار عمرا سنة وشهرين
رولا:ليك ليك حبيبي كيف عم تمشي
حسام: اي البي شايف بس مماتطلع لاما بتحب المشاكل
رولا: اي وتطلع وين المشكلة
حسام: لا مافي مشكلة حبي خلي تطلعلك بكلشي لحتى حبا اكتر
فرح: مام بابتاتا
رولا: حكيت دخيل الحكي كيف عم يطلع معك ياروحي فروحتي
حسام: دخيل الله على هالبنوتة هي واما الله يخليلي ياكون
عمار ماقدر يحب او يتزوج من بعد فرح صار شغلو وفرح الصغيرة جزء من حياتو كان يحب فرح الصغيرة كتير
اما مايا هلق عم تدرس طب سنة تانية وفادي خاطب وعرسو عن قريب والاهل دائما مع بعض مجتمعين وذكرى فرح الكبيرة مرافقتن بكل مكان♡
*☆الــنــٓـهــٓـ{ͳḫẻ}ــٓـايــٓـ{end}ــٓة

بداية القصه ☺️💞

قصة جديدة: #تائه_في_حب_الحاضر_والأمس

قراءة ممتعة🌸

#تائه_في_حب_الحاضر_والأمس
#بقلم_ام_السوس
#كاملة_جوا_الصور
لا تحاول أن تعيد حساب الأمس.. وما خسرت فيه.. فالعمر حين تسقط أوراقه لن تعود مرّة أخرى.. ولكن مع كلّ ربيع جديد سوف تنبت أوراق أخرى.. فأنظر إلى تلك الأوراق التي تغطي وجه السماء ودعك مما سقط على الأرض فقد صارت جزءاً منها.

اليوم بكون حفلة خطوبة ابن خالتي واللي هو زين حبيبي..اول شخص قلبي دقلو اول شخص كنت متمني كون حدو العمر كله ظاهرياً رايحه برجليه لتسليم حبيبي لأنسانه فازت فيه..💔😔
.
اليوم اسعد يوم بحياته واتعس يوم بحياتي
ما حدا بيعرف كمية الدموع اللي بكيتها💔😪وباليوم اللي دقت فيه خالتي وعزمتنا على خطوبة ابنها
خالتي بتعرف بمشاعري تجاه ابنها يس سعادة ابنها اهم من اختيارها بالنهاية هاد ابنها...😔

#تائه في حب الحاضر والأمس
#الجزء_الاول

لا تحاول أن تعيد حساب الأمس.. وما خسرت فيه.. فالعمر حين تسقط أوراقه لن تعود مرّة أخرى.. ولكن مع كلّ ربيع جديد سوف تنبت أوراق أخرى.. فأنظر إلى تلك الأوراق التي تغطي وجه السماء ودعك مما سقط على الأرض فقد صارت جزءاً منها.

اليوم بكون حفلة خطوبة ابن خالتي واللي هو زين حبيبي..اول شخص قلبي دقلو اول شخص كنت متمني كون حدو العمر كله ظاهرياً رايحه برجليه لتسليم حبيبي لأنسانه فازت فيه..💔😔
.
اليوم اسعد يوم بحياته واتعس يوم بحياتي
ما حدا بيعرف كمية الدموع اللي بكيتها💔😪وباليوم اللي دقت فيه خالتي وعزمتنا على خطوبة ابنها
خالتي بتعرف بمشاعري تجاه ابنها يس سعادة ابنها اهم من اختيارها بالنهاية هاد ابنها...😔

لبست فستان وردي بزنار الماس من الخصر قصير من قدام وطويل من ورى بشاحط ...
ومكيجتني ماما مكياج خفيف بس بجنن ولابق مع الفستان مع انه ماني بحاجة المكياج
ورفعتلي شعري بطريقة حلوة وطلعت وكأنني انا العاروس...

ماما..ما شاء الله عنك يا وتيني طالعه متل الأميرات يروحي.😍😍.

وتين.رح توقفي ماما رح اقدر وقف قدامه وباركله
💓😪
امها..اكيد يا عمري انتي اقوى من كلشي وهو مو نصيبك والحب الحقيقي لسه ما اجاكي يا روحي

وتين..قلبي عم يوجعني ماما

امها..رح يطيب هالوجع يا روحي..

ابو وتين..شو بنتي الحلوة ليه حزينه

وتين..لا بابا انا طول ما انتو موجودين معي ما حكون حزينه..☺

يمكن تمثيلي اني بخير كان اصعب من الوجع اللي حاسسته خاصة وجعي مخبى بصمتي ..😐
بس لازم حاول كون قويه ما ابين ضعفي تجاه حبيبي الكاسر قلبي...💔

وصلنا عالصاله وانا ماسكه بأيد ماما وبأيد تانيه بابا كنت كأني طفله بعمر الخمس سنين خايفه تضيع من بين ادين اهلها..

اجت خالتي سميرة تستقبلنا (ام زين)
وزوجها ثائر ...

ام وتين...ان شاء الله الف مبروك اختي ام زين عقبال ما تفرحي ب معن و ماسه..

ام زين...حبيبتي يا اختي ويفرحك ب الاميرة وتين..ما شاء الله شو طالعه حلوة يا روح خالتك

وتين..تسلميلي يا خالتي هاد من زوقك..

سلم ابو زين وابو وتين على بعض وقعدو..

اجت ماسه وجرت وتين ليحكو سوى..

ماسه ..انتي زعلانه يا وتين لأنه اخي اختار سيدرا تكون زوجته😔😔

وتين بضحكة وجع😃🖤...هههه وليش لأزعل يا ماسه كلشي قسمه ونصيب ومتل ما زين اختار شريكة حياته وحبه ..رح يجي يوم ويختارلي القدر الانسان الصح لألي انا وزين مو لبعض هوي شايفني طفله وانا رح اعتبرو اخ بما انه ما عندي اخوة...

ماسه ..عنجد عجبتيني يا بنت هيك بدي اياكي تكوني قوية.🖤🙂.

(قوية اااااخ يا ماما ما حد حاسس بوجعي غيرك انتي بس بوعدك اني اتجاوز زين بأي طريقه لو بدي ادعس على قلبي)

اطلعت ب ماما وهي تطمني انه هي معي واني لازم ما اضعف وقررت اكون هيك..
اجا معن (اخوه ل زين ) سلم عليه وابتسملي..

معن...كتير حليانه وتونه..
وتين..حلا عيونك بس لسعتني متل ما انا انت متغير كثير

معن ابتسم..للأحلى ولا ابشع
وتين ابتسمت...لا احلى ولو يا ابن خالتي بس لا تتغير يا معن حتى لو شكلك تغير🙄

معن بأبتسامه ناعمه..مو فهمان عليكي ..🙂
وتين..لا ما قصدي شي عن ازنك..🙂

اعلنو بدخول الخطيبين بالقاعه وانا قلبي ما عم يوقف ابداً هو من الخوف ولا من ضعفي بوجوده قبالي...
💔😪
دخل زين وكان على اخر طراز بالبدلة الرسميه والكرافه الحمرة شعرو الاسود كان يسحرني بلمعته وشدة سواده ولا عيونه الواسعين متل عتم الليل بس اطلع فيهم بضيع ولا بسمارو الخفيف اللي بيسرق قلب اي بنت..
وطولو لحاله هيبة...نظرتي الو هالمرة كانت كلها عتب ولوم شلت عيوني عنو ..😔😔

كان مبسوط وانا اللي قلبي عم يحترق ...

ما قدرت اسيطر على شعور الغيرة اللي جواتي شعور وحدة تسرق حبيبك اللي ما بحبك هههه فيكم تقولو حب من طرف...💔

ركضت للتواليت بحجة بدي زبط مكياجي ...
بكيت بقهري ووجعي😭😭😭 بكيت عالأمل اللي كنت راسمتو بمخليتي انه نكون سوى هالأمل اليوم ضاع ....
بلمسة ايدو بأيدها ولما لبسها المحبس اللي كان لازم من حقي..

التفتت لغسل وشي كان معن واقف قبالي...

وتين..معن؟؟
انتا شو عم تعمل هون ..😪

معن. كنت عم شوفك ليه هالحزن كله بعيونك بتحاولي تخفبه بس ضاهر عاللمعه اللي بعيونك

وتين نزلت راسها..ما فيني شي بس يمكن دخل شي بعيني انتا روح انا هلأ برجع للحفلة

قرب اكتر ومسك ايدها ... حاسس فيكي يا وتين تعرفي ليش؟؟
لان زي ما حبيتي ل زين من طرف واحد انا برضه كنت حب سيدرا من طرف واحد..وشوفي كيف النصيب حتصير مرت اخي ...يعني الوجع حيضل قدام عيوني

كان بعيون معن دموع يمكن اكتر من دموع وتين كان موجوع كتير ..قربت وتين وحضنتو وصارو يبكو لدقايق وعيو على حالهم..

معن..شكراً وتين..
وتين..هه ليش عم تتشكرني
معن ..الموجوع بدو حضن وانتي حضنتيني وخففت من وجعي لهيك شكراً
وتين..اذا هيك معناته الك كمان شكراً

رجعو معن ووتين عالحفلة ..
اجت ماسه وسحبت وتين عالرقص كانت عم ترفض بس امها شجعتها...

كانت طالعه غنية حسام اللباد...
ميلي يا حلوة وزيدي بدلالك
ربي حلاكي وزود جمالك

كانت عيون معن على وتين كيف عندها هالقوة لترقص بحفلة خطوبة حبيبها...😯

زين كان مبسوط انه وتين ما تأثرت بخطوبته من سيدرا وكان عم يوزعلها ابتسامات ..😊

وبعد ما خلصت رقص نزل زين وسيدرا يرقصو وقبل ما تروح وتين ميل راسه بأذنها وقال...شكراً وتين على مشاركتك بفرحتي اليوم...😉

وتين...ولو لا شكر على واجب قمت بواجبي كرمال خالتي لحتى تفرحلي لما لاقي شريك دربي

حكت هيك وراحت وزين كان مصدوم من جوابها
🤨😐

خلصت الحفلة وكل واحد راح على بيته ..

معن...هالبنت ما بتستحق هالوجع خاصة انه اخي زين مو غريب ..

ماسه...معك حق بس هالوجع رح يخلص بحالة وحدة

معن..وشو هي؟؟
ماسه..ترتبط من جديد بس يكون الشخص مشاعرو نفس مشاعرها ...

معن...والله معك حق يا ماسه يلا انا تعبت وبدي روح هلى غرفتي نام تصبحي على خير ام السوس

ماسه..وانتا من اهلو يا غالي..
يا الله يا معن قديش قلبك طيب جرحك كبير وبتواسي غيرك وبدك مين يواسيك الله يجبر بخاطرك..ولا يذوق لأنسان هالشعور 💔😪

عند زين حاول ينام ما عرف صورة وتين قدام عيونه كان عم يفكر فيها بشكل كبير وخاصة انه بيعرف انها بتحبه..🤔

فلاش باك قبل اربع سنين...

وتين. صدقني انا بحبك يا زين ما فيني عيش بدونك لا تسافر

زين مسك كتفها وهزها..لك وتين انتي طفلة لسعتك طفلة وهالحب حب طفولي وقت تكبري رح تعرفي انك ما بتحبيني حب بنت ناضجة حتعرفي انه هالحب طفولي وانك مو وعيانه على كلامك هاد
.رح نرجع نلتقي وتين واذا كان حبك متل ما هو وما تغير رح كون الك انتي..

وتين..وانا ناطرتك يا زين..
تعليق

تائه في حب الحاضر والأمس

الجزء التاني...

لا تمنح قلبك لمن لا يقدّر قربك، ولا تستغرب إذا بحثت عن قلبك ولم تجده وبحثت عن مشاعرك ولم تجدها وبحثت عن أحلامك ولم تجدها واكتشفت أن السارق هو أقرب الناس إليك.

مر اسبوع على خطبة زين وسيدرا ..
اجا معن لبيت خالتو ام وتين ليعزمهم عالغدى طبعاً سيدرا ح تكون موجودة...

ام وتين..رح اعمل شي نشربه اتسلو بالحكي ..

معن..شو كيف صرتي وتونه..

وتين ابتسمت..منيحه كتير
بس انتا كيفك؟

معن..وانا عال العال أغلب وقتي بالمشفى ومن الملل باخد اضافي.. 😃

وتين ضحكت ...الناس بتحب تاخد اجازة يس إنت غريب . يمكن لتنسى وجعك🙂

معن ضحك..يمكن 😐

وتين..كيف فيك تكون قوي من برى وانتا قلبك مكسور😑

معن..سؤالك ذكي ولو حد سألني هالسؤال كنت انزعجت وما جاوبته بس لأنه انتي بنت خالتي وصديقتي وتونه رح جاوبك..
الأنسان معرض للخذلان يا وتين سواء من اخ او حبيب او قريب او صديق ..

اخي لو كان يعرف اني بحبا لسيدرا ما كان كسر البي وصمم عالارتباط فيها بس هوي لحد هاليوم ما بيعرف وما حأسمح انه يعرف لأنه سيدرا ماضي وانطوى ..

ام وتين اجت وجابت القهوة والكيك..🍰☕
بالفعل معن كلامك صحيح يا ابني

معن..خالتي انتي سمعتي
ام وتين..انا بعرف كلشي ..شفت نضراتك والدموع اللي مخبايه حوالين عيونك الحلوين
ان شاء الله ربنا بعوضكم بحب جديد بحياتكم

وتين صارت تبكي..يا ريتني متلك يا معن انا هشة كتير كيف بدي روح واقعد معهم على سفرة وحدة كيف رح اطلع فيها وهي اخذتلي حبيبي 😭

ام وتين..ولا تنسي انه هوي ما حبك يا قلبي لو حبك لو ١ بالميه كان اعطى فرصة انتي نطرتيه ٤ سنين ..

معن..المشكلة الاكبر انه هوي الدكتور نفسه اللي عينوه يدرس دفعة وتين بالجامعه😔

وتين..رح اغير تخصصي😔
معن..حتى ولو رح تضلي تشوفيه بس فيكي تكوني قوية وتتجاوزي كلشي اتعاملي معه ك دكتورك وبس اوعك الماضي يأثر عليكي وتين

وتين...الله يعطيني نص الثقه اللي عندك رح اشرب القهوة وابدل تيابي ونمشي ما هيك ماما

ام وتين..اكيد بنتي أكيد ما زال ابوكي مسافر كمان فينا نروح ونيجي لانه ما بحب الطلعات

معن..النسوان بضلو ينقو لهيك ما بحب يطلع ههههه😃😃

شدته من اذنه ام وتين..هههه كيف كيف ولا انا خالتك بعدين محمد بموت عالارض اللي بمشي عليها ههه 😂😂😂

معن...هههه يخليكم لبعض يا رب..

يمكن هي اول خطوة بخطيها لبست تنوره سودة مع بروتيل احمر ورفعت شعري ونزلت...

معن...واو😎
وتين..حلوة☺
امها..بتجنني كالعادة😍
معن..لك بتشلي يا بنت😍
وتين..تسلمولي كلكم زوق☺

معن..جاهزة
وتين...اكيد

ببيت زين..
زين..شو وين معن ماما
امه..راح يجيب خالتك ووتين..
زين..وليش ليروح هوي ليش ما بعثتي السواق
امه .. صرلو شي ساعتين بعدين احسن هوي يروح
زين...كأنه صار يحب خالتي زيادة عن اللزوم..🤔
امه..وانتا ليش مزعوج...😏
ماسه..ماما وصلت خالتي ومعن
زين..ووتين معهم
ماسه..اكيد 😍

استقبلو وتين وامها وكان سلام زين ل وتين بارد كتير بس ما بينت انها مهتمه...😊🤞🏻

اجت سيدرا وقعدت معهم عالاكل..
سيدرا..كيف وتين 🙂
وتين..انا تمام وإنتي 🙂
سيدرا حطت راسها على كتف زين وقالت طول ما زين موجود معي انا اسعد إنسانه بالعالم😊
وتين ..ايه الله يهنيكم🙂
معن..عن ازنكم انا طالع على غرفتي بدي ارتاح😐
ام زين..بس ما اكلت شي ابني
معن..لا كنت ماكل كيك عند خالتي🍰

ماسه بهمس ل وتين...شكلو زعل من كلام هالمخلوقه رح تصير مرت اخي وماني مهضمها

وتين..شو رايك نروح نشوفه
ماسه..اوك روحي وانا بلحقك
وتين..ماما انا طالعه اقعد مع معن
زين. شو نحنا مو قد المقام انسه وتين

وتين.. بالعكس بس انا قلت خدو راحتكم انتا وخطيبتك🙂😃
سيدرا...ما الزها هالبنت والله انك زوق اذنك معك حبيبتي😍😍

زين عصب من غير سبب..😏😞

اندق باب غرفة معن وقال تفضل..

وتين..ممكن ادخل😃
معن ضحك..انتي بتدخلي بلا اذن 😅
وتين ..ههه ليش يعني😃
معن. امم لأنك رفيقتي😅
وتين..وهي قعده ...شكلك حزين يا معن عنجد انتا مو حلو هيك 😁

معن..هههه بس انا مو حزين بس هيك غصيت شوي عالقدر اللي اختارو ربنا ..الحمد لله عكلشي.

حبيبك يروح لغيرك وحبيبتك تروح لغيرك وانت قاعد وبدك تسايرهم وتضحك عحالك..

نزلت دمعه من وتين..عم حسه بقهرني لهالدرجة انا وانتا ما بننحب..💔💔

معن مسك ايدها ..اصلاً نحنا اللي مننحب تعرفي ليش
وتين..ليش
معن..لأنه قلبنا رغم الوجع اللي فيه ما بتمنى تخرب سعادة غيرو لو عحساب سعادته🙏

وتين..معك حق وانا بحب احكي معك لانه بكلامك هاد بترفعلي ثقتي لحالي ..رح نتجاوز هالشي معن مو هيك

معن..اكيد وتين بس انتي فردي هالخلقة الحلوة

ماسه..خلص انا بفردها خدنا طعمينا بوظه

معن..ماسه انتي شايفه انه الوقت مناسب حبيبتي اقعدي عاقله

وتين..طيب وانا رفيقتك بدها تطلع تاكل بوزة

معن..اذا هيك يلا امشو

ماسه..يا حبيبي لكن بس بدي منك شي بطلبه منك عن طريق وتين ههههههه

نزلو لتحت كانت سيدرا وزين قاعدين بيحكو وام زين وام وتين قاعدات يشربو قهوة..

ام زين..تعو اشربو معنا حبيباتي
ماسه..بدنا نطلع ماما
معن..استنو انابدي اشرب وبنطلع
زين ..على وين ان شاء الله رايحين
ماسه..ناكل بوظة
زين......
معن..في شي يعني
سيدرا..انبسطو مع بعضكم
معن..اكيد خطيبة اخي رح ننبسط
وتين مسكت ايد معن وقالت .. تشاوو

انبسط معن بسرو من مسكة ايد وتين بس هوي بيعرف انها بدها تقهرو ل زين..

طلعو وراحو اكلو بوظه وراحو عالملاهي وتاخرو..

وتين..يييه ماما قلقت علييه لرنلها ..
الوو اي حبيبتي ماما اي ليكنا مروحين . يا الله ما بدي نام ماما منروح لحالنا عادي.

سكرت الخط مع امها وصارت تتأفف..
معن..شو وتونه شبك بوزمتي من دقيقه كنتي مبسوطه
وتين..ماما اتصلت وقال خالتي مصره اننا نضل عندكم لبكرة وانا ما بدي..

ماسه..بلا جد وليش مذايقه رح ننبسط ونسهر بالليل ونحكي حكي بنات..
معن..اذا الشغلة فيها حكي بنات انا جاي اسهر معكم
وتين..ههههههههههههه لو شوفك بعيني ما بصدق انتا مالك بقصص البنات

ماسه..هههه ايه والله كلامك صحيح يقبر قلبي هالمعن كلو ادب واخلاق

معن يضحك..ايه امدحو امدحو فيني كل هاد من ورى مشوار صغير

فاتو وهنن يضحكو ووتين كانت مبسوطه ..

كان من فوق زين عم يراقب ..

ام زين..والله شكلكم مبسوطين..
معن..هدول مجنونات ما خلو مكان الا وراحولو
وتين. فضينا الجيبة دكتور معن ههه
ماسه..خلينا ندلل عليه بكرة بيرتبط متل زين ووبطل يطلع فينا ..
وتين...معن ما حيتغير معن غير
معن..هي البنت اللي بتفهم وتوثق بالناس يلا عن اذنكم انا رايح انام تصبحو على خير

الكل ..وانتا من اهلو..
ماسه روحي على غرفتي رح جيب لزوم السهرة من المطبخ ..
وتين..لا تطولي...

راحت وتين طلعت على غرفة ماسه فجأة زين مسكلها ايدها ..

وتين..زين شوفي شو بدك اترك ايدي..

زين..ماني تاركها لحتى تحكي شو في براسك ليش عم تتقربي من اخي معن ناويه تكسريلو قلبو لأني ما بادلتك الحب

وتين ضربتو كف باليد التانيه...هي لتتعلم وتعرف تحكي مرة تانيه متل الخلق..
انتا مجرد حب انتهى من حياتي من ساعة ما حطيت المحبس بأيدها ..اما معن في فرق كبير بينك وبينه ومو مضطرة خبرك على شو ناويه واطمن ماني متلك بكسر قلوب الناس..

تركته وركضت على غرفة ماسه وضلت تبكي..
ماسه..وتين..شبك ليش عم تبكي
وتين..ما في شي ماسه ما في شي بس مذايقه
ماسه..لا يكون زين حكى معك شي
وتين......
ماسه..رايح افهم منه شو لسه بدو منك
وتين..لا لا ماسه اذا بتحبيني ما تروحي خلص انسي انا كمان ما قصرت فيه
ماسه..امسحي دموعك حبيبتي رح نسهر سهرة بتجنن ونرقص يا ...

سهرو البنات وهنن مبسوطين وتاني يوم وقت الفطور..

وتين..لك ماسه فيقي ليش نايمه بدنا نروح بعد شوي ..

ماسه..صباحو وتونه ..ابقي عنا والله تسليت معك

وتين ..وانا والله تسليت معك بس ما بقدر اضل الايام جايه ودوركم تزورونا...

ماسه...يلا لننزل نفطر ..

زين..صباح الخير وتين
وتين ما ردت
زين..ما بدك تردي زعلتي مني
وتين..مين انتا لحتى ازعل منك
زين..انا اللي لسعته بقلبك مفكرتيني ماني منتبه كيف بتلفتي انتباه معن بدك تنتقمي مني عن طريقه
وتين..فشرت مو انا اللي بعمل هيك شي في فرق من السما عالارض يينك وبينه ..

تجاهلتو وتين وقعدت عالسفرة بعدها نزلت ماسه ومعن ..

معن..خالتي انا بوصلكم على طريقي
ام وتين..الله يرضى عليك يا ابني شو مزوء
زين..وانا مش معبي عينك خالتي ولا شو

ام زين..زين ليش بتحكي مع خالتك هيك
ام وتين..وضح اكتر شو قصدك
زين..قصدي واضح خالتي من يوم رجعتي وإعلامي بأني حبيت سيدرا انتي وبنتك انقلبتو عليه

ام وتين..قومي بنتي ما في داعي نضل اكتر
وتين...لحظة ماما..دكتور زين انتا مانك شاطر الا برمي الحكي يكون بعلمك انا مبسوطة من جواتي بزواجك ورح اثبتلك هالشي عن قريب

زين..اذا هيك انسه وتين ما حأتزوج الا بنفس يوم زواجك لشوف كيف بدك تكوني مبسوطه

وتين..للأسف حرام هالمنصب فيك دكتور بالجامعه انا رح انتقل من الجامعه كلها ولا قابلك كل يوم بوشي مع السلامه خالتي

معن. انتا غلطت كتير يا زين غلطت كتير ..

ماسه...ما بكفي كسرت قلبها اتروك البنت بحالها خلص انتا مرتبط ...

ام زين..لك شو صايرلك زين جنيت شو هالكلام اللي سمعته لخالتك لك هي حتى بعز وجع بنتها اجت واستقبلت خطيبتك معنا وقامت بواجبها..

زين ما رد على حد وطلع من البيت ..

تائه في حب الحاضر والأمس

الجزء الثالث

في درب الحياة الطويل نحتاجُ دوماً لمن يأخذ بيدنا ويُشعِرُنا بالأمان.

مرو اربع شهور وانا وزين كل ما نلتقي بنتخاق كنت كثير ابكي واتسائل بحالي كيف حبيت ؟؟
حتى بالجامعه وقت التدريس كان يعاملني بقسوة غير عن كل البنات وما بقدر اترك الجامعه الا لما انهي السنه هي ...

بالاربع شهور بابا خف مكالماته معنا وهالشي كان يسبب التوتر ل ماما ..

كانت الدنيا شتويه وبيوم اجا عنا زين وسيدرا...
ضيفناهم وقعدنا معهم ..

زين..خالتي انا جاي اعتزر منك عن كل التصرفات اللي اتصرفتها بدون وعي..

ام وتين..ما في داعي تعتزر انتا متل ابني..

سيدرا..وهيك انا قلتلو خالتك متل امك ووتين اختك مو هيك يا حلوة

وتين مصطنعه الابتسامه..اكيد يا عمري انتي زين اخي وانتي مرت اخي شو ايمت رح تفرحونا فيكم مو حاجتكم

زين...والله انا عبالي اليوم قبل بكرة بس بتعرفي في شي شاغلني لهيك ...

وتين فهمت عليه وعرفت انه بيقصد انه ما حيتزوج الا بنفس اليوم اللي حتتزوج فيه..

شوي اجا معن وامه وماسه..

ماسه ووتين عانقو بعض وام وتين وام زين سلمو على بعض

ام زين..انتو هون ما حكيتلي انك جاي على خالتك

زين. ايه لانه ما كانت جيتي حصرياً لهون..

معن..كيفك وتونه

وتين ..مشتاقتلك انتا وماسه قد الدنيا

معن..اذا هيك يلا اعمليلي قهوة من تحت اديكي الناعمين

ام زين...يويلي ما احلاكم..

زين..سيدرا تروحي
سيدرا..ليش والله القعدة حلوة

زين..اذا بدك خليكي انا رايح
سيدرا..لا خلص رايحه معك بالاذن مرت عمي بالاذن خاله ام وتين

ام وتين..الله يوفقكم انتبهو عالطريق....

طلع زين من عند وتين وهو معصب وسايق السيارة بسرعه جنونيه..

سيدرا بخوف...زين شبك ليش بهالسرعه بترجاك زين هدي السرعه شوي...

زين...اسكتي سيدرا اسكتي ..

خافت سيدرا وبقيت ساكته واستغربت من تصرف زين المجنون...

معن..انتي تخطيتي مرحلة الحب بهنيكي

وتين..حب من طرف واحد ما بيكمل ليش لأضل متعلقه بشخص ما في مجال كون بقلبو ..
لهيك انا اللي بدي اختارو ما رح اختارو عن طريق الحب

ماسه..ليش في علاقه بتنجح بدون حب ؟؟

وتين..فيه يا ماسه الأهتمام والحب

معن..الله الله لا بلشت اشك إنك كبرتي يا بنتي

وتين..هههه ايه كبرت كتير كله بفضل دعمك وتشجيعك ومعلوماتك لعلاج القلب

معن...لهيك دعمتك لتصيري دكتورة بعد كم سنه رح تتخرجي وتشوفي حياة الطبيب كيف..

وتين..اذا كانت متل حياتك ف ليش لأ بلكي التقينا بنصفنا الاخر بالمشفى

ضحكو كلهم ومعن كان بيطلع عليها وعيونه فيهم لمعه ..
هوي بحبها وما بيقدر يخبرها
هوي بحبها بس بقلبها حب لأخوه..

بيوم كان المطر قوي ..

وتين...ماما اليوم المطر كتير قوي خايفه..

ام وتين..لا تخافي حبيبتي ما في شي بخوف ان شاء الله بس يتحسن الجو ابوكي رح يجي

وتين...اشتقناله كتير .😪.

فجاة دق الباب..
ام وتين.. يا ترى مين جاي بالجو هاد 🤔.

وتين..ما بعرف ماما رح شوف مين عالباب...🤔

فتحت الباب وكان معن واقف وضهرو للباب...
كان وشه حزين وزعلان كتير 😔😔

وتين..يا هلا بمعن شبك ليش وشك مقلوب هيك

معن...ممكن ادخل
وتين..اكيد تفضل..

ام وتين...معن حبيبي ليش اجيت والطرقات والجو اليوم بخوف ..
معن في شي خالتي

وتين...احكي معن خالتي صرلا شي

معن..عمي ابو وتين توفى اليوم الصبح ..الله يرحمه ويصبركم خاله😔💔

ام وتين انصدمت ووقعت عالارض .
معن ...خالتي 😥

وتين..قومي ماما معن انا زعلت منك ما في غير بابا تفاول عليه هيك😑

معن...ابوكي مات يا وتين مات مو كزب هالحكي اتفضلي اتاكدي...😐😐

كان يرن على صاحبه الدكتور اللي بنفس مكان ابوها...

...الو معن شو صار معك
معن...خبرت عيلتو
...الجثة نا لازم تبقى اكتر من هيك وانا رح اتكفل بجنازتو

وتين صارت تبكي وتصره ما تحملت اللي سمعته ابوها ضهرها وقوتها راح ...

ما في اصعب من فقدان الاب والاصعب يكون بعيد ما تقدرو تودعوه الوداع الأخير..

مرو ثلاث ايام وام زين وماسه ومعن ما تركوهم لحالهم ...

وتين كانت مصدومة الدموع بتنزل بلا صوت قلبها من جوى انكسر ..

ام وتين...معن بترجاك روح شوفها ل وتين هي مانا منيحه

ام زين. روح ابني الله يرضى عنك البنت ما ذاقت شي

معن...طالع شوفها
ماسه..روح معك اخي
معن . لا ما في داعي

طلع معن ودق الباب..
دخل كانت قاعدة وساندة راسها على سريرها ..والدموع ما عم تنشف من عيونها..

قعد ومسك ايدها..
معن..انا بعرف انه الجرح هاد ما حد بيقدر يشيلو لانه الشخص اللي فقدتيه غالي كتير وما ببتعوض بس يا ترى ابوكي رح يكون مبسوط وانتي حزينه وعم تبكي عليه هيك؟؟

بعرف هاد ابوكي اللي كان سندك بس هيك بتعزبيه
ابوكي كان كل يوم يتمنى يشوفك مبسوطه صح..

ابكي وفرغي كل وجعك بس بعد هاليوم ما بدي شوف دموعك..

وتين صارت تبكي بصوت..راح سندي ما ضللي حدا

معن حضنها..انا معك ما حأتركك

وتين..ما في حد رح يبقى معي