بريق : صباح الخير
ابتسامتو لبكتني بزيادة
تقي : صباح النور
بريق : وين طارق لكن
تقي : ساحبها نومة في شي
بريق : كان بدي منو شغلة
تقي : يعني ما بدك تطمني عني
وحسيت قلبي دق بقوة
بريق : اي صحيح كيف صرت
تقي : احسن من هيك بنتزع
بعدت نظري عنو لانو نظراتو عم تخوفني
بريق : طيب لكن انا تاخرت عن المحل ازا صحي طارق خبرو...او قلك هلا ببعتلو شو بدي منو
تقي : ايه نيالو
بريق : يلا بالازن
هربت منو هريبة وابتسمت اول ما اطلعت واسمعت صوت الشباك عم ينفتح لمحتو لمح واقف يخرب بيتو مو مبين عليه انو ازعر هيك فتحت الغلق وفتت للمحل وحاسة بتفاؤل كبير يمكن لانو تقي مافيه شي او لانو شفتو عند هالصبح شو بيتعاطى لحتى هيك عندو جاذبية
🌹🦋🌹🦋
لساتو مبتسم وقلبو يخ

- النص المستخرج من الصورة: 📝
٢:٥٣ ص
ا
١٩٣
AY
K/S
لساتو مبتسم وقلبو يخفق من عند الصبح وراح ليشوف شو
بدها من طارق شاف الاشعار من شاشة الموبايل
بريق : بس تصحى ناطرتك بالمحل
تقي : نيال كل حدا بيتواصل معك
واتلبك
بس شاف طارق عم يتقلب سكرو واتنفس براحة لانو
کمل نومتو طارق
وطلع من الغرفة يسجلا صوت
تقي : يسعد صباحك اما شو صباح منعش عيونك مع
ابتسامتك ونظراتك الخجلانة بيسوو الكون كلو بدي نحكي
لانو ما ضل معي مجال لشي لازم نحسم أمورنا.... بريق اسمك
بيكركبني يسعدلي ملامحك أي
بعتو وقعد على الكنباية وما استغرب دغري استلمتو
كان قلبي ينبض اصلا انا عشقانة نبرت صوتك كيف هيك بدي
اهدا يا الله اسمي من صوتو عالم تاني سكرت الموبايل بعد
ما ارشفت محادثتو
رشا : صباحو بريق
بريق : مبكرة ولووو
رشا : مو قلتي بضاعة وترتيب
بريق : ابو البضاعة نايم
رشا : منتظر شو ورانا
لساتني عم افكر فيه وطايرة من الفرح
كنت دائماً اتمنى مجيئ شخص يحتويني بكلماته وقت
حزني شخص يعوضني عن كل الاشخاص الذين مروا وضروا
في حياتي
كان دائماً مطلبي الحنان الحنان فقط، طوال فترات حياتي
افتقدث للظمأنينة، افتقدت للأمان، كنت دائماً أتمنى أن
يعوضني الله بـ أشخاص يمنحوني ما أمنحه لهم
افتقد جداً معنى أن يستقر قلبي في موضع لا يخشى
منه.... الخذلان وبكل مرة اشعر أنني بحاجة لشخص يقف

منه.... الخذلان وبكل مرة اشعر انني بحاجة لشخص يقف
بجانبي، كنت اتمنى
وجود شخص قادر على التعامل مع جميع حالاتي المزاجية
#مقتبس «آثر»

تفاعلووو لكمل القصةة😒

الجزء الثاني عشر
ببيت ابو تقي كانت تبارك بزيارتهم والوضع مكركب وماحدا بيعرف انو ابو تقي حرق كلشي بيخص ابنو كل الي بيعرفوه اختفوا اغراضو
عم يحضرن للغدا بالمطبخ وعماد قاعد مستمع بالبداية
تبارك : لايمتى ماما
ام تقي : مابعرف النقاش معو عقيم
تبارك : واغراض تقي
ام تقي : بدو يكون اعطاهن لناس محتاجة
تبارك : بس تقي ما لبس منهن المفروض خلاه ياخد اغراضو
ام تقي : بترجاكي تبارك سكري ع موضوع اخوكي قلبي محروق عليه وماني قدرانة ادافعلو
عماد : شو المشكلة الاساسية مو من حقي اعرف
تبارك : خبرتك مشان حفل الخطبة
عماد : وين الغلط حب يشارك رفيقو فرحتو
ام تقي : بس مو يغني بالحفل
عماد بصدمة : غنى
تبارك : ومو بس بالحفل تقي بيغني بالمطعم الي عم يشتغل فيه
عماد : كمان
ام تقي : سكرو ع السيرة اجى ابوكن
سكتوا ولا كأنو كانو يحكوا والخوف اتملكهن
🌹🦋🌹🦋
بالسيارة مع طارق كان تقي عم يريح ايدو مكان سحب الدم
تقي : شو بدو يكون معي
طارق : مو ضروري يكون شي بس الاحسن تعمل هالتحاليل
تقي : وهلا وين عازمني
طارق : ع الربوة
تقي : والله انك كفو دلل مرتك تجدها
ههههه
طارق : لترضى مرتي بدللها
تقي : احكيلي ولووو
طارق : بعرفك مو فضولي
تقي : ببالي مية شغلة
طارق : اقترح لشوف
تقي : مو مهتمة بالبيت ولولاد
طارق : لا
تقي : بتعمل مشاكل مع اهلك
طارق : لا
تقي : مو نظايفية
طارق : كمان لا
تقي : مصرفجية
طارق : لا مو مشان هيك
تقي : يعني الي ببالي
طارق : واتعبت وبقول اليوم وبكرى
تقي : معقول بعد سنين زواج ما تناقشتوا
طارق : امبلا بس بنهاية المطاف ماعم نتوصل لحل للمشكلة
تقي : انا الي بعرفوا المراة غير الرجال يمكن المشكلة فيك
طارق : شو قصدك فيني
تقي : يمكن عم تكون اناني معها
طارق : معقول بتفكر فيني هيك انا اكتر حدا رومنسي ومعاها بالتحديد بنسى حالي
تقي : بدي اقترح عليك
طارق : هات لشوف
فتح عيونو بصدمة طارق للااقتراح
طارق : لك يخرب بيتك ع هالحكي
تقي : ههههه مافي غير هالحل قدامك
طارق : صرت اشك فيك
تقي : بسمع من الي بيشتغلوا معي
طارق : يعني اصالحها
تقي : الاحسن تتصالحوا اكره شي ممكن يصير تترك مرتك البيت وتتركها ع راحتها جرب ما بتخسر شي وفي حال ما صار الي بدك اياه فيك تتجوز وما عجبها تتركك
طارق : بس انا بحبها حاولت اكون مع غيرها في شي بيمنعني
تقي : بس لازم تلاقي حل لمشكلتك والا بتروح عليك
طارق : هلا خلينا فيك انت شو الوضع عندك
تقي : بالكتير بكرى بكون مداوم بالمطعم
طارق : ازا بدك اي مساعدة انا موجود
ضربو على كتفو
تقي : انت اخ منك والله كفيت ووفيت ما بنسالك وقفتك معي
طارق : لو صاير معي شي مارح تتركني بعرفك
تقي : بس انا بدعمك معنوياً غيرو مافيني
طارق : المهم الاقيك وقت الشدة هيك بقصد العبرة بالمواقف مش بالدفع.
تقي : بهي معك حق
اتغدوا بالربوة وكل شوي تقي يتشجع ليفتح موضوع بريق مع طارق وبالاخير نطق
تقي : كنت بالمحل
طارق : شاورتني بكم شغلة
تقي : كتير متطور المحل
طارق : بفضل بريق
دق قلبو بقوة تقي وحس بالخجل بس سمع باسمها
تقي : ليش خطبتوا الصغيرة قبل الكبيرة
طارق : ما حبينا نوقف بوجه مستقبل منى والله بيبعتلا لبريق لانو ما بينقصها شي .
تقي : انا خجلان منك
طارق : مني ليش بقى
تقي : انا ....انا
طارق : شبك احكي ليش اتبلكمت
تقي : انا رايدها ع سنة الله ورسوله
عرضت ابتسامة طارق رفقاتو يصيرو اصهرتوا
طارق : طيب وليش خجلان
تقي : حاليا مامعي تكاليف الزواج بس شهر بالكتير بكون مأمن كلشي
طارق : بتشرفنا حتى لو الوضع ما زبط
تقي : ما بقبل بشي حيلا مابدي يكون حظها ناقص عن بنات الحارة
طارق : ازا وافقت بريق خلص اعتبرها صارت خطيبتك
هالحكي زرع جواتو امل وفرحة مالها حدود
طارق : ليكون حكيت معها
تقي : مو حكي بس يعني بتفائل وقت اشوفها
طارق : يا ويلك اسمع انكن على تواصل
تقي : اخراس حاجتك لعي
طارق : هههه والله بحكي جد
تقي : قلتلك اخرس سدو ع الاخير
بقلبو : اديش مشتااق للحظة الي تكوني فيها شريكة عمري
كان طارق شايف بعيون تقي فرحة ومبتسم وشارد الاخ
طارق بقلبو : عليم الله غرقان لشوشتو والاحسن يكونوا لابقين لبعض هالتنين
اي مابدي احسن من هيك اخواتي ورفقاتي الله يتمم على خير
🦋🌹🦋🌹
نقزت من زمور السيارة انا شاردة لابعد الحدود نزلو لتنين منها وحاولت اتجاهل قد مافيني فات طارق للمحل وغمزتو خجلتني بزيادة
طارق : ما خلصتي
بريق : ناطرة الموزع
طارق : شهم حكى معي مابدو يجي
بريق : اي ازا هيك حاجتي اليوم
لمحت تقي عم يدخن ويتمشى برى
طارق : نحن اتغدينا بس ترجعي جهزيلي ابريق شاي مبارح عملت شاي ما بينشرب
بريق : تكرم اخي
طارق :...

طلع لبرى وانا فتت للغرفة اجهز حالي للرجعة لمحت الشنتة الي فيها قميص تقي وابتسمت
حطيت المصاري بالشنتة واطلعت من الغرفة بعد ما قفلتها و اطلعت انا ورشا نزل طارق الغلق وسكرو ومشي مع تقي قدامي راجعين للبيت
🦋🌹🦋🌹
كان قلبو فرحان لشوفتها صبح ومسا ومفتخر انو رح يكون صهرو ل طارق لانو بيعرفو كفو وابن حلال وما استرجى يتطلع وراه ابدا
طارق : يا ترى وين ريان
تقي : من يوم خطب شطبت عليه
طارق : بس ع الاكيد بشغلو
تقي : بس ما بقى سهر معنا
طارق : بدي اسهرو معنا غصب عنو وبدك تغني غصب عنك
تقي : حاجتك يا زلمة هالغنى جاب اخرتي
طارق : مو بكيفك بعرفك بتحب الشاي بدي اجهزلك شاي ع كيفك
تقي : ازا متل مبارح لا مابدي يستر ع حريماتك
طارق : ههههه غصب عنك مو بكيفك
تقي : لنشوف اخرتها معك
استغل الفرصة كان طارق يفتح الباب لهيك اتطلع بمدخل البيت وشاف بريق وسرعان ما فات ورا طارق واتسكر الباب
كان يوم بالنسبة الو مميز بأمتياز
🌹🦋🌹🦋
شو حلو هالشعور في حدا مهتم فيني مو اي حدا انا كتير معجبة ب تقي لانو عطول بلاطفوني الموزعين بس تقي حالة خاصة ومبسوطة لاني رح اجهز الشاي بأيدي كانت منى ع غير العادة ضاربة بوز ومتابعة ع الشاشة
بريق : هاياتك
منى : اهلين
بريق : شوفي وليه
منى : اوووف مالة
بريق : وينو عنك العينتين
منى : مغلق من الصبح
بريق : شو ذنبنا نحن
منى : مين حكاكي بريق
بريق : يوه كل هالنفسية مبينة بدون ما تحكي
منى : فيكي تطنشي وجودي
تركتها وفتت للغرفة بدلت تيابي اللبست بيجامة للبيت وغسلت ورحت للمطبخ رأسا اجهز الشاي اول اشعار اجى لموبايلي خلا قلبي يدق بس اتزكرت انو خليت محادثتو مؤرشفة لهيك خف توتري شوي
كان نفس الرقم مو مسجل وباعتلي رسالة عادية
تقي : اسهري ع الشباك بدي اغنيلك غنية حلوة متلك
بلعت ريقي ومسحت الرسالة دغري كنت خايفة ومابعرف من شو
بس ع الاكيد اخد رقمي من طارق الصبح يا ترى شو بدك مني لك تقي معقول عم يجربني تجربة
بس والله جواتي شي غريب وإحساس حلو اول مرة بجرب حدا يهتم فيني هيك ولسى استغل الفرصة واتطلع فيني قبل يفوت للبيت
منى : بشو شاردة
بريق : اه....انا لا بس عم اجهز الشاي
منى : الك
بريق : لطارق
منى : شو قصة تقي ليش ساكن عند اخي
بريق : الجواب الشافي عند طارق اسأليه ازا بدك
منى : يرد ريان وكلشي بيهون
بريق : يرد..؟؟؟ مو قلتي مغلق
منى : بدك الصراحة
بريق : اي
منى : تخانقنا
بريق : هيك احكي من اول
منى : وانتي السبب
بريق : انا
منى : اي لا بقى تمزحي
بريق : امزح
منى : اي مبارح وقت ارجعنا من المطعم
بريق : بس انا ما مزحت
منى : بس هو كتير انبسط من كلامك
بريق : انتي عم تغاري عليه مني
منى : مو غيرة بس ..بس امو واخواتو وقت اتقدملي حكولو بريق احلى شو عجبك بمنى
بريق : من غيرتهن انتي احلى منهن كلهن معقولة انتي
منى : اي معقولة
بريق : روقي مو حرزانة اوعك تزرعي براسو هالفكرة ولازم ما تسمحي لاي حدا يخرب عليكي وعليه ولو هني حكو المهم هو بمين اعجب ولمين اتقدم
منى : بعرف
كنت مقهورة منها كتير وغاصة من كلامها بلشت اجهز الشاي
بس ما كان كلامها يروح من بالي ولا حتى لهجتها وحسيتها صغيرة عقل وروحتلي فرحتي ب رسالة تقي
🦋🌹🦋🌹
كان عم يغني يصوت واطي
تقي : ما اشربش الشاي
طارق : خلصنا مطول عندك
تقي : اجى ريان
طارق : والشاي جهز
اتفقد ايديه
تقي : وينو
طارق : ليكو ها
تقي : لك مو شايف شي
طارق : لك والله جاهز
تقي : معك بايدك
طارق : اي ليكني حامل الابريق
قرب تقي منو ولف لفة حواليه
تقي : وينو مو شايفو
طارق : ليكون عليك حرارة
دفشو تقي وصرخ طارق
طارق : لك حرقتني
تقي : بربك عم تمزح مو
طارق : لك والله جاهز
تقي : بالمطبخ صح
طارق : طالعتو لبرى
تقي : ما شفتك اطلعت
طارق : روح اتعالج
تقي : لااا بدو يجنني والله
طلعوا سوى كل واحد معو موبايلو وانصدم تقي انو الابريق بصينية قريب من الباب
طارق : اتعالج تقي
تقي : بزمتك اطلعت من البيت
طارق : اي
تقي : غريب
بقي مصدوم تقي طلعوا لبرى كان ريان قاعد وضارب بوز
تقي : والله اجواء الخاطبين مو من اجواءنا
طارق : عبرنا يا مدمرنا
كمان ما رد
صب الشاي وبلشوا سهرتهن بجنب البيت
🌹🦋🌹🦋
كنت ناطرة يغني ومنى مو عاجبها انو ريان سهران مع الشباب
منى : شو بتستني
بريق : بتعرفيني بحب سهرتهن
منى : اي بعرف بشوفو جاي يسهر
بريق : يعني كيف اتخانقتو
منى : قلتلو مين احلى وعصب وصار يحكيلي انتي عقلك صغير وغير هيك ما كنتي سألتي هالسؤال وانو عيب عليي اقارن
بريق : الله يصلحك تاني مرة لا تتأثري بكلام حدا وهو حابك ومعجب فيكي والا ما بيتجرأ وبيخطبك
منى : ما بقى أعيدها بس عقلو ما عم يلين لك مطنشني عينك عينك بيفتح وبيسكر وشايف رسائلي

بريق : بس يروق اتصالحوا ما حلوة لساكن مخطوبين
منى : وهو هيك
وفجأة بلش تقي يغني ومع هالغنى قلبي يدق بسرعة
«لما طل وشوفك يوم بالاهات بنسى اللوم
طلع فيك بدي جن بدي اياك عليي تحن
لما قلبي يدق يدق بغار عليك لما عيني ترف ترف
بصون عنيك لما روحي ترق ترق بتبقا ليك
لما قلبي يدق يدق بغار عليك لما عيني ترف ترف
بصون عنيك لما روحي ترق ترق بتبقا ليك
الغرام لو ينقاس حبي ليك ليك الاساس شو مصار
اوعا تغيب راح بتظل اغلى حبيب
لما قلبي يدق بغار عليك لما عيني ترف بصون عنيك
لما روحي ترق ترق بتبقا ليك»

🌹🦋🌹🦋
كان طارق وريان منسجمين ع الاخير وبقيوا ساكتين
تقي : ما علقتوا
طارق : دبحتنا يا زلمة لك كيف دافن هالموهبة
تقي : هههه هي الموهبة رح تدفني اخر شي
ريان : لا اليوم غنيت بأحساس
طارق : وانا لاحظت هيك
تقي : شو قصدكن يعني
طارق : في شي باحساسك مختلف كنك عم تغني لحدا
تقي بخجل : هههه خود فتش ازا مو واثق
طارق : ولشو اخترعوا الحذف
تقي : براحتك لا تسدء
ريان : لازم سجلنا الاغنية
طارق : ما خطرلنا انو الاخ بيغني اوقات بغش واوقات من كل قلبو
تقي : هههههه بس حلوة لا تحكولي
ريان : بتجنن انا شايف نجوميتك عم تلمع
طارق : هو بس لو يتجرأ صدقني مارح يكون فنان عادي
تقي : بس هالشاي شغلة
طارق : ههههه حبيت
تقي : عنجد اسمو شاي مبارح ماكان شاي
طارق : هههه شو كان
تقي : مي صفرا
ريان : هههه واشربت
تقي : مبارح كلو مو زابط حتى شاي طارق
ريان : انا انعست
تقي : لك خليك مدايقنا
طارق : احلف بدك تنام
ريان : والله
تقي : تصبح ع خير
ريان : وانت من اهلو
تقي : بتسمحلي افوت انام
وقف طارق ومد ايدو ساعدو يوقف وفاتوا لجوى سوى
🦋🌹🦋🌹
غمضت مبتسمة لسى ما عم انسى نبرتو واحساسو والاحلى من كل هاد رسالتو
تقي : اسمعتي؟؟
غصب عني رديت ما اقدرت اطنش
بريق : كل الحارة مو بس انا
تقي : انتي وبس بتعنيلي شو بدي بالحارة
بريق : شو بدك تقي
تقي : مابدي الا نكون لبعض
بريق : مابعرف الموضوع بايدك
تقي : وهو هيك طيب حاكيني بكرى
بريق : بشوف شو بصير معي
تقي : بحبك
غمضت وقلبي أعلن النفير العام
سكرت وحسيت انو هالكلمة رح تموتني
معقول تقي يحبني وين كان مخبي كل هالشي دخيل قلبو
🌹🦋🌹🦋

وعند شهد كانت عم تحاكي طارق ومتيسة
طارق : جهزي حالك جاي اخدك بكرى
شهد : وشو الضمانة ما ينعاد اخر فصل
طارق : لساتني بسايرك والله
شهد : ماعم تفهمني كرهتني حالي
طارق : مستعدة للطلاق
شهد بخوف : بدك تطلقني
طارق : ماعم تعطيني حقوقي متل مابدي عقدك النفسية ع حالك مو عليي وازا ما عاجبك بدي اطلقكك
شهد : اي هاد تحريض بريق انا بعرف
طارق : شو علاقة بريق فينا قسمابالله ازا لسى بتحطي اختي بالنص لاخليكي تندمي يا شهد
فصل الخط وغمض بقهر وعلى شوي رح ينجلط
🌹🦋🌹🦋
وعند ريان كان عم يحكيها بدون نفس مراسلة
ريان : ازا لسى بتقارني حالك ومكانتك عندي اعتبري انو خطبتنا انتهت
منى : ما قصدت
ريان : انا ماني صغير منى وبعرف شو بدي
منى : طيب لا تزعل غلطة وندمانة عليها
ريان : انتي هيك عم تخربي ع حالك وعليي وحتى ع اختك الي لساتها عزابية
منى : معك حق مابقى اجيب سيرة الغيرة بس فكرتك بتحبني اغار عليك
ريان : بريق اختي بعهد الله وما بسمح بلي حكيتيه مرة تانية واهلي اي حكولي بريق مناسبة بس انا حبيتك الك مو الها
منى : سامحني بترجاك
ريان : طيب لا تشغلي بالك انا بحبك وغير هيك ما بزعل منك
منى : المهم لا تطنش رسائلي
ريان : بأمرك انا
ما كان بيعرف انو منى منهارة من البكي وندمانة ع كلشي صار بينها وبينو من مناقرات
🌹🦋🌹🦋.
الجزء الثالث عشر
بعد مرور اسبوع
تقي مقيم بالفندق طارق رجع شهد وعم بتحاول تنسجم معو غصب عنها ورجع لتوزيع ومنى وريان امورهم كتير منيحة صحي تقي واول ما بتخطر ببالو بريق بيتكركب لهيك مسك الموبايل وبعتلا
تقي : يسعد صباحكك
رغم انو الساعة ٢ الظهر والظاهر بريق مشغولة لهيك راح للحمام يغسل
ابتسم وقت اتزكر انو كليوم ببعتلا ومافي رد وما بترد حتى على الفويس الي عم يبعتو وهو ما عم يغنيلا كل ما اجى عبالو يغني غسل وطلع ليشوف انو اصلو مسج
بريق : انو صباح هاد قول مسالخير
عض على شفافو بشقاوة ودغري بلش تسجيل
تقي : عندك مسا عندي صبح هلأ اصحيت وبس اتزكرتك قلبي ولع بدي اشوفك بعد نص ساعة ومارح اشاورك رح افوت للمحل واخدك
تقي : بلا شو
تقي : انطريني لا تسدءي
سكر وبلش يجهز حالو ومتفائل ومتحمس لابعد الحدود
طالع قميص ابيض وبنطلون اسود وخلال خمس دقايق كان بكامل اناقتو وطلع من الفندق اشر ل تكسي ودغري للحارة والحلو بالموضوع كانت بريق ناطرتو براس الشارع فتح عيونو بصدمة
حاسب الشوفير وراح لعندها

تقي : ههه لك شو بتعملي عندك
بريق : لك خفت عنجد تيجي
تقي : جايي مين مشاورك
بريق : مرت اخي وامها بالمحل
تقي : هههه يلا قدامي لشوف
بريق : اوعك تاني مرة تعمل هالحركات معي
اشرلا على عيونو ودابت من خجلها وكملو تمشاية للكافية سابقيتو بخطوة
تقي : مو خايفة من طارق
بريق : اسأل حالك تقي
تقي : اخ قلبي بس تندهيلي باسمي
بريق : شو خطرلك اليوم
تقي : كليوم بيخطرلي نلتقى بس اليوم خلص الحاسمة في شي بدي اخبرك فيه
بريق : لنشوف
فاتو للكافيه كان مبين عليها التوتر والخجل قعدو بالكافيه واتعمدت تقعد عكس الواجهة وصار يتلفت متلها
تقي : شبكي بريق نحن بمكان عام مابدها كل هالخوف
بريق : بخاف حدا يشوفنا
تقي : حقك والله بس انا حكيت مع طارق
بريق : شو حكيت معو
تقي : قلتلو انو رايدك ع سنة الله ورسوله
بريق : بتحكي جد
تقي : والله بحكي جد مستحيل امزح معك بهيك شي يعني الاسبوع الجاي رح اتقدملك بشكل رسمي
بريق بخجل : كان فيك تخبرني برسالة
تقي : حابب اشوف ردة فعلك وملامحك
بريق : لساتك بتغني بالمطعم
تقي : اي والا كيف رح يتحسن وضعي
بريق : وانت حابب هالشي
تقي : اي بحب اغني بس وقت سببلي مشاكل ما بابا اكرهتو انتي كيف بتشوفي الموضوع من وجهة نظرك
بريق : ما كان عندك خيار تاني
تقي : خيار شو ؟؟؟كل الي صار معي صدفة بصدفة اتاخر مطرب المطعم وغنيت وصاحب المطعم عرض عليي وانا حاليا كتير بحاجة هيك عرض
بريق : بقصد شغل تاني
تقي : حتى انتي
بريق : انا كرمال ما تخسر رضا ابوك
تقي : اخسرتو وخلصت
بريق : معقول ما يرضى
تقي : بتعرفي شو يعني يحرق كلشي بخصني
بريق : انا اسفة اني عم ازكرك بلي صار
تقي : لا تعتذري ابدا بيكفيني انك تكوني جنبي
بريق : ...
تقي : لا تسكتي بريق انا بحبك انتي وبس
بريق : بس من قبل ما حسيت بأعجابك
تقي : كنت تلقائيا ما اتطلع فيكي مشان طارق بس وقت شفتك من قريب بلشت اعجب فيكي ردة فعلك او طناشك بالاحرى هو ولد جواتي هالحب والاعجاب ومتأكد انك ع طبيعتك بتجنني
بريق : طبيعة شو
تقي : وقت تكوني مع الي بتحبيه وبحبك ما بظن تضلي بريق الواعية وصاحبة المسؤولية
بريق : ما بعرف ما جربت اكون غير هيك
تقي : ع الزمة بتتعاطي شي
بريق : ههه ناقص والله اتعاطى
تقي : انا بحلف انا بتتعاطي عسل وحلاوة واكيد سكر
بريق : ههههه انا مافيني أتأخر
تقي : احزري مين في بالكافيه
بريق بخوف : مين
تقي : انا وانتي ههههه
بريق : عم تتهاضم وقف قلبي اتخيلت طارق او بابا
تقي : هو عنجد في حدا من حارتنا
بريق : عنجد تقي
تقي : انتي خليكي لا تتحركي ابدا
بعدها فرط من الضحك
بريق : بسيطة يا تقي عم تلعب باعصابي
تقي : بس خفتي مو
بريق : انا لازم امشي
تقي : لسى ما طلبت شي ما بصير مابقى يستقبلني صاحب الكافيه
بريق : شو ناطر طيب
تقي : سلبتي عقلي هيك بدك
قبل توقف خلاها ترجع تقعد
تقي : ولي ما بينمزح معك بنوب

❤️🦋❤️🦋

بعد العصير دغري اوقفت كنت خايفة مو بس من الناس كمان من مشاعري تجاه تقي امشيت تركتو يحاسب ودغري مشي معي
تقي : ليش مستعجلة
بريق : تأخرت ع المحل
تقي : شوي وجاي اتبضع من عندك
بريق : مافي داعي قميصك بالمحل
تقي : قميص شو
بريق : انت ادرى
تقي : وانا اسال حالي شو سر الاعجاب والتعلق
بريق ؛ وشو سرو
تقي : اكيد عامليتلي عمل
بريق : مو معقول انت شو بدي اعملك يعني
تقي : مشان يزيد الحب واللحقك من مكان لمكان
بريق : عنجد انت مو طبيعي مافكرتك هيك
تقي : والله هيك طبيعي بس وقت اكون مع الشخص الصح
بريق : شكرا ع التوصيلة
تقي : ما شكرتيني ع العزيمة
بريق : شكرا كتير
تقي : تكة وجاي
بلعت ريقي بصعوبة وتركتو وفتت للمحل استرجع كلشي صار
رشا : شو كان بدها منى
بريق : عازمين ريان وساعدتها باختيار لبسة
رشا : عقبالك
بريق : ...
اتفاجئت وقت فات ومعو طارق ولانو طارق ماشي قدامو اخد راحتو وابتسامتو عريضة اتلبكت كتير من شوفة طارق ليكون شافني معو
وفاتو لقسم لتياب الرجالي.
🦋❤️🦋❤️
طارق : الدفع كاش
تقي : بعرف وبدي اعرف شو كلفو التحاليل
طارق : المهم طلعت متل القرد مافيك شي انا شكيت فيك
تقي : ليش
طارق : فكرتو شي من شي وشي
تقي : مابفهم صيني احكيني عربي
طارق : خلص المعنى خليه بقلبي بس شو جابك ع الحارة
تقي : اجيت احكيلك الخميس ازا الله راد بدي اتقدم لخطبة بريق
طارق : بشو مقصرة شركة الاتصالات
تقي : هلا هيك
طارق : ما حبيت اسلوبك جاي تبصبص بعرف
تقي : هيك عم ترمي بلاك عليي مابقى افرجيك خلقتي
طارق : اصلا عازم العيلة للمطعم نتفرج عليك
تقي : لتعرف قلبي طيب مو لئيم متلك خلص بتشرفوا
طارق : ههههه ليش بحسك بتكولك كتير
تقي : لانك متمسح
المهم زبطت امورك انت

طارق : عيب عليك اختجل مني
تقي : هههه معناتو في بوادر
طارق : رح نتزوج سوى
تقي : بتمزح
طارق : بس مابدي حدا يعرف
تقي : طيب خليني اخطب بعدين اتزوج انتو عاملين سباق
طارق : لازم احط النقاط ع الحروف
تقي : لنشوف اخرتها مع نقاطك وحروفك
❤️🦋❤️🦋
المسا كنا جاهزين كلنا حتى ماما بس شهد كانت مو على بعضها كنت مبسوطة لانو رح احضر تقي وهو يغني واتأكدت انو تقي حاكي مع طارق بخصوصي نظراتو وتلميحاتو ما بتمشي عليي كان حاجز طاولة واتوزعنا الاماكن رغم انو تقي مو مشهور بس انتظاري الو ليجي يغني كان مو طبيعي
ام طارق : ما بسدء انو تقي بيغني
منى : هلا بتسدءي ولو تشوفي كيف بولع الجو بس يا خسارة بيمنعو التصوير
طارق : ع اساس ما بيعرفو اهلو
شهد : ليش كتير متحمسين
طارق : لانو منعرفوا
كانت الفرقة الموسيقية عم تعزف وهلا انتبهت انو موجود عند الشب الي عم يعزف على الاورغ معقول عم يعطيه التعليمات هاد عايش الجو عنجد وبس شاف طارق رفعلو ايدو وطارق فرح فيه كتير .
ام طارق : اي والله هاد تقي
بريق : ههه مو مسدءة يعني هاد مطعم ماما مو مسرح او دار الاوبرا
شهد : مستحيل يوقف ويغني بدار الاوبرا ما شفتو كيف معجبين ناصيف زيتون بوقت عمل الحفل دغري خلصو التذاكر
طارق : ليش كان نفسك تحضري لناصيف
شهد : ياريت
طارق : ناقصك والله
منى : كأنو بلش الحفل سمعونا
شهد : انا بقصد تقي ولا يمكن يغني بإماكن ثقافية والها اهمية
وبلشت الاغنية
كان الكل منطرب معو بس انا كتير خجلانة لانو يمكن حسيتو بيهمني كتير غنى اكتر من اغنية وكان يتفاعل مع الكل وحسيت انو هالجو بيلبقلو كتير بالاخص وقت طارق راح يحكي معو ضحك تقي واتغيرت كل الموسيقى على طلب طارق وصار يغني ياريتك لو تيجي يمي بس الي افهمتوا طارق مابدو هالاغنية لهيك اتحلفلو طارق وضحك تقي دفشتني منى بقلمي مايا الحجازي
منى : كانو عم يتجاكرو هو وطارق
بريق ؛ اي لاحظت
منى : لابقلو يكون مطرب
بريق : اي شايفة الصبايا جانين فيه
منى : هو كاريزما بالاخص بهاللبس مبين ازعر كتير
بريق : هاد الي طلع معك
دفشني طارق ونقزني
همسلي : ع شو بتتهامسن
بريق : بتحكيلي انو كلهن متفاعلين معو
طارق : ما حاسة شي تاني انتي
بريق : طارق شو عم تحكي بربك
طارق : بدو يتقدملك تقي لا تحكيلي مو حاسة بشي
بريق : مابعرف الصراحة
طارق : ليكني خبرتك مشان تعرفي
ضليت خجلانة من كلامو وحسيت انو خلص عنجد الموضوع صار جد وبلشت الدنيا تضحكلي
🦋❤️🦋❤️
بعد ما خلصت الحفلة اخد اجرتو كان مبسوط من الهدوء الي حصل بالمطعم وطلع ليوقف تكسي واستغرب في سيارة بس طلع من باب المطعم نزل منها رجال اربعيني وقرب منو
ابو اعتدال : كيفك سيد تقي
تقي : الحمد الله
ابو اعتدال : انا ابو اعتدال ومدير ل سلسلة فنادق معروفة هون بالشام
تقي : اتشرفت
ابو اعتدال:بدك نحكي هون
تقي : وين لكن
ابو اعتدال : انت هون ساكن
تقي : مقيم بفندق قريب من هون
ابو اعتدال : فينا نحكي ع الطريق ومنو بوصلك
تقي : اي اكيد
ابو اعتدال : اتفضل
ما كان متردد ابدا طلع معو ودغري شغل وطلعو من الشارع
تقي : انت بتعرفني
ابو اعتدال : في شب حكالي عنك ونحن بالفندق كل ليلة خميس منعمل حفل والمطرب الي تعاقدنا معو فركش بعد ما صحتلو سفرة على بيروت
تقي : بس انا بغني ومتفق مع صاحب المطعم
ابو اعتدال : اديش بيطلعلك ع الحفل
تقي : ميتين
ابو اعتدال : بس كتير قليل اقل شي ٣٠٠
تقي : شو نحن بمزاد علني
ابو اعتدال : انا اسمعت صوتك وكيف متمكن من الغنى
تقي : بفهم منك العرض ليوم الخميس
ابو اعتدال : ورح تكون اجرتك كل خميس ٤٠٠
تقي : والله مابعرف شو احكيلك
ابو اعتدال : معقول ترفض هالعرض
تقي : بعطيك رقمي ومنتواصل
ابو اعتدال : بتشرفنا بكرى بالفندق واكيد رح نتفق
تقي : بتشرف اكيد
بقلبو تقي : العروض عم تكتر شو الترتيب لك تقي انت كأنو عاجبك الوضع
وصلو للفندق بعد ما اخدو ارقام بعض وماسدء ايمتى فات للغرفة واستمتع بالراحة
❤️🦋❤️🦋
طارق خبر ماما انو الخميس تقي جاي لحالو ليتقدملي كنت بالمطبخ وعم اتسمع على الحديث
ام طارق : ليش لحالو
طارق : في مشاكل مع اهلو
ام طارق : انت بتريد هالشي لاختك على الاقل عم خال يعني حدا من اهلو والو مكانتو
طارق : يعني هو طلع بأيدو وقصر بس ظروفو هيك حكمت لا تحكيلي مابدك
ام طارق : رفقاتك مافي منهن بس انت ملاقي هالشي بناسبنا
طارق : نحن منعرفوا لتقي شو بدنا بالناس
ام طارق : وابوك
طارق : بوافق لا تشيلي هم بابا
ام طارق : بس يا طارق هو ماعندو شي لا بيت ولا حتى مصلحة كمان بنتي مو من الشارع جاية اقل شي بيت يسكنوه ولا كمان اجار البيت
طارق : امي نحن شاريين رجال ومتل تقي وباخلاقوا مافي

ام طارق : بس الحياة بتخوف وتتجوز اختك مو مامنة مستقبلها صعب
طارق : الي افهمتو انك رافضة
ام طارق : لا ما رفضت انت حكم عقلك الشب جاي لحالو يطلب ايد اختك يعني صار ما صار
بتروح ع بنتي
طارق : لا تجننيني نحن وين رحنا
ام طارق : موجودين بس شو عينا من الناس اهلو مو موافقين رح يقولو معترضين ع النسب مو ابنهن كاسر كلمة ابوه وابوه مقلعو
طارق : مصدوم فيكي
ام طارق : لا تنصدم ولا عبالك ليكنا وافقنا ع ريان بس لانو اهلو موافقين وحالتهن مو زيادة كمان بدنا نحسب حساب لكل الظروف يمكن يتركها ساعتها بنتي بتنعاب وبيقولو فيها عيبة اهلو ما وافقو وهو تركها
طارق : يا امي الزلمة اخد موعد مافيني احكيلو لا تجي حكيتلو بتشرفنا
ام طارق : منك لاختك تسطفلو انا كرمالها والله
كان قلبي غاصص من هالحكي كلو ويمكن ماما عم تفكر انو تقي مو قد حكيو وكلامو معقول لك بريق على هالحظ
اتكركبت من فوتة طارق للمطبخ
طارق : الجواب منك بدك تقي ولا احكيلو مافي نصيب
بريق : الي بتشوفو ا انت وماما وبابا
طارق : اتركيني من هالكلام تقي بدو اياكي انت را

- النص المستخرج من الصورة: 📝
١٢:٥٣ م
اسات
M/
طارق : اتركيني من هالكلام تقي بدو اياكي انت رايديتو انا
ما بدي احكيلو بتشرف ويومين تحكو بطلنا وانزع صحبتي
معو كرمالكن
بريق : موافقة اي
طارق : اي هيك من الاول
حسيتو معصب واخر شي كنت بتوقعوا يكون تقي تحت
ناطرو وطلعو بالسيارة سوى بقلمي مايا الحجازي
رحت لعند ماما
ام طارق : وافقتي
بريق : اي
ام طارق : يعني واردة بدون اهلو
بريق : الا ما يتصالحوا
ام طارق : الله يسمع منك انا كل هالشي مشانك وبس
فتت للغرفة بس مستحيل اتردد ولا شوي انا معجبة
بشخصيتو بكلشي فيه يارب ما يكون اسوأ قرار بحياتي
୦୫୦୫
بالسيارة كان كتير مبسوط
تقي : بس طولت ولا عملت هيك مشان تحرقصني
طارق : لا ولوو بس انا متردد شوي
تقي : شو صار بهاللحظة
طارق : ياريت اهلك موافقين
تقي : مشان هيك تكرموا رح ارجع واحاول مع اهلي
طارق : يعني مشان تكمل الفرحة
تقي : خلص رح احاول لاخر مرة انا هاد كلشي بقدر اعملو
طارق : وشو مشان يوم الخميس
تقي : خطبتي اهم من كل الحفلات
طارق : ....
كان طارق عم يتزكر البنت الي شافها مع ابوها ووصلهن
بطريقو لبيتهن واتعرف عليهن وكانت البنت حلوة وملفتة بس
الظاهر انهن فقيرين ابتسم ل الافكار الي عم تدور براسو
୦୦

- النص المستخرج من الصورة: 📝
۱۲:۵۳
اسات
B
وعند منى وريان بالكافيه كانو ساكتين وكل شوي تتنهد منى
لانو ريان مشغول بموبايلو
منی : ما ملیت ریان
ريان : انتي مليتي
منى : ما حكينا بشي
ريان : يعني وافقت بريق
منى : اه.... اي اصلا هي من زمان معجبة فيه
ريان : الله يهنيهن
منى : كأنك زعلان
ريان : بالعكس شو بدي اكثر من انو تقي يخطب بس
مستغرب شو قصتو مع اهلو
منی : بظن مشان دوامو بالمطعم
ریان : وعادي بدون اهلو
منی : كل الي بعرفو وافقو والخميس كتب لكتاب
ریان : الله يتمم ع خير
منی : امین

الجزء الرابع عشر
كان تقي بجنب البيت ناطر متل الحرمية لحتى شاف ابوه طالع للجامع انزوى ورا الشجرة لحتى اتعدا البيت واختفى لهيك اتسلل ودق الباب بهدا
بصوت خافت من ورا الباب
ام تقي : مين
تقي : انا ماما افتحيلي
وقت فتحتلو حس كأنو انفتحلو باب الجنة وبس دخل دغري غمرها كان متفوق عليه بالطول
ام تقي : تقي...تقبر قلبي والله اشتقتلك
دمعو عيونو
تقي : وانا كتير مشتقلك
باس ايدها وراسها
ام تقي : وينك انت كيف عايش كيف مدبر امورك
بعد عنها واطلق نفس برياحة
تقي : لا تشيلي همي ابدا كتير منيح ماما بدي ارجع لعندكن
ام تقي : استسمح ابوك وبطل هالشغلة
تقي : مافيني ماما انا بلش يصير معي مصاري
ام تقي : هي المصاري حرام يا ابني
تقي : انا اتعبت ماما وبالزور لاقدرت اوصل لهون انا اتقدمت لبريق واهلها وافقو وبتمنى ما تخيبوني وتكونو معي بهاليوم
ام تقي : مابعرف والله شو بدي احكيلك
تقي : مابدك تفرحي فيني
ام تقي : امبلا بس بيومها تعال انت للبيت واحكي مع ابوك
تقي : انتي متأكدة رح يوافق
ام تقي : رح اقنعوا برضايي عليك تترك هالشغلة
تقي : بس لامن مصاريف زواجي ساعتها بترك
ام تقي : فوت الغدا جاهز
تقي : لا بجي يوم الخميس بس لا تخيبو ظني
ام تقي : خلص ولايهمك
ودعها من جديد وطلع من البيت غاصص لدرجة كمية الدفا والأمان بهالخمس دقايق كانوا كافيين يبينولو قيمة الاهل وحنيتهم عليه
❤️🦋❤️🦋
من الصبح تجهيزات وتزبيط عزمنا اهل ريان وعيلتنا وعمتي مناهل وبابا وعدني يجي المسا جاب طارق لضيافة ومنى مهتمة ببيت حماها وانا مهتمة بحالي وكنت ناطرة خايفة وحاسة بغصة لانو تقي راح يحكي مع اهلو لاخر مرة
❤️🦋❤️🦋
بالفندق كان قاعد على الكنباية ماسك السيكارة بين أصابعو وعيونو مليانين حزن دفشة ابوه كانت كافيه تخليه بهالحال ليتزكر الحدث بحذافيرو لمعة فرح بعيونو وقت شافهم جاهزين ولابسين ابتسم لانو امو اقنعت ابوه
واتلاشت الابتسامة من لهجة ابوه
ابو تقي : شو جابك ما بتفهم انت
تقي : اجيت مشان اطلب السماح منك
ابو تقي : ليش مابدك تستوعب انت مو ابني
تقي : لكن ليش جاهزين ازا مو مشاني
ابو تقي : رايحين نكتب كتاب عماد على بنت الشيخ موسى
اتنقل بنظرو على الكل بالفعل جاهزين وشاف امو كيف ضعيفة
تقي : مبروك سلفا مبروك عماد تخرجك وخطبتك
عماد : الله يبارك فيك
تقي : ...
بوقتها سكر ابوه باب البيت بقوة واتوجهوا للطريق تاركين تقي واقف عند الباب يراقبهن مكسور خاطرو على حالو هو الي بيحلم كل الوقت بهاليوم ومارح يكونو موجودين معو نزل راسو بأسف ورجع للفندق ولساتو بنفس الوضع القهر معبي قلبو
اتلقى اشعارات كتيرة وفتح الموبايل
طارق : وينك شو صار معك
تقي : لحالي جاي
طارق : اهلا وسهلا فيك
سكر الموبايل ووقف من جديد واتأمل حالو قبل يطلع وشاف ملامحو كيف زعلانة اتفائل وقت اتزكر انو اشتروا المحابس هو وبريق اخد نفس وراح لبيت ابو طارق
🦋❤️🦋❤️
كان واضح من الهدوء انو جاي لحالو فتحلو طارق الباب كان حامل باقة ورد احمر جوري كبيرة وباقتين صغار سلم على طارق وسلم على ماما واعطاها الباقة واعطى ل منى باقة صغيرة وهلا اخجلت كتير من نظراتو وهو عم يقدملي الباقة ما اقدرت ما ابتسملو واستقبلناه بالصالون للحظات شفت كيف عم يتطلعوا ببعض كلهن وكسر جو الهدوء
ريان : شو وين الشيخ
طارق : ما بيطول
مناهل : وين ابو طارق كمان
ام همام : ليكون ما بدو يحظر
طارق : هلا بحكي معو
اتطلعت ب منى وابتسمتلي
منى : كتير مزوق خجلنا
بريق : ههه لا تضحكيني وليه
وبعد انتظار ما اجى بابا ومتأكدة طارق غطى على الموضوع
طارق : بابا رح يتأخر كمان شوي انا بقول ينكتب لكتاب
مناهل : مدامك موجود بتنوب عنو
وصل الشيخ وهلا عنجد سدءت انو رح نخطب بلشت اجراءات كتب لكتاب ومنى وسيدرا وبيلسان بلشو بتجهيز الحلويات والقهوة انا جهزتها وفوتناها للصالون بعد كتب لكتاب بلشت المباركات تنهال علينا كنت حاسة تقي مو على بعضو ومتأكدة السبب عدم حضور اهلو
❤️🦋❤️🦋
اتنفس براحة الجو عائلي بس بينقص اهلو يشاركوه هالفرحة استوعب انو اهلو بخطبة اخوه عماد وهو الي صرلو سنين بيحلم بالارتباط للحظات كان بدو يبين عليه الزعل بس لمح بريق ابتسم
بقلبو : وجودك معي رح ينسيني كلشي صار
مناهل : مو ناويين تلبسو المحابس
طارق : ليكون انسيتهن
تقي : معقول انسى هيك شي
ريان : شغلي منى اغنية اكسرولنا الملل شوي
منى : تكرم .
مناهل : قومي لجنب خطييك
وقف واجت وقفت جنبو اتلبك كتير من هالموقف طالع العلبة من جيبتو وفتحها واخد المحبس لبسها اياه وحس بنعومة ايدها وحتى برجفتها وبقي يتأمل ملامحها اعطاها محبسو لتلبسو اياه انتهى الحدث بفرحة كل الموجودين قعدو بجنب بعض وهو ناطر اللحظة الي يكونو لحالهن ليحكو وانو من اليوم صار فيه يطلع معها على عيون الناس كلا

🌹🦋🦋🌹
برى تحت البيت كانو واقفين طارق وريان
ريان : شو صاير مع عمي
طارق : ليش هو رد لاعرف
ريان : كان لازم يكون موجود
طارق : مابعرف والله
ريان : حتى تقي جاي لحالو
طارق : انا ما بهمني الشكليات ابدا
ريان : يلا المهم يتهنوا هني لتنين لابقين لبعض كتير
طارق : وانا كتير مبسوط كرمالهن انت كيف رضاك على منى
ريان : هههه شوي طفولية بس ما بيمنع انو كتير رضيان عليها
طارق : وانا مابدي الا تكونو مرتاحين ليش ما ضليت تسهر
ريان : خلي الجو لغيرنا
طارق : وانت قلتها
ريان : تصبح على خير
طارق : وانت من اهلو
كمل للبيت ريان وطارق فات لبيتو وشاف شهد قاعدة رجل ع رجل وعم تأركل وقف بنص الصالون
طارق : مجددة السهرة
شهد : متابعة مسلسل
طارق : شو مشان انا كتير تعبان ونعسان
شهد : اي فوت نام
طارق : هيك ببساطة
شهد : اوووف شي بملل
طارق : طيب ليش ما ضليتي تساعدي اهلي لانو ما منك فايدة
شهد : ما رضيت مرت عمي
طارق : يعني المسلسل كتير مهم
شهد : بجنن
هز راسو بملل وفات لغرفتو ودغري مسك موبايلو واتصل بأبو علي
ابو علي : الو
طارق : كيفك عمي
ابو علي : اهلين يا ابني خير صاير شي
طارق : حابب ازورك بكرى
ابو علي : بتشرفني يا ابني بس افتكرتك هون قريب مننا وصاير عليك شي
طارق : لا طمن بالك واسف ع الازعاج
ابو علي : ولا يهمك يا ابني مافي ازعاج ابدا
سكر معو شلح قميصو واتمدد بتعب وغمض
طارق : والله لو اني عزابي اشرفلي من هالعيشة
🦋🌹🦋🌹
كان صوت بس كركبة بالمطبخ ع الخفيف ماما ومنى عم يرتبوا المطبخ وانا وتقي سهرانين بالصالون
تقي : ليش ما رجع طارق
بريق : بدو يكون تعبان
رفض مكالمة قبل تكمل النغمة
بريق : مين اتصل فيك
تقي : هاد ابو اعتدال
بريق : ومين بكون
تقي : مدير سلسلة فنادق هون
بريق : شو بدو منك
تقي : على اساس عقد شغل كل خميس بس انا طنشتو
بريق : بدك تضل تغني
تقي : ليكون عندك مانع
بريق : انا كرمالك
تقي : انتي ما حابة اغني
بريق : انا مشان اهلك وانو تتصالحوا
تقي : مابدي اصالح حدا والي عجبو عجبو والي ما عجبو الحيطان كتيرة
بريق : معقول انت
تقي : اي معقول بريق ياريت نسكر ع الموضوع نهائي
بريق : متل مابدك
تقي : وانتي باقية بشغلك
بريق : عندك اعتراض
تقي : اكيد عندي انا بشوف الموزعين اغلبهن شباب من جيلي وبيقهرني الموضوع
بريق : طارق بيتعامل معهن
تقي : بس بعد ما نتزوج بدك تتركي الشغل كلو
بريق : متل مابدك
تقي : عازمك بكرى بدي نقضي نهارنا سوى
بريق : ان شاء الله
تقي : انا كتير اتاخرت بحكي معك بس اوصل للفندق
بريق : مع انو والله بكير
تقي : بشوفك بكرى رح تملي مني
بريق : معقول
تقي : هههه
وقف ووقفت معو
تقي : مبروك مرة تانية
بريق : الله يبارك فيك
عند الباب ما مشى بقي واقف مبتسم
تقي : كتير رح اشتقلك
بريق : بس توصل حاكيني
تقي : ماشي يلا بخاطرك
بريق : الله معك
سكرت بهدوء واتنفست براحة وفتت للغرفة ارتاح واستوعب انو بابا ما حضر ولا حتى اهلو ل تقي شي بيقهر والله نظرات الكل دبحتني ليش هيك صار معي شو بينقصني يعني لافرح متل باقي البنات انا حاسة انو عدم وجود اهلو رح يسببلي مشاكل اتأملت المحبس واتزكرت كيف لبسني اياه وطالعت تياب ومسحت المكياج
🌹🦋🌹🦋
وعند ابو طارق كان عند اختو مناهل هو ومرتو لجديدة
ابو طارق : كيف كانت الخطبة
مناهل : شو هاد لك اخي ليش الشب جاي لحالو بيجوز يعني
ابو طارق : يسطفلوا انا ما علاقتي يتحملوا النتائج هي وولادها
مناهل : على القليلة عم او خال اجى وكانو مقطوع من شجرة اكيد مو رايدين البنت او اهلو محاربينو
ابو طارق : قلتلك ما دخلني
مناهل : بنتك هي
ابو طارق : لولاد ولبيت والعز والجاه لامهن والهن انا ما علاقتي فيهن بنوب
مناهل : مصدومة فيكن بريق بتستاهل خطبة وجاها طويلة عريضة
سوسن : حكالك يسطفلوا
مناهل : طبعا انتي شو رايح عليكي هدول ولاد اخي مو ولاد اخوكي
ابو طارق : هلا كيف شفتيلي هالقمرة
مناهل : عين الله عليها
بقلبها : كأنو اكبر من طارق بكم سنة بس من جيل ولادك يا مراهق
وكملوا سهرتهن
🦋🌹🦋🌹
بالفندق كان عم يجهز حالو للنوم مقهور لابعد الحدود من كلشي صار معو فتح الموبايل وبعتلا
تقي : سهرانة انتي
بريق : ناطرتك
ودغري كبس على زر الاتصال وانبسط لاول مكالمة بينو وبينها
تقي : يسلملي هالصوت قبل اسمعو
بريق : مسالخير
تقي : مسالورد مسالفل مسالعسل
بريق : كيفك
تقي : مشتقلك كتير انتي كيفك
بريق : تمام
تقي : يعني ما اشتقتيلي
بريق : وصلت
تقي : اتهربي لقلك
بريق : حكيت مع طارق
تقي : بس لحتى اتجوزك قاطعلو كرت لاخوكي
بريق :هههه ما بسدء
تقي : اي قولي بدك اياني الك لحالك
بريق : انت معقول شو هالحكي

تقي : معقول بدك حدا يشاركك فيني
بريق : كلشي لحال انا بحب يكون عندك رفقات
تقي : بس انا ما بيعنيني الا انتي كتير نطرت هاللحظة
بريق : تخطب
تقي : ويصير عندي حدا مهم بحياتي
بريق : ما صالحت اهلك
تأفف من هالسؤال
تقي : بريق شو بهمك من الامر اهلي هدول مو اهلك
بريق : ما حلوة كمان تتزوج ما يحضرو فرحك
تقي : اولا فرحنا اسمو... تانيا انا حاولت فيهن كتير بس عالفاضي افهم منك بدك اصالحهن
بريق : لحتى تكمل فرحتنا لازم يكونو موجودين
تقي : انا مابدي ننزع فرحتنا اليوم ونستبق الاحداث انا كتير متفائل لقدام يعني خلينا بلي نحن فيه ع الزمة ليش هيك حلوة كتير انتي
بريق : عنجد انا حلوة
تقي : عم تتواضعي يعني
بريق : يمكن متعودة على شكلي
تقي : بتجنني انتي وشكلك وكلشي فيكي
بس انا ما بعرف رأيك فيني
بريق : من انو ناحية
تقي : كل النواحي
بريق : كيف يعني رأيي
تقي : بقصد عاجبك شكلي
بريق : انت كيف شايف حالك
تقي : انتي عم تلفي وتدوري مشان لا تعترفي اني عاجبك
بريق : معقول اوافق بدون ما اكون معجبة
تقي : بهمك الشكل يعني
بريق : متل مابهمك انت
تقي : بتحبيني؟؟؟؟ يلا جاوبي ع سؤالي بسؤال واحكيلي انت بتحبني و رح اجاوبك انا بحبك كتير.... وانتي بريق؟؟
بريق : كيف بكون الحب
تقي : هلا هالسؤال مشان لا تحكيلي اي بحبك
بريق : بس انا خجلانة منك
تقي : موافق احكيلي اياها بالتقسيط المُمل
بريق : معجبة فيك كتير وعم يتحول الاعجاب لحب
تقي : ايمتى يعني
بريق : من لما اعرفت انو صوتك حلو وبتغني
تقي : انتي بتسمعي صوتي
بريق : اكيد
تقي : وعنجد حلو متل ما بيحكو
بريق : كتير حلو صوتك ومتمكن من الغنى
تقي : هالشهادة بعتز فيها شو رأيك اغنيلك
بريق : انا ما حابة الاغاني المكررة بدي تكتب اغنية تكون الي خاصة فيني
تقي : اول اغنية رح أطلقها رح تكون الك وبس
بريق : عنجد تقي
تقي : والله يا روح تقي
بريق : انت ما انعست
تقي : ازا نعسانة مارح اضغط عليكي
بريق : صرلنا اسبوع مكركبين
تقي : طيب المهم عندي راحتك مو تنسي
بكرى عنا مشوار
بريق : ان شاء الله
تقي : تصبحي على خير
بريق : وانت من اهل الخير
❤️🦋❤️🦋
صحي طارق من نومو مكسر اتطلع جنبو ما شاف شهد اتجلس واتنشط وطلع من الغرفة ليشوف شهد نايمة بالصالون
طارق : هي من المرة زودتها يوم اي وعشرة لا وبتنام بالصالون ايه شو عليه يا شهد دواكي عندي يا روح طارق عمل دوش سريع ولبس شورت وقميص قطن للبيت وفات لغرفة اختار قميص جديد وبنطلون بورقتو لساتو وحطهن بشنته وفوقهم كندرة جديدة وحتى لحزام جديد وبدون ما يمشط اخد مفاتيح البيت والسيارة وطلع لبيت اهلو فتح بمفتاحو وفات ولغرفتو القديمة حط الاغراض بالغرفة وفات للمطبخ ينقرش حلويات والظاهر بريق صحيانة على صوت حركشة
بريق باستغراب : طارق شو جابك عند الصبح
وهو عم يعبى الركوة مي بلع اخر لقمة حلويات
طارق : هجيت من البيت
بريق : متخانقين
طارق : ياريت خناق ومشاكل خليها لربك يا بنت الحلال
بريق : خوفتني طارق شو صاير
طارق : انا خلاص اتحملت كتير ومعاد فيني صحيلي امي بكون جهزت القهوة
🦋🌹🦋🌹.
الجزء الخامس عشر
كنت حاسة انو الموضوع مهم والا شو بدو يجيب طارق بتياب البيت لعنا واليوم جمعة المفروض ينام ويطول وحتى ماما مو عاجبها وهو شوي متلبك
ام طارق : شوفي طارق احكي خلصني
بريق : شبك ليش ساكت
طارق : بدي اتجوز
وكانت صدمة ماما كبيرة
ام طارق : عم تمزح
طارق : شوفي شكلي شكل واحد بيمزح حتى ما مشطت شعري هربت من البيت
بريق : شو القصة اخي
طارق : انا من خمس سنين صابر عليها ببداية الامر قلت بتخجل مني بعدين قلت يمكن اسلوبي غلط حاولت كتير ما اقدرت اغير ولا شوي من اهمالها الي انا كتير مخنوق من هالوضع
ام طارق : والحل زواجك عليها
طارق : انا حسمت اموري وبدي اليوم اتقدم لصبية
ام طارق : اها قول انك حابب
طارق : حب مين بربك شكلي شكل واحد بحب بس كل القصة معاد فيني اتحمل اكتر من هيك
بريق : وشهد بتعرف
طارق : مابهمني تعرف ولا بكيفها انا حذرتها كتير وعالفاضي صالحتها كتير وصبرت عليها كتير بس خلص كان عندي طاقة تحمل ونفذت
ام طارق : ما بسمحلك تخرب بيتك لولاد رح يضيعو
طارق : شو بدك مني ابقى كل عمري استنى شهد تصير متل العالم والخلق مشان ولادي ليش بكرى بس يكبروا ولادي رح يقولو بابا فنى شبابو وهو صابر على امي كرمالنا ولا رح يعيشو حياتهم بالطول والعرض مين سائل بابوه ع ايامنا لحتى ولادي يسألو عليي ع ايامهن
ام طارق : بس الزواج مو حل
طارق : حل وبدي اكسر راسها
ام طارق : انا ما علاقتي بزواجك روح اخطب واتزوج
طارق : متل مابدك شكرا ماما ما قصرتي
ام طارق : انا عندي بنات وازا وحدة من بناتي صار معها الي صاير مع شهد ما بقبل

طارق : وانا لو واحد من اصهرتي اجى وحكالي اختك مقصرة عليي انا بدي ازوجوا والتكاليف عليي احكيلك اياها من الاخر صرلي سنة بتعرف على بنات بس لحتى اعوض النقص الي عايشو
ام طارق : ماني مصدومة فيك ما انت ابن ابوك بس هي كلمة وحدة ماعندي غيرها الولايا الهن خطايا وازا وحدة من اخواتك صار معها شي بكون انت السبب
تركتنا وراحت ل غرفتها معصبة وحسيت طارق بلش يتراجع ويمكن ندم
طارق : مابعرف عنجد خاب ظني
بريق : اخي عنجد الزواج مو حل تفاهموا
طارق : مستحيل حدا يفهمني ببساطة انا الي عايش الظروف مو غيري انا اليوم بدي اخطب والي بدو يصير يصير
فات ل غرفتو وطبش الباب
طلعت منى نص مغمضة
منى : شوفي بريق...لشو هالضجة مين عم يتخانق
بريق : طارق بدو يتزوج
منى : هههه ياي عنجد
بريق : كأنك مبسوطة
منى : احلى خبر بسمعو بحياتي
بريق : ولا فيوز الحمد لله
🦋🌹🦋🌹
بعد الظهر كان جاهز للمشوار مع بريق وبدون ما يخبرها انو ع الطريق وصل للحارة وراساً للبيت عم يدق الباب وكتير مبسوط ومتفائل واخر شي توقعو يفتح الباب طارق
تقي : هاد انت
طارق : لا خيالي بقولو مسالخير بالاول
تقي : مسالنور
طارق : اتفضل
اتطلع بالساعة وحك دقنو
طارق : اعطيك خيارات يعني
تقي : وين بريق
طارق : فوت خلصني
شحطو لجوى شحط وابتسمتلو مرت عمو
تقي : كيفك مرت عمي.
ام طارق : اهلا وسهلا يا ابني اتفضل بريق عم تجهز حالا
تقي : طمنتيني فكرت نسيت الموعد
طارق : فوت ليش واقف عندك
تأفف منو تقي وفات للصالون وسلم على منى
تقي : كيفك عمتي منى
منى : الله يسامحك
طارق : ما حكيتيلي عمي طارق
تقي : بحترم الانثى اما انت شو بدي احترم فيك اي عمتي منى كيف ريونة معك
طارق : ههههه ريونة مو
منى : ليش عم تتمسخر عليه
طارق : لا تخافي ريان بيندهلو تقية
تقي : هههه طروقة عم يحكي
عليت صوت الضحكات بس هو مو هامو الا تطل بريق وشكلها مطولة
ام طارق : اهلا وسهلا فيك
تقي : وفيكي مرت عمي مطولة بريق
منى : ييييي لو يعرف انو من ساعة ما بتجهز
طارق : بتكوني عملتي القهوة
تقي : لا مافي داعي بشربها مع بريق
طارق : ما حلوة نضل نتصفن فيك
تقي : شو بدك انت اتصفن اي عمتي منى ما قلتيلي كيف ريونة معك
منى : انت كيف بريقة معك
تقي : عسل بشهدو
طارق : لا حول ولا قوه الا بالله
انا بعرف انو عندك نقص بس مو لهدرجة
تقي : احم احم
ام طارق : لاستعجلك بريق
تقي : بكون فضلتي عليي
واتبادلو النظرات هو وطارق وعم يتحدو بعض
منى : ههههه لاستعجلك بريق
تركتهن وراحت
طارق : مو عيب عليك جاي من قبل الضو
تقي : انو ضو الشمس ساطعة وحارقة
طارق : مو من اولها عزايم
تقي : هففف شوب شغل المكيف
طارق : شغال
تقي : احم احم
طارق : لاستعجلك بريق
تقي : ههههه اجي استعجلها معكن
طارق : ازا نكته خبرني بدي اضحك
فرطو من الضحك سوى
🌹🦋🌹🦋
صارو لتلات عندي بالغرفة تأففت منهن
بريق : خلصت والله خلصت
طارق : صرعنا الافندي استعجلوها استعجلوها
بريق : ليكني جاهزة
اخدت الشنتة واخدت نفس طويل
والحقتهن لبرى الغرفة واول ما اجت عيني بعينو اخجلت دغري وقف يسلم عليي وما اقدرت الا امد ايدي واسلم عليه
بريق : مسالخير
تقي : مسالنور كتير طولتي
طارق : ما الك خمس دقايق واصل
تقي : معقول
اتطلع بالساعة
تقي : ربع ساعة قصدك

ام طارق : ساوي قهوة بريق
تقي : لا لا بدنا نمشي
طارق : والله قاعدين
تقي : ههه كمل قعدتك
طارق : ع فكرة سلمت ومشي الحال اترك ايدها
منى : هههه بلش طارق يغار
تقي : مافي داعي طالعين يلا بالازن
ضل ماسك ايدي ولحقنا طارق واسمعت صوت ضحك ماما ومنى
عند الباب
طارق : خدو مفتاح السيارة
تقي : لقدام منطلبو منك هلا اليوم جولتنا تمشاية رح تكون
طارق : مع انو بكير كتير
تقي : انت شو رايح عليك يلا وصيني
طارق : خدوني معكن
بريق : ههه اي تعال
تقي : انا الي بحكي...فوت اتضبضب
طارق : دير بالك ع بريق
تقي : ولايهمك اوامر تانية
طارق : جيبلي شاورما معك
تقي : بدي احكيلك تعال معي
ودغري طلع معنا
تقي : لك ما كملت بخاف تسدء ازا حكيتلك تعال معي
طارق : شايفة هو عزمني
بريق : ههههه هيك عطول
تقي : لا حالة عليه موجة الغيرة كما تدين تدان متزكر وقت خطبت
طارق : انا بفرجيك
تقي : يلا عمي طارق اتاخرنا وصيني
طارق : لا تتأخرو
تقي : ماشي
بطلعة شهد هي ولولاد سلمت علينا نحن انزلنا وهي فاتت للبيت
🌹🦋🌹🦋
كانت نظراتهن تحكي ومنى وام طارق ساكتين
شهد : فكرتك بالشغل
طارق : يوم جمعة وشغل
شهد : ليش جاي بتياب البيت
طارق : من الملل
شهد : بدي نحكي
طارق : اووووه عال يلا تعي نحكي
كانت متوترة ام طارق عكس منى الي انقهرت انو رح يحكو ويمكن يتفاهمو فاتو لغرفتو القديمة سكر الباب واتكتف

طارق : شو بدك نحكي
شهد : انت زعلان مني
طارق : لا مو زعلان مقهور قهر
شهد : غصب عني اغفيت واتفاجئت الصبح
طارق : يعني هي وقفت ع نومة الصالون ولو كنتي معي شو رح يغير انتي احكيلي
شهد : انت شو بتحكي طارق يعني ما مليت
طارق : من شو امل دخلك حدا بيمل من الي بحبو الا في حالة وحدة بيكون مجبور ع التاني لهيك بيمل منو وبيقرف منو وحتى نفسو ما بيعود يطيقو متل حضرتك وقت تبعديني عنك وكاني شي واحد اجرب ريحتو طالعة كل هالشي وساكت وبحكي لحالي كبر عقلك يا ولد لسى ما اتعودت عليك بس هلا استوعبت مستحيل تتغيري.
شهد : انا حاولت اتغير
طارق : شكرا ع المحاولة
شهد : عنجد مو كره فيك بس والله بمل
طارق : الاركيلة ما بتملي منها المسلسلات الموبايل ولا بس انا بتملي مني
مسكها من ايدها وقربها منو
طارق : شهد انا ما تزوجتك مشان بس انام معك و لاكون منك عيلة ما بمل منك بشتقلك كل الوقت وبتخيل كتير شغلات تغير مجرى حياتي معك اوقات الي ما عم عيشو معك بالواقع بغمض عيوني وبتخيلو شو بتخسري ازا بتبادليني نفس المعاملة مابدي احكيلك المشاعر
بحب اغمرك اول ما ارجع من شغلي وحتى ونحن نايمين بتقرب منك لاني بحس انو عم انجذبلك مو قصة مراة ورجال بغرفة وحدة ازا محتاج الك مو غريزة متل مو ببالك محتاج الك لاني بحبك وانتي ما عم تفهميني
سالو دموعها غمض من قهرو بقلمي مايا الحجازي
شهد : بعرف اني مقصرة بحقك بس ..بس والله حاولت مو انو ما حاولت مو تفكر انو مجبورة عليك بس ماعم لاقي حالي بهيك شي بس بوعدك احاول كمان وكمان
طارق : ايمتى بتخلصي محاولات وقت تطفي كل المشاعر الي جواتي انتي مامنك فايدة
شهد : بدك تطلقني
طارق : لا اكيد بس منلاقي حل لا تخافي
جذبها الو ودغري حس كيف عم تنفر منو لهيك بعدها
طارق : يلا نطلع
لحقتو والقهر معبي قلبو بس هي ندمانة كتير
ام طارق ومنى بس ساكتين ولولاد عم يلبعوا وطارق صار بعالم بعيد مليان هموم مشاعرو مخربطة بالاخص وقت أتأمل قصي وقيس
🦋🌹🦋🌹
كتير مبسوط فيها ومن عدم التصديق كل شوي يتأملها ويتمعن بكل تفصيل بوجهها رسمة لعيون ولونهن انفها تمها وقلبو عامل جواتو معركة وبريق حاسة على نظراتو لهيك ما عم تطلع فيه بشكل مباشر
بريق : كتير رايق هالمحل
تقي : اي امبلا
صار يتأمل الجو لهيك اتنفست براحة
تقي : بتحبي نطلب الغدا دغري
بريق : ماني جوعانة
تقي : منشرب عصير لكن
اشر للجرسون طلب العصير ورجع يتأملها حط ايديه تحت دقنو وشرد فيها
بريق : حلو الجو اليوم
تقي : بجنن مو بس حلو
بريق : بدك تداوم بكرى
تقي : خلينا باليوم ليش بحسك بتتهربي من انو نكون لحالنا ونحكي بشي بيخصنا وبس
بريق : بدك الصراحة مو متعودة ع هيك شي
تقي : ع اساس انا متعود كنت اشوف كل تنين سوى بس ولا مرة جربت احاكي بنت
بريق : اي مبين هالشي عليك بس انت كتير جريء
تقي : مو جرأة بس بحس اني متعود عليكي لانو كنت اشوفك كتير بريق بس اتزكرك واتمعن بجمالك واسمك بحس مستحيل يليق فيكي اسم تاني
بريق : شو ممكن يكون لو الي اسم تاني
تقي : بريق وبس مين سماكي
بريق : عمتي مناهل
تقي : كلها زوء ومفهومية مبسوطة انو خطبنا بشكل رسمي
بريق : بس انزعجت بابا ماحضر ولا حتى اهلك
تقي : هاد كلو شكليات بالنهاية الفرحة فرحتنا نحن
حطلهن الجرسون العصير وكملوا
بريق : بالعكس مافي احلى من فرحة الاهل بابنهن
تقي : عادي خطبو لاخي بنفس اليوم
بريق : عنجد
تقي : اي عنجد مع انو أفرحت لا شو افرحت طار عقلي وقت شفتهن جاهزين وبنفس اللحظة انخذلت وقت حكو انو رايحين يخطبو لعماد انا بفرحلو وبحبو بس ما فكرت انو المفضل عند اهلي
بريق : بس رضا الاهل لازم
تقي : مابقى الا ابوس رجليه ومتأكد مارح يرضى بريق فينا نسكر ع سيرة اهلي نهائيا بدك نحكي عننا اي منحكي مابدك
بريق : ليش سكتت
تقي : بفضل انو ما نحكي وبس اشربي العصير
🦋🌹🦋🌹

حسيتو ما بيحب نحكي بموضوع اهلو وانا كل همي يرضو عليه كرمال نعيش مبسوطين كان عم يتنقل بنظرو بكل المكان وابصر وين صار بتفكيرو
بريق : وين شردت
تقي : معك اكيد
بريق : ما بقى اجيب سيرة حدا خلص لا تزعل
تقي : مو قصة زعل بس هالموضوع بيخنقني وانا اصلا عم اتناساه وما بدي انتي بالتحديد تزكريني فيه
بريق : بوعدك ما رح اجيب سيرتهن
بقلبي : وحتى مابدك نحكي بشغلك معقول نقضي الوقت ساكتين
تقي : رح تتركي الشغل صح
بريق : حاليا لا
تقي : بس انا بدي نتجوز دغري يعني شهرين بالكتير نكون اتزوجنا
بريق : لوقتها منحكي بالشغل واكيد رح اترك
تقي : مو تفكري انو انا معقد او شي بس انا مابدي تتعبي ابدا بقلمي مايا الحجازي
بريق : بفهمك اكيد ....

❤️🦋❤️🦋
وعند منى كان ريان بزيارتهن والزيارة كتير قصيرة ورسمية وكل شوي تطلع بالكل وتأفف وريان ملاحظ هالشي

ام طارق : ايمتى ناوي تحدد العرس
ريان : الشهر الجاي
شهد : وتقي
طارق : تقي راح ياجلها شوي بكون امن تكاليف الزواج
شهد : بالفعل محبس قليل واصلا اول مرة بسمع عريس بيلبس عروستو بس محبس على الاقل حلقات وساعة وخاتم
طارق : وشبكة من المرة هيك ظروفو ومافيه يلبسها
شهد : معناتو فايت على طمعة
طارق بقهر : نقطيني بسكوتك
ريان : شو رايك نتمشى
تركوهن يتناقرو ونزلو لتحت
طارق : كيف بتحكي هيك قدام ريان اه
شهد : شو مفكر انت الحارة كلها بسيرة الخطبة العجيبة
ام طارق : سيرة شو فهميني
شهد : ام طلعت سألتني ليش مو موافقين اهل تقي ع بريق ومن هالحكي
ام طارق : انا حاسبة حساب كلشي
طارق : رح يتزوجو ورح تفقع عين كل وحدة حكت
ام طارق : لنشوف اخرة هالخطبة
فات للغرفة يجهز حالو تاركهن يحكن ويتوقعن
🦋❤️🦋❤️
تحت البيت عم يتمشو
ريان : ليش مرت اخوكي عم تحكي هيك
منى : مابعرف
ريان

- النص المستخرج من الصورة: 📝
١٢:٥٥ م
جاسات
A 25
B
منی : ما بعرف
ريان : انت شو رايك
منى : المهم بريق تتهنى مع تقي والحكي ما بيخلص
ريان بس شو يعني فايت ع طمعة
منى : والله ما بعرف معقول تقي هيك
ریان : مستحيل تقي كتير شهم وعند كلمتو منى انا رأيي
تركز بحالنا
ريان : اي ولازم نحدد العرس شو رايك
منی بخجل : الي بتشوفو
ریان: ازا هيك بكرى خلينا نروح نشوف غرفة نوم
منى : حابة تكون على زوقك انت
ريان : بأمرك بس ليكي لتكوني بالصورة ما فيني اكثر من
غرفة نوم يعني بعدين بفرش الغرفة التانية
منى : اي مو مهم
ريان : اول ما يتدبر معي حق الفرش اکید رح نفرشها سوی
منى : ان شاء الله
ریان : وين راحو تقي وبريق
منى : عازمها
ریان: ايامهن شكلنا راحت
مو
ضتنا
منی : وانا هيك حاسة
بطلعة طارق متجهز ع المية مية
ریان : وین یا مهون
كان ماسك بأيدو نظارات فتح باب السيارة
طارق : موعد مهم
ریان : رافقتك السلامة
وهون ابتسمت ب نصر منی