🌹🦋🌹🦋
على صوت دقة ع الباب رح يفتح وبايدو كاسة نسكافيه سخنة
ادم : بونجور
تقي : صباح النور اتفضل
ادم : يا خيي انا حكيت بيني وبين حالي بيكون لساه بسابع نومة
تقي : مين حكالك والله ستة ونص كنت صحيان وغير شكل
ادم : مش معقول انت ارتاح بكرى السفر
تقي : عندي مشوار عائلي
ادم : ما تحكيلي رجعت اتصلت فيك
تقي : ولازم اشوف حل للموضوع نهائي ازا نفذت وعودها انفضحت
ادم : فضيحة شو؟؟؟ ما تحكيلي بدك تقبل ترجعلا
تقي : شيليني منها خلينا نحكي بالشغل
ادم : متل مابدك شفت كيف مبارح سفيان باشا ومراد كيف مبسوطين فيك
تقي : مبسوطين من ارباح الحفل
ادم : اسمعني تقي ما تفرجي انبهارك بتنظيم الحفل وبكل مرة لازم تعترض على شي كرمال يعرفوا انك شديد الملاحظة ومش اي غلطة يمكن تعدي ببساطة
تقي : اي افهمت عليك
ادم : و للمرة التانية بخبرك تصرفاتك عفوية كتير بالاخص مع جمهورك
تقي : الناس بتحبني هيك وانا

- النص المستخرج من الصورة: 📝
اساس
2
K/8
تقي : الناس بتحبني هيك وانا ابدا ما بدي اشوف حالي
عليهن
ادم لازم تخلي بينك وبينهن مسافة منيحة مش اي خبرية
بتنحكى
تقي : بحاول اد مافيني احكيلي عن السفر
ادم : لاول مرة بتزور الاردن
تقي : اي ومستصعب الموضوع بقلمي مايا الحجازي
ادم : ما تعتل هم شي حجزت بدرجة الصف الأول رح تكون
الخدمة ممتازة والسفرة مريحة
تقي : المهم تخلي مدة منيحة بين كل حفل
ادم : ما تعتل هم شي منظملك الوقت وكمان رح نعمل سياحة
باكثر من منطقة من شهر ما منرجع لبيروت
تقي : انا بفضل اروح بكير واحل الموضوع
ادم : الي بتشوفو
ومجرد ما فتح الموبايل دغري كبس بسرعة ليطلع من الصور
وتحديداً صورة بريق بس ادم شاف الصورة
ادم : بتحب ارافقك
تقي : لا استغل الفرصة واقضي وقت عند اهلك بتعرف
بیروت وزحمة الشوارع
ادم : اوكي
طلع ادم واتنفس براحة تقي
تقي : ليش بريق مغيرة رقمها لازم احكي معها انا اهملتها
الفترة الماضية
#فلاش_باك
بالشركة كان الاتصال من بريق وبنفس الوقت اقل من خمس
دقايق عندو مسابقة غنائية رد ومتلبك كثير
تقي : اهلين بريق
بريق : منيح رديت هاد عاشر اتصال
تقي : كنت بالزحمة شوفي بريق انا مشغول
بريق : ليش عم تطنش اتصالاتي ورسائلي
تقى : انا ماني فاضي للعتاب هلا شوفي ليش متصلة

- النص المستخرج من الصورة: 📝
اسات
AY 20
بريق : ليش عم تطنش اتصالاتي ورسائلي
تقي : انا ماني فاضي للعتاب هلا شوفي ليش متصلة
بريق : ليش متصلة ؟؟؟ انا اجاني عريس
تقي : اي اتجوزي شو بدي اعملك
بريق : نحن ع اساس مخطوبين
تقي : احكي لحالك هالحكي مو الي بريق ازا ما بدك اياني
خلص اتركيني
بريق : وهو هيك
فصلو بنفس التوقيت واخد نفس وفات يقدم للمسابقة

الجزء الثاني والعشرون
بالمحل كنت منزلة تشكيلة من الفساتين لجديدة وعم نعرضها بالواجهة
رشا : هالسنة الموديلات ما شاء الله خيلة
بريق : وكل شهر موديل جديد مو ملحقين
رشا : خديلك فستان
بريق : البركة ب منى مو مخليه بنفسها شي
رشا : وانتي خديلك فستان مشان تحضري فيه خطبتي
بريق : يا محتالة هيك لكن
رشا : ههه لك ما صار شي بس مبارح حكى مع بابا وحكالو بس تنزل للبلد بصير خير بلكي ماصار نصيب
بريق : ابن عمك مو
رشا : اي بس من زمان مسافر وما صرلو مدة دافع بدل وحابب ينزل للبلد ويخطب
بريق : بدي حلوان
رشا : احلى حلوان تكرم عينك شو القصة شهد ببيت اهلا
بريق : لا بالبيت بتعرفي فتحت المدارس وبدها تهتم بدراسة قصي
رشا : وكيفها مع ضرتها
بريق : كل وحدة بحالها بس شهد بتحب تعمل مشاكل وهديك ما الها الا ترضي طارق بيحكيلا خلص يعني خلص دغري بتستسلم
رشا : هههه اي واسمعنا انو شايليتو ع كفوف الراحات
بريق : وهو كمان مو مقصر
رشا : عقبالك يارب
هالكلمة جرحتني بالاخص انو كل الحارة عرفوا انو فسخت الخطبة بس ماحدا بيعرف انو اعطيتو كلشي معي مصاري ودهب
تركت من ايدي اول ما شفت شهم نازل من سيارة التوزيع ومعو دفترو المعتاد ورحت لشوف شو جايب معو
شهم : طولت عليكي
بريق : لافف الشام كلا وجاي اخر شي عليي
شهم : ههه لك والله هي وصلتي من حمص
بريق : شو جايب معك
شهم : اما شو تشكيلة ع كيفك
فتح السيارة وبلش يعرض عليي كل الموديلات
بريق : ورح نختلف بالسعر
شهم : انتي مشكلجية كتير بالاول خدي لبضاعة وبعدين فاصلي
بريق : ههه طيب جيب لقلك وجوى منتفاهم
🦋🌹🦋🌹
بقلبو : احلى حدا بيتفاهم معي صرلي شهرين ما شفت هالطلة الحلوة
خلا الشب الي بيشتغل معو يفوت لبضاعة للمحل تركو يشتغل وفات لعندها ع المكتب
بريق : جيبي مي رشا
رشا : تكرمي
شهم : بدك تاخدي وتعطي
بريق : ومارح نختلف هيك قلتلي
شهم : مارح نختلف بس اعتمدتي ع كل الموديلات
بريق : كالعادة وازا ما مشي الحال
قاطعها بضحكتو
شهم : ههههه لا مو كالعادة عم تستغلي الوضع انتي بدك تتكدس لبضاعة معي
بريق : تتكدس عندي انت فيك توزعها
شهم : بس عم اخسر
بريق : معك الفواتير
شهم : اتفضلي
هي كانت مركزة ع الموديلات واسعارهن وهو مركز فيها ومبتسم
بريق : وانا على اي سعر ابيع
شهم : اربحي ع كل قطعة عشرة اكتر حسب لانو لبضاعة على طلوع
بريق : وماشي سوقهن
شهم : سدءيني من ارقى واحلى الموديلات بالاخص انو بلشت المدارس وعليهن طلب
بريق : ماشي يعني خلص تحسب شو اخدت
شهم : بحسب
بريق : بكون جهزت المصاري
شهم : متل مابدك
بريق : رشا ساوي القهوة
رشا : تكرمي
هو راح يفرز ويصنف لبضاعة الي نزلتها وهي كانت عم تجهز المصاري ماسك الدفتر وعم يسجل وبعد ما خلص راح يحسبهن عند المكتب قعد وحط رجل على رجل وبلش يحسب على الآلة الحاسبة

🌹🦋🌹🦋
كنت ناطرة ينطق لحتى اعرف ازا المبلغ مأمن بالمحل
بريق : اتفضل القهوة
شهم : يسلمو
بريق : مبين دفعة منيحة
شهم : مع المراعاة مو تفكري ما راعيتك
بريق : اديش يعني
شهم : مليونين
بريق : هيك مع المراعاة
شهم : عندك شك
بريق : طيب رح نعد بكون احسن
شهم : معدودين .
بريق : اي بس احسن
شهم : بالعادة بجيب معي العدادة بس انسيتها
بريق : لهيك بحكيلك نعد
شهم : لا خلص مافي داعي
بريق : هي مليونين وفيك تتأكد منهن
شهم : مو مشكلة
شرب القهوة واخد المصاري واعطاني الفاتورة
شهم : يلا بخاطرك
بريق : الله معك
رشا : بدك نرتب لبضاعة
بريق : انا كتير اتعبت اليوم خليهن على جنب بكرى بيترتبوا وديري بالك ع المحل وسكريه انتي
رشا : متل مابدك
اخدت موبايلي وارجعت للبيت تمشاية
🦋🌹🦋🌹
بشوارع بيروت صوت اغاني من سيارتو الفخمة كانت مفيمة بالاسود لابس نظارات شمسية وكتير مشخص وعم ينطر تفتح الإشارة وبطريقو للفيلا انفتحت البوابة وفات للفيلا نفخ كل نفسو وجاهز للمواجهة فتحتلو الخادمة الأجنبية الباب وفات لجوى كانت كارمن قاعدة ومرتاحة واول ما شافتو وقفت واجت لعندو
كارمن : انت اجيت حبيبي
تقي : حبيبك قلتيلي
كارمن : مش بقصدي اغلطت ومنك السماح
تقي : انتي بعتيلي تهديد واضح
كارمن : ولو حبيبي معقول تشكك بحبي الك
تقي : كارمن لاخر مرة بحكيلك انا ما بتهدد وباي وقت بحكي عن حالي عن اهلي اسمي الحقيقي من وين من سوريا الحارة الي عشت فيها
كارمن : روء كرمالي
تقي : لك لا تجننيني ليكني رايق بس تهديدك الاخير ما عم يروح من بالي
حاولت تغمرو بس صدها دغري
كارمن : كتير حبيت اجواء الحفل
تقي : اي شو عندك
كارمن : اشتقتلك كتير.
تقي : كارمن انا اجيت احل الموضوع بدون حركات الغنج و الدلع
كارمن : صدقني اول واخر مرة بزعلك مني ولو مو انا حبيبتك تروقت

تقي : لا ما افطرت
كارمن : كوكي جهزي الترويقة بدنا نتروق بجنينة الفيلا
تقي : يعني خلص
كارمن : اشتقتلك ولووو
غمرتو كان مستسلم لحركاتها ودلعها وغنجها
🌹🦋🌹🦋
على لفطور الاتيكيت مسيطر على الجو ولفطور بالشوكة والسكين شرب كاسة العصير ومسح تمو معلن انهاء وجبة الفطور
كارمن : هيدا مش اكلك حبيبي
تقي : اشبعت الحمد لله
كارمن : اخد على خاطرك مني
تقي : كارمن لازم نلاقي حل نهائي يومياً منحكي بذات السيرة بابي مامي انت اليوم هون بفضلي مش معقول حبيبي تفل من كلمة مش لقيان مزح افهمي استوعبي لا تمزحي معي بهيك طريقة
كارمن : ما تزعل مني وحياتك عندي كنت معصبة ومش وعيانة شو حكيتلك جربت تلفنلك الظاهر كنت مشغول
تقي : اليوم معزوم ع العشا شو رأيك
كارمن : معقول ارفض هيك عزيمة ومين الي عازمك
تقي : شركة انفنيني
كارمن : اها عشاء فنانين قصدك
تقي : اي
كارمن : وقبل العشا ما اشتقتلي
تقي : بدي انام بدون ازعاج بعد العشا بقرر
تركها وطلع للغرفة
🌹🦋🌹🦋
كانت مراقبة مشيتو لحتى فات للفيلا
كارمن : مش معقولة ضلني اركض وراه شو ممكن يعمل ازا زعل مرة تانية مش اي كلمة بتنحكى قدامو هوي كتير حساس هالايام والظاهر ما اشتقلي متل ما اشتقتلو الاحسن اعتذر منو كرمال نكون احلى تنين بالسهرة
🦋🌹🦋🌹
لبس بيجامة وارتاح على التخت غمض عيونو ليستمتع بنوم عميق
🌹🦋🌹🦋
كان شهم مبتسم وعم يفكر باي حجة ليحكي مع بريق الجو برودة وهو سهران على البلكون لحالو وكل شوي يغمض عيونو بس يتزكرها بالاخص ابتسامتها
شهم : هففف والله هالبنت مسيطرة على كل تفكيري وما بسدء ايمتى اصير بالشام كرمالها والله حلوة شو اكزب عيوني وكمان مليانة نعومة وانوثة دخيل المسؤولية لأجلها
اتزكر وقت أعطتو المصاري واتأمل ايديها
شهم : والله حرام الي عم يصير معي انا كتير مغرم فيها وهي ولا عبالها حتى المحبس الي كان بأيدها ما شفتو الظاهر متفركشة الخطبة اي يمكن الي نصيب فيها
فتح موبايلو وشاف رقمها وكبس على زر الاتصال ومو مجهز كزبة ولا حجة مقنعة وشوي انفتح الخط وابتسم .
بريق : الو
شهم : كيفك بريق
بريق : اهلين شهم خير في شي
شهم : بس ما يكون ازعجتك
بريق : لا ابدا شوفي
شهم : هلأ كنت سجل كلشي وكاني مو مسجل شو اخدتي وشو اعطيتيني
بريق : في خربطة يعني
شهم : اي لانو المصاري الي معي ناقصين واتصلت بكل المحلات وكأنو الخربطة عندك انتي
بريق : على كلا انا ما فرزت لبضاعة والفواتير معي انت بالشام
عض على شفافو وابتسم
شهم : اي بالشام
بريق : فيك تمر لعندي بكرى وتتأكد
شهم : كتير منيح اسف ع الازعاج
بريق : ولايهمك حقك هاد
شهم : تصبحي على خير
بريق : الله معك
🦋🌹🦋🌹
كان طارق مركز بالمكالمة اكتر مني
طارق : شو بدو شهم
بريق : عندو نقص بالمصاري ومتأكد من الكل وحاسس الخربطة من عندي
طارق : يعني دفعتي
بريق : اي وع الاكيد الخربطة من عندو لبضاعة لساها بالارض والفواتير معي
طارق : كتير منيح
ام طارق : حكيت مع منى اليوم
طارق : اي
ام طارق : وضع هالبنت مو عاجبني
طارق : جيبها تسكن عندك
ام طارق : وليش عم تتمسخر اه
طارق : لانو بدك بنتك تعيش ع كفوف الراحات هي بيت الاحمى
ام طارق : بس مو سوء تغذية عم بتدوخ
طارق : مو قلتو حامل جديد
ام طارق : اي بس معها فقر دم يعني ازا مابدك تحكي مع ريان انا بحكي معو
طارق : شو بدي احكيلو بربك هاد كلام احكيلك كلمة بريق
بريق : معها حق ماما لازمها غذاء
طارق : ما اختلفنا بس شو بدي احكي لريان احكيه انتي
ام طارق : مو هو رفيقك
طارق : ومابدي اخسر صحبتو
ام طارق : ليش شو اجانا من رفقاتك غير البلاوي والمصايب
دغري اوقفت لاهرب من تسميع الحكي
ام طارق : وهي بريق اعترفت انو بلاوي الي اجانا منك ومن رفقاتك
طارق : انا ما جبرتها ع شي
ام طارق : لا بس شجعتها وليكها من تلت سنين تاركيتو وماحدا دق بابها
بريق : مدايقك وجودي
ام طارق : هلا هيك افهمتي من كلامي
بريق : اشرحيلي اكتر
ام طارق : بقصد فاتك القطار والسبب انتي
بريق : ليش شو عملت
ام طارق : لانك فاشلة امنتي لواحد متلو
بريق : بيكفي انتو نجحتو بحياتكن اتركوني بفشلي منيح هيك
فتت وطبشت باب الغرفة كنت مخنوقة ومقهورة وما لقيت حالي الا عم ابكي .
🌹🦋🌹🦋
كان بجنب كارمن واقف مبتسم وعم ياخد ويعطي مع النجوم
الجو فيه لسعة برودة وهو مو تقي سومر النجم الصاعد الي الأنظار عليه وفجأة خطرت على بالو بريق واتدايق قلة التواصل معها مسببلو ضياع حس على ايد كارمن شبكت بأيدو واستوعب انو هو الي باع مش هي ليتزكر الظروف الي عرفتو على كارمن واهلها
كارمن : ما تكون بردت حبيبي
تقي : اي في شوية برد
كارمن : هيك يا محتال بكرى مسافر ولا كأنو انا مرتك وحبيبتك وممنوع تظهر بدوني

تقي : مين الي منع هالشي
كارمن : انا ولا مش معبية عينك
تقي : بعدين منحكي بالموضوع
كارمن : لساتك زعلان هيك مبين من ملامحك
تقي : انا بحالي ماني عرفان شو مدايقني بالزبط الاحسن نرجع للبيت
كارمن : مع انو حبيت الاجواء كتير
تقي : ازا حابة خليكي برجع لحالي
كارمن : قولك بصير تتركني وتفل
تقي : عندي بكرى سفر ولازم ارتاح
كارمن : طيب فيك ترجع بالسيارة بيير بيوصلني
تقي : ...
أتطلع فيها ومو عاجبو
كارمن : ليه هيك عم تطلع
تقي : بيير هون
كارمن : اي
تقي : ليش ما شفتو
كارمن : من بعد اخر مشكل عم يتجانبك
تقي : هاد مفتاح السيارة ارجعي معو انا كتير تعبان
كارمن : مش ارجع وتعمل حالك نايم
تقي :...
طنشها وكمل لبرى كان ادم بالسيارة ناطرو
تقي : مسالخير
ادم : يسعد اوقاتك كيف كان العشا
تقي : ليش ما اجيت حضرتك
ادم : بتعرفني مابحب هالاجواء
تقي : امبلا بتحب
ادم : اي ما خبرتني كيف كان العشا
تقي : ماشي الحال
ادم : خبرني بشو عم تفكر
تقي : حاسس حالي مو انا ضايع تايه بس مو تقي
ادم : جرب تواصل مع حدن من عيلتك
تقي : انت بتعرف البير وغطاه
ادم : مش معقول يضلو عند موقفهن بالاخص بعد شهرتك
تقي : ازا كان غضبان عليي هلا متبري مني
ادم : بستغرب في اهل ضد نجاح ولادن
تقي : بالنسبة الك نجاح بالنسبة الهن كفر وشتان مابين هذا وهذا
ادم : ما تحط ببالك ابدا هلأ فكر بالسفر وبحفلاتك الجاية والي ما عجبو هو حر بالنهاية مافيك توقف حياتك كرمال حدن
تقي : معك حق بس انا شوي مستوحش
ادم : بس ما يكون قلبك بمطرح تاني
تقي : معقول هاد السبب
ادم : وفي غير الحب بيخلي الواحد منا تايه وضايع متل ما اتفضلت حضرتك
تقي : ....
بقلبو : انا كتير اشتقتلك بريق بس غصب عني هيك رديت عليكي انا بيوم خطبتنا ضيعت الفرصة من ايدي وخفت اضيعها مرة تانية اي انا استغليت الفرصة بس اخسرتك الك ....اوف منك تقي كيف بتحكيلا اتجوزي يا ترى شو صاير فيكي بريق انا كنت بدي ازبط وضعي كرمالك وكرمالي مشان تعيشي مرتاحة بدون مشاكل بيت اهلك انا بحاجتك اي اتجوزت بس ما بتعنيني شي ابدا انتي وبس الي قلبي حبها
ادم : ع البيت
تقي : لا بدي انام بالفندق
ادم : بتوفر علينا وقت وهيك اقرب للمطار
ضل شارد طول الطريق وتعبانة نفسيتو كتير
🦋🌹🦋🌹
وعند بيير وكارمن بالسيارة
بيير : وينو زوجك
كارمن : منو على بعضو بيزعل شهر بيرضى يوم احترت فيه
بيير : كارمن مش خبرتك انو فرق بينك وبينو سنتين ورح يأثرو على علاقتكن
كارمن : صدقني مش مهم العمر هوي في حدن براسو بقلبو بتفكيرو
بيير : وببساطة عم تخبريني
كارمن : انت بتعرف اني حبيتو
بيير : وهو حبك يا ترى
كارمن : مابعرف عنجد مابعرف
بيير : المفروض ما تبعدي عنو ولا هالقد
تقي عندو التخلي كتير سهل ومابدي اكتر خبرك انتي ست العارفين
كارمن : بيير انا حابة ارجع معك لحتى تخفف عني شوي مش تزيدها على قلبي
بيير : كرمالك عم نبهك انتي صديقة وبتعزي عليي
كارمن : بفهم هالحكي منيح بس هلا اتركني افكر بشي يغير مشاعر تقي تجاهي
وما كانت بتعرف انو تقي مارح ينام الليلة بالفيلا عندها
🌹🦋🌹🦋
الجزء الثالث والعشرون
كنت رايحة تمشاية للمحل مشغول بالي بقصة شهم والخربطة لاني متأكدة من المبلغ الي اعطيتو اياه فتحت المحل وارتحت وقت شفت لبضاعة بمكانها فتت للغرفة اجهزلي فنجان قهوة ناطرة السيد شهم يشرف
🌹❤️🌹❤️
فتح عيونو طارق ودغري خطرلو الخربطة الي صايرة مع بريق انتبه الباب انفتح وفاتت عليا ناتعة بطنها ومبين عليها التعب
عليا : صباح الخير
طارق : صباح الورد تعي لعندي وين هربانة مني
كانت مغرومة فيه لدرجة قعدت بجنبو اتجلس وباسها من خدها
طارق : اكيد الزعرة معزبيتك
عليا : تدفيش مستعجلة بدها تشوف الحياة
طارق : يلا هانت
عليا بزعل : طولت مبارح
طارق بتلبك : عنجد
عليا : انا بعرف انها مرتك ومو محرمة عليك بس خبرني ازا بدك تروح لعندا ما بزعل
«مع انها كزابة نار جواتها مولعة»
طارق : رحت اشوف لولاد
عليا : حقك اي مابقول لا بس خبرني
طارق : طيب تاني مرة منزورهن سوى
ودغري اتزكر انو شهد كانت منيمة لولاد ولابسة قميص نوم مغري وملفت ومغيرة لون شعرها ورقصتلو لاول مرة بتاريخ حياتها غمض لانو قلبو عم يدق بس يتزكر شو صار بينو وبين شهد
عليا : موافقة انا بحبهن بس شهد ما بتحبني
طارق : المهم انا بحبك وبكرى بس تيجي بريق بنتنا رح اموت عليكي يعني الحب رح يتضاعف
عليا : ورح توافق بريق نسمي ع اسمها
طارق : ورح تفرح كمان شو رأيك تشربيني قهوة من تحت ايدينك الحلوين
باسلها ايديها
عليا : تكرم عينك حبيبي
طارق : دخيلو انا
طلعت من الغرفة وراح يعمل دوش
على البلكون قاعد هو ومرتو وانتبه لسيارة سودة مفيمة ونزل منها شهم وقنصو قنص انو متشيك

طارق : شو عم يصير لك طارق احساسي كأنو بمطرحو ودغري شف الفنجان مرة وحدة وراح يشوف شو قصة شهم
🌹🦋❤️🦋
اول ما لمحها ابتسم ابتسامة خاصة واتأمل جمالها
شهم : صباح الخير
بريق : صباح النور سيد شهم
شهم : مبكرة
بريق : توقعتني اكون مسكرة
رفع ايدو وشاف الساعة تسعة ونص
شهم : حسبت حساب انطرك
بريق : الصراحة مشغول بالي
شهم : له ليش الله لا يشغلك بال مايكون بسببي
بريق : اكيد بسببك
شهم : يمكن تكون خربطة مو اكتر اشيك ع لبضاعة ولا تضيفيني قهوة بالاول
بريق : اتفضل اهلا وسهلا
تأمل كل المكان وقعد واخد منها فنجان القهوة وهو مركز بأيديها بالبلاك الدهبي الي مزين معصمها والخاتم الناعم
شهم : اسف لاني شغلت بالك مافكرتك هيك
بريق : مابحب يصير خربطة
انتبهو طارق برى عم يشغل سيكارة ولتنين وقفو بس فات لهيك طارق ابتسم بمكر
طارق : صباح الخير انشط من هيك مافي
شهم : صباح النور
صافحو بعض
طارق : شو انحل الاشكال
شهم : بعد القهوة
طارق : ع الاكيد في خربطة
شهم : هلا منشوف
طارق : وانا بدي اشوف معكن
بريق : اتفضل اخي
قعد وراقب لتنين بس دغري انتبه انو بريق ع طبيعتها بس شهم المتلبك وخجلان
شهم بقلبو : فكرتو بالتوزيع والا شو جابني من عند هالصبح اهدا كن ليروح يلاحظ اخوها انو عشقانها عشق يارب الطف بحالي
طارق بقلبو : وجاي بسيارة موديل سنتها وبدو يقنعني انو خربطة
بريق بقلبها : ليكون عنجد خربطة والنقص من عندي بس والله دفعت مليونين
🦋🌹🦋🌹
بالمطار ماشيين قدامو مرافقة وهو وادم عم يتناقشوا وسرعان ما خلصو إجراءات المطار وحلقت الطيارة فيهن
غمض عيونو وريح حالو اكتر وبعد ساعات السفر هبطت فيهن الطيارة وصارو بمطار الملكة علياء وبقاعة الانتظار كتير معجبين ناطرين وصولو كان انيق لدرجة بس ممنوع حدا يقرب منو المعجبات عم يصرخن «سومر»
والي عم يصور لحظة وصولو والي حاملين ورد كان مبتسم بكل تواضع وما بيمنع اخد منهن الورد ضجة خفيفة بالمكان
الصبية : نورت الاردن
تقي : منورة بأهلها
الشب : الحمد لله على سلامتك
تقي : الله يسلمكن
الصبية : ناطرين حفلتك على نار
ابتسملها وطلعو من المطار
كانو اكتر من سيارة ناطرينو بساحة المطار وكم رجال وعلى رأسهن مدير العلاقات العامة لشركة تنظيم الحفل سلم عليه بحرارة
زياد : نورتنا استاذ سومر
تقي : تسلم
زياد : ان شاء الله ما تعذبت ع طريق السفر
تقي : كلشي منظم شكرا على الاهتمام
زياد : العفو اتفضلوا
كان الجو جديد عليه واعجب كتير بالاهتمام بالمكان طلعوا بالسيارة بالمقعد الخلفي وانطلقوا طالعين من المطار للعاصمة عمان
ادم : حبيت الجو
تقي : كتير
ادم : توقعت هالاحتفاء
تقي : بنصدم ما بتوقع هالاهتمام بصراحة
ادم : هيك المعجبين بالمطار بالحفل كيف
تقي : لنشوف
ادم موجه الكلام للشوفير : بدنا شريحة أردنية ضروري
الشوفير : مافي داعي تعذبوا حالكم السيد زياد حجز جناح كامل مكمل والخدمة فيه سبع نجوم
ادم : كتير منيح
طالع موبايلو وشاف انو صارت الدنيا عصر ومو حاسس بالوقت بنوب لو تعبان وصلو الفندق شي خمس سيارات من نفس النوع واول ما نزل كان الاستقبال حافل من مدير الفندق والموظفين وما استراح ابدا بوفيه مفتوح اتغدا وشربو العصير وطلعو للجناح
الموظفة : عنجد مش مسدءة انك بضيافتنا
ادم : لهدرجة
الموظفة : والحمد الله ما كنت باجازة
تقي : ههه من حظك يعني
الموظفة : كتير محظوظة وما كنت بفكرك هيك متواضع استاذ سومر
تقي : ادم الشايف حالو
الموظفة : ههههه وبتمزح معي والله هيك كتير
ابتسملها وفاتوا للجناح الخاص فيهن وسرعان ما عمل دوش وراح ينام تارك ادم يتفاهم مع راعي الحفل
كان تقي مساير كلشي وكأنو بحلم مو بعلم
🌹🦋🌹🦋
نشفت شعري ورحت قعدت مع ماما وعليا
عليا : ما طولتي اليوم
بريق : رحت بكير واضجرت وين طارق
عليا : مو هون طلع من بكير
بريق : وكيفها حبيبة عمتو
عليا : هههه بتبوس ايدك
ام طارق : هههه شو عرفها بالبوس هي
عليا : عمتها وحبيبتها
بريق : دخيل قلبها بدي اكلها بس تشرف طولتي لك عليا
عليا : على قول طارق هانت
ام طارق : هههه وطارق مزعوج
عليا : لا بس لانو تعبانة اخر فترة
بريق : الله يقومك بالسلامة
عليا : تسلميلي
ام طارق : اي بريق شو ما لقيتي دهباتك
بريق : مين حكالك اني مضيعيتهن
ام طارق : لكن وقت طلبهن طارق ليش حكيتي مو معك بعدها حكيتي نسيتي وين مخبيتهن وبعدها قلتي ضايعين
بريق : لانو...لانو مابدي اعطيهن لحدا
ام طارق : ليش طارق بدو ياخدهن سلبطة ما انتي بتعرفي بياخد غرام بيرجعهن غرامين
بريق : انا حرة
عليا : تسطفل دهباتها وحرة فيهن
ام طارق : ما بكفي منى ناوية تبيع دهبها وتصرف ع حالها

بريق : وهاد منطق برأيك
ام طارق : ولسى العقربة حماتها عم تزن فوق راسها بدها اياها ترجع تبيع بالمحل
بريق : منتسلى
ام طارق : يعني مو فهمانة عليهن
بريق : لا
ام طارق : مشان لبسها ولبس بناتها ع حسابنا يصير
بريق : لو ريان بيدرى بتخطيط اهلو ما بيقبل
ام طارق : ونحن سدءنا مشروع مطعم مع اخوه عنجد انخدعنا فيهن وب تقي كمان
بريق : ايوا انتي عم تحكي هالحكي بدك تستلميني
ام طارق : اي وبدي اعرف ليش عمل هيك
بريق : هو حر
ام طارق : شو لعب ولاد صغار يحكيلك اتجوزي ما بيعرف انو قطع بنصيبك
بريق : ههههه لا تضحكيني بربك ع اساس طابور العرسان من قبل ع باب البيت
عليا : مع انك حلوة وبتجنني
بريق : اسألي اهلي
ام طارق : شو قصدك وليه
بريق : الي افهمتيه مشاكلكن اثرت ع مستقبلنا
ام طارق : قصدك لاني مطلقة
بريق : من قبل طلاقك مشاكلكن كانت على كل لسان والناس بتسأل قبل تدق الباب
ام طارق : عم ترمي فشلك عليي مو
بريق : لا ماني فاشلة
عليا : شبكن عم تتخانقوا
بفوتت طارق
بريق : مانك سامعيتها ليش عم تحكيلي فاشلة شو عملت فيني افهم
ام طارق : وحدة من جيلك عندها عر ولاد
بريق : ليش شو عملت فهميني لا تجننيني هو سافر بشغل ويأمن مستقبلو وفجاة بيحكيلي اتجوزي انا بشو اغلطت
ام طارق : اغلطتي وقت اعطيتيه دهبك
بريق : لا ما اعطيتو
ام طارق : شفتك يومها وقت ضبيتي كلشي معك ومن بعدها فص ملح وداب
بريق بقهر : ما اعطيتو شي ما اعطيتو شي
ام طارق : من هيك مقهورة
طارق : شو بصير شو عم اسمع صحيح بريق
انهرت بالبكي اتزكرت وعودو استوعبت انو هو صار واتصور وانا اعطيتو كلشي معي ليأمن مستقبلنا وبالاخير شو حكالي اتجوزي وتركني بقلمي مايا الحجازي
بريق : ...
فتت للغرفة كنت خايفة من طارق والخوف اتملكني بزيادة بس فتح باب الغرفة
طارق : بريق شو عم تحكي ماما وانتي ليش عم تبكي
بريق : اتركوني بحالي بترجاكن فهمها انا مو فاشلة مو فاشلة عم تسمعني
طارق : انت اعطيتي دهباتك لتقي يسافر فيهن
بريق : لا ... لا
طارق : وينهن لكن
بريق : انا اتصرفت فيهن هني مو من حقي وتعبي وحصتي انا اتصرفت فيهن بأي حق جايين تحاسبوني
طارق : بس مو تعطيهن لتقي ويتركك
بريق : بترجاك طارق خلص بترجاك
طارق : لك لا تجننيني هدول مو كم غرام بلاوي يا مجنونة
بريق : بترجاكن تحلو عني اتركوني بحالي
طارق : انا مصدوم فيكي اليوم
قعدت ودموعي بغزارة عم يذرفو
طارق : ليش ما شاورتيني ليش ما خليتي حدا يشهد انو اعطيتيه دهباتك
بريق : بس هو مو ناكرهن
طارق : وين الدليل
بريق : انا لو بدي بطلبهن بس مابدي
طارق : انتي واعيه لحالك بريق
بريق : شو شايفني مجنونة
طارق : المجانين ما بيعملو عملتك وانا أسأل حالي ليش بريق منهارة هيك
بريق : من هيك احتويتوني من هيك طبطبتو على كتفي كل الي عملتوه ضليتو تلوموني انا كتير تعبانة والله
،🦋🌹🦋🌹
فتح عيونو بصدمة ليتزكر كيف مرة رجعو من السينما متخانقين وبريق سابقيتو وهو عم يترجاها تسمعو
طارق : بريق ليكون مخبص معك
بريق بصدمة : شو عم تحكي انت
طارق : شو تفسير انهيارك عليه حب بدك تقنعيني حب
بريق : لا مافي من هالحكي والله
طارق : لكن ليش مرة ارجعتو من السينما متخانقين
بريق : ماعندي شي احكيه ابدا حل عني طارق
طارق : ساعة نحس الي صارت فيها الخطبة كان بابا معو حق وعندو نظرة مستقبلية وحتى ماما
بريق : بكفي لوم بكفي اشبعت لوم من وقت الي سافر بترجاكن هات ابوس ايدك طارق بس انسوا الي صار مشان الله انا ندمانة انا مقهورة انا مكسورة وانتو عم تزيدو الطين بلى
انقهر عليه شافها كيف منهارة وعم ترجف وما عم تسيطر على حالها
قرب منها وقعد بجنبها وغمرها
طارق : خلص روقي لا تبكي انا معك
بريق : بترجاكن انسو الي صار عم اتعزب كتير بالزور عم اواسي حالي وماحدا حاسس بلي جواتي
طارق : اسف خلص لا بقى تبكي كلشي بيتعوض الا الصحة انتي مو فاشلة انتي ناجحة وغضب عن الكل بس حظك قليل هي كل القصة
بريق : سدءني انا ندمانة ندم ما بعدو ندم
طارق : ع شو ندمانة
بريق : ع كلشي ياريتني ما وافقت ياريتني متت ولا خطبني ياريتني ما بعرفو
طارق : هيك الله رايد هلا روقي انا ما بهون عليي فيكي
بريق : خبر ماما تنسى هالموضوع اعتبروه مات بترجاكن
طارق : لا تردي عليها
بريق : كيف وهي عم تفتح حيلا حديث لتخبرني اني وحدة فاشلة مع انو ما حسبت هالحساب كان كل همي يسافر ويرتاح مادياً وانو اتزوج وارتاح من المشاكل بس ما فكرت هيك يصير فيني
طارق : انا بحكي معها خلص مابقى تجيب سيرتو حتى ...انتي لساكي بتحبيه
بريق : يقطع الحب وسنينو اكرهت كلشي اسمو حب وهلا صرت متأكدة انو الحب بزمانا هاد مو حب بكون الواحد مسكرة بوجهو الدنيا وبيتقرب من حيلا شخص ليعوض النقص الي جواتو تحت مسمى الحب

طارق : الله يهدي بالك
مسح دموعها وابتسملها كان مكسور خاطرو عليها ومقهور كرمالها
بريق : الله يخليلي اياك انا اسفة ع الي صار
طارق : هسس اوعك تعتذري ع شي ما عملتيه يلا روحي غسلي بدنا نطلع مشوار ونغير جو
بريق : ما حابة اروح لمكان بقلمي مايا الحجازي
طارق : مو بكيفك يلا البسي بدنا نغير جو
باس جبينها بس جواتو نار وثايرة والسبب خداع تقي لبريق وفكرة انو تقي صعد على حساب انكسار بريق خلتو يحقد على تقي حقد مو طبيعي
#مقتبس
حتى في عمق عزلتي تلامس تفكيري🦋
🌹🦋🌹🦋

لبس الجاكيت الجو برى بارد وعليا كانت لابسة شال شتوي وناطريين بريق الي نزلت ومبتسمة ابتسامة باردة
بريق : والله مافي داعي
طارق : هلا منى لتجن شوفي عم تشاورلنا
بريق : هههه
لوحتلها بايدها بريق
منى اشرتلها وين
طارق : ع الهفا فوتي انضبي
منى اشرتلهن استنوا
طارق : ههه لو جوزناها لبلد تاني اريح
بريق : مارح تخلص منها اب

- النص المستخرج من الصورة: 📝
٤:٤٢ م
بريق : مارح تخلص منها ابدا هي منى مو لعبة
شوي واجت ومعها تيا بنتها
طارق : لك شو جابك
منی: رايحين تاكلو بوظة بعرف
طارق : طيب ما عزمناكي عيب عليكي
منى : بريق عزمتني
بريق : هههه لك
هي
شحاطة البيت
..
K/
مني بصدمة : يييي
لك ولي على امتي جننوني ولاد امي
ليكي خدي تيا لروح بدل الشحاطة
فرطوا ضحك عليها
بريق : دخيل الخدود لاجلك
طارق : شو رأيك اعض خدودها
عليا : هههه بيدبحك ريان
طارق : ههه دخيلها حبيبة خالو
بريق : منيح تشوفنا شهد
طارق وقلبو دق بقوة : لا ببيت اهلها هي ولولاد
عليا : انت وصلتها
طارق : اي
عم الهدوء واجت منى مترتبة كثير
وطلعوا بالسيارة شغل اغاني وطلعو من الحارة
وعند تقي كان سهران على البلكون يشرب قهوتو وفاتح
الفيس بوك يقرا التعليقات والتفاعل على اعلان الحفل الضخم
ومبسوط
#مقتبس
رغم البعد الذي بيننا لا يوجد أقرب منك لقلبي

الجزء الرابع والعشرون
يأتي الخريف ليعلمنا أنه ليست كل نهاية سيئة.. فبداية الخريف أجمل نهاية 🍁
فتحت عيوني لاتزكر طلعتنا مبارح واول ما فاتت ماما للغرفة غمضت عيوني شغلت الضو
ام طارق : بريق يلا حاجتك نوم
فتحت عيوني بملل
بريق : شوفي
ام طارق : عليا فيها وجع وراح يجيب امها طارق
خفت كتير مع انو مو اول مرة كنة عنا بتولد
بريق : شو المطلوب مني
ام طارق : قومي رتبي البيت والمطبخ يلا
بريق : حاضر بس هيك
ام طارق : بس نروح للمشفى بترتبي غرفة عليا وبتبدلي الشراشف ووجوه المخدات وبتغسلي تيابها
بريق : روحو وما عليكي رح اشتغل كل البيت
رحت غسلت وفتت اطمن على عليا وبزيادة خفت
بريق : شو علوش طمنيني
عليا : كتير موجوعة
ام طارق هاتي الشنتة ويلا خلينا ننزل منيح المشي الك
بلعت ريقي بصعوبة اديشها موجوعة ياحرام لحتى هيك عم تمشي
اخدت ماما الشنتة ونزلو لتحت وقلبي كتير دق
منيح ما اتزوجت اريح ناقصو الواحد اللبست اليانس وطليت من البلكون وشفت طارق ومعو حماتو ونزل ساعد عليا كان مبين عليه اللبكة سكرت البلكون وبلشت بحملة التعزيل والتنظيف وبلشت بغرفة اخي ومرتو
بريق : يعني هالاسبوع مارح افتح المحل لنشوف شو رح يصير كنت اغسل وهلكانة واسمعت صوت رنة موبايلي ركضت للغرفة شفت رقم شهم وتأففت
فتحت خط وانا اخد نفس
شهم : الو
بريق : اهلين شهم لا تحكيلي خربطة ومدري شو
شهم : هههه كيفك
بريق : منيحة خير في شي
شهم حرام الواحد يتصل يسمع صوتك
اخدت معي الموبايل لشوف اخرتها معو وكملت غسيل
بريق : حلو صوتي يعني
شهم : بجنن صوتك وانتي حلوة
بريق : متصل تتغزل انت
شهم : اي والله انا ع فكرة بحارتكن ليش مسكرة المحل
بريق : عنا حالة ولادة
شهم : بالسلامة يعني حتى طارق معطل
بريق : اي والله وين انت لانو بدي اطلع انشر الغسيل
شهم : بعمل فتلة ها ليكني لفيت صوب بيتكن
بريق : هههه بس شو جابك ع حارتنا ما افهمت
شهم : الشوق غلبني
بريق وفكرك بريق
شهم : دخيل هالاسم وصاحبتو
خجلني كتير
بريق : ليك شهم انا لو عندي هالقصص ما شفتني بالحالة هي ولو عندي خبر انك متصل تتسلى ما برد عليك
شهم : الله يسامحك انا كتير معجب فيكي
بريق : عذراً هذه الخدمة غير متوفرة حالياً
شهم : بعيد الطلب انا بحبك بريق
بريق : والله ما بعرف شو احكيلك بس هلا تعبانة كتير
اطلعت للبلكون انشر الغسيل وتلقائيا ابتسمت لانو شفتو قدام المحل
شهم : دخيل هالاطلالة
بريق : هههه شو مبين عليك
شهم : قمر لا نجم ولا كواكب
بريق : فاضي وراضي انت بتعرف اني هلكانة
شهم : سلامتك من التعب
بريق : شوفي عندك شهم احكيني الدغري والكلام هاد ما بحبو ابدا
شهم : بدي اشوفك ونحكي
بريق : ما بحب اشوف حدا احكيني هلا
شهم : طيب بتقبلي تتزوجيني
بريق : بس انت ما بتعرف انو مهري غالي
شهم : جاهز
بريق : مارح تقدر مهري كتير كتير غالي
شهم : والله جاهز شو مهرك
بريق : اولا الجاها الي بدها تيجي لازم يكون شي خمسين رجال طبعا مو ولاد من كبارية عيلتكن يعني بدي الحارة كلها تتعبى يومها شو قلت
شهم : لعيونك عشيرتي وكل قرايبي رح يكونو بالجاها وغيرو
بريق : المقدم مية مليون والدهب مية مليون والمأخر ميتين مليون
شهم : هههههه وغيرو
بريق لا تحكيلي وافقت
شهم : اشرطي كمان ما ورانا شي
بريق : هههه عم تتمسخر مو
شهم : والله عنجد وشرطك تسكني ببيت مستقل وغرفة نوم من افخم الغرف ورح اجهز شقة هون وبيت بحمص
بريق : اسمنك وافقت كمان سيارة
شهم : اطلبي واتمني انتي وبس وغيرك عمرو ما يتدلل عليي
صدمني بكلامو
بريق : شو عم تحكي انت سدءتني يعني
شهم : انا جاهز لكلشي
بريق : انا بدي اكمل شغل
شهم : خلينا ندردش بسليكي
بريق : بس عنجد اوعك تسدء الي حكيتو
شهم : يعني مابدك تتزوجي هيك افهم منك
بريق : انت مو متزوج يعني
شهم شو رايك انتي
بريق : معقول مو متزوج
شهم : هههه مفكريتني ختيار يعني
بريق : اديش عمرك
شهم : 29 سنه
بريق العمر كلو يارب انا اكبر منك
شهم : وتكوني اكبر وين الغلط
بريق : عنجد بحكي انا مواليد التسعين
شهم : ولتمانين يا ستي موافق
فرطت من الضحك لاني عم اكزب عليه وهو مجدد
شهم : ليش عم تضحكي
بريق : عنجد موافق لو عمري 40 سنه
شهم : والله بكفي انك بريق وباقي التفاصيل ما مهمة
بريق : احكيلي بحبك بالحمصي
بقي ساكت كنت كاتمة ضحكتي
,,,,,,,,,
كان مبتسم لشقاوتها
شهم : كيف بالحمصي
بريق : بلهجتك انت
شهم بحبوك يعني
فرطت من الضحك وهو داب بضحكتها
شهم : دخيل هالضحكة اي
بريق : والله حلوة لهجتك ليش ما بتحكي معي هيك من اول
شهم : بس تحكيلي موافقة مابقى احكي الا بلهجتي
بريق : بالحومصي يا خاي
شهم : بالحومصي حاضر
بريق : انت ما وراك شي وانا عندي شغل مكوم

شهم : خلينا نحكي بتتسلي معي
بريق : من هالناحية ملل كتير
شهم : يعني وافقتي بريق
بريق : انا شايلة موضوع الارتباط من بالي
شهم : ليش مو كنتي مخطوبة
بريق : ليش بتسأل
شهم : كنت اشوف محبس بايدك وفجأة لاحظت انك شلحتيه
بريق : اي كنت فعل ماضي
شهم : ليش تركتي
بريق : بهمك تعرف
شهم : عندي فضول اعرف
بريق : مابعرف شو احكيلك بس نصيبنا مو لبعض
حس على صوتها اتغير
شهم :يعني انجبرتو تتركو
بريق : لا تركنا عن قناعة تامة
شهم : يعني ما بتحبيه هلا
بريق : شو بدي احب فيه شيلني من سيرتو
شهم : لهدرجة مأثر عليكي الي صار
بريق : الي صار مو بسهولة ما حدا وقف معي الكل لاموني كنت محتاجة لو دعم صغير بس ما لقيت وهلا بعد كلشي صار معي اكرهت الشخص اكرهت الظروف اكرهت الارتباط
شهم : معقول مو مبين عليكي انك مهمومة انا عطول بتفائل بس اشوفك
بريق : بربك لا تقول بتتفائل بس تشوفني
شهم : والله اسمك بحد ذاتو جرعة تفاؤل وامل وابتسامتك اخ منها بتخليني اخلق من جديد وهلا نبرتك صوتك نعومتك كلشي فيكي مميز بريق حتى اسمك بس يخطر عبالي الاسم وصاحبتو بتصير الفراشات تحوم بقلبي
بريق : بتحكي جد
شهم : والله بحكي جد
بريق : طيب صار لازم اسكر
شهم : بدي نحكي قبل تنامي
بريق : جرب يمكن اكون بحاجة احكي مع حدا
شهم : حاضر كل الوقت ايمتى مابدك اتصلي فيني
بريق : بدك شي
شهم : سلامة قلبك
بريق : باي
فصل الخط اخد نفس طويل غمض عيونو وحط الموبايل على قلبو كان هيمان فيها
,,,,,,,,,,,,,,,
بالمشفى كان مقهور هاد عاشر اتصال وبريق مشغولة اتصل بمنى وردت عليه وخلاها تتصل برشا وحكتلو انها ما بتحكي مع بريق
طارق : لك مع مين فاتحة خط من نص ساعة مع مين عم تحكي
ام طارق : شبك ابني ليش معصب
طارق : ولاشي
ام طارق : الله يقومها بالسلامة
طارق : امين ماما كأنو طولو جوى
ام طارق : لا ما حللها تولد بدها وقت
طارق : والله بالي مشغول عليها
ام طارق : لا تشيل هم الله بيسر
اطارق : الله يسمع منك
وهلا اتصل ببريق وما كانت ترد وبلش الفار يلعب بعبو اتخيلها مواعدة حدا ورايحة تشوفو بغياب أهلها او تقي عم يتواصل معها
رجع اتصل بمنى
منى : طمني ولدت عليا
طارق : لا بدي تروحي للبيت
منى : دخيلك ما ناقصني مبارح ولعت بيني وبين ريان مشان طلعة الليل
طارق : شو علاقتو هلا بتروحي لبيت اهلي
منى : خلي شهد تطلع
طارق : بطيخة ببيت اهلا منى هلا بتروحي عم قلك
منى : خليني اشاور ريان
طارق : قسمابالله اليوم لتتربي انتي واختك انا بفرجيكن
فصل الخط كان حاطت ايديه على خصرو وعلى شوي بدو يترك المشفى ويروح لعند بريق
ام طارق : شبك طارق
طارق : الله يحرق البنات وعيشة البنات لك ليش تركتيها بالبيت ليش ما خليتي منى تروح لعندا
ام طارق : بلا جنانك مفكر كل العالم متلك ومتل ابوك عاطلين
طارق : ما لانو نحن عاطلين خايف عليها قسما بالله لاربيها
ام طارق : خلص فضحتنا شوف مرت عمك كيف عم تطلع
طارق : يعدمني بنتك يارب
شوي وخبروهن أنها ولدت والمفروض يفرح بس كان بدو يخلص هاليوم ع خير حمل بنتو وابتسم لانها كتكوتة صغيرة
بقلبو : الله يبعتلك حظ وما تطلعي لعماتك لمشحرات
🦋🌹🦋🌹
بصالة الفندق كان قاعد رجل على رجل بأيدو سيكارة وادم قبالو وعم يدردشو
ادم : بشوفك مريح هالمرة
تقي : اي حبيت الاجواء بالاردن
ادم : هالاحتفاء لشخصك سومر بيك
تقي : هههه
انتبه في صبايا تنتين عم يبتسمنلو وما ردهن
ادم : هلا انت عم تعطي فرصة للمعجبات يجو يسلمو عليك
تقي : وين الغلط
بالفعل وقفن واجن لعندو
الصبية : ممكن صورة استاذ سومر
تقي : اكيد ممكن
وقفوا قريب منو واتصورو اكتر من سيلفي
الصبية : شكرا الك
تقي : العفو
راقبهن ادم وشاف تقي فتح جوالو
ادم : كرمال عرض الحفلة لجديد شو قولك انت
تقي : ساوي الي بدك اياه بس خلي مسافة بين كل حفلة اقل شي اسبوع
ادم : ما تعتل هم بس انا كرمالك
تقي : لا تشيل هم وليكنا بالاردن
ادم : لابعتلن خبر ازا هيك.
فتح الواتس ودور على اسم ريان وفتح محادثتو
ريان : مسالخير
سجلو فويس : مسالنور ريان....اسف طولت لرديت بس كتير مشغول هالفترة انت طمني عنك وعن تيا كيف الاهل وعيلتك ازا ماعندك شي المسا خبرني بدي احكي معك ضروري
بعتو واتكتف وشرد لبعيد
#فلاش_باك
بطريقهن للبيت راجعين من السينما وبريق سابقيتو بخطوات مو خطوة وحدة مسكها من زندها ورجعها لعندو
تقي : خلص ليش عصبتي
بريق : لك شو بتسمي الي عملتو انت
تقي : اسمها بوسة شو كفرت
بريق : لككك انت جبتني للسينما تتحركشي اه
تقي : شو اتحركش فيكي انتي خطيبتي
بريق : بس مو مرتك عنجد مصدومة فيك
تقي : خلص ولوو انتي معقدة كتير اتوقعت تتجاوبي معي مو تضربيني كف

بريق : لا عنجد انت مو معقول لك عنجد مابعرف شو احكي
تقي : هي بوسة غيرنا بيعمل العمايل
بريق : حاجتك تحكيلي غيرنا اتخيل ما نكون لبعض
تقي : ههههه بس طيبة
بريق : قليل عليك كف لازم كفين
بوقتها حط ايدو على خدو
تقي : مارح انسالك هالكف وبكرى بس نتزوج وتحاولي تبوسيني رح اضربك متلو
بريق : لا تحاول تحفف دم مسدء حالك انت
مسكلا ايدا وغمزها
تقي : رح اصحى على بوساتك متأكد لو بعد سنة زواج المهم رح تبوسيني انتي
نترت ايدو بقوة وفاتت للبيت وطارق اتقدم لناحوا وبراسو مية سؤال
#باك
ادم : بشو عم تفكر بالزبط
تقي : لا ولاشي
ادم : بس الي ع بالك بهيدا الوقت مش حدن عادي واتغيرت ملامحك كلياً
تقي : عايش على ذكراها
ادم : عم تخبرني شي جديد لو ما حكيت كل شي فيك عم يحكي انك مغروم
تقي : ...
وتاهت نظراتو وقلبو عم يدق بسرعة
🦋🌹🦋🌹
اول ما شفت السيارة سفطت انزلت ركض لتحت استقبلهن اخدت البنوتة من ماما
بريق :مبروك مبروك تربى بعزك اخي
طارق بدون نفس : تسلمي
بريق : الحمد الله ع سلامتك علوش
عليا : الله يسلمك
اطلعنا للبيت وارتاحت عليا بغرفتها واخدت مني امها البنوتة
ام علي : راحت الدوخة
عليا : اي احسن
اطلعت من الغرفة وقبل افوت للمطبخ سحبني من ايدي ولزقني بالحيط
بريق : شبك طارق
طارق : مع مين حكيتي اليوم
بريق : ولا مع حد
طارق : لا يا مفكريتني ولد صغير
ام طارق : خلص حاجتك انت مشددها
طارق : شو يعني مابدها تحكي
ام طارق: فضحتنا خلص
طارق : هاتي موبايلك لشوف
بريق : ب بغرفتي
طارق : تعي لشوف معي
ام طارق : الله يكبر عقلك يارب
كنت مطمنة نوعا ما فتنا للغرفة واعطيتو اياه وفتح للمكالمات وانصدمت من كلامو
طارق بعصبية : نص ساعة مع شهم
بريق :شو بتحكي انت
فرجاني مدة المكالمة ومتت من رعبتي
بريق : هو...هو اتصل مشان مشان يتأكد من الطلبية الجاي
طارق : وبعد الطلبية شو حكيتو
بريق : يمكن يمكن نسيت اسكر الخط
طارق : وهو اكيد رمى الموبايل وكمان نسي يسكر الخط
بريق : شبك انت عم تتهمني يعني
طارق : شوفي بينك وبينو
بريق : بشو احلفلك مافي شي
طارق : كيف اشرحيلي يلا انا حمار
بريق : ما حلوة منك تشكك فيني والله ماعندي هالشغلات انا قضيت يومي شغل واهلكت وبالاخير هيك عم تبهدلني
طارق : بكفينا الي فينا ناقصنا فضايح انتي احكيلي
بريق : شو شفت مني
طارق : مولدنة كتير صايرة
بريق : الله يسامحك
طارق : لكن مبارح انطمزتي لانو شفتي بابا ومرتو وولادها بالمطعم ولدنة ومية ولدنة
بريق : نحن ولادو نحن لازم يدللنا مو هني
طارق : هالمرة صارت لا تحكيلي شو حكيتي مع شهم بس للمحل ممنوع تروحي انا بدي اوظف فيه غيرك
بريق : مو بكيفك
دفشني ووقعني ع التخت وطلع من الغرفة معصب
بريق : ناقص والله تتحكموا فيني الله لا يسامح الي كان السبب بتعاستي
🦋🌹🦋🌹
وببيت منى كانت مطموزة لانو ما خلوها تروح تشق ع مرت اخوها وريان فاتح خط مع تقي صوت وصورة وبحضنو تيا وريان ناسي انو تقي ابن حارتوو ورفيقو ومش مصدق انو عم يحكي معو شخصياً فيديو
تقي : حليانة تيا كتير
ريان : يحلي ايامك
تقي : ليش عم تحكي معي بالرسميات
ريان : ماعم سدء انك تقي هيك بدك
تقي : ليكني هي انا شو متغير عليك
ريان : كلشي احكيلي وينك انت
تقي : بالاردن عندي حفل
ريان : شفت صورك وشفت فيديوهات وصولك الله يهنيك والله بيلبقلك
تقي : هلا تيا عيونها عسليات ولا انا مخربط
ريان : امبلا
تقي : يعني طالعة ل خالتها بريق مو
ريان : لساك يتفكر ببريق
تقي : اشتقتلا كتير
ريان : اي شو ماصار عندك عيلة
تقي : لا مافي منو هالحكي احكيلي كيفها بريق
ريان : منيحة
تقي : ما اتجوزت
ريان : لا طمن بالك ماحدا دريان بوجودها اصلا
تقي : كتير منيح في مجال اتواصل معها
ريان : اتصل فيها
تقي : حاظريتني ريان بترجاك ساعدني بدي احكي معها في شي بيني وبينها ولازم ولازم اتواصل معها
ريان : انت بدك تعلقني مع طارق بس يسمع باسمك بيجن جنونو
تقي : والحل
ريان : مابدك تنزل للبلد
تقي : اي امبلا بس مو هالايام المهم بدي احكي مع بريق
ريان : ابعتلا فويس وانا بسمعها اياه
تقي : لا لا بدي اتفاهم معها
ريان : ان شاء الله ازا اقدرت
🌹🦋🌹🦋
الجزء الخامس والعشرون
ليلتها ما نمت من تعبي وطارق نزل نام ببيتو لانو حماتو عند مرتو نايمة قفلت الغرفة وما لقيت حالي الا عم اتصل ب شهم وبس رد فصلت اتزكرت خناقة طارق شوي واتصل فيني ورديت
شهم : الو
بريق : بالغلط اتصلت اسفة
شهم : مع انو افرحت باتصالك
بريق : ليك لا بقى نحكي لانو طارق شاف مدة المكالمة
شهم : عملك مشكلة
بريق : وقفت عليه انا حياتي كلا مشاكل
شهم : والله ما بيلبق لقلبك الزعل
بريق : لكن شو بيلبقلو
شهم : الفرح التفاؤل الامل اي شي بس مو مشاكل

بريق : بتعرف انا كتير صايرة مولدنة
شهم : اتولدني معي
بريق : انت بتعرف وضعنا الاجتماعي
شهم : مابعرف شي ومابدي اعرف الا انو بحبك
بريق : من زمان
شهم : من زمان والله وانقهرت وقت الي بطلتي تتعاملي معي
بريق : وانا بنفع اكون مرتك بالايام الجاية
شهم : شو بتحكي بريق انا عنجد ناوي اتقدملك
غص قلبي ودمعو عيوني
بريق : ايمتى ناوي
شهم : يعني موافقة
بريق : ...اي موافقة انت موافق يعني
شهم : موافق وجاهز وشو مابدك
بريق : يعني بدك تبعت اهلك
شهم : اكيد ومارح يصير الا كلشي حسب الاصول لانك بنت اصول
بريق : وشو بتسمي حكينا
شهم : حكي شو اسمو دخلك
بريق : ليكون ازعجتك
شهم : عطول ازعجيني بفرح كتير
بريق : شو عملت اليوم انت
شهم : بعد ما سكرت معك عزمت حالي على غدا وبعد الغدا اجيت للشقة ولساتني لحالي
بريق : انت الك شقة هون
شهم : اي
بريق : وليش لحالك ساكن
شهم : مع مين بدي اسكن اهلي بحمص وانا هون بشغل
بريق : وحلو بيتك
شهم : بجنن مو بس حلو انا بكرى بدي ارجع مشان احكي مع اهلي واتقدملك بشكل رسمي
بريق : يعني ماعندك مشكلة انو كنت مخطوبة
شهم : وين المشكلة بالموضوع الدنيا كلا قسمة ونصيب بس بدي تصارحيني لساكي بتحبيه
بريق : عندك شك
شهم : مشان قلبي يطمن ع الاخير
بريق : انا برأيي ما نحكي بهالموضوع ابدا
شهم : طيب متل مابدك وانا الي فيكي بالحاضر وبس
بريق : طيب مابدي اطول عليك واسفة ع الازعاج
شهم : ع اساس بالغلط
بريق : ههههه انسيت انو اتصلت بالغلط
شهم : دخيل ضحكتك والله حياة تانية انتي شو عملتي اليوم
بريق : رتبت البيت ونطرت يجو من المشفى
شهم : وشو جابت
بريق : بنت
شهم : شو سموها
بريق : احزر
شهم : كتير الاسماء
بريق : بريق
شهم : انا بعترض ممنوع يتسمى ع اسمك
بريق : انا كتير مبسوطة فيها
شهم : لك لا تقبلي مشان يضل اسمك مميز
بريق : هههه بقولو ع اسم عمتها
شهم : دخيل عمتها الحلوة
بريق : لك خلص يلا حاجتنا حكي
شهم : بوعدك المكالمة الجاي نكون خاطبين
بريق : يعني مابدك تحكي معي بكرى
شهم : بدك احكي
بريق : اي ضلك حاكيني صوتك حلو كتير
سالو دموعي غصب عني
شهم : اخ منك والله دوبتيني بكلامك
بريق : طيب لكن تصبح على خير
شهم : مع اني ما اشبعت منك وانتي من اهل الخير
سكرت معو واتجلست وكملت بكي
بريق : انا شو عم خبص مابقى الا احكيلو تعال حمل وامشي اي مابقى بدي الا اتجوز واخلص من كابوس بيت اهلي الشاطر الي عم يتفشش فيني ياريت تزبط واتجوز والله شفت كل هالنسوان عم تدلل وبموت من قهري بس اشوف اهتمام طارق ب عليا باكلها بشربها بالهدايا الي عم يشتريها بخوفو عليها بدلالو الها وحتى من منى صرت اغار كل الوقت انا عايشة بوحدة وماحدا حاسس فيني وكل مصيبة اكبر من التانية وماعدا مبارح بابا بالمطعم كيف عم يدلل ولاد مرتو ومرتو طيب شو وضعي انا مو بنتو الي محتاجة الو هون كلهن ضدي ماحدا معي ابدا
بريق : لك وفوق كلشي اهلي عرفو انو أعطيت ل تقي مية غرام دهب اخد كلشي صمدتو من اول ما اشتغلت يا خجلتي من حالي يا خجلتي من اهلي اعطيتو بس مشان يتصلح وضعو واتزوج وهو شو عمل صلح وضعو ورماني متل ما بيرمي شغلة بطلت تلزمو من حياتو
هلا معقول ما كان يحبني وما احلاه يكون يحبك لك مجنونة لو عنجد كان يحبني ما ضحك عليي الله لا يسامحك يا تقي انت دمرتني دمرتني عشت كل هالفترة وانا مستحقرة حالي حولني من بنت طموحة متفائلة لبنت مولدنة وهمها بس حدا يدق بابها
#فلاش_باك
طارق : طلقها شفهي
تقي : يا طارق لا تصغر عقلك حكيت هيك بساعة تهور
طارق : لك عم قلك طلقها طلقها
تقي : انت شو في ببالك
طارق : انا اعرفت كلشي تقي ومافي داعي اخبر بريق فيه كمل حياتك اختي مابقى تلزمك يلا طلقها
بوقتها طلقني شفهي وخلص انتهى عقد الزواج لانو مو مثبت بالمحكمة
ومن بعدها عشت بكابوس الخوف من انو يدرو اهلي شو أعطيت ل تقي
🦋🌹🦋🌹
الصبح كانت منى بزيارة اهلها وبريق الي عم تشتغل كل شغل البيت ومبين عليها التعب
منى : شو بريق شبكي
بريق : شبني
منى : انتي مو ع بعضك
بريق : من ايمتى كنت على بعضي
منى : لساكي زعلانة من شوفة بابا وعيلتو
بريق : بدك الصراحة ماعم اعرف سبب زعلي
منى : ليكون مكتئبة
بريق : وع شو بدي اتفائل
منى : مبارح ريان حكى مع تقي
بريق : وشو علاقتي مثلا
منى : كان يترجاه مشان يتواصل معك
بريق : ما بسدء
منى : والله تقي لساه بحبك
بريق : منيح خبرتيني كنت رح موت ازا كرهني
منى : عم تتمسخري
بريق : انتي بتفكريني لساتني عايشة على امل يرجعلي
منى : في غير هيك
بريق : لا حبيبتي طمني بالك وبكرى بس اتجوز رح انساكن مو بس انساه
منى : يعني في امل
بريق : شو قصدك
منى : بقصد لو بدك تنخطبي

بريق : لا تكملي شكرا الك ازا انتي هيك اختي عم تحكي مافي داعي اعتب ع الغريب
سالو دموعي وانا انظف الفروج
منى : ييي يبعتلي حمى الهي والله ما قصدت يا بريق لا تبكي
بريق : شو بدك انتي خلص روحي اتركيني بحالي
منى : امانة خلص والله ماقصدت
بريق : والله ما ببكي منك بس مبارح طارق كمان منعني ارجع للمحل بابا ملتهي بعيلتو وانتي كمان وهلا انا هون تحت الطلب جيبي هاتي خدي اطبخي اغسلي اتحملي استوعبي طاقتي عم تنفذ هلا انا عنجد بريق ولا انا مخربطة
منى : الله يهدي بالك
بريق : مو تفكري انو فاقدة الامل اتزوج بكرى رح يتقدملي شيخ الشباب اتزكري هالحكي منيح
منى : ان شاء الله يارب الله يبعتلك ابن الحلال
بريق : تسلمي رح انخطب باقرب وقت بتشوفي
منى : لروح اشوف تيا.
حسيتها هربت مني هريبة كملت طبخ رحت لغرفتي اخدت الموبايل ما شفت اتصال من شهم قفلت الغرفة واتصلت فيه فصل المكالمة ونفخت ب ملل وما كان يرجع يتصل لهيك تركت الموبايل ورحت لشوف عليا قعدت على طرف التخت
بريق : كيفها حبيبة عمتو
عليا : بتبوس ايدك
بريق : غيرو اسمها بلا
عليا : بجنن اسمها
بريق : لتروح تطلع متلي هيك بلا حظ
عليا : ياريت تطلع متلك بجمالك وشطارتك
بريق : مو نصيحة ها انا حذرتكن
ام علي : مشالله عنك بكفي شطارتك
بريق : شكرا بدك شي علوش
عليا : سلامتك والله
رحت لشوف ماما ومنى عم يحكن بصوت واطي
بريق : الله يكون بعون الي مستلماتو
منى : بشكيلا من مرت عمي
بريق : هههه الله يجعلها اكبر المصايب
ام طارق : روحي شوفي الاكل قبل يرجع طارق
بريق : ماشي اوامر تانية ام طارق
ام طارق : روحي يلا
🌹🦋🌹🦋
وعند تقي كان بالبروفا عم يدندن ويجهز للحفل وسرعان ما مر الوقت وهلا قبل الحفل هو بغرفتو الخاصة تيابو من مصمم ازياء بنطلون واسع بيج وقميص كحلي كمان فضفاض د طالع كتير جنتل عم يسشورو شعراتو ومهتمين باطلالتوا وقبل الحفل جلسة تصوير وبعدها شاف من الشاشة الحضور كانت صالة كبيرة طاولات ومشروب وكراسي ولستيج جاي ع شكل ممر للمشي راح يوقف عليه تقي كل فترة الحفل وسرعان ما بلش المايسترو يعلن عن ابتداء الحفل تصفير وتسفيق وعم يهتفوا بأسم « سومر» بقلمي مايا الحجازي
وبلش الحفل بموال من اغنيتو الخاصة فيه (حبيتك وعشت بهواك .. ...بهواك احلى ايامي.... بس الزمن خوان وخانتني احلامي وكان الحلم اغفى على يدك وأصحى الصبح خدي على خدك...... أخ كان الحلم اغفى على يدك واصحى الصبح خدي على خدك........ الله معك تعيش وتتهنى لكن لحضني كون الك جنة الله الله .....الله معك تعيش وتتهنى وتلاقي الحضن الي يكون الك جنة ولك روح اخ والهم جارحني يا ابو قلب الطيب ارجوك سامحني مو قصدي خونك وبيعك بس ودي تفهمني اخ..... دار الزمن فرق امانينتا ضاع الدرب مات الامل فينا الله معك يا عطر انفاسي الله معك يا مالك احساسي لك روح روووووووح يا ربيع والهم جارحني لا لا
ما مات حبك مامات بعدك ساكن عروقي
اخ اخ اخ يا ويلاه
ما مات حبك مامات بعدك ساكن عروقي
لكن ريح الزكريات هبت وهيجت شوقي
ما مات مامات عيني مامات وحبك مامات يا وجع قلبي يا وجع هالروح يا بلسم جروحي يا نبض هالقلب من يوم فرقاك غربة هدتني غلاتك ما انساك يا نبض حبي شلون شلون شلون شلون انساك
(وبلشت الموسيقى الصاخبة والتفاعل كبير)
ما مات حبك مامات بعدك ساكن عروقي لكن ريح الزكريات هبت وهيجت شوقي
اخ يا دلالي هبت وهيجت شوقي)
كان ادم مبسوط فيه كتير ومتأكد هالموال ل صاحبة الصورة الي عطول بيلمحو يتأملها ويتفرج عليها الي عم يصور والي عم يطلع لعندو ع لستيج يتصور وعم يخلي الجمهور يغني معو والكل بصوت واحد عم يتفاعل وهضامتو تكون سيد الموقف
بعد ما خلص اول اغنية وصار شبه هدوء
سومر : منيح هيك
بصوت واحد(بتجننننن)
سومر : احلى عالم واحلى اردن و احلى جمهور
شو رأيكن نغني لبلدي سوريا سوى
الجمهور( وووووو )
ضحكتو غطت ع المكان
تقي : دخيل قلبكن يلا بلشنا
🦋🌹🦋🌹
ع المباشر كان طارق مقهور من ريان كتير
طارق : عامل حالو مهضوم
ريان : لك شوف اديش في عالم
طارق : ناقص يفت عملة للعالم شو هالمسخرة
ريان : لك انت ليش متدايق يسطفل
طارق : بدك تضل ع الموبايل
ريان : بدي احضر الحفلة ما عم سدء مبارح كان يحكي معي
طارق : لا عليه العوض ومنو العوض مين مفكرو شقفة واحد عاملي فيها مطرب بس هو هلا صار فلتان مو فنان
ريان : تعال شوف ما احلى تيابو
بفضول كبير قرب كانت الاغنية خالصة
وتقي بمزح رتب قميصو
تقي : كيف اطلالتي اليوم
الجمهور : بتجنن.....انت ترند اليوم......كلشي بتلبسو بيجنن
تقي : يعني ما اخانق المصمم
الجمهور : لااا كتير حلو ستايلك ....ستايل جديد
تقي : ازا اطلالتي حلوة كيف طالع

الجمهور : وووووو
تقي : ووجهي حلو
الجمهور : كتيييير
طارق : هاد عايش الدور ومكتر
ريان : والله بيفلج وصوتو رهيب وحضورو مميز وعم يتهاضم والجمهور جانن فيه
تقي : ادم ما عاجبو
فرطو من الضحك
تقي : بلشو ايقاع جديد يلا في حدا اسمو حمودة هون غير حمودة هاد
الضحك عم يعلى ويزيد وراح لعند المايسترو وكان عم يأشرلو على السماعة الي بأدنو
وطارق انسجم بالحفل بالاغاني وصوت تقي الي بيجنن طبعا يتنقل ويتحرك ومتحمس كتير لحد ما انتهى البث المباشر للحفل
🌹🦋🌹🦋
بعد الساعة طنعش انتهت الحفلة وبغرفة خاصة فيه شال السماعة والجهاز اللاسلكي المثبت بوسطو
ادم : اتعبت
تقي : كتير والاحسن دغري للفندق
ادم : بتقاضى الاجر وبلحقك
بعدم اهتمام: الي بدك اعملو
وجه الحكي للبودي كارد
تقي : بدي نطلع من مكان مافيه صحافة ومقابلات
البودي كارد: مافي الا مخرج واحد للقاعة
ادم : انا بتصرف ما تعتل هم شي بقلمي مايا الحجازي
مشيو قدامو حماية اربعة بودي كارد ووراه شي خمس رجال تصوير كثيف وفي بعض الصحفيين حاولو ي

- النص المستخرج من الصورة: 📝
٤:٤٧م
ااا
M/
مشيو قدامو حماية اربعة بودي كارد ووراه شي خمس رجال
تصوير كثيف وفي بعض الصحفيين حاولو يقربو منو
وادم الي منع اي حدا يقرب منو
ادم : لو سمحتوا الاستاذ سومر كتير تعبان مو وقت اللقاءات
الصحفية : بس كم سؤال
ضل ادم يتفاهم معهن
بقي ماشي مع الحماية لوصل للسيارة فتحلو الباب المرافق
وطلع ولسى فلاش الكاميرات شغال ولاخر لحظة ضلو
يصوروه
كان يتأمل الشوارع الاضوية زحمة شوارع عمان كلا وصار
بعالم تاني
رجع ادم للفندق وراسا للجناح الي فيه تقي شافو كيف قاعد
على الكنباية وراكي راسو بتعب عليها
ادم مافي بالعادة ما تراقب التعليقات
تقي : .....
ادم : شو الخبرية تقي
تقي : تعبان شوي
ادم : مو مبين عليي انك تعبان
تقي : نفسياً مو جسدياً
ادم خبرني شو الي مش عاجبك
تقي : يا ترى شافت الحفل
ادم : ممم قصدك كارمن
تقي : ... كارمن !!!
ادم : بتقصد العشيقة
تقي : ياترى اتفرجت على الحفل ولا ما بقى يهمها امري
ادم : انت اليوم حديث الناس وبتكون اتفرجت عليك وعلى
نجاحك
تقي : اشتقتلا
ادم : مش عم استوعب تحت اي ظروف تركتو حتى بعد ما
ترکت مش قادر تتخطى

- النص المستخرج من الصورة: 📝
٤:٤٧م
تقي : كتير بحبها
ادم : جرب احكيي معها
ااا
K/1
بس هيك بعرف انو بحبها كثير
تقي : كيف مشان الله لبلوك من سنين ما انشال عن حساباتي
كلا
ادم: معقول انت حدن بيعملك بلوك
تنهد بتعب
تقي : اي في انا اخسرت اهلي وحبيبتي
ادم بخوف : مش معقول شو بتحب لدراما انت
طلب كابتشينو ساخن واستنى لاجى الطلب
ادم : هيي الي كل المدة بشوف صورتها عندك
تقي : اي
آدم : ولا تخبرني هيي ال
تقي : اي اخدت منها مصاري لوصلت لنص بيروت
ادم : بس هيك
تقي : انسرقوا كمان
ادم : اي بتزكر التقيت فيك ومامعك ولا ليرة
تقي : في عندك دوا للنسيان
ادم : في اكيد اجتهادك ومتابرتك رح تنسى.
تقي : اليوم شفت صبية بتشببهها مو بالشكل بطريقة اللبس
اتمنيت تكون هي
ادم حسيت عليك اليوم ركزت بالجمهور كتير
تقي : بترجاك ادم ساعدني بدي انسى بدي اتخطى
ادم : امسح صورها
تقي : شو عم تحكي ولا يمكن هدول الصور بس الي عم
باكدولي انو كنت خاطبها
ادم وازا اتجوزت شو ممكن تعمل
تقي : لا ما بظن تتزوج
ادم : مع انها بتطير العقل
تقي بقهر : عنجد انك واحد حقير
ادم : هههه شو بدك يا خيي الجمال ما بيتخبى لو بقشعها ع
الواقع بعطيك رايي الصريح

- النص المستخرج من الصورة: 📝
تقي : اخراس حاجتك حكي
ادم : عنجد صايرة اخلاقك براس مناخيرك
تقي : انت الي صاير وقح
ادم : وقح ؟؟! بس لشو الكزب جمالا مش جمال عادي
هرب بس ما نفذ اجت المخدة على راسو وفرط من الضحك
لانو استفز تقي
نفخ كل نفسو ورجع ريح وغمض عيونو وقلبو عم يحكيلو
شغلات وشغلات

الجزء السادس والعشرون
ليلتها ما اقدرت انام رجليي مكسرين من وقفة المجلى والشغل والجارات الي اجو يباركو ل ماما وعليا كل شوي اراقب الموبايل
بريق : ناطرة يتصل شهم لازم اتمسك فيه هو بارقة الامل الوحيدة بحياتي واول ما اتصل ارتحت استنيت شوي لرديت
شهم : يسلملي صوتك قبل تحكي
اتزكرت كلام تقي هيك كان يحكيلي
بريق : ليش طولت عليي
شهم : اشتقتييلي
بريق : ليش فصلت اليوم
شهم : كان تفتيش ع الحاجز وانشغلت
بريق : اوصلت يعني
شهم : اي من زمان اتعشيت مع العيلة واجو رفقاتي تقيلين الدم وليكني هلا ارتحت بغرفتي
بريق : انا مالة ومكتئبة غيرلي جو
شهم : بحوبك كتير
بريق : هههه والله حلوة لهجتك
شهم : انتي الحلوي وكل شي فيكي حلو
بريق : حلوة حمص
شهم : حلوي وبس تصيري مرتي وتزوري حومص رح تصير بتجنن
بريق : انت وحيد اهلك
شهم : لا عندي اخوة بس انا لكبير فيهن
بريق : وبنات
شهم : اي تنتين وحدة متجوزة والتانية مخطوبة ولسى في تلت صبيان توأم صف تاسع واخي لصغير صف رابع
بريق : شو أسماءهم
شهم : زين ونصر واحمد
بريق : والبنات
شهم : تقى وخلود
بريق :الله يحميهم
شهم : مبسوط طارق
بريق : اليوم ما كتير شفتو
شهم : اشتقتييلي ما هيك
بريق : كيف بكون الشوق
شهم : انا بحكيلك لانو مجربو
بريق : ايوا ولمين مشتاق
شهم : كنت اشتقلك الك وقت تتصلي او تبعتي بدك طلبية شي جواتي يتحرك وما اسدء اصير بالشام وتحديداً بحارتكن وأسأل حالي لك كيف اتعرفت ع هالمحل وصاحبتو واحكي بحالي نيال كل حدا قريب منك وبيعرفك اكتر مني وبس تنزلي لبضاعة وتحاسبيني احس بالقهر شي يزعجني بس مافيني اعترض لهيك اودعك وادعي يارب ما تطول بريق عليي بالطلبية التانية
بريق : شو بيحس المشتاق
شهم : مو بيحس بيتمنى تصغر الدنيا وتجمعوا مع هالشخص كيف ما كان
بريق : ياريت اجتمع فيك
شهم : هلا
بريق : بكل الوقت لا تتأخر شهم ارجع للشام
شهم : مارح طول الغيبة شغلة عشر ايام
بريق : كتير هيك
شهم : لا مو كتير بزبط اموري وان شاء الله بجي وبجيب معي جاها ويتم كلشي
بريق : يعني انت متأكد من مشاعرك
شهم : اي متأكد مو من هلا من زمان وهلا كتير مبسوط لانك عم تبادليني نفس المشاعر بتحبيني بريق
بقلبي : مابدي اتدلل عليه رح اجرب اتغير كرمال استمر معو
بريق : اي
شهم : ايمتى يعني
بريق : من وقت تجرأت وحكيت معي
شهم : لحظة شوي
🌹🦋🌹🦋
حط الموبايل على صدرو لحتى ما يسمعو
زين : ليكك صاحي
شهم : شو بدك
زين : في مسألة ما اعرفت حلها
شهم : بهالليل انت التاني روح لبكرى
زين : بكرى عندي حصة رياضيات ونصر مو مخليني ابحث على حلها
شهم : مو فاضيلك يا بني ادم
زين : مع مين بتحكي
شهم : وانت شو علاقتك
زين : اما شو كنافة اكلنا غير شكل
شهم : يا الله ع الغلاظة
زين : اممممم بتشهي
شهم : سكر وراك الباب
زين : ضل كنافة ماما
استناول مخدة وقبل يضربو فيها سكر الباب ورجع لبريق
شهم : ارجعتلك
بريق : مين
كان صوتها متغير والظاهر نعسانة
شهم : اخي نمتي ليكون
بريق : لا لا سهرانة كيف...الجو عندك
شهم : بجنن كتير
بريق : حلوي المنطقة الي انت فيها
شهم : ههه انتي الحلوي
كان صوتها عم يختفي تدريجياً وحس انو خلص نامت
شهم : بريق....هيك سريعة بالنوم انتي....لك وينك....طيب نوم الهنا ريتو
فصل الخط وبعتلا ( تصبحي ع خير )
سكر الموبايل كان بدو يستفرد بعواطفو مابدو شي يخرب عليه جو العشق الي عم يعيش فيه
🌹🦋🌹🦋
الصبح اصحيت واتزكرت انو كنت احكي مع شهم فتحت لاشوف رسالة منو
ودقات ع الباب قوية حذفت كلشي ورحت بسرعة افتح
ام طارق : ليش قافلة الغرفة
بريق : بدلت تيابي واغفيت كمان هي عليها رقابة
ام طارق : لا مابدك تجهزي فطور لمرت اخوكي
بريق : وشو شغلة امها هون مو تهتم ببنتها
ام طارق : عيب ما بصير هي ضيفة يوم يومين وما احلاها تشتغل يلا غسلي وبوجهك للمطبخ
بريق : انا كتير تعبانة شو ما بتحسو بحدا انتو
بقوتت طارق اتلبكت من شوفتو
طارق : شو وين الفطور متنا جوع
بريق : يلا اخي حاضر
رحت بسرعة للحمام غسلت وبلشت دوام بالمطبخ كنت احكي مع رشا
رشا: يعني مابدك تفتحي اليوم
بريق : لا
رشا : على كلا اليوم حفلة صبايا
بريق : اجى العريس يعني
رشا : اي وعازمة كل بنات الحارة
بريق : اي ساعة
رشا : انتي تعي بكير بدي اشاورك باللبس والمكياج
بريق ة ولايهمك
رحت حطيت الفطور ل عليا وامها ورحت شاركت طارق وماما الاكل
طارق : مع مين حكيتي
بريق : مع رشا عاملة حفلة بنات قبل خطبتها
ام طارق : كلها عم تنخطب وتتجوز
صدمتني بس ما اهتميت هدول اهلي جانين ع الاخر او انا صايرة حساسة
طارق : وبدك تروحي
ام طارق : اي خليها تروح
طارق : شو لازمة الروحة
ام طارق : احسن خلي الناس تشوف انها بتروح وبتشارك