سلمى: بتتنهد امين يارب
مجد: براقب حركاتها بخفة وعم يتألم ويكابر على وجعه كرمال مايخوفها بغمض عيونه من وجع أيده ورأسه
سلمى: بتطلع فيه وبتحس انو موجوع بتوقف مجد تسطح وارتاح هيك ما بصير
مجد: أنا مرتاح هيك
سلمى: حاج تكابر على وجعك يلا تسطح استنى لزبطلك لمخدة بتقرب منه وبتمسك امخدة من ورا رأسه وعم تنزلها لتريحه
مجد: بيتطلع فيها وبأهتمامها وبحس قلبه مو واسعه من الفرحة
سلمى: بتمسك كتافه بخفة وبتساعده ليتسطح وبتطلع بعيونه بخفة وبتبتسم هيك احسن
مجد: بهز براسه احسن
سلمى: أنا رح امشي هلق بدك شي
مجد: بيمسك أيدها بخفة سلمى
سلمى: بتطلع بايده وبتوجه نظرها لعيونه همم
مجد: بيتنهد بخفة بدي قلك شي
سلمى: بتحرك برأسها وعيونها بمعنى الاستفهام شو
مجد: أنا
بينفتح الباب وبيدخل اخو مجد أمجد
سلمى: بتترك ايد مجد وبتلتفت لورا بخجل
مجد: بيتطلع لورا سلمى
امجد: اخي الحمدلله على سلامتك وبقرب من مجد وبيحضنه خوفتني عليك ابو الجود
مجد: بيبتسم يخليلي ياك يارب
امجد: بيتطلع على سلمى كيفك سلمى
سلمى: بتبتسم الحمدلله بالف خير أنا رح روح بدكن شي
مجد: بيبتسم سلامتك خلي حدا يوصلك
سلمى: تمام وبتطلع
امجد: كيف هيك صار مجد
مجد: بيتنهد والله من ضيق الدنيا ماانتبهت على السيارات ياخيي
امجد: لك اخي اذا محتاج شي ما تجي لعندي وتخبرني من ايمتى اخي يحتاج شي ومابلبيه أنا اه
مجد: مو هيك ياأخي بس انت كمان الله يعينك عندك عيلتك وولادك ونجي نحن عليك هيك مابصير
امجد: بصير اخي بصير انتو اهلي وانا كل شهر بجي وبعطي امي لزومات البيت يعني البيت مو ناقص من شي الحمدلله ليه عم تشتغل شغلتين انت
مجد: كنت اخي كنت اشتغل شغلتين هلق ماضل غير البقالية
امجد: ليه تركت المطعم!
مجد: بيضحك بخفة لا بس قلعني صاحب المطعم ومارضي حتى يعطيني راتبي مع انو بيطلعلي عنده معاش كامل لاني ما تغيبت ولايوم بس ابن حلال مصفى ماعطاني شي وانا مارضيت اعمل مشكلة وكنت مالي خلق تركت وطلعت وصار يلي صار
امجد: لان على كيفه إذا ما بجلك حقك منه من عيونه ما بكون امجد هلق انت بس المهم صحتك وعافيتك قوم بالسلامة وبتشوف اخوك شو رح يعمل بهالنس
مجد: بيبتسم الله يخليلي ياك
امجد: اخي انا عيوني فداكن من هلق ماعاد في شغلتين بتشتغل شغلة وحدة بس وانا رح اتكفل بالباقي الحمدلله الله عم يفرجها علي ويعطيني وانا مارح قصر معكن باذن الله
مجد: بيبتسم الله يخليلنا ياك يارب
امجد: بيحضنه وببوس جبينه ويخليلي ياك
بندق الباب وبيدخل ايمن
ايمن: بيبتسم ابو المجود وبيركد وبيغمره لك خوفتني عليك يازلمة الحمدلله على سلامتك
مجد: بيضحك الله يسلمك
ايمن: اي ليكك متل الحصان مافيك شي والله فكرتها شغلة كبيرة
مجد: اي الحمدلله طرقني عين
امجد: بيضحك عليهن الله عليك ياايمن
ايمن: امجد الغالي لاتواخذني التهيت بهالدب كيفك
امجد: الحمدلله بدعي بسلامتك
ايمن: الله يسلمك يارب
مجد: وين خالد وسلمى ايمن
ايمن: والله وصلت العيلة على البيت رجعت لقيت خالد وسلمى عم ينتظروني اخد خالد السيارة مني وراح يوصل سلمى ويرجع ايه شغالين شوفيرية كرمال عيونك استاذ مجد
مجد: بيضحك الله يقويكن يارب
بيندق الباب وبيدخل زلمة مبين عليه العز
مجد: بيتطلع فيه وبيبتسم
الرجال: الحمدلله على سلامتك ولاتواخذني كمان مرة أنا دفعت مصاريف علاجك كاملة لاقدر عبرلك عن اعتذاري
مجد: مابدي شي الله يسامحك بعدين الغلط غلطي صدقني
الرجال: ولو كان أنا كمان كنت عم بحكي على التلفون وشردت و بطلع من جيبته كرت وبمدله ياه هي كرتي بس تحتاج شي بس رن علي وانا بالخدمة والحمدلله على سلامتك كمان مرة بالاذن وبيمشي
مجد: بيتطلع بالكرت بكون مكتوب عليه رجل الأعمال محمد عبد الرحمن
بيمرق اليوم وتاني يوم الصبح بخرجو مجد من المستشفى بكون عم يعرج من رجله بخفة وأيده ملفوفة ومعلقة بمشد برقبته وسانده خالد من جهة وأمجد من جهة تانية وأيمن بالسيارة الشوفير بتعرفو😂 وأمه وابوه معه بيمشو على الحارة وبوصلو على البناية
بكونو واقفين كلهن بانتظار مجد هناء وأبو ملهم وملهم وفاطمة وعيلتها وسلمى
بتوصل السيارة وبينزلو كلهن من السيارة
هناء: بتبتسم وبتمسك صحن الرز وبترش على مجد أوها ببيتنا رمانة أوها حامضة ولفانة اوها حلفنا مانقطفها أوها ليطلع مجد بالسلامة وللللليششششش
مجد: بيضحك الله يسلمك ياخالتي
ابو ملهم: ببوس مجد الحمدلله على سلامتك ابني
وبقرب ابو فاطمة وأمه بهنو مجد بسلامته
ملهم: بيحضن مجد من خصره الحمدلله على سلامتك ياشريكيي
مجد: بيبتسم الله يسلمك احلى شريك
فاطمة: بتطلع بمجد وبتبتسم الحمدلله على سلامتك مجد ماتشوف شر
مجد: الله يسلمك ياطمطم

سلمى: بتبتسم الحمدلله انك رجعتلنا سالم ماتشوف شر يارب
مجد: بيتطلع فيها وبتبرق عيونه بحب الله يسلمك يارب
خالد: اي بدنا نضل واقفين هيك لسا الحمدلله على السلامة اي نشف قلبنا على القليلة كاسة عصير حلوان الطلعة
هناء: لك مو على عيني تفضلو كلكن لعندي تفضلو
ناهد: اختي منطلع على بيتنا
هناء: لا والله شو بيتنا وشو بيتكن واحد اختي تفضلو ياجماعة تفضلو
بيدخلو كلهن على بيت هناء وبيعدو كلهن وبينعجقو وببلش صواتهن تصدا بالبيت كل واحد عم يحكي مع التاني من جهة
خالد: بكون اعد ولابس جاكيت جلد اسود وبنطلون وبلوزة سود ورافع شعره بطريقة مميزة وملفتة وعم يحكي مع امجد ويضحك من قلبه
فاطمة: بتطلع بطرف عينها عليه وبتراقب تفاصيله بدقة بنظراتها الحادة وبتسرح بدون ما تنتبه وهي عم تراقبه وبتبلش تبتبسم على ضحكته بخفة
ايمن: بيتطلع على فاطمة وبيكتم بسمته بينكش خالد وبقرب منه
خالد: بيتطلع فيه وبيهمسله هش يابغل خاصرتي وجعتني ليه عم تنكشني
ايمن: في ناس عيونهن عليك ها
خالد: مين ولاه
ايمن: ام الزورة الدباحة
خالد: بيبتسم وبركز أعدته وبيتطلع على فاطمة وبيبتسم
فاطمة: بتلاحظ عليه انو تطلع فيها بتبعد عيونها عنه بارتباك وبتقوم هي وسلمى لجوا
ايمن: شفت كيف تلبكت شكله وقع ولا الهوا رماه
خالد: اصحى على حالك مافي شي من هاد مو شايفها كيف بتتزورنا
ايمن : لك بدك فت خبز كتير عملك حركة لفتة خليها توقع بالشبكة
خالد: اي شو هي سمكة لتوقع
ايمن: لك اخخخ خلص تركها على اخوك رح اكشفلك ياها معجبة فيك للعظم هالبنت وبكرا بتشوف
مجد: بيتطلع فيهن وبقرب منهن بخفة شو عم تحكو انتو لتنين
ايمن: عم نحكي عليك كهكهكهكه
مجد: حدا قلك قبلي انك زنخ شي
ايمن: كتار وبيضحك
مجد: بيضحك تضرب مااغلظك شو عم تحكي ولاك
ايمن: عم نحكي على السمكة بقلك بعدين
مجد: ايه الله يعقلك يارب
بخلصو اعدتهن وبيرجعو كلهن على بيوتهن وبيطلع مجد على بيته هو وأهله وبكون متسطح بغرفته وصافن مع حاله وعم يتذكر لحظاته مع سلمى وكيف غمرته وشاف الخوف بعيونها بيبتسم
بيندق باب غرفته
مجد: بيصحى من شروده تفضل
سلمى: بتفتح الباب وبتطلع فيه وبتبتسم مراحب ابو الجود
مجد: بيبتسم اهلاً أهلاً تعي دخلي
سلمى: بتترك الباب مفتوح وبتدخل هي وحاملة بايدها زبدية كيفك ابو الشباب
مجد: الحمدلله منيح
سلمى: عم يوجعك شي
مجد: لا ماتخافي مافي شي عم يوجعني
سلمى: اي الحمدلله
مجد: شو هي يلي بأيدك
سلمى: هي شوربة الدجاج كرمال تقوي جسمك عملتها بايدي ها
مجد: بيضحك انتي عملتيها مابصدق
سلمى: اي لا تصدق هلق بس تدوق بتعرف يلا تفضل
مجد: هاتي لشوف حطي الزبدية على الطاولة لشوف كيف بدي اشربها
سلمى: بدك ساعدك رح امسكلك الزبدية
مجد: تمام
سلمى: بتعد على الكرسي وبتمسك الزبدية وبتقربها منه
مجد: بيمسك المعلقة وببلش يشرب بخفة امم والله طيبة
سلمى: بتضحك قلتلك هه
مجد: بيبتسم وببلش يشرب منها باللذة وفرحان انو هي يلي عملتها
سلمى: صحة وهنا
مجد: على قلبك حاجة ماعاد اقدر
سلمى: كملها
مجد: حاجتي شبعت شو وين امي
سلمى: عندهن زبونة هي وماما تحت عم يحكو مابعرف وعمو برا هو وأمجد ومرته فتحتلي الباب راما وقالتلي دخلي
راما: بتطل عليهن ها سمعت اسمي
مجد: فوتي اختي فوتي
راما: لاتواخذيني سلمى بس كنت عم طعمي لولاد بتعرفيهن بجننوني لطعميهن
سلمى:بتبتسم لا ولايهمك
راما: بتبتسم وبتطلع على مجد شو اكلت اخي
مجد: بيبتسم اي الحمدلله ساعدتني سلمى واكلت
راما: بتطلع بسلمى بمكر وبتضحك اي بالعافية يارب وكيف طبخ سلمى عجبك
مجد: بيتطلع بسلمى وبيهمس بقلبه هي كلها عاجبتني اي اي اكيد طيب يسلم ايديها
سلمى: بتبتسم بفخر الله يسلمك بتوقف رح اخد الزبدية على المطبخ وبتمشي
راما: بتبتسم وبتطلع بمجد وبتغمزه شو
مجد: بيتطلع براما شو
راما: شكلها بتحبك وبتخاف عليك كتير
مجد: بيتطلع براما وبيبتسم باستخفاف اي بتحبني لاني متل أخوها ورفيقها وربيانين سوا
راما: لا ولو شو هالحكي عنجد يلي بحب التاني متل أخوها هيك بعامله
مجد: والله انتي مالك عرفانة يامرت اخي شي سكري على الموضوع بعدين منحكي
راما: بتبتسم متل مابدك ابن حماي وبتضحك
بتنزل سلمى لعند أهلها وبتخلص ليلتهن على خير
"بعد مرور أسبوعين"
( بتعطل سلمى من مدرستها وبتبلش تدرس للامتحانات ومجد بيتحسن عن قبل بس لسا اعد بلا شغل وعم يستريح وبهالاسبوع ماشاف سلمى ابدا مشغولة كل وقتها وحابستها هناء بغرفتها لتدرس لأنها مضوعة كل السنة ومادرست منيح والشباب الطيبة عم يجو يزورو مجد ومابيتكنسو من بيت مجد )
مجد: بيطلع من غرفته وبكون لابس جاكيته وطاقيته وأيده لسا ملفوفة ومجبرة وحاططها بالمشد

ناهد: لوين ابني
مجد: نازل شوي لتحت بدي اتمشى ضاق خلقي
ناهد: بتبتسم ماشي الله ييسرلك
مجد: بيتطلع بأمه ماعم تشوفي سلمى امي
ناهد: لا والله وقت عم بنزل الصبح عم لاقيها نايمة لان عم تسهر طول الليل عم تدرس الله يوفقها يارب
مجد: بيتنهد امين يارب يلا معناها انا نازل وبينزل وبيمشي فورا على البقالية بيدخل وبيشتري شوكلاه من كل الانواع يلي بتحبها سلمى وشيبسات وعصير وشطي مطي ومصاصات وبسجلهن على حسابه وبيطلع
بيمشي لعند شباكها وبيبتسم وبنقر على الشباك بخفة ماحدا بيفتح بيرجع بنقر الشباك وبيهمس بحنية سلمى ياسلامة رحنا وجينا بالسلامةسلمى: بتكون شاردة ورافعة شعرها كعكة وحاطة القلم بشعرها وعم تغفى وتقوم على لكتاب وماعم تحس بتسمع صوته ونقرات الشباك بتبتسم بفرحة وبتفتح الشباك فورا وبتهمس باسمه مجدد
مجد: بيبتسم وبحطلها كيس الاكلات على مكتبها فورا قدامها سمسمتي
سلمى: بتطلع بالاكلات وبتضحك ياااه مجدد شو كل هاد
مجد: بيبتسم هدول كلهن لااحلى متفوقة فيكي يا دنيا
سلمى: ياروحي انت اروحلك فدوة اي
مجد: بينصدم من كلمتها وبيتطلع فيها بضحكة ورافع حواجبه باستغراب
سلمى: لك صحيح يادب هيك ما بشوفك الي اسبوع ما بتسأل عني
مجد: عم بسأل عنك يادبة بس سمعت خالتي هناء حابستك بالشحاطة مارضيت أتدخل لانك لازم تدرسي
سلمى: لاتذكرني لك محاصرتني من كل الجهات رح فرقع متل البوشار
مجد: بيضحك عليها وطير وفرقع يابوشار وطير وفرقع يابوشار
سلمى: ياا اشتهيت البوشار حاج تغني عنجد اشتهيته
مجد: اشتهيتيه
سلمى: اي كتير والله هيك ويكون ملحاته كتار اووو
مجد: بيضحك طيب انا رح روح بدك شي
سلمى: خليك شوي بلا غلاظة ماصدقت حدا اجي يحاكيني مابكفي ماعم بفهم العربي رح موت منه
مجد: برجع سلمى برجع يلا باي وبيمشي
سلمى: وضريب يامجد اوف منك بتسكر الشباك وبتمسك كيس الاكلات وبتضحك وبتبلش تاكل منهن
مجد: بيطلع على بيتهن وبفوت بوشه على المطبخ
ناهد: ابني شو رجعت وين رايح مجد وبتلحقه
مجد: بطلع طنجرة وبحط فيها زيت وببلش يحط فيها الذرة وبحطله ملح وعم يشتغل بايد وحدة ويعمله
ناهد: لك ابني قلي بدك بوشار بعملك ياه انا هات عنك
مجد: مشي الحال امي انا رح اعمله بسكر الطنجرة وبتبلش تفرقع بيبتسم وبوقف ينتظره
ناهد: شو خطرلك هلق
مجد: مو أنا
ناهد: مين لكن
مجد: بيبتسم سلمى
ناهد: سلمى! وشو شوفك بسلمى
مجد: شفتها من شباك غرفتها ومن سيرة لسيرة قال عبالها بوشار فقلت حرام عم تدرس خليني اعملها
ناهد: بتكتم ضحكتها اي حرام مزبوط
مجد: وعم تقول انو عم تواجه صعوبة بالعربي فقلت انزل ساعدها واشرحلها تنزلي معي
ناهد: بتبتسم اي بنزل ليه لا
مجد: معناها يلا رح حط البوشار البسي لننزل
ناهد: تمام
مجد: بيمسك الطنجرة بعد ماتخلص وبفضيهن بالزبدية وبيجي ليحط الطنجرة بتلزق أيده فيها بزتها بألم وبيكبت وجعه وببلش يحركها بسرعة من حرقته اوفف هلق وقتك يلا مو مهم بيمسك الزبدية وبينزل هو وناهد لعند هناء
بدقو الباب وبيفتحلهن ملهم
ملهم: اهلا خالتي اهلين مجد تفضلو يامامااا اجت خالتيي ومجدد
هناء: بتوقف من ورا ماكينتها تفضلو اختي فوت ابني مجد تفضلو
بيدخلو لجوا وبسلمو عليهن
ملهم: شو جايبلي بوشار مجد
مجد: اننن مو الك هاد هاد لسلمى
هناء: بتضحك الله عليك يا ابني هلق من شوي طلعت عم تجوعر بوشي بدها بوشار وانا ماعندي فقلعتها للغرفة لتكمل دراسة شو وصلكن صوتها
مجد: بداري الموضوع اي وصلني لهيك عملت ونزلنا رح اعطيها ياهن معناها كرمال ما تلتهي بيمشي على غرفة سلمى وبدق الباب بخفة
سلمى: نقلع ملهم
مجد: بيفتح الباب بخفة هاد أنا
سلمى: بتلتفت بصدمة وبتضحك لك هاد انت تعال دخول
مجد: بيفتح الباب وبطلع الزبدية ترااررا
سلمى: ييي مجدد بوشار وبتركد عليه وبتمسك الزبدية وبتبلش تبوسها لك يسلم ايديك يا ماردي السحري يلي بتحققلي كل احلامي
مجد: بيبتسم صحتين وهنا كم سلمى عندي
سلمى: بتبلش تاكل وحدة محلاك يكون في وحدة تانية
مجد: مافي مافي ماتخافي
سلمى: بتمسك أيده بقوة استرجيي اصلا
مجد: بيتألم من الحرق ااخ
سلمى: بتبعد أيدها شبك وجعتك
مجد: احترقت ايدي بالطنجرة أنا وعم بعملك البوشار
سلمى: يي يبعتلي حمى يعلي
مجد: بعيد الشر عادي مافيها شي
سلمى: بتبتسم يلا فداي مو هيك
مجد: اي فداكي كل تعبي وهلق هاتي كتاب العربي والدفاتر وتعي وراي لااشرحلك يلا
سلمى: اي شو هاد شو بدي احسن من هيك استاذ وطباخ ومارد سحري وشو في مواهب تانية مجود
مجد: بيضحك في مواهب كتير بس بدو مين يكتشفها وبيغمزها بخفة
سلمى: بتطلع فيه وبغمزته وبتبتسم بخفة وشو هنن المواهب
مجد: بتعرفي بالوقت المناسب وهلق يلا وراي
سلمى: حاضر استاذي وبتركد بتجيب الكتب والدفاتر وزبدية البوشار اهم شي وبتطلع لبرا

هناء: ايوا اجا مين يأنقذك من بين أيدي ست سلمى رجعي درسي بغرفتك يلا
مجد: خالتي أنا قلتلها تجي لهون بدي درسها عربي
هناء: يعني مارح تلتهو
مجد: لا ولو رح نعد ندرس بس ما تطلعو صوت انتي وامي
هناء: لا رح نعد بزاويتنا ونخلص الشغل يلي علينا وانتو اعدو جنب الصوبيا ودرسو لشوف
مجد: بيضحك تمام خالتي تمام
بيعدو بالأرض وبيفردو الكتب وببلشو
مجد: بيمسك الكتاب وعم يشرحلها ويفصل هو وياها بكل كلمة ويخليها تعرب ويرجع يحفظها الاناشيد والقصائد
سلمى: شوي بتركز مع مجد وشوي بتاكل وشوي بتحكي كلمات هبلة وبتضحك على حالها وعلى مجد وبتضحك هناء وناهد معها بالغصب
#يتبع
#نبض_القصص
#شو_بيشبهك_تشرين
#كاتبة_بأنامل_صغيرة

#الجزء_٥
بقلم#سدرة_عزالدين
مجد: بعصب وبيضرب رأسه بالكتاب بعد ماتجاوب الاعراب غلط وهو اله ساعة عم يحفظها ياهن لك سلمى رح تشليني شو الي ساعة عم حفظك اقتل حالي
سلمى: لك يامجد مادخل بمخي شو بعمل يعني
مجد: بشيل الطاقية يلي على رأسها وبيضربها بخفة فيها بركي هلق بيشتغل مخك
سلمى: بتضحك مارح يشتغل خلص
مجد: بيلتفت خالتي هناء شغلي الشحاطة بركي بتشتغل
هناء: لعيونك وبحركة سريعة بترمي رجلها لفوق وبتمسك الشحاطة بايدها جاهزة للإصابة الهدف
سلمى: لا دخيلك شغلته شغلته وها وبتبلش تسمعله يلي حفظها ياهن
مجد: بيضحك مابتجو غير بالعين الحمرة سمعيلي القصائد
سلمى: وياعروس المجد تيهيي وسحبييي
مجد: بنفخ بضيق ووجه بيحمر من العصبية من وين هالقصيدة سلمى اجت بكل كتابك مو موجودة
سلمى: بالمسلسل بقولها بأيام الدراسة
مجد: لك شو بدي بالمسلسل بدي بيلي محفوظ هووون
سلمى: بتبدل بعيونها ببراءة أنا حفظتها لان فيها اسمك
مجد: بيضحك وبيستسلم لنظرات عيونها وبحاول يهدي حاله خلص ماشي احفظي يلي موجود ياعروسة المجد انتي يلا
سلمى: بتطلع فيه بنظرات مو مفهومة شو قلت
مجد: شو قلت قلت حفظي
سلمى: اها رح احفظ
ناهد: بتبتسم وبتهمس لهناء شفتي يلي أنا شفته وسمعته
هناء: بتطلع بناهد انتي مارح تحلي عن هالولاد عم يحكي عن القصيدة مو عن يلي فهمتيه
ناهد: والله بكرا بتشوفي هه وبتضحك
هناء: بتضحك اي اشتغلي اشتغلي
بخلصو شرح عربي وبيفصل مخها لسلمى
سلمى: بتصرخ خلاااص بس مجد بس نقص عمر من عمري ماعاد اقدر استوعب حرف زيادة
مجد: بوقف بتعب لك أنا يلي مخي نفجر من الغباء يلي بصيبك لعيتي قلبي بوشي على الانتحار أنا
سلمى: ييوه يصحلك تعد وتدرس سلمى بجلالة قدري وقيمتي
مجد: وبالناقص أمانة كتير مبسوط يعني أنا
سلمى: بتضحك يلي بشوف ضحكتك على النكت وغبائي مابقول مو مبسوط
مجد: هاد يلي بجيب الدب لكرمو أنا
سلمى: أنا دب مجد
مجد: لا أنا اي انتي فتحي مخك فتحيه مو باقي شي للامتحانات كم يوم وبيجي اليوم يلي يكرم المرأ فيه أو يهان وبيضحك
سلمى: بس بس وترتني سكوت
مجد: رح اسكت وطالع ريح راسي منك بس ماتخافي مارح اتركك راجعلك بكرا لكفي يلي باقي بدك تنجحي وبشحاطة خالتي
هناء: الله يعطيك العافية فوق تعبك وايدك عم تدرسها
مجد: ولو شو هالحكي هي سلمى غالية علينا هو مو كرمالها يعني كرمال خاطرك خالتي لو عليها مابدرسها حرف وبيضحك
سلمى: بتضربه بايدها بخفة غليظ اننن
ناهد: بتضحك لا تردي خالتي بالصرماية بدو يدرسك على كيفه لان
سلمى: يي خليلي احلى خالة وبتبوسها
ناهد: بتضحك يخليلي ياكي
مجد: يلا تصبحو على خير
سلمى: نزلو شربو قهوة بكرا أو عملها مجد ونزيل
مجد: بيضحك بكرا عازمك عليها برا معناها
سلمى: موافقة أنا
هناء: روحي نامي روحي
سلمى: رايحة امي رايحة يلا على موعدنا بكرا ها
مجد: بيضحك ولو عندي خلص
بيطلعو على بيتهن وبينتهي هاليوم على خير
تاني يوم المسا اعدين مجد وسلمى بالكافيه يلي بالحارة وعم يشربو قهوة برواق وعم يحكو ويضحكو
سلمى: والله كل مابينقص يوم بقول قربتتت
مجد: بيضحك وانتي قدها سمسم ماتخافي رح تخلصي بالسلامة ياسلمى وياسلامة رحنا وجينا بالسلامة
سلمى: بس ياغليظ لا تغنيلي هالغنية كرهتني اسمي من وراها
مجد: بيضحك مابقدر بحب هالغنية
سلمى: اي حب غنية غيرها
مجد: اي تكرمي ست سلمى
سلمى: قوم عزمني على شي سندويشة قوم معلم جهزلنا كاستين شاي راجعين
مجد: بوقف وبيمشو وشو بدك تاكلي
سلمى: بتضحك وبتمشي هي وياه قال يعني في كتير أصناف قدامنا على قد بساطنا من مد رجلينا اديه معك
مجد: بيضحك بحب فهمك يلي بينزل بالمناسبات عليكي يعني حق سندويشتين فلافل أخري
سلمى: بتضحك وبتحط أيدها على كتفه معناها تفضل لناكل فلافل يامفلس وبتضحك
مجد: بيضحك اطيب من الشاورما اصلا
سلمى: اي الشاورما بتفسد الاخلاق امشي امشي
بيشترو سندويشتين فلافل وبيمشو على الكافيه ليعدو وياكلوهن مع الشاي
مجد: تفضلي ست سلمى صحتين
سلمى: على قلبك ايمتى بدك تفك ايدك صحيح
مجد: بركي باخر هالاسبوع
سلمى: يلا أن شاء الله
ببلشو بأول السندويشة بيجو من وراهن ايمن وخالد
خالد: تاكلو وتغصو أن شاء الله
مجد: بيتطلع فيه وضريب بدل ماتقول صحتين وهنا
ايمن: عنجد تاكلو وتغصو شو العز مواتيكن وعم تاكلو فلافل
سلمى: بتضحك اي عز شايفه كلها سندويشة فلافل روح انت وياه جيب من المحل وتعو تزهرمو بسيطة
خالد: رح روح جيب كرمال نتزهر الملافظ سعد يا حلوة
سلمى: لتكون ملافظك سعد وأحمد كهكهكهه
خالد: بيضحكلها ضحكة صفراوية مهضومةةة
ايمن: روح ركود جيب السندويشات لااطلب شاي يلا
خالد: بيمشي على المحل
مجد: لك ايمن انت كل هالعز يلي عايش فيه وجاية تاكل فلافل

ايمن: بيضحك ياشريك اوقات كتر العسل بوجع المعدة بعدين من شو بتشكي الفلافل نعمة الله هي
مجد: بيبتسم اي دخيلو يلي بيفهم
ايمن: بعجبك ولو بس باقيلي هيك العروس لتكمل معي
مجد: له له بدك عروس احكي طيب منشتغلك خطابة ومنجبلك مو هيك سلمى
سلمى: بتكون عم تاكل اكيد ايمتى مابدكن أنا جاهزة
فاطمة: بتقرب منهن مسا الخير
سلمى: بتطلع فيها اهلين والله منيح تذكرتي رفيقتك ياكلبة
فاطمة: بتضحك لسانك متبري منك انتي عم بدرس كنت مالي فاضية وانتي بتلهيني كتير
سلمى:بالله شو
فاطمة: خلص خرسي وهاتي حضن اشتقتلك وليه
سلمى: تعي تعي وبتبوسها
فاطمة: بتطلع على الشباب كيفكن شباب كيفك استاذ ايمن مجد كيف صارت ايدك وجبينك
ايمن: الحمدلله تمام انتي كيفك انسة فاطمة
فاطمة: الحمدلله بالف خير
مجد: يعني أنا ما بينقلي استاذ مثلا ست فاطمة
فاطمة: بتضحك انت ما بوجبك بعرفك من زمان أما الأستاذ ايمن عيب مابصير
ايمن: بيضحك لا لا توجبيني اندهيلي ايمن مابحب الرسميات
فاطمة: بتضحك بس انو
سلمى: لا بس ولا بسبسة معلش ايمن بس رفيقتي محترمة زيادة على اللزوم
فاطمة: بتنكشها سلمى
بوصل خالد لعندهن
ايمن: اجا خالد اجا خالد هات هات رح موت من جوعي لك ياحجي وين الشااي
خالد: يخربيتك شو فجعان بيتطلع بشوف فاطمة بيسكت بيتطلع فيها وبركز كلامه مسا الخير
فاطمة: بتطلع فيه وبتبتسم بخفة مسا النور
خالد: بيعد على الكرسي كيفك انسة فاطمة
فاطمة: الحمدلله تمام انت كيفك استاذ خالد
خالد: تمام
سلمى: يامحترمين انتو استاذ وانسة اي شو هاد دمعة عيني
ايمن: وقف شعر راسي انا
مجد: أنا اشعرت والله
وبيضحكو عليهن
خالد: شربتو من نفس كاسة الهضامة انتو لتلاتة شي
مجد: نسينا نتركلكن شوي والله وبيضحك
ايمن: هات هالسندويشة بلا كتر حكي هات
خالد: ماتواخذيني ماكنت بعرف انك رح تجي كنت حسبت حسابك
فاطمة: ولايهمك مافي داعي تغلب حالك يسلم ايديك
خالد: معناها إذا هيك بيمسك سندويشته وبيقسمها بايدن بالنص تفضلي شاركيني
مجد: بكون عم يتطلع فيهن وكاتم بسمته وفهمان سبب الذوق يلي نزل على رفيقه فجأة
فاطمة: لا والله مافي داعي صحتين وهنا
خالد: مابقبل والله كليها يلا لا تخجليني
فاطمة: لا والله انت جايبها الك أنا مابدي
سلمى: لك خلص وضريب خديها هلق باخدها انا ما لسا مابدي ومابدي شه
فاطمة: بتعطيها زورة وبتاخد السندويشة من أيده بخجل شكرا الك
خالد:بيبتسم ولو العفو صحتين وهنا
ايمن: معناها صارت وصارت ياكريم عطيها كاسة الشاي تبعك وطلوب وحدة تانية
خالد: مافي داعي تتفزلك من حالي رح اعمل هيك
ايمن: ايي رحلوو الابضااي والرجال والمحترم وبيضحك على خالد
فاطمة: بتبتسم بخجل وبتستحي من خالد وبتبلش تاكل بصمت
سلمى: بتقرب من مجد وبتهمس احم شايف يلي شايفته
مجد: بيتطلع فيها شو شايفة
سلمى: خالد كانو فارد عضلاته شوي قدام فاطمة
مجد: بيعمل حاله غبي شو قصدك
سلمى: لك مو شايف الكرم عم يشرشر منه ماله بالعادة ابو شحادة
مجد: بيبتسم رفيقي من يوم يومه كريم
سلمى: بتنكشه بقوة لا تعصبني فتح مخك شكلو خالد معجب والا لو هيك ما تخلى عن نص سندويشته لان بياكلنا وما بيشبع
مجد: بيتطلع فيها ياعمري انتي شو هالذكاء هاد
فاطمة: شبكن عم تحكو بالهمس
مجد: بطق عقله انو لاحظت انو خالد معجب بفاطمة ومالاحظت حبه الها بعلي صوته لاارادياً ولاشي ولاشي شو بدو يكون في يعني بس انو لهالدرجة الذكاء انو الست سلمى تلاحظ انو خالد
سلمى: بتنصدم من ردة فعله يي يي لك مجد وبتنكشه هسس شو صرلك اصحى
مجد: بيتطلع عليهن كيف مركزين معه ومصدومين احم بيعد على الكرسي وبيبتسم ببرود ههههه كيفكن
خالد: شبني شو لاحظت سلمى علي
مجد: بداري الوضع انو انت قسمت السندويشة لفاطمة وصاير كريم
خالد: وضريب انت وياها اي
سلمى: اي وبتتكتف وبتطلع بمجد بغيظ
مجد: بحك جبينه بخفة ومن جواته رح ينفجر بيحكي مع حاله ( لكن لخالد وفاطمة لاحظت انو معجب فيها أما أنا يلي صرلي عمر بحبها وبهتم فيها مالاحظت اني بحبها مو معجب بس شو بعمل بهالبنت يلي رح تقتلني بس كمان أنا الحق علي لهلق مااعترفتلها بركي هي عم تنتظرني احكي خلص بس تنجح رح خبرها بكلشي )
ايمن: لك مجدد بهزه هييي وين رحت
مجد: بيصحى من شرده اي اي معكن شوفي
ايمن:الي ساعة عم انده عليك
مجد: شردت شوي شو بدك
ايمن: سلامتك بدنا نروح نحن
مجد: اي الله معكن
خالد: بوقف يلا بدكن شي ياصبايا
سلمى: سلامتك ياموجب
فاطمة: بتبتسم بخفة سلامتك
خالد: الله ينجحكن ويوفقكن بالاذن وبيمشي وبيلحقه ايمن
مجد: يلا وانتو على بيوتكن درسو
سلمى: مابدك تقوم تروح
مجد: لا حابب ابقى لحالي شوي
سلمى: اي تصتفل امشي فاطمة امشي
بيمشو كلهن وبيرجعو على بيوتهن وبيبقى مجد لحاله عم يصفن بحالته وحياته بمر الوقت ومابحس على حاله بوقف بدو يمشي بتنزل المطر وبتكبس بقوة

مجد: بيبتسم وبحط الطاقية على رأسه وبتمشى على بيته وبوصل لقريب شباك سلمى وهو عم يدندن بصوته الممزوج بصوت حبات المطر يلي عم تطرق على الشبابيك شو مشتاق لبيت صغير وانتي تحبيني مش اكتر وشبابيك الالفة تضوي وبواب الحيرة تتسكر دقة قلبك ترسم قلبي عمرك عمري ودربك دربي مشتاق لوجهك يحميني يحميني من وجوه الكذبة
سلمى: بتفتح شباكها وبتبتسم وبتحط ايديها على خدودها بخفة شو هالصوت الدافي هاد كفي كفي من البداية
مجد: بيتطلع عليها وبيبتسم بخفة بوقف على شباكها
مجد: بيسند أيده على شباكها وبيتطلع فيها وبغني هو وعم يتأملها بحب وعيونه عم تبرق ورموشه مبللة بالمطر صوتك وجهك عطرك شعرك لمسة ايدك عم تندهلي شايف فيكي ام ولادي شامم ريحة ارضي واهلي عارف خلف البحر الازرق لما الشمس تموت بتخلق عارف انك عمري الجاية لما الماضي ببحرك يغرك بقول بحبك قلبي بيكبر وسع الكون ويرجع أصغر
عمر فوق الرمل الذايب قصر الشوق اللي ما بيتعم
بحلم فيكي وعم بتأمل يكبر مرة الحلم ويكمل
عمر بيتي ع إيديك بيت صغير يصير الأجملل
سلمى: بتطلع بعيونه كيف عم يغزلو وانفاسه من البرد عم تلهت بخفة وعم يغني من جواته وعيونه عم تحكي قبل لسانه بتبتسم بخفة اي ريتنا ماننحرم من هالصوت الدافي ابو المجد
مجد: بيبتسم تسلمي وهلق يامزعجة سكري شباكك ودخلي لاتبردي
سلمى: المفروض انت يلي تدخل عفكرة شوف كيف صرت من المطر
مجد: بيبتسم أنا مرتاح
سلمى: وانا مالي مرتاحة استنى لشوف بتدخل بتفتح خزانتها وبتطلع لحشة صوف لاالها وبتنط على الشباك قرب لشوف تعال
مجد: بقرب رأسه وجسمه لعندها بابتسامة
سلمى: بتحطله اللحشة على رقبته كرمال تدفى وبتبتسم
مجد: بيتطلع بعيونها وبيتنهد سلمى
سلمى: شبك
مجد: ولاشي بس انتي اغلى إنسانة على قلبي
سلمى: بتبتسم وبتمسك أيده بخفة وانت غالي على قلبي كتير مجد
مجد: بيبتسم وبشد على أيدها يلا روحي كفي دراستك باقي اسبوع على الامتحانات
سلمى: مجد انا خايفة
مجد: ماتخافي من شي انا معك ورح تخلصي كل امتحانات وتنجحي وتدخلي على الجامعة
سلمى: بتبتسم جامعة ! من وين ياحسرة
مجد: بيغمزها بخفة ماتخافي مافي شي عند رب العالمين صعب ورح تدخلي والفرع يلي بدك ياه
سلمى: انا بحب الرسم عبالي فوت فنون جميلة
مجد: بيبتسم ورح ادخليها انتي قدها بس بشرط
سلمى: شو هو
مجد: اول مارح ترسمي حدا هو انا وعد وبمد اصبعه لصغير لاالها
سلمى: بتضحك خلص وعد وبتمد اصبع أيدها لصغيرة وبتشبكه بأصبعه وعد انو انت اول حدا رح ارسمه
مجد: بيبتسم يلا هلق روحي على الدراسة
سلمى: تمام رايحة وانت دخول يلا دفي حالك تصبح على خير
مجد: بيمشي وبيهمس بخفة وانتي من اهلي وبيدخل على البناية
سلمى: بتسمعه وبتبتسم بخفة وبتسكر الشباك وبتدخل
مجد: بيطلع على بيته بكونو أهله نايمين بيدخل على غرفته ببدل تيابه وبيفتح خزانته وبطلع الصندوق وبيفتحه وبحط الشال تبع سلمى جواته وبيمسك صندوق صغير وبطلعه بيفتحه بالمفتاح بكون فيه مصاري ومكتوب على الصندوق مصاريف جامعة سلمى بيبتسم وهي مو باقي شي وبحققلك حلمك الجامعة يلي بتحبيها يلي ماقدرت حققه لنفسي بدي حققلك ياه وهي حتكون هدية نجاحك بسكر الصندوق صرلي زمان عم صمدهن باقي شوي ليكملو رح ارجع اشتغل وكفيهن مافي غير هالحل بحط الصندوق بقلب الصندوق لكبير وبيمسك الدفتر وبيكتب فيه اول حلم من احلامك قرب يتحقق وحكون انا محققلك ياه ورح يجي اليوم يلي رح تعرفي فيه اني رح حققلك كل احلامك
#بعد_مرور_اسبوع
واقفين الصبح كلهن تحت البناية
سلمى: ياجماعة رح موت من رعبتي كتير خايفة
ناهد: لا خالتي ماتخافي الخوف بطيرلك معلوماتك انتي اهدي ورح تعرفي تحلي كلشي
هناء: الي ساعة عم قلها ماتخافي بس هي جدبة
فاطمة: بتبتسم بتوتر يلا سلمى خلينا نمشي وحاجتك خوف
مجد: بينزل من فوق بكون فك أيده من لجبيرة وتحسن يلا يابنات جاهزين لوصلكن
سلمى: لا مالنا جاهزين
مجد: شو ناقصك لسا
سلمى: ولاشي بس مابدي روح بطلت
مجد: بيضحك امشي امشي بلا هبل هلق بس تشوفي الاسئلة وسهولتهن بتنسي خوفك النا اسبوع عم نسهر وحفظك مع انو عندي كان امتحانات وماخفت متلك و مبارح ضلينا للفجر عم سمعلك وحافظة كلشي ليه لتخافي يلا
سلمى: بلنشا منية لكن انت خلصت امتحاناتك مو زعلان الجامعة سهلة وخلصت السنة واكيد من الناجحين بس انا اكيد رح انجح
مجد: بيضحك اكيد اكيد يلا امشي لشوف يلا دعولهن
ناهد وهناء: الله ييسرلكن يارب
ببلشو يمشو ويبعدو عن البيت
مجد: شو كيف الاستعداد طمطم
فاطمة: ماشي الحال أن شاء الله من الناجحين
مجد: باذن الله
بوصلو على المدرسة
مجد: يلا تفضلو سمو بالله وان شاء الله كلو خير ويلي كاتبه الله بدو يصير

سلمى: اي شو رايحين حرب شبك
مجد: شو بدي قلك يعني وبيضحك
بتوقف سيارة ايمن جنبهن وبكون خالد معه بيفتح الشباك مراحب
سلمى: يافتاح ياعليم يارزاق ياكريم شو شايفينا بالمنام انتو
ايمن: لا والله جايين ناخد مجد بدنا نروح مشوار لأن نحن شاطرين وخلصنا امتحانات مو متلكن وبيضحك
سلمى: انننن الهضامة عالية عندك
خالد: بيبتسم الله يوفقكن يارب كيف العزم
فاطمة: بترد عليه بابتسامة تمام من الناجحين أن شاء الله
خالد: بيبتسم أن شاء الله
سلمى: بتطلع فيهن وبتزفر بضيق تعي ندخل يلا باي
مجد: موفقين
سلمى: ميرسي يلا تشاو وبيركدو لجوا
مجد: شو هالكرم من الصبح بدكن نروح مشوار
ايمن: بيضحك الله وكيلك كنت نايم بلاقيه فوق راسي عم يصحيني كرمال يجيبني ويجي بحجة انو لنطلع مشوار
مجد: بيضحك خالد هيك افكار بتطلع منك ما توقعت
خالد: بيبتسم بخفة قلت إذا بجي لحالي رح يبين انو مقصودة مو
مجد: بيضحك يعني هيك ما بينت انو جاية خص نص كرمال الأميرة اكيد مو محبة باخوك يعني
خالد: بيضحك طلاع طلاع معزومين ببيت ايمن على فطور اكابرلي
ايمن: بيضحك وعازم حاله كمان أنا شو شغال معكن شوفير وطباخ وملقى للعشاق لك اخخ الله باليني برفيقين جدبان عم يركدو ورا السراب
مجد: بيفتح باب السيارة من جنب خالد يلا ياروميو زمانك طلاع ورا مابعرف اطلع الا قدام
خالد: بينزل اي بتمون وبيضحك وبيطلع ورا وبيطلع مجد قدام وبيمشي ايمن بالسيارة
بمر ايام الامتحانات وبكون باقي اخر امتحان والمادة يلي بتكرها سلمى التاريخ وبتكون مرضانة وعم تسعل واعدة جنب الصوبيا وحاطة حرام عليها وطاقية ومو طايقة حالها
بيندق الباب وبيدخل مجد لعندهن
مجد: مسا الخير
هناء: اهلين ابني مسا النور اعود تفضل
ابو ملهم: اهلين ابني مجد كيفك
مجد: الحمدلله بالف خير داعي بسلامتك شو سلمى رنت علي خالتي هناء قال اجي اللحقك شوفي
ابو ملهم : استلم ابني استلم رايح اطلع لعند ابوك على القهوة نلعب دق طاولة لبين ما تخلصو مو ناقصني وجع راس وبيمشي
مجد: بيضحك وبيعد بالأرض شوفي
سلمى: بتسعل لك مابحب التاريخ وهي آخر مادة ومرضانة ومو طايقة حالي
مجد: بيعد وبيمسك لكتاب اي سهلة التاريخ شو باقيلك منه
سلمى: نص لكتاب
مجد: بيتطلع فيها ايوا نص لكتاب سهلة سهلة أن شاء الله
هناء: بتطلع وماسكة بايدها صحن فواكي خدو ابني قشرو وكلو وانتي كلي كرمانتينا بتتحسني من الرشح
سلمى: مابحب ريحتها بتعلق بايدي قشريلي ياها
هناء: مارح اقدر بايدي شغل العالم بعدين بيطلع ريحته
مجد: بيضحك هاتي هاتي أنا بقشرها بقشرلها ياها وبيعطيها خدي كليها
سلمى: بس انت مابتحب الكرمنتينا كيف قشرتها
مجد: بيبتسم ماعليكي مني كليها انتي بالعافية أن شاء الله
سلمى: الله يعافيك يلا خود شرحلي وانا باكل
مجد: بيضحك ماشي هاتي لشوف
بيمضي اليوم على خير وبتروح سلمى على امتحانها وبتقدم منيح وبتطلع هي وفاطمة بكون واقف مجد وخالد برا المدرسة عم يستنو
بتركد سلمى فرحانة وعم تصرخ
سلمى: خلصتتتت وخلصناااا هو هو وخلصناااا
فاطمة: عن تضحك عليها وماشية وراها لتلحقها
مجد: بيلتفت وقت يسمع صوتها وبيضحك
سلمى: مجدد خلصت خلصت وبتركد لعنده وهي وعم تركد بتفكش رجلها وبتوقع على ايديها وبتصرخ اخخخ
مجد: سلمى وبيركد لعندها باللهفة شبك شو صار وبينزل لعندها وبقومها وبيلتمو البنات من صرخة سلمى ليشوفو
سلمى: بينزلو دموعها من وجعها رجلي رجلي نكسررتت
مجد: لا ماتخافي يمكن نفكشت شوي بيمسك رجلها وبحركها بخفة مافيها شي بس رضة قوية ايديكي فيهن شي نجرحو
خالد: بكون كاتم ضحكته الله يحميكي ياسلمى من الفرحة وقعتي متل الممسحة وبيضحك
فاطمة: بتطلع في وبتزوره ليوقف ضحك سلامتك ياروحي قومي تعي هاتي ايدك وكاتمة ضحكتها على شكل سلمى
سلمى: عم تمسح دموعها مالي قدرانة امشي جسمي تكسر اخخ وأيدي وركبي عم ينزلو دم عم تضحك انت تضحك بلا سنان
مجد: استندي علي تعي بيمسك ايدها قدرانة تمشي
سلمى: مالي قدرانة كتير موجوعة
مجد: معناها مافي حل بنزل ايديها لعند رجليها وبيحملها هوباا
سلمى: يي مجد شو عم تعمل نزلني
ببلشو البنات يزقفو لمجد ويصفرو
مجد: بيتطلع فيهن وبيبتسم شكرا للجماهير يلا امشو تفضلو وبيمشي هو وحاملها والكل عيونهن عليهن وكل بنت تمنت تكون مكان سلمى😂
سلمى: لك نفضحنا نزلني
مجد: نشهرنا قصدك وبيضحك
خالد: والله البنات متمنين يكونو مطرحك ياسلمى
سلمى: اننن على شو بالله
فاطمة: بتطلع فيهن على مجد والله
خالد: هووو حبيتك احلى شريك هاتي كفك
فاطمة: بتطلع فيه وبتبتسم
مجد: بيتطلع بخالد
خالد: بادرك شو حكى وبيخرس
سلمى: بتكون ماسكة برقبة مجد وجواتها فرحانة انو ماعم تمشي وانو الكل غار منها

بوصلو على الحارة
خالد: فرجينا مين بيسبق وبيضحك وبيركد هو وفاطمة
مجد: بيضحك الله لايوفقكن وبيركد هو وحامل سلمى
سلمى: عم تضحك ركود بسرعة بسرعة
بوصلو على البناية وبتستقبلهن ناهد وهناء
ناهد: شو هالشوفة يلي شايفتها عيوني
هناء: كانو مجد حامل سلمى!
بوصلو لعندهن
مجد: مراحب بعدو فتحو الباب معنا مصابة
هناء: بتطلع على رجلين سلمى كيف مشقوق البنطلون وعم ينزل منهن دم وايديها مجروحة شو صاير معكن تعو دخلو دخلو
بيدخلو على البيت وبنزل مجد سلمى على الكنباية
مجد: بيرفع ضهره اخخ نشليت
سلمى: بتضربه على رجله غليظ مالي سمينة لتنشل
مجد: بيضحك وبيعد على الكنباية بتعب جيبولي كاسة مي نشف قلبي
هناء: بتركد بتجيب مي لمجد وبتعطيه ويعلي ياابني راح صوتك من شيلة هالدبة
سلمى: عفكرة أنا يلي واقعة مو هو شوفيلي رجلي كلهن دم وموجوعة
ناهد: ويعلي ياسلمى كيف وقعتي
خالد: بيعد استنو احكيلكن أنا كانت الأميرة سلمى عم تركد ومبسوطةةة وعم تنده باعلى صوتها خلصتتتت وإذ بتتفشكل وبتوقع متل الممسحة بالأرض وماضل حدا واقف ماضحك عليها ومنهن أنا وبيضحك
فاطمة: ماعاد تقدر تمسك ضحكتها وبتفرط ضحك
والكل بيضحكو معهن
سلمى: لك يا ناس يا مذوقين حدا يجبلي شي كريم ادهنه
هناء: يلا يلا حجيب
مجد: نحن خلينا نطلع بالاذن امشي خالد يلا تعال
خالد: أنا اليوم عازم حالي لعند خالتي ام امجد على الغدا
ناهد: اي مو تكرم عيونك مية اهلا وسهلا وانتي طمطم خليكي تغدي عنا
فاطمة: ياريت والله بس مابقدر بدي ارجع على البيت طمن امي وارتاح من الامتحانات
مجد: معناها تعالي المسا انتي وامك منلتم ومنحتفل بانتهاء الامتحانات
سلمى: اي اي وعملولي اكلات بس تبولة بدي
مجد: روح قلبك كرشك انتي
فاطمة: تمام معناها بشوفكن المسا وبتمشي
هناء: معناها رح اعمل الاكلات ونحتفل هون
ناهد: لا اختي الاحتفال علي هلق بطلع بجهز أنا وهي الشباب بساعدوني
خالد: ياحبيبي أجيت لااعزم حالي لقيت الشغل منتظرني
مجد: بيضحك نحن ما منوفر حدا يلا تفضل على العزيمة ورح رن للتالت يجي كرمال تكمل مع امي
ناهد: الله يحمل معي معناها وبتضحك وبيطلعو كلهن لفوق
بالمطبخ عند ناهد مجتمعين ايمن وخالد ومجد وملبستهن كياس على رأسهن وكفوف بايديهن
ناهد: رح وزع عليكن المهام قدامكن في بندورة وخس وبصل اختارو بين بعضكن وافرموهن
مجد: بيركد وبيمسك الخس وخالد بيمسك البندورة
وأيمن: بوقف مافي غير البصل لك تضربو عطوني أنا شي منكن وخدو البصل
مجد: اسفين والله يلي بيسبق بياكل فستق
خالد: قال يلي سبق شم الحبق تعيش وتاكل غيرها وبيضحكو وبيعدو وببلشو يشتغلو
ايمن: عم يفرم ويشرو دموعه لك نعميتت
ناهد: بتكون اعدة وعم تضحك عليهن
خالد: نعميتي اختي قومي غسلي وبيضحك عليه وببلشو يحرقون عيونه هو كمان اخخ عيوني وانا ماعاد شفتت
مجد: بيضحك قومو غسلو انتو لتنين قومو
بخلصو التبولة بطلوع الروح وبيعملو كيك وبحطو تسالي واكلات خفيفة وبزبطو الاعدة
بيلتمو كلهن عند ناهد واعدين كلهن بالأرض حولين بعض والصوبيا شغالة وحاطين عليها ابريق الشاي وجواتها كستنة عم يشوها ومجد ماسك العود وعم يدندن بصوته وكلهن عم ردو وراه
مجد: على بابي واقف قمرين واحد بالسما والتاني اغلى من العين بيفهم بالوما ياقمرنا بالليالي نحن العاشقين طالع بالعالالي خلينا سهرانين
خالد: الله عليككك
ايمن: بكون اعدين وحاطط أيده على كتف خالد وعم يتمايلو على الصوت
خالد وأيمن بقولو بصوت واحد مع مجد
مجد: وانا نجمة بين قمرين وانا بسمة بين هلالين بيضحك وباشر على هناء وناهد والناس عندها قمر وانا عندي قمريين يلااا
ناهد: بتبتسم وبتبوس ابنها
خالد: بعدولي تحمست بوقف بالنص وببلش يتمايل بايديه
فاطمة: بتطلع فيه وبتبتسم
سلمى: بتنكشها وبتهمسلها لا تنبرعي مبين عليكي
فاطمة: بتطلع فيه وضريب اي
سلمى: بتضحك عطيها ابو الجوود
مجد: بيضحك كفو انتو تحمست مع خالد وبوقف معه وببلش يهز معه
سلمى: أنا بغنيلكن
هناء: انتي لاتغني خلي فاطمة تغني غني طمطم صوتك حلو يلا
فاطمة: بتبتسم يلا منغني سوا وبتبلش تغني واه ياحلو يامسليني يلي بنار الهجر كويني املا المدام ياجميل وسقيني ياعيني من كتر شوقي عليك مابنام
خالد: بينصدم من جمال صوتها وبيتحمس وببلش يتمايل بزيادة
سلمى: بتبوسها يقبرني هالصوت
فاطمة: بتضحك وبتطلع بخالد وبتبتسم حبيت جميل ياريتني ظله ياعيني حازل جمال والحسن دا كله اه ياحلو يامسليني
ايمن: بوقف وببلش يرقص معهن شو انا ناقص وبيضحكو كلهن
جمعتهم بسيطة بس مليانة تفاصيل ودفى
بينتهي يومهن على ضحكة وفرحة ولمة حلوة
وبيمرقو الايام وبكون موعد نتيجة سلمى وهي ومجد وفاطمة وكالعادة خالد فردة الخف معهن ليساند رفيقه واقفين بالمدرسة

سلمى: مجد انت شفلي مارح شوف أنا ركبي عم تقصف
فاطمة: وانا كمان شفلي امانة
مجد: خليكن لشوف بيمشي وبوقف ليشوف النتيجة بدور على اسمائهن وبشوف نتيجتهن وبيلتفت لعند سلمى
سلمى: بتطلع فيه بتوتر وعم ترجف كلها
مجد: بيبتسم وبيركد لعندها بفرحة لك نجحتيي سمسمةةة وبيحملها بفرحة وبيغمرها بقوة وبدور فيها
سلمى: بتضحك بقوة ومالها مصدقة وبتتمسك فيه مجدد نزلنيي
مجد: بكون عم يضحك وفرحان لنجاحها بنزلها وبيمسك وجها بحب نجحتي ياروحي نجحتي
سلمى: بتمسح دموعها وبترجع بتغمره بقوة الحمدلله
مجد: بيبتسم وبشد على غمرتها وبيتنهد براحة
شوارعنا مليانة مطر ، وحضنك والعطر 🫀🫂
#يتبع
#نبض_القصص
#شو_بيشبهك_تشرين
#كاتبة_بانامل_صغيرة
رايكن لهون ياعسولات 🫂🖤

#الجزء_٦
بقلم#سدرة_عزالدين
فاطمة: بتكون عم ترجف وتبكي وانا وانا شو وبتركد بتشوف نتيجتها وبيركد وراها خالد
خالد: شو نجحتي
فاطمة: بتلتفت عليه وهي عم تضحك لك نجحت نجحت
خالد: بيضحك بفرحة وبقرب بدو يحضنها من فرحته وبيرفع ايديه وبوقف وبنفس الوقت فاطمة بتكون بدها تحضنه وبتوقف وبتطلع فيه بأبتسامة
خالد: بيتراجع بخطوة وبنزل أيده على كتفها بخفة الف مبروك يافلة بيهمس جواته قلبي
فاطمة: بتبتسم وبتمسح دموعها الله يبارك فيك يارب
مجد: بيبعد عن سلمى يلي بحضنه وبيتطلع عليهن لك نجحتي طمطم
فاطمة: بتضحك اي اي وبتركد على سلمى وبتحضنها بقوة لك نجحنا نجحنا وبتنط هي وياها بقوة
سلمى: لك اي اي حاسة حالي رح طير من فرحتي وبتضحك
فاطمة: بتبتسم وبتوقف هي وسلمى امشي نخبرهن امشي وبيركدو لبرا
مجد: بيضحك لك ركود وراهن
خالد: امشي امشي طار مخهن مع النجاح وبيركدو لبرا كلهن
بكون ايمن بالسيارة عم ينتظرهن بتعرفو الشوفير 😂
ايمن: بطلع رأسه من الشباك شو طمنوني زغرط ولا دائماً دموع
سلمى: بتضحك لك طرقها للزغروطةةة
ايمن: بيضحك وبزغرط وللللليششششش وببلش يزمر بالسيارة
خالد: بيضحك عليه فضحنا والله طلعو يلا خلونا نروح نطمن امهاتكن
سلمى: يلا يلا بتركد وبتركب بالسيارة وبيطلعو كلهن وبيمشي ايمن بالسيارة وبوصلو على الحارة ومشغل غنية النجاح ومعليها على الاخير وعم يزمر بالسيارة
بتطلع هناء وناهد وابهاتهن على الأصوات
سلمى: بتكون طالعة من فتحة السقف وعم ترقص بفرحة وخالد ومجد من الشبابيك وعم يصفرو تقولو راجعين من الحج 😂 ومافي حدا نجح متلهن ومبلشين هز وتصفير وأيمن حاطط أيده على الزمور ومبلش ويزغرط
ناهد: بتطلع فيهن وبتضحك من الفرحة واضح شو النتيجة بتبلش تزغرطلهن وللللليششششش
هناء: بتطلع ببنتها بفرحة وبتضحك
سلمى: زغرطي ياأم ملهم بنتك نجحتت واخيراا
هناء: ولللللللييييييشششش
بوقفو السيارة وبينزلو
سلمى: بتنزل من السيارة وبتركد على امها وبتحضنها بقوة
هناء: الف مبروك ياعيوني الف مبروك يلي الله ما ضيعلك تعب
بيجو أهل فاطمة على صوت الزمامير والاغاني
فاطمة: بتركد على امها وبتحضنها بقوة
مجد: بكون عم يراقب سلمى كيف مبسوطة وعم تضحك بفرحة وحاسس عم يشوف بنته قدامه بفرحتها وضحكتها حاسس بالمسؤولية تجاه حبه الها وكانو أنجز بنجاحها عيونه بتدمع من فرحته فيها وبيمسحهن فورا
خالد: بيبتسم وبيتطلع بمجد وبحط أيده على كتفه دخيل الحنون
مجد: بيبتسم وبضمه بخفة

بيدخلو كلهن على بيت هناء وبيجتمعو بفرحة وكلهن فرحانين لفاطمة وسلمى
سلمى: حاسة اني لازم حقق كلشي كان ناقصني بعد هالنجاح يعني وقت خلصت امتحانات ماحسيت اني مبسوطة لان كان في النتيجة منغصة علي بس هلق بدي أركد ونط وطير وارقص وبتضحك بدي اعمل كتير شغلات
ايمن: بيضحك عليها متل شو سمسمة
سلمى: مابعرف بتصدق نسيت احلامي وخططي بهاللحظة
ابو ملهم: بابا هلق فكري بالجامعة وشو حابة تدخلي أو شو رح يطلعلك بالأحرى
سلمى: بدي ادخل فنون جميلة وبتبتسم
ابو ملهم: فنون جميلة! وبيطلعلك
سلمى: هلق مجموعي بجيبها يمكن ويمكن لازم ادفع مصاري لااقدر ادخل كمان
ابو ملهم: بيتطلع ببنته وبيبتسم بخفة أن شاء الله بابا ومابحب يحرجها قدامهن ويكسرلها أحلامها لان هو مو قدرته يلي عم تفكر فيه سلمى
خالد: وانتي فاطمة شو حابة تسجلي !
فاطمة: أنا بتبتسم حابة سجل محامة
خالد: بيبتسم اوف محامية المستقبل يعني
فاطمة: كرمال ناضل مع المرأة ووقف ضد الرجال
خالد: بيضحك وبيمسح على دقنه بخفة كل هالقد بتكرهينا آنسة فاطمة
فاطمة: ما بكرهكن أنا بس بكره يلي بيظلم وبتطلع بطرف عينها على ابوها وبتكفي حديثها وبكون مفكر حاله رب العالمين عطاه حقوق اكتر مننا أو هو لانه رجال بيقدر يعمل شي تحت مسمى أنا ذكر وبحقلي أما الأنثى لا قال في كتير ذكور بس الرجال قليلُ
خالد: بيتطلع فيها وبيبتسم بأعجاب بقلبه( مو من عبث عم يكبر اعجابي فيكي يوم بعد يوم) كلامك صحيح الانثى والرجل نفس بعض يلي بيفرق انو رب العالمين كرمكن ورسول الله صلى الله عليه وسلم وصى فيكن استوصوا بالنساء خيرا ورفقاً بالقوارير ونحن علينا وعلى كل رجل هو قد كلمة رجل انو يصونكن ويحبكن ويحميكن من رمشة العين
فاطمة: بتطلع فيه وبتبتسم وعيونها بتبرق من جمال كلامه يلي دخل لعقلها بخفة وسرى جوا قلبها وترك بصمته الخاصة
ايمن: بيتطلع بخالد وبيهمسله اي ماعرفتك علي الحلال شعر راسي وقف من الاشعار يلي حكيتهن درر درر
خالد: بينكشه خراس وبيبتسم
بيمشو أهل فاطمة و ايمن برنوله أهله بطلع وبيمشي ومجد وخالد وبيطلعو على بيت مجد واعدين بكونو بغرفته
بكون متسطح خالد على تخت مجد ومجد اعد على كرسي المكتب وعم يتامل بموبايله صورته هو وسلمى

خالد: بكون شارد وعم ينده لمجد مجد
مجد: شو
خالد: يامجد
مجد: لك اي شو احكي
خالد: يامجد
مجد: بصرخ عليه بعصبية وضريب شبك
خالد: بيصحى على حاله اي اي بدي اسالك
مجد: تفضل
خالد: بيتجلس لاحظت على فاطمة أنها وقت حكت على لرجال يلي بيظلمو تطلعت على ابوها ابوها منيح كيف بعاملها يعني
مجد: هو منيح ومو منيح اوقات كان من زمان يضرب امها على أسباب تافهة يعني بالمختصر بيجي دق حيونة وبيرفع أيده فورا من عصبيته وفاطمة كمان كانت مرات تاكل مع امها القتلة فاطمة البنت لكبيرة من إخواتها وعندها اخين صغار وابوهن يعني شخصيته مركبة بيشتغل وما بيتشغل حظه قليل وبس الله يرزقه مابقصر بس لما يعصب أيده والضرب ماعنده لغة الحوار هي بنوب أنا ما زيادة بتعاطى معه بس فاطمة بتعز علي متل اختي يعني وبنت واعية واوعى من عمرها اوقات بتشتغل مع امي وبتساعدها بالصيف كانت وعم تصمد كانت كرمال جامعتها لان ابوها حكالها ياها من البداية بدك تكملي دراسة بدك تشتغلي وتصرفي على دروسك وهي من الشاطرين كتير بس حظ الدنيا جاية عليها
خالد: بكون عم يسمع كلام مجد وقلبه بيوجعه عليها بس ابوها ما مبين عليه هيك شي بعدين هي ماكنت شوفها عندكن أنا أو مع سلمى
مجد: فاطمة ماكانت تطلع من بيتهن اصلا من وقت ماصارت بكلوريا وابوها رفع أيده عن مصروف دراستها وهي بتشتغل وبتدرس وصارت تطلع وتفوت وأبوها ماعاد اله كلمة عليها زيادة لان هي شرطت عليه انو ماعاد يتحكم فيها طول ماهي يلي عم تصرف على حالها وأبوها قلتلك شخصية مركبة بس لما يجيه العرق الحيوان بصير الإنسان يلي بده قتل بس انت ليه كل هالاسئلة بيبتسم عم تستفسر عن شريكة الحياة
خالد: بيضحك والله شو الحب حلال لناس وناس اخي ولا انت مسموح
مجد: لا حبيبي مسموح الله يهنيك
خالد: لك مجد انت شو ناطر
مجد: شو شو ناطر
خالد: لك ياابني رح تختير ولسا مخبي حبك بقلبك ليه
مجد: بيبتسم كنت ناطر بالبداية لتكبر سلمى شوي وبعدين اجت البكالوريا قلت لتخلص سلمى كرمال ما تلتهى وبعدين اجت قصة هالشب يلي طلعتلي واعجاب سلمى فيه كسر جواتي اول خطوة وهلق مابعرف
خالد: مجد اصحى حبيبي انت هي كلها حجج عم تخترعها لنفسك اعترف انت واحد جبان
مجد: بلا كلام الدج هلق بقلعك
خالد: لك ودخيلك قلعني تقول رح رد عليك هي الحقيقة مجد انت عم تهرب من الاعتراف ومأمن انو سلمى قدامك ياحبيبي البنت كبرت وبكرا الف واحد بتلاقيه عليها وساعتها خليك مستني الخطوات لتجي وتعترف
مجد: انا خايف تكون سلمى بتشوفني اخ الها لان مستحيل ما تكون حاسة اني بحبها مو معقول
خالد: وانت ليه خايف احكيلها وبعدين اذا طلع هالحكي مزبوط بتشغل مخك وبتأثبتلها انك مو اخوها

مجد: بيتنهد لك اذا بدي احكي ياخالد مابدو يكون معي لحتى اقدر حققلها أحلامها لك سلمى بنت عندها احلام كتيرة وبتحلم بيلي معه مصاري ويعيشها احسن من العيشة يلي عايشتها مو بمجد يلي مامعه شي
خالد: مع احترامي لااحلامها بس هاد كله حكي فاضي مجد واسمه علاك يلي شو بدها سلمى اكتر من واحد بموت على الأرض يلي بتمشي عليها انت مجنون بحبك فيها لك حنون عليها اكتر من أهلها يازلمة لكن في إنسان بحب التاني بيقطع المصروف عن حاله وبيشتغل وبيتعب وبصمد مصروف جامعتها بدل ما كان يدخل هندسة يلي هي حلم حياته اه مجد انت حبك الها مو طبيعي ورح يجي يوم وتتعب صدقني قوي قلبك شوي وقسيه مو لهالدرجة يازلمة
مجد: خالد خلص خلص لاتحكي شي انا هيك مرتاح تركني شو بدك فيني
خالد: بس هاد غلط لو هي عم تبادرك نفس والاهتمام وبتعرف فيه صدقني ماكنت زعلت بس انا شايفك انت عم تدوب وتتعذب وهي ولاعلى بالها سلمى أنانية يامجد
مجد: صدقني أنت غلطان سلمى مو هيك بالعكس بس تعرف اني بحبها رح تشوف اهتمامها فيني لك ماشفتها وقت ضربتني السيارة شو صار فيها كانت عم ترجف من خوفها علي ومابتشوفها عطول معي وبتخاف على زعلي بعدين انا حاسس بهالفترة أنها بلشت تحبني نظراتها كلماتها كلشي تغير
خالد: وانت بتشوف هاد حب أنا عم شوفه أنانية سلمى أنانية بكلشي بتملكه ماعم شوف لمعة بعيونها متل ماعم شوف بعيونك تجاها هاد وهم مجد وعم تعيش فيه انت لاتصدق بعمرك بنت ما بتحس باهتمام هالشب فيها بالعكس البنات اذكياء ومالي مصدق انو سلمى ما بتعرف بحبك الها الكل شايف الحب كيف عم يقطر من عيونك تجاها
مجد: بيتشوش عقله من كلام خالد خلص خالد بس لاتكمل
خالد: بوقف مارح كفي بس حبيت وعيك على يلي عم شوفه ووقت تحتاجني أنا موجود وهلق أنا رايح بدك شي
مجد: لا سلامتك
خالد: بيطلع وبيترك مجد بأفكاره
مجد: بيتنهد وبيصفن بكلام خالد وبقوم وبيرمي حاله على التخت بتعب وبغمض عيونه
بعد مرور أيام
بتكون سلمى اعدة مع امها وعم تقنعها لتسجل بالجامعة

هناء: يابنتي من وين بدنا نجيب مصاريف الفنون الجميلة نحن بدها مصاري ودفع كتير غير الادوات يلي رح تنطلب منك وغير كتير شغلات ما منعرف شو بصير بعدين
سلمى: لك ياامي هي حلمي ابسط شي ماعم اقدر حققه شو بدي ادخل إذا مادخلت فنون جميلة اه
هناء: اي شي او لا تدخلي شي
سلمى: كيف ماادخل ماحدا احسن مني ليدخلو وانا لا
هناء: كنتي اشتغلي متل فاطمة وجمعي مصروفك مو بس تجي وتتكبري على كلشي بعملك ياه ست سلمى
سلمى: يالله يالله ياامي والحل هلق
هناء: مافي حل
سلمى: بتتجمع دموعها بعيونها ورح تموت من خنقتها
بيندق الباب
وبيركد ملهم بيفتح الباب وبصرخ ماما اجت خالتي ناهد ومجدد
هناء: خليهن يتفضلو
بيدخلو مجد وهناء وبكون مجد حامل بايده صندوق كبير وبقلبه دفاتر رسم كبيرة والوان من كل الانواع وريش وكل المستلزمات الخاصة بالفنون
سلمى: بتوقف بصدمة وبتطلع بمجد
مجد: اجينا نبارك لاحلى طالبة جامعية فيكي يا دنيا
سلمى: بينزلو دموعها ياااي مجد شو كل هاد
مجد: بيبتسم وبنزل الصندوق وبحطه على الطاولة هي شي بسيط لنجاحك
سلمى: بتبتسم بجننو كتير حلوين
مجد: هلق ليه عم تبكي
سلمى: ولاشي بس تأثرت وبتضحك
هناء: ليه معذب حالك ابني هالغراض غالية كتير
مجد: مافي شي بيغلى على سمسمة
سلمى: بتضحك يخليلي ياكن يارب بس شو الفائدة إذا مارح سجل بالجامعة
ناهد: ومين قال هالحكي
هناء: أنا ولك يااختي حالتنا وبتعرفيها من وين بدي جيب تكاليف الجامعة أنا
مجد: بيبتسم بس التكاليف مأمنة
هناء: بتطلع فيه كيف مأمنة
مجد: سلمى فتحي الظرف يلي بقلب الصندوق
سلمى: بتركد وبتمسك الظرف يلي بالصندوق وبتفتح بكون فيه مصاري بتطلع بمجد شو هاد مجد
مجد: بيبتسم هي هدية رفيق دربك يلي مشي معك مشوارك بالدراسة ووصلك للنجاح هي هديتي الك لتقدري تحققي يلي ماقدرت حققه تدخلي جامعتك وحلمك كرمال شوف نجاحي فيكي وافرح لفرحتك
سلمى: بيزدادو دموعها بس هيك كتير كتير
مجد: بيبتسم مافي شي بيغلى عليكي
هناء: بس مارح نقدر نقبلهن يامجد
مجد: رح تقبليهن خالتي لانك من يوم يومك بتعتبريني ابنك واعتبري هالهدية من ابنك مو من حدا غريب وانا حكيت مع عمي ابو ملهم واقنعته ومابقي غير نسجل الست سلمى بالجامعة بكرا
هناء: بتخجل منهن مابعرف شو بدي قول الله يخليلنا ياكن يارب ولا ننحرم من هالعيلة
ناهد: بتضمها اخوات نحن لك هناء اخوات وسلمى بنتي يلي ماخلفتها شبكي

مجد: بيبتسم وبرن موبايله برد بكون صاحب البقالية عم يقله يجي بسرعة لانه بده يطلع من المحل بسكر وبيستأذن منهن وبيمشي بتلحقه سلمى لبرا
سلمى: مجد
مجد: بيلتفت عليها أي
سلمى: بتبتسم وبتركد وبتغمره بقوة شكرا كتيرر على كلشي
مجد: بيبتسم وبيسرح بخياله شوي
#فلاش_باك
مجد اعد مع ابو سلمى بالمكتبة
ابو ملهم: كيف بدك ياني اقبل مصاريف بنتي يا مجد بأي صفة بدك تدفعلها
مجد: بيتطلع فيه وبيتجرأ وبقوي قلبه بصفتي اني بحبها وبدي اتزوجها واطلبها منك رسمي
ابو ملهم: بصدمة شو
مجد: شبك تفاجات عمي
ابو ملهم: بيصحى من صدمته وبيبتسم وعيونه بتدمع انت بدك سلمى!
مجد: اي لكون مالي قد المقام عمي
ابو ملهم: شو هالحكي هاد بالعكس تماما أنا مارح لاقي احسن منك لتصون بنتي لك انت ابني يامجد بيضحك أنا كنت ادعي الله يبعت لسلمى شب متلك يصونها ويخاف الله فيها بس هلق ربي استجاب بيحضنه صحيح ماعندي ولاد شباب متلك بس عطول كنت مالي خايف لاني ساند ضهري فيكن ياغاليين انتو
مجد: بيبتسم وبشد عليه الله يخليلي ياك يارب
ابو ملهم: وسلمى بتعرف!
مجد: ماحدا بيعرف بهالشي ابدا عمي وانا بدي لاقي الوقت المناسب يلي افتح فيه هالموضوع بس للأمن حالي شوي ووقف على رجلي لااقدر افتح بيت وانت إذا بتمهلني وقت بكون ممنونك
ابو ملهم: انت ابني يامجد وسلمى بنتي وباذن الله هي الك وانا بعرف معدنك واصلك وبعرف انو بعمرك مافكرت بسلمى بالغلط لهيك أنا مأمن على سلمى معك
#باك
مجد: بيبتسم وبشد عليها ماعملت شي هاد واجبي تجاهك سمسمة
سلمى: بتبتسم وبتبعد عنه الله ييسرلك يلا روح لحق شغلك
مجد: بيبتسم يلا سلام وبيركد على البقالية
(بمر الوقت وبسجلو البنات بالجامعة وبصيرو بنات جامعية بامتياز 😂 ومجد رجع يشتغل ليقدر يحسن من وضعه ليقدر يعترف لسلمى بحبه على القليلة يكون معه حق خاتم ليتقدملها فيه وخالد وفاطمة ماعاد شافو بعضهن متل قبل بسبب انشغال فاطمة بالجامعة واشتغلت بمحل ألبسة لان المصاريف بلشت تتقل عليها وأيمن ياايمن لساته صايع وعم يدور على حب حياته من بيت الوجوه 😂 وايام عم تجر ايام والزمن عم يمشي وطبعا كلشي عم يتغير ومنهن الناس )
واقفة سلمى بالجامعة مع كم صبية وعم يحكو ويضحكو
بتقرب منها صبية وبتسحبها من أيدها لسلمى
سلمى: بتطلع فيها اهلين شيرين وين غاطة كنتي
شيرين: بتكون لابسة لبس قصير ومكياجها ملفت ومبين عليها العز وحاملة موبايل اخر موديل والله يابيبي كنت مسافرة مع رفيقي سياحة بس اشتقتلك يا حلوة

سلمى: وانا اشتقتلك انتي اول وحدة تعرفت عليها بالجامعة وفجأة اختفيتي لهيك تركتي فراغ والله
شيرين: بتبتسم اي دخيلو يلي اشتقلي تعالي اعزمك على فنجانين قهوة ومنحكي وبفرجيكي وين رحت يي شو نبسطت تعي وبتسحب سلمى وبتمشي على الكافيه
بيعدو هي وسلمى وبتبلش تفرجيها الصور
سلمى: اوو شو حلوة هالاماكن والله نيالك ورفيقك حلو ها وبتضحك رفيقك رفيقك ولا شي تاني
شيرين: بتضحك يعني هو بويفرند وهالرحلة كلها منه ماخلى مكان فيني واشترالي هدايا يي يي ما بينعدو
سلمى: بتبتسم بالهنا يارب
شيرين: بتغمزها بخفة وانتي مافي بويفرند سوسو
سلمى: بتضحك قلتيلي بويفرند لا طبعا مافي
شيرين: بتطلع فيها وبتبتسم بخبث حتضلي جدبة سوسو لك هون في كل شب بطيرو العقل ما تصيديلك واحد
سلمى: حلوة هي صيد لا دخيلك مابدي
شيرين: لك يادبة بخلوكي تقبري الفقر وخدي على طلعات وفوتات وهدايا وشو مابدك بس بدك تعرفي كيف تختاري
سلمى: كمان هالشغلة فيها اختيارات!
شيرين: طبعا فيها بعدين انتي غيريلي بشكلك شوي حاج متل الهبلة لبسك وشعرك وطريقتك لك حطيلك شوية ميكاب على القليلة شبك أنا حساعدك تعي عرفك على شب بطير العقل
سلمى: بتوقف لا شيرين مابدي أنا اصلا تأخرت وبدي روح سلام بشوفك وبتمشي
شيرين: بتطلع بسلمى بخبث ايه شو عليه ياسلمى رح تضلي نضيفة يعني كتير متل ما وقعو يلي قبلك بيجي اليوم يلي وقعك فيه ياحرام شو جدبة بس مافي شي بيصعب على شوشو وبتضحك وبتقوم
بتطلع سلمى من الجامعة وبترجع على بيتها وكلام شيرين عم يدور بمخها وشوي بتبعد هالافكار وشوي بتفكر فيهن بتكون بغرفتها اعدة بتوقف وبتطلع على حالها بالمرايا وبتحكي
سلمى: والله معها حق ليه ماعم بهتم متل هالبنات أنا صرت جامعة ماعاد طالبة صغيرة وخايفة من آنستي لازم غير حالي واطلع شوي من جدبتي بركي بيجي فارس الاحلام وبتضحك
عند خالد بكون عم يتمشى ويدور هو وأمه على لبس لاالها خالد امي تعي نشوف هالمحل
ام خالد: روح جبلي مي انت وانا سابقتك عليه
خالد: يلا تكرمي
بتدخل ام خالد على المحل
ام خالد: السلام عليكم
بتوقف فاطمة بابتسامة
فاطمة: وعليكم السلام اهلين مدام شو بتحبي ساعدك
ام خالد: بتطلع فيها بتبتسم والله يلي بشوف هالوجه الحلو ببطل يعرف شو بده
فاطمة: بتبتسم شكرا مدام هاد من ذوقك عيونك الحلوة
ام خالد: تسلميلي شو مذوقة ولهيك بدي تفرجيني عل الشي الحلو والذوق متلك
فاطمة: تكرم عيونك بس شو طلبك بالتحديد
خالد: بيفتح الباب وبيدخل امي جبتلك مي بيتطلع بفاطمة بصدمة وبوقف
فاطمة: بتطلع فيه بس تسمع صوته وقلبها ببلش ينبض بقوة حست بالشوق اله ولصوته يلي من زمان ما سمعته بتبتسم بخفة وبتبرق عيونها
خالد: بتنرسم ابتسامته على وجه وبيرفع حاجبه بإعجاب هاد انتي يامحاسن الصدف والله وينك ماعم تبيني
فاطمة: أنا ولا انت ماعاد بينت شو أجيت لحالك ولا الهوى رماك
ام خالد: بتطلع فيهن انتو بتعرفو بعضكن!؟
فاطمة: بتطلع بصدمة بخالد لا تقلي هي امك!
خالد: بيضحك انتي قلتيها أنا ماحكيت
فاطمة: اهلين خالة لاتواخذيني والله مابعرف انك والدته تشرفت بمعرفتك
ام خالد: بتبتسم الي الشرف يابنتي من وين بتعرفي خالد انتي
خالد: امي هي فاطمة رفيقة سلمى بالحارة تعرفنا من خلالها يعني
ام خالد: بتبتسم هي هي فاطمة يلي حكيتلي عنها
فاطمة: بتطلع فيه بنظرات استفهام
خالد: بيتطلع بأمه وبينكشها اميي
ام خالد: بتضحك وبتداري الوضع انو حكالي عنكن كلكن
فاطمة: بتبتسم امم شرفتونا على الحالتين شو بتحبو ساعدكن
خالد: عم تشتغلي هون!
فاطمة: اي والله بتعرف المعيشة صعبة ولازم الواحد يعتمد على حاله شوي
خالد: صحيح الله يقويكي يارب كيف جامعتك
فاطمة: ممتازة
ام خالد: شو عم تدرسي ليه بنتي
فاطمة: محامية
ام خالد: ماشاء الله كاملة مكملة مثقفة وحلوة وشاطرة لك وين عيون الشباب عنك انتي الله يبعتلك نصيبك ياروحي
فاطمة: بتطلع بطرف عينها على خالد عميان ياخالتي ماعم يقدرو النعمة يلي قدامهن يمكن خايفين مني لاني ضد المجتمع الذكوري الفاشل وبتضحك
خالد: بيتطلع عليها وبيضحك بخفة بركي عم يستنوكي انتي تحاكيهن
فاطمة: بتطلع فيه بنظرة مشاكسة عم يحلمو كتير معناها
خالد: بيمسح على شعره بتلبك وبيضحك
ام خالد:مابدنا نعطلك يابنتي فرجيني طلبي وخلينا نمشي
فاطمة: تكرمي خالتي تفضلي المكان مكانك
بيتفتلو بالمحل وبتشتري طلبها ام خالد
ام خالد: بتطلع بفاطمة وبتبتسملها النا زيارة تانية باذن الله وبتطلع لبرا المحل
فاطمة: بتنوريني خالتي ايمتى مااجيتي
خالد: وانا معها ولا لا
فاطمة: بتضحك لا متل مو شايف مكتوب محل نسائي بس ما رح نقدر نستضيفك كتير الا اذا بدك تشتري لحبيبتك خطيبتك يعني ومن هذا القبيل

خالد: وانا يلي بشتري منيح خبرتيني كرمال اشتريلها شي لحبيبتي وبيضحك وبيطلع
فاطمة: بتختفي ابتسامتها وبتنزعج من كلامه حبيبتك قلتلي ايه شو عليه بصير خير
تاني يوم بجامعة سلمى واقفة وعم تحكي سلمى مع شيرين
سلمى: يعني كيف بدي غير حالي
شيرين: يعني انتي بدك ضبط مصنع من جديد لبسك شعرك كلو رح اخدك على السوق واشتريلك شي على ذوقي امشي نروح
سلمى: بس انا مامعي مصاري
شيرين: بتضحك على حسابي ياجدبة امشي
سلمى: بس والجامعة وبعدين مارح اقبل منك شي
شيرين: لك عيب عليكي نحن اخوات تعي معي يلا بتسحبها وبتمشي هي وياها على السوق وبتلبس سلمى على ذوقها تنورة قصيرة جلد وبلوزة مشلحة حمرة وجزمة سودة تحتها وبروحو على لكوافيرة وبتغير بمويدل شعراتها وبتسبلهن وبترفعهن ديل فرس وبتحطلها مكياج متل مكياجها وبتعمل اضافرها يعني تغير كامل
سلمى: بتوقف قبال لمرايا وعم تشوف حالها كيف تغيرت هي أنا
شيرين: بتضحك اي انتي كيف شفتي حالك
سلمى: لك تبدلت ٣٨٠ درجة ولا تقولي هي سلمى وين شعراتي المنفوشين والنمش اختفى ورموشي طولو ولبسي كلو تغير
شيرين: لتعرفي شوشو شو بتعمل فيكي
سلمى: بتضحك بس كيف بدي ارجع هلق على البيت
شيرين: عادي وين المشكلة بترجعي ولاكانو في شي
سلمى: بس اهلي مارح يرضو بهالشكل
شيرين: حبيبتي انتي كبرتي ماحدا الو عليكي كلمة بتقوليلهن أنا حرة وبس
سلمى: بتبتسم أن شاء الله
شيرين: وهلق تعي لوصلك يلا
بيطلعو بسيارة شيرين وبكون تأخر الوقت
سلمى: بتطلع بتلفونها بكون في مكالمات من أهلها ومن مجد وفاطمة بتسكر الموبايل وبتطلع بالسيارة
شيرين: بتشغل الاغاني على اقوة صوت وبتمشي بسرعة بالسيارة وبتبلش تفتل فيها بالشوارع وبتلف بسلمى وبتطلع رفيقها معها هو ورفيقه يلي بيعجب بسلمى وبياكلها بعيونه من شكلها ولبسها وبيشترو اكل وبياكلو بالطريق وعم يضحكو ومبسوطين
بالحارة
هناء: بتكون واقفة ببيتها وعم تفرك بايديها الساعة صارت ٧ وماشرفت لك وينها وموبايلها ماعم ترد عليه ليكون صايرلها شي
ناهد: وحدي الله اختي اكيد نشغلت بالجامعة وموبايلها صامت بتعرفي مشاريع الجامعة مابتخلص بجوز تأخرت لهيك
بتكون فاطمة واقفة معهن
فاطمة: خالتي طولي بالك أن شاء الله هلق بتجي اكيد أنا رح اطلع لعند الشباب برا بركي بتكون اجت وبتمشي

فاطمة: بتمشي لعندهن بكون اعدين لتلاتة على الرصيف وساكتين مسا الخير
الكل: مسا النور
فاطمة: شو مجد ماردت عليك
مجد: بكون وجه ما بيتفسر ومدايق لا ماردت
فاطمة: طيب والحل
مجد: من هون لنص ساعة ماوصلت رايح دور عليها
فاطمة: وين بدك تدور عليها هلق
مجد: بوقف وين ماكان أن شاء الله بقرود السود
خالد: طول بالك اخي هلق بتجي أن شاء الله
ايمن: بس انو الجامعات كلها سكرت ماضل في جامعة بهالوقت
خالد: ييزوره اكيد نشغلت مع رفيقة من رفقاتها شبكن تفائلو بالخير تجدوه مو هيك طمطم
فاطمة: بتطلع فيه وبتبتسم وقت تسمع دلعها امم هيك
خالد: أنا رح جيب قهوة ورح جبلكن بتحبي تجي معي فاطمة
فاطمة: بتبتسم اي مافي مشكلة
بيمشي هو وياها بهدوء وساكتين
خالد: بيتطلع فيها فاطمة
فاطمة: بتطلع فيه امم
خالد: انتي امرأة قوية جدا
فاطمة: بتضحك بخفة وشو مناسبة هالكلام
خالد: بيبتسم مناسبته انو عنجد انتي هيك مو مجاملة ماشفت متل وعيك وركازتك وفهمك وكفاحك وتحملك مسؤولية نفسك واثباتك لنفسك انك بتقدري رغم كلشي
فاطمة: كيف يعني رغم كلشي؟!
خالد: أنا بعرف بقصتك من مجد
فاطمة: بتضحك اها قصتي مع كرهي للرجال وابي
خالد: يعني هيك شي
فاطمة: بتتنهد اوقات لظروف هي يلي بتقويك بس بدك تعرف كيف تتعامل معها في ظروف بتنزلك لسابع ارض وفي ظروف بتخليك تطلع لسابع سما بس بتقرب أيدها بخفة من جبينه وبتحط اصبعتها على رأسه وبتطلع بعيونه لازم تشغل هاد صح
خالد: بيبتسم وبيتطلع فيها بحب صحيح فينا نروح نجيب القهوة
فاطمة: بتنزل أيدها وبتضحك اكيد يلا تفضل
بيمشو هنن لتنين وبجيبو القهوة وبيرجعو عم يحكو
مجد: بوقف بعصبية وتوتر أنا ماعاد اقدر اصبر اكتر من هيك أنا رايح جيبها
ايمن: لك مجد وين بدك تروح ليه بتعرف وينها بالاصل
مجد: مو مهم مهم جيبها ولاقيها بركي صاير معها شي انت بتعرف مين هي يلي لهلق مارجعت وبتعرف شو بالنسبة إلي ايمن لهيك بعد من طريقي مابكفي كلمته
بتوصل السيارة بصوتها الصاخب يلي خلى الحارة ترج رج بتوقف السيارة وبينزل شب وبتفتح الباب لسلمى وبتنزل هي ولابسة الجزمة الكعب وعم تضحك
ايمن: بيحكي بصدمة لك هي مو سلمى!
خالد:بيتطلع عليها بصدمة وبتوقع كاسة القهوة من أيده من المنظر يلي عم يشوفه
مجد: بينصدم وبصيبه الزهول بيتطلع عليها ومو مصدق عيونه انو هي نفسها البنت البريئة يلي بحبها
سلمى: بتوقف لما تشوف مجد قبالها وبتطلع فيه بصمت
"الآن اقف حائر بين قلب يريد وعقل لايصدق"🫀🥀
#يتبع
#نبض_القصص
#شو_بيشبهك_تشرين
#كاتبة_بانامل_صغيرة

#الجزء_٧
بقلم#سدرة_عزالدين
مجد: بيتطلع فيها بهاللحظة وبحس بالاشمئزاز بنظرته الها لان هي مو نفسها سلمى يلي بقلبه مافي شي بدل على أنها هي بينقهر من نظراته يلي تبدلت لأول مرة بحياته الها عطول بيتطلع فيها بفخر هالمرة حاسس بالخجل قدام نفسه
فاطمة: بتطلع فيها بصدمة وبتهمس لخالد هلق هي سلمى !
خالد: بيتطلع فيها بصدمة وبنظرات مو مفهومة ومالها جواب
سلمى: بترفع حاجبها وبتقرب منها بخطوات ثابتة وبتوقف قبال مجد ليه هيك عم تطلعو فيني في شي
مجد: بيمسك أعصابه بالزور ووجه بيتحول للخنقة وبعبق بالاحمر بيمسكها بقوة من طرف أيدها من عند كتفها وبيلفظ كلمته بقهر امشي معي
سلمى: بتطلع فيه لوين ! وبعدين ليه هيك ماسك ايدي وجعتني مجد
مجد: بيتطلع فيها بعيون قاسية وبيلفظ حروفه بشدة قلتلك امشي معي وبيسحبها وبيمشي هو وياها وهي عم تمشي معه وبتسكت
ايمن: ياجماعة شو رح يصير
فاطمة: بتطلع فيهن أنا رح روح خبر أهلها أنها اجت ورايحة على بيتي لان يلي كنا عم ننتظرها رجعت وحدة تانية وبتضحك باستخفاف وبتمشي
ايمن: ونحن شو نعمل
خالد: رح ننتظر مجد ليرجع امشي نعد بالقهوة امشي
ايمن: يلا
عند مجد بوصل على جنينة فاضية جنب بيتهن
سلمى: بتكون عم تدفشه بايدها التانية لك تركلي ايدي وجعتني مجد تركنيي
مجد: بينترها بقوة لقباله وبصرخ عليها وهي تركتك
سلمى: بتمسك أيدها بوجع وبتطلع فيه ليه هيك عم تصرخ علي شو عاملتلك أنا
مجد: شو عاملة قوليلي شو مو عاملة لك تطلعي على حالك هي انتي ولا وحدة بنت ليل جاية من الشوارع ونازلة من سيارة مع شباب هي تربايتك ياخانم هي احلامكك هيك بتحققيها يامحترمة يابنت العالم والناس
سلمى: بتطلع فيه بعصبية احترم حالك مجد وحسوب كلامك منيح
مجد: بصرخ عليها اكتر لا مابدي احسب كلماتي لانك انتي طلعتي من توبك ومخك طار مافي بنت محترمة المكان يلي عايشة فيه واهلها بتجي باخر الليل بهالشكل
سلمى: بتقرب منه بعيون مليانة شرار وعصبية وانت مين لتحاسبني وتحاكيني هالكلام إذا اهلي ماحكو معي هيك انت مين لتحكي معي هيك
أنا بطلع بفوت بتأخر انت مادخلك لا تكون فكرت حالك انك مسؤول عني انت شو مفكر حالك عفوا منك بصفتك شو عم تحاسبني يعني
مجد: بتقهره بكلماتها بيمسكها من ايديها بقوة وبصرخ بوجها بصفتي انيي بحبكك بحبكك سلمى عم تفهمي شو صفتي لاني من وقت ماوعيت عليكي وانا بحبك ومخبي حبك جواتي كل هالسنين كرمال يجي الوقت يلي كون قادر قلك فيها أنا بحبكك وحققلك احلامك عرفتي شو صفتيي هلقق

سلمى: بتبتسم باستخفاف ومفكر عم تعترفلي هلق بهالشي!؟ بتضحك وبتبعد ايديه عنها هه
مجد: بيتطلع فيها بسكون وماله فهمان شو عم تحكي بيحكي برجفة شو شو قصدك
سلمى: بتضحك اديه انت على نياتك مجد أنا بعرف انك بتحبني
مجد: بيتطلع فيها بعدم استوعب شو شوقلتي
سلمى: كنت حاسة انك بتحبني لوقت ما سمعتك بغرفتك هداك اليوم وانت عم تعترف بهالشي لنفسك وقت دخلت عليك الغرفة وتلبكت يومها عملت حالي ماسمعتك بتطلع فيه ببرود بس انا بعرف من زمان ومو بس هيك أنا منعت قلبي انو يحبك مجد أو يتأثر باهتمامك
مجد: بيتطلع فيها وبهاللحظة ماعاد ستوعب كلماتها دنيته سودت بوجه بحس بنغزة قوية بقلبه عم تدبحه وهو واقف جامد قبالها جسد بلا روح بيحكي كلماته وعم يحاول يكذب اذانه انت عم تمزحي مو هيك .!؟
سلمى: بتطلع فيه بقوة لا ماعم بمزح أنا شو بدي حب بواحد مو قدران يعترف بحبه من عجزه تخيل كمية الجبن يلي انت فيها مجد انك مو قدران تلفظ هالكلمة يلي من اربع حروف بس لانك انسان فاضي مامعه حتى حق كلمته يلي هي ببلاش ليه لااسمح لقلبي يحب انسان ماعنده هدف واحد ولاشي انسان مابحب يطلع لفوق بحب يضل متل ماهو تخلى عن حلمه يلي كان ممكن يطلعه شي ويصير بس هو قرر يتخلى عنه بسبب فشله انت ولاشي مجد وانا مابحب واحد مو موجود بالدنيا غير بكلماته بس الدنيا بدها يلي يكون قوي مو الجبان الضعيف
مجد: بكون عم يسمع كلماتها وماعاد شاف بعيونه بحس بتوازنه اختل وبينزل رأسه بتعب وبغمض عيونه بقوة وجسده بيرجف كله وماعاد بشوف غير كل تضحياته الها بكل ثانية من يومه مر شريط حياته وحلمه وتعبه وسهره وبهادل الكل اله بشغله كرمال يصمد مصاريف جامعتها وحرمانه لنفسه وتعبه كرمالها بفتح عيونه بغل وقسوة وبيرفع رأسه عليها وبيتطلع فيها بقوة وقهر وعم يكابر على دموعه بيرفع أيده بوجها وبيحكي هو وحروفه عم ترجف خلصتي كلامك
سلمى: حبيت وعيك على الحقيقة يلي ماعم تشوفها
مجد: بيحكي بعصبية وبصرخ عليها من جواته صار وقت تسمعيني يا كبيرة يا واعية أنا صحيت على الحقيقة بس بتعرفي حقيقة شو حقيقتك حقيقة البنت يلي حبيتها وفكرتها بتستاهل هالحب حقيقة احلامك وكذبة حبي الك بس بتعرفي شو بخونوه دموعه وبينزلو على وجه بقهر انا مالي ندمان اني حبيتك أو عفوا حبيت البنت يلي رسمتها بمخيلتي لان انتي مو هي نفسها البنت البسيطة يلي كانت جواتي وساكنة بروحي

سلمى: بتطلع فيه وبيهتز كيانها من كلماته بتكابر على حالها انت اصلا ماحبيتني عم تخدع حالك بالوهم قلبك مريض فيني بس و
مجد: بقاطعها بصوته العالي وبصرخ بوجها خرسيي
قلبي انقى واحن من انو تجي وحدة متلك توسخه بكلماتها واوعك اوعك تشككي بحبي ولو للحظة وحدة أووعك لان حبي بعمره ماكان كذبة بعمره ولاحيكون ومتل ماحبيتك وضحيت بحلمي وعمري كرمالك بيمسكها من أيدها بقوة وبيتطلع بعيونها
بالوقت بتنزل المطر عليهن بقوة لتبلل أجسادهن وتتغلغل بقلوبهن
مجد: بكفي كلامه وعيونه بعيونها رح ابني حلمي وكمل عمري وانا مو شايفك رح خلي كرهي الك بهاللحظة هو سبب نجاحي ولا تفكري حياتك مارح تتأثر بيبتسم وبيمسح دموعه بخفة أنا عاصفة لما بمشي بترك اثر ما بينمحى بينترها بقوة وبيلتفت وبيمشي
سلمى: بتطلع فيه بصدمة وبتاخد نفسها بصعوبة وببلش يجسدها يرتجف
مجد: بيمشي بخطوات مهزوزة ودموعه بتنفجر باللحظة لتختلط بالمطر يلي مبلل وجه وبوقف وبيتطلع وراه وبوجه نظره عليها بقهر وكسرة خاطر وبيصرخ من جوا قلبه ليهتز من صوته كل جسده شو بيشبهكك تشريين
وبيلتفت وبيمشي
سلمى: بتبلش ترجف من جملته وبتنزل على الأرض بقوة وبتحس جسدها نشل بهاللحظة
بيمشي مجد وهو عم يمسح دموعه وعم يرجعو يتجددو من قهره وكسرته بوصل على البيت
خالد: بيركد لعنده مجد مجد
مجد: ما برد وبدو يمشي
خالد: بيمسكه بقوة لك وين رايح شوفي
مجد: بصرخ عليه هو وعم يبكي ويتنهد تركني كرمال الله خالد وروح تركني وبيطلع على بيته
خالد: بيلتفت على ايمن وبكونو تغسلو من المطر امشي ايمن امشي منرجع لعنده بكرا يلا
ايمن: بس لازم نبقى معه امشي منطلع على البيت مو بكيفه
خالد: طيب امشي وبيطلعو وراه
بوصل مجد على البيت وبيفتح الباب وبيدخل عم يركد على غرفته
ناهد: بتوقف امي مجد ومابتلحقه بكون قفل الباب على حاله
بيدفشو الباب خالد وأيمن هنن وداخلين وراه
خالد: خالتي شو صار
ناهد: مابعرف مابعرف مالحقته دخل بسرعة وقفل الباب انتو فهموني شو صار
ايمن: نحن متلك شفناه هيك وركدنا وراه
بيطلع صوت التكسير من غرفته بيرتعبو كلهن من الصوت
مجد: بكون واقف بنص الغرفة وعم يكسر كلشي بيطلع قباله بقهر وعم ويصرخ بقهر وحاسس بروحه عم توجعه و بقلبه محروق
خالد: بيركد هو ايمن وبدقو الباب بقوة يامجد فتاح الباب يامجدد
ايمن: مجدد اخي فتاح واهدى
مجد: بيفتح خزانته بقوة وبطلع منها الصندوق وبزته بالأرض ليكرسه وبيطلعو منه لغراض وبيتناثرو وبصرخ حقيرةةةة

بتكون سلمى داخلة وبدها تفتح باب البيت بتسمع صرخة مجد وبتوقف
هناء: بتفتح باب البيت على صوت مجد والتكسير بتشوف بنتها بوجها انتي وينك كنتي وبتطلع بشكلها شو هاد
سلمى: بعدين بحكيلك امي وبتدخل على البيت وبوجها على غرفتها
بوقف ابوها وبصرخ عليها
ابو ملهم: سلمى وقفي وتعي لهون
سلمى: بترجع لعند ابوها نعم بابا
ابو ملهم: وين كنتي
سلمى: كنت عند رفيقتي
ابو ملهم: مين رفيقتك
سلمى: مابتعرفها تعرفت عليها من الجامعة
ابو ملهم: وشو هاللبس وهالمنظر يلي جاية فيه وين لبسك القديم
سلمى: ليكه بشنتايتي ندلق علي القهوة بالجامعة ورفيقتي اشترتلي هدول لاالبسهن شو كفرنا والله ماكفرنا
ابو ملهم: بيرفع أيده وبيضربها كف بقوة قليلة ادب
سلمى: بتحط أيدها على وجها بوجع وصدمة
هناء: لا يا ابو ملهم
ابو ملهم: انتي صار بدك ترباية من جديد كرمال تعرفي تحكي مع ابوكي يامحترمة بس مو الحق عليكي الحق علينا يلي عطيناكي اكتر ما بتستاهلي نقبري روحي على غرفتك روحيي
سلمى: بتطلع بابوها بابتسامة ممزوجة بالدموع كتر خيرك وبتمشي على غرفتها
عند مجد بكونو لسا عم يدقو الباب عليه وهو جانن وعم يصرخ
مجد: بكرهكك بكرهكك بحس بحيله نهد بيتنهد بوجع وعم يمنع دموعه انها تنزل بيوقع بالأرض وبيعد بتعب وبينزلو دموعه بقهر وبيشهق أنا بحبكك ليه هيك عملتي لييه بيدفن وجه بين أيديه وبتصدى صوت شهقاته وبكاه لمسامعهن وبحس بروحه فرطت من الوجع
خالد: بوقف دق على الباب وقت يوصله صوت بكاه بس وقف لاعاد تدق
ايمن: بيتطلع بخالد وبيهمس عم يبكي
ناهد: بتسمع صوت بكاه وبيوجعها قلبها وبينزلو دموعها على صوت بكاه ريته الوجع لروحي ياعيوني وأبوه واقف وعم يسمعهن خلص تركوه يرتاح لحاله
خالد: وانا هيك برأيي خلينا نعد بالصالون تعي خالتي يلا
بعد مرور وقت
بنص الليل
مجد: بفتح عيونه ومو شايف غير العتمة حوليه وعيونه مغبشة من دموعه ومابيعرف الوقت اديه لانه من بكاه غفي متل الطفل وماعاد حس بيسند حاله على العتمة وبوقف وعم يمشي ليشعل الضو بتغرز برجله شي بس ما بحس فيه بوصل للضو وبيشعله وبيعد على تخته بتعب بيتطلع على رجله بشوف الدم عم ينزل منها ومجروحة جرح كبير وبشوف قزازة برجله من زجاجة البارفان تبع سلمى يلي نكسرت بس ماحس فيها لما دخلت برجله ولا توجع لان الوجع يلي بقلبه وروحه طغى عليه بشيلها ببرود وبوقف والدم عم ينزل من رجله ومو هامه

مجد: بينحني بخفة وبيمسك الصندوق وبشيل لغراض يلي رماها وبرجعهن لقلبه وبيمسك لقزاز وبلمهن بايده وبرجعهن للصندوق وبحطه بخزانته وبيفتح باب غرفته وبيطلع على الصالون بيتطلع بعيونه بلفتة بسيطة بشوف ايمن وخالد اعدين جنب بعض على الكنباية و نايمين وحاضنين بعضهن
مجد: بيبتسم بخفة رغم حزنه الطاغي وبقرب منهن وبيهمس بصوت مبحوح من صريخه ماضل صوت عنده شباب ايمن خالد
خالد: بينئز وبيتطلع بمجد وبيبعد فورا عن ايمن وبوقف
ايمن : بينزل رأسه بقوة وبيرتعب وبفتح عيونه وين أنا بيتطلع فيهن وبوقف مجد كيف صرت
مجد: منيح أنا
ايمن: ليه هيك صوتك
مجد: لا تهتم
خالد: بحط أيده على كتفه انت منيح اخي
مجد: بيتنهد شو شايف انت
خالد: خلينا ندخل على الغرفة نحكي تعال يلا
مجد: بهز براسه وبيمشي بصمت وبيلحقوه
خالد: بيتطلع على الغرفة كيف مقلوبة وعلى الارض في دم وعم ينزل من رجل مجد وهو وعم يمشي
خالد: مجد رجلك عم تنزف مو حاسس
مجد: بيعد على تخته بعدم مباله لا تشغل بالك عادي
ايمن: شو عادي يازلمة شوف لقزاز بالأرض ورجلك وين الزيق الطبي
مجد: خلص قلتلكن لا تهتمو مافيها شي اصلا مالي حاسس فيها بيضحك باستخفاف هي ولاشي قدام يلي بقلبي صدقوني
خالد: شو صار معك مجد شو القصة
مجد: بيتطلع ببرود ولاشي طلع كلشي ولاشي سنين عمري وحبي وانا طلعنا بالنسبة الها ولاشي
خالد: كيف يعني سلمى هيك حكت!؟
مجد: هي مو بس حكت هي هدمت سنين عمري كلها باللحظة سلمى بتعرف اني بحبها من زمان
ايمن وخالد: شو !
ايمن: بتعرف سلمى بحبك الها كيف ومن ايمتى
مجد: بتعرف من زمان وهي تقصدت تضل عاملة حالها ما بتعرف لأنها منعت قلبها من حبي قال أنا إنسان فاضي ماعنده هدف بحياته تخليت عن حلمي لاني مابحب صير
خالد: بيتطلع فيه مجد انت متاكد انو هالحكي حكته سلمى!
مجد: بيتنهد ايه حكته طلع كلامك مزبوط أنانية كتير كلماتها نهشت بروحي لدرجة عم حسها نطفت وندفنت قتلت كلشي حلو جواتي كنت بكنلها ياه حتى آذاني مو قبلانة تتقبل يلي سمعته بيتطلع فيهن بكسرة خاطر حواسي رافضة تقبل يلي صار بيضرب على قلبه بقهر وعم يحكي بحروف مخنوقة قلبي قلبي رافض يكرهها
خالد: بحط أيده على كتفه ما بتستاهل ياأخي مابتستاهل حبك وتضحيتك
ايمن: لا والله ما بتستاهل لك شو صرلها هي طلعت من توبها بثواني بعمري ماكنت بصدق انو هاالحكي يطلع منها لسلمى
مجد: بيتطلع فيه هي مو سلمى يلي حبيتها سلمى يلي حبيتها هون وبأشر على قلبه بس مو موجودة بالواقع ويلي رح تشوفوها من بعد هاليوم هي ولاشي
خالد: كنت قلتلك إنساها بس بعرف مستحيل هالكلمة تطفي النار يلي جواتك لان لو النسيان بيجي بكلمة كنا بألف خير وماكنت شفت حدا مقهور بهالدنيا
مجد: بغص بدموعه ياريت فيني انساها بكلمة ياريت
خالد : بيزعل عليه وبيحضنه بقوة اوعك تبكي اوعك ماحدا بيستاهل تكسر كبريائك كرماله اوعك
مجد: طفتلي روحي ياخيي طفتلي روحي وبينهمرو دموعه
ايمن: بيتطلع بخالد بحزن وبقرب منهن وبيحضنهن بقوة وبينزلو دموعه مع مجد
خالد: بيتمالك دموعه وبقوي حاله شو صرلكن شبكن اهدو لرجال ما بتبكي
ايمن: بيحكي ليضحكهن نحن نسوان وبيضحك وعم يمسح دموعه
مجد وخالد: بيضحكو بخفة
خالد: بيمسك وجه مجد وبيمسحله دموعه بايديه انت مالك فاضي انت احسن واحد بالدنيا انت رح تقدر ورح تأثبت للكل انك موجود ورح تمشي بدون ماتشوفهن مفهوم
مجد: بهز براسه وبيحضنه بقوة يخليلي ياكن يارب
خالد: بشد عليه بقوة وبربت على ضهره ويخليلنا ياك ابو الجود
ايمن: بعدولي طيب وانا
خالد: بيضحك تعا تعا وبيحضنو بعض بقوة
" مو ضروري بقصصنا يكون الصداقة دائماً للبنات اوقات صداقة الشباب بتكون اقوى واحلى بكتير بتكون علاقة مختلفة مزيج من المشاكسة والمصارعات القوية والحب الدافي وبحياتنا الرجال الصح بحب من قلبه وإذا حب من قلبه صعب شي يكسره بس اذا بتنكسر كرامته وكبريائه .. بيرمي كلشي وراه وما بيتطلع بيتحول للهب بيحرق الاخضر واليابس .."
( بعد مرور أيام )
" مجد بيبعد عن الحارة بهالايام وبينام عند خالد كرمال ما يشوف سلمى وسلمى غابت عن جامعتها بهالايام لبين ما صلحت الأمور مع اهلها بكذباتها وطبعا ماعاد فكرت بمجد بسبب الشب يلي عم تحاكيه وتعرفت عليه عن طريق شيرين "
بتنزل سلمى من سيارة الشب هي وعم تضحك وبدها تدخل على حارتها
سلمى: يلا سلام
فاطمة: بتشوفها بتمشي لعندها وبتمسكها من أيدها
سلمى: بتلتفت عليها وبتطلع فيها وبتتكتف وبتضحك والله واهلين برفيقتي منيح تذكرتيني والله
فاطمة: بتطلع فيها لا تتغدي فيني سلمى قبل ماحكي شي
سلمى: شو بدك تحكي فاطمة احكي لان الكل بصير محلل نفسي فجأة وبصير أنا الغلط إذا جاية تدافعي عن مجد لاتعذبي حالك لاني مابدي اسمع

فاطمة: هوب هوب اهدي على حالك شوي بهالكلمات مفكرة رح تسكتيني يعني اولا أنا مالي جاية دافع عن حدا لان مجد اصلا ماحكالي شو صار بينكن بس خالد حكالي وبتعرفي ماستغربت ابدا لان يلي شفتها نازلة من السيارة هداك اليوم بيطلع منها هيك حكي اكيد
سلمى: بتضحك بمسخرة عجيب امركن انتو عفوا منكن انتو بتزعلو لما تشوفو الإنسان عم يتطور عم يتحسن بتحبو تضلو متل ماانتو ليه !
فاطمة: بتضحك مفكرة هيك تطورتي يعني وصرتي بنت أكابر وحلوة والله انك مسخرة عنجد وأحلامك سخيفة وتافهة
سلمى: مابسمحلك فاطمة ها
فاطمة: بتصرخ عليها لا بدك تسمحيلي ياست سلمى لك انتي وين رايحة بحالك اه قوليلي وين عرفانة طريق جهنم يلي ماشية فيه مارح يفيدك بشي غير خسارة الحكي يلي قلتيه لمجد والتصرف يلي تصرفتي هاد تصرف حقير وكتير كمان بتعرفي بحبه الك وشو عملتي كسرتيه ليه ليه هيك عملتي شو قدملك مجد غير انو حبك وضحى كرمالك بكتير شغلات هي جزاته هي
سلمى: حاج تقوليلي ضحى كرمالي شو عمل يعني
فاطمة: مجد تخلى عن حلمه كرمالك مارضي يدخل هندسة بالمصاريف يلي مصمدهن كرمال يدخلك جامعتك يلي هلق فيها انتي وبتعرفي شو حكا مع أمه لتقول لامك وأبوكي مايحاكوكي شي خلاهن يتركوكي على راحتك ومايحرموكي من حلمك مجد حتى وهو مكسور منك قرر يخلي اهلك جنبك ومايزعلو منك حط الحق عليه وحكالهن انو هو يلي زعلك مو انتي انتي ما بتستاهلي حبه ما بتستاهلي
سلمى: بتكون متكتفة امم خلصتي يارفيقتي يلي المفروض توقف معي مو معه انتي رفيقتي الي فاطمة مو لمجد بدل ما تدافعي عني عم تلوميني
فاطمة: أنا بوقف مع الحق ولو مين ماكان يكون وإذا ضليتي هيك رح تخسرينا كلنا ياسلمى مو بس مجد وساعتها حتشوفي انو حياتك رح تقلب لجحيم بدونه
سلمى: الله معك فاطمة من هلق انتي لا رفيقتي ولا بعرفك يلا خلي مجد ينفعك
فاطمة: بتطلع فيها وبتضحك باستخفاف منها اصلا مين قلك اني بشرفني تكوني رفيقتي من بعد اليوم رح روح وليكي بس ترجعي سلمى تبع زمان ابقي لا ترجعي ندمانة لان ساعتها حتكوني خسرتي كلشي وبتمشي
سلمى: بتطلع فيها بقهر وبتلتفت وبتمشي على بيتها
بتشوفها ناهد بتكون نازلة ولابسة بدها تطلع
ناهد: سلمى كيفك
سلمى: بتطلع بناهد وبتبتسم بخفة اهلين خالتي
ناهد: اهلين بنتي شو اخبارك كيف جامعتك
سلمى: الحمدلله خالتي منيحة
ناهد: الله يوفقك بحياتك يارب وبتمشي
سلمى: خالتي
ناهد: بتلتفت نعم
سلمى: انتي فيكي شي
ناهد: شو بدو يكون فيني
سلمى: بتبتسم ولاشي انتبهي على حالك
ناهد: وانتي كمان وبتمشي بتتنهد وبتهمس جواتها والله لو مالك غالية على قلبي متل ولادي ولو ماانا مربيتك مابحاكيكي حرف بس كلشي رح يتصلح ورح تعرفي وقتها ياسلمى كلشي وبتمشي
ببيت خالد
اعد مجد وخالد عم يتطلعو ببعضهن
مجد: شو مليت مني
خالد: الله يسامحك شو هالحكي إذا ماشالتك الأرض منشيلك بعيونا ابو الجود
مجد: بيبتسم بخفة
بيدخل ايمن من البرندا وعم يلوح بأيديه
خالد: ايمتى بدك تبطل هالسم الهاري
ايمن: بيضحك وبيعد بتقصد الدخان
خالد: في سم هاري غيره يعني عجيب امرك هم وماعندك ومال وموجود وحياتك مأمنة وبتطلع وبتفوت على كيفك ليه الدخان
ايمن: بيضحك بخفة اكل هوا شريك أديه الي رفيق معكن انا
خالد: كتير مالي عاددهن
ايمن: بعمري حكيتلكن شي عن حياتي!
خالد: لا
ايمن: ها ها أنا مابحكي الكن بس بحكي للسيجارة وبفش همي فيها
خالد: وشو همك حجي
ايمن: بيضحك لك لا تفكر المال بجيب راحة بال بالعكس تماما بيحكي بغصة وعم يخفيها بضحكته انا برجع لبيتي بس للنوم بعيد عنك مافي أهل لتعد معهن ليه بحبكن ومتعلق فيكن أنا غير انكن رفقاتي ومتل اخواتي بس وقت بجي على بيتك أو بيته بحس بجو العيلة يلي فاقده أنا امي وابي ما بيعدو بالبيت مافي لمة عيلة بحياتي امي دائما بجمعاتها المخملية وابي دائما بسهراته وسفره وخيانته لامي باليوم الف مرة
مجد وخالد: بيتطلعو بأيمن بصدمة
ايمن: اي اي لا تستغربو أنا صحيح ولدت وبتمي معلقة دهب بس مع هالمعلقة في غصة كبيرة ما بتروح المال مو كلشي يامجد مو كلشي لان ما بتقدر تشتري فيه اصغر تفصيل بحياتنا ويلي هي الراحة والطمأنينة ممكن تشتري تياب ومجوهرات وفيلة وسيارة بس انو تشتريلك صحة وراحة بال بيضحك هه بدك تدفع كتير ومارح تقدر توصل لهالشعور بحياتك لهيك أنا مختار حياتي حياتي معكن انتو عيلتي يلي محروم من حنانها امهاتكن امهاتي وعيلتكن عيلتي عرفت ليه بدخن يا خوخة وبيضحك
خالد: ولاه تعا لهون لشوف
ايمن: شو وبقرب منه
خالد: بيحضنه بقوة انت اخونا يادب
ايمن: بيضحك أنبتلك ضميرك مو هيك
خالد: كتير وبيضحك وبيحضنه
ايمن: بيتطلع بمجد تعال معنا شبك مستحي وبيحضن مجد بغلاظة

مجد: بيضربه بخفة وضريب خنقتني وبيضحك وبشد عليهن
برن موبايل خالد باسم فلة قلبي
مجد وأيمن بيبعدو عنه وبيتطلعو بالموبايل
ايمن: اووو مين فلة ولاك
مجد: الله يسمعنا الاخبار الطيبة
خالد: بيضحك وبيبعد عنهن خرسو انتو تنين وبرد على موبايله الو
فاطمة: بتحكي بتوتر وخجل مرحبا
خالد: هلا طمطم كيفك
فاطمة: بتبتسم وقت تسمع صوته الحمدلله انت كيفك
خالد: أنا الحمدلله منيح كتير
فاطمة: دائماً أن شاء الله تضل بخير
خالد: تسلميلي فيكي شي فاطمة
فاطمة: بتستغرب كيف عرفت؟
خالد: بيبتسم حافظ صوتك لان لو مافيكي شي مابتكوني هيك شبك شو صاير
فاطمة: تجادلت أنا وسلمى وقالتلي انو ماعاد بدها رفقتي
خالد: ايوا لعما هي جنت على الخالص
فاطمة: هيك شي بس بتعرفني ما سكتلها بهدلتها بهدلة بتليق بحضرة جنابها ومو بس هيك
خالد: شو في كمان
فاطمة: نزلت من سيارة شب من برا الحارة وكملت مشي على بيتها خالد سلمى مالها عرفانة شو عم تعمل مو هي سلمى يلي بعرفها والله مصدومة فيها وخايفة عليها بنفس الوقت خايفة يلي معها يجروها لطريق مامنه رجعة وسلمى وعيها صفر عم تتصرف شو مشاعرها بتقلها مو شو عقلها بقول لو عمو ابو ملهم بيعرف ولا خالتو هناء والله ليقتلوها
خالد: والحل هلق
فاطمة: خبر مجد مابعرف أنا بركي هو بيتصرف
خالد: بس مجد ماعاد اله قدرة يتحمل جنانها اكتر
مجد: بوقف وبيتطلع فيه شوفي خالد
خالد: مافي شي
مجد: احكي شوفي شو صاير
خالد: فاطمة برجع بحاكيكي وبخبرك شو بصير تمام
فاطمة: تمام ليك بشوفكن بالحارة اليوم المسا تمام
خالد: تمام يلا سلام انتبهي على حالك
فاطمة: بتبتسم وانت كمان وبتسكر
خالد: مجد
مجد: بيتكتف شوفي احكي
خالد: مجد سلمى عم تخبص كتير واليوم نهت علاقتها مع فاطمة وماعاد بدها تحكي معها وغير هيك
مجد: شوفي كمان
خالد: شافتها فاطمة نازلة من سيارة شب برا الحارة ودخلت على الحارة مشي سلمى عم تخبص وفاطمة خايفة عليها توصل لطريق مامنه رجعة
مجد: بغمض عيونه بتعب وبيزفر بضيق اووف اوفف سلمى اووف
ايمن: شو الحل
مجد: رح ارجع على بيتي اليوم بس انا ماعاد قرب منها بشي انا تعبت من كلشي بس رح فكر كيف بدي اتصرف معها
خالد: انت مالك مجبور تضل تداري على كذباتها فيك تخبر أهلها وهنن يتصرفو ولا تنسى انت طالبها من ابوها رسمي وأبوها موافق
ايمن: فيك تخطبها رسمي وبعدها تعذبها وتنتقم منها
مجد: بيتطلع فيهن عن شو عم تحكو انتو اي انتقام واي عذاب أنا يا بكون كل دنيتها يامابكون بدنيتها من الأصل مو مجد يلي بينتقم بهالطريقة بعدين من مين بدي انتقم منها ولا من حبها يلي بقلبي خبروني قلتلكن هي مو نفسها البنت يلي حبيتها هي وحدة تانية يلي بحبها ماتت خلص ومالي بهالندالة لخلي أهلها يعرفو ويسودو عيشتها ابوها بروح فيها لو عرف وامها مارح تتحمل وكرامة الهن رح فكر بحل يرضينا كلنا
المسا بيرجع مجد وخالد وايمن على الحارة وبيعدو بالقهوة عم ينتظرو فاطمة تجي
بتوصل فاطمة لعندهن
فاطمة: مسا الخير
الكل: مسا النور
فاطمة: كيفك مجد
مجد: منقول منيح
فاطمة: بتعد على الكرسي شو رح تعمل مجد
مجد: بيحكي ببرود اعصاب ولاشي أنا بدي كفي حياتي اكيد مارح ضل واقف انتظرها بمكان فاضي أنا حبيت واعطيت اكتر من قدرتي ماعلي العتب بشي وكرمال كفي جميلي للأخير وهالشي مو كرمالها كرمال حبي يلي كان بيوم تجاها رح تضل عيوني عليها كرمال ماتوقع بشي تندم طول حياتها عليه مع انو بيسكت شوي يلي متلها بيستحق يندم طول حياته بس كرمال عشرتنا والله بس
فاطمة: بتبتسم وانت هيك بكون ماقصرت بشي صدقني يامجد رح يجي اليوم يلي تندم فيه وتعض أصابعها ندم لان خسرتك انت انسان ما بتعوض مجد صدقني
مجد: بيبتسم بصير خير بصير خير وانتي طمطم كتر خيرك وانتبهي على حالك واوعك تحطيها واطية لمين من كان حتى لو لاالي بذات نفسي والله يبعتلك يلي بيستاهلك وبوقف وبربت على كتف خالد قول امين
خالد: بيبتسم امين
مجد: طالع على البيت بدي ارتاح وبدي اطلع بكرا دور على شغل سلام انتبهو على حالكن
خالد: بيغمز ايمن بخفة انو يقوم
ايمن: اي وانا رايح على بيتي بدكن شي
خالد: سلامتك بشوفك بكرا
ايمن: أن شاء الله بيغمزه سلام روميو وبيضحك وبيمشي
خالد: بيضحك وبيتطلع بفاطمة
فاطمة: بتطلع حوليها بخجل أنا صار لازم امشي
خالد: منمشي سوا
بيتمشو بالحارة والدنيا عتمة وفيه نسمات باردة عم تتغلغل فيهن والقمر عم يضوي الشوارع المبللة بالمطر
خالد: بيمسك أيدها بخفة فاطمة وبوقف
فاطمة: بتوقف وبتطلع فيه همم
خالد: ليكي انا مابعرف لا لف ولا دور ولا بحب مط وشط بالسيرة
فاطمة: بتضحك على طريقته اي
خالد: بيتطلع بعيونها بحب وبيبتسم انا بحبك
فاطمة: بتطلع فيه بخجل وبتضحك كيف