ماما:اجباري بدو يحس بالمسؤولية
سيدرا:ازا حاسبة حسابو بالقهوة طلع لبرى
طليت عليه من الشباك كان عندو امين وانا صايرة اشمئز من كل هالناس
........
كان واقف ببرود مع امين الي مقهور كتير من قطيعة محمد الو
امين: اجازتك طويلة
محمد:ليش في مصايب
امين:لا يا زلمة حابب اكسبك على الغدا
محمد:ما باكل عند حدا
امين:انت شبك ليش هيك صاير
محمد:بدك افرح ولا ارقص
امين:مو هيك بس كمان مزودها خلص الي فات مات
محمد:وانت بتعرف كيف عقلي
امين: وبعدين انت بدك نفض هالصحبة لاني ناسبت الجماعة
محمد: انا ما بخرب صحبتي مع رفيق عمري مشان واحد تافه وحقو نص فرنك بس لازم اعرف الحقيقة
امين:حقيقة شو محمد لا تجنني
محمد:بلسم الها تواصل مع هالوسخ
ضرب امين على جبينو ومذهول من جنان رفيقو
امين:لككك انت هيك بتفكر
محمد:وبدي تساعدني امين
امين:انت شاكك فيها
محمد:مو شك بس ازا ما بتبين الحقيقة ولا يمكن ارجع متل اول
امين: افهم منك انت مو متل اول
محمد:لانو هالكلب حول حياتي لشك وغيرة
امين:وهي غايتو وانت جاي على كيفو
محمد:بدك مني اسكت
امين:لك انت كيف بتفكر هيك
محمد:قلتلك حط حالك مكاني
امين:اي حطيت .... مدامنا منحب بعض وواثق فيها ليش لاخرب عيشتي
محمد:لكك كزاب بنص عينك بس شاطر بصف الحكي ليك امين انا واحد قليل عقل بس الي بدي اياه منك تعرفلي كان في تواصل ولا لأ
امين:لا يا زلمة هو هيك شغل مجاكرة فيك من وقت وقفت خطبتو وحجزتها الك وحط الموضوع براسو وانت عم تحقق مناه
محمد:انا مابفهم ...وكل الي طالبو منك تعرفلي وتتاكد من وين جاب رقمها
امين:سهلة من شيماء
محمد:هون حطنا الجمال ازا من شيماء مو مشكلة بس ازا في تواصل من قبل....من قبل امين ركزلي قبل اخطبها يعني
امين:لك شو بدو يصير خلص انتو اتجوزتو وهي بنت عمك وعم تشكك فيها
محمد:انت لا تدخل فيني وبدك نضل اصحاب اعرفلي منو
امين:لك والله ما طال منها نظرة انا متأكد ولازم من مجاكرتو تعرف انو حطمتلو كل مخططاتوو انت
محمد:يعني مارح تساعدني
امين:انا كتير نعسان شوفة عينك مو نايم المسا بردلك خبر على الاكيد
محمد:لا بدي تتصل فيني وتفتح خط وحاكيه.
امين بقهر:هيك زودتها يعني بدي اكزب عليك
محمد:غير هيك مارح اسدء.
بقلبو:وانا شو علاقتي بخراب بيت المخلوقة
امين:بدك شي
محمد:فوت ما ضيفناك شي
امين:غير مرة...وعلى فكرة منورة التلة بس لو تبدل هالخلقة
محمد:روح خلصني
راح امين ومحتار من طلب محمد الي بجيب خربان بيت وبيعرف تخابيص ايوب عن بلسم
...........
وقت فات انتبهنا كلنا وضل مكمل للغرفة والاجدب بيعرف انو محمد مو طايقني اخدتلو الفنجان كان واقف عند الشباك
بلسم:القهوة
محمد: بعدين
بلسم:...
محمد:خدي هي مصاري
بلسم:امي بدها تشتريه
محمد:ما منقبل حسنة من حدا
بلسم:..
محمد:خدي المصاري وازا بدك روحي معهن
بلسم:.لوين
محمد:لوين مابدك
بلسم: ..
تركتو واطلعت كنت بدي استوعب كيف قلعني وليش قالب خلقتو قدام الكل ومتأكدة الكل ملاحظ وفتت للمطبخ استعيد نفسيتي
......
كانت سيدرا متأكدة في مشاكل بين محمد وبلسم ومتخيلة بلسم اس البلا وانو محمد راكض ورا رضاها مو العكس لهيك ضلت ساكتة وما سألت
ام عزمي:بلسم وينك
اجت بلسم مبتسمة.
ام عزمي:نحن لازم نمشي ستك ناطرة
ام عامر:تعالي معنا بتتسلي
سيدرا:اي منستناكي
بلسم: بكير خليكن
ام عزمي:لا بكفي الحقينا ها
بلسم: إنشاالله
......
ودعتهن عند الباب وفتت مابدي اشوف حدا ولابدي حدا يشوفني رحت للمضافة وانقهرت محمد نايم فيها عزلتها مو حلوة يجي حدا ويشوف مكان نومتو للحردان يارب جيب العواقب سليمة لانو النار شعلانة من جديد وخوفي جية امين لنفس الموضوع اي لانو هو الصلة بين محمد وهداك الي ما بيتسمى معقول محمد عم يدور على الحقيقة
رتبت الصالون ورحت طليت على محمد كان قاعد ومو عاجبو قعدت بجنبو
بلسم:بدك تضل زعلان
محمد:...
بلسم:ازا مابدك انام عندك احكيلي
محمد:حلي عني بلسم
بلسم:شو صار انا ....انا ماني فهمانة
محمد: المهم انا فهمان ...ليش مارحتي معهن
بلسم:ما جاي عبالي
محمد:وبدك تضلي هون
بلسم:وين اروح
محمد:روحي وين مابدك
بلسم:مابدك تفطر
محمد:اتهني انا شبعان
بلسم:متل مابدك .
تركتو واطلعت
بقلبي:والله زودها شو بدي اضل اراضي فيه انا مليت وكل فترة عم يجدد جنانو ما عم ينسى بنوب وانا مليت كتير خلص مو مسدءني يتركني بحالي وخلص يادار ما دخلك شر انا لازم حدا يكون معي لازم احكي ل عزمي لحالي مارح اقدر اجابهو بس خوفي عزمي يصف معو ضدي وتروح عليي واكون بحردان اصير بتنين يارب
اتمدد على الكنباية وحطيت ايدي على بطني
بلسم:بس اولد رح يتغير كلشي رح التهي بأبني ومحمد رح يشوف انو عندي مسؤوليات
بلسم:الله لا يوفق الي كان السبب بخراب بيتي

.........
بعد المغرب راحت بلسم تسهر ببيت اهلها بس محمد لساتو بمكانو وناطر اتصال امين بعتلو رسالة
محمد:وينك يلا
ربع ساعة لحتى رد عليه
امين:بالمزرعة
محمد:اجى الكلب
امين:ع الطريق
محمد:اتصل فيني
امين:مو ضروري خلص عندي
محمد:ليك ازا ما اتصلت مارح اسمع منك شي
امين:...
محمد:وين اختفيت يلا
امين:شوي بس
محمد: انا ناطر ماوراي شي
شوي وبعتلو امين اتصل
كبس على زر الاتصال وبقي مستمع
.........
كان امين مقهور لانو الي قبالو شبه مصيف
ايوب:وين الشاي وين المكسرات
امين:والله لازمك
ايوب:اي حبيب مطول وانت رايح جاي علينا
امين:اخر شهر طمن بالك
ايوب: شو عيلة صاحبك مشغولين بعرس الوحيد
امين:اي عقبالك ماتحط عقلك براسك
ايوب:مافي داعي ازا الواحد ما اخد الي بحبو لشو هالزفارة
امين:يحبك العمى مطول بهالسيرة
ايوب:ليش انا بنساها حتى بس اتزكر ليش انا تعبان بتيجي على بالي وبتمسحلي على شعري وبتهون عليي
امين:حطلي خيالك على جنب يعني بزمانها اعطتك مجال
ايوب:قصدك بلسم
امين:اكيد مو امها
ايوب:انا اول ما شفت صورتها عند شيماء حطيتها براسي وماكنت بعرف انها ناطرة مبادرة
بلش امين يولول بقلبو
امين:انت صاحي يا زلمة ما بسدء
ايوب:ليك اول مرة التقيت فيها كانت ناشفة ويا ارض اشتدي ماحدا قدي بس بعد كم مرة صارت تلين وتتبسم وبالعلامة كانت بنت عمها ما يعجبها وعلى طول تتلفت وتشوفني ومابنسى بعيد ميلاد شيماء حضورها غطى على كل الموجودين وبتعرف انا وحركاتي كل شوي اطل عليهن وكانت مبسوطة كتير
وكان خاطبها طرطور ضياء بيك يعني ما كان معبي عينها بهداك الوقت
امين:كلامك فيو خربان بيوت
ايوب:احلفلك انو كان عندها رغبة فيني والا انا ببعت اهلي هيك
امين:وكنت بتعرف انو محمد بدو اياها عنجد
ايوب:وكان بالنسبة الي تحدي بس ما زبطت وماصار شي
امين:ليش ضربك محمد
ايوب:يمكن بلسم بتحلم فيني😂
امين:طيب شو الو داعي هالحكي خلص المخلوقة اتجوزت
ايوب: يا زلمة مين شايلهن من ارضهن بس وجعتو وقهرتو
امين:وعلم عليك لا تنسى.
ايوب: شو يعني اول حدا بينضرب اصلا انسيت وعلى قولتك المخلوقة اتجوزت واصلا مابقى اقبل فيها
انتبه امين انو انتهت المكالمة
بقلبو:يارب سامحني والله ما قصدي خراب لبيوت بس صاحبي مجنون
......
ببيت اهلي كانو عم يتفقو على موعد العرس ومبسوطين لانو بكرى جاي عمي ابو عامر يفرح ببنتو مو متلي كانو متجوزة مرتين من هيك بابا ما حضر ورغم انو جايبلي كتير تياب بس انا ما افرحت فيهن لانو الافندي حردان
ستي:يلا عزمي ووصلني
ابو عزمي:خليكي امي نامي عنا
ستي:ما بحب النومة الا ببيتي يلا
ماما:وانتي بلسم
بلسم:محمد مسكر موبايلو
ابو عزمي:نامي عنا
ستي:لا يوه تترك جوزها لحالو
عزمي:استني ستي بوصل بلسم بالاول
ستي:بس لا تتأخر
عزمي:يلا بلسم
بقلبي:ليش ما يجي هو ياخدني
اللبست على راسي واطلعت مع عزمي
عزمي:احكيلي ليش محمد مختفي
بلسم:مابعرف
عزمي: لحمار بيعرف انو مو مبسوطين
بلسم: ..
عزمي:ازا في شي احكيلي
بلسم:ماعندي شي احكيه
دق الباب بقوة عزمي وشوي انفتح الباب ورجف قلبي من نظرتو
عزمي:تاني مرة بتجي تاخد مرتك
محمد:فوت
عزمي:وصلتلك الامانة تصبحو على خير
محمد:...
فتت بهدوء وحتى هو سكر بهدوء كنت خايفة منو لهيك هربت للمطبخ اخدت كاسة مي وعبيتها كنت حاسة انو وراي
التفتت وما اطلعت بتخيل كان واقف وحاطت ايدو بجيبتو ونظراتو كلها حقد
بلسم:شوفي
محمد:يعني بتعرفي انو في شي
بلسم:ليش عم تطلع فيني
محمد: معجب بفلتنتك بنت عمي
بلسم: شو هالحكي
محمد:يعني ما تفاجئتي بتعرفي حالك
بلسم:لا مابعرف حالي شو مفكرني انت
محمد:قبل كنت مفكر انك مرباية وكنت مفكر انك بنت اصول وبتفهمي
بلسم:ولشو هالحكي شو عاملة انا
محمد:انتي ما قلتيلي اول شوفة كانت صورة
بلسم: شوفة شو
محمد:شوفة اعجاب ايوب فيكي....
بلسم:سدءني ماعم افهم عليك
حكيت وقلبي رح يوقع من الخوف
محمد:فهمانة ومكترة وما كنت بعرف انو عندك ابتسامة ساحرة سحرتي ابن جدوع فيها
بلسم:في حدا ناوي يخرب بيني وبينك
محمد:خربانة ع الاخر ولايمكن تتصلح
هرو دموعي بغزارة
بلسم:شو بصير معك وليش عم ترجعنا لورى انا متلي متل اي صبية
محمد: بيركض وراها ابن عمها وهي بتركض ورا الغريب
بلسم:ما كنت بعرفك منيح
محمد: بس هداك بتعرفيه
بلسم:كم مرة الي شفتو فيها وماصار الي عم تقولو
محمد:وبايام خطبتنا بتروحي لبيتهن وانتي بتعرفي انو رايدك
بلسم:عزمي الي وصلني ما كنت بدي اروح بدون ما اشاورك بس انت كنت مختفي بوقتها
محمد:مختفي واتمنيتي اموت لتاخدي حب حياتك
بلسم:.لا والله
محمد:امبلا وبالعلامة لهفتك عليي اول ما اوصلت لقاءك كان بارد لانو مشاعرك لواحد تاني وبيوم عرسنا متزكرة جنانك ولا ازكرك انا

بلسم: شو عم يصير بربك تفهمني
محمد:انتي مابقى تلزميني
بلسم:ليش
محمد: لانك خبيتي عليي كلشي
المكان الي بكون فيه بتختفي منو
بلسم:لايمتى
محمد:لبعد ما تولدي بقرر
بلسم:ليش مو هلا
محمد:مو جايز اتركك ومشان بس تولدي تروحي تشوفي حياتك
بلسم: طلاق
محمد:مع انك ما بتستاهلي كلشي قدمتلك اياه بس اي طلاق
بلسم:...
كنت بحالة صعبة اتخيلت ارجع مطلقة لبيت اهلي ومن مين من الي قتل حالو لياخدني وليكو طفاني بغيرتو وشكو
بلسم:ليش لبعد ما اولد
محمد:مشان اخد ابني
بلسم:لاااا ما حزرت😭
محمد:خلص بعدين منقرر لا تجني
بلسم:😭😭ابني الي عم تفهم
محمد:اي الك يلا روحي نامي
بلسم:وين بدك تنام انت
محمد:بالمكان الي مابتكوني فيه
بلسم:....
جريت حالي جر النار عم تطلع من كل جسمي متوترة وخايفة ياريت الاعتذار يجيب نتيجة هاد ولايمكن يسامح مربى على القسوة والحقد امو ام مهران شو بدي اترجى منو كان حامل لمخدة والحرام
محمد:عطول خليهن بالمضافة
بلسم:وبلكي اجى حدا
محمد:خايفة حدا يعرف انا اصلا رح اخبر
اهلك مو مشان شي مشان لا يفكرو اني ظلمتك
بلسم:شو بدك تخبرهن
سكر باب المضافة بقوة
صار لازم انا اخبرهن ازا سمعو منو مصيبة ياربي ما اقدرت افوت للغرفة كنت خايفة خوف مو طبيعي من كل الدنيا شغلت التلفزيون لحتى اتونس فيه كنت خايفة على ابني لانو صايبني تشنج من الخوف وبدي يطلع الصبح لاطمن على حالي لازم اروح للدكتورة بكرى
...........
بقلبو:انا بفرجيكي يا بلسم لاموتك من الخوف لاخليكي تعيشي ايام اسود من الي عيشتيني فيهن
اتزكر اول ما وعي على حبها وكيف كان مهووس فيها لدرجة بس يشوفها قلبو يدق بالاخص الصبح بكير وقت يطلع للاسطوح لعند لطيور وهي تكون تنشر غسيل او عم تسقي الورد ولزريعة
محمد:ياريتني ما حبيتك المشكلة بخلقتي كنتي كل الوقت لدرجة كنت اتخيلك اميرة وملكة قلبي رغم كل المشاكل ونفسيتك الزفت اتجوزنا وانقلبت حياتي وحياتك سوى
الاحسن مابقى اهددها مشان الي ببطنها معقول الزعل يأثر عليها اي كانت حاطة ايدها على بطنها من وين اطلعت بهالشغلة لك محمد لازم ما اسمعت كلام ايوب ولا اتصلت ب امين اتجلس لانو خايف عليها وطلع بهدوء اتفاجئ فيها دغري اطلعت فيه مو جاييها نوم مسحت دموعها واتجلست
طنشها واتحجج بالروحة للحمام
وقت رجع شافها بنفس الوضعية
بلسم: شو بدك تخبر اهلي
محمد:ليش نايمة هون
بلسم:شو بدك تخبرهن
محمد: ليش خايفة ازا مو عاملة شي
بلسم:لانو مستغربة عم تعاقبني على شي مولدن ومضى عليه وقت
محمد:مدامك مو غلطانة ليش خايفة
بلسم:لك والله مو خايفة بس انت ماعم تسدءني مشان الاتصال
محمد:كان رايح عن بالي مشان بكرى يكون الخبر كامل عند عزمي
بلسم:هلا جاوبني بدك تطلقني
محمد:لا بدي اصمدك واتفرج عليكي
بلسم: ماصارلنا سنة متجوزين
محمد:المدة مهمة منيح من اولها
بلسم:بشو احلفلك انو مادخلني
محمد: لا تحلفي ولا عبالك
بقلبو: الي بيناتنا انتهى ومابدي ارجع اخبرك لانو شايفك تعبانة
بلسم:طيب لا تخبر عزمي
محمد:لبكرى بشوف شو بصير معي لا بقى تبكي خلص
بلسم:مو قدرانة والله مو بأيدي
محمد:لا هالمرة اتحكمي بمشاعرك مو منيح البكي والزعل بهيك وقت
مسحت دموعها دغري وراحت ما اتحرك من مكانو الا لحتى رجعت تمسح وشها من المي
بقلبو: خايفة علي حالها كمان
فات للمضافة ينام وقلبو عم يوجعو من كلشي صار وعم يصير.
.........
الصبح كنت مجهزة حالي مشان روحة الدكتورة ليلة كانت من ابشع الليالي مرت عليي دقيت الباب عليه وفتحت كان مسترخي ومريح حالو ع الاخير
بلسم:محمد....محمد
فتح شوي عيونو ورجع غمض
بلسم:يلا قوم بدي اروح للدكتورة
محمد: شو في عند البطيخة
بلسم:تعبانة من مبارح
محمد:ماحدا تعب غيرك
بلسم: خايفة على ابني
محمد:بكرى
بلسم:لا بكرى حفلة عزمي مارح نكون فاضيين
محمد:لسى ما صحصحت
بلسم: صحصح بكون جهزت القهوة
محمد:لك والله نعسان
بلسم: جهز حالك بسرعة
تركتو يصحصح وجهزت القهوة وهلا الافندي لحتى طلع مغسل
بلسم:ليش ما جهزت حالك
محمد:لاحقين.. بعدين شو خطرلك مبارح رحتي
بلسم:مابعرف خايفة كتير
محمد: ...
قعد واخد الفنجان وانا بس بدي يخلص
محمد:ما نمتي يعني
بلسم:لا نمت دغري
محمد: غيرك عمرو ماينام
بلسم:....
راح يلبس وانا ضليت بمكاني لحتى طلع ودغري للدكتورة وقت شفت شيماء درت وشي لحتى ما تسلم عليي وكل اهل الضيعة برى من عند الصبح اولاد ونسوان وزحمة وقف باب العيادة وانزلت لحالي مابدي جميتلو ابدا كانت فاضية ماعندها حدا وعرفتني ع الشبه من بيت مين فحصتني وطمنتني انو صحة الجنين منيحة والنبض كمان حاسبتها وارجعتلو كان واقف مع شب بعيد عن السيارة وبس شافني سلم عليه واجى وحتى ما سألني ابدا كان عندي فضول اعرف مين هالشب بس شكلو من اصحابو ايام الزعرنة

محمد:فطورك عند امك
بلسم:شو عرفك
محمد:هلا عزمي اتصل
بلسم:...
محمد:اطمنتي
بلسم:اي
محمد: وحمارة متل هديك الدكتورة ولا على احمر
بلسم:ليش
محمد:هيك حسيت
بلسم:لا شاطرة
محمد:وشو خبرتك
بلسم:انو صحتو منيحة والنبض منيح
محمد:وشو اتغير مو كان حجمو صغير
بلسم:هيك خبرتني
محمد:انتي مالازم تروحي لحالك لانك جدبة
بلسم:...
بقلبي: بكفي انت حربوق وبتفهم
وصلنا لبيت اهلي هنيك عمتي وصفية وحتى عمتي بدرية وستي
محمد:يلا انزلي
بلسم: مابدك تفوت
محمد:من كل عقلك يلا انزلي
بطلعة عزمي
عزمي:فوت
محمد:غير مرة
عزمي:وين رايح
محمد:بدي اشوف صاحبي وبدي اياك بكلمتين على جنب
رجفت من خوفي وهربت لجوى والدنيا مسكرة بوشي
.......
بالسيارة
محمد:مشان تكون بالصورة انا وقت سافرت باختك بنص الليل كان السبب ايوب
عزمي:شو دخلو
محمد:كنت بالكرم عند تحسين وارجعت لقيت بلسم فاتحة خط معو
طبعا عزمي بثواني صار بلون الدم
عزمي:شو عم تحكي محمد
محمد: لحتى ما تقول ما خبرتك
عزمي:وليش مبرد دمك ليش ما خبرتني كنت قتلتها
محمد:لا تقتلها ولا عبالك انا اخدتها لحتى اضمن ما تعيدها بس في شي لازم تعرفو
عزمي:شو هو
محمد:انا ولايمكن ارجع معها متل الاول
عزمي: ليش ماخبرتني بنفس الدقيقة ليش
محمد:انا مابدي ينتزع عرسك بس انا عم اترجم اسألتك وليكني خبرتك
عزمي:الله يلعنها الله لا يوفقها
محمد:مو وقت دعاويك هلأ
عزمي:ولساتها على تواصل معو
محمد:مابظن
عزمي:هي ناوية تجنني
محمد:روق اهدا
عزمي:...
محمد:ايمتى بيوصل عمي
عزمي:ع المغرب
محمد:بالسلامة لكن ومن هلا احسب حسابك الحفلة الي رح تصيرلك مو صايرة لحدا
عزمي:الله يسمع منك بس فوت
محمد:لا هون بدرية تلقائيا بقرف بوجودها
عزمي:عمتك ولوو
محمد:امي دوبها نافعة
عزمي:هيك قولتك
محمد:فوت ما بدي اعطل عليك
عزمي: بدي افطر وعندي شغل كتير
محمد:لا تشيل هم الحفلة ابدا اتركها عليي من اصغر شغلة لاكبرها
عزمي:والله انك كفو
نزل عزمي ومحمد انشغل بأمور الحفلة الي ما صارلو رح يعملو ل عزمي بمساعدة كل رفقاتو

........
بوصول بيت حمايي وعمي ابو عامر كانت الحارة مليانة رجال ونسوان ودوبني لمحت محمد من بين الكل كان مع عزمي وعامر وكنت مستغربة من صلحة بيت عمي مع عمتي بدرية كانو مخططلها من البداية من طرف ستي وبابا
وهلا اللقاء بين عمتي بدرية ومحمد واستغربت وقت غمرتو بس هو بقي بارد
ستي:الله يحننكن على بعض
يمكن الكل شبه مصدوم وحتى بيت عمي كأنو تحت الامر الواقع انحطو بس ستي فرحانة لدرجة وهلا فاتو النسوان للغرفة ولرجال ليصلوا المغرب جماعة بالمضافة طليت من الشباك وكتمت ضحكتي اول مرة بشوف محمد عم يصلي ولا صلاة جماعة كمان كنت بس مراقبيتو وفتت لجوى جهزت ابريق الشاي وليي الغرفة مافيها محط رجل
نقاشات كتيرة وحكي ومزح وبالاخير وماسدءت ايمتى خلص الاجتماع طلعو يتودعو كلهن اوقفت عند الباب مستعمة للحكي
ابو مهران:نحن من الصبح شو بيترتب علينا جاهزين
ابو عزمي:ما بتقصر اخي
مهران:نعمنا طريق التلة لانو
عامر:ههه الدور عندي
مهران:ليش ما اتجوزتو مرة وحدة
ابو عامر:لا هيك احسن منفرح فيهن بالدور
ابو مهران:انشالله كل ايامنا فرح
ابو عزمي: امين
محمد:ومشان حفلة العروس خلوها ببيت ستي
سيدرا:ليش بقى
محمد: انا هيك بدي
ابو عزمي: خلص متل مابدو محمد
ام عامر:كمان فكرة وبيت ستك اوسع من بيتنا
ام عزمي:ليش قررتو وين تصير ساحة الحفلة
محمد:اي ع الشارع باول الحارة
عامر:رح تصير ساحة بتجنن
ابو مهران:الله يتمم على خير
استغربت راحو لبيت عمي ابو مهران ومحمد معهن تاركني ببيت اهلي
ونظرات عزمي شلتني كنت بدي اهرب منو لهيك ندهت لمحمد حسيتو وقف غصب عنو كنت اطلع فيه برجاء
بلسم:مابدك ارجع للبيت
محمد:على راحتك
بلسم:كيف بتمشي هيك
محمد:اخوكي عريس نامي عندهن حلوة اللمة قبل العرس
بلسم:انت هيك بدك
محمد:اي
بلسم:طيب ....بس بدي بيجامتي
محمد:ببعتلك اياها بعد شوي
ما اقدرت امشي بس هو دغري لف ظهرو ومشي ارجعت للبيت خايبة واطلع وراي شفتو فات مع اهلو للبيت وسكرو وانا فتت وقعدت بالغرفة مع اهلي
بس عقلي مو معي بنوب كنت مصدومة كيف قلعني بهيك طريقة
كيف بدي افرح بكرى وبأي عين بدي اللبس وارقص
بعتلو:الله يسامحك
كانو ملتمين بالصالون وابو مهران قدامو وراق تنازلو عن البيت ل محمد
محمد:شو هاد بابا
ابو مهران:ناقص تبصم بس
محمد:اي افهمت بس لشو هالاوراق
ام مهران:بدو يتنازلك عن البيت مع الارض الي فيه
محمد:مافي داعي بابا
مهران:في داعي ابنو لصغير وملكية البيت تلقائياً بتروح الك
ام مهران:وهيك بتصير الك هالشقفة مع البيت
مهران:ناس بتتعب وبتشتري وناس عالبارد المستريح بتتملك
ابو مهران:ولو شو ماحكيت مارح يغير شي من قراري وانت واصيل بيعرف لشو بدي اعمل هيك

محمد:انامابعرف
ابو مهران:هي بدل العشر سنين قضيتهن بالدوام وماكان بارداتك ولا المكان بيناسبك
مهران:شو كنت مترجي منو يصير وزير ولا مهندس كان هلا متراس شلتو الصايعين وداير بالشوارع
ابو مهران:ابصم اصيل
كان متردد كتير عصبية مهران وقهرو الهن دور كبير
محمد:لو بغير يوم
ابو مهران:مو مهم
اتزكر انو بلسم حامل واتزكر شو خبرو رسلان عن قساوة امو بحقها وبالاخير بصم وابوه ابتسملو ب رضا وخبى الاوراق بجيبتو
ابو مهران:مبروك عليك
محمد:الله يبارك فيك
ابو مهران:حاجتنا سهر بكرى يومنا طويل والكل يلا على النوم
اتوزعو الغرف وابومهران ومرتو فاتو للمضافة ومحمد فات ل غرفتو مو مستوعب كيف تم الامر
بقلبو: شكلي اعلقت مع مهران انا وعدتو ما اوافق لازم ما بصمت ....ياترى بيسكت ولا رح يعمل شي
رجف بدنو وقت اتزكر كيف كان يعاقبو على اتفه الشغلات
شاف رسالة بلسم (الله يسامحك)
بقلبو:الله لا يسامح حدا احسن شي
كانت عم تكتب لانو اون لاين
بلسم:لا تجيب البيجامة دبرت حالي
محمد:ماشي
سك

- النص المستخرج من الصورة: 📝
١:٥٤ ص
ااا
B
سكر وبلش يسترجع ذكرياتو القديمة وانو هلا لصغار كبرو
ورح يصيرر عندهم اولاد
........
الصبح اتظاهرت بالبرود رغم حرارة قلبي لاول مرة بكتشف
انو نااار وشاعلة فيه رحت لبيت ستي قبل اتجهز كان عامر
عم يربط الوضع وقت فات محمد طنشتو
عامر: اجى الكهربجي
محمد يكهربوك شوبدك
عامر: عم تفصل السايبة
محمد: وانا شو بعرفني فيها اصلا الي دهر مو مشتغل فيهن
عامر : لك عزمي راح ولا شو بدي فيك شقفة ناقص
محمد وين العطل
عامر ها شوف بس شغلتها القاطع بينزل
محمد لك يا ابن الحرام منيح ما احترقت في غلط بالتوصيل
عامر:زبطو
محمد: وبلكي اتكهربت
عامر : كلب وفطس
فرط ضحك عامر بجية ستي ومبسوطة ومعها عمتي
وصفية : بلسم هون
بلسم وين بدي اروح
وصفية سعدية حجزت من مبارح
بلسم مافي داعي بلبس بالبيت
ستي: لا يوه روحي مثل رفقاتك
بلسم انا مالي رفقات طمني بالك
وصفية : وين امك
عمتي
محمد كانو حرب عالمية مو عرس المشكلة سيدرا نص دكة
ستي: بس عزمي دكة
محمد : دكة ماكنة
ستي
بلسم ليش عم تتمسخر عليه
محمد: حق ولا مو حق
وصفية هههه اخوها بدها تدافعلو

- النص المستخرج من الصورة: 📝
١:٥٤ ص
ااا
8/1
كان محمد عم يزبط الوصلات شغلتو طويلة بيعل القلب
وعامر يعلم عليه بس بعد ما يكون محمد رابط الاسلاك ببعض
محمد : هيك تمام معلمي
عامر ايوا يعطيك العافية
:محمد مين بدو يجربو
عامر اكيد مو انا
محمد اطلعي بلسم لبرى ليصير شي
بلسم شو بدو يصير
عامر: تحسبن اطلعي
طاوعتهن وما استوعبت الا لتنين طالعين ركض بس
البافلة كنت غرقانة بضحكتي عليهن
محمد شفت ما اشطرني
عامر اعطیه امتیاز بلسم
اشتغلت
بلسم ههه لك ليش هربتو
عامر: الخبيث جوزك اخد ايدي وخلاني احط السلك
بلسم
و محمد ليش هربت
محمد: لانو اتوقعت نولع
بلسم هههه روحو هلا بتبلش الوفود توصل
محمد منستقبل ولا شو
عامر انت شو دخلك انا اخوها
محمد ابن عمها وزبطت البافلة مشان الحلوات يرقصن
بلسم بلا جد
عامر اي بلسم عصبي عليه
محمد امانة شوماصار اعطال موجود انا
عامر: هههه خلص ولايهمك
بلسم وما احلاك فايت بالعادة بيفوت اخو العروس مو ابن
عمها
محمد اي انا ما صرت اخو عروس بالتلة ومشتهي يخرب
شي وافوت ازبطو
عامر هههه بتحس حالك باتمان
محمد ههه لك شوفة النسوان بوحدة

- النص المستخرج من الصورة: 📝
١:٥٤ ص
+
بلسم : ايه بسيطة
اتحلفتلو وارجعت للبيت اجهز حالي
اسا
K/
كان يومنا حافل وما اقبلت البس شي مكشوف اللبست
الفستان الي اشتريتو واتمكيجت مكياج كثير مرتب اللبست
كل ذهبي وبعد ما اتجهزت رحت لبيت ستي كان في حضور
من صبايا ونسوان وعمتي مستلمة أمور الحفل لحد ما وصلت
العروس بعد الظهر استغربت سلام وحنان معها كمان كنت
على جنب عزمي من مبارح معصب والسبب محمد فوتها
واصرن يرقص معها كنت اتأملهن كلهن ماما رح تطير من
فرحتها ومرت عمي مجهزة دموعها وعزمي خجلان وسيدرا
عيونها عم يبرقو برق من فرحتها خلصو الرقصة وراح وبلشت
المبارزة بين الصبايا رقص شرقي ودبكة وانا لاني حامل ما
ارضيت اتعب حالي
وقت شفت شيماء ما اقدرت اطنشها اجت وسلمت عليي
شيماء بعد زمان والله
بلسم : كيفك
شيماء: انتي الي كيفك
بلسم: الحمد الله
شيماء: اديش الك حامل
بلسم خمس شهور
شيماء: وشو فيكي
بلسم مو مبين
شيماء: الله يتمملك على خير
بلسم وايمتى عرسك انتي
شيماء: يعني على اخر الشهر
بلسم مبروك سلفاً
شيماء: ليش متغيرة
بقلبي الله لا يوفق اخوكي
ياريتني ما بعرفك ولا بتعرفيني
بلسم : من الحمل يمكن
شيماء حلوة المدينة

- النص المستخرج من الصورة: 📝
١:٥٤ ص
+
شيماء حلوة المدينة
بلسم كتير حلوة
شيماء وراجعة
بلسم مو مبين
شيماء: ليش ما عم ترقصي
بلسم في مين يكفي و يوفي
شيماء مو بنت عمك اتجوزت
بلسم : اي
شيماء: يعني عروس
بلسم: اي
..
B
شيماء: طيب مابدي اعطلك
تركتني وراحت وشوي اتعطلت البافلة وصار ضجة وكنت
خايفة يعملها محمد ويجي اجت بيلسان ركض واعطت خبر
انو بدو يفوت عامر يشوفها رحت لعندو
بلسم بتعرف تزبطها
عامر: والله كأنو لا
بلسم : لا تقولها
عامر: اتصلي فيه كان بدو يطلع
بلسم بلا ما تزبط
عامر ههه هلا سيدرا بتبكي بتقول خربت حفلتي
بلسم ..
بقلبي يارب مايرد
كنت عم احاول اتصل فيه ورد
بلسم : انت وينك
محمد موجود
بلسم.....
عامر: تعال معلمي زبط الباقلة النسوان ضجرو
كنت مقهورة وغيرانة عليه من كل عقلي البيت مليان نسوان
ورح يصير فرجة الاخ كنت واقفيتلو عند الباب واجى
مبسوط وريحة بارفانو واصلة لاخر الدنيا
بلسم سريع لدرجة
ব

- النص المستخرج من الصورة: 📝
١:٥٤ ص
+
بلسم : سريع لدرجة
محمد هههه كتير في نسوان
بلسم ومبسوط كمان
ااا
B
فات والحقتو كان هو وعامر مبسوطين شو غشيم عنهن
محمد : من زمان هون انت
عامر: قول يارب ما تزبط
محمد هههه يارب
حنان: اخي بتعرفلها
محمد الله لا يفشلني قدام الحلوات
بلسم محمد
حنان شو قصتها
محمد: يمكن في وحدة نمرة رجلها اربع وأربعين ودعست
على السلك
فرطو ضحك كلهن
دفشتت
من
كتفو
بلسم مو وقت المزح
محمد لك عامر كارثة ازا بصير حريق
عامر: انتو خدولنا طريق مشان الهريبة
بس
زبطت دغري وطلعو لبرى
بری کانو مبسوطين محمد لانو قهر بلسم واتحقق مناه وعامر
لانو شاف سلام
محمد امك الي عازمة
عامر: اي
محمد من وين لامة كل هالجماهير
عامر شفت اديش في صبايا
محمد دخیلللهن
عامر بس كانك جاي تجاكر بلسم
محمد اي لكن شو شغلتي اضغطها
عامر بلسم مو مبسوطة
:محمد شو عرفك شكتلك

- النص المستخرج من الصورة: 📝
١:٥٤ ص
ااا
B
عامر: لا بس مبين مهمومة مو مثل الخطبة
محمد وما ظلمناهم
عامر: محمد العمر مرة منعيشو وانت اتخيل حدا ينزع حياتو
مشانك
محمد يمكن اتجاهلت كتير بس لو صاير معك مثل الي صار
معي مارح تكمل
عامر انا اول واحد رح يحكي عليك هي الي قاتلت الدنيا
عليها
محمد لولا هالكلمة كانت مطلقة من كم شهر
عامر: بس هي ما عملت شي حرام كل بنت بعمرها بتنحب
وبتنعجب
محمد ليك كلشي قبل الزواج انا ما علاقتي فيه بس بعد ما
اتزوجنا
عامر لك ايوب كزاب لا تسدءو
محمد عامر خلص سكرنا على الموضوع
بقلبو عامر: والله انك ما بتستاهلها
محمد بقلبو مارح نستمر بلسم ومستحيل اطلقك رح تضلي
معلقة هيك
بالمضافة ببيت ابو مهران كانت اللمة عائلية همس ل عمو ابو
عزمي اعطاه الموافقة بعد العصر كانت الساحة جاهزة من
مكبرات صوت رح تصدح بكل التلة وإنارة رح تضوي كل
نواحي الحارة طلع محمد وعامر شيكو على الوضع ورجعو
كان كل شوي يتفقد الساعة وبعدها اجى رسلان يركض
رسلان: عمي وصلو الجماعة
وقفو كلهن كان مهران مستغرب بس ساير الوضع وطلع
يستقبل مع عمامو وابوه وأخوه واتاريه فاروق بيك وضياء
بيك ومرافقة كثيرة وسيارات من نوع واحد ولون واحد الشي
الي خلى ابو مهران يفرح لانو محمد الي دعاهن للحفل ولبوا
دعوتوا
كان فاروق بيك كلو هيبة ووقار سلم عليهن ولاول مرة بيلبي
دعوة عنصر بيشتغل عندو وفاتو للمضافة كلهن

- النص المستخرج من الصورة: 📝
١:٥٤ ص
ااا
B
ابو مهران مستغرب كيف مزبط الوضع محمد وبعد وصولهن
فاتو بمناسف الاكل على شرف لضيوف
اسم فاروق بيك خلى ايوب يتكهرب لانو عنصر من عناصرو
وهو مشكل فرار من الفرع اجى امين لعندو مجهز حالو للحفل
امين لك ما بتغير رايك
ایوب: لا
امين لك شفت هالموكب
ایوب ما شفت شي
امين في ناس مصورة فيديو
ایوب ناقصهن بيت الآغا نفش وشوفة حال
امین وکل حضورهن كرمال محمد
ايوب اجباري يعني بيمسح كنادر كتير
امين وحكو الولائم قايمة وريحة اللحمة معبية الحارة
ایوب من هيك عزمك
امين اجتني حصتي على البيت
ایوب مشتريك بقطعة زفر
امین ااا بس بتعرف الحارة بدون شيمو مو حلوة
ايوب يلا حبيب فرجيني قفاك
امين بدون يعني
ايوب ماني رايقلك ها
امين رح يبثو الحفل على المباشر محمد جایب احسن مصور
ليوثق الحفل
ايوب اي فلقتنا فيه
امین ازا ما ولعت التلة يلا بصحلي اضرب مخزن زمان عن
زخ لرصاص
ایوب يلا روح ساعد طرطور معلمینو
امین رایح شوفني بالدبكة عالمباشر لا تشيل هم شيماء انا
برجعها للبيت
تركو مقهور
بقلبو كان بدي اقوصك بنص الحفل يا وسخ بس ما بعرف
جية فاروق بيك خربت كلشي

تصبحو على أحلام سعيدة 😴🤍

قصة عشق الأصيل 12 الموسم الثاني
كانت حفلة سيدرا خالصة اجت بيلسان ركض لعندي
بيلسان:محمد بدو اياكي بالبيت
استغربت سيارات كتيرة بجنب البيت ومحمد واقف عند باب المضافة فتت ولحقني لجوى
محمد:اتغديتي
بلسم:لسى عم يطبخو
محمد:الاكل بالغرفة بس تخلصي جهزي شاي
كنت ميتة من الجوع والله انو ابن حلال استفقدني بعز العجقة غسلت ايديي ورحت للغرفة فتحت المنسف كان المنظر شيى بيشهي بس ليش ما استفقد امو يمكن انا اهم منهن كلهن داعمني بس ليكون مشان ابنو
اتغديت ودموعي عم يسيلو اتزكرت كيف مبارح قلعني بطريقة بشعة بيخلص العرس يا محمد ورح اضل هون ولخليك تحلم ارجعلك مسحت دموعي اول ما اسمعت الباب انفتح
محمد:..ما خلصتي
بلسم:اي امبلا
محمد: ليش عم تبكي
بلسم:لا ماعم ابكي
محمد:افرحي لاخوكي مو وقت الزعل
بلسم:اي ليكني فرحانة
محمد: جهزي الشاي
اخدت الاكل معي ورحت للمطبخ استغربت صوت حدا غريب مع محمد لمحتو لمحة صغيرة واقف معو بالصالون
محمد:كيف شفتلي الأجواء اسير بيك
اسير:غير شكل عم احكي بحالي هالزلمة بيحب ضيعتو معك حق بتنحب
محمد: وبدي تعطيني رايك بالحفلة
اسير:ازا من تنظيمك ما عليها حكي
محمد:بس مستغرب فاروق بيك اجى
اسير:اي ولامرة رضي بهيك عزايم بس عندو فضول يتعرف على اهلك
محمد:بتحسسني مدلل عندو لك العقوبات بوحدة
اسير:هههه اي بتستاهل لانو هالبيت الك
محمد:لاهلي بس ساكن فيه
اسير:وهي الحارة الكن
محمد:هالاربع بيوت
اسير:ياعمي ابن الضيعة غير
محمد:بجيب الشاي وبلحقك
بعد الشاي فات يجهز حالو الدنيا على وشك غروب لبس بنطلون اسود وقميص جينز وبوط جديد اتعطر بعد ما مشط شعرو
محمد:بتضلي مع النسوان ها
بلسم:...
محمد:قلتلك افرحي لاخوكي
بلسم:انشالله
لمحت كل ضيوفو رايحين باتجاه الساحة بس فضيت الحارة رحت لبيت اهلي بعد ما عزمي لبس قميص زيتي وبنطلون اسود وطالع شخصية وامي وعماتي يزغردن ومبسوطات فيه اجى عامر ومحمد بالسيارة وراحو للساحة
عمتي:يلا بلسم
بلسم:ضروري
ماما:يوه اخوكي
بلسم:الساحة مليانة شباب وخايفة من محمد
عمتي:ما سألتيه
بلسم: لا كان معصب
ماما:تعالي وما احلاه معترض
بلسم:بس انا تعبانة
ماما: امشي حفلة اخوكي ولازم تحضريها
اطلعنا كلنا من الحارة طبعا سلام وحنان حضرن عند العروس وهلا عند العريس الانارة بكل مكان وصوت الاغاني تصدح ضليت من بعيد اتفرج وكأنو محمد عم يعوض بدل حفلتو الي ما عملها
الالعاب النارية ما هديت شي خيالي وكل الموجودين بالساحة من شباب التلة مسلحين الحفلة منظمة وكلشي فيها فخم هاد فرح اخي الوحيد ولازم يكون بهيك ضخامة بس الي متأكدة منو محمد راعي الحفل
بقلبي: ماعم سدء كلشي عم يصير هون
......
كان لحالو بالبيت وعم يتفرج على الحفلة محمد وعزمي وعامر ظاهرين اكتر شي وهو بيجن بس يلمحو التحيات كتير لفاروق بيك وجماعة الامن العسكري ولحد هلا مو مسدء انو داعيهن محمد للحفل واجو يحضرو
ايوب: الله لا يهنيك....الك يوم يا ندل معقول ما اعرف لو لمحة صغيرة عن حياتو حتى امين طلع كزاب وبحب محمد اي كلهن بيدورو ورى العز والجاه
وانت خليك هون على حالك ازا بينت اني مشكل فرار رح اكلها وشو اجاك يا ايوب ضيعت حالك لازم اشوفلي واسطة تقيلة وارجع لفرع فاروق بيك القعدة بالتلة مامنها فايدة
.......
بنص الحفلة اعتذر فاروق وضياء بيك وصار وقت يرجعو باركولهن واسير الا يودع محمد وداع خاص وطلعو من التلة بعدها ضلت الاغلبية شباب من جيلهن لهيك ابو مهران رجع للبيت كان سامع حدا عم يندهلو كانت بلسم نطرها لحتى وصلت لعندو
بلسم:مروح عمي
ابو مهران:اي الحارة ما بتنترك لحالها
بلسم:لكن برجع معك
ابو مهران:معك مفتاح البيت
بلسم:اي معي
ابو مهران:بكير ليش ما ضليتي
بلسم:تعبانة كتير
ابو مهران:سلامتك
بلسم:الله يسلمك
وصلو للحارة وهو ضل قاعد برى وصوت الاغاني لعندو وشوي طلت بلسم عليه ومعها فنجانين قهوة ابتسملها برضا
ابو مهران:من ايدين ما بعدمهن
بلسم:بعرف انو بتحب القهوة
ابو مهران:القهوة مع هالجو بالتلة اغلى من الدهب عندي
كانت قاعدة قبالو
بلسم:لكن ليش تركتها
ابو مهران:بس تعرفي انو في حدا بيكرهك بنفس المكان لازم يا تقلعيه يا اما تتركيه الو
بلسم:ليش انت الي تركت
ابو مهران:خفت على اولادي من كيدها
بلسم:وانت ضامن انو ما اذتهن
ابو مهران:لا ليكهن معي
بلسم:الشغلة ورتة ولا شي تاني
ابو مهران: شو قصدك
بلسم:مو معقول كنت تعارض مشان حصتهن انا بعرف انك كنت تود كل العيلة بالاخص عماتي
ابو مهران:الشي مضى عليه سنين لصغار كبرو ونحن ختيرنا
بلسم:بس صلحة عمتي بدرية مو مقنعة
ابو مهران:المهم ما تقرب صوب اولادي
بلسم:اطلب منك طلب
ابو مهران:عيوني الك
بلسم:يسلملي عيونك...بدي توصي محمد فيني

ابو مهران:هههه هو عندو اغلى منك
بلسم:محمد متغير كتير
ابو مهران:هالولد طالع عن كل قوانين العيلة
بلسم:بتمون عليه
ابو مهران:اكيد
بلسم:احكيلو لا تزعل بلسم
ابو مهران: في شي لازم تعرفيه سعادة تامة بالحياة مافي وقبل تنالي المكان الي بتحبيه لازم تتعزبي لتوصلي
بلسم: اي بعرف بس وقت الي منحبو يجرحنا صعب يلتئم هالجرح
ابو مهران:اتأكدي الي بيجرح بيدوق من نفس الكاسة
بلسم:انت بتحب محمد
ابو مهران:ماعندي اغلى من اولادي
بلسم:بيحكو في ابن بياخد كل الغلا مين اغلى ولد عندك
ابو مهران:يمكن لانو محمد غاب عننا كتير الو مكانة خاصة عندي
بلسم:وعند مرت عمي
ابو مهران:لا ام مهران بتحب الي بيظهرلها الطاعة اكتر عكسي انا بحب الي بيتمردو عليي وبشوف اصيل بشبابي
بلسم:...
.......
مع انو كنت منسجمة معو قطع حديثنا محمد جاي مستعجل وانصدم اننا بالبيت
محمد:انتي هون
بلسم: مفكرني ضعت
محمد:بيلسان حكتلي انك رحتي
ابو مهران:اجت معي
محمد:يا عمي الدعم لناس وناس
ابو مهران:روح كمل الحفلة شو جاي تعمل
محمد:لا بس انشغل بالي والحارة ما بتنترك لحالها
ابو مهران:جاي تعلمني يعني
محمد: بلسم ليش روحتي
بلسم:مليت
محمد:تعالي هلا صارت حلوة الحفلة
بلسم:..
ابو مهران:روحي مع جوزك
بلسم:...
فتت لالبس شي على كتافي كان في شوية برد أسمعتو يوصيه
ابو مهران:دير بالك على بلسم
محمد:ليش عم توصيني
ابو مهران:لانو بدك توصاية
اطلعت لعندو وارجعنا مشي
بلسم:مو حابة الرجعة
محمد:حدا بيعمل عملتك
بلسم:شو حكتلك بيلسان شفتها راجعة مع شب
محمد:مو لهدرجة...شاكية لبابا مني
بلسم:انا مبارح ما نمت
محمد: واول مبارح او قلك من وقت اغلطتي هديك الغلطة وما بقى تنامي متل اول
بلسم:وليش اجيت
محمد:فكرتك لحالك بتعمليها
بلسم:بخاف لحالي بس شفت عمي راجع ارجعت معو
محمد:شو حكيتي معو
بلسم: لا بس مشان صلحة عمتي بدرية
محمد:ملعون ما زكرتي
بلسم:هههه اتاريك مو مصالح
محمد:لساتني قرفان اصلا
بلسم:هههه وانا قلت محمد التحش بحضنها
محمد:يييي لا تزكريني
بلسم: انت مبسوط لصاحبك
محمد مبسوط وبس مانك شايفة التلة عم تضوي
بلسم: هي الشنتة الي جابوها عامر وعزمي
محمد:موصي عليها من زمان
بلسم: غريب ما قوصتو
محمد: هي ناوية انزل بالعقوبة
بلسم:هاد معلمك بالشغل
محمد:اي انتقديه يلا بكفي عمتك اعجبت فيهن
بلسم:لا ما شفتهن ابدا
محمد:لا وصارت بدها تفرجي حالها الهن
بلسم:هههه وشو عملت
محمد:فصلت عليها عنجد عمتي ناقصها ترباية دلع ستي الها ما جابنا الا العار
بلسم:لك هي بتحس بالنقص لانها اتجوزت ختيار
محمد:صحيح كان رفيق جدي بس عزها ودللها
بلسم:هههه اي خلص كلمة رفيق جدي بوحدة
محمد:انتن النسوان ما الكن امان
بلسم:اتخيل تاخد وحدة من جيل امك مابدي اقول ستي
محمد:ازا دللتني شو بدي احسن من هيك
بلسم:بس رح تضل عيونك ترفرف على غيرها
محمد:شي طبيعي وهلا عم ترفرف
بلسم:اي بدون ما تحكي مبين عليك
محمد: تا تعرفي متجوزة اهم شخصية بالتلة
بلسم:انت حكيت ل عزمي
محمد:مع اني ضد حدا يدرى بس كان لازم يعرف نظراتو النا مو طبيعية
بلسم:...
التزمت الصمت وصلني لعند البنات واعطاني موبايلو والدخان بعد ما شغل سيكارة وراح
سيدرا:لك وين اختفيتي
بلسم:مع عمي .. مبسوطة عم تحضري حفلة عزمي
سيدرا: طاير عقلي الي صارلي ما صار لك
بلسم:الله يهنيكي
سيدرا:هههه تسلمي
عيوني كانت مراقبة محمد ورح اموت منو ومن كلامو وكيف صاير وعم يدبك ولا هامو وعامر مندمج بالحفل حتى بيلسان بالساحة كنت تعبانة كتير شفت انو الساعة صارت ١١ ولا عبالهن يخلصو ولانو موبايل محمد فتحتو لاشوف جهات الاتصال عندو وفي كتير ارقام مو مسجلين وحتى ماسح كل سجل محادثاتو دليل انو بيحكي مع نسوان
قلبي معلن حرب جواتي وعم افكر بطريقة ما يرجعني فيها للمدينة
........
بعد الساعة ١٢ عم الهدوء وعامر اتكلف يرجع النسوان تمشاية ومحمد وعمو ابو عزمي عم يحاسبو فرقة احياء الحفلات وشي عم يلم الكراسي وينظف الساحة من مخلفات الحفل وبطريقهن للبيت كانت اللمة بمضافة بيت اهلو نسوان ورجال بس بلسم مو موجودة لهيك فات لجوى فتح غرفتو واستغرب مو فيها التقى ب ابوه
ابو مهران:على مين بتدور
محمد:وين بلسم
ابو مهران: ببيت اهلها
محمد:....
دغري طلع من البيت ومستعجل كان خايف عليها وكانو من دهر بعيد عنها دق الباب كتير شاف الضو اشتغل لهيك اطمن
بلسم:مين
محمد:افتحي
فتحتلو وضلت ورى الباب فات وسكر
كانو عيونها لونهن احمر وكتير تعبانة
محمد:ليش هون انتي
بلسم:كتير نعسانة
محمد:ليش هون
بلسم:وين اروح
محمد:ما بعرف شو رأيك انتي
بلسم:خفت ما يعجبك
محمد:من ايمتى بتسايري فهميني
بلسم:قول اللبسي وتعالي معي
محمد:اي يلا

بلسم:فكرت جاي مشان موبايلك
محمد:مو لهدرجة اللبسي يلا
بلسم:سدءني تعبانة
بجية بيت عمو كلهن.
ابو عزمي:شو عم يصير هون
محمد: اهلين عمي جاي اخد بلسم
ام عزمي:خليها هون ازا نايمة
محمد:لا مو حرزانة
بنظرة وحدة فهمها انو اجهزي
فاتت لبست على الماشي وطلعو سوى من البيت
محمد:مو طبيعية
بلسم:انت الطبيعي يعني
محمد:انا الي وضع خاص
بلسم:...
فاتو للبيت كانو عم يتوزعو للنومة
ومحمد وبلسم لغرفتهن دغري
.......
كانت سلام وحنان مراقبات الوضع بعد ما فات مهران وابنو ينامو بغرفة وابو مهران ومرتو للمضافة
حنان:شايفة الي شايفيتو
سلام:معقول ضاربها
حنان: شفتي عيونها
سلام:يييي منيح ما اتجوزنا عن حب
حنان:اي والله بس بتعرفي والله اصيل زلمة وطالع فرق ايام زمان
سلام:اي والله ليكي رح اجهز القهوة ونروح نسهر معهن
حنان:موافقة بس لشوف جوري نايمة
جهزن القهوة ودقن دقة وحدة فتح محمد وبس شافهن اتأفف
محمد:سكرنا الاوتيل
سلام:مافي اتفضلن
محمد:....
طبعا عيونهن على بلسم الي قاعدة على طرف التخت
محمد:نحن منيجي
سلام:ما مناكل غرفتكن طمن بالك
دفشت الباب حنان وكملن لجوى الغرفة
سلام:انا بعرف اخت العريس ما بتبكي
حنان:اصيل مزعلها
محمد:انتن ما بتستحن
سلام:شو عرفك
حنان:ههههه مبينة شو هالبيجامة الحلوة
سلام:ولا فستانها اليوم شفتي
حنان:اي شفت عطول بتغطي على كل الحضور
سلام:احكي ليش ساكتة
حنان:ليكون صاير شي لابن اخي
بلسم:بعيد الشر
سلام:هههه اي رسلانووو عمتو حبيبي
حنان: انا عمتك لكبيرة ها
محمد: بدرية يعني
سلام:هههه يا حرام يا حنان
محمد: وهي بدرية الفرع التاني
حنان:ههههه بتستاهلي
كانت بلسم مبتسمة
محمد:اشربن القهوة بردت
حنان:اشرب انت
محمد:مابقى اشرب من ايد حدا ازا جهزتها انا دوبني اشربها
سلام:هههه خايف يعني
محمد:اي والله معدتي الي رايحة فيها مو انتي
حنان:الحق على بلسم وامها مزودات لعيار
سلام: بعدين ازا بدنا نعملك شي مو ضروري نشربك على الاسم 😂
محمد:خبرة كمان
حنان:شو بلسم ما بتلبسي لاخي شي حلو ليكي محمد بيحب اللون الاحمر
محمد:شايفيتني تور يعني
سلام:هههه ليش بحب الاحمر
محمد: اسالي كمال
كانت بلسم فرطانة ضحك عليهن
محمد:بعدين انتي خففي قلة ادب
حنان: ما حلوة بالبيجامة
سلام: يمكن لاننا بالبيت
حنان: واصيل بحب القصير
محمد:يا الله على قلة ادبك الي ما بتخلص
حنان:ازا خايف على خجل بلسم طمن بالك نحن النسوان بس نقعد لحالنا حتى انتو بتخجلو
محمد: لا تحلفي انتي محلوف عنك مو شامة ريحة الادب
حنان:هههه بعدين كلنا متجوزين
محمد:اخجلي مني انا اخوكي
حنان:ع الزمة بلسم بتخجل منك
سلام:هههه مبين مطلقيتو للحيا
محمد:خلصت القهوة ونحن جماعة تعبانين
حنان:وين حابة تنامي سلام
سلام:وين مابدك
حنان:نحن بالصالون
محمد:كتير عليكن كلاب حراسة
قلعهن تقليع وخلاهن يرجعن القهوة معهن وراحن لينامن
.......
كنت تعبانة ماسدءت ايمتى طلعن واتمددت على طرف التخت مخدرة لدرجة ومحمد يمكن كمل سهرتو على موبايلو مو حلوة هالليلة ابدا مبارح قلعني اليوم رجعني وعم يلعب فيني وبمشاعري
مافي على لساني الا كلمة الله لا يسامح الي كان السبب
كيف فيه الانسان يتربح خطايا الناس انا على نياتي لو كنت خبيثة لازم ارجع قوية متل ايام زمان كان يحسبلي حساب وشو كنت اتمقطع فيه بس عنجد هالدنيا يوم الك ويوم عليك ويمكن فكرني اغفيت كانو عم يسجل فويس
محمد بهمس: اليوم كان نهاري فل وهلا تعبان كتير قبل ارجع بخبرك
قلبي دق بقوة لانو عم يحكي مع وحدة
والاحسن ترد عليه بفويس ولانو هدوء الجو أسمعت صوتها
جيني:سلامتك مع انو مستحيل اسدء هالصلابة كلها تتعب
محمد:مخدر مو بس تعبان
جيني:يعني لو كنت بجنبي ما بيطلع معك شي
محمد:مو هيك يا بنت الحلال
جيني:لك انت مدوخني عندك جاذبية ملوعة قلب جيني
محمد:بيعرف ابوكي
جيني:ومابهمني يعرف ياروح جيني انت بدي نكون سوى بأقرب وقت
محمد:مابدك تنامي
جيني:مارح يجيني نوم رح اضل اسمع هالصوت دخيل صوتك وشكلك وجسمك
كنت عم ارجف من الي عم اسمعو لاول مرة بعرف انو هالمخلوقة وقحة
محمد:وازا دخيل كل هدول خليني انام
جيني:بسمحلك بس بشرط بدي بوسة طويلة مدتها ساعة
محمد:مني ولامنك
جيني:مني ومنك
محمد:هيك بدها تصير ساعتين
جيني:ليش ع الواقع بتفصل وهلا مافي اشطر منك
محمد:حسب الموجة والتردد
جيني:بدي بوسة ما بتخلص
محمد:بس بدي تبعتيلي صوت وتحكيلي نفس حكاية هديك المكالمة
جيني:يا ازعر لساتك متزكر
محمد:مابنسى شي عجبني موافقة
جيني:ببعتو بس مو تمسحو بالغلط
محمد: زودي لعيار
جيني:دخيل قلبك
كنت حاسة بس بحرارة من جسمي عم تطلع وفكرة انو بياخد وبيعطي مع غيري وهي نفسها الفلتانة بنت معلمو خلتني انقهر حسيت انو بدو ينام ضليت ناطرة لحتى اتأكدت انو نام اللبست ع الماشي واطلعت من الغرفة رغم انو الضو بكل مكان بس انا شايفة البيت مغم وكئيب قعدت بالصالون وغمضت عيوني تعبانة تعب مو طبيعي .

.........
الفجر اتحرك ليشوف مكانها فاضي اتجلس رغم التعب وطلع من الغرفة ليشوفها بالصالون قاعدة ومرتكية على خدها وكأنها غفيانة راح لعندها
محمد: بلسم....بلسم ليش نايمة عندك
صحيت خايفة وتطلع حواليها
محمد:تعالي معي
اخدها من ايدها للغرفة سكر بهدوء
بقلبو:منيح لو حدا طلع وشافها
محمد:ليش نايمة بالصالون
بلسم:ماحسيت
محمد:لك مو نمتي هون بالغرفة
بلسم:يمكن
محمد:انتي ماشية بنومك
بلسم:بدو يكون هيك
قفل الغرفة شافها لساتها متجلسة
محمد:نامي انتي تعبانة
بلسم:لدرجة مو طبيعي التعب
غمضت بتيابها وسالو دموعها
محمد: خلص بكفي بلسم ما اتعبتي
بلسم:انت طفيتني
محمد:خلص مشان الله انا اتعبت عنك
بلسم:ماحدا بيتعب عن التاني كلو كزب
محمد:شو لازمة البكي بنص الليل
بلسم:بدي ارتاح انا اتعبت
محمد:نامي مين ماسكك
بلسم:بنام وقلبي نااار وبصحى بنفس الحالة
ستي حكت انو بدو يصير شي مو منيح مناماتها كتير بتتحقق
محمد:مو معقول لا تحطي ببالك هالشغلات
بلسم:ازا متت ممنوع تزعل عليي
محمد:اي انتي اتوكلي وما عليكي
بلسم:.....
ما اجاه نوم كان مقهور من كلشي وكرهان حالو لانو عم يعاملها بجفى ومو عرفان انها سامعة حديثو مع غيرها
...........
اصحيت غصب عني ضجة وحكي ساعة وكان البيت شبه فاضي ياريت ما احضر بنوب اخدت تيابي لبيت اهلي ورحت لهنيك كانت ماما مشغولة اليوم حافل عنا ومارح نرتاح الا بعد نص الليل الوقت عم يمضى ولانو سيدرا حظها مو متل حظي رح تطلع من بيت اهلها اتجهزنا ورحنا لهنيك ولا كاني بعرف محمد كنت اتظاهر اني مبسوطة وصلت سيدرا كانت طالعة بتجنن بفستانها الابيض وبلشت الحفلة لبعد العصر الا يعملولها موكب زفة طلعت سلام وحنان مع محمد ورغم انهم دورو عليي بس ضليت متخبية لحتى راحو ارجعت لبيت اهلي كانت ستي قاعدة برى
ستي:ليش مارحتي معهن
بلسم:محمد قلعني
ستي: هيك لكن
بلسم:....
ضلينا ناطرين شي نص ساعة ورجعو صوت اغاني ومبسوطين والا يقوص محمد لوصول العروس كنت مسايرة الجو مو اكتر فوتها عزمي وبلشت المباركات ساعة ومابقي الا نحن سيدرا فاتت ل غرفتها ترتاح وفاتو يباركولو كلهن وانا قلت بعمل واجبي متلهن وما اتوقعت يسلم عليي ببرود وحتى مارد اتلفتت حواليي والحمد الله ماكان في حدا منتبه
ام مهران: أنشالله بتشوفو على وشها الخير
ماما:الله يسلمك يارب
حنان: مبروك عزمي عقبال ما تثني
عزمي:هههه
عامر:بتغار من حالها
سلام:دعوة محبين صح
عزمي: الله اعلم
ام مهران:يلا تصبحو على خير بكفيكن تعب اليوم
اطلعت مع بيت عمي صعبانة عليي ارجع للبيت وكانو الموت ناطرني وقفت بنص الطريق
سلام:ههه وين بلسم
بلسم:وين ستي
حنان:اليوم مناوبة عامر عندها
بلسم:...
سلام: اصيل بالبيت
رسلان:ايمتى راجعين
حنان: اخراس ولاه مو قلت ايمتى بدنا نوصل للتلة
رسلان:ياريتني ضليت عند امي
سلام:كنا ارتحنا منك
ما اقدرت افوت للبيت ضليت قاعدة برى
حنان: شو ما بدك تفوتي
بلسم:مخنوقة كتير
سلام: والله ميتة من تعبي شفتي ما احلى موكب الزفة
حنان:اي بجنن صارلها زفة بتجنن
مهران:جهزن حالكن الصبح طالعين
سلام:...
حنان:جاهزين اخي
مهران:شو بلسم مابدك تفوتي
بلسم:بدي اشم هوى
حنان:نحن فايتين شمي عنا وعنك
مهران:ليكون زعلانة لانو اتجوز اخوكي
بلسم:معقولة يعني
مهران:لكن شبكي
بلسم:ما ارتحنا ابدا
مهران:اي من هيك ما بحب اجواء هون بالمدينة ما في تعب من البيت للصالة وخلصنا
قعد قبالي يتمايز الجو
بلسم:ليش ما اجت نيفين
مهران:قال مليان سم الجو
بلسم:هههه بتفهم والله
مهران:بس هي قصدها عني
بلسم:فكرت على عماتي
مهران: لا قال انا بلطجي وراعي مشاكل
بلسم:وانت مابتزعل منها
مهران:بتحكي الحق انتي مو منيحة شو صاير معك
اتمنيت هالسؤال يكون من اي حدا لافتحلو قلبي
بلسم:قلتلك تعب
مهران:بس انتي مو تعبانة انتي حزنانة بلسم
بلسم:...
مهران:ايمتى بدك تحكيلي
بلسم:ضروري احكي
مهران:اي ازا فيني اساعدك مارح اقصر
بلسم:الموضوع شخصي كتير
مهران:انا جاهز باي وقت وازا فيها مشاكل ابشري
بلسم:ههههه ليش بتحبو المشاكل
مهران:اكبرنا على هيك بالبيت اعداء بعض وبرى البيت مع بعض على الناس
بلسم: رسلان ضجر
مهران:خليه بيستاهل ...يلا فوتي مو حلوة تضلي برى لحالك
بلسم:....
سبقتو لجوى صوت ضحك سلام وحنان معبي البيت وعمي ومرت عمي يمكن نامو وانا فتحت الغرفة مترددة اتاريه مو بالبيت بالناقص من شوفتو انا بفرجيه بكرى عمل مشكلة بيني وبين اخي
.......
الصبح ما حبيت اروح لبيت اهلي مع انو كل بيت عمي راحو يباركو ويودعوهن لانو مسافرين ومتاكدة كان محمد عند امين والا ما وصلو لباب البيت وراح فات مستعجل
محمد:وين العيلة
ببلسم:ببيت اهلي
محمد:وليش مو رايحة

بلسم:...
محمد:جهزي حالك منروح سوى
وشكلو نايم وشبعان نوم كان بايدو سندويشة لبنة ومعو كاسة شاي
بلسم:ليش ضروري نروح
محمد:شو رأيك
بلسم:...
محمد:مو حلوة الكل هنيك الا نحن بقلبي:ومنو بشوف اجواء العروس والعريس جهزت حالي ورحت معو بس شافنا عزمي وقف وطبعا باركلو محمد واتشجعت وقربت من سيدرا وباركتلها وهو قبل امد ايدي لعزمي قعد اتلبكت ورحت قعدت بعيد يمكن ما حدا انتبه بس انا انجرحت كرامتي من هالتصرف شكلو عزمي شان الحرب ضدي وكأنو محمد مخرب بيني وبينو مزح وضحك اجواء بالنسبة الي كزابية كلو بيكره بعضو هون وبعدها قررو يمشو
.........
بعد ساعات السفر كانت سلام متوترة لانها عم تتصل ب كمال ويعطيها خارج التغطية انتبهت حنان انها مو على بعضها
حنان:سلام شبكي
سلام:لا ولاشي
حنان:كيف ولاشي انتي مو على بعضك
سلام:سكري على السيرة هلا بينتبهوا
صارو قريب من الفيلا ونطق مهران
مهران:اي سلام وين جوزك مختفي
سلام:كان عندو شغل
مهران:وكيف بيسمحلك تسافري لساكي عروس
سلام:يعني بدو يحرمني افرح ب رفيقتي وبنت عمي
مهران:الله يسمع منك
نزلو كلهن ورجع اتكرر السؤال هالمرة ابو مهران
ابو مهران:اي سلام وين جوزك
سلام:هلا بشوف عنو
فاتو ورا بعض ودغري روز قدمتلهن ظرف
الكل مستغربين
روز:اجى السيد كمال مبارح واعطاني اياه وحكالي سليمه ل السيد مهران
سحبو من ايدها بقوة وفتحو وهو متلبك كتير
ام مهران:شوفي مهران
مهران:الندل الواطي
ابو مهران:لك شوفي احكي
مهران:ورقة طلاق
دغري سلام بلشت ترجف وصارت بحالة صعبة وام مهران قعدت على الكنباية ومهدود حيلها حنان مصدومة وخايفة
ابومهران:انت شو عم تحكي
مهران:خود شوف
كان ابو مهران شبه محطم من هالخبر غمض عيونو بقهر
طلع مهران مستعجل وسلام دموعها بلا حدود
ام مهران:كيف بيعمل هيك وليش طلقها
حنان:.....
ابو مهران:يا ويلك ازا الك يد بالموضوع
سلام:انا شو دخلني
ام مهران: نحن انفضحنا يا ابو مهران
طلع لمكتبو ودغري اتصل ب محمد ليخبرو وطول لحتى رد
محمد:اهلين بابا وصلتو
ابو مهران:بتعرف شو عامل هالندل كمال
محمد:لا
ابو مهران:باعت ورقة طلاق اختك على البيت
محمد بصدمة:شو....انت شو عم تحكي
ابو مهران:مابعرف نحن رح ننفضح
محمد:والله لالعن ابوه
ابو مهران:لازم ترجع ونلاقي حل للمصيبة
تحت الوضع محزن للغاية حنان شاكة انو سلام الها يد بالموضوع وام مهران كل همها تداري لفضيحة وسلام خايفة من اهلها..
.......
محمد كان اوعى من انو يحسس الي حواليه في مصيبة اعتذر منهن وفتح خط مع اسير كان ماشي على الشارع ويحاكيه
محمد:كيفك اسير
اسير: اهلين اصيل
محمد: اسير بدي مساعدتك
اسير: ابشر لعيونك
محمد:رح ابعتلك هالاسم بدي تعرفلي ازا لساتو بالبلد ولا طلع
اسير:ابعتو ساعة وبكون عندك الخبر
محمد:الموضوع ضروري لا تنسى
اسير:ولايهمك اعتبر صار الخبر عندك
............
كان يوم طويل من تعبي اللبست بيجامة مريحة واتمددت على التخت وسحبتها نومة طويلة اتاكدت انو الساعة ١١ يعني الكل نايم بس محمد مو بالغرفة وقبل اطلع استوقفني حديثو كأنو عم يحكي مكالمة
محمد:هو في احلى من الليل......لكن هدوء واجواء بتجنن.....بكرى بعد بكرى بالكتير راجع.....اي يرحم ايام واسطتك كانت بثواني تتلبى وين هلا مافي واسطة ولا بطيخ كلو عقوبات اندبحت....والله هيك القرار يا عيني....رجعيني لعند ابوكي.....دخيلو على هالخلفة
اطلعت من الغرفة والاحسن يضل فاتح الخط وما اهتم و كتم للصوت بس صرت قريبة منو
بلسم:مع مين بتحكي
محمد:مو شغلك
بلسم:مين هي
محمد:مدامك بتعرفي انها وحدة ليش بتسألي
بلسم:بدي اسمع منك
محمد:ازا انتي ما وفرتي على حالك هو انا الي بدي اخلصلك كل عمري
بلسم:..
محمد:يلا روحي كملي مو فاضي لك
بلسم: انا كتير متدايقة
محمد:ههههه لا يا شو اعملك جو وابسطك يعني
بلسم:خلينا نحكي ونحسم امورنا انا الوحيدة الي متأثرة
محمد:شي طبيعي لانك انتي اس البلا
بلسم:سكر خلينا نتفاهم
محمد:ساوي قهوة بستناكي
تركتو غصب عني بس سامعة حكيو معها
محمد:برجعلك لا تنامي
مع انو مو جاهزة لشي بس طاوعتو ساويت القهوة بس الو ضيفتو وقعدت
محمد:كيف بدك نحسم الامور
بلسم:حل نهائي لانو انا كتير موجوعة
محمد:...
بلسم:لدرجة شايفة كل الدنيا سواد
محمد:...
بلسم:انا مستعدة لاي عقوبة جسدية بس مو نفسية انا مكتئبة من اول الحمل وما ارتحت لحد اليوم
محمد:من كل عقلك اضربك وانتي حامل
بلسم:اي شي المهم اليوم تنتهي المشكلة
محمد:اليوم مستحيل بدها وقت الشغلة
بلسم: صحيح في ضو والجو برى حلو بس انا مخنوقة حاسة بعتم بكل المكان كانو قلبي منطفي في شي بشع عم يصير وازا بدو يصير زكرى صعب انساه بسهولة
محمد:بفهمك هاد الشعور مريت فيه وبتعرفي لليوم ما بنساه

بلسم:مدامو ما بينتسى ليش عم تزودها عليي اليوم عزمي طنشني قدام الكل انت شو حاكيلو
محمد:انا قلت بيسمع مني ايوب ماسك السيرة
بلسم:سيرة شو
محمد:انو حكيتي معو
بلسم: لا مابسدء
محمد:يعني انا كزاب
بلسم:هاد الحكي من عندك بدك تبرر لحالك
محمد:مو محتاج ابرر لحالي لمصلحتك حكيت
بلسم:...طيب ونهاية المشكلة
محمد: الاكيد الانفصال
بلسم:وايمتى هلأ
محمد: اكيد لا في شي اسمو حق عشرة عندي
بلسم:وشو بيترتب عليي
محمد:بدك تتحملي وبعد ما تولدي يا اما بتبين الحقيقة يا اما كل واحد فينا بروح بحال سبيلو
بلسم:يعني خلص
محمد:اي ومن حظك انو اتناسيت واتقربت منك
بلسم:...
محمد: روحي كملي نوم يلا
بقلبي:اي بدك ترجع تحكي مع الفلتانة
بلسم:انا شبعانة نوم
محمد:حاولي
بلسم:..
أوقفت بدي اخد القهوة بس ما خلاني
محمد:انا بشيلهن روحي

من أحقر المواقف اتركو يحكي مع غيري فتت وعيوني لسى مراقبيتو كان ماسك الموبايل وناطرني اسكر يعني صاير فيو شوية دم سكرت بهدوء وحاولت انام كان صوتو عم يحكي ومندمج واخر رواق اناني طالع لاهلو بتزكر مرة حكو انو قلبو قاسي لانو اول ما ولدتو مرت عمي ما بكى متل باقي لولاد حتى هاد الحكي من ستي
واندعس على كلشي خلاف وكان اس البلا هو ومهران وامو واجو طلبو واعطيناهن كمان
اتاري معاملتي الاولى كانت تليق فيك ومابنسى مقاطع الكازينو ومستحيل انسى
كان صوتو يسببلي غصة كبيرة واتبين معي انو ما بيستحي وفلتان معها لبنت معلمو لانو كل حكيو وسخ اكيد عم ترد عليه بنفس الحكي وجاي يحاسبني على شي ما علاقتي فيه ياريتني مابعرف هالعيلة ياريتني متت ولا اخلقت بيناتهن.
......
الصبح نايم بأمان الله ولسى ما خطرلو كيف نام فتح عيونو وشاف بلسم واقفة ومتخنصرة فوق راسو
محمد: شوفي بلسم
بلسم: يا انا يا بنت معلمك
محمد:يا فتاح يا عليم
بصوت اقوى
بلسم:يا انا يا هي
محمد: شو خطرلك
بلسم:عم قلك يا أنا يا هي شو ؟؟؟
محمد:اكيد هي
بلسم:هيك لكن
تركتو وطلعت عندو فضول يعرف شو بدها تعمل شافها عم تلبس
محمد:وين رايحة
بلسم:لحد هون وبس
محمد: لوين رايحة
بلسم:مو انت اخترت هديك روح لعندا انا ما بشرفني واحد متلك
محمد:هههه طولي بالك مو حرزانة خلص خلص اشلحي
بلسم: ولا قوة بالارض بتوقفني لكن تختارها الها
محمد:لك خلص بلا جنانك وين رايحة العالم لسى نايمة
بلسم: ستي ما بتنام
محمد:خلص انتي والله
بلسم:هلا بتمسح الرقم وبتحظرو كمان
محمد: ها ليكني عم امسحو
بلسم:بدك تحلف مابقى تحكي معها
محمد:يعني صعبة بحلف
بلسم:عم تسايرني
محمد:هههه لا والله خلص روقي
بلسم:وازا مو مسدءني مشان هداك الكلب ايوب أنا رايحة هلا وبدي اواجهو قدامك وقدام اهلو
محمد:بلا جنانك
بلسم:انت زودتها حلفتلك وماسدءتني وهلا رايحة لبيت وصال
محمد:لككك هلا بفصل عليكي ها
بلسم:بدك تسدءني
محمد:مسدءك مسدءك
بلسم: وازا بتنجاب هديك السيرة لا تلوم الا حالك
شهق بخوف وحط ايدو على قلبو
محمد:خوفتيني
بلسم:انتو جماعة مابينفع معكن لمسايرة
محمد:ههههه شو عرفك
بلسم: اليوم اخر يوم بتنفتح سيرة هداك الكلب ويا ويلك ازا بتحكي مع هديك الحيوانة
محمد: حاضر حاضر المهم انتي واعصابك مو منيح تشدي على حالك
بلسم:عم تتمسخر مو
محمد:هههه يلا روحي اسمنك قويانة اعملي قهوة خلينا نشرب قهوة الصباح
بلسم:هاد اخر كلامي
محمد:وانا كمان
بلسم:ليش شو حكيت
محمد:جهزي القهوة
كان مبسوط من جنانها عند الصبح
بقلبو: مو نايمة يعني ولا شايفة بالمنام جيني لعمى اتاريها بتخوف بنت العم
جهزت القهوة وطلعو يشربوها برى
محمد:يسلمهن
بلسم:...
محمد: منيحة انتي
كان بدو يقيس حرارة جبينها بس دغري صدتو
بلسم:ما جنيت لا تخاف
محمد:هههه لكن شو صار معك
بلسم:انا مبارح حسيت بالذل معك وانا كرامتي بالدنيا
محمد: والله انسيت
بلسم:فصل مبارح اوعى ينعاد
محمد:وعادي انام بالمضافة
بلسم:هي بقى انت حر فيها بس اول ما تفتح خط لاعملك مصيبة
محمد:اوقات بحكي مع رفقاتي
بلسم:تحت اشرافي
محمد:وشو قصة روحتك لبيت وصال بتمزحي مو
بلسم:لا مو مزح انا اتحملت منك جفى وعصبية ومزاج متقلب بما فيه الكفاية
محمد:وبدك تروحي شو بدك تحكي
بلسم:خليه يحكي الحقيقة انو مافي بيني وبينو شي
محمد:بس الحكي اسمعتو منو كاين في اعجاب من طرفك وتوزعي ابتسامات
بلسم:وعم تحكيها هيك ولا كانك مبارح كنت فاتح خط وحكيك مع الي ما بتتسمى كلو قلة ادب ولا انت زلمة
محمد:شو قصدك وليه
بلسم:مو بس البنت بتنعاب بشرفها
محمد:هههه يعني انا بلا شرف
بلسم:لا ما حكيت هيك بس مدامك مو صاين حالك تعتبر مذنب ولااا جاي يحاسبني على شي مضى وراح
محمد:لا مضى ولا راح
لا تغيري المهم كان في اعجاب من طرفك
بلسم:اي بنت بعمري بتحب تشوف الها معجبين
محمد:وليكني قد لحمار ما عبيت عينك
بلسم بقهر:لا تحكي هيك امانة
محمد: شو كان محلي من الاعراب ابن العم على دكة الاحتياط
بلسم:لا بس انا الصراحة ما بحب عيلتكن محمد: شبنا وحوش شوفي ما احلانا
بلسم:كنت عطول اتزكر العداوة بيناتنا
محمد:انا كنت معادي الكل الا انتي
بلسم: بس انا مابحب اشوف اخي مذلول وانت ورفيقك اتقاويتو عليه بنص المحل
محمد:لك ما نحن تصالحنا ومشالله عننا بس انتي الي ضليتي محاربة ونفسية
بلسم:وانت كنت شايف حالك
محمد:انا اكتر حدا متواضع
بلسم:اي يا ارض اشدي ما حدا قدي
محمد:بلسم هاد الحكي عنك مو عني
بلسم:يعني من الاخر ما كنت حابة اصير كنة بيت اهلك
محمد:واكلوكي بعد ما صرتي كنتهن
بلسم:والله مرت عمي بتخوف
محمد:انتي بس منظر قوية امي ما بتخوف بس هي بتحب تبين انها قوية والكل بالكل