القسم الثامن عشر
وصل الشباب وصفط السيارة وبقي شوي فيها لحتى يركز اكتر
نزل وفات للبيت وبالزور لحتى استوعب كيف فايت للبيت واستغرقت طلعتو للدرج خمس دقايق يتهدا هون وهون طالع كومة المفاتيح وبلش يجرب يفتح الغرفة وبعدها فات وسكر الباب وارتكى بتعب
ساجد: وأخيراً وصلت
قفل الغرفة شلح القميص واستغرب انو في حدا معو بالغرفة قعد على طرف التخت وابتسم وقت شاف مريم نايمة ورمى حالو عليها ودغري صحيت
مريم:شو في ساجد
ساجد:مين ساجد
مريم:ايع شو هالريحة
ساجد:طيبة لا تقولي
مريم:بعد عنيي
ساجد:مستحيل ابعد
مريم: خنقتني ساجد بعد ليش هيك عيونك شو صاير معك
ساجد:ثمل المشروب افقدني صوابي
مريم:انت سكران
ساجد:مريومة شو حلووو اسمك
مريم:ساجد بترجاك كسرتني بعد عني
ساجد:ولا مرة جربت اكون مع مراة
مريم: بترجاك ساجد بترجاك تبعد وتصحصح انت مو معقول والله
ساجد:شو يعني مو معقول ليكون قصدك مو رجال
مريم:لا لا انت مو هيك بترجاك مو على اساس زواجنا شكلي
ساجد:بدك اصحى مروق خليه زواج فعلي
مريم:بعدددد
دفشتو لهيك بعد عنها
اتجلست ونزلت من التخت
ساجد:وين رايحة تاركيتني
مريم:بتصحصح ومنحكي
رمى حالو بعرض التخت وغط بنوم عميق
...........
كنت لسى مو مصدقة انو ساجد سكران اكيد مو صحيح الي حكاه بس حركاتو اي ع قولتو هو ثمل ومو وعيان ع حالو
والي متأكدة انو نام ومستحيل يصحى مبين تعبان كتير
حطيت فرشة بالارض واخدت لمخدة ونمت على الارض امري لله شو بدي اعمل..
.......
الصبح البيت صحي على صاعقة سرقة الموتور ماجد انصدم وساجد نزل يركض وهو عم يلبس لبلوزة
ساجد:شو صاير
ماجد:مسروق الموتور
ساجد:شو يعني مسروق وينك انت مو كنت بالبيت
ماجد:كنت بالبيت اي بس بس نمت بكير يلا تعال اتهمني فيه
طلع لبرى دغري واتأكد انو الحادثة صايرة وهو بالمرقص
غمض بقهر ودقاق قلبو تجاوزت المليون
بقلبو:شو يعني تنسرق لك ساجد يعني علمو عليك والله لاربي لقرود فيهن لكككك انا بالمهمة ولا بشووو يا ولاد الكلب
ام ساجد:شو يا ساجد
نزل ايديه بقلة حيلة
ساجد:الله لا يعوض ازا بدي احطها واطيه
وطلع للغرفة متل البرق
........
بالورشة كان ديب مصطهج ببالو كسب رضا ساجد وصار اتصل فيه جبورة
جبورة: معلم الجميع
ديب:شبدك
جبورة:تعال للمزرعة معلم الاخبار حلوة وبتعجبك
ديب:مسافة الطريق
......
وماجد برى عم يحوص ومو قدران يهدا وقلبو يخفق بقوة سرقة الموتور تعليمة على العيلة كلها
ماجد:معناتو جماعة غير جماعتنا معقول لمعلم ديب بعت مين يسرقوا مستغل غيابو انا وجبورة سوى وساجد والشلة مين الي سرقو لككك مين علم على بيت النمر
ابو ساجد:انت وين كنت مبارح
ماجد:رحت لعند وائل وارجعت
ابو ساجد: هيك منيح اتعلم علينا وتلت رجال بالبيت
ماجد:شو اعمل ما خلفت غيري يعني
ابو ساجد:وين كان اخوك
ماجد:رجع سكران اسألو الو
ابو ساجد:انت شو عم تحكي
ماجد:من اول ما فات الجيش ومشروبو المفضل العرق
ابو ساجد بقهر:اخرس حاجتك ترمي بلى
ماجد:لا تسدء ابنك راعي كيف وبسط
نزل ساجد مستعجل وكانو طالع بمهمة ركب بالسيارة وعبى الحارة غبرة
........
بالمزرعة اول ما وصل ديب وفات للقبو وشاف موتور ساجد وقع قلبو من الخوف
ديب: لمين هاد
مصلح:لساجد مبينة
ديب:لككك مين سرقوا
جبورة:ما عجبك معلم
ديب:اللهي بتعجب على موتك انت وياه
مصطفى:معلم حقو بلاوي اخو الوكالة
ديب:لككك ياربي شو عملت بليتني بشلة خوتان
مصلح:شو نعمل معلم اكيد انذاع الخبر بالحارة
ديب: ريتك تسهل وما تلاقي تواليت يقلل اكلك وتفضى فرشتك يا ابن ستين غبي
مصطفى: معلم انت علمتنا بالسرقة مافي خيار وفقوس
ديب: بعدوه من وشي لا ابتلي فيه لك نحن راكضين نكسب رضا ابن النمر واجيت انت سرقت موتورو مصلح اتصرف
مصلح:حاضر معلم
جبورة:نحن منصبغوا ومنترزق الله فيه
نصرت:اتركوه لمعلم بيعرف مصلحتنا
ديب: مصطفى جبورة انلقعوا لبرى مابدي اشوف ولا واحد منكن هون
اتطلعوا ببعض وطلعو مو عاجبهن وديب لونو بلون البندورة 😂كان ناوي يكسب رضا مو يبتلى بمصيبة وخايف من ساجد يدرى بالموضوع
........
نزل ع الاستوراد وحاوطوه عناصرو
ضربلو تحية بلال
بلال:خير معلم لشو الاستنفار
ساجد:بدي تلت عناصر بجاهزية تامة
بلال: خبرنا الملازم نبيل
ساجد: عناصر المهمة بسيارة وانتو ارجعوا للمركز بلال بدي تفتح عيونك على محجوب والليلة بدي تقرير مفصل عن سهراتو ومع مين
بلال:بامرك سيدي
ساجد: انصراف
بقيو تلت عناصر
ساجد: اسمعوا وافهموا الي لازم تعملوه بالحارة
..........
كان البيت مكركب كلو من سرقة الموتور وساجد طلع مو شايف بعيونو وحماتي مقهورة ونادرة بعالم تاني
نادرة:مات جوزك يعني
ام ساجد:لك والله مابعرف شو احكي جوزي اخوكي يا ام عمران

نادرة:لكن ليش زعلانة وليش فايتين طالعين مستعجلين
مجد:موتور اخي الي سرقلك الخاتم انسرق
نادرة:هههه الله جازاه
مريم:لك يقطع شرك لك مجد شو هالحكي
نادرة:وانتي وين جوزك
مريم:من زمان طلع
نادرة:ليكو فات للغرفة
مجد:هاد سلفها عمتي جوزها الي سرقلك الخاتم
ضربتها على كتفها
مريم:لك حاجتك تقولي سرق ما بيسرق عيب عليكي
بفوتت ساجد انتبهنا كلنا
مجد:هاد هو عمتي جوزها
نادرة:الي بالغرفة لابقلها اكتر
حتى حماتي ضحكت
نادرة:اجيت يا حرامي الخواتم
ساجد:سكتي بنت حماكي احسنلا
ام ساجد:روق شو صار معك
ساجد:ولاشي شو بدو يصير
اشرلي بمعنى الحقيني واطلعت وراه
نادرة:يا عيب الشوم على هالعيلة
ساجد:شو عم تخرف هالخرفانة
مربم:شو بدك فيها
ساجد:....
فتنا للغرفة
مريم:شو صار معك
ساجد:مترجية ارجع ومعي الموتور
مريم:فكرت هيك
ساجد: اقعدي لشوف
قعدنا جنب بعض على طرف التخت
ساجد: اي ساعة ارجعتوا من السهرة
مريم: تقريباً عشرة ونص
ساجد:مين كان عند دكان وائل
مريم:لمة شباب بس انا ما بعرفهن
ساجد: ووقت ارجعتوا كانت الغرفة مفتوحة
مريم:ما انتبهنا ابدا
ساجد:وين كان ماجد
مريم:والله مابعرف بس يمكن ماكان بالبيت
ساجد:بعد ما اطلعتي للغرفة نمتي دغري
مريم:اي دغري نمت
ساجد:وبابا
مريم:بعد ما رجع من الصلاة فات ينام حتى قبل نروح للسهرة
بقي ساكت وكانو عم يحاول يعرف مين
مريم:رح يرجع
ساجد:مابعرف
مريم:البيت كلو مكركب
ساجد:بتعرفي شو يعني ننسرق ونحن تلت رجال بالبيت رح يضل راسنا بالارض
مريم:يا لطيف سرقة وكلها بتنسرق
ساجد:كلها مو نحن
بقلبي:ع راسك ريشة انت يا ابو سكرة
مريم:مابدك تتغدا
ساجد:بدي اصفن على كيفي
رحت لاساعد حماتي

.....
على الغدا الوضع مكركب ابو ساجد مقهور من ولادو بالاخص من ساجد الي ما عم يستوعب انو بيشرب ومن ماجد الي قاعد بدون شغل وحتى ام ساجد كانت مقهورة ومجد ماسكة موبايلها وعم تحكي مع رفيقتها وتكركر ضحك وقطع الصمت
نادرة: ليش قاعدة بعيد عن جوزك
انتبهوا كلهن وساجد ركز بكلام الخرفانة😂
ابو ساجد:عن مين قصدك
نادرة:هالحلوة هي مو كنتك
ابو ساجد:اي
نادرة:ليش بعيدة عن جوزها
اطلع فيها ساجد لانها بجنبو وهو جوزها
ساجد:مين جوزها
نادرة:هالشب الحلو
بتقصد ماجد
صوت بس كتم الضحكات
ابو ساجد:اختي هاد جوزها لمريم هداك ابني لساتو عزابي
نادرة:مو راكبة بمخي ابدا
ساجد:هو في مخ من الاساس
ابو ساجد:كملو اكلكن
ساجد:اختك فوتت دماغي ببعضو مرة بسرق ومرة....
سكت ما قدر يكمل
ابو ساجد:شو بدك فيها انت بتعرف وضعها
ساجد:اي بس مو هيك حجة في بيني وبينك تار
نادرة:انت لا تحكي معي يا حرامي الخواتم
ماجد:هههههه
ساجد:الك عين تضحك مو
ماجد:كلها عقل عمتي😂دخيل عيونها الزرق
ساجد:ديري بالك ع حالك حجة بعدين وين ولادك
ماجد:هني سدءو وخلصو منها😂
ساجد:ناس ارتاحت وناس ابتلت
نادرة:لا تضلي قاعدة بجنب الحرامي بكرى بخلصك صيغتك
مريم:ليش عم تحكي هيك عنو
ساجد:اي دافعيلي هون كلهن ضدي
نادرة:لانو حرامي
ماجد:😂كلها نظر
ساجد:خراس ولاه الك عين تضحك مو
نادرة:هالمريومة متل السكرة
غمض بقهر
بقلبو:هي ما بتيجي تسافر ولا مجننيتني على الاخر شو خطرلا عم تفكر مريم مرتو ل ماجد
ااااخ بس
...........
بعد الغدا فات ل غرفتو وشاف اشعار مقطع فيديو واصلو من جبورة فتحو وانصدم ب ساجد بالمرقص وعم يرقص ويدخن وقدامو كاسة عرق
بقلبو:اهاااا هيك لكن يعني عنجد رجع طابشها ومو غلطان وقت شفتو عم يصحصح بالسيارة
هاد الشغل المزبوط ورح امسكك يا اخي من ايدك الي بتوجعك بس زعلان على بابا ولادو فلتوا 😂
ورح اهددك فيه شاطرو يحاسبني على سيكارة حشيش وهو مسلطن لكن ما اشرب عرق غير يجن جنونو
........
بالمطبخ كنت عم اجلي لحالي اتزكرت رجعة ساجد للبيت اوف منو كيف كان مو واعي على حالو والاحسن وقت صحي على خبر السرقة يا ترى مين الي سرق موتور ساجد معقول وصلت لهون ولا مرة اتوقعت ينسرقوا كنت على طول اسمع بالسرقة بس انو ينسرق ساجد كبيرة كتير
والله الموتور جديد وكأنو مو مستعمل ابدا وبالزور عم يعطي مفتاحو ل ماجد عيلة شفت عندهن العجايب وكلو كوم ورجعو للبيت فاصل كوم تاني .
.......
بالمضافة التمو يشربوا قهوة على الخيبة ساجد جواتو بركان اجت مريم قدمت القهوة للكل وقعدت بجنب ام ساجد صارت مقابيلو وهو عم يدخن ومو عاجبو شي وقت فات ماجد انتبه ولطشو غمزة وحس بشي غريب ساجد
ابو ساجد:شو بدك تعمل يا ساجد
ساجد:لسى عم استوعب يمكن لو حدا ضربني كف اهون من الي صار
ام ساجد:هو مين رح يسترجي يضربك اصلا كل الحارة بيشكوا منك سلام ما بتسلم
ماجد:ابتيلنا بلوة وبحب الحلوة
مجد:وقت الإغاني لك ماجد
ابو ساجد: قدم بلاغ
ساجد: مرحبا بلاغ

نادرة:ليش قعدت عندك تعال بجنب مرتك
اخد نفس عميق ساجد وزفرو بغضب
ماجد:عمتي انا سنجل نو مراة نو
مجد:لك ليش عم تصرخ هي بتنسى مو طرشة
ماجد:شنو في نمر ع جنب ما عجبو
ام ساجد:ام عمران هي مرتو لهداك ابني هاد شفتيه
نادرة:مو حلو خفف لحيتك مشان تقبل فيك العروس
وقف على حيلو وراح لجنب مريم وقربها منو
ساجد:هييي مرتي شفتيها
غرقوا بضحكهن بس هو عنجد معصب ومريم صارت بلون الدم
نادرة:بعد عن مرت اخوك عيب عليك
ماجد:بابا احكيلك كلمة هي مو خرفانة هي بدها تجننا
ابو ساجد:عيب عليك هي بتضل تخربط
نادرة:قوم شوف اجى ابو عمران
ماجد بصراخ:لا بتأذونا ولا منأذيكن
ابو ساجد:اختي جوزك مات وشبع موت
ماجد:ترملتي صغيرة يعليي عليكي
ساجد:ارتاح وريح
مريم:من زمان هيك هي
ساجد:اخوها ادرى
ابو ساجد:لا صابتها جلطة وباعجوبة نفذت منها واتأثر دماغها وصارت تنسى وتخربط
ماجد:هي فعلياً عم تخربط ابونا😂
مجد:يا ريت تضل عنا
ساجد:طبعا اقامة ذهبية عنا لانو هو الواحد متحمل حالو ليتحمل غيرو
ماجد: عمتي شلونك
نادرة: الله يسعدك يارب ويطعمك الصبي
ساجد:شرف بابا عجبك هيك
ماجد:من وين الصبي حجة بالاول عروس بعدين واع ويع
فرطوا من الضحك ولاكانو عندهن مصيبة
........
كنت خجلانة من حركاتو على حساب عاملي فيها عصبي بس شكلو غيران عليي من ماجد كتير 😂الحجة حركت احساسو تجاهي معقول ساجد عم يحبني اووف مريم لا تنسي انو اخدك لدكتورة وحطك بموقف محرج

.........
وعند ديب كان مقهور من مصطفى وجبورة وناطر اي خبر من مصلح
نصرت:استسمحوا لمعلم
جبورة:معلم طيرتو من ايدك
ديب:مو وقت سرقة ابن النمر افهموها نحن بحاجة واسطة عم تفهم
مصطفى:شو بدك نعمل يعني
ديب:انت مصطفى ازا ما بدك اطلع منها حصتك بالحفظ والصون
مصطفى:بوافق اصلا مو متصور شكلو
جبورة:معلم بس مو حلوة نحطها واطية
ديب: اسمعوني انا ما سدءت اكسب ساجد لصفي
نصرت: وانا مع لمعلم بكلشي
ديب:الله يجيب العواقب سليمة يارب
.........
وعند مصلح رمى الموتور على الباب وضرب حجر وهرب من الحارة بسرعة البرق فات للبيت تعبان من الركض
ام مصلح:اجيت يا ابني
مصلح:اي ماما
ام مصلح:ما طولت
مصلح:بكفي سهر اتعشيتي
ام مصلح:رح اجهز لك العشى
مصلح:لا ماني جوعان
ام مصلح: احسب حسابك بكرى نسوان الحارة مجتمعات عندي
مصلح:ماشي امي
بعت على لكروب
مصلح: تمت العملية بنجاح
بس بقي خايف يكون حدا لمحو لو كان ملتم

........
كانو مصدومين وساجد اتخربط كل كيانو من رجعة الموتور ماجد عم يتمايزو
ماجد:مو مخدوش ولا خدش
ساجد:في شي عم يصير ما عم افهموا
مجد:معقول يكون حدا اضطر عليه ورجعو
ابو ساجد:لازم تعرف مين الي علم علينا هالتعليمة
ام ساجد:والله شي بحط العقل بالكف
ماجد:انا ما عم استوعب
بقلبو ماجد:معقول جبورة ورا سرقة الموتور ما عم يطلع معي خيار تاني بس ليش رجعو ليش
ساجد:رجعو للغرفة
ابو ساجد:وين رايح
ساجد:ما بطول راجع
مشي بهدوء وافكار تاخدو وافكار تجيبو
دق باب البيت وهو عم يتطلع حواليه انفتح الباب وفات
...............

القسم التاسع عشر
بقلمي مايا الحجازي
وبطريقو للدكان
وائل: أهلين والله عاش مين شافك لك أزعلنا على الموتور وكمان افرحتلك
ساجد:مشان هيك اجيتك
قعد واسترخى
وائل:احكيلي كيف صار
ساجد: الحرامي استغل غيابنا عن البيت وهلا منتفاجئ بخبطة على الباب والموتور برى
وائل:وين صارت هي كيف اترجع يعني
ساجد: مابعرف انا لسى ما استوعبت كيف انسرق لحتى استوعب انو رجع
وائل: مابعرف انت بتشك بحدا
ساجد:مابدي اظلم حدا ابدا المهم انو رجع
وائل:اي والله منيح افرحتلك كتير
ساجد:الاخبار بالحارة
وائل:متل ما هي
ساجد:يعني مافي احتفالات
وائل:لا ما في الا انت تحتفل بحالك مبارح نزلت موالح ع كيفك
ساجد:شو المناسبة
وائل: ولووو عريس وبدك جاها لتشتري هيك شغلات
ساجد:اي اختارلي ع زوقك تشكيلة
بقلبو:بلكي الله تلين معي مريم
اليوم وقت قربتها مني اتملكني شعور حلووو عدا انو قهرتني عمتي الخرفانة وعم تحكي شروي غروي وتقطع وتلحش من كيفها معقول انا بشع لك نادرة كلو وارد لاسأل مريم عن رأيها فيني
اخد من وائل التشكيلة ودعو بعد ما سجلهن ع الدين وكمل للبيت وصوت حكيهن بالمطبخ كان طالع لبرى واتوقف عن المشي
مجد:والله كلها بسيرتها
مريم:ما عم تفوت لمخي يا بنت الحلال
مجد:وانا وقت الي اسمعت قشعر بدني والله
مريم:الله يستر علينا والله الواحد بيتقبل كلشي الا هالشي
مجد:اوعك تحكي انو انا خبرتك والله ماما لتعلقني من رجليي
مريم:اي ما بحكي وما احلاني حاكية
فات للبيت ودغري طل بالمطبخ هز براسو بأستغراب
ساجد:رواق وقهوة انتن ما بتشبعن شرب قهوة
مجد:اي طيبة
ساجد:كيفك مريم

مريم:الحمد الله
ساجد:وراء دور لكن
مجد:😂حبيت كتير يعني مو امام سر
ساجد:وانتي امام سر لغرفتك
طلعو لتنين ل غرفتهن
ساجد: خايف تشوفني عمتي معك
مريم:هههه صرت تخاف هلأ
ساجد:عنجد تفكيرها زبالة
مريم: حرام عليك ساجد هي مضيعة
ساجد:رح تضيعنا معها والله
فاتت مريم للغرفة وهو فات للحمام
بقلبو:ياريت الي ببالي يصير بس لا لا ساجد لا تبين انك قاتل حالك عليها
.........
كنت لابسة بيجامة النوم فردت شعري وقعدت بمكاني فتحت الموبايل وشفت بهدلة طويلة عريضة
ميس:تفووو عليكي يا بياعة العشرة نشطة على كروب الفيس بس ع الواتس ما بتبيني بعدين انا بالي عندك وانتي بالك مع مجد بالتعليقات بسيطة يا مريم ايمتى راجعة للدوام بدي تقرير مفصل عن الحصل ورح يحصل
مريم:بحكيلك كلشي بالتفصيل الممل ورح احكي مع ساجد مشان الدوام
اول ما فات سكرت الواتس وفتحت الفيس بوك
استغربت جايب معو سهرية
اول ما قعد جنبي اتطلعت فيه وهو كان يتطلع فيني
ساجد:شو ما جاييكي نوم
مريم:امبلا نعسانة
ساجد:هاد حسابك عالفيس
مريم:اي
ساجد:انسيت اطفي الضو
مريم:انا بطفيه
ساجد:لا بالاول بدنا نتسلى شو بتحبي تاكلي شبس ولا مكسرات
مريم:ما بتفرق بس ليش معزب حالك
ساجد:مو معزب حالي بشوف كل المتجوزين هيك بياخدو
مريم:اهااا
ساجد:تصارحيني مريم
مريم: بشو
ساجد:بالاول قولي
مريم:بصارحك
ساجد:قولي والله لاحكي الحق
مريم:والله لاحكي الحق
ساجد:وما اخبي عنك ولا شوي
مريم:ليش
ساجد:احلفي يلا
حلفتلو
ساجد:عن شو كنتو تحكو بالمطبخ
مريم: عن عن شو
ساجد:انت حلفتي ها
مريم:يا الله منك ساجد الموضوع ما بينحكى
ساجد:انتي وزمتك
مريم:لكككك
ساجد: يلا احكي ترى انتي حلفتي
مريم:ما بتطلع من تمي هالسيرة حرام لانو
ساجد:بتحكوا بالحرام انتي ومجد
مريم:..
ساجد:يلا وين الي حكيتي
مريم:عن وحدة من الحارة
ساجد:اي كملي
مريم:وانت شو بهمك اه
ساجد:شو عاملة هالوحدة
مريم:...
ساجد:يلا احكي
مريم:حامل وهي بنت
ساجد:هاد الي كان ناقصنا وانتي من وين جبتي الحكي
مريم:مو انا
ساجد:على اضرب ازا مجد بتحكي بسيرة الحرام
مريم:امانة يا ساجد اوعك تجيب سيرة اني حكيتلك والله حماتي لتحاربني
ساجد: قسما بالله هالمرة صارت تاني مرة انتي ومجد بتحكوا بهيك سير لافرجيكن
مريم:انت بتعرف
ساجد:استغفر الله العظيم بس
وكأنو حرد لهيك لف للصوب التاني لينام
بس انا بلشت سهرتي على المنقرشات

......
الصبح صحي على صوتها
مريم:ساجد في حدا عم يتصل فيك
استناول الموبايل وحاول يفتح عيونو
ساجد: ازعاج صباحي
اتجلس وبلش يصحصح وعاود الاتصال فيه
ساجد:شوفي عندك من الصبح
نبيل:حضرت الرائد كأنو مو ناوي تبعت ملف القضية
ساجد:ليش مستعجل اشتقتلي يعني
نبيل:والعناصر او قلك المركز كلو
ساجد:بلا شوفي
نبيل:الاسبوع الجاي في فرز وتدريب
ساجد:اي بحاول ارجع بس ما بوعدك
نبيل:😂لا ما توعدني كل الي رح اعملو لقاء مع سيادة العقيد واحكيلو عن التسيب ولحالك بترجع
ساجد:يااا وعم يهددني طيب بحكي معك بعدين انت نزعت نومتي
نبيل:صحصح وخلي المدام تعملك قهوة وحاكيني
ساجد:اوامر تانية حضرت الملازم.
نبيل:الله يرضى عليك يا ابني
ساجد:احترامي سيدي.
سكر وهو مبتسم واتأمل مريم
مريم:مين هاد
ساجد:واحد
كان مقهور من السيرة الي ماسكاتها مريم ومجد
بقلبو:الواحد بيسمع سمعات بتشيب شعر الراس
حاول يصحصح عندو مهمة اليوم
......
على لفطور سيرة الحرامية ما بتخلص
ابو ساجد:يا ترى شو الغاية من سرقة المواتير
ام ساجد:من الغلا لسى ليصير اضرب من هيك
ساجد:هي مو حجة الغلا والمدري شو
ابو ساجد:امبلا يا ابني في ناس من الفقر بيسرقوا والراتب شو بدو يكفي اكل ولا دوا ولا اجارات العالم متخبية ورا هالحيطان
ساجد:بس ازا انت يا بابا عم تحكي هيك لا عتب ع الجاهلين
ام ساجد:انت ما بتروح وبتشوف في ناس تياب جديدة ما بتشتري وبتنطر الناس يتحسنوا عليهن
ساجد:اي رح ينطرو لانو تعال على كم شب من الحارة احكيلو تشتغل وتاخد يومية ما بيقبل ليش اتعود على الحسنة انا بنظري ع هيك ناس ما بتجوز الحسنة
مريم:بس الراتب خلينا نقول٣٠٠الف وازا عندو الواحد خمسة بالبيت شو رح يعملو
ساجد:بكل بيت في تنين تلات مهاجرين بس خلص الناس اتعودت ما معنا مافي مديونين فقيرين وازا اجيتو للحق بتلاقي عندهن دولا*رات ودهب ليوم الدهب وبدون ما تبررو الامثلة قدامي وبعرفهن
ماجد:المهم رجع الموتور
ساجد: ورجعتوا ما طمنتني
مجد:ليش
ساجد:انتي لا تسمعيني صوتك
مجد:شو عاملتك
واطلعت ب مريم
ساجد: وضع البيت ما عم يعجبني
ماجد:بلوة العشق يا ناس بلوة ابتلينا
ساجد:انت ع شو عم تلمح
ماجد:بغني يا زلمة وعرق ما بشرب عرق لا ويسكي ولا بيرة
انصدم ساجد وشبه فهم شو الموضوع

لطشو غمزة ماجد وفرقع ساجد
نادرة:سو اسم ابنكن هاد
ساجد:لا حول ولا قوه الا بالله
ام ساجد:اسمو ساجد
نادرة:مو حلو ابنك هاد
ماجد:😂 الشب الاسمر جنني
ابو ساجد:اختي ولادي كلهن حلوين
نادرة:الي سرقلي خاتمي ما حبيتوا
ساجد:يحرق اخت خاتمها ازا ما سرقتو عن حق وحقيق
مريم:والله ازا بتسرقوا لتطلع بالاخبار
ماجد:و كما وردنا قبل قليل ساجد النمر احتال على المسكينة ذات العينين الزرقاويتين وشفط منها الخاتم
مجد:هي كوكتيل فصحى على عامي
نادرة:وين ابو عمران طول
ساجد:ازا كتير اشقتيلو روحي لعندو
نادرة:ابو عمران برد الاكل يلا
ماجد:سخني الفول مريم ابو عمران بحبو سخن
ما قدر يخفي ضحكتوا دمعو عيونو على هالعيلة لمصيفة
نادرة: اقعدي ريحي حالك ازا مو متجوزة بنتك هي بدي اخطبها لابني عمران
ساجد:ليكي حجة ازا لسى بتجيبي سيرة مرتي على لسانك لاخلي الحجي يشتقلك شو عملتي على مرتي مزاد علني
نادرة: فشرت تكون جوزها
ساجد:ترى مو مسدء ع الله يجي ابنك ويشحنك من خلقتي
مجد:عمتي ذس از جوزها
نادرة: فشر بنص عينو حرامي الخواتم
ساجد:حرارتي فل من وراها
ابو ساجد:سايرها بلا
ساجد:ايه بدك احكيلا جوزيها ابنك
نادرة:ياريت توافق
ساجد:اتصلوا بابنها الوضع خرج عن السيطرة
ترك السفرة معصب وبس اختفى فرطوا ضحك عليه
.......
جهز حالو وطلع للحارة وتحديداً للورشة كان ديب مستلم موتور
ساجد: عوافي يا حوب
ديب:اهلين بابو نمر
ساجد:شو شغل صباحي
ديب:اي والله
ساجد:اسمعت الي صار معي
ديب اتلبك:شو صار
ساجد:اتخيل انسرقت
ديب:وما اعرفت مين
ساجد:لا ورجعو
ديب:شو هو لعب
ساجد:وانا هيك حاسس لمين هالموتور
ديب:لشب مابعرفوا قال ساكن قريب من حارتنا
صار يتفحصوا ساجد
ساجد:ايمتى بتخلص شغل
ديب:في شي
ساجد:عازمك على نفس اركيلة عندي بالبيت
ديب:اي شو عليه بخلصو وما عليك
ساجد:عند وائل بستناك
ديب:ماشي
وصل للدكان واستمع للحديث
وائل:مافيني والله
طه:لك مضطر على الاغراض برجعلك بعد ساعة
وائل:لا ساعة ولا تنتين اول مرة بتفوت للدكان وجاي تحكيلي ع الدين
ساجد:شو القصة
طه:انت لا تدخل
ساجد:كيف يعني ما اتدخل الشب صاحبي
طه:قلتلك انت لا تدخل
وائل:ساجد اقصر الشر
ساجد:مانك سامعو شو عم يخبص من وين انت
طه:مو شغلك خلص قولو ما بدنا نبيع
وائل:اي حكيتلك هيك بس انت مسكر مخك
طه:انا مسكر مخي
وقبل يبلش بتخريب لبضاعة لوى دراعو ساجد وطالعو لبرى وكبرت المشكلة على صد ضربات متتالية وتجمعوا اهل الحارة حتى ديب اجى على الصوت وساجد سحب موس كباس وكان بدو يطعن الخصم بس وائل رجعوا لورى
وديب ابتسم بأعجاب لهالحركة
وانذاع الخبر بالحارة ابن النمر راعي مشاكل وضريب سكين
.....
كانت حماتي ناطريتو على نار وانا قلبي كمان عم يغلى كنت خايفة عليه كتير واول ما اجى اطلعنا كلنا من المطبخ
ام ساجد:صحيح الي صاير
ساجد:شو صاير
ابو ساجد:من ايمتى بتعمل مشاكل انت
ساجد:بدك اشوف عم يخربوا دكانة وائل واسكت
ابو ساجد:بتسحب موس بنص الحارة شو عيني من الناس انت قول
ساجد:انا لا حدا يتدخل فيني وازا بدك تستعار فيني هاد ذنبك مش ذنبي
ام ساجد:شو عم يصير معك انت
ساجد: اتركوني بحالي وحدة منكن تجهز نفس الاركيلة
طلع للغرفة ونحن اتطلعنا ببعض
مجد:شو عم يصير
مريم:متلي متلك
فتت اجهزلو نفس الاركيلة وكنت مستاءة من كل الوضع وانقهرت لانو عصب على الكل
....
ديب واقف عند الباب خجلان كتير من هالزيارة بس اتشجع دق الباب وفتحتلو ام ساجد
ام ساجد:اهلا وسهلا
ديب:هون ساجد
ام ساجد:اي اتفضل
ديب: أندهيلو
ما رضي يفوت الا لحتى طلع عليه ساجد
كان بتياب البيت بنطلون بيجامة وبلوزة سودة نص كم
ساجد:اهلين ديبو
ديب:اهلين فيك
استقبلو بالمضافة واجى ماجد معو الاركيلة وشغلوها
ديب:شو القصة
ساجد:صغيرة وناكته
ديب:بس ما افهمت شو الموضوع
سرد عليه كل لحكاية
ديب:بيستاهل لكن
اتفاجئو وقت فاتت نادرة وابتسمتلهن
نكش ماجد وهمسلو
ساجد:اشحطها من هون بسرعة
ماجد:😂اهلين عمتي هون هون اهلا وسهلا
نادرة:كيفكن يا ولاد
ماجد:احسنين شوفي عمتي شواربي
نادرة:هاد اخوكن
ساجد:بلشت تخربط
ديب:لا انا ابن ام دياب
ساجد:شوفو التاني عم يعرف عن نفسو
ماجد:عمتي هاد ابن بنت عم ماما
ساجد:ههههه ايوا هلا عرفت هي مين هاد
نادرة:اي اعرفتك جوز ختام الوخمة
انصعقوا لتلات
ديب:يا ارض انشقي وابلعيني
ساجد:ترى هي مخرفنة
ديب:والله اصحى منك ومني
ماجد:شمعنا صارت صاحيه
ديب:حكت الحق
ساجد:لا تحط ببالك حجة ليروح يطلق مرتو وتتربحي خطيتها
نادرة:انت خراس يا حرامي الخواتم
فرط من الضحك ساجد من قهرو
ماجد:احم عمتي لدينا ضيوف والي عم تحكيه عم يسيء لسمعة العيلة بالليلة
ديب:قصدك عن هاد
نادرة:لا هاد الي عم يتعنطز ع الرايح والجاي شلحني خاتمي وانا نايمة

ديب:احسنين
ماجد:ماما عم تندهلك
نادرة: روح لعند مرتك انت شو مقعدك هون
(ديب عقلو صار جاري التحميل😂 بطل يستوعب)
ديب: شو الترتيب يا جماعة
ساجد: بدي اولع فيها واخلص
ماجد:اوعك خسارة للامه العربية
ديب: ادعيلي الله يجوزني
نادرة:الله يبعتلك عروس تقول للقمر كش روح انا بقعد بمحلك
ماجد:وانا عمتي
نادرة:مرتك متل الوردة تسترجي تتجوز عليها
ساجد:ياريت اعرف انك صاحيه وعك تجاكري فيني
ديب:يعني بتفكر ماجد متجوز
ساجد:صابني انفصام بسببها
ديب:😂والله الحق معك
القعدة لا يمل منها وعلى ضحك ومسخرة
بس ديب انبسط انو ساجد بيسرق خواتم كمان
بقلبو:بدي دليل اكبر من هاد هي حكت عن ختام وخمة ومعها حق معناتو ساجد سارقها⁦⁦⁦(⁠◔⁠‿⁠◔⁠)⁩
....
اجى الليل ومن تعبي اطلعت لانام كنت مرتبة المطبخ كلو وبس بدي اغفى من وجع رجليي وظهري غمضت ورحت فيها ⁦(⁠◡⁠ ⁠ω⁠ ⁠◡⁠)⁩
.......
ببيت ستها فتحلو وفات قبل حدا يشوفو
طه:اهلين سيدي
ساجد:شو كيف ملاقيين السكنه هون
طه:منيحة سيدي
ساجد:ع طلوع الضو بتطلعو ومتل ما اتفقنا البيت للنومة وبس انا

ساجد: ع طلوع الضو بتطلعو ومتل ما اتفقنا البيت للنومة
انا كنت مشغول بشغلة بدي بكرى تنفيذ مو تمثيل
وبس
طه: ولايهمك سيدي
ساجد بتخبر الشباب بلي حكيتو وكل واحد بيستلم المهمة
الي اتكلف فيها الموضوع مهم
طه اعتبر كلشي صار عجبتك معلم اليوم
ساجد:كثير عجبتني بدي المشكلة الثانية تكون أكبر مفهوم
طه حاضر سيدي بس بدي اخبرك بلال باعتلك ايميل
بخصوص سهرات السيد محجوب
ساجد هلا بشوف مثل ما اتفقنا
طه: ماشي
ساجد تصبح على خير
طلع دغري قبل حدا يشوفوا

القسم العشرون
فات للغرفة سكر بهدوء وراح اتمدد بجنب مريم اتأمل نومتها وابتسم
ساجد:حرقتلي دمي عمتي وهي تحكي ل ماجد مرتك ومرتك......مريم كيف بتشوفيني إنا ما سألتك هالسؤال ولا مرة وحابب اسمع منك الجواب
بتعرفي مريم انا بزماني كنت اتحمس على كلشي بحياتي طيب بدك احكيلك عن قصة حبي الفاشلة
رفع ايدو ومسح على شعرها الناعم واتملكوا احساس حلوو
نومتها نعومتها وكيف نفسها تقيل من التعب كان بدو يتهور بس دغري غمض عيونو
ساجد:اول مرة جربت الحب استغنيت عن العالم كلو ما كانت بعيدة عني
فاطمة بنت عمي كانت اول حب بحياتي هي حلوة بشرتها صافية وبيضا عيونها كبار ولونهن اسود بجننو والها غمزة متل غمزتك هيك بتزكر شعرها ناعم واسود كل ملامحها خلتني اعشقها ولانو انا وياها جيل واحد بلش الأمر يزعجني انا كنت صف عاشر وقت بلش يندق بابها للزواج يعني فكرة اتجوز وانا مامعي اي تحصيل علمي بالجامعة مستحيلة رفضت اكتر من عريس وكتير ارتحت بوقتها واول ما اتقدملها شب بيسافر على الخليج وافقوا وأعطوا كلمة للجماعة انا كنت بعرف انو هي عندها مشاعر تجاهي كنت بالكلية بوقتها اتصلت بأهلي يوقفوا زواجها
ام ساجد:مو وقت الزواج ابدا
ابو ساجد: بالاول افلح بشي
بتعرفي احبطوني نفسيتي تحت الصفر صارت والاحسن اتصل ب عمي
ابو سعد:شو بدك
ساجد:انا رايد فاطمة على سنه الله ورسوله
ابو سعد:البنت انخطبت ونحن بغنى عن هالحكي
ساجد:انا بحبها رايدها يا عمي
ام سعد:اوعك توقف بوجه زواج بنتي انت من وين لوين لتتقدملها العريس الي اتقدملها معو مصاري وعقارات انت شو معك
بوقتها انحرق قلبي وثار فيه بركان بيشبه البركان الي عم يثور جواتي وقت اغار عليكي
انتي الي إنا مو لغيري
تحركت وابتسم لنومتها الهوى من المروحة عم يطير خصلة شعرها ما دايقو ابدا بالعكس استمتع للنعومة اكتر
شبك ايدو بايدها الي بجنب راسها وغمض عيونو
.........
اصحيت بنص الليل وساجد محاوطني بأيدو
اكيد من غير قصد لانو نايمين بجنب بعض حاولت ابعدو عني والله تقيل عليي
بلشت اتحرك ودغري حس
مريم:ساجد زبط نومتك بدي اعرف اتحرك
ساجد:متعود انام هيك
مريم: اجيبلك مخدة
ساجد: انتي احسن من لمخدة
مريم:حاجز حريتي وبدي انام
ساجد:هاتي مخدة لكن.
اعطيتو المخدة ودغري غمرها غط بنوم عميق كنت عم اتأمل ملامحو عن قريب وخفق قلبي
مريم:كنت ومازلت غامض وغريب الاطوار انا ولا مرة اتوقعت نتجوز انا وانت
_ اي معجبة فيك واحلى الايام الي بتزكرها وقت كانت تحكيلي الخالة ام ساجد بكرى راجع من الخدمة ساجد بيومها كنت اعطل عن روحة البنك لانو بعرفك بترجع الظهر او الصبح بكير وضل انطر بالثانية وتبعتلي الخالة ام ساجد اكل من ال طبختو واحكي بحالي هلا ساجد عم يدوق نفس الاكل ونفس النكهة واحلى شي وقت تطلع للحارة تتمشى او تروح للدكان والله كنت تنور كل الحارة ووقت تسافر تعتم الحارة كلها كنت اراقبك من شباك البيت وانت سهران ع الاسطوح وعلى طول اشوفك بس انت ما تشوفني لانو سهرانة ع العتم تفتح شباك غرفتك وتخجلني وقت تكون بدون بلوزة انا متعودة اشوف هالشوفات بالحارة بس مابعرف ليش اخجل منك انت غير انا بأمان معك وع فكرة وقت اجتمع بنسوان الحارة ويحكن هي مرتو لساجد بحس بالفخر بس بتعرف انت بطبعك هاد مخرب عليي اجواء العشق
نومتو عميقة كتير ولا كيف حاضن لمخدة الله يكون بعونها .مستحيل احكي نيالها 😂
.........
بالمطبخ مجد وماعجبها انو ناطرين منها لفطور وفرحت بشوفة مريم
مجد: صباحو
مريم:صباحو اجيت بوقتي😉
مجد:هههه لا ولووو بس متأخرة بالسهرة
مريم:نمت بكير
وهلا اجت حماتي
ام ساجد:ساجد نايم
مريم:لا تركتوا صاحي
ام ساجد:احسبن حسابكن تروحن تساعدن ام مصلح ع اساس مبارح السهرة عندها وشفت شو صار جهزن فطور لاطلع اشوف ساجد
بلست بتجهيز لفطور ومجد قاعدة تنقرش على الرف وتحكيلي عم لكروب وشو صاير فيه
.........
اول ما اندق الباب جلس حالو اكتر
ساجد:اتفضل
وقت شافها لحالو عرف الموضوع
فاتت وسكرت
ام ساجد:شمستك عالية
ساجد:عندي مشوار
ام ساجد:شو يا ساجد ماصار بينك وبين مريم شي
ساجد:شو هالسؤال ماما عم تحلمي فينا يعني
ام ساجد:جاوب انا ماني صغيرة وبعرف بهالقصص
ساجد:شو اعرفتي
ام ساجد:الي افهمتوا
ساجد:معقول تسأليني هالسؤال
ام ساجد: وبدي جواب
ساجد:اكيد ماصار مو بيوم وليلة ساجد ممكن يحب اي وحدة بالعالم
ام ساجد:شو مفهومك للحب
ساجد:متل مفهومك انتي
ام ساجد:عم تجاكرني وتتحداني
ساجد:صدقا مو مجاكرة ولا حتى تحدي الشي بنفسيتي مو اكتر ولو حاولت اتقرب منها في شي بيمنعني
ام ساجد:شو بيمنعك عنها صبية متل القمر وفيها كل مواصفات بيحلم فيهن اي شب بالعالم
ساجد:اهووو علينا ما بكفي بنت حماكي الخرفانة مفكريتها مرتو ل ماجد وهلا انتي بتحكيلي اي شب فيه يحلم بمريم

ام ساجد:لانو هاد الصح
ساجد: مابقدر في شي بيمنعني
ام ساجد:معناها بتكره مريم
ساجد:لا مو كره بس انا من الاول رفضت فكرة الزواج لانو وقت حبيت منعتوني عن الي بحبها ووقت نويتو زوجتوني ع كيفكن براحتكن يعني مو براحتي انتي بتعرفي الظروف الي مريت فيها بهديك الفترة وخلتني ادمن الدخان و...
ام ساجد:شوفي غير الدخان
ساجد:ما بحكيلك بعدين انا مو رجل آلي بتحركوه ع كيفكن انا جواتي مشاعر واحاسيس انا مو متل ما بتفكرو حجر وقلبي قاسي انتو ما عم تفهموني وقت قلتلك رافض الزواج كنت رافض عنجد رفض تام جبرتوني سايرت وياريتني ما سايرت
ام ساجد:لكن طلقها
ساجد:لا ما بطلقها وع فكرة بكره هالكلمة وبنقهر من حالات الطلاق الي بتحصل على اتفه الاسباب مع انو عندي سبب كافي يخليني أطلقها بس انا ما ممكن اكسر خاطر مريم
ام ساجد:ماعم افهم عليك والله
ساجد:انا مو محتاج مرآة مشان بس رغبتي انا محتاج مراة تستوعبني تفهمني انا بدي اتجوز لارضي نفسي وارضي زوجتي ومستحيل يصير بيني وبينها شي وقت كنت متحمس احبطتوني وبعز احباطي بدكن اتحمس على شي رافضو
ام ساجد:لكن مريم بتجيب اغراضها وبتنزل تنام بغرفتك القديمة
ساجد:ساوي شو مابدك
ام ساجد: يعني ولا هامك
ساجد:انا مو متل ما بفكري طايش وبس بدو مراة
ام ساجد:معقول الي عم اسمعوا ماعم استوعب انو في شب بيرفض صبية متل مريم انا وقت حطيت عيني عليها قلت رح يشوفها ساجد وما يسدء
ساجد: طبعاً لانو ساجد رجل آلي بالنسبة الكن
ام ساجد:انت طبيعي ولا في بعقلك شي انت مو اول شب امو بتجوزو على زوقها
ساجد:فيكي تحكي مع مريم انتي
ام ساجد:شو احكيلا
ساجد:احكيلا اتقربي من ساجد انتي
ام ساجد:هيك بدك احكيلا
ساجد:اي اليوم احكيلا اتقربي من ساجد لنشوف بترضى
ام ساجد:شه مو معقول
ساجد:لكن معقول يصير بيني وبينها شي وانا ولا بعرف شي عنها غير انها حبيبة ماما ودلولتها
ام ساجد:والله انك عم تتحداني
ساجد:امي انا مو فاضي اتحدى حدا وما بحكيلك مستحيل اقرب منها بس بدي وقت لاتقبل وجودها اتعايش معها افهمها تفهمني انتي وقت اخدتي بابا عن حب شو كان شعورك
ام ساجد:انا من كل عقلي جاية اجادل فيك وانت كتلة عناد وبتحكي حكي يمكن انت بتفكر حالك منطقي بس انت تقليدي كتير
ساجد:هههه التقليدي الي بيتجوز ع زوق امو انا بدي اعيش قصة حب مابدي احكي اسطورية بس تشبه قصة حبك مع بابا وقت كسرتو كل قواعد الكون وتحديتي اهلك وهو اتحدى اهلو
ام ساجد:اعمل الي بريحك وازا مو متقبل مريم بحياتك
ساجد:مارح اخليكي تقرري شي عني من بعد اليوم لهيك بيني وبين مريم لا تدخلي ابدا
ام ساجد:بس طمني انت بتحبها
ساجد: ابدا مو حب بس بدي فترة اتعرف عليها واحاول انسى
بقلبو:كيف خلت بيني وبين الزواج ليلة وحكتلي اوووف بس
ام ساجد:شو بدك تنسى
ساجد: الطريقة الي جوزتيني فيها الي مراهق صف تاسع ما بيقبل فيها
ام ساجد:متل مابدك اسفة لتدخلي بحياتك
ساجد:....
طلعت زعلانة ومقهورة منو وعلى مريم اتأملتها وهي عم تشتغل بالبيت
بقلبها:والله كان بدي اعوضك عن الحرمان وفكرت حالي عملت معك معروف بس كأني رح اتربح خطيتك
اتزكرت بيوم توفت ستها وكيف انهارت ولليوم محروق قلبها على مريم.
.........
على لفطور كانت العمة نادرة تتزاور ساجد وانا ومجد كاتمات الضحكة عليها وعلى ساجد
ابو ساجد:افطري اختي ليش ما عم تاكلي
نادرة:اشبعت
ماجد:بلكي رايحة شهيتها قبل تموت
ساجد: هي تتوكل على الله كلشي جاهز
ابو ساجد:عيب عليكن
ساجد: كلنا بدنا نموت لو نحصل نص عمرها مو طالبين تلت ارباع
مجد:😂عمتي اديش عمرك
نادرة:٢٥
مجد:😂 اصغر منك لك ساجد
ساجد:لا يااا ومابدك عريس
ماجد:😂ازا حواليك اخي عريس مش غلط
نادرة:دخيل قلبك شو مرتك ما حبلت
ماجد: استغفر الله بابا احكيلك كلمة طالعتني عن طوري
ام ساجد:سايروها يا جماعة...لا ام عمران ما حبلت لسى
نادرة:يلا عيشولكن ايام حلوة بدون الواع والويع
ساجد:انت طبيعية هلا متزكرة مين سرقلك الخاتم يومياً بتهتيني وهلا ماعم تستوعبي انو هي مرتي
نادرة:فشرت تكون جوزها
ساجد:اشمعنا يعني كيف مواصفات زوج مريم الي ببالك
نادرة:يكون مقامو عالي والكل يظهرلو الطاعة
ساجد:انتي شايفة ماجد خرج الواحد يظهرلو الطاعة
نادرة:اسم الله عليه حلو كتير انت مو عاجبني
ساجد: مو طالعة من تمي هديك الكلمة
ابو ساجد:عيب عليك عمتك
ساجد:سكت اختك لكن
ابو ساجد:اختي هدول كلهن ولادي ماحدا متجوز حدا
نادرة:لكن بدي مريم لابني عمران
وقف بعصبية
ساجد:لكن ديري بالك على حالك هاليومين الحقيني مريم
ماجد: هددها 😂عمتي ديري بالك
نادرة: يسترجي مين مفكر حالو قلعو اخي من البيت واخلصوا منو
😂😂😂
.........
كانو واقفين بالمطبخ

ساجد:ممنوع لسى تقعدي معها
مريم:ليش
ساجد:هيك
مريم:لا تحط ببالك هي بتخربط
ساجد:انا مصيف ازا هي مخرفنة
مريم: ما بدها كل هالعصبية كلهن بسايروها ازا حكت عمرها ٢٥ يعني شو بدك تترجى منها
ساجد: ولاشي بس وقت اتمعن بالحكي الي عم تحكيه مخي بيطق
مريم:طيب متل مابدك اليوم بدنا نروح نساعد الخالة ام مصلح
ساجد:اي عادي روحي بس من هي لمخرفنة لا تقربي
مريم:.😂
ساجد:لك ليش عم تضحكي
مريم:لانو نهفة عمتك
ساجد: اصلا بشك أنها مخرفنة
مريم:😂قصدك وعيانة شو بتحكي معناتو انت سرقت الخاتم
فتح عيونو بصدمة
ساجد:ممكن انا اسرق يعني
مريم:انت حكيت مو انا
ساجد:بسيطة يا مريم ديري بالك اسرق شي منك
مريم:😂لك بمزح والله
ساجد:لا جد وانا بفرجيكي
طلع للغرفة وشوي نزل ومجهز حالو للمشاكل بالحارة.
..........
صحي على صوت علي الديك طل الصبح ولك علوش
طبعا ختام اليوم جاييتها الهمة وعم تنظف وترتب جكارة بضحكات مريم ومجد
ديب بقلبو:هي عمتو ل ساجد بنت حلال بدي اشتريلها طقم صلاة ازورها وبلكي الله دعاءها يستجاب مبينة على البركة يلا لقوم على الورشة واشوف مصلح شو مخبص من عند الصبح
لبس وطلع من البيت ولادو عم يلعبو بالطابة كمل للورشة واستغرب ساجد قاعد وعم يدردش مع مصلح
ديب:عوافي شباب
ساجد:حيوو الديب
مصلح: معلم اجى الشب الي مبارح حط موتوو ومابعرف شو اشتغلتو فيه حكالي شوي وبيرجع
ديب:ماشي على كلا جاهز موتورو
اي ابو نمر ما طمنتني كيفها عمتك
ساجد:هلا انا هربت من بيت اهلي بسببها جاي تسألني عنها
ديب:لا يا زلمة هي بركة ولازم تكسب رضاها
ساجد:دخيلك الله لا يرضى على حدا
شوي ورجع الشب
محمود:عوافي معلم
ديب:موتورك جاهز
طالعلو اياه
محمود:شووو هاد مو هيك موتوري
ديب: كيف لكن موتور بطح ومالي خبر
محمود:شو عاملي فيه مخربو
ديب:اللهم طولك يا روح شقفة بارت معفن شو بدي اخرب فيه
محمود:لك هي مو ماكينة موتوري
مصلح:شوف عمي روح عوي بغير مكان يلا
ساجد:تعال تعال حاسبو بالاول
محمود: نامو واحلموا بالحساب
ديب:اي لانو مشتغل فيه حسنة عن روح الي خلفني
محمود:ما رح تطول مني ليرة
ديب:تعال لقلك
تعالقوا هو وديب ضربو ديب وراح محمود يركض واجو لتنين ا وبلشو طحن بالورشة كان ساجد مشارك بالخناقة من صف ديب سحب الموس وحطو على رقبة محمود
كل الحارة اتجمعت وماجد وقت شاف الشب بين ايدين ساجد جمد بارضوا وبعت ولد صغير لبيت اهلو يجي يشوف ابوه هالشوفة
طه:اتركوا
ساجد:خود شلتك وانقلعوا من هون
طه:لك عم تتمرجل بالموس اتركو
ساجد: بالاول بدي تفهم شلتك حارتنا مو للمشاكل
محمود:بعد عنييي
ابو ساجد:ساجد اتركوا
بتردد تركوا
بس ابوه ما قدر يهينوا قدام حدا
ساجد:اليوم اول واخر يوم بتكونوا فيه بالحارة
طه:نام واحلم بطلعتنا
مشيوا بتحدي
ساجد بصوت واطي:والله ليروح موتورك بشربة مي
خف التجمع ووجه الحكي ل ديب
ساجد:ازا اليوم ما باخد حق الحارة من و ما بكون اسمي ساجد
مصلح:ونحن معك
ديب:انت بس اشر والي بدك اياه بصير
........

القسم الحادي وعشرون
كنا ناطرين رجعتو للبيت حماتي مقهورة منو كتير وحتى عمي لاول مرة بيطلع لفوق لعندو
ماجد:ياريت يضربو😂
مجد:لا يسمعك بعدين بتصير الك الواوا
مريم:😂تاخرنا ع الخالة ام مصلح
ماجد:ليش سموه مصلح لازم اسمو مصطلح😂
ام ساجد:حاجتكن لعي مريم ومجد يلا دوبكن تروحن
مريم: حاضر مرت عمي
مجد:دنيا وطرفة صرنا
ماجد:مت عينك لك مجد😂
رتبت حالي واطلعت انا ومجد من البيت تمشاية واول ما صادفنا مصطفى خفت وخفق قلبي لك ليش حالق هيك😂
مجد:اس البلا لك مريم
كملنا بسرعة وهنيك ببيت ام مصلح بلشنا بترتيب وتنظيف وتجهيز الغدا

.......
بعصبية
ابو ساجد:انت على شو ناوي فهمني
ساجد:اتركني على راحتي
ابو ساجد:شو رح تحكي عنا الناس
ساجد:اخر همي مش ساجد الي بيتصرف متل ما بتحب الناس واخر شي ممكن اعملو امشي على رأي حدا
ابو ساجد:ولو كان هالحدا ابوك
ساجد:انت واوامرك على راسي بس انا مامعي صلاحية احكي بشي
ابو ساجد:بدك تقنعني هي من ضمن المهمة الي رجعت فيها للحارة
ساجد:ومستحيل اعمل اي شي ما يخدم مصالح الحارة
ابو ساجد:انا مصدوم فيك
ساجد:ليش بشو اغلطت زعران واجو لحارتنا واكلو نصيبهن
ابو ساجد:ومن ايمتى بتسحب موس بنص الحارة
ساجد:من اليوم
ابو ساجد:انت عم تخيب ظني فيك
ساجد:اتركني اعمل الي بريحني انت لساك بتفكرني ولد صغير ومو مسؤول عن تصرفاتو
ابو ساجد:هاد اسمو طيش وغير هيك ما الو اسم تاني
ساجد:ما بدي أوضح لاي حدا شي اتركني اتصرف براحتي
ابو ساجد:وحلو الي عملتو بالحارة
ساجد:حلو ومقتنع فيه
ابو ساجد:ازا هيك اعمل الي بريحك
نزل وكتير مقهور من عمايل ساجد
وساجد دغري فتح اللابتوب وعلى الايميل ليشوف شو باعتلو بلال تقاير بخصوص محجوب

.........
وببيت مصلح اول ما وصل لمح مجد عم تنشف الصالون وخجل كتير لهيك اتنحنح
مصلح: يالله يالله
ام مصلح:اجيت يا ابني
مصلح:اي امي
ام مصلح:فوت حبيبي
لساتو خجلان من مجد ودغري فات ل غرفتو وابتسم
مصلح:هي اختو ل ساجد يعني والله حلوة ونعومة كتير
بس غريب كيف سامحلها تطلع من البيت لا تنكر مصلح عندو نخوة الزلمة
ما اخد راحتو بالبيت والي فهمو انهن عم يطبخن ورح يتغدن عندهن كمان والمسا وصلن نسوان الحارة وهو جهز حالو وطلع من البيت ليلتقي ب ساجد وديب
ماشيين بالسوق كان لابس ساجد طاقية
ديب:طاقية الاخفى
ساجد:ما بنام ازا ما علمت عليه
ديب:كيف
ساجد:انتو اتفرجوا ديب خليك قريب من موتورك مصلح تعال معي
كانو الشباب ملتمين وعلى ضحك ومزح انصدم ديب وقت ساجد سرقلوا موتورو قدام عيونهم ومصلح ركب وراه وطاور وديب وراهن دغري
..........
وصلو للمزرعة مقطوع نفسهن
ديب:شو ساجد شو بدك بالموتور
ساجد:معقول ما افهمت
ديب:تعليمة
ساجد:بدنا نتسبب يا زلمة
ديب بمكر:وشو رح نعمل بالموتور
ساجد:رح نبيعوا اكيد مارح نتفرج عليه
ديب:وكيف بدنا نبيعوا مجرد عممو مواصفاتو لاي حدا رح تبيعوا اياه رح تروح فيها
ساجد:رح نخفيه هالفترة
مصلح:انت بتسرق من زمان
ساجد:بس مو مواتير شغلات بتصحلي مطرح ما بخدم
ديب:طيب الحقوني
وهو ماشي مسكو مصلح من ايدو بس ما اهتم ديب ابدا فوتو المواتير للقبو انصدم ساجد من القبو ريحتو تينر ومليان علب صبغ وعدة
ساجد:شو هاد
ديب:بدك تشتغل معنا
ساجد:شو بتعملو هون
ديب:بعد ما نسرق الموتور هون منصبغو منبدل نمرتوا منجددو ومنبيعوا
ساجد: بتشتغلو بدون ما تستفقدو غيركن
ديب:ما امنتلك بسهولة
بقلبو ساجد:ما خيبتوا ظني ولا دقيقة بس الطريقة جهنمية ولا بتخطر ببال ابليس بزات نفسو
مصلح:السرية بالموضوع لازم
ساجد:وانت شايف ساجد ابن يومين
ديب:نمر وغير هيك مستحيل تكون موافق تحط ايدك بأيدينا
ساجد:لعيونك بس في شغلة لازم افهمها في حال انمسكنا
ديب:انا بعرف واحد من الامن بيشتغل تحت ايد الأمر والناهي بالمنطقة
بقلبو ساجد:هاد الشغل المزبوط
مدلهن كفة ايدو وحطو ايدهن فوق كفة ايدو
ساجد:معكن لاخر نفس
دقات قلبو تجاوزت المليون
بقلبو:بدي افوت هالفوتة لاكشف مين الي عم يشتغل من تحت الطاولة
لازم اعرف مين داعمك يا ديب وياريت تطلع شكوكي بمطرحها
.........
كان جرير راجع من عند العقيد وكتير تعبان
محجوب:يعطيك العافية سيدي
جرير: شو عندك يا محجوب
محجوب:سيدي ابني تعبان ولازم ارجع للبيت
جرير: مبارح كمان تعب كانو
محجوب:مناعتو عدم
جرير:طيب بالاول شيكلي على جميع العناصر وروح بس هاد اخر طلب
بدقة الباب وفات صفوح
صفوح:احترامي سيادة الرائد
جرير:شو عندك
صفوح:سيدي اجاناا بلاغ عن شبكة دعارة
جرير: محجوب اجل اجازتك خلي نبيل يستلم المداهمة
صفوح: سيدي مابدك تكون بالمداهمة
جرير:شوفو شغلكن هي رجعتي من مكتب العقيد
صفوح:بس سيدي
جرير:نفذ صفوح بسرعة
صفوح: متل مابدك سيدي
قعد ب تعب وغمض
جرير:بدي افهم كيف كان مستلم سلسلة جرائم متتالية مو معقول كيف كان ملحق راسي رح يتفجر
اتزكر كلام العقيد عنو
العقيد:زميلك ساجد بجدارة وصل لمركزو صارم بقراراتو وحازم مع عناصرو من وقت استلم رئيس مباحث بالمركز المنطقة شبه اتنظفت من كل الجرائم واي حدا عم يعمل مشاكل بيكون قاصد ساجد لشخصو
جرير:بتقصد عندو أعداء بالوسط
العقيد:والي لازم تعرفوا بغياب ساجد مابدي تقل نسبة الامن والامان بالمنطقة
جرير:حاضر سيدي
العقيد:بدي تنفيذ على ارض الواقع
جرير:حاضر سيدي
العقيد:انصراف
فتح موبايلو ليتناسى العبئ الي رح يتحملوا بسبب اخلاص ساجد لعملو
.............
رجع للبيت تعبان وبنفس الوقت ما عم يعرف كيف فيه يكشف الي عم يلعب بديلو وعم يغطي على شلة حرمية
كان البيت بدون النسوان المضافة فيها ماجد ومتابع مباراة طل عليه مو عاجبو
ساجد:وين بابا
ماجد: ما اجى لسى
ساجد:قوم جهزلي الاركيلة
ماجد:شوي بيخلص الشوط الاول
ساجد:بدي انزل الاقيها جاهزة
ماجد:اي ماشي
بقلبو ماجد: تطلع ما تنزل ريتك يندفس يريحنا منو
طلع للغرفة بدون نفس شغل الضو واتزكر انو من العصر مريم برى البيت
ساجد: طبعاً ولا كأنو في حدا بحياتها مكيفة
بدل تيابو لبس بيجامة اخد الدخان و موبايلو ونزل لتحت كان ماجد مجهزلو الاركيلة وجايب الفحمات ورجع ليتابع المباراة وهو شغل الاركيلة وحاسس بأنو المهمة عم تجر مهمة تانية فتح على الملف الي بيخص محجوب
غياب متكرر اجازات ساعية سهرات بالنادي الليلي ولقاءات مشبوهة
ساجد:شو قصتك لك محجوب ولوين بدك توصل ليش بيوم ارجعت للمركز شكلت فرار شكيت ب شلة ديب وطلعو هني حرمية المواتير شكيت فيك وكلشي عم يثبتلي انك عم تلعب بديلك بتفكر ساجد ممكن انو يستسلم بسهولة لك التحدي لعبتي وياترى رئيس المباحث الجديد فهم عليك اللعبة ولا غشيم وعلى نياتو ازا بدي اترك مهمة الحارة بدي استلمك لك محجوب لاحلقلك حواجبك ولاخليك عبرة لكل واحد بيمرق القضايا من تحت الطاولة اول ما سمع طقات الباب انتبه وارتاحت

نفسيتو لشوفة مريم عيونو مافارقت ولا تفصيل بيخصها
سلمن كلهن سوى وبقي يتأملها بس هي وبجية ابوه
ام ساجد:اتعشيتو يا ولاد
ماجد:ازا عندك مكسرات بيغني عن العشى
ام ساجد:ساون قهوة يا بنات
راحت مجد ومريم
بقلبو:كاني جوزها بالاسم
لك مو انت هيك بدك طيب تعبرني شوي تحكيلي لا لا مو تحكيلي تطلع فيني بس
اتسلى على موبايلو لحتى رجعت ومعها القهوة واخر شي ضيفتو وقعدت بجنبو وما اتحمل دغري اتطلع فيها واتأملها
ساجد بهمس:اسألي علينا
مريم:كيفك
ساجد:تمام شو والله بطلع مابرجع او متل ما بقولو طلعة المستحية
مريم:شو قصدك
ساجد:كأني رجل كرسي بالبيت
مريم:انا شاورتك
ساجد:فكرت ساعة تنتين مو نص لنهار
مريم: ليكنا ارجعنا
ساجد:...
ابتسملها وما خجلتو وركز اكتر شي على غمزتها
نادرة:ايمتى بدو يجي عمران
ماجد: بكير حجة لا يمل والله
نادرة:ازا بضل يومين بصير مخرفنة منكن
ساجد: ع حساب صاحية انتي
نادرة:حوينة جمالها فيك
ساجد:مين مسلطها عليي يا جماعة
مجد:😂بتهودس فيك
ماجد:بس اوقات بتحكي الحق😉
ساجد: اتصلك بعمران حجة
نادرة: لا بدي اضل كابسة على نفسك
بقلبو:😂والله لاسرقلك شنته الدوا انا بفرجيكي ولا بالاسم سرقتني خاتمها
..........
كان مصطفى مبتسم ببلاها اتزكر رجعة مريم مع نسوان الحارة
مصطفى:قمر مضوي عتمة الليل بتعرفي مريومتي انا كتير مبسوط ومتأكد علاقة ب ساجد شكلية والا ما بيسمحلك تقضي يوم كامل برى البيت وهو كان مع شلتو الجديدة ليش ديب اتخلى عني لا وحصتي محفوظة بكرى اجتماعي مع جبورة ولازم اتفاهم معو رح نصير نضرب ضرب غير الي بيضربوا الديب
.........
كان قلبو مقبوض مصلح شوفة مجد للمرة التانية باليوم خلتو بحالة غير مستقرة دقات قلب وتفكير زايد
بقلبو:ليش حسيتها عفوية كتير
طيب مصلح شو رايك بتعاون ساجد معكن ليش بحس انو مو شغلتو السرقة خلص نحن انكشفنا في حال ساجد طلع مو متلنا معناتو اكلنا هوى سوى
........
اتمددنا بنفس التوقيت ما كان مني الا اغمض عيوني مستعدة للنوم
ساجد:في شوب
مريم:يعني مو كتير
ساجد:بدك تنامي
مريم:كتير تعبانة
ساجد: تصبحي على خير
مريم:وانت من اهلو
كنت مغمضة ومرتاحة لابعد الحدود
اتزكرت اعجاب مجد ب مصلح الله لا يوفقها على شوي اشتلق الرجال بس شكلو غمست السنارة
كنت حاسة على حركة ساجد فتحت شوي من عيوني شفتو متجلس وعم يشلح لبلوزة لفيت للصوب التاني ومابدي الا انام واريح حالي
.........
كانت نادرة بسابع نومة ومجد مشغلة ايديها بالكتابة مع ساجدة
ساجدة:وين العيلة
مجد:كلو راح ينام
ساجد:وانتي ليش سهرانة
مجد:ما جاييني نوم
ساجد:اي خبريني عن العرسان
مجد:الله يجعلهن عرسان انا ومريم رحنا لبيت ام مصلح وارجعنا متأخرين وساجد مرافق ديب ومصلح عن جديد وما عم يهدأ
ساجدين:والله أمرهن عجيب انا قلت رح اغار منهن😂طلع هني لازم يغارو مننا شو الترتيب لك مجد
مجد:اخوكي والله اعلم لساتو بحب فاطمة
ساجدة:ييي معقول ما نسيها اتجوزت المخلوقة ومعها تلت بنات
مجد:انا احساسي بقول هيك
ساجدة:دخيلك انتي واحساسك افهم منك زواجهم
مجد:ماما كانت تخاف ع مريم ومشان تكون سكنتها معنا جايزة غصبت ساجد عليها
ساجدة:وقت حكيتلك جوازة غصب قلتي لا انا من وقت بعتيلي فيديو بالخطبة قلت شكلو مو شكل عريس بس فسرتها خجلان
مجد: يسطفلو
ساجدة:بس ما بصير هيك والله مريم بتنحب
مجد:كلنا منحبها الا ساجد متخيلة
ساجدة:اخوكي صار لازمو علاج
مجد:😂والله ما يسمعك
ساجدة:انا انعست بدك شي
مجد:بوسيلي لولاد
فتحت على الفيس بوك لتتسلى وقت شافت حساب مصلح بصورتو ابتسمت كل مرة بتشوفوا بالمقترحات بس هالمرة انبسطت فتحت على لبروفايل وبلشت تشوف صورو على الموتور
........
كان جاهز للمشوار بعد نص ليل فتح الباب بهدوء واخد المفتاح معو وراح لعند جبورة تمشاية للبساتين الي ساكن فيها كان سهران وصوت الاغاني من موبايلو لبرى
دق الباب وراح يفتحلو
جبورة:اهلين بالمعلم ماجد
ماجد: شو الي ما بينحكى على الموبايل
جبورة:فوت لقلك
ماجد:شو صاير
جبورة:ساجد اليوم سرق موتور
ماجد بصدمة:مستحيل شو يتحكي
جبورة:والله مصلح خبرني ولمعلم ديب بدو يشغلو معو
بقي صافن
بقلبو:هاد بدو يجنني الو مسموح كلشي وانا ممنوع كلشي لااا انا بلش مخي يتخربط وفي غلط بالموضوع ساجد يطلع حرامي
قعد وشوي جاب جبورة الشاي وبلشت سهرتهن على ضحك ومسخرة
جبورة:شفت الحفلة الي حضرها ساجد
ماجد:شبها
جبورة: مسجلة الحفلة ع اليوتيوب بس صوت واسمع التحيات لاخوك ابن النمر
ماجد:بتعرف لو ما بعتتلي الفيديو ولا يمكن اسدء اخي يشرب
جبورة:حبيبي تلت رباع العساكر بيشربوا
ماجد:بس مو المسلمين
جبورة: كلو بيشرب ولابقى تحلف غير عن حالك

ماجد:جبورة افلست دورلي على شي
جبورة:انا عم استطلع المنطقة في فيلا بالمهاجرين حكو صحابها مسافرين الك مصلحة
ماجد:بس فيها مخاطرة
جبورة:لا تخاف انا بسرق الولد من حضن امو بدون ما تحس وازا كتير طفران الا ما يكون نسوان العيلة معهن دهب خاتم اسوارة
ماجد:لك حطيت عيني على سلسال دهب لاختي بس ما اقدرت اسرقوا كيف بدي اسرق غيرها
جبورة:ليش انا كيف سرقت محبس اختي نسيتوا على مرايا الحمام وراح وكمان محبس مرت خالي 😂
ماجد:خطير انت بكرى راح احاول
جبورة:لا توفر ع حالك حتى لو موبايل اشمعنا ما حدا بيحكيلك خود هالمبلغ الفلاني كمان انت شب والك مصروف

- النص المستخرج من الصورة: 📝
ماجد بس بس بابا من زمان حكالي ما بيصرف عليي ولا ليرة
جبورة: بدو اياك تشتغل بالباطون مثلا
ماجد: جبورة يرحم جدك خلص انا بس اوصل لنفاق اهلي
وتعاملهن معي ومع اخي بنجلط مشان الله سكر ع الموضوع
بقلبو: ورح ابلش بصيغة مريم

القسم الثاني وعشرون
حسيت على صوت دقات خفيفة ع الباب رحت لشوف كانت مرت عمي
ام ساجد:صباحك مريومة
مريم: صباح النور
ام ساجد:انا وعمك ومجد وأم عمران معزومين بيت ابن خولة
مريم: بسلامة مرت عمي
ام ساجد:خدو راحتكن بالبيت
مريم: ماشي
البست فستان للبيت وانزلت ودعتهن والا تبوسني ام عمران😂 ومجد مبسوطة كتير ولي على عيونها
سكرت الباب وفتت للمطبخ ارتبوا وحسيت على صوت ماجد عم يغني
ماجد: صباحك مرت اخي
مريم: اهلين صباح النور
ماجد:شو وين العيلة
مريم: معزومين بدي اجهز الفطور
ماجد:لا تحسبوا حسابي انا عندي مشوار
مريم:متل مابدك
ماجد: مريم قاصدك بخدمة
مريم:خدمة شو
ماجد: مضطر على مصاري مبارح طلبت من ماما حكتلي روح دور ع شغل ومن ساجد مستحيل اطلب
مريم:بس انا مامعي مصاري
ماجد:الا ما تكوني مخبية هون ولا هون
مريم: والله ما معي اطلبلك من ساجد
ماجد: بس اوعك تحكيلو الي
مريم:لا ما بحكيلو اديش بدك
ماجد:خليهن ٥٠٠ الف
صدمني
ماجد: والله مو كتار في شب متحلفلي على قتلة ازا ما برجعلو اياهن بربك يا مريم
مريم: ايمتى بدك إياهن
ماجد: بالاسبوع هاد
مريم:ماشي
اطلعت للغرفة دغري كيف بدي اطلب من ابو نفسية انا معي ٢٥٠ الف رح اعطيه اياهن وبكملو من ساجد استغربت انو صاحي وعم يشرب دخان الظاهر نايم يحلم بالباكيت
مريم: صباح الخير
ساجد:ليش مشكلة فرار
مريم:انزلت ودعت العيلة
ساجد:ان شاء الله سافرو
مريم:لا ما سافرو معزومين عند ابن عمتك
ساجد:اهم شي الخرفانة راحت معهن
مريم:حرام تحكي عليها هيك
ساجد:لازم اليوم احكي مع عمران
مريم: انت عندك شي هلا
ساجد:انتي بدك شي😉
مريم:اي
ساجد: شو بدك
مريم:بس خايف تفهمني غلط
ساجد:لا ابدا تعالي نتناقش
قعدت جنبو وحاولت ارتب الطلب
ساجد:قولي شو بدك
مريم:بلكي ما ارضيت
ساجد:معقول ارفض
مريم:بس خجلانة منك
ساجد:هههه لك مافيها خجل بلا شو بدك مني
من ضحكتوا افهمت هو شو ببالو
مريم:لكك مو متل مابتفكر
ساجد:هههه لكن؟
مريم:بس والله خايفة تخجلني
ساجد بهمس:ابدا جاهز لكلشي
مريم:بدي مصاري
ساجد ببرود :مصاري
مريم:لكن شو بدي منك
ساجد: اديش بدك
مريم:شغلة ٢٥٠ الف
ساجد:هلا بدها كل هالمقدمات
مريم:لانو الي ببالك مستحيل يصير صح
ساجد: معك حق
مريم:ايمتى بدك تعطيني
ساجد:افتحي لخزانة
انبسطت كتير بدي افك ديقة ماجد
فتحتها واطلعت فيه
ساجد:بجيبة الجاكيت الاسود
مديت ايدي وطالعتهن أعطيتو اياهم
ساجد:خديهن كلهن
مريم:عنجد كتار هدول
ساجد:مصروفك الشهري
مريم:يكتر خيرك بس والله كتار
ساجد:لا مو كتار
مريم:تشرب قهوة
ساجد: وين ماجد
مريم:يمكن بالبيت
ساجد:بس ما حكيتيلي لشو بدك المصاري
مريم:شفت عند سمارة فستان بياخد العقل
ساجد:لكن جهزي القهوة
مريم:يلا
...........
جهز تياب وفات يتحمم لبس وجهز حالو وهو نازل شاف مريم طالعة عم تلهت
ساجد: شبكي
مريم:في فارة بالمطبخ
ساجد:ههههه وشو يعني
مريم:مستحيل اكمل القهوة
ساجد: الحقيني لشوف
مريم:ع المطبخ ما بفوت
ساجد:😂انا بفوتك غصب عنك
مريم:كانت بالحمام
ساجد:😂بلكي محصورة
مريم:لا تتمسخر منظرها بخوف
ساجد:ببلاد برى اسمها هامستر وبيربوها 😂
مريم:ييييي منظرها بشع
فات للمطبخ قبلها
ساجد:فوتي انا معك
مريم:بلكي طلعتلي
ساجد:حاجتك خايفة من شي تافه عندي مشوار خلصيني
فاتت مترددة ولمح ماجد طالع من الحارة
بقلبو:ياميسر الامور ابصر شوفي وراه اليوم
كانت عم تغلي القهوة وبس حكالها
ساجد:لك الفارة تحتك
صرخت صوت وما خلاها تطلع مسكها
مريم:عم تخوفني انت
ساجد:هههه عنجد خايفة منها
مريم:انت مو خايف
ساجد:لا ابدا
كان يتأمل كل ملامحها وكانو اول مرة بيستوعب هي مرتو وملكو
مريم:لا بقى تخوفني مشان الله
ساجد:كيف كنتي ساكنة لحالك
مريم:ماكان عنا فيران
ساجد:بس بيت ستك مسكون
مريم:مستحيل
ساجد:مبارح وانا راجع من السهرة انتبهت البرداية والشباك مفتوحين
مريم:انا سكرتهن
ساجد:وفي اصوات طرق جوى البيت لا تروحي لهنيك يمكن يتلبسوكي
مريم:قشعر بدني والله
ساجد:😂يلا كملي القهوة اليوم بدي احكيلك عن وادي الجن
مريم: مستحيل اسمعك
ساجد:😂اي بتروح عليكي
......
اصر نشربها بالمطبخ حسيتو بموت بالمجاكرة وقف ورتب حالو بس مابعرف شو لازمة المسدس كل الوقت معو
ساجد:لا تتغدي رح جيب معي غدا جاهز
مريم:بدك تتأخر
ساجد:اي اوصلك لعند رفيقتك
مريم:لا مو حلوة ازورها هي لازم تزوريني
ساجد:اعزميها لكن لعندك
مريم:هلا بتصل فيها
ساجد:اتصلي فيني ولا بس أهديتك الموبايل😂
مريم: موبايل قلتلي صرلو شهر ماعم يشحن
ساجد:هههه ناوي اشتري واحد جديد بعطيكي هاد
مريم: حدا مفهمك انو الي الفضلة
ساجد:صحلك اصلا
اطلعت سكرت وراه الباب وشفتو طلع بالسيارة

.........
زمر ل ديب وطلع معو
ديب:اهلين بابو نمر
ساجد: اهلين فيك
ديب:اليوم بالسيارة
ساجد:استدعوني باللواء الي بخدم فيه مشان لا تقول ساجد شكل فرار مابدو يشتغل معنا
ديب:لا مابحكي هيك
ساجد:عازمني ع سهرة
ديب:لعيونك كلشي بكون جاهز
ساجد:ورح تكون سهرة وداع
ديب: بس والله اتعودنا عليك
ساجد:الايام جاية
بقلبو:بدي اتعرف على واسطة ديب لو شو ما كلفني الأمر
ديب:وهلا لوين
ساجد:بدي افتل
ديب: موعدنا المسا
ساجد:ماشي
نزل وكمل لعند وائل
وائل:اهلين ابن النمر
ساجد:هلا فيك شو كيف الحركة اليوم
وائل: منيحة كتير
ساجد:اجيت اشوف حساب العيلة
وائل:العيلة ولا حسابك
ساجد: كل العيلة
وائل:وماجد
ساجد:اي وماجد
وائل:رح اشوف ارتاح
ساجد:مستعجل
وائل: اقعد بدنا نشرب نسكافيه
ساجد:...
قعد وببالو مية شغلة
...........
على العشى اجى ماجد غسل و شاركنا العشى وبرجعة العيلة
مجد:يمييي بروستد
قعدت تشاركنا العشى
ام ساجد:لساتكن بلا اكل
ساجد:هيك مريم بدها
اتطلعت فيه مستغربة
ام ساجد:يلا البروستد اطيب
ساجد:بس لو طلبت طلب عادي امرتني اجيب بروستد امر
مجد:😂معقولة لك مريم
مريم: انا امرتك ولا انت حكيت لا تتغدي
ساجد:ا اكيد نايمة بعد الظهر وشفتي باحلامك هيك
ماجد:المهم طيب العشى عطول نامي بعد الظهر
مريم:مرت عمي في فارة بالمطبخ
ام ساجد:يوه متركة الباب مفتوح
ساجد:عطول هيك مريم بتعمل
مريم:شووو والله ما فتحت الباب
ساجد:اجيت لقيت باب البيت مفتوح يمكن مابتعرف بقصة الفيران
مريم:شو هالحكي قبل اتزوج بعرف بقصة الفيران
ماجد:كأنكن بتتخانقوا انتو
ساجد:التهي باكلك وانتي مجد مو متعشية
مجد:كتير الاكل فروجتين
ماجد:اخوكي وحش
ساجد: بحمد ربي انو ما بتصرف عليي
ماجد:نص فروجة بتكفي
ساجد:انت مصنف من قائمة الطنطات بالحارة
ماجد:رح احتفظ بحق الرد
ساجد:ياريت ترد بلكي اغير موجه التردد كلو
ماجد:هع
ساجد:اي ماما في موضوع لازم نحكيه
واطلع فيني حسيتو عم يطقلي براغي عند حماتي
بعد العشى طلب عمي القهوة وما استرجيت افوت لحالي ع المطبخ
مريم:مجد تعالي معي
مجد:ما دخلني
مريم:في فارة بالمطبخ
مجد:دخيلك لو صرصور مو مستعد افوت
مريم:...
رحت لعند ماجد
مريم:ماجد فوت معي للمطبخ
ماجد:ومشان
مريم: رايحة اجيبهن
ماجد:ينصر دينك والله ما اجى من قلبي اسرقلك المحبس
مريم:محبس شو
ماجد:محبس مين
مريم:انت حكيت هيك
ماجد:لا تنامي الظهر صايرة تخربطي😂ليكون نادرة عدتك
حسيت حالي جدبة ناويين يجدبوني ولاد حماتي
اطلعت جبتلو المصاري اسمنو ساجد بالمضافة أعطيتو اياهن بالمطبخ
ماجد:الله يديم عزك يا مريم
مريم:استناني لاخلص
ماجد:يلا منو بحكيلك عن هرهور
مريم:حرام عليك انا بخاف
ماجد:😂قط يا مجنونة مو جني
مريم:شبو هرهور
ماجد:هديك المرة كان ماسك الفارة
وفجاة ماجد صرخ وطلع على الرف بس شفت الفارة صرخت واطلعت اركض واصطدمت بساجد
ساجد:شبكن انتو
مريم:الفارة يا ساجد ليكها تحت المجلى
ساجد:لككك انت متخبي عالرف انزل اضربها
ماجد:لو بتعطوني كنوز العالم ما بقتلها ايع
.........
ابتسم ماجد وقت شاف مريم بحضن ساجد متخبية واندمج معهن كان ساجد عم يتطلع فيها وهي رافعة وشها وتطلع فيه
ساجد:بلا بدها هالصرعة شقفة فارة
مريم: بتخوف كتير وسريعة
ساجد:مارح اقتلها
مريم: مستحيل اكمل القهوة
ساجد:عنجد خايفة منها
هزت راسها ب اي
ساجد:رح اريحك منها
اطلع ب ماجد الي مبتسم للرومنسية😂
ساجد:وانت شو بتعمل عندك
ماجد: اخي هيك وصلات بغرفتكن بكون احسن
هربت مريم وهو فات ومعو الشحاطة وسفقو فيها على كتفو
ماجد:اااخ وجعتني
ساجد:انزل اقتلها
ماجد:انا شفتها طالعة من المطبخ بس اندمجت معكن
نزلو غصب عنو وطلعو من المطبخ
بس كان مبسوط من مغامرتو مع مريم وخوفها من الفارة
جهزت مجد القهوة وقعدو كلهن
ساجد:الحق على مريم متركة باب البيت مفتوح
ام ساجد: هيك يا مريم بكرى لتخربلنا المونة ولتياب
مريم:والله مو انا
نادرة:شوفي بالبيت
ساجد:حنش عمتي
نادرة:اتصلولي ب عمران
ابو ساجد:فارة مو حنش
نادرة:ولييي
ساجد:😂خافت مابتعرف انها بتخوف اكتر من الفارة والحنش
مريم:بس والله يا مرت عمي ما دخلني بقصة الباب
ماجد:المهم انها بالبيت كيف رح يجينا نوم
ساجد:يعليي عليك مقطع حالك وانت تنام بالبيت
ابو ساجد:الي عندو مشوار يجيب معو سم فيران
ساجد: حاضر مع انو اتسلينا كتير
وغمز مريم وهي طنشتوا وماجد متابع حالتهن باهتمام..
........
زمر قدام بيت ديب وطلع واخدو معهن نصرت ومصلح للمزرعة وهنيك بلشت السهرة اراكيل ومشروب وفواكه وطبشوها كلهن الا ساجد ما شرب ابدا
ساجد:ما حكيتو يا شباب شو الي خلاكن تمشوا بطريق السرقة
نصرت:نحكيلك مرت علينا ايام مافي اكل ببيوتنا

ساجد:ليش ما بتشتغل
نصرت: يوميتي ستين الف ومع العلم شغل تقيل وبيدبح والديانة ما تصبر ماعدا الفضايح فلان اخد من عندي كل الحارة تعرف انو مديون
مصلح:انا لولا مرض أمي ولا بفكر ابدا يومها ارجعت من الورشة واسمعت انو الجيران اسعفوا امي للمشفى خاص وما استقبلوها وبالعمومي اهانات ويعاملونا كأننا بقر ما لقيت حالي غير بلشت أسرق وانهب
ديب:وانا الله بلاني بمرأة بنت حرام مصرفجية لتقول حاج ما خلت دكانة ولا محل اواعي ولا حتى خضرا الا اتدينت منو ووقت ارتفع الدولار اجو يطالبوني بالمصاري وقلتلهن ما دخلني مسكوني وبنص الحارة عجنوني عجن وبصمت على تنازلي لشقفة ارض اورثتها من أبي ومالقيت الا السرقة تطعميني خبز وتلحق على مرتي بهورة وفشخرة
ساجد:ومصطفى وجبورة
ديب:هدول لتنين مابعرف شو جبرهن على السرقة وام مصطفى الدهب لكوعها وجبورة عندهن بستان طويل عريض
نصرت: وانت ساجد
ساجد:التزمات كتير والراتب ما بكفي وانا تعودت على المصاريف رح تكملو بغيابي صح
ديب:بدنا نعيش وازا بدك حصتك محفوظة
ساجد:برجع وبصير خير طيب بلكي انمسكتوا
ديب:لا تخاف كل ماحدا قدم بلاغ بحق السرقة صاحبنا هنيك بيسجلو ضد مجهول وبتروح فيها القضية
ساجد:وصاحبك واصل
ديب:شو بدك انت المهم امورنا تمام واهم شي الحارة ماحدا يدرى لانو الفضيحة رح تكون الها ريحة وننفضح
بقلبو:فيها وجهة نظر يعني اضطرو ع السرقة بس هاد مو عذر
......
حسيت عليه وقت رجع كنت عم اتسلى على الفيس بوك محاربيتو عم يرمي بلا بيني وبين مرت عمي اي بعرفوا بيغار لانها بتحبني بس مو هيك
ما اهتميتلو ابدا وكملت شرب شاي واكل مكسرات
ساجد:فاقسةة معك
مريم:اشبعت نوم الظهر
ساجد:انا قلت بتكون خمة نوم
مريم:طيب النوم شو منكزب ع حالنا
ساجد:شو اخبار الفارة
مريم:ما لقيتها
ساجد:باب الغرفة ضل مسكر
مريم:ليش بتسال
ساجد:ليكون تركتيه مفتوح
مريم:مو كتير انزلت جبت الشاي بس
ساجد: يا حبيبي عليكي.
مريم:لا تخوفني ساجد
ساجد:بدك تنامي
مريم:لا
ساجد: اللبسي وخلينا نسهر بالهواء الطلق الجو شوب بالغرفة
كتير انبسطت الجو عنجد بيخنق بالغرفة اللبست ولفيت الشالة وطالعت عدة السهرة وقعدت على الصوفاية كان جاي ومعو قهوة واركيلة
مريم:الله يكون لعون حماتي
ساجد:ليش بقى
مريم:ماعم تلحق تجيب قهوة
ساجد:دافعة من جيبتها حماتك صارحيني مريم
مريم:بشو
ساجد:بتحبي امي ولا بتكرهيها
مريم:بعزها وبحبها كانها ام الي مو من هلا من زمان من وقت كانت تيجي تسهر عند ستي
ساجد:انا من جديد اتعرفت عليكي
مريم: نحن كنا من سكان الضيعة بس ستي بعد ما توفى خالي الوحيد ما بقى اتقبلت تسكن بالضيعة كنت صغيرة بوقتها وما حبيت تكون بعيدة عني لهيك طلبت من عمي يوصلني لعندها
ساجد:صحيح امك عايشة
مريم:بس مابعرف عنها شي قبل وفاة ستي كان الاتصال الاخير النا
ساجد:في حدا بيترك ولادو بلا ما يسال عنهن
مريم:هي بتعرف انو امها حنونة عليي
ساجد:ما دخل حنان إمها بحنانها الام شي عظيم بالدنيا
مريم:معقول صرلا شي
ساجد:والا في حدا بينقطع اتصالو من ولاشي
مريم:بس انا حاولت كتير اتواصل معها ومافي رد
ساجد:اما قصتكن غريبة مريم حبيتي شي شب من الضيعة
مريم:لا ابدا
ساجد:ومن الحارة لا تقولي شباب الحارة بينطسوا
بقلبي: حبيتك وعشقتك الك
مريم:ما كنت خيار مناسب لامهات شباب الحارة لاجرب الحب
ساجد:طيب انا حبيتيني
مريم:عم تصعب الاسئلة كتير مابدي اجاوبك
ساجد:مريم لازم اعرف شو صاير معك بطفولتك
مريم:...
قشعر بدني لانو لحد اليوم بس اتزكر بترجعلي نفس الحالة
مريم:ليش بدك تعرف
ساجد:انا حابب القرب منك مو بس لانك حلووة لانك مؤدبة ومتل ما وصفتك امي فيكي صفات البنت الي بتناسب اي شب
مريم:بس انا مابدي اتزكر
ساجد:وانا بدي استمر بزواجي منك
مريم:بعد شووو بعد ما اتاكدت بنفسك
ساجد:اضطريت مريم انتي حصرتيني بزاوية وانا ما بتقبل حدا يعمل فيني هيك
مريم:شو بدك احكيلك
ساجد:مين اعتدى عليكي.

القسم الثالث وعشرون
مريم: ضروري تعرف
ساجد:حقي اعرف كرمال نستمر
مريم:يعني رح تتقبل
ساجد:انتي مفكريتني جاهل وعقلي حجر انا مو صغير وبعرف وبسمع عن حالات كتيرة
بقلبو:وانا الي حققت بموضوع الاغتصاب وبدك ما اسدء انو في هيك شي
ساجد:مين يلا
مريم:مع انو مابدي اتزكر بس انا حابة احكيلك مشان اريح ضميري
ساجد:وانا بدي اعرف
وبلش قلبو يدق بقوة
مريم:اخوها لمرت عمي
اتطلع فيها وشاف دموعها متجمعين
مريم:كان مجنون مو بكامل قواه العقلية بوقتها كانت مرت عمي تشتري خضرا وقت اجى لعندي كنت واقفة على المجلى انا بخاف منو لانو بعرفوا مصيف بيكفر بسب وبيضرب بس ما فكرت انو
ساجد: كملي لا تسكتي
مريم:ما كنت بعرف شو يعني تحرش بس الي عملو معي كان هيك بالبداية صرخت وبكيت بس هالشي ما منعو ياخد الي بدو اياه مني واجت مرت عمي وجن جنونها وقت شافتني بحالة يرثى لها

(دموعها كانو عم يكرجوا وهو قلبو منقبض ومقهور لابعد الحدود)
مريم:قلعتو من البيت ولبستني وصارت تترجاني وتبوس ايديي لا احكي ل عمي مشان لا يطلقها وبوقتها من خوفها اخدتني على داية بالضيعة وطمنتني انو مافيني شي مع انو ما كنت بعرف وماعندي فكرة شو الي صار فيني ليلتها امرضت وضليت اسبوع ما اتقبل حدا يلمسني لو كان عمي ولاني رفضت الاكل وتراجعت حالتي اخدني للحارة لعند ستي
ساجد:وماخبرتيها
مريم:لا بس هي حكتلي متغيرة شو صاير معك بس ما اقدرت احكي وقت اكبرت افهمت واعرفت شو الي صار معي ثقتي بنفسي كانت مهزوزة بسبب الي صار يعني لو حدا بالجامعة حكى معي اي كلمة اخاف
ساجد:لكن كيف وافقتي ع الخطبة والزواج
مريم: سدءني سايرت لانو شفتك رافض انا بيوم نمت عندكن حسيت بامان كبير وهاد كان سبب من اسباب موافقتي وكان بدي اصارحك قلت فسخ خطبة ولا الطلاق بس انت غبت فترة وارجعت بتتزكر وقت عملتلي مشكلة انا قلت خلص رح نترك واستغربت وقت صالحتني ورجعت المياه لمجاريها
ساجد:وصارحتيني بالوقت الضايع قبل بيوم
مريم:لانو ماكنت بدي تقرب مني
ساجد:طيب لا تبكي الي صار صار ومو ذنبك ابدا بس مرت عمك ما حسبت حساب تطلقي
مريم:ولو اتطلقت هي مارح تنضر ابدا لانو اخوها مات زمان وشبع موت ويمكن فكرت انو بتعرفوا بالموضوع او هي ناسية شو عمل اخوها
ساجد:ليش هالشي بينتسى
مريم:انا مستحيل انسى لانو الي صار بشع كتير
انت ما كنت مسدءني الا لاخدتني للدكتورة
ساجد: بهيك حالات الطب افضل حل وبناسب الجميع واسمعتي حكت في كتير حالات بتمر عليها يعني مو الحالة الاولى
......
كان حاسس بضعفها وما قدر يضل بعيد عنها ترك الاركيلة وحضنها بأيديه التنين وحس انها ضاعت بحضنو وشعور حلو اتملكو في حدا متخبي فيه وهالحدا كتير ضعيف ومالها غيرو بالدنيا
ساجد: مستحيل اتخلى عنك انا ما سألتك لتبكي انا سألتك ليرتاح قلبي لانو شكيت بكل الدنيا وما توقعت انو الي عمل هالعملة تحت لتراب
مريم:😭😭
ساجد:ليش عم تبكي خلص انا معك
مريم:بس انا ما عم اتجاوز الي صار لو ببين من برى عادية انا نار جواتي كل ما اتزكر بتمنى اموت لحظة اتزكر شو صار فيني
ساجد: الي صار مضى عليه سنين
مريم:سنين بالنسبة الي كلمةبس
بحس انو الي صار مبارح هديك الليلة انعاد نفس الشعور جواتي ولولا وجودكن كنت رح افقد عقلي مابعرف وقت شفتك بالبيت وخلصتني من هداك الكلب شي بيشبه الفرح رغم انو كنت بمصيبة بس افرحت انك خلصتني منو
ساجد: بس لحتى اعرفوا والله لاخليه يندم ساعة الي فكر تفكير فيكي من بعد اليوم ممنوع حدا يقرب صوبك انتي بحمايتي .
مريم:انا بحبك كتير ساجد
ابتسم برضا رغم انو عم تعترفلو وهي عم تبكي ويمكن ما تكون واعية على حكيها بس كلمة بحبك حركت كل احاسيسو
ساجد:كتير بتحبيني
مريم:مابحب حدا اكتر منك
بقلبو:وهو المطلوب مابدي حدا يشاركني بمحبتك
........
بعدت عنو كنت خجلانة كتير من الموقف
مريم: مابدك تنام
ساجد:انا الي بدي
فتت غسلت وشي لانسى ليش ابكيت وهو كان يضب مكان السهرة
فتنا للغرفة وسكرنا كنت متلبكة كتير ما فكرت يكون هيك حنون عليي شلحت الشالة وضليت ببيجامة واتمددنا بنفس التوقيت خجلني بأبتسامتو.
ساجد:روقتي
مريم:هيك شي
مدلي ايدو بلعت ريقي بصعوبة وخوف بس ما قدرت اخجلو ابدا وحسيت بشي غريب
اول ما حطيت راسي على كتفو
وما اقدرت اتطلع فيه بس حركاتو اسروني كان عم يمسح على شعري بكل نعومة
مريم:شو بصير معك ساجد
ساجد:معقول تكوني جنبي وما يخطر عبالي شي
مريم:ليش اليوم
ساجد:لانو كليوم بفكر فيكي
مريم:ليش بتفكر فيني
ساجد:بكزب عليكي ازا بحكيلك ما بكنلك مشاعر
مريم:شفقة
ساجد: حركتي مشاعر الرجل جواتي
مريم: معقول شو صار لانو صارحتك اليوم
ساجد:لانو بكرى راجع للدوام
مريم:بتحكي جد ساجد
ساجد:ومحتاج اكون قريب منك تمنحيني شوية محبة
مريم:ليش بدك ترجع للداوم
ساجد:لانو ...لانو استدعوني باللواء الي بخدم فيه
مريم:ما بقدر اتخيلك عسكري
ساجد:شو بتتخيليني لكن
مريم: ضابط او هيك يعني مسؤول عن العناصر
ساجد:هههه اجاكي هالتخيل
مريم:بحس انو ثقتك بنفسك مو ثقة حدا عادي انا ما بنسى وقت اجو الشرطة للحظات حسيتك المسؤول عنهن وهالشي اكدلي وقت ارجعت بعد اقل من ساعة والمفروض ما تطلع بسهولة لانو خفيت ملامحو ل مصطفى
ساجد: ياريتني قتلتو بتعرفي هالوقح بيتحايدني
مريم:روحتلو الواجهة وشعراتو😂
ساجد:وليه بتطلعي بخلقتو يعني
مريم:مو متل ما بتفكر بس بنجبر 😂
ساجد:عم تضحك ياربي وانا مقهور من سيرتو
مريم:ليش مقهور والله انو جديبة
ساجد:ازا ما ولعت فيه حتى بدون بينزبن خسارة فيه لانو
مريم:معك حق زنخ كتير لانو لا تضيع السؤال انت مو عسكري

ساجد:هههه خليني افكر بالموضوع
مريم:يعني معقول انت مخبي عن اهلك
ساجد:انت عم تنسيني انو الليلة رح تكون بتجنن
مريم:لكن مابتعرف انا عندي عقدة نفسية
ساجد:معي مافي بدك تحلي كل العقد اطلعي فيني
مريم:اكتر من هيك
ساجد: اي اكتر
وحسيت انو بلشت استسلم بس الو مع انو جواتي خوف كتير بس هدوئو خلاني اكون هادية كتير . بقلمي مايا الحجازي
........
كان عم يبوسها على كتفها ومغرم فيها كتير وبيعرف انها عم تمثل النوم بس ما اجاه نوم كان شعورو مخربط كتير وانو بكرى رح يتركها يعني رح يفارقها وهو لسى ما اتهنى معها
بقلبو:عيشتني شعور كتير حلو ولاول مرة بجرب الحب بشكل فعلي مو بس اعجاب معقول اقدر اتركك بكرى ليش صار هيك لك ساجد كل مرة بتروح للدوام وكلك حماس ليش هالمرة مقهور مسكلا أيدها وبقي غامرها وعم يتنفس بعمق من شعرها غمض عيونو لاول مرة بينام متهني هيك الصبح غصب عنو صحي شاف مريم عم تتسلى بموبايلها خلاها تتركو ولفها لعندو
ساجد: نايمة تحلمي بالموبايل
مريم:لا ابدا
ساجد:شو هالصباح الحلو
مريم:كمل نوم
ساجد:لا عندي شغلات مهمة قبل الدوام
...........
كان الفطور جاهز وما حدا بيعرف انو ساجد رح يمشي للدوام اليوم
نادرة:بدكن تستنوا كمان
ماجد:اطلعي صحيهن
ابو ساجد:بيفطرو لحالهن
إم ساجد:تكه بشوف ازا صاحيين.
طلعت بهدوء وما سمعت اي حركة بالغرفة لهيك نزلت وبلشو بالفطور
...........
كنت مراقبيتوا وهو عم يجهز حالو
مريم:بس ما افطرت
ساجد:هنيك بفطر
بقلبي:مستحيل تكون حدا عادي ويمكن ورا تخبايتو عن الموضوع سري للغاية شغلو
كان لابس قميص اسود وبنطلون اسود فتح الشنتة وبلش يرمي فيها كتير شغلات من بينهن اللابتوب شواحن ودخان وشوية تياب ابتسملي لانو مراقبيتو
ساجد: ع شو بتطلعي بلا
مريم:بسأل حالي هالعسكري شو بيحتاج من هالشغلات
ساجد:بتسلى وبما انك رايقة للتحقيق خلينا نشرب القهوة
مريم:مع العيلة
ساجد: لا هون معي وقت كمان
انزلت لتحت
صبحت على حماتي بالمطبخ
مريم: صباح الخير مرت عمي
ام ساجد:صباحك فل وياسمين شمستكن عالية
مريم:...
تلقائياً اخجلت مع انو مابعرف شو قصدها بس انا أتزكرت الي صار
مريم: احسب حسابكن
ام ساجد:لا مجد بتعملها النا اتهنوا انتو
جهزتها واطلعت للغرفة كان بجاهزية تامة اسمعتوا حكى اخر المكالمة
ساجد: مابدي حدا يدرى واتكتم ع الموضوع بس لاوصل
ما افهمت شي حطيت القهوة برى قدام الصوفاية وفتت لعندو
مريم:جاهزة القهوة
ساجد:وانا جاهز
قعدنا بجنب بعض شغل سيكارة ضيفتو الفنجان
ساجد:التوقيت غلط والله يا مريم
مريم:مافي دوام
ساجد:في دوام بس بقصد عن مبارح
مريم:...
ساجد:بتحاكيني اليوم
مريم:في حجز مسبق يعني
ساجد:ازا كان مغلق اكيد ما بكون فاضي
مريم:الله يستر ما يضل مغلق كل فترة الدوام
حط ايدو على كتفي وقربني منو
ساجد:رح تشتاقي يعني
مريم:ليش انت بدك تشتاق
ساجد:انتي مابتعرفي انو فيني اقرا عيونك عم تجاوبي ع سؤالي بسؤال لحتى ما تحكي الصراحة
مريم:ازا بدك تشتاقلي بشتاقلك
ساجد:😂شو الشغلة وحدة بوحدة
قربني منو اكتر
ساجد:اشتقتلك من هلا يلا جاوبي
مريم:وانا كمان اشتقتلك من هلا
ساجد:بوعدك مارح اطول لا تتركي غرفتنا مفتوحة لاي سبب يعني لو تكه لا تتركيها
مريم:ليش
ساجد:هيك انا بحب الخصوصية كتير غرفتنا خط احمر
مريم:متل مابدك
باسني على خدي
ساجد: صعبان عليي اتركك بس شو اعمل
مريم:اشرب قهوتك
ساجد:هههه والله في شي اطيب
مريم:لا يسمعك حدا بعدين لا تتأخر
ساجد: مستعجلة اطلع وتخلصي مني
مريم: لا ما تحكي هيك اصلا مقهورة لانو رح تروح وما اسمع عنك اي شي
ساجد:الله بيفرجها الطلعة من البيت لحالك ممنوعة
مريم:مع انو حابة ارجع للدوام
ساجد: اديش راتبك
مرينم:٣٥٠ الف
ساجد:😂الك كل شهر مليون راتب مني بس لا تفوتي ولا تطلعي للبنك
........
بقلبو:هو انت بنسى وقت كنتي طالعة بالميكرو وعم تسطعي متل الشمس ما بقبل تزاحمي
مريم:متل مابدك بس بلكي فصلوني
ساجد:يسترجي حدا يفصلك
مريم:وبدو يقنعني انو عسكري
ساجد؛😂يعني مارح تغيري السؤال الغير مباشر
مريم:رح اكتشف لحالي
شرب اخر شفة من الفنجان ووقف وهي وقفت غمرها من جديد وباسها واخد الشنتة ونزلو اعطاها لماجد يحطها بالسيارة وماجد 😂فرحتو لا توصف قلبو يدق بفرح
وطلع دغري حطها بالسيارة
كان ساجد عم يودع الموجودين
ام ساجد:الله يحميك يارب ليش ما خبرت
ساجد:ما كان بالحسبان
مجد:والله اتعودنا عليك
ساجد:بتتعودي على غيابي وبعدين كروب الفيس اهم مني
ابو ساجد:طمني بس توصل
ساجد:ولايهمك
نادرة:ايه الواحد بينام وبيطمن ما ينسرق
ساجد:😂مع انو نويتلها على نية بس ما زبطت بقلمي مايا الحجازي
ودع ماجد مش اي وداع عادي شد على ايدو فوت اصابعو ببعض وهداك صار ينط لفوق

ساجد:بدي ارجع ولاقيك زلمة حركات الطنطات ما بتناسب عيلتنا عم تفهم
ماجد:اخ اخ ايدي
تركوا وطلع من البيت امو وابوه طلعو يودعوا ومريم واقفة عند الباب ابتسملها ابتسامة خاصة لهيك انتبهوا لوجودها وفرحولهن
شغل وطلع من الحارة زمر لوائل وبقي مكمل للمركز.
...........
واول ما طلع من البيت طالع البفلة ماجد وشغل اغاني ع اساس جاي عبالو يسمع بس ابوه ما اهتم وامو تفائلت بالخير😂خافت البكي يقلب جد ونادرة فكرت في عرس لهيك بلشت ترقص وماجد يرقص معها ومجد تصورهن😂 ومريم طلعت ل غرفتهن تودع ذكرياتها مع الغراب الاسود
.......
كان ديب مرتكي ورافع رجلو على الطاولة عم يتزكر طلعة ساجد من الحارة
بقلبو:ازا هيك بتكون شخصية العسكري العادي ازا كان ضابط كيف بتكون انا لو خطر ببالي انو مو عسكري بس ما عم تزبط معي يكون شي ضابط هو شارك بسرقة وكان محترف يلااا الله يرجعوا بسلامة لانو الشغل معو مكسب ورفقتو