- النص المستخرج من الصورة: 📝
الله يرجعوا بسلامة لانو الشغل معو مكسب ورفقتو النامية
مكسب لنشوف يا رغدان لایمتی رح تحكيلي اجل الموضوع
صار لازم يحكي مع معلمو طولت تهريبة المازوت الي وعدني
يمشيلي اياها واذا صار وزبطت رح اغتني عنجد
.......
مصطفى مبتسم ب فرح رجعة ساجد للدوام خلتو يكون
مبسوط كتير
جبورة رح يستفرد ب ماجد ويقنعوا يسرق صيغة اهل بيتو
كنت يأسانة لابعد الحدود اخدت اواعيه لمعلقة وبلشت
بالغسيل وترتيب الغرفة والا تطلع مجد تسليني طبعا مو
انا
تحكي تضحك وتمزح مع رفقاتها على الفيس بوك بس
قلبي يدق بقوة واتزكر تفاصيل كتيرة جمعتني فيه اتزكرت
وقت اصحیت بنص الليل ولقيت حالي بحضنو واتأملت كل
ملامحو انا مابعرف ليش متعود يغمر لمخدة وانا صرت
مخدتو على فترة ولا وقت فتحنا عيونا بنفس التوقيت
ودغري غمضنا و كنت مو مستوعبة انو عايشة مع حدا
رافضني واكيد هو ماعم يستوعب انو عايش مع وحدة
مجبور عليها وبكل جراة اخدني للدكتورة بس هو مصلحجي
كتير والا ما استغل الوضع مبارح واتقرب مني واتاريه بدو
يرجع للدوام يا ترى وين صار وصل ولا لساتو ع الطريق.

القسم الرابع وعشرون
اول ما شافوا سيارتو العناصر وقفو على حيلهن فتحو البوابة رجعت ساجد للفرع اثناء تواجد زميلو جرير ما كان متوقع واحدث صدمة
نزل من السيارة
ضربلو تحية بلال لانو هو الوحيد الي بيعرف برجعتو للمركز
بلال: احترامي سيدي
ساجد:وين محجوب
بلال:بمكتبك سيدي
هز راسو بقهر وطلع للمكتب بلال نزل الشنته ومتوتر كتير لانو هو الي عم يراقب تحركات محجوب وخايف منو لانو هو عنصر عادي ومحجوب ملازم
اول ما فتح الباب ساجد وقف جرير بتردد وصدمة ومحجوب وقف بأستعداد
ساجد:شو عم تعمل بغيابي لك محجوب
واخر شي توقعوا يسفقوا كف متل فراق الوالدين ويرميه على الكرسي
جرير:شو عم يصير هون
ساجد:انت عم تسطر نهايتك بأيدك
محجوب:شو عملت يا سيدي
ساجد:عملت لكتير لكك عم تقبض مقابل يتسكر ملفات عم تسرقها من جوات مكتبي
جرير:لو سمحت هاد مو اسلوب
شلح النظارات ورمقوا بنظرات عصبية
ساجد:انت جاي تعلمني كيف فيني اتعامل مع شوية حشرات عم يحاولوا يخفوا الحقائق ويدفنوها بشكل نهائي
جرير:بس هي مو طريقة تفوت فيها للمكتب
ساجد:بفوت بكيفي وبالطريقة الي بشوفها مناسبة
جلس محجوب وخلاه يوقف
ساجد:بدك تطالع الملف الاخير
محجوب: ملف شو يا سيدي
ساجد:ملف جريمة الولد الي متعرض للتحرش
وفجأة جرير صفرن لانو ما اهتم بالموضوع ابدا
محجوب:ماعم افهم عليك يا سيدي
رجع رماه على الكرسي واتوجع من قوة الضربة
ساجد:الولد الي متعرض للتحرش شو المبلغ الي اندفعلك من زوج امو لحتى سرقت الملف من نص المكتب واتسجل قضاء وقدر
صار يتصبب عرق جبين جرير
جرير:لو سمحت قضية استلمتها انا بأي حق جاي تحقق فيها
ساجد:اانا ما رح اواجهك الا من بعد تشريح الجثة ....خلي نبيل يحضر حالا للمكتب
كان محجوب لون وشو احمر من القهر وجرير بلع ريقو بخوف من نمر فايت للمكتب وعم يفتح ملف اتسكر ع اساس بذكاء جرير
كان ساجد واقف بنص المكتب ومتخنصر فات نبيل وضربلو تحية ومصدوم من رجعتوا
نبيل:طلبتني سيدي
ساجد:جثة الولد بتطلع من القبر وعلى التشريح بسرعة
سحب ورقة من على ظهر المكتب ليكتب اسباب تطليع الجثة من القبر وتشريحها
وقع عليها وختمها
ساجد:بتاخد معك فريق طبي بدي ما تتهاون بالموضوع
نبيل: حاضر سيدي
ساجد: عناصر
اجو عنصرين دغري
ساجد:نزلولي محجوب لغرفة التحقيق لنشوف شو عند الرائد جرير تبريرات عن تسكير الملف
فجأة حس جرير انو واقف على مرتفع وعلى حافة الهاوية ورح تتكسر من رتبتو بعد فتح الملف وتشريح الجثة
شحطو محجوب من المكتب وسكرو الباب وبقيوا الزملاء مع بعض من حالو جرير بعد من ورا المكتب
جرير:اتفضل
ساجد:مابحب الشكليات لساتك ما بتعرفني
جرير:ومتمني اتعرف عليك
ساجد:اتفضل لنحكي بالموضوع
قعد مقابيل بعض ولاول مرة بتصير رائد يحقق مع رائد
ساجد:شو تبريراتك عن تسكير لملف قضية اصابع الاتهام كلها موجهة ضد زوج الام
جرير:انا مصدوم صراحة مو من القضية انت كيف متابع ملف القضية وانت بإجازة
ساجد:لانو بعرف الملفات الي عم تمرق من تحت الطاولة
جرير:حققت مع الام وحكت علاقة الولد بزوج امو متينة وانو بيعتبرو متل ابنو
ساجد: وما حسيت انو الموضوع فيه لف ودوران
جرير:اجانا خبر عن حادثة ورحنا للموقع متل اي فريق تحقيق وفعلاً كان الولد واقع من البلكون ومتوفي
ساجد:وانتو فضلتوا التحقيق مع الام ومع زوجها وطبعا الدكتور شخص حالة الوفاة طفل كان يلعب ووقع واتوفى
جرير:كيف بيتحقق بهيك حادثة
ساجد:معقول تطلب مني اعلمك اصول التحقيق نحن بمجالنا ما لازم نعتمد على الاقول نحن معتمد على لغة الجسد حركات المتهم نظرات عيونو معقول بدك اعلمك.
جرير:بس انت ما حكيتلي كيف وصلك ملف القضية
ساجد:الي ما بتعرفوا انا مش اي رئيس مباحث عادي
جرير:كأنك عم تثبتلي
ساجد: بعيداً عن موضوع القضية انا ما فتت هالمجال من عبث حب كبير لمساعدة اي مغدور انت بدك تعرف كيف وصلت القضية الي
جرير:ياريت
ساجد:الي اسمو محجوب انسان مادي لدرجة وبحب يشتغل مع ناس متلو ولانو مبادئي مو متل مبادئو بلش يقلب الطاولة عليي بس هو نسي او تناسى انو مارح تمرق على محقق عندو شغف كبير بمجالو وكل محاولاتو ليقلب الطاولة عليي ما زبطت وهو ليمشي مصالحوا بيقابل الطرف الوسخ بيعطيه أدلة انو هو الفاعل وبيعطيه خيار تاني ادفع بتطلع واكيد الخيار التاني مابكون بسهولة في سحب ملف القضية من على ظهر مكتبي وانشاء ملف قضية جديد بأسرع وقت ممكن
جرير: الصراحة صدمتني انت بتعرف عنو هالشي
ساجد:واخر قضية سحبها ما لحق يستبدلها ب قضية مكتملة الدلائل بس لانو غبي لعب معي
جرير:ما وصلتني فكرة كيف وصلك الملف الك وانت بإجازة
شغل سيكارة ونفخها بسرعة
ساجد:لانو مترك ايادي تهتم بأمن وامان المنطقة

جرير:وفي دليل ضد محجوب
ساجد:بفضل تنزل وتحقق معو بنفسك وانتبه اقوال محجوب رح تحدد مكانتك اما هون او رح تتكسر رتبتك
جرير:معقول انت تكسر رتبتي
ساجد:استغل الفرصة لا تحقق معي حقق مع محجوب انا بستلم قضية الطفل
اشرلو بمعنى انصراف هالحركة خلت جرير ينقهر بس مافيه الا ينفذ ليثبتلو انو مستحيل يكسر من رتبتو
طلع جرير تارك ساجد عم يمخمخ على السيكارة
...........
كنت حابة اتواصل معو مع اني مابعرف هو وين شو عامل نايم او صاحي بس الي متأكدة منو عم يدخن كل وقتو دخان ماعدا السكاير الي بيطفيها بنصها وفجأة بولع وحدة جديدة انو شو الفكرة بهالحركة
فتحت على الواتس وبعتلو
مريم:🦋استفقدتلك
طبعاً مسكر لهيك اخدت تيابو من على حبل الغسيل وطويتهن وعلقت الي بدهن تعليق ابتسمت وقت اتزكرت ليلة مبارح واخجلت كمان اصلا قلبي عم يدق بسرعة معقول ساجد استغل الوقت اتقرب مني لمصلحتوا لازم اعرف بس هو كان رومنسي من قبل😂من وقت طلعتلي الفارة وقربني منو اوووف لك مريم شو بدك تتزكري لتتزكري ولا يومياً كيف عم انام بنفس التوقيت ولا وقت رجع سكران لا مو طبيعي هو الله يسامحوا معقول بيشرب اووف خلص مريم لا تتزكري ابدا شيليه من بالك.
..........
كان بغرفة التحقيق جرير وقدامو محجوب الي مجروح طرف تمو من الكف الي اكلو من ساجد
جرير:انت الك علاقة بالقضية
محجوب:لانو فاشل اجى يضربني ويتقاوى عليي انا لازم احكي مع العقيد
جرير: مو وقتك الك يد متل ما حكى الرائد
محجوب: انت خايف منو اعترف
جرير:ما بسمحلك تحكيني بهاللهجة مفهوم
محجوب:انتهازي مغرور معو مرض جنون العضمة والا ما بيتصرف مع زميل الو هالتصرف بدي دليل واحد ضدي انو قبضت من زوج امو للطفل
جرير:شو نعمل رجعتو للمركز فاجئت الكل حتى العناصر ما بيعرفوا وهلا كلهن عم يحلقوا وخايفين وشي عم يغسل بدلتو بفترة الاستراحة
محجوب:لانو مريض نفسي بيخافوا منو لا تستبعد انو رجع ليتحداك الك
جرير:وكيف بدي اكسب التحدي
محجوب:لازم توقف معي
جرير:بس ازا الطفل متعرف للتحرش رح يبين الجثة من يومين اندفنت وفهمك كفاية
محجوب: نحن ما دخلنا بقضية الطفل الي لازم نعملو ما يثبت شي ضدي لانو رح نروح سوى
جرير:يعني الك يد بالموضوع
محجوب:وفيني انكر بناء على موقفك
جرير:شو لازم نعمل
محجوب:رح نتابع التحقيق معو ورح يتعاقب زوج الام واترك الباقي عليي
جرير:هاد مصيبة
محجوب:وما كنت حاسب حساب هالشي
جرير:فيك تواصل عملك وانا رايح اتفاهم مع هالمصيبة
كان محجوب لدرجة تعبان ومقهور حط راسو على الطاولة ومشهد دخول ساجد وضربة الكف ما عم يروحوا من بالو
..... ....
كان بالمستشفى مع الفريق الطبي وناطر التقرير المفصل
الدكتور:تفضل سيادة الرائد
باهتمام:طمني دكتور
الدكتور:للاسف الولد متعرض لتحرش جنسي
ساجد: والاعتداء كامل
الدكتور:للاسف كامل
ساجد: شكرا الك دكتور
الدكتور: سيادة الرائد فيني اسألك شو الي خلاك تطالع جثة الطفل بعد دفن يومين
ساجد بقهر:لاننا مو بغابة وازا القانون ما اخد مجراه لازم كل واحد مننا يروح ينام ببيتو بكون احسن
الدكتور:شكرا لجهودكن سيادة الرائد
بقلبو:شكرا شووو
لك شو احكي قتل روح ليرضي نفسو المريضة
اكتفى بهز راسو وطلع ومعو التقرير كان نبيل ماشي وراه خطوة بخطوة بس مو ملحقو
نبيل:شو لازم تعمل
ساجد:بالمركز بحكيلك
كان تعبان سايق السيارة منظر الطفل اثار الوقعة الجثة الي عم تتحلل
بقلبو:يا وجع قلبي عليك بدل ما تكون عم تلعب دفنوك ودفنو احلامك وحق الله لاخد حقك من جوات قلب هالمريض
وجودو بالمركز بيحدث انضباط غير طبيعي العناصر بلباس عسكري متكامل حالقين ومظهرهن الخارجي نظيف ومرتب نزل من السيارة كان التجمع كبير فريق مداهمة جاهز لياخد التعليمات بس منو
ساجد: الملازم صفوح وفرقة المداهمة بيحاطوا البناية والنقيب نبيل بيحاوط مكان شغل زوج الام
فريق المعلوماتية بدي تشبكوا معلومات عن المتهم بكل مراكز لحدود والمطار بدي يتحقق مع كل شخص اتواجد بيوم الحادث وجيبولي امو لو من حضن امها
انصراف
طلع لمكتبو وجرير ماشي معو
ساجد:هات ما عندك
جرير:محجوب ما دخلو بلي حكيتوا
ساجد بعدم اهتمام:مو مشكلة اوقات بيقولو ضرب الحبيب زبيب وخليه يحبني مش حلوة بحقو يكره رئيس المباحث
جرير:الي بينك وبينو شخصي
ساجد:ولا حتى بخيالي بفكر فيه
فات للمكتب شلح جاكيتو كان لابس اسود باسود حتى حزام مسدسو اسود وتلقائيا قعد ورا مكتبوا المكان الي بيليق فيه شبك أيديه ببعضهن
جرير:شو المطلوب مني
ساجد:الي لازم تعرفوا انا ما خلصت اجازتي قطعت شهر العسل وانتو السبب
جرير:معقول تعرف شي اسمو شهر عسل
اتكتف واابتسم بغرور
ساجد:بدك تتابع القضية
جرير: اكيد ومتمني تعطيني التقرير

ساجد: لو كنت مهتم كنت اشرفت عليه من البداية
جرير: ومشان محجوب
ساجد:الغلطة الاخيرة مارح تنقضى بكف
جرير:انت كيف فيك تهين ملازم والو مكانتو
ساجد:ع فكرة معي صلاحيات كاملة من العقيد واللواء شخصياً
بقلبو جرير:معي خبر والا العقيد ما بجيب سيرتك بكل مناسبة
جرير:انا متربطة ايديي بوجودك
ساجد:فيك تستريح انا على راس عملي لتنتهي القضية وما رح ارتاح الا ليتعلق الفاعل على حبل المشنقة
جرير:بس سجن مؤبد بظن بيكفي
ساجد: مابعرف المهم اخد حق الطفل وما تتسجل هالقضية البشعة بحق الطفولة قضاء وقدر
.......
كان جرير مراقب أو بالأحرى عم يتعلم فنون التحقيق من ساجد اول ما جابو الام استنفر ساجد وقف واستقبلها وجرير متابع
ساجد:اتفضلي يا مدام
الام:ليش جبتوني يا سيدي
ساجد:التحقيق ما انتهى
الام:...بس هو وقع
ساجد:بالاول استريحي
قعدت بخوف
ساجد: يا ابني جيبولها كاسة مي
كانت حالها بالويل وهو مقدر فقدانها لابنها
ساجد: فيكي تحكيلي عن يوم الحادث واسف انا بعرف انو هالشي مو سهل عليكي بس لازم اعرف
الام:متل العادة بيكون متابع افلام كرتون ومندمج انا عطول بحرص اسكر باب البلكون ابني عدواني بشكل كبير
ساجد:كيف يعني عدواني
الام:بحب الانعزال عن العالم
ساجد:وحالتو من زمان هيك
الام:لا اول كان طبيعي بس بعد وفاة ابوه اتغير
ساجد:بعد زواجك التاني اتغير
الام: بعد اقل من سنة من زواجي صار يرفض الاكل ويحب ينعزل عن العالم كان مهووس بألعاب القتال وفجأة صار يكره يلعب
ساجد:وما لاحظتي اي شي غريب على ابنك
الام:متل شو
ساجد:مثلا كدمات او ندبات مابدي اشرحلك بالالم نشرح
سالو دموعها بغزارة
الام:اي لاحظت
ساجد: واكيد ما سألتيه
الام:شو الموضوع يا سيدي
ساجد: علاقتك بزوجك كيف
الام:متل اي وحدة تزوجت بعد وفاة زوجها هو عندو عيلة تانية
ساجد:يعني علاقتك فيه عادية
الام:بس هو حنون كتير
ساجد: كان حنون ع ابنك
الام:😭 مات نوار عمري مات
سكت واختنق
ساجد:لو سمحتي تابعي معي التحقيق
الام:كان حنون عليه اي
ساجد:كنتي تتركيه معو يعني تقضي مشوار او مثلا تروحي لعند شي جارة وتتركيه مع جوزك
الام:على طول اتركوا
ساجد:كان يخاف منو نوار
الام:😭كنت الاحظ عليه يبعد عنو ويرفض انو يطعميه وحاولت كتير اقربوا منو بس كان يرفض
وقف وفرك جبينواا ليخفف على حالو صدمتو بغباء الام
ساجد:بيوم الحادث شو صار
الام:تركتوا يتابع افلام كرتون واطلعت لعند جارتي بنتها على وش زواج اشوف جهازها وارجعت للبيت واستفقدت نوار كنت شايفة البلكون مفتوح بس ما اقدرت اتخيل انو واقع منو دورت عليه بكل البيت تحت التخت بالمطبخ 😭بس صوت سيارة الاسعاف خلاني اجمد بأرضي واتزلزل بدني دقات الباب رعبتني فتحت كانت الشرطة وحكو ابني واقع .
ساجد:العمر الك
الام:طيب ليش جبتوني اليوم
ساجد: حالياً مامعي صلاحية احكيلك ليش استدعيناكي اسفين على ازعاجك بس اكيد رح نستدعيكي بيوم تاني
الام: يعني ابني مات مقتول
ساجد: القضية قيد التحقيق
أشر للعناصر
ساجد:وصلوها للبيت .
بقلبو:الحقيقة مرة يا ام نوار
وانتي فقدتي فلذة كبدك من جهلك وعدم حرصك على طفلك
........

الحلقة الخامسة وعشرون
كان ماجد اخد راحتو بغياب ساجد عيونو عم يلمعوا على محبس مريم وعلى طول يتفقد المجلى وحواليها بلكي مريم تنساه بشي مكان غرفة ساجد مقفولة كل الوقت وهو بنفسو يفتش بتياب اخوه بيعرفوا بيخبي مصاري كتير فيها كانت مريم عم تجلي وانتبهتلو لانو فاتح البراد
مريم:ما حلك تجوع
ماجد:مو جوع بحب انقرش اي ما حكى ساجد
مريم:لا والله
ماجد:صحيح مريم والله عطول رفقاتي بيعزموني وانا ولا مرة عزمتهن.
مريم:اجهزلك الاركيلة
ماجد:لا بدي اسهر بالغرفة فوق
مريم:غرفة شو
ماجد:لا تجدبيها بغرفة القعدة اكيد مو بغرفة النوم انتي ليلتها دبري حالك نامي عند مجد ومنو بتتونسي
مريم:ورح تدرى مرت عمي
ماجد:هلا كلشي بتحكيلي مرت عمي
مريم:مابعرف بلكي عارضت
ماجد:انتي شو بدك نامي عند مجد وما عليكي انا بفوتهن من الباب البراني بدون ماحدا يحس
مريم:ايمتى السهرة
ماجد:اليوم اكيد
مريم: متل مابدك
......
بقلبي: رح اخبر مرت عمي مشان لا اعلق بمصيبة ولو ساجد يتواصل معي رح اخبرو كمان اكيد شلتو زعران ومارح يهون عليهن
طنشتوا وكملت جلي واستغليت غيابو عن البيت وحكيت معها كانت عم تساير نادرة
مريم:مرت عمي بدي احكيلك شغلة
ام ساجد:اي احكي
مريم: عادي ماجد يسهر فوق بالغرفة مع رفقاتو
ام ساجد:هو طلب منك
مريم:بس مابدو تعرفوا
إم ساجد:انتي خليكي برانية انا بتصرف معو
مريم:وبلكي عرف انو خبرتك
ام ساجد:ما عليكي شغلتي هي.
مريم:هو طلب مني انام عند مجد
ام ساجد:لا تردي عليه انا هون وانا بحل الموضوع

ارتحت كتير لانو عندي فوبيا من المواقف مو ناقصني تكرهني حماتي مشانو وهو ابنها مارح يهون عليها فيه وانا رح اطلع وحدة بلا فهم وغبية ومنها لابنها تسطفل
اطلعت للغرفة ارتاح لشو الكزب والله مليت ولازم احكي مع ساجد ارجع لدوامي بالبنك
ياترى مشغول لهيك مسكر المشكلة اربع وعشرين ساعة ما بيفتح الواتس يتصل لك يبعتلي سمايل صغير والله ما طمني عنو شو هالرجال هاد
........
بغرفة التحقيق كان عم يتصبب عرق ونبيل ماسكو وعم يحاول يبعدو عن المتهم طبعا ساجد ولايمكن يستلم متهم عادي الا يذلو ويضربوا
ساجد:اتركني نبيل روقت
انووو روق كان عم يتنفس بسرعة
ساجد:احكي احكي قبل افصل عليك من جديد
المتهم:شو بدي فيه متجوز وعندي نسوان تنتين
ساجد:مرضك النفسي خلاك تتحرش بطفل صغير
المتهم:ماصار
وقفوا على حيلو ثبتو بالحيط وضربوا برجلو بقوة
المتهم:اااااخ
وما اكتفى اشر ل محجوب أعطاه الكرباج وعنصرين ثبتوا رجليه وعلى ضرب ضرب
نبيل: سيدي انت عم تتعب حالك خلص هات عنك
ساجد: ولايمكن حدا يعزبوا غيري
محجوب:لو بدو يعترف اعترف
وهو عم يضربوا
ساجد: بدو يعترف مو بكيفو
غمض بقهر نبيل لانو بيعرف بعد موجة هالتعزيب ساجد رح يتحلحل عليه التعب مسكوا وبعدو عنو كان منظرو بيخوف وكانو مفترس عنجد
نبيل:خلص بكفي يومين بالمنفردة ولحالو رح يبق الي بقلبو
ساجد:رح تدفع الثمن غالي وغالي كتير
تركوا وطلع للمكتب كان نبيل ماشي وراه والعرق معبي قميصو وجبينو
ساجد:واطي منحط التهمة ملتحشة بحضنو وهو عم ينكر
نبيل:اكيد رح ينكر سيدي رح ينفضح لانو
ساجد:بدو ينفضح وحالياً متهاون معو
نبيل:هيك ومتهاون
ساجد:لاقطع ضناه بس خليه لسى ما شاف شي
فات للمكتب ودغري للحمام غسل راسو بالمي وجلس حالو واطلق نفس برياحة
ساجد:لو بدي اداوم سنة بدك تقر
فك زارار قميصو وطلع
نبيل:ساجد انت عم تزودها هاد المجهود الي بذلتو رح يخليك منهك اسبوع
ساجد:مو مهم
اخد بلوزة عادية ولبسها
نبيل:انت ما عم تنام ابدا
ساجد: بدي ارتاح في مجال
نبيل:اكيد رح اتركك ترتاح تاني مرة رح امنعك تقرب صوبوا محجوب بيكفي وبوفي
ساجد:ما بوعدك
طلع نبيل من المكتب
نزل الستارة شغل سيكارة واتمدد كان عم يشرب بعمق وينفض بالارض ودقات قلبو كبيرة لانو شاف صورة لنوار قبل وفاة ابوه
كان وشو مدور بيشبه البدر المكتمل وشعراتو سود وهلا وقت اتزكر جثتو وانو صار تحت لتراب تسارعت اكتر ضربات قلبو
ليتزكر حادثة قتل صارت بحارتهن وهو كان بوقتها طالب بكلوريا وكيف انقتلت وبعد فحص الطبيب الشرعي تبين انها لساتها بنت وهي بالاصل كانت جريمة شرف
ساجد: عديمي الشرف
.........
كان العنصر مزروع قدام مكتب ساجد
وقت اجى جرير
جرير:الرائد ساجد موجود
العنصر:بس هي فترة راحتو من وقت وصل للمركز ما ارتاح
جرير:مسموح افوت
العنصر:اكيد سيدي
فتحلو بهدوء وفات كان جرير مصدوم من طريقة التعزيب وكيف مخفي ملامحوا للمتهم اتزكر كلام محجوب
محجوب:ما بيستلم مهمة تعزيب الا لمواضيع التحرش والاغتصاب يعني بيتهاون كتير واوقات قضايا بيوت الدعارة ما بتأثر فيه الا هالقضية
جرير: يعني في من وراه شي
محجوب:بيخطرلي انو حدا بيخصو هيك
جرير:قولتك رح يعترف
محجوب:ازا بكرى رجع استلموا الموت اهون عليه لساتو مابيعرف مين الرائد ساجد
قرب منو وشافو منهك حاضن لمخدة وعم يتنفس بهدوء.
بقلبو:حتى ما عم استوعب كيف انا عم احسبلك حساب وانت وانا بنفس المرتبة
بدو يقنعني كان بشهر عسل ياربي دخيلك كون بعون صاحبة النصيب
راح لورا المكتب واخد محضر التحقيق وطلع يقرأ اقوال الام
..........
صحي كالعادة ديب على صوت لولاد شي ينط وشي يصرخ الاكل بكل مكان فوضى لابعد الحدود غمض من جديد ما عدا الروايح النتنة المنبعثة من زبالة البيت
ديب:الله لا يسامحك يا ختام شو بتخسري ازا اتعدلتي من يوم يومي نظايفي ومهفهف كيف ابتليت بهالبلوة والله انغريت ولشو الكزب قلت ابوها عندو واسطة بس ما كنت اعرف انو دورت ع المصالح ونسيت نفسي معقول هي غير عن اخواتها ماافي مراة بتقبل تعيش بهيك مزبلة والاحسن يسمع صوت امو تبهدلها من برى البيت
ام دياب:لك يا وخمة مو عيب عليكي الي عاملتيه بطقم الفناجين
فاتت امو للبيت وهو دغري اتجلس وطلع ليتابع الموضوع
ختام:اصطبحنا من صباحية الله ع صوتك يا شم ئرين
ام دياب:فشرتي يا وخمة يلي الوسخ طامرك يا عديمة المسؤولية
ختام:خير شوفي عندك شايفيتني بمنامك
ام دياب:استعرتي طقم الفناجين من سلفتك ورجعتيه بعد شهر مطحبش لك مو بقيان من الدزينة الا كم فنجان لك سلفتك صمدتو الف فوق الف لحتى اشترتوا مو متلك يا مستهترة لو فيكي خير جوزك بيقلب البيت عليكي
ختام:منيح ما استعرتو طقم دهب كانت مها عم تبكي وتلطم

ام دياب:ديييب يا ديب
طلع من الغرفة ونفخ ب ملل
ام دياب: مرتك مامنها امل شوف هالطقم كيف مكسر وبعين جقرة مرجعيتو
ديب:لك كيف بتكسريه
ختام:وانت كمان مع الخانم مها
ديب:انا مع كل حدا ضدك وبعدين وبعدين يحرق اخت هالعيشة طالعتيني عن اصلي لك جلطتي على ايدك شو احكي لاحكي انا ما عاد فيني اتحمل اكتر من هيك قلبي بيغم بس افوت البيت وين اروح بحالي ياريت اموت وارتاح منك ومن ولادك وعيشتي معك انا زلمة ملييييت يا عالم مليييت ما عم لحق بيتنا مزبلة مرتي وخمة ولادي بلا ترباية يارب خلصني من هالعيشة كان نبضو سريع وقلبو مدبوح من الوضع الي وصلو وهي السبب اتزكر السرقات الي برقبتوو ورح بتحاسب عليها وقعد بالارض مهدود حيلو وامو وقت شافت لون وشو صار احمر طار عقلها اجى دياب يركض ليشوف ديب شبه عم يفقد وعيو وعم يفرك صدرو لانو ضايق كتير ولاويل امو وختام عم ترجف ولولاد مصدومين واسعفوه للمستشفى
............
كنا ع لفطور وقت حماتي كانت عم تحكي مكالمة وضربت على وشها
ام ساجد:ايمتى هالحكي وهو كيف صار
وانا مابقى فيني حيل خفت على ساجد واتخيلتو💔لا ياربي لا
ام ساجد: له له بانو مشفى
ماجد:شوفي ماما
ابو ساجد:شو صاير يا مراة
ام ساجد:طيب ماشي اتصلي فيني بس تخلصي
مجد:امي شو صاير والله هرو ركبي
سكرت الخط وزعلانة كتير
ام ساجد:ديب بالمشفى اسعفوه صايبو ضيق تنفس والله سترو
ماجد:له له يا ديبو
ام ساجد:يا بنات مابدي أوصيكن بالبيت انا لازم اروح واهني ام دياب بسلامتو
ابو ساجد:ازا اجى من المشفى ابعتي وراي لاهنيه بالسلامة
مع انو ما بعرف ديب الا من بعيد بس والله ازعلت عليه لانو شب اتزكرت بيتوا ومرتو وولادو
بقلبي:يييي الله يكون بعونوا والله هو شخصية وعطول مرتب ليكون من ورا عيلتو هيك صار فيه
بلشنا بشغل البيت والا اتزكر ساجد واحس بأمل كبير ياريت يحكيني والله مليت بدونو
.......
بمكتبوا كان عم يلبس ليبلش دوام كان جرير واقف وعم يقرأ وراق وساجد عم يسكر زرار القميص الابيض لبس لحزام وضب القميص بالبنطلون ولبس حزام المسدس كان انيق لدرجة ولمعة فرح بقلب جرير لانو ساجد عم بتعامل معو بعفوية
ساجد: الواحد بيتصبح بكلشي بس فيك ماعم اتقبل بعدين انا منبه على العناصر وقت اكون نايم لا حدا يفوت للمكتب ولو كان الامر طارئ
جرير:حسيت بملل بس ما فكرتك بتقدس النوم والا ما راقبت نومتك
ساجد:شو طلع معك
جرير:الك دهر مو نايم
ساجد:خلصت لوراق
قعد على طرف الطاولة واخد لوراق من جرير
جرير:بس يعني ما بتحس الام غبية كتير
ساجد: لا تزعل مني اغبى منك مافي
جرير: ازعل هو انت بتحسب حساب لزعل حدا
ساجد:طلبت قهوة مو
جرير:اي طلبت ساجد خليني احقق مع المتهم
ساجد:بيني وبينك متمني لانو حيلي مهدود
جرير: انت التاني استنزفت كل طاقتك
ساجد:وياريت وصلت معو لاعتراف مرضي على الاقل
جرير: يمكن بريء
ساجد:سبق وحكيتلك انا ما بتقيد بأقوال المتهم انا بتابع لغة الجسد عندو من وقت فتت لغرفة التحقيق ما قدر يتطلع بعيوني ووقت اجبرتوا ولمجرد سمع تهمتي بؤبؤ عيونو صار يرجف عدا انو متوتر والعرق عم يتصبب من جبينو ولما سألتو شبك متوتر حكالي الفوتة للمكان بتخوف
جرير:ومشان محجوب
ساجد:خليه يتابع معنا
وابتسم ل جرير وغمزو
ساجد:عطول بيزبط الوضع بيصف مع العدالة
جرير:بلكي مجرد شكوك
ساجد:والله يا زميل عندي حدس قوي ومش اي حدا برتاحلو بسهولة في شي لازم تحطوا ببالك انا ما بس بحقق باثناء عملي وكمان بالمحيط الي عايش فيه وبقدر أفسر خوفك من تواجدي بالمركز اليوم
جرير:اوف ساجد حل عني انا مش متهم
ساجد:فعلا انت بريء بس ما عم تشتغل بأمانة
جرير:مطول انت مابدك ترجع لعند عروستك
ساجد: عروستي....بتسدء انسيت اني متجوز
جرير:وهيك شي بينتسى بس معقول واحد متلك يكون رومنسي
ساجد:لو تعرف اديش ساجد هادي ورومنسي كنت قلت ياريتني بنت ويتجوزني😂
جرير:لا يااااا اتاريك بتضحك ولايمكن انسى فوتك للمكتب
ساجد:الله يقدرني وانسيك هالموقف شو معنى اسمك جرير
جرير:ترى مو ناقصني الا مسخرتك
ساجد:انا بقول بتجر الخيبة وراك
جرير:ع اساس انت ساجد ليل نهار
ساجد:انا ساجد كل الوقت
جابلهن العنصر القهوة قعد ورا مكتبو ساجد وجرير قدامو
ساجد:جهزلي المتهم
جرير : اكل هوى معناتو
فتح بيانات الهاتف وابتسم لانو عم يشبك ليشوف رسالة مريم
بقلبو:فراشة كمان واستفقدتلي لازم ندردش اليوم
شبك ساجد اتزكرت انك متجوز
سكر الموبايل وشغل السيكارة واسترخى على الكرسي
......
اول ما فوتو المتهم لغرفة التحقيق الي مليانة اساليب تعذيب بلش يصرخ
المتهم:طالعوني طالعوني
انتبه لصوت القفل واول ما شاف ساجد ووراه جرير ومحجوب هستر من خوفوا
ساجد:بدك تعترف ولا اعيد واكرر وهالمرة تقليع اظافر مع اسنان

المتهم:بأي حق عم تعزبوني مافي دليل ضدي
ساجد:نحن ولاد حرام عندك شك نكون غير هيك
جرير:الاحسن الك والنا تعترف على الاقل لحتى ما يتكرر استجواب مبارح
المتهم:هلا صارت امو واشتكت عليي اكيد حدا حرضها ضدي
محجوب:لشو كل هالعي بدك تعترف
المتهم:بس لا تضربوني
ساجد:بتعرف ازا بحقق معك وما بتعترف وبتطالع قلبي بالاستجاوب ليصير جريمة قتل بالمركز واليوم
المتهم:كلكن بدكن تحققو معي
ساجد:انت مين بدك
المتهم:كلهن الا انت
ساجد:يلا يا شباب جلسوه واخلو المكان
ركزوا محجوب على الكرسي
وجه الكلام ل جرير
ساجد:تابع الاقوال من المكتب
جرير:متل مابدك
ساجد:سكرولي هالباب

الحلقة السادسة وعشرون
قعد قبالو كان المتهم رافض يتطلع فيه
ساجد:هات ما عندك
المتهم:بدك انفضح يا سيدي
ساجد:الي عامل عملتك بخاف من فضيحة
المتهم: ندمان يا سيدي والله ندمان
ساجد:على شو بالضبط على تحرشك بطفل بريء ولا على قتلك الو
المتهم:ما كنت رح اعمل الي عملتوا بس هو كان بدو يخبر امو
ساجد:كيف وقعتوا
المتهم:فتحتلو البلكون وهو رمى حالو
ساجد بغضب:والاعتداء حصل بنفس اليوم
المتهم يبكي:بس اندمت والله
ساجد:بنفس اليوم
المتهم: اي
ساجد:وكان الاعتداء الاول
المتهم:حاولت فيه بكل فرصة بس كان يهرب
ساجد:بشو مقصرة معك الفطرة السليمة لتفكر بطفل صغير
المتهم:كان مجرد اعجاب فيه
ساجد بقمة العصبية:مرض مو اعجاب لا تقول اعجاب
المتهم:انا متمني يكون عندي صبي
ساجد:يعني ما عندك صبيان
المتهم:اربع بنات
ساجد:ما بستبعد عنك تكون متحرش كمان فيهن
المتهم:اي بكل فرصة بحضنهن وبقربهن مني اخد نفس عميق وزفروا بتعب وقهر
ساجد:انت بتحس حالك طبيعي
المتهم:بندم بس غصب عني بتقرب وبفكر فيهن
ساجد بغضب:انا ممكن اتهاون مع قضايا الفساد والنصب وممكن اشرع فتح بيوت دعارة بس ولايمكن اتقبل انو الي عملتو طبيعي او انغصبت عليه لانو هي قضية إنسانية مو اخلاقية بأي حق بتهدم روح بريئة بأي حق بتكسر جناح طير صغير وكرمال شو لترضي مرضك النفسي
وقف وانهال عليه بالضرب فاتو العناصر على صوت صراخ ساجد وضربو
ساجد:مريض ودمرت روح بمرضك قتلت طفل بريء حيوان مختل منحط
وماحدا قدر يهديه
ووجه المتهم كان عبارة عن دم وساجد
هجم نبيل عليه ورجعوا عنو بالزور
ساجد:قبل تحولوه للنيابة بدي ابليس يتربى فيه
نبيل:خلصت تحقيق
مسح على شعرو بلع ريقو بصعوبة وغمض بقهر
ساجد:كملو عليه بدي صوتوا لفوق لمكتبي
محجوب: امرك سيدي
.......
كان جرير متابع التحقيق والاقوال من مكتبو عن طريق الكاميرات المزروعة بغرفة التحقيق فات ساجد تعبان ونبيل مستاء من وضعوا من جديتو بالموضوع قعد على الكنباية بتعب وغمض ودقات قلبو كبيرة
اتطلعوا ببعض جرير ونبيل بيأس
نبيل:نحولو للنيابة
ساجد:استدعوا الام حالا
نبيل:بتحضر جلسة الحكم
ساجد: استدعوها
نبيل:ساجد انت معصب لابعد الحدود وهي حالياً ماعم تتقبل موت ابنها موتت ربو كيف لو تعرف انو جوزها قتلو
ساجد: استدعوا ام نوار
جرير:متل مابدك
نبيل:ليش كل مرة بتعمل بحالك هيك هي مو اول جريمة
ساجد:اتركوني لحالي
طلعو من المكتب واول ما اتسكر الباب
جرير:في سر بالموضوع
نبيل:من فترة كمان استلم تحقيق بموضوع اغتصاب الله لا يفرجيك اسبوع من التعذيب ما كفاه رغم انو المغتصب صار بدو يتجوزها بس هو رفض واصر انو القانون ياخد مجراه وعلى مبدأ رح يغتصبها بكل ليلة
جرير:انت مقرب منو مابتعرف شو السر
نبيل:ما بظن يحكيلي ازا في سر بالموضوع انا ضد انو يحكي مع الام وهو بهيك حالة رح يجرحها
جرير:خليه يروق وازا ضل مصر على استدعاء ام نوار رح نستدعيها
رجع نبيل لمكتبو وجرير نزل ليشوف حال المتهم لوين واصل كان بدون وعي يحكي وموجوع لدرجة وكان بيستاهل مو بس الوجع الجسدي والنفسي كمان
........
لساتو ع نفس الوضع كان يأسان بشكل مبالغ فيه اتزكر حادثة التحرش الي اتعرضلها ماجد وهو بعمر صغير وانقهر
ساجد:الشي الي ما عم استوعبوا كل ما تقدم فينا الزمن والوعي عم ينتشر بشكل مبالغ فيه الاقي الانحطاط هو هو ما بدنا نخلص من ظاهرة التحرش والاغتصاب
بدقات الباب فات نبيل ومعو قهوة اتطلع فيه ب ملل قعد مقابيلوا نبيل
نبيل:صرت احسن مو
ساجد:ليش طنشتوا الي طلبتوا
نبيل:المهم هلا انت تروق وترتاح رح تحكي مع ام نوار ورح تفهمها غلطها
ساجد:في شي ماعم استوعبوا
نبيل: غباء البشر
ساجد:نفوس البشر كيف فيه يمارس مرضو على طفل صغير
نبيل:اهتمامك بالموضوع خلى الكل يفكر بالسر الي مخبيه
ساجد:انسانيتي ما بتسمحلي اصفح عن مرتكبي الجرائم بحق الطفولة
نبيل: فيني اسألك سؤال
اشرلو بمعنى اتفضل
نبيل:بعد ما يتحول المتهم للنيابة شو رح تكون ردة فعل العقيد راهن عليك وكسب الرهان
ساجد:مو مهم انا وقت بستلم القضية ما بستنى النتائج بكون همي الوحيد تظهر الحقيقة ما بستنى ثناء اي حدا عليي المهم ارضي ضميري وبس
نبيل:شو رأيك بجرير
ساجد:انت بتعرف كم فرصة بعطي للانسان يثبت نفسو بمجالو
نبيل:هاد الشي الي ماعم افهم شو الغاية منو
ساجد:لانو كنت بحاجة حدا يعطيني اكتر من فرصة لاصلح من ذاتي كانت فرصة وحدة وتبخرت
نبيل:وانت بتعتبر حالك انسان جيد
ساجد:اكيد لا
نبيل: وبعدين رح تضل مكتئب
ساجد:جواتي جرح ما بطيب
نبيل:وين بالضبط
ساجد:بقلبي وعقلي وكرامتي حتى
نبيل:بتهون يا صاحبي شو رايك نتغدا ونغير جو
ساجد: كمان ساعة بلكي تتغير نفسيتي شوي

نبيل: يعني ااجل الاستدعاء
ساجد:لبكرى خليه
........
ببيت ام دياب كانت لمة الحبايب والقرايب برجعة ديب من المشفى بخير وسلامة وطبعا بيتو مو اهل لاستقبال الضيوف لانو رح ينفضحوا بقي نايم على فرشة بالمضافة وحواليه مصطفى وجبورة ومصلح وماجد شلة العطالة يعني
ماجد:يا معلم غلي قلبي عليك والله
مصطفى: الحمد لله على سلامتك اهم شي صحتك
زورو ماجد بيكرهوا مشان مريم
جبورة: المهم نرجع لشغلنا
ديب:بدنا ناجل كلشي بدي اعيد حساباتي
مصلح: بكون احسن
ديب:كيف ساجد
ماجد:والله عتبك على يلي بيحكي معو
ديب:بدي ترتبولي الورشة
جبورة باهتمام:ليش معلمي
ديب:بس تخلص موجة لضيوف بدي اسكن فيها
ماجد:والله يا معلم قصتك غريبة
مصطفى:😂وشلعها الهوى
ماجد:انت لا تضيف ع كلامي شي
مصطفى:ما دخلك انت
جبورة:هلا جايين تتناقرو بحضرة لمعلم عندي سرير من حديد معلم
مصلح:لا لا عندي صوفاية من تحت بتنفع تكون خزانة وبتنام عليها معلمي
مصطفى:وعندي براد صغير كمان تحت خدمتك
ديب: ياريت تفزعولي بأصلاح وضعي
ماجد:اشر ع حيلا بنت طبعا مو تفكرني بدي اخطبها الك😂بس ببعتلا مراسيل
مصلح: خلص ولوو حاجتكن معلمي لا تتغدى بدي اجيبلك كباب مشوي
مصطفى:وبكرى غداك شاورما
جبورة:انا معلم بعزمك ع مقلوبة
ماجد:وانا كمان ولادة😂اعزموني
ديب:😂 حقير ولاه
ماجد:مبروك ما اجاك معلمي
ديب:انصراف وانت ماجد سلملي على ساجد
ماجد:انت لو تخبر فيروز تسلملك عليه بيكون اقرب😂😂
طبعا يضحكوا على نهفات ماجد طلع ماجد ومصلح وجبورة بس بقي مصطفى
ماجد:شفتو صلعة مصطفى مجددة
مصلح:😂ستايل واو
جبورة:هلا النملة ازا بتطلع ع صلعتو شو رح تقول
ماجد:اخر زحلوطة على حب النبي
فرطوا من الضحك
ماجد:مع انو كانت اغنية مفرق جاسم مكفية وموفية
جبورة:وصار لازمنا اغنية صلاعانا😂
شافهن وائل وابتسم للمتهن لو سرسرية
وائل:شو طمنونا عن لمعلم ديب
جبورة:منيح بس اوعك تحكيلو ازا فيه دفتر الدين اسمو
وائل: دخيلك منأجلها ليصحصح الديب اولا
ماجد:بتحاكي خيي
وائل:لا والله يا خيي ماجد
ماجد:على كلا احسب حسابك جاي بدي تخد فاتورة للبيت
وائل:تكرم عيونك
.........
مصطفى: معلمي ماعم انساها بترجاك
ديب: المخلوقة تجوزت حل عنها
مصطفى:يا معلمي خدمة وحدة
ديب:مابقدر اخدمك اياها دبر امورك انا مو مستعد اخسر ساجد مشانك
مصطفى:الله يسامحك يا معلمي والله قلت انك كفو
ديب: كفو بس شغلة المتجوزات ما بحبها قسما بالله بس اسمع عن وحدة متجوزة وفلتانة بيقب شعر بدني ما بتزبط لا بعقيدتنا ولا باخلاقنا
مصطفى:ع اساس ماشي ع الصراط انت
ديب:انا وسخ كتير بس عند الشرف مستحيل اكون وسخ بسرق بنهب بنصب بشرب بس مافيني اخوض بالحرام بهديك الشغلة
مصطفى: انسى الي حكيناه
ديب:دورلك على غيرها
بقلبو:والله مابقبل بغيرك لو بدك تترملي رح اخدك غصب عن سلالة بيت النمر
........
بالمطعم كان عم يتغدا هو والفروج بيناتهن قصة عشق ما بتنتهي ونبيل مبتسم لاكلو
نبيل:اي كيف ملاقي الزواج
ساجد: غير شكل
نبيل:وبتكون فخورة ازا بتشوفك بشغلك
ساجد:شو نبيل بحس انك معجب فيني
نبيل:هههه احساسك بمطرحوا بس هلا في شي شاغل بالي
ساجد:ليش ما خبرت انك راجع للمركز
نبيل:صح
ساجد:حبيت اعملها سوربريز
نبيل:ماكانت هيك كانت صاعقة
ساجد: بعدين شو هالتسيب بغيابي لك نبيل
نبيل:بدك تسأل زميلك
ساجد: المهم زبطلي سهرة كيف
نبيل:انو معقول
ساجد:معقول ونص
نبيل:تطلب كمان😂
ساجد:احتفظ بحق الرد
رجع صفن بالقضية بس هالمرة ما كان بالعصبية المعتادة كان ابرد بكتير يمكن لانو اتسكر الملف مع انو مارح يرجع نوار للحياة بس حس أنو اخدلو حق طفولتو الي اغتصبها انسان مريض
بقلبو:يمكن لو بقي عايش رح يضل يعاني ورح تكون ثقتو بنفسو مهزوزة ويمكن عدوانيتو تصير على المحيط كلو وينتقم من انسان بريء او يمكن ينجرف بتيار القذارة الله اختارلو الافضل مع انو مستحيل صورتك تغيب عن ذهني نوار انت دخلت قلبي مارح انساك بيوم ويومين ياريت كان فيني احميك
دمعو عيونو ودغري فركهن لحتى ما يحس نبيل اديشو حسو مرهف وحنون لدرجة عكس ملامحوا الحادة والجدية.
.......
كنت عم جهزلو رسالة صرلي ساعة بفكر بالموضوع وانطلق لساني
(🦋اسمري ساجد،لقد اشتقت إليك كثيراً ،
ليتك تعلم كم أنا أحبك ،وافكر بك بشكل مفرط جعلتني مهووسة بك،اود ان أسمع صوتك، همسات تلك الليلة لا زالت في اذني،مريم🦋)
بعتتها وقلبي يخفق كنت مترددة واول ما وصلتو خفق قلبي لانها رسالة عادية مو واتس يارب ينتبه ويشوفها
كملت يومي احلم فيه اتخيلو بكل مكان اتاريني مجنونة فيه اااااخ مو معقول شو عمل فيني قبل يسافر ماعم سدء الي صار ابدا....
..........
بالمكتب كان ساجد طابشها كاسة عرق واغاني نعيم الشيخ وجرير فرطان ضحك عليه

نبيل:ترى الشي الي عم يساويه مو مسؤول عنو
محجوب:لكن انا المسؤول
جرير:ساجد كان فيك تأجل كيفك لسى السهرة ما بلشت
ساجد:اخرسواا
صفوح: سيدي القضية انتهت واكيد العقيد رح يستدعيك متل كل قضية
ساجد:يأجلها لبكرى
محجوب:وواثق من كلامو سيدي نحن عم نحكيلك سيادة العقيد رح يستدعيك مو ابو محمود
ساجد بثمالة:ليش ابو محمود بيسترجي يستدعيني
جرير:😂ولا حتى ابو جرير ولا ابو ساجد كمان
ساجد:عم تسب ابي
نبيل:ماحدا سب ابوك بعدين خلفتوا مالها مثيل
ساجد:صب صب
اندق الباب وفات بلال وضربلو تحية
بلال: سيدي وصلتني الاخبار سيادة العقيد بطريقو للمركز
اتكركبوا كلهن حتى ساجد وقف ورجع قعد لانو مو متوازن
ساجد:مين خبرك شو لازم اعمل
بلال:انا حبيت اخبرك قبل يوصل
اخدو بلال للحمام وفتحلو المي وبلش يغسل راسو
نبيل وصفوح اهتموا بترتيب ظهر المكتب بس جرير فرطان ضحك على منظر ساجد ومحجوب عم يخفي زجاجة العرق ويعطر الجو
كان واقف وتيابو مبلولين
بلال:شو سيدي صحصحت
ساجد:جيبلي قميص غير هاد بسرعة خليهم يعملولي قهوة بسرعة
لساتو جرير عم يتمالك نفسو ويخفف ضحكتوا
مشط شعرو لبس قميصو الاسود ورش عطر بالجو وعلى حالو وراح لورا مكتبو وفرك عيونو بأيديه
ساجد:نبيل شوف مبين على عيوني شي
نبيل:لا شوية مو كتير
ساجد:انت ليش عم تضحك ولاه
جرير:ولا مرة بمركز امني شفت هالشوفة قال انضباط قال
ساجد:اخلولي المكتب طفي الاغاني شو مفكريني بكبريه
جرير:😂😂هو ناوي اجيبلك رقاصة للمكتب صفوح:بدك شي سيدي
ساجد: استعجلو بالقهوة
طلع محجوب وصفوح ونبيل راح لمكتبو وجرير لساتو عم يكر ويفر عليه
ساجد:حاقد عليي يعني
جرير:😂منيح ما طاوعتك بتسدء كان قلبي حاسسني في كبسة
ساجد:يكبسوا لنفسك ليش ما خبرتني
جرير:يا سكرة ما تمت😂
شرب فنجان القهوة مرة وحدة
لحظة وصول العقيد دغري لتنين وقفوا واستقبلوه وكالعادة رفض يقعد ورا مكتب ساجد قعدو على الكنبايات
ساجد:نورت المكتب سيادة العقيد
العقيد:شو الي عملتو برجعتك للمركز
ساجد:اكيد واجبي يا سيدي
العقيد: بهنيك على تفانيك بمهامك
ساجد: ولو انا بكل الوقت جاهز لاي قضية ممكن تمس الانسانية
العقيد:يعني رجعتك المركز ماكانت محسوبة
اتلبك جرير كتير
ساجد:بالغلط وصلوني المعلومات علىى الايميل وما حبيت اتجاهل متل هيك قضية طبعا بعد ما اخدت الازن من زميلي جرير والحمد الله انكشف القاتل وعملتو الشنيعة رح يتحاسب عليها وبتمنى من النيابة العامة ما يتهاونوا بموضوع التحرش
العقيد:اكيد مارح يتهاونوا انا اليوم فخور فيك راهنت عليك واكسبت الرهان بكل اجتماع اول ما يحكوا الرائد ساجد النمر بشعر بالفخر
ساجد:ان شاء الله اكون على طول عند حسن ظنك وكمان انا بالخدمة بكل وقت
العقيد:بس انا على حد علمي بعرف انك مستلم مهمة بحارتك
ساجد:اكيد واول ما تتوثق المعلومات رح اضيفها بالملف ويكون حاضر على ظهر مكتبك بالوقت المناسب
العقيد:بس الي افهمتوا انك عريس هلأ
ساجد:اي اتجوزت وكان بودي تشاركوني فرحتي بس انت بتعرف ظروفي
العقيد:اكيد مصلحتك الشخصية اهم من كلشي وان شاء الله عيلتك تكون بأمان كل الوقت
ساجد:الله يسمع منك
العقيد: وفيك تكمل مهمتك وهون الرائد جرير رح يتابع العمل بنيابة عنك
ساجد:بنهاية الاسبوع برجع
شربوا القهوة كان الاجتماع مهم بالنسبة لساجد بس بالنسبة ل جرير شي تاني ولازم يحاول يوصل لمكانة ساجد عند العقيد
........

الحلقة السابعة وعشرون
بعد يوم طويل من التعب كان لحالو بالمكتب بدل تيابو ولبس بيجامة واتمدد ب تعب وسحب الموبايل ليشوف إشعار رسالة بيفكر عرض من عروض شركة الاتصالات ووقت شاف الاسم ابتسم غصب عنو وقرا الرسالة وقلبو ينبض بفرح
بقلبو: اسمري ساجد
اسمرها يعني الها لحالها بلكي الي معجبات يعني والله انها انانية
فات على المسنجر لايميل الفيس بوك هو مو صديق عندها بس ايميلو باسمو الحقيقي بعتلا رسالة
ساجد:🦋حسنائي الجميلة
وقت سمع صوت اشعار المسنجر اتنهد براحة
مريم:اهلين
ساجد:لا قوليلي اول كلمة من الرسالة
مريم:اسمري ساجد
ساجد:...
ما اتحمل دغري اتصل فيها وكلو حماس يخوض اول مكالمة عشق بينو وبين مرتو
ساجد بهمس:اسمرك وبس
مريم:معقول تكون لغيري
ساجد:تملك
مريم: واعجاب
ساجد:استفقدتيني
مريم: كتير
ساجد:بالاخص بهيك وقت مو
مريم:بكل وقت
ساجد: يعني بتصبري لارجع
مريم:انت شو قصدك
ساجد:ايوا هو الي ببالك
مريم:مفكرني هيك يعني
ساجد:بحبك تكوني هيك فكرك بحب التزامك بالغرفة😂
مريم:معقول متصل مشان هيك
ساجد:والله نسيتيني كيف اهلي
مريم: مناح
ساجد: وماجد وين بروح وين بيجي
كان سامع صوتها عم تنفخ😂
مريم:مابعرف
ساجد:شو بتعرفي لكن
مريم:اسألني بجاوب

ساجد:وين بروح ماجد
مريم:صدقا مابعرف بس عطول مرت عمي بتوصيه يرجع بكير بس غير هيك مابعرف
ساجد:ومن وين بيصرف
مريم:كل ما يشتري للبيت اغراض بيزود مصاري وبتعلق بينو وبين مرت عمي على الف ليرة
ساجد:😂حبيت هالقصة اخبار الفارة
مريم:بتسلم عليك
ساجد:حبيتها كتير والا ما خلتك تتخبي بحضني صح
مريم:كيفك انت
ساجد:ملا انت
مريم:فايق ورايق انت
ساجد:كتيير من فضاوة بالي سهران انا وكاسة العرق
مريم:ما حبيتها منك هي
ساجد:😂ارجع بقلابية ومسبحة ولا شلون
مريم:وعم تستهزأ بالدين يا حرام عليك
ساجد:استغفر الله العظيم معقول وصلت معي لهون شو لابسة مريومتي
مريم:يا حبيبي هاد سؤال بينسأل
ساجد:شوب مو يخرب بيت الشوب طالعنا من تيابنا
مريم:انت نعسان
ساجد:لا والله ازا بحكيلك شو انا شو رح تعمليلي مثلا
فصلت الخط بوجهو
بعتلا:سأرتوي فيما بعد
......
جرأتو عالم تاني رومنسي ومخبى بتيابو معقول اثرت فيه الرسالة ولا حكالي تفاصيل يومو بس شاطرو تلميح
مريم:شو قصدك بالاخيرة
ساجد:والله الي ببالك
مريم:معقول هيك بفكر انا ومالي خبر
ساجد:رح اسايرك بشو بتفكري
مريم:شو عم تعمل استفقدتني
ساجد:حالتي حالة من وراكي
مريم:ليش هيك انت
ساجد:وحشتيني كتير
مريم:ايمتى بدك ترجع
ساجد:بدك ارجع
مريم:ازا حكيتلك اي بترجع
ساجد:وبكرى متل هيك غير بحضن بعض ما منكون
مريم:مع انو مارح تقدر تيجي تعال
ساجد:بأمرك
مريم:معقول انت ساجد ماعم سدء
ساجد:الهوى غلاب يا ام غمازة طيبة
مريم: انو شو اتغير مو ع اساس انجبرت والسيرة الهلالية
ساجد:معقول اصمد قدام جمالك الفتان سحرتيني ومشي الحال شوب مو
مريم:بالعكس برودة الجو
ساجد:نيالك ياريتني عندك
مريم:بتسهر
ساجد:بسهر
مريم:بس انا نعسانة
ساجد:نوم الهنا تصبحي على خير حسنائي الجميلة
مريم:وانت بخير اسمري ساجد
كنت مبسوطة كتير وفتت عملت لفة بحسابو حاطت صورتو بس قافل ملفو الشخصي😂حركات الحرص علىى مين هي يارب تكمل معي يارب
........
الصبح رتبت الغرفة وجهزت حالي وقفلت غرفتنا وانزلت لتحت كانت الخالة نادرة متابعة مسلسل تركي 😂هي فينا بتخربط معقول تحفظ الشخصيات
مريم: صباح الخير خالة
نادرة:صباحك فل عجبك طول ابو عمران
مريم:ازا كتير مشتاقة روحي لعندو
نادرة: وعدني ياخدني هو
مريم:طول ابنك عمران
نادرة:شايفة بلا اتصليلي فيه
مريم:والله مامعي رقموا تشربي قهوة
نادرة:اي بشرب
جهزت القهوة استفقدت مجد كانت عم تشخر ارجعت لعند الخالة
نادرة:ما بتغيري رايك وبتتجوزي عمران
قلت لسايرها
مريم:معو ولاد بدي اياه عزابي
نادرة:لكن ابني الي مسافر لالمانيا
مريم:والله طقو فيوزاتي منك بتعرفي ولادك بس ما بتعرفينا
نادرة:حرامي الخواتم وين
مريم:لا تحكي ع جوزي بأزيكي ها
نادرة:هو شلحني اياه وانا نايمة
مريم:اهووو علينا مو بعازتك الله لا يحيجوا الك هاد الي بتحكي عليه ابن اخوكي
نادرة:ماعندي اخوة ماتوا بالحرب
مريم:😂هلا اتجوزتي عن حب
نادرة:كل شباب الحارة ماتو عليي
مريم:😂اي حلوة مابكي شي اي حلو ابنك الي بدك تجوزيني اياه
نادرة:متلك اشقر
مريم: انا مغرمة بالسمر
نادرة:اصدك بحرامي الخواتم مو حلو شايف حالو كيف بتقبلي تنامي معو
مريم:وليييي بلشت تخبص
نادرة:اوعك تنامي جنبو افرشي بالارض ولا تخليه يقرب منك
مريم:😂طيبة النومة جنبو
نادرة:يييي ما فكرتك هيك
مريم:بتعرفي اني بحبو وبموت فيه شخصبة احلى من ولادك
نادرة:لا ما فشر بنص عينو انتي احلى منو بكتير كيف اقبلتي فيه
مريم:هههه لك والله بجنن ملك جمال الكون
نادرة:والحرمية
مريم:لك من كل عقلي بجادل فيها
بلشت اجهز الفطور مو ناقصني تجنني
..........
وبمكتب ساجد كان لساتو بمكانو سامع نقاش جرير ونبيل اندق الباب وحط لمخدة على وجهو
بس جرير معو صلاحية يفوت للمكتب على العتم فكرو نايم لهيك كمل لعندو فتح الستارة لهيك بعد لمخدة عنو
جرير:قول انك صاحي الساعة تسعة وفي متهم برى سيادة الرائد
ما اهتملو زبط نومتو اكتر
جرير:بفكرني بمزح
ساجد:شو عامل بحياتي لاتصبح بوجهك
جرير:😂حسنات كتير قوم خلصنا انت مدمن نوم
ساجد:شو علاقتي بالمتهم
جرير:الاحسن تحقق معو انت
ساجد: اليوم اخد اجازة استلم عني المهام
جلس حالو
ساجد:حولو المتهم للنيابة
جرير: وقعت على الورقة واتحول للنيابة
فاتوا العناصر رتبولو المكتب وهو اتحمم ولبس وقعد ورا مكتبو يرتاح من النومة اندق الباب وفات نبيل
نبيل: صباح الخير
ساجد:صباح النور اتفضل نبيل
كان معو وراق
نبيل:من شوي اجانا بلاغ عن سرقة محل بالشعلان
ساجد:وليش البلاغ اتقدم لهون فيني افهم
نبيل:كمان انا استغربت
ساجد:خلي جرير يستلم المهمة انت استدعيلي ام نوار
نبيل:انا قلت نسي
ساجد:شوف شغلك نبيل
ساعة ووصلت ام نوار دخلها العنصر كانت عم تبكي

ساجد:اتفضلي ارتاحي
الام: خير يا سيدي شو القصة والله من حكي الناس ما عم اخلص
ساجد:اتفضلي ورح احكيلك
قعدت ومبين عليها التوتر والخوف
ساجد:انت اعرفتي انو جوزك اليوم اتحول للنيابة
الام:اي اسمعت اخدوه بس انا حاليا ببيت اهلي ومابعرف مصيبتي بتكفي وبتوفي
ساجد:يأسفني انو اخبرك جوزك الي قتل ابنك
الام:شكيت من اول ما اخدوه
ساجد:هو اعترف بتحرشو فيه واعتدى عليه
الام:الله ينتقم منو يارب الله يحرموا نوم عيونو
ساجد:مارح ازيدها عليكي واحكيلك الحق عليكي بس ياريت ينتشر الوعي بين الناس مو اي حدا فيه يتأمن على بيتنا وولادنا وحتى اقرب الناس النا نوار اكيد مارح يرجع وانت العمر قدامك طويل الحياة ما وقفت هون
الام: عندي وقفت
ساجد:الموت هيك ببلش كبير وبعدين بيصغر رح تستوعبي حجم المصيبة ورح تكفي حياتك اكيد مو بظل المريض النفسي
الام:ولايمكن استمر معو
ساجد:فيكي تفرجيني صورة لنوار لاخر مرة
ضوتلو شاشة موبايلها واتأملو
ساجد:الله يرحموا
الام:شكرا الك يا سيدي فتحت القضية وعاقبتو المجرم الحقير
ساجد:هاد واجبنا
الام:فيني امشي
ساجد:اكيد فيكي والله يجعلها خاتمة الاحزان
الام:الله يسلمك
انصرفت
بقلبو:منيح ما حكيت معها مبارح لانو كنت مو بوعيي
ساجد:صورتك نوار ماعم تفارق بالي
.......
وبالمزرعة كانت الصيدا مرتبة موتورين مرة وحدة برعاية ماجد وجبورة
ماجد بقلبو:واليوم نسخت مفتاح غرفة ابن النمر ولازم ابعتهن مشوار مجد ومريم واستفرد بالغرفة واكيد اللابتوب بكون بغرفتو مستحيل ياخدو للواء وهيك رح اضمن خمس ملايين بهديك الايام ساجد اشتراه بمليون ولساتو جديد ولا خدش فيه
جبورة: ادريتو محل وسام بح
مصلح:اللي بالشعلان
جبورة:اي والسرقة ع الفجر صايرة
ماجد:والله متل سرقة المواتير مافي😂وتوصيلة لموقع التجديد ببلاش
مصطفى:بس لمعلم ديبو بيجددو ع الاصول
ماجد:مارح يكون راضي عننا لهيك نحن منعطيه حصة متلو متلنا وبلا ما يتابع الموضوع
مصلح:استعجلو فيه بكرى امي عندها مراجعة ولازمني مبلغ
جبورة:بعطيك ازا بدك
مصلح: والله ياريت
جبورة:لكن منرجع سوى انت ماجد داوم هون
وانت مصطفى لا تتركوا المزرعة
ماجد:روح وانت مطمن
طلعو بالموتور وانطلقوا
بلش شغل فيه ماجد بس مو بحرفية ديب قعدتو وهو يصلح والسيكارة بتمو بوحدة😂بتدل على انو واحد محترف سرقة ..
.........
وعند ديب كان عم يلبس ورايح للورشة لساتو بمضافة بيت أهلو ختام ولولاد واقفين عند الباب سكر اخر زر من القميص واخد الجزدان
ختام: ايمتى راجع للبيت
ديب:بس تعسفيه رديلي خبر انا بالورشة
بسام: بابا البيت بدونك مو حلو
ديب:من امك وطولة لسانها رح تخسروني كلي
باسل:بابا ارجع للبيت امانة
ديب:بصير خير انتو لا تشيلو هم وانت ختام هي قدام مها واخي وامي ازا ما بتصيري بشر رح اتجوز وقد اعذر من انذر
تركهن وطلع مشي معو دياب
دياب:حرام اخي كسرت خاطرها
ديب:وانا مو حرام تعال افرجيك دفتر الديانة اسمي اول اسم بالدفتر مابقى اتحمل اخي مديون وعيلة وقلة ادبها وقلة نظافة كمان انا بشر معاد اتحمل والله
دياب:الله يهديها
ديب:مافي خواص اخي دنب الكلب حطوه بالقالب مية سنة
دياب: أربعين سنة المهم دير بالك ع حالك وانا شو مابدك موجود
ديب:ما بتقصر اخي
فات للورشة كان مصلح عم يكش دبان
ومالل
ديب:عواافي
مصلح:اهلين معلمي شعشعت والله
ديب:مافي شغل
مصلح:هرهرنا تنين اليوم معلم
ديب:مو قلت بدنا نهدي اللعب
مصلح:معلم الوضع تحت السيطرة لا تشيل هم
ديب: ومين بدو يجدد الهراهير
مصلح: ماجد بس معلمي مش خرج متلك مافي دخيل قلبك حارق الدنيا بشخصيتك وشغلك
ديب:قبل انام بروح بشيك ع الوضع وين صطوف
مصلح:تركتوا مع ماجد وجبورة رجع للبيت هلا معلمي ملاحظ مصطفى هديان
ديب:مو هديان بس مريم مضبوبة ببيت حماها شو بدو يجن ع الحيطان ساوي قهوة
مصلح: دخيل كيفك يا معلم
شغل السيكارة وصغر عيونو وهو يتخيل تنزلو عروس من السما على طلبو اتزكر البيت وكش بدنو
.......
كان لابس بلوزة نص كم زيتية وبنطلون اسود وجاكيت اسود حفر ومسدسو على خصرو
بلال:لوين الهمة معلم
ساجد: اديش الي متعين هون ولا مرة فتت للسوق
طه: غير شكل معلم مليان بنات ع كيف كيفك
ضربو طيارة على رقبتوا
ساجد:مفكرني جهلان ولاه
بلال:هو قصدوا رح تشوف اشكال الوان بس ماعرف يعبر
ساجد: مابدي حدا يعرف ليش طالع ولوين
طه:ولايهمك معلم بدك نستلم عنك كمان😂
كان بدو يضربوا كمان طيارة بس هرب
ساجد:بتنكت والله
بلال:بس لحالك والله مو زابطة
ساجد:معي نبيل وجرير
بلال:دخيل قلبك يا معلم والله من وقت فتت المركز وانقلب قلب انضباط ونظافة وملتزمين بالنوبات
ساجد:هاد المطلوب
طلع من المكتب وراح لمكتب نبيل وسمع جرير يضحك

جرير:ناويلو ناويلو
نبيل:ازا اقدرت لا تقصر
دق الباب ونتبهوا
صفرلو جرير وغمزو
ساجد:يلا خلصونا
نبيل:نحن قلنا عم يتجهز للعرس
جرير:يخرب بيتك على هالشخصية
ساجد:خلصوني بقى
سبقهن وكملو وراه
جرير:هلا بتشوف لخليه يروح فيها
نبيل:مو بتاع نسوان والله
جرير:هي اللي بعرفها بتاع كلشي😂
نبيل:😂والله متخيل منظرو
التفت عليهن
ساجد:شو بتلعي انت وياه
جرير: سلامتك
نبيل:بدك نطلع بدون مرافقة
ساجد:دخيلك معنا الرائد جرير حرزان يترافق😂
جرير:ع فكرة شوفة حالك وغرورك متل الشمس واضحين
ساجد:بعرف اني مغرور فمافي داعي تخبرني
اطلعوا ببعض جريرر ونبيل
والاحسن هو يسوق السيارة وجنبو جرير نزل الشباك ليحكي مع بلال
ساجد:ع اتفاقنا
بلال:شو بصير ازا طلعت وراك معلمي
جرير:لا تخاف عليه نحن معو
اطلع عليه ساجد ورفع نظاراتو حطهن على جبينو
ساجد: انت اد كلامك
جرير: هههه والله جد بحكي
ساجد:حسيتك مستخف فيني
نبيل: كأنك مو ناوي تمشي
اتطلع ب نبيل ونبيل رفع عيونو لسقف السيارة
ساجد: اطلع فيني نبيل لا تتهرب
اتطلع وكاتم ضحكتو
س

- النص المستخرج من الصورة: 📝
ساجد اطلع فيني نبيل لا تتهرب
اتطلع وكاتم ضحكتو
ساجد قلبي مش مرتاحلكن ما بعرف ليش
طه خلينا نطلع وراك معلمي
ساجد: ناوبو منيح مين ما سأل عننا بتحكولو اجتماع مغلق
جرير: يلا ولووو ملينا
لبس النظارات ودغري سكر الشباك وطلع من المركز تحت
انظار كل العناصر
تنفسوا براحة
اووووف والله وجودو هم بالمركز
ما
لا يسمعك حدا مشان الله
ما عم اشبع نوم وين بمناوبة الرائد جرير كنت ابرطل
الشباب وانام ساعات اضافية
من هالناح معك حق وشفت ساعات التدريب الإضافية
والله بخاف يعمل كبسة على الاستراحات وما يعجبوا
الوضع
متزكرين تمارين البطة
وفرطول ضحك

القسم الثامن وعشرون
رجع ماجد تعبان كتير دغري فات يتحمم وشاركهن الاكل
ام ساجد:طالع من طلوع الضو انت ولا ما نمت بالبيت
ماجد: الظهر اطلعت
مجد:لك لا تجدبها من التسعة ماما فاتت تصحيك ما لقتك
ماجد:ما بجيب فلافل بعرف لشو بتستفقدوني
ام ساجد:بكرى بدون ما اطلب بتصحى وبتروح تجيب
ماجد:اي ماشي مجد ومريم شو رأيكن بمشوار
مجد:ع الشعلان
مريم:اي منروح
ام ساجد:شو اجى عبالك
ماجد:منغير جو الصبايا وانتي ندورتي تروحي
نادرة: عيلة مجانين
ابو ساجد:هاد الي طلع معك لك اختي
نادرة:اتصلولي بعمران مليت عندكن
ام ساجد:خليكي عنا والله متونسين فيكي
نادرة:لا جننتوني مابدي
ام ساجد:ما حلوة نتصل بابنك بعدين بقول قلعوها
نادرة: اتصلوا فيه ع مسؤوليتي
ام ساجد:متل مابدك
ماجد: هي بتقلب الحقايق بكرى بتقول وليييي قلعوني من بيت اخي الله يرحموا
ام ساجد: عم تفاول ع ابوك يا قليل التربية
ماجد:ندورتي وين اخوكي ابو ساجد
نادرة: الله يرحموا ليش عم تزكروني فيه
ماجد:هي بالقوة نسيتو😂اي بابا كيف الوضع عندك بالبرزخ
ابو ساجد:كمان بالموت عم تستهزأ يا عيب الشوم عليك
كملو اكلهن بس نادرة عم تبكي اتزكرت المتوفاة😂
..........
جهزنا حالنا للروحة كان ماجد ماشي قدامنا واعطتنا حماتي التعليمات
ماجد:لا تخافي معهن رجال
ام ساجد:اي الله يسمع منك
بطريقنا صادفنا مصطفى والا يوقف مع ماجد
ماجد:اسبقني انتن
سبقناه لاول الشارع وطول لحتى رجع
مجد:الله ياخدو شو بشع
مريم:لكن مصلح حلو
مجد بخجل:يوه شو جاب سيرة مصلح
مريم:ع اساس مو ببرفايلو ليل نهار
مجد:هسس اسكتي هلا بيسمعك
ماجد:كملن يلا
كملنا للسوق تمشاية كان ماشي بملل ونحن مبسوطات كتير على حكي وضحك والا يعزمنا على بوظة فتنا للمحل وقعدنا
ماجد:يييي لك مصيبة
مريم:شوفي
ماجد:انسيت جزداني
مجد:لا تقولها عم تمزح
ماجد:عنجد بحكي ليكن انتي ضلكن هون لا تطلبن لارجع انا واصل راجع
مريم: بعيد المشوار
ماجد:جبورة هون بالحارة باخد منو
اتطلعنا ببعض باستغراب بس هو طلع دغري
مجد:شو القصة لك مريم
مريم:اكيد نسيه والا ما بيعزمنا ع بوظة
ضليت اتأمل الناس واتخيلت ساجد دخيل عيونو اشتقتلو والله على حسب وعودو ع اساس اليوم جاي😂
............
فات من الباب الخلفي للبيت وطلع متل البرق كان خايف ومتلبك كتير فتح الباب وفات وسكر شغل الضو واتأمل الغرفة كلها
ماجد:اكيد خزانة ساجد النصانية
قرب وفتح بهدوء وبلش تفتيش بس بدون تخبيص واول ما حط ايدو بالجاكيت طالع رزمة دولا*ر*ات وانصدم فيها
ماجد:يا ابن اللذين من وين الو هالمصاري
اخد منهن كم قطعة لحتى ما يحس ساجد سكرها واتفقد الكومدينة ليشوف محبس مريم ودغري حطو بجيبتو ونزل ركض خايف يتأخر على الصبايا
اتمالك نفسو برى المحل
ماجد: أتاخرت كتير الاحسن احكيلهن ما لقيت جبورة لا لا ماجد ازا انفقد المحبس ساجد ما بتفوتو فايتة بنوب لهيك لازم ازبط كزبة محكمة
فات لعندهن بهدوء عكس دقات قلبو وتوترو قعد واسترخى
مجد:اخي طولت اجى الشب مرتين سألنا عن طلبتا
ماجد:دبقني جبورة وعلى حكي وشكي وبكي المهم اعطاني مصاري
مريم:فكرتك ارجعت للبيت
ماجد:لا بعيد البيت بكرى بشوفو ويعطيه بدل الي اخدتهن
اشر للشب وطلب البوظة
بقلبو:يارب ما انكشف يارب ما بنسى كيف ضربني مشان خاتم الخرفانة الله لا يعلقني معو من جديد.
وقت رجع الجرسون اتدايق ماجد لانو الشب اكل مريم بعيونو
ماجد:خير حبيب شوفي عندك
الجرسون:اهلا وسهلا بتحبوا تطلبو شي تاني
اتامل مريم ومجد عم ياكلن ويضحكن
ماجد:لا انا بحاسب الكاشير لا تفرجيني وشك
الجرسون:متل مابدك.
بقلبو :يلعن ابوك نجس

......
وعند ساجد صفطوا اول السوق ونزلو لتلات
كان بالمقدمة ساجد لهيك جرير اخد راحتو وغمزو ل نبيل وهداك ابتسم
لف عليهن ساجد وشلح النظارات
جرير:متلبك بالنظارات خلص يا زلمة منعرف انك شخصية
ساجد:ما دخلك انت وين بتحبوا تبلشو
نبيل:انت قلت حابب تتفتل ع راحتك
ساجد:بس جوعان
نبيل:ع الفروج يا عيني
جرير:مو منيح الفروج ساجد😂بعدين بيرتفع الكوليسترول 😂
ساجد:انت لا تتسمم انا بحب الفروج يلا بسرعة ماضل فيني حيل
نبيل:😂 الله يكون بعون الفروج
جرير:بدو مدجنة الاخ
على زوق جرير كان المطعم كونوا خبرة بالمنطقة
فاتوا للمطعم واختاروا طاولة وقبل يقعد ساجد هجمت عليه صبية بدها تغمرو بس هو دغري رفع ايديه وبعدها عنو
راوية:ساجد كيفك طمني عنك
ساجد:مين انتي
راوية: ولوو شبك درسنا سوى
ساجد:ما درست مع بنات كنت بمدرسة البنين اصلا
نبيل:ليكون مخربطة
راوية: امبلا ساجد النمر
ساجد:شه بدك تجنيني انتي مابعرف حدا
راوية:امبلا بتعرفني انا راوية
ساجد:راوية عطشانة مابعرف حدا
جرير:معقول مخربطة بالشكل والاسم

ساجد:يلا من هون مابعرفك مو ناقصني
راوية:عنجد خيبت ظني والله
ساجد:يلا من هون احسنلك
رواية: ما بروح الا لتتزكرني
طنشها وقعد
نبيل: اتفضلي
راوية:ليعزمني ساجد
راقب ضحكات جرير وابتسامات نبيل واستوعب انو خطة منهن
ساجد:بستعار بقعدة النسوان
راوية:يعني معقول ما اتزكرتني معقول بتنسى ايام الدراسة
ساجد:اتزكرتك يلا روحي من هون
نبيل:😂يخرب بيتك
ساجد:ترى افلامكن ما بتمرق عليي بالاخص انت
جرير:😂والله انك داهية اقعدي راوية خليني اعرفك على احمض نفسية بالعالم
رواية:لا بكفي ازا انكشفت اللعبة
نبيل:يعني ما مشيت عليك
ساجد:ولا شوي بعدين ازا بدكن تكزبوا او تعملو شي مقلب بالاول اتحكموا بملامحكن واضح مخبيين دك ندالة
ودعت جرير
وهو ولا هاموا الا يبلش بالغدا واول ما خطر على بالو مشاويرو مع مريم ابتسم لانو بتفتح نفسو ع الاكل وبلش بالغدا
............
ارجعنا بتكسي للحارة كنا مشتريين موالح للسهرة جهزنا ابريق شاي وبلشت سهرتنا مع عمي ومرت عمي ونادرة وعلى مزح وضحك
الوقت اتأخر والي نعس راح ينام وانا رتبت كل البيت قبل انام مشان اطول بالنومة طفيت ضو الصالون واطلعت لفوق طالعت المفتاح واجيت لافتح وانصدمت الباب مو مقفول معقول انا تركتوا🥺لا والله قفلتو بأيدي واتاكدت منو كمان كنت خايفة بس فتحت ودغري شغلت الضو اتزكرت انو الباب البراني ولا يمكن حدا يفتحوا فتت وقفلت الباب بدلت تيابي بس حسيت بشي غريب وما اقدرت اكتشف شو هو
شغلت المروحة ووجهتها مكان نومتي وما الي الا ميس تونسني لانو ساجد خارج التغطية عطول اللبست قميص نوم مريح وبارد ارجعت اتاكدت الغرفة مقفولة وخبيت المفتاح تحت لمخدة واتمددت ب تعب كان يوم حلو ومميز اتزكرت المحبس وواتجلست اتفقدو وانصعقت لانو مو على الكومدينة متزكرة شلحتو وحطيتو هون
بقلبي: شو عم يصير لك مريم في حدا فايت للغرفة بس ماحدا معو نسخة المفتاح غيري🥺يا ويلي الا المحبس يارب يكون واقع يارب
بلشت ادور بضو الموبايل تحت التخت وورا الكومدينة بالدرج وما كان يبين دقات قلبي كبيرة وحسيت بخوف شو رح احكي ضاع ولا انسرق معقول انسرق بس حتى مجد ما بتطلع للغرفة معقول حماتي شو عم تخبصي لك مريم مستحيل تعملها مرت عمي نادرة مثلا هي مخرفنة بس كيف فتحت الغرفة انا واقعة بمصيبة ليش عم يصير معي هيك ليش💔

...........
كان معو اكتر من هدية خاصين بمريم الشنتة جاهزة بالسيارة ونبيل جنبو واقف برى المركز
نبيل:خليك الوقت اتاخر
ساجد:لا حابب ارجع اليوم
نبيل:الليلة قصدك😉
ساجد: شو قصتكن مع الغمز بدك تفهمني
نبيل:😂ايوا الي ببالك
ساجد:يا الله اديش تفكيركن منحرف لك صرلك سبع سنين متجوز بمرة طلبت اجازة وغمزتك
نبيل:اغمزني يا زلمة بحب التلميح
ساجد:انتو بتحبو الدج
نبيل:😂 انو الساعة ١١ مخبر جماعتك موو
ساجد:رح اعتبر ما اسمعتك
نبيل:اي اي طنش بس معقول ما خبرت
ساجد: مابدي اوصيك بمحجوب
نبيل:لا عيون مرافقتك ما بتنام
ساجد:ابعتلي التقارير اول باول
نبيل:مكمل بالمهمة
ساجد:لازم اكمل الوضع زاد عن حدو
نبيل:بالتوفيق سيادة الرائد
ساجد:قول ساجد وحاجتك كولكة
نبيل:متل مابدك
طلعو لتنين بالسيارة ليوصلو ويرجع
ساجد:دير بالك برجعة
نبيل:ع اساس رايح للمطار لحشة حجر
ساجد:المهم دير بالك
طول الطريق يدردشو
نبيل: حلوة صاحبة جرير
ساجد: بتسدء نسيت شكلها
نبيل:اي طبعا ما اهتميت من الاساس بس كانت رح تحضنك كيف منعتها
ساجد:شو شايفني بلا شرف لاحضن الرايحة والجاية
نبيل:اي اي لك انسيت انك مو نسونجي
ساجد:لو نسونجي رح التحش بحضنها شو بتحكي انت والله الواحد بهالشوب حالو دوبو طايقها
نبيل:اهاااا وضعك ما عم يعجبني وصرت أخاف عليك
ساجد:هلا معقول الداية الي بشرت فيك سحبتك من لسانك
نبيل:😂الله يسامحك بس انت ساحبيتك من نفسيتك
ساجد:حاجتك حكي والله صرعتني متل الدبور
نبيل:وززززز
ابتسم لمجاكرة نبيل وصلو لاول الحارة ونزل
ساجد:نبيل للمركز دغري
نبيل:😂 امرك سيادة الرائد
كمل للبيت مشي حامل الشنتة الجو هدوء صوت حركشة بحاويات لزبالة فات من طريق فرعي لانو بدو يفوت من الباب الخلفي فتح بهدوء وطلع دغري للغرفة بدون ما يحدث اي ضجة
.........
اول ما فتح الباب ارتاح ما شغل الضو لانو مريم يمكن تكون نايمة انتبه انها غطت رأسها كمان وفهم انها لسى صاحية شغل الضو وقفل الباب وقرب لصار جنبها واول ما بعد عنها الحرام شهقت بخوف وغمضت
ساجد:شبكي مريم هاد انا
فتحت عيونها بتردد وبالزور اتجلست لونها مخطوف وعم ترجف قعد جنبها دغري
ساجد:ليش خايفة
مريم:هاد انت ليش ما خبرتني
ساجد:مبارح خبرتك انسيتي ليش عم تجرفي مريم
مريم:خايفة كتير كتير
ساجد:مني خايفة
مريم:من كلشي

ساجد:كليوم هيك بتخافي
حضنها واتخبت فيه
ساجد:ليش عم ترجفي مريم فهميني من شو خايفة
مريم:فكرتك حرامي
ساجد:والحرامي معو مفتاح غرفتنا
مريم:😭صار شي اليوم
ساجد:روقي لا تبكي انا هون ليش خايفة
صبلها كاسة مي
ساجد:مصدوم فيكي مريم مافكرتك هيك جبانة
شربت الكاسة هلا اتأمل شو لابسة بسبب الشوب
ساجد:اهديتي
مريم:اي لانك معي
ساجد:روقتي يعني
مريم:اليوم لقيت غرفتنا مفتوحة
ساجد: كيف مفتوحة
مريم:رح احكيلك من الاول
سردت عليه كلشي صار لوقت ال فات هو لعندها
ساجد:قصدك في حدا غيرنا معو مفتاح الغرفة
مريم: اكيد انا قفلتها واتاكدت منها
ساجد:بلكي ماما معها نسخة
مريم: محبسي طيب وين راح
ساجد:بكون ناسيتو بشي مكان مابدها كل هالخوف بعدين مو ساكنة لحالك انا مقهور مريم كتير
مريم:مني
ساجد:عليكي انتي كيف كنتي عايشة لحالك
مريم: الليل كان بالنسبة الي رعب 😭
ساجد:اوف بس يلعن ابو احسن عم منيح هيك خلص خلص لا تبكي ممنوع تخافي وانا بحياتك
مريم: شو اعمل ساجد محبسي راح
ساجد:مافي شي بروح بعدين انا اجيت متحمس لحضنك وهيك يصير
مريم:يعني لو مسروق المحبس
ساجد:بلاقي ابوه مو بس هو
مسحلها دموعها بايديه وطبعلها بوسة خلاها تخجل
ساجد:بدنا نروق هلأ انا مشتاقلك شوق محروق عليكي
مريم:انا مافكرت حكيت جد مبارح
ساجد:بس نطرتيني لا تقولي ما نطرتي
مريم:بس العصر فقدت الامل
ساجد:بس انا اتجدد الامل جواتي اول ما حضنتك
مسكلا ايديها وبهدوء نيمها على مخدتها
وراحوا لعالم تاني
..........
بالورشة على ضو ضعيف كان عم يحاول ينام
ديب:شو صار فيني صرت انام بالورشة
والسبب ختام يا ترى رح تتعدل وتصير خلق بس رح اربيكي واربي كل ناقصة ووخمة فيكي
حلوة بحقك لك ديب نايم بالورشة وعندك بيت الله يجعلو بيت
غمض وفتح الموبايل ليتصفح اخبار الاسواق والاسعار والبينزين شغلتو طويلة
........
كان مصطفى عم يراسل معتز ابن عمتو
معتز:بكره حارتكن والله
مصطفى:انت جاي بمهمة حقها بلاوي
معتز:اهووو علينا احكيلي شو بدك مني
مصطفى:اكل شارب نايم بس مابدي حدا يعرف انك بتقربني
معتز:طيب لو حكيتني قبل بيوم البولمن بيطلع بكير ما بلحقو
مصطفى:بستناك لا تشيل هم
معتز:لمحلي طيب
مصطفى:بس تيجي بفهمك شو المطلوب منك وسدءني رح تكون رضيان
معتز:متل مابدك لنشوف اخرتها معك
طبعا معتز اكبر منو بكتير مطلق نسوان تنتين لانو طبعوا نزق ونسونجي لدرجة
ياترى شو بدو مصطفى منو
ابتسم براحة مصطفى
مصطفى:والله لتترملي عن جديد مريومتي ورح تصيري بس الي يا قلب مصطفى انتي
...........
بعد وقت طويل بعدو عن بعض
مريم:معقول ما حسو لرجعتك
ساجد:عندي خفة مو طبيعية
مريم:رح اجهزلك العشى
ساجد:نتحمم بالاول بعدين منجهز سوى العشى
مريم:متل مابدك
.........
كنت ميتة من جوعي انزلنا سوى لتحت وبهمس حكالي
ساجد:لازمنا مطبخ شو رايك
مريم:شد حيلك
ساجد:هو ضل فيني حيل
مريم:اوف منك ساجد شو مشان المحبس
ساجد: يحرق اخت المحبس انا بدي اجيبلك احسن منو بس سدءيني بالبيت هو
كنت عم اجهز العشى بخفة لحتى ما يصحى حدا ابدا هو اخد الشاي والخبز واطلعنا لفوق نتعشى بالهواء الطلق كان الجو بجنن الساعة تنتين بعد نص ليل انا وساجد عم نتعشى والعالم نايمة
مريم:ليكون ما اتغديت اليوم
ساجد:امبلا بس اهلكت من جوعي كان يومي طويل
مريم:ما بتحكيلي عن حياتك بدوامك
ساجد:فيّ مي نسوان بنات حريم نساء
مريم:هههه ما بسدء
ساجد:مريومتي بدك اياني بس الك
مريم:اكيد عندك شك
ساجد:اي هيك ها شو بعتيلي برسالة
مريم: اسمري ساجد
ساجد: يسعد دينك والله جددتي شبابي انتي
مريم:يعني انت ختيار
ساجد:لا اصلا ما طبقت ال ٣٥
مريم: بعرف انك مواليد ال٩١
ساجد:دخيلو الحافظ شو عملتي بالسوق يلا اكرجيلي بسرعة
مريم:اكلنا بوظة اتفتلنا بكل السوق اشترينا موالح واسهرنا سهرة بتجنن
ساجد: فكرة مين اه
مريم:ماجد اقترح ونحن عجبنا
ساجد:كتير منيح بدي اعملك فنجان قهوة يروق اعصابك
مريم:انا بعملها
ساجد:لا انا بعملها
اتعشينا وخلصنا نزلت العشى وضبيتوا واخدت عدة القهوة واطلعت لعندو وهو بلش يجهزها على الغاز السفري كنت اتأملوا كيف كنت خايفة وفجاة منحني الامان الله يحميه يارب والله انو حنون😂بس مغرور بس حنون شو بدي اكزب على حالي
ما كان مني الا قربت منو وطبعتلو بوسة ع خدو
ساجد مبتسم:شو اجى عبالك
مريم:ماعم سدء انك اجيت
ساجد:فرجيني همتك جوى
مريم:رح تكون طيبة القهوة
ساجد: بتشهي بكل وقت
بالفعل كانت طيبة فقست نومتي والله لو نايمة دهر ما صحصحت هيك
........

القسم التاسع وعشرون
الساعة صارت ١٢ الظهر مافي بالعادة مريم تنام لهالوقت كانت مجد مجهزة الفطور ومو عاجبها انو هي تخدم مريم طلعت ام ساجد لتشوف شو القصة ماجد متوتر وحاسس بالذنب مشان مريم

نادرة:جوعانين بدنا ناكل
ماجد:طولي بالك حجة
ابو ساجد:ليكون صاير عليها شي
مجد:لا شفتها فاتحة الفيس الفجر
سكتوا كلهن
وام ساجد واقفة ع الباب دقتو اكتر من مرة وحاولت تفتحو
مريم:يلا يلا
ام ساجد:اوووف منيح انك صاحية ناطرينك ع لفطور يلا
مريم:يلا اجيت مرت عمي
.......
كان عم يصحصح ومبتسم ورجعني لجنبو
مريم:يلا ولووو حاجتك نوم
ساجد:هي نتائج السهر
مريم:فهمانة قصدك انا سهرتك بس بالواقع السهرة انت سببها
ساجد:بس حبيتي لا تقولي
مريم:يلا بربك مابحب ينطروني
ساجد:يلا
انزلنا سوى وشوفتوا احدثت صدمة لدى الجميع وحتى هو انصدم من شوفة نادرة
ساجد: لساتها هون💔
ماجد:ليش الك دهر رايح
ابو ساجد:ايمتى اجيت يا ابني
ساجد:مبارح بليل
نادرة:على كلا مريم حكتلي طيبة النومة جنبك
.........
كتموا ضحكتهن بس ساجد ومريم اتطلعوا ببعض
ابو ساجد:اتفضلو خلصونا
قعدو بجنب بعض
نادرة:هلا هاد الي احلى من ولادي
ساجد:ايوا استلمتني
نادرة:لك كيف حكيتي انو ملك جمال الكون
مريم:ما حكيت شي عم تهودسي حجة
كان عم يفطر ويحاول يراقب ماجد بعفوية الي اكلو مو زيادة ونظراتو مليانة ندم هو بيقدر بميز تحركات اخوه بمهارة
........
بعد الفطور بلشت بترتيب المطبخ
مجد:طولتي كتير
مريم:ما حبيت ازعج ساجد
مجد: يعني رح اشتغل عنك
مريم:لا ابدا ريحي حالك
مجد:طمنتيني لانو ايديي متحسسين من سائل الجلي
مريم:اتركي من ايدك انا بجلي
بجية مرت عمي
ام ساجد:ايمتى وصل ساجد
مريم:بنص الليل
ام ساجد:لو بعرف انو هون ما كنت ازعجتكن وين رايحة مجد
مجد:مريم بدها تجلي
ام ساجد:لا انتي اجلي هي بتجهز القهوة
مجد:ليش انا يعني
ام ساجد:ليش لانو جوزها عندها
مريم:لشو هيك مرت عمي
واجى عمي ومجد هرو دموعها
مجد:بدكن اصير خدامة لكبير ولصغير شو عليه ازا تساعدنا
ابو ساجد:شو القصة
ام ساجد: شغل نسوان
ابو ساجد:وليش مجد عم تبكي
ام ساجد:لاني حكيتلها استلمي عن مرت اخوكي الدور جوزها عندها
مجد:😭اي خلص هاتي مريم انا بجلي
ابو ساجد: اتركي مجد وروحي لغرفتك وانتي ام ساجد لا تدخلي بين البنات
ام ساجد:بشو اتدخلت
ابو ساجد:قلتلك اتركيهن بيتفقن ع راحتهن وازا ماحابة تشتغل مريم جهزيلها مطبخ الها ولجوزها مجد مو مجبورة بالعيلة كلها.
مريم:بس انا ما طلبت منها شي وبالعكس انا بحب الشغل كتير
ابو ساجد:بعرفك يا بنتي بس شوفة عينك مرت عمك فاضية لحالها
ام ساجد:هلا هيك صار الحكي
مريم:لا تتخانقوا بترجاكن خلص مجد لا بقى تدقري كاسة
ام ساجد:...
طلعت مرت عمي زعلانة ومجد راحت ل غرفتها
ابو ساجد:لا تزعلي مني بس كمان مجد لساتها بنت وبتعرفي غيرة البنات
مريم:ولا يهمك عمي بس صالحها لمرت عمي ما بهون عليي فيها
ابو ساجد:لا تشيلي همها ابدا.
.....
بغرفة ام ساجد كانت حردانة وهو فات يطيب خاطرها
ابو ساجد:ليش بدك مجد تشتغل عن مريم لك انتي رايدة المشاكل مجد لساها بنت ورح تتحسس انو تخدم مرت اخوها وهي مو مجبورة
ام ساجد:كان فيك تحكيني هالحكي من اول
ابو ساجد:يا ام ساجد انتي عقلك بيوزن بلد ومابدك حدا يعلمك ومجد بنتك ولازم تراعي مشاعرها
ام ساجد:ما خطرلي هيك والله
ابو ساجد:ولو انتي كلك فهم وبعرفك بتحبي مريم كتير بس كمان لا تميزي بيناتهن
ام ساجد: حصل خير ان شاء الله
......
بغرفتها عم تبكي
مجد: منعرف بتحبي مريم بس مو اصير خدامتها بدها اجهزلها كمان فطور واجليلها والله يستر ما تخليني اغسللها وادلكلها رجليها الله يخلصني منهن لو شحاد المهم اتجوز واخلص منهن شو بدي اترجى منهن ساجد حاكي لقرود السود ولا تحاكيه بابا همو سمعة العيلة ومكانتها وماما بدها رضا الست مريم وماجد بعالم تاني نيالك ساجدة اتجوزتي صغيرة وانغزيتي عز ما بعدو سفر وسياحة ودلال واهلي بحبوكي كلهن .
......
خلصت جلي ورتبت المطبخ جهزت القهوة ورحت للمضافة كان الجو متوتر هيك حسيت
همسلي:شوفي
مريم:لا ولاشي
ساجد:ساعة الجلي
مريم:بتسلى
ساجد:شبها مجد مو على بعضها
مريم:مابعرف
ساجد:طيب ماما زعلانة منك ولا منها
مريم:سدءني ما بعرف
ساجد:...
شرب القهوة ودغري وقف
ماجد: وين
ساجد:عندي جولة
دغري طلع من البيت واسمعت صوت الموتور اشتغل شكلو عندو مشوار عنجد
.........
اول ما شافو ديب فرفح
ديب:لككك ابو نمر بحارتنا
ساجد:اهلين بالمعلم الديب
مصلح: ايمتى اجيت
ساجد:من مبارح
نصرت:شعشعت
ساجد:حاجتكن كولكة وين الشاي
طبعا مبسوطين لانو معهن فري😂مابعرفوا لفري لوين رايحة فيهن
........
اجى عمي وجايب لوازم الغدا لحمة وخضرا مجد ملتزمة غرفتها وساجد طول كتير بلشت بالتحضير
ماجد:عوافي مريوم
مريم: الله يعافيك
ماجد: وين مج مج
مريم: بغرفتها اكيد
ماجد: شو الغدا عصفورات بطني تزقزق
مريم:رح اجهز اللحمة انت جاي تقعد

ماجد:مالل كتير
مريم:لكن افرطلي الخسة وغسلها
ماجد:رح اغسل كل الخضرا ولا يهمك
ام ساجد:شو بتساعد مريم
ماجد: بتسلى
ام ساجد:صحيح مريم ليش شالحة محبسك
وقت اتزكرتو وقع قلبي من صدمة مبارح
مريم:بنساه بالغرفة
ام ساجد:خوفتيني فكرتو ضايع
مريم:هو كأنو ضايع دورت عليه بالغرفة
ام ساجد:يوه ليكون مكنسيتو
مريم:والله مابعرف بس عم دور عليه ما لقيتو
ام ساجد:دوري منيح ليكون وقع منك مبارح
مريم:انا شلحتوا بالغرفة
ام ساجد:شه
طلعت مو عاجبها
ماجد:عنجد ضايع بغرفتك
مريم: اي والله
ماجد:وساجد عرف
مريم:اي حكالي بالبيت وين بدو يروح
فجأة ترك من ايدو
مريم:مو بدك تساعدني
ماجد:اتزكرت جبورة بدو المصاري ضروري
.......
طلع متل البرق وبطريقو لعند جبورة ندهلو من برى وطلع
جبورة:اهلين
ماجد:بدي احط عندك امانة لفترة صغيرة
جبورة:اي شو عليه
أعطاه المحبس و٤٠٠ دو*لار
جبورة بصدمة:لمين هدول
ماجد:لقيتهن شو بدك لمين اوعك تتصرف فيهم جبورة
جبورة:ولا يهمك يا زلمة وين فوت
ماجد:لا بدي امشي
جبورة: بأمان الله
واتفحص المحبس وابتسم
جبورة:دخيل النسوان ومحابسهن الغالي للغالي يا عمي نحن النا الرخيص😂
ودوررات كمان يا عمي سرق اهلو ماجد😂 ياترى لابوه وامو ولا لساجد ومرتو
الله يحضرنا
.........
المسا بعد ما اتغدينا اصرت مرت عمي ندور ع المحبس وهي ساعدتني ما خلينا مكان وساجد استنى لطلعت مرت عمي وفتح خزانتو واستغربت طالع رزمة مصاري وعدهن وحسيتو انصدم
مريم:شو القصة
ساجد:في حدا فايت للغرفة
مريم:قصدك انسرقنا
ساجد: ومتأكد مافي غيرو
وطلع من الغرفة متل البرق كان ماجد بالمضافة وفات لعندو وخلاه يوقف على حيلو وبوجود ابوه وما همو حدا
ساجد:طالع المصاري والمحبس
ماجد:انو محبس مصاري شو
ساجد:لككك انت كيف بتسمح لحالك تفوت لغرفتي
ابو ساجد: ساجد بعد عن اخوك
ساجد:بدك ترجعهن
ام ساجد: ساجد برضايي عليك تتركو
ساجد:والله لتصير عبرة والله
نادرة:بعد عنو اتركوا
مجد :شو القصة
طالعو من المضافة غصب عنو وفوتو لغرفتوا وصوتهن علي يا فضيحتنا بالحارة
.........
اول ما شلح لحزام جن جنونو ماجد
ماجد:ليش بدك تضربني فتش الغرفة
ساجد:بدك تجنني انت كيف بتفوت لغرفتي كيف
اتزكر خوف مريم ودموعها لانها مو عرفانة مين فاتح الغرفة
ماجد:احلفلك مابعرف شكل غرفتك ليش عم تعمل معي هيك
ساجد:لكك بشو مقصرين معك فهمني لتمد ايدك للحرام
ماجد:شو دخلني بلكي مرتك مخبيتهن
ساجد:شو بدها تخبي محبسها
ماجد: اي كل النسوان بيعملو هيك مشان تشتريلا بدالو
ساجد:هاد مو حكي ابدا
ماجد:بترجاك لا تضربني
ساجد:طالع المصاري طالعهن
ماجد:ماعم افهم عليك محبس ولا مصاري
ساجد:لك انت بتعرف وفهمان عليي
ماجد:ما سرقت شي ....والله
ساجد:لك وبتحلف كزب يا رفيق جبورة الحرامي
ماجد:...يا ساجد لا تضربني
ساجد:لكن طالع المحبس والمصاري
ماجد:مو معي والله بالحرام مو معي
ساجد:انت كل حياتك حرام وجاي تحرم ع حالك هالشغلات لك ذليتنا ما بتخاف من الله انت عم تسرقنا عينك عينك روح اشتغل روح شوف لرجال اتعلم منهن شو ناقصك لتسرق
ماجد:شو بدك فيني انت مابدي اشتغل بكفي انت زلمة
ساجد: وغصب عنك حركات النسوان بطلها وبدك تبكي كمان
ماجد:لانك ما بترحم الي خلفك ولئيم
ساجد: لحد الان مابدي اعمل شي اندم عليه طالعهن احسنلك
ماجد:بدك تجنني والله مو معي
ساجد:اتصرفت فيهن
ماجد:لا ما شفتهن ولا بعرف عن شو بتحكي
مسكلو موبايلو
ساجد: هاد الايفون من وين فهمني
ماجد: ساجدة جابتلي اياه
ساجد:لككك عم تكزبني عينك عينك
ضربوا اول ضربة وبلش يتلوى
ماجد:مو معيي والله مو معي
من برى
ابو ساجد: افتحلي الباب والله ازا ما بتفتح لاغضب عليك يا ساجد
ساجد:طالعهن ماجد بسرعة
ماجد: قسما بالله انت مو اخي والله
ساجد:طالعهن بعدين اتبرى مني
ماجد:امهلني يومين بس
ساجد:بدك ترجعهن
ماجد ع وشك يبكي:شو بدي اعمل يعني بدي ارجعهن بس اديش المبلغ
ساجد: الي اخدتو وبس
ماجد:طيب طيب متل مابدك
انقهر وقت شاف دموع اخوه
ساجد:لا تبكي
ماجد:😭
ساجد: عم قلك لا تبكي
ماجد:كلكن عليي كلكن
ساجد:انا بدي اياك تصير زلمة وبس
ماجد:هيك الله خلقني شو اعمل
ساجد:هاد مجهود شخصي ماجد الي بيسرق بيعمل كلشي
ماجد:بيشرب عرق كمان
ساجد:انت بالاول اتحمل الي اتحملتو بعدين هتني براحتك
ماجد:انتو كلكن بتكرهوني
ساجد:انا ما بكرهك انا بحبك والا مابدي اياك تسلك طريق الحرام
ماجد: ولا مرة حسيت بمحبتك
ساجد:لو ما بحبك ما بقسى عليك انت نقطة ضعفي ماجد
ماجد:وعم تضربني
ساجد:انت ما عم تفهمني ماجد كل محاولاتي لتصير متل مابدي عم تفشل
ماجد:امهلني يومين وبرجعهن
ساجد: امسح دموعك خلص
ماجد:مو بأيدي وقت تضربني بتمنى الموت

ساجد:...
غمض بقهر وطلع مو شايف بعيونو وماحدا بيعرف لوين
..........
ليلتها ما رجع كنت خايفة كتير عليه ومن الي صار ومقهورة على ماجد كتير لساتو حابس حالو بغرفتو وعمي بهدل العيلة كلها الا ساجد وحماتي بكيت لشبعت بكي ومجد التزمت غرفتها حاولت اتصل فيه بس خفت كتير يفصل عليي او تطلع الفشة براسي اخرتو بدو يرجع للبيت يا ترى مين الي سرقهن معقول ماجد ياريتني ما حكيت ياريتني متت قبل احكيلو
حاولت انام وما اقدرت
...........
كان بالمزرعة مع ديب وعم يشرب عرق كاسة ورا كاسة
ديب:طول بالك ولووو
عيونو من اثار الشرب مدمعين
بقلبو:بعد كلشي صار معو بيتمايل بيرقص وبيحط علكة بتمو وبدو اياني ما اربيه هو ما بيعرف انو اتعرض للتحرش بسبب مياعتو لككككك وفوق منها بيحكيلي ومو عارف شو صاير معو ومفكر شي عادي لك والله الموت اهون عليي من الي صار معك ليش مصر يفضحنا انا شفت بحياتي شوفات بتشيب شعر الراس شو اعمل ادكك بالسجن ولا اسحبك للجيش انا آخرتي على ايدك هاد منظر زلمة كل رفقاتو ارجل منو جبورة الي بحكي عليه حرامي زلمة