ميثاق : بدنا دفتر وقلم
شمس بمزح : عليك امتحان
ودغري اجى لعندي وقربني منو
كنت بدي ابعد بس هو ما خلاني
ميثاق : امتحان بعيونك الحلوين
ام مروان : عيب ولاه
ميثاق : لسى من شوي شفت بابا عم يبوسك
ام مروان : قليل ادب قدامي عم تغمر مرتك
ميثاق : فضي المطبخ ازا بدك
هربت دغري منو
ام مروان : هلا وعد بتجيبلك الدفتر
شمس : رح تخسر اليوم
ميثاق : باطل لكن ما بتعرفيني
ام مروان : شوي وبتسمعي صوتو طالع وبكون خسران
شمس : لا تخسر ميثاق
ميثاق : كرمالك بس
ام مروان : اتقل ولاه يلا روح
ميثاق : العيلة كلا بتغار
ام مروان : ببيتك ما منزعل هون عيب
ميثاق : شو بتعملي حلي عن هالبراد مشان الله
ام مروان : مية مرة قلت لأختك الاكل بينكب اول باول لشو هيك مكدسيتو
ميثاق : بتوفر جلي
فرطت ضحك على حكياتو
ميثاق :مطولة عندك ماما
ام مروان : شو بدك تقلعني
ميثاق : بدي ابوس مرتي بعرفك بتغاري
ام مروان : اطلاع لبرى ممنوع تقرب ع شمس
قلعتو تقليع يا ويلي شو بحب لمجاكرة جابتلو وعد دفتر وقلم والا يغمزني قبل يروح وزفرت مرت عمي بتعب
ام مروان : جهلان ابني ع كبر
شمس : ليش ما جوزتيته
ام مروان : هو حدا بيمون عليه وهيك جوزناه غصب عنو وعشقان وغرقان
شمس : بكون طالع لعمي رومنسي
ام مروان : عيب عليكي
شمس : هههه مو بس ميثاق شاف كلنا شفنا
ام مروان : انا اليوم بدي اربي كل العيلة
جهزت الشاي والبوشار واجى محمود أخدهن والي فهمتو انو ميثاق حاليا بجولة النصر لهيك اتسللت لبرى محاولة لاشوفو من شباك المضافة وبالفعل كان متحمس وعم يسجل النتيجة يا ويلي حركاتو بتجنن
فتت لجوى اكمل الفيلم مع وعد ومرت عمي خلت تغريد وعهد يسهرو معنا
~~~
نكشتها لتغريد لتنطق
تغريد : صحيح شمس ما حابة تكملي دراسة
شمس : لا
ام مروان : ميثاق مابدو
تغريد : لو درستي شو كنتي رح تصيري
شمس : يمكن محامية
تغريد : اوف مرة وحدة
شمس : ليش انتي موظفة
تغريد : آنسة مدرسة
شمس : انسة شو
تغريد : صف اول
شمس : وانتي عهد ليش ما صرتي انسة
عهد : هو ميثاق خلا حدا يكمل
شمس : حكتلي رؤى كنتي كسلانة
انقهرت كتير منها
عهد : وانتي شو
شمس : ما كنت متفوقة بس جبت علامات بالتاسع غير شكل
عهد : اخرتك للمطبخ بعلامات وبدون شو رايكن نطلع ع الاسطوح نتمشى
ام مروان : والله برد
عهد : خليكي تحت انتي تعي معنا شمس
ام مروان: اي اطلعي بتتسلي
كان مبين عليها انها ع نياتها لبست شالها وطلعت معهن وابتسامات الخباثة مبينة عليهن وعلى ضو الموبايلات الي مع عهد وتغريد وشمس وراهن ماشية كاتمات الضحكة عليها
~~~~
ما اتوقعت يكون معهن دخان
شمس : لشو هاد
عهد : لنشرب لشو يعني
شمس : انتي كمان بتدخني
تغريد : تسلاية خدي جربي
شمس : لا يوه مستحيل
عهد : لا بدك تشربي مشان لا تفسدي علينا
شمس : ولايمكن بعدين ميثاق ما بحب هيك شغلات
تغريد : شوفو الجدبة ليش كلشي بدو اياه لازم يصير
عهد : هههه مابتعرفي انو شمس تفكيرها متل تفكير ستي وستها
شمس : ليش الدخان منيح
تغريد : نحن مو مشان الدخان مو كلشي لازم تطاوعيه فيه
شمس : بس
عهد : امسكي يلا خلصت
مسكتني اياها غصي عني
شمس : مابدي شو غصب
تغريد : هلا بتشوفي كتير بتروق الأعصاب
شمس : بس
عهد : اسحبيلك سحبة
رفعت ايدي مترددة وسحبت واقرفت من طعمتها
شمس : مو طيبة ايع
تغريد : لانك مبتدئة انا اول ما اشربت هيك اقرفت منها بس بعدها صار ما بيكمل يومي بدونها
شمس : انا خايفة لتطلع وعد وتفسد علينا
عهد : هههه يعني خلص صرتي شريكتنا
ارجعت سحبت منها وكانت شوي عادية
شمس : انتو مو خايفين
تغريد : نحن كلنا بجمعات البنات منشرب واجواءنا غير شكل
لهيك اتشجعت وكملتها والحمد الله ماحدا طب علينا اتمشيت معهن وعلى تلميح وحكي بس ما كنت اعرف تغريد عن مين بتحكي وعهد كتير مبسوطة وبعدها انزلنا لتحت لانو اتجمدنا ع الاسطوح وخفت بس شفت ميثاق بالصالون واقف
ميثاق : شو في ع الاسطوح بهيك وقت
عهد : غيرنا جو
ميثاق : جوى وبرد
عهد : بدك شي
ميثاق : اي قهوة ع السريع
تغريد : ولا عبالو مراد يروح
ميثاق : هلا بلش الدك
عهد : يحرق اخت الدك الي ما بينتهي
رحت للمطبخ وكنت متوترة خفت يكشفني والي خوفني اكتر ضحكات تغريد وعهد
ميثاق : ليش انتي معهن
شمس : غيرت جو
واول ما استنشق رجفت بزيادة بالزور لاقدرت اهدي الفنجان بايدي
شمس : كم واحد انتو
ميثاق : ستة
وارتحت وقت فات ع الحمام
اشربت مي وبلشت اجهز القهوة
ميثاق : يعني صرتو اصحاب انتي وعهد وتغريد
شمس : مرت عمي حكتلي اطلعي معهن
ميثاق: ليكون انعستي
شمس : لا عادي
ميثاق : لانو السهرة طويلة
شمس : لا لا سهرانة

ميثاق : خدي موبايلي اتسلي
اعطيتو القهوة واخدت موبايلو من جيبتو ورحت للغرفة وعهد وتغريد على همس وضحك وحماتي الظاهر رايحة تنام ووعد نامت
عهد : شو ما حس ع شي
شمس : لا
تغريد : بدك تديري بالك ما بتمرق عليه
شمس : مابقى أعيدها اصلا
عهد : بكرى غصب عنك رح تشربي
تركتهن وفتحت الموبايل اتسلى وكتير انعست ومليت ومو مصدقة ايمتى تخلص هالسهرة ومقهورة على اد ما ضحكن وتهامسن واخر شي استرخيت ع لمخدة وغمضت عيوني
~~~~
بعد ما ودع الكل بقي بس مراد ومحمود
مراد : فوت اندهلي ل تغريد
ميثاق : بكير يا زلمة
مراد : لا حاجتنا
فات محمود وشوي طلعت تغريد وعهد
ميثاق : وين شمس لكن
عهد : من ساعة نامت
مراد : يلا تصبحو على خير
ردو عليه ودغري فات يصحي شمس كانت نايمة ونومها تقيل
ميثاق : شمس...شمس
عهد : من زمان نامت
ميثاق : ليش ما خبرتني بدها تنام... يلا شمس .
وبالزور لحتى خلاها تصحى
عهد : هي دبة نوم
شمس : خلصت السهرة
ميثاق : اي يلا قومي
وقفت ولبست الشال وضمت حالها
ميثاق : خدي اشربي مي الجو برى كتير بارد
شربت مي وطلعت وراهن عهد تسكر البوابة هي ومحمود
كانت شمس شبه مغمضة طلع ودغري سكرو البوابة

- النص المستخرج من الصورة: 📝
عهد : هههه نهفة شمس
محمود : الحق ع ميثاق هدول لو متجوزين ما بيسهرو
عهد : يلا اتسلينا كتير طول بابا
محمود : حکیى مارح يرجع اليوم
عهد : تصبح على خير لكن
محمود : وانتي من اهلو

القسم العاشر
شمس الغرام ♪
{بقلمي مايا الحجازي}
كنت ما حاسة الا بقشعريرة ببدني والسبب ايديي كل ما لمسو شي خشن يقب بدني ما كان مني الا سكرت ايديي ورفعتهن فوق لحرام وغمضت عيوني كنت مقهورة لانو فقست نومتي والسبب سهرتو مع رفقاتو تقيلين الدم كان عم يكبس بالموبايل ابصر مين بيحكي
ميثاق : نمتي شموس
شمس : كتير نعسانة
ميثاق : طيب ليش ما خبرتني بدك تنامي
شمس : ما فكرت انام
ميثاق : حدا اخد موبايلي منك
شمس : لا ضل بايدي
ميثاق : شبكي انتي
شمس : مابعرف بردانة كتير
ميثاق : ليش رافعة ايديكي
فتحتلو كفة ايدي ودغري اتجلس ليشوف كيف بدهن يتشققو وناشفين
ميثاق : من شو هيك
شمس : مابعرف هلا حسيت بالوجع
ميثاق : سلامتك
ودغري اتجلس
ميثاق : خدي حطي عليهن مرطب دغري رح تتحسني
وكتير ارتحت وعلى الاقل اقدرت امد اصابيعي
ميثاق : يمكن اتحسسو من سائل الجلي
شمس : ما انا بجلي بالبيت هون
ميثاق : لازم تنشفيهن عطول
شمس : مين كان عندك
ميثاق : رفقاتي وولاد عمي
شمس : لعندك جايين ولا لعند محمود
ميثاق : اكيد لعندي محمود رفقاتو مو من جيلي وبتلاقي أسمائهم حمودة عبودة حسونة
شمس : ههههه
ضحكني كتير
شمس : بس هو من جيل عمر مو صغير
ميثاق : عمر اسمو لحالو هيبة وبقلك انا مو حيلا
شمس : ومحمود من شو بيشكي
ميثاق : عمر لكبير عندكن وعنا محمود لصغير شو رح تكون النتيجة
شمس : افهمت عليك بتعرف ما سالتك عجبتك عزيمة بيت اهلي
ميثاق : بس انا ما بحب هالشكليات ولو ما حكو لازم كنت بدي ما يعزمو ابدا
شمس : ميثاق سافرت كتير بحياتك
ميثاق : للبلد لهون ما كتير استني لاعدلك كم سفرة وقت طبقت العشرين اجيت زيارة ١٥ يوم
شمس : ضليت خمس سنين بعيد عن اهلك
ميثاق : لا تزكريني بهديك الايام كنت انا وبابا شحم ونار
شمس : ليش
ميثاق : بدو غصب عني اشتغل بالسوق عندو
شمس : اي حلو الشغل بالسوق
ميثاق : انا وهو بشغل واحد ما منزبط
شمس : بس عمي منيح
ميثاق : بعرف انو مافي منو بس ما كنت اتقبل يبهدلني قدام حدا يعني لو بوقتها صحلي اشتغل بتكسير لحجار بعيد عنو بوافق
شمس : وما اشتقت لاهلك
ميثاق : بيني وبينك اول اسبوع كان موحش بالغربة بس بعدها اتعرفت ع شلة شباب وانسيت البلد وكلشي في بالبلد
شمس : وشو اشتغلت اول شي
ميثاق: تلت سنين قتال مع بابا بالسوق وبعدها رحت لعند علي ع المطعم وعجبني كتير الجو بس بابا رفض وحكالي صعب ولايمكن اخليك تشتغل قدام فرن ١٢ ساعة
شمس : معو حق
ميثاق : بالنسبة الي الوقفة قدام الفرن اهون ما اشوف طلبات الزباين وكلهن نفسيات خايسة ما بتتحاكى انا بطبعي عصبي كتير ولولا وجود بابا معي بالسوق كنتي شفتيني زمان اتسفرت شمس : اشتغلت بالمطعم
ميثاق : ما خلاني وبس عرف انو حكيت مع صاحب المطعم حجزلي وقلي يلا روح غير جو بالبلد
شمس : ههه بحبك خايف عليك تتعب
ميثاق : التعب نفسي اصعب من التعب الجسدي تخيلي تكوني بمكان مو مرتاحة فيه
شمس : وكيف كانت سفرتك الاولى
ميثاق : ماشي حالها وقضوها قرايبي عزايم
شمس : وبوقتها خطبت
ميثاق : لا مو بهي الفترة
شمس : وكيف اقتنع عمي تغير شغلك
ميثاق : انا وستي اللعبنا عليه لعبة
شمس : كيف
ميثاق : اتفقت انا وستي عليه اتصلت فيه وحكتلو شفت منام مو منيح وتفسيرو انو هلاك ميثاق رح يكون بالسوق وهون بابا خاف كتير عليي طبعا ع اساس انا مالي خبر بمنام ستي اول ما ارجعت لعندو حكالي روح اشتغل وين مابدك
فرطت ضحك عليه
شمس : والله انت وستي ازا بتجتمعو بتخربو الدنيا
ميثاق : اي لكن انا اكلت راسها لانو ماما ما بتمون عليه واتفقنا ع كزبة ونجحت الخطة
شمس : وبعدها انبسطت بشغلك لجديد
ميثاق : كتير مو شوي اول سنتين تعليم وكان صاحب المطعم كتير جدي معي وبعدها قررو يخطبولي لهيك سافرت اسبوع وارجعت وما كنت بعرف انو مستفقدلي صاحب المطعم هو اجى اخدني من المطار ومن بعدها صرت معلم بالمطعم
شمس : وما مليت
ميثاق : كل شهرين تلات نسافر انا والشلة تغيير جو ومرتين اجينا لهون للاذقية وما شافوني اهلي
شمس : بربك
ميثاق : والله وحتى للشام وبوقتها شافني عمي عبد صدفة واهلي جن جنونهن وفكروني محارب الكل
شمس : نيالك سافرت كتير
ميثاق : حابة تسافري
شمس : بتعرف حتى الشام ولا مرة رحتلها
ميثاق : وعد لاخدك ونغير جو
شمس : بس ليش اتغربت صغير
ميثاق : كانت موضة الي بيسفر ابنو وبكون الي مسافر هو مصدر دخل العيلة كلا
شمس : يعني ما صمدت شي الك
ميثاق: من وين يا حسرة كان بابا هو يجي ياخد المعاش ويحطو بجيبتو طبعا بابا لجنة خيرية لاهلو اخواتو البنات اولاد اخوه وحتى للرايح والجاي
شمس : اي
ميثاق : شو اي مرة اتصلت ماما تبكي وما كنت بعرف انو ساحبلي المعاش من صاحب المطعم ليجهز لحنين بنت عمي

شمس: بتحكي جد
ميثاق : والله بوقتها حكتلي بغضب عليك ازا لسى بتعطيه كل راتبك يا حرام ما كانت تعرف انو مافيني استلم شي الي
شمس: وشو عملت
ميثاق : قلت لصاحب المطعم بدي تخبر بابا انو نزلتلي من المعاش وصرت اقبض النص الي بدون ما يعرف
وفرط من الضحك
شمس : ليش عم تضحك
ميثاق: لانو بعدها بابا صار يحكيلي مابدي منك شي
شمس : صحي مثلا
ميثاق : مو بس هيك صار كل ما شافني يفتح الجزدان ويحط بايدي مبلغ انا احلف عليه ما باخد ويعطيني غص*ب عني
شمس : ههههه غير شكل
ميثاق : وصار هو يحجزلي ع حسابو
شمس : يعني اجت لصالحك
ميثاق :كتير مو شوي
شمس : بس انتو حالتكن ميسورة
ميثاق : لانو بابا عندو سوق ألبسة ما بتشوفي كل قرايبنا بحبونا
شمس : مشان المصاري
ميثاق : وكمان بابا مغرق اهلو خيرات
شمس : قصدك لمصلحة
ميثاق : اي لمصلحة ماحدا بحب حدا هالايام
شمس : يعني جوازة ولاد عمك ع حساب عمي
ميثاق : اكيد وبكرى جوازة تغريد ع حسابو وهكذا
شمس : وانت متلو
ميثاق : بحاول بس مافيني مين ما قصدني ما بقدر احكيلو لا
شمس : ومروان
ميثاق : مروان منيح لبيت حماه
شمس : عنجد
ميثاق : مغرقهن خيرات
شمس : يعني بالمختصر عيلة ايدها فاروطية
ميثاق : هههه اي هيك شمس ليش ابوكي ما حضر عرسك
شمس : مو وقت أجازتو
ميثاق : بس هاد فرح بيقطع سفرتو وبينزل للبلد
شمس : وهيك بعرس رؤى ما حضر
ميثاق : يعني انتو ايتام
شمس : بعيد الشر عنو
ميثاق : ما بفاول عليه بس تعتبرو ايتام
شمس: وخالتي وين راحت
ميثاق : ركزي منيح بالكلمة خالتك هي
شمس : بس عاملتنا منيح يمكن لو مو اخت ماما عنجد نكون ايتام بس هي اخت ماما
ميثاق : من بعد امي ما تربيني حنونة
شمس : انت شاطر بالامثال وك*سر الخواطر
ميثاق : بكرى رح تعرفي شو قصدي
شمس: ايمتى
ميثاق : بس لتجوز اولادها رح تحسو بالفرق
شمس : هي ما قصرت
ميثاق : اي بفهم بس كمان ما علمتك شي لو كان عندك ام مستحيل تخليكي لهالعمر غشيمة بكلشي
شمس : انا غشيمة
ميثاق : كتير شمس مو شوي يعني عم لقمك الشغلة تلقيم وماعم تفهمي ابدا عليي
شمس : يكتر خيرك
ميثاق : لا تزعلي والله بس انا متاكد اختك رؤى عانت مع زوجها وبيت حماها والسبب ماحدا علمها شي
اتزكرت اديش تيجي حردانة وتبكي ومنهارة
شمس : يعني انت منيح
ميثاق : مو قصة منيح بس انا عم داريكي مدارة ومع هيك بحسك ما رح تتعلمي بيوم ويومين وانا خايف اسافر واتركك هون لحالك
شمس : ...
ما كنت افهم هو شو قاصد ابدا بس شلت هم يسافر عنجد
~~~~
صحيو على صوت ضجة والسبب عزيمة مروان لاخوه ميثاق طلع لبرى ليشوف الدبايح عم تندبح وهنيك كل العيلة امو واخواتو وعمو عبد ما عجبو ابدا يرجعو اصحاب واحباب راح ليشوف شو القصة
ميثاق : لشو هيك بربك
مروان : اقل منها يعني فرحتي فيك اليوم فرحتين صار عندك عيلة وارجعنا أصحاب واحباب
عبد : الله يديمكن لبعض
ام مروان : الله لا يفرق بيناتكن يارب
مروان : امين
ميثاق : الله يكتر الخير عليك
ام محمد : الله لا يحرمكن من بعض
الدم بكل مكان وطبعا في حصص رح تتوزع ع فقراء البلد والتمو صبايا العيلة ليساعدو نسرين بالتجهيز
فات للبيت ليشوف شمس لابسة وجاهزة
ميثاق : مروان عازمنا اليوم
شمس : اي شفت وكتير انبسطت مشانكن
ميثاق : لشو هالشكليات
شمس : هو هيك حابب
ميثاق : لنشوف مين رح يعزم
شمس : اكيد عائلية
ميثاق : مستحيل مروان وبعرفو

الظهر كانت المضافة مفتوحة ع مصرعيها
وميثاق اتفاجئ حتى رفقاتو الي من برى البلد معزومين خالاتو وعماتو وعمامو وحتى عمر وخالد وجوز رؤى وكتير انبسط بشوفتهن والا يقعد معهن
ميثاق: اعطو خبر
عمر : متلنا متلك اجى مروان وعزمنا واصر ع كل العيلة
ميثاق : يلا منو بتتنور بشوفتها
عمر : ياربي دخيلك انت مين مسلطك عليي
ميثاق : شو عديل كانك متبري مننا
يحيى : حقك عليي بس ما اقدرت اترك المكتب استلمت كم قضية مهمين
ميثاق : وهي صار عنا محاميين اتنين
عمر : الا انت خليك شغيل
ميثاق : اه انسيت انك دارس
محمود : حلوة الدراسة هنيك
ميثاق : انت اسألو حلوين البنات هنيك
عمر : ترى محمود بيعرفني اكتر منك
محمود: هههه اي راكز عمر الا مع هديك
عمر : والله حسيت انك انت ورا الفضيحة
محمود : ههههه ميثاق مستحيل يبوح
عمر : امبلا بس لكل العيلة
ميثاق : خالد انت شاهد حكيت
خالد : لا بس نشرت سيرتو بالبيت
ميثاق : يعني بكى طمني
عمر : ماببكي شو شايفني
ميثاق : يلا هلا منطلع نتمشى الا ما تطلع تأشرلك
يحيى: لك صرلي دهر بقرربهن ما حكالي
عمر : لا ترد عليه اصلا مافي هيك شي بس تبلي
ميثاق : صحيح وما بتلبس شالة سودة ابدا
عليت صوت الضحكات وعمر انقهر كتير منو
~~~~

الضجة غير شكل كنت متعمشقة الشباك وعيني ع المضافة انا ونور
نور : بيت سلفك بيجنن
شمس : اي فخم كتير شايف هداك الباب ازا انفتح منصير ببيتي
نور : لكن بتسمعو اصواتهن
شمس : اي بس مو عطول ولادها هاديين كتير
نور : شمس شوفي هون ليش متعمشقة الشباك
شمس: حابة اشوف ميثاق
نور : ههه ما اشبعتي منو
شمس : لا بس بدي اشوف الصلحة كيف رح تصير
نور : هون عماد
شمس : ازا انتي هون عماد وين بدو يروح ايمتى اجى يحيى
نور : مبارح بليل وانبسطنا خلصنا من رؤى
شمس : ههه هي موسوسة نظافة
نور : الدنيا برد ويوميا بتحمم لولاد
شمس : هههه وانبسطت رؤى
نور : شو فيها مشقرقة
بالفعل كانت تضحك وتمزح مع عهد وعليي ازا بحبو بعض
شمس : نور حابة بيت حماكي
نور : ما كتير المهم عماد لو تشوفي اديشو عفوي وضحكتو بتجنن
شمس : لك صحيح شو هالضحكة الباردة الي بيضحكها
نور : شفتي ههههه مبارح اتصل فيني
شمس : لسى ما انكتب لكتاب
نور : عيناكي تشوفي بس اجى عمر صرت ارجف
شمس : الا انا ابتليت بميثاق وما بحب التواصل ابدا
نور : اي بحب اللقاء شخصي يعني حابيتو
شمس : بس بيوصلني شعور انو ما منيح وبيكسر الخواطر بدج الحكي
نور : لا تحطي ببالك بكون عفوي
شمس : ما بظن المهم انو مدللني شوفي ايديي
نور : ييي من شو هيك
شمس : جليت كوام جلي ببيت حمايي ولانو الجلي بايت اتعزبت وانا انظف فيه ويمكن من لكلور هيك صارو
نور : لازم البستي كفوف لكلور بيضر الايدين
شمس : ما اقدرت اجلي بدون كلور ريحة الزنخة كانت ما طبيعية
نور : وليش الجلي بايت
شمس : مابعرف
نور : من الاخر ضلو ببيتكن لشو تروحو لبيت حماكي
شمس : بيصحى وبيحكيلي نفطر ونروح شو احكيلو
نور : قوليلو خلينا بالبيت
شمس : بس فعليا منمل لحالنا برتب البيت كلو وهو بيطلع يتمشى وما بضل شي نعملو الا نروح لبيت حمايي
نور : يلا بكرى بتلتهي بولادك وبتنسي
شمس : ...
طبعا الكل يشتغل ويساعد وقبل المغرب الكل راح وبقينا بس نحن ودعنا اهلي انا وميثاق
شمس : مبروك الصلحة
ميثاق : جوى بتباركيلي
شمس : لشو حكولك بتيجي في سهرة
ميثاق : اي حفلة لعماد منروح سوى
شمس : وانا
ميثاق: لكن اتركك بالبيت
شمس : خدني لبيت اهلي
ميثاق : شه مو هلا كانو
شمس : اي بغير جو
ميثاق : لا مافي معي يعني معي
طبعا سايرتو بدلت تيابي واللبست شي مناسب وراحت معنا عهد وتغريد وحنين بس كنت حاسة بفخر لاني بجنبو قاعدة والأولوية الي شغلت اغاني ع زوقي والا يبتسملي
عهد : حطي اغاني عراقية
تغريد : لا لا حطي ل فضل شاكر يقبر قلبي
حنين : حطي مجوز بلا حكي
ميثاق : خليه ع زوق شمس احلى شي
انتصرت عليهن وصلنا لبيت عمو وانزلنا كلنا طبعا سبقونا
ميثاق : مابدي اوصيكي ممنوع تختلطي بحدا بتضلك بجنب ستي
شمس : والله حلوة السهرة مع البنات
ميثاق : هدول بنات هدول
شمس : هههه ليش مابدك اسهر
ميثاق : هيك ما بيعجبوني وانتي غشيمة كتير وانا بعرف شو عندي
شمس : متل مابدك
هو ضل برى عند الشباب وانا فتت واخجلت لانو في كتير نسوان ارتحت وقت شفت حماتي سلمت ع الكل وقعدت بجنبها
ام مروان : اجيتو سوى
شمس : اي
ام مروان : عمك برى
شمس : اي برى مبروك صلحة ميثاق وعمي مروان
ام مروان : الله ييارك فيكي عقبال ما اباركلك وانتي حامل
بقلبي : شبهن ع سيرة لولاد اليوم
وبعدها شغلو اغاني وما حبيت اروح عليي فرصة اتفرج ع ميثاق لو مابدو يشارك بس رح اتاملو براحتي وطبعا النسوان طلعو لبرى يتفرجو وانا اطلعت ع الاسطوح مع البنات مابدي اسمع كلمة ميثاق المهم اتفرج عليه
لساتهن الشباب عم يمزحو ويضحكو وفي كم شب بس الي عم يدبكو وما اتوقعت بس يصيرو عند ميثاق يعطوه المسبحة ليمسك هو ع الاول وحسيت بالخجل بدون سبب
وسرعان ما اجو لجنبو كل رفقاتو وطبعاً ما اقتصرت الدبكة ع الشباب الا ام يوسف وام مراد وكم مراة يشاركو وستهن رقصت والا اسال عهد
شمس : ليش ما عملو ل ميثاق نفس هي الحفلة
عهد : امبلا عملولو بس الاخ كان يهرب لعندك
شمس : ما كان يخبرني
عهد : عجبتك الحفلة ولا انو ميثاق ع الاول
شمس : استغربت فكرتو ما بحب هالاجواء
عهد : هو الي بحب .
بقلبي : كان لازم عزمني اتفرجت ع هيك أجواء والله غير شكل بس يا ترى ما يعرف اني ع الاسطوح شو بيعمل ماحدا رح يخبرو اصلا مو فاضي عم ينظم الدبكة اضحكت غصب عني وما روحت ولا لقطة عليي وبعد ساعة بلش يخف العدد وما بقي الا شباب ورجال العيلة وشفت ميثاق ترك لهيك انزلت ركض بلكي فات لجوى وكتير انبسطت لانو اجيت معهن وشوي لمحتو فايت لجوى والا حنين تضيفو مي وحسيتو صحبة معها كتير رحت لعندهن
ميثاق : شو مشينا
حنين : بلا خليكن كمان
ميثاق : ما انتي شفتي اليوم كان مزدحم
حنين : ما بسدء بدك تهرب بشمس

ميثاق : بس هي هلا قمر
حنين : ههه الله يهنيكن ترى انتو لبعض من وقت اخلقتو
ميثاق : حتى من قبل تخلقي انتي منيح يلا شمس
اللبست الشال
حنين : والله بكير
ميثاق : رفقاتي بدهن السيارة
حنين : عيدوها
ميثاق : الايام جاية اطلعنا دغري من الباب الخلفي للبيت
شمس : شو بدهن بالسيارة
ميثاق : في واحد منهن اضطر يرجع واكيد ما رح يرجعو بسيارة وحدة
اطلعنا ودغري للبيت طبعا سيارة رفيقو ورانا وصلنا للبيت فتت لجوى وبقي هو لحتى اعطى لرفيقو السيارة وفات وحسيت بتعب متراكم لهيك دغري بدلت تيابي وجاهزة للنوم
~
كان عم يفكر بكلام عمو عبد عن صلحة مروان
عبد : يعني ازا صالح وعزم رح ينسيك كيف ضربك وذلّك
ميثاق : بس هو ندم
عبد : بعد شو انت بتعرف انو الي سرق الصيغة اخوها ل نسرين وما استرجى يفتح تمو بحرف معو ولساتو معو متل السمنه ع العسل بس وقت شك فيك عملك جرصة والله ستر روحلك وجهك بضربو
ليتزكر حادثة الضربة بتفصيل ومع هيك مابين ل عمو انو اتدايق
ميثاق : عفى الله عما مضى واخي وبمون عليي
عبد : لا تفكرني بحرضك عليه لا والله بس الواحد كرامتو بالدنيا
ميثاق : بظن سبع سنين خصام كافيين
عبد : هي بقى بترجعلك بس انا مابدي يضل مستوطي حيطك بس لانو اخوك لكبير
ميثاق : لو بابا ضربك بتسامحو
عبد : مستحيل يضربني
ميثاق : منقول ع مثال ضربك بتسامحو
عبد : احمد سكرى مو متل مروان
ميثاق : انا حاجتي اتعبت يلا بخاطرك
بقلبو : معو حق والله كيف وافقت ع الصلحة والعزيمة
حس على حركة شمس بس ما بدو يبين انو صاحي مثل النوم تمثيل وفكرو شغال ب يلي صار
~~~~
كان مبين انو مو غفيان وعم يحاول ينام معقول ميثاق عم يفكر بغيري اي اليوم حسيت بينو وبين حنين كيميا واصلا اتعمدت تحكيلي انو انا من نصيبو لتزكرو انو كان خاطب اختها
~~~
قبل بيوم من خطبة نور اصر ياخدني ليشتريلي فستان جديد مع انو عندي كتير بس هو حابب اللبس على زوقو واخدنا معنا وعد اشترلا كمان لبسة جديدة للخطبة والمسا هو راح لبيت عمو وانا اسهرت مع حماتي لانو كل العيلة راحت اتزكرت انو اترجيتو اسهر عند نور قبل خطبتها وما رضي والقهر انو ادرى انو رايح لحالو لبيت اهلي يشرب قهوة خلص صار هو الكل بالكل تاني يوم بلشت تجهيز ع بكير والاخ ع غير العادة نايم للظهر صوت الاذان واصل لنص الغرفة والشمس ساطعة من الشباكين وانزعج
ميثاق : شمس لشو هيك فاتحة الشبابيك
شمس : مشان تتشمس الغرفة
ميثاق : ما انتي شمس بتكفي
شمس : وعم يتمسخر بدك تنسيني شو عامل
ميثاق : والله ما عملت شي اصلا نمنا بكير
شمس : قبل النوم
ميثاق : اتحلينا
شمس : وقبل نرجع للبيت
ميثاق: ايوا بدك ما اروح لبيت عمي
شمس : اصلا كل صحبتكن سوى بعد الانفصال مو زابطة
ميثاق : شو مفكرة متلكن نحن
شمس : ليش شبنا نحن
ميثاق : لوين بدك توصلي
شمس : من بعد العرس ازا لسى بسمع او بدرى انك رايح لهنيك يا ويلك
ميثاق : شو....ما اسمعت شو هي يا ويلك
شمس : يعني لا تلوم الا حالك
وغرق بضحكتو بس انا القهر واصل لنص قلبي وقت شفتو راجع ومعو تغريد وعهد وانا بالبيت متل الكلبة
ميثاق : لا بقى تضحكيني اي
شمس : ليك والله اليوم مابرجع وبضل عند اهلي
ميثاق : اريح وها
مسك على شواربو
ميثاق : بكرى لتكون بحضني مرأة
شمس : بدك تتجوز عليي
ميثاق : لكن بس انتي بتهددي
شمس : لك قول ما بقى اروح
ميثاق : رح اروح ومو انا الي بتمشيني مراة غيرك كان اشطر ولازيدك من الشعر بيت انا تركتها ل تغريد لانو كانت بدها تتحكم بكل حياتي وانا مو هيك انا زلمة عم تفهمي ماني طرطور
شمس : طيب لا تروح لعندهن
ميثاق : بروح مابروح مالك علاقة وممنوع تدخلي انا ماني صغير وبعرف الصح من الغلط اللبسي خلصيني
شمس : ومابدي اروح ها
قعدت وكل فكري يراضيني بس الافندي طلع من كل الغرفة ورجع متوضي ويزور فيني يمين شمال
~~~~
خلص صلاة استغفر وقرأ الاذكار ووقف ليشوف شمس معندة
ميثاق : قومي صلي الصلاة اهم من قلة عقلك
شمس: مابدي اصلي
ميثاق : الله ربي بمين بتجاكري انتي
شمس : قول انو مابقى تروح
ميثاق : والله يا شمس بسود عيشتك اللبسي انا ناطرك بالسيارة
اخد جاكيت البيجامة وطلع من البيت تارك شمس مقهورة كتير
~~~
فجأة اكرهتو وحسيت انو ما حبيتو من الاساس اتزكرت محمد وسالو دموعي متاكدة انو لو صار نصيب كنت هلا مرتاحة معو اكتر مسحت دموعي اللبست على الماشي كنت مجهزة تيابي واطلعت لعندو ومشان لا اشوفو دغري لفيت وجهي للشباك
ودغري اطلعنا وما فكرت يوصلني وينزل معي كانو اهلي مشغولين والي عم يرتب الكراسي والي عم يزبط مكبرات الصوت وانقهرت وقت حكى ل رؤى

ميثاق : وين مرت عمي
اتطلعت فيه واتاكدت انو بخصني الموضوع
رؤى : خالتي .. يا خالتي
اجت دغري والا ياخدها على جنب وقلبي صار يرفرف
رؤى : جوزك معصب
شمس : ...
رؤى : متخانقين
تركتها وفتت ابكي جوى
~~~~
ام خالد : لا بدك تطول بالك
ميثاق : انا مابدي يكبر الموضوع لهيك حكيت معك شمس بدها مني ما اعترف بقرايبي
ام خالد : لا يوه ما بصير خلص انا بحكي معها
ميثاق : هي مالها تدخل بعلاقتي بقرايبي نهائيا
ام خالد : خلص متل مابدك بس هي مولدنة شوي وانت مشالله عنك واعي وفهمان
ميثاق : وبستوعبها بس اليوم متعمدة تمشي كلمتها عليي وفهميها لو بدو بنت عمو مافي قوة بالارض خلتو يتركها
ام خالد : الله يصلحها بس
طبعا عمر حس انو في شي بس راح ميثاق قرب من خالتو
عمر : صاير شي
ام خالد : لا لا ولاشي
وفاتت لتبهدل شمس وعمر لحقها ليسمع
ام خالد : لك انتي ما بتفهمي
رؤى : شوفي بلا
ام خالد : ما بدها يفوت لبيت عمو
طبعا شمس بحالة بكي هستيرية و نفس عمر صار صعب
رؤى : شبكي شمس صحيح هيك
كانت عم تبكي بشكل مو طبيعي
ام خالد :يروح لوين مابدو مانو صغير لتوجهيه الو ام الو اهل بيعرفو مصلحتو
شمس : مبارح اترجيتو اجي اسهر عند نور بس رفض واجى لحالو
ام خالد : وشو الو داعي تيجي
شمس : حابة اسهر مع اختي
ام خالد : ولشو عم تتحكمي فيه ما صرلك شهر وبدك تمشي كلمتك عليه
شمس : هو حكالك هيك
ام خالد : حكالي مطول بالي عليها
شمس : الله لا يكتر خيرو
ام خالد : لك عيب عليكي شو هالحكي
شمس : انا ماني راجعة معو اليوم وبدي اتطلق
رؤى : اتركينا لحالنا خالتي
ام خالد : والله لاخبر ابوكي
شمس : خبري مين مابدك وخبري الي عامل فيها زلمة مابقى بدي اياه
طلعت ام خالد وشافت عمر وكتير معصب
ام خالد : شو عم تعمل عندك
عمر: والله بفوت بكسر راسها
ام خالد : خلص هلا رؤى بتفهمها غلطها
عمر : لشو تعمل معو مشاكل
ام خالد : لساتها ولد شو مفكرها ختيارة
عمر : نحن ما خلصنا من جية رؤى تبكي وبدها تطلق هلا دور شمس
ليش بس نحن اه فيني افهم
ام خالد: كلها بصير معها مشاكل
عمر : بس نحن مشاكلنا غير
ام خالد : قصدك انا السبب
عمر : ماقصدي شي
طلع معصب ومقهور كتير
~~~
فكرة انو شكى لخالتي مني هي وصلتني لهالحالة
رؤى : شمس لشو المشاكل يعني اليوم خطبة نور وعم تبكي وحردانة
شمس : حلوة بحقي يشكي مني لخالتي لو الك ما بزعل
رؤى : خالتي مافي منها بس لشو تزاعلتو
شمس : انامابدي اياه معاد بدي اياه عم تفهمي
رؤى : بلا قلة عقلك كل تنين بصير بيناتهن مشاكل
شمس : بس بيحلوها بين بعض مو بيجي يشكي لاهلها منها كرهانة كلشي جمعني فيه لك لحتى ما يناقشني طلع وتركني اديشو حقير
رؤى ؛ لك بلا جنان لشو هيك عم تحكي
شمس : يلعنو ويلعن كل قرايبو يضرب منو لبيت عمو
رؤى : خلص خلص مشان الله اسكتي سكري تمك
شمس : بدو يطلقني غصب عنو
رؤى : لك لو كل تنين ع اول مشكلة اتطلقو خربت الدنيا وما ضل حدا مع حدا انا مجربة الي حاسة فيه
شمس : بتعرفي انو اجى مبارح يسهر هون لحالو انا تركني عند امو اسليها لانو الكل راحو لبيت عمو
رؤى : بلكي ما خطرلو
شمس : لك اترجيتو كتيرما رضي واخر شي بيرجع ومعو الست عهد وتغريد لو تشوفي كيف نزلو يضحكو ومبسوطين
رؤى : شمس غيرانة عليه من بنت عمو
شمس : لكن ما شفتي حركاتها لتلفتو من لبس ومكياج وبتدلل كتير بالكلام انا ولفتني دلالها وغنجها وضحكتها كيف هو
رؤى : بس مستحيل يندم انو تركها انت احلى واصغر واتدللي عليه شو وراكي
شمس : رؤى انا مقهورة منو قهر وانتي جاية تحكيلي اتدللي عليه كرهانة كلشي
رؤى : وازا بقلك انك جدبة ورح تخلي الساحة لغيرك وهلا رح يجو مع اهل العريس وبدك تضاربي ع الكل بغنجك ودلالك ورقصك بدي تاخدي الساحة الك
شمس : لاقتنع اطلع من غرفتي
رؤى : يوه يمين عظيم ما بتضلي زعلانة قومي لقلك غسلي وبدي اجهزك ع كيفي هاتي لشوف
فتحت الشنته وشافت الفستان
رؤى : ياي زوق مين هاد لك شو هاللون الملكي
شمس : زوق ابو نفسية خايسة
رؤى: ههههه يا ويلي ازا بيسمع كم مرة اتطاولتي عليه ليجن منك اصلا لازم تتعلقي بكفي مدللك يلا يلا ما معنا وقت
طبعاً الاغاني عم تصدح غسلت وحاولت استعيد نفسيتي معها حق رؤى هلا الجو رح بكون لتغريد وعهد عملتلي مكياج بيجنن واللبست الفستان المخمل كان لونو تركواز بيجنن وصندل كعب عالي غير شكل خلصت علبة البارفان ع حالي وسرعان ما بلشو الناس يتوافدو
~~~~
وبالبيت مسكر ع حالو حتى الشبابيك متمدد ومكتئب لابعد الحدود والقهر معبي قلبو من اخر نظرة بينو وبين شمس هو بتحدي وهي بصدمة
ميثاق : كان لازم ما خبرت مرت عمي شكلها شمس اتدايقت من هيك بس شو كان بدي احكيلا اي امرك مابقى افوت لبيت عمي

واستوعب انو بيوم من الايام طلع مقلع من هنيك واتزكر كلام امو
ام مروان : هي الي تركت وبدها الدهب من يوم يومهن مستوطين حيطنا وابوك السبب رجع العلاقات طبيعية واصلا كل خطبتك من الي ما بتتسمى على عيوني مابدي اياها لمين بدها تطلع الا لامها الفاشلة الي كل همها لزيارات والمصرفة هون وهون
صحي على صوت خلع الباب الظاهر من زمان عم يندق ودغري اتجلس ليروح يشوف مين فتح بدون نفس
كان مروان وحاقد عليه من قصة السرقة وانعادت نفس المشاعر بالاخص وقت حكالو عمو انو ما استرجى يحاكي ابن حماه وفوق منها اتقاوى عليه وهو بريء
مروان : وينك لهلا
ميثاق : ببيتي
مروان : بعرف بس ليش اتاخرت مضافة بيت اهلي مليانة رجال
ميثاق : انت شو دخلك وليش جاي
مروان : جاي استعجلك ماما بتحكيلك لا تتاخر
ميثاق : انا عزموني بيت حماي ورايح لهنيك
مروان : طيب متل مابدك ...بس في شي صاير شي
ميثاق : اسال اخو نسرين لا تسألني الي

- النص المستخرج من الصورة: 📝
AY K/s..
مروان : متل ما بدك يلا بشوفك بعدين
طبش الباب وفات ليجهز حالو لبس بنطلون اسود وقميص
اسود مع جاكيت رسمي لونو رمادي لبس ساعة وحط
الجزدان بجيبتو وانطلق لبيت حماه جكارة بكل عشيرتو
~~~~~
ما سدءت وقت اجت ماري تركض
ماري : شمس تعي شوفي اجى جوزك
شمس : مستحيل خطبة ابن عمو
ماري : لك تعي شوفي خلصيني
ما بيجي
لهون
طاوعتها ورحت طليت وانصعقت الاخ عنجد جاي ومشخص
وريحة بارفانو معبية الدنيا فات لمضافة بيت اهلي هو وولاد
عمي
رؤى : شوفي
شمس : ميثاق اجى لهون
رؤى : هههه ياويلي ع الحب ما قدر ع زعلك
شمس : لك والله امرو عجيب خطبة ابن عمو
رؤى : بنت حماه اقرب
شمس : ههههه
صوت زمور وشرفت الست نور استقبلها عمر وخالد ومعها
تغريد فاتت على صوت الزغاريد وما خليت تغريد تشيل
الكاب انا الي شلحتها اياه عناد فيها شغلت اغنية طل القمر
ورقصتها وعلى صوت تسفيق وحماس وانسيت كل ميثاق
وعيلتو معو .

القسم الحادي عشر
شمس الغرام ♪
{بقلمي مايا الحجازي}
وعند تغريد ببيت اهلها عمرانة والنسوان نازلات رقص ودبكة ش*حطت عهد لبرى لتفهم منها
عهد : لك شبكي
تغريد : ميثاق ببيت حماه
عهد : مستحيل
تغريد : لك شو مستحيل سيارتو هنيك شفتها
عهد : بكونو تقيلين د*م طلبوها منو
تغريد : لك مو بس سيارتو حتى بو*طو برى
عهد : ههههه بتعرفي بو*ط ميثاق كمان
تغريد : لك مو قصة بعرفو مبين انو لميثاق
عهد : ههههه اخرتك تعرفي بو*ط ميثاق من بين خمسين بو*ط
تغريد : لك لا تجننيني مو لازم يكون معنا نحن اهل العريس
عهد : ما بظن يكون ببيت حماه مستحيل
تغريد : لك والله هنيك انا متأكدة
عهد : ههههه
تغريد : وبتضحك لو تشوفي هالسه*يانة كنتكن شو عملت
عهد : هاتي لشوف شو عملت
تغريد : ما خلتني اش*لح نور الكاب ودغري سحبتها مني ورقصتها
عهد : ترى هي قوية وجريئة بس احيانا بحسها ع نياتها المهم ازا ميثاق هنيك لاحرض بابا ضدو انا بفرجيه يوه نحن رح نتباها فيه مو يكون من صف بيت حماه
تغريد : الله وايدك لا تقصري
طبعا راحت عهد لعند ام مروان وخبرتها انو ميثاق هنيك وما اهتمت ابدا
~~~~
خليت خالد يصورلي اياه وكتير انبسطت لانو قاعد بجنب يحيى جوز رؤى وعم يتناقشو ويضحكو صوت الزمامير قريب الظاهر اجو اهل العريس ما رضيت اللبس شي فوق الفستان اعطيت خبر لخالد بس يجي يفوت العريس يخبرني بلبس العباية شغلنا اغنية وبلشت ارقص وطبعا حماتي وستي بس شافوني انبسطو سلمت عليهن وبوستهن واخدت الجو كلو الي كوني بقرب كمان لاهل العريس جننت تغريد وعهد ولعيون عليي لاني لساتني عروس جديدة وكل شوي حماتي تزغردلي او ستي ورؤى وخالتي مبسوطات خيرات الله فيني وبعدها خبرتني ماري انو انكتب لكتاب اللبست العباي وفات مع العريس عمر وعليت صوت الزغاريد لبسها الدهب وفسحتلهن الساحة للرقص لغيت وجود الكل انا ورؤى
~~~
كانت ام مروان حاسة بالنصر لانها شافت ام مراد رح تتفجر من غيظها من جرأة شمس ورقصتها ولبسها والدهب الي عم يلمع لمع بايديها ورقبتها ولعيون كلا عليها
ام محمد : شفتي ما احلاها
ام مروان : بشوفلك سا*رقة كل الاضواء
ام محمد : وين ميثاق يشوفها
ام مروان : هو هيك هيك جانن فيها
ام محمد : ممنوع نروح قبل يشوفها مولعة الجو
ام مروان : هههه هو ناقصو
بعد ما خلصو رقص العرسان صار وقت يطلع العريس ليرجع سهرة وام خالد حلفت الف يمين ع أم مروان وام محمد يضلو للعشى لانهن نسايب لهيك بقيو وعهد وتغريد من الاساس ما حابات يطلعن قبل يجاكرن ب شمس الي شغلت اغنية دقيناهم وبلشت ترقص وتولع الجو من جديد دغري ام مروان اشرت ل رؤى واجت لتشوف شو بدها
رؤى : اي خالة
ام مروان : خلي نور تكف مغيب بدي ميثاق يشوف شمس
طبعا ع قلبها الطلب متل العسل دغري همست ل نور وفاتت لترتاح من صمدة الاسكي بعتت ام مروان بنت رؤى لتندهلو
~~~~
بالمضافة كان قاعد وع حكي ومزح هو وولاد عمها وعديلو فاتت بنت رؤى تركض وهمستلو
هيا: امك بدها اياك
ميثاق : وينها
هيا : برى
دغري طلع لبرى
هيا : هون بالصالون
ميثاق : بتحكي جد
هيا : والله
كان متردد كتير واول ما طل ابتسم غصب عنو لرقصة شمس وكيف عم تجاكر ب عهد وتغريد وعم ترقص وتعمل حركات ع اساس عفوية وشاف امو وستو كيف عم يشجعنها والا تخليه يفوت امو كان خجلان وشمس وقفت رقص وقت شافتو
ام محمد : يوه جبناه يشوفك
رؤى : هي غنية لعيون ميثاق وشمس
شغلت من جديد وتغريد وعهد واقفات ومو عاجبهن ابدا ولاول مرة حدا بيطلع من خرجهن هيك رؤى شجعت شمس لترقص مع ميثاق على اغنيه«وك ابشر»
وك ابشر بالعز والطيب
لاجل عيونك يرخص الغالي
وك ابشر وابد ما تخيبي
لو تطلب الروح والمال

~
كنت خجلانة بس بحبها للأغنية كتير وبلشت اتمايل قدام ميثاق على إيقاع هالاغنية وهو اتفاعل معي وصار يرقص ويغنيلي كمان
وك ابشر يا الزين الرهيب
يا حاوي الحسن والجمال
يا شمس الدنيا وما تغيب
جمالك ضرب من الخيالي
~~
وك أبشر بالفزعة يا الذيب
لا شانت عتمات الليالي
وك ابشر بقلبي حبيبي
عن حبك ما احيد محال
~~
هو علاجي وهو الطبيبي
شوف الولف يشرح البال
سهم الرمش بالقلب يصيب
واطرب على صوت الخلخال
~~
وك ابشر يلحسنك غريب
ياربي تجعلها حلالي
من ثغرها يفوح الطيب
والعنق يا عنق الغزال
~~
خلصت الرقصة والاستاز عمر عم يتفرج ومبتسم ببلاها كنت حاسة بيعرف بالمشكلة الي صارت بس لسى قلبي ما صفي ابدا لميثاق والا حماتي وستي ينبسطو فيه

عمر : الحفلة مو الكن
ميثاق : بس لا تنكر الاضواء بعدها النا
عمر : غصب عن شو الكن كأنو داخلين بمنافسة
ميثاق : ازا بتقدر نافسنا
رؤى : من الاخر في عرسان بيضلو سارقين الاضواء
ام محمد : اسم الله عليهم
ميثاق : هههه خايفة علينا
ام محمد: وقول يلعن شيبها حكت اليوم رح تنصابو عين
عهد : فدا لمجاكرة صح شمس
شمس : يوه ماحدا جاكر حدا بس الي فيه شوكه بتنخزو
انسحب ميثاق مع عمر وانا فتت لابدل واللبس فستان جديد صايرة وصايرة خليهن يفرقعو
~~

برى كان بحالة عشق الاولى من نوعها
بقلبو : هي وين كانت عني كل هالوقت وكأنو ما حدا حرك كياني غيرها ليش هي بالتحديد دوقتني طعم العشق والحب معقول فرق العمر عم يلعب لعبتو معي ولا شقاوتها وحلاوتها الهن دور لك شو هالرقصة شو هالكتف الراكز الحمد لله انو امي شافتها وخلتني اعيش هيك لحظة معها لا تغريد ولا غيرها خلوني بهيك حالة
يحيى : بشوفلك هالنسوان بس بدهن كلمة للخطبة
ميثاق : شغلتهن اللبس والمكياج
يحيى : بس رؤى مداومة هون من خطبة شمس
ميثاق : يكتر خيرها يمكن لانها لكبيرة
يحيى : انت بتقول لكبيرة بس بنات عمتي كلهن طفوليات يعني مافي وحدة كبيرة
ميثاق : شو بدك بالحكي احلى
يحيى : هههه لك صحيح انا وقت شاوروني مشانك ما عجبني فرق العمر
ميثاق : ترى شيباتك كتار انت شوف خزات العين عني
يحيى : بس الفرق بيني وبين رؤى مو متل الفرق بينك وبين شمس
ميثاق : ايه شو صاير ابوها يعني اهلين ابن خالها بتعرف انا عندي ابن خالي متلو متل اي شي مالو لزوم
يحيى : هههه بس شكلك مج*نون غيرة
ميثاق : الصراحة اي واكتر شي قاهرني انك بتقربها
بجية عمر لعندهن
يحيى :شو جهز العشى
ميثاق : ملا ابن خال بطنو كبير
عمر: ههههه يلا اتفضلو ع العشى ميثاق حصتك لحال
ميثاق : ومشان عديلي لجديد
عمر : هاد ما دخلو عشاه ع جنب
ميثاق : والله انا حسيت الاعراض غير طبيعية
يحيى: هههه والله انت حربوق لك ليش مو مكمل دراسة كنت هلا شي شغلة
ميثاق : وانت عشاك كان ع جنب
يحيى : بتسدء نسيان
عمر : هلا منجددلك وضع اصهرتي ما عاجبني
ميثاق : يلا بسرعة ازا هيك
وكانو خلقان منهن وفيهن
~~~
ام مروان بقلبها : ولامرة كان هيك من طول عمرو ناشف وعصبي بشوفو منسجم بهالعيلة اكتر مو منسجم معنا شكلو هالشمس سلبتو مننا شو الواحد بدو يحكي
يمكن لو زوجتو من مين ما كان هيك رح تكون النتيجة لانو عم يجرب شي جديد عليه
~~~~
كنت معترضة لانو رؤى بدها نشارك مع يحيى وميثاق العشى
نور : شو القصة شمس ليش زعلانة من ميثاق
رؤى : لك هلا طيرت عقلو للزلمة الله يستر ما يرتفع السكري معو
شمس : مامعو سكري عم تفاولي عليه
رؤى : خايفة عليه كمان شيلي المنسف والحقيني للمضافة بسرعة
شمس : ما طايقيتوو لك هددني يتجوز عليي
نور : ولييي من اولها تهديد شو حكالك
شمس : حكالي ازا نمتي ببيت اهلك بكرى بتكون بحضني مرأة وحلف
نور: ههه لانو الشغلة مشايلة انتي سدءتيه
شمس : نور مقهورة كتير وكرهانة بنت حماكي وبنت حمايي
نور : ههه عال المهم ما تكرهي ميثاق
شمس : هو الاس عم يمزح ويضحك معهن لك كانت خطيبتو ولسى اصحاب بيجوز
رؤى : اهووو علينا برد الاكل شمس خالتي
اخدت المنسف وهربت قبل تيجي خالتي كنت مبدلة الفستان ولابسة قلابية عرايسية لونها ازرق سماوي بتجنن فتحتلي بنت رؤى المضافة وفتت واخجلت لانو قاعدين بس لرجال
عمر : وصل الدعم
طبعا رؤى وراي وماري معها السلطة واللبن ومدينا السفرة مع اني حردانة منو بس لازم اقعد بجنبو
عمر : مابدي اضل اعزم عليكن كل واحدة تهتم بجوزها
بلشنا العشى والا يخليني اتطلع فيه ويغمزني بس ما يحلم بالصلحة
~~~
بقلبو : شكلي اغرقت بهالمخلوقة ومو هاين عليي زعلها هلا بس نرجع بدي اتبرى من اهلي كمان ولا اشوف هالوش الحلو مو معبرني ولابسة مزركش يا عفو الله شو صاير معي
رغم انو الاكل طيب بس هو شبعان اكل ع الماشي وشمس اضرب منو مو جاي عبالها الاكل
وبغرفة تانية كمان النسوان عم يتعشو
ونور مبدلة الفستان وعم تتجهز للسهرة مع العريس ومو مسدءة يرجع عماد ليحكو وتتعرف عليه اكتر
~~~
المغرب اعتذر من الكل والا نطلع وراه حسيتو عم يتطلع فيني بدو ارجع معو بس ما يحلم فيها
يحيى: وانا رايح
رؤى : ايمتى بترجع
يحيى : ازا جابة نامي هون
عمر : يا ابن الحلال ملينا منها اشحنها من عنا
يحيى : هههه مشان الوسواس
عمر : اتجمدنا بتحمم لولاد بعز البرد
يحيى : يا ويلك يمرضو
رؤى : ما خفت ع فكرة
يحيى : عمتي
رؤى : لككك هس بربك يلا يلا روح طلعت معو وعلى مزح وضحك

بطلعة حماتي وستي بدهن يرجعو مع ميثاق
وخالتي تعزم بس هني اصرو يروحو
ميثاق : ارجع ولا
قلبتلو شفتي ورفعتلو كتافي
عمر : ارجع للسهرة في شدة
ميثاق : بشوف شو بصير معي
وبالزور لحتى لف ظهرو ومشي ضليت برى لشفتو طلع بالسيارة وراح
عمر : لك لازم قلتيلو ارجع
شمس : عمرو ما رجع
عمر : قسما بالله بدك تكسير راس
شمس : ما حدا الو علاقة مني الو اسطفل
عمر : هاد الي كان ناقص انا بفرجيكي
فتت لجوى اساعد خالتي لانو البيت مقلوب قلب
نص ساعة وصار البيت متل الفلة حتى المطبخ وريحة المعطر لاخر الدنيا وبرى صوت زمور الظاهر اجى عماد واستقبلتو نور بالمضافة وخالتي اهتمت بعشى العرسان
~~~~

مع انو ما صرلو زمان متجوز بس البيت بدونها وحش فتح الغرفة رمى الجاكيت ع جنب وقعد على التخت وحس بوحدة رمى حالو بعرض التخت ليتزكر المشاحنة الصباحية وهلا الغرفة ممزوجة بعطرها وقلبو جواتو عم يضرب ضرب وعم يردد جواتو اغاني الشوق الزلمة عشقان عشق غير طبيعي وللحظات اتخيل ما ترجع معو والظلام خيم على كل مخيلتو دقات ع الباب وما اهتم ولا حرك ساكن فايت بجو كئيب وحاسس حالو وحيد
~~~
كان عبد عم يدق ع الباب ومروان ما عاجبو جيتو على ميثاق بهيك وقت
مروان : خير عمي في شي
عبد : اه...لا لا مافي شي
مروان : شو بدك من ميثاق
عبد : كنت عاوزو بشغلة
مروان : يمكن نايم
عبد : مو معقول بهيك وقت نايم
مروان : لو بدو يفتح فتح
ربع ساعة من تقالة الدم بعدها أتأمل سيارة ميثاق ورجع مشي لبيتو
عبد : ليش الواحد مسترجي يفوت لبيتو حتى اتفضل ماعم يحكيلي اكيد عندو صالون بس مابدو حدا يفوت البيت هو لو بصحلي سرقت منو مفتاح البيت اكيد مليان شغلات ثمينة دهب ومصاري لانو معبي بحق سيارتو بشتري شقة بالشام من وين الو كل هالمصاري حرام لو اخي سفرني متل باقي الاخوة وكمان مروان حالتو ميسورة بس العين ع المغترب غير حتى لبسو واناقتو غير اليوم كان من صف بيت حماه هالشمس خطفتو والله حلوة وصغيرة وبتجنن حرام اتجوز بنوتة متلها ارجع شبابي لكن الي شايفها شايف البقرة الي عندي بعدين مافي بيني وبين ميثاق كتير
أتأمل شو لابس
عبد : بس الفرق انو مرتاح ماديا وشيك كل الوقت ليش ما فتحلي معقول مرتو عندو ومو فاضي ابدا اكيد الي بحضنو هيك مراة مارح يسمع حتى دقات الباب
~~~
وعند مروان كان مزعوج كتير
نسرين : ليش مزعوج انت
مروان : من تقالة دمو ساعة وهو يضرب ع الباب ما بيستحي
نسرين : هو ميثاق معودو ع حالو
مروان : وقت يكون عزابي شي ووقت صار عندو عيلة شي تاني اختلف الوضع بس انا بفرجيه هالحيوان
نسرين : شو بدك فيهن يسطفلو
مروان : سدءي احساسي بخبرني انو عبد ورا قساوة ميثاق معي هو بيعرف ازا اتحالفت مع اخي لاخليه يكرهو كره مو طبيعي وهو بيعرف ميثاق قلبو طيب
نسرين : وميثاق مو صغير
مروان : بعرف وما بيظهر انو بيسمع الكلمة بس دغري معاملتو بتتغير اخي وبعرفو وشفت عبد ما عاجبو ابدا صلحتي مع اخي ع شوي بدو يخرب الدنيا اسمعني رضا وانتي ريم هاد الي اسمو عبد ازا اجى بغيابنا ممنوع تفتحولو
نسرين : ليش بقى
مروان : هيك مابدي يقرب صوب ولادي حتى وازا بتشوفوه دغري خبروني وانا بتصرف
رضا : متل مابدك من مدة اجى بكير وضل يتمايز بسيارة عمي ميثاق وحاول يفتحها
مروان : شفتي ما ناوي لاخي ع الخير
نسرين : والله مابعرف شو احكي خبر مرت عمي
مروان : وهو هيك
~~~~
السهرة عمرانة بالغرفة وعم نمزح ونضحك على عماد ونور وانو لحالهن بالمضافة
شمس : عمر مانك حاسس انو لازم تبعت مين يتسمع عليهن
عمر : الصراحة حركاتو بتنهضم مو متل ابو علكة
شمس : دخيل الله ما انت اتعلمت هو بطلها بس شكلك انت الي صرت ابو علكة
رؤى :هههههه راحت الهيبة
عمر : بس لابقى لميثاق اكتر
شمس : وعليك كمان حلوة
عمر : شكلو اجى اطلعي استقبليه بسرعة او بحكيلو عنك وانتي صغيرة
هربت دغري مو ناقصني الا هالفضايح استقبلتو عند باب الصالون نظراتو كلها حيرة هيك حسيت
شمس: طولت
ميثاق : فكرتك بدك تنامي هون
شمس : اتفضل
مسكني من ايدي ورجعني لعندو
ميثاق : ليكون مابدك ترجعي معي
شمس : ماعم يروح تهديدك من بالي
ميثاق : اسرتيني وجاية تحكيلي تهديد يا ستي بعتذر منك انا اسف
شمس : بس قلبي عم يوجعني مبارح وقت اجيت مع عهد وتغريد تضحك صابتني نغزة بقلبي
ميثاق : سلامة قلبك بالحرام لسى بيطلعو معي هي
شمس : لا لاتحلف خلص المهم مابقى تمزح مع هديك
ميثاق : ما رح احكي معها لو شو ماصار
شمس : بدنا نضل هون
ميثاق : بالاول بدي اعرف لساتك زعلانة
شمس: بعدين منحكي يلا فوت

فتنا للغرفة سلم على عمر وقعد والا انصمد جنبو غمزتني رؤى واخجلت كتير
اتمايزتو وهو عم يحكي بجدية مع عمر كان لابس جاكيت بيجامة لونها اسود بتجنن عليه
اصلا كل تيابو حلوين
عمر : هو الشب الي كان معك
ميثاق : اي وعم يسأل عن الجماعة انت بتعرفهن
عمر : من بعيد لبعيد بس شو قصتو معهن
ميثاق : ما حكالي التفاصيل
عمر : بدو يخطب مثلا
ميثاق : متزوج بحكيلك
عمر : انا بعرف انو عندهن بنات بس انو ازا قصة غير زواج مابعرف
ميثاق : بتسدء ما سالتو ليش بدو يستفسر عنهن
عمر : متل مابحكيلك خطبة وزواج
ميثاق : موسم زواج كانو بدك تدير بالك ع الطيرة
عمر : هههه يفضح هالشغلة انا قلت جاي وماحابب يجاكر
ميثاق : ليكني ها ولا عبالي بس حديث يجر حديث لازم
عمر : معناتو ما بتمون ع حالك
ميثاق : بالمجاكرة مستحيل
عمر : يلا شموس ساوي القهوة
ميثاق : بلا شو هي ضيفة هون
عمر : نور عندها خطيبها
ميثاق : وشمس بجنب جوزها
خالتي : يلا عمر انت ساوي القهوة
رؤى : هههه تعي شمس لقلك
الحقتها للمطبخ
رؤى : لك شو عاملة فيه اكلك بعيونو
شمس : لانو مو مراهق وهو صغير
رؤى : هههه والله فيها وجهة نظر بس بتجننو سوى
شمس : هو حلو صح رؤى
رؤى: اي كاريزماتي كتير بس كانو المود عندو مضروب
شمس : خاف ما ارجع معو
رؤى : هاد شو بدو يقنعو يسافر ويتركك حرام تولعيه فيكي
شمس : بشو احلفلك ما دخلني هو يأسان او يمكن مو مجرب يحب
رؤى : يعني رح تضلي زعلانة
شمس : ما لازم ارضى بسرعة مشان لا يتعلم عليي
هي جهزت القهوة وانا رتبت الحلويات وبجية يحيى وعمرانة ببيت اهلي اصهرة غير شكل وجبرو عماد ونور يشاركونا القعدة والأجواء غير شكل بس ميثاق اغلب الوقت عم يتسلى ع موبايلو

~~~
بغرفة ام مروان كانت عم تلبس قميص النوم وعهد فاتت ما عاجبها
عهد : شو ست امنة بلاقيكي مندمجة بنسايبك
ام مروان : شو زاعجك
عهد : شفتي لمحورقة كنتك كيف رقصت
ام مروان : والله سلبت عقلي اليوم
عهد : وابنك ترى مسلوب عقلو
ام مروان : شو اعملو يعني حاببها وحقو مرتو
عهد : اي بفهم بس انا ما عاجبني لانو راح لمضافة بيت حماه وما اجى مع ولاد عمو واهلو
ام مروان : كلو خير وبركة شفتيه مع عديلو كيف رفقات
عهد : طبعا كلشي من هديك لمحورقة رح يحبو
ام مروان : انتي شو بدك
عهد : مابدي شي بس بدي اعرف انتي مع تصرفاتو
ام مروان : روحي نامي بكرى عنا تحويش زيتون
عهد : طبعا ما حكيتي مع السيد ميثاق مشان مرتو
ام مروان : ترى صرعتيني رح تنزل ع التحويش بس روحي
عهد : هيك طمنتيني
راحت وكتير ومبسوطة بدها تقهرها ل شمس
~~~
ضبيت كل اغراضي واطلعنا لبرى الجو كتير بارد ودعت اهلي واطلعت معو لاحس بدفا غير شكل شغل السيارة واطلعنا من الحارة وبقي ساكت كل الوقت وانا ما تنازلت لاحكي معو ابدا وصلنا للبيت ودغري صفطها واطلعنا للبيت ومن تعبي اللبست بيجامة دافية وانزلت لتحت لحرام اووووه راحة ما بعدها راحة
~~~~
شلح الجاكيت وطفى الضو شايف شمس اخدا وضعية النوم وهو بالمثل اخد وضعية النوم بس مو هاين عليه تضل بعيدة عنو
ميثاق : شو يعني انا ما لازم اتاثر هيك....طيب شو مشان سفرتي الي قربت وانا وهي بغرفة وما عاجبني البعد كيف بدي اتحمل هي ببلد وانا ببلد يارب هون عليي لانو عندي التزامات خيرات الله
كل شوي يتقلبو لتنين فتحو عيونو ودغري غمضت لهيك ابتسم ومسحلا على خدها
ميثاق : ما جاييكي نوم
شمس : وانت
ميثاق : زعلانة مني
شمس : ما توقعت منك تشكي لخالتي
ميثاق : لكن
شمس : هي حياتنا ونحن منحل مشاكلنا لحالنا لانو ماحدا رح يعيش ظروفنا انت صغرتني قدامها
ميثاق: وانت اهنتيني قدامهن
فتحت عيونها بصدمة وبين عليها الخوف
شمس : مين خبرك
ميثاق : حسيت
شمس : لا ماصار
ميثاق : سبيتيني
شمس : مو هيك
ميثاق : بس ع الاكيد اهنتيني قدام اهلك لتردي اعتبارك
شمس : ما صار
ميثاق : ع كلا مسامحك بس كمان هي حياتنا انا ما احترمت خصوصيتنا وانتي ما احترمتيني
شمس : سدءني
ميثاق : بتعرفي كيف اعرفت
شمس:...
ميثاق : لانك كتير طفولية ومستحيل تعدي بدون مسبة
شمس : ليش اجيت ازا هيك
ميثاق : ما اقدرت اتحمل البيت بدونك اطلعت بدون ما اعرف لوين وصلت لبيت اهلي وما اقدرت انزل حسيت حالي مشلول لهيك كملت لبيت اهلك وبس شفتك ناطريتني ردتلي روحي من جديد
حطت راسها على صدرو لهيك ارتاح كتير
ميثاق : ما بقدر ابعد عنك
شمس : ....
وهيك ارتاح راحة نفسية غير شكل المهم ما تضل زعلانة ومكسور خاطرها منو وهو كتير مستسخف الي صار والاهم انو ما طال الزعل ابدا
~~~
الصبح جاهزين للتحويش ام مروان وعهد ووعد بالمدرسة والاعتماد ع محمود وابو مروان ما علاقتو ابدا وام محمد جايبة القهوة والشاي للكرم انضمت الهن نسرين الي اخدا اجازة مع انو حالتهن المادية بتسمحلهن يجيبو عمال بس هيك بدها ام مروان مشان الارباح تكون كبيرة من جني المحصول

عهد : بشوفلك خايفة تدقي الباب عليهن
ام محمد : اتركيهن نايمين
عهد : شو استفدنا يعني
ام مروان : هلا بيصحو بعدين مابدي ميثاق ينزل للكرم مشان غبرة الشجر
عهد : هو مبين بيتحسس هي متل القردة خليها تيجي
ام محمد : اتركوهن نايمين الله يهنيهن
عهد : ليكي ازا ما صحيتيهن لاعمل فيهن فصل
محمود : تعي عهد لقلك
همسلا (هلا بضرب حجر ع الشباك)وافقت دغري
عهد : بالاول خلينا نشرب قهوة بدونهن
محمود: امنه بنتك جاية تشرب قهوة
ام مروان : ههه تقبرني ريتك يلا بلشو
بلشو يمدو تحت الشجرة
غمز عهد ودغري مسك حجر وضربو ع الشباك وفرطو ضحك
~~~
كنت سامعة حكي وهلا اتاكدت انو بالكرم بيت حمايي انسحبت من جنب ميثاق وبدلت تيابي واطلعت لاساعدهن
واول ما شافوني كلهن ابتسمو حتى عهد انزلت لعندهن وصبحت عليهن
ام محمد : يسعد صباحك ان شاء الله جاية تساعدي
شمس : بحب موسم الزيتون كتير
عهد : فالحة خزات العين
ام محمد : خدي اشربي قهوة
شمس : مابحبها
وبلشت بتقطيف اطراف الشجرة
ام مروان : ميثاق خلاكي تيجي
شمس: تركتو نايم
محمود : دخيلك ولا يجي قفلتي عليه
شمس : ليش
عهد : ما بيتحمل غبرة الشجر ازا ما اسعفوه
ام محمد : كش برى وبعيد هو اصلا مارح يطلع لانو رح يتعب صدرو
طبعا الحماس مليون جنبي نسرين وعم ندردش وعهد شغلتها تعد كم شجرة باقي علينا
واجى وقت الفطور وفاتت نسرين تجهز لفطور
ام محمد : فوتي ساعدي سلفتك
عهد : اي فوتي خليني احكي عليكي وعليها
ألحقت نسرين والتقيت ب مروان لابس ومشخص
مروان : شو منزلينك ع الشغل
شمس : انا حابة اساعد
مروان: انتي عكس ميثاق
نسرين : راجع ع الغدا
مروان : لا معزوم ع كلا مانك فاضية للطبخ
نسرين : الله يسمع منك
مروان : بخاطركن
فتنا لجوى وكتير كنت مشوبة اشربت كاسة مي وبلشت اساعدها
شمس : قال عهد بدها تحكي علينا
نسرين : اصلا كل جيتها مجاكرة
شمس : بمين دخلك
نسرين : هي المخلوقة كل شوي برأي
شمس : ليش مدللة ما افهمت
نسرين : لانو كانت وحيدة فترة طويلة واتدللت
شمس : بس بحس انها منيحة
نسرين : الي ما بيعرفها
شمس : بحبوكي بيت حمايي
نسرين : ما اختلطت فيهن ابدا بس لازم بتحويش الزيتون انزل والا بينشرو سيرتي بالبلد ومنو بستريح من التدريس اسبوعين
شمس : اسبوعين
نسرين : هههه شهر رح يضلو يحوشو
شمس : يكتر خيرك ع هالبشارة
~~~~
لساتنا عم نفطر بس محمود شبع واتمدد وشغل سيكارة
عهد : اوه نيالك
ام محمد : ما احلى هيك اشغل سيكارة واطفيها بلسانك
عهد : مبارح بطلتيه ضيفني محمود
ام مروان : وليه عهد اتضبضبي
عهد : يييي شوفو مين اجى
كانو بيت عمو ابو مراد وانقهرت لانو جايين لكرمهن المجاور لكرم بيت حمايي
ام مروان : طلعة الناقصة هي وولادها
وفرطو ضحك كلهن حتى نسرين
الكل موجود الا تغريد الظاهر متل ميثاق بتتحسس
طبعا سلمو من بعيد وبلشو وكل شوي محمود او حماتي يعلقو ع شغلهن ونحن بس نضحك وكل شوي تصير مشكلة وتعلق بين مراد وعماد وصوت المسبات توصل لاخر الدنيا
صارت الدنيا ظهر والافندي ولا عبالو يصحى بس كتير مبسوطة لانو نايم ومرتاح
خلصنا شجرتين كبار وانتقلنا للتالتة وبلشنا انا ومحمود فيها وتركنا الباقي يلمو الي ع الارض ومهمة عهد تعد كم شجرة باقي وجننت العيلة بالتعليقات
عهد : جايبين ام بودرة معهن
ام محمد : شو بدك فيهن
عهد : كانو نزلو العروس
نسرين : ما لحقو يعزموها
ام مروان : كل شغلها غيرة
ام محمد : اي بس مارح تقدر تقلدك انتي الاصل ام مروان
~~~~
كان سامع حكي ضحكات كتيرة وحتى صراخ ومسبات وفهم انو بلشو بشغل الزيتون وانصدم انو شمس مو بالغرفة وعرف انها طالعة معهن فتح الشباك ليقوى صوت الضحك والمزح شاف شمس ومحمود عم يشتغلو بشجرة والعيلة كلا عم تلم من الارض
سكر الشباك شاف الساعة وحدة اتوضى وصلى وطلع لبرى
~~~~
مابعرف ازا صدفة او لا بس انقهرت وقت شفت ميثاق جاي لعنا وتغريد عم تنزل من الباص لابسة مانطو لعند ركبتها وكعب عالي وركضت لصارت بجنبو كان حاطت أيديه بجياب جاكيت البيجامة ولمحها لمحة سريعة وكمل لعنا لحالو وهي التقت ب عهد وبلشو همس وضحك
ام محمد : ليش اطلعت
ميثاق : ...
كان مو عاجبو ابدا لساتو عم يتطلع بالشغل
ام مروان : فوت هلا بتتحسس
ميثاق : لشو كل هالغلبة جيبو عمال قلة مصاري يعني
محمود : اخي شو رايح عليك بعدين رح يروح المربح للعمال هيك اوفر
ميثاق : وبلا مليونين
ام مروان : انت جاي تعلم علينا انا هيك بدي قضينا عمرنا بالزيتون ما متنا
ميثاق : ترى بحطبهن
وفجأة ضحكت حماتي
ام مروان : تسترجي
ميثاق : عم تهدديني

ودغري مسك موبايلو وراحت لعندو وهي فرطانة ضحك واخدت منو الموبايل
ام مروان :بمين بتتصل
ميثاق : بدي اشوف مين يشيلهن من جذرهن
ام محمد : يوه هدول انا زرعتهن
ميثاق : لشو تعب البال جيبو عمال اسبوع بكونو خلصو
محمود ؛ وبعد الاسبوع رح نعلق بلم الأرض هيك ناس عن ناس عم نشتغل ونتسلى صح شمس
شمس : اي
ام مروان : فوت يلا هلا بتتعب
ميثاق : انتي مين سمحلك تطلعي
ام محمد : موجبة دخيل عينها
طبعا عهد وتغريد انبسطو فكروه معصب عليها
ميثاق : قصدك دخيل عيونها التنتين
ام مروان ؛ والله خوفتني فكرتك زعلان
ميثاق : بس يجي جوزك منتفاهم
محمود : اوصلت لكن
ميثاق : وانتي وين جوزك
نسرين : راح للمكتب
ميثاق : والله شغلتكن طويلة
ام مروان : ازا بدك خود شمس وفوتو
ميثاق : شمس فرحانة وكانو العيد
ام م

- النص المستخرج من الصورة: 📝
۹۲۵
4G
B/s
... 1 "
+
۱۰:۰۲ م
ام مروان : برضاي عليك تفوت هلا بتمرض
ميثاق : شو شمس مبسوطة
شمس : اي كتير
نسرين : هي مفكريتها لعبة
شمس : وانتي عم تهربي لجوى
ام محمد : هههه خود اشرب قهوة حبيبي
اخد من ستو الفنجان والا يضيف شمس
شمس : والله ما طيبة
ميثاق : ما بدوقها ازا ما اشربتي
شفت منها شفة لهيك شرب طبعا الكل مراقبهن

القسم الثاني عشر
شمس الغرام ♪
{بقلمي مايا الحجازي}
راحت تغريد لعند اهلها شكلها جاية من الدوام للكرم اخدت مفتاح بيت اهلها ويمكن راجعة لحالها للبيت
ام محمد : ما الك مشوار حبيبي
ميثاق : لا
ام محمد : وصل بنت عمك
محمود : انا بوصلها ع كلا بدي دخان
ارتحت كتير لانو بعرفو نخوجي زيادة
ام مروان : لا تحوص هون وهون
محمود : لا راجع دغري بدكن شي
أعطاه ميثاق مصاري
ميثاق : جيب شي نتسلى فيه
ام مروان : الجاية منخلص لكن
ركب الموتور محمود واخد تغريد بطريقو وميثاق بس عم يقيم الشغل وكل شوي يرمي عهد بحجر مو حجر صغير نص صخرة
ونسرين فرطانة ضحك ع حركاتو
نسرين : ازا صابها شي بتبلي فيها
عهد : اصلا برتاح منو
ميثاق : شنو ع قلبي قاعدة
ورجع ضربها بحجر بس اجى بعيد
ام محمد : لتروح تفجها
ميثاق : انا خايف نسعفها وما يلاقو الدم المناسب
نسرين : او تخيل يخافو منها
ميثاق : هههه جبتيها والله اعدلك انفك لك عهد مايل شوي
طبعا حماتي غرقانة بالضحك
عهد : بدل ما تربي ابنك
ميثاق : بربيكي ها
عهد : اضرب مرتك
ميثاق : يه حدا بيضرب قلبو
نسرين : طولو لولاد روح طل عليهن
ميثاق : روحي وجيبي معك مي
نسرين : ما استفدنا نحن بدنا نودرك لحتى تخف عن عهد
ميثاق : وعد بتعرف انكن بالكرم
عهد : اي بابا بالبيت ع شو خايف
ميثاق : طاوعيني حجر واحد وبصير انفك غير شكل
عهد : الله يصبرني بس امنه ضبي ابنك
ميثاق : شو رايك بجيب الحجر بالهدف؟؟؟
شمس: خلص ميثاق بربك
ميثاق : بشفاعة شمس رحتي
عهد: الله يكملك بعلقك نحن قلنا بيتجوز بيعقل
ميثاق : سامعة بنتك
ام مروان: بكرى بتصير عاقلة
ميثاق : هيهات بكرى يجي ستي هيك عهد مين بتشبه
طبعا كلهن مكيفين ع تنمرو الا عهد
ام محمد : دخيل قلبك خف عليها مشان بس تتجوز تتزكرك بالمنيح
ميثاق : عندي عريس الها شو رايك عهد
عهد : مابدي منك شي
ميثاق : عنستي يا مجنونة الي من جيلك عندها عر ولاد
عهد : عم تصرف عليي مثلا
ميثاق : ما بقدر لمصروفك بدك بنك مركزي
بجية لولاد من المدرسة وانبسطو مشان اللعب
ميثاق : اجو الدكاترة تعالو خدو الرضا يلا
سلمو عليه كلهن
ميثاق : يلا الي بيساعد شمس الو عشرين الف
ام مروان: خود مرتك وفوت وبلا شهامة
ميثاق : بابا بالبيت
وعد : عندو ضيوف
ميثاق : مابدنا نخلص من زباينو .
نسرين : هو مو مشانكن
ميثاق : انا متبرعلكن بحصتي
ام محمد : ههههه حاجتك ولاه موتتنا .
ميثاق : بيطلعلك تضحكي ما هو تربايتك
ام مروان : خلص ولاه شو اجى عبالك
ميثاق : يعني مروان مساوي حالو محامي
نسرين : هلا حول ع مروان
ميثاق : طول محمود ليكون صار دخان
عهد : اسمع صوت الموتور
كان عم يشبب ب الموتور وعجبتو الشغلة لميثاق
ميثاق : محمود تعال ادعس عهد
عهد : ياي جايب شبس
ميثاق : جايين تتسلو هدول مو الك
شمس : لكن لمين
ابتسملي
ميثاق : الك يا روحي
عهد : الله يكملك بعقلك
ميثاق : في غراب هون
ام مروان : مابدك تفوت لجوى
ميثاق : وهي نومة
عهد : جهزي الأوكسجين ل المسا
محمود : طولت
ميثاق: انا قلت صار دخان
محمود : لا بس التقيت ب حسام وهشام السهرة عندك صحيح
اتمدد منيح واسترخى
ميثاق : احكيلهن نحن جماعة منقطف زيتون وتعبانين
ام محمد : تيابك حوينتهن
عهد : والسهرة عنا
ميثاق : اكيد ببيت اهلي
عهد : جيب شمس تتخدم عليها
ميثاق : تعبانة شمس وبدها تنام
محمود: الله يستر من اخرتها ازا ابريق شاي بيكسر الظهر
ميثاق : بتعملو انت
محمود : انا عندي دراسة ومأجلها
ميثاق : ع الزمة واعديتك بشي
ام مروان : اي الو حصة
ميثاق : ولشمس
عهد : بس لولادها
ميثاق : نحن جماعة منعترض
ام محمد : ياويلي شو حكى اليوم
ميثاق : عنجد ما الها حصة
شمس : والله مابدي
ميثاق : مو بكيفك بدك تاخدي
ام مروان : بتاخد زيت بدها احسن من هيك
ميثاق : بلا شو مابدنا زيت بدنا كاش
شمس : انت الي بدك مو انا
ميثاق : مشان نطلع رحلة مشاوي ع حسابك
شمس : ههههه
ميثاق : تشاركينا عهد
وانفجرو من الضحك
عهد : هو لتوافق ماما تعطي شمس حصة
ميثاق : وافقت ها شوفي عم تضحك
نسرين : وانا
ميثاق : انتي بتاخدي راتب من الدولة ما الك
نسرين : لا يااا شو مرت عمي
ام مروان : كلكن الكن خلص
وستي عم تكركر ضحك
ميثاق : قلبي مش مرتاح ليكون بدك تجيبي كيلو سكاكر توزعيه
ام محمد : ههههه شو عرفك
ميثاق : منشم حصتنا شم بلا ما يتكسرو اسنانا
محمود : ههههه يا عمي عطل علينا الشغل يا أشتغل يا فوت
ميثاق : هاتي عمي من عندك هالحجر
بعكس عيلة ابو مراد نحن عم نضحك وهنيك لخناق والمشاكل
~~~~
وع الغدا هو طلب جاهز واجى عمي ليتغدا معنا لاول مرة هيك بحب الاجواء نحن حالتنا بالويل تراب وغبرة وهو ولا عبالو وشو ما حكى ستي وحماتي يفرطن ضحك لانو عم يتنمر ع الكل حتى على عمي

ميثاق : شو راحو زباينك
ابو مروان : اي زمان
ميثاق : وشو كان العرض الخاص
ابو مروان : بدي اسافر
ميثاق : والله ما اشبعنا منك خليك ما عم نشوفك
ابو مروان : لا حاجتي
ميثاق : شوف ماما انقهرت بربك تخليك
ابو مروان : هههه صحيح
ام مروان : هههه بيقول هيك ميثاق
ميثاق : هي بدها تبكي بس خجلانة منك
ام مروان : بتعرف انو هددني من شوي
ابو مروان : بدك تحطب الشجر
ميثاق : بربك مستاهلة تعب البال اسبوع منكون خالصين
ام مروان : انا هيك بحب بعدين والله مابدي مرتك تساعدنا
ميثاق : بس مشان شمس والله مشان الكل قلة مصاري
ابو مروان : والله عبالي اولع فيهن
ام مروان : لا ترد عليه هو عم يحرك الجو
ميثاق : بعدين مو مجبورين نشتغل وابنك ياخد ع الجاهز
نسرين : وين رحت انا
ميثاق : من كل عيلة زلمة
محمود : انت ما اشتغلت قد ما حكيت
ميثاق: ولو حضوري بكفي
ام محمد : وبوفي
بعد ما خلصنا الا يساعد محمود ويحمل معو الي اتحوش واتعبى بأكياس حطوهن بالسيارة لينقلوهن لبيت عمي
واجى لعندي
ميثاق : فوتي للبيت انا ما بطول
شمس : ماشي
هو راح معهن ودغري فتت للبيت وقفلت ودغري للحمام اتحممت واللبست بيجامة دافيه ورطبت ايديي ووجهي واسمعت دقات ع الباب رحت لاشوف مين وبس اعرفت انو عمو عبد ما اقبلت ارد عليه اتسللت ع روس اصابيعي وسكرت الغرفة شغلت الشاشة على فيلم هندي واستمتعت بالهدوء والراحة يا الله ما احلى هاليوم كان اتزكرت شقاوتو وشو ضحكهن لحماتي وستي والله بحبنو اكتر واحد بالعيلة والظاهر واعدة محمود بشي محرز لهيك عم يشتغل من قلب ورب هاليوم مستحيل انساه
~~~
اول ما شاف عمو عبد عند الباب انقهر ضرب الباب ضرب والتقى فيه
ميثاق: خير شوفي
عبد : اجيت لعندك
ميثاق : وانت برايك السيارة مو هون يعني انا هون
عبد : مالي خبر انو السيارة مو هون
ميثاق : شوفي
عبد : ليش معصب
ميثاق: وقفتك باب البيت غلط ب غلط وبهيك وقت من اي ساعة عم تحاول
عبد : احاول شو
ميثاق : اسال حالك
عبد : شبك ميثاق
ميثاق : لبيوت الها حرمة ولا مالك خبر
عبد : شفتني من الشباك فايت
ميثاق : الاصول تدق الباب وترجع لورى ومن الاساس ماحدا فتح معناها ماحدا بالبيت
عبد : انت شكلك معصب كتير
ميثاق : لا معصب ولا شي شو بدك لشو جاي
عبد : كنت بدي اعزمك ع اركيلة
ميثاق : غير مرة تعبان وبدي انام
عبد : يعني ما بتستقبل ضيوف
ميثاق : لييجي مروان منسهر بمضافتو
عبد : خلص برجع بيوم تاني اي معك تعطيني مصاري
ميثاق : المصاري كلا ببيت اهلي بكرى ان شاء الله
عبد : طيب يلا تصبح ع خير
ميثاق : وانت من اهلو.
رجع خايب وميثاق ضل واقف يتفرج عليه لحتى اتعدى البيت
ميثاق : ازا الي ببالي صحيح يا ويلك مني
فتح السيارة واخد الاغراض الي اشتراهن وفات دغري للغرفة ودغري ارتاح لشوفة شمس
ميثاق : من ايمتى برى هاد
شمس : قصدك عمك
ميثاق : اي
شمس : بعد ما رحت بشوي
ميثاق : صرلي نص ساعة رايح ان شاء الله فتحتي الباب
شمس : بس اعرفت انو عمك حتى ما سألت مين
ميثاق : الي بيفهم بيريح هلا عنجد عجبتيني
جبتلك تتسلي
شمس بدلال : بس لساتني زعلانة منك
ميثاق : يا ويلي منك ليش عم تتدللي عليي اه
شمس : ما عم انسى
ميثاق : هههه جاي انسيكي
~~~~
مع انو كنت مرتاحة كتير اليوم ميثاق ما وصل تغريد ويمكن حس انو معي حق ولازم ما يقرب صوبها انا عندي احساس انو تغريد ندمانة انها ضيعت ميثاق من بين ايديها مشان قلة عقل يا ترى هاد الدهب الي عليها من ميثاق شو قوية اصلا مين بيخطرلو مشان دهب يغيرو الحكي رجع بعد ما اتحمم والا يبلش السهرة بصلحة
ميثاق : ليش الحلو زعلان مني
شمس : مصدومة فيك
ميثاق : خلص مو تصالحنا
شمس : صلحة بدون هدية بتصير
ميثاق : انا كلي ملكك
شمس : لا بدي شي مميز ومختلف
ميثاق : يلا افرديها اليوم انقهرت لانك عم تشتغلي
شمس : حلوة الأجواء تسلاية
ميثاق : بس لازمك كفوف صوف مشان ايديكي أغصان الشجر اغلبها قاسي ع ايديكي
شمس : لبكرى بتشتريلي
ميثاق : بس بكرى مابدي تنزلي معهن
شمس : بصير
ميثاق : بصير لانو مانك مضطرة
شمس : والله عادي واقل من عادي وشفت اديش تسلينا
ميثاق : بس كتير اتعبتي سدءيني حتى اهلي مو مضطرين يتعبوا بس ماما بتحب كترة الغلبة وستي بتشد ع أيدها
شمس : شو رح نعمل ازا ما اطلعنا للكرم
ميثاق : رح نعمل سياحة بالشام
شمس : بلكي زعلو
ميثاق : مارح يدرو الا ونحن هنيك
شمس : ووعد
ميثاق : حبيبتي هاد مشوار الي والك وبس قبل اسافر رح اخدها واخد عهد معي منيح
شمس : وبلكي زعلو
ميثاق : حبيبتي مين بدو يزعل انا ومرتي وحابين نغير جو مين الو عنا
شمس : ومشان الشغل

ميثاق : انا حابب اريحك شو بدك انتي
شمس : ما سدءت ايمتى اتحممت وقعدت
ميثاق : يعني اتعبتي
شمس : مو كتير قلتلك اتسلينا ببيت اهلي بتصير خناقات كتير
ميثاق : لا نحن كتير حبابين
اتطلعت فيه وما قدر يقاوم سحرها وجمالها والا يبوسها
~~~~
الصبح صدمة كبيرة لعهد لانو عم يشتغلو قريب من باب بيتهن انفتح الباب وطلع ميثاق ومعو شمس ولتنين متزبطين ع الاربع وعشرين كانت شمس لابسة مانطو شتوي لونو عسلي وطاقيتو عليها فرو وبنطلون اسود وبوط ابيض وشالة بيضا وهو لابس قميص زيتي وبنطلون اسود وجاكيت نصي اسود
عهد : شو وين الهمة
اجو يسلمو عليهن
ميثاق شمس : صباح الخير
(صباح النور)
اخد ايد امو وباسها
ميثاق : رضاكي يا امي
ام مروان : الله يرضى عليك شو وين الهمة
ميثاق : ع الشام
وهون عهد انقهرت كتير
باس راس ستو
ميثاق : ادعيلنا ستي
ام محمد : الله ينور دربك وييسرلك
محمود : بدك تدير بالك ع الطريق
ميثاق : جاي تعلمني يعني
عهد : يعني هربت ب شمس
ميثاق : يعني بدك تقولي هيك
نسرين : الله يسرلكن مو تنسانا
ميثاق : لا شو انساكن في شي كمان
ام مروان: لا حبيبي اتهنوا
ولسى عهد مراقبيتهن لطلعو بالسيارة وتركت من ايدها
ام مروان : شبك
عهد : كان أخدنا معو
ام مروان : انتي بترضي تروحي معهن
عهد : اي شوفيها والله بحب الروحة للشام
ام محمد : عازم مرتو وحابب يغير جو معها بكرى بسافر وبيتركها
عهد : يعني مرتو اهم مننا نحن
نسرين : والله هي الدنيا الزوجة مهمة بحياة الرجل والا ليش ليتزوج ازا اهلو اهم
ام مروان : خلص الا ما يروحو مرة تانية بياخدك
عهد : الله لا يهنيهن
ام محمد : اخرسي وليه عم تدعي ع اخوكي
عهد : اي ان شاء الله عند اول حاجز يوقفوه ويذلوه كمان
ام مروان : ميثاق مرضي رح يوصل ومارح يصيرلو شي
عهد : منافقة من يوم يومك
ام محمد : ياريتو فجك بالحجر مبارح
محمود : كان هلا انف عهد هالقد صار
فرطو ضحك بس هي بلشت تبكي من قهرها
~~~
كان المشوار الاول بكل حياتي بعيد عن البلد اول ما انزلنا دغري مسكلي ايدي
شمس : خايف اضيع
ميثاق : يعني هيك شي
شمس : كتير حلو هالمكان
ميثاق : لسى ما فتلنا
شمس : وهلا لوين
ميثاق : لسوق الحميدية
الجو كان بيجنن وبالاخص كل ما اتطلعت فيه مرتاحة كتير لاني معو
كان زحمة بسوق الحميدية كتير عالم ماشية متلنا او عكسنا وعم نتفرج ع كلشي شي بيجنن وعم نفتل بالمحلات طبعا مو بس يسعر اشترالي قفطان غالي كتير وشالة جديدة
شمس : اشتريتلي فستان من يومين
ميثاق: هاد لحنة نور
شمس : عندي كتير تياب لسى ما انلبسو
ميثاق : اتدللي شو وراكي
شمس : بس والله غالي
ميثاق : بيرخصلك ولو
شمس : بس
ميثاق : مو قلتي انك لساتك زعلانة مني هاد مشان الصلحة
ارتحت كتير
ميثاق : ويكون بعلمك مارح ترجعي إلا معك كومة هدايا
شمس : الله يرزقك
ميثاق : احلى حدا بيدعيلي
شمس : اليوم بدي افتش بخزانتك
ميثاق : هههه ع حسابك والله
اكلنا بوظة بكداش واشترالي صندوق صدف بيجنن وما اطلعنا الا ونحن فاتلين بكل السوق
وبعدها رحنا للجامع الاموي صورني كتير وصورتو واتصورنا سلفي سوى شي بيشبه الحلم ما عم سدء انو اليوم مدللة كتير يمكن حتى اخواتي يحكو نيالها وبعدها رحنا للجسر الأبيض كلشي فيه بيجنن تياب وعباءات وبس عجبتو عباية اعرفت انو رح يشتريها
شمس : ميثاق
ميثاق : لعرس نور مستحيل اخليكي تلبسي شي ملون ومزركش
كمان اشترالي مانطو وجزدان جديد وبعد ما صار معنا كومة هدايا حطهن بصندوق السيارة وهلا للمطاعم كان عم يطلب الغدا وكنت عم اتأمل كل حركاتو
بقلبي : بيجنن هو وكرمو وثقتو بنفسو ولا مرة اتخيلت زوجي هيك يكون
ميثاق : بشو شاردة
شمس : بكلشي كانك عم تصرف كتير
ميثاق : اصرف ما في الجيب
شمس : اي قول انكن ملاقيين دهب
ميثاق : هههه هيك لكن
شمس : هيك حسيت
ميثاق : الله اعلم
شمس : هههه بس هيك اشتريتلي كتير شغلات
ميثاق : وشو يعني
شمس : بلكي عهد زعلت
ميثاق : ومين سائل بعهد وغير عهد
شمس : حسيتها انقهرت لانو رايحين للشام
ميثاق : وعبالك ناخدها مثلا
شمس : ليش مابدك
ميثاق : مارح ناخد راحتنا ابدا ورح نحسب حساب لكل شي وكمان انا جاي معك لاننا لساتنا عرسان
شمس: اي اقتنعت ومنو ريحتني من الزيتون
ميثاق : اي ومنوو بكسبك يوم كامل لانو يومنا لازم يكون معكر هيك مبسوطين ولا شو رايك
شمس : امبلا مبسوطين
ميثاق : سرقنا الوقت سرقة
شمس : مصدومة انو الساعة تنتين
ميثاق : شو رايك انو رح نحجز بفندق
شمس : هههه لا تقولها
ميثاق : والله صرنا جايين
شمس : انت هيك بدك
ميثاق : اي هيك بدي وحاسب حسابي نقضي ليلة هون
خجلني كتير ولامرة فكرت انو رح انام برى البلد وكمان بفندق هيك كتير