شمس: ليش عم تخوفني
ميثاق : لاني بعرف شو عندي كلشي عندهن عادي ممنوع تصافحي اي رجال ولا تقولي هاد سلفي وهاد عم جوزي
شمس : لا ابدا ما برضى هالشي ابدا
ميثاق : وبتسمعي كلمة امي وبس مو تمشيكي عهد ع كيفها
شمس: لشو هيك عم توصيني والله عم تزودها علىى قلبي
ميثاق : شو احكي انا والله غصب عني بدي اتركك
وغمرني وحسيت انو مابقى فيني اتحمل لهيك بلشت ابكي وهو كتير مقهور وفجأة مر شريط ذكرياتي معو من لحظة وصولو لبيت اهلي لليوم هاد الي جمعني فيه تحن سقف واحد وع مخدة وحدة
~

بيوم السفر غاصص قلبي في انقباضات كتيرة عم حس فيها فتحت عيوني لاشوفو غاطط بنوم عميق لساتها الشمس ما سطعت ومع أنو شروق الشمس بعشقو بس اليوم ما حابة تشرق ابدا كيف فيني بكرى اصحى وما اشوفوا واتأملو يا الله شو حلوة نومتو
بقلبي : المشكلة نومو خفيف ولا كنت سرقت منو بوسة لف للصوب التاني وما كان مني الا اخد موبايلو لاتسلى شوي لبينما يصحى والله قربت الساعة ١١ قرأت محادثاتو الأخيرة مع رفقاتو وكلهن عم يجاكرو لانو مسافر وهو عريس وهو فنان بالردود بس انا بعرف انو مارح يقدر ع فراقي والا مبارح ما سالو دموعو قدامي اتزكرت اديشو حساس وحنون وسالو دموعي حاسة هاليوم ابشع يوم بالدنيا رح اشتقلك والله
تركت الموبايل ونقزت من صوت المنبه حتى هو نقز
شمس : لساها بكير
ميثاق : شو مصحيكي انتي
بقلبي : ما نمت
شمس : من شوي اصحيت
ودغري غمرني
ميثاق : ليكون زعلانة
بقلبي : مقهورة
شمس :الله ييسرلك
ميثاق : ما بدي اوصيكي شمس بدي اسافر وانا مرتاح ومطمن مع انو مستحيل ارتاح وانا بعيد عنك
شمس : ضروري السفر
ميثاق : مارح طول بوعدك
شمس : بس ماحلو السفر
ميثاق : ما حلو ومعيشنا شو نعمل لولا الغربة ما منعيش
شمس : بتطول ع الطريق
ميثاق : المسا بوصل ازا الله راد هلا شو مشان الي وصيتك فيه
شمس : اطمن حبيبي لا تشيل همي
ميثاق : لاول مرة بسافر وبترك قطعة مني هون
شمس : ميثاق لا تزودها ع قلبي بترجاك
ميثاق : شو الله بلاني انا انتي خربطي كل إعدادات حيآتي
شمس : ما رح تطول صح
ميثاق : اتوكلي على الله
حسيت انو ما لازم ابعد عنو وانو اليوم هو رح يظلمني بسفرو كنت عم استنشق بعمق من ريحتو
الساعة تمانية كان فاتح الشنته وعم يرمي لتياب فيها بدون ترتيب
شمس : لشو هيك
ميثاق : مالي خلق ع شي
رتبتهن قطعة قطعة حتى لجرابات رتبتهن
ميثاق : شمس بدي من عندك بلوزة
شمس : شو بدك فيها
ميثاق : شو بدك انتي هاتي حيلا بلوزة
شمس : لشو هيك
ميثاق : خلص شو بدك انتي
فتح لخزانة واختار بلوزة سودة نص كم
رتبها وحطها بين تيابو وسكر الشنته
ميثاق : الحقيني بالمنشفه
~~~~
وببيت ابو مروان الكل موجود
ام محمد : اتأخر
ام مروان : حكيت معو جاي ع الطريق
شوي وسمعو صوت سيارة اجى مع مروان ونسرين وشمس طبعا الاجواء حزينة كتيره فاتو للمضافة وسلمو ع الكل
ام مروان : عهد يلا جيبي لفطور
افطروا كلهن وبعدها اجى عمو عبد وابو يوسف وولاد عمو اضطرت شمس تبعد عنو وشوي وصلو رفقاتو الي رح يسافر معهن
~~~~
بالمطبخ كنت مقهورة كتير حاسة الجو كئيب كتير
عهد : ليش مطموزة
محمود: وين القهوة شمس خانم
شمس : هلا وقت القهوة
محمود : شو اول مرة بسافر حدا يعني
شمس : كم فنجان
محمود : ساوي ١٢
شمس : ....
كانو ايديي مربطين ومو عارفة أجهز شي وبس شفت ميثاق انبسطت وازعلت بنفس الوقت
ميثاق : يلا مامعي وقت
بقلبي : وبلا القهوة....لك بلا السفر كلو
شمس :تكه وبتجهز

فاتت حماتي ودغري غمرها
ميثاق : رضاكي يا امي
ام مروان : الله يرضى عليك
ميثاق : ادعيلي امانة
غصيت كتير من هالكلمة
ام مروان : حاجتك والله لا تبكيني
ميثاق : بربك قولي الله يهون عليي
وصارت مرت عمي تبكي
ميثاق : لك ما دعتلي تعي ستي ادعيلي بكون احسن
ام محمد : يا عمري الله ينور دربك ويهون عليك
رجع غمر امو ليراضيها
مسحت دموعي بدون ما يشوفني
وبس اجى عمو عبد اتعكر كل مزاجي جهزت القهوة واخدها محمود وما اقدرت اقعد عاقلة رحت لبرى وطليت من الشباك لاشوفها عمرانه شباب لهيك فقدت الامل اودعو فتت للغرفة حماتي عم تمسح دموعها وعهد عم تفرقع بالعكلة وتقلب بمحطات التلفزيون
ام محمد لا تبكي قدامو حرام عليكي
ام مروان : يلعن ابو الغربة
ام محمد : طلعتو صعبة لانو عريس
عهد : بيرتاح من نق ونكد شمس
كنت بعالم تاني واقفة عند الباب وخايفة يحكو يلا اجى وقت السفر بس مافي مفر طلع محمود من المضافة وقلبي وقع من الخوف
محمود : ماما ميثاق بيحكيلك بدك شي
ودغري طلعت لبرى هي وستي وقفت عند الباب كان في شباب كتير طالعين من البوابة وشفتو عم يغمر ستي ويبوسها وهلا غمر حماتي وهو عم يضحك

ميثاق : امانه لا تزعلي لا تبكي
ام مروان غصب عني يا روحي
ميثاق : ارضي عليي اي
ام مروان : الله يرضى عليك يا عمري الله ييسرلك ويبعد عنك ولاد الحرام
واول ما اتطلع فيني انقهرت واجى دغري لعندي ما كان بدي اودعو يمكن لو غمرتو مستحيل اتركو بسهولة
ميثاق : بدك شي حبيبتي
سالو دموعي غصب عني وغمرتو كنت بدي اتخبى فيه مابدي يتكرني هو كلشي بالنسبه الي
ميثاق : متل ما وصيتك شمس
شمس :لا تطول
ميثاق : ما بطول ديري بالك ع حالك

ما كان بدي اتركو بس صوت الشباب من برى عم يندهولو لهيك دغري مسحلي دموعي وباسني
ميثاق : بخاطرك
شمس : الله معك
وحسيت قلبي طلع من مطرحو دقات كتيرة بتخوف لانو طلع شبه ركض وانهرت من البكي ومن جنب البوابه طليت لاشوفو ركب بالسيارة وهلا حركوا وفتت لجوى مالي مكان ابكي فيه الا المطبخ سكرت الباب وقعدت بالارض وما اقدرت اوقف ولا شوي كنت عم ابكي بشكل هستري هيك السفر صعب يارب رجعلي اياه بالسلامة يارب
~~~~
كمان قلبو عم يرجف جواتو مشاعر بتشبه فراق الموت استرخى اكتر واتكتف واتأمل الطريق
علي : ميثاق اتأكدت من جوازك
ميثاق : كلشي معي
علي : وصلت سيارتك
ميثاق : بالاردن صارت
علي : ليك عم حاكيك لتنسى
ميثاق : ....
احمد : نام ميثاق
ميثاق : نام انت شو بدك فيني
احمد : علي حطلك اغنيه عن الفراق وهيك
علي : هههه لعيونك لعيون العريس الي مفارق عروستو
طبعا ما اهتم ابدا

صارو يغنو بصوت عالي ( هل ودعو وقالو نرجع بعد يومين يومينهم طالو هل القمر شهرين )
وهو ع نفس الوضع عم يتزكر اللحظات الاولى الي عرفتو عليها بيتزكر وقت اجى من السفر ليتجوز وكيف فجأة اتعلق فيها تعلق غير طبيعي وصلو لحدود وختمو الجوزات وكملو سفرتهن سلمو السيارة لمكتب الشحن وكانو متفقين مع شوفير ليوصلهن للمطار ساعات من القعدة الطويلة بالسيارة ميثاق بالمقعد الخلفي لياخد راحتو بالصفنات والزكريات ومافي الا الدخان يخفف عنو نتفه من قهرو وصعوبة هاليوم عليه مو مسدء يوصل ليشتري موبايل ويحكي مع شمس مكسور خاطرو وكانوا ترك بنتو لصغيرة قطعة من جوات قلبو وبعد ما اقلعت الطيارة بلش يخف الشعور الي جواتو وبس وصل وهبطت الطيارة ارتاح كتير استقبلو ابوه بالمطار وانطلقوا للسكن واول كلمة
ميثاق : بابا طمن العيلة
ابو مروان : صورتك دغري
ميثاق : المهم يعرفو اني وصلت
وبعد ما وصلو واتعشى ع الماشي لقمتين اخد جزدانو ونزل دغري ليشتري موبايل ساعة وكان عم بكتب لشمس
ميثاق : كيفك يا قلب ميثاق
وطبعا ماردت وهو ما بدو يرجع الا ليحكي معها مكالمة طويلة
~~~~
كنت مقهورة كتير من محمود
شمس : بربك تعطيني الموبايل
محمود : بربك بس دك ببجي
شمس : هلا ميثاق بيبعتلي
محمود :لك ما هو بعتلك كيفك يا قلبو
سحبتو منو غص"ب وحماتي مبتسمة لشقاوة ابنها
ام مروان : عنجد كاتبلا قلبي
محمود : لا يا قلب ميثاق
قهرني كتير بس ما همني إلا ارد عليه
شمس : الحمد الله ع سلامتك
ميثاق : الله يسلمك
ودغري اتصل لهيك انسحبت للمطبخ بعز دين البرد
سكرت الباب لاحكي معو
ميثاق : طولتي عليي
شمس : لحتى اعطاني الموبايل محمود
ميثاق : امسحي الببجي
شمس : اليوم بمسحها كيفك انت
ميثاق: التعن نفسي هيك منيح
شمس : سلامتك منيحة سفرتك
ميثاق : منيحة انتي منيحة يا روحي
شمس : اي منيحة
ميثاق : انا مشتقلك والله ما اشبعت منك
شمس : اتعشيت
ميثاق : اتسممت
شمس : لا تحكي هيك
ميثاق : اليوم كان احقر يوم بحياتي
شمس : اي بشع كتير ميثاق لشو هالتجمع قبل السفر
ميثاق : شو نعمل يعني طيب وينك انتي
شمس : بالمطبخ
ميثاق : برد عليكي
شمس : لا مافي برد
ميثاق : منكمل مراسلة يلا ع الغرفة دغري
شمس :طيب متل مابدك
فصلت وكتير متجمدة مو شوي ارجعت للغرفة غير شكل الدفا
ام مروان : كيفو
شمس : بسلم عليكن
محمود :قلب ميثاق عم توصلك الرسالة
عهد : ليش مو عينو
ام مروان : لا تردي عليهن
شمس :مابرد قلب جنى هون لانو
وكتير انقهر محمود
محمود : بس قلب ميثاق غير
عهد : ههههه
شمس : بدي امسح الببجي
محمود : امسحيها بس انا ما بوصلك ل البيت ولا ع بيت اهلك
شمس : ييي مين طالب منك
محمود : بكرى بتشوفي الا ما تعتازيني
ام مروان : لا تمسحيها بيتسلى
شمس : وبلكي ضل يقرا محادثتي مع ميثاق
محمود : ولو بغمض عين وبفتح عين
شمس : بلا شو
محمود: لك قلبك عم يبعتلك
انقهرت منو كتير بس رديت ع ميثاق
شمس : محمود بهددني مابدو امسح اللعبة
ميثاق : حليها بينك وبينو
شمس : مابدو يوصلني للبيت
ميثاق : قلتلك خدي كل تيابك
شمس : مافي مكان احطهن
ميثاق : مو مشكلة ما بيسترجي ازا ما رضي اتصلي فيني دغري

شمس : ماشي
ميثاق : انا كتير تعبان من السفر
شمس : سلامتك
ميثاق : ازا ما نمت منحكي
شمس : ماشي
سكرت معو وحاسة بالوحدة بدونو
ام مروان : انا رايحة انام وانت لا تطول بالسهرة
محمود : لا مابطول
طبعا مسترخي ع الدفا
كنت عم اتسلى اتفرج ع الصور وبالتحديد صورة ميثاق الي بعتها عمي من شوي
واستغربت وقت عهد شغلت سيكارة
محمود : عبالك شمس
شمس : لا يوه مابدي
محمود : انتي الخسرانة
عهد :لك خدي والله بكيتي كتير اليوم
محمود : خدي
شمس : بس ميثاق بيزعل
محمود : شو مفكريتنا ولاد لنحكيلو
عهد : شغلي شغلي طيبة
شغلتها وبلشت اسحب عليها
شمس :...
هوينا الغرفة قبل النوم راح للمضافة ينام ونحن سكرنا الغرفة اخدت حرام ونمت ع الفرشة بس عهد ما نامت
نطرتو كتير ماكان يبعت لهيك حطيت راسي ونمت كنت دايخة من تعبي ونعسي وعيوني لسى عم يحرقوني من البكي
~~~
بالسكن أبوه ما فيه يخليه يرتاح
وحتى علي نايم عندهن
ابو مروان : ميثاق حاجتك نوم
مارد رغم انو صحي
علي : صباح الخير عمي
ابو مروان : صباح النور صحيه بدي اجيب فطور
ودغري اتجلس
ميثاق : مارح اداوم طمنلي بالك
ابو مروان : لكن بتيجي للسوق عاوزك هنيك
ميثاق : مابدي اطلع من السكن ريح بالك
ابو مروان : سامع علي انت هيك بترد على ابوك جواب
علي : ههههه والله ما بسترجي دغري بيعمل اللازم
ابو مروان : يلا قوم حاجتك نوم
ما رد عليه ودغري مسك الموبايل
علي : صبحت مشتاق
ميثاق : قلتلي ابوك بيعمل اللازم
علي : هههه
ميثاق: اليوم لاطقلك برغي عند ابوك
علي : هههه بمزح والله
ميثاق : وانا بدي اعلمك تمزح معي
علي : هلا احكيلي كيف اقدرت تسافر
ميثاق : شوف علي شعراتي لسى على راسي
علي: ههه اي ما نتفت شعرك بس قلبك كان رح يطلع من صدرك
ميثاق بقهر : ما الك بقلبي انت
علي : يا عمري كيف اتمسكت فيك
ميثاق : احسن ما اللعب عليها
علي: والله لاتجوز عليها
ميثاق : اتجوز بس مو كليوم تحاكي غيرها
علي : انت شريف اتركنا نحن بلا شرف
ميثاق : اقنعتني
علي : يلا قوم هلا ابوك بيعملك طيارة وفي احتمال يحممك
ميثاق : علي هاد سكن الي خلفني وفيك تنقلع لسكنك
علي : انا نمت عندك خفت تموت ع غياب الحب
ميثاق : ما متت
علي : اسمع اسمع
كان عم يدور ع الاغنية وميثاق باهتمام مستني وهو عارف انو شغلة مجاكرة
(ليلي شلون ليلي شلون يمر بدونك)
ابتسم ميثاق وما همو
ميثاق : ما بتأثر بالاغاني هي
علي : اخ يا نوال انت
ميثاق : ههههه
بعتلا : صباح الخير يا قلبي
وبعت لمحمود : كيفك ولاه
محمود: الحمد لله على السلامه
ميثاق : الله يسلمك شو وين العيلة
محمود : قول وين مرتي وخلص
ميثاق : بلا اكل هوى
محمود : عليها دور المطبخ وتعال اسمع صوت الخبط والضرب
ميثاق : شو يعني ما افهمت
محمود : عم تعسف المطبخ
ميثاق : بشهر واحد تعسيف
محمود : والله مابعرف
ميثاق : طيب سلم
وما عجبو ابدا
اتزكر الهوى البارد المي لمتلجة بالخزان واكيد ما رح تشتغل بمي دافيه وانقهر
ميثاق : من اولها تعسيف
~~
كانت عهد ماسكة خرطوم المي وعم ترش ع كيفها وانا مهمتي الليف وافرك الوسخ وتيابي من فوق لتحت كلا مي
ام مروان : ما خلصتو
عهد : لا مطولين لسى الحمامات
شمس : عهد والله حممتيني والمي باردة
عهد : بكسب فيكي اجر مشان تتحممي
ام مروان : يلا خلصو لاوصي محمود ع فلافل
عهد : هلا شمس بتخلص بتعمل فطور
ام مروان : للمغرب ما بترتبوه
عهد : روحي انتي بدي اعرف اتآمر على شمس
نظفي عندك
شمس : بنظف بس بعدي المي عني اتجمدت
بجية ستي وانصعقت
ام محمد : شو بتعملو
عهد : منعسف
ام محمد : لك المجانين بكوانين ما بتعسف
ام مروان : المطبخ بدو تعسيف
ام محمد : وبلكي شمس حامل كيف بتشغليها انت وبنتك اه
ام مروان بخوف : والله مابعرف حامل انتي
شمس : لا مرت عمي
ام محمد : خافي الله يا مراة متجمدة المخلوقة شوفي كيف مصفرة اتركي من ايدك والله لافتح خط واخبر ميثاق
ام مروان : شمس اتركي وروحي بدلي تيابك بسرعة
عهد : لا يااااا بدك اكملو لحالي
شمس : حطي المي هون
ام محمد : شفت العجب عندكن يا ويلكن تكون حامل ويصير عليها شي
طبعا للبعد الظهر ما خلصنا اتحممت بمي دافيه واللبست بالحمام حتى الشالة وغسلت تيابي واطلعت نشرتهن ع الاسطوح وانزلت لعند الصوبيا ارجف رجف من بردي
ام محمد : يعطيكي العافية
شمس : الله يعافيكي ستي
ام محمد : والله برد ع التعسيف
شمس : عادي خلصنا
محمود : جوزك صرعني ردي عليه
شمس : هلا بحكي معو
فتحت وشفت رسائل كتيرة
شمس : اهلين
ميثاق : شو من اولها محاربيتني
شمس : كيفك
ميثاق : خلصتي
شمس : اي خلصنا
ميثاق : كيف الجو
شمس : حلو

ميثاق : افطرتي
شمس : اي
ميثاق : ليكون اتعبتي
بقلبي : متت شو اتعبت
شمس : لا عادي مافي تعب
ميثاق : ع الزمة مين الي بدو يعسف اكيد عهد
شمس : لا المطبخ بدو هيك
ميثاق : بس لارجع لافجرو دفي حالك
شمس : اي عند الصوبيا
ميثاق : انا مع رفقاتي بحكي معك بس ارجع
بقلبي : كتر خيرك ما انت سافرت معهن معقول مشتاقلهن
شمس : ماشي
ميثاق : سلام
شمس : الله معك
والاحسن تكون مرت عمي وعهد لابسات وحتى ستي جاهزة
وعد : خدوني معكن
ام مروان : لا عيب شو مروحك
محمود : ومشان الغدا
ام مروان : دبرو حالكن نحن معزومين
ضليت انا ووعد عن الشاشة
كنت تعبانة وهلكانة اخدت حرام واتغطيت عند الصوبيا ومالقيت الا الاستديو اتسلى فيه لاشوف رحلات ومغامرات ميثاق
~

وبالسوق عم يتفتلو لتلات
احمد : اي

- النص المستخرج من الصورة: 📝
۱:۱۹ ص
احمد : اي ميثاق ما اشتقت
ميثاق : ليش مهتمین کتیر
my
K/1
احمد : نحن مشائك اسأل علي متجوز وهون ما فارقة معو
ميثاق : الشوق شي والحيونة شي تاني
علي : شو قصدك انت
ميثاق : قصدي ازا اشتقت بصبر ما صبرت بسافر
علي : ليش انا شو عامل
ميثاق : لا ولاشي ماعامل شي
احمد : فهمو انو التواصل عادي
علي
: انا بتواصل لاتجوز مو لحتى اتسلى
ميثاق : من يوم يومك بلا شرف قصدي شريف
علي : انا من عشر سنين متجوز وبدون ولاد لو انت بتصبر
ميثاق : اي اتجوز
علي : ما حدا عم يعطيني كل ما حكيت بشي وحدة بيتدخلو
بيت حماي وبتفركش
ميثاق : خدلك وحدة من هون
علي : بدي اياها سورية
ميثاق : احمد اعطيه اختك
احمد : اختك ابدا
میثاق: انا ما بعطيه لاسباب شخصية ولا علي وردة
علي : بربك ميثاق والله بحطها بعيوني
ميثاق : سكرلي تمك وماعنا بنات للجواز
علي : انا حكيي مع ابوك
ميثاق : يا ويلك يا علي تحكي لبابا شي مارح اوافق عم تفهم
احمد : لك رأيو متل قلتو اتشجع واحكي معو
ميثاق : ايه منشوف رأيي شو ممكن يعمل
علي : طيب دبرلي عروس
ميثاق : اي خلص بس مو هلا
احمد : ههههه صاير ام زكي ميثاق
ميثاق : هههه لاشتريلي مثل شنته ام زكي
احمد تخیل

- النص المستخرج من الصورة: 📝
۱:۱۹ ص
K/s
..
بقلبو : ازا اتجوز عهد معناها ابتليت والله بلاني
أعجبني. اضغط ضغطًا مزدوجًا مع الاستمرار للتفاعل.

القسم التاسع عشر
شمس الغرام ♪
بقلمي مايا الحجازي}
اجى الليل والجو كئيب لدرجة اجو بعد المغرب كلهن ونادت عهد وعد وراحت لتشوف شو بدها
ام مروان : شو ساويتي غدا
شمس : ما اعرفت شو بدي اعمل
ام مروان : يلا هلا محمود بجيب اكل جاهز
عهد : لشو الاكل تفتح معلبات
شمس : لا مابدي اصلا ماني جوعانة ازا مشاني
ودغري شغلت الشاشة وعلى قناة اغاني
ام مروان : بشوفك قعدتي مابدك ترتبي اغراض المطبخ
عهد : ليش ما ضبتهن حضرتها ساعدتها بالشطف
ام مروان : لحالها كتار عليها
عهد : محمود يساعدها انا لو شو ما صار ما برتب الاغراض بعدين ترتبهن لانو من اليوم مابقى الي علاقة بالمطبخ وكرم اخلاق مني انو عسفت معها
ام مروان : ليش شو علاقتها بتعسيفو
عهد : اي امبلا بس جوزها قد اللوح كان يجيبها تتز*هرم وتن*قلع
ام مروان: خلص بقى
عهد : لا ما خلص وكلشي ساواه فصول ناقصة لطالع الفرق بمرتو
ام مروان : لا تردي عليها انا هون
عهد : هههه انتي موني ع حالك بعدين حاكيني وبرد عليكي
بجية محمود
ام مروان : محمود برضاي عليك ساعد شمس بترتيب اغراض المطبخ
محمود : هو ناقص تعطوني دور بالمطبخ يعني مفكريني مطول هون انا رايح بكرى تاركلك البيت الك ولكنتك وبنتك
ام مروان : انا برتبو
ما هان عليي فيها الحقتها للمطبخ وعهد ما حركت ساكن وعلت للصوت كمان
محمود : خلصو وساوو شاي السهرة عندي
شمس : مرت عمي اتركي انا برتبو
ام مروان : كتار هدول
شمس : عادي بتسلى
ام مروان : خليني اساعدك
شمس : لا خلص انا برتبو
وبلشت عملية نقل الاغراض من الصالون لارض المطبخ ووعد اجت تسليني
وعد : شمس ايمتى بدك تزوري اهلك
شمس : مابعرف
وعد : انتي مبسوطة عنا
وغصيت كتير
شمس : اي
وعد : بس ما حلو البيت بدون ميثاق
وكتير انقهرت لانو ضعت بدونو كتير
شمس : اي ما حلو
وعد : سافري لعندو
شمس : مابعرف والله
وساعة لحتى خلصت ترتيب واطلعت للرف مشان ارتب الاغراض العالية وما سدءت ايمتى خلصت لاني اتجمدت من بردي وارجعت للغرفة وشوي اجى محمود
محمود : وين الشاي
شمس : انسيت والله
محمود : خلصيني يلا
ام مروان : روحي عهد مرت اخوكي تعبانة
عهد : روحي انتي شو ناقصك
شمس : انا بساويه
محمود : بس تجهزية دغري جيبيه
نفخت كل نفسي
اتزكرت كلام ميثاق حكالي ردي ع امي مو على عهد وهون عهد بتمشي كلمتها ع امها وابوها بس لازم ميثاق يعرف انو عهد عم تتقاوى عليي بغيابو.
بعد ما جهزت الشاي رحت دقيت باب المضافة واخدو مني والا اتسمع ع الشباب
حمودة : واخيرا بدنا نشرب شاي
عبودة: هههه كم كف اكلت لك محمود
محمود : واحد متلك بينضرب كف
حسونة : الله دمعة دمعة مخلصين كل السكر على الابريق
محمود : أدوق...اي والله حلو زيادة
حمودة : غير شكل هاد الشاي الطيب

ارجعت للغرفة ارتاح واشوف ميثاق
ميثاق : وينك يا انسة
بقلبي : ومعصب
شمس : اهلين
ميثاق : اقنعيني انو مو بايدك الموبايل
شمس : كتت بالمطبخ
ميثاق : يحرق اختو لهالمطبخ طيب خدي البطيخ معك
شمس : انا بدي انام
ميثاق : قولي انقلع من المرة
سالو دموعي لانو مو عارفة ارد عليه ارضيه ولا ارضي اهلو
شمس : لا ما تحكي هيك بس والله اتعبت اليوم
ميثاق: يعطيكي العافية
شمس : الله يعافيك
ميثاق : تصبحي على خير
وانقهرت لانو بدي اشكيلو وما اقدرت اخدت لحرام وبعبايتي اتمددت وغطيت حالي
وبلشت ابكي من قلة حيلتي
~~~~
وكان عندو أساليب تحقيق تانية بعت ل محمود
ميثاق: شو عامل
محمود : اهلين كونان
ميثاق: بلا قل"ة ادبك مين عندك
محمود : رفقاتي
ميثاق : طيب وين العيلة
محمود : مع الشباب سهرانين
ميثاق : يا ويلي ازا بوصلك
محمود : هههه شو بدك تعرف
ميثاق : وين شمس
محمود : ساوت الشاي واكيد بالغرفة
ميثاق : روح للغرفة شوفلي شو عم تعمل
دغري وقف وراح للغرفة وطل فيها ليشوف شمس نايمة
محمود : هي نايمة بلا عشى
ام مروان : يييي كيف هيك
عهد : عمرها ما اتس"ممت
محمود : ليش خليتوها تنام
ام مروان : والله راح عن بالي
بعتلو : نايمة
ميثاق : طيب ماشي سلم
وانقهر كتير ميثاق
ميثاق : بصير خير بالكل
ابو مروان : كافيك دخان
ميثاق : اخر سيكارة
ابو مروان : هاد تاني باكيت صدرك بيتعب
ميثاق : خايف اموت يعني
ابو مروان : لك حرام ارحم نفسك
ميثاق: ...
ابو مروان : مو ع اساس خففت
ميثاق : بتف*جر ازا ما بشرب انا هيك مرتاح ازا انت مزعوج احكيلي بروح لغرفة تانية
ابو مروان ؛ شو صاير عليك
ميثاق : موجه عليك الله اتركني بحالي
ابو مروان : ....
ونزل للبقالة يجيب دخان .
~~~

اصحيت على صوت ضجة بالبيت ودغري اللبست ع راسي الظاهر عمهن عبد هون والي طمني انو عهد لساها نايمة بس ضليت مزعوجة شو جابو عند الصبح شوي وفاتت حماتي

ام مروان : صاحية
شمس : اي مرت عمي
ام مروان : ساوي فطور بسرعة
شمس : حاضر
بس ما رديت بعتت لميثاق
شمس : صباح الخير كيفك حبيبي انا حابة ازور اهلي
وشوي اتصل وكانو عم يركض
ميثاق : اهلين حبيبتي
شمس : اهلين فيك شو بتعمل
ميثاق: انا بالنادي شوفي
شمس : بعتلك شوفي
ميثاق : روحي لبيت اهلك ايمتى مابدك
شمس : يعني عادي على بكير
ميثاق : اللبسي لقلك
وارتحت كتير الظاهر انو مخبر محمود لانو عم يدق الباب فتحتلو
محمود : خلصيني انا برى
ام مروان : لوين
محمود : ميثاق حكالي وصلها لبيت اهلها
وحسيت ما عجبها ابدا
بس ما رديت عليهن اللبست وجهزت حالي وكان محمود يستناني برى ومع*صب اركبت وراه ع الموتور
محمود : ترى على عيوني التوصيلة مو تفكريني مبسوط
بس ما اهتميت المهم اروح لبيت اهلي هنيك انبسط عمر بشوفة محمود والا يخليه ينزل وانا فتت للبيت وراحة نفسية الجية لعندهن كانو عم يجهزو لفطور وميتة من جوعي وبلشت انقرش فلافل
نور : هههه جاية ميتة جوع
شمس : لساتني ع فطور مبارح
نور : يوه معقول ع هالحكي رح تنحفي عشرة كيلو وبس يجي جوزك بيحملك بايد وحدة
شمس : لييجي بكون متت قهر
وبلشت اشكيلا كلشي بقلبي
نور : منيح اتطلقت بتعرفي ماني ندمانة
شمس : بس ميثاق منيح دغري حكالي روحي وين مابدك
نور : هو حنون جوزك بس عندو شغلات ما منيحة
شمس : متل شو
نور : عينو زايغة ونسونجي
شمس : فشرتي
نور : والله بحب يلفت البنات
شمس : كيف
نور : شو كيف ياما شايفيتو يتزبط قدام البنات
شمس :....
ما عجبني ابدا واطلعت لبرى والاحسن محمود وعمر لساهن على كركرة وضحك
شمس : محمود من شوي كنت معصب
محمود: ما بحب توصيل النسوان فيها شي عمر
عمر : حقو الزلمة ومعو حق حتى انا بكره هالشغلة
شمس : بصير اروح مشي
عمر : ههههه تخيلي بلكي اقص رقبتك
محمود : اي هيك ها لو مرت اخي بس بدها رص
عمر : لا تخاف انا بعجبك مربيهن
محمود: علمني يا زلمة
شمس : هههه
محمود : سامع بتضحك
عمر : فوتي لجوى وليه
فتت لجوى المهم ارتحت من بيت حمايي
~~~~
وعهد كانت بقمة العصبية وهي تجهز الفطور
عهد : شو كنتك مو هينة شكلت فرار صباحاً
ام مروان : انا مو زعلانة تفل بس مو تتصل بميثاق يتصل بمحمود يعني عم تحطنا تحت الامر الواقع
عهد : لسى ما شفتي شي ازا هالسنة حكالك رضاكي يا امي السنه الجاي رح يحكي رضاكي يا شمس
ام مروان : مستحيل
عهد : امي عامليتلو عمل والله بحياتي ما شفت هيك لك والله اهلها مو حنونين عليها شاطرو عند اقل شغلة يأخدها من أيدها وبالبيت اكيد يحكيلا ريحتك من الشغل ابنك متل النسوان بيعرف يكيد
ام مروان : والعمل
عهد : لازم تنزلي قرارات ميثاق بينقهر ازا سمع انك بكيانه لهيك اتصلي واحكيلو كل اسبوعين الها زيارة يوم لاهلها لانو ع هالحالة رح تنعم الطريق شوفي محمود راح مارجع الله يستر ما يلزقو فيه نور
ام مروان: لا يوه غير جنى ما بياخد
عهد : امي عندهن اسلوب ما شفتي ابنك كيف كانو خلقان بيناتهن لك والله كانو من مية سنه بيعرف هالعيلة
ام مروان : انت بلاقي حل لهالشغلة واليوم هربت مرة تانية يا ويلها
~
وعند ميثاق بعد ما رجع من النادي وعمل دوش كان عم يلبس بلوزة رمادية نص كم
ابو مروان : وين يا مهون ع الشغل
رش عطر خلصها ع حالو
ميثاق : ازا حزرت الك مية دينار
ابو مروان : ههههه قول وفعل
ميثاق : هلا بعطيك بس المهم تحزر
ابو مروان : لعند فاضل
ميثاق : فرحان فيه لانو لا لعند عمي
ابو مروان : لعند ابو عمر
ميثاق : اي
ابو مروان : ازا صحلي بمر يمكن
ميثاق : بابا شو شكلو لابو عمر
ابو مروان : يوووه زمان ما شفتو بس شخصية مابعرف ازا لساتو متل ما هو
ميثاق : وصيني
ابو مروان : للتنتين ما بتوصل زحمة الطريق
ميثاق : بخاطرك
كان شيك ع الاخير لبس نظارات عن الشمس وركب بالسيارة وانطلق للسوق الي بيشتغل فيه عمو وقبل يوصل للسوق اتصل فيه
ميثاق : السلام عليكم
ابو عمر : وعليكم السلام مين
ميثاق : معقول ما تعرفني
ابو عمر: ما عبالي حدا
ميثاق : الك عندي حصة بس مابعرف ازا كبيرة ولا صغيرة
ابو عمر : هههه اهلين والله
ميثاق : انا بأول السوق وين صاير المحل الي بتشتغل فيه
ابو عمر : كمل لجوى انا عند الكاشير
طبعا لتنين لاول مرة بيشوفو بعض بس ميثاق انصدم اكتر لانو ما توقعو شخصية وشبوبية هيك مو مبين عليه العمر
سلمو على بعض
ابو عمر : نورتني والله حقك عليي بس اليوم لحتى ادريت من مرت عمك انك هون
ميثاق : فضولي قتلني لاتعرف عليك
ابو عمر : اهلا وسهلا اتفضل شمس اليوم عنا
ميثاق : اي اتصلت خبرتني
ابو عمر: وكيفها معك
ميثاق : وردة
ابو عمر : ههه بس كأنك مدللها كتير

ميثاق : معقول ما ادللها
ابو عمر : كيف كانت سفرتك
ميثاق : الحمد لله الله يسرها
ابو عمر : بس ما طولت
ميثاق : عندي التزامات وانا أسأل حالي مابدو يزورنا عمي
ابو عمر : ما انت بتعرف الوضع زواج شمس ووراها نور واعياد وشفت شو صار مع نور
ميثاق : كلو خير بس انا عندي اعتراض
ابو عمر : شو هو
ميثاق : هيك ما بصير مبين من جيل اصهرتك
ليغرق ابو عمر بضحكتو
ابو عمر : الله يسعدك
ميثاق : مافي الله يسعدك بدي اجوزك على زوقي
ابو عمر : هههه والله بدها
ميثاق : مشان تشجعني
ابو عمر : لاااا شو اشجعك انا بناتي خط احمر
ميثاق : ما ناوي تفرح ب عمر
ابو عمر : أن شاء الله بس بدك تحضر الفرح
ميثاق : اكيد ولو معقول ما احضر
ابو عمر : وكيف شغلك وامورك
ميثاق : الحمد لله كلو تمام
ابو عمر : بس غريب حدا بيترك سوق وشغل ريح وبيشتغل بمطعم
ميثاق : المهم راحة بالي
ابو عمر : هالكبار بيدققو .
ميثاق : فوق ما بتتخيل
ابو عمر : الله يخليلك اياه الاب ما بيتثمن
ميثاق : اي والله
طبعا حديث يجر حديث وكانو من سنين بيعرفو بعض
~~
وقت اعرفت انو بزيارة بابا استغربت من اولها رايح يتعرف عليه طيب ليش ما خبرني
وكنا عم نتغدا وهالاكل كرمالي عملو محاشي وما خلوني ادقر شي كنت ضيفة عن حق وحقيق وهي اول زيارة وهيك اتدللت والمسا عمر جاب شيبس وفستق وبزر وعملنا شاي واسترجعت كل ذكرياتي القديمة وما حبيت اسهر قلت برجع على بكير لانو ميثاق اليوم رح يستفقدلي
شمس : شو رأيك توصلني
خالتي : خليكي يوه صرتي جاية ورح تسهري عنا
نور : كيف كان يومك مبارح
شمس : يا ويلي بتحب لمجاكرة
نور: ههه حدا بعسف مطبخ بالبرد لك والله ايديي دوبني اغسلهن
خالتي : شو بدها تعمل حماتها وطلبت
شمس : لا عهد بتكون حماتي
نور : اصلا بتغار منك
خالتي : المهم تكسبي رضا بيت حماكي
نور : لا تردي عليها اكسبي رضا حالك لا جوزك ولا بطيخ
عمر : انتي لا تدخلي
شمس : لا تتخانقو ولو
خالد : نامي عنا
ماري : اي ياريت
شمس : لو خبرت ميثاق فيها ومافيها
عمر : اتصلي فيه يعني ببيت حماكي شوفي الك لترجعي
خالتي : لا يوه صارت منهن وفيهن
شمس : اي
نور : بس ما بيمنع تنام عنا
شمس : ما شاورت ميثاق لغير مرة اكيد
عمر : طاوعيني خليكي عنا
خالتي : لا تضغطو عليها اتركوها كمان ما ناقصنا تبلش مشاكلها مع جوزها
شمس : بدك توصلني ولا اتصل ب محمود
عمر : بوصلك ومنو بدي اجاكر فيه كتير مو شوي
جهزت حالي واطلعنا والا يودعوني كلهن ع اساس شي شغلة انا وارجعت للبيت مع عمر وبقي هو ومحمود برى والحمد لله مافي حدا ببيت حمايي شلحت الشال الشتوي ومسيت عليهن بس حسيتهن مو طايقيني ابدا
عهد : غابت وجابت
ام مروان : فكرنا رح تنامي هنيك
عهد : وارتحنا منك
شمس : ليش كنت كابسة على نفسك
عهد : وصايرة تردي جواب
شمس : جاوبتك على قد سؤالك
ام مروان : شو قويانة اليوم شو صاير معك
شمس : بس هي بلشت
ام مروان : ونحن مدللينها ومبسوطين فيها وانت اتدللي ع اهلك علينا ما فيكي تدللي
قعدت والتزمت الصمت لابعتلو احسن شي
شمس : انا هلا ارجعت للبيت كيفك
ام مروان : لا تخلو الصوبيا شاعلة طفوها
عهد : طفيها نحن بدنا انام
ووعد كانت نايمة ومحمود سكر باب البيت واكيد بدو ينام بالمضافة وحماتي راحت ل غرفتها شلحت العباي واللبست بلوزة شتوية و اتمددت واتغطيت بس خليت تيابي بجنبي لاي طارئ
وحاولت انام او ارتاح شوي ويمكن عهد فكرتني نمت وانصدمت وقت اسمعت صوتها الناعم الانثوي طلع
عهد : يا عمري انت....وانا والله اشتقتلك....كنت استنى ينامو العيلة....اي هلا لصرت لحالي ....لا نايمين ....انت طمني عنك يا قلبي....جد ....وين لمحتني.....هههه وانا شفتك ما يبلى العسلي
والله . . اوعك حدا يدرى.... بس عماد بيعرف....اي حكالي لا كتير ارتحت هلا كنت على أعصابي وهو هون.....ليش ما سلمت عليه اي هو ببين هيك من بعيد..... لهدرجة حابب تتعرف عليه.....اكيد الايام جاية ...احزر شو.... اشتقتلك...
ضليت مصدومة كل الليل ما اجاني نوم مين هاد يا ترى وكيف فيها تحكي معو وفري
ودغري خطرلي انو ما اقدرت ابوح لمحمد عن حبي الو ومع البعد الي عايشة فيها انقهرت كتير اكيد الزواج عن حب احلى بكتير...نيالك يا عهد بتحبي وما هامك حدا الا انا محكومة وضعيفة شخصية ولا شو كان بيمنعني لابادر لو بابتسامة صغيرة....يا ترى وين صارت أراضيه
~
فات للسكن الساعة ١١ لساها بكير كتير عندو بس عند شمس مبين مو بكير بدل تيابو واخد وضعية النوم ليشوف رسالتها بس مسكرة من زمان هالشي اكدلو انها نايمة ومرتاحة ودغري حط راسو ونام من تعبو بكرى عندو دوام

~
الصبح اصحيت على صوت ضحك ومزح من ستي وحماتي وعهد نايمة ووعد بالمدرسة اطلعت صبحت عليهن ودغري غسلت وجهي لاشوف الجلي مكوم بس مارح اجليه ماني مجبورة ابدا مبارح قضيت يومي ببيت اهلي وما الي علاقة بهالكيد كلو جهزت القهوة الهن وفتت لاجهز الفطور حطيت من كل الاكل وارجعت شاركتهن القعدة
ام محمد : اي شمس لتكوني حامل
شمس : مابعرف
ام مروان : كيف قلتي لا مو حامل
شمس: كيف بدي اكون حامل
طبعا شرحولي كتير شغلات
شمس : ازا هيك لسى مو مبين
ام محمد : انا قلبي حاسس انها حامل
ام مروان : الله كريم ان شاء الله تكون حامل ناطف قلبي ليصير عند ميثاق ولاد
ام محمد : ان شاء الله يكون صبي
ام مروان : الي بيجي من الله يا محلاه
وبعدها صحيت عهد وهلا اكتشفت اديشها مدللة غسلت ودغري التحشت بحضن امها وعم تدلل عليها كتير كانو حماتي معودة ولادها على الدلال لانو بالمثل محمود صحي وبعد عهد عن امو وحضنها وحط راسو بحضنها
ام محمد : كيف نازعة لولاد بدلالك الهن
محمود : بتغار ستي ها
ام محمد : فشرت بنص عينك من شو بدي اغار
محمود : ولادك ماهيك بحبوكي
ام محمد : انا ميثاق حصتي
عهد : هههه راحت عليكي لكن
ام محمد : اخرسو عم تجاكروني
محمود : مابدنا نفطر
ام مروان : امبلا يلا
دغري رحت لأكمل تجهيز الفطور والتمينا ع السفرة وكان ببالي ما اجلي الا جليات الفطور وبالفعل هيك عملت خليت الجلي لمكوم من مبارح ع جنب وبعدها عهد انطلق لسانها بس ما خفت منها
عهد : مو ناوية تجليهن
شمس : شو علاقتي هي اكلة حلو انتي عامليتها واكليتها وانا شو علاقتي ايديي ما حاسة فيهن متشققين وما قادرة اللمس عليهن اي شي خشن
عهد : ليش ما كنتي تجلي عند اهلك
شمس : ولو كنت أجلي ما كنا نبيتو ويعلق الاكل فيه وينشف وما علاقتي فيه
عهد : هيك لكن
وبلشت تك*سر فيهن تركتها بجنانها واطلعت وحماتي وستي فزعو ع صوت التك*سير
ام محمد : يك*سر ايديكي اي
عهد : لا والله يك*سر ايدينها هي عم تجاكرني كنتك
ام مروان : وانتي ليش مكومة الجلي مبارح ما كانت هون
عهد : ما كانت هون وبدها تشتغل بكيفي
شمس : لا حبيبتي بكيفك ما بشتغل وع شو بدي اخاف ولاد ماعندي لاقول هاشي مني ومن ولادي
عهد : سامعة امنه
ام مروان : ليش كسرتيهن
عهد : وبدي اكسر راسها كمان
وبجية مروان ونسرين والصوت لآخر الدنيا
مروان : لك شوصاير لشو هيك
ام محمد : اختك عم تتقاوى على شمس وبدها تشغلها بالزور
مروان : وبعدين معك انتي اتركيها بحالها
عهد : انت التهي بمرتك وما دخلك فينا
مروان : عيب عليكي بلا خليني اسال كل البلد عم يتخانقو ع جلي وشطف
عهد : احكي هالحكي لغيري ازا جلت كاسة شو رح يصير عليها
شمس : شوف ايديي عمي والله ما قادرة عم يوجعوني كل الوقت
ام محمد : وخلتها تعسف المطبخ بعز دين البرد بجوز من الله
عهد : ترى انا بنت ابنك وهي غريبة يا من"افقة
ام محمد : انا لهون ما بقى اجي
وعلقو مع ستي الي زعلت وصارو يراضوها
وانجن مروان وكان بدو يضربها بس دغري صارت تبكي والبيت بلي فيه اتفرطشو وبدني متزلزل من الي صار ومستحيل اتحمل هالعيشة هون ابدا كان رجعني لبيت اهلي اريحلي
~~~~
بعد الساعة عشرة خلص من النادي وبطريقو للمطعم نشيط ومتحمس والا يتصل ب شمس يصبح عليها
ميثاق : صباح الخير
شمس : صباح النور
ميثاق : كيفك
شمس : الحمد لله بخير كيفك انت
ميثاق :لو تعرفي شو مشتقلك منيحة انتي
شمس : اي الحمد لله
ميثاق : بس صوتك ما عاجبني صاير شي
شمس : لا
ميثاق : ازا ما حكيتي محمود بيحكيلي كلشي
شمس : ازاا هيك أسأل محمود
ميثاق : شو مشاريعك اليوم
شمس : ولاشي
ميثاق : طيب برجع بحكي معك لاني سايق السيارة
شمس : بسلامة
ودغري اتصل ب محمود
ميثاق : كيفك
محمود : اهلين والله
ميثاق : شو الاخبار طمني
محمود : غير شكل
ميثاق: انت جبت شمس مبارح
محمود : لا جابها عمر
ميثاق : شو صاير بالبيت
محمود : ماصاير شي ليش شمس خبرتك
ميثاق : لا ما خبرتني شي بس صوتها ما عجبني وحتى انت صاير شي لحدا
محمود : لا ابدا والأجواء غير شكل عنا مروان ونسرين والظاهر في شي لانو ما بيجو بدون سبب وعهد ساوت القهوة
ميثاق : طمنتني والله فكرت متخانقين لانو بعرف سوالف النسوان على جلي وشطف
محمود : ميثاق لا تحط ببالك اشتغل واهتم بشغلك انت قلتها ما بيخلصو وازا ضليت تسال رح تشتت افكارك وانت قدام الفرن وازا صرلك شي ماحدا بينفعك لا اخت ولا حتى مراة
ميثاق : قولتك
محمود : وازا بدك ترتاح لا بقى تسال شوفي مافي وازا ما حابب سكنت شمس عنا ابعتها لاهلها هيك بيرتاح بالك ع الاخير
ميثاق : لا لشو ابعتها انا ما ناقصني حكي
محمود : متل ما قلتلك دير بالك ع حالك النسوان بيبكو بيفضو عن بالهن بس انت ازا حصرت بقلبك رح تنجلط صحتك بالدنيا

وخفف اسئلة خدها نصيحة من اخوك لصغير
ميثاق : هههه والله ما عم نصرف عليك للجامعة بلا فائدة مشالله صاير دكتور
محمود : هههه شو افهم من كلامك
ميثاق : انا اليوم مداوم وانت بتعرف الداوم
محمود : وطمن بالك هي شمس طلعت لبرى تشاركهن القعدة
ميثاق : ماشي سلملي ع العيلة كلها
محمود : الله يسلمك يارب
سكر وحط كلام محمود ببالو انو ما صاير على النسوان شي ابدا لهيك أخدها طناش ومابقى بدو يشيل هم شمس ابدا
~~~~
اجت نهال شاركتنا القعدة وعلى مزح وضحك هي ونسرين وعهد لساتها محاربيتني وما تحكي معي ابدا مع انو جو جديد عليي بس كنت حاسة انو غير مرغوب فيني وببالي مكالمتها مبارح الله يكون بعون المبتلي
والمسا فتت مع حماتي للمطبخ نجهز غدا بطاطا بالصينية مع سلطة
ام مروان : اتعلمتي كيف بتنطبخ
شمس : اي
ام مروان : من اليوم ورايح انتي استلمي المطبخ وباقي الشغل على عهد منيح هيك
شمس : حاضر مرت عمي
ام مروان : لا تزعلي منها هي قلبها طيب كتير
شمس : ...
ام مروان : بعدين انا وقت طلبتك لابني عاهدت حالي تكوني متل بنتي اتقربو من بعض لشو هالمجاكرة.
شمس : متل مابدك مرت عمي
وطلعت عهد ما بتتغدا حيلا فضلت تنقرش سنيكرز وتشرب عصير طبيعي اجى الليل والليل طويل كتير حماتي عم تحكي مع عمي وانا ناطرة يفتح الي مسكر من الظهر وكل شوي اقاوم النعس بس اخر شي نمت وريحت حالي
~~~
ويوم الجمعة كان مزدحم عنا غسيل ونشر وطبخ جاب محمود فروج وحماتي علمتني على طبخ المقلوبة وبعد ما نوصت للاكل لقيت سلة الغسيل مليانة وناطريتني
عهد : انا غسلت انتي انشري لانو مواعدة تغريد بدنا نتشمى هون بالحارة
شمس : وين يعني
عهد : قدام البيت بس خلصتي تعي
طالعت السلة ع الاسطوح ولمحتهن عم يتمشن وعلى ضحك ولاحظت هالشب ع الموتور رايح جاي وهلا استوعبت انو الحب حبيب عهد شخصيا خلصت نشر وانزلت اتمشى معهن
كانن مشنكلات بعض وعهد مبينة كتير كيوت ورايحة تطير من الفرحة وهلا رجع نفس الشب وانصدمت فيه كان شخصية بيجنن ومبتسم لعهد وبعد ما اتعدانا ضربو كفوف بعض هي وتغريد وبس اجى محمود خافو
محمود : شو عم تقيسي الطريق انتي وياها وانتي انسة شمس بلا عليكي ميثاق بيعرف انك عم تتمختري بالشوارع
شمس : لا
محمود : فوتن اتق"برن لجوى يلا
طبعا هني فرطانات ضحك بس انا حسيتها وقعت الشغلة براسي وما لقيت حالي الا بترجى محمود وهو عم يطالع الموتور
شمس : بدك تخبر ميثاق
محمود : لا بدي ارد عليكي وما اخبرو
شمس : سدءني عهد حكتلي تعالي معنا
محمود : خلص ما بخبرو بس انتي عارفة انو غلط تطلعي بدون علم جوزك
شمس : اي والله غلط خلص مابقى اطلع ابدا
محمود : بسيطة هالمرة سماح يلا فوتي
ارتحت كتير وبالغرفة ضحكهن هستيري والمي ماشية من تحت حماتي ومو دريانة
بلشت احس بوجع بظهري وخواصري وما اخدت ولا اعطيت وكل شوي يزيد الوجع
والاضرب تكون حماتي تحكي مع عمي وتشهق
ام مروان : مشفى....كيف ما اخاف....ليكون انتكس....شو صاير مع ابني
وصار قلبي بسرعة يدق وصغرت الدنيا بعيوني
ام مروان : يا احمد طمني عليه احترق كيف احترق
صارت تبكي حماتي
حماتي : ايمتى....وينو هوو....يعني طفيف الحرق اكيد احمد....خليه يحاكيني بترجاك....طيب ابعتلي صورة بدي اطمن عليه
كلنا واقفين عند حماتي
محمود : شو صاير ليش عم تبكي
ام مروان: ميثاق محترقة ايدو اليمين
عهد : كيف
ام مروان : ماحكالي كيف
وشوي صورلنا اياه عمي وهني عم يضمدولو ايدو وكتير انقهرت عليه
عهد : اول مرة بصير معو هيك
محمود : المهم انو بخير
ام مروان : مبين موجوع
عهد : هو الواحد بيتجوز وبيضل بخيرو نازلة نق نق عليه عمت على قلبو مو بس على عيونو
وهلا استوعبت انها تاهميتني
ام مروان : انتي عم توصليلو كلشي عم يصير هون
شمس : شو بدي اوصل
عهد : لا بس من حالو بيعرف شو بصير بالبيت وكل شاردة وواردة
ام مروان : يا ويلك ويصير ع ابني شي بسببك
بقلبي : كمان انا خايفة ع جوزي يا الله كيف صار معو هيك ليش ما حكى معي
~
بطريقهن للسكن
ابو مروان : خف الوجع
ميثاق : لسى عم تحرقني
ابو مروان : كيف صار هيك
ميثاق : ما استوعبت الا والنار شاعلة لبرى
ابو مروان : طبعا اخد عقلك البلد والي فيها
ميثاق : شو علاقة البلد والي فيها نصيبي واكلتو
ابو مروان : خود امك بدها تطمن عليك
كان عم يحكي معها ومقهور كتير
ميثاق : منيح والله....
ام مروان: يعني مو غميق الحرق
ميثاق : لا عادي حرق بسيط...
ام مروان ايدك كلا
ميثاق : كفة ايدي بس..
ام مروان : بس الضمادة لفوق معصمك
ميثاق : قلتلك بسيطة
ام مروان : وليش هيك صاير معك اه فيني افهم اشمعنا اول مرة بتحترق

ميثاق : نصيبي واكلتو ولا بقى تسألوني الي فيني مكفيني
ام مروان : موجوع يعليي
ميثاق : ماما قلبي الي واجعني منكن ومن حكيكن
ام مروان : لا ترد ع الحكي شمس عايشة ومبسوطة
ميثاق : سكري الله معك
فصل الخط وعصب
ميثاق : بدي افهم شو علاقة شمس اه
ابو مروان : امبلا منها كل شاردة وواردة بتكون عندك
ميثاق : ...
مابقى رد ابدا لانو مقهور كتير
وصلو للسكن ودغري ريح حالو ومهموم لابعد الحدود
~
كانو عيوني يحرقوني على اد ما ابكيت
اتزكرت بهدلة حماتي
ام مروان : حلي عنو شو بدك فيه ماحدا اتجوز الا انتي....ما عاجبك روحي لبيت اهلك وهلا زادو دموعي لانو فيني وجع ما بينحمل
ام مروان : شبكي
شمس : ...
ما رديت عليها كنت عم موت من وجعي شي فوق طاقتي حطيت ايدي على بطني وضغطت ليخف الوجع
ام مروان : شبكي ما تردي
شمس : موجوعة
ام مروان : يعني عليكي شي
ودغري محمود طلع من الغرفة لهيك

رميت حالي على جنب
وشديت على بطني
ام مروان ؛ اسم الله عليكي شبكي
شمس : موجوعة كتير وجع ما بينحمل
ام مروان : يعني عليكي شي
شمس : كأنو هيك
ام مروان : محمود... محمود اتصل بمروان بسرعة.

القسم العشرون
شمس الغرام ♪
{بقلمي مايا الحجازي}.
بالزور لحتى اوقف واللبست العباءة
عهد : شبكي من شو موجوعة
شمس : مابعرف
عهد : عين وصا"بتك انتي وميثاق
بقلبي : من الك*يد والغي*رة الي عم تمارسيهن ضد"ي ما اقدرت اطلع الا لحتى حكو اجى مروان امشيت شوي شوي من وجعي وما خلتني حماتي اطلع بدون الشال واستغربت انو جاية نسرين مع مروان كنت بقمة الاحراج ما متعودة ع هيك شي ابدا
مروان : لوين دخلك
نسرين : الدكتورة سما كتير شاطرة
طول الطريق دموعي يسيلو من وجعي واتزكرت انو ميثاق انح"رق واكيد هلا هو نايم وايدو ايمين يعني مارح يقدر يعمل شي
وانتبهت للحديث
ام مروان : لا شو تخبروه الي فيه مكفيه
نسرين : بس حرام لازم يعرف
ام مروان : ان شاء الله مايكون في شي خط"ير
وصلنا وساعدتني نسرين وفتنا دغري للعيادة على معرفة نسرين وبعد ما كتبت اسمي ومواليدي حكتلي اتسطحي على السرير وبلشت تفحصني
ام مروان : طمني دكتورة
الدكتورة : في كيس حمل
نسرين : بس هي كتير موجوعة
الدكتورة : مبين معي انو في دm ومهددة بالاسقاط
وهون حماتي انقهرت كتير
ام مروان : مبين معك اديش صارلها حامل
الدكتورة : شهر ونص ع الاغلب
ام مروان : كيف بتحكيلي ما بتعرفي
شمس : ما كنت بعرف
ام مروان : دكتورة في احتمال يستمر الحمل
الدكتورة : اي بس بدها راحة كل الوقت ورح اكتبلا ع ابر تثبيت ازا الحمل قوي رح تستمر اما ازا ضعيف خلال كم يوم بينزل لحالو
نسرين : طيب شو ممكن يكون سبب الاسقاط ازا صار
الدكتورة : ع الاغلب تعب او صاير عندها الحمل باخر ايام التلقيح
انزلت ورتبت حالي ولسى الوجع عم يزيد وحماتي مقه*ورة قhر من الي صاير واطلعنا مع مروان
مروان : شو طمنو
نسرين : طلعت حامل بس يمكن ما يكمل
ام مروان : رح يكمل ان شاء الله هلا بتفوتي ودغري بتتسطحي وبترتاحي
مروان : سلامتك
شمس : الله يسلمك
وبالفعل ارجعنا وما خلتني ادقر شي فرشتلي عهد واتسطحت واجت نهال تطمن عني وتضر*بني الإبرة
نسرين : انا بقول بلا الابرة
نهال : لا منيحة ازا الحمل قوي رح يستمر وازا ضعيف بتنزل
شمس : مابدي ابرة
ام مروان : شو رايك نهال
نهال : ما بتضر لا تخافي
شمس : مابدي بشرب حبوب
نهال : لا لحبوب مو منيحة الك اول حمل لانو
عهد : ليش هي حامل
ام مروان : اي
عهد :....
نسرين : راح الوجع شمس
شمس : لا
نهال : بدون د*م
شمس : مابعرف
ام مروان : كيف ما بتعرفي
غمضت لاني مقهورة ومابدي اي حدا عندي بس كمان مافيني اكون لحالي
نسرين : خليها تعطيكي الابرة
ما رديت ع حدا وفتحو سيرة الحمل والولادة وكم مرة منزلات وكانو سباق حمل وتنزيل وما سدءت ايمتى راحت نهال ونسرين واتصلت ب رؤى لاحكي معها لانو الوجع عم يزيد
رؤى : اهلين شموس
شمس : كيفك
رؤى : انتي كيفك
شمس : الحمدلله كيف لولاد
رؤى : بخير شبو صوتك حبيبتي
شمس : كتير موجوعة
حكيتها وبلشت ابكي
رؤى : شبك شمس من شو موجوعة
شمس : كنت عند الدكتورة واطلعت حامل بس يمكن ما يكمل
رؤى : سلامتك حبيبتي وهلا كيف صرتي
شمس : موجوعة وعم يجيني د*م بس خفيف
رؤى : لكن بدك تنزلي
شمس : انا ما هاممني بس الو*جع ما بينحمل
رؤى : بدك تتحملي او قلك اعملي شي سخن قرفا او زهورات بيخفف عنك
شمس : ان شاء الله
رؤى : شوي وبتصل فيكي ريحي حالك اي
شمس : اي ماشي
وكل شوي تيجي حماتي تطمن وعهد مو على بعضها ووعد ما فهمانة شي بس بعدها ما بقى اتحملت الوجع لهيك بلشت ابكي وان بصوت مسموع
ام مروان : شو شمس ما اتحسنتي
شمس : كتير موجوعة معاد فيني
ام مروان : الله يصلحك ليش ما خبرتي انو ممكن تكوني حامل
شمس : اخ يا امي
عهد : اشربي دوا
وعد : شبها شمس
ام مروان : اتسطحي ليش متكورة هيك
شمس : ماني قدرانة
والوجع ما راح من اول ساعة اتصلت فيني رؤى ورديت غص*ب عني
رؤى : شو صار معك
شمس : الوجع ما بينحمل
رؤى : اتحملي اول ما يروح الوجع بتكوني نزلتي
شمس : الله يسمع منك المهم يروح الوجع
اتصل ميثاق وما خلتني حماتي ارد عليه لاني عم ابكي وموجوعة لهيك طلعت ترد عليه
ام مروان : اهلين حبيبتي كيف صرت انت اي انتبه ع حالك اي شمس نايمة والله مابعرف كيف يعني ليش بتنام بكير بتكون نعسانة...طيب ماشي الله معك حبيبي
~~~~
وكالعادة اتصل ب محمود وخبرو انها نايمة وكتير انق*هر منها
ميثاق : من الصبح ناطرك تتتصلي وتطمني عني واخر شي بتنامي ولا كأني مض*روب ع قلبي بس انا بفرجيكي يا شمس مولدنة كتير ومشاكلها مع اهلي عم تعا"قبني عليها احلمي ارد عليكي
ابو مروان ؛ ليش ما اجى علي
ميثاق : ...
ابو مروان: ليش مع*صب
ميثاق : ...
ابو مروان : طيب اتعشى الاكل سخن
ميثاق : فيك تتركني بحالي

ابو مروان : لساك بلا اكل وعلى شرب دخان بيجوز هيك
ميثاق : بدك تقنعني خايف اموت ولا خايف تخسر البنك المركزي
ابو مروان : تسطفل
راح طفى كل الغرفة وبقي ع العتم من قه*رو وغيضو من شمس
ميثاق: انا حبيتها بس هي ما حبتني اتعلقت فيها كتير وهي مستكترة عليي سؤال او حتى اتصال وبدها تقنعني ما في ببالها حدا تاني شو عليه يا شمس اعملي وكتري
~~
كنت ندمانة ع كلشي صار معي ياريتني ما اتجوزت كنت هلا سهرانة مع نور على شي مسلسل وعم نضحك ونمزح عيلة بش"عين همهن الاكل والشرب انان*يين مكي*ودين وفوق كلشي صرت انا الي بخبر ابنهن كل شاردة وواردة وابنهن كتير غلبة وشك*اك عندو الثقة بالناس معدومة وعاملي فيها الناضج وهو عقلو ما بيقلي بيضا هي مربية اولادها ع الح*قارة وقل*ة الادب وك"سر الخواطر تض*رب منها لولادها ليش تركني هون ازا بيعرف انو اهلو كل*اب ووس*خين
ام مروان : شمس شو صار معك
شمس : راح الوجع
ام مروان : يعني اجهضتي
شمس : اي بعد ما نزلت ارتحت كتير
ام مروان : بس رح اخبر ميثاق انك ما داريتي حالك
شمس : خبريه شو مابدك
ام مروان : ولا هامك
شمس : اتركوني بحالي
ام مروان : بكرى ليحكي حسابك عندو انا بفرجيكي
شمس : اريح بتوفري عليي
ام مروان : وجق*رة كمان وبتردي جواب
طلعت وسكرت وليلتها من قهري ما نمت
كنت حتى كرهانة ميثاق يض*رب منو لاهلو
« ~
والصبح اتلقى اول اتصال من امو
ميثاق : اهلين ماما
ام مروان : ما نمت من قه*ري عليك
ميثاق : طمني بالك منيح انا
ام مروان : ميثاق بدي اشكيلك من شمس
ميثاق: شبها
طبعا قلبو مليان منها لانو ما اهتمت لوجعو
ام مروان : بترد جواب وبتكبر بالكلام
ميثاق : عنجد بتحكي
ام مروان : والله ومبارح بس قلتلا بدي اخبر ميثاق بتحكيلي بالناقص
ميثاق : هي منطلق لسانها
ام مروان : فوق ما بتتصور بس حاكيها حكي لا تع*صب عليها
ميثاق : انا بعرف اتصرف معها
ام مروان :...
اطمنت كتير امو بس هو ما استنى يتصل وترد عليه مابدو يفتح باب للتواصل ابدا
بعتلا فويس: اسمعيني شمس الحالة الي عايشة فيها وعم تمثلي دور المظ*لومة ما بتمشي معي بدك تعتذري من امي ومية مرة حكيتلك امي مقد*سة امي ممنوع تطاولي عليها هلا بتعتذري منها بدي اتصل فيها وتكوني معتذرة عم تفهمي ويا ويلك ما يصير الي حكيتلك اياه
كان عم يحكي بلهجة عص*بية وابوه ما فهمان شو القصة
~~~~
اصحيت على اشعار من موبايلو اصلا ما عاجبني شي منو اسمعت الصوت وانص*عقت
شمس : كمان الحق عليي ......
ما رديت عليه ابدا ولا يمكن اعتذر ع شي ما عملتو طنشتو ف*شر ارد عليه
ضليت مريحة حالي وكنت متمنيه اتطلق واخلص منهن كلهن
~~~~
بالمطبخ عهد وامها
عهد : شو صار
ام مروان : حكيت معو بدو يبه"دلها
عهد : ههههه اي هيك بدها وعايشة دور المريضة كمان
ام مروان : بس انا رح اخبرو انها ما دارت حالها
عهد : لا احكيلو انو صابتها حرارة ونزلت
ام مروان : وبلكي خبرتو عن الشغل
عهد : لك خبرتو من اسبوع بتكون هي بتحب تمثل دور المظلومة
وبس فاتت شمس للمطبخ سكتو وما عجبهن
عهد : اتمددي منيح بفرشتك جهزتلك فطور ملكي ما دقتيه عند اهلك
طبعا ما اهتمت شمس ابدا فاتت للحمام ورجعت للغرفة
~~~~
يوم كامل من الانتظار او على الاقل ترد عليه لو برسالة ما حصل وهالشي منعو ياكل او يروق والي متاكد منو انو شمس مولدنة لابعد الحدود
~~~
المسا اجو سهرة علينا اهلي خالتي ورؤى وعمر ومعهن فواكه واستقبلناهن بالغرفة عند الصوبيا وبالزور لفات عمر لجوى لعنا لانو بيخجل كتير من النسوان
ام مروان : اهلا وسهلا نورتو
خالتي : اهلين فيكي
رؤى : صرتي منيحة شمس
شمس : الحمد الله
رؤى : الحمد لله على سلامتك
شمس : الله يسلمكن
طبعا عهد قدمت واجب الضيافة واستغربت مشاركتها وحديثها قدام عمر اديشها جريئة وقوية وعمر الي كان ما يشارك الا مع محمود بس هي مندمجة مع الكل
~~~~
والعاشق على البحر مع الشلة ورغم أن ايدو مض*مدة ايدو التانية ماسك فيها السيكارة وما كان يخلص كل شوي يشغلو احمد وحدة
علي : انت مصدقو
احمد : هو يحكيلنا شوفي
علي : ميثاق اي خبرني بهدلتك المراة
وضحكو ضحكة عالية بس ميثاق عايش الدور وكل شوي يراقب موبايلو الي بجنبو لانو قاعد ع درجات
احمد : ليكون تفت عليك
ميثاق : واحد متلك هيك بصير معو
علي : وانت عزابي كنت عين الله عليك مبسوط وعطول نيجي اهون زعلانين وانت تهزر وتقلبنا مسخرة
احمد : ليكون حكتلك انقل*'ع
ميثاق : فش"رت واحد متلك هيك بينحكالو

احمد : طيب مو كنا نحكيلك السبب احكيلنا
ميثاق : ما بحكي لولاد صغار انا هربت من بابا الحقتوني ليش
احمد : هههههه والله عمو احمد احسن منك
علي : يا ميثاق احكيلنا والله بطق ازا ما اعرفت
احمد : شغلو حبيبة قلبو لشوف
شغلو غنية تهددني تحب ثاني واندمج ميثاق اتزكر وقت راحو يجيبو ذهب وكان مسيطر هديك الايام هلا هي مسيطرة عليه ما قادر يشيلها من بالو
علي : والله عشقان لشوشتو لك بتعرف انو حكالي مستحيل يتم الزواج وانو مارح يطول بالبلد ويومين بيتصل يعزمني ع العرس
احمد : هههه شاف شي مختلف
علي : واسمعتلك من جيل اولادو يا عي*ب العي*ب بس
احمد : اي حكتلي امي انو مبين ابوها
ميثاق : هيك حكت
غرقو يضحكتهن
علي : وامي حكتلي يتيمة البنت اكيد والا ما جوزوها لهاالشايب
ميثاق : من قه*ركن امك وامو مستحيل يحكو
احمد : شوعرفنا انها اصغر منك
ميثاق : كلها بتعرف
علي : اكيد ما عندهن اكل بالبيت ولا قادرين ع مصروفها لهيك زوجوها صغيرة انا لو عندي بنت مستحيل ازوجها صغيرة مو بس بالعمر وكمان اعطيها لميثاق اعوذ بالله
ميثاق : خلص بقى والله صر*عتوني انا ختيار بس حلو عني
اجمد : يا ويلي عص*ب بس هو قصدو انك عا*طل
ميثاق : اعط*ل منو مافي
يا زوزي ردي ما قادر اتنفس
احمد: هههه يا حرام يا علي
علي : والله لو صحلو ما بقصر
ميثاق : شو ناقصني يعني بس انا ما بحب التخب*يص
احمد : بس ابوك نسونجي
ميثاق : وانا مو متلو
علي : يعني عادي عندك
ميثاق: لا مو عادي وكمان مافيني امنعو
احمد : بس ما قلت ليش زعلتك
ميثاق : في مجال تتركوني بحالي
ورجع لشرودو ولقصة حبو الي عم تهز اركان قلبو ومو قادر يستوعب انو شمس حردها صعب ومستحيل ترضى
ميثاق : انا علمتها ع حالي وأنا بدي اتحمل النتيجة
~~~~
كانو يتمشو ويتفرجو ع المشتاق لعيلتو
علي : خطرلي شي
احمد : شو
علي : هلا بصورو فيديو وبطبقو ع اغنية نوال ومنشاركو بصفحتو وهيك مرتو رح تشوفو وتحن اكيد مبه*دليتو
وفرطو ضحك
احمد : معقول ميثاق يتب*هدل
علي : وبتحكيلو انق*لع
احمد : ههههه تخيل قد الشنت*ير مراة تتحكم فيه
علي : متل ما بقلك ما شفت يوم سفرو ودعها اخر شي
احمد : بربك لا يسمعك هلا بط*قو فيوزاتو
علي : بس شفت يا حرام كيف كان قلبو يدق بسرعة مابدو يترك مرتو
احمد : صورو لقلك مبين حزين هيك
كانو عم يصورو علي وع الحظ وقف ميثاق واخد موبايلو والدخان ورتب قميصو ونزل الدرج وعلي خلص تصوير وخلاه بسرعة بطيئة وطبقو مع الغنية ليشاركوا بحساب ميثاق ع الفيس بوك
~~~~
ودعت اهلي وفتت لجوى ع الدفا وشفت اشعارات فيس بوك واستغربت حدا مشارك بوست ع حساب ميثاق الي معي وقت فتحت الفيديو انصدمت هاد ميثاق ليش متصور يعني عايش ولا عبالو وع البحر كمان الافندي ولا كأنو مض*روب ع قلبي ومريضة انا بفرجيك ياميثاق
عملتلو ح*ظر على الواتس ما بيكفي به*دلني وانا ما عاملة شي لحدا وعايش ومبسوط انا بفرجيك
~~~~
بالسيارة كان مو على بعضو مقه*ور لابعد الحدود ونزل حتى بدون ما يودعهنن وطلع للسكن وبالو عند شمس ومقاط*عتها الو فتح المحادثة وسمع الفويس الي بعتو وهو مع*صب وانقهر كتير وهلا استوعب انو شمس حاظ*ريتو وما غمضتلو عين
~~~~
الصبح اطلعت لبرى اتشمس عند الليمونة واستوعبت اني كنت حامل ونزلت
شمس : الله لا يسامحك يا عهد اكيد من وقت عسفت المطبخ وكمان من سلة الغسيل الي ما الي فيها تياب امها واخوها وتيابها وتياب عهد انا ماني مجبورة فيهن
سالو دموعي لانو اتزكرت كيف ميثاق كان هو يحمل عني سلة الغسيل يمكن داراني خاف اكون حامل لانو ما يخليني احمل اي شي تقيل بس هو من النوع الي ما بيحكي وبيشاركني افكارو بيستكشف وبيحلل وبيتركني متل الجد*بة اكمل كز*ب ياريت تصغر الدنيا ونصير جنب بعض
واتخيلت اننا عم نتمشى ع الاسطوح والشمس عم تسطع او هون اجهزلو فنجان قهوة متل مابحب لك كان لازم ما عملتلو ح*ظر لازم اطمنت عليه بس كمان شو الو داعي يبهدلني
~~~~
الظهر اتصل ب محمود وخبرو انو مو بالبيت لهيك اتصل ب عهد وطولت لحتى ردت
ميثاق : ساعة انسة عهد
عهد : اهلين اخي بس كنت بالمطبخ
ميثاق : وين شمس
عهد : بتتمشى ع الاسطوح
ميثاق : شوفي ع البطيخ
عهد : مابعرف أفطرت واخدت موبايلها وطلعت
ميثاق : ليش عامليتلي حظ"ر ليش ماعم ترد عليي فيني افهم
عهد : والله ما بعرف
ميثاق : خليها تنزل تحاكيني لشوف
وفصل الخط بوجها كان عم يفور ويغلي وعلى شوي بدو يرتكب جر*ي*مة
~
انزلت ومعي سلة الغسيل
عهد : ميثاق بيحكيلك ردي عليه وشيلي الح"ظر احسن ما يفرجيكي الويل

ام مروان : عاملة حظ"ر لابني
شمس : مارح احكي معو هيك خبريه
عهد : هههه يلا لاتصل فيه شكلها ول*عت
ما اهتميت ورحت قعدت بالغرفة
واسمعتها تحكي
عهد : والله مابدها تشيل الحظ*ر ولا بدها تحكي معك.....طول بالك.....طيب طيب
اجت لعندي وفتحت سبيكر
عهد : احكي اخي سامعيتك
ميثاق : اسمعيني وليه بحجز وبجي وبك"سر راسك عم تفهمي
كانت عهد مبسوطة خيرات الله
عهد : خدي احكي معو
اخدتو منها وسكرت لسبيكر
ميثاق : سامعيتني
ضليت ساكته لانو ما قادرة ارد مخن*وقة كتير
ميثاق : شمس ردي لانو الي ناطرك مو منيح
شمس : الو
حكيت بصوت مخن*وق ومق*هورة كتير
ميثاق : ورص*ا"ص اي
قشعر بدني من لهجتو معي
شمس :...
ميثاق : انا ما بينعملي حظ"ر عم تفهمي
شمس:...
ميثاق : هالمرة صارت يا شمس مرة تانية لا تلومي الا حالك
دموعي عم يذرفو بغزارة
ميثاق : شو انخر*ستي
شمس : لا
ميثاق : ليش ما عم تردي فهميني
شمس : ..
ميثاق : يا عفو الله بدها تجلطني سامعيتني
شمس : اي سامعتك
ميثاق : ردي ليش ساكته
شمس: ..
ميثاق : لك شمس لا تجننيني والله مو متحمل حالي
شمس : ارجع اتصل بعد شوي
ميثاق : لا هلا بدك تحكي
شمس : شو احكي
ميثاق : اي شي ردي لا تضلي ساكته
شمس : كيفك انت
ميثاق : كيف بدي اكون برأيك شو الو داعي قلة الرد
شمس : ايمتى مارديت
ميثاق : لكن في وحدة جوزها بكون بالمشفى ما بيسمع صوتها ما بتطمن عنو
اتزكرت الوجع بيومها وشو صار معي
شمس : انا.... انا
ميثاق : احكي اي شي قولي مابدي اياك ما خفت عليك انت ما بتعنيلي شي
شمس : كنت تعبانة يومها
ميثاق : من شو
شمس : كنت مو*جوعة
ميثاق : فهميني من شو
شمس : كنت حامل
ميثاق : اي
شمس : ونزلت
ميثاق :...
~
كان متأمل كل الوقت واليوم الامل واليأس مع بعض هاجموه
ميثاق : نزلتي
شمس تبكي : اي
ميثاق : كيف صار هيك
شمس : مابعرف اتوجعت كتير واخدوني للدكتورة وحكت انو مهدد بالاسقاط وبالليل نزلت
ميثاق : بعوض الله انتي كيف صرتي طمنيني عنك
شمس : لا دغري راح الوجع
ميثاق : الحمدلله ع سلامتك يا روحي رح اسكر قومي غسلي وروقي واتصلي فيني
شمس : ما حابة احكي معك
ميثاق : هههه ليش
شمس : لانك بهد*لتني
ميثاق : اعملي الي قلتلك عليه وشيلي الح*ظر يا قلبي خلينا نتفاهم
~~~~
اعطيتو لعهد
عهد : شو به*دلك
شمس : ما دخلك
عهد : ههههه والله بتضحكي يا حرام يا شمس به"دلها ميثاق
تركتها ورحت غسلت وجهي وحسيت مستحيل اقدر اشيل الحظ*ر عنو خليه ينطر كمان المشكلة وك*الات الان*باء الي زارعها بالبيت استنيت شوي واتصلت فيه
ميثاق : يا هلا بقلبي
شمس : كيفك
ميثاق : مشتقلك والله
شمس : كيف صارت ايدك
ميثاق : والله اخر همي كيف صارت المهم انتي كيف صرتي
شمس : منيحة
ميثاق : لا تزعلي مني بس مالي خبر شو صاير معك
شمس : مرت عمي ما كان بدها تعرف مشان لا تزعل
ميثاق : لشو ازعل مو انتي بخيرالباقي بيتعوض لا تزعلي مني امانه
شمس : وليش بدك اعتذر من مرت عمي ما اعرفت
ميثاق : انسي ولاتعتذري لحدا
شمس : بس شو الو داعي الاعتذار
ميثاق : خلص قلتلك انسي شو اتغديتو مبارح
شمس : شاكرية بطاطا ورز
ميثاق : واول مبارح
شمس : مو متزكرة
ميثاق : ممسوحة ذاكرتك
شمس : مابعرف يمكن
ميثاق : زعلانة مني حبيبتي
شمس : انت كنت مع*صب؟
ميثاق : لانو ما كنت مفكر هيك صاير معك طيب ليش ماحدا خبرني ليكون ما بقربك
شمس : مابعرف
ميثاق : هههه شو مابتعرفي وليه ما بقربك انا
شمس : هيك حسيت لانو لو بهمك حالي كنت اطمنت عني
ميثاق :والله حسيت في شي واستغربت انك نايمة بكير
شمس : انو نايمة متت من وج*عي
ميثاق : ريتو الوج*ع لقلبي
شمس : لا بعيد الشر عنك بس انت ما طمنتني
ميثاق : الحر*ق سطحي كتير يعني كم يوم وبروح
شمس : الحمد لله كيف صار معك هيك
ميثاق : انا ماني مسترجي احكي لحدا
شمس : ليش
ميثاق : انا بالعادة برمي موبايلي بعيد عني لانو بنزعج منو بس من وقت سافرت وعطول بجيبتي كنت قدام الفرن وخطرتي ع بالي وهني ثواني الي مسكت فيهن الموبايل وفجأة شبت الن*ار والحمد لله انقضت ع خير
شمس : لازم تنتبه اكتر
ميثاق : انا طول الوقت بفكر فيكي ماعم اتحمل غيابك
شمس : بس صحتك اهم
ميثاق : لا مو اهم الاهم تكوني عندي وقريبة مني وساعة الي بشتاقلك اترك كلشي واكون عندك مو كل واحد ببلد والشاطر الي بدو يفرقنا
شمس : شو نعمل هيك الله رايد
ميثاق : اي بعرف بس كمان اتعبت من التفكير فيكي شمس انا بعرف انك مو خرج تكوني مع اهلي بنفس البيت
شمس : كرمالك بتحمل كلشي
ميثاق : وانا ما بسمح كرمالي تتعزبي وتتوجعي من هون لنص الشهر بحل الموضوع ولا اتركك تعاني بسبب اهلي

شمس : شو بدك تعمل
ميثاق : خلص شو بدك انتي مو انا المسؤول عنك وانتي امانة عندي وانا بدي احافظ ع الامانة لانو طلعو اهلي ما خرج وبدي اك*سر العادات كلا بس استني شوي اتحملي هالكم يوم وبس
شمس : رغم اني مو فهمانة عليك بس اكيد متحملة
ميثاق : ليش كنتي ع الاسطوح
شمس : نشرت غسيل
ميثاق : يعطيكي العافية
شمس : الله يعافيك

ميثاق: يعني مو يعافي قلبي
شمس بخجل : يعافي قلبك
ميثاق : ...
~~~~
بقلبو : هي ازا بتدللني من حالها في احتمال اتبرى من العالم كلو وتصير هي كل اهلي وناسي ووصلت معهن يفرقونا عهد بتحكيلي طلعت تتمشى ماما بتحكيلي بتطاول عليها اي شو عليه والله لتفرق*عو اليوم ولا يمكن اسمح لسى تخربو بيني وبينها
طبعا احمد وعلي فهمو انو تصالحو لانو اجى للمطعم مشقرق ومبسوط ويغني ومفكرين انو المقطع الي نشروه الو علاقة ما بيعرفو انو العشقان عم يرتوي من بعد سنين جفاف عاطفي.
اتصل ب محمود وهالمرة مقرر قرارات جديدة
محمود : اهلين
ميثاق : حولت مصاري بدي تجيبهن انت
محمود : ياي حوالة باسمي
ميثاق : اي وبدي تشتري اكل جاهز غدا طبعا مو فرحان فيكن مشان شمس
محمود : حاضر
ميثاق : وجيب حلويات من الغالي تكون مدعومة مكسرات ولشمس حصة لحال مالها علاقة فيكن
محمود بغيرة : وغيرو
ميثاق : وشو ما زاد مصاري بتعطيهن لشمس
محمود : وانا ما بيطلعلي حبة مسك او حق بينزين
ميثاق : خود حق بينزين
محمود : غليان كتير
ميثاق : هههه ما وصل للمليون مراقب الاسعار
محمود : غلي سدءني احلفلك
ميثاق : المشكلة الله بلاني طيب خود واعطي لشمس الباقي
محمود : تسلملي عينك روح الله يرزقك
ميثاق : دخيل عينك شو مكولك يلا دوبك تروح وترجع
محمود : يلا يلا رايح
~~
كانو عم يتحزرو شو بدهم يعملو غدا واخر شي قررت حماتي شوربا ومافي شوي فات محمود ومعو اكل جاهز وانص*عقت حماتي
ام مروان : شو هاد
محمود: اكل
عهد :يمييييي
وعد : يا عيني والله ميتين جوع
فردنا الاكل ومرت عمي مو عارفة شو القصة
ام مروان : لشو هيك من ايمتى بتصرف ع كيفك
محمود وهو ياكل: مو مني من ميثاق
عهد : وشو عرفو مشتهين الاكل الجاهز
محمود : شمس كلي هاد كرمالك لانك تعبانة
ام مروان : هيك لكن
محمود : وفي علبة حلويات الها بيحكيلك ميثاق الك لا تعطي عهد منها لانها بتنقرش سنيكرز وما بتضيفك
عهد : لعمى بتحكيلو كل التفاصيل
محمود : هههه هي لسنكيرز مني لانك بتكوني تجاكري بشمس وانتي تتزه*رمي
عهد : لا في ان بالموضوع اشمعنا يبعتلا حلويات الها
محمود : والنا بس حصة شمس قد حصتنا
ام مروان : هيك لكن
شبع محمود ودغري جاب مصاري
محمود : هدول الك شمس
كانو كتار وحماتي عيونها طلعو من مكانهم
ام مروان : اوف لشو كمان المصاري
محمود : اخدت مليون منهن والباقي الك
شمس : بس انا مابدي مصاري
محمود : تسطفلي فيهن هدول من جوزك وحولهن مشانك
عهد : بتكون طلبت
ام مروان : ازا مصروف شمس قد مصروفنا لا بالله خلص بيتو وسكن
محمود : بيهر مصاري ابنك
ام مروان : لا حبيبي رح يفلس على هالحالة
شمس : ما طلبت من حدا
محمود : لشو تبرري ههههه بس والله حسدتك
عهد : لازم تخبري بابا
ام مروان : وهو هيك
محمود : خديهن شمس لا تردي ع حدا
ام مروان : مارح اشلحها اياهن بس هلا حسابو عند ابوه
بس هالمرة ما اهتميت لاني بعرف انو ميثاق كفو وهو اكيد مسؤول عن الي بيعملوا اصلا حنون كتير ودعمني لاني تعبانة دخيل عينو شو بيفهم
وللجك*ارة ضبيتهن بالشنتة وقه*رتها ل عهد كتير
~
وبس فات للسكن كان ابوه متحلفلو
ابو مروان : شو رضيت عليك بنت ابو عمر
ميثاق : اي والله
ابو مروان : صحيح باعتلا مصروف
ميثاق : لا لشو المصروف امي مكفية وموفية
ابو مروان : بدي افهم شو بدها بالمصاري ازا اكلة شاربة ع حساب العيلة
ميثاق : مين بيتدخل فيك وبامي يا عمي حل عني وعن عيلتي
ابو مروان : انت ايدك فاروطية ايمتى بدك تخلص عمرتك
ميثاق : لا تضحكني مشان الله انا قادر احط فيها شي
ابو مروان : يلا تركتك بحالك فرجيني شو بدك تعمل
ميثاق : بطلت بدي اخلصها
ابو مروان : يعني الي ببالك صحيح
ميثاق : اي لكن بدك اتركها هنيك
ابو مروان : بغض*ب عليك ازا بتجيبها لهون
ميثاق : ليش ايمتى كنت رضيان عني
ابو مروان : ولا هامك
ميثاق : بابا انا ماني صغير لتتحكم فيني وبدي اجيبها لعندي لو بدي احط كلشي معي
ابو مروان : انا بعرف انو رصيدك بالبنك كبير
ميثاق : .
ابو مروان : حط هالشي ببالك بس تطلع مرتك لا انت ابني ولا بعرفك
ميثاق : طول بالك كفيلي مسافر وبدو شهرين مابيرجع وبكون بالبلد بوقتها
بصدمة ابوه
ام مروان : ناوي تسافر

ميثاق : لا بدي اناطح الحيطان هون
ابو مروان : انا كنت بعرف انو بس تتجوز رح تتمهيص بس ما فكرت تافلس كمان
ميثاق : ههههه ع فكرة حجزت
وغمز ابوه
ابو مروان : لك شو الي حجزت مبارح وصلت
ميثاق: انا مشانك مشان لا تتخسر
ابو مروان : هيك لكن
ميثاق : وازا مزعوج من المصروف كل شهر بدي ابعت لمرتي
ابو مروان : مرتك لو صغيرة بس مفعولها كبير
ميثاق : هههه بتعرفني برد ع حدا
ابو مروان : انا بفرجيك يا ميثاق بس عنجد حجزت
ميثاق : والله حجزت انت بتعرف انو شمس كانت حامل
ابو مروان : خبرتني امك
ميثاق : وانا حابب يكون عندي شقفة ولد
لهيك ابوه سكت وما ناقشو ابدا .
~~~~
وليلتها اسهرنا سوى وعلى مراسلة وغزل ويبعتلي اغاني ومقاطع فيديو تعبر عن حبو وشوقو وعهد مو قادرة تحكي مع حبيبها وكل شوي
عهد : ما ناوية تنامي شمس
شمس : لا
عهد : الساعة وحدة
شمس : ها شوفي
فرجيتها ميثاق عم يكتب
عهد : حرام عندو شغل اتركيه بحالو
شمس : لا مابدي
وحطيت صحن حلويات وبلشت انقرش
عهد : س*م اله*اري ريتو
شمس : وبدو يبعتلي من عندو اكلات طيبة شوفي كتبلي حاضر
طبعا انا كزا*

- النص المستخرج من الصورة: 📝
طبعا انا كزابة بس حبيت اقهرها بزيادة
عهد : بكرى بقول حديثة نعمة
شمس : حكالي عيوني الك يا عيوني لا والله حكالي يا قلبي
عهد : بتفكريني بغار
شمس : لا بعرفك بتموتي غيرة اسمعي هالمقطع
) كل الحكاية اشتقت لك...... كل الحكاية اشتقت لك امر ولا
يامر عليك انا وقلبي يا حبيبي
عهد : هو من زمان بحبها لنوال
شمس : بس هو بحبني الي واكتر منها ولو ما حس انو
هالمقطع بيعبر عن حبو الي ما بعتو
عهد : احكي احكي مع جوزك ملتهيه فيني
شمس : نامي سهرتي معو طويلة
عهد : يا عيب عليكي
شمس : هههه
عهد : بكرى رح اخبر ماما انك بتلمحي ع شغلات قليلة ادب
قدامي
شمس : بس انتي بتعلمي بلد هههه والله حكالي بدو يجي
قادر ينام بعيد عني
عهد : ما اقل عقلو ع شو حابك رح تصيري قد الدابة لا
البقرة
شمس : رح يضل يحبني لو صرت قدك قصدي قد الفيل
عهد : قليلة ادب
شمس : بتعرفي بحب يبوسني ع غمزتي
عهد : والله لاخبر ماما قليلة ادب
شمس : وانا بحب ابوسو ع دقنو
جننتها وانقهرت مني كتير