صار يجاكرني
شمس : بس عندك صفات سيئة
ميثاق : كز*اب مثلا
شمس : لا بس بتفسد كتير وبتنقل حكي
ميثاق : اتعلمت من اهل البلد مالهن سيرة الا هاد حكى وهاد ساوى
همستلو : بس ريحة الاركيلة بتشهي
ميثاق : لا انتي مو معقولة
شمس : سحبة وحدة يا ميثاق
ميثاق : لو قلتي شي تاني برضى
شمس : يا قلبي
ميثاق : بالبيت بشغلك اياها
شمس : اهلين لنرجع فرج ورحمة
مروان : اعطيها يا زلمة ما بحكي انك طرطور
ميثاق : ما بحب ولا تناقشوني
مروان : اليوم نسرين بتعزمها ع اركيلة
ميثاق : ياريت
شمس : ...
بقلبي ناقص تهديد بس
~~~~
وقبل لغروب راحو يتمشو الاخوة
مروان : شو مشان العمرة
ميثاق : في ببالي شي اهم
مروان : الله ييسر كان عمي عندك
ميثاق : ما حصل مصاري اخد جاكيت
مروان : انا فكرت يجي لهون
ميثاق : قلتلو انو عند البيير السيران
مروان : ههه ما بتنقدر
ميثاق : انت الي ما بتنقدر شو عاملو لحتى هيك كاف بلاه عنك
مروان : والله ولاشي بس وقت حرضني عليك استوعبت ليش مابدو نكون ايد وحدة
ميثاق : يلا عدت ع خير
~~~~
بيوم وقفة عرفة الاجواء غير شكل الكل صايمين ونايمين للظهر وطبعا الافطار لازم ببيت ابو مروان لهيك عم يتجهز الفطور والنسوان بالمطبخ بس لرجال بالمضافة على موبايلاتهن
وعد : ايمتى بأذن
شمس : بس اذن العصر دغري رح يمضى الوقت
عهد : انا ما علاقتي بقلي السمك
نسرين : انا عملت التتبيلة وانا بقليه جهزي التبولة
عهد : لا ما بدي ايديي متحسسين
شمس : شوفي ايدي لكن
عهد : بس انتي كنه يا بعدي ومجبورة
شمس: ليش مجبورة لو بدي كنت قلت لميثاق نتفطر لحالنا وكان جابلي صفيحة
عهد : ما فيكي اصلا ما بيسمع الكلمة
شمس : شو رايك انو رح نرجع للبيت
نسرين : خلص شمس شو ميثاق معلمك لمجاكرة
وبس اجى ميثاق شديت ظهري فيه كتير
ميثاق : مطول المغرب
نسرين : هههه هلا اجت وعد سألت
ميثاق : شو عملتي شمس
عهد : ايديها متحسسين حرام
ميثاق : تعالي بلا هالشغل
جاكرتها بنظراتي واطلعت معو لنقعد بالغرفة عند وعد
ميثاق : كيف لصيام معك
وعد : متنا
ميثاق : وشو جبتي لبعد الافطار
وعد : ما رضيت ماما تعطيني خرجية
ميثاق : خدي اشتري من هلا فيهن
وعد : يسلمو بس لا تعطي لريم
ميثاق ؛ شو بتتحدو بعض
وعد : اي لانو حكتلي رح تعطيها عيدية متلها متلي
ميثاق : لا انتي اكبر عيديتك
طبعا اطمنت كتير
ميثاق : لا تروحي لحالك للماركت خدي رضا معك
وعد : حاضر
راحت ركض
شمس : وانا ما اعطيتني خرجية
ميثاق : بعد الافطار خرجيتك
شمس : لا مابدي ببلاش
ميثاق : حرام نترابى ع هيك شي
شمس : لانو بدي مصاري
ميثاق : عندك شيبس وعندك شوكولا ومكسرات شو بدك بالمصاري
شمس : بصمدهن بكفي ما اشتريت لبسة للعيد
ميثاق : ييي يا حرام وكيف بدك تعيدي بلا تياب
شمس : ليش عم تتمسخر
ميثاق : من هلا ممنوع تلبسي ملون ومفصل بتلبسي عباية
شمس : اي مأمنه انو رح تدفني بالحياة
كان متابع ع الشاشة وقفة عرفة
شمس : ماحدا صايم الا انت
ميثاق : شو عملتلك
شمس: مبين انك مو متحاكي
ميثاق : مشالله عني رواق
شمس : ميثاق لو قلتلك بدنا نتفطر بالبيت كنت وافقت
ميثاق : مابتفرق معي بس هاللمة من سنين ما حضرتها
شمس : عنجد ليش ما كنت تيجي بالعيد
ميثاق : ما يخطرلي
بجية عهد ودغري لموبايلها
عهد : ميثاق اول مرة بصوم
ميثاق : لو مسافر ولايمكن اصوم
شمس : عنجد
عهد بمجاكرة: ولا مرة صام رمضان
وكتير انقهرت
شمس : عنجد ميثاق
ميثاق: شو العنجد
شمس : ما بتصوم
ميثاق : لا
شمس : ولا برمضان
ميثاق : ولاحتى بشعبان
شمس : حرام
ميثاق : مابقدر ع لصيام هنيك
شمس : ومنيح تفطر والناس كلا صايمة
عهد : وانتي شو رايح عليكي
شمس : ورمضان الجاي رح تفطر
ميثاق : اكيد
شمس : لا ممنوع تفطر
ميثاق: وليش بقى
شمس : كرمال شو بتفطر
ميثاق : لانو الوقفة قدام الفرن ما بتنحمل بدون ما اشرب مي
شمس : اي عطل احسن ما تفطر
ميثاق: بدك اعطل شهر كامل اصلا الحركة المزبوطة برمضان
شمس : وشو استفدت مشان كم ليرة تغضب رب العالمين
ميثاق : مابقدر اترك الشغل وكمان مافيني اصوم
عهد : لا تخافي بيدفع كفارة
طبعا ما عجبني ابدا
شمس : الي بعرفو ماعندك حجة لحتى تفطر وفيك تترك الشغل شهر وتصوم لانو مانك مضطر او فقير
ميثاق : وليش اتدايقتي
عهد : ع اساس انها مؤمنة
شمس : انتي لا تدخلي
ميثاق : لا تخافي بتعزب عن حالي
شمس : وانا ما حابة هالشغلة بدك تصوم هالسنة
ميثاق : ان شاء الله
شمس : اترك الشغل برمضان
ميثاق : لرمضان فرج ورحمة
عهد : يعني يخسر شغلو
شمس : ويخسرو لكن ما يصوم مشان الشغل
ميثاق : انا سألت وبدفع كفارة
شمس : انا ماحابة تفطر
ميثاق : هههه

ام مروان: دخيل هالضحكة
عهد : شمس مو عاجبها ميثاق
ام مروان : يوه صحلها
شمس : انا ما حكيت هيك
ام مروان : وليش ما عاجبها
عهد : لانو ما بصوم رمضان
ام مروان : لا يكلف الله نفسا الا وسعها
شمس : بس فيه يترك ومارح يموت من الجوع ازا ترك الشغل شهر
~~
طبعا مبتسم لكلامها لخوفها عليه
ام مروان : يعني عم يداوم عناد بعناد مافيه هو ملتزم مع صاحب المطعم
ميثاق : ولو ما بشتغل بمطعم مافيني ع الصوم
شمس : يعني شغلة كيف
ميثاق : ههه لك الجو ما بساعد
شمس : مافي تداوم برمضان
ميثاق : هههه الله ربي تعي ديري حياتي كمان
عهد : والاحسن تعطيها المصروف وتاخد خرجيتك منها
ميثاق : صحيح شمس
شمس : مو لهدرجة بس رمضان السنه بدك تصوم
ميثاق: ان شاء الله
وانبسط لانها عم تجاكر عهد وترفع حواجبها
عهد : ما رح يصوم ورح اجاكرك
شمس: صحيح ميثاق
ميثاق : بلكي متت ليومها
ام مروان : بعيد الشر عنك
شمس : بدك تصوم صح
ميثاق : اي اي طمني بالك
عهد :ولو افطر مارح يخبرك
شمس : عنجد ميثاق
ميثاق : اهووو علينا بصوم بس خلصوني من هالشغلة عاملات مجاكرة عحسابي
شمس: انامشانك لصيام فيه اجر
ميثاق : اي
عهد : وقطيعة الرزق حرام
شمس : لا ترد عليها هي بدها اياك تفوت النار
ميثاق : هههه ليش الجنه الها لحالها
عهد : لا ترد عليها لو توقف قدام النار والفرن ما رح تتحمل
شمس : ميثاق رح تعطل صح
ميثاق : اي خلص
عهد : لا ترد عليها هي لو يوم ما تجيب اكلة طيبة ع البيت لتموت من الجوع
ميثاق : صحيح شمس
شمس : انا بطني مو كبير متل بعض ناس
ميثاق : صحيح عهد
عهد : فشرت هالنص نصيص
شمس : بس انا قصدي عن عمو عبد
ميثاق : ههههه لك شو بدك فيه يا صايمة
شمس : يارب سامحني اللهم اني صائم
نسرين : بشوف رواق وصيام ليكون مفطرين بالسر
ميثاق : بالغلط الصبح اشربت قنينة مي
نسرين : خلص تعتبر مفطر
عهد : يييييي ياحرام يا شمس جوزها مفطر
شمس : عنجد ميثاق بالغلط
ميثاق : اي ووقعت وفاتت بتمي سندويشة بالغلط
عهد : وكان في تفاحة
ميثاق : لا غصيت واشربت كولا
نسرين : ههه مبين عليك انو صايم بس انت عم تضحك ومبسوط روح شوف مروان حاكي لقرود السود ولا تحاكيه
ميثاق : يفطر
طبعا لسى شمس عم تجاكر ب عهد وعهد تتحلفها
شمس: ما اعطيتني خرجية
ميثاق : هلا بعطيكي
عهد : وانا بدي
ميثاق: الله ربي
عهد : منزلة وداد شالات
شمس بمجاكرة : ياي وانا بدي شالة
نسرين : ههههه ياحرام يا ميثاق
ميثاق : لساتني مطول بالي
شمس بدلال :بدك تضربني
ميثاق : لا بس مافي خرجية لحدا
نسرين : يييييي ياحرام يا عهد وشمس
انا رايحة لعند وداد اجيب شالة بعد الافطار
شمس : سامع ميثاق عم تجاكرني
ميثاق : انتي بتجاكري بلد اطلقي العنان لهالموهبة
شمس: بكرى رح اللبس لبسة بتجنن
نسرين : نحن شفنا كل جهازك يعني شايفينها
شمس: منشوف
عهد : اكيد رح تلبس الفستان الزهري
شمس : ولا يمكن تحزرو
نسرين : بس مافي خرجية يييي
اطلعت فيه شمس
شمس : لساها بتجاكرني
ميثاق : نسرين هلا ببلش فيكي
نسرين : ياحرام يا شمس
ميثاق : شو مفرد نسرين
عهد : شو
ميثاق : نسر واحد
شمس : ههههه يا حرام يا نسرين
نسرين : المهم ماالها شالة شمس
قبل تنطق شمس
ميثاق : والله لاعطيكي خلص
نسرين : يييي بهدلك وسكتك
ودغري اخد مخدة ليضربها بس هربت
عهد : يييي يا حرام يا نسرين هربت
نسرين من المطبخ : ييييي بهدلكن
فرط ضحك لانو شمس اطلعت فيه
ميثاق : خلص انتقمتلك
شمس : ومشان ال
دغري طالع الجزدان لهيك بلشت مجاكرة بعهد الي اتجلست باهتمام
ميثاق : هي الك عهد
وعد مصاري ل شمس
ميثاق : هدول الك
شمس : يسلمو
عهد : مبين اعطيت لشمس اكتر
شمس : مشان اشتري شالة
ميثاق : ترى راسي رح يتف*جر يا اسكتو يا روحو
عهد : رايحة اجاكر بنسرين
اتمدد ليرتاح
شمس : وانا اروح
ميثاق : لك خليكي هي التقليعة لعهد بس مشان لا تبكي
شمس : ليش اعطيتني اكتر
ميثاق : بعرفك بتموتي ع المصاري
شمس : لا مو كتير
ميثاق : ع فكرة رايحلي شي مية ألف
شمس : وانا استغربت لقيت بالجزدان مية الف فكرت انت حطيتهن
ميثاق : مافي الا احتمال واحد عاملة جذب من جزداني ع جزدانك
شمس : والله كلو وارد
ميثاق : هههههه حاجتك وليه دبح*تيني
شمس : انت اليوم اعمل جذب من جزداني ع جزدانك لانو شفت عملة خضرا بالخزانة
ميثاق : وصلت مواصيلك للخزانة
شمس : بالغلط شفتهن
ميثاق : شو الك بخزانتي
شمس : بالغلط كمان فتحتها
ميثاق : مو الي هدول لرفيقي
شمس : والله ازا صار جذب مارح يعرف الجزدان لمين ع كلا انت بتسدو المبلغ
بقلبو : وينها عني من زمان دخيل الشقاوة ولمجاكرة
غمض ليغفى دغري حس عليها وقت غطتو ورجع كمل نوم
~~~~

كان راسي رح يتفجر من الوجع السفرة جاهزة والعصير والتمر وبرى الكل متجمعين الا ميثاق لهيك فتت اصحيه قعدت جنبو
شمس : ميثاق باقي ربع ساعة للاذان يلا قوم
ميثاق : مين عنا
شمس : ام رضوة وستي ونحن
ميثاق : ليش هدوء
شمس : كلهن برى الجو بيجنن
ميثاق :....
دغري اتجلس غسل واطلعنا لبرى وحماتي خلتنا نسكب الاكل وحطينا السفرة بالمضافة وما سدءت ايمتى بلش يقرأ قرآن بالجامع ومافي ثواني واتجمعنا ع السفرة وهالجو جديد عليي وهاللمة لكبيرة اذن وبلشنا بالاكل ودغري اشربت مي و ارتويت لاحظت عليه ما شرب الأ شفة مي وتمرة وكم لقمة وشبع
ام مروان : ما اكلت ميثاق
ميثاق ؛ هيك احسن
ودغري ترك السفرة واتوقعت مشان يدخن شبع
وبعد ما عبيت بطني عصير ومي حسيت حالي رح اتفجر
بالمضافة كانو عم يصلو لرجال صلاة جماعة
ونحن بلشنا بالجلي مساعدة ربع ساعة كنا مخلصين بس انا ما عم برتوي وكل شوي اشرب مي وشفت نسرين وعهد اتجهزو
شمس : لوين
نسرين : لعند وداد
شمس : مشي
نسرين : اي تمشاية
شمس : وانا بروح معكن بس بدي اسأل ميثاق
خليت وعد تندهلو واجى
ميثاق : شو بدك
شمس: بدهن يروحو لعند وداد
ميثاق : وين صايرة
شمس : ع الخط العام
ميثاق: وكيف رايحين السيارة مع محمود
نسرين : تمشاية
ميثاق : لا يااا الشارع مليان شباب مافي روحة
عهد : منروح من حارة ابو هشام
ميثاق : ولحالكن
عهد : مناخد رضا
ميثاق : هو مروان معبي عيني ليعبي عيني رضا
نسرين : ترى هو اخوك لكبيير مو العكس
ميثاق : اخي وما بغار شو اعملو
عهد ': شو يعني
ميثاق : انا بروح معكن
نسرين : بس مو تعصب بالنا طويل
ميثاق : عيني خير
رحنا تمشاية كان سابقنا بخطوتين والسبب خجلان فينا وكل شوي
ميثاق : وطو صوتكن ...لا تضحكن وجع منك الها
ونحن نكركر ضحك عليه فتنا للمحل وهو ضل برى ينطر ويتمشى بضحك ميثاق
طبعا اخترنا كل وحدة ع زوقها بس كل شوي اراقب ميثاق واجى لعندو شب يسلم عليه وما سدءت خلصنا واطلعنا وشوي اجى لجنبي
ميثاق : اشتريتي
شمس : اي
ميثاق : مبروكين
شمس : انت تعبان
ميثاق : لا عادي
شمس : انا ماعم ارتوي وحاسة حالي مو منيحة
ميثاق : نرجع للبيت
شمس : بس حلوة السهرة
ميثاق : متل مابدك
لساها السهرة عمرانة وليكمل الطقم اجت عمتو وبنت عمتو وعيلة عمو ابو مراد كلهن وما عجبني لانو جاية تغريد معهن وصار بدي ارجع للبيت بعتت وراه ودغري اجى وروحنا بسيارة مروان
ميثاق : كتر خيرك ريحتيني من هاللمة كلها
شمس : حاسة بتعب مابعرف شبني
ميثاق : سلامتك
وصلنا للبيت بدلت تيابي واول ما اتمددت حسيت حالي دايخة اتجلست ورحت ركض للحمام استفرغت وحسيت طلعت روحي
~~~~

كانت عم تنشف وجهها وكتير تعبانة
ميثاق : شو صاير معك
شمس : مابعرف شبني
ميثاق : لانك كنتي صايمة
شمس : اول مرة هيك بصير معي
ميثاق : سلامتك ارتاحي
قعدت ولساها مصفرة
راح للمطبخ وعمل زهورات مشانها
شمس : لشو عزبت حالك
ميثاق : عزابك راحة اشربيه بتهدا نفسك هلا
كان شايل همها كتير
ميثاق : ليش ما افطرتي
شمس : لا حرام
ميثاق : هاد اليوم تطوع مو اجباري
شمس : ولو كان ما بحب افطر ابدا
ميثاق : يلا كلو فيه اجر
وطالع مصاري وبلش يعد ويربط كل رزمة لحال
شمس: لشو هدول
ميثاق : عيديات
شمس : خسارة العيد عنا
ميثاق : كنت ابعتلهن وانا مسافر
شمس : وكلهن نفس العيدية
ميثاق : اكيد لا ستي وامي اكتر من الباقي
شمس : ميثاق ليكون بدك تعايد بنات عمك
ميثاق : اكيد
شمس : وام رضوة
ميثاق : اكيد
شمس : ونهال
ميثاق : لا نهال بابا بعايدها بنات عمي واخواتي ونسرين
شمس و: بدك تعايد نسرين
ميثاق : اكيد مروان رح يعايدك
وشافها كيف انبسط
ميثاق : هههه لك ليش بتحبي العيدية
شمس : والله المصاري غير شكل ومين كمان رح يعايدني
ميثاق : بابا ومروان غيرو احلمي
شمس بدلال : وانت مابدك تعايدني
ميثاق : هلا بعايدك
شمس : بدي مصاري
ميثاق : ليش شو قلت انا
شمس : فهمانة عليك
ميثاق : لكن ولا بوسة يوم كامل
شمس : ما دخلني بدي عيدية
ميثاق : هههه خلص والله لاعطيكي
شمس : ميثاق لا تضحك
ميثاق : خدي من هلا
شمس : لا الصبح بس نلبس بتعطيني العيدية وبتبوسني
ميثاق: انا الي موافق تكرمي خلص
طبعا تعد وراه كل رزمة
شمس : زايدين خمسة هدول
ميثاق : شمس خليهن هيك
شمس : والله رح تأفلس انت
ميثاق : بسافر دغري
شمس : وانا
ميثاق : هون رح تضلي
شمس : ورح تشتاقلي
ميثاق : الله بيعلم
وقبل تنكد عليه شغل الشاشة
وضب العيديات بالخزانة واتمدد حدها وباسها
ميثاق : اتحسنتي
شمس : توبة اشرب مي ميثاق ما اكلت
ميثاق : انا حاسب حساب لهالشي
شمس : كنت خبرتني
ميثاق : شو احكيلك كافيكي

شمس : متت لاني
ميثاق : سلامتك بس هلا كتير اتحسنتي
شمس : مو مسدءة يجي بكرى
ميثاق : هههه الله يصبرني بس
~~~~
والصبح صحي على صلاة العيد ومشان لايزعجها ما أصدر ولا صوت لبس بنطلون جينز وقميص كحلي وجاكيت نصي ولبس البوط وطلع ليلتقي بمروان والا يعايدو على بعض
مروان : كل عام وانت بخير
ميثاق : وانت بخير يارب
وعايد على رضا وباسو
ميثاق : وهي عيديتك
رضا : يسلمو عمي انا اول واحد عايدتو
ميثاق : اي
رصا : هلا لتطق ريم ضحك هو ومروان
وطلعو بسيارة مروان وراحو للجامع وهنيك كل اهل البلد واصوات تكبيرات العيد عم تصدح بكل البلد والتقى بعمو وابوه وولاد عمو وعايدو على بعض ورجع مع مروان للبيت وراسا للغرفة وابتسم وقت شافها لابسة وجاهزة اخد نفس عميق وقرب منها وحضنها
ميثاق : كل عام وانتي بخير شموستي
شمس : وانت بالف خير
ميثاق : هاد احلى عيد بكل حياتي
شمس : ع اساس كتير حضرت اعياد
ميثاق : هههه
ودغري فتح لخزانة واعطاها مية دو*لار
شمس: لشو هي
ميثاق : عيديتك
شمس : بقصد ليش بهي العملة
ميثاق : ما بتخسر مو قلتي بدك تصمدي

شمس : بس
ميثاق : معقول ترفضي العيدية
اخدتها منو ومبين عليها انها انبسطت
ميثاق : بس لاتقولي لحدا وتبلشي تجاكري تعلقيني مع ستي
وامي وعهد
شمس : بصير بدهن متلي
ميثاق : شي طبيعي
شمس : هههه بس حابة اجاكر
ميثاق ضروري
شمس : هههه بس ما حليتك
ميثاق : مابدي حلو بدي اياكي
بدقة الباب تأفف وراح يشوف مين

القسم السادس عشر
شمس الغرام ♪
{بقلمي مايا الحجازي}
كان عاجبني كل اجواء العيد عند ميثاق اول زيارة كانت لمضافة مروان عايدني مصاري وكتير اخجلت وحتى ميثاق عايد نسرين وريم نزل لعندها وباسها واعطاها العيدية وهمسلا وضربو كفوف بعض
رضا : بعرف انو اكتر مني
ميثاق : انا بحب البنات اكتر
رضا : كلكن بتحبو البنات حتى بابا
ميثاق : وبابا ازا بدك
جابت الحلو وصبتلنا قهوة مرة وانطلقنا لبيت حمايي وهنيك البوابة مفتوحة والمضافة كمان شكلو في رجال عند عمي ودغري فاتو لرجال للمضافة ونحن فتنا للصالون وكانو تحدي عهد لابسة ومتزبطة عايدنا ع الكل
نسرين : شو زحمة من الصبح
ام مروان: بدهن يروحو لبيت ابو معتز هاد اول عيد لمعتز
نسرين الله يرحمو
وشوي اجو بيت ابو مراد كلهن وشوي طل الافندي ومعو مروان كنت غيرانة عليه بس مجبورة ما أظهر حضن حماتي وباسها وبالزور لاخدت منو العيدية وعايد عهد والظاهر السلام عندهن بالايد عادي مروان سلم ع البنات بايدو وانا ناطرة يصافح شي وحدة مشان اعملو مصيبة بس طلع كفو ودغري حط ايدو ع صدرو وقت عايد مرت عمو واعطى لتغريد وحنين عيديات ولعهد ووعد
ام مروان : شو ايمتى رايحين
ميثاق : هلا ودغري جهزو حالكم مشان ستي لا تزعل
واخدني ع جنب
ميثاق : ازا راحو لا تروحي معهن شوي وجاي
شمس : ماشي
طليت من الباب وشفتو طالع مع رجال كتير لبيت الي عندهن متوفي
ضيفت عهد القهوة وحطينا الحلو
وبعد نص ساعة اجو وانطلقنا تمشاية لبيت ستو وقلبي يغرف غرف لانو ميثاق ماسك ايدي وطبعا محمود ماشي قدامنا يجاكر فينا وببيت ستو عمرانة والأجواء غير شكل بس اجت ام يوسف بلشت ترمي حكي ومقهورة ليش حاطة راسها براس ميثاق وعلى مجاكرة وكيد وهو ما بقصر جوابو جاهز بكل وقت
بعدها حماتي خلتنا نرجع للبيت مشان ازا اجو اهلي يعايدوني
~
كانو بغرفة امو اول ما وصلو بيت حماه ودغري طلع هو وشمس ليعايدو عليهن
وقفو بس شافوهن وسلمو عليها خالد وعمر وخالتها وماري وأعطوها العيدية وكتير انبسط مشانها لانو بيعرفها بتحب العيدية كتير عايد على ماري وانبسطت شمس منو كتير
وبعدها اجت امو من المشوار وشاركتهن القعدة ضيفت شمس القهوة وجابت حلو وعلى مزح وضحك بين عمر وميثاق وامو مصدومة كانو ابنها مخلوق بيناتهن او بيعرفهن من الف سنه وبعدها اعتذرو وراحو والمسا اجو رفقاتو وعديلو يحيى والمضافة ناس تروح ناس تيجي هيك لاجى الليل وصار وقت يروحو يسهرو عند اهلها وأجواء العيد بالبلد غير شكل بالليل المفرقعات والالعاب النارية وطبعا محمود وميثاق ما قصرو وعلى ضرب فتيش طفشو البنات من السهرة الا شمس كانت بحماية ميثاق شخصية والكل متجاكر منها حتى نسرين وام مروان فرحانة لدرجة كبيرة هاد اول عيد لابنها بالبلد وصار عندو عيلة متل ما بتتمنى بكل عيد وبعد يوم طويل رجعو للبيت وكملو عيدهن سوى بحضن بعض
~~~~
بعد العيد بلشت التحضيرات لعرس نور ما يخليني اروح واتفرج ع جهاز اختي كان محتكرني لنفسو وعقوبة الو فتحت الجزدان لاخد منو بس ما زبطت معي وما لحقت حتى ارمي الجزدان
ميثاق : كمشتك اليوم
شمس : شفتو واقع بالارض
ميثاق : ييي يعليي عليه بكون دايخ لهيك واقع
شمس : مو مسدءني
ميثاق : اصلا حطيتو هون فخ
شمس : عدهن ما اخدت
ميثاق : ما لحقتي
شمس : بحكيلك كان دايخ ههه قصدي واقع
ميثاق : اكيد حامل جديد دايخ قال يعني ما استفرغ
فتحتو وطالعت كلشي فيه
شمس : شوف استفرغ
ميثاق : هههه رجعيهن
شمس : بعمرك شفت حدا استفرغ ورجعهن
ميثاق : شو مستفادة بدي افهم
شمس : بصمدهن
ميثاق : طيب اديش جمعتي
شمس : ما عديت
ميثاق : تعالي عديهن لنشوف شو رح تتصرفي فيهن
شمس ؛ بدك تاخدهن
ميثاق : هههه ترى هني الي
شمس : يوه من وين بتجيب الحكي الي هدول
ميثاق : ليش صايرة جيبتك متل بيت ابو سفيان
شمس : هههه هيك شي
ميثاق : خلينا نعدهن يا شمس لا تكسري خاطري
شمس : وبلكي ما رجعتهن
ميثاق : لساها بكير ازا محرزين رح اجيبلك فيهم قطعة دهب
شمس : لا بتكملي منك
ميثاق : يا بنت الحلال بدي اكمل سفرتي
شمس : خلص قول انو مابدك
ميثاق : يلا هاتي لشوف
شمس : غمض مشان لا تعرف المخبأ السري
غمض وفتحت اكتر من شغلة لحتى مايعرف المخبأ الرئيسي وطالعت المصاري من كل المواقع واول ما شافهن انصدم
ميثاق : وانا اسال حالي يا زلمة صرفك بالهبل طلع في لصوص ببيتي
شمس : والله مو منك من الجزدان
عديناهن سوى
ميثاق : والله مناح اللبسي لقلك
جهزت حالي ورحنا للمدينة واشترالي فيهن خاتم دهب بيجنن والا يفلتني ونتغدا ونتحلى ونجيب حلويات لبيت حمايي الدنيا عم تمطر والأجواء معو رومنسية للغاية وهنيك ببيت حمايي عمرانة السهرة ودفا الصوبيا غير شكل قعدنا جنب بعض وجية بيت عمو بتحدثلي صداع بمخي بس قال جايين يعزمو شخصي

اتوزعو الاماكن ونطقت
تغريد: ميثاق قاصدة الله وقاصدك
ميثاق : ماني كفو
مراد : لا شغلتك هي
ميثاق : شو شغلتي لا تقولولي طبخ
مراد : لا شي تاني
ميثاق : شو القصة
تغريد : مبارح بإدارة المدرسة طلبو لوحات مشان تحفيز الطلاب وانا شاركت وبدي ترسملي هي الرسمة
ميثاق : هههههه اشتريها
تغريد : رح تبين شوف شو جايبة معي
طالعت طبق ورق ابيض وعدة تلوين وقلم رصاص
ميثاق : يعني مجهزة وجايه تطلبي
تغريد : يا ميثاق مو زمان كنت اكتبلك الوظايف
ميثاق : ببلاش ما كنتي تشلحيني المصروف
ام مروان : صحيح وليه تغريد
تغريد : هو كسلان زيادة
ميثاق : والله ما
نغريد : لا لا شاطر كتير
ميثاق : ماني راسملك
تغريد : امانة يا ميثاق
ميثاق : ايدي بترجف كل الوقت
عهد : يا ميثاق لا تكسر خاطرها
ميثاق : برسم بس بشرط
تغريد : ما تصعب الشرط
ميثاق : بتطلعي للاسطوح لحالك
تغريد : بخاف بربك يكون سهل الشرط
ام مروان : روحي اجلي الجليات
ميثاق : اي كتير منيح
تغريد: معي اكزيما
ميثاف : ماني راسم لحدا
تغريد : يلا وافقت
ميثاف : هاتي لشوف
اعطتو الرسمة والطبق واخدني معو لغرفة حماتي
شمس : ليش وافقت
ميثاق : جاي عبالي ارسم
شمس: ههه شفتها لابسة مريول الجلي وعهد انبسطت وارتاحت
ميثاق : والمنيحة بالموضوع الجلي من مبارح
فرطنا ضحك وبلش يرسم والنتيجة النهائية للوحة السنافر كانت بتجنن
شمس بصدمة : ميثاق شو هاد
ميثاف : عجبك
شمس: بتجنن انت شاطر بالرسم
ميثاق : كتير بحب الرسم
شمس : لكن ليش بيحكو عليك مو شاطر
ميثاق : لانو رسبت بالتاسع بس ما أزعلت انا بكره المواد الحفظية وحتى لرياضيات
شمس : ما شاء الله رسمك كانو صورة
ميثاق : بس ما رسمتها بسرعة
شمس : ميثاق وقع عليها باسمك
ميثاق : وانتي جبتيها
وقع عليها باسمو ورحنا للمضافة
ودغري شهقت بس شافتها
ميثاق : حلوة
ام مروان : هاتي اشوف
شافتها مرت عمي
ام مروان : اسم الله عليك صلي على النبي وليه
تغريد : بتجنن لك شو هالرسمة مافكرت هيك يطلع معك
ميثاق : هاتي لكن حقها
طبعا شافوها كلهن وانبهرو فيها
تغريد : بس ليش موقع عليها باسمك
ميثاق : تعبي بدك تسرقيه
وعد : ميثاق ارسملي متلها
ميثاق : من عيوني بس مو اليوم
مراد : ول عليك ع هالرسمة
ميثاق: ول على عيونك
وبعدها شربو القهوة وراحو ونحن ارجعنا للبيت .
~
التحضيرات للعرس كانت ماشية وغير شكل وميثاق رفض اعمل موديل بشعري واصر انو لازم اكون مسترة رتبوا تيابها بغرفتها وانا الي رفضت اروح لبيت عمو مع انو اصر عليي بس خلص شفت كل لجهاز وشفت صورة غرفة النوم بالصور واليوم الحنة طبعا ميثاق من اهلي الي مو من بيت حمايي لهيك وصلني الظهر وقعد بالمضافة مع عمر وولاد عمي وبلشت بالمساعدة في طبخ وفي جلي وشطف بس ما خلوني ادقر كاسة خافوا اكون حامل بس هالشغلة اجت لصالحي ريحت حالي كل الوقت وقبل تيجي نور من عند لكوافيرة بلشت اجهز حالي اللبست القفطان واتمكيجت ولفيت الشالة واطلعت انطر ولحظة وصلت اجتني الجمدة لانو ميثاق مس*لح وصار قلبي يدق بسرعة صوت زمامير كتير وهلا ضر*ب مخزن شكلو بيهوى هالشغلة
عمر : كيفت يعني
ميثاق : هاد حقو عليي
ودغري رجع خر*طش وقو*ص
الزغاريد عالية وشغلت رؤى اغنية( الله يا زين الي حضرت غطت على كل الحضور)
فوتها عماد وصمدها هو وامو وراحو ليحضرو حنة العريس وانا غصب عني فارقت ميثاق وفتت لاولع الجو
رقص ودبكة وبعدها حطينا لنور عشى بالغرفة قبل يجي العريس يحنيها واجواء الحفل عمرانة بس رؤى صارحتني انو حفلتي كانت احلى وانا ما هاممني الا ارجع مع ميثاق
بعدها اجو اهل العريس هني نفسهن قرايب ميثاق لهيك انضميت الهن وانا الكل بالكل رقصو على اغنيه سلو بس حسيت رقصتي مع ميثاق احلى حناها وبعد ما خلصو راحو ونحن ضيوفنا بلشو يخفو وانتهت الحفلة وراحت نور لتبدل فستانها كان بدي احكيلا عن شوية تفاصيل بس ما اقدرت اترددت كتير
شمس : نور مبسوطة
نور : بس غاصة لفراق اهلي
شمس : وانتي شو بتعرفني عن الزواج
نور : شفتي الي حكولك اياه عادوه
واتبلكمت ما اقدرت احكيلا
ماري : شمس ميثاق برى
نور : بدك تروحي
شمس: بكفي وانتي اتعبتي اليوم
نور : بس انا مستوحشة
شمس : بشاورو ازا خلاني بنام عندك
اطلعت لعندو كان ناطرني بعيد
ميثاق : شو حبيبتي الساعة وحدة ما عبالك نرجع
شمس : يعني مافي مجال انام عند نور
ميثاق : بس انا محتاجك اكتر
شمس : بس هو يوم من العمر
ميثاق : و مارح يغمضلي جفن بعيد عنك
شمس : شو يعني
ميثاق : هاليوم شو رح يصير
شمس : اي خليني عندها ازا يوم متل ما بتقول
ميثاق : شموستي قربت سفرتي بدك تحرميني اياكي
شمس : طيب بس لجيب اغراضي
وكانو عارف انو نور رح تعصى عليي

ميثاق : راجعين بكرى لا تخافي ابدا ع اغراضك
شمس : بدي اللبس العباي
ميثاق : نحن بالسيارة
واخدني من ايدي شبه خط*يفة بس مسكنا عمر
عمر : وين
ميثاق : ع بيتنا
عمر : لك خليها عنا
ميثاق : هي اتصلت فيني
عمر : لك مابصير وهي رؤى هون
ميثاق : بدك تبقي شمس
طبعا سؤالو طردة عذر
شمس : لا
عمر : اتركها عنا
شمس : لا حاجتي اخي
عمر : لك يوم من العمر
ميثاق : بدها تبقى خليها
طبعا يحكي وهو ماسك ايدي
عمر : اي اترك أيدها لاقتنع
شمس : منرجع بكرى
خالتي لك وين
ميثاق : خلص ضلي هون
شمس : لا بدي ارجع مارح اعرف انام
عمر : بياعة عشرة هلا مابقى تعجبك النومة عنا
شمس : يلا تصبحو على خير
كل هالشي لانو ما حبيت ينام لحالو بالبيت شلت همو وارجعنا للبيت الجو كتير بارد بس كنا تعبانين كتير بدلت تيابي ومسحت المكياج والا يخبيني بحضنو
~~~~
كان عم يستنشق بعمق من ريحتها وهي غفيانة
ليتزكر شو صار قبل يرجعلا
ببيت اهلو بالمضافة
ام محمد : وين مرتك
ميثاق : خليها عند اختها
ام مروان : بدك تنام هون
ميثاق : لا ببيتي
ودغري رجع ليحس بوحشة غريبة والبيت كان عتم رغم انو مشغل فيه الضو وحاول ينام بس ما قدر انقباضات بقلبو كبيرة وبعدها اتجلس وقرر يروح يجيبها وهلا نفس الانقباضات كان خايف من يوم السفر من اول ليلة رح تكون بعيدة عنو فيها
ميثاق : ياريت تزبط امور اقامتي والراتب واخدك لعندي مستعد احط كل ثروتي المهم تبقي حدي واتنعم بدفاكي ليش هيك اتعلقت فيكي قلبي شمس مو متحمل فكرة نصير كل واحد بمكان شو عملتي فيني وليش حبيتك اكتر ما عم حب حالي حاسك مخلوقة من نص قلبي مو بس من ضلعي بدي قول ياريتني ما تزوجتك بكون كزاب ياريتني من زمان بعرفك ياريتني بقربك كمان لاعرف كل تفاصيل حياتك يا قلب ميثاق انتي يا نبض هالقلب .
شد الغمرة والقهر معبي قلبو .
~
الساعة تسعة صارت وحسيت اني اتاخرت
شمس : ميثاق حبيبي يلا
ميثاق : ..
كان غفيان او عم يمثل
شمس : وصلني وارجع نام
ميثاق : ما اجاني نوم للصبح اتركيني
شمس : اتصل ب عمر يجي ياخدني
ميثاق : لا
واتجلس واخيرا والا يخليني اجهز فطور
ميثاق : شمس اللبسي هون احسنلك
شمس : عنجد
ميثاق : اي ماباقي الا ساعة لتبلش الحفلة
شو قوي خلصت فطور ورحت اجهز حالي تقريبا ساعة كنت جاهزة وبالف يا ويلاه لحتى اطلعنا من البيت
ميثاق : مابدي اوصيكي بس يصير وقت الزفة ممنوع تطلعي قدام الكل
شمس : لكن
ميثاق : يا بتستني يا بتطلعي قبل ممنوع حدا يشوفك
شمس : ماشي الي بدك اياه
وصلني ورجع دغري لبيت اهلو
~~~~
عهد : الحفلة باهتة مبارح بلا مطرب وانارة
نسرين : يعني اليوم احسن بلا غدا
ام مروان : كانت باعت قطعة دهب وبلا اسوارة وغدو العالم
عهد : بس طبخو لاهل العروس
ام مروان : بدك ينفضحو بالبلد
نسرين : كلهن عم يحكو عليهن
ام مروان : ما دخلنا نحن
عهد : شفتي شمس
نسرين : شفتي ما احلا القفطان
عهد : من الشام اكيد
نسرين : بس لابقلا بتسدءي كانت عنجد مبينة متل الشمس ولعيون عليها
ام مروان : لابسة دهب وكلو غالي اجباري
عهد : بكرى اول ولد وبتكون راحت فيها
نسرين : رح تضل صغيرة
عهد : وانتو ايمتى مسافرين
نسرين : بعد بكرى
عهد : منخلص منك
نسرين : هههه اسبوع رح ارجع
عهد : مو تنسيني من الهدية
طبعا ام مروان اتحقق مرادها ما خلت لجوازة ع حساب ابنها وما بيمنع ساوو غدا للقرايب و
واجى وقت الزفة طبعا ميثاق ما همو الا شمس خايف تبين على حدا غريب لانو الزفة مليانة شباب .
~~~~
ما اتاثرت بطلعتها بس رؤى كتير بكيت والاهم انو ميثاق عم يستناني اطلعت بجنبو وارتحت
شمس : ليش هون واقف
ميثاق : احسن
وشوي ومشيو طبعا جايبين العروس التانية وانصدمت لانو ميثاق بس خلصت الزفة كمل لبيتنا
شمس : لوين
ميثاق : بكفي
شمس : بس ما باركت لاختي
ميثاق : انا قلت خلص
ارجعنا للبيت بس البلد اغليها فاضية بسبب العرس والزفة وانطمزت منو
ميثاق :ماحدا رح يستفقدلك لا تخافي
شمس : مو مشان هيك بس لازم اباركلها
ميثاق : بدك تضلي للدخلة يعني
شمس : انت معصب
ميثاق : لا ماني معصب
كان يحكي وهو بقمة العصبية
شمس : شبك شو صار
ميثاق : مين هاد البطيخ الي كان يتطلع فيكي
شمي : عن مين بتحكي
ميثاق : هاد الي كان واقف عند الباب اول ما اطلعتي
شمس : قصدك رامي
ميثاق : مين بطيخ
شمس : بيكون ابن خالتي
ميثاف : وليش هيك اطلع فيكي
شمس : وانا شو عرفني
ميثاق : كيف ما بتعرفي
شمس : ميثاق شبك هو متجوز وعندو ولاد
ميثاف : لا هيك يعني طمنتني متجوز قال
شوفي بينك وبينو
شمس: ميثاق شو عم تحكي انا اصلا ماحدا كان طاسسني

ميثاق : هاد كلو كزب لتبعدي عنك الشبهات
شمس : ما عم افهم عليك والله مابيني وبينو شي قلتلك متجوز ومرتو صغيرة وحلوة
ميثاق : وهو وسخ ومكتر
شمس : بس ما افهمت شو دخلني بالموضوع
ميثاق : استحلاكي مثلا اول مرة بشوفك
شمس : انا مابعرف شو اجى عبالك
ميثاق : والله لو مو عجقة وناس لكنت طالعت عيونو من مكانهن
شمس : ...
انسحبت من هالجدال الي بلا فايدة واستوعبت انو اهلي مع نور الا انا والسبب عصبية ميثاق وغيرتو الي مالها داعي
~~~~
بعد وقت طويل قطع الصمت كلامها
شمس : هو كتير نسونجي
اتطلع فيها وما عاجبو
شمس : ومو بس علييي بيطلع ع كل النسوان
ميثاق : بس الي شفتو غير هيك
شمس : انت لوين بدك توصل
ميثاق بحزم: ممنوع حدا يفكر فيكي مجرد تفكير
شمس : ميثاق انت عم تعمل قصة من ولاشي ازا بدك اتصل برؤى بس اسالها عنو وهي رح تجاوبك
ميثاق : انا مصادري مارح تكون من اهلك
شمس : ماني خايفة انا بعرف حالي شو
سكت ومابقى رد عليها وهي سكتت وحاولت تنام
~~~~
طبعاً الكل مستفقدلهن وعهد لاحظت انو شمس ما حضرت تجلاية اختها وحتى نسرين سألت عليها واهلها كمان استفقدوها بس ما حدا بيعرف انها ابتلت بشخص مجنون غيرة لابعد الحدود
~~~~
لساتنا عم نتقلب لا هو رضي ولا انا رح اتنازل وابررلو اكتر وكل ما اتطلع فيه يغمض والعكس
واخر شي اتجلست
ميثاق : نامي
شمس : ما جاييني نوم
ميثاق : خايفة ع اختك
شمس : لا بس عم استوعب كيف ضخمت الأمور
ميثاق : لكن ما بتعرفي على شو ناويلو
شمس : لو بتقتلو اخر همي شو هاد يا
ميثاق : ....
صوت المطر ولرعود زود من قلقي ولانو بحب هالاجواء وقف عند الشباك وأنا اللبست ع راسي وطليت معوو
شمس : ما شاء الله
ما اطيب ريحة لتراب
ميثاق : الشتوية كلا حلوة
شمس : اي والها طقوس خاصة
ميثاق : اتغديتي
شمس: جوعانة كتير
ميثاق : لكن لاجهزلك عشى
شمس : انا بجهزو
ميثاق : منجهزو سوى
وارتحت لانو روق كتير زمان تبرق وتبرعد مشان نتصالح
هو عمل طبق بيض مقلي وانا قط*عت بندورة وخيار باقل من خمس دقايق كان جاهز العشى وبغرفتنا اتعشينا واول مبادرة كانت منو لقمني بايدو
شمس : اتهنى
ميثاق : ما بحب ازعلك
شمس : ما حلو وانت معصب
ميثاق : بس مقهور ها
شمس : انا شايفة فيك كل الدنيا لا تفكر بس حكي والله انت اهم حدا بحياتي
ميثاق : وانتي كمان
بعد العشى كتير ارتحت لانو اتصالحنا مستحيل انام او أغفى الا ع ايدو وهيك صار حضني وقربني منو واطمنت كتير حسيت انو مافيني اتاقلم ع البعد يارب يضل عندي يل*عن ابو الغربة
~~
والصبح الكل مستفقدلهن اليوم الصباحية ببيت ابو مراد وام مروان بدها شمس وميثاق يحضرو بس لتنين غايبين او مسجلين خروج من العيلة التجمع بالمضافة لكل رجال العيلة
وبالصالون لكل النسوان حتى عهد ونسرين
~~~~
كانت نور مو على بعضها ولا حتى عماد والسبب انها ما تقبلت منو اي حركة وقضت الليلة بكي وخوف واضطر يتركها ع راحتها وعدم حضور شمس خلاها تستوحش هي تعتبر قريبة من العيلتين وبتعرف الكل
وضلت الأمور عادية قدام الناس بس اجى الليل انقلبت قلب وما خلتو يقرب منها ابدا لانها كانت غشيمة كتير
~
هالاسبوع انعزلنا فيه عن الكل وحسيتو شهر عسل واستغربت لانو ميثاق ما طلع ابدا من البيت الظهر كنت ارتب البيت واندق الباب وكانت حماتي ورحت استقبلت مع ميثاق
كان حاضنها ومشتاقلها
ام مروان : بعد بلا كزب خطفتك مننا شمس
ميثاق: هههه كان منخفض وبرد ولشو اطلع
ام مروان : اي يلا بعد من وجهي
ميثاق : هههه دخيل قلبك رضاكي يا امي
ام مروان : صارت شمس امك
ميثاق : ماحدا بعوض مكانك
طبعا كتير غيرانة بس ما اقدرت اظهر هالشي
شمس : اتفضلي مرت عمي
ام مروان : اي جاية اعاتبو
فتنا لغرفتنا وحطلها مخدتين وقعد بجنبها وباس أيدها وحط وجهو على ايدها
ميثاق : ما اطيبها
ام مروان : حاجتك كزب
ميثاق : غلطة يعني ولا جاية تبهدلي
ام مروان : يعني مختفيين من يوم عرس ولاد عمك سافر اخوك وقريب يرجع ولساكن بالبيت قلت صاير شي اكيد
ميثاف : والله منخفض
ام مروان : بعرفك بتحب هالجو
ميثاق : اي بحبو
ام مروان : فكرتك انتكست
ميثاق: لا الحمد الله منيح
ام مروان : دير بالك البرد ما بيسوالك وبس تطلع من دفا لبرد اللبس لفحة
ميثاق: ماشي ساوي قهوة شمس
شمس : حاضر
بالزور لتركتهن
~
ام مروان : منيحة معك
ميثاق : وردة
تم مروان : اكيد ميثاق ليكون عم تعزبك انا جوزتك لترتاح
ميثاق : مرتاح فوق العادة
ام مروان : الله يهنيكن ببعض يارب لا تدللها كتير

ميثاق: ليش
ام مروان : مشانك ومشانها
ميثاق : لوقتها فرج ورحمة
تم مروان : يعني اكيد امورك منيحة
ميثاف : شو القصة بيوم الصباحية ما سالتي ولا سؤال
ام مروان : بس لا تخبر شمس
ميثاف : شو صاير
ام مروان : ستك حكتلي انو ماصار بين عماد ونور شي
وهون ميثاق لحالو عرف السبب
ميثاق : معقول وكيف ساكت لهلا
ام مروان : شبعرفني بس كانو رح يخبرو اهلها
ميثاق : ....
ما عجبو ابدا وكمان واستوعب انو هو دارى شمس كتير وسايرها .
جابت القهوة شمس وما خبرها ولا حتى حاول يخبرها

ام مروان : بدي تفتح الباب
ميثاق : باب شو
ام مروان : الي بفوت لبيت مروان
ميثاق : ليش في شي
ام مروان : قلبي قابضني والكل بيعرف بسفر مروان وبتعرف الليل طويل وشتى بخاف حدا يسرقهن
ميثاق : بس انا موجود
ام مروان : بس كل العالم بتعرف بقصة فصل الشقة عن التانية انت شو خسران افتحلي هالباب وبس يرجع اخوك ومرتو دغري بتسكرو
ميثاق : بس
ام مروان : خبرتو وحكالي ياريت يلا هات المفتاح
~~~
رغم اني بعرف البيت بس كنت متحمسة للحظة فتح الباب طالع المفتاح من الخزانة وحماتي الي فتحتو وانا وميثاق وراها ماشيين واتفتلت بكل ارجاء البيت وشغلت الضو بالغرفة
ميثاق: اطمنتي
ام مروان : اي اوعك تسكر الباب
ميثاق : لا عادي خليه
ام مروان : شغلو الصوبيا بصير برد بالليل
ميثاف : قصدك انام هون
ام مروان : اي غيرو عتباتكن
ميثاق : هههه
ام مروان : متل مابقلك ها
ميثاق : ولايهمك
وبعدها اجى محمود لياخد حماتي وكتير اتغير الجو عنا بسبب فتح هالباب
~
وبالليل غيرو كل الاجواء شغل الصوبيا والشاشة وشمس فرشت بالارض لتنين بحبو نومة الارض جابت لحرام ومتل لولاد لصغار رمو حالهن على الفرشة
ميثاق: يا عيني والله اتغير الجو عنا
شمس : ما احلى الدفا دفاية الكهربا هي وقلتها
ميثاق : اي اليوم حسيت بالدفا
شمس : تخيل يكونو مركبين كاميرا
وغرق بضحكتو
ميثاق: بحب تفكيرك
شمس : ايدي ع راسك مو هيك خطرلك
ميثاق : اي نفس تفكيرك
شمس : معناها انا مخلوقة من ضلعك
ميثاق : وقلبي كمان
شمس : ما احلى النومة هون
ميثاق : غير شكل يلا اسكتي بلش الفيلم
شمس : ميثاق ما حلوة افلام الرعب
ميثاق : نامي شو بدك فيني
شمس : بنام بس مارح استرجي اروح للحمام
ميثاق : هههه صحيني انا بنطرك
شمس : ما بسخى فيك
ميثاق : هههه دخيلو الي عقلو صغير
شمس: انا اوعى وحدة ببيت اهلي
ميثاق : ومن شر حاسد اذا حسد
شمس : شوفو عم يتمسخر
ميثاق : اوعى واحلى واشطر واغلى بكفي بتفهمي عليي لو اوقات بتركبي عقلك
شمس : يا ترى مبسوطة نور
ميثاق : يلا يلا بلش الفيلم
~
حياتنا بشقة مروان صارت كتير حلوة بالاخص فترة الظهر والليل وحتى وقت زارونا اهلي استقبلناهن بغرفة القعدة بس ماكانو يتفسرو واخدتني خالتي على جنب
خالتي : ليش ما زرتي نور ولا باركتيلا
شمس : ميثاق محتكرني الو وبس
خالتي : مابصير لازم تباركيلا
شمس : اي ماشي اليوم بخبرو
خالتي : اوعكن تتاخرو ها
بس ما افهمت عليها شي
وبعد الظهر بلشت انق عليه بعد ما راحو
شمس : بدي اروح لعند نور
ميثاق : روحي
شمس : وانت
ميثاق : شبني
شمس: مابدك تروح
ميثاق : انا اصلا كنت موجود تثبيت حضور يوم العرس مو اكتر ناس ما بتحترم ما لازم نقدرها
شمس : وكيف بدي اروح وانت لا
ميثاق : روحي شو بدك فيني
شمس : ومين بدو يوصلني
ميثاق : محمود
شمس : وانت
ميثاق: انا مواعد هشام وحسام طالعين نعمل سبق مواتير
شمس : وبتقبل اروح مع محمود
ميثاق : اي يلا جهزي حالك بكون اتصلت عليه
شمس : ميثاق بدك تبعتني مع اخوك وانت موجود وين صارت
طبعا ما رد واتصل ب محمود
جهزت حالي واجى محمود
ميثاق : هات الموتور
محمود : شو القصة ليش بدك اوصل شمس
ميثاق : هيك انا حم*ار الكن عندي
شمس : محشوم
ميثاق : وصلها وبس خلصتي اتصلي ع محمود
شمس : ترى زودتها
اعطاني موبايلو
ميثاق : يلا قبل موعد الغدا مو حلوة.
اطلعت مع محمود وكنت مقهورة كتير
محمود : متخانقين
شمس : لا
شغل الموتور ويا سلام ع الحركات وهو سايق الموتور ولا السرعة شي جنوني وسبقنا الافندي
اول ما وصلني انزلت واستقبلتني ام مراد بضحكة باردة واول ما شافتني نور غمرتني وحسيتها عم ترجف
وفتنا لغرفتها وانهارت من البكي
شمس : نور شبك
نور : مابدي اياه مابدي اياه
شمس : شو صار
نور : هيك ما طقتو ما طقت حركاتو ولا اي شي
شمس : بس ليكون
نور : ومابدي يقرب مني شمس انا مو مرتاحة هون
شمس : طيب ليش
نور : بكرهو
شمس : لك نور انا اتجوزت ومابعرفو لميثاق بس اليوم هو اقرب حدا الي
نور : شمس ماعم تفهميني ما طقتو ما اتقبلتو

شمس : ما صار بينك وبينو شي
نور : لا ولساه بنام بالمضافة
شمس : فضيحة لك نور شو عم تخبصي بالاول مارح تتقبلي بسهولة بس بعدها
نور : مابدي لا هلا ولا بعدين
شمس : لك مجنونة بدك ترجعي مطلقة
نور : اي الطلاق ولا اعيش معو
شمس : نور انتي وعيانة ع حالك
نور : اي ولو بدي اموت مابخليه يقرب مني
شمس : ...
كنت مصدومة وما اقدرت أقنعها ولا شوي كانت منهارة وانا ما اتحملت اشوفها هيك
ضيفتنا بثينة القهوة وكمان حسيتها متغيرة يعني مو بثينة القوية الي بعرفها
وقبل ارجع حاولت كتير اقنعها وعالفاضي واتمسكت فيني
نور : خليكي عنا يا شمس
شمس : مافيني
نور : لا تتركيني يا شمس
دمعو عيوني عليها
شمس : برجع
نور : لا خليكي عندي امانة
شمس : لا تبكي خلص....نور ليش عم تعملي بحالك هيك ما بصير الي عم تعمليه
نور : غ*صب عني والله نفسيتي مو متقبلة اي شي
شمس : واهلي يا نور انت ناوية تفضحينا
نور : الموت اهون
شمس : انا معاد فيني
نور : خديني معك رجعوني لبيت اهلي
شمس :

القسم السابع عشر
شمس الغرام ♪
{بقلمي مايا الحجازي}
ما اقدرت اعملا شي وحاولت كتير وحكيتلا عن معاناتي مع ميثاق بس ما قلتلها انو داراني وكان حنون عليي وهلا استوعبت وقت حكالي بكرى رح تقولي الحمد لله انو صار هيك
وكان معو حق ولا انحط بهيك موقف لانو شكلو عماد ما طايق عملت نور وبعدها حكو انو محمود برى وهو صحبة مع بيت عمو كان عم يمزح ويضحك ودعت نور وبالزور لحتى خلتني اطلع كنت مقهورة عليها
محمود: شو عامل مقاطعة جوزك
شمس : مابعرف ليش هيك عم يعمل مو كان مبسوط ودبك ع الاول
محمود : المشكلة بس يدرى انو في حدا حاكي عليه او متهمو بيتحول من شخص مسالم لشخص عدائي بس كان لازم اجيتو يوم الصباحية كلا سألت عليكن
شمس : هو خلاني اباركلا لاحضر الصباحية
محمود : شو بصير معو
شمس : والله مابعرف
محمود : شرفي لساه بالسبق
كان ورا رفيقو ودغري اتعديناه وصلني للبيت ونطرو برى لحتى اجى
ميثاق : فوت
محمود : بعرسك
ميثاق : هلا الدور عليك
محمود : السهرة عندي ازا بدك
ميثاق : وانا عندي سهرة كمان حول
محمود : رفقاتك ما بينطاقو.
اجى لعندي وابتسملي
ميثاق : شبكي
شمس : انت شو رايك
ميثاق : رأيي انو لازم تكوني فرحانة
شمس : واكتر شي لانو وصلني وجابني محمود
ميثاق : انا متبري من ولاد عمي منيح هيك
شمس : وبدك اتبرى من اختي يعني
ميثاق : لا ابدا حقك تروحي وتيجي لعندك بس انا مستحيل اتراجع عن قراراتي بعدين فوتي ما بردتي
جوى بالبيت
شمس : شو قصة السهرة
ميثاق : دك شدة حاسم وفيه شروط غير شكل
شمس : شو اعمل غدا
ميثاق : اي شي ما بتفرق معي
شمس : بس انا ما جاي عبالي شي
ميثاق : خلص بوصي ع اكل جاهز لشغل الصوبيا احلى شي بالبيت الصوبيا مع هالبرد
راح دغري كان مشغل الصوبيا وفاتح الشباك يتفرج ع الجو
شمس : قلت برد
ميثاق : بيعنيلي هالجو كتير الي زمان ما استمتعت بهيك اجواء
شمس : ازا هيك خلينا نطلع للاسطوح
ميثاق : والله جبتيها
ع الاسطوح ما اقدرت اضل ساكته
شمس : تركت نور تبكي
ميثاق : صاير شي معها
شمس : مابعرف شو صايرلا منهارة كتير وعلى قولة مابدي اياه وما طايقتو ومرت عمها متل الحية لمشوبة ما عاجبها وعماد مو بالبيت لك حتى بثينة حسيتها مذلولة ما كانت هيك
ميثاق : افهم منك ماصاير شي بينها وبينو
شمس : اي
ميثاق : يعني اختك جدبة ولا بتجدبها مو كأنو هي الاكبر
شمس : بس هي مو متلي شوي عنيدة وما بتساير وزوقها صعب بكلشي
ميثاق : وشو افهم منك انت شايلة همها
شمس : كتير مو شوي كانو بيت حماها مو ناويين ع خير
ميثاق : مابعرف شو احكيلك صراحة
شمس : ميثاق انا خايفة عليها تطلق
ميثاق : هيك رح يصير بس انا ما عم تفوت لعقلي لليوم وما صار شي بينو وبينها
شمس : بس ما كان لازم يحكي انت حكيت لحدا عن الي صار بيناتنا
ميثاق : هههه شو بتحكي اكيد حكيت
شمس : عنجد ميثاق
ميثاق : لازم الاهل يتطمنو واكيد ما حكيت بالتفصيل بس خبرت بابا انو اموري بخير
شمس : ما فكرت انو هي الاجراءات ضروري
ميثاق : ضروري وهون عنا بالبلد مهم هالشي يمكن بمناطق تانية ما حدا يسأل انتي بشو واسيتيها
شمس : قلتلها وحاولت ابسطلا الموضوع بس هي معندة وعلى قولة مابدي ومستحيل يصير
ميثاق : هي مو ناوية ع خير ولا كانت حابة تجرب فستان العرس وخلصت المهمة
شمس : انا حتى ما حابة اشوف قرايبك
ميثاق : لا تخلطي الأمور ببعضها ولو هني بيت عمي بس كل واحد الو وضعو وقلتلك يسطفلو نحن النا بحالنا
شمس : ميثاق هي اختي مو بنت الجيران انا حتى وقت شفت بثينة هيك شكلا انصدمت
ميثاق : مارح يغير شي وخلي اهلك يتحملو نتائج الغشم او الخجل الي ما الو داعي ليش ما خبرتيها انتي
شمس : ما اقدرت
ميثاق : امنا ع مستقبل لولاد
شمس : والحل
ميثاق : اهلك واهلو بيتصرفو
يومها ما اقدرت افكر الا ب نور اتغدينا واجو رفقاتو الصرعة وجعيرهن واصل لآخر الدنيا بس لمنيحة انو جايبين معهن حلويات وفواكه وحتى شيبس والا اتفرج عليهن من شق الباب وبعدها انطربو وشغلو اغاني وهربت اول ما فتح الباب ميثاق وعملت حالي متابعة فيلم كان جايبلي سهرية
شمس : لشو
ميثاق : غصيت بدونك
شمس : ...
ميثاق : ازا انعستي نامي
شمس : ماشي
اعطاني الموبايل اتسلى فيه بس انا حابة السهرة كتير وكل شوي اروح اشق عليهن نيالهن مبسوطين ولا عبالهن
~
كانت نور عم تبكي وام خالد تحاول تفهمها انو الشي الي رح يصير عادي وطبيعي
ام خالد : متل ما عم قلك ....ما اجت شمس لعندك
نور : اجت
ام خالد : وشو خبرتك
نور : حكت كتير بس انا مابدي اياه مابدي لجواز كلو
اخد الموبايل عمر من خالتو
عمر: والله لتصيري عبرة
نور : سدءني مو بايدي قلبي مو مطمن وكانو البيت مليان وحوش وعتم

عمر : لك يا نور مو لعب ولاد صغار ولا خلص اتجوزنا بالاسم
نور : اقتلوني بس لا تخلوني هون
عمر : بابا معصب وتعبان كتير ناوية تجلطيه
نور : قلتلكن مو بايدي
عمر : قسما بالله بكرهكن بكره كلشي اسمو بنات نحن بكرى جايين جهزي حالك
سكر بعصبية وقهر
ام خالد : ع شو ناوي
عمر : لك ياريتني متت ولا كنت من هالعيلة
ام خالد : فهمني ناوي تروح تجيبها
عمر : شوبدك لكن بس انا بدي اربيها لتصير عبرة لمن يعتبر
كان بقمة العصبية
~~~
كانت السيرة منتشرة بالعيلة ورغم انو ميثاق معي بس انا خجلانة كتير من هالشغلة لانو نور رجعت لبيت اهلي والحكي ما بيخلص ببيت حماي ابدا بس مدام ميثاق معي ماحدا بسترجي يحكيلي اختك كلهن بخافو منو لانو بسكت الكل وما بهمو حدا بالمطبخ عاملين اكتر من طبخة بس انا حابة اروح اطمن على اختي خايفة عمر يعملا شي واسمعت حماتي عم تحكي وشبه شمتانه
ام مروان : يمهل ولا يهمل
ام محمد : انت شو صاير عليكي
ام مروان : ايه وقت غيرو الحكي واخدو الدهبات ما حسبو حساب انو مو من حقها وانتي شو رحتي جبتيلا تلبيسة طبعاا مو من تعب ابنك جبتيها غالية
ام محمد: انتي ما بدك تحلي عن هالسيرة
ام مروان : لو صارت مع ابنك عبد بتسكتي وبتحلي
ام محمد : خلص حاجتك حكي لنشوف ابو مروان شو بدو يعمل
ام مروان : كلشي بلى بحطوه بابو مروان بس وقت الهدوء ماحدا بيقرب صوبو هو حكالي يا دار ما دخلك شر يعني مارح يتدخل والبنت رجعت لاهلها
ام محمد : الله لا يوفقها شو عملت
وكتير انقهرت انو عم تدعي على اختي
ام مروان : يلا طلع حدا من خرج ام مراد وعلم عليهن تعليمة للعمر
طبعا حماتي مبسوطة لدرجة بس ستي الي كتير مقهورة وتدعي
ام محمد : حاجتك تتشمتي
ام مروان : يلا تروح تدورلو ع عروس مشان لا ينفضح بالبلد انو مو زلمة
ام محمد : يعني بنت نسايبك مارح تنفضح
ام مروان : لا مارح يصير عليها شي ما اتقبلت ابن الناقصة وقرفهن
ام محمد : الحق مو عليكي عليي
طبعا حماتي فرطت ضحك بس هي وستي صحبة كتير
طلعت ستي زعلانة وحماتي طلعت وراها وهي تضحك وبس اجى ميثاق كمل المشهد انبسط لانو متناقرات هالمشكلجي كنت انا ووعد عم نتفرج عليهن من الباب وميثاق ما خلى ستو تروح
ميثاق : ههه شو حاكيه امي
ام مروان : شو بدي احكيلا بس هي مقهورة ع ابن ابنها
ميثاق : عادي وطلع مو رجال وين المشكلة
ام محمد : انت بصف امك مو
ميثاق : هههه مع الحق والله
ام محمد : هالبيت مابقى افوتو
ميثاق : ههه وحدي الله يا مراة مشان شقفة ولد تزعلي
ام محمد : عم بسمع حكي هو التاني انا هالبيت خلصت منو
ام مروان : والله ما قصدت تروحي زعلانة
ميثاق : فوتي جوى منتفاهم
ام محمد : ميثاق حاكي امك تحل عن السيرة الاولى عم تلومني
كل ماراحت واجت انا اغلطت وقت خطبتلك
ميثاق : مافي نصيب ماحدا غلط مع حدا
ام محمد : يعني مابكفي ايتام كمان ما عملو حفلة ولا ساوو غدا يفتحو عيونهن قدام الناس
ميثاق : ههههه ليش غمضو
ام محمد : سامعة ابنك عم يتمسخر
ميثاق : ستي الفرحة ما تمت بغدا وبدون يلا فوتي بدنا نتغدا
ام محمد : اتركوني ارجع لبيتي
ميثاق : يمين عظيم ما بتروحي
وغمز حماتي وفوتو ستي غصب عنها بس كان منظرهن بضحك وكنت خجلانة بسبب الي صار
بالمطبخ
وعد : ليش اختك اتطلقت
شمس : مابعرف
وعد : حكو عشقانة صحيح
شمس :مين حكى
وعد : عهد
شمس :...
اجت حماتي ولساها مبسوطة
ام مروان : شو صار بالغدا
شمس : طفيت عليه متل ما قلتي
طلت على الاكل واتاكدت انو هيك مستويه اللحمة
ام مروان : جهزتي السلطة
شمس : اي كلشي جاهز
ام مروان : لكن يلا جيبي الاكل قبل تروح مرت عمي
ساعدتني وعد بنقل السفرة وخمس دقايق التمو كلهن حتى عهد وبلشنا بالاكل لاول مرة بكون ما الي نفس هيك وميثاق جنبي وبلش يهتم باكلي
ام محمد : السلطة كتير مالحة
عهد : بتكون شمس حاطة ملح مرتين
ام مروان : ...
محمود : بالعكس هيك طيبة كتير
ام محمد : ولا حتى اللحمة طيبة
ودغري شبعت
عهد : هي اول طبخة الك شمس
شمس : انا طبقتها تطبيق
محمود : المهم لحمة
عهد : ميثاق بالعادة بتعلق ع كلشي
ميثاق : الاكل طيب كتير
ام محمد : مطبق المثل
عهد : هههه ستي شو هو المثل خلينا نضحك شوي
ام محمد : الي ببالك
وضحكت ضحكة يا ويلي كيف مبسوطة
ميثاق : بتعرفي تسدي تمك ع الاكل
عهد : يكسر ايديكي ع هالطبخ
ودغري شبعت وراحت
محمود : المشكلة طلعت بالصينية
ام مروان : اكلو وانتو ساكتين
ميثاق : يا ويلها وتنعاد ضحكة الشوارع الي ضحكتها
ام محمد : ما هان عليك بطبخ مرتك
ميثاق : قلتلكن طيب وعجبني
محمود: مو تحت إشراف ماما غير شكل
ام محمد : انا رايحة
ميثاق : لا تروحي بدنا نشرب شاي
ام محمد : لا تحليه كتير ازا بدكن اشرب
ميثاق : هلا عهد بتساويه
عهد : تخدم ع مرتك اليوم دورها بالمطبخ
صحيح مارد بس حسيتو اتحلفلها

دغري اشبعت ورحت للمطبخ اجهز الشاي وبدي الافندي يحكي معي مشان اخليه يوصلني لعند اهلي جهزت الشاي وارجعت جليت جلي الغدا وشطفت المطبخ ورحت اشاركهن القعدة ولتكمل مع حظي بلشت زخ مطر وعهد ومحمود طلعو ركض لبرى
ام مروان : يكبر عقلكن يارب
ام محمد : شبك ميثاق فجأة اتغيرت مع مين حكيت
ميثاق :ما حكيت مع حدا
ام محمد : مو اتغير ابنك ولا شو
ام مروان : شبك حبيبي
ميثاق : والله ولاشي
ام محمد : شايف لو خليتني اروح لبيتي
ميثاق : نامي هون
ام محمد : لا ما بترك بيتي
ميثاق : بوصلك قبل ارجع للبيت
ام محمد : ليكون أزعلت ع بنت حماك
ميثاق : ليش شبها
ام محمد : لكن ليش زعلان
ميثاق : قلتلكن ولاشي شو بالزور بدك ازعل
ام محمد : مو زعلان يا امنه
ام مروان : كأنو زعلان
~
بقلبو : يوم عن يوم عم يزيد خوفي ع شمس وانا موجود هيك عم يصير فيها كيف لا تركتا
واخدت راحتها عهد بالبيت
اتمدد ب تعب بجية عهد ومحمود فرطانين ضحك
محمود : ماما احزري مين اجى الحارة
ام مروان : عيوش اجت
عهد : تشاهدي ع روح ولادك
ام مروان : بعيد الشر عنهن
واطلعت ب ميثاق
ام مروان: ميثاق زمان ما شافتك عيوش كف مغيب بس تيجي
ميثاق : ع شو خايفة شو صاير يعني
محمود : ماصاير شي بس متل هيك رح تجيبك سطيح
ميثاق : قلة عقل
ام محمد : لك بتصيب عين احكيلو محمود احكيلو
محمود : ابو مرعي راحو نص خرفانو من عينها
ام مروان : وسيارة مروان الله ستر راحت تولع
ميثاق : شو شايفيني خاروف لانصاب عين او خايفين ع سيارتي
ام مروان: بيتمسخر مو قابضها جد
ميثاق : ههههه بتضحكو والله انا بعرف الناس مع التقدم والعلم بتزبد معرفتها هون دايرين هي بتصيب عين وهي بتروح للبصارة
وفرط ضحك
ميثاق : بعدين انا ازا خفت رح اخاف ع شموستي
عهد : هههه شموستك نص دكة ما بتبين
ميثاق : لو دكة كاملة بروح فيها ازا بصيرلا شي
ام محمد : اوعك تضلك اصلا كف مغيب عن الحارة
ميثاق : والله عيوش مسكينة حرام عليكن
محمود : ترى هو بخاف منها بس بجاكركك وبجاكر ستي
ميثاق : تخيلي عهد تصيبك عين ويصغر انفك
عهد : هههه يارب تشوفك ونخلص منك
ميثاق : هههه ترحمو على الشاب
ام مروان ام محمد : بعيد الشر
ميثاق : ياربي دخيلك لسى ما كملت الشاب
ام مروان ام محمد : بعيد الشر
ميثاق: والله لاقولها
عهد : اي قول ونحن منقول امين
ميثاق : الشابة عهد
كلهن( ههههههه)
عهد : بعيد الشر عني الهي الي بيكرهوني يموتو
ميثاق : ع هالحالة ما بضل حدا
عهد : رح اطنش مارح رد عليك
محمود : الباب عم يدق اتخبى ميثاق
راحت ام مروان تشوف مين كان ابوهن
ميثاق : ليش طالع بالبرد
ابو مروان : كنت عند جماعة
ميثاق : نحن قلنا انخطف
عهد : بعيد الشر عنو شمس حطي عشى لعمك
ابو مروان : لا اتعشيت
ميثاق : شو تعشيت
ابو مروان : مقلوبة
ميثاق : انت وين ما اجيت بتتعشى
ابو مروان : والله الجماعة غير شكل
وغمزو لميثاق وام مروان اتجاكرت منو
ميثاق : نيالك
ام مروان : كيف يعني غير شكل
ابو مروان : يعني اكلهن طيب
ميثاق : ههه وكمل قول هني طيبين
ام مروان : صحيح احمد
ابو مروان : عهد ساويلنا اكلة حلو
ميثاق : حلو ع حلو ارحم نفسك
ام مروان : يعني بتعرفهن انت
ميثاق : هههه حسب ازا من الديرة الغربية اكيد بعرفهن
ابو مروان : لا هدول اتعرفت عليهن جديد
ميثاق : كيفي امون شكلها ضرتك رح تكون حلوة وصغيرة
ام مروان : ويتجوز مين سائل فيه بدي اشوف مين بدها تتحملو
ميثاق : باعتك يا حمودي
ام محمد : هههه صحصح ع لمجاكرة
ابو مروان : كان مريض
ام مروان : بيتدلل علينا
عهد : شمس عمك طلب اكلة حلو
ميثاق : طلب منك
ابو مروان : خلي شمس تساعدها
عهد : لا لا خليها منصمدة جنب العريس
وطلعت من الغرفة وما خلا شمس تلحقها للمطبخ وام محمد وام مروان مراقباتو
محمود : طيبة المقلوبة ابو مروان
وكتير ام مروان انقهرت مو بس من مجاكرة جوزها حتى ولادها
ميثاق : نيالك كنت اخدتني معك
ابو مروان : هههه ليش بتقبل تاكل عند حدا
ميثاق : ازا حلوين باكل دخيل الله
محمود : حذر الموت ستي انا وياكي عزابية مو حلوو يصير تفج*ير ونروح ضحا*يا
ام محمد : هني بيسترجو ترف عينهن
ام مروان : قلتلو يتجوز بس يحل عن ولادي
ميثاق : ايوا فتحت النار ماما
ابو مروان : والله ازا بتطق براسي بتجوز ويلا
ام محمد : انا ما بخليك وردة ام مروان
ميثاق : شايف تعبت عليك عمر بحالو واخر شي بتحب مرتك اكتر منك
ابو مروان : شوبدك انت انا بفرجيهن هي وعمتها
ميثاق: اهم شي طيبة المقلوبة
ابوميثاق : صورتها شوف
فرجاه واجى محمود يطل ع المقلوبة
ميثاق : عيب انت صغير ع هالشوفات
ام مروان : ازا الاب هيك ما عتب ع ولادو

وفرطو ضحك ميثاق وابوه
محمود : ترى مقلوبة بس ميثاق بحب يولع الجو
ام مروان : انا بفرجيك انت
ميثاق : ههههه ع شو غيرانة
محمود : احلى منك بابا شو مفكر حالك
ام محمد : ما هو نسخة من ابوه
ميثاق: لا تقوليها
ام محمد : مش عاجبك ابوك
ميثاق : الامر لله
ام مروان : شوفو كيف متفقين انا كل سفرتك مع ابوك ما بحبها
ابو مروان : سفرتو يشيل عني كتف ويستلم السوق
ميثاق : ليش بتحبو تنكشو المشاكل نكش
ابو مروان : بس اسافر دغري بتجهز حالك للسفر
ميثاق : المهم مو معك
وعد : بدك تشتريلي موبايل
ابو مروان : حاضر
محمود : وانا بدي ايفون جديد هاد مليت منو
وعد : انا بدي متل موبايل عهد
ابو مروان : تكرمو اول ما اسافر ببعتلكن وانتي شمس شو بدك
ميثاق : اطلبي
شمس : بدي سلامتك
ام مروان : هو ميثاق مقصر
ابو مروان : ازا ما بعتلا موبايل انا بجيبلا
ميثاق : قبل اسافر بكون معها موبايل
ام محمد : غير للهمالة الموبايل
محمود : لو بتعرفيلو ما بتقصري
ام محمد : كنه ام نادر تركت جوزها وولادها واتجوزت من ورا السايب النت
ابو مروان : الحق ع اهلها
ام مروان : بس اهلها ما همهن بنتهن المهم صارت بالمانيا
محمود : تخيلو وحدة تخطفني ع النت
ميثاق : هو جنى مخليتك تتنفس
محمود : مو شغلك
ميثاق : بطلت تعمل قرون بشعراتها
محمود : ماما
ام مروان : ما انا فرجيتك اياها بتتحجب
ميثاق : انا متزكر قرونها
ام مروان : لا ترد عليه بدو يخرب عليك
ميثاق : خالي بيعرف بقصة الحب العميقة
محمود ؛ اكيد بيعرف
ابو مروان : احكيلك كلمة امنه ع اساس ما بتاخدي لولادك قرايب
ام مروان : انا ما بمون عليه انت حاكيه
ابو مروان : بدك اياها
محمود : اي
ابو مروان : خلص دراسة ودغري منطلبلك اياها
ميثاق : روح اكل لكتاب بسرعة
محمود : يمكن عهد ماتت طولت
ام محمد : ما لحقت تخلص
~
بعد ساعة اجت وحاملة صحون الحلويات ودغري وقف ميثاق
ام محمد : وين
ميثاق : بدي اتمشى تعي شمس
ام مروان : خليك اتحلى
ميثاق : ماجاي عبالي
عهد : خلي شمس تتحلى
كنت اللبس الشال الشتوي
ميثاق : ما بتحب الحلو
اطلعنا وسكرنا باب الغرفة ودغري لبرى كان الجو خرافي بعد هطول المطر وع وشك ياذن المغرب واطلعنا للحارة نتمشى
ميثاق : شوي وراجعين للبيت
شمس : خلينا نسهر ببيت اهلي
ميثاق : ماشي بس الوضع يمكن متوتر
شمس : انا خايفة عليها
ميثاق : الله خلصها منهن
شمس : رح يألفو عليها حكي
ميثاق : اخر شي رح يخرسوا شمس ليش ما بتشاركي بدك تضلي ساكته
شمس : شو احكي
ميثاق : شاركي امزحي واضحكي بكرى بيكرهوكي بفكروكي شايفة حالك
شمس : بس انا ما عم افهم عن شو بتتناقرو
ميثاق :لا تضلي ساكته تجاوبي مع الكل نحن عفويين كلنا
شمس : أن شاء الله ليش ما ضليت للقهوة
ميثاق : جكارة بعهد
شمس : بلكي زعلت
ميثاق : بتعرفي ازا اكلت من هالحلويات
بقلبي : اكيد بتضل تحملو جميله
ميثاق : يمكن تخرب معدتي
شمس : هههه بلا جد
ميثاق : مرة ساوت كيك واكلت وطلعتلي قشرة بيض من وقتها حرمت ادوق الحلويات الي بتعملها
شمس : هههه يا ويلي ما بتنسى
ميثاق : كيف بدي انسى ضليت قرفان البيض شهر كامل واسبوع كل ما اتزكر تقلب معدتي
شمس : هههههه خلص بربك انت كتير بتدقق وصرت اخاف تاكل شي مو زابط من طبخي
ميثاق : انتي غير انا بس احب بحب من جوات قلبي وحتى سلبياتك بتقبلهن
شمس : ولو لقيت قشر بيض
ميثاق : الا هي بس ما رح احكي لحدا
شمس: لانو انت فضيحة اسم الله عليك
ميثاق : هههه دخيلو اي
شمس : عنجد كانت صورة مقلوبة
ميثاق : تخيلي بابا يفرجيني صورة مراة
شمس : بس انتو قاصدين تتغزلو بلي طبخت
ميثاق : هههههه ماما بتغار بس ما بتظهر لهيك بجاكرها
شمس : بس عمي فري كتير معكن
ميثاق : فري مع الكل قلبو طيب كتير
وبعد المغرب جاب مفتاح السيارة ووصلنا ستي لبيتها وكملنا لبيت اهلي فتحلنا خالد
شمس : مين عندكن
خالد : كان خالي ومرت خالي ومن شوي روحو
شمس : نور هون
خالد : اي...اتفضلو
فتنا والأجواء كتير عادية عكس ما اتخيلت وتوقعت والا يستقبلو صهرهن سلمنا وقعدنا
عمر : نحن قلنا حاربنا ميثاق
ميثاق : شو صار
عمر : بدها تطلق الانسة
ميثاق: صحيح نور
نور : اي
عمر : ياريت في سبب مقنع مافي الا وحوش وعتم وما طقتو
ميثاق: عنجد
نور : اي وبيتهن مغم
عمر : شوفي هالحكي لك والله الله مصبرني ولا بدي اشرب من دمها شو بدها تحكي عننا العالم ابصر ليش رجعت مطلقة
ميثاق : اهون من الي عم يحكوه ع عماد
عمر : خزتنا الله يخزيها
ميثاق : خلص يا زلمة اي نور دهباتك معك
نور : اي
ميثاق : وكيف رح يتم الطلاق
عمر : شيخ
ميثاق : بس يسألك الشيخ بدك تطلقي بتضلي ساكته
عمر : انت جاي تكحلها

ميثاق : ع الاقل يطلعلها شي شو نور
نور : بس مابدي شي منو
ميثاق : انت ساوي الي بقلك عليه
شمس : لشو
ميثاق : هي تضل ساكته وما عليكن
خالتي : يعني بيضلو الها
ميثاق : لازم يضلو الها
شمس : بكفي خسرتهن خساير
ميثاق : الله بدو يدوقهن من نفس الكاسة نور شو افهمتي مني بس يسألك انتي رايدة الطلاق بتسكتي وهون لرجال من عيلتنا وعليتكن رح ينصفوكي
صدمنا كلنا
شمس : ميثاق شو بتحكي انت
ميثاق : نور لا تردي ع حدا ولا تخافي انا رح اكون موجود ورح اصب ع النار زيت
عمر : يا سلام العيلة الي ما عندهن ميثاق حقهن ضاع
ميثاق : انتو شو ماصار علمولي تعليمة صغيرة بكون هون
شمس : بيشتري المشاكل مشترى
ميثاق : ع كلا الله ريحك
الحقتها للمطبخ
شمس : ارتحتي
نور : كتير
شمس : ما ضربك
نور : امبلا حاول بس يحيى بعدو عني وخالي بهدلني بس انا من جوى قلبي فرحانة
شمس : شو القصة لك نور ماعم تفوت لعقلي
نور : بعد يومين من الرفض ضربني كف متل فراق الوالدين
شمس بصدمة : شوووو
نور : اي وبعدها رماني ع التخت بدو ياخدني غصب عني
شمس : لا تقوليها ليش ما حكيتي هالحكي
نور : شو بدي احكي وبعد ما صديتو بلشت اصرخ والتمو اهل البيت علينا
شمس : اي
نور : شو اي وحتى بثينة هيك صاير معها بس هديك لح*مارة مستسلمة
شمس : وبعدين
نور : كمان رجع حاول فيني بالليل بس انجنيت مرة وحدة وهاد الي صار
شمس : وصار شي بينك وبينو
نور : فشر ما طال مني شي
شمس : الله يكسر ايدو بس مبين عليه هادي
نور : لك شمس كلهن همج وبقر وقدام العالم ملائكة
شمس : وحكيتي الحكي لاهلي
نور : اي خبرت خالتي بس عمر ما استرجينا نخبرو خفنا يروح يرتكب جريمة هنيك وخالي حكالي اوعك تخبريه نحن منعرف نجيب حقك وحق حقك
شمس :لكن بتسمعي كلمة ميثاق الدهبات من حقك
نور : المهم ما ااتجوزني ولا بدي اياه
ضليت مصدومة واتزكرت حنيه ميثاق ومداراتو الي .
~
اشربنا القهوة واكد عليهن ميثاق يخبروه بكل تفصيل واول ما اطلعنا بالسيارة
شمس : ضاربها عماد
ميثاق : عنجد
شمس : اي
ميثاق : عندهن نقص اكيد
شمس : لك المشكلة نور عنيدة وياما ونحن صغار تض*رب عمر وتكسر راسو لانو يض*ربها
ميثاق : انتي مسايرة شمس
شمس : اي
ميثاق : يعني لو ليلتها ضر*بتك
شمس: مستحيل انت حنون كتير
ميثاق : هههه عارفة شو عندك يعني
شمس : اي انت مافي منك
ميثاق : وليش اختك ما حكت لشو سكتت
شمس : يمكن خافت لانها ببيتهن انت ما شفت وقت زرتها كيف خايفة منهن كلهن
ميثاق : حيو*ان طلع يعني
شمس : بس لا تخبر عمر
ميثاق : ما بحكي ابدا المهم تطلق بسلام
شمس : بس بعدها مابقى حدا يدق بابها
ميثاق : كلو قسمة ونصيب بتعرفي هيك احسن لانو رح يطولنا مشاكل بسببهن شمس لازم تديري بالك بس اسافر مو تلعب بعقلك عهد تعي نسهر ببيت عمي او مثلا تمالحيهن باكل وشرب
شمس : ليش
ميثاق : شو ليش مارح يمضوها ع خير عيلة ما بخافو الله
شمس : انا خايفة تسافر وتتركني
ميثاق : مو متل خوفي عليكي شمس انتي ع نياتك وبدك الف سنه ما بتوصلي لخباثة هالناس
شمس : ...
وشلت هم السفر بس هو علا لصوت الاغاني والجو مطر وبيجنن وصلنا للبيت ودغري لجوى عن المطر شغل الصوبيا وجهزت سهرية واسهرنا سهرة غير شكل كلها رومنسية ودلال من ميثاق

~~~~
تاني يوم اجتمعو رجال العيلتين بالمضافة ليتم الطلاق والشيخ سال نور وضلت ساكته وحسب العرف والاصول انصفوها لانو عماد ظلمها واخدت كامل حقوقها من مهر ودهب وحتى لجهاز بقي الها وبعتو مين يجيبو ونور ما قبلت فيه لهيك ضل مكدس بالشناتي وهون طلعو عيلة ابو مراد خسرانين والله انتقم ل ميثاق عن طريق نور
~~~~
ارجعنا لبيت حماي بفترة الغدا وقبل نفوت للبيت طلعت مرت عمي ركض
ام مروان : هون عيوش
ميثاق : ههه جد لفوت اسلم عليها
ام مروان : يا ميثاق تروح
ميثاق : لك شو هالخرافات بعدين شو صاير انا شي نجم عالمي
ام مروان : اي بعرف بس هلا بتشوفك كيف متغير وطول بعرض وبتجيبك سطيح
ميثاق : هههه بس المحها زمان ما شفتها
وشوي طلت علينا مراة من جيل حماتي وشهقت بس شافت ميثاق
عيوش : هاد ميثاق
ام مروان : اي
عيوش : متغير كتير حليان
ميثاف : كيفك خالتي
عيوش : الله يسعدك يارب وهي مرتو
ام مروان : اي مرتو
عيوش : صغيرة كتير
ام مروان : وين طالعة انتي
عيوش : بدي اروح اشوف كنتي الناقصة شو ساوت غدا
ميثاق : خليكي للغدا خالة
عيوش : ييي الله يسلمك يارب
كانت قصيرة كتير اصلا كلنا قصار مو بطولو طلعت حماتي تودعها ونحن فتنا لجوى

محمود : التقيت ب عيوش
ام مروان : شو جابك انت
ميثاق: جاي اتبارك بشوفتكن
ام مروان : وين ابوك

ميثاق : وانا شو عرفني جوزك هاد
ام مروان : شفتكن تتهامسو
ميثاق : ههههه لعند رفقاتو يمكن
ام مروان : بس كانو حكالك الحقني
ميثاق : ما رديت عليه ليكني هون
هات مفتاح الموتور
محمود : بلا شو عندي مشوار
ميثاق : وانا عندي مشوار
محمود : هي سيارتك روح فيها
ميثاق : مواعد هشام بالسهل خلصني
محمود : ما دخلني
ميثاق : لك هات واقضي مشوارك بالسيارة
محمود: والله ما بعطيه احكيلك كلمة
ام مروان : تسطفل منك الو الي بيطلع يجيب معو بصل
ميثاق : انا بجيبلك هات المفتاح
وما فكرت يعلقو وحماتي ما اهتمت ابدا مسكو ميثاق وحشرو بالزاوية
ميثاق : وقت احكيلك هات بتعطيني
محمود : بخبر ماما.... لوين رايحين
ميثاق : هات وخبر بابا كمان
ام مروان : لوين رايحين
محمود : مشتري مخزنين رصاص رايحين يقوصو بمزرعة حسام
ام مروان : صحيح ميثاق
ميثاق : هات بقلك
محمود : ماما ازا حطو لابنك اسم بيروح فيها
وبحركة وحدة سطحو بالارض واخد منو المفتاح
ام مروان : ميث

- النص المستخرج من الصورة: 📝
ام مروان: ميثاق صحيح الي حكاه محمود
ميثاق : اي
الحقتو دغري لغرفة حماتي
شمس : وين رايح
ميثاق : ان شاء الله بدك تتحكمي فيني كمان
وطالع الروسية من خزانة حماتي
شمس : لا تروح بربك
ام مروان : لك لشو هيك حرام الناس مامعها تاكل وانت رايح
تطير مخزنين بالهوى
میثاق : ههههه دافعة من جيبتو
ام مروان : ازا حدا صورك بتروح فيها شمس موني عليه
ميثاق : هههه مصدقة حالك انتي وياها
كان محمود واقف عند الباب
محمود : وصلو شلة الزعران
لهيك ضب المخزنين وطلع وحامل الروسية وما رد ع حدا
وبرى شي عشر مواتير وراقبتو من شق البوابة
2222

القسم الثامن عشر
شمس الغرام ♪
{بقلمي مايا الحجازي}
والاحسن صوت الضجة الي طالعوها وكأنو ب سباق وام مروان ما قدرت تمنعو واغلب العالم ع الخط العالم انتبهو لطلعتهن من البلد وملسحين كلهن
محمود : عجبك
ام مروان : ليش ما خبرت ابوك قبل يروح
محمود : مشالله شو بخاف من بابا
ام مروان : انا كل هالشلة ما عاجبيتني
محمود : امي هدول معروفين ع مستوى القرى زع*ران
ام مروان : بس ميثاق مو از*عر
محمود : ماحدا بيقول عن زيتو عكر
ام مروان : شو قصدك ولاه
محمود : واضح مو از*عر وهو نسخة منهن .
ام مروان : اخر*س لا تحكي عليه
محمود : كل البلد شافت ابنك طالع معهن
ام مروان : خلص بقى انت عم تجاكرني
محمود : هههه تعي شوفي هاد رفيقهن عم يصور مباشر كيفي ابنك عم يتوثق وهو يق"وص
عهد : هههه رافع راسنا وين ما رحنا
محمود : شمس لا تسكتيلو
شمس : ماني مستغنية عن روحي
عهد : هههه بس معك خروق
محمود : لك حكالها مصدقة حالك
شمس : شو يعني
عهد : يعني مو هاميتو
شمس : ليش هو رد ع مرت عمي
ام مروان : لو انك شاطرة كان رد عليكي
شمس : ما شاورني
محمود : هههههه ضحكتيني تخيلي عين عيوش تصيب وهني يقوصو
ام مروان : تف من تمك ولاه
عهد : بكرى مناكل صفيحة لكن
شمس : عم تفاولي عليه
عهد : ههههه خافت قال
محمود : راح ضحية رصا*صة طايشة
ام مروان : اخر*سو بقى انا بفرجيه ليرجع
عهد : ازا رجع
ام مروان : انقل*عي وليه روحي ضبي المطبخ
محمود : احسن مشان يكون البيت نظيف
ام مروان : تفوه عليك و عليها
~~~~
وقلبي انقبض خفت عنجد وحماتي صفرنت من الخوف ومحمود طلع بسيارة ميثاق وعهد راحت تجلي الجليات وعلت للاغاني ع الاخير
اه من الدنيا تعذب فينا تلوع فينا ما خلت غنية عراقية واحلى شي اشوفك وين يا مهاجر وبرى الاجواء غير شكل ولساتني بلا غدا اطلعت اتمشى ع الاسطوح واسمعت صوت لقوا*ص بعيد
شمس : الله يصلحو بس شو رح يستفاد من هالطلعة والاحسن ما يرجع المغرب صليت وقعدنا والا عهد تجيب الشدة وعملت بوشار وشاي واللعبنا دك شدة واخيرا شرف اطلعت ركض افتحلو البوابة كيف بيفتحها مابعرف
ميثاق : طولت
شمس : كتير
ميثاق : جاهزة
شمس : عم نلعب شدة مافيني اترك الدك
ميثاق : هههه دخيلو فوتي يلا
محمود : خلصي ابونا انسة شمس
فتت ركض لاتابع الدك وحماتي حردانة منو زورتو لهيك فرط ضحك شلح الجاكيت وراح لعندها وكتير قلبي دق لانو شفتو عم يغمرها
محمود : شمس ركزي معنا.
ميثاق : زعلان الحلو مني
ام مروان : بعد عني
ميثاق : دخيلو الي حردان دوري ورا جوزك جاية تحاسبيني
ام مروان : بعد عني قلتلك
فرط ضحك والا يحط راسو بحضنها واخد ايدها وبلش يبوس فيها
وقلبي رح يطلع من مكانو
ام مروان : ميثاق حل عني يلا
ميثاق : هي هيك طيبة ولا شو الترتيب
ام مروان : بس رح اخبر ابوك
ميثاق : ههههه خوفتيني
ام مروان : شو استفدت
ميثاق : غيرت جو رضاكي يا امي
ام مروان : حاجتك كزب
ميثاق : هههه لا زعلانة ومكترة بتعرفي لو ستي هون بتغار
ام مروان : ههه وانت ما بتحب لمجاكرة
ميثاق : دخيل هالضحكة تعبان كتير
ام مروان : عنجد
ميثاق: ...
اخد ايدها وحطها ع جبينو
ام مروان : عليك حرارة
عهد : ههههه اشتغل شغلو المفعول
ام مروان : شمس جيبي سيتامول بسرعة
محمود : افرشولو مشان يتعلم يفرجي حالو ل عيوش
ام مروان : اسم الله عليك
ميثاق : لارجع للبيت
ام مروان : خليك عنا
ميثاق : دوبني اوصل يلا بدك شي
محمود : ما خلص الدك
ميثاق : حاسس جسمي مك"سر
عهد : يعني منتعشى صفيحة
ميثاق : الله اعلم
ام مروان : اخرسي وليه حاجتك تفاولي عليه
محمود : ما عندها اغلى منو وبيضحك عليها ع الطالعة والنازلة
جهزت حالي واطلعنا والا حماتي توصيني فيه
ام مروان : ديري بالك شمس عليه اي شي اتصلي فينا
ميثاق : هلا بتحسن
ام مروان : مرضو صعب كتير
ميثاق : هههه كلو منك
ام مروان : تيسرو ع بكير
اطلعنا وكنت شايلة همو
شمس : عنجد تعبان
ميثاق : احزري شو
شمس : شو
ميثاق : بدي اعشيكي مشاوي
شمس : هلا وقت المشاوي
ميثاق : بعرف انك بلا غدا
شمس مابدي شي المهم تكون منيح
~~~~
بعد نص ليل كان بحالة يرثى لها حرارة وبردية شمس : ميثاق انت منيح
ميثاق :راسي رح يتفجر
شمس : اكيد برد
ميثاق : غطيني كمان
خليت الصوبيا متل الجمر ولساتو عم يرجف وعيونو مدمعين
شمس : اتصل بمرت عمي
ميثاق : برد شمس غطيني كمان
شمس : ميثاق هي كلشي عنا حرامات.
ميثاق : ماعم يوصلني دفا
ما اقدرت اعمل اي شي بس خفت عليه كتير واحترق قلبي عليه لانو عم يهودس وحالتو بتزعل
ليلتها ما نمت ضليت خايفة عليه وما كنت بعرف انو مرضو صعب تاني يوم اجو بيت حماي فتحت الباب ودغري فاتو للغرفة ولساتو ميثاق بالفرشة ومتغطي قعدت بجنبو حماتي

ام مروان : ميثاق انت منيح
ميثاق : منيح
ابو مروان : اشربت دوا
ميثاق: اي
ابو مروان : اتصلك ب ابو عمار
وفرط ضحك ميثاق
ميثاق : عاملني مسخرتك
ابو مروان : هههههه قوم يلا بدنا نطلع للسهل
ميثاق : سهل وطين
ابو مروان : بدي تفز من هالفرشة انت دغري بتستسلم للمرض
ميثاق : خطيتي برقبتكن
ام مروان: حاجتك بتسمع كلمة ستك
ميثاق : امبلا حكت منك انتي صارت مناعتي زفت
ابو مروان : معها حق قضيتها مريض وعليت قلبنا خليني اتصلك بابو عمار
ميثاق : ههههه اخ
ابو مروان : يلا قوم ولا بخبر رفقاتك
ميثاق : ماعندي شي اعملو
ابو مروان : اسأل شمس
ميثاق : هههه
ام مروان : ساوي فطور وخليه يشرب الدوا
ابو مروان : لا تتغدو رح نحسب حسابكن
ميثاق : ساوي قهوة شمس
ابو مروان : لا بدنا نروح قوم من هالفرشة .
ام مروان : دفي حالك اي
ميثاق : طيب وين رايحين خليكن
ام مروان : لا بدنا نروح لعند ستك زمان ما اجت علينا
اطلعت ودعتهن وارجعت لقيتو بغرفة النوم
شمس : ميثاق ليش اضحكت مين ابو عمار
ميثاق : ع اساس ما بتعرفي انو بيطري
وغصب عني كتمت الضحكة بلعتها هلا بيتحسس الافندي عمي نهفة بيضحك
شمس : بدك ترجع تنام
ميثاق : اي
شمس : ما اتعبت
ميثاق : شمس سكري كلشي واتركيني بحالي
شمس : بس الجو حلو
ميثاق : شو حلاه برد
سكرت كلشي عليه ورحت جهزت فطور مشانو وكل شوي افرط ضحك على حكيات عمي ولا ميثاق مبسوط كتير منو بس هو وعمي بيناتهن مزح كتير .
~
بيوم رحلة السهل بعد رجعة مروان كانت الاجواء غير شكل مزح وضحك بس وقت عمي خبرنا انو حجز اعرفت انو ميثاق قربت سفرتو لهيك انتزع مزاجي كنت اراقبو وقلبي ينقبض كان مابدي يجي يوم السفر ابدا وبيوم سفر عمي التجمع للرجال بمضافة عمي وعلى قهوة وشاي واستغربت حماتي مو زعلانة ابدا محمود حط الشنته بالسيارة وفات عمي ودعنا كلنا واوقفت عند الباب اتفرج على لحظة الوداع كان عم يسلم على اولادو وودعهن وهلا عهد صارت تبكي هي ووعد
ام محمد : خلص لشو تفاولو عليه يروح ويرجع بالسلامة
واتيسر عمي ومروان اخد نسرين ولولاد وراح
ام مروان : وحدة منكن تعزل المضافة
طبعاً عهد زعلانة لهيك فاتت ع غرفة امها وانا فتت لارتب المضافة
وحسيت بملل كبير وخايفة من يوم سفر ميثاق كتير
~~
وبرى كان عم يتفق مع علي مشان السفرة
علي : لك خلينا نسافر بسيارتك
ميثاق : رح يصير عليها اشكال سألت باسم وحكالي لازم تكون محولة باسمي
علي : لك راح عن بالي ولشو هالقوانين
ميثاق : متلي متلك انا اتصلت بمكتب الشحن بدي اسلمها ع لحدود بهاليومين
علي : لك والله خليك ازا مشان المصاري انا بعطيك لساك عريس
ميثاق : لو فاضل يرد عليي فيها ما فيها كل ما قلتلو بدي اغير الراتب عم يحط مية حجة ازا ما رحتلو شخصي مارح يصير الي بدي اياه
علي : ازا هيك انت ادرى بمصلحتك يعني تيسر عمي ابو مروان
ميثاق : اي هلا تيسر
علي : خلص لكن هلا بتصل بالحجوزات مشان نثبت يوم الاحد
ميثاق : ازا الله راد
محمود : ايمتى
ميثاق : الاحد
محمود : والله ما اشبعنا منك
ميثاق : هيك هيك بدي اسافر يعني لو ما امن اني حجزت بيرضى يطلع
محمود : بابا لشو متدايق
ميثاق : مابدي أوصيك
محمود : لا توصيني انا مابحب هالشي
ميثاق : لاني بعرفك كفو مروان مو متلك
محمود : شو بدو يصير عليها
ميثاق : انت بتوصلها لبيت اهلها واي شي بدها اياه من البيت بتوصلها مو ترد ع حكي امي وستي
محمود : لا تشيل هم بس انت بتعرفتي مابحب مرافقة النسوان
ميثاق : انا بنبه عليها كمان
محمود: بس رح نستفقدلك
ميثاق : وبترتاحو مني
محمود : هههه لك والله مكيفين عليك
ميثاق : قصدك ع جزداني
محمود : ههههه
فات للمضافة وغص لشوفة شمس وحس انها مهمومة كرمالو سكر المضافة وخلاها تقعد بجنبو
ميثاق : شبكي يا روحي
شمس: حجزت
ميثاق : من مبارح
شمس بخوف : وايمتى
ميثاق : الاحد
شمس : ...
ميثاق : يعني مافي تروح وترجعلي بالسلامة
شمس : قرب الاحد
ميثاق : اي بترتاحي مني
~~~~
ومابعرف كيف ركضت الايام ركض لاجى يوم السبت وحماتي اصرت تعزمنا ع الغدا وانا ماني قدرانة وحاسة انو يمكن اموت ازا بيتركني ميثاق والمغرب ستو قلعتنا تقليع
طبعا كل الوقت ميثاق ساكت ويومها ما حبيت حتى السهرة معو وكل شوي واحد مننا يتنهد
ميثاق : ليش ساكته
شمس : انت مو متحاكي
ميثاق : هي اول سفرة بحس انها صعبة عليي
شمس : ....
ميثاق: شمس مابدي اوصيكي بدي اسافر وانا مطمن عليكي
شمس : شو رح يصير عليي
ميثاق : مابعرف بس الي متاكد منو انتي مسكينة قدام خباثة العالم
شمس : لا رح اصير متل مابدك
ميثاق : اوعك شمس تأمني لحدا ولا لأي حدا كلشي بدك اياه بتطلبيه مني وانا بتصرف ولا تسمعي كلمة ستي على هاد متل ابوكي وهاد متل اخوكي لانو ماحدا اخو حدا