الحلقة السادسة وعشرون
بقلمي مايا الحجازي
بعد مرور عدة أشهر تميم اتغير كتير صار انسان هادي اجوبتوا مختصرة اغلب وقتو بالمحل متفرغ للشغل والبضاعة والأرباح الي عم يجنيها من هالمحل المتواضع.
شيك على وضع المحل واعطى التعليمات للموظفين ورجع للبيت تمشاية لانو باع السيارة والشقة في كتير شغلات بحياتو تغيرت رجع للبيت بدل تيابو اتغدا مع امو ووسيم
وسيم:شو بالعادة بترجع بعد هيك
تميم: اصحيت الفجر
وسيم:اي نزلت بضاعة
تميم: التاجر الي بتعامل معو مسافر يمكن بكرى يبعت مندوب من طرفوا
ام سليم:شو حبيبي تميم بدك تضل وحيد
تميم:في عندك خيار تاني
وسيم:نحن كلنا معك
ام سليم: وازا بدك بدورلك على عروس
تميم: نتركها لبعدين
وسيم:بس لازم تفكر بالموضوع
تميم:انت الي فكر بالزواج بتفكر حالك صغير
وسيم:شو بدك فيني
تميم:لكن اتركني بحالي
وسيم: نحن مشانك اعزب دهر ولا ارمل شهر
تميم:دايما يا جماعة
ام سليم:ما اكلت
تميم:وكل ما رح تفتحو سيرة الزواج رح اترك الاكل
وسيم: في سباق اليوم
تميم: منيح خبرتني
فات ليرتاح بالغرفة
بقلبو:بعد خسارتي لاسيل الكل حاببني اتزوج اشتقتلك اسيل انتي حاسة فيني اشتقتي مو اي كل ليلة قبل انام بتزكرك وعلى اد ما بكون مشتاق بحترق بس مافي شي يطفي نار الشوق بيني وبينك مو بس شارع جبل من فولاذ انحرمتك وانا بأمس الحاجة الك وين النومة بحضنك كلها دفا وامان وكنت اتدايق وقت تنامي على أيدي واحاول اسحبها من تحت رأسك لارتاح بس ما تخليني لو كنت بعرف انو رح نتفارق كنت ما تركتك ثانية وكنت تركت الشغل والعالم كلو وضليت معك رح تضلي احلى واغلى مرآة على قلبي يا كل قلبي انتي❤️
نام ساعة وصحي على دقات الباب كان وسيم جاهز لهيك تميم جهز حالو ولبس بلوزة زيتية وبنطلون جينز غامق وبوط ابيض مشط شعرو واخد مفتاح موتور البطح وطالعو من القبو ووسيم ناطرو ركب وراه وصوت الموتور دوى بكل الحارة
..........
كنت لسى صافنة كيف طلع من الحارة هو ووسيم واحلى شي انو ساكنة بنفس الحارة شوفتوا شلت قلبي واحلى حدا بسوق موتور بطح شكلو عندو سباق اليوم ياريت اعرف اي ايميل رح يبث السباق اكيد رح يصير بث مباشر فتت ل غرفتي فتحت الموبايل وبلشت اتصفح الفيس وبعد بحث طويل ما شفت شي واول ما اسمعت صوت الموتور رجع عند لغروب رحت دغري للشباك لاشوفهن راجعين وقبل النوم شيكت على حساب تميم لشوف البث صديق عندو مشاركو بحسابو اتفرجت وما مليت ابدا والاحلى اشوف مشاركتو بالتعليقات
تميم:يوم ليك ويوم عليك
اسيل:معناتو هو الي سبق والله بيلبقلو
اشتقتلك تميم انت اشتقتلي مستفقدلي انا كنت متعودة عليك وبحس بفراغ بعيد عنك عم احضن لمخدة متزكر كيف كنت تسحب حالك وارجع انام على ايدك لكن لحتى تعرف مو بس انت مصلحجي وانا كنت مصلحجية واخلي ايددك تخدر وتترجاني ازبط نومتي
تميم:اسيل زبطي نومتك وهاتي ايدي خدرت
اسيل:امممم
تميم:وبتزبطي نومتك كمان ايدي خارج التغطية يا قلبي
اسيل:تعال نتبادل لكن
تميم:بسرعة يلا ايدي انشلت
تبادلنا بالمكان وزبطت راسي على ايدو منيح
اسيل:اي هي الجهة احلى
تميم: إطلالتها على روما مثلا
اسيل:ما اطيب النوم
تميم:مو اطيب منك
أسمعت صوت عابد ورهف جايين من بيت اهلها ورحت لشوفهن وعند الباب اسمعتهن
عابد:كتير نعسان رهف نيمي لولاد
رهف: مابدك تسهر
عابد:عندي شغل بكير ومشتقلك
اخجلت من الي اسمعتوا لهيك ارجعت لمكاني وشي ساعة رجعو ماما وبابا وكمان فاتو على غرفتهن وبلشت احس بالوحدة والي مطمني انو تميم متلي وحيد ازا بيتجوز والله لاموت قهر بس لايمتى انا وياه ولا يمكن نرجع لبعض
اسيل:يارب انا اتعبت وانت شايف حالي وحيدة ومقهورة ومكسورة اجبر خاطري 😭والله ما بتمنى لحدا الشر بس الخير ما عم يقرب صوبي يارب عوضني عن كل لحظة بشعة عشتها .
حطيت راسي وحاولت انام.
..........
الصبح صحي على رنة موبايلو سحبو من على الكومدينة ورد بدون ما يعرف مين
تميم:الو
مريم:اسفة سيد تميم صحيتك
تميم: شوفي مريم
مريم:اسفة والله مافكرتك نايم كمل نومتك
تميم:ليش اتصلتي ازا مافي شي
مريم:فكرت انك صاحي طولت اليوم
تميم: هالمرة اتصلتي مرة تانية بتنفصلي من الشغل
فصل بوشها الخط وحاول ينام ما قدر
اتجلس وراح يغسل ولقى امو بالمطبخ عم تجهز فطور
تميم:صباح الخير ماما
ام سليم:صباح الورد حبيبي ليش متأخر اليوم
تميم:يمكن طولت بالسهرة
ام سليم:بيأثر على نظرك ضو الموبايل مو منيح
تميم:من الملل والله وين غاوي المشاكل
ام سليم:طلع من بكير
تميم:انا مابدي افطر
ام سليم: ليش حبيبي لفطور منيح
تميم:ما جاي عبالي شي
ما خلتو يعمل القهوة هي جهزتها وقعدو بالصالون
ام سليم:تميم لازم احكي معك

تميم:بعرف ماما
ام سليم:بعت الشقة والسيارة وسايرتك بس هالمرة بدك تسمعني
تميم:احكي
ام سليم:انت لازم تتجوز وازا انت مو حاسس انك متغير هون كلنا ملاحظين التغيير بقلمي مايا الحجازي
تميم:انا لسى بحب اسيل
ام سليم:خلص حبيبي هي صارت محرمة عليك وما بيجوز تجيب سيرتها
تميم:وتعالي امحي ذاكرتي
ام سليم: مارح امحي ذاكرتك الي صار بينك وبينها وانتو متجوزين حلال بس انك تفكر فيها هلا حرام
تميم: انتي شايفة عروس يعني
ام سليم:اي
تميم:وحكيتلهن عن وضعي
ام سليم:الصبية وحيدة
تميم: مطلقة ؟
ام سليم:لا انخطبت لابن عمها وبعدها تركوا
تميم:بتعرف انو ما بجيب ولاد
ام سليم:اي هي من هون من الحارة
تميم: مين
ام سليم:نسرين بنت وردان
تميم:مين هي ما بعرفها
ام سليم:بس تشوفها رح تعرفها
تميم:وموافقين على وضعي؟
ام سليم: موافقين
تميم:يعني حاكيه والامور خالصة وجاية تشاوريني
ام سليم: شوفها شو بتخسر والبنت على كيفك طول ونعومة وثقافة
تميم:مابعرف انا مابدي ارتبط بحدا
ام سليم:يوه بدك تضل عزابي
تميم:يا امي مالي خلق اتعرف ولا على مراة
ام سليم:شو بتخسر خليني اخد موعد
تميم:شو بتحكي انتي موعد كمان
ام سليم:كيف بدك تشوفها وتحكو
تميم:بدك الصراحة مارح اقدر اتجوز انا حبيت مرة وحدة واتمسكت مرة وحدة مابدي اعيد التجربة مرة تانية
ام سليم:انت مو معقول تميم البنت موافقة وبتعرف كل ظروفك وقبلانة
تميم:منيح صاير تميم حكاية الحارة
ام سليم:بدك توافق مو بكيفك
تميم:,...
تركها ورجع ل غرفتوا
...........
الحلقة السابعة وعشرون
بقلمي مايا الحجازي
على لفطور كنت ساكتة ومستمعة كمان
عابد:نحن لا تحسبو حسابنا على الغدا
ماما: معزومين
عابد:اليوم عيد زواجنا وانا عازم رهف
بابا:خلو لولاد عند اسيل خدو راحتكن
طبعا ما عجبني ابدا
رهف:لا يوه بعدين رح يعزبوها
بابا:خليها تاخد دورة اطفال مشان بكرى تربي اولادها
عابد:شو في عريس يعني
بابا:شو عرفك
انصدمت وتركت الاكل
ماما:كملي اكلك بيمزح ابوكي
بابا:اي عابد كيف ملاقي حركة السوق
عابد:بس يسكر تميم بتنفتح طاقة الرزق بس صرت افهملو واعرفت خطة الشغل عندو ورح امارسها مع الزباين
ماما: الله يرزقك وخليهن ينقهرو بعد ما فكرو انو ولايمكن تفتح المحل
بابا:الحمد الله اخلصنا منهن على اهون سبب وهلا لو بشوف واحد منهن بالشارع ما بهمني
عابد:طالعتيلي تيابي رهف
رهف:على كلا انا اشبعت
طبعا تفرطشو وانا بلشت بالترتيب والجلي سامعة صوت ضحكات رهف مو غيرة لا ياربي مو غيرة بس يمكن لانو خاطري مكسور لكن انا أصير مطلقة يلعن هالعمر وين وقت كنت اجي ضيفة وهاد يرحب وهاد يمزح وهاد يجيبلي اكلات طيبة وكنت مهمة كتير والشاطر الي بدو يحاكيني وياخد ويعطي معي والاحسن وقت يجي ياخدني تميم ويكون جايبلي كمان تشكيلة تياب واكلات طيبة للسهرة ونضل لبعد الساعة تنتين مزح وضحك ومناقرة اوووف خلص بقى حل عني تميم انا شو وصلني لهون غيرك يا اناني يا مخادع
اسيل:اسيل جنيتي مرة بتحني ومرة بتجني
هو السبب وهاد مو ذنبي واتحملت وشكلي رح أصير خدامة لاهلي ولولاد اخي
المسا جهزت حالها رهف وانا فوتت لولاد لغرفتي لحتى ما يعلقوا مع عابد ورهف وبعد ما راحو بلشت معاناتي مع لولاد عناد ومقاتلة وطلبات وعلى عيوني اخليهن عندي اي بحبهن ولاد اخي بس كمان مو مجبورة ناس تنعزم وناس تبتلى طولو كتير ناموا لولاد ولسى ما اجو بس انا حابة اشوفهن وهني راجعين اسمعت صوت المفاتيح وحكيهن
عابد:بكونو نامو
رهف:بس طولنا عليهن
عابد:لا تخافي اسيل بتكون دارت بالها عليهن
رهف:اي بس والله المشوار بدون لولاد أحلى
اول ما شافوني استغربوا
عابد:شو صاحية
اسيل:اي
رهف:ليش نايمين لولاد هون
اسيل:غفيو بدون ما احس عليهن
عابد:...
كل واحد منهن حمل ولد وفاتو لغرفتهن رحت وقفت عند الشباك شكلو في سهرة ببيت ...لا مو بيت حماي بيت ابو سليم جيرانا هي سيارة سليم اكيد تميم بيناتهن
طفيت الضو ورحت لغرفتي قبل افوت أسمعت حكي ماما وبابا وكمان ضحك رهف وعابد وصوت اغاني وائل جسار مليون مرة احبك
وكأنو عم يحيوا ليلة زواجهن
سكرت الغرفة على حالي وطفيت الضو اتغطيت وحاولت انام.
.......
بعد محاولات بالاقناع انو يتزوج
ام سليم:احكولكن كلمة
سليم:المخلوقة موافقة وبتعرفنا يعني شو بدك احسن من هيك
روان:يعني مو مقتنع مبينة
وسيم:انتي اف ام لا تدخلي
كنانة:ونسرين معها دبلوم عربي
سليم:وهي من أشطر المدرسات هون
ام سليم:ونظايفية كتير ولو تشوف طولها بوحدة
كنانة:وعيونها سود ووساع وبشرتها صافية مو متل غيرها
وسيم:ووحيدة تميم يعني بحط راسو الحجي من هون بتحط ايدك ع املاكو من هون
كنانة:😂منلحس اصبعتنا
وسيم:معها رنج كمان

تميم: خدها انت
روان:شو بتكفر انت
وسيم:امي حابة تجوزك
كنانة:يلا تميم والله كتير مزودها
سليم:اعمل فترة خطبة طويلة
وسيم: انت التاني مارح يتحمل😂
سليم: اتضبضب ولاه ما بتستحي
وسيم: افهمتوا يعني
كنانة:😂تميم عم يلمح عليك
تميم:انا ناوي ابزق عليه
روان:😂تخيل
وسيم:سليم سكت مرتك
سليم: اهوو علينا نحن بشو وانتو بشو
وسيم:اي منرجع لموضوعنا كتير تعززت تميم
ام سليم:شو تميم
كنانة:ليكون متأمل ترجعلك شمه😂
تميم:شو رأيك تتصلي بجوزك طول مو
سليم:خلص يا جماعة بدنا نفهم منو
وسيم:مارح نحل عنك لتوافق
تميم:على اونه على ديو
كنانة:😂وافقت
تميم: اعملو الي بدكن اياه انا مارح اتكلف واتقدم لاي وحدة
تركهن وفات للغرفة
بقلبو:شوو الخطة شو القفلة ليش بدهم يلزقو هالعاهة فيني لعمى ليكون هي متقدميتلي ومو دريان واكيد معها نسخة من التحاليل
تميم:يحرق اخت الكرامة اكيد عم تبكي بالزاوية
..........
قبل ما يبدأ الفصل الدراسي اقنعت بابا كنا بالصالون ملتمين
اسيل:شو مشان الوظيفة بابا
بابا:بس والله بعيدة المدرسة عليكي
اسيل:رح اقدم اوراقي بكرى للمديرية وانشالله انتقل لهون للحارة
ماما:اي ازا هيك منيح
عابد:وبدك تروحي لحالك
اسيل:وصلني انت
عابد: انا المسا عندي سفرة ل حلب وبكرى برجع
اسيل:بس بكرى نهاية الدوام ولازم اقدمهن قبل اسبوع على الاقل
رهف:هلا درستي اربع سنين ما بتعرفي تروحي للمديرية
اسيل:بعرف اكيد
عابد:اي ساعة بدك تروحي
اسيل:ع التسعة
بابا:ازا هيك بوصلك
ارتحت كتير ومتفائلة كتير برجعتي للتدريس تاني يوم جهزت حالي واطلعت مع بابا كان زحمة بشكل مو طبيعي وبابا ينفخ ومعصب
بابا:ما اخترتي الا يوم خميس
اسيل:..
بابا:عندي موعد ع العشرة
اسيل:...
بابا:وساكتة كمان الموعد ما بيتأجل
اسيل:بس الاوراق بدهن اكتر من نص ساعة
بابا: بوصلك وبترجعي ب المواصلات
بقلبي:المهم ما تعصب واتلبك بسببك وصلني للمديرية وبلشت بتقديم الطلب من طابق لطابق ومن موظف ل موظف ساعة وبالاخير استلمت قرار تعييني بمدرسة بحارة بيت اهلي اخدت الاوراق وارجعت المشوار طويل وفي اكتر من موقف اوقفت مع الصبايا واول ما اجى الميكرو امشيت معهن واطلعت قعدت الجو غريب عليي بس اتزكرت ايام الجامعة واول ما خطر ببالي تميم حسيت برعبة ما بعرف ليش
بقلبي:وينك يا تميم تشوف اسيل دلولتك بين هالجموع قاعدة ياريت التقي فيك وصلني يا بخيل يا بياع العشرة كنت رح ابكي على شوي وانتبهت الشب الي بجنبي مبتسم ودغري بعدت شوي عنو طالعت مصاري وجهزتهن لاحاسب وصلت لموقف تاني وانزلنا اكتر من واحد من الميكرو ولاحظت الشب ماشي وراي مع انو ما كنت اخاف من قبل بس مابعرف ليش كلشي صاير يخوفني أشرت ل تكسي واطلعت معو اخدت نفس
اسيل:لبعد الجسر لو سمحت
الشوفير:تكرمي..
شوي وبلش اسألة
الشوفير:انا مو كتير بعرف هيك الطريق
اسيل:اي هيك
الشوفير: من هون انتي
اسيل:اكيد
الشوفير:شو بتشتغلي
اسيل:وانت شو علاقتك
الشوفير:..
اسيل: اديش لحساب
الشوفير:خلي علينا
اسيل:نزلني هون
الشوفير:شوي منوصل
اسيل:نزلني هون عم قلك
الشوفير:طولي بالك
اسيل:ليك نزلني احسن ما اصرخ لم عليك الدنيا هون في دورية ها
دغري صفط على اليمين انزلت وطبشت الباب اول ما شفت سيارة وسيم اتلبكت
الشوفير:مشان لحساب
وغمزني الوقح أشرت ل وسيم ووقف ودغري رحت اركض لعندو
وسيم: اسيل
اسيل: وسيم هاد الشوفير قلل ادب معي
ودغري راحلو نزلو من السيارة غصب عنو وبرد قلبي لانو رعبني ابن الحرام
وكان عم يترجى وسيم الي عم ياخدو يمين شمال وبالاخير خلاه يركب بالسيارة وكأنو بزق عليه اجى لعندي دغري
........
الحلقة الثامنة وعشرون
بقلمي مايا الحجازي
وسيم:شو عمل معك
اسيل:كتر اسئلة وغمزني
وسيم:ابن الكلب وانتي وين كاينة
اسيل:قدمت اوراقي
وسيم:قلة رجال لتروحي لحالك
اسيل:وانت ليش معصب
وسيم:اطلعي خلصيني
اسيل:بكمل مشي
وسيم: اطلعي عم قلك
طاوعتو لانو ما بيتناقش ابدا
اوه راحة نفسية السيارة
اسيل:نزلني باول الحارة
وسيم:والله غير ع باب البناية ما بتنزلي بعدين كيف بتطلعي لحالك بالتكسي مجنونة انتي
اسيل: وشو عرفني انو قليل زوء
وسيم:مافي مواصلات يعني
اسيل:في بس اتلبكت مابعرف
وسيم:كنتي بالمديرية
اسيل:اي
بعد مدة نطق
وسيم: ادريتي
اسيل: بشو
وسيم:تميم خطب
صدمني بس اتوقعت يكون كزاب
اسيل:مبروك
وسيم:عقبالك
اسيل: بتحكي جد وسيم
وسيم:انتو اتطلقتوا
اسيل: بعرف
وسيم:الف وحدة بتتمنى ظفر اخيي
اسيل: الله يكتبلو السعادة
وسيم:😂ابكي يلا
اسيل:عم سايرك بتمزح اكيد
وسيم:يا حرام يا اسيل بتحبي تميم مو
اسيل:نزلني هون
وسيم:ع باب البناية ولو جارتنا وكنتي كنتنا اصلا لو بعرف عندك مشوار غير اوصلك

اسيل:خليك ساكت لكن
وسيم:انا وياك لو نتفارق نموت
اسيا: حاجتك وسيم غلاظة
وسيم:😂يلا كان مشوار حلو مع انو مستعجل بس بتستاهلي التوصيلة وقف عند باب البناية انزلت بسرعة وطبشت الباب واطلعت ركض للبيت.
......
وعند تميم بالمحل كان عم يسجل فواتير بفوتت وسيم قعد واخد كاسة المي وشرب اتطلع فيه تميم
تميم:نشفان ريقك
وسيم: اسيل كتيرة حكي
انصدم بس اتوقع يكون كزاب
وسيم: ليكون بتفكرني كزاب
تميم:وين شفتها
وسيم:التقيت فيها بالشارع الخانم راجعة من المديرية بتكسي ومدايقها انا شبهت عليها بس اول ما اشرتلي اعرفت انو هي اسيل
تميم:شو صاير معها
وسيم:ترى انتو اتطلقتوا
تميم:احكي خلصني
وسيم:غامزها وماسك أيدها
وقف بعصبية
وسيم:😂شبك ولوو هددتو وبزقت عليه ولا يهمك بس مو مشانك لا لانو اسيل جارتنا😂
تميم: عنجد بتحكي شفتها وهيك صاير معها
وسيم:اي والله شو مبروك قال موافق
تميم:ما وافقت امك عزمت الجماعة
وسيم:رصيدو بالبنك خيالي شفت تلت عرايس مصفوطات قدام بيتو انو بيت فيلا بتجنن
تميم:انا ماعم اتقبل هالفكرة
وسيم:رح تستصعب الموضوع بس انت بحاجة مرآة لا تنكر
تميم:انا بحاجة اسيل
وسيم: بعد كلشي صار انسى اخي بكرى لتشوف الفرق معاملة اهل نسرين راقية مو متل الحوش أهل اسيل
بقي صافن مو مقتنع لو بيجيبو سيرة ابوها بخطبة الجمعة ما عم يتقبل ابدا
تميم:مين الي مدايق اسيل
وسيم:بتعرفني بس امسك شي كلب
تميم:وهي كيفها
وسيم:مبسوطة لابسة محبس معقول انخطبت
تميم بقهر:ما اسمعنا صوت زغاريد من بيتهن
وسيم:😂خلوني ارقص معا اخر مرة اودعا
تميم:بلا تسكري تمك ع الاخير
وسيم:يا ويلي ازا بتنخطب اسيل😂رح تقتحم الحارة بالدبابات مثلا
تميم:اول تفجير بالحارة رح يكون غرفتك لانك اس البلا
وسيم:😂دخيلو الحمش غرت مو
تميم:تغور عليك
وسيم:طيب هيك انت اتأثرت بمزحة المسكينة اسيل شو رح تعمل ازا عرفت انو في عروس وموافقة
تميم:حل عني وسيم اتركني بحالي
وسيم:😂جتك جتك تلقاها
تركوا صافن وطلع للمحل لعند وائل
........
ما اتجاهلت الموضوع بس حسيت انو ممكن يصير هيك شي تميم ما بعيبو شي السهرة قضيتها ع البلكون وشفت ع الساعة تسعة سيارة عالية وفخمة انسفطت ونزلو منها رجال واحد ونسوان تنتين بلعت ريقي وخفت يكون الي عم فكر فيه صحيح
......
واقفين يستقبلو اخر شي تميم الي مبتسم بمسخرة
وسيم:😂صارلك جاها
تميم:اجيب القهوة واحط ملح بالفنجان
فرطو ضحك ونكشتهن كنانة وتماسكوا لانو الجماعة على الباب طبعا سلمو على الكل وهو ما شال نسرين من أرضها
طبعا ابو نسرين هو نفسو الي فسد على تميم لابو عابد
قعدو بالصالون الكل يحكي ويتناقشوا الا تميم ساكت
بس وسيم متخيل تميم جايب القهوة وانفجر ضحك وحتى تميم قرأ افكارو وضحك معو
سليم:احم احم
كنانة: فضحتونا
تميم:خجلان لك كنانة
وسيم:يلا روح جيب قهوة
اتكررت الضحكات وسليم كل شوي يسعل منهن
ام سليم:تميم
انتبه دغري
ام سليم: اطلعوا اتمشوا الجو حلو
وقفت نسرين اضطر يوقف وطلعو سوى كان مو طايقها بنوب
بقلبو:وادفعيلي مهرر كمان
عم يتمشوا ايديه بجياب البنطلون وهي عم تلعب بخصلة شعرها ع اساس طفلة
نسرين:ليش اضحكتوا
تميم:اتخيلنا شغلة
نسرين:مستغرب زيارتنا
تميم:انا مصدوم مو مستغرب
نسرين:انا كتير بحبك
تميم:انا ما بعرفك
نسرين:مارح تعرفني لانك ما كنت تشوف غيرها
تميم:بتعرفيها
نسرين: لا لا ابدا بس الخالة ام سليم حكتلنا
تميم:انتي معلمة صف
نسرين:اي
تميم: اديش عمرك
نسرين:انت احزر
تميم:٣٠سنة
نسرين:لا ولوو اصغر
تميم: اديش يعني
نسرين:٢٨سنة
تميم:😂اي فرق كتير مافي داعي اشرحلك عني وعن عمري وهيك كأنو السيڤي عندك
نسرين: رح تضل تتمسخر
تميم: عفوا ما قصدت نسرين انتي بتقبلي تعيشي معي بدون اولاد
نسرين:اكيد بقبل
تميم:معقول تحرمي حالك الامومة
نسرين:وقت حبيتك ما سألت عن شي
تميم:افهم منك قبل اطلق
نسرين:من زمان حتى قبل انخطب لابن عمي وبتعرف يمكن الطلاق كان شي سيء لغيري بس انا تفائلت كتير
تميم:بس ما اتقدمتيلي
نسرين:انت عم تتمسخر
تميم:ايمتى بدك العرس
نسرين:..
تميم:الاسبوع الجاي منيح
نسرين:..
تميم:ليش ساكتة والله جد
نسرين:معقول اسبوع
تميم: وازا بدك بكرى
نسرين:موافقة
بقلبو:اجيتي على ايديكي ورجليكي
........
لا شيء يشبه شيء ولا احد يعوض مكان احد
اشياؤنا المختلفة ان ضاعت.....ليس لها بديل
.......
الحمد الله كان عندي خبر من وسيم انو خطب كنت واقفة على البلكون اغاني الفرح من بيت ابو سليم مسدءة ومو مسدءة
رهف:ادريتي
اسيل: تميم خطب
رهف: لو تعرفي مين العروس
اسيل:مين
رهف: نسرين زميتلك
انصدمت هي نفسها الي كانت معجبة فيه
اتزكرت اوقات كان يوصلني وتكون كمان جاية للمدرسة اتزكرت نظراتها ل تميم وكيف كانت تتجاهلني من بين كل الانسات يعني طلاقي كان بارقة امل لهيك وحدة

رهف:معقول تميم زوقو هيك وحدة
اسيل: شبها
رهف:متعجرفة كتير ما بتتزكري ب خطبة كنانة وقت دفشتني وكانت قرفانة لانو بالغلط اصطدمت فيها
اسيل:اي ووقتها حكتلك عمية كمان
رهف: زعلانة اسيل
اسيل:زعلانة من حالي وبس مو منو ولا من اهلي ولا من اهلو زعلانة من حالي وقت حبيتوا انسيت كل العالم
وبعدها اجى بابا وعابد يتفرجوا على موكب الزفة بس ماما ما قبلت تتفرج
عابد:صار صهر ابو نسرين
......
الحلقة التاسعة وعشرون
هالكلمة خلت قلبو يتقطع كيف ابو نسرين خرب الدنيا لحتى بنتو تتجوز تميم
غمض بقهر ابو عابد وفات للغرفة
ابو عابد:هيك لكن يا ابو نسرين حرضتني عليه لتعطيه بنتك.
ودغري خطرت ببالو اسيل وكيف عايشة بوحدة وهو السبب بس مارح يكحلها رح يعميها ع الاخير
........
والاحسن من الصالة التصوير بث مباشر انا بغرفتي اتفرج ودموعي يكرجوا حابة احرق بقايا قلبي كان ببدلة بتجنن وهي بفستان ابيض وعم يرقصوا على اغنية وتميم متفاعل على نغمات الاغنية
اسيل:انسيتني يا بياع العشرة يلا روح احرق املاك اهلها ولا بس تقاويت على اهلي مخادع واناني انشالله ما بتتهنى وبتطلع من خرجك يا لئيم يا حقير منحط
رميت الموبايل وصرت اصرخ
اسيل:كزاب.... اناني.....منحط
فزعوا عليي اهلي وصار عابد يهديني كنت عم اضرب حالي بدي انساه بدي اكرهوا
اسيل:انا تعبانة تعبانة
عابد:خلص اهدي شبكي
اسيل: انتو السبب خربتوا بيتي شو عملتوا بطلاقي كنتوا شاطرين بالردح وبعدين اختفيتو انت همك ترضي مرتك وهو همو يأمنلك جو مريح الك والها بس على دوري خرب الدنيا واجى يبهدل ومفكر حالو قد اللعب مع تميم واهلو سامعني ابو عابد ولا مطنش اجيت سألتني شبكي شو مزعلك شو محتاجة وين حابة تروحي اشتريلك اكلات طيبة شو ناقصك تياب لا ما بتعرف تحكي شي منيح بس بتعرفوا تخربو بيتي اطلعوا لبرى اتركوني مشان الله اتركوني
ما اهديت كنت ارجف صابتني نفس الحالة وقت جنيت على تميم نشفان ريقي وخفقات قلبي بتخوف هالمرة اقوى
ماما:شو صرلا بنتي
عابد: انا رح جيب الدكتور
رهف:بسرعة عابد
كنت مابدي اموت مابعرف ليش متمسكة بالدنيا حاولت ماما تهديني حضنتني كنت بحاجتها من زمان فكرت بدي اموت وصارت تبكي عليي
اسيل:تعبانة إنا مو منيحة والله
رهف:ما حدا بيستاهل خدي اشربي مي
ماكنت ارتوي اجى الدكتور وما اعطاني الا مهدئات فكروني مجنونة بس نمت دغري
........
بالشقة اجواء العرسان غير بس تميم ما كان متقبلها لشخصها وما كان حدا عادي كان يعاملها عكس ما يعامل اسيل معاملة مجردة من الحنية هالشي خوف نسرين اول ما رماها على التخت
نسرين:شبك تميم
تميم:معقول تسأليني بهيك وقت
نسرين:بس مو هيك
تميم:انا هيك بعامل المراة ما بقدر اكون حدا لطيف مسك وشها بأيديه وشد ومن بين اسنانو حكى
تميم: الي بحبني بدو يتحملني
نسرين:ااخ وجعتني تميم
تميم: الوجع هاد كتير لطيف
وبلش باسلوب همجي وبخوف كتير حاولت تهرب منو بس ما مفر
........
اول ما اصحيت اتجلست معقول كنت احلم
اسيل: الحمد لله انا منيحة
رحت غسلت وجهزت حالي للدوام صحيت امي جاية تطمن عليي
ماما:شو اسيل بلاقيكي صاحية
اسيل:اليوم اول يوم دوام
ماما:انتي منيحة
اسيل:اي كتير
ماما:اكيد اسيل
اسيل:اي والله ورح اعملك احلى فنجان قهوة
تركتها مصدومة جهزت القهوة وقعدنا علىى البلكون لساها الساعة سبعة ونص
ماما: شو اتغير بليل هسترتي
اسيل:كان لازم افرغ الي جواتي
ماما: مجنونة ولا فيوز
اسيل:انسة اضرب واطرح ومجنونة😂
ماما:يه وعم تضحك
اسيل:اخ يا ماما شو اعمل حتى لو حبست حالي بين اربع حيطان مارح اغير شي
ماما:يعني مو زعلانة
اسيل: ازعل ؟؟وهو هلا بشهر عسل
ماما:يلا الله يسعدك يمكن خير
اسيل:اي والله يمكن
اشربت الفنجان ودعتها وبطريقي للمدرسة الطلاب بكل الطرقات اول ما وصلت اتفائلت رغم انو في غصة كبيرة جواتي ضجة وطلاب جدد وكادر تعليمي جديد فتت للادارة وما استغربت سليم مدير المدرسة
اسيل:صباح الخير
سليم: صباح النور
رغد: انسة جديدة
اسيل:لكن انتي انسة قديمة
اضحكنا لبعض وقعدت ارتاح
سليم: وصلني قرار انك تعينتي هون مو تفكري اتفاجئت
اسيل: مبروك لتميم.
سليم:الله يبارك فيكي
اسيل:معقول مداوم لازم عطلت
سليم:ماحدا متلي ملتزم بالداوم
اسيل:لكن اكيد المدام نايمة
سليم:مبارح كانت زعلانة كتير
اسيل:اي بس اكيد طلعت بتجنن.
رغد: انتو بتعرفو بعض
اسيل:انا جارة بيت اهلو للاستاز سليم
رغد:والله استغربت مبينين معرفة كتير
سليم:جيران مو متلك ساكنة بعيد
رغد: اي مادة بتعطي
اسيل: كل المواد
سليم:رح تعطي للصف الرابع منيح
اسيل:عال لانو الصف الاول رح يجنني
رغد:😂صاير معك موقف
اسيل:انو موقف مواقف وهاد الي بدو امو وهاد الي بدو اخوه الأكبر منو يحضر معو وبيوم الجلاء الي ما الو تفوق بصيرر يبكي

انتبهنا اول ما فات استاز من جيلنا تقريباً بس سلم وقعد ومابقى اقدرت اضحك وامزح اخجلت بس شكلو صحبة مع رغد عم يضحكوا ويمزحوا
.......
اول ما صحيت وقع قلبها طبعا الكحلة سايحة ليلة رعب بالنسبة الها اتفقدت تميم وطلعت لتسمع صوت مي عم يتحمم
اخدت منديل ومسحت المكياج واتزكرت شو الي صار
نسرين:مخبي هالهمجية بملامحو البريئة اكيد هاد مو اسلوبوا اكيد عندو ضغط نفسي واجت الفشة براسي كيف كانت متحملتو اسيل مابعرف
نسرين:اسيل...سرقت جوزك منك كنتي شايفة حالك شوفة وهلا صرتي مطلقة مين ما اجى بيشفق عليها
اول ما طلع من الحمام مثلت الزعل طبعا تميم ولا هامو لبس لبلوزة
تميم: قهوة ع السريع
نفخت بملل وراحت تجهزها
......
عم يغني
صعب اتبرا منك وابعد روحي عنك يسوى الدنيا حضنك واريدك انا ريدك
ما شالها من أرضها
بقلبو:الي عرض حالو بدو يتحمل
صبتلو الفنجان فتح الباكيت وشغل وحدة وبلش دخان وقهوة وتصفح مواقع الازياء

- النص المستخرج من الصورة: 📝
٣:٢٦م
[0] 10
نسرین تمیم شو صار
تميم: كليوم هيك
نسرین انت كيف بتمد ايدك عليي
:تمیم قطعت راس القط من اول ليلة مو تفكري اتقدمتيلي
معناتو اخد دور العروس و
نسرين : انا اتقدمتلك
تميم: لا ابوكي لمخرفن
نسرين: عم تحكي على بابا
تميم: صلاعة مو بابا
نسرين: تميم شو هالحكي
تميم هيك انا هيك الله خلقني بكره اهل مرتي منيح
نسرين....
تميم: يعني بسب ابوكي بغلط على امك لا تتفاجئي
نسرین : لا لا مو معقول انت
تميم لك في وحدة بتعرض حالها وبتقبل بواحد متلي
نسرين ليش شبك انت
تميم: نص زلمة
نسرين من هيك كسرتني
UT
تميم وكلو كوم ومابدك اولاد كوم عنجد انك عديمة احساس
نسرين: شو بتحكي تميم
تميم اسكتي بقى من وقت شفتك ما سكتي دبور انتي يعني
نسرين...
تمیم مستحيل تكوني نحلة لا تخافي بتعرفي انو الدبور
قرصتو سامة وبدها ابرة كمان
بعدين ليش مو بدوامك اليوم بداية العام الدراسي الجديد مو
تاخدي دور العروس بكرى روحي للمدرسة لانو انا مداوم
بالمحل بكرى
كانت مصدومة
بقلبو : لاطالع الخمير والفطير فيكي وازا الي ببالي مزبوط
نفسها الي كانت بنفس المدرسة الي تداوم فيها اسيل
واتجوزتني وقعتي بحضن اهلك.
هي

- النص المستخرج من الصورة: 📝
٣:٢٦م
بقلبي يا عمري يا اسيل اشتقتلك وصعب اتقبل غيرك
فراشتي الحلوة البريئة من بعدها مابدي حدا
الحلقة ثلاثون
بقلمي مايا الحجازي
UT
بری
بالصف اول ما دخلت اتعرفت على الاولاد لفتني الطالب الي
اسمو تميم كان بالمقعد التاني هادي وبريء بس كأنو
الصف مشاكس والبنات كلهن حلوين ولولاد زعران وحلوين
وبما انو اول يوم تعارف وتسليم كتب خلص الدوام على بكير
انصرفوا الطلاب وبقينا بالإدارة نتناقش بخطة العام الدراسي
الجديد
بعد مرور شهرين
كانت اول شتوية والدوام بالمطر غير شكل
كنت لابسة بلوزة صوف لفوق الركبة لونها زهر فاتح وبنطلون
جينز غامق جاكيت اسود وعليه فرو حاملة الشنتة والشمسية
لانو رح أتأخر على الحصة وانزلت تمشاية المطر غير شكل
كنت متعافية واتاكدت كلشي صار معي مقدر ومكتوب والا ما
اتجاوزتو وعند بيت ابو سلیم انتبهت تميم واقف عند الباب
استعجلت لا بدي اشوفوا ولا حتى يشوفني معقول ساكن
ببيت اهلو
کملت للمدرسة ليبدا يوم حلو ويجنن صوت فيروز وريحة
قهوة وضجيج الطلاب فتت للادارة وصبحت عليهن
سليم: اتأخريلك كمان شوي
اسیل لسى ما رن الجرس
سلیم: منكون اشربنا القهوة
رغد: محلوة كتير
اسیل: انا حلوة من الاول
رغد:بس كتير مبسوطة اليوم هالشي عاكس عليكي
اسيل: ليش لازعل بلا
وقت المح الطالب تميم يتمشكل مع الطلاب اتذكر انو كمان

- النص المستخرج من الصورة: 📝
٣:٢٦م
(0)
1.O
كان تميم مشكلجي كتير وابتسم لمشاكستو لمخباية بوش
بريء
اشربنا القهوة وانصرفنا كل واحد على صفو وقفوا كلهن
ومجدوني بتحية خاصة
اسیل جلوس
قعدو هادین
UT
اسيل:شوفي عنا اليوم
ملاك: امتحان شفهي
اسيل ومحضرين
شهاب اي انسة
اسيل وانت تميم جاهز للامتحان
تميم اللعبت كرة قدم مبارح وانسيت انو في امتحان
اسيل كيف بتنسى هيك شي واكيد مو كاتب الوظيفة
نور انا كتبتلو اياها الصبح
اسيل ليش يا تميم مو وعدتني تصير من المتفوقين
تميم: انسة كزابة نور
اسيل: طیب طالعو الوظايف لشوف
شهاب مابدك تعاقبي تميم
اسيل: لا بس رح ازعل منو
تميم: انسة لا تزعلي مني انا بحبك كتير
خلاني ابتسم غصب عني
اسيل: لهيك مهتم بدورسك لانك بتحبني
ملاك: هو كسلان لانو عايش ببيت عمو
اسیل: صحیح تمیم
تمیم....
وقت نزل راسو افهمت انو فاقد اهلو
اسیل طیب منبلش درسنا
حاولت اخليه يشارك ويتشجع مثل باقي الطلاب وحتى الي
بالمقاعد الاخيرة بلشو يشاركوا ويتشجعوا من بعض
اسیل اتاجل الامتحان لحتى الكل يجي محضر
علقيل

- النص المستخرج من الصورة: 📝
٣:٢٦ م 00
UT
شفتوا فرح كتير لانو مستحيل اعاقبوا
رن الجرس وانتهت اول حصتين واطلعت من الصف والتقيت
ب رغد
ضجة طلاب كبيرة امشينا حد بعض
رغد: وجعك راسك
اسيل: يعني بداية لوجع راس
رغد شو هاد مشاغبين كتير
اسیل بدنا نتحمل شو نعمل
رغد: بشوفك رايحة للباحة
اسیل: بدي اتمشى شوي
رغد: على كلا الطلاب بحبوكي حتى طلاب الصف الخامس
اسیل حني عليهن بحبوكي
تركتها واطلعت للباحة اتنقل بنظري هون وهون لحتى شفتو
بكل حرفية عم يلعب كرة قدم واول ما شافني تركها
اسیل شو تمیم شاطر بلعب الكرة
:تميم كتير بحب كرة القدم
اسيل: طيب شو رايك نتمشى انا وياك
تمیم:اكيد انسة
اسيل ما كنت حابة اسالك بين الطلاب ليش عايش ببيت عمك
تميم بابا استشهد بالحرب وانا وحيد وماما اتزوجت وهاجرت
لعند جوزها
اسيل: ماعندك اخوة
تمیم امبلا من امي بس بعيدين
اسيل: وليش ما بتسافر
تمیم اهل بابا بیکرهوها وحرموها مني
اسيل بتحكي معها
تميم اي انسة بحكي معها بس مو على طول
اسیل: وليش مهمل دروسك
تميم مرت عمي بتقلعني بعد الغدا لانو عمي بكون بدو ينام
اسیل: انت وين ساكن تميم بالحارة
:تمیم: اى انسة في بناية على العظم نحن ساكنين مقابلها

- النص المستخرج من الصورة: 📝
UT
1.
(0)
م
٣:٢٦
تميم اي انسة في بناية على العظم نحن ساكنين مقابيلها
اسیل انا ساكنة بالشارع التاني
تميم انتي وحيدة متلي
اسيل والله متلك يا تميم انا بدي اعطيك كليوم درس
خصوصي
انا شايفة انك عم تهجي الحرف وكمان ضعيف
بالرياضيات وحابة تصير من المتفوقين
تميم بدك تعطيني دروس ببلاش
اسيل: اي ببلاش
تمبم فکرت لانو يا دوب يعطوني مصروف
اسيل : لا تشيل هم ابدا اليوم الساعة اربعة .
بين ابو عابد ورح اعطيك اول درس
تميم: شكرا انسة الك
اسيل: يعني حابب تصير متفوق
بتيجي بتسأل .
عن
تمیم: یاریت اصیر متفوق كل سنة بنجح شحط
اسیل هالسنة رح تتكرم كمان يلا روح كمل لعب
عند انتهاء الدوام كان تميم واقف قريب من المدرسة بالصدفة
عرف انو بتعطي بمدرسة الحارة ومبسوط كتير بدو يشوفها
راكب على الموتور وناطرها تطلع بالاول توافد طلاب غير
طبيعي وبعدها انتبه انها طالعة مع صبية وشب وعم يضحكوا
واول ما انتبهتلو طنشتوا
بقلبو لو كملت دراسة بس كرمالك واصير زميلك اديشها
مفرفحة وحليانة كتير حليانة اسيل معقول مو متأثرة متلي
على الفراق
ابتسم لانو اتزكر انو نسرين حردانة ودعت زملائها وكملت
شغل الموتور واتعمد يمر من جنبها مو مرة كل شوي واخر
شي وقف عند بيت اهلو ينطرها عم يتطلع وراه وشايفها كيف
ماشية ب ثقة مبتسم على امل تطلع فيه بشكل مباشر بس
ولا حتى قابضيتو من ارضو
وببيت اهل نسرین

- النص المستخرج من الصورة: 📝
UT
(0)
وببيت اهل نسرین
ابو نسرين شو نسرين اتجوزتي لتعيشي معنا
نسرین اشتقتلكن
ام نسرين ما مليتي مننا
نسرین: عم تقلعوني يعني
ابو نسرین : نحن مشانك وجوزك ليش ما اجى يوصلك كيف
بتيجي لحالك
نسرين فينا ما نحكي بشي بابا
ابو نسرین اتصلي فيه واعزميه
نسرين...
اتزكرت وقت كانت عم تضب تيابها
تميم لك وين
نسرین مابقی اتحملك
تمیم: شه شو عملت فيكي
نسرین انت مو شايف تصرفاتك ما بتنحمل بعدين كيف
بتسبني وبتسب بابا لك عم تغلط على ماما مو عيب عليك
:تميم مزح ولوو هلا امك هيك
نسرين عنجد مصدومة فيك
تميم:خليكي ولو
نسرين ليك تميم اذا ما بتصير بني ادم اوعك تحلم ارجعلك
تمیم شايفيتني مو بني ادم
نسرین انت مريض روح تعالج
:تميم بتعرفي دكتور شاطر
نسرين عم يتمالس حالتك خطيرة يا استاز
تميم: ملعون ابوكي شو انك نكدة وبتحبي لدراما
نسرين لك حاجتك مسبات بترضى حدا يسب ابوك
تمیم
اسبي
اشوف
نسرين مو معقول ياربي مو معقول
تمیم: سوقي على مهلك شفاتيرك منفوخين جديد.
تركها مصدومة فيه وراح شغل التلفزيون
تميمنيسو جهزي قهوة قبل تنقلعي

- النص المستخرج من الصورة: 📝
[0] (0)
UT
نفخت كل نفسها ومخنوقة منو كتير
انهارت من البكي بالواقع
ام نسرين: يوه شبكي بنتي
ابو نسرین انتو متخانقین
نسرين مريض نفسي كيف كانت متحمليتو هديك الهبلة ما
بعرف
طلع ابو نسرين من البيت
ام نسرين بيضربك يعني
نسرین یاریت ضرب تعنيف ومسبات واهانات كل طلباتو اوامر
انقلعي اختفي اخرسي
ام نسرين معقول تميم هيك
نسرين مصدومة فيه وانا فكرت اسيل انطلقت منو مشان
لولاد طلع لانو مريض نفسي
ام نسرين: خلص حبيبتي انتي عنا ومستحيل لسى نخلي
واحد متلو يهينك
#يتبع

الحلقة الحادي وثلاثون
بقلمي مايا الحجازي
بالمحل كان عم يتمايز الواجهة
تميم:مريم تعالي
اجت دغري لعندو
تميم:صوريلي كل الموديلات الجديدة لنعرضها على صفحة الفيس بوك
مريم: حاضر سيد تميم
وقت شاف ابو نسرين ابتسم بسخرية
تميم:وهي تاني ابو زوجة رح يكرهني
ابو نسرين:كيفك تميم
تميم:اهلا بالعم اتفضل
فات وراه وبدو يضحك بس كاتم الضحكة
قعدو قبال بعض
تميم:شو كيفها نسرين
ابو نسرين:منيحة شو صاير بينك وبينها
تميم:شكت مني يعني
ابو نسرين:صرلها كم يوم وانت ما طليت اكيد في شي
تميم:حتى انا استغربت وقت شفتها تاخد تياب وما اتوقعت حردانة كانت امورنا كتير منيحة بالعلامة جهزتلي القهوة قبل تروح ووصيتها تسوق على مهلها بخاف عليها كتير
بقلبو:ليتفجر السيلكون بشفافهاوووو
ابو نسرين:معقول
تميم:الصراحة يمكن هي مدللة زيادة وانا هيك طبيعتي وانت اكيد بتعرف اي رجال بحب الاهتمام نسرين اخد وقتها الشد والشفط والنحت ومن المرة مطنشة وجودي
ابو نسرين:ايمتى بدك تزورنا
تميم:مابحب لزيارات الرسمية نهائيا ازا حابب كتير اعزمني ع القهوة ما بقول لا
ابو نسرين: ومشان نسرين
تميم:بترجع بسيارتها انا حالف يمين ما اركب بجنب مراة
كتم ضحكتوا شاف صدمة ابو نسرين
ابو نسرين: متل مابدك
تميم:خليك ما اشربت القهوة
ابو نسرين: دايمة
راقبو لحتى طلع جابت مريم القهوة
مريم:راح
تميم:ادلقي وراه كاسة مي بلكي بيرجع😂
حطي من ايدك يلا على شغلك
كانت مبتسمة لضحكتو وانسحرت فيه
تميم:والله بخاف اضغط على شي منطقة وتتفجر بوشي😂
اتزكر كيف بتحب المظاهر وقت اتصلت رفيقتها
نسرين:لا انا وتميم منحب اجواء البيت كتير لا هو مابدو ارجع لدوامي بغار كتير عليي....يا عمري انتي ....اي ولايهمك يا عمري دخيل قلبك
اي ماشي الله معك
وبعد ما سكرت
نسرين: اديشك مقرفة وحشرية
تميم:شو فصل الخط
نسرين: تميم مطول وانت بصفحة الفيس بوك
تميم:باب رزقي
نسرين:الشغل اخد وقتك
تميم:يلا تعي على الغرفة
نسرين:لا لا دخيلك نام هون انا مكسرة منك
تميم:شبني والله احن واحد بالكون
نسرين:كتير حنون الصراحة
جابتلو مخدتو وحرام وفاتت للغرفة
تميم:حرام عليك تميم المخلوقة كرهتك😂وكرهت شي اسمو زواج
........
نطرت تميم كتير بس ما اجى جليت الجلي ورتبت المطبخ ورحت لاشاركهن القعدة

عابد:مين ناطرة اسيل
اسيل:ع اساس يجي طالب بدي اعطيه دروس خصوصي
بابا:شو بدك بوجع الراس
ماما:بتتسلى
بابا:اسيل في شب بدو يتقدمتلك
اسيل:مين
بابا:فريد ابن شريكي
وفرطت ضحك بتزكرو نص اجدب
اسيل:بتمزح مو
بابا: ليش
اسيل:اجدب هاد
بابا:بيجدب بلد
ماما:لايمتى يعني الي ما بيتسمى اتجوز ولا عبالو
اسيل:ع اساس انا كنت ناطرة يرجعلي الي فات مات وانا مبسوطة لحالي
عابد:خلص بابا لا تضغط عليها
رهف:معها حق فريد اجدب
بابا:شو جدبو بكرة بتجيب كم ولد وبتنسى الدنيا كلها
اسيل:😂كم ولد بابا بيطلعو جدبان لابوهن
عابد:😂تخيلي اسيل
رهف:😂وبعيد الكلمة مرتين
عابد:اس اسيل اس اسيل
فرطنا ضحك وحتى ماما ضحكت بس بابا ما عجبو
بابا:شفنا وقت اتجوزتي حربوق شو عمل
اسيل:بس بس مو مو اجد اجدب😂
ماما:😂ولي على عيونكن وين سامعينو
عابد:بال بال بالصدفة
رهف:وانتي اسيل
اسيل:مرة اجى لعند بابا وعلى اد ما عاد الكلمة اختنقت بتتزكر بابا وقت قلتلو اي خلصني اختصر😂
انفجرو كلهن بالضحك حتى بابا
بابا:خلص وليه حاجتك مسخرة
اسيل:وا وا عيني
عابد:حا حا حاكيني
تركنا بابا نتمسخر وراح ل غرفتو
عابد:شو شو رأيكن ن نروح لل للمحل
ماما:😂 حرام تتنمرو بكون متعرض لحادث
رهف:او عاض لسانو بالغلط
عابد:جهزن حالكن منزل تشكيلة جديدة وعلى حسابي كل وحدة كم قطعة
انبسطت كتير ورحت للغرفة اللبست بنطلون اسود وقميص سماوي سبقت رهف وقعدت مع ماما
اسيل:شو خطرلو عابد
ماما:الله يرزقو اي اسيل يعني مابدك
اسيل:انتو متدايقين مني
ماما:لا ابدا بس نحن مشانك
اسيل: يعني مافي غير هالشقفة ابتلى فيه
ماما:فكري منيح انتي مطلقة ومو مين ما كان رح يدق بابك
اسيل: شكراً ماما
ماما:لا تزعلي مني بس مين ما سأل عن عروس ويحكو مطلقة كلها بتغير رأيها
اسيل: اتطلقت لانو مسكوني مع رجال غير جوزي ولا لانو كنت قليلة ترباية انت جاوبي
ماما:الناس ما بتعرف الصح
اسيل:بكيفهن لا يعرفوا وازا متدايقين مني احكولي مابقى اشاركن شي
ماما:لايمتى يا اسيل
اسيل:انا مبسوطة كتير
ماما:...
طلعت رهف جاهزة وانزلنا سوى اطلعت معهن بالسيارة انا ولولاد وراهن
رهف:الاغنية على زوقي
عابد:بامرك يا روحي
رهف:وبدنا نفتل بالسوق
عابد: متل مابدك
طول الطريق اما يمسك أيدها او يتناقرو ويضحكو وانا قلبي عم يغص عابد كتير بحبها وهي بتنحب وصلنا للسوق وانزلنا مسكت ايد نوار ورواد فات ركض للمحل وعابد ماسك ايد رهف ومبسوطين والا اتأمل واجهة محل تميم كانت الواجهة كلو لبس عرايسي من كل الالوان وموديلات لدرجة بتجنن فتنا واستقبلو حكمت وهو ورهف فاتو يتفتلو على كيفهن وانا ضليت مهتمة ب نوار

حكمت: كيفك انسة اسيل
اسيل:منيحة
حكمت:اتفضلي ليش واقفة
زورتو ما عجبني اهتماموا ابدا ورحت للإتفرج على الموديلات لجديدة طبعا عابد شايف مرتو ومو شايف حدا غيرها ضليت قريبة من الواجهة واتأمل محل تميم كيف مرتب وبجنن .
......
بالسوق اشترينا بوظة واشربنا كوكتيل طبعا متل الجدبة بيناتهن ضحك وهمس لعمى ولا براعوا شعور حدا
بقلبي:شو انسيتي هيك تميم كان يعاملك وكنانة كانت تغار وتجن غيرة مننا ومعها حق وبالاخص انو حاسة عم يجاكرو فيني لو مو قاصدين وكان مميز رهف عني مع اني اختو بس اشترت تياب اكتر ما سدءت يخلصوا عصافير الحب مشوارهن
عابد:اسيل اسبقينا انتي ولولاد للسيارة
اسيل:ماشي اخي
اعطاني مفتاح السيارة وسبقتهن قعدت افكر بموضوع العريس
اسيل: شو فيها بتزوج وبرتاح ليكو تميم متزوج ومبسوط ومن كل عقلو اجى يفتل قدام المدرسة كأنو رح اوافق على الزواج ومنو بخلص من الوحدة وهاد فريد رح احكيلو روح روح تعال تعال
رجعت رهف ومعها كيس هدايا
اسيل:شو هدية
رهف:اي شوفي ما احلاهن بدي ازين غرفة نومنا
كانو اكتر من وحدة بيضوو وبيطالعو ميوزك
اسيل:شو حلوين
رهف:وهاد اسمي واسم عابد
اسيل:مبروكين
رهف:بدي تساعديني بالتزيين
اسيل:ولايهمك
رجعنا للبيت حاولت اتجاهل الغيرة اي غيرانة ومكترة والله الهدايا بتجنن انا كمان بحب حدا يدللني ساعدتها بالتزيين واغاني وائل جسار كتير حلوة وفرشت مفرش للتخت جديد وخزانتها متروسة تياب شي بطير العقل وما سدءت تخلص وارجع لغرفتي وارتاح ..
الحلقة الثانية وثلاثون.
بقلمي: مايا الحجازي
وعند نسرين ابوها اصر يرجعها لبيت جوزها وشبه غصب مابدو ابو عابد يسمع ويشمت فيه رجعت للبيت وكان تميم عم يتعشى معكرونة لحالو
تميم:اجيتي
نسرين:شو مافي اهلا وسهلا
تميم:اتفضلي
نسرين:شو عامل عشى لحالك
تميم:بس طيبين منيح اجيتي الي كم يوم تعبان بدونك
نسرين:انا كتير تعبانة وبدي انام
تميم:شيلي الاكل
نسرين:اوووف كلك طلبات هاتي جيبي خدي لسى ما ريحت
تميم:جاية ركض يعني😂 لا تطولي😉
طبعا ما ردت عليه لبست بيجامة وقررت تنام بالصالون وهو بالغرفة ناطرها ومسدء حالو
........
بالمدرسة كان تميم عم يشتري من البوفيه استنيتو لحتى خلص
اسيل:خلصت
تميم:اي انسة هي مني الك
اسيل:ما باخدها لاني زعلانة منك
تميم:ليش انسة
اسيل:نطرتك كتير
تميم:عمي ما خلاني قال هو ما بيعرفكن وخاف عليي
اسيل: ما سأل عننا
تميم:لا وحكالي ممنوع تروح لبيت حدا ما منعرفو
اسيل:الحق معو والله مع انو حابة اعطيك دروس
تميم:ليش بس انا لاني يتيم
اسيل:مارح تعرف ليش بس انت طالب مميز عندي
تميم:معقول انسة
اسيل: اي معقول انا ازا اقدرت بحكي مع عمك
تميم: ياريت يا انسة كل رفقاتي غارو مني لانك بتحبيني
اسيل:بتنحب لأنك خلص رح احكي مع عمك جيبلي رقم موبايلو
بعد ما انتهى الدوام ارجعت تمشاية واتفاجئت حكمت واقف قريب من البيت وقبل يقرب ليحكي فتت دغري للبناية انا بفرجيه عند عابد
على الغدا اجى عابد وما نطرت دغري حاكيتو
اسيل: اليوم حكمت كان ناطرني بنهاية الدوام قريب من البيت
عابد: هو فاتحني بالموضوع بس ما اهتميت لانو بعرفك مابدك
رهف:اي كبير بالعمر
عابد:وعندو ولاد وانا ما بقبل
اسيل:حاكيه لا بقى يطلع بوشي مو متحملة حالي
عابد:لو بعرف بدو يتصرف من حالو كنت منعتو
ماما: اديش عمرو يعني
عابد:اربعين سنة
بابا:وليش بدو يتجوز ازا عندو ولاد
رهف:بلكي يجدد
دغري اشبعت
ماما:حكي بحكي ليش كتير متحسسة
عابد:انا اليوم بحاكيه خلص
اسيل:...
ماما:ازا الرجال منيح ليش لا
اسيل: متجوز ماما بدك انزل على ضرة لتخلصي مني
ماما:لو ما قادر يتجوز ويامنلك بيت واستقلالية ما بيحطك ببالو
اسيل:انتي شو عم تحكي ماما بتقبلي يعني
ماما:اي شوفيها يعني لايمتى
بابا:خلص اتركيها براحتها
ماما: ازا هلا دق بابك فريد وحكمت بعد فترة رح يدق بابك ختيار وبدو تبلشي فيه
عابد:خلص ماما
ماما:لا ما خلص ليش رافضة الزواج
اسيل:لانو انا ما طلبت الطلاق من كيفي
بابا:اخلصنا منو على اهون سبب
رهف:اسيل كملي الغدا
اسيل: اشبعت والله.... عابد حاكيه اليوم
عابد:ولايهمك خلص
بدقة الباب رحت افتح كان تميم ومعو عمو
اسيل:اهلا وسهلا
ابو صلاح:انتي الانسة اسيل
اسيل:اوصلت كيفك تميم
تميم:الحمد الله
ابو صلاح:بس يخلص الدرس بيرجع لحالو
اسيل:اتفضل
ابو صلاح:شكرا
كنت مبسوطة كتير وانسيت ليش انزعجت
قعدت انا وياه بالصالون
اسيل: اتغديت
.تميم:اي اتغديت
اسيل:بس اكلنا طيب
تميم:حلو بيتكن كتيير
اسيل:انت الحلو هات لكتاب لشوف
تميم:...
كان عابد واقف ومبتسم
عابد:بمصاري ولا
اسيل:تطوع😂
عابد:شو اسمك حبيبي
تميم:اسمي تميم
عابد:اهااا تشرفنا يا تميم تابعي الدرس يا اسيل

كتمت ضحكتي ولي اديشو حربوق.
وكل شوي واحد يجي يطل علينا
رهف:شو بحب يشرب الاستاز تميم
اسيل:😂حبيبي تميم شو بتحب تشرب
ؤهف:😂يخرب بيتك اي
تميم:لا تعزبو حاالكن اشربت شاي من شوي
اسيل:دخيلو القنوع😂 سامعة
رهف:شوفي رواد ونوار مبسوطين بالدرس
اسيل:روحي عطلتي الدرس علينا
رهف:ايه تتهني والله مايعرف اسمو عمي لتنامي مع لكلاب برى😂
اسيل؛😂خلص وليه خوفتيني
كنت مبسوطة كتير فيه وانزلت ودعتو تحت والا اتأمل بيت ابو سليم
واطلعت دغري لارتاح
.....
بعد محاولات كتيرة عزمهن بابا لعنا واصرو اشاركهن القعدة انا وعابد ورهف كاتمين الضحكة كان خجلان ويتصبب عرق وامو مبينة قوية وابوه مبسوط فينا كتير
يعني نص اجدب لوحدة مطلقة كتير منيح ويمكن ما حدا قبلان فيه شو هاللبس هاد
جاكيت رسمي اكبر من مقاسو كمان
بابا:شرفتوا والله
ابو فريد: تسلم يا ابو عابد
ام فريد:شو هالحلاوة يا اسيل انا والله مافيني اضل ساكتة
ابو فريد: حابين القرب منكن
ماما:والله ازا في نصيب اكيد رح نتناسب
همسلي عابد:مب مبروك
اسيل:😂 ح حاجتك ح حكي
رهف:هسس فضحتونا
عابد بهمس:اس اسيل انا بح بحبك
هربت دغري للمطبخ وفرطت من الضحك اجت رهف مبسوطة
رهف:😂عابد مكيف عليه
اسيل:ضبي جوزك وليه
رهف:جهزي القهوة يا عروس حطي ملح للعريس
اسيل:اوووف والله مابعرف وين اروح بحالي
رهف:اس اسيل..اسيل ح حاكيني
اسيل:ره رهف انقلعي
رهف:لا لا تطولي اس استعجلي
جهزت القهوة وضيفتهن ولساتنا كاتمين الضحكة نحن لتلات وماما تزور فينا وتتحلفتلنا بعيونها.
.........
وبعد يومين كان جاي يسهر تمشاية هو نسرين ولاحظ وجود اكتر من سيارة قدام البناية بس ما اهتم دقو الباب وفاتو طبعا نسرين متعمشقة فيه وهو ولا معبرها
ام سليم:نور البيت والله
نسرين:بوجودك مرت عمي
تميم:شو وين وسيم
ودغري طلع من غرفتو واتاملهن سوى
وسيم: الواحد وين ما بلف بشوف حيايا
نسرين:بالشتوية في حيايا
تميم:بتكون طالعة بالغلط 😂😉
ام سليم:اي طمني تميم كيف شغلك
تميم:بروفشينل
وسيم:يا دخيلو
واجى سليم وروان وكنانة وجوزها ليكمل الطقم وروان رمت وسيم نظرات تعجرف وهو تنهد ورفع عيونو للسقف
سليم:شو القصة في جمعة سيارات عند الجيران
روان: لروح طل من الشباك
وقت فتحت الشباك سمعوا صوت زغاريد وانتبهوا كلهن
ام سليم:معقول في عرس بالحارة
وسيم:شكلو خطبة شريك ابو عابد متقدم ل اسيل
تميم:بتحكي جد
كنانة: فريد😂
وسيم:اي اي فر فريد
غرقوا بالضحك وسيم وكنانة بس تميم وقف وطلع لبرى
بقلبو:معقول اسيل تتجوز واحد اجدب لا لا في غلط مو ببيت ابو عابد الصوت مستحيل
ترك السهرة وتوجه لبيت جلال الجو بارد بس مو هامو الا حدا يخفف عنو ويكزب الخبر اتصل فيه ونزل جلال والهوى عم يطير شعرهن
جلال:فوت يا زلمة
تميم:لا خلينا نسهر بالقهوة
جلال:تكه لكن
نطرو رجع جلال وطلعو بسيارتو
جلال:مابدك تشتري سيارة
تميم:اوووف جلال رح اموت قهر
جلال:ها ليش شوفي
تميم:في جمعة ناس ببيت ابو عابد و سيم حكى خطبة وما خطبة
جلال:قصدك
تميم:اي اي
جلال:يعني انت كنت متأمل ما ترتبط بحدا ليكك اتجوزت
تميم:بعرف... وبعرف انو انا وياها خلص انتهينا بس ما عم اقدر اتحمل ازا عنجد صحيح
فاتوا للقهوة وضل قاعد ومتكتف
جلال:يعني مابدها كل هالزعل
تميم:مو زعل قهر
جلال:اييي وبعدين ليكك مكمل وهي مكملة واسترو ما شفتو من بعض
تميم: انا بستاهل الي صار
جلال:لا تزعل مني حبل الكزب قصير والطريق السيدا غير الطريق الاعوج
تميم:هو انا خبيت عليها من كيفي حاولت بشو احلفلك مرة عزمتها بس مخصوص لاخبرها وكل ما ارتب الحكي انخرس حدا يربط لساني ما اقدر انطق
جلال:والله انا بفهمك يا تميم بس كمان لو حكيتو على بساط احمدي من الاول لا انت اتعلقت ولا هي اتعلقت وكان الخيار سهل عليك وعليها وانت تميم ما قصرت بأهلها
تميم:...
جلال:انت وقت ضربت ابوها كف ما كنت بتعرف انو خلص انتهى كلشي
تميم:ما اتحملت يحكيلي مفكر حالك رجال انهال عليي بالمسبات ضربني ببوكيه الورد بنص وشي وبدك ابوس ايدو
جلال:الصراحة انت وابوها ما قصرتو ببعض يلا ولوو ليكك متنعم مع مرتك
تميم:حسبي الله ونعم الوكيل فيك لك مو الحق عليك عليي لاني بلتجألك
جلال:😂بس خلصتني من نقار لولاد ونق المراة
تميم: ما بتستاهل بنوب
..........
الحلقة الثالثة وثلاثون
بقلمي مايا الحجازي
كنت خجلانة من كمية النسوان اتأملت المحبس بأيدي وغص قلبي بيوم من الايام كنت اتأمل متلو بس كان جنبي شب مهيوب وحلو كتير اتطلعت ب فريد كان خجلان ومنزل راسو
بقلبي:يا علقتك يا اسيل لو يطلع تمثيل انو اجدب
بعدها صار انسحابات وما بقي الا اهلي واهلو
ام فريد:بس بدك ترجع خبرنا
ودعونا وراحو وعابد كاتم ضحكتوا

عابد:يلا نحن رح نترككن
وغمزني وراح ورهف كمان لحقتو ضلينا لحالنا
فريد:مب مبروك
اسيل:الله يبارك فيك ...
فريد: أن انشالله عج عجبك ال المحبس
اسيل: كتير حلو
فريد:انتي انتي الحلوة
اخجلت كتير من كلامو وقلبي دق بقوة
اتزكرت خطبتي الاولى وكيف اول ما خليلنا الجو مسكلي ايدي وطبعلي بوسة على خدي
تميم: مبروك حبيبتي
اسيل:تميم شو هالحركات
تميم:يا روح تميم انتي بس طالعة بتجنني خفي عليي ما بتحمل للعرس
اسيل:هسس هلا حدا بيسمعك
تميم :ليش ابوكي مو عاجبو
اسيل:هو عصبي شوي
تميم:المهم حبيبتي رواق
اسيل:لا تخجلني تميم
تميم:تجيبلي كاسة مي منو بتأمل طولك
انتبهت وهو عم يصب كاسة مي
فريد:ت تشربي
اسيل:صحة
بقلبي:خلص يا اسيل لا بقى تقارني بينهن انتي صرتي مخطوبة وعلى زمة رجال تاني
فريد:ط طيبة القهوة الي الي بتعمليها
اسيل:ما بطول عليك
بالمطبخ بلشت اجهز القهوة وعابد ورهف اجو يضحكوا
عابد:شو بدو يعدل مزاجو
اسيل:ليش عم تضحكوا
رهف:خلص علبة المناديل😂كتير متوتر
اسيل:حاجتك ضحك وانت كمان
عابد:بس الجاكيت مطالعو هيبة شو هالكموني هاد
رهف:والكندرة كبيرة على رجلو😂
اسيل:خلص بقى ماما ماما
اجت دغري
اسيل:تعالي شوفي كنتك وابنك
ماما:خلص انت وياها عيب
عابد:دخيلو الكموني
رهف:بس شفت على شوي بدو يلحق امو
عابد:😂خد خدوني مع معكن
كملت مطنشة كلشي عم اسمعوا وانقهرت كتير
.....
ضيفتو بس ما اخدها
فريد:حط حطيها هون
حطيتها على الطاولة
فريد:...
اخدو وهو يرجف كنت مصدومة كتير بس شو اعمل من سمع ليس كمن رأى
اسيل:انت عطول بترجف
فريد:اي اي
اسيل:بتراجع دكتور
فريد:ما مافيني شي بس بس بتوتر
كل شوي اسمع صوت ضحكات عابد ورهف
فريد:انا انا بدي احدد ال العرس
اسيل:خليها للعطلة
فريد:ع ع الديق
اسيل:انا ما اتعرفت عليك منيح
فريد:ب بكرى معزومة عن عنا
اسيل:...
بقلبي: رح يعل قلبي واستناه ينطق
ما سدءت ايمتى خلص سهرتو اتصل خبر امو وكانو جاي ابوه ياخدو لتكمل معي وقت وصل ابوه اتصل فيه ونزل ورهف وعابد لو مسرحية ما عم يضحكوا هيك
اسيل:طولو بالكن
عابد:اسيل من حظك
اسيل: حرام عليكن تتمسخرو
رهف:😂وصارت تدافعلو مبارح كنتي تضحكي عليه
اسيل:اي بس مافكرت عندو توتر هيك
عابد:😂بتلبك
اسيل:هالمرة صارت تاني مرة بتضحكوا عليه لا تلومو الا حالكن
فتت للغرفة تعبانة ومتدايقة كتير
......
تاني يوم جهزت حالي للعزيمة بس عابد ورهف ما ضحكوا كأنو ماما بهدلتهن كنت ناطرة وطول وانا كل شوي اتطلع من البلكون
عابد:ما بضيع لا تخافي
ماما:خلص بقى زوء على دمك
عابد:اسيل امسكي ايدو وقت تقطيع الطريق
رهف:بلكي اجى مع ابوه
اسيل:ليكي ماما ازا بضلو يتمسخرو ولا قوة بالارض بتخليني معو
عابد:انتي الخسرانة
بلعت ضحكتي جننوني من الاخر
لمحتو جاي مشي
اسيل: واخيرا وصل
رهف:متل ما وصاكي عابد
طنشتهن وانزلت لعندو كان مبين المشوار طويل عليه
سلمت عليه تحت البناية
اسيل:تفوت تستريح
فريد:لا لا مما ا اتعبت
والاحسن نمشي من جنب بيت ابو سليم وكانو اللمة عندهن قاعدين يتشمسوا اتجاهلتهن
فريد:طا طالعة حلوة ححح حلوة.
اسيل:تسلم طولت
فريد:مس مسافة ال الطريق
اسيل:...
وقت شفت تميم واقف درت وشي لجنب التاني ومتأكدة وقف متعمد اشوفوا
..........
وسيم:😂 ما احلاهن سوى
كنانة:😂 شكلو رح نضحك كتير ماما بدي اخد غرفة عندكن
سليم:حرام عليكن
وسيم:ا اسي اسيل اا نت نتي حلوة حح حلوة
روان:يا الله شو مفكر حالك لتتمسخر عليه😂 على الاقل هو بدو يتجوز مو من جيل جدي ومعنس
سليم:😂رد يلا
وسيم:انتي ما دخلك ازا انا معنس انت حسن صبي😂
كنانة:طولي شعرك
روان:جكارة فيك بكرى موعدي عند لكوافيرة وبدي اقصهن
وسيم:اي اي ح حلوة ...ت ت تميم وين نس نس نسرين😂
كنانة😂رد رد
تميم: امي شو هالخلفة بربك
ام سليم:شو عرفني انا ابني سليم
سليم:😂انتو ولاد البطة السودة
وسيم:مح محلوة ا اا اسيل
تميم:يا الله على شي كف على بوزك
كنانة:😂😂شو تميم لا تحسدهن
تميم:الله لا يوفق ابوها
كنانة:يمكن حب من زمان
وسيم:الحقهن بعلبة محارم هلا بكون بيتصبب عرق😂
كان بدو يهجم عليه بس دغري هرب والكل عم يضحك الا تميم مقهور ركب على الموتور وطلع بأقصى سرعة من البيت
بقلبو:اخرتك لهاد احرقك ابو عابد ولا شو اعمل فيك اكيد اسيل مجبورة عليه ليش ما عم تعبرني ليش
........
وصلنا وكان الاستقبال حافل ابوه وامو وعماتو وفي كم صبية صغار وبلشت اتأقلم عليهن بس كتير حابيني بعد الغدا اطلعنا نتمشى بالحارة
فريد:هاد هاد بيتنا انا أنا وياكي
اسيل:مبين حلو
فريد:ك كتير ح حلوو بس بس ما فرشتوا ل لسى زر زرعت فيه ككلشي وورد
اسيل:اي انا بحب الورد كتير
فريد:ان انتي اا نسة مد مدرسة

اسيل:اي وانت شو دارس
فريد:ب بساعد ب بابا بابا بمكتبو
اسيل:كتير منيح
بقلبي:يعني مصروفوا من اهلو كمان وازا بابنا على بابهن رح نعيش يا عندهن يا عنا
معقول اسيل
اسيل:مبين عليه قلبو طيب ومسكين كتير
ولا هداك المشكلجي وقف يفرجيني حالو بس غريب وين مرتو
وصلوني بيت عمي أمو وابوه وهو
ام فريد:شو يا اسيل مبسوطة
اسيل:اي
ام فريد:رح تختاري انتي عفش لبيت
اسيل:ان شاء الله
فريد:وو انتي انتي رح رح تختاري غغ رفة النوم
ابو فريد:نحن حابين نستعجل بالعرس شو رايك
اسيل:خليها للعطلة
ابو فريد:لا كتير للعطلة والله ما سدءنا يخطب ونفرح فيه
ام فريد:اي ورح نعمل العرس ع الديق شو رأيك
اسيل:متل مابدكن
ام فريد:ازا هيك اتفقنا نحن اجينا بدنا نعطيكن حق ملبوس بدن
وصلوني ونزلو يسهرو عنا فتت للغرفة ارتاح غمضت ب تعب
........
وكأن اقداري واقدارك لم يحن وقت التقاءها
الآن وانا بمرحلة اللا وعي احبك 🌹
وبمرحلة الوعي لا اريد سوى حبك❤️
........الحلقة الرابعة وثلاثون
كان عم يتفرج على مراسم الزفاف اليوم حس باحساس اسيل وقت كانت واقفة على البلكون
تميم:انتي هيك حسيتي اسيل قلبي رح يطلع من صدري دقاتو ما بتنحمل انتي شو عملتي فيني اسيل وكيف بتخلي واحد متلي يصير متيم فيكي هيمان عشقان لحد الجنون طلع موكب الزفة كان وسيم مبتسم بسخرية وكنانة ناتعة بطنها وعم تنقرش مكسرات وتتفرج على السيارات وضجيج الزفاف
روان قاعدة ومو عاجبها ابدا وام سليم عم تلاعب رنيم وسليم مشغول على موبايلو
غمض بقهر وكالعادة بتصرفات شبه جنونية راح لبيت ابو نسرين دقات كتير على الباب فتحتلو مرت عمو
ام نسرين:اهلين تميم
تميم:وين نسرين
ام نسرين:طلعت مع رفيقتها
تميم:..
نزل مو عاجبو ابدا اتصل فيها
تميم:وينك انتي
نسرين: بعيادة التجميل
تميم: ضل شي ما اتعدل
نسرين: معصب انت
تميم:خلال ساعة بتكوني مزروعة بالبيت بدنا نفتح صفحة جديدة
نسرين:متل مابدك
رجع للبيت ومقهور يتمشى رايح جاي وما عم يتخيل اسيل مع واحد غيرو
تميم: لك انت السبب انت وبس
كان لازم اتنازلت من الاول
اليوم كان صعب كتير عليي اسيل حرام عليكي ضيعتيني اليوم لك مين هالاجدب الي اتجوزتيه وكيف رح تستمري مع واحد بخاف من خيالو
نفسو صعب كتير اول ما فاتت نسرين مسكها منن أيدها واخدها للغرفة
نسرين:لك شبك يا ابن حلال
تميم:لازم يتغير كلشي لازم
نسرين: طيب اهدا والله بتخوفني منك
تميم:بتحبيني انتي
نسرين:بحبك بس بخاف من ردات فعلك
تميم:لازم تخليني احبك غصب عني عم تفهمي
كان انسان تاني عم يقنعها تخليه يحبها بس ما بيعرف انو اسير جوات حبيبتو اسيل.
.........
اول ما تسكر باب البيت حسيت بخوف ووحدة مشاعري مخربطة بس فريد ما بيخوف ابدا
فريد:فوت فوتي ل ل غرفتنا ا اسيل
سايرتوا قعدت على طرف التخت وقبل يتجمعوا لدموع بعيوني اتماسكت اخدت نفس
اسيل:خلص اسيل اليوم لازم تدفني الماضي وتلتفتي للمستقبل انتي كنتي ضحية ل شاب مخادع واب بيحب التحدي
واليوم رح تتغيري لازم تبلشي حياة جديدة
اول ما انفتح الباب اتلبكت شلح الجاكيت وعلقها و قعد جنبي
فريد:مب مبسوطة
اسيل:بس كتير متوترة
فريد:لل لا لل لشو ت توتري لا لا تتوتري انا وانا ما رح ادايقك
اول ما باسني على خدي مابقى هديو دقات قلبي والظاهر فريد عندو مشاكل نفسية مو عضوية لانو تم كلشي وبكل رواق
......
بعد ساعة كانو عم يتعشوا العرسان وطريقة اكل فريد ضحكتها ل اسيل لانو من رجفة أيديه عبى حالو
اسيل:ههه القمك يعني
فريد:... لا لا م متعوودد
اسيل:فريد ليش بتأتأ انت
فريد:ق قصة صا صارت مع معي
اسيل:طيب لا تتوتر من سؤالي تشرب قهوة
فريد:ب بشرب
شالت هي الاكل وجهزت القهوة كانت لابسة قميص نوم ابيض عرايسي وطالعة بتجنن
.......
حسيت رح اندمج بطريقة كلامو بس فريد هادي كتير وفهمان مو متل ما فكرتو اجدب
كان عم يحاول يهدي رجفتوو
اسيل:فريد بتحبني
فريد:ك كتير
اسيل:انا حابة اساعدك
فريد:لا لا ما ما بدي مس مساعدة انا انا ان انضربت على راس راسي وهيك هيك صار صار فيني
حطيت ايدي على خدي لتكمل معي هو مضروب على راسو انا الله بلاني بالمضروبين
اتأملت ملامحو اي كان في حب شباب على جبينو بس ملامحو كتير حلوة ورموشو طوال وشعرو حالقو على مستوى واحد والظاهر رح يكون انسان مختلف مو متل ما حكمت عليه من بعيد
......
ووبيت تميم كان الدخان معبي المكان ونفسو طالع نازل ولدموع متجمعين بعيونو
تميم: مستحيل اسيل اتجوزت يا كنت اتخيل يا احلم يا ترى كيف رح تعيش مع واحد اجدب وكيف اهلها بوافقوا هي بدها رجال يحميها يسندها مو هاد واسيل وافقت بكامل قواها العقيلة وهي هلا نايمة معو من كل عقلها
دفش الطاولة برجلو وقع كلشي عليها وانكسرو وما كفاه بلش بتكسير الصالون نسرين متخبية وخايفة منو واخر شي طلعت لتشوفو مرتمي بنص الصالون وعم يرتاح من الي عملو

نسرين: تميم...تميم شبك
كان نفسو صعب ودغري مسكت الموبايل واتصلت ب وسيم خمس دقايق وفات ركض وسيم ومعو دكتور فحصو واعطاه دوا ومهدئات لينام من تعبو وقلة حيلتو
......
وبعد مرور شهر على زواجنا كانت تصيبني اعراض غريبة دوخة لعية نفس وما كنت قبلانة اشم اي ريحة بالبيت اندق الباب ورحت افتح كانت ماما ورهف ولولاد ابتسمتلهن
ماما:هاتي بوسة وليه اشتقنالك
رهف:دخيلو لمفرفح
اسيل: اهلا وسهلا اتفضلن
قعدنا بالصالون
ماما: ليش ما بتزورينا
اسيل:برجع من دوامي لبيت حماي واليوم لانو سبت فريد راح لمكتب ابوه وانا مابعرف تعبانة كتير ماما
ماما:سلامتك حبيبتي
رهف:من شو تعبانة
اسيل:اول ما اصحيت واوقفت حسيت بدوخة

- النص المستخرج من الصورة: 📝
اسات
A 25
B
اسیل اول ما اصحیت واوقفت حسيت بدوخة ومابعرف
نفسي عم تلعي كثير
ماما: اسيل ليكون حامل
اسیل : لا مستحيل ماما
رهف: مافي شي مستحيل الا ليكون فريد
اسيل: عيب عليكي وليه
ماما انا رح اعرف هلا
اسيل وين رايحة ماما
تركتنا وطلعت وخفقات قلبي ما عم يهدو
رهف: كانك مصدومة
اسيل مستحيل لا شو حمل ماما مخربطة
رهف و
اسيل....
رجعت وشوي اجت حماتي ومعها كاشف حمل
ماما : يلا اسيل خدي التيست
وبعد
ما
كنت محرجة كثير منهن بس عندي فضول اعرف .
خلصت اطلعت وفرجيتو لامي ومرت عمي وبلشن زغاريد
كنت شبه مصدومة وحماتي صارت تبكي من فرحتها ورهف
غمرتني بس
انا ما كنت الا متفاجئة
وبعد ما خبرن كل العيلة اجو كلهن التمو عنا
بابا الف مبروك يا بنتي
ابو فريد: الحمد الله والله فرحتي لا توصف
عابد : مبروك اسولة بدك ت تصير ماما
كنت مخنوقة لانو بزماني اتأملت كتير والي كان مأملني كان
متطمن كتير
اتغدو عنا والا يجيب عمي حلويات ويوزع على الحارة كلها
وبعد
ما هدي
الجو ضليت انا وفريد وما خلاني ادقر شي
فريد: خ خليهن.... انا انا الصبح ب بجيب مين ير يرتبو
رحنا للغرفة اتمددت ب تعب كأني بحلم مو بعلم اتمددت
بجنب فريد واتطلعت فيه