الجزء السادس عشر
بطريقنا للبيت كنت مكسرة لانو كل المشوار مشي ب مشي بس مستمعة كتير معو وصلنا للحارة هلكانين
بريق : تفضل
تقي : بدي اوصلك لباب البيت
اطلعنا سوى الدرجات
تقي : طارق مو بالبيت
بريق : سيارتو مو هون
عند الباب اوقفنا نتودع
بريق : اتفضل
تقي : حاجتنا اتعبنا اليوم
بريق : متل مابدك
تقي : معقول بس بدك كلمة تخلصي مني
بريق : لا لا مو هيك بس فكرتك تعبان
تقي : انا متعود ١٢ ساعة واقف ورا المجلى
بريق : طيب فوت
تقي : بعد ما اتقعلت
بريق : لا تكبرها تقي بترجاك
تقي بابتسامة : رح اشتقلك
مسكلي ايدي وابتسملي
تقي : تصبحي على خير حبيبتي
بريق : وانت من اهل الخير
دخلت للبيت واستغربت ماما معصبة بس ما همني
ام طارق : وينك لهلا
بريق : الساعة تمانية ونص
ام طارق : طولتو
بريق : ليكون غيرانة
ام طارق : عيب عليكي سألتك جاوبي
بريق : انا لو برجع بعد التسعة شو بتعملي
تركتها وفتت للغرفة كنت تعبانة كتير وهلكانة بدلت تيابي واتمددت على التخت لانام
🦋❤️🦋❤️
وببيت ابو علي كان طارق خجلان كتير مو شوي بس كمان متحمس البيت وصحابو حالهن على قدهن والصبية خارطة مشطو لا دلع ولا غيرها
طارق : بالاول بدي تعرف عني كلشي
ابو علي : انا عندي نظرة للأشخاص باينتك ابن حلال
طارق : تسلم انا طالب القرب منكن
ابو علي ب فرحة : وليش متردد
طارق : انا متزوج
ابو علي بصدمة : متزوج
طارق : بس ظروفي أجبرتني
ابو علي : عندك اولاد
طارق : صبيين
ابو علي : لكن ليش بدك تتزوج
طارق : حرام
ابو علي : اكيد لا بس انو
طارق : انا الحمد الله الله عاطيني وفاتحها عليي سيارة توزيع وهي السيارة وعندي بيت تحت بيت أهلي والي شقة باسمي وعقارات كتيرة والله كافيني ليش ما اتزوج
كان قاصد يحكي ليطمعو بالارزاق
ابو علي : ومرتك موافقة
طارق : رح توافق انا قادر اعيشها واعيش الي رح اتزوجها احسن عيشة شو قلت
ابو علي : انا بهمني راي بنتي
طارق بقلبو : لتعرف المهر وكم غرام دهب رح توافق اكيد
طارق : ازا هيك حقكن تشاورو وردولي خبر
ابو علي : ان شاء الله بصير خير يا ابني
وهيك اتطمن كتير وحس حالو انتصر
ودعو وطلع بالسيارة ومن الحارة كلها
❤️🦋❤️🦋
ابو علي : شو يا علياء
علياء : نحن ما منعرفو
ابو علي : منسأل عليه
علياء : قلت متزوج وعندو ولاد
ابو علي : حالتو فوق الريح رح تنسعدي عندو
علياء : انت موافق
ام علياء : الله بعتو يوصلكن ليصير نصيب
علياء : يعني رح تسألو
ابو علياء : اعطاني عنوان السكن بكرى رح اسأل عليه بحارتو
ام علياء : الله يجعلو من نصيبك يارب
بقيت علياء شاردة وببالها تعرف ليش بدو يتزوج ع مرتو وانو رح تنزل ع ضرة فاتت للغرفة وشاركت اخواتها لصغار المنامة وحطت راسها على مخدتها بس ما نامت ضل فكرها شغال
❤️🦋❤️🦋
رجع للبيت مبسوط وكأنها الخطبة الاولى وعم يغني
طارق : على مودك انت وبس لسهر واتأنق واللبس
اتفقد الصالون وما شاف شهد ع غير العادة اتفقد لولاد وغطاهن وفات للغرفة ليشوف شهد قاعدة وعم تتسلى وصحن مكسرات قدامها
طارق : مسالخير
شهد : مسالنور وينك لهلا
طارق : الساعة تسعة شو هالسؤال البايخ
شهد : بقصد رفقاتك هون انت وينك
طارق : عند بابا ما رحت باركتلو اليوم لحتى رحت
شهد : جاي عبالي اخبر مرت عمي
طارق : بتوفري على بابا كتير
شهد : انت كيف ما اعترضت
طارق : ما علاقتي الي من حالي وبس
شهد : بس والله منطقك بيخوف
شلح القميص وهو مبتسم
طارق : مالة شي؟؟
شهد : متل ما بدك
طارق : والله مابقول لا بس مو تعملي فصولك الناقصة معي
شهد : لا انا اصلا ندمانة
بقلبو : الندم لقدام مو هلا
~~•
كانت شهد مو عاجبها لافة وجهها على جنب تاني لحتى ما تشوفو
طارق : هي عادة ام شحادة وين لجديد
شهد : خلص لا تحكي معي
طارق : هي اخر مرة بصير بيناتنا شي
شهد : بالناقص منك
طلع من الغرفة وبوجهو لبيت اهلو حردان
🦋🌹🦋🌹
تاني يوم
ببيت ابو تقي جايبين غرفة نوم وعم تتركب ورغم زعلها ام تقي ع فراق ابنها بس مبسوطة لعماد كتير وتبارك كمان مبسوطة والعرس دغري ومافي لا حفلة ولا اي شي كان تقي بالحارة عند ريان ويتفرجوا على غرفة النوم الي باينة من النوع الفخم
ريان : مبروك لاخوك
تقي ببرود : الله يبارك فيك
ريان : تقي ليش ما بتحكيلي
تقي : بدها شرح لك ريان
ريان : لا بس ليش اتقلعت معقول مشان حفلة
تقي : بالنسبة لبابا الموضوع اكبر من هيك هلا اعتبر كافر ومشرك كمان
ريان :مصدوم ابوك وهو الي بيعرف ان الله غفور رحيم فكيف ماعم يسامحك
تقي : يمكن بدو يفرجي الناس انو هو ما رضيان عليي حتى لو ما بقى غنيت بس بابا اعتبرها تقليل من قيمتو بين الناس واكيد حكو شو هالشيخ الي ابنو بيغني وبيمارس مجال حرام

ريان : بس انت ما كفرت
تقي : بس اغلطت
ريان : شو هالتعقيد يا زلمة
تقي : نحن منفكر كلشي عادي بس ازا جيت للصح هو الصح وانا الغلط
ريان : ارمي ورا ظهرك وامشي واصلا ابوك استغل الفرصة كم مرة طلبت تتزوج وهو ع اساس رجل دين وبيعرف ازا الشب طلب يتجوز حرام يضل عزابي وطنشك واول خلاف بينك وبينو قلعك وصار بدو يجوز اخوك عماد ع الزمة اديش عمر عماد
تقي : طبق ال٢٢
ريان : بينك وبينو ست سنين وبتحكيلي بالحرام والمنطق لك تقي ابوك الغلط و الغلط راكبو من راسو لرجليه
تقي : ليكني خطبت
ريان باستهزاء : خطبة مين لك تقي مسمي خطبتك خطبة اجيت لحالك وليكهن كم متر اهلك بجنب البيت وجيران الكل عم يحكي اهلو رافضين العروس وعم يحكو انو مشاكلك مع اهلك بسبب بريق
تقي : شو علاقة بريق
ريان : لانو...لانو
تقي : احكي ريان لا تستفز اخر عصب معي
ريان : لانو عمي ابو طارق سمعتو بالارض وداير ع النسوان وحكو أنو ابوك رافض كل عيلة ابو طارق
تقي : قسما بالله ازا بمسك الي بحكي لالعن شرفوا
ريان : الي صار رح يأثر على بريق عم تفهمني تقي
تقي : رح اتزوجها والي بدو يصير يصير
ريان بقلبو : مابيعرف انو مطاوع مابقى بدو اياه يغني
تقي : نزعت صباحي
ريان : مو ناوي تروح للمطعم
تقي : المسا اكيد
🦋🌹🦋🌹
الصبح كان جو البيت هدوء فتت للمطبخ وشفت طارق عنا فاتح البراد وعم ينقرش من غدا مبارح
بريق : صباحو
طارق : صباحو
بريق : ما بتنام انت لك اخي
طارق : يحرق اخت النوم
بريق : ليش مو ببيتك
طارق : طفشان
بريق : انت مبارح حكيت جد
طارق : بدها قعدة رواق جهزي القهوة لقلك
بريق : حاضر
كنت متحمسة ونفسي اعرف ليش مو طايق شهد جهزت القهوة بعد ما غسلت ولقيتو بالصالون قاعد وعم يدخن
طارق : بدك تفتحي المحل
بريق : اي هلا احكيلي مبارح حكيت جد
طارق : اتقدمت للصبية
بريق : انت عم تخرب بيتك
طارق : هههه ماهو دمار بيتي
بريق : والله شهد ع سلامتها
طارق : الظاهر المخفي اعظم
بريق : شو المخفي
طارق : بنفسي احكيلك بس والله الموضوع كتير خاص
بريق : بس فضولي رح يقتلني انت وشهد كتير متفقين
طارق : انا بمثل الاستقرار قدامكن بس انا لدرجة اتعبت
بريق : والزواج حل
طارق : انا حاولت كتير مايكون الحل بالزواج بس عبس شهد باردة بكلشي مافي اهتمام لليوم بتحكيلي عيب مابصير بخجل لولاد صاحيين مليت انت ما بتمل هاد الجانب المخفي الظاهر ليل نهارها ع الموبايل والمسلسلات الاركيلة النقرشة ومتناسية انو انا جوزها
بريق : حكيتو
طارق : الي اربع سنين بقنع فيها وصابر عليها ونومتي هون لنفس السبب شهد مالة مني او بالاحرى مو طايقيتني مع اني مو مهمل لنفسي ابدا وبهتم بشكلي ونظافتي بس اتاكدت العيب منها مو مني وانا ما بقبل افني عمري وعايش مشاعر من طرف واحد الف بنت بتتمنى تكون مكانها اهتمامي فيها فاق التوقعات بس مافي مقابل
بريق : انت ادرى بمصلحتك وين شفت الصبية
طارق : متأكد الله بعتلي اياها لتكملني
بريق : الله يهدي بالك يارب
جهزت حالي وهو كان جاهز واطلعنا من البيت سوى واخجلت من شوفة تقي شو جابو من بكير سلم على طارق وعينو عليي
طارق : صباح الاشتياق نايم تحلم بالحارة
تقي : هههه هيك شي
سلم عليي وطارق يبحلق فينا
تقي : اطلع قدامك طنشنا
طارق : شي بيديق الخلق يا زلمة
دفشو تقي لهيك مشي قدامنا طارق و
ضل ماسكلي ايدي ومبسوط كتير وما اقدرت الا ابتسملو
تقي بهمس : بتجنني
بريق : هههه
طارق : سامعك ها
تقي : ياربي دخيلك ماعندك توزيع انت
طارق : امبلا وبدي اخدك معي
تقي : انا حابب اتعلم مصلحة بريق
بريق : بلا شو كلهن زبونات بنات وصبايا
تقي : عال هههه قصدي انا بشوف طلبات الشباب
طارق : بقص رجلي ازا صحيح
فتح طارق الغلق وفتح المحل وفتنا لتلات للمحل

🌹🦋🌹🦋
كان عم يتلقى رسالة من منى وهو كل تركيزو بكلام امو ع الفطور
ام همام : لشو غرفة نوم جديدة حالك على قدها احسن ما تدفع المبلغ لغرفة نوم بتشتري مستعمل اخو لجديد شوف عيوني ام مطاع جابت لابنها اما شو غرفة احكيلو سيدرا
سيدرا : والله كأنها وكالة واحلى
ريان : وازا منى ما وافقت
بيلسان : اخي غرفة النوم عليك بعمرك شفت عروس هي بتختار غرفة النوم
سيدرا : وازا بدك ولا الها علاقة بغرفة النوم انت عليك كلشي
ام همام : وكتير عم تزودها بالهدايا يعني مابصير بكرى جاييتك مسؤوليات وهمام بتعرف كمان مصاري المشروع دين ب دين
ريان : اي بعرف بس كمان خطبة هي كيف مابدي اشتريلا شي
بيلسان : كل ما تروح هدية كمان انت اولى هلا بالمصاري
ريان : مابعرف بشوف شو بصير معي
وانتبه انو مسجل صوت بالغلط ل منى وكل فكرو انو سكر الموبايل اتوتر كتير وقبل يحذفوا استلمتو منى والظاهر سمعت الحديث لو الصوت كان شوي بعيد بس الكلام واضح نفخ كل نفسو وراح للمطعم مقهور وحاسس حالو مخنوق من كلشي

🌹🦋🌹🦋
كانو دموعها شلالات مقهورة من كيد بنات حماها ومرت عمها وما عم تستوعب شو يعني تنام ع غرفة مستعملة ومافيها تعترض ولا حتى توافق ازا وافقت رح تحس بتقليل قيمتها وازا رفضت رح تبلش المشاكل مع العيلة
منى : اوووف اوووف ليش ليسجلي هالصوت اكيد متقصد انو يسمعني الكلام شو عليه يا ريان بيكفي عم يتحكم فيني وبتصرفاتي وكانو عنجد مسيطر عليي من ايام الخطبة بدي احكي باطلة ومحولة هالخطبة بس انا حاببتو كتير فوق الوصف من الاخر نحن ما النا حظ انا واخواتي
🦋🌹🦋🌹
كنا بالغرفة الي فيها بستريح وعم نشرب القهوة بعد ما راح طارق وتركنا ورشا مهتمة بالزباين
تقي : ليكون ما عاجبك
بريق : بالعكس اهلا وسهلا فيك
تقي : فكرت مدايقك وجودي
بريق : بس انا بقول لغاية بنفسك
تقي : اي ممنوع تحاكي الموزعين
بريق : ناوي تنزل بضاعة انت
تقي : لا بس رح اكون موجود معك مشان لا حدا يتطلع فيكي
بريق : ع شو خايف بلا
تقي : بخاف حدا يعجب فيكي
بريق : هههههه بربك هاد حكي ع اساس منبع جمال حضرتي
تقي : رأيك وحرة فيه وانا الي نظرتي ورأيي
بريق : اممم وشو نظرتك
تقي : بتجنني وبتاخدي العقل وابتسامتك بتسحر او قلك بتفائل بس اشوفك مبتسمة
بريق : معقول لهدرجة
تقي : واكتر والله انتي موو ملاحظة
بريق : مابعرف او ما بشوف الي بتشوفو انت
تقي : معك حق انتي بعيوني لا توصفي اصلا بخاف عليكي
بريق : بدنا نقضي الوقت هيك
تقي : بدك امسك ايدك
بريق : اكيد لا
تقي : انا بحس انك معقدة
بريق : ليش بتحبني اكون متحررة
تقي : معي اي
بريق : مابعرف انا هيك ومستحيل اتغير

ابتسامتو ما كانت عادية وحسيت من وراها في شي
بقلبي: لنشوف اخرتها مع تقي ومراقبتو الي

🦋❤️🦋❤️
بسيارة التوزيع كان مشغل اغاني ومعلي للصوت ومبسوط كتير او بالأحرى متفائل من موضوع الخطبة واكيد رح يسأل ابو علي عنو بالحارة ورح يخبروه انهن من أغنياء المنطقة وهو مو ببالو الا يستقر متل العالم لانو حاول يسلك طريق الحرام وتراجع باخر لحظة ...
عم يتزكر اتصال دلع ورسائلها« اوثقت فيك كتير وكنت اترك بنتي كل لنهار كرمال ما يصير شي عليك ع الطريق وانت هلا قاطعتني من ولاشي صارحني ازا دريت مرتك ليش خايف انا لسى بحبك كتير ومتمني يكون عندي سند الي ولبنتي بس خسارة لاني امنت فيك»
بقلبو : اي مستحيل اتزوجك لانك اطلعتي معي والي رافقني برافق غيري واصلا طمعتك بالمصاري مو فيني ويمكنها اصعب من شهد كمان ومتل ما بقولو ما بيكسر المراة غير المرأة وبدها تطلق شهد الله معها .
وعلا لصوت الاغاني
راحة بال هالدنيا وما فيها

دروبا صعبة من أولها لتاليها

سنين طوال وأيام وليالي

جروحي قطب بلسمها وداويها

حبيب القلب روحي مو شاريها

تركلي جروح قلبي وناسيها

سنين العمر ضاعت من حياتي

ما عاد يفيد لو أبكي عليها

🦋❤️🦋❤️
رسالتو اجت بالوقت المناسب وبتشبه البلسم
ريان : _ۦﺎاࢦى ۦﺎاࢦشخص ۦﺎاࢦأحب ࢦہَِ قݪبي ܃ ۦﺎاڼا مډيڼ ݪك بہَِ سعاډتي كݪها ࢦہَِ ۦﺎاڼك ۦﺎاڼت كݪ ۦﺎاࢦأشياا۽ ۦﺎاࢦسعيډة ۦﺎاࢦتي حظيت بها طۄاݪ حياتي ۄﯡ ݪم يسبق لي ۦﺎاڼ شعݛت بكݪ هذا ۦﺎاࢦډف۽ في ݛۄحي ۦﺎاࢦا معك ، شعݛت عڼډما ۦﺎحببتك ۄ كأڼڼي فزت بہَِ ۦﺎلحياة ډفعة ۄااحډة ، ۦﺎحبك ډائما
مسحت دموعها بس ما ردت عليه المهم انو تعرف الفويس بدون قصد انبعت ماعم تروح من بالها ولا كلمة وفكرة انو ممكن يجيب غرفة نوم مستعملة خلتها تيأس لابعد الحدود
❤️🦋❤️🦋

الجزء السابع عشر
المسا اتصل ابو علي ب طارق وحكالو اهلا وسهلا فيك وبعيلتك
دغري اتصل بأبوه متفائل ومبسوط
طارق : كيفك بابا
ابو طارق : اهلين طارق
طارق : بدي اتقدم لصبية واهلها وافقوا وحابب تكون معي
ابو طارق : انا الي بكون ولايهمك
طارق : بكرى المسا موعدنا
ولبيت اهلو فات ولانو شهد مو سهرانة عندهن دغري حكى
طارق : انا بكرى خطبتي
ام طارق : هيك لكن
طارق : عزمت بابا وبتشرفوني انتو كمان
ام طارق : انا ما علاقتي بخربان بيت كنتي
منى : انا بروح معك وحلوة العروس
شاف بريق دفشت منى
طارق : كانك معترضة بريق
بريق : لا اخي بس مافيني اكون معك مشان شهد
زغردت منى لتكيد امها وبريق وانبسط منها كتير
طارق : انا عزمتكن
منى : تعيش وتخطب هههههه
ام طارق : خبر مرتك
طارق : لا تخافي رح اخبرها انتي لا تشيلي هم شهد
تركهن ونزل لبيتو وكتير مبسوط لا شو مبسوط طاير من الفرحة والي اكدلو هالشي نومة شهد بالصالون
طارق : خليكي هون لقلك
فات للغرفة اتمايز حالو على لمرايا وابتسم لشبوبيتو الي دفنتها شهد بأهمالها الو
طارق : شيخ الشباب والله ورح اعيش حياتي مع هالصبية الحلوة
🦋❤️🦋❤️
كان تقي بالفندق يتحسر على فرصة العمل الي ضيعها من ايدو والسبب خطبتو من بريق ومطاوع حكالو دبرت مطرب دائم وما بدو جاها ليجي شغل السيكارة وهو متسطح سحب منها ونزل ايدو وهو يتأمل الدخان المبعوث منها

تقي : لايمتى لك تقي كل ما انفتحلك باب عم يتسكر بخلقتك مليون باب خطبت ومشالله عني وهلا راحت فرصة الشغل ابو اعتدال مغلق موبايلو ومطاوع دبر غيرك وانت ع وجه زواج واصلا نومتي بالفندق مو مناسبة لوضعي اشتريت محبس وهاد كلشي اقدرت عليه ضلك استنى تقي لحتى كل بواب الدنيا تتسكر بخلقتك ما الي الا طارق استعين فيه ومتأكد مارح يحكيلي لا
🦋❤️🦋❤️
بيوم جديد طارق قضى يومو يغني ومبسوط راح لعند الحلاق حلق دقنو وشعرو وهالشي مو جديد عليه عطول هو انيق وراح للمحل اختار قميص زيتي وبنطلون اسود وكندرة جديدة ومنى وريان جهزو حالهن لخطبة طارق وتقي لساتو مكتئب بالفندق وبريق وام طارق نزلو لعند شهد مشان يخبروها بعد ما طلع طارق وريان ومنى لبيت الجماعة كانت الصالة شوي مكركبة من لولاد واللعابهن وشهد مصفرة وتعبانة
ام طارق : ليش نايمة لهلا
رتبت شعرها وشالت لحرام من على الكنباية
بريق : ليش نايمة بالصالون
شهد : عملت قيلولة
ام طارق : قيلولة الساعة سبعة المسا عند اذان المغرب
شهد : اتفضلو ليش واقفين
قعدن وهني يتطلعن ببعض رتبت شوي من الصالون وقعدت
ام طارق : انتي مريضة شي
ولانها بتخجل بزيادة ماحكت انها معذورة
شهد : شوية ارهاق مو اكتر
بريق : كتير مصفرة اخدتي دوا ليكون برد
شهد : اي يمكن برد
ام طارق : ووين طارق
شهد : مابعرف ما شفتو لهلا طلع الظهر وما اجى
بريق : معقول ما اجى
ام طارق : اتصلتي فيه
شهد : ماني متعودة اتصل فيه بغيب كتير لانو
ام طارق : في مراة بيطلع جوزها من الظهر ما بتسأل عنو
شهد : بشغلو اكيد
بريق : يعني ضامنة انو بالشغل
شهد بخوف : في شي يعني
ام طارق : الهيئة الولد طفشان منك ومعو حق
شهد : شو عم تحكي مرت عمي
ام طارق : شو هاللبس شو هالقميص البيتي الي ما بينلبس ونحن ع حساب سكناه لحالو لتاخد مرتو راحتها وتتفتل بقميص النوم ليل نهار شو هاد يا شهد
شهد : علمي بناتك هالشي انا هيك مرتاحة
ام طارق : بس ما بظن ترتاحي من الي رح احكيه
شهد : صاير شي
ام طارق : اي طارق اليوم خطبتو
وفجاة انخطف لونها بزيادة وفتحت عيونها بصدمة
شهد : شو عم تحكي انتي
ام طارق : وكنت رافضة اروح معو بس لو شفت هالوضع من البداية كنت رحت معو وحقو يجدد ويشوف حياتو
شهد : ماعم تمزحي يعني
بريق : لا عنجد طارق راح يخطب
شهد : وانتو مبسوطين مو هيك
بريق : لا حبيبتي لامبسوطين ولا فرحانين بس خبرناكي مشان يكون عندك علم
شهد : لك الله يكسر خاطركن متل ما كسرتو خاطري
ام طارق : اخرسي وليه والله ازا لسى بتدعي لاخلي طارق يطلقك من المرة
انهارت من البكي تركوها تبكي وتدعي وطلعوا من البيت
❤️🦋❤️🦋
كنت خايفة من دعوتها وكيف انهارت من البكي
بريق : لازم ما تركناها
ام طارق : ما اسمعتي شو دعت علينا
بريق : لانها انصدمت يمكن او ما توقعت
ام طارق : يسطفلو ما النا علاقة هي الي خربت بيتها بايدها
بريق : ...
فتنا للبيت كنت فاقدة تقي اليوم كلو ما حكى معي ابدا بعتلو رسالة
بريق : وينك انت ليش مو مبين
وضليت استنى جوابو
🦋❤️🦋❤️
عند باب الفندق كان جاهز ورايح لبيت حماه ومنو بدو يحكي مع طارق مشان المصاري طلع بالتكسي وبطريقو للبيت وعند بيت اهلو شاف تجمع واتاكد انو عزبمة لاهل خطيبة اخوه
تقي : الله يهنيه عماد بيستاهل كل خير ياريتني كنت معك وشاركتك الفرحة ليش هيك صار معي معقول انا سيء لهدرجة يلا هلا شوفة بريق بتنسيني كلشي
طلع للبيت واستوقفوا صوت اولاد طارق عم يبكو اتطلع بالباب صفن شوي كمل لفوق دق الباب وفتحتلو مرت عمو
ام طارق : اهلين يا ابني اتفضل
تقي : اهلين فيكي بس كانو صاير شي عند بيت طارق
ام طارق بخوف: شو صاير
تقي : لولاد عم يبكو
دغري نزلت لبيت طارق وطلت عليه بريق
بريق : اهلين تقي وين ماما
تقي : ولاد طارق عم يبكو
بريق : اتفضل
بقلبو : انا الي بتفضل
فات وسكر الباب بهدوء وابتسملها
بريق : فوت ليش واقف عندك
سبقها بخطوة وكملو للصالون قعد ولساتو عم يتأملها
تقي : في شي ببيت اخوكي
بريق : طارق راح يخطب
تقي : بتحكي جد
بريق : اي والله وشهد منهارة
تقي : ليش ما بتعرف
بريق : لا وانصدمت
وبحركة وحدة صار بجنبها وبين عليها التوتر
تقي : صدمتك مو
بريق : شبك تقي
تقي : حابب القرب منك
بريق : شو بتحب تشرب
خلاها تقعد وضل ماسك أيدها اليمين بايدو اليسار وقرب منها كتير
تقي : ضروري الواحد يشرب
بريق.: تقي بعد عني
تقي : ما احلاه اسمي من صوتك مرت عمي ما معها المفتاح مو
بريق : شبك شو صرلك
تقي : عم استغل كل الفرص معك خيارين يا بوسة ع السريع يا
بريق : لا تكمل وبعد عني انا ما فكرتك هيك
تقي : انا اكتر من هيك بس مو لاقي الفرصة الذهبية
بريق : عنجد تقي بحكي بعد عني

تقي : اشلحي هالشالة بربك بدي اشوف شعرك
بريق : لاااااا انت مو معقول تقي
مارد عليها ابدا
🦋❤️🦋❤️
كانت ام طارق حاضنة لولاد وعم ينامو بحضنها
ام طارق : ليش لساكي بتبكي جننتي لولاد
شهد : بدك اياني اسكت ولا ارقص واغني
ام طارق : ليش ما حافظتي ع بيتك اه
شهد تبكي : شو يعني حافظتي بشو قصرت عليه
ام طارق : انت بتعرفي لكن بربك هاد لبس روحي شوفي باقي الكناين لك شو بدي احكي معك
شهد : عم تعلميني روحي علمي حالك والا عمي ما كان اتجوز عليكي
ام طارق : ما بهمني لا هو ولا جوازتو انا بعرف اني ما قصرت عليه وهو من يوم يومو نسونجي من لما اتزوجتو
شهد : وابنك متلو
ام طارق : طارق مو متلو ومستحيل يكون متلو اوعك تقارنيه فيه
شهد : شو اعمل يا مرت عمي
ام طارق : هلا صرت مرت عمك
شهد : غصب عني حكيتك هيك انا مكسور خاطري والله
ام طارق : الله بيجبر مو نحن خدي لولاد ينامو بغرفتهن
طاوعتها و طلعت ام طارق من البيت وقلبها دق بقوة وسالو دموعها
ام طارق : متجوز لكان عملت كلشي بقدر عليه صرت اداريه متل المراهقين بس ما طمر معو ومستحيل يعبي عينو غير لتراب
مسحت دموعها وحاولت تتماسك بكل مافيها من قوة وطلعت للبيت
❤️🦋❤️🦋
اول ما اندق الباب اللبست على راسي ورحت ركض افتح الباب
شفت امي محمرين عيونها
بريق : شو صاير ماما
ام طارق : كانو خايفين لانو شهد عم تبكي
بريق : وانتي ليش عم تبكي
ام طارق : عجبك شهد بتعيرني ابوكي متجوز
بريق : ...
ما اقدرت اواسها وانقهرت كتير من هالحكي
ام طارق : بدي انام لاحدا يزعجني
راقبتها وهي فايتة للغرفة سكرت باب البيت وارجعت لعند تقي وقعدت ومقهورة كتير
تقي : صاير شي بريق
بريق : مابعرف لا مو صاير
تقي : ليكون زعلانة مني
بريق : زعلانة من كلشي
تقي : يعني مني
بريق : طولو بالخطبة
تقي : لازم عزمني طارق
بريق : مابعرف عنو
تقي : منيح ما عزمني اتسلينا كتير
بريق : تقي بربك سكر ع الموضوع
تقي : بس مارح ارجع الا لييجي طارق
بريق : بكون جهزت العصير
تقي : بدك الصراحة انا ميت من الجوع وقلت بتعشى عندك
بريق : هههه
تقي : دخيل هالضحكة ما حلوة وانتي زعلانة
بريق : انا فكرتك متعشي
تقي : عادي ما صار شي بصير متل الي بيدبقو بيت حماهن ع الغدا والعشى
بريق : لا تحكي هيك اهلا وسهلا فيك
اجى معي للمطبخ كان عم يتمايز كلشي فيه وبلشت اجهز العشى
تقي : اساعدك
بريق : ارتاح بكون جهزتو
تقي : رح يكون اطيب عشى بدوقو بحياتي
🦋❤️🦋❤️
وتحت البيت نزلو من السيارة وطلعو للبيت فتحت منى الباب وفاتو كان طارق بيميز ريحة بارفان تقي ومتأكد انو بزيارتهن وصوت حكي وضحك بالمطبخ فاتو لتلات واتفاجئو عم يتشعو والضحك والمزح شغال وكتير خجل تقي ووقف متردد
طارق : تقي في بيتنا يا مرحبا يا مرحبا
بريق : اتفضلو اتعشو
ريان : والله ياريت
ودغري اجى يشاركهن
طارق : كمل العشى
تقي : دايمة ان شاء الله
ريان : جددي الشاي منى
منى : حاضر
غسل تقي أيديه وطلع من المطبخ هو وبريق وطارق بالصالون
همسلا تقي : ع هالموقف
بريق : هههه ما اتوقعت يعني
تقي : ياريتني اكلت سم
بريق : لا ولووو لا تحكي هيك
تقي : مبروك طروقة
طارق : الله يبارك فيك
تقي : مافي عقبالك
دفشتو بريق لهيك ابتسم طارق
طارق : انت اتجوز اول مرة التانية انا بدي اسعالك فيها
تقي : امسك على شواربك
بريق : يعني ناوي
طارق : يسترجي
فرطو من الضحك
بريق : عرفت شهد
طارق : وحكت شي
بريق : انت شو رأيك
طارق : رأيي انزل اشوفها يلا بخاطركن
تقي : كان بدي احكي معك بموضوع ضروري
طارق : بكرى منحكي
تقي : متل مابدك
طارق : تصبحو على خير
طلع من البيت ودغري لبيتو
🦋❤️🦋❤️
كان هدوء لدرجة كبيرة وهو ما احدث اي صوت وعند باب الغرفة استوقفوا صوت شهقات شهد وحكيها
شهد : كلو منك قلتلك مابدي اياه ويكون اغنى رجال بالعالم ......شو فائدة المصاري انتو جبرتوني عليه وانتو بدكن تلاقولي حل....ما اقدرت انسجم معو ...اي اي لساتني بحب محمود
وفجأة انصدم ودقات قلبو صارت كبيرة
شهد : لا مو عيب ورغم انو فقير كنت احبو وبحب شهامتو طفشتوه من البلد دورتو ع المصاري والكزب ليكني مصاري وبيت بس مابحبو لطارق مابحبو......مابسامحكن بكل حياتي
فتح الباب بهدوء ونظراتو حادة وهي انصدمت فيه ونزلت الموبايل من ايدها
طارق بعصبية : ما اقدرتي تخوني حبيبك مع زوجك
شهد : شو عم تحكي طارق
طارق : كنتي تنفري مني وتغمضي عيونك لتتخيليه معك
شهد : لا لا والله مو هيك
طارق : انا ما توقعت بتنفري مني لانو قلبك بمكان تاني...اتوقعت كلشي الا هالشي
شهد : طارق بترجاك بترجاك تفهمني
طارق : لككك شو بدك افهم اكتر من الي اسمعوا لك اوقح منك ما شفت
قرب منها ومسك معصمها وخلاها توقف

طارق : دافنه حالك بتياب ما بتنطس لحتى ما تغريني مابدك يكون حدا بحضنك مخلصة الو بعد ما خلفتي ولاد مني لساكي بتحبي
رماها على التخت وشلح لحزام
طارق : والله لاخليكي تندمي على كل لحظة ختتيني فيها يا كلبة
وبلش فيها ضرب وصوتها عم يعلى وهو فاقد السيطرة على نفسو وما هاموا صوتها ولا دموعها ولا الدم الي عم ينزل من تمها وانفها
❤️🦋❤️🦋
اول ما اسمعنا صوت شهد اوقفت كانت عم تصرخ ودغري انزلنا لتحت صوتها للباب واصل
شهد : معاد فيني يا طارق بترجاك
وصوت لولاد عم يبكو وتلقائيا سالو دموعي بلشت اخبط ع الباب بكل قوتي
بريق : افتح الباب طارق افتحو
ريان : شو عم يصير يا جماعة
منى : اخلعو الباب ليروح يقتلها
تقي : بعدي لشوف بريق
اول دفشة والتانية والتالتة فتح الباب طارق كان منظرو بيخوف ومبين منهك فتت بسرعة وحضنت لولاد وصرت ابكي مو بس عليهن على خربان بيت

- النص المستخرج من الصورة: 📝
١٢:٥٧ م
اساس
K/B
ابكي مو بس عليهن على خربان بيت اهليي كلوو غمضت
عيوني وانهرت على حالنا ولوين وصلنا
ارتعبت منى من شوفة شهد مدماية اخدت المنديل ومسحتلا
وشها
منی : شوفي شهد شو صاير
شهد : بدي امييييي
منى : ليش ضربك
شهد : بترجاكن خدوني لعند امي
منی : لك شو عم يصير
شهد : اخ يا راسي معاد فيني
صارت تخبط على وشها منى بفوتت ام طارق وانصدمت من
هالشوفة
ام طارق : حدا يفهمني شوفي شو عم يصير
منی : ماما لازمها مشفى الدم ما عم يوقف شوفي انفها
صارت تبكي ام طارق وطلعت تركض لبري لعند طارق
ام طارق : تعال اسعف مرتك
طارق : لا تقولي مرتي اتصلي باهلها يجو يسعفوها
تقي : شو عم يصير يا جماعة انفضحنا بالحارة
ریان : هات مفتاح السيارة
لبستها منى ع الماشي وساعدتها ام طارق وطلعت مع ريان
ومنى وام طارق للمشفى

الجزء الثامن عشر
تقي : لك ليش عامل هيك هلا رح يفتحو محضر
طارق : بالناقص يا زلمة
تقي : بربك شو صاير
طارق : بترجاك تقي تحل عني
فاتو للبيت وانقهر طارق على ولادو بحضن بريق عم تبكي وهني متلها عم يبكو
حضن ابنو لصغير وغمرو ودمعو عيونو
وتقي قعد بجنب بريق وانقهر عليها
تقي : ليش عم تبكي
بريق : هدول شو ذنبهن طارق فهمني
طارق : ما ذنبهن بعرف
بريق تبكي : كل العالم بتتخانق وبحلو مشاكلهن ع السكت الا نحن منحلها بالصوت العالي وقدام كل العالم صرت اخجل طلع بالناس والجيران على قولة ابوهن ترك مرتو وعم يطلع مع بنات من جيل بناتو امهن فاشلة ما اقدرت تحافظ ع زوجها انا صرت اخجل من عيلتنا واليوم كملتها انت معنا
طارق : لا تلوميني بريق بترجاكي
بريق : لولاد خطيتهن برقبتك شو ذنبهن يصحو على صوت ضرب امهن فهمني طارق ليش عم تعملو فينا هيك
طارق : ليش عم تبكي خلص الي صار صار
بريق : ازا مو حمل المسؤولية ليش خلفتو انت وياها هو الزواج صار لعبة
تقي : خلص لا بقى تبكي روقي
بريق : انا مخذولة من الكل اليوم
باست قصي غمرتو لانو غفي وما خلاها تقي تحملو هو اخدو عنها وراحو ينيموه بمكانو قعدت بجنبو و باستو وكتير منهارة
تقي : خلص روقي بترجاكي
مسكها من ايدها وخلاها توقف قدامو
تقي : خلص انا معك شبك
غمرها لانو حس انها ضايعة ومشتته
تقي : خلص حبيبتي كل مشكلة والها حل والله انتي كتير عم تقهري حالك
بعدت عنو ومسحت دموعها وطلعوا من الغرفة بريق : ازا بدك شي اتصل فيني
طارق : لوين رايحة
بريق : بدي ارتاح
تقي : ادعي انو ما تيجي الشرطة
كان على اعصابو طارق وتقي ما خلا بريق تطلع للبيت خلاها تطلع معو لبرى تتنفس وتشم هوى نظيف قعدو مطرح سهرة كل مرة
تقي : كتير حساسة انتي
بريق : انا بحلم بعيلة متفاهمة جو كلو حنية بس مو هيك متأكد كل الحارة سمعت
تقي : لا تفكري بالناس الحكي ما بيخلص المهم لا تقهري حالك
بريق : انا خايفة ينسجن طارق
تقي : الله يسترو من هالمصيبة
كانو عيونها محمرين ومكسور خاطرو عليها وعلى ضعفها
🦋❤️🦋❤️
بالمشفى صار تحقيق وحكو انها واقعت من درج البناية وبألف يا ويلاه لحتى سجلو اقوالها ريان برى بالانتظار ومنى قاعدة بجنبو
بقلبو : الفضايح بالجملة
كان عم يشوف رسائل سيدرا
سيدرا : شوفي ببيت حماك
ما رد طنش واتكتف
وعند شهد عملولها تخطيط للدماغ خافو من نزيف داخلي بس طلعت مافيها شي بس رضوض وعلامات الضرب معلمة فيها بقيو
للفجر ورجعو للبيت وكان الوضع مزري عند العيلة فوتتها ام طارق للغرفة وشافت كيف طارق وبحضنو الولد وبريق نايمة على الكنباية التانية ومنى دغري طلعت للبيت ترتاح اطمنت على شهد وغطت ولادها وطلعت ترتاح ببيتها
❤️🦋❤️🦋
بالفندق مو جاييه نوم حالة بريق كانت مسببيتلو حزن ما كان بيعرف انها بتعاني من تفكك اسري ولو بالظاهر مبين على العيلة التفاهم
تقي : كيف فيني افتح الموضوع مع طارق وبالوضع هاد من وين عم تجي المشاكل ليش كل هالتغيير صاير معنا طارق خطب ابوه متزوج انا مقلع من بيت اهلي واخي خطب مابعرف في شي غلط عم يصير وماعم اقدر استوعب كل هالمشاكل تكون بنفس الوقت يا ترى ليش ضرب مرتو لو ما الشي الي صاير ما اتحملوا معقول غلطت عليه ولا شو القصة لك تقي وطارق من سابع المستحيلات يحكي لحدا
بعت لبريق يواسيها : انا كتير بحبك ومعك بكلشي ان شاء الله بأقرب وقت منتزوج وبخلصك من كل هالعزاب
رجع اتزكر دموعها وانقهر
🦋❤️🦋❤️
فتحت عيوني وشفت طارق عم يطعمي لولاد اتجلست ب تعب
بريق : رجعو
طارق بدون نفس : اي
بريق : شو صار
طارق : اسأليها الها
تركتوا وفتت للحمام غسلت ورحت لشوف شهد انصدمت من منظرها كيف مغير ملامحها بس شافتني دموعها كرجو قعدت بجنبها وغمرتها
بريق : خلص روقي
شهد : كتير موجوعة والله
بريق : بتتحسني اكيد
شهد دموعها عم يكرجو بغزارة : انا اتشوهت بريق
بريق : لا مرهم تجميلي وبيخفي كل اثار الضرب شو صار
شهد : مابعرف
بريق : معقول يضربك بدون سبب
شهد : بترجاكي لا تزكريني
بريق : طارق بحياتو ما مد ايدو على حدا
شهد بس عم تبكي
بريق : طيب لا تزعلي وحاولي تكوني منيحة مشان لولاد ونفسيتهن
شهد : ان شاء الله

❤️🦋❤️🦋
بقلبها شهد : الله لا يهنيكي يارب لا انتي ولا منى ولا امك ولا حتى اخوكي من وقت شفتكن وما شفت الخير ليكها مخطوبة لشب اندبوري الا انا اهلي مشان المصاري دفنوني مع هالوحش ياريتني اشتكيت عليه والله لانشر سيرتك وسيرة اهلك لافضحكن بالحارة
تركتها بريق وطلعت بعد ما اتطمنت عليها وما سدءت ايمتى طلعت بريق من البيت جرت حالها جر لتشوف طارق عم يطعمي لولاد وانتبهو انها واقفة بس طارق اتجاهلها قربت منو بأسف حكت

شهد : سامحني طارق
لمحها لمح وبدون نفس حكى
طارق : سامحتك وانتي سامحيني بس يمكن صدمتي كانت كبيرة اتوقعت كلشي بس مو انو عشق وغرام وانتي ع زمتي
شهد تبكي : سدءني مو متل ما بتفكر بس انا بدي اطالع الحق ع امي
طارق : مافي دخان بلا نار ولو هالموضوع مو شاغل بالك كنتي اتقبلتي جودي بحياتك بستغرب كيف فيكي ترتبطي بشخص وقلبك عند غيرو
شهد : بشو احلفلك ما فكرت فيه
طارق : واضح هالشي من تعاملك معي كان فيكي تحكيلي مابدي اياك من ايام الخطبة شو ذنب اولادي بلي صار بكرى رح يكبرو ويعرفو امهن عاشت حياتها مع ابوهن وقلبها مو الو
شهد : بترجاك لا تحكي هيك قدامهن قصي بيفهم
طارق ولدموع بعيونو : بس مع الوقت رح ينسى بس انا شو بدو ينسيني الي اسمعتو
قربت منو ومسكت ايدو
شهد : بترجاك خلص لا تحكي هيك والله مو متل ما بتفكر كان قصدي الومهن وبس
طارق : ياريت مابقى تقربي مني قدامك هالخيارات يا اما بتعيشي مع لولاد وما رح ينقصك شي يا اما بتطلقي وكمان بتضلي بالبيت ومارح ينقصك شي وازا بدك تتخلي عن لولاد بطلقك وروحي شوفي حياتك بعيد عني
شهد : لا ما وصلنا لهون
طارق : ولا بأي شكل بقبل اكمل معك حياتي
شهد : انت معصب ورح نحكي بعدين
طارق بعدم اهتمام : منحكي اكيد
ولولاد بس مراقبين ابوهن وامهن وكان منظرهن الاربعة بيحرق القلب
🦋❤️🦋❤️
وببيت اهل ريان ع لفطور كانت نظرات امو لا تفسر
ام همام : اجيت الفجر ولا انا غلطانة
ريان : لشو بتسألي
ام همام : انت ادرى صوت مرتو لطارق عبى الحارة ولا انا غلطانة
ريان : لشو بدك توصلي
ام همام : عيلة مقطعة موصلة
ريان : ماما انا شاورتكن ما خطبت غصب عنكن ليش اختلف الحكي
ام همام : مافكرت هيك ونزلو من عيني اكتر وقت الي ابوهن ما حضر خطبة بريق
ريان : ما النا بحدا وانا بدي اتجوز منى مو كل العيلة
سيدرا : بس رح يلحقك مشاكل
ريان : انا بحبها ومارح اتركها والناس تحكي لتشبع حكي بالنهاية رح يخرسوا
بيلسان : بس ع شو تخانقوا ياترى
ريان : ما علاقتنا
سيدرا : حكتلي نهلة انو ضاربها صحيح
ريان : مابعرف شي
ترك الاكل وفات لغرفتو واتنفس ب تعب
ريان : الظاهر اهلي مو ناوين ع خير حتى منى سمعت الصوت وما علقت ولا حكت ولا اعترضت الظاهر مابدها تعمل مشاكل معي شو اعمل يا ترى
والله مصيبة الي عاملو طارق بمرتو وكرمال شو الله اعلم
🌹🦋🌹🦋
وقت دريت ام حسام من جارات بنتها دغري راحت لبيتها ما كان طارق بالبيت وانصدمت انو بنتها مختفية ملامحها شهقت بخوف وصدمة
ام حسام : لك يكسر ايديه يارب شو عامل فيكي
غمرتها شهد وبلشت تشهق
شهد : لساتني موجوعة يا امي
ام حسام : كرمال شو عمل فيكي هيك
شهد : سمع كلامي معك
وانهارت بالبكي من جديد
شهد : شفتي هاد العز هي المصاري الي طمعتوا فيها انا مقهورة كتير من الي صار معي
ام حسام : ووينو هلأ ابن هالحرام
شهد : وطي صوتك يا امي هلا اهلو بيسمعوا
ام حسام : الله يفضحها ويفضح بناتها لك كيف ما وقفت ابنها عند حدو ولسى اتجوز عليكي يا قادر يا كريم تفضح هالعيلة أن شاء الله بناتها ما يشوفوا السعادة الله ينتقم منها ومنهن
شهد : بالاخص بريق الي شايفه حالها شوفة
ام حسام : هلا بتضبي غراضك وفشر تضلي عندو على جثتي
شهد : لا ماما بيكفي الي صار فيني بترجاكي
ام حسام : الله لا يخليني ازا بخليكي عندهم جهزي حالك تكه وراجعلك
تركتها وراحت تقضي المشوار
🌹🦋🌹🦋
قدام رئيس المخفر
ام حسام : يا سيدي مشوه بنتي وفوق منها اتجوز عليها
رئيس المخفر : يعني بدك تقدمي بلاغ
ام حسام : اكيد هني مستقويين علينا
رئيس المخفر : يا ابني....خود عنوان صهرها واشحطوه للتحقيق حالا
ام حسام : الله يخليك يا سيدي انا خايفة ع بنتي ليروح يقتلها هالمجنون
رئيس المخفر : شو مافي قانون مفكرها سايبة اخد الشرطي البلاغ ودغري لبيت طارق مع دورية
🦋🌹🦋🌹
لساتو بالمحل لاول مرة بشوفو هيك ضعيف ومكسور وما كنت بعرف ليش هيك اتطلعنا ببعض انا وتقي وتنهدنا سوى
تقي : نص الالف خمسمية يا زلمة
طارق :...
بريق : اخي شبك لساتك ساكت من لما اجيت
طارق : ...
تقي : شو القصة طارق والله انشغل بالي
بريق : فيك شي موجوع
تقي : كتير بتصير مشاكل
طارق :...
كان مكتفي بالسكوت واول ما وقفت الدورية قدام المحل خفت ورجفت الظاهر جايين لعنا فاتو ومعهن ورقة
الشرطي : مو هاد محل طارق
تقي : خير شو القصة
الشرطي : مين منكن طارق
طارق : انا
الشرطي : في بلاغ اتقدم بحقك ومعنا امر بالقاء القبض عليك
وقف متردد
طارق : مين الي مقدم البلاغ
الشرطي : هنيك بتعرف
مسكت بطارق
بريق : لوين بدك تروح
الشرطي : اتفضل معنا
بريق : لوين يتفضل
شحطوه شحط وكان بدي اعترض بس تقي منعني
تقي : انا بشوف شو القصة

بريق : لك مافي ياخدوه اتركني بربك
تقي : انتي عاقلة بدك توقفي بوجه الشرطة
بريق : بترجاك تقي اعمل اي شي
تقي : طيب هلا بشوف .
جنيت وقت شفت طارق معهن بسيارة الشرطة
بريق : رشا انتي سكري المحل انا رايحة اشوف شو القصة
اطلعت دغري وتقي اشر ل تكسي بلشت ابكي انا مابعرف ليش هيك عم يصير معنا بس مين مشتكي عليه مابعرف
دقيت باب بيت طارق وطولت لحتى فتحت الست شهد
بريق : انتي مشتكيه على طارق
شهد : انا لا والله
بريق : الشرطة اجو اخدوه
شهد : عنجد
بريق : مين مقدم البلاغ هلا بدك تحكي
شهد : شو عم تحكي والله ما عم افهم عليكي
بريق : يا ويلك ويصير ع اخي شي يا شهد والله لتندموا
مسكت موبايلي وحاولت اتصل ب بابا كتير بس كان مغلق قعدت على الدرجات ومن قهري كملت بكي
بريق : يا الله شو عاملين لحتى هيك حياتنا ما شفنا شي من عمرنا غصات وتعتير ماعم نرتاح ياربي ساعدنا
شهد : ليش عم تبكي بريق
بريق : ...
تركتها وبوجهي للشقة متأكدة بابا هنيك اشرت لتكسي واعطيتو العنوان وطول الطريق ابكي
🌹🦋🌹🦋
بالمخفر كان طارق قدام رئيس المخفر وام حسام واقفة وعلى شوي بدو يضربها مقهور منها كتير
رئيس المخفر : انت الي ضارب مرتك
طارق .... اي انا
رئيس المخفر : يعني بتعترف
طارق : معترف اكيد ليش لانكر
ام حسام : سامع سيدي هو عطول هيك وقح
رئيس المخفر : انتي لا تحكي الا لاسمحلك وقع على اقوالك لشوف
مسك القلم ورمقها نظرات لا تفسر
بدقة الباب وفات العنصر
العنصر : احترامي سيدي
رئيس المخفر : شوفي عندك يا ابني
العنصر : سيدي محامي المتهم وصل
رئيس المخفر : خليه يتفضل
كان تقي على اعصابو وبالزور لحتى اقنع خالو يجي معو مشان يستلم القضية
🦋🌹🦋🌹
هي عاشر مرة بخبط على الباب الساعة وحدة ما بظن انو طالعين بهيك وقت اسمعت صوت طقطقة كعب
سوسن : مين
بريق : افتحي انا بريق
وقت شفتها انقهرت وانسيت ليش اجيت شعور بشع جواتي هي عايشة مع بابا ونحن لا
سوسن : انتي بريق اهلا وسهلا
بريق : بابا هون
سوسن : اي هون
بريق : بدي احكي معو
سوسن : عم يعمل شاور فوتي
رجف كل بدني كنت غيرانة عليه منها فتت مترددة كان لازم ما اجيت ياريتني متت قبل اشوف هالشوفة كانت لابسة قميص عرايسي ابيض وهي كتير حلوة ومعباية وطويلة كتير ضليت واقفة بالصالون مع انو البيت بيتنا
سوسن : اتفضلي ليش واقفة
بريق : الموضوع كتير ضروري
سوسن : تكه لاستعجلو
اول ما اختفت سالو دموعي من جديد لاسمع صوتها
سوسن : خلصت حبيبي
ابو طارق : خلصت يا روحي
سوسن: ريتو نعيماً
ابو طارق : ينعم عليكي حبيبتي
حسيت بانقباضات بقلبي
سوسن : بنتك لكبيرة هون
ابو طارق : شو جابها
سوسن : الموضوع ضروري هيك حكت
مافي الا شوي وطل عليي للحظات حسيت بضعف
ابو طارق : جاية تباركيلي صح
بريق ؛ طارق اخدوه الشرطة
ابو طارق : ايمتى هالحكي
بريق : من شي نص ساعة
ابو طارق : شو عامل
بريق : مو وقت اشرحلك ياريت تروح وتشوفوا انا كتير خايفة عليه
ابو طارق : طيب ماشي بلبس وبروح
بعد ما اتاملتو وتأملت مرتو بجنبو انسحبت من المكان حسيت حالي شبه مشلولة صحيح عم امشي بس ببطء ولا كأنو بنتو على الاقل يطلعو وراي مو تركوني اطلع من البيت لحالي
شوي واسمعت زمور سيارتو فتح الشباك
ابو طارق : اطلعي اوصلك
بريق : باخد تكسي لا تشيل همي
ابو طارق : اطلعي عم احكي
اطلعت معو ومسحت دموعي
ابو طارق : لا تخافي ع طارق ساعة ما بيضل بالمخفر رح احكي مع ابو عادل وهو بيتصرف
بريق : ياريت
ابو طارق : ليكون زعلانة مني
بريق : ليش بيحقلي ازعل
ابو طارق : لاني ما حضرت خطبتك
بريق : اكيد عندك اسبابك
ابو طارق : اي مابدي اشوف امك
بريق : وشي تاني
ابو طارق : مو هالعز والمصاري من ورتة امك انا ما بلزمكن بحياتكن
بريق : حلوة كتير مرتك
ابو طارق : ما باركتيلي يا بريق
بريق : ولا انت باركتلي
ابو طارق : حقك عليي والله
بريق : نزلني باول الحارة
ابو طارق : هلا شوي وبجي وبجيب معي طارق لا تشيلي هم
بريق : الله يسمع منك
سكرت باب السيارة بهدوء عكس الضجة الي جواتي وارجعت للبيت منهارة من البكي والقهر وحتى الغيرة نحن اتدمرنا دمار شامل بدي اتزوج واخلص من هالمشاكل كلا .
🌹🦋🌹🦋.
الجزء التاسع عشر
كانت ام حسام مصدومة كيف اتدخل اكتر من حدا وندمت لانها اشتكت عليه اتصالين من ناس كبار ورئيس المخفر دغري انصاع لاوامر الي اكبر منو
ام حسام : خليه يكتب تعهد مابقى يمد ايدو ع بنتي
طارق : انا الي بكتب
ابو طارق : بس رح نتصرف معكن تصرف تاني
ام حسام : سامع سيدي عم يهددني
رئيس المخفر : بشو عم يهددك
ابو طارق : بتحسبي حسابك كل ليرة اخدتوها من ابني ع اساس دين بيترجعوا

ام حسام : ايمتى اخدنا
طارق : فيني امشي
رئيس المخفر : اكيد ونحن اسفين وسلملي على السيد ابو عادل
ابو طارق : بيوصل عزبناك معنا
رئيس المخفر : ولو مافي عزاب بنوب
🦋🌹🦋🌹
برى المخفر اول ما شافوا تقي دغري غمرو وهناه بسلامة
المحامي : مافكرنا عندو واسطة
طارق : حتى انا ما كنت بعرف
تقي : تخيلت حالك بالنظارة
طارق : اي والله
تقي : كيفك عمي
ابو طارق : اهلين صهري
المحامي : الحمد لله على سلامتك طارق
طارق : الله يسلمك وشكراً لانك اجيت دغري
المحامي : ازا انعاد هالشي اوعك توقع ع اقوالك قبل يوصل محامي خاص فيك
طارق : هي اول مرة بفوت مخفر بمشكلة
تقي : انقضت على خير
ابو طارق : اتفضلو معنا
المحامي : انا لازم ارجع للمكتب بشوفكن بخير
طارق : يعطيك العافية
رجع بسيارتو وطلعو بسيارة ابو طارق
ابو طارق : كان لازم اتصلت فيني دغري
طارق : ما لحقت مين خبرك
ابو طارق : اجت بريق لعندي وخبرتني...تاني مرة دغري بتتصل فيني شو القصة ع شو متخانق مع حماتك
طارق : قصة طويلة بعدين بحكيلك اياها
وكملو للبيت نزلو لتلات من السيارة
طارق : شكرا الك تقي
تقي : عنجد انك ما بتستحي ع شو بتتشكرني ليش شو عملت
طارق : وقفتك معي ما بنساها
ابو طارق : اتفضلو لازم تطمن بريق كانت زعلانة كتير
طلعو لتلات للبيت واول ما شافتو بريق ركضت عليه وغمرتو وهي تبكي
طارق : ليش عم تبكي خلص انحلت المشكلة
بريق : انت منيح ما عملو فيك شي
تقي : وصل ووراه دغري مؤازرة
فاتو للصالون سلمت ام طارق ع ابنها ومبين مو طايقة جوزها
ام طارق : الحمد لله على سلامتك
طارق : الله يسلمك ماما اطمنتوا ع لولاد
ام طارق : مناح لا تخاف منى عندهن هي عمايل ام حسام مو
طارق : حسابها بعدين هلا خلينا بلي نحن فيه
ام طارق :المهم انك اطلعت بالسلامة ساوي القهوة بريق
بريق : حاضر ماما
تقي : جاي اساعدك
خلاها تبتسم بعز زعلها
🌹🦋🌹🦋
كنت مو مسدءة انو رجع ومو مخدوش خدش
تقي : لهدرجة بتحبي طارق
بريق : شو رايك انت
تقي : معقول ازا بصير شي عليي هيك تبكي وتخافي
بريق : ليش عم تقارن ليكون غرت
تقي : كتير غرت مو شوي
بريق : هههه
تقي : تسلملي هالضحكة والله بترد الروح
بريق : عنجد جاي تساعدني
تقي : هئ اجيت املي عيوني بشوفتك
بريق : يا ويلي منك
تقي : ههه بس ليكي حسيت ابوكي وامك رح يتقاتلو.
كملت القهوة لانو معو حق تقي وشوي وطلع صوتهن
🦋🌹🦋🌹
ابو طارق : مو انتي ولولاد عايشين شو بدك فيني
ام طارق : مو مشاني لا تسدء حالك لولاد بحاجتك
ابو طارق : ليكك مو مقصرة
ام طارق : شو مفكر بس انا مسؤولة ع ولادي من ساعة الي اتجوزتك طايش وعايش بكيفك وراحتك وليوم لولاد بحاجتك
ابو طارق : صيري امهن وابوهن
ام طارق : بدك تطلقني
طارق : خلص بترجاكن خلص
ابو طارق : ازا رغبتك تطلقي ماعندي مانع
طارق : اكيد ما بدها ماما انتي منفعلة
ام طارق : ع شو خايف انت اخواتك رح يتزوجو وانت اتزوجت ما بقبل يضل اسمي مرتبط باسمو
ابو طارق : اي بدك تتجوزي اكيد في عريس
طارق : مشان الله لا تفضحونا قدام الزلمة
ام طارق : سمعت شو عم يخبص هالمراهق
ابو طارق : وانتي جهلانة لا تنسي حالك
ام طارق : لك مو الحق عليك ع يلي ما اتطلقت من زمان اطلاع من بيتي يلا
طارق : ماما
ابو طارق : طالع بس لابقى تدخلوني بمشاكلكن انتي وولادك
طلع ابو طارق معصب وطارق لحق بابوه وام طارق قعدت تبكي من قهرها وبريق وتقي واقفين بالمطبخ وعجزانين يعملو اي شي
🦋🌹🦋
كنت خجلانة منو انفضحنا هلا عنجد دمعو عيوني لانو مابحب حدا يسمع خناقاتهن
تقي : عادي بتصير بكل العائلات
بريق : انا كتير خجلانة منك
تقي : ليش انا غريب
بريق : اكيد لا بس يعني مو هالحكي الي انحكى
حط ايدو ع كتفي
تقي : رح اعتبر حالي ما اسمعت والله يقدرني لاخلصك من كل هالمشاكل
بريق : الله يسمع منك هني كتير عصبيين وهالشي عم يأثر ع خناقاتهن
تقي : بدون ما تبرري بعرف انهن عصبيين ولا تفكري بشي الا بخطبتنا
بقلبي : الله يجعلها خطبة
بريق : أن شاء الله
اخدت القهوة واطلعنا لعند ماما كانت حالتها بتزعل وهالشي زود قهري على حالها وعلينا
🦋🌹🦋🌹
تحت البيت واقفين
طارق : ليكون بدك تطلقها
ابو طارق : انا مو مراهق فهم امك هالحكي
طارق : بترجاك تروق ما كان لازم تتخانقو وتقي هون
ابو طارق : انا كلو ع بعضو ما عاجبني لا هو ولا اهلو ليك طارق ازا كتير خايف ع سمعة العيلة بتوقف هالمهزلة وبتخلي امك تتنازلي عن السيارة
طارق : حاولت اقنعها ما رضيت على قولة هي دفعت النص
ابو طارق : تلقى مني ازا بتلقي
طارق : بترجاكن هدو شوي نحن ع وشك ننفضح
ابو طارق : حاكيها الها لا تحاكوني الي وفهم بريق ازا ما بتباركلي بزواجي عرسها مارح احضرو منيح

طارق : شو دخل بريق
ابو طارق : هي بتعرف شو عملت
طلع بالسيارة وباقصى سرعة من الحارة نزل ايديه طارق بأسف وطلع ليشوف الجو لساتو معكر وانقهر على بريق اكتر شي
بقلبو : كأننا اولاد حرام والا ليش هيك عيشنا والاضرب تقي متلنا عايش بظروف بتشبه ظروفنا
ام طارق : شو حكالك
طارق : مو مهم ...انتي عنجد بدك تطلقي
ام طارق : مابقبل اضل ع ذمتو
طارق : متل مابدكن اعملو بس ليكي النتيجة رح نتحملها نحن لانو بشوفك وبشوفو عم تنتقموا من بعض ونحن ضحية كلشي عم تعملوه
تقي : مرت عمي ما بتنحل الامور هيك لبعد ما تتزوج بريق ومنى حلوها او انفصلو
بريق : ياريت تخلص المشاكل
راحت للغرفة وسكرت الباب ودغري وقف تقي
ام طارق : وين يا ابني
تقي : حاجتي لازم اروح للمطعم
طارق : منعتذر ع الي صار
تقي : ولايهمك
ودعوا وفات ليشوف بريق عم تبكي
طارق : ليش عم تبكي
بريق : عجبك الي صار
طارق : خلص مو حرزانة يسطفلو
بريق : لا ما يسطفلو
طارق : قلت يسطفلو
بريق : انت شو بتحكي طارق كأننا ما رح نتأثر بلي عم يعملوه ببعض انا كتير خجلانة لاني من هالعيلة
طارق : انتي رحتي للشقة
بريق : اي وياريتني مارحت لك شو هاد هي مرتو
طارق : اي
بريق : صغيرة
طارق : انتي باركتيلو
بريق : ولايمكن اباركلو شو هالانجاز العظيم الي عملو غير انو خرب بيتنا
طارق : بريق لا تزعليه منك بالنهاية هو ابوكي
بريق : انا ما اتمنيت اكون من هالعيلة كنت اخجل من رفقاتي على لخناقات الي يعملوها ويا محلى خجلي منهن قدام خجلي من تقي
طارق : هيك الله رايد شو نعمل
بريق : مو إرادة رب العالمين هي ...هاد مرامهن عم يطبقوه على بعض انت احكيلي مين الي عم يتحمل النتيجة
طارق : والله بعرف يعني مصيبتي احسن ولادي صغار وعم ينخرب بيتي
بريق : بترجاك اتركني بحالي بترجاك
طارق : متل مابدك بس لا بقى تبكي
تركها شبه منهارة ورمى امو نظرات كلها لوم وعتب ونزل ليشوف شهد ولولاد
🦋❤️🦋❤️
بالمطعم ورا المجلى كان عم يتزكر كلشي عم يصير وصار وقت شافو ريان اتنفس ب تعب وارتكى بحدو
تقي : منيح اجيت شغلي سيكارة
شغلو اياها
ريان : ارجعت تجلي
تقي : شو اعمل يعني
ريان : صار شي مع طارق
تقي : اخدوه الشرطة
ريان : حكتلي منى رجع
تقي : اي ابوه بيعرف واسطة هلا خبرني ناوي تتزوج
ريان : ع اخر الشهر
تقي : معك تديني
ريان : والله ما بينعز عليك بس دوبني ادبر اموري وقررت بدي اشتري غرفة نوم مستعملة لو معي لاعطيك
تقي : بعرفك والله ما بتقصر لشوفلي شي حدا اليوم قبل المح لخالي بلش يشكي ويبكي لك الواحد وين يروح بحالو بربك
ريان : احكي لطارق
تقي : احكيلو بدي اتجوز ع الدين ومين من اختو في حدا بيجوز اختو ع حسابو
ريان : دين
تقي : مارح يعتبرو دين
ريان : انت ضيعت فرص مو فرصة
تقي : ما بقدر افركش الخطبة انا ما سدءت اخطب
ريان : الا ما تفرج
تقي : ايه قولتك الا ما بتفرج
❤️🦋❤️🦋
طلعت منى تاركة طارق وشهد قاعدين هي خجلانة منو وهو حاقد ع عيلتها
طارق : شوفي يا بنت الناس انا ما ضربتك الا لحتى اسمعتك تحكي هالحكي الي ما بينسمع انا بعترف انو اغلطت بضربك بس توصل المواصيل للمخافر هيك كتير
شهد : بدك تطلقني
طارق : واكيد متمنيه هالشي
شهد : لا والله ببقى مع لولاد بس لا تطلقني بترجاك
طارق : اي يعني عارفة ب الالف وخمسمية دو*لار الي اعطيتهن لابوكي
شهد : اكيد بعرف ومامعهن يرجعو
طارق : وازا قلت بدي اياهن
شهد : بترجاك طارق انت بتعرف وضع بيت اهلي
طارق : وامك ما حسبت حساب هالشي وراحت اشتكت عليي جرجرتني بالمخافر
شهد : ياريت تنتهي هالمشكلة
طارق : رح تنتهي اكيد بس شوفي انتي بحالك وانا بحالي
شهد : بدك تفسخ خطبتك
طارق : ههههه شو بتحكي انتي عرسي الاسبوع الجاي
شهد : عنجد
طارق : اي وبفضل تكوني مبسوطة لانو فيكي وبلاكي رح اتجوز .
شهد : رح تسكن هون
طارق : لوقتها بتعرفي
فات لغرفتو تعبان سكر البرادية وارتمى ب تعب لينام
🦋❤️🦋❤️

اجى الليل وهالليل كئيب متل الحالة الي فيني كنت سهرانة ع البلكون عم حاول اتفائل اتطلعت ب منى الي اضرب مني زعلانة ومكتئبة
بريق : شبكي انتي
منى : ليش سألتي بكير
بريق : اوف منك منى كلشي عندك دراما
منى : ريان مابدو يشتري غرفة نوم جديدة
بريق : لكن
منى : مستعملة وعلى قولتو اخو الوكالة
بريق : وانتي بدك
منى : ومابدي والقرار قرارو وشايفة مشاكل بيت اهلي
بريق : اتزوجي لو على حصيرة وارتاحي شوفي هالعيشة
منى : معك حق وانا حاسة انو بس اتزوج رح ارتاح
بريق : ان شاء الله
منى : ولايمتى انتو
بريق : ياريت يكون بكرى العرس بحس مستحيل اتزوج
منى : لا ولووو ليكك مخطوبة وتقي شايفك مو مسدء
بريق : شفتي مرتو لبابا
منى : اي كانت بيوم خطبة طارق شفتي شو حلوة

بريق : باركتي
منى : اي باركتلو وباركتلا
بريق : ...
بقلبي : لكن بكون غضبان عليي بدو يجبرنا نسايرو اخ وين كنا ووين صرنا
منى : بدك شي
بريق : سلامتك
منى : تصبحي على خير
بريق : وانتي من اهلو
ما كان مني الا اتصفن بالجو بالسما ولنجوم واحاول انسى كلشي عم يصير بقلمي مايا الحجازي
❤️🦋❤️🦋
بغرفة ام طارق كانت عم تبكي ومقهورة قهر ما بعدو قهر
ام طارق : معقول انا ما اقدرت احافظ على زواجي وبيتي وولادي كم مرة يوصلني الخبر انك بتروح لاماكن مشبوهة واكزب هالشي لحد ما اتأكدت بنفسي وشفتك بالمطعم مع مراة وعلى مسايرة وضحك وتشغلا سكاير ليش انا لازم اتحمل ولازم اكون الحلقة الاضعف يمكن لو ما اهلي مقتدرين كنت اكلت هوى انا وولادي وهلا عم نشحد لسى ما شفت مني شي يا ابو طارق والله لتطلقني وانت تضحك وتلعب ولاخليك تترجاني انزل السيارة باسمك وما تحلم فيها وازا بكون ساكن بالشقة الي اشتريتها لاولادي لا يلوم الا نفسو
وكملت بكي وحسرة وقهر
🦋❤️🦋❤️
بعد ما خلص دوامو راح قعد على الكرسي بالمطعم لسى في كم زبون وهو ناطر يجي لعندو منير
منير : طولت عليك
تقي :

- النص المستخرج من الصورة: 📝
١٢:٥٨ م
اساس
2
Kit
منير : طولت عليك
تقي
: لا ابدا قلتلي في شي
منير شكلو بصلتك محروقة
تقي : للغاية
منير : بس ما بعرف ازا العرض رح يناسبك
تقي : مستعد اشتغل بالحجار يا زلمة
منير مو حجار بس سفر وما سفر
تقي : والطريق مضمون
منير : انت موافق
تقي : اي موافق خلاااص انا اتعبت
منير : بس ليك بيني وبينك حتى منور مابدي يعرف
تقي : بس بدون مقابل
منير : جاييك بالحكي
وعند طارق سهران لحالو برى الحارة كلها هدوء وهو تايه
وحيران وبارقة أمل صغيرة عم تحوم بعقلو زواجو من عليا
يمكن يغير عليه الحال
عم يتزكر كل الايام الي عاشها مع شهد وكل ما يتزكر أنها
عاشت معو وبنفسها شخص تاني يغص ويحس انو بلا قيمة
وبلا شرف كمان عم يفسر كلشي صار بينو وبينها اعتراضها
لكل طلباتو اهمالها لنفسها
طارق : ما كان من عبث كل هالاهمال كانت ما تهتم لتكرهني
بحالها بس شو انا كنت متمسك فيها واحكي بحالي عادي في
نسوان هيك واقنع نفسي يمكن لانو ما بسافر صارت علاقتي
فيها روتينية وجربت السفر واستقبلتني بمشاعر ابرد من التلج
اتحملت اتناسیت وطنشت بس بالنهايه الحقيقة مرة ومتل
العلقم لهدرجة ما قدرت تنساه لوین وصلت بمراحل عشقها الو
لحتى ما قدرت تحبني ولا شوي ياريتني حبيت واتزوجت عن
حب هاد الزواج التقليدي ما ناسبني ولا شوي يا ترى شو لسی
ناطرني انا واخواتي ليش ما عم نتهنى والمشاكل مرافقيتنا
من لما كنا صغار

- النص المستخرج من الصورة: 📝
١٢:٥٨ م
اساس
K/B
وراحت فيه الذكرى لبعيد وهني صغار وقت كانو عم يتغدو
ومبسوطين ومن كلمة لكلمة انقلبت الدنيا واتحولت الخناقة
انتهت ببكي منى وخوفها والسفرة انقلبت على الارض
واختفاء ابوه لمدة اسبوع وامو نشرت سيرة جوزها بين اهلها
والجيران وكل الحارة تعرف بالمشاكل
طارق : هلا هي الدنيا الي متمسكين فيها وعلى شو اصلا
منيح حدا وافق يناسب هالعيلة المقطعة الموصلة.

الجزء العشرون
رغم انو أجواء البيت كلها متوترة بس طارق ما أجل العرس جاب غرفة نوم جديدة بتجنن وانا وماما بس نتفرج اشترى كومة تياب وطلب مني ومن منى نرتبهن ويمكن المحاولة الاخيرة من شهد اجت ومعها لولاد بعد بكرى عرس طارق وبس شافها دغري انسحب من الغرفة ومن البيت كلو
شهد : مبسوطين فيه يعني
بريق : جاية تحطي الحق علينا انتي
شهد : لكن ليش عم ترتبو تيابو
منى : لانو بكرى جاية العروس ترتب تيابها
شهد : مرت عمي وين
منى : بغرفتها متلك زعلانة هيك
تركتنا وراحت لعند ماما
قصى : مين بدو يتجوز
بريق : ليش عم تسأل حبيبي
قصي : بابا بدو يتجوز
بريق : اسألو الو
كنت مقهورة عليهن بس كمان انا بابا اتزوج وما اقدرنا نغير شي
❤️🌹❤️🌹
بغرفة ام طارق كانت شهد دموعها شلال
ام طارق : ليش عم تبكي خلص كلشي صار جاهز ودموعك ما رح يغيرو شي من الي صار
شهد : انا قررت اتغير
ام طارق : مابعرف تسطفلوا منك الو
شهد : انتي رايدة يعني
ام طارق : لا ما رايدة ولا عاجبني وما اقدرت امنعو
شهد : بس بريق ومنى مبسوطين
ام طارق ؛ حاجتك حاطة نقرك من نقر البنات
شهد : يا مرت عمي والله ما قادرة اتخيل طارق يكون مع غيري
ام طارق : هلأ استوعبتي اهمالك الو لوين وصلك انا ما علاقتي بكل الي صار وازا جاية تبكي لتحسسيني بالذنب الي فيني مكفيني
شهد : مابعرف والله مسكرة بواب الدنيا بوجهي الناس عم تحكي على العرس وانو طارق عشقان عليي
ام طارق ؛ الحكي ما بيخلص
شهد : اسفة ازعجتك مرت عمي
طلعت من الغرفة واخر نظرة شافت غرفة جوزها لجديدة ونزلت هي ولولاد لتحت والقهر معبي قلبها
🌹❤️🌹❤️
عم يتمشوا لتلات بعجقة السوق حاطين ايديهن بجيابهن لتلات عرسان ومبسوطين
تقي : مو عدل تتزوج قبلنا ومعنا
ريان : امبلا نطالب بتأجيل العرس بلكي حبينا نثني
تقي : هاد الحكي الصحيح
طارق : تسترجوا تتزوجو مرة تانية
تقي : النفاق بعينو
ريان : من طول عمري بعرف انو منافق
طارق : وعهد عليي الي بيزعل وحدة من اخواتي بحرف لا يلوم الا نفسو
تقي : يا حبيبي شكلنا بدنا نتزوج العيلة كلها
ريان : حبيبي بس صارت عنا العروس ما علاقتكن وازا كمان ما حابين تزوروها بكون احسن
تقي : هههه اي اي حبيت هالاقتراح
طارق : لا ما بكيفكن والي حكيتو قانون مو بس تهديد
تقي : في عقوبات وهيك
طارق : هلا انت كونك مستقل مطمن عليك بس ريان انا بعرف انو مارح يمضيها على خير
ريان : هههه دخيل الله طالعلك تهدد يا جوز التنتين
تقي : هههه بكرى طارق لينتف شعراتو علقة النسوان علقة
ريان : بصيبو متل ابو احمد يبعت للاولى ويروحو للتانية ويرجع يجيب من اول وجديد
طارق : يا حرام مقهورين
تقي : هههه شو عرفك
طارق : مبينة يعني مابدها شرح
تقي : شو رايك ريان
ريان : هون
تقي : اي هون
هرب طارق قبل يمسكوه كانو عم يتولدنو ويضحكو ومبسوطين وكانو رجعو لايام زمان
🌹🦋🌹🦋
بعد مرور أسبوع كنا على سفرة الغدا عليا مهتمة باكل طارق وامي شفتها كيف مبسوطة لكنتها لجديدة يمكن لانها عروس جديدة بس كان في فرق شهد ماكانت هيك جريئة وتهتم ب طارق كان هو يهتم فيها اتطلعت ب منى وابتسمتلي حفظنا المشهد لنحكي بعدين اشبعنا وما خلتنا نجلي لو صحن
بريق : لساكي عروس
عليا : ليش الجلي شغل هلا دغري بخلص روحو ارتاحو
ام طارق : مابصير انتي تجلي
عليا : عادي مرت عمي انا بحب الجلي كتير
تركناها واطلعنا
منى : الله يكتر من امتالها
بريق : تخيلي منى حالك وانتي عروس ما تخلي سيدرا وبيلسان يجلو
منى : اي احلمي انتي وياهن
ام طارق : ههههه رح تستلم الدور من اول يوم
بريق : ههههه اين الكرامة منى وتجلي من اول يوم
منى : بكرى بتشوفو كيف رح اسيطر ع العيلة كلها
بريق ام طارق : ههههه
ام طارق : مبين عليكي من هلا السيطرة
منى : اي اضحكو بكرى بتشوفوا
🦋🌹🦋🌹
بالمطبخ كان مرتكي بجنب المجلى ويتأمل عليا ومبسوط لابعد الحدود
طارق : ليش عم تجلي
عليا : انا حابة مطبخكن كتير
طارق : ههههه وانا شو وضعي
عليا بخجل : كمان بحبك كتير
طارق : ومين اكتر
عليا : يا الله منك طارق
طارق : يا روح طارق بس ما جاوبتي
عليا : انت اكتر حدا بحبو بالدنيا
كان قلبو عم يدق بسرعة هالكلام اثر فيه كتير اول مرة حدا بيهتم فيه هالاهتمام حتى جوى غرفتهن ما بتنام الا على ايدو وهالشي مرجعو لايام المراهقة عنجد لايام ما عاشها مع شهد كان البرود مسيطر على علاقتهن وهلا ماعم يمل ابدا من عروستو خلصت الجلي واخدت الشاي وطلعو من المطبخ بدقة الباب راح يفتح كانت شهد وما شالها من ارضها حمل ابنو لصغير وباسو
شهد : شو مافي اتفضلي
طارق : فوتي
سكرت الباب ولحقتو وهو قعد بجنب عروستو الخجلانة
طارق : اي بريق معاد فتحتي المحل

بريق : تقي هيك بدو
طارق : وشو الو عندك
بريق:.احكي معو لانو بمل بالبيت
طارق : بحكي معو اكيد
شهد : كيفك مرت عمي
ام طارق : منيحة
طارق : عازمكن اليوم على العشا قبل تتزوج منى
ام طارق : اعزم مرتك لساكن ما طلعتو من البيت
شهد : لشو هيك يعني عزمنا كلنا ومنروح كلنا
عليا : اليوم يعني
طارق : انتي ايمتى بدك
وفجاة شهد اتغيرت ملامحها
عليا : ايمتى ما بتحب انت
طارق : اليوم خلص
🦋🌹🦋🌹
حسينا شهد رح تتفجر اخدنا الشاي وفتنا ل غرفتنا
منى : شو رايك بريق
بريق : بشو
منى : بزواج طارق كلو وبمرتو لجديدة
بريق : انا مبسوطة لطارق شفتي كيف نفسيتو متغيرة قبل ما كان مرتاح
منى : وشو قولك رح يصير خناقة على طارق
بريق : شهد مو على بعضها او مو شهد الباردة الي منعرفها ملاحظة صايرة تتمكيج
منى : اي لاحظت بس شو بدك بالحكي طارق عم يراهق
بريق : هههه عقبال عند ريان
منى : ان شاء الله تقي يراهق
بريق : دخيل قلبو والله اشتقتلو وبكرى عازمني
منى : تتهني ......بريق انا مقهورة لانو رح اتزوج واترككن
بريق : هههه منخلص منك
منى : يعني ما غاصة مشاني
بريق : بالعكس مبسوطة ههههه
منى : والله انك بياعة عشرة مو الحق عليكي عليي انا
بريق : بس اتزوج لا تزعلي عليي
منى : ههههه تعي لقلك
صارت تضربني بالمخدة بس انا كنت مقهورة عنجد لانو رح تتركنا عن قريب
🌹🦋🌹🦋
تاني يوم المسا مجهزة حالي واجى تقي والتقيت فيه تحت
تقي : مسالورد مسا الاناقة والرواق والبسمة الحلوة
بريق : مسالنور
تقي : مسا التفاؤل فيكي شي بخليني اتفائل بس شوهو مابعرف يمكن ابتسامتك
بريق : بدنا نضل هون
تقي : اكيد لا اتفضلي
رحنا لمطعم بحارات الشام القديمة كان الجو بيجنن وهادي بس انا مشاعري تجاه تقي مو عادية بنوب قعدنا وتأملت كل المكان وانتبهت انو تقي عم يتطلع فيني
تقي : انتي حالفة يمين تجننيني كل مرة
بريق : سلامة عقلك
تقي : في موضوع بدي احكيلك اياه
بريق : موضوع شو
تقي : والله مابعرف شو احكيلك
بريق : فوت بالموضوع دغري
تقي : بدي نأجل العرس
بريق : وليش عم تخبرني
تقي : بلكي عندك اعتراض
بريق : ابدا الي بدك اياه اعملو
تقي : ما ازعلتي
بريق : اكيد لا هي رغبتك واكيد عندك ظروف
تقي : بالفعل انا معلن افلاسي وماني قدران حتى اشتري قميص الي انا ضيعت فرصتين من ايدي كانو كافيين هلا يصلحو كل وضعي
بريق : فرصتين شو
تقي : مطاوع جاب مطرب دائم للمطعم وابو اعتدال مابقى رد عليي واكيد تعاقد مع مغني تاني
بريق : وشو رح تعمل
تقي : كنت بدي اطلب من طارق بس بالاول اترددت وبعدها اتزوج وبتعرفي انتي الباقي
بريق : اديش المبلغ الي معتازو
تقي : ليكون ناوية تعطيني
بريق : يعني هيك شي اديش المبلغ
تقي : تقريبا ٣٠٠٠
بريق : انا معي دهب
تقي : اوعك بريق تكملي انا ما حكيتلك لحتى تعرضي عليي ابدا انا حكيتلك لانو اتأجل العرس كم شهر كمان
بريق : ماحدا رح يعرف فيهن وايمتى ما زبطت وضعك بترجعهن
تقي : مستحيل شو عم تحكي انتي
بريق : يمكن ما يتصلح وضعك بسنين ومتل ما قلتلك ماحدا رح يعرف فيهن انا وانت وبس
تقي : انسي الموضوع بريق شو بتحبي تطلبي
بريق : على زوءك
كنت شايلة همو لانو طلب غدا وهو من شوي حاكيلي معلن افلاسو
بريق : ليش مابدك تقبل المساعدة
تقي : بالزبط لانها مساعدة ما تعودت حدا يصرف عليي من وقت صرت شب وصار عندي مصاريف بلشت اشتغل واعتمد على حالي
بريق : قلتلك دين
تقي : اي وبلكي فشل المشروع وبلكي ما زبط
بريق : لشو كل هالتشاؤم يمكن يزبط ويمكن يصير معك اضعاف المبلغ عادي بقبل تعطيني فائدة عليهن
تقي : هههه مو مبين عليكي مادية
بريق : لكن ما بتعرفني
تقي : وازا ما زبط وضعي
بريق : رح يزبط سدءني
تقي : بفكر بالموضوع
بريق : اي وانا جاهزة ايمتى مابتحب
اتغدينا وكان كل همي يكون مرتاح وشغلة تأجيل العرس وسببها خلتني افوت بحالة اكتئاب بس ما بينت قدام تقي ابدا انو ما عجبني تأجيل العرس بعد الغدا كانت الدنيا ع وشك لغروب مسك ايدي واطلعنا تمشاية من المطعم
تقي : مبسوط طارق بزواجو
بريق : اي هيك مبين
تقي : يعني عندكن تشجيع لتعدد الزوجات .
بريق : عم تمزح صح
تقي : ههههه هلا اتزوج اول مرة التانية مارح نختلف عليها
بريق : بلا شو ومين خبرك انو بقبل
تقي : مابصير تكوني منحازة لناس وناس
بريق : بعرف انك عم تختبرني
تقي : اي مبين انو اختبار اصلا لو صار مستحيل اخبرك بتدري من الغريب
بريق : يا الله منك تقي هلا هيك بيكون الحكي بايام الخطبة
تقي : معك حق وكرمال هيك عازمك على فيلم كتير حلو
بريق : ما بحب السينما
تقي : في حدا ما بحب السينما
بريق : اي انا ومستحيل اروح هيك اماكن حابة شي فيلم بحضرو ع الشاشة او ع الموبايل

تقي : بالسينما احلى
بريق : احلى وما بيعجبني شو رايك
🌹🦋🌹🦋
بقلبو : اديشها قوية وطلعت من خرجي
تقي : وازا ما رحنا رح اقاطعك
بريق : اول شي خبر طارق
تقي : بتوافقي يعني
بريق : ازا بعلم طارق بروح
تقي : هلا رح اتصل فيه يارب يوافق لانو حجزت تذكرتين
وقفنا عن المشي ليحكي مع طارق وطول لحتى رد
طارق : الو
تقي : كيف ابن حمايي
طارق : اهلين صهري
تقي : بالبيت انت
طارق : عازم العيلة ع العشا
تقي : هههه انو عيلة منهن
طارق : العيلة الجديدة
تقي : النفاق بعينو
طارق : ليش متصل خلصني
تقي : عزمت بريق ع سينما وما بدها بدون علمك
طارق : يعني عم تشاورني
تقي : اي ليكها عم تسمعك
طارق : ازا الفيلم حلو شو علاقتي انا
ابتسم تقي ل بريق
تقي : كتير حلو
طارق : اتهنوا ازا هيك
سكر معو وشاف بريق كيف عم تفكر
تقي : وافق
بريق : بس منيح انو خبرناه
تقي : وما عندي مانع عطول تخبريه بالعكس هيك عم تعجبيني اكتر
راحو للسينما كان زحمة ومبين الفيلم عالمي
🦋🌹🦋🌹
ليلتها ما نام كان عم يتقلب على فرشة ارضية
ويفكر بكلام بريق عن المصاري
تقي : من ايمتى بقبل بنت تساعدني لك كيف بدي احكيلا هاتي المصاري وافقت بس كمان عهد عليي ارجعلا اياهن وفوقهن حبة مسك بس المخاطرة انو ما تزبط واصير مديون الها كل عمري وبعدها شو عيني من حالي كيف بدي احس حالي رجال وبنت الي دينتني مصاري وفي حال ما زبط المشروع رح يتلغى العرس من اصلو لانو ما قادر افتح بيت وبكرى يصير عندي اولاد ويصير فيني متل ابو طارق عاش كل عمرو من خير بيت حماه وببيت مرتو اي لا ما زابطة بكرى رح انزل من عين ولادي كمان وما بقى يحترموني شو اعمل او شو اتصرف بهالمصيبة لو اجلت كتب لكتاب كان كلشي اختلف وما كنت اوصلت لهون بس كأني ما استغليت الفرصة او يمكن فكرت مطاوع ما يستغني عني
🌹🦋🌹🦋
في شو جواتي بيشبه الغصة مابعرف هو زواج منى بهالكم يوم او لانو تقي اجل عرسنا ولا انا غيرانة من دلال طارق لمرتو لجديدة او مقهورة بسبب زواج بابا مابعرف حاسة كلشي عم يقلب ضدي وما عم اتخيل موضوع العرس من اصلو الاحسن ما اشيل هم بكرى «لبكرى بيفرجها الله»
🦋🌹
كان طارق مبسوط كتير عم يسمح على شعر عليا بحنان وحب
عليا : عنجد بكرى بدك تروح للشغل
طارق : ازا بدك مابروح
عليا : يعني مارح تكون وقت الغدا
طارق : لا ازا رحت لمحافظة تانية مابقدر بس بوعدك ارجع المغرب ونتعشى سوى
عليا : اي موافقة شو كان بدها منك شهد
طارق : قصي عليه حرارة جبتلو دوا..ليكون غرتي عليي
عليا : لا هدول ولادك كمان
طارق : وانتي حبيبتي كمان
عليا : يعني بتحبني كتير
طارق : حب فوق المعتاد هيك بدك وبتعرفي انا ما تخيلت احبك هيك وانو انبسط معك هيك
عليا : انا كمان مافكرتك هيك حنون
طارق : اعترفي اني رومنسي
عليا : ههه اي وكمان رومنسي بس حنيتك غالبة ع كل اطباعك
طارق : مبسوطة انو ساكنين هون
عليا : اي وعم تعلمني مرت عمي الطبخات الي انت بتحبها
طارق : بدك الصراحة عندي هاللحظات اهم من الاكل والشرب
عليا بخجل : كتير لاحظت عليك هالشي
طارق : دخيلو الفلهوي
🌹🦋🌹🦋
‏هناك أشياء تضيع وترحل بسهوله
_ "العمر" أهمها ___و"الحب" أفضلها
_و"السعادة" أكثرها
_وهناك أشياء ستبقى وإن رفضتها
"الذكريات" أولها__ و"الحزن" أصعبها
_و"القسوة" أبغضها
وهكذا تمضي بنا الحياة شئنا أم أبينا
#مقتبس «آثر»

🦋🌹🦋🌹
الجزء الحادي والعشرون
و بعيد صعب اوصلك♪
معقول قلبك ما قالك♪
جنيت كتير اشتاقتلك
ويدوب القلب شوق وحنين
ويهون عليكى حبيبك
عم بعيش بقلبى لهيبك
صليت شى نسمه تجيبك
تطفى بقلبى نار السنين
سر العذاب
اللى بقلبى بعدك ما عرفتى
يندق الباب
افتح وتكونى مش انتى
قولى يا بابى وينهم احبابى
على اعصابى ناطر مين
قعدت وايدى على قلبى
ايام وليالى الغربه
خبيت وشو بدى اخبى
صار الدمع بعينى حزين
روحى وعمرى وحياتى
حبك عايش بذاتى
وينك عم تخلص دمعاتى
خلى قلبك مره يلين
« صوتو العذب داوي بكل أرجاء المسرح وعم يغني بكل إحساسو وصوت الجمهور عم يهتف بصوت واحد (سومر سومر) تصفيق وتصفير متتالي الجمهور جانن فيه ع الأخير»
بعتلهن بوسات على الهوى ولوحلهن بأيدو ليصير بالكواليس وكالعادة اتقدموا لعندو صحفي من مجلة تابعة لمنصة الكترونية ابتسم بكل تواضع
الصحفي: يعطيك الف عافية استاذ سومر
سومر : يعافي قلبك
الصحفي : نحن من منصة صوت الحب وحابين نعمل معك لقاء صحفي
طبعاً الكاميرا جاهزة وعم تصور
سومر : اتفضل
الصحفي : شو شعورك اليوم وانت واقف قدام هالكمية لكبيرة من المحبين
سومر : الصراحة شعور لا يوصف الحمد لله محبة الناس بتكبرلي قلبي
الصحفي :الليلة قدمت مزيج كبير من اغانيك واغاني لفنانين كبار ومنهم الفنان كاظم الساهر والفنان سعود ابو سلطان فيك تخبرنا شو سر غناءك الهن

سومر : محبة اكيد وبدو يكون غير المحبة يعني
الصحفي : بدنا شي خاص وحصري لمنصتنا
سومر : عم يتحضر للعمل واكتر من هيك مافيني احكي
الصحفي:وجه كلمة لمحبينك عبر منصتنا
سومر : كل الحب الهن ولكل حدا دعمني لولا محبتكن ما اوصلت لهون
الصحفي : شكرا الك استاذ سومر بتنمالك التوفيق
سومر : شكراً
دغري مشي والتقى ب آدم مدير أعمالو
ادم : إدارة التنظيم ناطرتك بالشركة
تقي : ما بيتأجل
ادم : بس ما تكون تعبان
تقي : هدول ساعتين مش لعبة
ادم : كتير ابدعت الليلة الي قدمتو شي واوو
تقي : ما توقعت يعني
ادم : امبلا بس مش بهالحماس والاحساس
دغري فتحلو المرافق باب السيارة وطلع هو وادم بالمقعد الخلفي
ادم : للشركة لو سمحت
تقي : اعطيني موبايلي
اعطاه اياه ودغري فتحو رسائل بكميات كتيرة ودغري حذف كل الاشعارات وفتح الفيس بوك كان مهووس بأخبارو لدرجة كبيرة
ادم : اسمعني تقي ما تتهاون ابدا مع سفيان باشا انت عم تعطيه مجال للاخد والعطا بتقرأ شروط العقد بالاول
تقي : مارح اقرأ ولا شي هو لشو ناطرني
ادم : بيستغل كل الفرص ما حلك تتعود عليه
تقي : انا مو مسدء اوصل الفندق هلكان من تعبي
ادم : بدي منك تريح هاليومين عنا عقود وسفر
تقي : منحكي بعدين
تأفف منو آدم وكملو للشركة نزلو وتوجهوا لمكتب سفيان باشا الي انبسط بشوفة تقي
صافحوا بحرارة وسلم على مراد مدير العلاقات العامة للشركة
سفيان :نورتني و ابهرتني
تقي : ما كان العشم يعني
سفيان : امبلا اتفضل
قعد وقابلو ادم
سفيان : عجبك تنظيم الحفل
طبعاً من نظرات عيون أدم يجاوب
تقي : هيك وهيك
سفيان : خبرني شو الي مش عاجبك
تقي : المايسترو ما كان يعطيني اللحن الي بدي اياه واكتر من مرة طلع عن اللحن وانقذت الموقف
سفيان : حضورك كان شي مميز وهاد بيكفي
مراد : مو بس حضورو اليوم اسم سومر يعتبر ورقة رابحة لاي شي.... اعلان تيتر مسلسل
ادم : الاستاز سومر من الظهر بروفات وبتعرفو كتير تعبان
مراد : مع انو فرصة نحكي معك
تقي : تناقشوا مع ادم
سفيان : شوفي عندك بكرى
ادم : دعوة عشا
سفيان : الي بعدو
ادم : عنا سفرة للأردن
سفيان : ماعندي مشكل مننطر لبعد رجوعو
ادم : منبقى على تواصل
سفيان : بتحب نحول اجور الحفل لحسابك البنكي ولا بتحب تستلم هون
ادم : بظن حكي اكتر من مرة بخصوص الدفع
سفيان : لكن اتفضل وقع على عقود الاستلام
اعطاه اوراق وقرأهن بتمعن وادم مراقب سفيان باشا ومراد وبعد تفحص وتمعن وقع واستلم ادم المبلغ وسلموا عليهن وطلعوا من المكتب وبطريقهن للفندق
~~•
سنوات من عمرنا ….. مرت كلمح البصر …
غيرتنا الظروف …. التي عشناها فيها …
تغيرت مفاهيمنا … وأولوياتنا …. وأساليبنا ….
تغيرت حتى ،مقامات الناس بحياتنا ….
تلك السنوات ،غيرت كل ما فينا …
حتى وصلنا للنسخة … التي نحن عليها الآن …
ففي حياة …… كلٍ منا لحظة معينة ….
لا نعود منها أبداً …. كما كنا
🌹🦋🌹🦋
اطلعت من كل الفيس بوك بس فاتت عليا لعندي
عليا : فكرتك نمتي
بريق : لا ابدا ما جاييني نوم
عليا : عم نشرب قهوة ع البلكون
بريق : يلا اجيت
سبقتني ربطت شعري واللبست يانس الصلاة واطلعت لعندهن كان طارق منسجم بالجو
بريق : فكرتكن نمتو
طارق : ما جاييني نوم مشغول بالي مشان لبضاعة
بريق : لا تشيل هم الا ما يردلك خبر
طارق : الله يسمع منك انتي ليش مو نايمة
بريق : لسى بكير
من نظراتو افهمت عليه هالتطليعة بتعني انا بعرف بشو عم تفكري
عليا : ما طولت منى
طارق : بنتها ما سكتت
عليا : قصي بالغلط دفشها وهي كتير مدللة
طارق : اي شفتو شو بدو يحكي الواحد
فتح موبايلو وشوي اسمعت نفس الصوت صراخ الجمهور الظاهر عم يشوف نفس المقطع ودغري قلب على فيديو تاني
عليا : كان عندو حفل
طارق : شفت
عليا : الفيس عبارة عن سومر ونجومية سومر
طارق : مع انو نحن منعرف انو هاد تقي
غصيت وكان بدي اختفي من الحياة كلها هلا تقي ما عاد تقي الي منعرفوا
عليا : انا بحس انو غير تقي الي منعرفو
طارق : اي طبيعي هلا صار نجم وما بيتحاكى
عليا : ليش ساكتة بريق
بريق : شو احكي
طارق : لا تفكري بشي اختي هو الخسران
#فلاش_باك
اتصال هاتفي بينو وبينها
تقي : شوفي بريق
بريق : ليش ما عم ترد انا مشغول بالي عليك اوصلت
تقي : اوصلت من زمان وهلا مشغول كتير
بريق : لا تسكر بترجاك اسمعني
تقي : شوفي بسرعة احكي
بريق : انت مابقى بدك اياني
تقي : انتي وين وانا وين بريق انا ماني فاضي متصلة مشان هيك و مشان المصاري رح احولك اياهن اول ما يتأمنوا معي
بريق : شو جاب سيرة المصاري انا مشغول بالي عليك
تقي : احكيني بوقت تاني
بريق : اس
بوقتها قطع الاتصال فجأة
#باك
طارق : وين شردتي
بريق : لا ما شردت

طارق : لا بقى تفكري فيه خلص كل هالدنيا قسمة ونصيب ونصيبكن مو لبعض
بريق : اي بعرف الحمد لله على كل حال
كملت فنجان القهوة وفتت لغرفتي لليوم ما عم استوعب كيف سافر و صار الحكي معو شبه مستحيل وكل عشر اتصالات ليرد ع اتصال وكل اتصال يكون مشغول ومو فاضي وما يتكلف ويرد واخر شي بتوقعوا يصير فنان معروف والله متل الكزب ما عم اصدق تقي صار واتصور
🦋🌹🌹🦋
بالفندق كان عامل دوش ولابس شورت وبلوزة قطن وقعد على طرف التخت يقرأ التعليقات على الحفل ومبتسم«بيجنن هو وحفلاتو....دخيل سوريا لاجلك......ابن البلد الغالي.....سومر النمبر ون وبس......منتمنى تغني بالبلد....نجم وفخورين فيك»
وطبعاً انتقادات سلبية بس ما كان يتأثر المهم انو عم يحقق كلشي ببالو
بعتلو ادم ع المسنجر
ادم : نام حاجة سهر
حط الموبايل بجيبتو وطلع للجناح الي فيه ادم فتحلو الباب وعلى عيونو النوم
ادم : نام خلصنا
تقي :...
دفشو وكمل لجوى
تقي : انت مدير اعمالي مو حياتي
ادم : لازم تعرف السهر مو لصالحك يا خيي وسفرتك للأردن طويلة عندك حفليين ورا بعض وافتتاح فندق يعني من اسبوعين ما بتخلص
تقي : انت ليش شايل همي اكتر مني شفت أصداء الحفل
ادم : اي شفت وقريت كل التعليقات
تقي : شو رأيك
ادم : كلشي انكتب قليل عليك انت مبدع تقي
تقي : انا ما عم سدء انو هون صرت
ادم : بس مش بسهولة
تقي : بحس الظروف الي كانت مرافقيتني يوم او يومين متل الحلم بتسدء
ادم : الحلم انك توقف قدام كل هالجماهير اليوم
عنجد انا كنت بحالة من عدم الاستيعاب شهرتك متل النار فجأة شعلت الدنيا
تقي : رح تكون طويلة سفرة الاردن
ادم : مش معقول انت اكيد عم تفكر بشي
تقي : حابب انزل للبلد
ادم : اوعك يا خيي ازا ما كانت دعوة لاحياء حفل ما بقبل
تقي : لنشوف اخرتها معك
ادم : يلا من غير مطرود ع النوم دغري التعب ظاهر عليك
تقي : ماشي تصبح على خير
ادم : وانت من اهلو
رجع لغرفتو وحاول ينام بس لساتو متأثر بنجاح الحفل وعم يتزكر التفاعل على اغانية تصوير المعجبين وحتى الي كانو ناطرينو بالكواليس ابتسم ب رضا وغط بنوم عميق
❤️🦋❤️🦋
وببيت ابو همام كان صوت تيا عم تبكي والعيلة بلشانة فيها ومنى عم تجهز الفطور ومنى الأنيقة عم تنطفي يوم بعد يوم بسبب الحمل والبنوتة الي عندها التمو على طاولة الفطور وبعد الفطور لبس ريان ونزل لشغلو التقى ب طارق عم ينطرو بالسيارة ركب حدو
ريان : صباحك ابن حمايي
طارق : صباحك صهري طولت ولوو
ريان : لحتى افطرت شفت مبارح حفل بيروت
طارق : ليك اخلصت من عليا وما سدءت لساها عم تفرجيني مقاطع الحفل مو مخليه شبكه تواصل وفانزات ل تقي مو متابعتها بقلمي مايا الحجازي
ريان : انا ما عم سدء مبارح الجمهور كان شي روعة ولو شفت وقفتو ع المسرح وتمكنوا من الغناء وكيف عم يمزح مع الفانز ويشاورهن
طارق : انت حضرت كل الحفل
ريان : اي ع البث المباشر على الانستا معقول طارق سومر هو تقي
طارق : هو ومية هو
ريان : وشفت صفحات الفانز كيف عم يصممولو اغاني على صورو وفيديهاتو وتفاعلو بالحفلات
طارق : شيلني من سيرتو يا زلمة
ريان : لو ما ترك بريق كنت رح تنبسط فيه
طارق : ريان بترجاك لا بقى تجيب سيرة هالزلمة ع لسانك انا بالزور عم انسى شو عمل
ريان : بس سدءني بكون ندم
طارق : مارح يندم تقي خلص بطل تقي الي منعرفوا
ريان بمزح : بس حلوين اغانيه
طارق : هفففف يارب خففلي اهتمام ريان وعليا ب تقي
والاحسن يشغل الراديو ريان وتكون اغنية ل سومر
طارق : هاد الي كان ناقص
بس ريان انبسط لانو معجب فيه وبصوتو كتير وبيعرفو اديشو متواضع بس صرلو شهر باعتلو رسالة ومو شايفها حتى
ريان : معقول صار شايف حالو حتى علينا
🦋🌹🦋🌹
كانت ناطرة يطلع ابو تقي للجامع ومو مسدءة ايمتى تفتح جوالها لتشوف ابنها على مقاطع الفيديو ولانها بتعرف انو كان عندو حفل ليلة مبارح
ابو تقي : بس يجهز الغدا خبريني
ام تقي : ليرجع عماد من دوامو يعني ع التنتين
ابو تقي : كتير منيح
حمل حفيدو عبد الله وباسو
ابو تقي : بارك الله فيك
طلع من البيت والمسبحة بأيدو وسرعان ما فاتت لغرفتها وفتحت الجوال ومن القوقل بحثت على اسم سومر وفتحت الفيديو وسالو دموعها وعلت للصوت لتسمع صوت ابنها الي مليان احساس وكيف الجماهير متفاعلة معو وكيف عم يغنو بصوت واحد
كان لابس قميص زيتي نص كم وبنطلون ابيض وأنيق لابعد الحدود وهالمقطع بالذات اثر فيها كان مبين عليه التعب من الحفل والصحفي سألو لمين بتهدي نجاح الحفل ليجاوبو « لاهلي ولامي بالتحديد»
الصحفي : الوالدة بتدعمك
تقي : اكيد بتدعمني بوسات كتيرة لالها
سكرت البرنامج كلو وانهارت من البكي كانت مشتاقة الو شوق كبير وما عم يروح من بالها ولا شوي وماحدا مسترجي يجيب سيرة نجاح تقي بالبيت ولا حتى بالحارة