طارق : بدك تروحي
بريق : اي حابة اغير جو
طارق : انا بدي اوصلك
بريق : متل مابدك
كملت الفطور وبس خطرلي شهم ابتسمت غصب عني ووقع قلبي لانو طارق شافني مبتسمة
طارق : شو سر الابتسامة
بريق : اه...مافي سر اتزكرت ...اتزكرت حكي رشا
طارق : بقص رجلي ازا هالحكي صحيح
ام طارق : رتبي البيت وجهزي لضيافة الا ما يجي حدا يزورنا
بريق : ومشان الغدا انا مابدي اطبخ دوبني اجهز حالي
طارق : رح اوصي ع اكل جاهز
ارتحت كتيير وبلش يومي بس في امل انزرع جواتي
🦋🌹🦋🌹

وبالعاصمة عمان كان تقي بالسيارة بجولة مع ادم
تقي : اليوم شفت التعليقات ع البث المباشر
ادم : حبيت
تقي : اي انت كيف شفت اطلالتي
ادم : بتعقد بعدين هيدي الموضة
تقي : ايمتى الحفل التاني
ادم : معك يومين نقاها اليوم غداك منسف اردني
تقي : متحمس كتير هالاجواء والعالم جو جديد عليي
ادم : هيدا كلو من محبة الناس ومحبة الناس ما بتنوجد كل الوقت
تقي : ما بسدء انو الي كل هالمعجبين
ادم : معقول بعد كل حضور مبارح واليوم مافي موقع ماعم يستغل شهرتك وينشر اخبارك ليجيب تفاعل وبتحكيلي منك مصدق الفانز بكل مكان شفت توثيق لحظة وصولك للمطار
تقى : لا ما شفت
ادم : هلا ببعتلك الرابط موثقين اللحظات ومصممين المقطع مع اغاني انت غنيتها وعاملين اجواء بالفيديو
تقي بابتسامة طفيفة : حلوة محبة الناس بس اوقات محبة الناس القريبين بتكون افضل
ادم : بعد تجارب واختبارات عم صدق انو محبة الغريب بتكون اصدق من محبة القريب والايام رح تثبتلك
تقي : ياترى في مناطق حلوة بالاردن
ادم : رح نعمل سياحة بالبترا والعقبة ورح تحيي حفلك بمهرجان جرش بدك احسن من هيك
ابتسم وقت اتخيل انو واقف علىى مسرح جرش ويغني
بقلبو : لا تستهين بحالك تقي رح تثبت للكل انك مو حدا عادي وانو الي براسك ساويتو وغصب عن الكل
نزلو عند مول كبير وراه مرافقة تنين وماشيين سوى نظرات الناس الو والي عم ينصدم بشوفتو كان متواضع لابعد الحدود
ادم : مع انو الي عم تلبسو بالحفلات شي بيجنن ليش مش عاجبك
تقي : بهالحفل رح اللبس على زوقي
ادم : وبالمناسبة إذاعة عمان حابة تستضيفك
تقي : ما بحب اللقاءات
ادم : هههه وانا كمان مابدي تطلع بلقاء انت عفوي وعم تخرب كل لبريستيج الي عم اشتغل عليه
تقي : بريستيج وبطيخ حل عني ادم انا هيك وبحب اكون هيك
طلعو بالاصنصير كان المجمع ضخم وكبير وبلش تقي يختار تياب على زوقو واهتموا فيه لانو فنان معروف والموظفات بالقسم اتصورو معو كان ادم واقف بعيد عنو ومبتسم لهضامتو مع الفانز
❤️🦋🌹🦋
كنت على اخر طراز والاستاز طارق صاير يدقق ع كتير شغلات قبل ما كان هيك معي بس بسبب مكالمة شهم مابعرف شو صايرلو
طارق : كتير مبالغة بالمكياج
بريق : عنجد
ام طارق : من يوم يومها هيك مكياجها وبيجنن عليها
طارق : امشي خلصيني
ونحن نازلين حاولت استعطفو
بريق : طارق
ضل مطنشني وبرى مسكتو من ايدو وخليتو يتطلع فيني ما عجبو تأفف ورفع راسو للسما
بريق : ليش هيك عم تعاملني
طارق : وقت تخوني الثقة الي اعطيتك اياها هيك بتكون النتيجة
بريق : فيني احكيلك شي
طارق : خير شو بدك تحكي
بريق : انا بدي اتمسك بحيلا علاقة
طارق : اها يعني في شي
بريق : هو بدو يتقدملي
وحسيتو انبسط بس دغري استوعب ورجع كشر
طارق : وسدءتيه
بريق : هو بيكزب بالعادة
طارق : انا ما بعرفوا بشكل شخصي بس هو ادمي كتير ومبين عليه ابن عز بس انا اللف والدوران ما بحبو بدو يتقدملك في الك بيت اهل مو يتصل فيكي وتحكو واكيد خبص بالحكي
بريق : مو دفاع الو بس ما حكى شي برى الطريق انا مليت من حياتي من الندم والقهر الي مسيطرين ع عيشتي وحابة اطلع من هالمود
طارق : يعني في احتمال تتغير حياتك
بريق : لازم بدي اتمسك باي شي ممكن يغير حياتي
طارق : وبدك تضلي تحكي معو لحتى يجي ويتقدملك
بريق : غلط
طارق : ومية غلط نحن مو متلكن بريق انا وقت بتحكي معي حيلا بنت بتاثر بصوتها وخلص بصير عقلي ياخدني ويجيبني مشاعري جواتي بتكون مو عادية ولو ما حكيت وخبصت معها
بريق : طيب شو اعمل انت احكيلي
طارق : رح تحكو اليوم
بريق : اعترفلك بشي
طارق : الله يسترنا
بريق : انا عم ابادر بالاتصال
غمض عيونو وفرك جبينو
بريق : غصب عني طارق والله
طارق : طيب اليوم بس تحكي معو بتخبريه انو هي اخر مكالمة واحكيلو طارق شاكك بشي واقطعي اتصالك فيه نهائي
بريق : وبلكي بطل بدو اياني
طارق : انا مصدوم فيكي صدمة عمري
بريق : انا طبقت ال ٢٤ سنة
طارق : لا تضحكيني لساتك صغيرة
بريق : كل الي من جيلي تزوجو ومعهن اولاد وانت بتعرف الحارة وقرايب كلشي بالحارة عم يتحايدونا لانو اهلك ما قصرو ودمرو كلشي
طارق : طيب منحكي بعدين بس اليوم بتفهميه انو اخر اتصال وانتي كمان استوعبي وافهمي لازم يكون اخر اتصال

بريق : متل مابدك
مع انو ما بدي رد عليه ومارح يعرف اني لسى عم اتواصل معو .
🦋🌹🦋🦋
بالسيارة مقهور منها بس مابدو يزيدها عليها
بقلبو : بتستاهل طارق هي وقت كنت تخبص مع دلع وتستدرجها وتستغلها بالهدايا والمصاري اجى مين يحكي مع اختك بدون صلة شو يعني بريق مو فهمانة عليي لا بتفهم وبتعرفو شو يعني يخبص معها وانا خايف بريق يعجبها الاهتمام هي محتاجة هيك شي وهداك ال....بكون عاجبو الوضع وصلها لقدام بيت رشا
طارق : بتتصلي فيني قبل تخلص الحفلة
بريق : ماشي اخي
راقبها وهي فايتة للبيت
ورجع رجوع بالسيارة وطلع من كل الحارة علا لصوت الاغاني وراح يتفتل بشوارع الشام
🦋🌹🦋🌹
كنت فاتحة خط الحفلة شغالة وانا بحكي مع شهم بالمطبخ
بريق : ما اتصلت فيني
شهم : كان عندي سهرة
بريق : وهلا وينك انت
شهم : بتمشى برى البيت وانتي وينك سامع صوت اغاني
بريق : حفلة لرشا
شهم : الصبية الي بتشتغل عندك
بريق : اي هي
شهم : لكن ليش عم تحكي معي المفروض تتسلي
بريق : ما بحب هالاجواء
شهم : متلي انتي ما بطيق الحفلات بالاخص حفلات القرايب
بريق : عندك حق شو اتغديت اليوم
شهم : عزمني صاحبي على مشاوي
بريق : وين يعني ببيت اهلو
شهم : لا بمزرعتهن
بريق : بتتسلى اي بالمناسبة انا حاسة حالي كتير عم افرض حالي عليك
شهم : وشو يعني
بريق : خلص يكون اخر اتصال
شهم : انا بتصل لا تتصلي
بريق : ليش بدك تتصل
شهم : اتعودت على هالصوت الحلو
بريق : ههه عنجد
شهم : اي والله مجرد تقولي الو قلبي بصير خارج التغطية
بريق : شهم معقول انت
شهم : يا روح شهم انتي
بريق : طيب مابدي اطول عليك
شهم : لك هلا بلشنا حكي حلو بدك تتهربي
بريق : شو يعني حكي حلو
شهم : يعني متل صوتك الحلو
بريق : حكيت مع اهلك مشان الخطبة
شهم : لا بكير
انقهرت كتير بس سايرتو
بريق : قولتك بكير ايمتى بدك تجيب بضاعة
شهم : لتصير الطلبيات محرزة
بريق : يعني مو عطول بتطلع
شهم : حسب اوقات بتكون طلبية محرزة ومستعجلة واوقات بخف الشغل
بريق : صار لازم اسكر رشا استفقدتني
شهم : ايمتى بترجعي للبيت
بريق : عشرة ونص
شهم : ماشي انتبهي ع حالك
بريق : ماشي سلام
شهم : الله معك
فصلت وضليت قاعدة بمكاني ودخلت بحالة اكتئاب ليش ما صارلي حفلة هيك وازا شهم طلع بيتسلى لتكمل معي عنجد
فتحت الفيس بوك واول خبر اعلان لمهرجان جرش ومن بين النجوم تقي والاعلان كان عبارة عن فيديوهات قصيرة للمطربين المشاركين
بريق : معقول تقي صار واتصور وانتي لساكي ناطرة تتجوزي ويصير عندك ولاد شو وضعك تقي اه انسيت انك نجم هالايام ومحبوب الكل ويمكن ازا في بريق بالكون ما سائل عنها قال بدو يتواصل اكيد بدو يرجعلي المصاري كرمال ما يحملني جميلة
سالو دموعي غصب عني اتزكرت اللقاء قبل السفر
#فلاش_باك
تقي : بوعدك ارجعلك اياهن اول ما اشتغل وازبط وضعي
بريق : المهم يتحسن وضعك مع انو ما اتوقعت تسافر ونحن مخطوبين
تقي : زواجي منك مصيبة مابدي عرس ع الماشي بدي عرس يحكو فيه كل الناس
بريق : ورح تتأخر بقصد سنة بترجع
تقي : والله مابعرف يا روحي بس اتزكري مارح اقطعك من الاتصال
بريق : اي بترجاك رسالة منك بتكفيني انا خايفة من الطريقة الي بدك تسافر فيها
تقي : شو اعمل مافي الا هالطريقة
مدلها ايدو مسكها وقربها منو وباس خدها
تقي : رح تشتاقيلي
بريق : اكيد وانت
تقي : بوسيني متل هالبوسة بخبرك
مع انها كانت مترددة بس قربت من خدو وباستو
تقي بهمس : مشتقلك من هاللحظة
#باك
كنت منهارة اوقفت ورحت لاغسل واعدل مكياجي رغم كلشي بس القهر عم يزيد جواتي ما ينقص.
🦋🌹🦋🌹
الجزء السابع والعشرون
كان تقي بيحكي فيديو مع ريان مسترخي ع الكنباية و يزبط شعراتو
ريان : حلوة حفلتك بتجنن
تقي : تيا عجبتها الحفلة
ريان : هههه اكيد بس ما حضرتها
تقي : تيا انا عمو مو تفكريني ما بقربلك
ريان : هاد عمك تقي
تقي : ما بتزور بيت جدها
ريان : احكيلي كيفها بريق وخلص
تقي : اي كيفها بريق
ريان : كانت بحفلة رشا هلا رجعت مع طارق
تقي : يعني بريق بس بقيت عزابية من الشلة
ريان : اي
تقي : هيك احسن
ريان : لا تخاف مارح تتزوج بريق هي بس عضو مشارك بالحفلات
تقي : الله يطمنك يارب واكيد هي شايلة فكرة الزواج من بالها
ريان : والله مابعرف بس هي مكتئبة كتير وماحدا بيعرف السبب طول الوقت اما شاردة او زعلانة
تقي : ع غيابي اكيد ما خبرتها بدي احكي معها
ريان : خبرتها منى بس ما سدءت او ما شالت الموضوع من ارضو
تقي : لعمى ازا صحيح
ريان : مقيم بالفندق
تقي : شو رأيك انت
ريان : فرجيني هالغرفة
تقي : غرفة عادية
قلب الكاميرا وصورلو كلشي بالغرفة
ريان : هي قصر مو غرفة بتجنن
بفوتت ادم لعندو

تقي : اي وين طارق وين ايامو
ريان : بمكانو صار عندو بنوتة جديدة
تقي : والله كتير منيح
كان واقف قدامو ادم ومو عاجبو
تقي : شوفي ادم
ادم : اتفرج
فرجاه بوستر اعلان الحفل وصورة تقي مو بالصدارة
تقي : شو يعني
ادم : كيف شو يعني صورتك المفروض تكون بالصدارة بعدها يحطوصورة هي الفنانة الي ماحدن شايلها من ارضها
تقي : هو حفل والسلام
ادم : انت مش معقول
تقي : حل عني ادم اي ريان كملي
تركو ادم وراح قعد واتصل ب مدير الشركة
وتقي مو فاضي عم يأشر ويلاعب تيا ويتغزل فيها
ادم : استاذ رامز هالشي مش حلو بحقكن مو بس بحق الفنان سومر....مابعرف تصرفوا هالبوستر مش عاجب الاستاذ سومر انت عم تقارن نجاحو وشهرتو بهي الي ماحدن سمعان فيها نحن يمكن نلغي الحفل
انتبه تقي وانصدم
تقي : استنى شوي ريان
ادم : مش ذنبي هالقرار رح يتنفذ بحال ما اتعدل ع البوستر الاعلاني وازا ما اتصدرت صورة الفنان سومر البوستر نحن رح نلغي الحفل ورح ندفع الشرط الجزائي
وقف تقي وراح لجنبو وحاطت ايد بجيبتو والتانية عم يحك فيها دقنوا
ادم : ناطر جوابك
فصل الخط وتقي نطق
تقي : شو بدك تلغي شو بدك تدفع
ادم : هني الخسرانين وبتعرف شو يعني يلتغى الحفل والتذاكر خالصة
تقي : ولشو كل هالمشكلة فرجيني البوستر
ليكو ماشالله عنو صورتي مبينة
ادم : انت مش حدن عادي المفروض صورتك هون وصورة هي الي ماحدن بيعرفها بالزاوية
تقي : لك شوف مبينين فخادها ههههه
ادم : انت مش معقول تقي
تقي : هههه بس حلو فستانها
ادم : روح كفي مكالمتك حل عني يا خيي
تقي : انت بتدفع الشرط الجزائي
ادم : خلال اربع وعشرين ساعة رح يتعدل ع البوستر
تقي : الله يثبت علينا
رجع يحكي مع ريان ولا هامو شي
🌹🦋🌹🦋
ليلتها ما حكيت مع شهم مارديت ع اتصالو كنت مخنوقة لابعد الحدود
🦋🌹🦋🌹
تاني يوم اتعدل ع البوستر الاعلاني كان تقي عم يفطر بصالة الفندق واجى ادم وابتسامتو عريضة وفرجاه صورة البوستر
تقي : حول ع لفطور
ادم : تروقت من زمان كيف شفتلي البوستر
تقي : خسارة راحت صورة فخادها
ادم : بتعرف انو ما قدرو يلغو الحفل خسايرهن كبيرة رح تكون
تقي : هلا مو البوستر انتشر
ادم : لا هلا رح يعلنو عنو انت متوقع ردة فعل هي
تقي : الي ما حدن سامع فيها حفظت هالجملة
ادم : انت متهاون بهالشي
تقي : انا الي بهمني اغني ويكون حفل ناجح بوستر بوسترين اخر همي
ادم : حبيبي عم يستغلو نجاحك بتعرف تلت ارباع الي حجزو تذاكر كرمالك
تقي : كرمالي مش كرمالي هيدا اخر شي بفكر فيه انت ادم مش حدن عادي
ادم : ههههه هلا صرت تحكي لبناني
تقي : يا خيي ما بتفرق لبناني سوري هيي كلا اسما بلاد الشام
ادم : ههههه مروق هالنهار
تقي : معقول حدن متلي مدير أعمالو ادم بجلالة قدرو بدو يكون معصب لا ياخيي مروق واخر رواق مش هيك
ادم : مش...... السيارة جاهزة
تقي : حابب اتفتل لحالي
ادم : متل مابدك
تقي : ايمتى اتروقت الساعة تسعة
ادم : ترويقة ع الماشي
~~•
كان تقي بالسيارة عم يتفتل بالشوارع ومشغل اغاني وسيكارة واخر رواق مسلطن
🌹🦋🌹🦋
وعند شهم كان قاعد مع امو عم يحكو بموضوع خطبتو
شهم : اي ماما شو رأيك
ام شهم : شامية
شهم : اي شامية والله بتجنن وبنت عالم وناس
ام شهم : يعني رح تسكن بالشام
شهم : هلا وافقي ورح بسكن وين مابدك
ام شهم : وازا ما عجبتني
شهم : والله بتجنن
ام شهم : بس انا مابدي اترك البيت
شهم : يومين تلات منغير جو
ام شهم : بالاول بدي اشاور اختك تقى
شهم : شو علاقة تقى
ام شهم : اختك لكبيرة والها راي
بقلبو : انا بقنعها المهم توافقي
ام شهم : روح جيبلنا شي مشان الغدا
شهم : تكرمي
وبطريقو لعند تقى واول ما شافتو انبسطت فيه
تقى : شهم بجلالة قدرو جاي لعندي
شهم : عم تتمسخري
تقى : اي من يوم اتجوزت ما فتت بيتي
شهم : ليكني فتت وجاي بطلب
تقى : تكرم عينك اوصلت
وبعد الاخد والعطا
تقى : شامية
شهم : حاجتكن شامية ومدري شو اي شامية
تقى : اخي كلها بتتغزل ببنات حمص
شهم : حمص ع راسي وبنات حمص كمان ع راسي بس هالبنت دخلت لقلبي
تقى : حلوي كتير
شهم : بتجنن
تقى بغيرة : احلى مني
شهم : الله يطولك يا روح اختي انتي حلوي بعيون جوزك واكيد بعيوني بريق احلى بنت بالعالم
تقى : ما علاقتي ازا مابتقول انا احلى منها ما بقنع ماما
شهم : انتي احلى وحدة بحمص بسوريا بالوطن العربي
تقى : لا لا احلى من بريق وبس
شهم : منقلع عمري ما اتجوزت
لحقتو ركض وهي فرطانة من الضحك
تقى : خلص خلص بقنعها بس لهدرجة مابدك تحكي انو في احلى منها
شهم : ما حدا احلى منها
تقى بغيرة : الله يهنيك يارب
بقلبها : لنشوف هالحلوي
🌹🦋🦋🌹
كنت ناطرة اتصال شهم وما سدءت ايمتى خلصت جلي وفتت لغرفتي اللبست بيجامة للنوم واستنيت لحتى اتصل ورديت عليه

بريق : الو
شهم : يسعد مساكي
بريق : ومساك على شوي كنت نمت
شهم : حكيت مع ماما اليوم
بريق : اي
شهم : رفضت
صدمني وانقهرت كتير
بريق : يعني بدها تزوجك صبية من عيلتكن
شهم : المهم ما تكون شامية
بريق : يا ويلي شو عاملين فيها
شهم : هههه مابعرف
بريق : وانت شو رأيك
شهم : رأيي أقنعها
بريق : وبتقتنع
شهم : معنا السنة طويلة
بقلبي : بدي استنى كمان هالسنة
شهم : وين رحتي
بريق : لا معك....يعني مابدها كنة شامية
شهم : منحازة لبنات حمص
بريق : خلص لكن لا تزعلها منك واخطب على كيفها
شهم : ليكون ازعلتي
بريق : ع شو بدي ازعل اصلا ولا ببالي الخطبة ولا حتى الزواج انت ملاحظ انو انت الي بادرت مو انا
شهم : اي بس هلا انتي مزعوجة لا تنكري
بريق : بدك الصراحة انا مافيني اتواصل معك
شهم : ليش
بريق : طارق شاكك فيني وانا عم بتلبك قدامو
شهم : ما انا اتعودت عليكي
بريق : والله مافيني خلص اقنع امك وازا ما اقتنعت اعمل الي بريحك
شهم : ليش حاسس انك عم تنهي كلشي
بريق : مو عم انهي كلشي بس انت بتحكيلي السنة طويلة كمان انا مافيني اتواصل معك على مدار السنة واخر شي تحكيلي ما اقتنعت لهيك منختصر ع بعض ومدامها رافضة مارح تقتنع ولو اقتنعت مارح ترضى على هالموضوع
شهم : وانتي ببساطة مابدك اياني
بريق : انا بلشت اتعلق فيك وفي حال اتعلقت اكتر من هيك رح تسببلي علاقتي فيك متاعب انت ما بتقبل بهالشي صح
شهم : طيب انا متعلق فيكي
بريق : انت بتعرف بيت اهلي
شهم : لوقتها مابدك نحكي
بريق : الافضل هيك يصير
شهم : وهلا بدك تسكري
بريق : كتير تعبانة
شهم : سلامتك من التعب طيب رح اتركك ترتاحي تصبحي على خير
بريق : وانت من اهلو
فصلت الخط وضليت اتأمل الاسم والاتصال
بريق : انا مابدي اقطع اتصالي فيه وخايفة ما اقدر واضعف وارجع اتواصل معو
انا مش بريق انا صرت وحدة تانية راكضة ورا الزواج ولازم اتمسك ب شهم شب صغير لانو لقدام مارح يتقدملي الا الارمل والمطلق وازا ما كان خمسيني من جيل بابا
بابا.....كأنو مو بابا مين نحن بحياتو ولا شي ولاشي
غمضت عيوني مستسلمة لحالة الاكتئاب الي صايبيتني وما اجاني نوم والفيس بوك عدوي الوحيد وين ما افتح عم يطلعلي تقي لهيك فتحت الانستا اتسلى على الريلز والاحسن يكون مقطع فيديو من فانز سومر كان بصالة فندق وغصب عني اتأملت الفيديو وشفتو كيف مندمج مع شب قدامو قاعد وعم يدخن وبعدها انتبه ل يلي عم تصورو وابتسملها بتواضع ورفعلا ايدو وكان عفوي كتير معها
والتعليقات كلها غزل من الصبايا وشباب مو عاجبهن شي عم يهاجمو وشي عم يمدح
طفيت الموبايل وغمضت عيوني مستسلمة للنوم
🌹🦋🌹🦋
كان جاهز تقي لابس شورت واسع جينز لتحت الركبة وقميص ابيض كمان واسع اتمايز حالو منيح وحط النظارات على راسو
اجى ادم واتأملو من فوق لتحت
ادم : وبوط جديد
تقي : جاهز انت
ادم : بلا ما احضر
تقي : مابقبل اطلع بدونك بس ازا خايف من رامز مشان البوستر بعزرك
ادم : ازا هيك مفكر سابقك للسيارة
ركض تقي ورجعو
تقي : هههه بس مبارح وقت حكى معي رامز حكالي مدير اعمالك علا صوتو عليي
ادم : وانت شو رديت
تقي : امممم قلتلو الحق معو
ادم : وبعدين
تقي : ولا شي صار يستسمح مني ليال طالبة تكون بالواجهة وما كانو متوقعين يزعجني الموضوع قصدي ما يعجب ادم بيك
ادم : انا كرمالك وبس ازا بتتهاون بهيك مواضيع رح تهمش اسمك بايدك وما حيحسبو حسابك بالايام الجاية
تقي : هلا انت دارس ومتعلم بالجامعة الاميريكة بس انا اعلى دراستي بكالوريا من مدرسة عادية يعني مستوى التعليم الو دور
ادم : اوثق فيني تقي اليوم انت ع مستوى بلاد الشام معروف وبكرى بالوطن العربي كلو
تقي : اكيد واثق فيك تأخرنا
ادم : لا تتعب حالك بالبروفا يومك طويل
تقي : ولا يهمك
طلعو من الفندق واتحركت وراهن اكتر من سيارة
وصلو لموقع الحفل كان في امن وحماية استضافوه بالمكتب بالبداية طبعا ادم نفسية لدرجة تقي متواضع لدرجة
قعد رجل على رجل وابتسم ل السيد رامز
رامز : ان شاء الله يكون عجبك البوستر الاعلاني
تقي : اي هيك ها انا مع انو السيدات اولا بس مش لدرجة اتهمش
رامز : انا شرحت ل مدير اعمالك كيف صار هالشي
تقي : ولايهمك
ضيفوهن عصير وبعدها توجه لقاعة لبروفات يمزح ويضحك مع الفرقة ومع مهندسين الصوت بالقاعة
المهندس : كيف السماعة
تقي : بتسلم عليك
المهندس : هههه هيك الصوت واضح
تقي : تيجي تجرب انت
ترك من ايدو واخد السماعة من تقي
المهندس : هههه يفضح عرض هالتقنيات
تقي : على فكرة بتشتت في حال كان الصوت فيها ضعيف
المهندس : هلا بخبر الإدارة منيح اكتشفنا العطل من اولها
تقي : انا مع انو تكون مهندسة مو مهندس

عليت صوت الضحكات بالقاعة
تقي : شو حكيت نكته او انتو مستهينين بالجنس اللطيف
المهندس : مو مبين عليك نسونجي
تقي : هههه مو بلا شو نأجل لبروفا
المهندس : ارتاح لنشوف العطل من وين
قعد على طاولة صغيرة مد رجليه وشغل سيكارة وفتح موبايلو يشوف اخر الاخبار
بعد ساعة من التنظيم كان عم يغني والقاعة عم تترتب وصار دور ليال وقت وصلت من الطبيعي هي تسلم عليه اتاملها من فوق لتحت و دفش ادم وابتسملو بقلمي مايا الحجازي
ادم : شو صرلك
تقي : خسارة لابسة بنطلون
ادم : هههه شاغلك هالموضوع كتير
تقي : توقعت تيجي بفستان
ادم : اوعك تسلم عليها هي لازم تسلم عليك
تقي : ليكها اجت متل الشاطرات
ادم : ما كتير تهتم فيها
ليال : بونسوار
تقي : اهلا
ليال : كيفك سومر
تقي : الحمد الله
ليال : كتير افرحت لانو حفلنا بنفس اليوم شو رأيك بدويتو .
تقي : بس بدون بروفا اتعبت كتير
ليال : منلتقى ازا هيك
انسحبو من القاعة هو وآدم
🦋🌹🦋🌹
كنت رح طير من الف

- النص المستخرج من الصورة: 📝
K/1
..
٤:٤٩ م
كنت رح طير من الفرحة ومو مسدءة انو اهل شهم جايين
بزيارة رسمية علينا وهو معهن حتى طارق ومنى حسيتهن
مبسوطين متلي واكثر
مني : يلا ولو الجماعة ناطرين
بريق : بلكي ما عجبتهن
طارق : هههه امنتي الشب شو بدك بامو واخواتو
بريق : كثير متلبكة والله
منی : ما صار فيكي هيك قبل بمرة
بريق : لانو اجى لحالو خايفة ومتوترة
طارق : عيب ينطرو اكثر من هيك سابقك انا
اخدت نفس طويل حملت الصينية ومنى لحقتني بالضيافة
ولعيون كلها عليي ضيفت اخواتو بالاول بعدها امو
وابتسمتلي وهلا ضيفتو وداب قلبي بس استوعبت انو كل
هالاناقة كرمالي ضيفت طارق وماما وقعدت انا ومنى بحد
بعض
ام شهم : اسم الله حولها وحواليها هلا حكالي انها حلوة بس
ما حكى بتاخد العقل
ام طارق : تسلمي يارب عيونك الحلوين
تقى : لا فوق الوصف
شهم : شو رأيكن نحدد يوم كتب لكتاب
طارق : الي بتشوفو
ام شهم : لكن بكرى منشتري الدهب
وارتحت كتير بس فجأة اختنقت وحاولت انسى كلشي صار
معي
كانو عم يتبادلو الحديث عن كلشي وانا بعالم تاني انو اتحقق
حلمي بقلمي مايا الحجازي
اخ منك بريق حلمك تتزوجي اي اي بدي اتدلل بدي اكون
محور حياة شخص بهالدنيا
ام شهم : شو دارسة بريق
بريق : قدمت البكلوريا واخدت شهادة ومهتمة بالمحل
تقلک یکی بدنا ن ١٥ ك بالمحا
ব

- النص المستخرج من الصورة: 📝
تقى : لكن بكرى بدنا نزورك بالمحل
بريق : بتشرفوا
خلود : وازا تيابك من المحل معناتو زوقك بالبضاعة بيجنن
منى : كل بضاعة المحل بتجنن
وبعد هالزيارة السريعة وقفنا كلنا نودعهن وانا ما اشبعت من
شوفتهن ورحت للبلكون اتفرج عليهن وطارق عم يودعهن
تحت
ام طارق : ونقشت معك يا بريق
بريق : صلي ع النبي ماما
ام طارق : لك ما بحسدك هي سيارتو
بريق لو بسكليت ما بتفرق بدي اخلص منكن
منی : ههههه ياي رح نحضر عرس بدي اصير اخت العروس
بقلبي : يارب كملها معي ازا ما بتزبط خلص بتكون انتهت
حياتي
فتت للغرفة ارتاح قعدت على طرف التخت لشوف شو
باعتلي شهم ( موعدنا بكرى العصر)
بلعت ريقي واتنفست براحة ومابعرف ليش خانوني دموعي
بس يمكن لا نو قطعت الامل

الجزء الثامن والعشرون
الساعة تمانية بغرفة خاصة فيه كان بكامل اناقتو ع الباب واقفين مرافقتو وناطرين يخلص رتبتلو المسؤولة عن إطلالتو قميصو واجى الشب ركبلو جهاز لاسلكي علقو بالحزام ورا ظهرو صوت الجمهور برى عم يهتف (سومر سومر) ولا كانو في فنانة تانية معو
طلعو من الغرفة ووقفتهن مذيعة الشاشة العربية(ممكن نعمل مقابلة مع الاستاذ سومر(
ادم : باقي للحفل خمس دقايق
المذيعة : ما منأخرك استاذ سومر
تقي : اتفضلي
وقف عن المشي وتوجهت كاميرا القناة عليه وعلى المذيعة
المذيعة : احكيلنا كيف معنوياتك للحفل
تقي : شوفة عينك
المذيعة : اسم الله عليك مبين عليك انو معنوياتك عالية شو رأيك بالجمهور
تقي : والله احلى عالم ما عم يطلع معي الحكي بس ما توقعت هالحضور
المذيعة : شو رح تغني الليلة
تقي : مزيج من الاغاني
المذيعة : بالتوفيق الك
تقي : شكراً
لساتو بالكواليس واقف اخد نفس ومتوتر كتيير
ادم : شد همتك يلا
تقي : الحضور كبير
ادم : ما بينخاف عليك هيدي مو اول مرة بتوقف قدام هالجماهير
غمض عيونو وحاول يقوي حالو
وصلو المهندس السماعات بادنيه وأعطاه إشارة تقي اوكي وسرعان ما طل على المسرح وصوت لصريخ عبى الدنيا انحنى شوي للجمهور
تقي : يسعد اوقاتكن جميعاً
لسى صوت الجمهور عم يهتف بأسمو
قلبو عم يدق بسرعة حاسس حالو بحلم
الحماية منتشرين تحت المسرح ووراه الفرقة الموسيقى ومن إشارة منو بلشو يعزفو
كانت الموسيقى تعلى وتزيد وهو مو سامع الا موسيقى المايسترو وصوتو من خلال السماعة
يا حبي اللي غاب
من عمري انا
حياتـي عذاب
انحرمت هنا
هنا هناا
من بعدك لمين
لمين لمين الزهر بينحن
و بتشرق لمين
لمين لمين شمسك يا دني
من بعدك لمين
لمين لمين الزهر بينحني
و بتشرق لمين لمين لمين
شمسك يا دني
يا حبي يا غالي
يا ساكــن بالي
سواد الليــــالي
حياتي انـــــــااا
(ما كانت الاغنية الوحيدة غنى كتير اغاني منفردة وغني مع ليال اغاني مشتركة)
كان الجمهور متفاعل معو والي عم يرميه بوردة او عم يقرب لاخر المسرح ليتصور معهن
وهو مو وعيان ع الدنيا ابدا ولا وكأنو تقي الي بيوم من الايام انكسر وانحرق قلبو على حالو
🌹🦋🌹🦋
هالمرة كانت الحفلة متعبة طاقتو بالاخير نفذت وما سدء ايمتى اعلن المايسترو نهاية الحفل ودع الجمهور ولحقوه كم صحفي رغم انو موجود حماية حواليه
تقي : مو وقت اللقاءات اتصرف ادم
فات للغرفة يريح وبرى ضجيج كبير
الصحفى : ناطرين اللقاء من بداية الحفل
ادم : هوي رافض اي لقاء واسمعت بادنك
الصحفية : كمان من حقنا نعمل معو لو لقاء صغير
ادم : بمهرجان جرش
الصحفي : ما بصير انا قطعت مسافة طويلة لحتى أعمل سبق صحفي
ادم : بظن شفتو اديشو تعبان
الصحفية : بس عنجد هيك ما بصير
ادم : الأسئلة عم تتكرر وماعندو اي شي جديد يحكيه
الصحفية : بيكفي يتصدر اسمو المجلة
ادم : لو سمحتوا تتركوه يرتاح
الصحفي : مارح نمشي من هون الا وعاملين معو مقابلة
ادم : استنوا ازا هيك
فات للغرفة وسكر وراه الباب كان تقي قاعد ومنزل راسو ومشغل سيكارة
ادم : فيك شي انت
اخد نفس طويل
تقي : كتير تعبان منهك مو بس تعبان
ادم : ما كنت هيك بالحفل كنت متفاعل ومرح
تقي : انا الفجر اصحيت
ادم : لكن من هيك تعبان مش عم تشبع نوم
تقي : يمكن
ادم : انت مولع بالتواصل وهالشي عم يخليك تسهر ساعات زيادة خبرتك مش لمصلحتك السهر
تقي : ما عم يجيني نوم بدك اضحك على حالي
ادم : شو مشان الصحافة مصرة تعمل لقاء معك
تقي : بدي ارتاح في ضجيج براسي ما عم اركز بشي
ادم : الاحسن تعمل اللقاء بتخلص على بكير ومنرجع للفندق
طفى السيكارة ووقف واول ما طلعو من الغرفة رجعو ركضو عليه الصحفيين
الصحفي : ازا مافيها احراج بدنا نعمل معك مقابلة او لقاء سريع الي بدك اياه
تقي : اتفضلو
الصحفي : اليوم كان الحفل مشترك كيف شفت تجربتك الغنائية مع الفنانة ليال وهل بالايام القادمة رح نسمع الك دويتو ومع اي فنانة رح يكون
تقي : اكيد عجبني الحفل المشترك ...لليوم ما اجاني هيك عروض وازا انعرض عليي كل الفنانات اصواتهن حلوة الواحد بيحتار
الصحفي : مين بتحس الاقرب الك
تقي : يمكن سيرين عبد النور
الصفحية : اليوم السؤال الي شاغل المعجباتك سومر عشقان
ابتسم ب خجل
تقي : اي اكيد عشقان
وهون دغري ادم استنكر
الصحفية : يعني ما بتنكر
تقي : ارجعي اسألي
الصحفية : مين اليوم سومر عشقان
تقي : الفن اكيد
الصحفية : يعني مخبي الموضوع
تقي : لا جاوبتك بصراحة
الصحفي : اليوم الفنانين عم يطلعوا بتصريحات
تقي : لو سمحت ما بدي انسأل ولا اجاوب
الصحفي : بتخاف تثير الجدل
تقي : مو قصة خوف اي انسان فينا عندو وجهة نظر واكيد انا ما دخلني بتصريحات الفنانين بس هيك

الصحفي : حابب توقف على خشبة مسرح ببلدك
تقي : اكيد بحب هي بلدي وامنيتي اغني بيوم فيها
الصحفية : وشو بالنسبة لبيروت
تقي : انطلااقتي كانت من هنيك بيروت الحب هي الأولى بالنسبة الي فنيا
الصحفي : متزكر اول مرة غنيت فيها مسكت المايك وحسيت انو بيلبقك النجومية
تقي : اكيد بتزكر
الصحفية : كلمة اخيرة لجمهورك
تقي : كل الحب الكن ناطركن بمهرجان جرش

نزلو الكاميرات وهو طلع مع ادم لبرى فتحلو المرافق الباب ودغري اتحركوا من المكان
ركى راسو على الكرسي وغمض ب تعب وراحت فيه نومة اشر للشوفير يطفي المكيف
ضل ادم يتطلع فيه وشاف كيف السهر عامل العمايل فيه وزعل عليه.
🦋🌹🦋🌹
قبل العصر كنت جاهزة ع غير العادة اجت لعندي عليا
عليا : ريتو الف مبروك
بريق : بكير ع لمباركة
عليا : لا خلص انخطبتي
بريق : حلووين تيابي
عليا : بتجنني كلك حلوة بكرى بريق رح تطلعلك حلوة وانيقة
بريق : دخيل قلبا العسولة اصلا وجهها خير عليي
عليا : اي لكان الها عرض تياب مجانية مدى الحياة
بريق : عيوني الها مو بس تاخد تياب
اطلعت للصالون كانت ماما كمان جاهزة ومنى وتيا بزيارتنا
منى : خدوني معكن
بريق : مافي مكان الك
منى : مبسوطة بريق
بريق : ليش لازعل
منى : اه لا بس يعني مبين عليكي فرحانة
بريق : شو الو داعي الزعل والبكي بيوم متل هاليوم
منى : معقول ما فكرتي بحدا
ام طارق : منى خلص بقى شو هالحكي رح تصير ع زمة رجال وعيب ينحكى هالحكي
بريق : بلكي رايدة تتفركش الخطبة
منى : تقي عم يسأل عنك ليش مابدك تعطيه مجال
بريق : ازا كتير حابة اعطيه مجال انتي طلقي ريان واعطيه مجال
منى : يوه هو بحبك الك
بريق : كلو كزب ماحدا بحب حدا ورجاء ماحدا يجيب سيرتو ولا تجيبو سيرتي قدامو ازا كتير عم تتواصلو معو
منى : براحتك
بريق : اكيد براحتي ما شفت حدا بهمو راحتي قد حالي وبالنهاية كل واحد فيكن الو حياتو وحتى هداك الي عم تحكي عنو كمان همو حالو
عليا : عندك حق بكلشي حكيتيه لا تهزي بدنك ابدا هلا بيلاحظ العريس
فتت للمطبخ غسلت ايديي وحاولت اتهدا واتماسكت قد ما فيني
وقت اجى اتصل فيني وانزلنا انا وماما وافرحت لانو شهم كتير جنتل شايفيتو ومو مسدءة ومابعرف ليش هلا اتغيرت نظرتي كليا بشخصيتو بدو يصير من ممتلكاتي
سلمنا عليهن واركبت وراه وماما بجنبي شغل اغاني وانسجمت بالجو كلو
🌹🦋🌹🦋
وبالفندق كان متمدد على التخت والدكتور حاطت السماعة على صدرو
ادم: طمني حكيم
الدكتور : اول مرة بترتفع حرارتك هيك
تقي : لا كل فترة بتهاجمني هيك حرارة
الدكتور : رح اكتبلك على دوا
ادم : حكيم مو لازمو ابرة كرمال تنزل حرارتو
الدكتور : هلا بضربو ابرة وازا ما نزلت حرارتو خلال نص ساعة لازمو مستشفى
ادم : ان شاء الله ما منعتاز مشفى
ضربو الابرة وكتبلو على الادوية
ادم : حكيم شو الي صاير معو
الدكتور : شو عم يوجعك بالضبط
تقي : بدك تقول كل جسمي حتى مفاصلي
الدكتور : حمى فيروسية متل ما شخصت الحالة
ادم : بتخوف حكيم
الدكتور : بدو يضل طريح الفراش هاليومين
ادم : طمنتني
الدكتور : ويمكن ترافقو لاسبوعين بس ازا داوم على الادوية المكتوبة رح يتعالج باسرع وقت عليك العافية
تقي : الله يعافيك
طلع معو ادم وما رضي ياخد منو الدكتور ادارة الفندق محاسبة عنو سكر ورا الباب ورجع فات يطمن على تقي الي منهك والتعب حتى على عيونو مبين قعد بجنبو
ادم : هلا بتتحسن
تقي : الله يسمع منك المهم يروح الوجع
ادم : بيروح المهم ما تنسى مواعيد الدوا وهلا نام ارتاح
غمض عيونو وادم بقي بجنبو مراقب حرارتو
وما كان بيعرف تقي انو اليوم يوم المنى عند بريق وعم يصير الها خطبة هو ما قدر يعمللها اياها .
🦋🌹🦋🌹
ارجعنا من عند الصايغ وصلنا شهم لقدام البيت ماما طلعت للبيت وضليت اودعو كنت مبسوطة فيه كتير
شهم : وين بكون طارق
بريق : ليش بدك اياه
شهم : بدي احكي معو
بريق : اتصل فيه
شهم : الخميس كتب لكتاب
بريق : كانو بسرعة صار كلشي
شهم : والعرس بعد الخطبة بشهر
بريق بخجل : انت هيك بدك
شهم : اكيد ولا عندك اعتراض
بريق ،: الي بدك اياه اتفضل
شهم : لا عندي التزامات منحكي
بريق : متل مابدك
ودعتوا واطلعت للبيت كانت منى عم تجهز للغدا
ام طارق : نحن اتغدينا لا تحسبو حسابنا
منى : شو اشتريتو دهب
ام طارق : والله صدمني ما توقعت
عليا : بس محبس
ام طارق : لا شو محبس اصر يكونو ١٠٠ غرام دهب
شهقت منى وعليا سوى
ام طارق : صلو ع النبي
منى عليا : اللهم صلي على النبي مية غرام
عليا : هههه لك ليش عم تحكي معي
منى : بتمزحوا
ام طارق : والله هاد الي صار
منى : وامو ما حكت شي
ام طارق : بالعكس هي الي بدها هيك
عليا : ودفع كاش
ام طارق : تركناه بالمحل واكيد حاسبو

منى : مبروك بريق
بريق : الله يبارك فيكي
فتت لغرفتي ارتاح قفلت الباب و غمضت عيوني لاستوعب كيف هالمرة كلشي اختلف بخطبتي الاولى محبس وهالمرة خطبة كاملة مكملة اهلو دهب لسى مابعرف شو ممكن يصير شي مختلف
نفخت كل نفسي وكان بدي اختلي بمشاعري بدلت تيابي ومابعرف ليش دموعي عم يذرفوا كنت عم انكر الغصة اي مابدي اعترف انو غاصص قلبي على ايام زمان ع خطبتي الاولى الي ما بتشبه اي خطبة او انا لسى حابيتو ل تقي وما بدي اعترف بهالشي .
🌹🦋🌹🦋
بغرفتها منى
ريان بقهر : ١٠٠ غرام
منى : هاد الي صار
ريان : والله في سر بالموضوع مين لسى بيلبس هيك كمية من الدهب
منى : شبعرفني لهلا مصدومة
ريان : الصدمة يوم الخطبة وهو يلبسها إياهن
يا حرام يا تقي
منى : ليش يا حرام مو هو ترك
ريان : ما بتسمعيه بكل مكالمة عم يسأل عليها وحابب يتواصل معها
منى : بس هو الي باع مو هي
ريان : مابعرف احسن شي يسطفلو
منى : اي والله
🦋🌹🦋🌹
وقريب من ببيت اهل شهد كان حامل شنتة تياب مرتو وولادو حطها بالسيارة واجت تركض لعندو وحسام ماشي وراها
حسام : شو صهري ما بدك تفوت بيتنا حالف يمين
طارق : هيك شي
فتح للولاد السيارة وحتى شهد قعدت بقي واقف مع حسام
حسام : مبروك ما اجاك
طارق : الله يبارك فيك
حسام : ازا مشان المصاري
طارق : ليك حبيب انا مابدي لا مصاري ولا شي
حسام : لشو هالجفى من تلت سنين بتركن سيارتك اخر الحارة
طارق : اسأل امك
حسام : بطلت حماتك
طارق : انا الي من هالعيلة ولادي
حسام : وشهد
طارق : انا اتاخرت
تركو واقف وطلع بالسيارة ودغري انطلق من الحارة شغل سيكارة وشغل الاغاني
طارق : ليكي من هلا بخبرك ازا ضل حسام يسأل عن موضوع الجفى رح احكيلو عن محمود وحبك القديم
شهد : بترجاك طارق لا تفتح دفاتر قديمة ليكني معك وهي ولادنا
طارق : المهم خليه يفهم لا يضل يعزم عليي بيت اهلك ما بفوتو لو بطوبولي اياه
شهد : خلص بترجاك خلص
طارق : من هلا بخبرك كيد وغيرة ومجاكرة ب عليا مابدي
شهد : والله بفهم
طارق : واوعك ينعاد فصل هديك المرة
شهد : بس كان عاجبك الوضع
طارق : بس وقت اتزكرت انو ببالك حدا غيري اقرفت
شهد : سدءني مو ببالي غيرك
طارق : ليش من اول ما حطيتي عقلك براسك كنا ما وصلنا لهون
شهد : بترجاك تنسى الموضوع لولاد عم يكبرو وانت ما عم يهمك شي وبتحكي قدامهن
طارق : ليعرفوا ليش اتجوزت عليكي
شهد : خلص خلص بترجاك
طارق : بتضبي حالك ببيتك
شهد : بدي ابارك لبريق
طارق : هلا صرتي بتحبيها ما انا بعرف عندك شوفة عزرائيل ولا شوفة بريق
شهد : الله يسامحك
طارق : الله لا يسامح حدا
ومابقى رد عليها بولا كلمة طنشها ع الاخير
🌹🦋🌹🦋

بعد ما اتحسن راح ل غرفة ادم فات وشاف ادم وقدامو مشروب كان ثمل هز راسو مو عاجبو تقي ابدا قعد وضربو على رجلو
تقي : عم تعبي الطاسة
ادم : اتحسنت
تقي : هيك وهيك من ايمتى مو شارب
اشرلو بمعنى زمان
شغل سيكارة واسترخى اكتر
تقي : شو مشان اجرة الحفل
ادم : حولتها للحساب
تقي : شو اجى عبالك اليوم
ادم : اتفضل
تقي : لا دخيلك يسلمو اتهنى بس ليك والله بضر بالصحة
ادم : مين خبرك
تقي : هيك بسمع بعدين لو مفيد ما اتحرم
ادم : اسم الله عليك عندك خلفية دينية
تقي : هههههه امبلا وبالعلامة اسمي تقي الدين
ادم : شو معنى هالاسم دخلك من زمان حابب اسألك شو معناه
تقي : يعني الرجل المتعبد وبعبادته وصلاحه يقي نفسه من عذاب النار تقوى وايمان وعبادة هيك معناه
ادم : من هيك عم تصلي كل الوقت
تقي : مابقدر ما اصلي يعني بضل بالي مشغول بفترة الظهر وببالي انو لازم اعمل شي واجب
ادم : اي بشوفك ملتزم بالصلاة اكتر من اي شي بس ازا حدا بيدرى بتصلي ليصير يفتي من عندو غير مقبولة وعم يمثل الدين
تقي : ما مهم انا بعرف حالي شو
ادم : بس اوعك تغلط قدام حدا وتصلي
تقي : مطول انت
ادم : هلا بلشت
كانت القنينة فاضية
تقي : اجيبلك وحدة تانية
ادم ؛ بالبراد فيه
تقي : عندي بالغرفة كتير
ادم : هي بتتقدم مجاني
تقي : هههه كمل بشوفك بكرى
ادم : اوعى تسهر
تقي : رايح انام تصبح ع خير ابو سكرة
ادم : هههههه
فرط من الضحك ادم وطلع تقي تاركو مع سكرتو
فات للغرفة وحاول ينام غمض عيونو وابتسم وقت اتزكر بريق
🦋🌹🦋🌹
الجزء التاسع والعشرون
بيوم كتب لكتاب اتعبت الحارة سيارات اليوم جاها للرجال عزمنا الجيران وبابا وخوالي اجو كنت من شباك الغرفة عم اتفرج على الوفد الي وصل
منى : شو هاد لك بريق
بريق : ما اتوقعت والله
منى : امي كتير مبسوطة وصارتلك خطبة عالمية
بريق : اصلا ما عم سدء ابدا
منى : قولي منيح عزم طارق نسايبو وكترو معازيمنا
بريق : ههه اي قولتك
انكتب لكتااب كان حضور رجال وبس وبكرى حفلتي بالصالة لساتني بمرحلة عدم الاستيعاب ولاول مرة رح تصير الي خطبة متل الي بحلم حاولت انام ليلتها بس كانت مشاعري مخربطة وغصب عني فتت لحساب تقي على الانستا وشفت اخر بوست عبارة عن جلسة تصوير الو قربت الصورة على وجهو كتير وغصيت وقت اتزكرت انو مرة باسني وكان قريب مني كتير

وبيومها تخانقنا وطارق شافنا ونحن راجعين كل واحد بطريق وبوقتها ما عجبو طارق وحس بشي مو منيح واتزكرت وقت خلاني اشلح عن راسي وفكلي شعري هو
- اخ منو شو عمل بوقتها وضل يومين يتغزل بشعراتي كان جريء بس مو مبين عليه لازم انساه لازم ما افكر فيه لانو رح اكون خاينة وانا مو هيك ابدا رح ابدا صفحة جديدة ومتأكدة شهم احسن منو بكتير
سكرت الموبايل وجواتي مشاعر مخربطة المهم اتزوج وكلشي كان بالماضي اسمو ماضي
يعمي راح وانتهى
تاني يوم من الصبح بلشنا تحضيرات بيتنا مكركب شهد لولاد وعليا وبنتها وصلني شهم لعند لكوافيرة انا ومنى وبلشت التجهيزات للحفل
🌹🦋🌹🦋
وبغرفة تقي كان عم يتصفح الانترنت كالعادة وراح اخد من البراد قنينة عصير طبيعي بجية ادم لعندو
ادم : لساك مريح مابدك تضب تيابك
تقي : هلا الموظفة بتضبهن مالي خلق لشي
راح قعد ادم وشاف اتصال من ريان وغافلو ل تقي وفصل الخط وقبل يحظر الرقم اجى تقي لهيك اتلبك وعمل حالو عم يشوف اخبار الفيس
اخد منو الموبايل تقي
تقي : جيب شي أشربو
ادم : ما جايي عبالي
ضل مزعوج وزاد الانزعاج وقت ابتسم تقي لاتصال رفيقو
ادم : مش وقت المكالمات
تقي : ما بطول معو
ادم : يا خيي انت كل ما بتحكي مع رفقاتك بالبلد بتصير حدن تاني تقي مش وقت العواطف بكرى عندك مهرجان وانت لساك بتفكر بايام زمان هلا لازم تركز اكتر عندك مستقبل كبير وزاهر ما تفكر انو ممكن تستمر نجوميتك رح يجي يوم وتخف شهرتك
تقي : اي وشو يعني
ادم : لا تطفي حالك بحالك بدنا نرمي كلشي ورا ظهرنا بدنا نركز بالمستقبل اكتر ضلك مشتغل على حالك اليوم انت وجه شبابي رح تكون هدف لكل شركات الإنتاج وحتى لمصممين الازياء
تقي : بدي احكي معو اكيد عندو شي
حاول يتصل ما كان يرد ريان
تقي : عجبك سيد ادم اكيد حرد
ادم : يا خيي بالناقص منو
تقي : لا تغلط على رفقاتي
ادم : بدي اغلط بوقت الي كنت تتصل ب هاد الي اسمو ريان كان يطنش اتصالك بوقت الي بعتلو رسالة بدك ورقة من شعبة التجنيد حط الف عزر
تقي : لانك مابتعرف مخاطر لفروعة عنا
ادم : وليكك جبتها وبكل اريحية
تقي باستهزاء : مابعرف انو الك واسطة ببلدي
ادم : تقي هلا مش وقت العشق والحب
تقي : لكن وقت شو
ادم : وقت تأمن مستقبلك ....مستقبلك تقي الي ماحدن امنلك اياه
تقي : ما قصرو اهلي معي
ادم : امبلا وبالعلامة وصلوك لحالة من اليأس
تقي : ماقصرو وبس
ادم : شو قدمولك
تقي : كلشي اي مادعموني ولا جوزوني ولا صرفوا عليي بس ربوني وهاد اهم شي عملوه كرمالي فهموني الصح من الغلط الحلال من الحرام مافيني أنكر تعبهن سهرهن بيوم نتائج البكالوريا ضلو على اعصابهن خوفهن عليي ما بنساه المبادئ والقيم الي اتربيت عليها شي بعتز فيه واهم اهم شي اني ابنهن
ادم : اي يكتر خيرهم من هيك ما بيتواصلو معك
تقي : شو رايك تخرس
ادم : متل مابدك على كلا سابقك جهز حالك
كان مراقبو بعيون مليانة قهر لانو بيعرف يستفزو بس طلع ادم غمض عيونو
تقي : ليش ماعم يردو عليي ليش بس تسمع صوتي ماما عم تفصل الخط وقف ودفش الطاولة برجلو وكسر كلشي عليها وبعدها استوعب انو مو وقت القهر والزعل حاول يهدي حالو وراح يجهز حالو
🦋🌹🦋🌹
بالسيارة كان ادم الشوفير واتامل تقي وهو طالع من الفندق وعم يدردش مع الموظفة الظاهر انو مروق حط الموظف الشنتة بالسيارة وطلع ادم ليسلم على مدير الفندق الي طلع ليودعهن
المدير : ان شاء الله تكون عجبتكن الاقامة عنا
تقي : ولا احلى من هيك
ادم : منتشكرك على الاستضافة
المدير : ناطركن قبل السفر
تقي : اكيد رح تكون الاقامة عندكن قبل رجعتنا
الموظفة : ياريت عنجد
سلموا عليهن من جديد كان تقي مخاصم ادم بطريقة مستفزة ركب حدو وانطلقت وراهن دغري سيارة تانية
ادم : ما تأخرت
تقي : ...
كان عم يكبس بموبايلو
ادم : زعلان مني
تقي : شوب شغل التكييف
ادم : هههه متل مابدك مخاصمني يعني
تقي : جيت وش جابك حبيبي....من بعد طول المغيبي من بعد طول المغيبي
زاد بالسرعة ادم والتزم الصمت بس كتير عجبو تصرف تقي كانت سفرة طويلة من عمان ل جرش ضجر وملل وتعب في بالسيارة حافظة فيها بسكويت وعصير كان عم يتسلى تقي طول الطريق وادم مراقبو بطرف عينو لوقت الي وصولو رحبو فيهن ودغري فاتو يرتاحو بالفندق
🌹🦋🌹🦋
كانت الرقصة بتجنن لعيون كلها علينا شابكة ايدي بايدو وايدي اتانية حاطتها على كتفو وهو محاوطني بايدو من خصري
شهم : طالعة بتجنني
بريق : معقول
شهم : بريق.....انتي ما بتشبهي النجم لا لا بتشبه القمر واسمك بحسو مو اسم عادي عليم الله الي سماكي هالاسم عبقري
بريق : ههه احزر مين سماني
شهم : مين ما كان معزتو بقلبي كبيرة
بريق : عمتي مناهل
شهم : كلها زوء ومفهومية مبسوطة لانو خطبنا بشكل رسمي

بريق : اي واكتر شي مبسوطة مشانو حضور بابا واهلك
شهم : لازم يحضرو فرحتنا اديشها حلوة هالكلمة
بريق : وحلوة اجواء الحفل ما فكرت هيك
شهم : احلى شي انو قريب منك ايديكي ناعمين كتير وفيكي جاذبية عالية خوفي اتهور
بريق : اوعك شهم لا تفضحنا
شهم : هني عم يندهولي
نزلت راسي بخجل توترت كتير من كلامو حسيت نفسي صعب ومو مسدءة تخلص الحفلة
بعد الرقصة قعدنا وراقبنا كل اجواء الفرح وكل شوي نتهامس ونضحك والاهم ماما كتير مبسوطة فينا وحتى حماتي واخواتو البنات
🦋🌹🦋🌹
بيوم المهرجان كان بالفندق قريب من مسرح جرش الدنيا لساها ظهر افطر وقعد يريح قبل المهرجان ويتفرج على مقاطع مشكلة ويحاول يتواصل مع ريان وعالفاضي
فات لعندو ادم وما اهتملو
ادم : مجهز شي للمهرجان
تقي : اشتريت تياب
ادم : بس الاحسن تلبُس شي ع زوء تيجان
تقي : مين هاد
ادم : هاد مهتم بأطلالات النجوم مسرح متل هاد بدو إطلالة خاصة
نفخ نفسو وما أهتم
تقي : مابتفرق بلبس حيلا شي
قعد بجنبو وابتسملو بس تقي ما اهتم
ادم : لساك زعلان مني
تقي : مش قصة زعلان بس انت مش حدا عادي لتحكيني هالحكي
ادم : ايمتى حكيت غلط
تقي : كلشي حكيتو كان غلط انا ما الي حدا بالدنيا الا ريان اهلي ما عم يردو عليي حتى طارق بتعرف مين طارق مقاطعني
ادم : ما حصلي الشرف مين طارق
تقي : هاد الي ما تركني هو الي احتواني وانا بعز وحدتي وعاملني على اني اكتر من اخ الو
وقفتو معي بشدتي ما بنساها
ادم : اه حكيتني انو اخوها ل يلي كانت خطيبتك
تقي : اي هو انا رفقاتي خط احمر
ادم : وطارق
تقي : وطارق
ادم : طيب بعتزر منك انا مش قصدي افرقك عنو ل هاد ريان بس انت مغير عليي كتير
تقي : ما تعتزر ابدا
عم الهدوء الوقت عم يمشي بسرعة كبيرة اتجهز بالفندق وسيارة نقلتهن لموقع الحفل وما بيتوتر الا وقت يشوف الازدحام كان ضجيج كبير ولحظة وصولو اتقدمو المشرفين على المهرجان يرحبو فيه
المسؤول : شرفتنا استاذ سومر
تقي : تسلم
المسؤول : بتقدر ترتاح هون باقي نص ساعة
تقي : مافي مشكلة
كانو متل الكرفانات بس مخدمة بتكييف ومد وكراسي قعد وشاف ادم عم ياخد ويعطي مع مجموعة شباب وشوي اجى لعندو
ادم : بدن يصورو روبرتاج
تقي : لشو الروبرتاج
ادم : كرمال ينزل مع الحفل بدهن ينزلوه مع اجواء الحفل
تقي : وشو المطلوب مني
ادم : متل ما انت بدن ياخدولك لقطات عفوية خليك على طبيعتك انت
كان كتير جنتل لابس قميص سماوي وبنطلون بيج وصباط(كندرة) عسلية
طبعا التصوير استمر اكتر من ربع ساعة
خلف الكواليس كان واقف ياخد نفس عميق كانت مقدمة المهرجان عم تصيغ جمل توصفو فيها
مقدمة المهرجان : لصاحب الصوت العذب الي مليان حنية وعدا عن صوتو الحلو كمان شبوبية وكاريزما بدنا نقول حبيب فئة الشباب بشكل عام الي عم يبهرنا بنجاحو يوم بعد يوم رحبوا معي ب ابن سوريا الفنان سومر ماشي بكل ثقة لوصل لعندها انحنى شوي للجمهور
سلم على المقدمة قبل تروح واتوجه لعند الجماهير
تقي : يسعد مساكن جميعاً
التسفيق والتصفير هتافات كتيرة باسمو وحكى مع المايستر
تقي : نبلش ب عاشقة الورد
اعطاه اوكي وبلشت الموسيقى
يا عاشقة الورد إن كنت على وعدي

فحبيبك منتظر يا عاشقة الورد

حيران أيا ينتظر؟ والقلب به ضجر

ما التلة ما القمر ما النشوة ما السهر

إن عدتي إلى القلق هائمة في الأفق

سابحة في الشفق فهيامك لن يجدي

يا عاشقة الورد إن كنت على وعدي

فحبيبك منتظر يا عاشقة الورد

نجم في الأفق بدى فرحا يشدو رغدا

اليوم وليس غدا فليصدق من وعد

يا ملهمة النجوى لا تنفعك الشكوى

فحبيبك لا يهوى إلا ورد الخــــــد

يا عاشقة الورد إن كنت على وعدي

فحبيبك منتظر يا عاشقة الورد
ساعة ونص من الاغاني بإحساس عالي وتفاعل من الجمهور والفرقة والكورال الي عم يعيدو وراه الاغاني كان شي مميز ولاول مرة بيوقف بهيك مسرح اثري وشعورو مخربط كتير
كان ادم مبتسم وفخور فيه وهيئة ادارة الحفل سلموه جائزة متواضعة ودع الجمهور وطلع مع ادم والمرافقة لبرى الموقع وبطريقهن للفندق بعد يوم متعب كتير
🦋🌹🦋🌹
بالسيارة طارق وريان
طارق : ليش كل الوقت مطموز حضرتك
ريان : انا....بالعكس مبسوط كتير ها ليكني
طارق : لا وقت سلمت على شهم ما بين معي انك مبسوط
ريان :والله عادي بس مشغول بالي بشغلة
طارق : على كلا بكرى الجماعة عازمين كل العيلة تعارف لا تحكيلي مابدك تيجي
ريان : ودوامي
طارق : عطل هاليوم مارح تخرب الدنيا
ريان : بشوف شو رح بصير معي
طارق : ريان هلا بدك تحكيلي شبك في شي صاير معك
ريان : يوميا بحكي مع تقي مبارح فصل بوجهي الخط ومو اول مرة بيعملها فيني
طارق : شي طبيعي خلص هو صار حدا مشهور ولا تستغرب ازا شافك بشي مكان ينكر أنو يعرفك

ريان : معقول
طارق : لا تستبعد هلا رصيدو البنكي شي فوق الخيال ما بتشوف تيابو كلها ماركات عالمية سيارتو موديل سنتها يا ريت سيارة وحدة شي كتير
ريان : والله خجلني وقت فصل الخط كنت متراهن مع منى انو يرد
طارق : امانة عليك في حال رد احكيلو بريق انخطبت
واتفجر بالضحك طارق
ريان : شبك ولووو
طارق : احلى شي انو تقي واثق بريق ما تتجوز وتضل تنطرو
ريان: وين الي بيضحك بالموضوع
ورجع كرر نفس الضحكة
طارق : هههههه لك هو توقع تتزوج واحد ختيار او ماحدا يدق بابها.هههههههه بس شو اكل كم مرتب ولسى ازا بيعرف لشهم ليموت بحسرتو بقلمي مايا الحجازي
ريان : انت بتعرف انو لساه ب

- النص المستخرج من الصورة: 📝
١:٥٢ م
B
..
ريان : انت بتعرف انو لساه بحب بريق
طارق : اي من الاغاني الي عم يغنيها مبين انو عم يغني لبريق
مولاي حدا بس يلا خليه بيستاهل اكثر من هيك هو الي باع
مو هي انت بتعرف انو هالندل مخلصها دهباتها
ریان: اتوقعت لانو مستحيل كان بتأمن معو مبلغ خيالي
بهالسهولة
طارق : اي تعبها او بالأحرى حصتها من الارباح وهلا شوف
السوق داقر وماعم نكسب إلا القليل
ريان : الله يفرج احسن شي
بقلبو ريان : هيك لكن اخد دهبات بريق ومنى الي هي مرتي
خاتم ما عم ترضی تبیع مشان اسدد ديوني وبريق اصيلة
عنجد وما همها كان الدهب المهم يزبط وضع خطيبها ولا فوق
كلشي تقي رح حكالها اتجوزي
طارق : بشو شردت
ریان : متزکر وقت اقترحنا ع بريق تحكي مع تقي تحكيلو
اتقدملي عريس مشان يخاف يخسرها
طارق : ليش بروح من بالي الي صار بالاخص كسر خاطرها
وفكرت انو هو شاريها بس انا بعدها فسرت الي صار بريق
خافت نعرف انو اعطتو كلشي معها
ريان : بتسدء هلا صدمتني عنجد كيف فيه يحكيلا اتجوزي
وهو اصلا ببيروت من تعبها
طارق : بتعرف ما بيبرد قلبي الا بخطبة الجمعة وقت ابو تقي
الدين يخطب بالناس وبطل يجيب سيرة المعازف والاغاني
هههههه صار يحكي عن الامانة واهوال يوم القيامة بطل الو
عين يجيب سيرة المعازف ابنو ترند هالايام وين ماتروح
مشغلین اغانیه ههههه
ريان : لك ليش عم تضحك بربك
طارق : ههههه لا تستبعد انو بسلطن ع صوت ابنو
كان طارق كأنو سكران وريان مو عاجبو
ريان : اخد حبة انت
طارق : ههههه لا بكرى سومر بصير يتعاطى لانو بسمع

- النص المستخرج من الصورة: 📝
٤:٥٢ م
B
..
سمعات عن هدول الفلتانين
ريان : بس لا تنكر انو صوت وصورة
طارق : اي ما بنكر واغانيه بتجنن
ریان : شوف هاد المقطع من شوي وهو طالع من مهرجان
جرش
اتأمل طارق المشهد كانو محاوطينو كثير رجال وعم يبعدو
الناس عنو
طارق : يلا سيدي يتهنى بمحبة الناس هو خسر اهلو ورفقاتو
وكسب محبة باقي الناس
حول علينا
ريان : لا يكفي اتعبنا
نزلو من السيارة وطبشو لبواب وكل واحد فات لبيتو

الجزء الثلاثون
كنت لابسة وجاهزة وع اخر طراز اطلعت للصالون كانو الكل جاهزين منى وتيا وريان وطارق ونسوانو وولادو وماما كمان
ام طارق : حلوة من اولها عزايم
طارق : لانو اهلو مسافرين هاليومين
ام طارق : لكن بعد بكرى نحن لازم نعزم
منى : انا متحمسة بدي اشوف الشقة هي الو صح
طارق : ماحكى شي اكيد لاهلو وحتى السيارة الي معو للعيلة مو الو لحالو
ريان : ان شاء الله ما تكون قعدة مشتركة
طارق : لا ما بظن
ريان : والله ما بحب العزايم بس كرمال بريق
بريق : مافي منك يا صهري
ام طارق : لسى مبارح كنتو تلعبو بالحارة هلا صرتو كبار وعلى صهري وبنت حمايي
منى : هههه وولاد ماما لا تنسي
ام طارق : الحمد لله الله فرحني فيكن جميعا
شهد : فرحتين فرحتين
طارق : شو قصدك
شهد : قصدي انك تزوجت مرتين وبريق خطبتين
بريق : كاني صايرة شوكة بحلقك لك شهد
شهد : ليش اخدتي الموضوع جد
طارق : لانو بدي تسكري تمك ع الاخير وسيرة هداك الحشرة مابدي تنجاب قدام نسايبنا ولا قدام شهم
شهد : أسكر تمي مو
طارق : اخرسي ع الاخير
شهد : بالناقص اصلا ما رح روح
طارق : اريح بتوفري يلا انقلعي من هون
ريان : لا حول ولا قوه الا بالله عطول لازم خناق
انسحبت شهد وجرت لولاد وراها
بقلبي : رح يعيشو متلنا ولاد اخي تفكك اسري
ريان بهمس ل منى : شي بخجل والله
منى : طنش انت
بجية شهم اتصل فيني وانزلنا كلنا انا وشهم بسيارتو وماما وطارق ومرتو وريان ومنى بسيارة مع انو اصريت ع ماما تطلع معنا ما قبلت وشهم كتير انبسط اركبت حدو والخجل مكتسحني
شهم : اي والله شوفتك بترد الروح
بريق : تسلم
شهم : لشو الرسميات احكيلي تسلملي
بريق : هه هيك يعني
شهم : انا كائن بحب الاهتمام يعني اهتم وحدا يهتم فيني اعرفتي اهتمام متبادل
بريق : بالايام الجاية
شهم : عنجد طالعة بتجنني بتفلجي
اتأملتو كان لابس قميص رمادي وبنطلون اسود وكتير طالع جنتل وحتى ريحة عطرو مغطية ع المكان
شغل اغاني وانطمزت وقت طلعت غنية عاشقة الورد وبصوت تقي على اذاعة اردنية نوصت للصوت
شهم : بجنن صوتو ليكون ما بتحبي اغانيه
بريق : بصوت ناصيف احلى
شهم : لسى هاد الي اسمو سومر مكسر الدنيا
بريق : اي العيلة كلا موجودة
شهم : اي اكيد
تنفست براحة وكنت خايفة اصارحو انو هاد هو نفسو خطيبي السابق
المذيعة : هالاغنية افتتح فيها الفنان سومر مهرجان جرش شو حابين تسمعولو
طبعا اجاها اتصال
المتصلة : يسعد مساكي
المذيعة : ومساكي شو حابة تسمعي للفنان سومر
المتصلة : كل اغانيه بتجنن وياريت تسضيفوه عندكن بالاذاعة
بدلت كل المحطة
بريق : ليش ما بتشبك ع جوالك الراديو بطلت موضتو
شهم : متعود هيك بالاخص بالسفر ل حلب احسن ما اضجر اتابع محطات الراديو
ما سدءت ايمتى اوصلنا
انزلنا كلنا بنفس التوقيت واطلعنا للشقة كانو كلهن بالانتظار استقبلونا احسن استقبال نحن النسوان قعدنا بالصالون مع اخواتو البنات واخواتو الشباب واصهرتو بغرفة لضيوف
كانت منى تتمايز كل المكان كان كلشي فيها بجنن طقم كنبايات باللون الخمري ووالدهبي والستارة بدرجات هاللون وفي كتير اثاث وشاشة كبيرة كتير وديكور بالسقف شي بيجنن دفشتني
منى : معقول هون تسكنوا
بريق : حيلا ما بتفرق
منى : ايه الله يهنيكي
ام طارق : ما شاء الله مبين مرممين الشقة جديد
ام شهم : يعني قبل موت الموحوم ابو شهم ما اتهنينا فيها
خلود : هي ل شهم جهزها بابا ليفرح فيه وبعدها صار الي صار
تقى : وما كنا منعرف انو صاحبة النصيب هيك بتفلج
ام طارق : هاد من زوءكن
ام شهم : شو بريق ما حابة تتفرجي ع الشقة
منى : كلنا حابين مو بس هي
ام شهم : اتفضلو لكن
ما كنت مهتمة كتير لفخامة الشقة بس منى الي انبهرت ب المطبخ وجمال اللون العسلي والدرف من خشب ولونهن بني محروق والبراد ببابين وبعدها شفنا غرفتين وحدة فيها تخت مفرد وخزانة مبينة لشهم والتانية فاضية
ام شهم : هي بقى غرفة النوم ورح تختاريها انتي وشهم بعد بكرى
ام طارق : مو بكير
ام شهم : لا مو بكير بدي اشوف الغرفة قبل اسافر والشهر الجاي رح نفرح فيهن
ام طارق : الله يتمم ع خير
حسيت عليا مبسوطة اكتر من منى الي انقلبت مية درجة وكنت حاسة عليها انها غيرانة بس كزبت احساسي
وبعدها جهزو العصير وبعد العصير وصل الاكل جاهز مناسف كتيرة ونحن عم نتغدا اجى شهم يطمن علينا وكتير اخجلت منو
ام شهم : تعال لجنب خطيبتك
شهم : بصير يعني
ام طارق : اي بصير
قعد بجنبي وبلش يهتم باكلي كنت محرجة كتير من اهتمامو بس الكل مبسوط فينا
🦋🌹🦋🌹
منى بقلبها: اي شو هاد مو شقة عادية ازا السكنة بالمالكي وسيارة بتجنن وبيت احمى حبابين وشهم رومنسي والله ونقشت معك يا بريق لا تقي ولا ضراب السخن ولسى بتقنعني مو تطبيق اكيد طبقتو ايام كان يجبب بضاعة للمحل

بعد الغدا طلعو للبلكون بريق وشهم الكل مشغولين بالحكي ولمسايرة الا منى عم تتاملهن وعبالها تعرف ع شو بيحكو وبيضحكو وقبل المغرب اعتذرو بس شهم اصر تبقى بريق عندهن وطارق بالزور لوافق كانو تحت يودعوهن وبريق واقفة معهن خلص صارت من العيلة
ام طارق : لا تتأخري
شهم : ولا يهمك مرت عمي عشرة بتكون بالبيت
طارق : تسعة وغيرو لا
شهم : مارح تفتحولنا الباب
طارق : هههه لا رح اكسر الباب عليك وعليها
شهم : يلا يلا روح بلا تهديد برجعها وقت الي بحب
طارق : يلا بخاطركن
ودعوهن وانطلقوا بالسيارة
منى : لازم رجعت معنا من اولها بدها تسهر عندهن
طارق : شو فينا نعمل يعني من اولها نتحكم فيهن
ام طارق : ما بينخاف ع بريق
ريان : اي على كلا عم يتمشوا
لفت وجهها وشافتهن ماسكين ايدين بعض وعم يتمشوا عنجد
🌹🦋🌹🦋
كان الجو بيجنن نسمات باردة وممزوجة بريحة الخريف
شهم : حبيتي العزيمة
بريق : تعيشوا وتعزمو
شهم : خبرتك ماما مشان غرفة النوم
بريق : اختارها انت
شهم : رح نختارها سوى
بريق : متل مابدك بعد بكرى معزومين انتو عنا
شهم : لحالي ها
بريق : ليش بقى
شهم : اليوم ما شفتك كتير
بريق : اي عنا غير هون انت العازم هنيك معزوم
شهم : يعني بغرفتك
بريق : هههه عيب عليك لا اكيد ع البلكون
شهم : المهم نكون بالمنفردة
بريق : هههه شو بسجن
شهم : السجن بعد الزواج
بريق : خلص شهم بربك
شهم : يا روح شهم انتي
اتفتلنا بالطرقات اتسلينا كتير وكان جو جديد عليي كليا وبعدها عزمني ع فنجان قهوة ببيت اهلو طلبها من اختو لكبيرة واسهرنا ع البلكون وكل شوي يجو يطلو علينا ويتناقرو هو واخواتو الشباب والبنات وقلبي من الفرحة عم يدق بسرعة
🦋🌹🦋🌹
اتنفس براحة طارق وقت رجعو ع الساعة تسعة راقبهن ووقف عند الباب يتسمع وعليا فرطانة ضحك عليه
بريق : شكرا ع التوصيلة
شهم : يعني مافي تفضل
بريق : اي اهلا وسهلا
شهم : بلا بعد شو ما انا اتقلعت
بريق : والله ما قصدي
شهم : بمزح معك يلا تصبحي على خير
بريق : وانت من اهلو
ضل ورا الباب كانت عم تفتح بمفاتيحها واول ما سكرت الباب شهقت بحوف
بريق : بسم الله
طارق : اي والله ما برجع اليوم
بريق : خوفتني طارق
طارق : خوفتك مو ليش اتاخرتو
بريق : ليش ناطرني هون
طارق : خفت عليكي
بريق : غيران قصدك
طارق : اي والله يمكن بغار عليكي
بريق :ههه شهر وبتركلك البيت كلو
طارق : غص قلبي
عليا : ههههه بكرى بصير يتأفف بس تزورينا
طارق : حكي عدوين والله
عليا : ههههه قال بغار عليها
طارق : احكيلي بريق عمل شي هيك ولا هيك
بريق : ههه خليها حسرة بقلبك
تركتو وفاتت ل غرفتها تأفف وكان مقهور وغيران عنجد
🌹🦋🌹🦋
72 ساعة من النوم ما كانو شوي فات لعندو ادم وفتح ستارة الفندق لهيك انزعج تقي وغطى راسو تحت الديباج شالو عنو
تقي : ادم سكر واطلع
ادم : يا خيي هاد اليوم التالت وانت نايم نحن ورانا سفر وانت مأخرنا
تقي : نعسان ما عم اشبع نوم
ادم : يا ويلي عليك من ايمتن مو نايم
تقي : خليني اكمل نوم
ادم : كرمالك يا خيي اتحرك اتنشط قوم اعمل شاور تلفن لصاحبك والله زودتها
اتجلس ب تعب وسند راسو على التخت
تفي : عنجد تلت ايام نمت
ادم : اي والله وخفت عليك تموت من جوعك
تقي : اكلت
ادم : الشوكلا والعصير مو اكل
تقي : بسند جوعتي
ادم : يلا شناتي السفر بالسيارة وناطرين حضرتك
تقي : حلوة اصداء المهرجان
ادم : وعم يتواصلو معي كرمال يستضيفوك بالاذاعة
تقي : وشو رديت
ادم : ما اعتذرت وما وافقت هني عم يستغلو الفرصة لانك هون بالاردن
تقي : ولوين الوجهة هلأ
ادم : للعقبة
تقي : وبعيدة
ادم : ما تعتل هم انا معك ورح تتسلى كتير
وقف على حيلو وراح عمل دوش وجهز حالو وطلعو من الفندق وبطريقهن للعقبة كان طول الطريق يتسلى ع المواقع اتغدو وجبات سريعة ع الطريق وما خلى سيكارة بالباكيت واشترو قهوة ع الطريق حاول كتير يتواصل مع ريان وما كان في رد ابدا بعد سفر خمس ساعات وصلو للعقبة واتوجهوا للشالية اجاه اتصال من ريان لهيك ما حب يضيع فرصة يحكي مع ريان نزل من السيارة ومشي ادم وراه والمرافق نزل الشناتي
كان واقف بجنب المسبح تقي
تقي : اي ريان والله بدك جاها لترد
ريان : اهلين تقي انت الي ماعم ترد الي يومين بحاول اتواصل معك كيفك طمني عنك
تقي : كتير منيح
ريان : وينك انت
تقي : هي وصلتي للعقبة
ريان : سياحة يعني
تقي : اي قبل ارجع لبيروت شو الاخبار عندك
ريان : اه اخبارالسلامة
منى : يلا ريان رح نتاخر
تقي : وين الهمة
ريان : معزومين ببيت حمايي
تقي : والله نيالك
ريان : بس مو عزيمة عادية تعارف
تقي : ليكون طارق اتجوز كمان مرة
ريان : والله ياريت بس هالمرة عازمين خطيب بريق
دقات قلبو تسارعت وحس جسمو شعل في نار

تقي : ما اسمعت شو قلت
ريان بتأكيد: عازمين خطيب بريق واهلو
تقي : شو عم تحكي ريان
ريان : والله هاد الي اسمعتوا خطيب بريق استوعبت
تقي : عم تمزح والله
ريان ؛ مابمزح هاد الي صار
تقي : ايمتى كيف ومين
ريان : من شغلة خمس ايام عملو حفلة الخطبة تقي : اكيد طارق غصبها احكيلي انو غصب عنها
كان صوتو عالي وادم انقهر منو كتير
ريان : لا مو غصب عن قناعة ويمكن حب وغرام
تقي : لا لا بريق بتحبني الي انا وبس
ريان : فيق بقى من غفوتك بريق الشهر الجاي عرسها
تقي : ومين خطيبها
ودموعو متجمعين بعيونو
ريان : موزع كان يجيبلا بضاعة اسمو شهم
وفجأة رجف قلبو رجفو ايديه
تقي : عنجد ريان
ريان : والله عنجد
تقي : ...
نزل الموبايل من ايدو وغمض بقهر
وبلش يتزكر هداك الحدث بحذافيرو
#فلاش_باك
بالمطعم عم يتغدو لاحظ الشب كيف أتطلع ب بريق كانت مشغولة بموبايلها وراقبو تقي اكتر من مرة يتطلع فيها متجاهل انو معها شب ع نفس الطاولة
تقي : بريق مين هاد
وفجأة اتطلعت ب تقي
بريق : مين
تقي : هاد الي ع هديك الطاولة
اتطلعت ببرود وبعدم اهتمام جاوبت
بريق :هاد شهم
تقي : لك مين بطيخ
بريق : هاد موزع بجيبلنا بضاعة
تقي : وليش كان عم يتطلع فيكي هيك
بريق : بجوز لانو بيعرفني
تقي : هيك بس
بريق : اي شو بدو يكون يعني
بوقتها ما عجبو الوضع ابدا بس الي طمنوا انهم مخطوبين
#باك
ادم : شو صرلك انت
تقي : حل عني بربك
ادم : شُبيك يا خيي شو خبرك هالغراب
تقي : انا كتير مقهور ادم كتير
ادم : شو الي قهرك
تقي : انخطبت
ادم : مش معقول انت بدك منها تنطرك
تقي بعصبية : انا كتير بحبها عم تفهم
ادم : بفهم اكيد يلا نفوت
تقي : فوت لحالك انا بدي اسافر هلا واوقف هالمسخرة
مسكو من كتافو وثبتو
ادم : شو جنيت انت
تقي : بكون مجنون ازا بتركها تروح لغيري
ادم : مش معقول انت الي ناطرك اهم من الحب الغرام
تقي : لك لا تجنني ما بقبل تتزوج غيري ما بقبل
ادم : رح اتركك تستوعب وبس تفوق على حالك فوت خبرني انا بالغرفة
تركو واقف هو بيعرف انو تقي مافيه يعمل شي لحالو
تنهد ب تعب ادم وفات للشالية الي بيجنن وفخم لدرجة تارك تقي واقف مهزوم هزيل تعبان ومقهور
بقلبو : ليش بريق ليش.....انا بحبك والله ليش خنتيني ليش....بعرف اني مستفز وبعرف اني اتزوجت وما شاورتك بس كنت مجبور بوقتها ما كان معي الليرة واتزوجت لحتى أأمن مستقبلي ال..... ماعم تدخل لعقلي كيف فيكي تحبي حدا غيري كيف
اتطلع حواليه وغمض بقهر هو بعيد عنها كتير بعيد وبس اتخيل انها هلا مع شهم هستر
تقي بصوت : لاااا كزب الي صار كزب
ما انخطبت ما انخطبت
🦋🌹🦋🌹
وببيت اهل بريق على طاولة الغدا والحضور كان بس ام شهم وشهم واختو خلود عائلية كتير بعد العشى ساوت الشاي عليا وطلعت تسهر هي وشهم ع البلكون قعدو بجنب بعض يتفرجو على غرفة النوم الي اشتروها
شهم : عنجد عجبتك
بريق : والله بتجنن هاللون كتير بحبو
شهم : بكرى رح تكون ببيتنا وانتي بدك تجهزي اغراض للمطبخ جديدة وع زوقك
بريق : مافي داعي
شهم : لا بدنا نستقر بشكل نهائي يعني مو يوم ويومين
بريق : ورح تكون معي
شهم: اي وازا حابة خلي اختك تيجي معنا
بريق : بخبرها
شهم : عيلتكن قريبة للقلبب
بريق : وانا حسيت اهلك كتير حبابين
شهم : انتي الحبابة مابقى بدك تفتحي المحل
بريق : طارق رح يجيب حدا يشتغل فيه
شهم : كتير منيح بس انا خايف بكرى تملي
بريق : معقول ما بمل
شهم : لانو مارح اكون معك كل الووقت يعني بدي اتفرغ لشغلي
بريق : لوقتها منحكي بالموضوع عجبك الاكل
شهم : كوني واثقة كلشي من طرفك وبيخصك خارط مشطي
بريق : هههه شو هالقميص الحلو
شهم : عيونك الحلوين والله بجننو
بريق : ازعلت منك
شهم : له ليش
بريق : ما اتغزلت بتيابي
شهم : انتي وتيابك ولا غلطة بسأل حالي معقول هي متلنا
بريق : هههه تخيل اكون قردة
شهم : لكك انتي ملاك مو بشر
بريق : حاجتك كش
شهم : ههههه يسعد دينك ما احلاكي انتي ومزحك
🌹🦋🌹🦋الجزء الحادي والثلاثون
فات للغرفة مكسور خاطرو قعد على طرف التخت ناطر من ادم اي كلمة
ادم : اوعيت
تقي : بستاهل كلشي صار معي فكرتها رح تعيش وتستنى ارجعلا
ادم : كون واثق انو انتو مش لبعض
تقي : انا وهي اخلقنا لبعض ونقطة انتهى
ادم : لو بعد ما تتزوج
تقي : بقلبها مافي رجال غيري وهاد الي متأكد منو ادم بدي اسجل غنية واطرحها
ادم : ما تخبرني غنية «خنتيني»
تقي : اي هي انا من اول عجبوني الكلمات بدي تتلحن بأسرع وقت
ادم : مش لازم تخلي عواطفك تسيطر عليك يمكن ما تضرب يمكن تفشل
تقي : المهم تسمعها هي وبس مابهمني تنجح ولا تفشل
ادم : مننطر لنرجع لبيروت
تقي : لا يعني لا
ادم : الاستديو الي رح تسجل فيه الغنية رح يكون غالي

تقي : اديش يعني
ادم : بحدود الالف دينار
تقي : ويكونو الفين اتواصل مع الملحن باسرع وقت بكرى او الي بعدو بالكتير لازم تتسجل الغنية
ادم : متل ما بدك ارتاح هلا
تقي : بدي انزل للبحر
ادم : بأمرك سيد تقي هيك بدك تنزل
تقي : رح بدل تيابي
ادم : ناطرك تحت
غمض بقهر
تقي : مقهور منك بريق قهرتيني اليوم
اي اناني ومتملك وحقير بس بحبك بحبك
بدل تيابو لبس شورت ابيض وقميص سماوي ونزل لتحت يتمشى هو وادم متوجهين للشط
ادم : حكيت مع الملحن رح نحكي فيديو
تقي : انا تعبان كتير
ادم : سلامتك
تقي : بدي بس هيي تحكيلي سلامتك
ادم : مين هيي
تقي : امي....هي وبس الي كانت تحكيلي سلامتك وتكون هالكلمة صادقة بحروفها وبمعانيها
ادم : الام جنه اسألني انا
تقي : انا يتيم ادم
ادم : ليش ما بتقول انو خير الك
تقي : مافي خير بعيد عن امي يا ترى كبرانة ومتغيرة بخاف أفقدها
ادم : الله يطول بعمرها لا تتشائم رح ترجع ورح تغمرها ورح تحكيلك سلامتك وتحس بمعنى الكلمة
تقي : انا مين
ادم : انت تقي الشب الطموح المتواضع الي كلو حيوية ونشاط
تقي : عنجد انا تقي
ادم : شُبيك تقي لا تخوفني عليك
تقي : لا انا مو تقي...انا احترقت مع الشنتة هداك اليوم
ادم : لازم تنسى
تقي : بوقف قدام لمرايا وبسأل حالي انا مين وليش موجود ازا ما الي اهل ماحدا بيسأل عني وكأنو هنت عليهن بسهولة بهديك الفترة صابني جمود بالمشاعر كنت امرق بجنب بيتهن كأني غريب اشتهي افوت واحس بالامان اتمدد على تختي اي هي ما كانت غرفة فخمة بس صدقا ولا بعمري حسيت بالدفا والامان الا فيها هلا عم بسأل حالي نفس السؤال مين انا تقي؟؟ لا مو تقي ولا بيشبه تقي
ادم : هاد انت تقي انت حساس كتير هالشي عم اكتشفوا فيك من عيونك دموعك طول الوقت جاهزين انو معقول انت
تقي : غلط ابكي
ادم : مش غلط بس لازم تقوي شخصيتك
تقي : اوعيت ع الدنيا هيك في مين يتحكم فيني كان كلشي ينفرض عليي فرض علاماتي تصرفاتي اوقات نومي دراستي الصلاة وحتى لصيام
ادم : لصيام بتعب
تقي : بوقت كنت صف اول اي كنت اتعب وكنت اشوف اغلب رفقاتي مفطرين وما استرجي افطر كنت ملتزم غصب عني اخاف يجي بابا يصحيني لصلاة الفجر وما اصحى
ادم : ليكك ملتزم وما بتقطع فرض
تقي : شو الفائدة عم امارس الحرام وحتى هالمصاري حرام بحرام
ادم : الدين يسر مش عسر
تقي : بس الحرام حرام والحلال حلال
ادم : رح اجيبلك صودا باردة
تركو يستفرد بمشاعرو
بقلبو : هلا هي قاعدة مع خطيبها عم يتغزل فيها عم يتقرب منها شو شعورك بريق ياريت اعرف ازا انتي موافقة عن قناعة ولا غصب هلا لاكون عندك واوقف زواجك والله ماحدا بحبك قدي ما بنسى اديشك حنونة ودمعتك سخية وكنت بدي اخلصك من عيشة بيت اهلك بس انتي مابتعرفي الظروف الي مريت فيها حالتي كانت تصعب ع الكافر انا كنت عايش بوحدة بين اهلي وناسي كيف وانا بنص بيروت ما بعرف حدا كنت غريب واسبوع قضيتو ما اعرف حالي وين
قعد على مقعد واجى لجنبو ادم اعطاه كاسة الصودا مسكها بايدو والتانية ضل مكتفها
وما كان من ادم الا يحط ايدو على كتفو
ادم : بتهون يا خيي
تقي : بحب منك كلمة خيي
ادم : مش تفكر بحكيها لاني معود عليها بحكيها الك لانو انت عنجد خيي
تقي : معقول انسى هالشي انا لولاك كنت بخبر كان
ادم : مابدنا نتزكر شي من الماضي نحن ولاد اليوم كل الي عم بتعيشوا صدقني فيه عبرة
تقي : وين العبرة انا من جوى محطم
ادم : صدقني كل حدن منا بياخد نصيبو بهالدنيا وما تفكر ولا يخطر ع بالك ممكن تاخد نصيب غيرك
ابتسم تقي ببرود
تقي : عندك حق
ادم : واتزكر وخليها ببالك لو هو خير كان بقي واستمر
تقي : الله يسمع منك طيب شو اعمل مخنوق قلبي عم يوجعني
ادم : كيف عم يوجعك
تقي : حاسس حدا ماسك قلبي وعم يشد عليه ويوجعو
ادم : لانك مغروم فيها
تقي : اي والله بعشقها
ادم : هلا خلينا بجمال هالجو
تقي : عم بزكرني فيها
ادم : رح تخف الصدمة رح تنسى رح تتعود رح تستمر
تقي بعدم اهتمام : رح استمر اكيد
وانرسمت قدامو صورة بريق وهي مبتسمة لهيك ابتسم .
🦋🌹🦋🌹
انزلت اودعو تحت وشفت طارق واقف من البلكون عم يتفرج علينا
شهم : جهزي حالك مشان نتسوق بهاليومين
بريق : ماشي ... يعني مارح ترجع لحمص
شهم : لا اهلي بيرجعو لحالهن
بريق : بدك تزورنا بكرى
شهم : انتي بدك
بريق : اي بتشرفنا كل الوقت
شهم : يعني حلوة بحقي اصير صهر تقلي دم
بريق : لا مافي منو هالحكي
شهم : المهم نحكي
بريق : ماشي بس توصل حاكيني
شهم : حاضر يلا فوتي قبل امشي
بريق : تصبح على خير
شهم : وانتي من اهلو
اطلعت للبيت كنت كتير مبسوطة لا طايرة من الفرح واستغربت طارق ناطرني
طارق : شو مبسوطة بريق

بريق : اي ليش لازعل
طارق : لا بس خبيت اطمن عليكي بدي تديري بالك ع حالك كل الوقت
بريق : ولايهمك اخي
طارق : هو عنجد العرس الشهر الجاي
بريق : هيك هو واهلو بدهن
طارق : الله يتمملك على خير فوتي نامي
بريق : تصبح على خير
طارق : وانتي من اهلو
دغري فتت للغرفة بدلت تيابي وشغلت اغاني حب وغرام لاعيش الجو عنجد جهزت سهرية نفسي مفتوحة ع الاكل ع غير عادة كل المخطوبات طالعت كيس شيبس وشوكولا وعصير ونطرت اتصالو ليلتها اسهرنا للفجر حكي وضحك ومزح ورومنسية كنت منسجمة معو ع الاخير

سنوات من عمرنا ….. مرت كلمح البصر …
غيرتنا الظروف …. التي عشناها فيها …
تغيرت مفاهيمنا … وأولوياتنا …. وأساليبنا ….
تغيرت حتى ،مقامات الناس بحياتنا ….
تلك السنوات ،غيرت كل ما فينا …
حتى وصلنا للنسخة … التي نحن عليها الآن …
ففي حياة …… كلٍ منا لحظة معينة ….
لا نعود منها أبداً …. كما كنا .💞
🌹🦋🌹🦋
بغرفتو طارق عم يمثل النوم ومقهور كتير في غصة بقلبو ومو عرفان سببها
طارق : معقول تكمل فرحتك ليش انا زعلان معقول ع فراقك طيب منى تزوجت وما اهتميت ليش بريق صعبانة عليي معقول لانو سكنت اخر شي ببيت اهلي واتعودت عليها بدو بكون هيك اكيد مو لانو اتمنيتها تكون زوجة تقي...اي اي تقي انا بعرف انو ابن حلال وقلبو متل المي الصافيه بس ما عم استوعب شو الي خلاه يحكيلا اتزوجي ليش تركها بسهولة هي قدمتلو مساعدة اهلو ما قدمولو اياها بس بريق حكتلي هو مو ناكر المصاري يعني متواصلة معو وعرفانة منو شي اخ منك تقي والله انت الصاحب الي ما بيتكرر طيب يلا انسى طارق الي فات مات نحن ولاد اليوم وشهم ابن عالم وناس
فتح الموبايل وتحديدا لصفحة تقي الرسمية ابتسم ب فخر كان عندو متابعين كتار
طارق : بيليق فيك النجاح وبتستاهل بعد كل هالعزاب يكون عندك هالعدد من المحبين
سكر وحاول ينام
🦋🌹🦋🌹
كانت منى عم تتقلب من جهة لجهة وريان عم يتفرج على مهرجان جرش ومبسوط
منى : ريان طفي مو جاييني نوم بسببك
ريان ب مكر : اكيد مني
اتجلست بمطرحها وزمت شفافها
منى : شو قصدك
ريان : لا ما قصدت
منى : امبلا قاصد شي احكيه
ريان : انتي من وقت شفتي شقة شهم الي رح تسكنها بريق وانقلبتي قلب عدا انو بيوم الخطبة ضليتي مطموزة وبيوم جابو الدهب نمتي وانتي محاربيتني
منى : هلا هيك
ريان : والاضرب بكرى شهم يدللها ل بريق لانك انتي مو شايفة شو عم قدملك بس بتحبي تشوفي النعم الي عند غيرك
منى : هلا ليش عم تحكي معي هيك فيني افهم
ريان : الي بدي تفهميه كل حدا فينا الو قسمة وبدو ياكلها بوقت الي بريق كانت تنام مقهورة ومحروق قلبها انت كنتي تنامي مرتاحة ومبسوطة امانة عليكي كنت تشفقي عليها
منى : شو قصدك انا ما بحب اختي
ريان : مافي شك بمحبتك بس انتي غيورة كتير وبدك تكوني احسن من اختك
منى : وهي كمان كانت تغار مني وقت انخطبت قبلها
ريان : اسمعوا هالحكي عنجد عم تصدميني
منى : والله هي الحقيقة
ريان : والحقيقة هلا بريق صبرت ونالت
منى : اي ما بزعل بالعكس بفرح بس انا اعتراضي انو حتى اهلي بحبوها
ريان : ههههه مين عمي الي مو شايلها من ارضها مرت عمي الي كانت طول الوقت تلومها انتي الي عم تحسديها وغيرانة منها يمكن طارق الوحيد بهالعيلة بحبها عنجد
منى : اي منحاز الها بكلشي
ريان : ومرت عمي مدلليتك كتير حتى عمي بيتواصل معك وكل شهر بيبعتلك مصروف وهدايا وازا بتدرى بريق ليجن جنونها
منى : هي كبرت راسها وما باركتلو
ريان : حرة هي ما اتقبلت الموضوع مو متل بعض ناس بحبو الكولكة
منى : هلا هيك
ريان : هههه لا تزعلي حتى طارق مكولك بس انا برأيي بريق الافضل بيناتكن واعية فهمانة
منى : وضحك عليها تقي
ريان : هي مابتعرف نوايا الي قبالها وبتعامل الناس حسب نواياها متلك تماما ما بتوثقي بحالك لحتى توثقي بغيرك يلا نامي لانو عقلك اصغر من عقل النعامة حرام تتعبيه بزيادة
منى باستهزاء : صحلك اصلا ضلك اتفرج ع هاد النصاب ابن شيخ قال
ريان : ههههههه
🌹🦋🌹🦋
بغرفتو كان فاتح على صورة بريق الي صورها اياها بالمطعم سطوع الجوال كان عالي كتير ليشوف ملامحها بوضوح وكل شوي يكبر بالصورة ويصغرها فتح بهدوء ادم الغرفة وفات ليشوف هالمنظر ودغري تقي طفى الجوال
تقي : خير شو جابك
ادم : مو حاجتك سهر
تقي : انت شو جابك لغرفتي
ادم : اطمن عنك
تقي : مافي مجال اختلي بمشاعري
ادم : امبلا في
تقي : ما جاوبت ليش اجيت لغرفتي
ادم : لانو متأكد انك لساتك سهران
تقي : والمطلوب مني
ادم : خلص يا خيي لا تدايق حالك بعتزر
تقي : سكر الباب منيح
نفخ كل نفسو
بقلبو : في غلط بالموضوع اكيد اكيد ريان عم يمزح او بدو يختبرني
رجع فتح الجوال واتاملها