- النص المستخرج من الصورة: 📝
اسات
ستي شو اعملك ازا اجى عمك فاتحو بالموضوع
محمد بيقبل
ستي ما بيرفض شو بدو احسن ولا افهم
محمد ايه ومطول
ستي: اسأل بلسم كمان
بطلعة بلسم ومبينة زعلانة كتير
ستي: خلصتي
بلسم البيت نظيف
ستي: يعطيكي العافية.
بلسم: الله يعافيكي
قعدت على جنب
ستي: ليش زعلانة
بلسم لا مو زعلانة
محمد البنات اجتمعن بدونها
ستي: له ليش
بلسم ما بعرف بس يمكن غير مرغوب فيني
محمد: وين عزمي
بلسم: راح مع عامر
8/8
محمد: اوووف وليش ما خبروني حتى ما اتصلو فيني
بلسم يمكن كمان غير مرغوب فيك
محمد: بعد منسمع
ستي: وليش ما اجت امك
بلسم معزومين ببيت خالي
محمد: وانتي رايحة
بلسم المسا مو
هلا
ستي: تشرب قهوة
محمد ما بقول لا
فات للبيت غسل ومشط شعرو وفات لعند بلسم ع المطبخ
ومبين عليها مهمومة
محمد شبكي بلاا
بلسم ما بعرف

- النص المستخرج من الصورة: 📝
اسات
بلسم ما بعرف
محمد مشان البنات
بلسم لا تعبانة او قلك لاني خدامة صايرة
محمد ليش اجيتي
بلسم ما حكت شو بدها مني الا بس اوصلت
محمد بس مشان هيك
بلسم برأيك مو مستاهل ازعل اتخيل يندهولي من الصبح
لانظف ليش انا شو دخلني انشالله
مو ساكنة هون
محمد: لا بقى تردي عليهن
بلسم بعدين بتحكي لبابا ورح يزعل مني لو سلام مو
موجودة فيها ومافيها بس في غيري
محمد اي الحق معك ايمتى جاي عمي
بلسم بأخر الشهر
محمد: يلا بسلامة انشالله
......E
برى وصفية هلأ وصلت سلمت على امها والي فهمتو انو بلسم
ومحمد جوى لهيك فاتت بهدوء بدون ما تطالع حتى صوت
الخطوات قربت كتير وبرد قلبها وقت شافت محمد مرتكي
عند الباب وبلسم واقفة وحاملة الصينية
وصفية حماتي بتحبني
نقز من صوتها وعدل وقفتو
محمد ام مصعب بجلالة قدرها هون
وصفية: كيفك عمتي هات بوسة
محمد والله ما بحب
وصفية شو يعني مخبيهن لمرتك
محمد...
بلسم بعدو وكملو
وصفية شبها وردة العيلة مزعلها ولا متحركشها
محمد: عم نتساير شو هالحكي عمتي
بلسم الظاهر عمتي عندها نقص
وصفية : يعليكي شو قوية حاسبة حسابي بلقهوة

- النص المستخرج من الصورة: 📝
اسات
وصفية: يعليكي شو قوية حاسبة حسابي بلقهوة
بلسم اي ولووو
مشيت مع محمد وخلتو يتمهل
8/
محمد شوفي
وصفية شوفي بينك وبينها ولاه
محمد: والله مسايرة اخد وعطا انتي شايفيتها رايقة
وصفية : مو هاد لمطمني
محمد اطمني عمتي
قعدو برى وبلسم على جنب تتسلى بموبايلها
نوارة: وين سعدية لكن
وصفية راحن لعند ماجدة جايبة تشكيلة تياب وفساتين خرج
صبايا
كان يتسلى بموبايلو
نوارة: ليش ما خبرن بلسم
وصفية ما بعرف متفقات من مبارح يمكن ما كانت
نوارة: روح ستي وصلها
بلسم : لا دخيلك يتهنن ببعض
وصفية : ليكون اخدا ع خاطرك
بلسم بلعكس الجية لهون احلى
انتبهت ل محمد الي ابتسم وهو مركز بشاشة موبايلو
وصفية : شوفي هون يعني
بلسم في ومي ووجوه حلوة
وصفية وانت عمتي وين الشباب عنك
محمد ما بعرف
وصفية :يلا بتتسلو رتبتي البيت عمتي
بلسم بس ضل في شغل
وصفية انا بكملو شكلك تعبانة
بلسم لا ابدا ستي بدك شي قبل روح
ستي لوين
بلسم معزومين ببيت خالي
ستی : وبلالك هالروحة مافى بنات من حيلك

- النص المستخرج من الصورة: 📝
اساس
A 25
K/B
بلسم معزومين ببيت خالي
ستي: وبلالك هالروحة مافي بنات من جيلك
بلسم بضل مع خالاتي وامي
وصفية ليكون حابة ابن خالك مهيب
انتبه محمد للكلام وترك الموبايل من ايدو
بلسم : لا طمني بالك لا حابة ولا بدي احب
وصفية فكرت عمتي لا تزعلي مني ليسك مو
مناسب
بلسم عمتي انتي بتشوفي لبس بنتك ولا بس بتشوفيني
وصفية : بس انتي معباية
بلسم ما بعرف لمين طالعة
بس انا هيك عاجبني لبسي وحالي
كتير
وصفية: وليش التأمتي فيني
بلسم انا رايحة بشوفك بعدين ستي.
......
تركتهن وارجعت للبيت مقهورة مدايقة من كلشي صار بس
سیدرا حاولت تتواصل معي اكيد مشان الروحة لعند ماجدة
اوووف انا شو بدي بالمقاطعة كنت رحت واتسليت وما
سمعتني حكي ما بينسمع ولااا خايفة ع ابن اخوها مني شو
بدي فيه هو لاحقني من مكان لمكان واجازتو شبه اقامة تارك
المدينة وجاي لهون بس انا رح اغيظها واهتم بمحمد بوجودها
خليها تولول بدها اياه ل سعدية بسيطة مو بس فيها وب
ستي الي عامليتني خدامة فتت للبيت اتمايزت لبسي والله
مني وفشرت
تقول ولا هي
عم
حلو
ملفت مثل ما
ومو
غيرانة
اكون بشبهها اتصلت ب سيدرا ودغري ردت
سيدرا: انتي وينك اه
بلسم: انتي الي وينك
سيدرا : لك اتصلت فيكي كتير
بلسم ليش بقى ليكون بقربلك
سیدرا: زعلانة من مبارح
بلسم ومن اليوم كمان
سیدرا: طيب ليش ما رديتي

- النص المستخرج من الصورة: 📝
اساس
K/B
سیدرا: طيب ليش ما رديتي
بلسم كنت نايمة
سیدرا وبعد ما اصحيتي
بلسم رحت رتبت بيت ستي بتعرفي بدهن خدامة
سيدرا مع انو حبيتك تروحي معنا
بلسم لا يووه شو مروحني بلكي في غسيل للست سلام
سيدرا لا تحكي هيك
بلسم بس ارتاح بحكي معك كملي مشوارك
سيدرا على كلا جاي اصالحك
سکرت معها ملل شو بدي اعمل اتصلت ب عزمي
عزمي: الو
بلسم : وينك انت
عزمي مع عامر بالسهل
بلسم ليش في شي
عزمي شو بدك انتي
يلسم بدك تتأخر مشان روحة بيت خالي
عزمي انتي جهزي حالك ايمتى ما اجيت بوصلك
بلسم ماشي
اتسليت بحالي هالمرة اللبست تياب خرج طلعة واتمكيجت
مكياج هادي
وحبيت اجاكر عمتي لو عن طريق محمد قفلت البيت ورحت
لساتها عمتي حاطة راسها براس ستي وابصر على شو ناوية
انتبهتلی
عمتي الرجعة قريبة
بلسم وين محمد
عمتي: وشو بدك فيه
بلسم : عاوزتو بموضوع
عمتي من ايمتى
بلسم هون
ستي محمد يا محمد
شوى وطل

- النص المستخرج من الصورة: 📝
اسات
ستي محمد يا محمد
شوي وطل
بلسم : عاوزتك بموضوع
حسیتو انبسط
محمد: تكة وجاي
8/8
شبكت ايديي ببعض واعطيتها ابتسامة خجل
عمتي مو حلوة توقفي معو ولحالكن
ستي: شوفيها ابن عمها
طلع محمد وهو يلبس جاكيتو يمكن لو بتقدر ما تخليه يحكي
معي اجي لعندي
بلسم نتمشی
محمد اي اتفضلي
بلسم : هو الصراحة مافي موضوع بس مالة كتير
محمد وانا مالل
بلسم: يعني ما عطلتك
طبعا نتمشى ولعيون علينا ومبتسمة بخجل بس هو يطلع
على الطريق
محمد : عن شو دخلك مافي شي اعملو اي ما اعرفتيلي وين
عزمي وعامر
بلسم بالسهل
محمد: ليش ما خبروني
بلسم ما بعرف الصراحة
محمد: انتي جاهزة للمشوار ؟
بلسم لانو دغري جاي عزمي ياخدني
محمد: وشو الو داعي
بلسم عطول منتعزم
محمد وازا عزمتك بتقبلي
بلسم اي اعزمني
محمد اليوم
بلسم بكري
محمد: لا اليوم

-
اسات
8/8
محمد لا اليوم
بلسم هههه مجاكرة
محمد ما بدي تروحي لبيت خالك
بلسم ليش حاكيتلك شي عمتي
محمد بدون ما تحكي ما بحب اولاد خالك
بلسم وشو علاقتي فيهه انا رايحة مع امي وخالاتي
محمد مارح اکون مرتاح
بلسم بصفتك شو
محمد ابن عمك ما يكفي
بلسم انت بتثبتلي بكل مرة انو مستحيل تغير عاداتتنا
محمد وعاداتنا صح
بلسم هااا شرفن
انتبهنا للبنات جايات تمشاية كلهن
بلسم محمد لف خلينا نكمل
طنشتهن وهلا خليهن يتحزرن شوفي بيني وبينو ولسى عيون
ستي وعمتي
علينا
محمد بس راحت عليكي مشتريات
بلسم بس زوقهن بلدي
فرط ضحك عليي
محمد: لاااا انتي مو معقولة
بلسم وهلا بتشوف شو بدي اعمل فيهن
.......
اطلع فيها نظرات كلها اعجاب لفو وشافو البنات فايتات لبيت
ستو بقلمي مايا الحجازي
بجية عامر وعزمي تمشاية
عامر: شوفلك ع هالشوفة
عزمي واخدين راحتهن
عامر: طول بالك لا تعصب
زورها ل بلسم وهي فايتة بمدخل البيت والتقو فيه
محمد بكير
عزمي.....

-
اسات
8/8
عزمي....
عامر: شو القصة
:محمد شبو ما بيتحاكي
خلاه ينتبهلو
محمد : ليش عم تزورها
عزمي: وليش عم تتمشو
محمد حرام
عزمي: لا عيب
محمد وليکها ستي وعمتي والبنات
عزمي بس بدي اعرف شو الموضوع وشو متغير
محمد فوت فوت عاملي فيها زلمة
كانت بلسم قاعدة ومن بعيد تتمايز شو مشتريات وضحكت
ضحكة طويلة على فستان سعدية
وصفية : يوه ليش عم تضحكي
بلسم افرديه بلا
ورجعت ضحكت
وصفية: حلوو كتير
بلسم اي اي بجنن
ورجعت ضحكت لهيك حطتو من ايدها وصفية
سعدية مو حلو يعني
بلسم لا يااا حلو ومكتر بالاخص لونو
سعدية بدي ارجعو
بلسم لك ليش خديه
سعدية : من ضحكتك
مبين
ما حلوو
بلسم وانت سيدرا فرجيني
طالعت لبلوزة مترددة
بلسم هههه مشالله هالزوء الي عليكن
سيدرا : ما حلوة
بلسم شايف على دلال وحدة متلها
ضحكت من جديد لهيك ضبتها سيدرا
حلت

-
0:01 م
اساس
8/8
ضحكت من جديد لهيك ضبتها سيدرا
بلسم مبروكات
سيدرا : لا ناوية ارجعها عامر تاخدها بطريقك
عامر : ودافعة
سیدرا: لا ع اساس بكرى
عامر اي برجعها
اتأمل بلسم وغمزتو ب عفوية حك شعرو ولف للصوب التاني
بقلبو وبتغااار شو قوية خلتهن يرجعنهن
وصفية : والله حلو الفستان
بلسم ولونو ترابي
وصفية مو ترابي بني فاتح
بلسم وطبقيلو شالة حمرا وحفاية خضرا
وهون الكل ضحك
سعدية اصلا من اول ما عجبني
نوارة : ليش ما خبرتن بلسم
بلسم منيح ما رحت لانو رح اخجل بزوقهن البلدي
عزمي تاني مرة خدن جويل معكن
بلسم : عم تتمسخر مو
عزمي: لا عنجد انتي جاهزة
بلسم بكير
عزمي رايح اجهز حالي انطريني
اعطتو مفتاح البيت وراح انتشرو كلهن البنات فاتن لجوى ما
عدا بلسم وعامر ومحمد وقفو يدردشو
عامر: شو متغيرة الاحوال
محمد: لا بس هي ما عزمنها وأنا ما انعزمت صرنا تنين مو
معزومين عزمنا بعض
عامر: بس هيك
محمد انت شايف شي تاني
عامر: كانو بلسم غمزتك
محمد ههههه لانها تحلفتلهن وصار الي بدها اياه
علمنشم كمينة مصفة الثانية

- ا
0:01 م
ارات
8/8
محمد ههههه لا لها لحلمتين وصار الي بدها اياه
عامر شو کهينة وصفية التانية
محمد: لا تحكي عليها
عامر: بس افرحتلك وقت شفتكن سوى
محمد عقبال ما اخطبها وتفرحلي عنجد
عامر: وين السهرة
محمد مو مبين اعزمنا انت
عامر: منتفق
:محمد وازا بدون بلسم
عامر ما بيتأخرو لا تخاف
اجاه اتصال وضل يتأمل شاشة الموبايل مبتسم ب قهر
عامر مین
محمد واحد
عامر: رد
بقلبو هلأ ل خطرت على بالك
راح على جنب يحكي
محمد: الو
مجد: أصيل كيفك
محمد كيف خطرت ع بالك
مجد عالبال
محمد : لا تحلف
مجد:طمني عنك
محمد : الحمد الله
مجد كل الوقت ببالي بدي احكي معك بس
مشاغل
:محمد معقول كل اليوم ما معك وقت خمس دقايق ترد على
رسائلي
مجد مبین زعلان
محمد اي ليش متصل انا انسيت اعملك بلوك
مجد له يا صاحبي هيك
محمد هيك ونص لكن انا تفتح تشوف رسائلي وتسكر اقنعني
في بني ادم بيقعد بدون موبايلو ساعة

-
0:01 م
محمد: الو
مجد: أصيل كيفك
محمد: كيف خطرت ع بالك
مجد عالبال
محمد: لا تحلف
مجد: طمني عنك
محمد الحمد الله
اسات
8/8
مجد كل الوقت ببالي بدي احكي معك بس
مشاغل
محمد معقول كل اليوم ما معك وقت خمس دقايق ترد على
رسائلي
مجد مبین زعلان
محمد اي ليش متصل انا انسيت اعملك بلوك
مجد له يا صاحبي هيك
محمد هيك ونص لكن انا تفتح تشوف رسائلي وتسكر اقنعني
في بني ادم بيقعد بدون موبايلو ساعة
مجد: والله الحق معك
محمد وانا مو موثوق فيني لتخبرني بتعرف اول مرة بدايق
هيك

اسمعت انك سافرت بس كزبت الخبر اتواصلت مع اخوك بعد ما فقدت الامل ترد عليي خفت اخبر عليك موو
مجد:ظروفي اكبر مني
محمد:وهلا امنت صح ولو مراقب موبايلي صرت بأخر الدنيا
مجد:انت مو رايق
محمد:كل صحبتي معك بكفة وانك تسافر وتهاجر وما تخبرني بكفة تانية اتاريه الواحد مشان مصلحتو ببيع كلشي وبيدعس عليه
مجد:.
محمد:بعرف ما عندك تبريرات بس عنجد خفت اخبر عنك
مجد:اهلي حذروني ما اخبر حدا وانت بتعرف بعنا ارض لحتى اقدرت اوصل بسلام
محمد:على كلا الحمد الله ع سلامتك رغم انك طنشت كل الرسائل ودعست ع صحبتنا مشان السفر بس موقف واحد صار بيناتنا لهيك رح اضل خجلان منك وما اقاطعك مشانو
مجد:انت بالدوام
محمد:لا بالضيعة
مجد: عطلتك عن شي
محمد:يعني هيك شي
مجد:طيب متل مابدك
.......
ضليت مطنشيتهن مو مشان الموقف بس كنت مراقبة محمد وهو يحكي مكالمة والظاهر مزعوج
عمتي:طول اخوكي
بلسم: رايحة لشوفو
عمتي:سلمي على خالاتك
بلسم:وصل
لحقتني سيدرا
سيدرا:لساتك زعلانة
بلسم:لا عادي اتهنن ببعض
سيدرا:ايمتى راجعين
بلسم:والله مابعرف يلا بخاطرك
سيدرا:الله معك
التقيت ب عزمي عند البيت
عزمي:شو في بينك وبينو
بلسم:والله من الملل بعدين ما كنا بمشوار ستي وعمتي وكل الحارة
عزمي:بس عيب
بلسم:ازا اوقفت او اتمشيت مع سيدرا يتخرب الدنيا
عزمي:بس انا ما بحب سيدرا ومو ناقصنا لت وعجن عمتك بكرى بتحط الحق عليكي
بلسم:هو جكارة فيها
عزمي:اول واخر مرة بتمشي معو ولحالكن
بلسم:متل مابدك
كملنا تمشاية التقينا بمرت عمي ومعها بيلسان
بلسم:شو وين الهمة
ام عامر:لعند ستك هنيك عمتك مو
بلسم: اي...شو بيسو ايمتى الامتحانات
بيلسان:بعد بكرى اخر امتحان
بلسم: ناطرين النجاح
عزمي:بدنا حفلة ها
ام عامر:ههههه تكرم
..........
محمد ب طريقو لعند امين كان مخنوق من اتصال مجد
بقلبو:ياريتو ما اتصل انا ما الي امان يعني
ضرب حجر ع الباب وطلت عليه اختو
محمد:وين امين
آية:هون
محمد:اندهيلو
بطلعة امين ودفشها لجوى
امين:ليش واقف عندك اتفضل
محمد: لا بدي نطلع مشوار
امين:بعيد؟؟؟ قريب؟؟
محمد:فتلة اتضبضب عطول شالح انت
امين: بلبس وجاييك
ناطرو لحتى اجاه بس كان مشغول يقرأ رسالة مجد(انا اسف اصيل وحقك عليي والله انا بعرف انو غدرت فيك وسافرت بدون ما اخبرك بس والله ظروف واهلي ما بدهم حدا يدرى لا غريب ولا قريب وانت بتضل صاحبي والسند كمان بس تروق منحكي ما حبيت لهجتك متعود نحكي بدون هالرسميات دير بالك على حالك)
امين:وين
محمد:وين مابدك انت
امين: ع المزرعة لكن
محمد: احسن شي
امين:شبك ولوو
محمد:لا ولاشي
امين:لك انا بعرفك اكتر من حالي وفي حدا زاعجك
محمد:متدايق شوي
امين:ايمتى بتخلص اجازتك
محمد: اجازتي مفتوحة
امين:اووف كيف هيك
محمد:بابا حكى مع ضياء بيك وما ممكن يرفضلو طلب
امين: واشتقت
محمد: لمين دخلك
امين: هنيك احلى هيك عطول بتحكيلي
محمد:ولا مكان حلو كلو بيشبه بعضو
امين:ما كان الحكي هيك
محمد: يمكن الواحد يحب بلد بعمرو ما عاش فيه مشان شخص موجود فيه
امين: لانو مجد سافر
محمد:لانو مالي اصحاب هيك بدك
امين:احكيلك ليش انت مزعوج
محمد:هات لشوف
امين:لانك مخلص الو وهو غدر فيك
محمد:انا وقت اصاحب مستحيل اغدر والي مدايقني عشت معو سنين واكتشفت انو مو مأمنلي هيك بس
امين:بدك تتتعود هلا الناس كلها بتسافر بتشتري بتبيع ما بتخبر حدا
محمد:وحتى لو الواحد امن لحدا لا تمدحو ولا ترفع سقف توقعاتك مو مشان شي بس مشان الخذلان قدام حالك وقدام الناس
امين:روق هلا بتشوف لخيول بتنسى ليش زعلان من الاساس
... ........
ما كنت معهن كان بالي مشغول اكتشفت انو انا متعلقة بأهل بابا اكتر ما كان في انسجام بيني وبين اهل ماما انا بلاقي حالي مع بنات عمي اكتر حتى لو بكون مزعوجة بس خلص بكون بأمان معهن ومو مسدءة ايمتى نرجع ع الاكيد في سهرة ببيت ستي والا ما اجت عمتي من الصبح بس قهرتها
بقلبي:كان بدي احكي مع محمد حكي خارج عن المألوف انا بحب محبتو الي بس كلشي بيمنعني ابادلو الحب بس هو مبادراتو خفت يمكن مل او صار يخجل من هالموضوع بس حبيت وقت خجل لانو غمزتو وانا كنت قاصدة اتحركشو وبالي بمكالمتو ومع مين ياترى وهلا قررت ماما نمشي ارجعنا تمشاية
عزمي:هدوء الضيعة
بلسم: هدوء وخنقة شامم ريحة الحطب
ماما:هو بس حطب شوفو كيف ملوث الجو كلو
بلسم: والمدينة فيها متل هيك
عزمي:عتبك على يلي عايش فيها يمكن اخر مرة زرت المدينة كنت صف تاسع
بليم: غيرك ما شافها غير بالتلفزيون
عزمي:بتضيعي فيها
بلسم؛عنجد
عزمي:اي لانك غشيمة
بلسم:بس حلوة والا مو عايشين هنيك اكتر الي منعرفهن
عزمي:لو تشوفي فيلا عمي ابو مهران
بلسم:رحتلها
عزمي:مرة وحدة بس من بعيد

بلسم: شفت صور خطبة سلام مبين بيتهن فخم كتير
بقلبي:وعاريسها جنتل كتير وبيلبس طقم مو متل الي عنا كلو بيلبس عادي ومبين رجل اعمال ومعبى مصاري
وصلنا للحارة والا عزمي يتصل ب عامر رحنا نسهر ببيت ستي الحكي لبرى واصل وضحك ومزح فتحتلنا سيدرا
سيدرا: نورت والله كيفك مرت عمي
ماما:مشتقتلك شو مين هون
سيدرا:كالعادة
فتنا ورا ماما اخر شي انا سكرت الباب
طبعا الا ماما تسلم ع الكل وعزمي رأساً لعند الشباب لانهن جنب بعض وصف واحد وانا قعدت جنب سيدرا ويعني اخدا موقف بس ما بيمنع اجتمع فيهن
همستلها:شو ليش متجمعين
سيدرا: مباراة
بلسم: فايقين ورايقين
سعدية:طولتو
بلسم:نطرتونا
سعدية:لا بس ما توقعنا تيجي
بلسم:..
سلام:كيف كان الغدا
بلسم:غير شكل وانتو
سلام:عمتي طبخت اما شو اكل ع كيفك
بلسم: صحة وهنا
اندق الباب ودغري رحت لافتح
بلسم:مين
بدرية:انا عمتك
فتحتلها وانبسطت بشوفتي عكسي انا غص قلبي ما بطيقها
بدرية:كيفك يا عمري طمنيني عنك
بلسم: اهلين عمتي اهلا وسهلا
بدرية:هون وصفية
بلسم:اللمة كلهاا اتفضلي
فاتت والحقتها
بدرية:في سيارة عمتي
قبل احكي وقفت عند الباب بس شافت محمد وسلام
بلسم:فوتي عمتي
ستي:فوتي مافي حدا
بدرية:...
سلمت على ستي وعلى مرت عمي وماما وعمتي وقعدت مو عاجبها سلام ومحمد اطلعو ببعض واشرلا شي ودغري وقفو لتنين وطلعو وسكرو كمان
بدرية؛هاد الهامل شو مفوتو لهون
ستي:ابن ابني
بدرية:عيلة ما بتعرف الله اصلا كيف بتستقبليهن يروحو يشبعو هنيك ارض ومصاري
وصفية:خلص اختي ما بصير
بدرية:هاد السرسري لازم ما يبات هون ناقصنا مشاكل
ستي:لا تحكي عليه مافي منو
بدرية:انشالله بيوم واحد
وصفية:اختي وحدي الله لا تدعي عليهن
بدرية:لو دقتي الي دوقني اياه ابوهم كنتي دعيتي ليل نهار عليهن
عزمي:الله المستعان
بدرية:بشوف الكل بصفهن لو بعرف انو هون هو واختو مااجيت بقلمي مايا الحجازي
......
بغرفة ستهن
بقلبو:الي بيعرف بيعرف والي ما بيعرف بقول كف عدس
سلام:منيح ما دعت علينا
محمد:بكرة بتبلش
سلام:خفت تخجلنا قدام الكل
محمد:بتعرفي لازم ما اجينا
سلام:بلعكس اتسلينا كتير
محمد:بس اتعكر مزاجي من شوفتها طنشت الكل بسببنا
سلام:اي بالعادة بتسلم ع الكل وعلينا بتحكي ما عليكن سلام
محمد:بابا غلط بوقتها بس نحن شو علاقتنا
سلام:ليش شو صار
محمد:طلبت حصتها بعد ما اتوفى جدي وبابا قلعها بعد ما ضربها
سلام:يا الله منو ليش ليعمل هيك وليكهن ورثن
محمد:اي لولا عمي ابو عزمي ما كان ورثهن
بجية بلسم ابتسمتلهن جبر خواطر
بلسم:ليش هون انتو
محمد:اطلعنا بكرامتنا
بلسم:بس الكل عم يدافعلكن
محمد:ولا نسمع دعاويها
بلسم:بس كانو بدها تمشي لهيك رايحة اعمل القهوة
سلام:جاية معك
اتمدد وغمض ليغرق بالنوم
....
بالمطبخ واقفة معي
سلام: دعت موو
بلسم:ع اساس دعاويها ما بتنرد
سلام:نظراتها كانت بتخوف
بلسم:اي انا استحيت منها وما الي علاقة
سلام:بتكره محمد كتير
بلسم: ليش اطلعتو
سلام:مو ناقصنا تسميع حكي بلسم
بلسم:شو
سلام:انا مابحب نقل الحكي بس سعدية شكت منك كتير
بلسم:هههه عادي يا روحي
سلام:ليش بتكرهن بعض
بلسم:انا عادي بمزح وبضحك بس هي ابصر شبها
سلام:لا بس كتير الحكي ما بينطاق
بلسم:ابصر شو صاير معها
جهزت القهوة ورحت ضيفت الكل ورحت لاكمل سهرتي عند محمد وسلام بس كانت سلام متجلسة
بلسم:نايم؟
سلام:هي عادتو
بلسم:لكن خدي قهوة الك والو
سلام:راحت فيه نومة للصبح
بلسم: ليش بيصحى بكير
سلام:متعود على هيك من زمان
بلسم:بتزكر ايام زمان كان ينام بالسهرة وتصحوه
سلام:وكان مهران يشحطو شحط ويكمل نومتو بالبيت وكانو بعمرو مو نايم
بلسم:بيكون صاحي بكير
سلام: ههههه وحتى وقت ينزل اجازات ما نشوفو وبألف يا ويلاه لحتى يجتمع فينا مرة
بلسم: لهدرجة
سلام:اي واكتر
ما تركتها لحالها كنا نتساير لحتى اسمعنا عم يودعو عمتي بس بدنا نخلص منها واخيرا راحت ومعها عمتي وصفية وبنتها وهيك انقضت السهرة حكي عليهن بس بدون محمد لانو بسابع نومة لاول مرة بحسهن مظلومين بالاخص نظرات عمتي الهن لازم ما تتجاهلهن هني ما علاقتهن وليكو عمي ابو مهران ماحدا بيسترجي يفتح تمو معو بحرف نيالو ترك الضيعة ل يلي بيستاهلوها
........
صحي بطلعة الشمس ستو نايمة وهو عليه كومة حرامات وشاف سلام بجنب ستها غطاها وطلع للحمام غسل ولبس جاكيت وطلع للاسطوح يتمشى بيتزكر ايام زمان وقت كان مربي حمام ومشغول فيهن ليل مع نهار بوقتها كانت موضة عامر عندو كشة وعزمي عندو كشة ويسرقو من بعض شغل سيكارة وكمل تمشاية هلا اتأمل بيت عمو ابو عزمي بيت معشش فيه نفس حبيبتو بيت مليان تفاصيل بتخصها بيحبها وقلبو يدق كل ما اتزكر ملامحها غمزتها الشقية الي شعلت نار جواتو

بقلبو:والله بيطلع منها لو تبادلني الحب بس انا شاكك كل هاد مجاكرة ب عمتي بس والله مو هينة بلسم وقاهرة الكل هيك مبين ما احلى هدوء الضيعة
نزل ل تحت عمل فنجان قهوة وطلع لبرى يشربو مع أجواء باردة بقلمي مايا الحجازي
محمد:ياترى طولو بالسهرة
على دوام المدارس شاف بيلسان ومعها عامر صفرلو لحتى انتبه
عامر:لك ليش صاحي
محمد:حول
عامر: عندها امتحان
قرب منهن محمد
محمد:كيف التحضير
بيلسان:ع كيفك
محمد:معك مصروف
بيلسان:مافي داعي ساعة وبرجع
محمد:لشوفلك وهي الك
عامر: وانا
محمد:انت بدك وجع
عامر:راجعلك لا تفوت
محمد:بستناك
راح عامر وصلها ودغري رجعلو
عامر:عندك دوام مثلا
محمد: مصحصح
عامر:لو ما امي بتخاف عليها ما بصحى
محمد:معها حق شتوية وبرد
عامر:شو كيف سهرة مبارح
محمد؛متل خلقتك ناشفة
عامر:هههه بلا كيف
محمد: تضرب ناوي تعكر مزاجي
عامر:طنش نايمين الجماعة
محمد:نيالهن
عامر:اي كيف الحب
محمد:حب ايه
عامر:في مبادارت
محمد:ناطر يجي عمي
عامر:هانت لكن وجاها وهيك
محمد: انا بدي اطلب منو وازا وافق يبشر بجيب احسن جاها
عامر:بشوفلك جماعتكن هون
محمد:ما بسأل عن حدا
عامر:منيح شغلك
محمد:غير شكل
عامر:يعني متل ما منسمع
محمد:شو بتسمعو
عامر:تعذيب وضرب
محمد:انا ما بداوم جوى انا مرافق وبس
عامر:ومنيحة هالشغلة
محمد: منيحة
عامر:ليش بدون نفس بتحكي
محمد: لا بنفس
عامر:انت مجبور ع الشغل
محمد: يعني شو في شغل احسن
عامر :كلو احسن ما تكون مرافق
محمد :صرنا مشتغلين
عامر :مع انو لو كملت دراسة بيطلع منك
محمد: لو؟؟؟ ما كملت
عامر: انت التاني حدا بيبطل قبل الامتحان
طنشو دغري
محمد :اي ليش عزمي كان معصب
عامر: ما وفت معهن ياحرام وكان ناوي يخطب ازا جاب المحصول بس دوبو بعتهن ل عمي بتعرف مكسور عليه اجار
محمد :وكيف مدبرين امورهن
عامر: يمكن اتدينت مرت عمي من ماما لتكفي باقي الشهر
محمد: وشغل عزمي
عامر: يعني اخد اجازة
محمد: وانت ع شو ناوي
عامر: بدي اخد ورشة
محمد:وانا كليوم ببعتلك كم زبون
عامر:كفوو بتدعمني يعني
محمد:بدعمك وازا عزمي بدو يبلش شغل بدبرلو
عامر :اي خبرو انت
محمد: بكون نايم
عامر :اي متولع بالموبايل
محمد: بس عزمي بشوفلك الكل ماعدا ستي
عامر :حتى بديع ما بشيل الموبايل من ايدو مع انو ما بيسمع
محمد: اريحلو
عامر انو اريحلو ما بتحس انو بيختلف عننا مع اننا كلنا جيال
محمد: لو يرجعو أهلو بيتغير
عامر :مو كل سفرتهن مشانو
محمد :بتسدء صرت متأكد اننا عيلة مقطعة موصلة ما في واحد مننا امورو تمام
عامر: بس بعد عمتي بدرية مافي
محمد: لا تزكرني دخيلك
عامر :مو حلوة السهرة بدونك
محمد :ليش طولو
عامر: اي لل١١ ونص
محمد :اهلا كنت بسابع نومة وبلسم كانت مروقة طمني
عامر :لا اصلا ما شاركت كانت صافنة
ضربو محمد على صدرو
محمد: ما احقرك بتتمايزها يعني
عامر هههه لو ما بتحبها ما كنت تركتها بحالها
اخد نفس عميق وزورو
عامر: هههه تخيل عمتي بدرية تخطبها لابنها
محمد :انا هيك هيك ناوي افجرها بعبوة ناسفة
فرط ضحك عامر عليه لانو بيحكي بجد
عامر: فوت كافيك اتجمدت انا
محمد يلا قحط لشوف
.....
بعد الظهر جهزت حالي لارجع للشغل عند جورية
كان عزمي مجهز حالو
بلسم:وين
عزمي:مع محمد فتلة
ماما:خدو بلسم بطريقكن
بلسم:مافي داعي رايحة مع شيماء
عزمي:جاية لهون
بلسم:اي امي معك تعطيني
عزمي:ليش بدك
بلسم:ونحن راجعين منفوت لعند ماجدة
عزمي: اديش بدك
بلسم: المهم مصاري مشان لا اعتاز من حدا
ماما:مامعي الا عشرين الف
بلسم:خلص لكن
ماما:بس يبعت ابوكي
بلسم:يلا هي شيماء علمتلي
اطلعت كان محمد برى بالسيارة وجنبو عامر طلع معهن عزمي وراحو التقيت ب شيماء
بلسم:مبسوطة كأنك
شيماء:شفت الحب
بلسم:ايه ما حدا متلك
شيماء: حليان هالمحمد
بلسم:من حلى عيونك
شيماء:بس عزمي قاشش حلاة الضيعة كلها
بلسم:منيح انك مرتبطة
شيماء::هههه بس ببدلو عادي
بلسم: خلصيني حركي
التقينا ب سيدرا وكملنا لعند جورية وهنيك اتوزعنا كل وحدة على ماكينة خياطة بشغف كنت عم اشتغل وكلي امل اصير مصممة ازياء لانو بيطلع معي موديلات كتيرة خلصت من ايدي دغري
جورية:انتي بنحسد عليكي
بلسم:شوفي كمان
جورية:شوفي شو بدهن مساعدة رفقاتك
بلسم:انا حابة افرجيكي كم تصميم
جورية :هاتي لشوف
فرجيتها وانبهرت فيهن
جورية:حرام تضيعي هالموهبة هيك هالتصاميم كتير حلوة
بلسم:يعني اكمل
جورية: كملي ونصيحة مني لا توقفي هون اسعي لتعملي ماركة خاصة فيكي
خلصنا سوى وارجعنا تمشاية بجية اخوها ل شيماء بنظرات محدودة علينا صرت اتفقد حالي بس شيماء ما عجبها
شيماء:قلتلك مروحة مع البنات
ايوب: فوق مو خايف عليكي
كان يحكي معها ومركز فيني
سيدرا:امشي بلسم
اتقدمنا وتركناها معو

سيدرا:شفتي ما اوقحو
بلسم:شفت
سيدرا:اكلك بعيونو
بلسم:بس انا حبيت نظراتو الي
سيدرا: يا حبيبي هاد الي ناقص
بلسم: عنجد شوفيها اتواصل معو واكسر الروتين انا مليت
سيدرا:هاد رح يسليكي
بلسم:ليش لا
سيدرا:هاد رح يفضحك
بلسم: اتخيلي يصير حبيبي
سيدرا:بلا جدبة
لحقتنا شيماء ركض
شيماء:وين رحتن
اطلعت وراي وشفتوو لساتو واقف وابتسملي وما رديتو لهيك شغل الموتور ومر من جنبنا
سيدرا:ليش ما رحتي معو
شيماء:هو جاي يبصبص
سيدرا:ع مين
اشرت عليي ومثلت اني مصدومة
سيدرا: عنجد
شيماء:اكل راسي يوميا بسألني عنها ووقت اتصل فيكي بيخليني افتح سبيكر
بلسم: الله لا يوفقك احكي
شيماء:ليش بدك تبادليه الاعجاب
بلسم:لك اوقات بخبص معك الله لا يوفقك
شيماء:هههه يعني عجبك
هزيت راسي ببراءة شهقت سيدرا
سيدرا:لك هبلة
شيماء: وابن العم
بلسم:شيلونا منو خليني ب اخوكي عنجد معجب
شيماء:بس انا قلتلو عن محمد وما اهتم
بلسم:اووه احسن واحسن
فتنا للنوفتيه لعند ماجدة وشفت فستان سعدية
بلسم:ما احلاه
سيدرا بشهقة طويلة:هاد هاد
بلسم:اي شوفي لونو ترابي
سيدرا: معقولة انتي مو كسدتيه بعين سعدية
بلسم:ليش هي ما الها نظر بأديش هاد
ماجدة:حسبتو ل سعدية ١٥٠ بس مشانك خديه ب ١٢٠
بلسم:بكرة الدفع عادي
ماجدة:ولا بهمك
اخدتو تحت تأثير صدمة سيدرا ومسكت بلوزتها كمان الي رجعتها
سيدرا: لااا هيك كتير
بلسم: لو معي اخدتها شوفي كيف محبوكة وصوفها اصلي ولا زنارها بيجنن
سيدرا: شو صايرة لئيمة ولا اتحرك عندك صفات عمتي
بلسم:ماجدة بدي احجزها لا تبيعيها لحدا مع هاد البنطلون
ماجدة:ولا يهمك
بقيت مصدومة وشيماء اختارت مناكير واكسسورات ومكياج
حاسبتها واطلعنا
سيدرا:عنجد بدك تشتري لبلوزة
بلسم:بتجنن
سيدرا:عجبك شيماء
شيماء:زوء بلسم حلو متلها
بلسم:عتبك على قليلات النظر
جاكرتها لحتى انقهرت مني بس كنت شايلة هم المصاري امي ما معها وسيدرا مارح تديني لاول الشهر
ارجعنا التقينا ب ايوب واخجلت كتير بس سيدرا رح تتفجر والله يستر ما تحكي ل محمد وعزمي او عامر ولي رح اتوسللها بالسهرة اليوم ودعتنا شيماء وراحت مع ايوب ودغري دفشتني سيدرا بقلمي مايا الحجازي
سيدرا:اوعك تعطيه وش مبين صايع
بلسم: شو دخلك انتي
سيدرا: اوعك بلسم اوعك
بلسم:سيدرا حلي عني
سيدرا :ايه منشوف يا بلسم
كملت للبيت لحالي كانت ماما تطبخ ومبسوطة
ماما:شو جايبة معك
بلسم: اشتريت فستان
فرجيتها اياه
ماما:واديش سعرو
بلسم:مية بس
ماما:يوووه غالي رجعيه.
بلسم:والله حلو
اخدتت من ايدي وضبتو
ماما:مو وقتو مافي مناسبة ومامعنا بيتنا مصفر
بلسم:ع الدين
ماما:دخيلك مو ناقصني دين مرت عمك صار بدها مني هديك الحسبة بكفينا الي فينا
بجية عزمي
ماما:بدك تطلع
عزمي:اي اجيت اخد الجاكيت
ماما: رجع ل ماجدة هاد
عزمي:ليش
ماما:ما حلو وديق كمان
عزمي:طيب ماشي ايمتى بجهز الغدا
ماما: كمان ساعة
عزمي:لانو عزمت محمد
ماما:ماشي
اخدت نفس عميق وفتت للغرفة مقهورة بس بستاهل اللبست تياب البيت وشردت ب ايووب وابتسمت
..........
كانو عند البيت واقفين
محمد :انا قلتلك بدي اتغدا
عزمي: انت بتحب هالاكلة
محمد: والله ماني جوعان
عزمي:بتحب طبخ امي فوت يلا
محمد: والله مو حرزانة ستي وسلام بيستنني
عزمي :خلصني فوت يلا
دفشو دفش وفات ورا عزمي ومو بنفسو شي هاد قبل يشوف بلسم وقع قلبو لانها كانت بدون لحجاب ودغري اخدت الشالة بس هو بعد نظرو عنها دغري
تحلفلها عزمي لهيك دغري طلعت من الغرفة
محمد :انت التاني حيلا بتطحش فيني
عزمي: معقول ما سمعت
محمد: بدو يكون هيك الله يلعنك اي
عزمي :شوي وراجعلك حس انو شغلة خناقة سمعها
بلسم:اااخ
عزمي: حيوانة ما سمتي معي محمد
بلسم:والله ما اسمعت
عزمي: مع مين عقلك وين ادانك
بلسم :والله ما اسمعت ماما تعالي شوفي ابنك عم يضربني
ماما: شوفي اتركها
عزمي:بدي اكسر راسها تاني مرة
بقي واقف يتأمل الجو من الشباك لحتى فات عزمي
عزمي :ارتاح ليش واقف
محمد :...
عزمي :خود راحتك
بجية بلسم وحاملة الاكل واهتم فيه عزمي كتير
عزمي: شو شكلك مقيم
محمد: بشوفلك كلو مستقلع مني رايح لا تخاف
عزمي: هههه اي شو مشان الكرم
محمد :خلص امنت ل تحسين
عزمي: اي هاد ماعندو لف ودوران
محمد :وانت
عزمي: بدبر حالي
محمد: لك بشوفلك كأنو ايوب بدو يشتغل بالمحلات
عزمي: اي اعرض عليه ازا هيك
محمد :خلص ولا يهمك
بعد الغدا ما خلاه يروح وعزم الكل على السهرة
.......
وقت شفت سلام وتياب سلام اختنقت شو هالشياكة ولا البوط ضليت اتأملها لحتى فاتت وحتى ريحة لوشن بتجنن سكرت وفتت وكأنها مشتاقة لاخوها قعدت جنبو ويحكو بصوت واطي لروح زبط حالي ماحدا احسن من حدا وهلا بتيجي سيدرا كانوو على عرض ازياء اللبست جينز وبلوزة سودا اتمكيجت وكمان حطيت لوشن وحملت موبايلي ورحت فتحت لبيت عمي

عامر: شو الحضور كامل
بلسم:ناقصو حضرتك
عامر:ههه أجييت
ام عامر:شو هالحلاوة اه
بلسم:تسلميلي شو بسة كيف امتحانك
بيلسان:ع المية المية
سيدرا:متحلفلك
بلسم:فوتي جاية على عرس كانو
سيدرا؛هيك شي
....
طبعا اول ما شافت عزمي دق قلبها بس هداك متل اختوو لا حس ولا احساس اتمايزت بلسم وسلام واتاملت حالها
بقلبها: انشالله يحس على دمو نيال موبايلو اديش بيحبو
سلام بقلبها:طبعا اتغدا هون وكانو البيت بيتو او بيت حماه المستقبلي
بيلسان تتأمل محمد ومبتسميتلو رغم انو مركز بموبايلو
بيلسان: شو بتلعب
محمد:مو لعبة برنامج
بيلسان:مين هي
محمد:رفيقتي
بيلسان:ياااا نيالك
محمد:تحكي معها
بيلسان:اي بحكي
اعطاها السماعة
محمد:هي الي حكيتلك عنها اسمها بيلسان
.......
اطلعنا ببعض انا وسيدرا
بلسم: مع مين بتحكي
سلام:مابعرف
سيدرا: يمكن مع حنان
سلام:لا مستحيل
سيدراشو وين الفستان لازم البستيه
بلسم:طلع ديق
سيدرا:ههههه اخ بتستاهلي
بلسم: تضربي
سلام: انو فستان
بلسم: اشتريتو ورجعتو اي حلوين تيابك
سلام:هههه يحلي ايامك
بلسم:من وين
سلام:محل عطول باخد تيابي من عندو
بلسم:ازا بعطيكي مصاري بتشتريلي
سيدرا:ههه ليروحو يطلعو ديقين
بلسم:بعطيكي المقاس
سيدرا: ويمكن يزيد وزنك
بلسم:بطلت بدي دخيلك
تركتهن ورحت لاعمل الشاي اجى عزمي ياخد صحون سكاير
بلسم:ع راسي لا بقى تضربني
عزمي:بدي اكسرو بتعرفي انو شافك
بلسم:ازا هو وقح شو اعملو
عزمي:مو اوقح منك قاعدة متل البقرة ما اسمعتي صوتو
بلسم:ما انتبهت ما استوعبت الا وانتو بالغرفة
عزمي:اخرسي خلص
بلسم:بس رح أخبر بابا
حكيتها ودموعي متجمعين
عزمي:اي خبريه
بلسم:والله راسي رح يتفجر منك
عزمي:اريح
بلسم: كتير مو شوي
عزمي:كملي شغلك اتعودتي على اللعي
مسحت دموعي لانو اجت سيدرا ودرت وشي
سيدرا:كانو معصب عزمي
ما حكيت لانو رح تعرف انو عم ابكي
سيدرا:بحكي مع مين
بلسم: مابعرف
سبدرا:شبكي ليش عم تبكي
بلسم:...
سيدرا: شوفي صاير شي
بلسم:مو مسدءة اخلص منهن
سيدرا:ههه مجنونة
بلسم:جايب معو هداك الي ما بيتسمى وفات وانا مو لابسة ع راسي ضربني لحد هلا راسي عم يوجعني
سيدرا:خلص لا تبكي امانة
بلسم:هو بس يمرض بموت من قهري عليه وهو شو ضربني مشان هداك الوقح ما بيستحي فات بكل عين وقحة
سيدرا:روحي غسلي يلا وتعالي
طاوعتها بس مخنوقة غسلت رغم انو دموعي عم يذرفو بغزارة وارجعت مسحتهن وبالغصب لفتت ورا سيدرا وقعدت على جنب اتسلى بموبايلي بعتت ل شيماء
بلسم: كيفو الحلو
شيماء: تمام كيف خطرت ع بالك
بلسم:مو انتي ايوب
شيماء:لك بلا هبلك
بلسم: تعطيني رقمو
شيماء:ع شو ناوية
بلسم:ع الحب
شيماء:هههه اي شو عاملة
بلسم:ولاشي بس بدي احكي مع ايوب
شيماء: اخي مجنون شو بدك فيه
بلسم:بخليه عاقل لا تخافي.
انتبهت للحكي
ام عامر:مين مزعل بلسم
ابتسمتلها
بلسم:ماحدا بس تعبانة شوي
طبعا زورني عزمي
ستي:سلامتك ديري بالك على حالك
بقلبي:اعتقوني وما عليكن مني
سلام:بس ما كان فيكي شي بس رحتي للمطبخ اتغيرتي
بلسم:والمعنى
سلام:ورجع عزمي معصب
بلسم:...
سلام:اكيد بهدلك
بلسم:ليش ما ببهدلك اخوكي
سلام:محمد مستحيل احن منو مافي بس مهران اي ما بسترجي احكي معو
بلسم:هو اخوكي الاس
سلام:يوه شو عامل
بلسم:بفوت بدون ما يحكي وشافني
سيدرا: بتعرفي شعرات الملكة
يلسم:ههههه يمكنو خاف امانة أسأليه
سلام:حلوين شعراتك
بلسم: لدرجة الصراحة
سيدرا:وكنتي مرتبة شعرك
بلسم:هههه لا منكوشين
سيدرا:محمد كيفك
انتبهلها
محمد: اهلين
سيدرا:منيح انت
محمد:ههه شبكي وليه
سيدرا:لا تمام امورو فكرتو انجن
فرطنا ضحك
محمد:شو صاير محتوى
سيدرا: حلوين شعراتك
عامر:عنجد
سيدرا:ههه هو بيعرف
محمد:.
........
عيونو على بلسم الي مو على بعضها ومتأكد عزمي مزعلها ومبكيها كمان بس مافيه يتدخل ولا حتى يمنع ناطر جية عمو وهي الي رح تحسم الامور
اتصل فيه أمين ودغري طلع لبرى يحكي معو
محمد:خير يا طير
امين:وينك انت
محمد:بالحارة
امين:تعال انا بالمزرعة ولحالي وجيب ايوب معك
محمد:لا مابدي بجي لحالي بدك اياه اتصل فيه انت
امين:على كلا ناطرك
اشر ل عزمي ودغري اجى لعندو
عزمي: شوفي
محمد:امين بدو اياني
عزمي:وين هو
محمد:بالمزرعة
عزمي:وامان تروح لهنيك
محمد:بسيارتي
عزمي:شو بدك بهالروحة
محمد:لو مو صاير معو شي ما بيتصل
عزمي:لحالك
محمد:اي ما بأثر
عزمي:متل مابدك ارجع ازا ما طولت
محمد:بشوف شو بصير معي
طلع دغري لبيت ستو والي متأكد منو سمع صوت خطوات بين الشجر كمل متوقع يكون كلب او قطة فتح السيارة وضرب ضو عالي بين الشجر وهو عم يرجع بالسيارة بس ما شاف شي لهيك اتأكد انو احساسو بمحلو ودغري للمزرعة مأمن حالو مسدسو معو وسايق بسرعة لوصل فتحلو البوابة امين بقلمي مايا الحجازي

وفاتو سوى
محمد:في شي مو
امين:ماني مرتاح وتركني نواف مرتو عم تطلق
محمد:عقبالك
امين:وكيفك مع السهر
محمد:بس حطلي مخدة وبتروح فيني
امين:جبتك تونسني
محمد: اتصلت بحدا
امين:لا غير فيك وين كنت
محمد:ببيت ستي
امين: يعني مافي سهرة
محمد:لا برد مافي سهرة
امين:شو بتحب شاي ولا قهوة
محمد:عرق ازا في
امين:هههه يا ندل ع اساس ما بتشرب
محمد:ارتحت هلا
امين:بس شفت ضو سيارتك ارتحت
قعدو وضامين الجواكيت ع حالهن برد كتير
محمد:في شي يعني
امين:لا كترانة السرقات وماعاد همهن في حدا بيراقبو وبيهجمو كمان
محمد:وانت عازمني على هيك
امين:شو اعملك يعني خفت من فترة هجمو على مزرعة ابراهيم رغم انها مليانة وحاولو يسرقو السيارة
محمد:مو ساكن مع عيالو
امين:اي بس البنت صحيت بليل وسالت امها وين رايح بابا وهون عرفو انو في حرامية
محمد: يكتر خيرك
اتزكر صوت الخطوات
محمد:وبيسرقو حيلا سيارة
امين:لو موتور ما بقصرو
محمد:وعنجد في حرامية
امبن: بكزب عليك والله مليان

محمد:الله لا يوفقك يعني انا ما كنت اتوهم
امين:ليش
محمد: انا عطول بخلي السيارة ببيت ستي وانا طالع اسمعت صوت خطوات
امين:لك لااا لساها بعز السهرة بيجو بعد نص ليل
محمد:لكن مافي امان
امين:بنوب دير بالك ع ستك😂
محمد:على كلا هي ما بتسمع بيحمل وبيمشي
امين:هههه اتصل ب ايوب
محمد:اتصل منكزب عليه كم كزبة منتسلى فيه
اتصل فيه امين صار يهمسلو محمد
محمد:شيماء يا شيماء
امين خاف كتير صار يعضلو على شفافو بس محمد مكمل
ايوب:مين عندك في حدا بيحكي
امين: لا ماحدا اتصلت ب اصيل
ايوب:ازا اصيل جاي بيجي يلا مسافة الطريق.
سكر امين ودفشو
امين:لك لو سمعك
محمد:مو اختو شيماء حبيبتك
امين: الله يفضحك لك شو بتخبص انت
محمد:بس اشوفها بنسى اخت مين بتزكر بتحب مين
امين:سكر ع السيرة مشان الله
محمد:بس ع شو حابيتك وشك متل الكازوزة ودقنك بدها نتف
فرطان ضحك ع امين الي مو هامو انتقاد محمد
محمد:لاااا ولسى بتلبس سماوي
امين:شايفها اليوم
محمد:ما هي رفيقة بنات عمي
امين:بلسومة يعني
محمد:بتعرف تخرس
امين:ههههه
محمد:اوعك تعيدها ها
امين:ها شوف كتير خفت منك
محمد:ضريب ريتو اجى الحرامي واعلقت مع منيب .
امين:بروح فيها الله وكيلك
بجية ايوب على موتور انصدمو فيه
امين:ابن الحرام
محمد:بيتعاطى ولا تقنعني
سلم عليهن وانضم الهن مشغلين نار وصار الشاي وضيفهن امين
ايوب: كيفو اسأل علينا والله منحبك
محمد:انت اسأل عليي
ايوب:ما بتطيق افوت حارتكن
محمد:منيح بتفهم
ايوب: شو وين اولاد عمك
محمد: وشو بدك فيهن
ايوب:والله حاببهن كتير
محمد:الله لا يحبك
امين:هههه كيف اوصلت منيح ما اغتالوك
ايوب:شو بدهن فيني زلمة عايف حالي
محمد:انووو عايف حالك بتكزب عينك عينك
ايوب:شو شفت مني
محمد:كل ردية
ايوب:هههه ايمتى راجع
محمد:فكرك احكيلك
ايوب: انا السبت طالع
محمد:دربك شوك
امين:هههه حرام عليك
ايوب:بمون
محمد:فهيم اتعلم منو اي صحيح امين كنت تحكيلي عن حبيبتك
ايوب:ليش حابب
امين:اعوذ بالله انت شو بتخبص
محمد:امبلا وكان اسمها
امين:وحد الله مافي منو انا نهايتي اخد وحدة من بنات عمي
ايوب:مأمن حالو يا عمي وانت اصيل
محمد:ماعندك اخوات بنات بينحبو
ايوب: تضرب بشكلك شو بدك باخواتي
محمد:ازا بدك بصير صهرك
دغري وقف امين وراح لبعيد قبل يتهور ويضرب محمد
ايوب:لا ما عنا بنات
محمد:امبلا شفتها شو بتكزبني
ايوب:يعني انت ناوي تتمشكل
محمد:هههه بمزح معك امين تعال ايوب ناوي يجوزك اختو
ايوب:اي وبعدين انت ما بتستحي
محمد:لا زمان طلقتو😂
امين:شيلونا من هالسيرة خلونا بالحرامية
محمد:هاد مدير العمليات
طبطبلو على كتفو هد حيلو لامين
ايوب:هههه الله عليك انت ما بينعلق معك
امين:عنجد اعلق مع رقاصة بتسترك هاد اللعن من النسوان
محمد:عيب السرقة مثلا انا بعترف انو بسرق
ايوب:بلا جد
محمد:لو تعرف شو سرقت اخر مرة
ايوب:متل
محمد:شغلة تقيلة من حدا تقيل
ايوب: لعمى مو معقول
محمد:لهيك خبو اغراضكن مو مشان شي مشاننكن ومشان ما امد ايدي ع الحرام
امين:اخدها عادة
محمد:ايدي ما بمون عليها مرة سرقت موبايل احزرو لمين طلع
ايوب:لاخوك
محمد:لك لاا الي بس كنت مغيرر الكفر وفكرتو مو الي
غرقانين بالضحك عليه
محمد:ورصاص منك الو
امين:والله انك نهفة
ايوب:قصدك داهية
..........
ثار رصاص بالجو كنا طالعين نوصل سلام وستي وبديع
سلام:هون مو
عزمي: لا بعيد
سلام:وين أصيل
عزمي: عند رفيقو
سلام:الله يسامحو ليش طلع
عزمي:هلا بشوف عليه
وصلناهن وضلينا عند الباب لحتى فاتو وسكرو وارجعنا تمشاية اجيت معو لاني بخاف عليه
عزمي:هاد ما بيرد
بلسم: شو بدو يصير عليه
عزمي: متدايق
بلسم:خلص بقى والله مخنوقة مدايقة اكتر منك
عزمي:كيف ما اسمعتي كان صوتنا عالي
بلسم:شبعرفني والله لساتني خايفة من الموقف لا تزيدها عليي
عزمي: ماشي
رجع اتصل بمحمد رد عليه ونحن فايتين للبيت وضليت واقفة اعرف شو الموضوع
عزمي:مو عندكن......اي مين معك....ماشي لا وصلتهن لا تخاف بس لا تتاخر ارجع بكير مافي امان اي هلا بفتح سلام
بلسم:شو
عزمي:بعيد قلتلكن
........
سيدرا مهمومة متدايقة من عزمي وحابة تلمحلو بس خايفة من ردة الفعل
بقلبها: لو معجب كان بين عليه محمد اليوم ما شال عيونو عن بلسم وكان مهموم ما بنسى كيف اتأملها قبل يطلع يرد على موبايلو نيالك في حدا معجب فيكي ومين محمد اي والله مافي منو يارب يحبني عزمي ويصير من نصيبي يارب يتغير كلشي واتجوزو شو بدي احلى ولا ارتب ولا أأدب منو بيكفي زلمة وبيغار وهي احلى صفاتو بس مو حنون متل محمد
..........
عامر لسى ما راحت سلام من بالو نظراتها الو كانت كلها اعجاب لو كزب حالو واتزكر انو شاف صورة خطيبها مع محمد وزاد القهر والغيرة

بقلبو :بتحكي معو بيتغزل فيها بحبها بتحبو وانا هون بدي اطالعك من راسي ما افكر فيكي بس ماني قدران جمالك نعومتك انتي ملاك من عالم تاني ااااخ دخيل قلبك شو حلوة وطيوبة مو لئيمة لمين طالعة حنونة هيك
عامر:حسي فيني امانة
......
سلام عم تقرأ مختصرات بعتها كمال
كمال:مارح احكي معك ولا اتواصل اتهني بالضيعة اتهني مع اخوكي ولا تحاولي ترجعي العلاقات الي بيكسر كلمتي رح يشوف مني شي كتير
بقلبها: ما بحبك ولا بحب تحكمك فيني انا بنت هالضيعة بعشق ترابها وأرضها وناسها كمان يا الله شو حلوة لمة الاهل ما احلى المزح معهن بالاخص عامر
اتزكر ضحكتو ومزحو وكتير دمو خفيف
بقلبها: مستحيل اشوف حدا اروق منك ومبين حباب ومتسامح وبقلبو مافي حقد يا الله ليش ما يكون عامر من نصيبي واقضي حياتي معو ببساطة بدون رسميات بدون زعل بدون حقد وتحكم واذية اوووف يضرب كلشي مجبورة عليه
.....
محمد بعالم تاني صحيح عم يتسايرو بس هو مو سامع الحكي منتبه للنار وعم يتزكر كل اللحظات الي جمعتو ب بلسم حتى وقت كانت طفلة ما كان بيعرف انو هاد حب بأيام المدرسة وقت كان محامي دفاع عنها السبب الاول لانها بنت عمو والتاني لانها بنت وضعيفة وهلا متأكد السبب المهم انو كان يحبها من هديك الايام
وقت استاز الرياضة سألها بأهتمام عن اسمها وبنت مين بيتزكر انو انقهر كتير لانها بلسم بتخصو مو بس بنت عم اقرب بكتير شي مافيه يفسرو
اخد نفس ليرجع للواقع لمنظر مابروح من بالو ل شعراتها
ولانو صارلها زمان متحجبة بالنسبة الو ملفته ومغرية بكلشي
امين:جبناك تصفن
محمد:..
ايوب:ليكون حابب
امين:يمكن هي صفنة الحب
محمد: انتو سهرانين
ايوب:هلا حلوت السهرة
محمد:انا ميت نعس تصبحو ع خير
امين:وانت من اهلو
رجع للبيت مرتاح لانو متاكد من حبو الها
بس ما عجبو انها زعلانة وهو السبب لانو عزمي جحش نظامي وبيغار عليها غيرة جنونية صفط السيارة قريب من الشباك لحتى يسمع اقل حركة ستو وسلام نايمات وبديع بالغرفة نايم وهو اخد فرشة وحرام ونام تحت الشباك وفتح برنامج ليتواصل مع عزمي الي اون لاين كل الوقت
محمد:وينك
عزمي:روحت مو
محمد:هي وصلتي
عزمي:بدك تنام
محمد:مو جاييني نوم
عزمي:غريب صاحي بكير
محمد:مو مرتاح حاسس في شي
عزمي:بلا جد
محمد: بدي امزح يعني
عزمي: سامع شي
محمد:اي
عزمي:اطلع خلينا نسهر برى
محمد:لا مو حرزانة انا سهران
عزمي:انا مشانك
محمد:لا تشيل همي
عزمي:ازا بدك اي شي بس علملي تعليمة
بقلبو:انت وحيد اهلك اما انا متخليين عني كلهن بناقص مني
.........
يوميات متشابهة سهرات واجتماعات يومية بس نجاح بيلسان غير كل المود واتاريه محمد واعدها بحفلة والتحضيرات ببيت ستي ونحن الي اعلقنا عامر وبديع زينو الغرفة ببوالين من كل الالوان ونحن جهزنا تبولة ويبرق وعصير سيدرا مستلمة الاغاني وسلام عم نترجاها تخلص مكياج ولبس وانا كمان رح اللبس واجهز حالي طليت على نهائيات التزيين بس الي وقفني لعبهن كانو هالمرة متفقين على محمد ماسكو عزمي بس هو متمكن من حالو وعامر هرب بس عزمي مو مستسلم وبديع من صف محمد وعم يحاول يبعد عزمي عن محمد غرقانين بالضحك متل لولاد لصغار ارجعت للبيت ماراح منظرهن من بالي حلو يكونو هيك منسجمين مع بعض بالبيت ماما عم تجهز حالها
بلسم:نيالك
ماما:لكن ليش بنحسد عليكي اخدتي مكاني كيف التحضيرات
بلسم:تركت ابنك يلعب مع اولاد عمو
ماما:يقبر قلبي
بلسم: رايحة
ماما: ناطرة مرت عمك
اللبست فستان ابيض وعليه ورد جوري احمر واتمكيجت مكياج خفيف لفيت الشالة واجتمعت مع ماما ومرت عمي بجية عمتي وسعدية والا تبوسني واتمايزتني
عمتي: بجنن فستانك من هون
ماما:لا من ابو عزمي
عمتي:بيجنن
ام عامر:قصدك القالب غالب اسم الله عليها
بيلسان لابسة فستان زهري فاتح وسلام عامليتلها مكياج هادي وموديل شعر وهلا محمد راح ليجيب الكيك الي موصي عليه
عمتي:لا تتأخر
محمد:مسافة الطريق بس
سعدية:حدا يروح معو
عامر: انا جاي
لاحظت سلام متأمليتو ولي على عيونها وهلا هو خجل وطلع مع محمد ضليت مصدومة من هالمنظر وسيدرا مبتسمة ب خجل
فيهن وشة البنات
بلسم: يلا نجهز الاكل
سيدرا:يلا اجيت
بالمطبخ غمزتها
بلسم:عشقان الحلوو
سيدرا:لا ولوو
بلسم:بس في شي
سيدرا:حسدت بيسو
بلسم: وانا غيرانة ياريت حدا يعملي حفلة
سيدرا:شغلت سلام اغاني
بلسم:بتعبر عن الحب اكيد
اجت تركض بيلسان
بيلسان:بلسم تعالي شوفي امك واخوكي عم يرقصو
رحنا ركض كان منظرهن بيجنن وعمتي مبتسمة بدون نفس بس سعدية تضحك وخجلانة وستي مبسوطة كتير
هيك كانت اجواء الحفلة طلع بديع وعزمي ونحن بلشنا رقص كنت اجاكر بعمتي اتمايل عندها جننتها من الاخر
وبس اجى محمد دغري جهزنا مكان الحفل شغل لشموع وطفينا الاضوية لحتى طفت بيلسان لشموع تسفيق وتصفير وبلشنا بالاكل اهتمام عمتي بمحمد كان واضح ومبين

ضجة على صوت ضحك وحكي وعزمي شغل اغنية على زوقو وصفو حد بعض للدبكة بمشاركتنا مسكت بأيد عزمي والباقي وراي حتى ماما وعمتي ومرت عمي وستي مبسوطة فينا عيلتها مجانين بس محمد وسلام عملو جو جديد علينا
ومحمد وعامر وعزمي على الاول نفس الحركة ونحن نطلع ببعضنا ونوقف عن الدبكة بس كانت حفلة بتجنن
.......
ترك دغري وقت شاف موبايلو عم يعطي اشعارات
شاف مكالمة من ضياء بيك ودغري طلع لبرى يحكي باهتمام بعد ما اخد نفس
محمد: احترامي سيدي
ضياء:بالتلة انت
محمد:اي سيدي
ضياء:شو صاير عندكن بالتلة
محمد:ما اسمعت في شي
ضياء:كيف ما اسمعت جيبلي الخبر بسرعة
محمد:حاضر سيدي
فات للغرفة وطفى الاغاني
محمد:من وين بتجيبو اخبار الضيعة
عزمي:في شي
محمد:مابعرف والله بس صاير شي
عامر: امين مافي غيرو
دغري اتصل فيه
محمد: وينك انت
امين:بالمزرعة اسمعت
محمد:شو صاير
امين:ما اسمعت التفجير
محمد: هون يعني
امين: من بيت عبد القادر هيك اسمعت
محمد:سكر سكر برجعلك
عزمي باهتمام:شو صاير
اخد نفس محمد واتصل ب ضياء بيك وطلع يحكي برى
محمد: احترامي سيدي
ضياء:شو يا اصيل
محمد: كأنو من بيت عبد القادر بس مو متأكد
ضياء:على كلا أنا بعتت رتل عسكري جهز حالك انت وكل الشباب الي بالتلة بدي استنفار بدي حماية كاملة مو بس الو لاهلو
محمد:حاضر سيدي انا جاهز ورح اخبر الشباب
اتصل فيه امين رد متوتر محمد كتير
محمد: شو بدك انت
امين:بيقولوو رايح فيها
فصل الخط وزاد توترو
عزمي:فهمنا
محمد: بدي احكي من موبايلك
عزمي:مع مين
محمد:هاد بدو يجيب اخرتي
اتصل ب امين من موبايل عزمي
محمد:لا بقى تخبص على خطي يا ابن الحرام لا تجيب سيرة حدا
امين:بس الخبر
رجع فصل الخط فات مستعجل وهو يحكي مع ايوب
محمد:ايوب لم الشباب انا ناطرك بأول الحارة
ايوب:ماشي انت جاهز
محمد:بس بدي ابدل تيابي
..........
كنا مو عارفين شو القصة وكلنا واقفات بالصالون شفنا كيف محمد متوتر وكانو خايف
عمتي:شو صاير
عزمي:شبعرفني
عامر:خوفنا اتصل ب امين
عزمي: دخيلك مو ناقصنا
طلع محمد جاهز وكانو على حرب لهيك سلام بلشت تبكي
سلام:شوفي اصيل شو صاير
محمد:انا يمكن ما ارجع لهون الشنتة فيها شغلات مهمة خلي كمال يجي ياخدك
سلام:لك للاا انا اجيت معك
محمد:شو حكيت اتصلي ب كمال وارجعي انا مابعرف شو بصير معي.
عمتي:شوفي عمتي
محمد: مابعرف متلي متلكن
ستي:يعني فهمنا
محمد: السيارة خليها عند حدا منكن انا ببعت مين يجيبها
وهلا رن موبايلو فصل الخط وسلام هجمت عليه وبلشت تبكي
سلام:ما ضل فيني حيل امانة وين رايح
محمد:خلص بربك لا تبكي ديري بالك ع حالك
ودغري طلع لحالو والظاهر انو في حدا ناطرو
عامر: كيف انتزع كلشي

.........
باول الحارة طلع ب ب هايلوكس عليها رشاش واتوجهو لبيت عبد القادر اهم ضابط مسؤول عندهن
ايوب:شوكة الشقي بفراشو انزلنا اجازة
محمد: أنا ما اسمعت
ايوب:شو انهزت الضيعة هز
محمد:حكى معك ضياء بيك
ايوب:لا
وصلو بعد ما كانت المنطقة محاوطة بالامن سيارة اسعاف طالعة من المكان واتقدم محمد ليحكي مع الضابط بعد ما ضربلو تحية
محمد:احترامي سيدي
فاروق:انتو جماعة التلة
محمد:اي سيدي
فاروق: بدي تمشطولي المنطقة كاملة
محمد: حاضر سيدي
فاروق:في ممرات فرعية
محمد: مو كتير سيدي
فاروق:لكن بتبعت مجموعة على كل طريق فرعي بعد ما يأمنو لعيلتو الحماية
محمد:الاحسن يباتو بالضيعة طلعة الليل مو مأمنة ويمكن يصير شي غير متوقع
فكر ب كلامو واشر للعنصر
فاروق:بعد ما يمشطو المنطقة بتسحب العناصر على اقرب نقطة عسكرية
وانتو بتضلو هون للصبح والتعليمات رح توصلكن اول بأول
رجع ضربلو تحية
محمد مصدوم وين كان وهلا وين صار الهوى قوي لدرجة البرد سيد الموقف اتوزعو بعد ما مشطو المنطقة وخايفين من اي هجمة عليهن بس التعليمات ما ممكن تتخالف لهيك حاطين ارواحهن على كفهن
بنص الليل هدوء بس صوت تنبيح لكلاب محمد متمدد بأرض السيارة والبرد عم يطلعلو من كل مكان وايوب قاعد على طرف السيارة متل القرد والشباب بالسيارة سهرانين على دخان
محمد:ما بيطلع الضو والا روحي طالعة
ايوب: اتجمدت يا ابن الحرام
محمد: انا اتحممت المغرب انت متلي
ايوب:هههه بمناسبة متحمم مثلا
محمد:كان في حفلة لبنت عمي لصغيرة وبتعرف لازم الواحد يهتم بحالو بس عليي ما عليي لو بعرف انو طالع مهمة ما بتحمم لو شو ما كان
ايوب:هههه
محمد: انا اتخيلت حالي نايم متهني تحت لحرام مو هون
ايوب:غيرك صار بمكان تاني
محمد:لا اله الا الله انا متسكرة الدنيا بخلقتي
ايوب:عنجد بحكي والله الواحد لازم يتوب عن الشغلات العاطلة
محمد:بدك تحج يادوب تكفر عن ذنوبك
ضحكو من بردهن
ايوب:انت مقدس ع اساس
محمد: انووو انا كلي بلاوي