اتغدينا مشاوي ونزل مقبلات كتير وطلب عصير وسلطة فواكه
وبعد الغدا توجهنا للفندق
شمس : مشالله عنك حافظ الشام حفظ
ميثاق : اول مرة زرتها كنت غشيم اجيت لعند عمي عبد
وفجأة ضحك حسيت انو صاير معو موقف
شمس : وليش اضحكت
ميثاق : هههه بتعرفي يومها ارجعت بنص الليل للبلد
شمس : يوه ليش ارجعت
ميثاق : هو بيشتغل بمغسل ومستاجر غرفة الجرادين ما بتسكنها انا شفت منظر الغرفة ونفسي صارت تقلب واطلعت ركض من عندو

ضحكتو عالم تاني سحرني
شمس : هههه ليش بقى
ميثاق : هي صغيرة ما اختلفنا بس فيها كومة وسخ وتعي اقنعيني ارجع صار يترجاني بدو يكنس ويشطف بس ولايمكن اقبل انام عندو اتصل ب ستي ع اساس بتمون عليي وبلشت برضاي عليك نام عندو تعي اسمعي امنه ابنك راجع بهالليل طبعاً مارديت ودغري للكراجات وضل طول الطريق يتصل لحتى اطمن اني صرت بالبيت واول ما وصلت لقيت ستي وجدي الله يرحمو ناطريني
ام محمد : لك ليش ارجعت
ميثاق :انت لو تشوفي مزبلة ابنك
ام محمد : ههه تقبرقلبي انت موسوس كتير
ميثاق : لا ستي ابنك ما بيعرف شو يعني نظافة
شمس : وعنجد ارجعت بنص الليل
ميثاق : اي ومن حظي كان شوفير من القرى المجاورة وصلني للاتستراد وانا دبرت حالي للبلد
شمس : ما خفت تنخطف
ميثاق : هههه زمان كان امان مو متل هلا
شمس : واكيد انكسر خاطر عمك
ميثاق : هههه ما بتحمل شمس بموت بيضل جسمي يحكني بس اشوف مكان مو نظيف
شمس : هههه اي بشوفك كتير بدقق ع هيك شي
ميثاق : ايمتى دققت
شمس : بس حدا يضيفك مي بكأسة ما بتقبل تشرب الا من الابريق
ميثاق : هههه هيك الله خلقني واصلا بستغرب من الي بيشربو من الكاسة
شمس : هههه هيك رؤى اختي بتعمل
ميثاق : ما بتحمل حاولت ما اقدرت وع فكرة ازا الاكل زنخ ما بدوقو وبشم ريخة الزنخة من بعيد
فرطني ضحك عليه
ميثاق : تسلميلي هالضحكة بس ضحكتك فيها أن
شمس : زكرتني برؤى هيك متلك موسوسة زيادة
ميثاق : حبيتي المشوار معي
شمس : بيجنن
ميثاق : للامانة اول مرة بطلع سياحة وهيك بكون مبسوط
شمس : لاني معك
ميثاق : الحياة معك راحة نفسية شوفتك بتريح
زاد خجلي منو بس هاليوم بكل ايام عمري
وصلنا للفندق وخلينا الهدايا بالسيارة وقفنا عن موظفة الريسبشن أعطاها الهوية
الموظفة : ليلة وحدة
ميثاق : اي
الموظفة : اتفضل واليوم في بوفيه مفتوح بوقت العشى
اعطتو بطاقة الغرفة واطلعنا نرتاح بالغرفة اول ما فتحها حسيت براحة نفسية برودة غير شكل اخدت راحتي بالغرفة شلحت الشالة والمانطو والبوط غسلت ورحت ارتاح على التخت

~~~~
المغرب برجعتهن للبيت كانت شايلة همو ستو
ام محمد : ليش ما اتصل
عهد : معو القمر شو بدو بالنجوم
ام مروان : الله يسرلو يارب
ام محمد : اتصلي فيه ليش مبردة دمك
ام مروان : شو بدو يصير عليه رجال
عهد : وازا رجال ما بصير عليه شي اتصلي
محمود : اما انتي وقت تفتحي تمك بالخير غير شكل
عهد : خايف عليه
محمود : اي ع مين بدي اخاف يعني
ام مروان : ميثاق ما بينخاف عليه
ام محمد : اتصلي فيه والله قلبي متل النار
وعد : ليش ما أخدنا
عهد : شو بدو فيكي هو اخد بنت العز والجاه الي بحياتها مو شايفة شي
ام محمد : بدك تتصلي
ام مروان : يلا بس لاتحمم
ام محمد: والله قهرتيني احمد اتصلي بابنك لشوف
ابو مروان : وينو
ام محمد : بالشام وما اتصل
ابو مروان : شو بدي اعملو يعني
محمود : طول
ابو مروان : كان يسافر وما ادرى الا ليرجع للسكن
ام محمد : والله عيلة بدها حلم الله
ودغري مسك محمود موبايلو ليتصل ب ميثاق
~~~
ساعات من النوم حسيتو بحياتو مو نايم ما اقدرت اطالع اي صوت لحتى ما ينزعج واول ما رن موبايلو نقز وكتير انقهرت عليه رد وهو شبه غفيان
ميثاق :الو....اهلين......اي نايم......لا مو راجعين.... بالفندق نحن .....لا ينشغل بالكن .....لبكرى....ماشي الله معك
شمس : مين
ميثاق : محمود ....اوف الساعة تمانية
شمس : ما حبيت ازعجك
ميثاق مبتسم : لك ازعجيني والله ازعاجك غير شكل ما نمتي
شمس : ما اقدرت انت كيف نمت
ميثاق : غمضت
شمس : لك والله نومتك بحياتي ما شفت متلها بدي احسدك
ميثاق : نومي خفيف لانو
شمس : اي مشالله مفتح ادنيك وكل حواسك بتقهر
ميثاق : هي نومة الي عندو مسؤوليات مو متل بعض ناس بحطو راسهن ولو بتقوم حرب ولا عبالهن
شمس : بس انا بطول لاغفى
ميثاق : ههه اتحركشيني ازا هيك
شمس : نيالك نمت
ميثاق : تعي انيمك
شمس : حابة اتنزه تحت
ميثاق : حاضر ومنو بدنا نتعشى
جهزنا حالنا وانزلنا لتحت صالة الفندق بتجنن والبوفيه المفتوح فيو من كل انواع الاكل شي بيجنن وما بيمنع صورت كلشي لاجاكر عهد وحتى نور
~

وكانو ببيت اهلو عم يركبو الصوبيا لانو كتير برد مع اجواء الزيتون عم يرجعو من الكرم بردانين وبعد ما خلصو شغلها محمود وخلاها جمر
عهد : لك خفف لتروح تطير
محمود : اتخيلي عهد احط راسك بالصوبيا
وعد : ههه بتموت
عهد : يييي ضحك عليها ميثاق ما أخدها معو
محمود : لا تردي عليها هي عيوش
عهد : ماما
وعد : هههه
محمود : بعدين وعد مو تقيلة دم متل بعض ناس
عهد : فشرت بنص عينك
محمود : يارب حيلا حمار يدحمك بلكي نخلص منك
عهد : المهم ميثاق ضحك ع وعد
طبعا وعد زعلانة كتير مو شوي بس مابدها تظهر
محمود : لا تردي عليها بعدين هني متزوجين جديد لو اخدوكي وين بدك تنامي
وعد : اي انا ما ازعلت وبحبو لميثاق بكفي انو اخي وحنون كتير
عهد : لسى بتحكيلو اخي صار لجماعة تانين بكرى بصير يبعت ل بنت رؤى ولاخت شمس تياب الك لا
وعد : عنجد
محمود : لك لا تردي عليها معها انفصام هي
عهد : يييي يا حرام يا وعد اخوها حبيبها صار لعيلة تانية
وصارت تبكي وعد من كل عقلا وعهد تكركر ضحك عليها ومحمود الا يراضيها وضرب عهد
~~~
الجو حلو كتير او لانو بجنبها ما قادر يحدد شعورو و لانو ماسك أيدها وعم يلعب بشعرها عم يتملكو احساس جديد قدام الشاشة عم يتفرجو على فيلم قلبو عم يدق واكيد شمس سامعة الدقات ومستمتع جنبها لابعد الحدود سحب ايدها وباسها
ميثاق : ما انعستي
شمس : خلينا نكمل الفيلم
ميثاق : شو قصتك مع شاورخان
شمس بتلبك : اه ليش فيها قصة
ميثاق : متابعة كل افلامو ع فكرة هاد الفيلم عن حياة الهنود مافي حب عم يفرجينا الاخ كيف وصل الخدمات لضيعتو البدائية يعني شو بهمك ازا ما كانت قصة حب
شمس : حلو الفيلم وبالعكس هي الانسة بتصير حبيبتو
ميثاق : لك شمس لا تلعبي بعقلي الهدف هون مو حب ولا قصة غرام لو في ممثلة معو
شمس : ببالي قصة حب
ميثاق : انتي مولعة بافلام هالمحروس
شمس : والله ولامرة حضرتلو اصلا اول فيلم حضرتو مع وعد وكنت اتابع مسلسلات سورية قديمة بس انت شو قصدك
ميثاق : انتي معجبة فيه
شمس : هههه ضحكتني بتغار منو
ميثاق: لا حبيبتي رح انزلك كل افلامو لشو اغار
شمس : ما بروح من بالي الفيديو الي انتشر اكيد شفتو وقت ما صافح البنت المسلمة يا الله شو حبيتو
ميثاق : حبيتيه
شمس : للموقف
ميثاق : ببالي للبطيخ
شمس : ما تحكي عليه حرام شو عملك
ميثاق : لا تجننيني شمس شو عم تخبصي
شمس : انت شكلك متقل بالعشى
ميثاق : من اليوم ازا لسى بشوفك ع افلام هندية لا تلومي الا حالك

طفتو واتكتفت
ميثاق: اريح
شمس : بس ما حلوة تغار من شقفة ممثل
ميثاق : لا غيرة ولا شي بس هي الافلام الا ما يمرق فيها لقطات وافكار مسمومة
شمس : شو بدك اتابع اكشن يعني افلامك بتخوف
ميثاق : وبلا افلام خلص منحكي حكي شموستي
شمس : اي
ميثاق : ما حكيتيلي عن اول حب بحياتك
وفجأة حس على خوفها
شمس : انو حب
ميثاق : ولو معقول ما حبيتي او مثلا اتملكك شعور انك معجبة
شمس : ولا في منو هالحكي
ميثاق : معقول صبية بعمرك ما مرقت بتجربة لو فاشلة عادي احكيلي
.. ~~~~
اتزكرت وصايا رؤى
رؤى : اوعك شمس تحكيلو انك حبيتي
شمس : يوه ليش انا حبيت
رؤى : ولو رح يجرجرك لو مثلا قلتيلو اعجبت بفلان رح يحط راسو براس فلان ورح يسود عيشتك ويبلش يقارن
شمس : بس انا ما حبيت
رؤى : لرجال ما بنقدرو بيضلو ورا الوحدة لتعترف ع حبها الاول بالروضة
شمس : هههه شوفو قلة العقل يعني شو اعمل
وخليه يعرف
رؤى : اوعك شمس في رجال بيطقو فيزواتها ويمكن توصل للشيطان الرجيم ما شفتي مها ورامي وقت رشا فسدت عليها وحط الزلمة براسو وعلى مكاتيب وخلافو وصارت مجاكرة واتدخلو خوالها
شمس : بس والله رامي شخصية شفتي ما احلى غمزتو
رؤى : يا ويلي بدها تجنني شو افهمتي
شمس : حبيت ما حبيت ما شاورت حالي
نقزت من صوتو
ميثاق : شو شمس مافي جواب
شمس : سدءني مافي منو انا اصلا ما لحقت
ميثاق : لا لحقتي ومشالله عنك اكيد اعجبتي
شمس: مافي منو
ميثاق : بتحلفي ع القرآن
شمس : شوووو مو حرام عليك تدخل القرآن بهيك شغلات عنجد صدمتني
ميثاق : مدامك مو عشقانة بزمانك رح تحلفي
شمس : والله لو بدي اموت ما بحلف.
ميثاق : معناها حبيتي
شمس : انت ليش بتسأل اصلا سؤالك مو بمحلو
ميثاق : بدك تجاوبي ولا اروح انام
شمس : لا ما حبيت
ميثاق : ابدا مانك سادءة
وقف وراح ينام عنجد راقبتو كيف اتمدد واسترخى وما اقدرت اضل لحالي رحت لجنبو
شمس : سدءني ما لحقت احب بعدين عمر كان عامل علينا حجر وين ما نروح يلحقنا
ميثاق : يعني ما صحلك
شمس : لو حبيت ما كنت شفتني جنبك هلا

ـوغصيت كتير لانو ما اقدرت ابوح لمحمد عن مشاعري واصلا الي بيني وبينو نظرات من بعيد لبعيد بس كانت ايام من احلى ايام عمري بالاخص وقت يمر من جنب بيتنا بالموتور ويكون لابس بلوزة سودة لليوم ما بنسى مرسوم عليها نارة ولا شعرو كيف كان مربيه متل الزعران واخر مرة شفتو فيها كان بسيارة ومر متل سرعة البرق من جنب بيت اهلي وهلا قلبي عم يدق بسرعة لاني حنيت لهديك الايام

ميثاق : انتي كزابة شمس
شمس : شو لازمة هالحكي
ميثاق : لانو انا صارحتك بكلشي بس انتي مابدك تصارحيني باي شي بتفكري رح اهددك او اروح لعندو احكيلو ليش حبيتها
اغرقت بضحكتي بس كانت ضحكة قهر لانو ما طسني الافندي
شمس : ميثاق انا مابكزب والله ما حدا غريب بيعرفني
ميثاق : معناها قريب
شمس : والله ما حبيت حدا بيقربني ولا صار هيك شي
ميثاق : يعني حبيتي من طرف واحد
شمس : ما لحقت احب ...نحن اصلا ما عشنا مراهقة متل باقي البنات اكبرنا ورؤى الي بتكبرنا بكم سنه فهمتنا شو يعني صرنا صبايا كنت اخجل خالتي ما فهمتنا شو يعني اكبرنا ورؤى سألت نور بوقتها شمس لسى ما بلغت وحكتل

- النص المستخرج من الصورة: 📝
V2 K/8
10
ورؤى
شغلات
سألت نور بوقتها شمس لسى ما بلغت وحكتلا امبلا من
شهرين ولامتني ليش ما خبرتها . بس انا كنت مو متقبلة
هالشغلة ابدا وخالتي ما حكت ابدا بهالموضوع وكنا قليل
لنشوف رؤى وعطول اتهرب من هالموضوع صارت كتير
معي ما اقدرت احكيها لحدا هلا بستغرب من جرأة
عهد من كلام بخجل احكيه وما اتعودت اسألو ببساطة كانت
خالتي بس يبلشو يحكي عن الحمل ولولادة تحكيلنا يلا روحو
عيب تسمعو
ميثاق : يعني افهم منك قصرت معكن
شمس : بس يمكن بدون قصدها هي حنونة وكلشي بس انو
ما اهتمت فينا بهي المرحلة
ميثاق : و مع هيك انتي بهديك الفترة اكيد حبيتي لو بينك
وبين حالك
شمس ليش لاحب
ميثاق : لانو كنت محتاجة تفرغي عن الي جواتك ومتأكد انك
حبيتي بس انتي مابدك تعترفي قدامي
شمس: حبيتك الك
ميثاق : انا بدي اعرف قبل الزواج
شمس : ليش انت حبيت
ميثاق : انا ما لحقت اراهق ومراهقتي كانت عبارة عن عصبية
مو حب وغرام
شمس : ليش عهد حابة
ميثاق : شو بدي بعهد بكرى جوزها بيسالها انا بدي
اعرف .... شمس في غيري بعقلك مابدي اقول بقلبك
شمس : يلا تصبح ع خير لانك مو ناوي ع خير
لفيت للصوب الثاني مقهورة منو كتير في حدا ضربنا عين
جاب اجلنا
ميثاق : وهي الحركة بالزات اكدتلي انو جواتك قصة حب
عميقة
غمضت من قهري لاني عم ارجف وخايفة من شي ما عاملتو
لو موجود جواتي هي لو حبيت و انحبيت شو بصير فيني

الإشارة إلى مزيد من الأصدقاء
القسم الثالث عشر
شمس الغرام ♪
{بقلمي مايا الحجازي}.
كان شبعان نوم لهيك ما نام بس الظاهر شمس نامت وبلشت تدفيش وكل شوي تبعد لحرام عن حالها ولساتو عم يتأمل حركاتها كلا
ميثاق : طفلة لدرجة بس شو علاقة وجود الام
او غيابها يا ترى اتهربتي لانك حابة ولا لانو كان من طرف واحد ..... بس رح اعرف لو ضليتي تنكري معقول من ولاد عمها....مو تفكري انو بدي احاسبك بس بدي اشوف زوقك ومتأكد لو بتعرفيني كنت حبيتيني من اول نظرة متل ما حبيتك وانشرحلك قلبي من اول لمحة دخيل نظراتك يومها لك انا اتطلع واحكي بحالي اكيد رح تخجل مني بس لا تكون واثقة من حالها وتفرجيني انها مو خجلانة مني
وما قدر يقاوم كان عشقان كل التفاصيل الي جمعتو فيها قرب منها وغطاها وغمض ليحاول ينام وهو عم يتنفس من عطرها ونفسها
~
الصبح استوعبت اننا مو بالبيت وانو هلا نحن بفندق بيجنن وانو اشتريت كومة هدايا اتجلست وشفت ميثاق بعيد عني اصلا هو بحب ياخد راحتو بالنوم مشان لا ازعجو بهدوء رحت للحمام غسلت ومشطت وارجعت لعندو اتسلى ع موبايلو سرقني الوقت وانا اتفرج ع رحلة مشاوي مصورة ومبين هو فيها صحيح رفقاتو حلوين بس هو احلى شي فيهن دبكة ورقص وضحك غير شكل اجواءهن واول ما اتجلس دغري ابتسمتلو
شمس : صباح الخير
طبعا ما عجبو ودغري راح للحمام
هاد كيف بيرضى يا ترى اعترفلو وخلص يا ويلي بلكي انا ما حابة يعني يلزقها فيني للشغلة شه
حكى بلهجة جامدة
ميثاق : جوعانة
شمس : لو جوعانة مافي نفس للاكل
ميثاق : ليش
شمس : هو الواحد ازا في ضحك ومزح يالله يتقبل الاكل كيف وانت معصب
ميثاق : اه انتي اتعودتي ع الدلال
شمس : ساعة نحس الي اجينا فيها انا شو عملت لتلتئم فيني هيك
ميثاق : انا لئيم
شمس : وحقود
ميثاق ؛ بتحكي جد
شمس : وندمانة اني اتزوجك منيح
وبلشت ابكي من قهري
ميثاق : خلص لشو عم تبكي
شمس : انا مابدي منك هدايا مابدي منك تدللني انا مافكرت انو للدلال ضريبة خلص عاملني متل اي حدا هي المعاملة كانت جديدة عليي وحبيتها
ميثاق : خلص خلص ما حكيت شي
شمس : ماحدا دللني مافكرت انو لازم ادفع التمن دغري
غمرني وما حبيت ابدا دايقني
شمس : بترجاك بعد عني لا تحن عليي لانو ما حلو وانت عم تقسى عليي
ميثاق : لا تبكي خلص بترجاكي انتي حساسة كتير
شمس : خلينا نرجع هلا بترجاك
ميثاق : ليش
شمس : مابعرف بس مابدي ابقى هون ماحلو المكان ماحبيتو
ميثاق : لانو جافيتك
شمس : بحب ابقى بالبلد هون ماحلو
ميثاق : خلص لا تبكي ولوو يعني ما لازم امزح معك او اجرب اغير معاملتي
شمس : انا مابعرف شو اعمل لتسدءني
ميثاق : عمري ما سدءت بس لا تبكي
شمس: يلا رح اجهز حالي
ميثاق : لسى بكير
شمس : احسن مشان نوصل ع بكير
ميثاق : ع شو مستعجلة معنا وقت طويل بدنا نتغدا هون كمان
شمس : انا ماني جوعانة ازا انت جوعان افطر
ميثاق : كيف مانك جوعانة مو اكلنا سوى
شمس : بطني كتير موجوعة
ميثاق : سلامتك سلامتك
حاول كتير فيني بس ما اقدرت اروق كنت بس بدي نرجع للبلد وشفت كل الغرفة بشعة وما حلوة رغم انها شرحة
طلب فطور للغرفة وما عجبني ابدا
ميثاق : ازا ما اكلتي ما رح اكل
شمس : لو جوعانة اكلت
ميثاق : بدك تجبري حالك يلا
شمس : وبدنا نرجع
ميثاق : اي خلص متل مابدك
اطمنت كتير واكلت كم لقمة بس ليبطل يعزم عليي
شمس : رح اللبس انا ماشي
ميثاق : ماشي
~~~~
كان عم يفكر شو عملا لتزعل وتبكي
ميثاق : واطلعت لئيم وحقود لو بعاملها متل ما بعامل كل الناس شو بصير فيها شو يعني ما اتعودت حدا يدللني معقول شمس ما كانت مدللة كيف اكتشفت اني حقود كل هالشي وحقود اطلعت
وقت شافها جاهزة كتير انقهر لانو ماحابب يرجع بكير
ميثاق : على الاقل نشرب قهوة
شمس : ...
قعدت متل الي وراها مشوار ضروري
شغل سيكارة وما عجبو كل الي صار
ميثاق : سدءيني ما قصدت ازعلك طيب لو صار معي شي مو منك وما حبيت الاطفك هيك رح تبكي
شمس : فكرتك انسيت شو حكينا
ميثاق : بس بدي افهم مزاجي ازا كان مضروب ممنوع اجافيكي
شمس : انا مابعرف كيف بدي اراضيك لهيك خفت ماترضى
ميثاق : ليش انا زعلان
شمس : اي ليش ما قلتلي صباح النور
ميثاق : مافي مجال اعيش الدور نتفه ضروري كلشي الك
شمس : ما توقعت نتزاعل هون او يمكن انا صبت حالي عين
ميثاق : ع شو
شمس : مبارح ما سدءت انو انا نايمة بالفندق وانو شفت الشام واخيرا وعجبوني كل الهدايا مو مسدءة ارجع مشان ارتبهن وبدي اجاكر بنور زمان كانت تيجي للشام مع خالتي وتحكيلي اديش طيبة بكداش والكبة المشوية وانا احكيلا بس اروح للشام رح تنقهري وهي تحكيلي ولا باحلامك بتشوفيها

ميثاق : وانا زعلتك وانتي كنتي كتير مبسوطة
شمس : مابقى بدي احسد حالي اصلا مبارح كان متل الحلم بالنسبة الي
وما قدر يضل بعيد عنها قربها منو
ميثاق : مافي شي اسمو حلم وهلا رح نتفتل متل مبارح واكتر ورح نطلب كبة مشوية
شمس : بس رح نرجع اليوم
ميثاق : اي منرجع بس ليش مستعجلة هيك
شمس : هنيك برتاح اكتر
ميثاق : يعني مو مرتاحة معي
شمس : كنت كتير مرتاحة
ميثاق : وهلا
شمس : لانك روقت ارتحت
ميثاق : ما عصبت والله كيف بتحللي الامور
شمس : حسيتك مو طايقني وكرهاني
ميثاق : ييي ع حساسيتك الزايدة طيب منغير الموضوع بس نور جاية للشام بزمانها
شمس : ورؤى كتير اجت
ميثاق : وليش انتي لا
شمس : حكولي ازا امرضت واستعصى المرض بيجيبوني
ميثاق : بعيد الشر عنك ليكك اجيتي سياحة
شمس : وبسيارة خاصة كمان
ميثاق : يعني رح تصير زكرى حلوة
شمس : والله قلبي عم يغرف للهدايا
كانت عفوية كتير وكانو ما بكيت وانقهرت منو
ميثاق : ما بيغرف الي قلبك ولا بس للهدايا
ودغري باستو ع خدو
ميثاق : اطيب بوسة من اطيب مخلوق طيب بربك لا بقى تبكي لو شو ماصار
شمس : انت حاول قد ما فيك تضلك منيح وشوف ما احلاني
ميثاق : بتجنني مو بس حلوة رغم انك جنبي بس مشتقلك تخيلي
شمس : هي لانك بتنام باخر التخت
ميثاق : ههههه شو قوية انتي....... شموس
شمس : اي
ميثاق : من وين الله بعتلي اياكي
شمس بضحكة : من السما
ميثاق : بحس اني بعرفك من مية سنه
شمس : ههه قبل نخلق يعني
ميثاق : والله هيك بحس لا تسدءي
شمس : وانا كمان بحس اني بعرفك
ميثاق : ايوا هاد مربط الفرس شمس ليش بيوم شفتك ما حاولتي تبعدي نظراتك عني
شمس : هههه بخجل احكيلك
ميثاق : بربك تحكي
شمس : بشرط
ميثاق : اتدللي
شمس : منتفتل ومنتغدا وببيتنا بحكيلك
ميثاق : يا ويلي بدي انطر لنرجع وبلكي اتحججتي انو انسيتي
شمس : لا لا ما بنسى
ميثاق : طيب قوليلي شي حلو متلك
شمس ؛ ههه لا ما بدي
ميثاق : حبيبي قلبي هيك شي
شمس : كنافة
ميثاق : بسيطة فيكي
شمس: ومدلوقة
ميثاق : هههه تكرمي حاضر انا
شمس : بس انا مابدي
ميثاق : مو بكيفك وطلبك رح يكون ع راس لسانك وحتى ازا بدك اشري تاشير وبيحضرلك شمس :يلا خلينا نرجع
ميثاق : يلا جاهزة انتي
شمس : اي ليكني جاهزة
ميثاق : يلا لكن
~~~~
ارجعنا لنفس التفتيل اتحلينا ورحنا للشام القديمة وزرنا اماكن جديدة واشترى كتير حلويات وكعك وغزلة اكيد لاهلو وهلا صار وقت الغدا فتنا لمطعم كتير فخم وطلبلي كبة بكل انواعها وحسيت اني اخلقت من جديد مع انو اكرهت حالي الصبح بس ميثاق عم يولد جواتي احاسيس كتيرة وعم يعيشني لحظات لا تنسى عم يعوض النقص الي جواتي حسيت انو عوض من رب العالمين وارجعنا للبلد بعد ساعات سفر ومو مسدءة نوصل لبيتنا مو لبيت حماي
شمس : ميثاق
ميثاق : يا قلب ميثاق
شمس : بدنا نفوت لبيت اهلك
ميثاق : انتي شو بدك
شمس : لا ما جاي عبالي الا ارتب الهدايا كمان ماحابة حدا يشوفهن
ميثاق : ليش
شمس : اسمعت عهد تقول انو انا حديثة نعمة وانو انا ما شايفة العز ولا شامة ريحتو وهلا رح تقول انا جبرتك تشتريلي مو انت استحليتهن
ميثاق ؛ هي هيك بتحكي
شمس : ما خبرتك لتزعل منها بس كمان لا تحكي شو اشتريت
ميثاق : اكيد ما بحكي ولا تخافي مارح ازعلها بس بدي منك لا تلتفتي للحكي لانو الناس بدها تحكي ما بهمها ازا انتي حبيتي او لا عجبك او لا يعني ع الحالتين رح تحكي لهيك متل هالكلام اعتبري حالك ما اسمعتيه واتاكدي مافي اهل بيبخلو ع اولادهن او قصرو بحقهن بس الي عندو مشكلة مع حالو بيصير يعمل تقييمات بينو وبين حالو ويشاركها قدام الناس مشان يحاول يقتنع انو هو احسن من الكل يعني الشغلة نفسية مو اكتر وانا بدي منك عند اي موقف ما تسكتي ابدا الجقر بدو واحد جقر متلو والمحترم بالمثل يعني عاملي الناس كل واحد بنفس مستواه وبعدها شوفي الكل بصير يحسبلك الف حساب بدون ما يحس على حالو
_ـعجبني كلامو كتير يمكن مارق على راسو اشكال الوان لوصل لهالمرحلة من النضج وعدم اللامبالاة وصلنا للبلد والشمس عم تغيب والغيوم سودة محملة مطر وصلنا لبيت حماي ما خلاني انزل اتصل ب محمود واعطاه كلشي اشتراه الهن وانطلقنا للبيت وكتير فرحانة ومبسوطة والمطر عم يهطل ع الخفيف نزلنا الاغراض ودغري لغرفتنا للراحة النفسية شغلنا الدفاية والشاشة وهو رح يعمل دوش وانا اتسليت بترتيب الهدايا .
~~~~
عهد وهي عم تاكل ومو عاجبها
عهد : يعني ما فاتو خايفين مننا
ابو مروان : بكونو تعبانين
عهد : بتكون مخليتو يشتري هدايا كتير ومابدها حدا يشوف أنها بحياتها مو شايفة لتياب والاكل كمان
محمود : ليش بقى لقيتوها بالشارع وانتو كسيتوها وطعميتوها ولا كانت معززة مكرمة ببيت اهلها وانتو طلبتوها لابنكن

عهد : لا تحاول تردف ضيعتنا صغيرة
محمود : ابو عمر من يوم يومو مغترب متل بابا وميثاق والي منعرفو اولادو مربيين احسن ترباية ومشالله عمر كل تيابو من برى البلد وشرطك ما بيلبس الا لبس تقيل وحلو وبالمثل شمس من يوم اجت لهون ولبسها حلو بالعكس زوقها كتير حلو بالعلامة عمتي عجبها وحتى نهال حكت اي شو هاد شي بيجنن
عهد : وانت مين حطك محامي دفاع لاهل شمس
محمود : لا بدي تستوعبي ماحدا احسن من حدا
ابو مروان : كل الناس خير وبركة
ام مروان : بس لا ترادد عهد قدام شمس
محمود : بدي ارادد ومو بكيف حدا واصلا عيب عليها هالحكي صارت مرت اخوها ولازم تحترمها
عهد : يوه فشرت بنص عينها لاحترم جوزها بحترمها
ابو مروان : خلص بقى سمعونا
محمود : ليش ما بتحكيلك كلمة عهد من المرة عم تتطاول ازا بيسمعها ميثاق والله ليسحب لسانها
ام مروان : يسترجي
محمود : عادي تدعي ع ابنك قدامك
ام مروان : ترى مو ناقصني الا انت وعهد
محمود : بس انا بفرجيكي
عهد : احمض ما عندك اطبخو
طبعا مكيفين عليها اهلها
~~~~
ما استرجيت احط ع قناة هندي حطيت ع مسلسل عيلة ٨ نجوم
ومجهزين سهرية غير شكل كنت لابسة شورت وحفرة ومندمجة وكمان ميثاق مندمج
ميثاق : اي شموس ما جاوبتي
شمس : ع شو
ميثاق : على سؤالي
شمس : انو واحد منهن
ميثاق : وقت اجيت اشوفك
شمس: اسمها النظرة الشرعية
ميثاق : يا ويلي ما احلاها هههههه المهم ليش هيك كنتي جريئة وقوية
شمس : بدك الصراحة
ميثاق : مابدي غيرها
شمس : بتعرف اعلان مش هتقدر تغمض عينيك
فرط ضحك عليي
ميثاق : بس ما افهمت شو صار معك يومها
شمس : ما قلتلك وصفوك انك بشع هون من لحظة اوقفت عند الباب وصابني عدم تسديء لما اراه
ميثاق : يعني عجبتك
شمس : الصراحة.... مو شوي كتير وصرت قول يارب يوافق
ميثاق : وبتدعي كمان انا رحت بشربة مي من اول نظرة صرت احكي بحالي لا توافق يا زلمة وين المبادئ ومن هالحكي
شمس : اعترف يلا
ميثاق : انسحرت والله
شمس : شو عجبك فيني ما كنت اعرف
ميثاق : يا ويلي قولي شو ما عجبني اتخيلت كتير من لحظة حكو بنت ابو عمر واسمها شمس وانا اتخيل ما خليت اقتراح بعقلي حكولي حلوة بس الواقع انتي احلى بكتير من الوصف
شمس : بس عيوني مو ملونة
ميثاق : ليش عيوني ملونة
شمس: انتو الشباب بتحبوها بيضا شقرا عيونها زرق او خضر والمهم بيضا
ميثاق : والله مو ببالي الشقار والبياض ببالي اديشك صغيرة وناعمة وبتجنني
شمس : وقلت يارب توافق
ميثاق : ياعمري من اول لحظة اعرفت انك وافقتي
شمس : لا يااااا شو مفكرني ميتة ع لجواز
ميثاق : ههههه المشكلة انا الي فهمتك شو لجواز بس خوفي تكوني تمثلي انك غشيمة و
شمس : يا عيب عليك اصلا عنجد مابعرف
ميثاق : مستحيل مابسدء
شمس : يعني قصدك كنت بعرف وسلبتها عليك
ميثاق : هههههه ليش عصبتي
شمس : لو تعرف اني مقهورة لانك انت خبرتني الحق على اهلي
ميثاق : هههه حلوة وانتي معصبة خدي اتسلي
شمس : بدك تسكرلي تمي مو
فرط ضحك وفصلني معو على قد ما ضحك
ميثاق : شو بدو يقنعني اسافر واتركك
شمس : خدني معك
ميثاق : والله لاعمل كل جهدي واخدك بس بدها وقت مو بيوم وليلة
شمس : رح تقعد سنتين
ميثاق : هههه ازا كملت شهرين عال
شمس : يا حرام متولع فيني
ميثاق : شو متولع ميت فيكي عنجد انتي الشمس الي اشرقت عليي من بعد ليل طويل
شمس : ليش كنت رافض تتزوج
ميثاق : مو رفض بس عناد باهلي ومنيح عاندت لو ما عاندت كنت هلا مع غيرك
شمس : على اساس بتفرق معك انت كنت يأسان ومختير لهيك اتعلقت
ميثاق : انا ختيار
شمس: صحيح ما عندك شيب بس عمرك فوق التلاتين وقاطع سن اليأس
ميثاق : ومع هيك اخدتك صغيرة وعلى عناد المضغوطين
شمس : بس انا زعلانة عليك
ميثاق : ليش
شمس : ما بتجيب ولد وبيكبر ولا انت ع العكازة
ميثاق : عندي لياقة بتحداكي بعمر الستين لاكون رياضي
شمس : بكرى بيطلع كرشك وبتصير ختيار وتلهت من اقل مجهود
ميثاق : هيك لكن
جننتو بس الظاهر لعبتو لمجاكرة لانو فاز عليي عن جدارة
~~~
وتاني يوم ما طلعو للزيتون بسبب المطر الي نزل اجو الظهر للكرم كانت الارض ناشفة من المي طبعا العشاق نايمين ولا عبالهن وعهد اخدت ابريق المي كبتو بالارض وراحت لباب بيتهن تضرب ضرب برجلها وشوي فتحتلا شمس ودغري دفشتها وفاتت لا احم ولا دستور
بالمطبخ شافت سهرية الليل وتنهدت
عهد : انتي ما واصلك شي اسمو ترتيب وتعزيل قبل النوم
شمس : ليوصلك شي اسمو مرحبا ممكن افوت
عهد : بيت اخي وساعة الي بدي بدفشو برجلي وبفوت
شمس : لا ما حزرتي البيت الو حرمتو
عهد: ناقصني انتي بس
فتحت البراد وشافت الفواكه العصير الطبيعي والحلويات
عهد : ايه يعز من يشاء لو ضليتي الف سنه ببيت اهلك ما رح تطولي شي من الموجود فيه

شمس : انتي جاية بدك مي
عهد : ساويلنا فطور ماوراكي شي
شمس : انا بساوي فطور بس اكيد مو انتي الي رح تتأمري عليي
عهد : بلا علاك مصدي
عبت ابريق المي وطلعت وكتير انقهرت منها وانصدمت ما اتوقعت منها هالتصرف
ضربت الباب ضرب وانقهرت لانو ميثاق اتجلس
ميثاق : شوفي
شمس : عهد اجت اخدت مي بدي اجهز لهن فطور
ميثاق : جهزي حالك وبس
شمس : بس
ميثاق : يلا ساوي الي بقلك عليه بسرعة
ما كنت بعرف شوفي ببالو جهزت حالي وهو لبس واطلعنا من البيت صبحنا عليهن
ام محمد : ما ننحرم هالطلة يارب
عهد : شو وين الفطور
ميثاق : رايح اجيب سندويش بدكن شي تاني
محمود : جيب كولا معك
ميثاق : ماشي
والا ياخدني معو كنت مبسوطة لانو عهد ما مشت كلمتها عليي
شمس : لشو الفلافل ما افهمت
ميثاق : انا جاي عبالي هالاكلة كتير وبين الشجر كمان.
استغرق المشوار معنا نص ساعة ولفطور معو غير شكل بس كل ما اتطلع بعهد تزور فيني وما اقدرت اكمل اكل
ميثاق : اشبعتي
شمس : اي
ميثاق : كملي ما اكلتي لسى
شمس : عنجد اشبعت
ودغري اوقفت ورحت بلشت بالشغل
~~~
ارتاحت كتير عهد بس لساها مقهورة من هالشغلة انو شمس مرتاحة اغلب الوقت وانو ميثاق عم يعاملها كأنها بنتو مو مرتو وهلا ميثاق راح لجنبها يساعدها وسامعة حديثهن
ميثاق : والله ما اكلتي
شمس : سدءني اشبعت
ميثاق : ازا تعبانة حبيبتي فوتي
شمس : لا ابدا ماني تعبانة
ميثاق : شو رايك اساعدك
شمس : هلا بتتحسس
ميثاق : فداكي
وبلش يقطف من لغصون العالية على شمس
وطبعا محمود ع الشجرة يغني(غرامك مزيف ضميرك عدم)
وميثاق يرد عليه ( كفو).
وإم مروان وام محمد يحكن بالجواز والطلاق وأمور النسوان طبعا مجاكرة بمجاكرة هي تصد والتانية ترد وعهد اختصاص تعد كم شجرة باقي عليهن وبرجعة لولاد من المدرسة بتزيد الشقاوة بس ميثاق وشمس مع بعض
وقت اجى ابو مروان كتير فرحت عهد وبتحبو حب مش طبيعي
عهد : ابو مروان نور الكرم
ابو مروان : الله يسعدلي اياكي
عهد : شمس ساوي قهوة لعمك
ميثاق : شو رأيك تهزي كتافك انتي لانو ما اشتغلتي
عهد : هات مفتاح البيت
ميثاق : نسرين اعطيها مفتاح البيت
عهد : راجعلكن لا تحكو عليي
ابومروان : شو ميثاق عم تشتغل
ميثاق : انا اخلي الوردة تتعب للحالها
محمود : ميثاق عيني انا فوق راسك
ميثاق : وين عينك مو عراسي
محمود : لك قصدي انا ع راسك
ميثاق : شمس زكاتك في شي عراسي
شمس : لا ماحدا
ام محمد : ههههه هو قصدو لا تتغزل وانو عزابي
ميثاق : جد عزابي معناها زفيناك بالحلم مبارح
ام مروان : بعيد الشر عنو
ميثاق : ليش الزفة بالحلم موت
ام مروان : ليش ما بتعرف
ميثاف : بتسدءدي بعد صلاة الفجر نمت شفت ابوكي ع خيل ابيض زافينو
فرطو ضحك بس هي زعلت
ميثاق : بالعلامة ستي كانت مجدلة ظفايرها وكمان ناطريتو بس مو ع خيل ع حمار
ام محمد : يبعتلك الهنا شو هالمنام
ميثاق : وكاني شفت عهد عم تلوح بايدها ادعو ادعو يتحقق
محمود : شو تفسير تلويح الايدين
ميثاق: لو تكسير يا زلمة مو مهم
نسرين : هههه ع هالحكي بتنحفلا خمسة كيلو
ميثاق : ما بظن لو حنكها ينكسر في احتمال
طبعا غرقانين بالضحك بالاخص محمود لانو ميثاق انتقملو منها
بجية عهد ومحمود فرطان ضحك بس ميثاق ولا عبالو ولا كانو متمسخر عليها ستو عم تضحك ومبسوطة فيه وليبعد الشبهات عنو
ميثاق : ليش كركرتوه بتعرفوه مفروط
نسرين : ولاااا عم يسلبها
عهد : شبو محمود ليش هيك مدمعين كنتو تضحكو
ام محمد : هههه اتزكرنا شغلة
اتطلعت ب ميثاق الي محترف بالتطنيش
عهد : يا الله شو متزكين لحتى اضحكتو ومتو ضحك
ميثاق : بتسدءي بالي ماكان معهن ع شو بتضحك ولاه
محمود : ع تلويح الايدين
ميثاق : لك اي اي هي غنية بتعرفيها شمس من باب البيت لوحي بيدك لوحي
ام مروان : حاجتك ولاه جننتنا
عهد : لا انتو عم تتمسخرو عليي ميثاق عم يغشم حالو ومحمود قلب ع قفاه من الضحك يعني عليي
وطااااخ كبت الصينية كلا بالارض
عهد تبكي : انا والله بكره هالعيلة كلا
ميثاق : هههههه محمود شغل الاغنية انقذنا
ابو مروان : مو عنك شو دخلك انتي
ام محمد : قليلة عقل مو عيب عليكي تكبي القهوة
عهد : سكت امك ها
ام محمد : تفوو عليكي
ميثاق : طيبة ام محمد طيبة
وزادت بكي عهد
ميثاق : عهد مطبقة مقولة كبير بالحجم صغير بالعقل
عهد : ما دخلك
ام مروان : ايوا افضحونا
ميثاق : مارح احكي بس قسماً عظماً ازا ما بترجع بتساوي قهوة لاعيد تأهيلا وهلا
ام محمد: والله بدها
عهد : انتي ما دخلك
وقبل كلشي دغري شمس وقفتو منعتو يتقدم ليضربها
عهد : بدي ارجع للبيت
ميثاق : انقلعي مين ماسكك وممنوع لسى تيجي لهون
عهد : سكتي ابنك
ميثاق : لك
شمس : كرمالي خلص

محمود : حاكيها مشان الله هلا انا بخلص عليها
ابو مروان : خلص عهد
ميثاق : هيك حليتها ع اساس انتو ع شو ناويين فهموني شو الي بنت بتطاول ع الكبير ولصغير وازا كانت مريضة وليكها متل القردة شالة البيت بلي فيه بقتلها والله
ام مروان : برضايي عليك تتركها بحالها
ميثاق : شو اتركها بحالها ازا دللتوها مو معناها ما تحترم حدا بعدمك اياها والله
ابو مروان : وبعدين وبعدين ياريتني ما اجيت لهون
محمود : لو فيها ذرة ادب كانت ما عملت هيك ويا ستي اضحكنا عليكي
عهد : الله لا يسامحكن
ميثاق : شمس ساويلنا قهوة
شمس : حاضر
. ~~~~
كنت مصدومة كيف انقلب الجو كلو
جهزت قهوة وارجعت كانو عاملين استراحة بس عهد قاعدة على جنب مشغلة اغاني من موبايلها
ضيفت الكل وميثاق ما عجبو اروح أضيفها
ميثاق : هي بتيجي او وعد بتوديه
ام مروان : خلص ميثاق انت عم تزودها
ميثاق : متل ما قلت شمس
اجت وعد اخدتلها الفنجان بس انا كنت زعلانة مشانها كتير
محمود : اجى عبالي اسمعها للاغنية
شغل اغاني ورجعو للمزح والضحك ع اهل حماتي
ميثاق : اي ماما بعدو ابوكي بيقرط بحرف الراء
ام مروان : سامع ابنك
ابو مروان : هههه شو بدي احكيلو
ميثاق: الحمدلله صحيح ما حدا طلعلو بس خايف ع اولادي لانو العرق دساس
ام محمد : هههه ع سلامتو ابو ابراهيم
ميثاق : وراح سمى ابنو وفيه حرف الراء ماما كيف بيطلع معو الاسم
ام مروان : ههههه عيب عليك
ميثاق : هلا شو مشان بدي اقدملو ع مسابقة غينيس للارقام القياسية
محمود : ما طبق المية يعني مو انجاز
ميثاق: مو مشان العمر لانو بزيادة كريم
ام مروان : عامل من جدك محتوى
ميثاق : ههههه بس بجيب مشاهدات

~~~~
ودغري حماتي ما هان عليها بابوها لهيك ضربتو بحجر خفيف على ركبتو
ميثاق : شايفين ضربتني مشان ابوها لمهرهر
نسرين : ع سلامتو الحجي ابو ابراهيم
ميثاق : ليش حج...والله انو ابن حرام ما جابلي تلفزيون اشوف مكه
وهلا قامت تضربو بايدها جننها لمرت عمي
ميثاق : ع الزمة حج احكي محمود الصراحة
محمود : بس كنت من جيلو انت
ميثاق : هههه اي هيك بتهون المصيبة خاتم فضة الله لا يحيجنا الو
اما شو عمي مكيف عليه جايب حقو من بيت حماه
ام محمد : متزكر سنه الي حجيت انا وجدك
ميثاق : انا الي بتزكر من بعدكن لا حدا يحج لانو حتى ماما وبابا مارح يجيبولي تلفزيون
محمود : ههههه ليش مصر ع هي بالتحديد
ميثاق : لانو كل رفقاتي اجاهن الا انا ضلت حسرة بقلبي
محمود : مشان الله جيبولو تلفزيون
ميثاق : لك انتو ما بتعرفو انو كنت اعطي لهشام وحسام مصروفي ليخلوني اشوف مكة
فصلنا كلنا ضحك عليه
ام مروان : بتحكي جد
ميثاق : عانيت وانتو السبب
ام مروان : وتضل بلا مصروف
ميثاق : لا كنت اعطيهن واشوف وبس اخلص اروح لعند امهاتهم انو سرقوني يرجعوهن دغري مع كل واحد كف او طيارة
نسرين : من يوم يومك بتجيب حقك من الحجر
ميثاق : لكن بدك اطلع لبعض ناس
ابو مروان : عم تلطش مو
ميثاق : ما قصدتك لا تزعل اصلا الواحد قد ما حاول يقسي قلبو ع الفاضي طيابة القلب منورثها وراثة
لتدخل عهد
عهد : انت اخي من يهود خيبر اصلك
ميثاق : تركت القلب الحنون الك عيوش
عهد : ان شاء الله بتشوفك وبتروح سطيح
محمود : ههههه بدك تدير بالك عهد دعوتها بتخوف مانك شايف لليوم بخلقتنا
عهد : جنى يا جنى
ميثاق : قلتلي غرامك مزيف وانا بقلبي احكي يعليي عليه مطعون
محمود : ببعد الشبهات عني
ميثاق : هههه ماعندها اخوات بنات حلوين
ودغري صغرت عيوني وانقهرت
محمود : دير بالك ع حالك هاليومين
ميثاق : مزح مزح حدا عندو شمس بجيب ليل
شمس : ما سدءت
عهد: وخايفة عليه ع اساس ما زبطوه من يوم الخطبة
ميثاق : يا عيني صحيح شمس زبطتوني
شمس : عهد خبرة اكتر مني
ميثاق : لاشوف مرت عمي ايمتى العزيمة التانية
عهد : لوقتها بتصير ماع نظامي
ميثاق: ياي بضل احسن من الماع التهريب
محمود : اخي اصبغ شعراتك شفتلك غنمات كاعود صابغهن مشان لا يصيرو بعداد المسروقات
ميثاق : سامعة شمس اصبغيلي اليوم مشان انسرق
حتى عهد فرطت ضحك عليهن
ميثاق : يا عفو الله بيضحكو ترى الموضوع جد
فيه سرقة والخورايف غالية هالايام
~
وبالكرم المجاور عيلة ابو مراد سامعين الضحك والمزح وشايفين اللمة الحلوة وعدا عن السيارات والعز والخيرات
ام مراد : ع شو بيضحكو والله الواحد بهالجو مالو نفس لشي
عماد : ميثاق بيسلبها كالعادة
تغريد : مصدومة فيه
عماد : ليش دخلك من يوم يومو صاحب نكته ومع مين اجى هيك عفوي
ام مراد : هبلة ضيعتو من أيدها
تغريد : اي كان فرفوش ع دوري اصلا شو متزكرة منو غير انو كسلان بالمدرسة

مراد : اي بس كان شاطر بالرسم متزكر عماد اللوحة الي رسمها للمدرسة
عماد : فنان بالرسم
حنين : يعني الزلمة اتجوز وليكو متهني ومبسوط وبعدين كانو بالشام ونامو هنيك الزلمة ولا عبالو
تغريد : بس ع دوري كان يحب السفر
حنين : بالعلامة اجى يسهر عندك بنفس اليوم
تغريد : اوف لكن خطبة سنتين ما اسمع صوتو فيها شو الشغلة مشايلة
حنين : وشمس ما حكت معو ابدا شافها قراو الفاتحة خطبها اسبوع اتجوزو وهو غريب عنها لا بتعرفو ولا بيعرفها
عماد : يعني لشو فتح الصحف القديمة
تغريد : بدي تفهموا ما حبني
مراد : انا الي بعرفو المرأة بتسلب الرجال مو العكس
تغريد: بس انتو قويتو راسي عليه
مراد : لو كنتي رايدة ماحدا جبرك ترمي الهدية وتستقبليه بتقليعة
تغريد : هو منيح وانا لا ويضرب منو لشمس منيح هيك
ام مراد : اشتغلو وانتو ساكتين صرعتوني
حكت هالحكي من قهرها
~
ولسى الضحك والمزح شغال بكرم ابو مروان والا يدللهن

- النص المستخرج من الصورة: 📝
ميثاق ويطلب غدا جاهز وام مروان صارت تولول لانو ما
هيك تحويش الزيتون بس مع ميثاق عطول طابشها

القسم الرابع عشر
شمس الغرام ♪
{بقلمي مايا الحجازي}
يومها خلصنا ع بكير وميثاق ساعد محمود بتحميل الزيتون لحالي بالبيت اتحممت والبست بيجامة دافية كنت تعبانة كتير لهيك نمت ومابقى حسيت وتاني يوم اصحيت على صوت حكي برى جهزت حالي لانزل للشغل وتركتو نايم مو مسدءة يخلصو تحويش ونرتاح من هالشغلة كلها وع غير العادة اجى عمي ليتسلى وما كنت بعرف انو ممكن يتزاعل مع حماتي لانو عطول بشوفهن متل العاشق والمعشوق ولو قدام ولادهن وستي اليوم ما اجت
ام مروان : ميثاق نايم
شمس : اي
ام مروان : ليكون مرضان
شمس : لا مافيه شي
ام مروان : لانو ماحدا بحس بابني غيري
واستغربت لانها اتطلعت ب عمي واتجاكر منها
ابو مروان : صار ابنك لحالك
ام مروان : اي ماحدا حاسس فيه وبتعبو
عهد : شو حانه ع ميثاق
ام مروان : ع مين بدك احن يعني
ابو مروان : ولوين ناوية توصلي بدي افهم
ام مروان : ممنوع تحجزلو انت
ابو مروان : شو اتفضلتي بدك اياه يضل هون كل السنة
ام مروان : ماصرلو شهر
ابو مروان : حجزتلو وجكارة فيكي وفيه
ام مروان : وخليه يروح عليه الحجز ابني ما بسافر وهو عريس
ابو مروان : بس ابنك اتجوز لانو
وكأنو محمود وعهد ونسرين متعودين ع هالموال
ام مروان : بس ليصحى انا رح افهمو ع شو ناويلو
ابو مروان : لا تكبريها يا مراة مني لابني اسطفل
ام مروان : ليك احمد والله قلبي مو متحمل اكتر من هيك انت عملت من ابني مشروع ولجنة وعم تتمصرف ع حسابو وهي قدام الكل نص بيت مروان من تعب ميثاق
ابو مروان : غص*ب عنو بدو يساعد اخوه
محمود : شو صاير مشان الله
ابو مروان : امك بدها ميثاق يخلص اقامتو مشان قلة عقلها
ام مروان : مو قلة عقلي عن ابني بعد لسى بدو يجوز ولاد اخوه واحدهن قد الشنت*ير ليش مين حاسس بغربتو مين حاسس بتعبو سافر صغير الي من جيلو كانو يلعبو ومشالله عنهن وهلا شو جاي يحكيلي ما وفت معي ولا رح توفي بس يجي واحد من ولاد اخوك او اخوك بحالو يشيل كتف عن ابني بالمسؤولية بصير خير ما اقدرت لمروان اجيت ع ميثاق
ابو مروان : مين حكالو ما يفلح شو كان ناقصو لحتى ما يجيب علامات انا سفرتو وهو ناجح ولا لانو رسب
ام مروان : وازا رسب تسفرو مشان تساوي منو مشروع ياريت الو لغيرو لكل العالم الا الو بوقت ولاد اخوك واخوك كانو دايرين هون وهون هو كان بالغربة لا اكلو اكل ولا شربو شرب كم مرة اتصل فيني يحكيلي اقنعي بابا يحجزلي لو اسبوع تغيير جو
ابو مروان : ما صار هيك شي هو حكالي الغربة احسن من البلد
محمود : ع شو لخناقة
ام مروان : بدي يسفرو قبل عرس ولاد عمو لانو بدو مصاري مشان يطبخو غدا ويغدي العالم ع حساب ابني
ابو مروان : انا مصبر حالي عليكي تصبير والا شفتي شي ما بيعجبك وبدو يسافر بكيفو ولا غص*ب عنو عم تفهمي
ام مروان : ما بسافر وهو عريس لو بدك تطلقني
عهد : ماما مشان الله خلص
مسك عمي الموبايل الظاهر بدو يتصل فيه
ابو مروان : تعال لبرى بسرعة عاوزك بكلمتين
كنت مقهورة وخايفة ليروح يسافر عنجد وحماتي مبين القهر عليها ومافي الا شوي وطلع مبين بردان لانو ضامم الجاكيت ع حالو
ميثاق : صباح الخير
ابو مروان : اسمعت امك شو عم تخ*رف
ام مروان : اسمعني ميثاق ازا بتسافر لاتبرى منك
ميثاق : شوفي شو صاير
ابو مروان : حجزتلك
ميثاق : عادي شو يعني
ام مروان : بدك تسافر
ميثاق : ليش انا فهمان عليكي وعليه شايفيني بمنامكن
ابو مروان : امك عم تقول اني ظلمتك صحيح هالحكي
ميثاق : لا ابدا لشو تظلمني
ام مروان : لك انت ما عم تفهم عليه حجزلك بدو يجوز ولاد اخوه الي واحدهن قد الشنتير الي ما بيعترفو بحدا
ميثاق : بدك مصاري
وهون مرت عمي جن جنونها
ام مروان : بدك تعطيه
ابو مروان : اي بدي مصاري بيتنا مافيه الليرة وحركة السوق داقرة ع الاخير
ميثاق : بلكتير بكرى بكون معك المبلغ بس مشان هيك
طبعا عمي ارتاح كتير بس حماتي مو متحملة حالها
ام مروان : لشو بدك تعطيه ما حاسس فيك هو شايفك بنك مركزي وعلى هات واعطيني وفلان بدو وفلانة طلبت
ميثاق : خلص يا ماما مشان الله لا توجعولي قلبي عند الصبح
وصارت تبكي شي بيقهر وعمي بعد ما اخد الجواب الشافي من ميثاق راح
نسرين : مرت عمي لا تبكي
ام مروان : اتركوني بهمي مشان الله
ميثاق : لشو تتخانقي معو خلص انا بعطيه
نسرين : ازا بدك مروان بيعطيه
ام مروان : يحل عن ابني وبس مابدي منو شي
ميثاق : لا بقى تبكي والله بتقهرو الحجر انتو يل*عن ابو المصاري هلا بولع فيهن
محمود : هي مشانك
ميثاق : مشاني لا تبكي خلص يا امي بترجاكي خلص
ام مروان : قهرني كتير خلص يحل عنك انا جوزتك مشان يصير عندك عيلة وتبلش فيهن بيت ماعندك صرلك عمر مسافر حس فيك اشتهيت مرة يقول يا حرام ميثاق على طول بيحسسني انو انت مسؤول عننا كلنا ليش

ميثاق : هو ما قصر ابدا معقول يعني انكر اني منيح بفضلو
ام مروان : انت ما عم تفهم عليي ميثاق ابوك شايفك مصدر للمصاري بدك تعطيه
ميثاق : كيف مابدي اعطيه انتو بلا مصروف
ام مروان : الهي كل واحد اخد منك قرش سلبطة يحطو حق دوا
ميثاق : الله ربي ع مين بتدعي
ام مروان: الله بيعلم ع مين
ميثاق : الله ياخدني وارتاح وترتاحو منيح هيك
الحقتو دغري كنت خايفة عليه
شمس : لا تزعل
ميثاق : والله السفر اهون من الي عم اسمعو وشوفو منهن كرهوني البلد بكره ارجع لهون بسبب هي المشاحنة الي مالها داعي
شمس : بدك تروح زعلان
ميثاق : ع شو تخانقو
شمس : عمي حجزلك
ميثاق : هههه هاد حكي متعود عليه لو حجزلي طلب مني صورة الجواز
ارتحت وقت ضحك
شمس : يعني ما حجز
ميثاق : ويحجز مو اخر شي رح اسافر
شمس : بس مو هيك غص*ب
قعدنا على الدرج بجنب بعض
ميثاق : ما بيحجز بدون ما يخبرني بس هاد موال انا متعود عليه يعني بدي مصاري
شمس : المهم لا تسافر
ميثاق : بدك ابقى عندك
شمس : اي خليك
ميثاق : بس اخر شي رح افلس وبدي اسافر
شمس : يعني ايمتى
ميثاق : بعد العيد
شمس : اي منيح بس عمي زعل
ميثاق : هلا ثواني وبيروق انتي جديدة ع اجواءنا دخلك وين ستي
شمس : ما اجت اليوم
ميثاق : يارب يخلصو لانو مليت كتير
شمس : بس ما اشتغلنا كتير
ميثاق : صحوة الصبح بوحدة عم يحرموني شوفتك
شمس : بشوفك روقت
ميثاق : بنقهر بس شوف امي تبكي وعلى شي فاضي انا بالنسبة الي كلشي بينحل بالمصاري هين
شمس : انت مافي منك والله
ميثاق : دخيل قلبك لروح اراضي امي
شمس : بكون جهزت القهوة
ما كان بدي اشوفو وهو يراضيها انا بعرف انها امو بس خفت اغار عليه منها لهيك فتت لجوى اجهز القهوة بس هي هي وقت اطلعت كان بجنبها وعم يضحكها ويطلب رضاها معقول يصير عندي اولاد حناين متلو ولا هو حالة خاصة مافي منو عنجد والاحسن انها روقت عنجد والأجواء رجعت طبيعية
~~
بعد كم يوم اجت نور تساعد بيت حماها والا تتمشى معي وندردش بس كان جواتي شعور غريب بدي اطير لعند ميثاق وحاسة حالي مافيني اقعد بدونو وحكتلي انهن عم يحوشو زيتون وانو عرسها قريب كتير وفجأة اسمعت صوت عهد صرخت وركضنا انا ونور وكانو متجمعين حواليها
شمس : شبها
نسرين وقعت
ودغري اسعفوها وحماتي كتير اتوترت وانتزع كل يومنا
شمس : كيف وقعت
نسرين : كانت ع الشجرة ووقعت
شمس :يا فرحة ما تمت لانو اليوم خلصنا وفرحانين
نسرين : الله يسترنا
شمس : ليش
نسرين : شايفينها ومو مسدءين انا كل نزلتي ع الكرم مشان الحكي ولا شو بينقصني بشتري الزيت جاهز يلا نفوت
شمس : لا انا بدي ابدل تيابي
نسرين : وانا كمان بدي احمم لولاد لنشوف شو بصير مع عهد
فتنا للبيت انا ونور كنت مقهورة على عهد اكيد اتوجعت والا ما بتصرخ هيك
نور : عين وصابتكن
شمس : لك لمصيبة ما اشتغلت بتيجي تتمشكل
نور : اي شفتها وشكو منها
شمس : مين
نور : اه...لا ماحدا
شمس : عم تخبي عليي
نور : لا صدقيني مافي شي
فتنا للغرفة تركتها وفتت اتحمم اللبست بلوزة صوف لحتى اتدفى وارجعت لعند نور
نور : انا مافيني ابقى بدي اروح هلا عماد بيزعل
شمس : خليكي صرتي جاية
حطيتلا ضيافة وقعدنا
نور : غرفتك متغيرة
شمس : لا لساها ع حالها
نور : مابدك تطمني ع عهد
شمس : بشو دخلك موبايل ما معي ومافيني اروح لمكان بدون علم ميثاق
نور : وبتيجي ام يوسف لعندكن
شمس : لا
نور : هي ما بتحب حماتك بنوب
شمس : للامانة ما بتنطاق ام يوسف
نور : بس شكت كتير من ميثاق
شمس : وتشكي مين مهتم الها حتى جوزها وولادها ما بيعجبهن حكيها
نور : كيف روحة الشام
شمس : ليش مين خبرك
نور : بنفس اليوم خبرني عماد كل البلد بيعرفو
شمس : حلوة انتي مبسوطة مع عماد
نور : اي حالياً مبسوطة
شمس : حالياً
نور : خطبتي ما بتشبه خطبتك انتي دغري اتجوزتي بس انا في مدة حكالي عماد ليأمنو تكاليف الغدا والحنة
بقلبي : قصدك يشحدو من ميثاق
شمس : يلا منيح وبنات حماكي كيف
نور : شمس ما حكالك ميثاق ليش تركو هو وتغريد
شمس : لا ليش فيها قصة
نور : معقول ما حكالك
شمس : لا
نور : بيني وبينك الحكي
شمس : اكيد
نور : بس خوفي تع*صبي
شمس : لا وحياتك رواق
نور : بتلاحظي ع ميثاق شي
شمس : شي متل شو
نور : يعني عيونو بيحمرو او مثلا حكيو تقيل
شمس : هههه لا
نور : بس يا شمس لا تخبري حدا اني خبرتك من وقت خبرني عماد ليش تركو وانا شايلة همك
شمس : احكي بقى
نور : ميثاق بيسهر سهرات مو منيحة كان يتحجج يروح لعند عمو عبد ويترك عمو ويروح يسهر ع كيفو في واحد من عنا من البلد شافو بوقتها سكر*ان ووصل الحكي لبيت عمو لهيك تغريد ما بقى بدها اياه ومن الاخير شمس : اي

نور : كان ينام مع نسوان
شمس : مستحيل شو بتحكي انتي بعدين ماعندو هالشغلات كلا واصلا زباراتو قليلة
نور : كان ينزل بدون علم اهلو مشان هالشغلة مابعرف فجأة حسيت نار عم تنفذ من أطرافي وفي تشابه بالحكي اي حكالي تركت عمي وارجعت وحكالي كنت انزل ع البلد بدون علم اهلي
شمس : وكيف بدي اتاكد
نور : فتشي موبايلو
شمس : موبايلو اغلب الوقت معي
نور : بدك الصراحة انا نزل من عيني جوزك بعد هالحكي لا تزعلي بس هيئتو ازعر ومكتر
شمس : والعمل شو فيني ساوي لاتاكد ازا الحكي صح او حكي عدوين
نور : والله مابعرف انا خبرتك وتسطفلي
شمس : بس والله مو خبرية انو بيسهر ومابعرف شو مخبص حكالي انو كان يجي للشام واللاذقية بدون علم اهلو
نور : شفتي وهاد اكبر دليل وحكو لقوه سك*ران حالتو بالويل
شمس : لعمى ازا صحيح نور ياريتك ما خبرتيني
نور : انا كرمالك والله بعدين الي بيسكر بينخاف منو
شمس : وشو كمان حكو
نور : بس هيك
اول ما انفتح الباب نقزت ودغري رحت ركض لعندو
شمس : نور عنا
ميثاق : طيب اعطيني اواعي
شمس: ....
كان مبين عليه التعب مو شوي كتير
اخدتلو بيجامة تقيلة لانو كتير برد والحقتو فيها للحمام
ميثاق : ليش وين عماد
شمس : مابعرف
ميثاق : اللبسي خلينا نوصلها ومنسهر ببيت اهلك
شمس : متل مابدك بس كيف صارت عهد
ميثاق : لا الحمد الله مو ك*سر رضوض
شمس : اي الحمد الله
دغري رحت لعند نور
شمس : بدنا نسهر عندكن
نور : ع كلا عماد ما بيرد عليي لك تقلتها عليكن
شمس : لا ابدا بس نور انا بالي بكلامك
نور : انا حكيتلك مشان تراقبيه وتتاكدي
شمس : ...
جهزنا حالنا واطلعنا لبرى ننطرو لحتى اجى وشفت نور عم تتحايدو
ميثاق : وين عماد
نور : مغلق موبايلو
ميثاق : يعني بيعرف انك معنا
نور : اي اكيد
طول الطريق ضليت مراقبيتو وحسيت انو مستحيل يطلع هالحكي صحيح وصلنا واستقبلنا عمر كان مبين عليهن التعب ومشغلين صوبيا وغير شكل الدفا سلمنا عليهن وقعدنا
عمر : الحمد لله على السلامه خلصتو
ميثاق : خلصنا
عمر : يلا عقبال عنا
ميثاق : ابعتلكن شمس تساعدكن

عمر: هي اختصاص الأغصان العالية والله ياريت
شمس : شو مفكرني قردة
عمر : وعم تغشم حالها وشرطك ع راس الشجرة
خالد : كانت تشوف الخط العام
خجلوني كتير قدامو
شمس : شوفو الكزب
خالتي : امبلا بتحب تتسلق الاشجار
عمر : هههه يلا جيبها بكرى منخلص ع بكير
شمس : لا ماحزرتو ترى عم يسلبوها
عمر : شو القصة صهري مانك ع بعضك
وهلا عنجد لاحظت انو مهموم
ميثاق : ما سدءنا نخلص تحويش وقعت اختي والله سترها
ام خالد : سلامتها
ميثاق : الله يسلمك
شوي واجت نور ومعها القهوة أخدها منها عمر ليضيفنا وكنت مقهورة من كلامها ومن كلشي انحكى ع ميثاق وانا لسى ما حددت موقفي ابدا بس ولايمكن اسدء عليه لا مستحيل ما بيطلع منو هاالشي
كنت مستمعة للحديث وبعدها اعتذر وصار لازم نرجع بالسيارة
شمس : لبيت عمي
ميثاق : تعبان بدي انام
شمس : بدنا نطمن على عهد
ميثاق : خلص منيحة هي
~~~
كان عم يتزكر حديث عهد الي حكتو لامها
عهد : كانت عم تحكي لاختها مرت عمي بخ*يلة كتير
ام مروان : يوه معقول
عهد : اي وحكت انو بتقفلي ع السكر والشاي وحتى القهوة والمعلبات
ميثاق : مستحيل شمس ما بتحكي هيك
عهد : والله اسمعتها شكت لحتى شبعت وبالعلامة حكت عن ماما بنت البخيل
ميثاق : وحدي الله عهد
ام مروان : انا بفرجيها
ميثاق : ماما مستحيل شمس تحكي هيك
ام مروان : لا بتحكي من تحت لتحت.
شمس : ليش مو لازم اطمن عليها بكرى بيزعلو مني
ميثاق : ماحدا بيزعل بالبيت منتفاهم
صفط السيارة ونزلوا وبالغرفة
ميثاق : انتي حاكيه على امي
شمس : شو بدي احكي
ميثاق : مابعرف انا بسال
شمس : والله ما حكيت شي
ميثاق : بس الكل متحلفلك
شمس : ليش بدي احكي
ميثاق : انتي شاكيه لاختك من امي وهي حاكيه قدامهن
شمس : والله ما حكيت
ميثاق : وكيف بدي اعرف
شمس : وانا كمان بدي اعرف
ميثاق : شو تعرفي
شمس : ليش تركت تغريد لانو اليوم اسمعت رواية جديدة
ميثاق : وشو هي
شمس : بتحكي بحكي
ميثاق : في غير قلة عقلها
شمس : اي سهرات الشام
ميثاق : شو هي سهرات الشام جديدة عليي
شمس : انا الي بدي اعرف
ميثاق : مين حكالك هالحكي لا تقوليلي نور
شمس : ليش انت خبرتني شو حاكيه ع اهلك لاخبرك مين حكالي
ميثاق : انتي كيف بتحكي عن امي بخ*يلةة
شمس : انا
ميثاق : اي وحاكيه انها بتقفل ع الاكل
شمس : ليش انا من وين بدي اعرف ازا اغلب وقتي معك
ميثاق : بس انا موضوع امي خط احمر وازا عنجد حاكيه عن امي لا تلومي الا حالك امي بالنسبة الي مقدسة عم تفهمي
شمس : يعني انت مسدء انو حاكيه عليها
ميثاق : ورح احقق بالموضوع

شمس : كيف
ميثاق : رح اسأل اختك
شمس : شو دخل نور
ميثاق : لانو انتي شاكيه الها
شمس : تخيل شكيت معقول اختي تحكيلك اي حكت ع امك كون واقعي
ميثاق : طيب اليوم راح بكرى انا بتصرف معك ومع غيرك
شمس : شو قصدك انت مسدء عليي بعدين كيف فيني احكي عليها واصلا ما عشت معها لاعرف
ميثاق : بس تركت امي مقهورة وازا هالحكي صحيح يا ويلك
شمس : بس شغلة الحكي اهون من الي عاملو
ميثاق : احكي لشو التلطيش
شمس : شي ما بينحكي بس عنجد انا مصدومة فيك
ميثاق : كان ناقصني بس انتي
شمس : ماني معبية عينك
ميثاق : انا ما حسبت حساب الولدنة الي عم تتولدينها معي.
شمس : ماني مولدنة
ميثاق : امبلا وانا مو مهمتي اعلمك المفروض خالتك او اختك فهموكي الاصول عم تردي بوجهي الكلمة عشرة وعم تحكي ولا كاني جوزك
شمس : ولو علموني انا ما بمشي بشور حدا
ميثاق : واضح جداً انو هي تصرفات عقلك
شمس : عقلي اكبر من عقل اختك الي عم تبكي ع الطالعة والنازلة وبسبب وبدون
ميثاق : هي حالة خاصة بس انتي مافيكي البلا
شمس : رجعني لبيت اهلي انا معاد بدي اياك
ميثاق : عنجد انك ولد
شمس : لا ماني ولد بس ازا انا ما حاكيه ع امك
ميثاق بعصبية : اسمها مرت عمك اي شو بدك تعملي
شمس بخوف : مابقى بدي اياك
ميثاق : الله ربي مو معقولة انتي بنوب
طلع وطبش الباب وراه ودغري شمس لحقتو بس ما لحقتو لانو طلع من البيت كلو
~~
كنت مقهورة كتير من كلامو معي بس مطمنة لانو ما جبت سيرة اهلو وشو عرفني يمكن بخيلة لانو زعلت وهو زعل كمان فشرت ابكي عليك روحة بلا رجعة بالناقص منك
بدلت تيابي اللبست بنتكور جينز وبلوزة نص كم زهر ورفعت شعري وغسلت ورطبت بشرتي وجهزت سهرية الي عمرو ما اكل حطيت صحن مكسرات وكاسة عصير وطالعت شيبس وشوكولا وحطيت صحن فواكه للمنظر شغلت الشاشة وعلى فيلم لشاروخان يقبر قلبي شو حلو ومحترم مو متل الهم*جي الي عندي وسحبت من الدرج باكيت دخان وطالعت سيكارة وحطيت القداحة بجنبها ازا طول شوي بشغلها مشان لا يكشفني واندمجت بالفيلم
~~~~
ما كان بعيد كان عم يشرب سيكارة ع الاسطوح
ميثاق : هي نور خرابة بيوت واجتماع شمس فيها مصيبة وعندي شمس مو مولدنة الا شوي اكيد هلا بتكون مقهورة وعم تبكي والله ما بسخى فيها
تخيل دموعها وقهرها ودغري نزل لتحت واول ما فتح الباب اجتو الجمدة لانو شمس خبت السيكارا ورا ظهرها
ميثاق : طالعيها لا تحرقي حالك
كانت مترددة قرب واتأمل سهرتها
ميثاق : هااا شوووو عم تفضي عن بالك ومدللة حالك كمان
كانت بدها تطفيها
ميثاق : كمليها ولووو لتروحي تنجلطي من الزعل
كانت خجلانة كتير بس هو لساتو تحت تأثير الصدمة من ردة فعلها واصلا مو شايليتو من ارضو
شلح الجاكيت وسكر الباب واخد موقعو واتطلع بشاورخان
ميثاق : وكمان مندمجة مع شاروخان ولحالكن
شمس : معو كتير ممثلين
ميثاق : شو قصة السهرة
شمس : اجى عبالي اتسلى
ميثاق : وانا خايف عليكي واقول حرام تركتها مقهورة بعدين وليه كيف بتدخني
شمس : ما...ما...
ميثاق : شو صرتي غنمة ومو بس كيف بتدخني من ايمتى
شمس : حبيت اجربها
ميثاق : لا يا عيني هي مو اول سيكارة بتنشرب
شمس : بشو احلفلك
ميثاق : يا ويلك تحلفي متزكرة وقت كانت عندي السهرة ببيت اهلي
شمس : اي
ميثاق : شو اي ريحتك كانت دخان بس انا طنشت ما دققت بالموضوع
شاف ايديها كيف رجفو وهو مابدو اياها تخاف منو قرب منها واخد السيكارة من ايدها وكملها
ميثاق : ليش خفتي هلا
شمس : انت لاحظت
ميثاق : اي بس ماحبيت احرجك وقلت يمكن مو من حالها دخنت
شمس : طيب ليش من وقتها ما خبرتني
ميثاق : قلتلك ما حبيت احرجك واحطك بموقف مو منيح قلت يلا مشيها
شمس : وكتير بتلاحظ هيك شغلات
أعطاها السيكارة تكملها
ميثاق : كتير يلا اسحبيلك سحبة روقي اعصابك
شمس : بس لازم تحكي شو ما بتلاحظ
ميثاق : ماسك عليكي كتير مستمسكات بس مسايرك مسايرة
شمس بخوف : متل شو
ميثاق : ليش خايفة خلص انا مستوعب شو عندي
شمس : انا جدبة يعني
ميثاق : بتجدبي بلد بحالها بس متل ما قلتلك
شمس : لا ماني مولدنة
فرط ضحك لانها عرفت الجواب لحالها
ميثاق : وزعرة كمان
شمس : ميثاق شو ملاحظ عليي
ميثاق : كتير شغلات وانو بتدعي وبتسبيني اول ما تزعلي مني
شمس : لا مو صحيح
ميثاق : بدون ما تحكي مستعد افهم عليكي من نظرات عيونك كتير بتلتئمي بس اعصب
شمس : انا لئيمة
ميثاق : ع قولتك وحق*ودة بس بتعرفي انا متعود اراضيكي وهلا ماعندي مانع اراضيكي
شمس :لا مابدي بالاول بتتحقق بنفسك مشان الحكي وساعتها منتراضى
ميثاق : مارح رد عليكي وازا مو بكيفك غ*صب عنك
شمس : ميثاق شو عم تعمل
ميثاق : لو رومنسي بس عندي جانب هم*جي هلا بخليكي تتعرفي عليه

~~~~
وببيت ام مروان ما كان جاييها نوم
ام مروان : وهي ميثاق أعطاه تكاليف عرس ولاد اخوه
سالو دموعها لانو محروق قلبها ع ابنها وغربتو عنها
ام مروان : لايمتى لك ميثاق رح تضل هيك قلبك طيب بس بكرى رح تلتزم بعيلتك انا جوزتك مشان تعرف قيمة المصاري الي عم تبعزقها هيك وهيك يصرف ع مرتو ما بزعل بس مو يعطي لابوه هيك مبلغ
ابو مروان : شو مابدك تنامي
ام مروان : لا
ابو مروان : زعلانة على عهد
ام مروان : لا زعلانة ع تعب ابني الي رايح بالارض ولا حمداً ولا شكوراً
احمد انت متأكد انك بتحب ميثاق متل باقي ولادك
ابو مروان : هو اغلى ولد عندي ازا بدك
ام مروان : لا مو صحيح محمود ابنك لمدلل ومروان لمسيطر وميثاق ملطشتك وملطشة اهلك
ابو مروان : الولد وما يملك لابيه
ام مروان: اي نفذ هالشي مع مروان مو بس عم تتقاوى على هاد الي قلبو شر*شوح
ابو مروان : شو اعمل طالعلي هالولد
ام مروان : لا مابسمح يكون متلك
ابو مروان : مو بكيفك
ام مروان : بترجاك تحل عنو صار عندو عيلة وبكرى ولاد بدو يضل بغرفة هو ومرتو
ابو مروان : ازا بقي بالبلد
ام مروان : شو قصدك
ابو مروان : فاضل اتصل عليي ميثاق بدو يجدد اقامتو ومشترط ع فاضل راتب عالي
ام مروان : وشو يعني
ابو مروان : يعني بدو ياخد شمس لعندو اول ما يزبط وضعو
ام مروان : لا والف لا ممنوع يسفرها قبل يكون بيتو جاهز ومجهز احمد بدك تمنعو صح
ابو مروان : ليشاورني بمنعو
ام مروان : ممنوع ياخدها بس صارت عندو ولايمكن يفكر يرجع وانا مابدي يترك العمرة بدو يكملها ويتركها بلا فرش وايمتى ما اجى عبالو يفرشها ويستقر هون
ابو مروان : ازا ما شاورني مستحيل أتدخل
ام مروان : والله رح تجلطني انت وولادك
ابو مروان : هاد ابنك مافيه ع البعد عم يزبط وضعو بدون ما حدا يعرف اوعك تخبريه بكرى بيفتح خط ع فاضل وبيبهدلو خلينا نعرف بشو عم يفكر
ام مروان : الله يصبرني عليك وع ولادك
~
الساعة تلات بعد نص ليل ولساهن سهرانين
بس ميثاق غرقان بضحكتو وشمس مقهورة
ميثاق : عنجد بشرب وبسكر
شمس : ليش عم تضحك
ميثاق : اول مرة بعرف اني بشرب خ*مر
شمس : وبتنام مع نسوان
ميثاق : الواحد قضى عمرو يقول حرام وعيب واخر شي هيك يطلع
شمس : يعني كزب
ميثاق : الله يشهد عليي انتي اول مراة بلمسها يعني انا بلا شرف لحتى اخبص بالحرام
شمس : ليش كنت تنزل للبلد
ميثاق : مو ضروري انزل مشان هي الشغلات اصلا هنيك هالشغلة بالتحديد متل شربة المي يعني معقول اتكلف مشان ساعة بسط وانا مو طالب منك تسدءي بس والله الي حكى عني هالحكي لا يلوم الا حالو
شمس : وليش اتدايقت
ميثاق : اتدايقت لانو الشرف مو بس ع المرأة وع الرجال كمان بس والله ما بسافر الا لحط صر*مايتي بتم كل واحد حكى عني لو بكون اخي
شمس : بس بدي اتفرج
ميثاق : ما عليكي رح تحضري معي بس خلينا نخلص من عرس ولاد الك*لب
شمس : لك عيب تسب ع عمك
ميثاق : لا مو عيب
شمس : يلا روق
ميثاق : ههه بس ما اعرفت شو نوع الخم*ر الي بشربو
شمس : اسأل بيت عمك وعماد بالتحديد
ميثاق : عبالي اقو*صو بالغلط تخيلي
شمس : لا يوه بدك تجرم فيه
ميثاق : بس نور اختك منيحة والا الله ما علقها مع الناقصة وولادها
شمس: مو قلت منيح
ميثاق : بتعرفي شووو ما بقى احلف الا عن حالي طلع ماحدا منيح
شمس : اعطيت عمي مصاري
ميثاق : انتي شو دخلك
لفت للصوب التاني
شمس : لا ما دخلني اصرف على يلي عم يطعنو فيك
وهون القهر عبى قلبو
ميثاق : انا بفرجيهن
~~
الساعة ستة الصبح ركن السيارة برى اخد حديدة صغيرة واتطلع حوالي البيت وحركة وحدة فتح البوابة وفات ولشباك غرفة اهلو نقر كم نقرة ودغري سمع صوت امو
ام مروان : يلا يلا
طبعا هي الحركة خاصة بس فيه وقف عند الليمونة يتمايزها ودغري انفتح باب المضافة شلح البوط وفات امو لساها بقميص النوم وشبه مغمضة
ميثاق : يسعد صباحك يا امي
ام مروان : الله يسعدلي هالطلة في شي حبيبي
ميثاق : صحيلي بابا ماعندي وقت
ام مروان : غلي قلبي
ميثاق : لا يا روحي مافي شي فوتي كملي نومتك
ضل واقف وبس بدو ابوه يطل عليه شوي واجى ومصحصح
ابو مروان : اهلين شو جابك
بجية امو كمان
ميثاق : جاي اتفاهم معك
ابو مروان: اقعد لنشوف
قعد ودغري نطق
ميثاق : ازا بتم لجوزاة عحسابي تشاهد ع روح ولاد اخوك
ام مروان : شو صار
ميثاق: شو ابو مروان
ابو مروان : بس انا
ميثاق : وانا اعطيت كلمتي
فتح الموبايل وسمعو الفويس
ميثاق : كيفك علاوي عندي مهمة بالاسبوع هاد حقها تلات من الي بالي بالك بيوم الزفة بدي تخلصلي الامور بس لا تنفذ قبل تستلم
ابو مروان بخوف : شو هاد
ميثاق : هي مشان لا ازفر ايديي بدم اولاد اخوك النج*س وازا بتم لجوازة عحسابي والله مارح تفرح فيهن رح احول الفرح لحزن

ابومروان : طيب شو صار
ميثاق : ليك انا شرفي وسمعتي تاج ع راسي مو يجو ولاد اخوك يقولو اني......وبسكر بالشام
ام مروان : الله يشل لسانهن
ميثاق : انا وانتو واهلها وهي بيعرفو ليش تركتها لشو عم يفتحو بواب مسكرة ما تم النصيب في ناس عم تطلق بس مو يجو يحكي ميثاق داير ع النسوان بالشام
ابومروان : وعنجد هني حاكين
ميثاف : لا خالك الو مصلحة يجي يحكي عليي ما طلعت الا منهن وماعم يوزو تحت النار الا مشان شمس تكرهني واطلقها انا هالحركات كلا من تحت رجلي ماشية شو قلت
ابو مروان : خلص الي بدك اياه
ميثاق : وانت بتعرف ما بهدد فالصو يعني بس ينحط برج الإنارة للحفل بكون المبلغ بايد علاوي انت بتعرفو صح
ابو مروان : خلص خلص الي بدك اياه بصير
ميثاق : تصرفوهن بالهنا
وهون ام مروان قلبها اطمن بس ابو مروان خاف من تهديد ميثاق
ام مروان : رح اساوي القهوة
شوي ولحق امو للمطبخ حاطت ايديه بجيبة الجاكيت

- النص المستخرج من الصورة: 📝
KUB
10 اا
۱۰:۰۵
P
ام مروان : تقبر قلبي من مبارح قلبي مثل النار مشان شغلة
جوازة ولاد الناقصة
ميثاق : لسى ما شفتي شي والله لابرد قلبك ع الاخير من
وقت ولعو فيه الناقصة وولادها
ام مروان : الله يحميك المهم ما يتجوزو عحسابك
ميثاق : مو بس هيك والله لاخلصهن كلشي ذهب اخدوه بلا
حق
ام مروان : میثاق
ميثاق : مافي ميثاق والله لاضرب باید من حديد هدول
مفكرين الشغلة شوربا ما بعرفو انها نار وشرار يعني تركنا من
سنين واليوم عم يطالعو حكي وواضح شو الغاية منو
ام مروان : هو شمس قليلة
ميثاق : مو دفاع الها بس شمس مستحيل تحكي عليكن
وبكرى رح اثبتلكن
ام مروان : هههه لهدرجة حاببها
میثاق : اطلعت ع هالدنيا فيها
ام مروان : ونحن وين رحنا
ميثاق : انتو اهلي بس هي مرتي
ام مروان : الله يهنيك ويريح بالك
بالمضافة ابو مروان مهموم بس میثاق وام مروان مبسوطين
وعم يتغامزو وغير شكل امورهن بس هيك ميثاق مرتاح
راحة ما بعدها راحة وشغل سيكارة ليكمل روقانو

القسم الخامس عشر
شمس الغرام ♪
{بقلمي مايا الحجازي}
وقت اصحيت اسمعت طقات الباب الظاهر كان بمشوار رحت للمطبخ وشفتو جايب كتير غراض
شمس : صباح الخير
غمرتو لاني اشتقتلو
ميثاق : صباح الورد
شمس : لشو هالاغراض
ميثاق : بدي اعملك غدا غير شكل
شمس : وشو المناسبة
ميثاق : بلكي حامل عم فاول عليكي
شمس : معقول اكون حامل
ميثاق: هههه لا لا تحطي ببالك انا مابدي اياكي هلا تبتلي بالصرعة
شمس : لا انا افهمت قصدك
فرط ضحك
ميثاق : وشو قصدي
شمس : مو ناقصني ولاد بكفي انتي
وكانو عنجد هيك مبين من ضحكتو
ميثاق : ههههه دخيلو الي بيحرد لك وليه مبارح كيف بتستفزيني وبتنامي
شمس : تصحيح لمعلوماتك انت الي نمت لانو بس لفيت لاشوف ردة فعلك كنت رايح فيها
ميثاق : هههه طيب ليش تستفزيني
شمس : هلا وين رحت حطيت صر*مايتك بتمهن ولا لسى
ميثاق : لا يا روحي رح تكوني حاضرة ولايهمك بس رحت حكيت لبابا كلمتين نظاف
شمس : كيف نظاف
ميثاق : هههه يعني ماعليهن وس*خ
شمس : بشارطك رح يجوزوهن عحسابك ييي
ميثاق : من شو لشو
شمس : المشكلة شروطك منحرفة
ميثاق : وهو هيك وجهزي حالك
شمس : بس لشو اللحمة والفروج
ميثاق : عازم اخي مروان عندك مانع
شمس : كل شوي برأي
ميثاق : قصدك مجنون انا
شمس : لا يا عمري سلامة عقلك بتجنن بلد
ميثاق : يلا روحي مابحب اشتغل وعندي حدا
شمس : وشو رح اعمل
ميثاق : عزلي الغرفة لانو اسمعت حكي طالع عنك
شمس : شو هالحكي
ميثاق : انو ميثاق بيعزل وبيغسلك كمان
شمس : مين الي عم يحكي
ميثاق : حدا فايت للبيت
شمس : مافي غير عهد عنجد انت بتعزل
ميثاق : ههه هيك الحكي
شمس : انا بفرجيكن
ميثاق : هههههه روحي يلا
لعمى بقلب الي حكى رحت رتبت الغرفة وكنستها ومسحتها من فوق لتحت وشغلت اغاني فيروز مشان اخلص بدون ما احس ورحت للمطبخ وكان مخلص ترتيب وتنظيف
ميثاق : ساوي قهوة خلينا نطلع نشربها برى
شمس : مع بيت اخوك
ميثاق : متل مابدك
التقينا فيهن برى سلمنا وقعدنا هو بجنب اخوه وانا بجنب نسرين
نسرين : شو طلعلكن زيت
ميثاق : هههه انتي طلعلك
نسرين : اي بس انتو ما الكن
ميثاق: مابدنا
شمس : ليش يعني ما النا
مروان : هههه شو بدكن فيها
ميثاق : صحيح شو بدك بالزيت
شمس : منبيعها منتسبب
ميثاق : هههه اسمنو مامعنا مصاري
نسرين : بس حرام شمس تعبت
ميثاق : هلا بروح بق*اتل فيهن
مروان : لا ماما بدها تعطيكن مصاري بدل تعب شمس
ميثاق : شايفة شمس لو اتسلقتي الشجرة بيطلعلك متلك متل محمود
فرطو ضحك بس انا اندمت لو اطلعت عنجد
كان طلعلي حصة
ميثاق : وبتفكر كمان
شمس : اديش حصة محمود
وزادو الضحك
نسرين : حسب بدك تقولي كم مليون
شمس : بس ما حكو عن الاجرة
ميثاق: ع الزمة اندمتي
شمس : اي والله
ميثاق : الموسم الجاي خلص
شمس : بس رح تختلف التسعيرة
مروان : يمكن يكون معك ولد مارح ينزلوكي للكرم
شمس : بتركو عند عهد ع الحالتين هي شغلتها تعد شجر
مروان : هههه كيف صارت عهد
ميثاق : يعني منيحة بس انت بتعرف الدلال الي بتتمتع فيه
مروان : انا الي بعرف شو ايمتى العرس
ميثاق : متلي متلك
مروان : وصحيح الي اسمعتو
ميثاق : اشاعات
مروان : بابا حكالي
ميثاق : بيكون يجس نبضك
مروان : قلتلو حرام عليك تاخد منو
ميثاق : شكلو كلامك مآثر فيه
مروان : ما بظن لانو كان مصر ع العرس والتكاليف
ميثاق : مارح يصير شي خود الحكي مني
شمس : وبلكي صار
ميثاق : لاحدا يشارطني رح تخسرو كلكن
نسرين : انت ما بتقول لعمي لا
ميثاق : خلص نحن منتابع ومنشوف
مروان : ومبسوطة اختك
شمس : مابعرف
نسرين : ليش وافقتو
شمس : انا ماحدا شاورني
مروان : ليش كنتي رح ترفضي
شمس : ما حبيتهن
ميثاق : قلتلك نحن ما دخلنا
شمس : بس هي اختي
ميثاق : وبترضي اختك تدخل فيكي
شمس : مو تدخل نصيحة
ميثاق : اوعك تسمعي نصايحها
وغمزني
شمس : انا ماحابة تتزوج عند هالعيلة بس ميثاق حكى الشب شغيل ومدري شو
مروان : هو أعطى راي بس ما حكى اعطو
ميثاق : شو رأيك نفركشها
شمس : انت ما بتحكي بتنفذ
نسرين : عنجد
ميثاق : بس انا حابب نور تصير كنتهن
شمس : والله هي منيحة
ميثاق : امبلا
تحلفتلو انا بفرجيه بس لنرجع
ميثاق : منيحة منيحة
مروان : هههه مسيطرة والله مرت اخي
ميثاق : ما بسترجي بخاف منها
بتحكيلي روح روح تعال تعال
مروان : ههه كفو
ميثاق : اليوم عازمكن
نسرين : لحالنا
ميثاق : يا الله شو بتحبي كترة الغلبة
نسرين : مستحيل تعزم بدون بيت حمايي
ميثاق : لحالنا وبدنا نطلع للسهل
مروان : تعيش وتعزم بس عنجد ليروحو يزعلو
ميثاق : لا ما بزعلو بعد العيد طالعين حفلة مشاوي
نسرين : الله يكتر العزايم
ميثاق : بس ع حساب جوزك
نسرين : هههه والله عادي شو مفكرني
ميثاق : لا ابدا ما دخلك بالتوفير

نسرين : انت ما بتنقدر
ميثاق : ع كلا السيط طالع علينا بخلا
شمس :...
قهرني عم يتبارد كتير
مروان : ههه بخلا وابي فاتحها لجنة خيرية
ميثاق : لا ماما بخيلة
نسرين : مرت عمي ع سلامتها
شمس : ان شاء الله الي حكى ينشل لسانو
طبعا غرقان بالضحك الافندي
نسرين : انت وياها عم تجاكرو بعض
مروان : مين حاكي ع ماما
شمس : اسأل ميثاق لانو صاير وكالة منتوكارولو الدولية ع هاد قال وهاد حكى وكما وردنا قبل قليل
يا ويلي شو ضحك بس عنجد اتحلفتلو انا بفرجيه بالبيت
~
بعد الظهر بلشنا نجهز للسيران بجية عمو عبد ولاحظت انو ميثاق اتدايق
ميثاق : لجوى شمس
دغري فتت واتعمشقت شباك المطبخ كانو عم يحكو
ميثاق : لا انا وعيلتي لحالنا
عبد : لكن مارح اتقل دمي واكون عزول بيناتكن
ميثاق : ازا حابب تعال
عبد : لا اتهنى بس ازا حابب كتير بجيب عيلتي
ميثاق : هههه وجيب بيت حماك بطريقك
عبد : ههههه وين رايحين
ميثاق : للبير
عبد : برد
ميثاق: مدفيين حالنا
عبد : الله ييسرلكن اي انسيت معك مصاري
ميثاق : اعطيتهن لماما مبارح
عبد : لك منعرف الي بيتزوج بيتغير بس مو من اول اسبوع
ميثاق : قصدك انا طرطور
عبد : لا مو هيك شغلة ميتين الف معقول مامعك هدول بتعبي فيهن بينزين لساعة
ميثاق : فوت فتش والله ليرة مافيه
عبد : لا مسدءك ع كلا بدي اطلب منك جاكيت هاد شوف مهتري مابدي جديد من الي عندك
وهون جن جنوني لاني شفت ميثاق فايت للبيت ممنوع يعطيه من تيابو الحقتو للغرفة كان فاتح خزانة ودفشتو وسكرتها
ميثاق : شبكي
شمس : انت الي شبك
ميثاق : بدي اشوف لعمي جاكيت
شمس : شوووووو
ميثاق : لك شبك مصدومة
شمس : يمين عظيم ما بتعطيه
ميثاق : صار كا*سر نفسو ما بصير
شمس: ولا يمكن اشوف تيابك ع غيرك
ميثاق : بعدي لقلك
صار يدور واخد جاكيت اسود بيجنن
شمس : بربك لااااا بيجنن عليك بياخد العقل
ميثاق : قديمة كتير
سحبتها منو
شمس : والله بتجنن ولساها جديدة بقص ايدي ازا لابسها اكتر من مرتين
وبلش يختار وحدة تانية طالع وحدة عسلية جلد وطار عقلي
شمس : هي كتير شيك عليك بتجنن موديلها حلووووو
ميثاق : على هالحكي مارح اعطيه شي
شمس: يا ميثاق احكيلو ماعندك
ميثاق : قلتلو عندي هاتيها
شمس : لا والف لا فيهن ريحتك مستحيل يلبسها من وراك
ميثاق : لك صار طالبها مني
شمس : مافي تعطيه قد اللوح يروح يشتري لحالو
مارد عليي اخد جاكيت بيجامة سودة كتير حلوة عليه
ميثاق: استرجي قولي لا
شمس : مبارح كنت لابسها
ميثاق : يعني بدو يسحرني
شمس : كلو وارد مشان تصير تعطيه
ميثاق : والعمل
شمس : هلا شوي بمل وبروح
وفرط ضحك عليي
ميثاق : لك انتي ناوية تطيري عقلي مابروح الا ليتاخد
شمس : الله ياخدو
ميثاق : عم تدعي على عمي
شمس : ميثاق يا روحي لا تعطيه
ميثاق : خلص اخر مرة بعطيه
شمس : انا بختارها
بلشت ادور بين تيابو وعلى عيوني اخترت جاكيت رمادي
ميثاق : انا اخرتي مراة تمشيني ع كيفها
بلشت افتش بالجياب
ميثاق : لك شو بتعملي
شمس : بلكي فيها مصاري
هو يضحك مستقل عقلي
ميثاق : هههههه دخيلو اي
وعلى عيوني اخدها وطلع وارجعت اتفرج ع عمو الش*حاد
أعطاه وانق*لع وانا لساتني مقهورة
شمس : مو حلوة عليه
ميثاق : من طول عمري بعطيه من تيابي
شمس : تسترجي لسى تغطيه
ميثاق : ههههه وبتهدد انا اخلصت من امنه فرع ون طلعلي امنه فرع تو وقوية كتير ما بتنقدر
شمس : رح يحترق قلبي كل ما شفتها عليه
ميثاق : هههه دخيل قلبك اليوم في تصفيه حسابات
شمس : مشان شو
ميثاق : شو بدك انتي بس حطيتك ببالي
اطلعنا لبرى والا ريم ترافقنا بالسيارة واهلها بسيارتهن
وطول الطريق حاطت اغاني ومعلي للصوت ع الاخير والا ياخد وعد مشان تلعب مع ولاد اخوها الجو بيجنن غيوم بيضا والسما زرقا والشمس تسطع وتغيب
هني جهز للشوي ونحن السلطة اتغدينا وبعد الغدا شغلو اراكيل وجهزت القهوة كنت مستغربة فيه لانو عم ياركل واشتهيت ادوقها لهيك التحشت بجنبو وارتكيت عليه
ميثاق : اهلين والله
شمس : حلو الجو
ميثاق : غير شكل
مروان : معقول ما افهمت عليها
ميثاق: ما احلاها تاركل بالسهل
مروان : خدي نسرين
ميثاق : انت مبين طرطور
مروان : هههه خديها شمس
ميثاق: ما بتسترجي
شمس : ما باركل
ميثاق : امبلا ولا حتى بتدخن
ما استرجيت اناقشو هلا ببين اني بدخن
همستلو
شمس : انت فضيحة
ميثاق : ههههه اسمي ميثاق
شمس : والنعم بس انا قصدي صفاتك من بينهم انك فضيحة
ميثاق : وحنون وكريم
شمس : ترى مو حلو تمدح حالك
ميثاق : متل مابدك . .ريم يا ريم
اجت تركض
ريم : اي عمي.
ميثاق : صحيح انا بخ*يل
ريم : لا مافي اكرم منك
شمس بتحدي : طيب حنون
ريم : ما فكرتو هيك حنون
ميثاق: هههه