اسات
P
٦:٠٢
شلح الجاكيت ورتب حالو وابتسم
محمد هيك احلى
عزمي هههه بكتير وانت بالتلة احلى واحلى
محمد وكيف الأجواء بالتلة
عزمي: ع كيفك
محمد وكيف الاهل
عزمي مع زيارات عمتي شو بدك يكون الجو
محمد دخيلها شو بتحب تخرب
عامر: انشالله البنات ما يطلعن ل عمتهن
عزمي هههه غصب عنك مو بكيفك
طبعاً اتصالات من جيني كان يطنشها وعزمي عينو على
موبايلو
عزمي رد
محمد مو مناسب الوقت
عزمي مين
محمد مو مهم
عامر ازا مو مهم سكر موبايلك
بعتتلو
جيني انا جاية لعندك انت وين
محمد لیش
جيني بدي اشوفك انت بالبيت
محمد : لا طالع
جيني ع اساس تعبان
محمد انا بالكافيه بس لا تفوتي معي ضيوف
جيني: اوكي حبيبي
عزمي : انحلت الامور

محمد:لا رفيقي بيسأل عن شغلة
علمتلو ودغري لبس الجاكيت
محمد:شوي وراجع اطلبو لارجع
طبعا لعيون لاحقتو وبس شافوه طلع لبرى انتبهو اكتر
كانت جيني وطريقة السلام استفزت عزمي يمكن لانو الموضوع متعلق ببلسم
......
غمرتو بس هو ما حرك ساكن
محمد:شغلتي بالي
اطلع بالكافيه ولانو كل الواجهة بلور ما عرف ازا شايفينو
جيني: اشتقتلك ما بكفي
محمد:بس اولاد عمي بزيارتي ومو حلوة اتركهن
جيني: بكرى
محمد:خلص بكرى انتي اجيتي لحالك
جيني:اي
محمد:بشوفك بكرى
جيني: غمرة أخيرة
كانت عم تستنشق من ريحتو اكبر كمية ممكنة
محمد:بكفي يلا روحي
جيني:بعشقككك
تركتو وبالغصب لحتى بعدت عيونها عنو نطرها لحتى راحت ورتب حالو قبل يفوت الكافيه
.......
عزمي مقهور
بقلبو:اي احلى هون اخد راحتو الزلمة
عامر:شفت
عزمي:وانصدمت
عامر:بس شقفة البنوتة
عزمي:ونحن هيك اتربينا مين ما اجى منلتحش فيه
عامر:وضعنا مو من وضعو
عزمي: ليش بقى اعتزل مثلا
عامر:انت متدايق
عزمي:استفزني الموقف
عامر:ليش
عزمي:...
عامر:لا تبينلو خلص ليكو اجى
غمض بقهر بس حاول يتمالك اعصابو
محمد:طولت
عامر: انا لو مطرحك مابرجع
محمد:بتكون بنت لمعلم
عامر:شقفة
محمد:شبو عزمي
عزمي:لا بس مو متعود ع هيك مناظر بتعرف اجواءنا انت
محمد:...
عزمي:كنت غمرتها
محمد:طلبتو
عزمي:بس انا لو بمكانك بعيش الجو
محمد:انت متدايق
عزمي:انا بعرف انو المغريات كتيرة بس كنت مفكر انك زلمة
محمد:انت شفتني ملتحش فيها
عامر:لا هي ونيالك
عزمي:بس رايد
محمد:وما ممكن ارفض هي حياتي بالنهاية وانا حر فيها
بقلبو عزمي:واحلم ب ظفر بلسم
عامر: وما الها اخت
محمد:شو بتحبو تشربو
عزمي:قهوة وسط
اشر محمد للجرسون وطلب قهوة
ضيفهن سكاير محمد كان عامر مبسوط ومبين عليه بس عزمي مزعوج وكمان مبين عليه ومحمد مبسوط من زيارتهن ومن اهتمام جيني فيه
عامر بقلبو:معقول اشوف سلام
محمد بقلبو:معقول مزعوج عزمي من هيك شي
عزمي بقلبو:اديش بحكي عنك ام راس وبقرة بس بتفهمي ولو مو مرتاحة شو ناطرة لحتى توافق بس عرفانة انو شخص سيء
عامر:شو صاير ليش سكتو
محمد:انت ب مين بتفكر
خجل كتير
عامر:لا بس بتخيل اصاحب متلك
محمد:شو مسكتوها سيرة
عزمي:بس لا تقنعنا مافي مشاعر بقلبك الها
محمد:ل مين
عزمي:لبنت معلمك
محمد:انا عندي مشاعر فائضة وما بصمد وعادي بحب اكتر من وحدة بنفس التوقيت
عامر: كفوو.
محمد:لو صحلك بتقول لا
عزمي:اي بقول لانو انا بالنهاية بشر ومو اي شي بيغريني وماعندي غريزة حيوانية وبس بدي اشبعها انا وقت انوي اشوف بنت حلال وركزلي على بنت حلال رح اصونها وما اخونها مع اني مو مررتبط بس ما بسمح لحالي ولا ديني بيسمحلي اغمر وابوس قلي مو بايسها
محمد:خلص يا عمي انت شيخ وانا...
عامر:ههههه عيب ولوو
محمد:انا غريزتي حيوانية وعادي لو مع حيلا بنت بعطيها مشاعري وانت لا تدخل فيني
عزمي:هيك مبين عليك
محمد:فيك توضحلي سبب انزعاجك انشالله ما غمرت اختك
وهون ضرب عزمي بقوة على الطاولة خلا عامر ينصدم
عزمي:اوعك تجيب سيرة اختي على لسانك
محمد:اي انا فهمان ليش انت مزعوج بنظرك خنت اختك الي ما بتتحاكى وشايفة حالها ومو مسدءة
عزمي:لا مزعوج لانو انا ما فكرتك هيك وهي معها حق
محمد:بشو دخلك
عزمي:ترفضك وترفض كلشي فيك
محمد:انا ما اتقدمتلها انا حاطتها ببالي وبس
عزمي:ممنوع تفكر فيها
محمك:مو مشاورك بفكر بمين مابدي
عامر:انتو عم تتخانقو
عزمي:بس كلو خير وجيتي لهون لاعرفك
محمد: حبيبي أنا ماني خايف منك ولا من غيرك وانا زلمة بدي امشي مصالحي
عزمي:كتير عليك تمشيلك اياها بنت
محمد: خلص خلصنا سكر ع الباقي
عزمي:لاخر مرة بحكيلك شيلها من بالك

تركهن عزمي وراح بس محمد واضح انو انزعج وانفعل كمان حاول يتسلى بموبايلو
عامر:بس مين قصدوا تشيلها من بالك
محمد:اكيد مو جيني
عامر:لو ما اجت كان
محمد:هو مفكر انو فيه يتحكم فيني .
عامر:هو مشانك
محمد:لا مشان بلسم انا متفهم الوضع منيح بس ما الو حق يتدخل فيني بالنهاية انا ما خطبتها ولا اتزوجتها بعدها بحقلو
عامر:لك بعرف واحد وابن حماه دايرين على النسوان وعينك عينك
محمد:لو سمحت هاد شيخ مو حيلا
عامر:خلص انت لا تزودها هاد عقلو صغير ليروح يرجع للتلة
محمد:...
رجع عزمي والتزمو الصمت لتلات
...............

غياب عزمي وعامر خلونا ناخد راحتنا انا وسيدرا يوميا نطلع نتمشى على الشارع ع اساس رايحات لعند ماجدة هي تاني مرة بيمرق ايوب وكنت كتير خجلانة منو بس ما بينمع ابادلو الابتسامة
سيدرا:لك ليش عم تعطيه وش
بلسم:معجبة مغرمة
سيدرا:لك يا بلسم الشغلة مو شغلتك
بلسم:جكارة ب عزمي ومحمد كمان
سيدرا:ليش بقى
بلسم:مو هني بيتحكمو فينا
سيدرا:بس محمد بحبك
بلسم:وينو الحب

سيدرا:يخرب بيتك متزكرة وقت اتمشيتو
بلسم:كنت بدي اجاكر عمتي ما شفتي كيف ارتفع ضغطها
سيدرا:ورح تنبسط بس ايوب يخطبك
بلسم:لك دق قلبي بقوة ااااخ بس
سيدرا:لعمى ضربك شو خفيفة
بلسم:بلا شوفيلي هالشخصية
سيدرا:بشبه الجردون
واطلقت ضحكة مكر
بلسم:من غيرتك ركزيلي على الاناقة وعلى قوة الشخصية
سيدرا:انتي عنجد بلا زووء لك شو جاب هاد لابن عمك لك طلتو بوحدة واصلا صحلك يحبك
بلسم:حبيبتي انا جمالي ملفت واصلا من حظو معجب فيني انا لو يشوفني شي ملك او امير من تبعين الاساطير ليوقع ويغمى
سيدرا:يا ويلييي اديشك مغرورة
بلسم:مو غرور بس ما بيطلعلو معي
سيدرا:اي افهمنا
وقت وقف الموتور ايوب هبط قلبي خوف واتلفتت ليكون حدا قريب مننا
ايوب:كيفكن صبايا
سيدرا:خير شو بدك
ايوب: انا بدي احكي مع بلسم
بلسم: بخصوص شو
ايوب: موضوع شوي خاص
سيدرا:يلا يا روح امك روح من هون
ايوب:انتي شو علاقتك
سيدرا:رح لم عليك كل التلة
ايوب:لااا دخيلك رايح رايح
دفشتني بعد ما راح
سيدرا:لك ليش ما بهدلتيه
بلسم:مو حلوة
سيدرا:يحلى وبرك انا بفرجيكي الخبر رح يكون عند عزمي ومحمد وهلا
بلسم:هههههه ماني خايفة
قهرتها كانت مغامرة كتير حلوة وبالاخص انو مبين غرقان فيني الحلو
........
بالبيت
بعد خناقة الكلام بالكافيه وهلا كل واحد عند موقفو بس رايحة على عامر الي عم يبحلق بالتنين واحد بزبط مسدسو والتاني بدخن وبيتسلى
عامر:وبعدين مابدكن تبوسو شوارب بعض
عزمي:...
عامر:لك انت ارميلي هالموبايل نحن اجينا نتسلى وانت هلا افطنت تزبط المسدس
محمد:شو بدك
عامر: انت عزمتنا لنقعد معك متل الارامل وفوق منها بدك تروح المسا لدوامك
محمد:هيك التعليمات بعدين قومو نطلع
عزمي:منيح اتلحلحت واستحيت ع دمك
محمد:لا حاسس فيكن انتو هيك جاهزين
عامر:لا ولووو شوفة الصبايا بدها تزبيط
محمد: روح اتزبط بكون شفت شبو الحردان
وتبادلو النظرات الي كلها تحدي
راح عامر وقرب محمد من عزمي وبحلق فيه
محمد:شو زاعجك
عزمي:لا مو حرزانة
محمد:بدك احرم على حالي اجامل الناس
عزمي:النسوان قصدك
محمد:مجبور لا تفكر بقبل بس
عزمي:حلفتك بالله مو عامل شي معها
محمد: شي ؟؟؟؟متل شو
عزمي:يعني بوضع غير لائق
اتزكر البار وشو صار وحتى رجعتهن بالسيارة
محمد:شو بأثر
عزمي:بأثر لانو عندك اخوات بنات
محمد:اي انا ما جبرتها
عزمي:يعني صاير شي
محمد:يعني شي ما بينزكر
عزمي:يا عيب عليك
محمد:...
عزمي:شو استفدت بوقتها
محمد:جربت مو اكتر
عزمي:وانت بتقبل بهيك وحدة
محمد:لا ما بقبل بس بالنهاية هي حرة وانت حر وكل واحد بنام ع الجنب الي بيريحو
عزمي:وانا مابحب تكون عكس توقعاتي
محمد:غصب عني والله حتى اوقات بتوب عن المقاطع الحيلا بس هني بيكرجو قدامي مو بايدي
عزمي: يعني بتحس بالذنب
محمد:اي وبحس بالقرف اكتر ولوين وصلنا بس بعدها بكفر عن ذنوبي
عزمب:بتصلي
محمد:لا بس وقت يطلعلي مقطع قرآن بسمعو للاخير ماابطنشو
فرط ضحك عزمي عليه
عزمي:الله يثبتك يارب

عامر:بشوف روق
محمد: شوو رايح يتجوز الاخ
عزمي:يلا نمشي ما معنا وقت
محمد:غمرة تانية من جيني بعطل كمان يوم
ادايق عزمي بس محمد ضحك وروق وطلعو لتلات تمشاية
عامر:بشوفك بلا سيارة
محمد:شو بدي فيها
عزمي:لكن ليش مشتريها
محمد:صحتلي بسعر منيح
عزمي:بس بشوفك بتحب المشي كتير
محمد:لانو وقت استلم مرافقة ضياء بيك ويكون عندو مشاوير بخدر وانا قاعد فيها
عزمي:ههههه اي معك حق
عامر:منيح مشان الديسك
محمد: صابني انقراص بالفقرات
عزمي:وين اخدنا
محمد:وين حابين انتو
عامر:مكان يكونو فيه النسوان اكتر من الزلم
محمد:وحابين يكون فيّ ومي
عامر: وبنات حلوين
عزمي:فلقتنا ولوو حيلا يكون مطعم وواكلو طيب
محمد:اوصلت
محمد بقلبو:مو لصالحي نتزاعل بس لاخطب بلسم وساعتها قاطعلك كرت
عزمي بقلبو:رح احرض بابا عليه هاد بدو ترباية ومجرب كلشي هون انا ما رح اربيه غيري رح يربيه ومنيح كمان
عامر بقلبو:لو عندي جرأة اتقرب منك سلام وعادي افسخي الخطبة من اول الطريق ولا اخرو انا حاسس انو معجبة متلي
فاتو المطعم كل واحد عندو اهداف محمد يراضي عزمي عامر يطبق نسوان وعزمي همو يعبي بطنو لانو جوعان كتير كان منظرهن سوى بجنن الجريء والنسونجي والي شايف حالو على الكل
محمد:شو نطلب
عامر:مافي مينيو
محمد: اكيد في
عزمي: يرحم جدي كان ماشي ع الاتيكيت
محمد: هههه اتركو شوف عامر ما احلى البنات
عامر:ياريتني الاركيلة
محمد:هههه بيطلع منك
عزمي:هاد لو يعيش هون ليعمل العمايل
عامر:شو مفكرني محمد
محمد:لعمى ما اقل وجدانك بتسبني قدامي
عامر:هههه وجدان مين
محمد:الي بايعو
عزمي:اتفضلو اطلبو لشوف
كانو يتاملو كل واحد مينيو
محمد:شو
عامر:انا بدي مشاوي
عزمي:وانا كمان بدي مشاوي وبدي شيش

طلبو كل واحد على زوقو
والا يصورو الوجبات ويبعتو لاخواتهن
عامر:انقهرت سيدرا
عزمي:سبتك
عامر:بتحكيلي انشالله بتغص
عزمي: بالعكس حكتلي صحتين وهنا
محمد:هههه اعزموهن حرام
عزمي:انشالله الله كريم
عامر:حبيبي ازا ما مرضن مرض مستعصي ما منطالعهن من التلة
محمد:لازم كل فترة تطلعو سياحة
عامر:منيح ما بسمعوك متزكر عزمي اخر سيران
ليفرطو ضحك لتنين وكانو الموقف بضحك
ومحمد غيران بيحب اجواء السيرانات معهن
محمد:شو عاملين
عامر:بتعرفني انا رايق وبنطر بس عزمي عطول مستعجل وكان من اختاص بلسم التبولة وبتعرف لكبار سبقونا للتلة ونحن الحقناهن وفوق فردو هالاغراض وطلعت بلسم ناسية نص عدة التبولة وهون عزمي عصب وهديك بنص عقل صارت تبكي نحن اكلنا واشبعنا ولساتهم علقانين مع بعض
عزمي:بس حرام سيدرا فزعتلها
محمد:خانقتك
عزمي:لا طلعت رفيقتها بيتها قريب من التلة وراحت شحدت ملح وحامض وزيت
محمد: متل سيران شو
عامر:هههه اي اي لو تشوف منظرنا الحكي مو متل الشوف
محمد:لا انت اختصاص ضحك متل الرقاصات
عامر:ههههه اي بس كان يوم بجنن والسيران التاني رجعو اتزكرو شو نسيت بلسم وصارت مسخرة
تحلفلو محمد من تحت ل تحت بدون ما ينتبه عزمي
عزمي: شو بدك كبر العقل منيح
عامر: بس بلسم راسها قوي
عزمي:لمين بدها تطلع
عامر:ابصر محمد مافي مكان فيو رقاصات
محمد: هو الي فيه
واشر على عزمي الي دغري انتبه
عزمي:انت جاي تفلت
عامر:مين دريان فينا مشتهي متل باقي الشباب
عزمي:اي عيب اتضبضب شو عينك من اهلك لو يسمعوك
عامر:امانة لا ترد عليه في
محمد:هههه مليان
عامر:وكلو مبين
محمد:ع كيفك
عزمي:انت بدك ترد عليه
محمد:خليه يتثقف
عزمي:لك عنجد بتحكي
عامر:اي شوفيها امانة مو كل شباب التلة بيرحو
محمد:انووو بيروحو
عزمي: عنجد
محمد:ماحدا بينزل لهون وبيضل شريف
عزمب:وع الكبريهاات
محمد:اي وبيكملو كمان
عزمي:ما بسدء
محمد:براحتك الحكي مو متل الشوف
عامر:وانت
محمد:اي بسهر
عامر:وبتكمل
محمد:لا ما بعملها
عزمي:ليش
محمد:ما بحب اتعود على هيك شغلات يعني لسى معي وقت بنطر
عزمي:ولايمتى بتصبر
محمد:ههه حسب اوقات بنوي وبواعد بس ما بتزبط معي
عامر: شو هي الي ما بتزبط
محمد:نفسيتي
عزمي:لك عادي احكي
محمد: شو مفكرني خايف منك
عامر:مافي حدا غريب لوين موصلة معك
محمد:هههه انت مسكتوها سيرة
عزمي: اي يمكن مزبط وضعو وعم يلف ويدور انا ازا بشوفك هربان من هالشغلات ما بسدء
محمد:ههه مو
اتزكر كيف نزل من السيارة وعنجد شبه هربان من جيني وكيف كمل مشي والطريق مقطوع كمان
اتمايز حالو اتزكر ملامحو
بقلبو:لهدرجة مبين اني سرسري وابن حرام ليش ماحدا مسدء انو اتغيرت وبطلت كتير شغلات سيئة بحياتي
طنش مابدو ينزعج
عامر:شو رايكن باركيلة بعد الغدا
عزمي:اوه جبتها والله
عامر:شو بدك محمد
محمد:ما بحبها انا اختصاص هي وبس
عزمي: اختصاص كلشي منطلب لحالنا
تبعتلو جيني صورها مبين طالعة مشوار
محمد:وين
جيني:ب الصالون عم جهز حالي للسهرة
محمد:في حفلة
جيني:عم تسلبها سهرتنا
محمد: انو سهرة
جيني:مو وعدتني
محمد: مناوب ع الستة
جيني: شو هالحكي
محمد:ليش ما حكيتلك
جيني:كيف ما بتخبرني
محمد:ههه
اتصلت فيه وفصل
محمد:ما بدي نحكي صوت
جبني:بدي اتفاهم معك
محمد:خلص مافي سهرة
جيني:رد ع اتصالي هلا
محمد: عامر معك رصيد
عامر:معي
محمد:عادي احكي مكالمة
عامر:ع حسابك
عزمي:شبو موبايلك
محمد:ما بسمع فيه
ضحكو لتلات
اتصل فيها
جيني:كل يوم من رقم
محمد:هههه شو بدك
جيني:بدي اياك شو بدي يعني
محمد:اجازتي ٢٤ ساعة بس
جيني: انا هلا بحل الموضوع
محمد:ههه عيب لا تضلي تتواسطيلي
جيتي: انت شو بدك
محمد:خبريني شو بصير معك
طبعا كلامها طابو عند ابوها بعتلو انو اتمددت الاجازة كمان يوم بس هو مابدو يسهر معها وبدو يتهرب منها بس وين بدو يروح منها حاطيتو براسها وبدها تخليه يحبها متل ما بتحبو
عزمي:شو حلتها
محمد:مع انو مابدي
عزمي:وين بدك تشوفها
محمد:مابعرف
عزمي:يلا منيح
عامر:نيالك والله
عزمي:ع شو نيالو
عامر:واسطة شغل سيارة
ابتسم ب قهر
محمد:هاد الجانب المشرق
عزمي:في مظلم
محمد:لا كلو مشرق
عزمي:عنجد محسود انت
محمد:بهيك وضع الصراحة بنحسد
عامر:صحيح ارجعت تعبان بس ليكك ماشالله مبسوط ومكيف
محمد:اشتغل ولا مريح حالك انت
عامر:لازم تكون وحيد لتريح حالك؟؟
محمد:بس انا ما زبطت معي
عزمي:وانا وحيد شو استفدت
محمد:انا من وجهة نظري مافي انسان مرتاح يعني شايف هالمكان مليان ناس وكل حدا عندو هموم ازا كان معو مصاري يمكن يكون مريض او مهموم انو تلاقي شخص زابطة معو من كل الجهات مستحيل النقص موجود
عامر:اي صح بس انا متاكد انو ماحدا عاجبو عيشتو مثلا العزابي بيحكي ياريتني متجوز المتجوز بيتمنى يرجع عزابي والي معو اولاد مابدو والي ما عندو مشتهي لولاد

عزمي:وانا مشتهي يكون عندي اخ
محمد:انا معترض على كلام عامر ليش في حمار بيتمنى يرجع عزابي
عزمي:ههه وانا بعترض
محمد:هلا الي متلنا هيك مرتاح
عامر:يعني واتجوزت شو بغير
محمد:كتير شغلات يعني متلي انا رح أنطر الاجازة بالثواني ورح يصير شي بحياتي مهم
عزمي:وين راحوا اهلك
محمد:بالنسبة الي شريكة حياتي رح تكون اهم حدا
عامر:واهم من اهلك
محمد:اكيد اهم
عزمي:له تعبت فيك تسع شهور وربتك لتيجي وحدة بثواني تاخد كلشي
محمد:تاخد شو مابدها وحدة على قولتك تركت اهلها وجاية تشاركني حياتي لك حياتي كلها الها
بينما اهلك جابوك على الدنيا لمصلحتهن
عزمي:هههه طيب وولادك بكرى رح يفكرو متلك
محمد:انا مابدي اولاد
عامر:هههه اي يعني في عطل
محمد:انا مابدي اولادي يربو وانا بعيد عنهن
عزمي:ناوي تضل حدهن
محمد:لا بس وقت اشتاقلهن اشوفهن براحتي مو بكيف حدا
عزمي:ومبسوط اتمددت الاجازة
محمد:هيك شي
عامر:وعنجد وين بدك تشوفها
محمد:مابعرف
بعد الاركيلة حاسب محمد بعد شبه خناقة لانو الجرسون ضل واقف ليحلو الاشكال وطلعو
عزمي:والله كتير هيك
محمد:شو جايين على شحاد مثلا
عامر:لا كفوو والله بس لو بعرف انت بدك تحاسب ما طلبت وكترت
محمد:شو كليوم بتزوروني
عامر:مبين رح تتمدد إجازتنا
عزمي:مدام بابا بالتلة مطمن كتير
عامر:وانا متلك
محمد:اهلا وسهلا بتشرفوني
عزمي:بس شو استفدنا رح تبات عند العاشقة مدري المعشوقة
محمد:لا بحاول ارجع بكير مو تنامو
عامر:خوفي تنام انت عندها
محمد:زودتوها كتير مو لهدرجة بايعها انا
عزمي: بتخاف ع شرفك
محمد:مو انتو شيوخ وصلاة اتركوني بحالي
هالمرة عنجد زعل عم يظنوا فيه وهو مو متل ما بفكرو
........
بالشقة قاعدين لتنين يدخنو
عامر: متدايق
عزمي:شو بدي فيه
عامر:ليش عم تنكر انت متدايق
عزمب:مو لنفس السبب الي ببالك انا مشانو
عامر:رح تتحاسب عنو
عزمي:الو معزة عندي ما بحب اشوفو يسلك طريق غلط
عامر:هيك اتربى
عزمي:..
عامر:يعني معقول ننسى ماضيه لك عزمي
عزمي:بس معدنو طيب
عامر:امبلا والله انو كفو بس في شغلات ما بيتحكم فيها اتربى عليها
عزمي:متل شو
عامر:سرقة مثلا كفر ما بصلي
عزمي:شو سرق منك
عامر:مستحيل يسرقني انا ابن عمو
عزمي:حبيبي الحرامي ما بتفرق معو مين الشخص
عامر:ههه اي متزكر وقت سرق موبايل عمي
عزمي:
عامر:بس والله مهران شبعو قتل انا اصلا بخاف من مهران من وقتها
عزمي:شو متزكر كمان زكرني
عامر:وقت ضربك
عزمي:كنا اولاد
عامر:لا بس بوقتها محمد كان مقهور لانك بلشت شغل وفتحت محل صغير
عزمي:معقول هيك
عامر:ما بنسى هالموقف
عزمي:وانا كمان مو لانو ضربني لانو خلا امين يثبتني وهو ضربني
عامر:صعب مو
عزمي:لانو المفروض يكون هو معي ضد امين مو العكس
عامر:بس بعدها اعتذر منك امين
عزمي:امبلا
عامر:وانت وقت تعالق محمد مع كم ازعر اخدت سكين ورحت دافعتلو
عزمي: تصالحنا ومشي الحال وليكنا بضيافتو
عامر:انت بتقبل يصير صهركن
عزمي:انا ما بحب زواج الاقارب اولا مشاكل تانيا وراثة وامراض نحن بغنى عنها
عامر:هههه لو الي بنت عم عزابية ما بقصر
عزمي:يعنيي انت ضامن انو بلسم محجوزة
عامر:نظرات محمد محاصريتها وحتى لو مخبي وشو بالطائية محمد كل تصرفاتو بتبين انو بحبها واسف منك وبعرف انك ما بتحب هالحكي بس هاد الواقع ووقت يصير بينو وبينها مواجهة وكلام بكون مبسوط ومتدايق مبسوط لانو معها المشكلة ومتدايق لانها لهجتها قاسية معو
عزمي: ما انعست محللنا
عامر:هههه منطفي الساعة عشرة يا ترى محمد شو عم يعمل
رفعلو اكتافو بملل
..........
ك جسد كان حاضر مع جيني بالمطعم بس ك روح هو روحو وعقلو وقلبو مع بلسم
بتياب ديقة فستان قصير لفوق الركبة ولونو مغري سكربينا عالية وهي بتشع انوثة حتى بريحة البارفان
اتأملتو بأعجاب وحطت ايدها على ايدو وحس بنعومة ايديها
محمد:اتقلي يا بنت
جيني:ياريتك تعرف مشاعري تجاهك
محمد:ما بتلفتني البنت الصريحة
جيني:بتحب البنت الغامضة
محمد: وبحب انا اسحبها معي بالتيار مو العكس
جيني:بس انت رجل انا بحلم فيه
محمد:واي شب بيحلم ب بنت يمكن ما توصل لجمالك ورقتك واناقتك
جيني:انا حلوة
محمد:حلوة
جيني:بدي نكون سوى ولحالنا
محمد:وانتي بتعرفي حدودي معك
جيني: انسى بابا وانسى انو معلمك
محمد:ما فيني لاكتر من سبب انت بدك اموت
جيني: بعيد الشر
محمد:رح يقتلني
جيني:طيب ليش ما منتزوج
محمد:وحلوة بحقك مرافق صغير يتزوج بنت معلمو
جيني:مارح تضل مرافق
محمد:جيني الموضوع كبير ومامعي تصريح اخبرك شي عنو
جيني:لولا ظروفك كنت وافقت
محمد:..
اطلع فيها من تحت لفوق
محمد:وساعتها بتمشي براحتي وع كيفي
جيني:بعمل شو ما بدك والي بكيفك بس نصير لبعض
محمد:بس انتي كتاب مفتوح صارحتيني بكلشي شو بدي اكتشف فيكي

جيني:الزواج اكتشاف
محمد:لا تجربة
جيني:انا عندي جانب بحياتي انت ما بتعرفو
محمد:والي هو
حطت راسها على كتفو
جيني:انو انا كلي ملكك
اخد نفس لانو هو بوادي وهي بوادي
بقلبو:هي بتتحكم بأبوها وابوها بتحكم فيني وانا بتحكم فيها
بعد سهرة طويلة جيني عم تصارحو وتقنعو بحالها مل وحس ب تعب
محمد:مابدنا نمشي
جيني:عندك جاذبية ماني قدرانة اتركك
محمد:انا خدران من القعدة
جيني:نرجع سوى
محمد:بتوصليني وبترجعي للبيت
جيني:انت كيف بتفكر
محمد:ليش لنفوت بطريق ما منعرف نهايتو خلص اتركيها للايام
جيني:وبكرى مداوم
محمد:وتعباااان هلا كتير
جيني:مارح تسهر
محمد:رح انام دغري
جيني:بدي بوسة
محمد:مو هون صح؟
جيني:يلا منتفق بالسيارة
حاسب وطلعو سوى منطفي لدرجة بدو ينام بالسيارة
وصلتو ودعها لطلعت من الحارة وفات ليشوف عزمي سهران وناطرو
عزمي:ما طولت
محمد:فكرتك نمت وين عامر
عزمي:نايم
محمد: وكيف الوضع عندك
عزمي:ما بنام
اخد مستلزمات النوم من الغرفة ورماهن على الكنباية
عزمي:بدك تنام
محمد:ومتعود على الشنططة راجعلك
......
لساتو مستنيه شي نص ساعة لحتى اجى مبدل تيابو وجايب معو قهوة
عزمي:مبين نعسان
محمد:والله كتير تعب مو بس نعس
عزمي:لو داومت
محمد:دخيلك لا تزكرني ..
اتمدد ليرتاح
عزمي:ومارح تاخد اجازة تانية
محمد:انتو ضلو اد ما بدكن ازا اقدرت مارح اقصر
عزمي:بس ليش خلصت سهرتك بكير
محمد:ملل حكايا كل سهرة عزمي احكيلي عنك انت
عزمي: شبني
محمد:ليش ما بدك تخطب
عزمي:لانو مابدي
محمد:حبيت شي وحدة واتزوجت يعني
عزمي:شو بهم
محمد:لانو واحد متلك وحيد لازم زمان اتجوز
عزمي:امبلا بس ظروف بابا صعبة انا كمان وقت انوي اتزوج بدها تكاليف كبيرة من غرفة نوم ودهب ومتقدم وبتعرف انت
محمد:وكيف رح تتجوز بهيك ظروف
عزمي: الا ما تزبط
محمد:بيعو ارض
عزمي:انا احكي هيك لبابا
محمد:ماعندك مانع
عزمي:لا ابدا
محمد:طيب ليش عمي ظروفو صعبة
عزمي:مابعرف
محمد:وعنجد مديون متل ما اسمعت
عزمي:من مين اسمعت
محمد:من ستي
عزمس:اي ويمكن نصفي ع الحديدة
محمد:بس كانو امور ابوك بزيادة
عزمي:ليش شو بيقهر غير انوكل عمامي احسن من بابا ماديا نحن منقضيها مديونين او ما معنا هيك بس
محمد:شوفلك مشروع ناجح
عزمي:مو بدو راس مال
محمد:بيعو ارض شو منحكي
عزمي: ومين بيرضى يشتري
محمد:اعرضو على بابا مارح يرفض
عزمي:اهلين مو ليتصالحو
محمد:مو بلسم بتشتغل خليها تصرف على البيت
عزمي:هي بالزات طلعتها من البيت حرام بترجع مديونة
محمد:اديش راتبها
عزمي:يعني بتشتري فيه بزر ولوازم السهرة مع البنات
محمد:ههههه بينحسدن لا تقول
عزمي: لا هم ولا غم
محمد: لا تضل تفكر يمكن بثواني يتغير الحال فيك
عزمي:الله كريم نام انت سكرو عيونك
محمد:لا تصحوني لاي سبب معي نقص نوم
عزمي: تصبح على خير
........
اليوم لجمعة بابا مجهز حالو ليروح على الصلاة وانا وماما عم نرتب البيت كنت شايلة هم بابا لانو متدايق على مصاري واغلب وقتو صافن وما بيتحاكى بس ماما عطول بتواسيه بتخاف يصيرلو شي بسبب التفكير عملت القهوة وارجعت ل شغلي بس سامعة حكيهن
بابا:يعني طبق لتلاتين ايمتى بدو يتحوز
ماما:لا تزودها على حالك السنة الجاي
بابا:كل سنة منحكي هيك وهو ساكت واحد تاني حكى
ماما:وليكو عامر عزابي وهو اصغر من عزمي بسنة وحدة.
بابا:بس انا بدي افرح فيه
ماما:الله كريم
بابا:وبتفكري مو شايل هم بلسم
ماما:ليش شبها
بابا؛وهي طبقت ال٢٧ ولسى ماحدا دق بابنا
ماما:الحق على ابن اخوك
بابا:لو بيتقلها بالذهب مارح اعطيه بنتي
ماما:من شو بيشكي
بابا:بدبحها بقطعها وما بقبل ازوجها الو
ماما:بس هو اتغير صاير راكز ومبين انو صاحب مسؤولية
بابا:انا ما بشوف فيه إلا ولد عاق ولسانو طويل وبلا ترباية
ماما: محمد اتغير اسال مين مابدك
بابا:شو غيرو
ماما:من وقت اشتغل صار حدا تاني
بابا:..
ماما: انت من ايمتى مو شايفو
بابا:لحتى اشوف اخي بشوف ابن اخي
ماما:يمكن يزورنا مو حلوة ما ترحب فيه
بابا:انا كل صحبتو لابني ما حبيتها
ماما:خلص ليش عم تزودها انت بتحبو
بابا:كنت وهلا يادوبني احب اولادي

........
لتنين لابسين وجاهزين ليروحو للجامع بس محمد نايم ومرتاح لدرجة
عزمي:هاد شو بدو يصحيه
عامر:يسطفل
عزمي:حرام اليوم الجمعة ولازم يصلي معنا بالجامع
بلش يصحيه بس كان بسابع نومة
عزمي:يلا دوبك تتحمم وتلبس
بصوت مبحوح:شوفي.
عزمي:اليوم الجمعة
محمد: شو اعمل
عزمي:مابدك تروح للجامع
محمد:بطلت اشحد
عزمي:لك عم تسلبها
محمد:ما اجى تعييني من الاوقاف
عامر:هههع نهفة والله
عزمي:خلصنا حرام عليك يلا قوم.
محمد:انا ما بصلي
عزمي:ليش افكح ولا اعمى ولا مشلول وهدول كلهن ما بيمنعوك من الصلاة
محمد:زمان ما صليت

عامر:خههه وبناقش وهو نايم
اتجلس استراح من النومة
محمد:انتو ما بتخلو حدا يرتاح
عزمي:ليش ما بتصلي
محمد:شبعرفني
عزمي:يلا اتحمم واللبس ونحن منستناك معنا وقت
محمد:والله طيب النوم
عامر: ومنيحة الصلاة هلا بتسمع خطبة الجمعة
محمد:بلكي سبني الشيخ
عزمي:هههه
محمد:مع انو حرام اترك هالراحة
عامر:يلا خلصنا
طاوعهن وضلو يستنوه والاحسن ينطروه تحت واجى مجهز حالو وياكل علكة كمان
عزمي:هههه ناقصك بس
محمد:مو بلا
عامر:مو تنساه معك
محمد:هههه لا مو لهدرجة بس شو العيد اليوم
عزمي: يعني هيك شي
محمد:وبيخطب بالفصحى
عزمي:اكيد
محمد:ياحبيبي هلا بهددنا
عزمي:ههه ليش
محمد: الا ما يجيب سيرة النار
عزمي:هههه وانت ضامن تفوتها
محمد:حاجز مكاني
عامر:هههه
عزمي:بتزبط امورك
فاتو سوى توافد الناس لهالمكان كان ممتع بالنسبة لمحمد
بقلبو:ليش انا ما بصلي متل باقي هالناس اديشو حلو هاليوم وانو اجهز حالي وهون الكل مرتب
تعليق

ما كانت لزيارة الاولى للجامع بس بهالمكان فيي ذكريات كتيرة كان يحفظ القرآن وقت كان صغير بيتزكر كل الأحاديث الي كان بس يحفظها بدون ما يعرف معناها

عامر:منحكي معك
محمد:بتسدءو حسيت براحة بس فتت
عزمي:لازم ما تقطع فرض
محمد:...
عامر:بيفكر الاخ
محمد:...
بقلبو:والله انا خايف اموت ومقصر كتير والشيطان متحكم فيني وغالبني كمان ولازمني صحبة منيحة مو عاطلة والله اولاد عمي كفو بس بالشغل ولا يمكن اصلي
...
اتفاجئت ب جية شيماء وامها استقبلتهن ومعي امي ترحب فيها كونها من نسوان التلة المعروفات وقعدنا بغرفة لضيوف كانت عم تتمايز كل المكان
وصال:مشالله شو هالرتابة
ماما: اهلا وسهلا
وصال:كيفكن طمنونا عنكن
ماما:الحمد الله بخير انتو كيفكن
همستلا
بلسم:ليش ما خبرتي
شيماء:مفاجأة
بلسم: زمان عنك وليه
شيماء: شو وين عزمي
بلسم: بالمدينة
شيماء:عم قول لحالي بلسم بتخفق بالطرقات
بلسم:ههه فلتنا
شيماء:ايوب حكالي
بلسم:شو حكالك
شيماء:انك بتتمشي يوميا بتعرفي اكل راسي بدو رقمك
بلسم:ههه ما بحكي مع شباب
شيماء:قلتلو هيك بس اصر
بلسم:اعطيتيه رقمي
شيماء:لااااا جايين نطلب ايدك الو
دق قلبي اي افرحت واخجلت وخلص اتخيلت الجاها والخطبة
وصال:بتعرفي انتي يا ام عزمي الوحدة بس تشوف ابنها صار قد المسؤولية ومعو شوية مصاري بتقرر تجوزو
ماما:الله يتمم على خير
وصال:وانا شايفة انو بنتك بلسم عروس وبتليق ب ابني ايوب
حتى ماما خجلت
ماما:..
وصال:هو عندو محلات ورح يبلش يعمر بيت مستقل الو
ماما:الله يوفقو وبيسرلو
وصال:يعني انطر منك مكالمة
ماما:بالاول بدنا نشاور ابوها واخوها وبصير خير
وصال:انشالله يارب ونحن ناطرين جوابكن على نار والله بلسم مافي منها
ماما:..
جهزت القهوة وضيفت وبالي عند ايوب معقول نخطب واتعرف على ناس جديدة
بعدها اعتذرن برجعة بابا وكان مستغرب ونحن ودعناهن وفتنا
بابا: شو الموضوع
ماما:خطابين ل بلسم
بابا:بس ما اعرفت لمين
ماما:لابنها ايوب
بابا:ومين بدنا نسال عنو
ماما:والله ما بعرف بس هو زميل ل محمد
بابا: ..
تركتهن وفتت مابدي اعرف جواب حدا بس مبسوطة واكيد غرقان بحبي والا ما بعت امو دخيلها على هالخلفة
.......
رجع للداوم وبعد استراحة ساعتين طلع لبرى ناطر ضياء بيك يخلص دوامو التقى ب انس الي كان مبين عليه انو مبسوط وفرحان لدرجة
محمد:غريب زمان ما شفنا هالسن اللولو
انس:باركلي.
محمد:ما انت خاطب
انس:ايي رح اتجوز
محمد:ليش نوى يتجوز ايوب
انس:اليوم شايفينلو عروس وناطرين الرد
محمد: وبنت مين
انس:معقول ما اعرفت
محمد:لا والله يعني بعرفها
انس:كانو بنت عمك
محمد:مين عمي
حكى وقلبو اعلن النفير
انس:بنت ابو عزمي هيك اسمعت
انصدم اي ما اتوقع ومتل ما هو وبدون اذن معلمو رجع بتكسي مو شايف الطريق ابدا مو عرقان شو يعمل ليوقف هالخطبة
وصل وبسرعة فتح وفات عامر وعزمي لساهن بمكانهن واستغربو رجعتو
عزمي:لك شوفي
عامر:صاير شي
محمد:حكيت مع حدا
عزمي: اهلي
محمد:اي
عزمي:لا بس بابا باعتلي لا تطول
محمد:يعني ما ادريت
عزمي:لا وقعت قلبي حدا صرلو شي
محمد:خلص انا بحل الموضوع
عزمي:موضوع شو
اتصل ب ايوب وبعد محاولات بعتلو
محمد:رد ازا بوصلك ما بتضل بخير
عامر:لك على مين بتتصل احكي
اتصال ايوب خلاه يتوتر اكتر رد وطلع ليحكي برى وعامر وعزمي ما قدرو يستنو لحقوه ليفهمو
محمد:شو كاين صوب حارتنا
ايوب:شو عرفك
محمد:ولك لا تحفر قبرك بايدك يا ولد مبارح اخلقت
ايوب:ما عم افهم عليك
محمد:بتطلع من هالحكاية احسن ما اطلع بروحك انا راجع للتلة ويا أنا يا انت
ايوب:طيب طيب
محمد:ليك بتعرفني وقت احكي بنفذ الحكي بتلغي الموضوع مو تبعت امك تجيب عشيرتك يا ايوب

ايوب:طيب انا ما بعرف انو حاكي فيها
محمد:هي الي ومستحيل تكون لغيري
انصدم عزمي حس انو الشي بخص بلسم
محمد:بتسحب الطلب قبل اسحب روحك
ايوب:اسف والله ما كنت بعرف انت لا تعصب وخلص بكرى
فصل الخط وعزمي حط ايدو على كتفو ولفو لعندو
عزمي:مين الك ما افهمت
محمد:ايوب طلب بلسم
عزمي: وبأي حق انت بتوقف الخطبة
محمد: ليش انت موافق
عزمي:ليش لحتى ارفض
محمد:..
عزمي:وانت كيف بتقرر مصير اختي
محمد: .
عزمي:كيف بتحكيلو الك لا لا هي مو الك ولا رح تكون الك
محمد:ليش
عزمي: انا ما اسمعت بزواج اجباري وغضب عن اهلها كمان
محمد:بس انا
عزمي:لا تقول بحبها لا تقول
محمد:..
عزمي:والي حط هالروح لتندم يا محمد
عامر:طول بالك
تركهم عزمي وطلع بس محمد نفسو صعب ومتوتر بزيادة ما اتوقع ردة الفعل
لينزل عزمي ومعو اغراضو
عامر:لوين رايح
عزمي:انا نازل للتلة اتهنى بابن عمك المجنون
عامر:لك عزمي
عزمي:...
تركهن وكمل طريقو ومحمد لساتو مصدوم اجاه اتصال من الفرع غمض ب قهر بس مافيه ما يرد

ضياء:انت وينك وكيف بتطلع من الفرع بدون علمي
محمد:هلا راجع
صياء:خلال ربع ساعة بدك تكون مزروع بالفرع
محمد:حاضر معلم
عامر:روق كلشي بينحل
محمد:ليش راح الدنيا ليل
عامر:مابعرف
محمد:انا لازم ارجع ل الداوم ازا حكيت مع عزمي خبرني
عامر: ماشي هلا بيروق
........
لساتو بالشارع مافي سير او مابدو يسافر بهيك وقت ومامعو مصاري تكفيه
عزمي:لازم ما عصبت عليه...بس كمان ما لازم يحجزها هي صارت الو وقدام كل العالم هي مو طريقة وما بتنحل الشغلة هيك
اتصل فيه عامر
عامر:وينك انت
عزمي:لساتني بالشارع
عامر:محمد رجع للشغل تعال
عزمي:انت افهمت شي
عامر:الي افهمتو خلص الامور منتهيية
عزمي...
رجع عزمي يأسان وكل الدنيا مسكرة بوشو ومو مسدء يطلع الضو ليرجع للتلة وماحدا بيعرف شو عمل محمد بثواني
........
بعد مشاورات والكل مدح فيه اجى عزمي تاني يوم وصل مو طبيعي معصب وانا خفت يكون بيعرف انو معجب فيني وانا معجبة فيه
ماما: الحمد الله ع سلامتك ليش ماخبرتنا
بابا:ما خبرتنا انك جاي
عزمي:شو الاخبار هون
ماما:اي بلسم اجاها خطابين
عزمي:ووافقتو
بابا:والله الكل بيمدح بالجماعة وانت شو رأيك
عزمي:هههه رأيي انا شو بأثر
ماما:انت اخوها وبتمون
عزمي:اي لكن ما بتعرفو شو صاير
بابا:شو صاير
بجية امو لايوب ومبين خجلانة كتير تركونا معها وطلعو
وصال:انا والله ما كنت بعرف انو محكي فيها
ماما: عن بلسم
وصال:اي واسفين والله لو منعرف انها محجوزة لابن عمها ما اتقدمنالها من الاساس
انصدمت وماما مو اقل مني وكانو مابقى عرفت ترد عليها اعتذرت حتى عن القهوة وراحت واجى عزمي
عزمي:افهمتو
ماما:ليش شو دخل محمد
عزمي:باتصال واحد سكر ع الموضوع
بابا:يعني محمد حكى معو
عزمي:واتخيل نحن نحكي لايوب لا موافقين تعال
ماما:وهو بأي حق بيحجزها هيك بدون ما يشاورنا حتى
عزمي:شايفنا بلا قيمة وعم يتحكم فينا
بابا:صار لازمو ترباية
عزمي:لا بابا لا تغلط غلطتي انا مبارح عصبت عليه واندمت لانو بالنهاية رح نتصل فيه ونحكيلو تعال اخدها
بابا:شو عم تخبص انت
عزمي:الي عملو انو هلا الخبر بكل التلة ايوب طلبها وابن عمها حاجزها يعني بلسم يا لمحمد يا للقبر مافي حل تاني
ماما: عنجد شي مو معقول
بابا:والحل
عزمي:تستنو حضرت جنابو يتقدملها وازا صار ونام ع الموضوع نحن رح نتقدملو ونترجاه كمان
طلع من البيت عزمي معصب وماما كمان ما بتتفسر وبابا بقلة حيلة فات لغرفتو
بس انا لساتني مو مستوعبة كيف محمد بينهي الموضوع باتصال وايوب كيف طاوعو ومن شو خايف معقول هددو وكيف بيتصرف هيك
.......
وصل الخبر لكل العيلة لهيك اتحولت السهرة لبيت ابو عزمي عمتها وصفية حاضرة ومو مستوعبة كيف انحجزت بثواني
ابو عامر:طول بالك اخي.
ابو عزمي:ولد فيه يوقف جوازة بنتي
وصفية:مو حيلا ولد لساتو سرسري
عزمي:هلا انتي عم تزوديها ولا تهونيها
ام عزمي:يعني بجوز هالحكي مرت عمي
نوارة:خلص رايدها جوزوهن ومنخلص من هالقصة وشو بدها احسن من هيك
وصفية:امبلا هي ازا وافق ابو مهران واجى يمكن تبعتوها للمدينة
بابا:غيرر بجاها ما بقبل لو بتضل كل عمرها عندي
ام عامر: بس البنت حرام يتوقف نصيبها
نوارة:انا بحكي مع ابو مهران
ام عزمي:ليش لتحكي معو
ابو عزمي: ممنوع حدا يحكي معهن هاد بيتنا وهني بيعرفوه
ام عامر:طولو بالكن والله محمد متغير
ابو عزمي:مارح يتغير ابو مهران بصغرو
نوارة: خلص لا تزودوها انتو
عزمي:...
بقلبو عزمي:بهدلتنا وكانو ما النا قيمة ابدا وبنتنا رخيصة صارت وانت السبب.
..
بالمطبخ كنت عم احاول استوعب وبيلسان تتأملنا
بيلسان: خطيبك محمد صار
سيدرا:لا بس بدو يخطبها
بلسم:منيحة هالشغلة
سيدرا:انا اول مرة بسمع انو بتنحجز البنت لابن عمها غصب عنها
بلسم: وانا مصدومة من الموقف الي حطنا فيه
سيدرا:طايش
بلسم:في اصول كان اتقدم متل باقي الناس
سيدرا:مابتعرفي شو ظروفو
بلسم:انا راسي رح يتفجر كيف فيني اعيش معو وانا ما بطيقو
سيدرا: خلص ولوو لا تزوديها
بيلسان:لا توافقي ارفضي
سيدرا:انتي اسكتي
بلسم:مو معقول كيف خرب كلشي
سيدرا:كنتو رح توافقو
بلسم: اي
سيدرا:ليش ما حكيتو مع الجماعة
بلسم:اجت المخلوقة تتأسف مننا شو بدك نحكيلها امانة لا تردو على محمد وتعالو كملو معروفكن
سيدرا:يلا لا تزوديها وعيشي اللحظة واتخيلي حالك عم تقدمي ل محمد القهوة وهو خطيبك
غمضت بيأس وكلو كوم وعمتي وصفية كوم تاني كانت رح تتفجر من الي صار
........
اول اجازة بعد ما اتوقفت خطبة بلسم كان عم يرتب الطلب من اهلو اتحمم ونزل والا يبوس ايد ابوه وايد امو كمان والكل مصدوم منو
هي اول التنازلات
مهران:ترى انا اخوك لكبير كمل معروفك
طنشو محمد وقعد
حنان: صاير حنون
ابو مهران:طولت هالمرة

محمد:المهم ارتاح
سلام:كم يوم
محمد:اسبوعين
ام مهران: شو رأيكن نعمل اجازة بالمنتجع
حنان:كمان فكرة
محمد:انتي ديري بالك على حالك
حنان:لو حامل بس حركتي خفيفة
مهران:انشالله بنت
سلام:وشو يعني بنت
مهران:مو ناقصنا اصلا لو بيصرحو بقتل البنات لارجع العادة القديمة
ابو مهران:اي بلا حكي فاضي
ام مهران:وناوي تروح معنا
محمد:الصراحة انا بدي استغل الاجازة واخطب فيها
ام مهران:اشوفلك عروس
حنان:شو عم تغشمي حالك
ام مهران:لا اكيد شالها من راسو
سلام:صحيح
محمد:لا ما شلتها
ام مهران:وبدك مني اروح لبيت اهلها
ابو مهران:عم بمزح
محمد:مو انتو بدكن تجوزوني
ابو مهران:بس مو بلسم
محمد:شو بتفرق
ابو مهران:فكر بوحدة تانية لو بنت ابوعامر فيها ومافيها
محمد:يعني في تار بيناتكن
ام مهران:بكرههن من زمان وبالاخير شو ابني يحب ويعشق بنتها وكمان تصير كنتي
محمد:بس اطلبوها وانا بتكفل بالجوازة
ابو مهران:ليش كنت ناطر مننا مساعدة
محمد:لا والله
ام مهران:انا ما بقبل
ابو مهران:ازا ما وافقتي ما رح يصير شي
محمد:شو يعني اترجاكن ابوس رجليكن
ابومهران:مو انت منسق معهن روح اطلبها حمل وامشي
محمد:بس هي مو من عاداتنا والاصول
ام مهران:الاصول تسمع كلمة امك وما تكسرها
محمد:انتي وكلامك على راسي بس انا حاببها وما بتخيل اتجوز حيلا بنت
حنان:ع شو دخلك ازا ع الجمال اي هي حلوة بس بلا فهم
سلام:نحن حابين نفرح فيه وهو حاببها يعني ليش معترضين
ام مهران:انا اعتراضي على بنت مين
ابو مهران: وأنا من سنين ما فتت للتلة بدك افوتها مشان الافندي
محمد:انا ابنك
مهران:هاااا بصير ابوك وقت الي بدك وقت الي بدك بتعلي صوتك عليه وبتسبو كمان
محمد:انت خليك على جنب ولا تدخل
ابو مهران:اخوك لكبير
محمد:يعني والحل
ابو مهران:مو مستعجلين الاجازة الجاي
انقبض قلبو هو حس بغلطو بس كمان ما ندم
محمد:كمان شهرين والله كتير
حنان:مقنعيتك
محمد:لك يا عمي لا تدخلو انتو انا بحاكي بابا وماما
ام مهران:صرت امو
محمد:ليش ما كنتي امي
ام مهران:والله من وقت سلبتك بنت الي ما بتتسمى بطلت امك
محمد:انا مستعد لاي شي بس وافقو
غمزو مهران وابتسم ب مكر
ابو مهران:اقنع امك والي بدها اياه بصير
اطلع بامو برجاء بس ابدا ما عجبها كل الموضوع
ام مهران:انا عندي مشوار بفكر بالموضوع طلعت ل غرفتها بس محمد ما استنى لحقها والكل شايفو كيف خاضع مو متل قبل وكانو بدو يقدم تنازلات كتيرة بالغرفة كانت عم تتزين
محمد:وافقي
ام مهران:انت بتعرف ما بطيق امها
محمد:شو بدنا بامها انا الي فيها وبس
ام مهران:وبدك اشوفك بيناتهن وتصير من العيلة عادي وتاكل من اكلها وتكون بضيافتها وجوز بنتها كمان
محمد:وانتي كمان رح تصير كنتك
ام مهران:انا هالجماعة ما بتصورهن مو من هلا من زمان وبدك تذلني وتفوتني لبيتهن
محمد:وافقي وعادي لا تفوتي بس مشان بابا
ام مهران:غير كلمتي مارح تمشي
محمد:يعني اترجاكي اكتر
ام مهران:شيلها من راسك وانا بدي اجوزك احسن منها
محمد:هي بالاحسن انا ما بشوف غيرها بعيوني
ام مهرام:انسى واتركني واطلع لبرى
محمد:...
رجع ل غرفتو يأسان مع انو كان بدو يتواصل مع عزمي كان يتامل الرقم واتشجع واتصل
عزمي:كيف خطرت عبالك
محمد: اسمعت انك زعلان
عزمي:لا الله لا يجيب زعل
محمد:طمني عنك
عزمي:بخير ما بدك تزورنا
محمد:بخلص كم شغلة
عزمي:باجازة مو
محمد:اي اليوم اول يوم
عزمي:طيب حاول تيجي الجو حلو وعم نعمل سيرانات
محمد:انشالله
نزل ل تحت يتمشى بدو يحاول يقنع امو باي طريقة لحقو مهران ولاول مرة بحط ايدو على كتفو
مهران:طمن بالك امورك محلولة
محمد:قلعتني من الغرفه
مهران:انت بتعرف انو كلمتي عندها ما بتصير تنتين
محمد: والمقابل
مهران:هههه اديشك زكي يا ولد
محمد: ما بحب اللف والدوران
مهران:انت شو عندك
محمد:شو مابدك خود
مهران:لهدرجة
محمد:بدي انهي الموضوع باسرع وقت
مهران: سيارتك حلوة
محمد:خدها ع حسابك
مهران:لا بس بدي تحول ملكيتها من اسمك لاسمي وعادي استعملها
محمد:المفتاح معك اعمل شو بدك ولوراق بالسيارة
مهران:خلص اعتبر انو بكرى نازلين للتلة
محمد:الله وايدك يا زلمة
مهران:خلص عندي
.......
طبعا مهران اجتمع بأمو
مهران:بدك توافقي
ام مهران:ما بحبهن كيف بدي اجوز ابني لبنتها
مهران:ولا صارت كنتك رح تستغني حتى عن خدمات روز
ام مهران:...
مهران:اي ورح تصير مديرة للخدم هون
ام مهران:هيك برأيك انت
مهران:وأصيل بدوامو شهرين كاملات وهالاسبوعين منشيلها على كفوف الراحة ومندللها واتخيلي انتي بنت ام عزمي تمسحلك كندرتك وترتبلك غرفتك وتنظف الحمام
ابتسمت ب اعجاب للفكرة
ام مهران:وخوفي ما يصير
مهران:رح يصير وقدام اصيل رح نظهرلها الحب والود
ام مهران:بس هي ساحريتو
مهران:ليش لانها بعيدة عنو وبعد عشرة اسبوع او اسبوعين رح تصير روتينية ويصير بحاجتها بس للشغلات الي بتهمو
ام مهران:يعني اوافق
مهران:هو بدو اياها ونحن رح نتقدملها وساعتها ماحدا اخو حدا
ام مهران:خلص وافقت بس بالاول رح ابين اني رفضت
مهران:خلص مندبرها ولايهمك يا ست الكل

.......
ب غرفتو ناطر رد من مهران اندق الباب وانتبهلو
محمد:اتفضل
كانت روز
روز:العشى جاهز
محمد:...
نفخ ب ملل
بقلبو:فكرت مهران انا لا بدي عشى ولا سم حتى
نزل ب ملل ل تحت لساتو حاطت ايديه بجياب الجاكيت واتامل السفرة وهو واقف
ابو مهران:مشانك هالعشى
محمد:ما الي نفس
مهران:الاخبار حلوة هلا بتفتح نفسك
اكدلو بغمزة
قعد وحط بصحنو شوية اكل
محمد:شو الاخبار
مهران:ماما شو اتفقنا
ام مهران:ايمتى يعني
مهران:بكرى
ام مهران:ومعك انت تكاليف الخطبة
محمد:بدبرها لا تخافي
ام مهران:ورح تسكنو هون
محمد:اقل شي رح نخطب سنة وبعدها بقرر بكون زبطت شوي من وضعي
ابو مهران:وافقتي
ام مهران:كرمال مهران وبس
مهران:يعني بكرى عنا فرح
سلام:يعني رح نروح كلنا
حنان:انا بكره التلة والي فيها
مهران:ونيفين بتكرها بس لازم نكون كلنا
ام مهران:لكن ما معنا وقت جهزو حالكن
مهران:عطول جاهزين
ابو مهران:بس لا تخبر حدا انا بدي اعملها مفاجئة لامي
طبعا ما عجبها الحكي لأم مهران وهي مبعديتو عن كل اهلو
هلا ارتاح بس ما انفتحت نفسو ع الاكل بالعكس حس بالمسؤولية ولو انو صحبة مع مجد كان طلب منو مبلغ وبيرجعلو اياه بس هلا مافي غير مهران يطلب منو
ليلة ما كانت عادية فرحان لدرجة ومو مستوعب شو عم يصير وكيف فيه يطلبها وبموافقة اهلو واخيرا رح تصير ملكو
.........
مابقى حدا جاب سيرة الخطبة كنا نتمشى انا وسيدرا قدام البيت على الشارع وقت وصلن سيارتين لبيت ستي سيارة محمد بعرفها وهي سيارة تانية معقول الي عم نشوفو
سيدرا:معقول
بلسم:كانو عمي جاي
وهلا اتاكدنا وقت نزلو تلت صبايا وعمي ومرت عمي ومهران ومحمد
اتوترت وخفت يكون سبب لزيارة رسمية
سيدرا:ليش انخطف لونك
بلسم:متوقعة لزيارة
سيدرا:لا بس يمكن مشانك
بلسم:والله خايفة كتير
سيدرا:هههه لكن سهرتنا عندكن بلكي انخطبتي الليلة
بلسم:لا تتمسخري والله مو متحملة
سيدرا:انا رايحة اخبر اهلي باي
بلسم:لك ليش تركتيني لحالي
فتت للبيت وماارح اخبر حدا ع اساس ما شفت ولا حتى اسمعت

........

كان اللقاء مليان شوق لهيك بكيت نوارة بحسرة وشوق على ابنها الي صرلو سنين مقاطعهن وام مهران تمثل الحب ولا كأنها هي ورا كل الكره غمرت حماتها وباست أيدها وجوى سعدية متفائلة واهتمت كتير بالكل وهي وسلام صحبة وهي استلمت الشغل تقديم وتضييف ولعيون عليها لانها حلوة كتير
وصفية:زمان عنك يا اخي والله قلت نسينا
ابو مهران:بالمدينة مافي مجال تتزكري حدا حتى اوقات بتنسي حالك مين
نوارة: وانا انسيتني
ابو مهران: انتي ست الكل وتاج راسي بس والله ظروف
نوارة:ظروف شو وهي محمد بيزورنا وسلام
ام مهران:هو حدا متعلق متلو
حنان:بس متطورة الضيعة في ابنية جديدة
وصفية:شو عمتي مبسوطة مع جوزك صحيح وينو
مهران:ما منجيب معنا رجال غريبة
وصفية:يعني ما اتحررتو
مهران:شو بدو يحررنا
وصفية:انشالله خير زيارتكم
ابومهران: اشتقتلكن
وصفية:وناوي تزور اخواتي ولا
ام مهران :المفروض هني يسلمو عليك ويجو لهون
ابو مهران:اخي ابو عزمي لكبير وانا بروح لعندو براسي
نوارة:الله يحميلي اياكم ويحننكن على بعض
ابو مهران: واخبار بدرية
وصفية:اوعك اخي لا تجيب سيرتها احسن ما تيجي.
كان محمد على كتر مو مبسوط قلبو يدق وكيف مافيه يكون مبسوط وهو شاف بلسم واتاملها
مهران:شو ناطر بابا تستنو لبكرى يعني
ابو مهران:لا بعد المغرب انشالله
وصفية:شوفي
مهران:عقبال عند شبابك جايين نخطب ل أصيل
انصدمت ومبين عليها
وصفية: والله يعني واخيرا
ابو مهران:مدامو رايدها منتقدملها
نوارة:الله يتمم على خير متل بلسم مافي رتابة واناقة وأدب

كان مزبط حالو وشايل هم لزيارة كتير
بقلبو:يا الله اديش كنت مستبعد هاليوم ويمكن فكرت كل معجزات العالم ما رح تحقق احلامي واتأمل عيلتو واتنفس براحة
محمد: وهيك رح يتحقق مرادي وبكون ما وقفت نصيبها وما احلاها تتجوز غيري بس ناطر اشوف ردة الفعل
بعد المغرب الكل جاهزين وحتى ستو وعمتو وسعدية ليروحو لبيت ابو عزمي تمشاية وعلى دفعات صوت ضجة وحكي وضحك وهلا صارو عند المدخل فتح عزمي باب المضافة وكانت امو وابوه وحتى بيت عمو ابو عامر طالعين يستقبلو وكان اللقاء مليان عتب سلمو على بعض ابو مهران وأبو عزمي ويمكن الدم اتحرك
ابو عزمي: اهلا وسهلا
ابو مهران:كيفك اخي طمني عنك ليش هيك متغير
ابو عزمي: مشاغل ومتاعب كتيرة اتفضلو اهلا وسهلا
فاتو بعد ما سلمو على الكل واتوزعو كان مد عربي وترتيب محمد اجى بالنص جنب مهران وناطر تطل عليه ملكة قلبو وصار متل مابدو جاها وحسب الأصول
.......
كنت واقفة بالمطبخ ومعي سيدرا بلا ارادي ايديي يرجفو وبردانة كتير
سيدرا:ليش متوترة
بلسم: شفتي العيلة كلها جاية

سيدرا:والله وعملها محمد
بلسم:انا سيدرا ماني مستوعبة معقول
سيدرا:معقول ونص رح تصيري عروس يمكن بكرى
بلسم:لا لا في شي مو طبيعي كيف هيك صار ونحن ليش موافقين
سيدرا:معقول ترفضي
بلسم: مابدي اتجوز بنوب
سيدرا:هو الموقف صعب بس بتنحسدي عليه لك عمي ابو مهران من سنين ما فات الضيعة يفوتها كرمالك اي وين صارت هي
اجت ماما حسيتها مبسوطة لدرجة
ماما:جهزي القهوة
بلسم:كمان قهوة
ماما: اي لا تتاخري وهي سيدرا معك
بلسم: شو الموضوع
سيدرا:مو مستوعبة انها عروس
ماما:عقبالك يارب ناطريتكن يلا
ساعدتني سيدرا كنت رافضة بقلبي وعقلي وحسيت انو مجبورة او محمد حطنا تحت الأمر الواقع ورح ارفض واقنع اهلي
عند الباب اتدافشنا وبالاول انا فتت ما اقدرت ارفع عيوني المضافة مليانة وانا باخر مراحل التوتر
.........
ارتاحت نفسيتو بس فاتت وهلا عم تقدم القهوة ومو مسدء توصل لعندو يتأملها ناسي العالم كلو ومركز بس معها وبس صارت عندو الا يلفت نظرها مد ايدو واتردد لياخد الفنجان بس هي دغري اطلعت فيه وخلص استسلم الزلمة اخد الفنجان وكملت وقعدت جنب امها وسيدرا كمان
ابو مهران: مدام عاروستنا اجت نحن جايين نطلب ايد بنتنا بلسم لابني محمد الأصيل
ابو عزمي:بتشرفنا انت وطلبك
ابو عامر:ومدام موافقين خلونا نقرا الفاتحة على نية التوفيق
كانت بلسم تتأمل الكل ومبين انها مصدومة
بس هو لساتو تحت تأثير سحرها على عطرها وطلتها وحضورها الي غطى على الكل
........
عزمي مرتاح نفسياً وندمان انو عصب على محمد بهداك اليوم وليكو عمللها قيمة وهو مفتخر انو سبب زيارة بيت عمو بلسم كان يترجم نظرات عمتو حسد وغيرة وحتى يمكن ام عامر حس انها شبه غيرانة لانو الي صار لبلسم ما صار كل شوي يبتسم ل عامر الي عم يتأمل سلام كل ما صحلو وخجلان منها ومن نظراتها
الحديث يجر حديث ذكريات على عتاب خليط اتاريهن قلوبهن مليانة اتفقوا وطلعو لبرى لتلات
عزمي:كيف الوضع عندك
محمد:عقبالك
عامر:شو تصالحتو
محمد:بلحظة طيش
عزمي:جحشنا قصدك
محمد:بس كان يوم بشع وكلو بهادل
عامر:هههه يلا الله يتمم على خير
محمد:عقبالك شد.حيلك
عامر:الله كريم
عزمي:وين رح تنامو
محمد:عند ستي
عزمي:بس عمتي مبسوطة
محمد: انووو مبسوطة الله يسترنا
عامر:وحتى سعدية متدايقة
عزمي:هههه ع اساس خليفة المسلمين راح عليها
محمد:مو معبي عينك
عزمي:لا 😂
محمد:بسيطة فيك
عامر:بس ما اتفقو على شي
عزمي:ليجيب شيخ
محمد:اجازتي اسبوعين بخلص امور الخطبة
عامر:الله يرحم مبارح كنت تيجي هيك عزابي
عزمي:صارلو عنا حصة.
محمد:بس انا حسيت بلسم مو على بعضها
عزمي:بتتعود يمكن ما اتوقعت
عامر: وناوي تعمل خطبة
محمد:كتاب شيخ
عزمي:وبلكي عنا شروط نحن
محمد:بتتنفذ ولوو
عامر:ايه بعد منسمع
.....
فتنا للغرفة نحن البنات حاولت اتناسى شو صار بس لساتني خايفة
سلام: مبروك
سيدرا:بس ما خبرتو
حنان:هيك بابا بدو
بيلسان:يعني هيك خطبة
سلام:لا لسى رح نعمل حفلة مشان بلسم تعزم رفقاتها
حنان:احكيلك كلمة
سعدية:خلص ما بقى تتحاكى صارت عروس
سلام:لا يمكن خجلانة
حنان: انا شايفة انها مصدومة او رافضة
سعدية:لانو مو طريقة يحجزها فيها
سلام:كيف ما افهمت
سعدية:انطلبت لشب من التلة ومحمد وقف كل الموضوع
حنان:ما حكى هيك
سلام:وكنتو رح توافقو
سيدرا:اي ما فكرت دغري انتهت بارضها
بيلسان:نيالك
ضحكن كلهن عليها
حنان:بدك تتجوزي
بيلسان:لا بس انو العاريس محمد
سلام: معجبة فيه
بيلسان:اي شخصية وحلو
حنان:ههه هلا بتغار بلسم هاد صار خطيبها
سلام:اي مبين الغيرة
حنان:احكيلك كلمة
سلام:خليها ساكتة بكرى لا علقت معنا نحن بنات عمها ونيفين سلفتها لتحكي غصب عنها
سعدية:ليش ما اجت معنا
حنان: مابدها تفارق مهران
سلام: بلسم احكيلك كلمة
بلسم:شو احكي
حنان:اي سمعينا صوتك بتتزكري وقت كنت تضربي سلام
سلام:هلا انا رح اضربك
اخدت نفس وبدي يخلص الاجتماع مليت كتير
ع الساعا ١٢ بلشو يجهزو حالهن اوقفت عند الباب اشوف كيف عم يتودعو بابا يعزم عليهن ينامو عنا وحتى عمي ابو عامر بس هني راحو وعم الهدوء اطلعت فيهن
بابا:مبروك يا بنتي
بلسم:...
ماما:وهي رجعت المي لمجاريها
عزمي:احكي ليش ساكتة
بلسم:انتو وافقتو
بابا:وكيف فيني ارفض
ماما: يومين ورح تصير خطبة رسمية
بابا:يلا ع النوم
جريت حالي جر ما نمت ضليت متجلسة اتزكر زيارتو الاجازة الماضية وزيارتو اليوم كان مرتب حالو كتير خلص صار خطيبك متل مابدو وانا وقراري متل بعضو بس بالنهاية انا الي رح اعيش معو مو اهلي ويمكن اعاني لانو زواج اقارب والكل اتأذى منو
.....
كان بسابع نومة وحنان تضحك عليه
حنان:كيف نايم
سلام:شبو
حنان:لك نومة الارض ما بتريح
سلام:متعود هاد مكانو تحت الشباك

حنان: اي انا ما ارتحت لك كنباية مافي كلو مد عربي شو هاد
سلام:هيك احلى واريح
حنان:بس بلسم صايرة شقفة
سلام:من شي قليل مفتون فيها
حنان:اي لاحظت
سلام:رح تطلع بتجنن وبكرى بتشوفي
حنان: وأصيل حلو وشخصية
سلام:اي معك حق مابدك تنامي
حنان:اخرتي انام ع الأرض
سلام:ولو بديع هون كانت كملت معنا
حنان:زمان ما شفتو بس يمكن عزمي قاشش حلاوة الشباب كلها
.سلام:وعامر حلو وشخصية
حنان:احلى من كمال
سلام:بكتير اصلا عقلي مو زابط على عقلو انا بحب الشب البسيط مو العملي والتقليدي
حمان:ليكون حابيتو ل عامر
سلام:لا يوه شو هالحكي اصلا ما بيجوز
حنان:فكرت نامي يلا حاجتنا لعي
سلام:...
تعليق

بقلبها: اديشو عفوي وعندو كريزما خاصة فيه مو متل عزمي ولا أصيل هدول مبينين كلو عندهم جد
منيح ما بزعجني كمال خليني بلي انا فيه
.......
تاني يوم كان حافل والا عمي ابو عامر يعزم الكل بمناسبة رجعة عمي ابو مهران اتفقو عمامي وبابا يطلعو جولة على الارض وانا لساتني بعالم تاني بدي احاول اتقبل الموضوع الكل ملاحظ انو مابدي اتصلت فيني سيدرا
سيدرا:كيفوو الحلو
بلسم:تمام وانتي
سيدرا:غير شكل صبحنا نشتغل ونرتب
بلسم:ليش شوفي
سيدرا: بابا عزم اهلو وبدك تيجي تساعديني
بلسم: ومين رح يطبخ
سيدرا: اكيد امك
بلسم:عطول شغلتها تطبخ بالعزايم
سيدرا:بلسم صارحيني ليش مانك على بعضك
بلسم:مابعرف يعني بحس انو مو وعيانة او مو مستوعبة هيك بس
سيدرا:ع اساس يتجهزو كلهن ع الظهر انتي جهزي حالك مشان نطلع نتمشى مع الصبايا
بلسم: ماشي
لساتني بالبيجامة فاتت ماما مبين مشغولة
بلسم:وين
ماما:مرت عمك اتصلت فيني بدها اساعدها بالطبخ
بلسم:بلا مستاهلة
ماما:ام عامر مافي منها وانتي رتبي حالك مو كلو كرمالك
بلسم:بس لسى بكير
ماما: اي افردي خلقتك عيب
ما عجبني كل كلامها وفتحت شوي من الشباك وشفتها رايحة ومعها عزمي وهي ضليت لحالي بالبيت
بلشت بالترتيب وهيك رح اخلص من شغل البيت على بكير
.....
وقت شافت عزمي حست بكمية فرح مو طبيعية بالاخص انو متخيليتو عريس المستقبل وبتتعامل مع مرت عمها على انها حماتها المستقبلية
سيدرا:اهلين مرت عمي
عزمي: مبكرة غريب
سيدرا:عنا عزيمة
عزمي:وين اخوكي لكديش
سيدرا:يا الله منك عامر تعال بيحكي عليك
فاتت ام عزمي وعامر طلع ركض وبدو يخانق فيه
عامر: مين لكديش
عزمي:ههه مو انت بعدين وين رايح
عامر:عندي مهمة اليوم
عزمي:اجيت اساعدك
عامر:العرس للناس والعجق علينا
عزمي:يلا بفرحك منعزم عنا
عامر:اااخ بس
عزمي:مطولة عندك انتي
انتبهت انها شاردة فيه
سيدرا:لا فايتة اساعدهن
عامر:يلا مشينا
ودعتو بنظرات اعجاب وراحو
وهي مهمتها ترتب حالها لانو امها وام عزمي عم يجهزن للوليمة
ام عامر:بس شفتيلي ام مهران
ام عزمي:شفت
ام عامر:اديشها لابسة دهب
ام عزمي:عليم الله ما بينعدو
ام عامر:شايفة ولا كنتهاوشفتي اديشها حلوة واكابر
ام عزمي:وراكزة مبين مثقفة
ام عامر؛وحتى ابو مهران متغير
ام عزمي: العز مبين عليهن
ام عامر:ومهران مشالله ابنو بطولو
ام عزمي:الله يحميلو اياه
ام عامر:بس بدك الصراحة رح ترتاح بلسم كتييير
ام عزمي:بس انا مابدي بنتي تبعد عني
ام عامر:خليها تروح تشوف الدنيا وتصير متل باقي هالبنات
ام عزمي: منيح فترة الخطبة طويلة
ام عامر:الله يتمم على خير
ام عزمي:عقبال عند سيدرا
ام عامر:الله يسمع منك
سيدرا:ليكون قاعدة على قلبك
ام عامر:هههه لا يا روحي بقلبي انتي
سيدرا:وين بنتك
ام عامر:راحت لعند ستها
سيدرا:هههه زعلانة لانو محمد خطب وحاسدة بلسم
ام عزمي:ههههه يعليها شو قوية
سيدرا؛انا اتفقت مع الصبايا بدي اطلع اتمشى
ام عزمي:بس نعتازكن مناديلكن
سيدرا:الله لا يعيزك النا
ام عزمي:هههه يبعتلك الهنا

..........
كانت سلام وحنان جاهزات ولساتو نايم اصيل
سلام:هاد مطول
حنان:كان صاحي الفجر حسيت على صوت موبايلو
سلام:مجدد نومة يعني
حنان: لهيك خلينا نطلع متحمسة للمشوار
سلام:وانا كمان
ببالها عامر وشقاوتو
طلعن وكان رسلان ابن مهران وبيلسان عم يلاعبو القطة
سلام:انتي هون
بيلسان:اي وين رايحات
سلام:لعند اختك
بيلسان:اي روحن بالاول على بلسم لانو بنص عقل
حنان:ههههه وهو هيك
بيلسان:انا رايحة اخبر سيدرا
سلام؛ناطرينها ها
بدقات قوية يضربن على باب بيت عمهن لتطل عليهن بلسم ولساها ببجامة البيت
حنان:شمستك عالية
سلام:ليش ما جهزتي حالك
بلسم:فوتن
شاورن بعض ولحقنها لجوى
حنان:شو هلا خلصتي شغل
بلسم:اي وانتن
حنان: نحن هربنا وخلينا الشغل ل نيفين
بلسم:كيف شفتي الضيعة
حنان:بدك الصراحة انكسر الروتين وانا اسأل حالي ليش بيترددو للتلة اتاريها أجواء وسهرات وغير شكل
بلسم:بجهز حالي وراجعتلكن
......
اخترت بدون نفس تياب لانو الي بيشوف لبسهن ما بيرضى بهيك تياب بجية سيدرا وبيلسان عملت القهوة ورحت لعندهن
سيدرا:بدنا نشربها برى
بلسم:متل ما بدكن
قعدنا كنت مسايرة مو اكتر
سلام:لعمى ولا كأنو الها حصة عنا
سيدرا:ههه انو حصة قولي قطعة
حنان:اي اسألينا عن أصيل
بلسم:غشيمة عنو
سلام:لا بس شو عامل وينو
بلسم: يا نايم يا صاحي
حنان:لا نايم وكان يهودس فيكي
فرطن ضحك
سيدرا:حبيبتي بلسم
حنان: ابصر شو كان يحلم
سلام:هههه وهي بهيك خلقة ولا يمكن يحلم فيها
بلسم:ليش شبني
حنان:افرديها والله مبين انك مو على بعضك
بلسم:ورح تضلو هون
حنان:لا راجعين اكيد بس منخليلك اصيل اشبعي منو
اتدايقت شعور بيخنقني بس اتزكرو

سيدرا:هو بدو يشبع منها
حنان:اعطوه غرفة عندكن
سلام:ههههه خلصتو قهوة خلينا نتمشى
حنان:يلا لكن
استنتي سيدرا لحتى ضبيت الاغراض واخدت المفتاح
سيدرا:بلسم مو حلوة افرديها بقى
بلسم:شو بدكن فيني اتركوني بحالي
اتمشينا سوى كنت بعالم تاني وعند بيت ستي كان برى محمد ومهران بس ما اقبلت اطلع طنشت وبدي يخلص هاليوم .
.......
بالكرم كانو عم يتأملو الزرع والخير الي عندهن
ابو مهران:اسمعت انو بدك تبيع ارض
ابو عزمي:بدي ارهنها
ابومهران؛لمين
ابو عزمي: ابو عامر وهيك بضمن ما تروح عليي
ابو مهران: والمبلغ الي بدك اياه كبير
ابو عزمي:بدي اجوز ابني
ابو مهران:حق والله خلص انت اطلب المبلغ الي بدك اياه وما عليك
ابو عزمي:لا اخي
ابو مهران:خلص بس مابدي حدا يعرف لا نسوانا ولا حتى اولادنا
ابو عزمي:بس بدي تعمل اوراق نظامية
ابومهران:خلص عندي انت شو بدك
.........
الغدا جاهز والحضور اكتمل وبعد الغدا انا وسيدرا رتبنا وجلينا كان بدي يخلص اليوم وارتاح بالبيت لساتنا واقفات بالمطبخ
سيدرا:يلا نطلع
بلسم:ليش وين رايحين
سيدرا:سلام حابة نتمشى
بلسم:فايقة ورايقة
سيدرا:يلا قبل يطلبن منا شي
بلسم:معك حق خلينا نهرب
برى كانو واقفين الشباب ومعهم سلام وحنان وعم يتناقرو اتحايدت محمد ما اقدرت اطلع فيه
حنان:يعني شو مفكرنا
عزمي: شاطرات والله
سلام:بس ما حكيت هيك
عزمي:ليش انزعجتن
سلام:لاننا منشتغل مو متل ما بتقول
عزمي:هههع اي واضح جدا
عامر:اصلا حرام الشغل للنسوان
عزمي:خلص والله ما بتحلف سيدرا بتجهزيلو مريول جلي من بكرى الدور عليه
عامر:لا بقصد انو مرتي المستقبلية
عزمي: سامع محمد
كان ملتهي بموبايلو
محمد: خليه يجلي اصلا الحياة تعاون
سلام:اي عنا اصيل بيدبر امورو لحالو متعود
عزمي:خلص انتن شوفي شغل وكلنو فيه
عامر:صحيح بدكن تتمشن
سلام:ياريت
محمد:هههه وين بالتحديد
سيدرا:احزر
محمد:يلا نمشي
سلام:خوفتوني في شي
عزمي:لا تمشاية بس
سلام:على طريق التلة
حنان:اي اي زمان ما شفتو
عامر:يلا ورانا لشوف
سلام:وبلكي حابين يمشو الخاطبين لحال
عزمي:لااا حبيبتي في رقابة هون
محمد:ليش مين حكالك وافقت
عامر:بس بدك كلمة انت
سلام:هلا ونحن صغار كنا نلعب بين الشجر بليل ولا انا غلطانة
حنان:امبلا وعطول نحن نهرب للبيت وهني يخوفونا
عامر:ومرة مهران عصب مننا وتحلفلنا وارجعنا للبيت كان ناطرنا ومعو عصاية
عزمي:اي وانفدت بمحمد لانو بوقتها امي دافعتلي
عامر:واكلها يا حرام
محمد:يعني انتو بتتمسخرو ولا شو
سلام:بزكرك بماضيك
محمد:ع اساس ما عندهن ماضي
عزمي:هههه شو ماضينا
محمد:شو بدي اتزكر منك وقت كنت تلم سكاير من الارض
فرطت ضحك لانو عزمي انبسط من هالزكرى
عامر: انا لا تقول ماعندي هيك حركات
محمد:لا انت اختصاص تسميع على حكي النسوان
وانفجرنا ضحك لانو عامر خجل عنجد
عامر: هههه لك بسيطة
محمد:يعني لحتى ما تضلو تعيروني بعدين لو الكن اخوة اكبر منكن كنتو حسيتو فيني
عامر:بس انا ما بتزكر من طفولتك الا مهران وكيف يلاحقك من مكان ل مكان
محمد:يا سيدي اتزكر لتشبع هلا كلشي اتغير
سلام:ورح نفرح فيه
حنان:وانتو شدو حيلكن
عامر: أنا بحس انو فاتني القطار
محمد:لك انت اصغر مننا لكن نحن دعسنا القطار
عزمي: انت خلص صرت عريس بس الحسرة علينا
محمد:لا تقول الا صرت عريس
حنان: وانتو حابين
عزمي:ياحسرتي انتي شايفيتنا منعرف نحب
سلام: ماشالله كل هاد ما بتعرفو
عزمي:نحن هاد جونا ومافي طلعة ولا فوتة
........
سيدرا بقلبها:لعمى يعني ولا حتى طاسسني ولا مو حلوة انا اخ منك انا دايبة فيك وقلبي عم يرفرف كل ما شفتك الحظ بس ل بلسم قاتل مشانها وغير الي براسو ما صار
حنان:شوفلك حبيبة دور هون هون
عزمي:مو خرج والله
محمد:اعطوه منديل لانو رح يبكي كمان شوي
عزمي:بيكون عندك لانو مبارح نشفت دمعتك
عم يضحكو ولا عبالهن عامر يفكر كيف ممكن سلام تفسخ خطبتها وسلام غرقانة بتفاصيل عامر وعم تخجل وقت يتمسخرو عليه وسيدرا مهمومة لانو عزمي مو مفكر فيها وعزمي بحكاية رهن الارض وكيف مسكرة بوشهن كل الدنيا محمد ب نفسية بلسم الي مو قبلانة تطلع فيه وبلسم بعالم تاني مجبورة وبتساير وحنان مرتاحة نفسياً وعاجبها الجو والناس لانو الكل متغير
........
ودعنا بيت عمي ابو عامر وكملنا للبيت عزمي ومحمد برى وأنا دغري ل غرفتي طلت ماما عليي
ماما:بدك تنامي
بلسم:هيك شي
ماما:يمكن بكرى يحددو مووعد مشان الخطبة
بلسم: وشو المطلوب مني
ماما: افردي وشك وبس مو طالبين غير هيك
ابتسمتلها بدون نفس وكانت مقهورة مني
.......

عزمي:شو الموضوع
محمد:بلسم رافضة
عزمي: وشو بأثر
محمد: انا ما فكرت انو
عزمي:شو بدك انت بترضى بعدين
محمد:لا ياا انا بدي نخطب ونتعرف على بعض

عزمي:بعد الخطبة رح ترضى وهاد العناد ما بجيب نتيجة
محمد:انا اغلطت مو
عزمي:لا بس ما حطيتلنا قيمة
محمد:انا اتهورت لانو بكره ايوب وبعرفو اديشو وسخ وحقير
عزمي:خلص انتهت بارضها ولا تخاف هي لو بتشوفها نكدية وقت تفردها مافي احلى منها
محمد: بس انا شايفها ما بتتحاكى
عزمي:بدك تحكي من هلا قلتلك لبعد الخطبة
محمد: لنشوف اخرتها معها
عزمي: نام عنا ونسني
محمد:لا مو حلوة
عزمي: وين بتنام بلا
محمد:مع ستي وسلام وحنان
عزمي:شايف بدك تفوت
محمد:لك والله عيب
عزمي: البيت فاضي فوت
محمد:وهيك بدي انام
عزمي:جاي معك
راحو تمشاية
عزمي بقلبو:كيف ملو الحارة بيت عمي وصار في ونس صوت ضحك سلام وحنان وكمان مهران بالمطبخ فات وقف عزمي عند الباب ومحمد فات يبدل تيابو ورايح ينام ببيت عمو
سلام:شو وين الهمة
محمد:انعزمت على نومة
حنان:اي يا عيني ماحدا متلك برى لحليوة
محمد:يحلى وبرك ما اقل ادبك
حنان:والله بجنن يخرب بيتو
محمد: مهران
حنان:هههه سكتت
مهران:شوفي
محمد:شو اخي انت ما اتعشيت
مهران:لا مو كتير شو بدك

محمد:اسمع اختك شو بتقول
مهران:شو قلتي وليه
حنان:بحكيلو جوزي احلى رجال بالعالم
مهران:اي جوزها بدها تتغزل فيه
انصدم محمد وتحلفلها بس هي جاكرتو وبياناتهم مشاكل كتير
مهران: وانت وين رايح
محمد:اوف مية مرة بتسألو
سلام: راح لينام بديار المحبوبة
مهران: وأرسل لها اشواقك
عزمي:لحقت تتحمم
محمد:اجيتك
طلع لعندو
محمد:ع شو مستعجل
عزمي:بدنا نأركل
محمد:خبرت عامر
عزمي:اي تعبان وبدو ينام
محمد:وانت
عزمي:بعد ال٢ دوبني انعس
محمد:يا بختها
عزمي:خهه وانت كمان
محمد:لا انا بنام بكير بس اليوم سحبتها للظهر نومة والا زمان انعست
عزمي:بدون صوت هلا بتنزعج عمتي وصفية
محمد: خلص ولوو لا تتمسخر عليها
عزمي:انسيت صارلك حصة عنا
محمد:شقفة قصدك
عزمي:فوت بلا حقارتك بكون جهزت الاركيلة
محمد:لا تطول بمل لحالي
كان يتزكر كيف صار ونزل اجازة وكيف رح يحددو موعد الخطبة وشوي فتحت بلسم الباب اتأملها بأعجاب كانت جايبة القهوة ووراها عزمي معو الاركيلة وشو بنفسو تسهر معهن بس دغري طلعت وهو بدو تفسير ل رفضها
.........
تعليق

قصة #عشق_الأصيل 5
القسم الخامس
بقلمي:مايا الحجازي
شمستهن عاليه رتبت البيت وشطفت وجهزت فطور وقهوة لماما وبابا وقعدت معهن
ماما:شو ما صحي اخوكي
بابا: وكانو محمد هون
بلسم:اي يمكن ابنك عزمو
ماما:بيتسلو
بابا: شو يا بلسم ليش مو مبسوطة
بلسم:كانو بسرعة صار كلشي
ماما:بس الخطبة طويلة
بلسم:وكيف شفتو بيت عمي
بابا:انا الصراحة مصدوم فيهن ابو مهران متغير مية درجة ما كان حنون هيك
ماما:وحتى ام مهران وحنان ايمتى كانت تتحاكى
بلسم:وانا مصدومة على اد ما صايرين لطيفين اي ما كانو هيك يرحم ايام قبل يسافرو
ماما:المهم لقلوب تتصافى روحي صحيهن حاجتهن نوم
قلعتني تقليع رحت وضربت الباب وفتحت عليهم كانو بسابع نومة وفاتحين شباك كمان
بلسم:عزمي خلصنا بابا بدو اياك
حس دغري
عزمي:ليش شوفي
بلسم: ماحدا بدو اياك بس حاجتكن نوم
اخجلت اطلع ب محمد ورحت لاجهز القهوة كانو عم يغسلو وانا رحت لارتب الغرفة مو ناقصني شغل رتبت وكنست وكملت القهوة واطلعت لبرى لحتى شرفو
ماما: لاي ساعة سهرانين
عزمي:للوحدة
بابا:بعد الفطور جهز حالك بدنا نطلع مشوار
محمد:بس عزمي
بابا؛وانت كمان
عزمي:لا تخاف مناخدك معنا وانشالله يكون شغل
محمد:جايبني اشتغل مو
كانت امي تاشرلي انو ابتسم لهيك سحبت حالي وفتت لجوى بعد القهوة راح محمد رغم انو عزموه على لفطور بس اصر يروح وبعد الظهر اتجهزو بابا وعزمي وراحو وما كنت بعرف انو رح يرجع معصب عزمي وأنا رح اموت لاعرف السبب ومحمد حاول يهديه بس ما رد عليه عزمي ومن فضولي ناديت لمحمد
بلسم: وين
محمد:بس يروق خبريني
رحت لعندو وقفت معو
بلسم: شبو
محمد: شبعرفني
بلسم:مو كنت معو
محمد: اي بس ما معي تصريح احكي
بلسم: انا اختو
محمد: الموضوع حساس
بلسم:والله ما بخبر حدا
محمد:احلفي
بلسم:والله
محمد:ههه اي ما رح احكيلك
بلسم:امانة احكيلي اخي هاد
محمد:روحي اساليه
بلسم:ما بيحكيلي امانة والله بنقهر ازا ما بعرف
محمد: شغلة عادية
بلسم:مدامها عادية خبرني
محمد:وشو بدك تعطيني ازا خبرتك
بلسم: والله مفلسة
محمد:ما بقبل اخبرك ببلاش
بلسم: اطلب شو مابدك
محمد:شو مابدي
بلسم:مو طلب تعجيزي
محمد: انتي شو بيطلع من نفسك
بلسم:هههه لا تجنني احكيلي
محمد: بدي مقابل
بلسم:خلص الك عندي هدية بس خبرني
محمد:
بلسم:احكيلي
محمد: عرض عليه يتجوز
بلسم:وبدها كل هالعصبية
محمد:هو رافض العروس
بلسم: ومين العروس
محمد:احزري
بلسم:اعجزت
محمد:حاولي
بلسم:شبعرفني
محمد:سيدرا
بلسم:عنجد
محمد:ههه والله انتي افرحتي اكتر منو
بلسم:وليش مابدو
محمد: مابعرف اسأليه
بلسم:وعنجد يعني
محمد:اي شو بيناتنا مزح
بلسم:لكن لروح شوفو
محمد:اقنعيه مني ما اقتنع
فتت دغري لافهم منو كان حردان وزروني
عزمي:لسى ما صار خطيبك
بلسم:ليش معصب
عزمي:ع اساس ما حكالك
بلسم:والله سيدرا حلوة ومافي منها
عزمي:خلص يا عمي بدون ما تمدحوها غير الي بدو اياه بابا ما بصير ارتاحوا
وكانو بدو ينام غطى حتى وشو.

............
بأجتماع العيلة ببيت الام نوارة كانو لرجال كلهن بغرفة لضيوف وحتى بدون ما يشاور عزمي
ابو عزمي:اسمنها صارت واخي ابو مهران هون انا بشرفني اطلب ايد بنتك سيدرا لابني عزمي
اتفاجئ ابو عامر بس مبين عليه انو مبسوط
محمد انصدم اخر كلام من عزمي كان رفض ورفض تام
ابو مهران: ورح تصير الفرحة فرحتين
ابو عزمي: شو قلت اخي
ابو عامر:والله بشرفني نسبكن بس بتعرف الاحسن اسألها
ابتسم عامر وبقلبو:وهي رح يتجوزو رفقاتك وانت ضلك متل الاهبل
محمد بقلبو:تعال اسمع يا عزمي ما بيكفي اختو مغصوبة عليي كمان هو
مهران:يعني شو بدها احسن من عزمي
ابو عامر:وين عزمي صحيح
ابو عزمي:صحي بكير بكون نايم
عامر:ابو سهرة بنيم الحارة وما بنام
محمد:تعال انت ابو سكرة الحقني
طلعو سوى
عامر:شو هي ابو سكرة وحدلي الله
محمد:مشان القوافي عنجد سهران عزمي
عامر:اي شرب ينبوع قهوة بصغرو
محمد:هههه سكران وحياة الله
عامر:اي شو اجواءك ما جبتو دهب ما حددتو شي
محمد:كانو هلا بدهن يتفقو نحن ما النا علاقة
عامر:وين اخدني انا بخاف منك
محمد:ههههه الله ياخدك شو بدي اكلك بس بدي اروح اشوف عزمي وبخاف لحالي
غرق بضحكتو عامر
عامر:من شو خايف
محمد:من القطة
عامر:اتصل فيه
محمد:اي خليه يلاقينا
اتصل فيه عامر ودغري رد عليه
عامر:نحن برى تعال
عزمي:ماشي
طلع وقالب خلقتو
عزمي:يا فتاح
محمد:وضريب على هالشكل
عامر:لك انت هون وعم يطلبلولك
عزمي:عنجد
عامر: اي قال بدك تصير صهرنا
عزمي:انا ازا مبسوط بس مشانك والله
محمد:وانا شو وضعي ابن حمايي
عزمي:انت لا اعتراض على حكم الله
محمد: شبك مرتفع هرمون النكد عندك
عزمي:تعبان والله
عامر:تسهرو
محمد:عندك
عامر:اي مابحب اجواء لكبار

محمد: موافق بس رايح اللبس شي تقيل اتاريه برد
عامر:دفي حالك عريسنا
محمد:شد حيلك وصير عريس
عامر:...
تركهن ورجع
عامر:شبك ولوو
عزمي:والله تعب
عامر:بس انت ما خبرت
عزمي:مو حلوة مو
عامر:مابعرف طيب جهز حالك انا سابقكن للبيت
عزمي: ماشي
رجعلو محمد كان عزمي ناطرو
محمد:وينو
عزمي:سبقنا
محمد:مبين عليك ها
عزمي:طلبها طلبها
محمد:اي وناطرين رد سيدرا
عزمي:لا خالصة الامور
محمد:عنجد رافض
عزمي:ما بحس انو ممكن انسجم معها بحسها مولدنة
محمد:اه يا راكز انت شو بدك احسن منها وع الاقل مالها فوتة وطلعة وماضي لانو الي رح تجيبها ما رح تكون صفحتها بيضة
عزمي: لهيك بدك بلسم
محمد:هاد سبب من الأسباب
عزمي: والباقي سكرلي تمك عليه
محمد:هههه طولي بالك يا وحش
عزمي:ومطولة خطبتك بدي اخلص منك
محمد:تركتهن يتفقوا
عزمي:كلو منيح
فتحتلهن مرت عمو وفاتو دغري للغرفة الي مجهزة للسهرة اركيلتين وشوي اجت سيدرا حاملة الشاي وقلعها عامر تقليع هي وبيلسان ولتلات استلمو موبايلاتهن عامر وعزمي كل واحد اركيلة ومحمد على دخانو
..........
برجعة بابا وكان مبسوط لدرجة
ماما:شو صار معك
بابا:مارح يرفضو بالعكس انبسط كتير
ماما:واخيرا رح نفرح فيه
بلسم:مين
ماما:رح تصير كنتنا سيدرا
بلسم:ووافق عزمي
بابا:وما احلاه يرفض شو بدو احسن منها جمال وادب واخلاق
ماما:دخيل عينها
بلسم:وايمتى الخطبة
بابا:بعد خطبتك بكون دبرت المصاري
بس ما اعرفت عزمي وافق اكيد وافق والا ما طلبها
ماما:اي شو صار ما حكيتلي
بابا:بكرى رح يجيبو الدهب وبعد بكرى الخطبة
ماما:بس نحن بدنا حفلة
بابا:ع العرس اكيد الي افهمتو اخي بدو يرجع عندو شغل ضروري
ماما: الله يتمم على خير يارب
بقلبي:طبعا بدكن تخلصو مني وانا رح اعلق معو
..........
الصبح بلشت التجهيزات ببيت ستهن ام مهران جاهزة على اخر طراز ومحمد لساتو نايم
وبرى عم يشربو القهوة
نوارة:شو نويتو تلبسوها
ابو مهران:متل سلفتها
حنان:ما كان هيك الحكي
ام مهران:انتي ما دخلك
ابو مهران:متل ما لبسنا نيفين منلبس بلسم
سلام:وبدكن تعملو حفلة اليوم
نوارة:اي مو اقل منها
مهران:انا اصلا مبسوط مشان هيك
نيفين:وين أصيل
سلام:اجى بعد التنتين ويمكن الفجر لحتى نام
مهران:صحوه شو نايم لبعد الظهر
سلام: هلا اصحينا
نوارة:وبدك تعزم اخواتك
ابومهران:هيك الاصول ببعت مهران
مهران:بس على عمتي بدرية مابروح
نوارة:ليش يا ستي والله ابوك ظلمها
ابو مهران:ليش انتو بتحبو الاعوج في وحدة قبل ينشف تراب ابوها بتيجي تطلب حصتها
نوارة:بس انت كنت بدك تحرمهن
ابو مهران: وانتو بتعرفو الي بدو اياه ابو عزمي بصير
نوارة:خلص سكرنا ع الموضوع
مهران:منعزم عمتي وصفية هديك حد الله بينا وبينها
سلام:هههه حتى مهران الي بخافو منو الكل خايف منها
مهران:دعاويها بتهز البدن...انا رايحلو هاد شمستو عالية وانا بدي احتفل فيه
طبعا الاجواء عتمة شغل الضو وشافو بسابع نومة ودغري حط رجلو على كتفو وهز فيه كم مرة
كان عم يصحصح محمد وبس شاف مهران تأفف
محمد:شوبدك
مهران:العريس من الفرحة ما بنام
محمد:ما نمت والله
مهران:يلا خلصنا مشان تنقلع تجيب الدهب
محمد:في شي تاني
مهران:اي اصحى خلصنا زاعجيتني نومتك
محمد:ها ليكني اصحيت
مهران:مابدك تشوف القطة
محمد:..
مهران:الله يعينك مبين رح تخرمشك
محمد:وشو قصدك بهي
مهران:مابعرف شو بتعمل القطة الرافضة
وطلع يضحك ترك محمد يفكر بكلمتو
.......
كانت سيدرا معي عم تختارلي فستان خرج هيك مشوار
سيدرا:هاد بجنن
بلسم: حلو يعني
سيدرا:بجنن
بلسم:ليش ضروري اروح
سيدرا: اقطعي اصبعتك واعطيهن اياها
بلسم:..
سيدرا:لنشوف شو رح يلبسوكي وبكرة عنا فرح ورقص وأجواء غير شكل
بلسم: والي بعدو عندك
سيدرا:...
بلسم:لك ليش اخجلتي وليه
سيدرا:مابعرف
بلسم:نايم روحي اتحركشيه
راحت تتفجر من الخجل وانا فرطت ضحك عليها بجية ماما
ماما:يلا اللبسي مو حلوة يبعتو ورانا ولسى ما اجهزنا
بلسم:كنتك خجلانة
ماما:عقبالك يا عروس
بلسم:ضل عامر جوزوه ل سعدية
ماما: ناوية تجلط ام عامر
سيدرا:ههه شايفة
تركتني اللبست واتمكيجت ولفيت الشالة واطلعت كانن عم يتسايرن ومرت عمي معهن
بلسم: مبروك ل سيدرا
ام عامر:يبارك بعمرك وانتي انشالله بتتهني
بلسم:يلا بقى دوري ل عامر على عروس
ام عامر:انشالله الله كريم
سيدرا:صوت اغاني
ماما:بكون من بيت ستك
بلسم:ليش رح يعملو حفلة
ام عامر:مية بالمية
وشوي اجى عزمي تمشاية هو وعامر
عزمي:مطولات يلا الاجتماع هنيك
دق قلبي بقوة واتلبكت
ماما:يلا اجينا
سكرت الباب ماما واطلعنا تمشاية بس الكل على اخر طراز والتجمع برى والا نسلم على الكل كنت مسايرة مو اكتر والكل موجودين الا محمد وشوي طل كان لابس قميص ابيض وجينز

محمد:شو خير في عرس
عزمي:هههه لا بكرى العرس
محمد:سلام تعالي شوي.
الكل عيونهن عليه وانا بدي اعرف شو بدو منها اتاملت العيلة كلها كلو مبسوط وفرحان وجمعة عمامي مع بابا وستي عيونها يضحكن لهالمة الحلوة ونسوان اعمامي معرضات الابتسامات والصبايا على اخر طراز وناطرين يشرف الافندي بالاول طلعت سلام وشوي اجى لابس جاكييت اسود
محمد:يلا اتفضلو
عزمي: كلنا
محمد:اهلا وسهلا
سيدرا:بدك بولمن
حنان: بعدين صاحب الصاغة ليروح فيها
سلام:مابيعرف انو على كم غرام دهب
والكلل ضحك
مهران: على مهلك انت خسارة للوطن العربي
محمد:ريحلي حالك
بس انا وماما وهو وامو طبعا امي دفشتني بدها اتحكم بملامحي انا كلشي فيني رافص واكتر شي هو التقليدية الي بالموضوع ولاننا عيلة وحدة مارح يصير شي مميز كل ما اتزكر كيف صار الموضوع يوقع قلبي من الخوف وصلنا وما اقبلت بحيلا دهب اخترت كلو تقيل وما تعجبني اي قطعة جننت ماما وبالاخير اعتمدت على طقم دهب برسمة لقلوب كلو حتى المحبس كان شي مرتب وبجنن خلي الكل يغار مني تركنا محمد بيحاسب وارجعنا للبيت مسايرات ماما ومرت عمي وانا اكتر وحدة بتعرف انو مو طايقات بعض بس مشان الافندي يرضى وهنيك لسى تجمع العيلة صفط السيارة وانزلنا كانو مشغلين اغاني من سيارة مهران وهو انضم للشباب ونحن فتنا لجوى وصارت فرجة التلبيسة والكل انصدم اديشها حلوة ومرتبة وبلشن بتجهيز الولائم وانا اخدت دور العروس بالاخص وقت اجت عمتي وصفية وارتفع ضغطها من كل الي عم يصير .
.......
بعد الغدا اتصل فيه امين وطلع يرد عليه برى
امين: يا بياع العشرة بسيطة
محمد:ههه كيفك ولاه
امين:انا ممتاز بس حضرتك مكيف ولا عبالك تحاكينا
محمد:لك مشغول والله
امين:مبرووك التلة كلها بأخبارك ليك كل الشباب جايين يقومو بالواجب
محمد:واجب شو
امين:بدهم يحتفلو فيك وبالاخص انس
محمد:اي ب
امين:لا تبسبس الكل جاهز ومو مشاورينك
محمد:اهلا وسهلا بتشرفوني
سكر معوو وسالو عزمي
عزمي:شوفي
محمد: الشباب جايين
عامر:ومو عاجبك
محمد:هلا بتشوف هدول ما بيمضوها على خير
عزمي:شوفيها فرحانين فيك
محمد:بتعلق براسي ازا بصير شي
عامر:شو بدو يصير كلها بتحتفل
محمد:انا بعرف شو يعني شباب التلة الاحسن ما يضلن النسوان هون
عزمي:هلا انا بخبرهن هي بسيطة
فات عزمي خبر الصبايا بس يروحن لبيت اهلو بدون اعتراض راحن وبعدها وصلو شباب التلة جايين يعملو حفلة لصاحبهن .
.......
على اسطوح بيت اهلي كنا نتفرج وكان التجمع كبير واكتر وحدة مستغربة نيفين
نيفين:لشو هيك
سيدرا:هيك العادات عنا
نيفين: بس لسى ما خطب
سيدرا:هو لانو بكررى الخطبة ومارح يصحلهن يحتفلو فيه الا اليوم
حنان: زمان عن هالاجواء كنت عطول اسمع من رفقاتي عن هيك حفلات
سلام:اي بربي احلى شي بصير هون
كنت متكتفة ومبينة ساحة بيت ستي علينا واجواء الفرح بتجنن وهلا كملت معي وقت وصل ايوب مع كم شب
بقلبي:ياريتها كملت معنا وكيف جاي وهو طلبني بس يمكن مشان لا يحط على حالو وحدة وهو صاحبو ل محمد ومو بس هو اخوه كمان والظاهر جاي يقوص ويمكن محمد اتدخل دغري
......
محمد: مافي داعي والله
ايوب:شو قليلة هالفرحة
محمد:على راسي والله بس بتعرف رح يصير بلبلة وتوصل للمعلم
مهران:قوص لا ترد عليه
جهزها ايوب
محمد:بتعلق براسي انت شو رايح عليك
عزمي:ع شو خايف كلها بتقوص
محمد:يا جماعة انا وضعي خاص وما بحب هالأجواء بحب الهدوء بيكفي اللمة وخلص مابدنا مشاكل
عامر:لك خليها تكمل
محمد:في ناس حوالينا مو لحالنا بالحارة
انس:اييي متعودين اعطيها لقلك
طبعا هالشي ازعج محمد عنجد وهو اكتر حدا بيعرف العقوبة رح تنزل على راسو لحالو
وايوب ادى الواجب وبزيادة ومقهور قهر ما بعدو قهر لانو بلسم من هداك اليوم ما بتروح من بالو بالاخص انو محمد حجزها ووقف كل هالجوازة لانها بس بنت عمو وهو احق منو فيها ولو بيعرف انو في رفض من جانب بلسم ليعمل المستحيل بس هلا ما بقى ينفع الكل جاي يشاركو بفرحتو وضيافة وقهوة مرة والنسوان لكبار عم يتفرجن وستو مبسوطة لانو عم تفرح بولاد اولادها وكل شوي تزغرد وصفية ع اساس فرحانة فيهن كتير
........

الصبح التحضيرات للحفلة طبعاً تجمع كل بنات العيلة عنا كنت عازمة كل رفقات المدرسة وماجدة وجورية وماما مشغولة من المطبخ للغرفة وعزمي عم يزبط البافلة مشان الاغاني ما اخترت فستان نافش كان عادي باللون الاحمر حفر وما رفعت شعري عملتلي تسريحة هادية التجهيزات على أكمل وجه اجت شيماء وافرحت بشوفتها كتير والا تباركلي انصمدت بالصالون وهي بجنبي وبنات عمي استلمن مهمة احياء الحفل من رقص ودبكة
شيماء:يخزي العين عنك
بلسم:زابطة يعني
شيماء:ليجن جنونو العريس
بلسم: بس ماني مرتاحة مو متعودة اللبس حفر

شيماء:ههه ما هو بدو يصير جوزك
بلسم:حاسة انو في شي مو زابط
شيماء: اي عقلك مو زابط أما انتي مشالله ولا غلطة
بلسم:متوترة
شيماء:ولوو ابن عمك وخوش بوش انتو مع بعض
بلسم:مابعرف
شيماء:شو ايوب جاي مبارح على حفلة الشباب
بلسم: مابعرف كنت هون بالبيت
شيماء:معقول ما اتفرجتي
بلسم:...
شيماء:بس ترى هو زعلان واخد ع خاطرو
بلسم:شو الو داعي هالحكي ليروح حدا يسمعك ويسدء انو في بيناتنا شي
شيماء: لك انا الي بعرفك بس هو ما اقتنع مني انو ابن عمك بدو اياكي وافقتي عن قناعة
بلسم:شو بأثر
شيماء:انا ما بظن انو مقنعه
بلسم:مع كل هالحضور وبدك ما اقتنع
شيماء:الله يتمم على خير ليكي بتضلي هون ممنوع تسكني بالمدينة
بلسم:هههه اي ولايهمك
شيماء:بدك تبطلي شغل عند جورية
بلسم:لا بدي اكمل
شيماء:قومي ارقصي اقهري العدا
بلسم:لك
شيماء:مو بكيفك هي الاغنية حلوة وبدك ترقصي مع عريسك على شي رومنسي اليوم
توترت بزيادة وعمتي وصفية ما خلت شقفة مني ما اتمايزتها ومو بس هي وسعدية كمان واجت عمتي بدرية كنت مخلصة رقص والا تبوسني
بدرية: مبروك يا بنت الغالي
بلسم: الله يبارك فيكي عمتي
بدرية:مع انو ما بيستاهلك هالازعر وازعلت والله كيف ابوكي بوافق بس يلا كلو خير مابقدر احضر حفلتك مابدي اشوف كل عيلتهن
امي عزمت عليها تضل بس هي رفضت ومرت عمي ام مهران من وقت شافتها وقلبت خلقتها ومابعرف الاجواء ببيت ستي كيف
.........
كانو واقفين عند باب الغرفة الي عم يلبس فيها وكل شوي
عزمي:وبعدين عيب عليك نص زلم الضيعة اجو
عامر: نص ساعة وبيوصل الشيخ
محمد:والله ما رح اخطف عم اجرب لتياب
عزمي:اي فرجينا مو تلبس احمر تخزينا
عامر:او زهري فاتح
محمد:اي بايخة خليكن متل لكلاب ع الباب
عزمي:ع فكرة اجاك مهران
دق الباب بقوة
مهران:انت كل حياتك معايرة افتح لنشوف شو بدك تلبس فتحلهن وصارو يصفرولو
عامر:واخيرا انا ما تخيلتلك عريس وهون بالضيعة
مهران:مبروك عليكن عزمي اخي خاروف نظامي
عزمي:هههه الله يبارك فيك
عامر:خهههه ماااع
محمد:بكفي انتو زلم
مهران:ومنكسر راسك اصلا مو مسدء انك صرت رجال
محمد:ههههه بس لو مو محظورة
عزمي:يلا ولوو المضافة مليانة
عامر: بعدين صاحبك اجى
محمد: بس امين
عزمي:وباقي الوفد ع الطريق
بقلبو:كرهان ايوب ومو طايق خلقتو ليش مبارح حسيتو مقهور واجى ضرب هالمخزن ليفرجيني انو فرحان بس هووعكس هيك
تركهم مهران وفاتو لتلات وقفو جنب بعض العريس بالنص وقدامهن لمرايا
محمد:بلاا حلو
عامر:رح يعجبن فيك كل رفقات العروس
عزمي:وجودي رح يغطي ع الكل
عامر:اي انت عنتر زمانك
محمد:في كتير حضور
عامر:هههه انا شايف وفود صبايا ونسوان عم تفوت ما بينعدو
محمد:يا مصيبتنا ما بيتأجل تلبيس الدهب لبعد ما يروحو
عزمي:لا اصلا كل جيتهن ينتقدن العريس والعروس وشو لبسو دهب وكيف الحفلة
محمد:لبكتوني
عامر:نيالك علواه افوت واتفرج على صبايا الضيعة الحلوات
محمد:اسمع عمرانة
كان اغنية دبكة
عزمي:خلصنا هلا بتفوت وبتنسى
بقلبو: ياترى بلسم مبسوطة متلي ولا ...خلص خلص لا تفكر الا بالخطبة وهلا رح تحط ايدك بايد عمك لتتملك حبيبة قلبك
تعطر لاخر مرة ولحق الشباب طلعتو كانت بوصول وفد من رفقاتو والا يسلمو عليه وفاتو كلهن للمضافة كان متوتر كمان هاد اليوم المنتظر كان شبه مستحيل وهلا مستغرب ب الود والمحبة حتى م امو وهو مو متوقع شو القصة وكل همو يخطب
بجية الشيخ وبعد كم حديث عن الزواج والود والمحبة حط ايدو بايد عمو وردد كلام ورا الشيخ وبعدها انهالت عليه المباركات
.........

كلمة اجى العريس بتخوف ولو كليوم بشوف محمد قلبي رجف وصار بدي اللبس شي فوق الفستان وعادي يخرب اللوك
بلسم:عنجد اجى
سيدرا:اي ليش ارتعبتي
بلسم:سيدرا جيبي شي بدي احط على اكتافي
سيدرا:بلا هبلك خلص انكتب لكتاب
بلسم:لك انا حتى عزمي ما بشوفني بهيك حالة امانة
سيدرا: ليكهن وصلو
بلسم:لككك ...
وما كان بس العريس ومعو بابا وعزمي وعمي ابو مهران وعمي ابو عامر ليباركولي وكل واحد فيهم لبسني قطعة دهب ومحمد بجنبي وما كنت بعرف وين بدي اتخبى من الكل مو بس من العريس وانا بقمة الاحراج ومو مسدءة يطلعو قلبي يدق بقوة ايديي ما عم اتحكم برجفتهن شايفة بابا مبسوط وامي مو عاطيه فرحتها لحدا وبعد ما باركولي طلعو لبسني محمد المحبس شعور غريب وقت مسك ايدي بضحكات سلام وحنان وهو ما رضي يلبسني باقي الدهب لهيك مرت عمي لبستني إياهن وهيك بكون احسن وقربت منو سلام وغمرتو وهي عم تباركلو ويمكن تشاورو بشي وطلع لبرى يمكن اختنق ومو متعود على هالاجواء غمرتني شيماء
شيماء: وأخيراً انشالله الف مبروك اديشكن لابقين لبعض
بلسم:عقبال عندك يارب
شيماء:الله يسمع منك
اجواء الحفل لساتها ولعانة اتعبت كتير ومو مسدءة يخلص اليوم وارتاح ب غرفتي