مجد: بيمسك الفنجان وبيشربه بفرد مرة وبحطه وبيبتسم لسلمى وللكل
ابو امجد: بوجه الحكي لمجد شو ياعريس سمعنا صوتك
مجد: بيضحك وبيمسك محرمة وبيمسحك جبينه بخفة
وبيتطلع على سلمى يلي بتكون واقفة هي وأهله وامها بعيد وعم تطلع فيه ومتوترة وعم تبتسم وعيونها عم تغزل بالدموع والحب
مجد: بيبتسملها ليهديها وبيتطلع بابو ملهم وبوقف أنا بشرفني اني اطلب ايد بنتك سلمى على سنة الله ورسوله لتكون شريكة حياتي وحبيبتي ورفيقتي بهالدرب والله شاهد علي وبشهادة هالوجوه الطيبة اني حبها وصونها لاخر يوم بعمري
بقلم#سدرة_عزالدين
ابو ملهم: بوقف وبيتطلع فيه وبوقفو الكل معهن بقرب من مجد وبيحكي سلمى بنتي الوحيدة والغالية يامجد مهرها غالي
مجد: بيبتسم ياعمي أنا امنتك كل هالسنين على ضلعي وأنا جيت هلق لااسترده منك الغالي بيرخص كرمال عيونها
سلمى: بينزلو دموعها وبتضحك وعم ترتجف
ابو ملهم: بيضحك وبيتطلع فيه غلبتني يامجد انا عطيتك إذا الله عطاك ياابني
مجد: بيضحك وبيغمره بقوة
وبتعلى صوت الزراغيط وللللليششششش 😂
ابو ملهم: بيتطلع بمجد انت ابني يامجد وانا مارح كون متطمن على سلمى الا معك الف مبروك
مجد: بيبتسم وببوس جبينه وأيده يخليلنا ياك يارب
ايمن: اي ان شاء الله الف مبروك ابو المجد وبقرب منه وبيحضنه بقوة
مجد: بيضحك وبيحضنه الله يبارك فيك ياشريكيي
بقربو الكل منه وببلشو يباركو لمجد
ابو امجد: شو وين عروستنا
ناهد: بتبتسم يلا بنتي روحي كرمال تلبسو المحابس يلا بتمشي هي وياها وبقربو للنص وببعدو لسلمى
مجد: بيبتسم وبيتطلع فيها وبيمسك أيدها
سلمى: بتمسك بايده وجسدها عم ينتفض من التوتر والفرحة
مجد: بيبتسم و بشد على ايديها ليه عم ترجفي
سلمى: مابعرف وبتضحك
بشتغل اغاني الفرح وبقربو كلهن وعم يتطلعو فيهن وفرحانين فيهن
مجد: بيبتسم وبطلع العلبة من جيبته وبيفتحها وبطلع الخاتم يلي كان برقبته و هلق بتسمحيلي احبسك جوات قلبي لاخر العمر ياتشرينية قلبي
سلمى: بتضحك وبتهز برأسها ودموعها بعيونها وانا رضيانة انحبس معك لاخر العمر وبتفتح أيدها وبتمدله خاتمه وهي امانتك
مجد: بيبتسم وبيمسك أيدها وبلبسها الخاتم
وعم يزقفولهن
سلمى: بتبتسم وبتمسك ايد مجد وبتلبسه الخاتم وبتضحك وحبستك بالقفص الذهبي
مجد: بيضحك واحلى حبس وربي بيمسك رأسها بحب وبيطبع بوسة على جبينها وبيتطلع بعيونها بتعرفي شو يعني الواحد يبوس جبين يلي بحبه
سلمى: بتطلع فيه بعيون عم تغزل بحبه شو
مجد: يعني عم يقلها انتي حلالي وبيبتسم
سلمى: بتنزل دمعتها على خدها بحبك مجد
مجد: بيمسحلها خدها بحنية وانا بموت فيكي وبيمسك أيدها وببوسها بحب
ايمن: رحلوو وبيضحك وبيحضن خالد شوف مااحلاهنن رح ابكيي يازلمة
خالد: كتيرر لك متخيل نحن شاهدين على قصة حبهن
فاطمة: بتضحك الله يحميهن يارب
سارة: بتبتسم بفرحة بجننو عنجد
ايمن: بيتطلع فيها وبقرب منها وبيهمسلها عقبالك
سارة: بتلتفت وبتطلع فيه بنظرة ممزوجة بالحب وبتضحك عقبال عندك
ايمن: بيغمزها بخفة بشو بالضبط
سارة:بتبتسم مابعرف انت بشو برأيك
ايمن: بيضحك ليه انتي جاهزة
سارة: بتتوسع حدقات عيونها بصدمة وفرحة وبتضحك بخفة على شو
ايمن: على الرقص
سارة: بتختفي ابتسامتها على الرقص ايمن!
ايمن: بيضحك لكن على شو
سارة: ولاشي انسى
ايمن: بيكتم ضحكته يلا خلينا نرقص شبكن شعلوهاا بقرب من مجد وسلمى وبجرهن للنص وبتعلى صوت الاغاني فرجوني فرحتكن يلا وببلش يزقف ويهز بكتافه
مجد: بيضحك وبيمسك ايد سلمى وببلش يهز هو وياها بخفة ويتمايلو والكل عم يزقفلهن
ايمن: بصفر خالد تعال يلا فاطمة يلا شبكن
خالد: بيضحك يلا جاين وبيسحب فاطمة للنص وببلش يرقص هو وياها معهن
ايمن: بقرب من سارة وبشدها من أيدها للنص يلا تعي ليه واقفة
سارة: بتطلع فيه مافي مين ارقص معه والله
ايمن : بعض على شفافه عيب شو هالحكي وين رحت انا وببلش يتمايل ويهز شوفيني محلاني
سارة: بضحكها غصب عنها يالله انت كيف هيك بتخليني ماعصب منك
ايمن: بيغمزها سر ايمن هاد وبيضحك يلا خلينا نفرفش
مجد : بيتطلع بزين استاذ زين تعال شاركنا
زين: بيبتسم شكرا الك مابعرف ارقص
جوري: بتطلع فيه تحجج لقلك بس بعرسنا رقصت
زين: بيتطلع فيها رقصت كرمال عيونك
جوري: بتبتسم مارح احكي شي لاني اول مرة بشوفهن لو اخدة وجه كنت شفتني عم برقص معهن
زين: بيرفع حاجبه وبيحكي باللهجة جدية اي روحي تمايلي قدام العالم
جوري: بتدور وجها عنه وبتهمس بصوت خافت قال يعني هو ماحبني اني كنت عم برقص هو عينه الزايغة عادي أما الناس عيب متناقض
زين: بيضحك سامعك ام الخصر الميال
جوري: بتطلع فيه وبتضحك
ايمن: بقرب من هادي وعليا استاذ هادي يلا تفضل انت والمدام بدها عزيمة القصة اليوم يوم فرح

هادي: بيبتسم وقلبه عم يقول حق بق ليرقص بلاها خليني عم اتفرج وبيبتسم
عليا: بتطلع فيه وبتهمسله من ايمتى هدهدي
هادي: اول مرة مندوس بساط العالم عيب انبحت بتعرفيني إذا بنزل هلق مابخلي غنية مابرقص عليها
عليا: اي دخيلو الهدهد المهضوم وبتضحك
ايمن: بوقف بالنص وببلش وعم يدفش سلمى وماسك مجد من جاكيته وعم يهز ويطلع وينزل ويضحك
سلمى: عم تدفشه لك ايمن بعدلي
ايمن: تركيلي شريكي شم قرين روحي بعيد وعم يضحك
سلمى: بتضحك وبتقرب من فاطمة وسارة وعم ترقص معهن
مجد: بدقو الحماس هو وايمن وببلش يهزو وبلفو كتافهن على كتاف بعض وعم يهزو بقرب من خالد وبجن معهن والكل عم يضحك عليهن ويزقفلهن
سلمى: بتقرب بتدفشهن وبتحط ايديها على كتاف مجد وعم تتمايل هي وياه بتهمسله بحبك بحبك
مجد: بيضحك بموت فيكي
#الجزء_١٧٢
بقلم#سدرة_عزالدين
(بتنتهي حفلتهن بصور حلوة بتجمعهن كلهن مع بعضهن لتضل ذكرة خالدة بقلوبهن وهيك تمت خطبة مجد وسلمى وصار بينهن ارتباط رسمي قدام الكل ورجعو ليكفو حياتهن وخلونا نشوف قصتنا وين صارت)
بعد مرور أسبوعين
المسا مجد ماسك بايد سلمى وعم يتمشو بالشوارع وعم يشربو شاي سخن ليتدفو بالبرد وعم يخططو ومندمجين بالحكي
سلمى: مجد لازم نروح على بيتك كرمال اعرف شو ناقصه بركي ماعجبني طيب
مجد: اول شي مااسمه بيتي اسمه بيتنا أنا وياكي منتشارك بكلشي بهالدنيا مفهوم
سلمى: بتضحك تمام بيتنا
مجد : شطورة وبخصوص إذا ماعجبك منستأجر غيره عادي
سلمى: ليه نطلع برا حارتنا خلينا نستأجر بالحارة طيب
مجد: بالحارة مافي بيوت اجار سلمى كله ملك وقديم خلينا بنفس البيت صدقيني بكرا بس تشوفيه رح يعجبك
سلمى: طيب منشوفه استاذ مجد طيب وشو مشان تخرجك
مجد: مو باقيلي شي للتخرج رح امتحن بس الامتحانات وبعدها منحدد موعد العرس بس صراحة مالي متأمل بالامتحانات حاسس حالي قصرت كتير الشغل ماعم يخليني وافق بينه وبين دراستي
سلمى: بتوقف وبتطلع فيه حبيبي انت مافي شي بيصعب عليك انت ماردي السحري وبتقدر تعمل كل هدول وتنجح فيهن مافي شي بيصعب على مجدي تمام حتى مارح يصعب عليك هلق مثلا تلاقيلي محل كيك تشتريلي منه
مجد: بيضحك وبيتطلع بعيونها بحب وعيونه عم تغزل وتوصف حبه الها من لمعته وبريقهن تكرم عيونك سلمى خانم
سلمى: بتطلع فيه بحب وعيونها عم تغزل بتهمس باسمه بحنية مجد
مجد: بيتطلع فيها ياعيون مجد
سلمى: بتبتسم وبتلمس خده بحنية ضلك تطلع فيني هيك بهالنظرات هي لا تغيرهن ابدا
بنظراتك هدول وعيونك بشوف حالي احلى إنسانة وأسعد وحدة على وجه الأرض
مجد: بيبتسم وبيمسك أيدها وببوسها بحب مستحيل اتغير عليكي سلمى انتي ساكنة هون بحط أيدها على قلبه بهالقلب بيتك وبيمسك طاقيتها على رأسها وعم يرتبها بايده ويكفي كلامه وعيوني مرايتك وحيضلو مرايتك ومسكنك لاخر العمر
سلمى: بتبتسم وبتغمره بحبك مجد
مجد: بشد على غمرتها وانا بعشقك ياروح مجد
سلمى: بتطلع فيه يلا وين الكيك
مجد: بيضحك من عيوني تفضلي لنشوف مين الاجدب يلي فاتح بهالبرد
سلمى: بتشبك أيده بايديها وبتضحك وبيركدو سوا
عند فاطمة وخالد
بكون اعدين بالقهوة قبال بعضهن
فاطمة: شو بدنا نضل هيك محتارين
خالد: شو بدنا نعمل نجيب حدا يحتار معنا يعني
فاطمة: ليه صاير حكيك من برا منافسك انت
خالد: هلق أنا هيك ولا انتي مو طايقة شي
فاطمة: بتطلع فيه بزورة خالد ياريت تشوف حالك كيف عم تحاكيني اي
خالد: أنا ولا انتي مو شايفة كيف عم تخانقي من الصبح بجيكي يمين بتجي شمال عجزت اعرف شو بدك
فاطمة: لك انت يلي ماعم يعجبك العجب أنا ماعملتلك شي
بقربو منهن مجد وسلمى هنن وعم يأكلو كيك ومصدومين فيهن
مجد وسلمى: مسا الخير
فاطمة وخالد: بلفو وجهن عليهن وبردو سوا مسا النور وبكفو جدالهن
فاطمة: عنجد صاير مابتنطاق الاعدة معك خالد
خالد: اي لا تعدي مين جابرك بتسمعي مني روحي احسن
فاطمة: اي وبلاها واذا بدك خود هي الخاتم ومابدي ياك
سلمى: لك شبكن شو صاير
مجد: ليه وصلت الأمور لهون معكن اعدو لنتفاهم
خالد: مابدي بدي روح
مجد: بيمسكه اعود بلا هبلك
فاطمة: وانا رايحة
سلمى: بتمسكها من أيدها اعدي شبكن شو صاير
خالد: مابدي بدي روح تركني مجد
فاطمة: تركيني سلمى مابدي اعد مع هيك انسان
مجد: بعصب منهن اي علي الطلاق لتعدو شبكن شه
سلمى: بتطلع فيه بنظرات مصدومة وبتنكشه بايديها حبيبي تزوج لتطلق بالاول
مجد: بيتطلع فيها هلق طلعت خلصيني اعدو لشوف
بيعدو كلهن وكل واحد ضارب بوز شكل
سلمى: ممكن نفهم شو القصة
مجد: اي عنجد لان مالنا فهمانين شي
خالد: عم نتخانق كرمال وين بدنا نعمل العرس
مجد: عنجد! انتو اديه تافهين
فاطمة: بالله شو تافهين
سلمى: اي فاطمة تافهين يعني العرس وين بينعمل بشي صالة وخالصين

خالد: ماهون المشكلة الصالة أنا بدي ياها مسكرة وهي بدها مفتوحة
سلمى: وشو الفرق! يعني
خالد: الفرق انو الدنيا شتى إذا كانت مفتوحة رح تخرب باي لحظة وبعدين المقفولة احسن وخصوصية اكتر
مجد: فيها وجهة نظر
فاطمة: اي وكمان المفتوحة اشرح وفي هوا وتنفس احسن ما نختنق وموضة جديدة
سلمى: بتضربها بايديها وإذا كبست عليكي المطر بتصيري متل كلب البحر هون بتقولي ياريت سمعت الكلام
خالد: ينصر دينك اول مرة بتصفي مع الحق
فاطمة: هلق انتي معه ولا معي
سلمى: مع الرأي الصح سوري يعني
مجد: اي جد طمطم خالد عم يحكي صح
فاطمة: بتطلع فيهن يعني كلكن علي هلق
خالد: نحن مو عليكي انتي يلي عنيدة وعلىةشي فاضي رايك غلط يعني بس مصرة تكملي مابتعترفي
فاطمة: اي اي كمان زت كلام
خالد: هلق انتي ليه اعدتيلي على الكلمة
بقرب ايمن منهن وسارة معه
ايمن: بقرب عم يسحب الكرسي وبشارك بالحديث وقفيله احسن ماتعدي وبيضحك مراحب
خالد: بيضرب على وجه بكفه هي كمل النقل بالزعرور
ايمن: وضريب بدل ما تقول اهلا وسهلا
سارة: بتعد مسا الخير ياجماعة
بردو عليها المسا كلهن
ايمن: شوفي شو القصة
سلمى: لا يعني ايمن مارح نرجع نعيدها ونشعلها يعني باختصار فاطمة بدها صالة العرس مفتوحة وخالد مقفولة بس اختصرتلك يعني
ايمن: اي ومع مين التصويت الاكتر كرمال اقلب التصويت واعمل فتنة كهكهكه
سارة: بتضحك ايمن عندك كلمة حلوة حكيها. ماعندك خليك ساكت يعني
سلمى: بالضبط سماع الكلمة ايمن لان انت بس تحكي بتخرب كلشي
سارة: بتلوي تمها وبتهمس جواتها مو ليحكي بالاول
ايمن: هلق هيك صرت غراب أنا يعني لك أنا أبو الأفكار شبكن نسيتو انتو لتنين لولا صرمايتي ماكنتو مخطوبين هلق
مجد: بيزفر بضيق هيهي علينا ياأخي فضلت علينا مافي داعي للمنية
ايمن: معناها لا تنقروني حكي ايوا ومين ربح بالاخير الشق الأنثوي ولا والشق الذكري
مجد: لهلق على طرفي نقيض وبيضحك
ايمن: لا يلا حلوها وحلونا للصلحة
خالد: هاد يلي اكل همه انت بطنك
ايمن: اي شو بهمني أنا إذا مقفولة ولا مفتوحة رح ارقص رح ارقص يعني مو فارقة وبيضحك
فاطمة: خلص رح نعملها متل ما قال خالد
خالد: بيبتسم اي هيك ها دخيلو حبيبتي يلي بتفهم
فاطمة: بتبتسم بخفة شكرا
ايمن: اي ريتكن تقبرو بعضكن محلاكن يلا وين الحلوان
بيضحكو كلهن على ايمن
مجد: ايمن قوم نط جيب بسكوت من عند السوبرماركت لوصي على شاي
ايمن: لا تقلي الحلوان بسكوت وشاي
مجد: ومن فوق قيمتك قوم يلا وعلى حسابك
ايمن:اي مافشرت عينك غير على حسابك مالي مسجلهن نط قوم جيب هالعود سمعنا شي قوم
سلمى: طيب قومو نروح لعنا على البيت ادفى واحسن
فاطمة: اي فيها وجهة نظر قومو يلا
خالد: بس مو عيب
مجد: قوم ياموجب من ايمتى منطلع لعنا على البيت يلا قومو ايمن انت روح جيب البسكوت مارح تهرب
ايمن: بيضحك رايح تضرب شو قرباطي يلا روحو بلحقكن
بيطلعو كلهن لعند بيت مجد وبجيب ايمن البسكوت وبتعملهن ناهد شاي وبيعدو كلهن على الارض جنب الصوبيا وبحطو بزر وبوشار وبيلتمو بشكل دائري وبجيب العود مجد وكل واحد اعد جنب الإنسانة يلي بحبها والجو الدافئ وروحهن الحلوة عم تحلي اللمة
ايمن: يلا طلاع بشي غنية ابو الجود
مجد: بيبتسم اي مو تكرم عينك يلا
سلمى: لاتغني مجد شو رايكن منلعب لعبة الاغاني ومجد بيعز اللحن يلي بغنيها كل واحد وبشارك معنا وكل اخر حرف بيستلمه يلي بعده شو رايكن
مجد: ماعندي مشكلة أنا شو تلعبو
الكل: اي منلعب
ببلش مجد يدندن على العود وبغني
مجد: بيبتسم وبيتطلع بسلمى وبغني بحب وبصوت حنون وبغنيلا وبدقلا وغير بحبك مابقلا بغنيلا وبدقلها وغير بحبك مابقلها بحطها على راسي من فوق قدام العالم كلها
سلمى: بتضحك وبتحط رأسها على كتفه وعم تسمع بحب
وعم يزقفوله لمجد مع اللحن
مجد: بحبها قد مواج البحر والطير وغنياتو وحب النخل لطيب الزهر والربيع لنسماته بندهلا بيتخبا البدر بيتطلع بسلمى لأنها البدر بذاته وبغنيلا وبدقلا وغير بحبك مابقلها وبوقف عزف وبيضحك وبزقفوله كلهن
ايمن: اي شو هالصوت يامجديي
مجد: الف عندك سمسمة يلا
سلمى: بتبتسم وبتطلع بمجد جاهز
مجد: لعيونك انتي غني وانا وراكي فورا
سلمى: بتبتسم يلا بتطلع بعيون مجد بحب وبتنغنيله انت تغنيلي عليها عيون وانا غنيلك اشهاد يالليل وانا لو قلبي دق دم تك دم تك عيونك عندي الحق بدمي افديها قلبي مجنونك ويامحلا لجنون والعين تصونك وحبي الك دايم
بزقفولها
سارة: برافوو وبتضحك يلا دور مين
سلمى: بتضحك دور طمطم يلا طمطم ميم
فاطمة: امم ميم ميم بتبتسم رح غني غنيتي المفضلة بتطلع بخالد بطرف عينها مكتوبة ليك اني أنا التعشلها مكتوبة على اسمك حياتي كلها اول ماقولت بحبك كانت ليا أنا مين تستاهلها غيري أو تتقلها قول بقا ياحبيبي حبيبي لمين أنا لو مش ليك قول بقا ياحبيبي حبيبي ححب فمين غير فيك طب انا ايامي احلامي و حياتي واقفة عليك نور عيني حبيبي وبتضحك دورك حبيبي ياء

خالد: بيبضحك وبيتطلع بفاطمة ياميما عيونا دباحة مدري الكان الفوقها رموش رفت عينها ترمي رماحا ورماحا ماظن تطوش ولووو ياميما حبيتها وقلبها هويها ولو ياميما صابت نظراتها هالقلب وبيضحك
فاطمة: بتبتسم وبتغمره بايديها
سلمى: اووو شو هاد صارت جلسة غزل مو لعبة وبتضحك
مجد: هيك صارت والله
ايمن: اي وضريب انتو الكل دوري وقفتو يلا شو باء
سلمى: بتضحك اي باء أبدع لنشوف
ايمن: احم احم طلاع ابو الجود ببلش يصقف وعم يتطلع بطرف عينه على سارة بدي حبك شو قلتي قبلتي ولا ماقبلتيي وبيضحك مالي حافظ البا

#الجزء_٢٠
بقلم#سدرة_عزالدين
ايمن: بيتطلع بسارة وبيبتسم وبيهمسلها مليتي كل هالقد
سارة: بتطلع فيه بنظرات مشاكسة عفواً حكيت شي
ايمن: بيضحك لا عم احكي مع حالي
مجد: بحط العود من أيده وبيبتسم وبيمسك البزر انا بدي اجار مجهودي هاتو لشوف
ايمن: بيمسك الصحن تركه ها الي هاد
مجد: لك بس طمع الي ساعة عم بعزف عطيني
ايمن: والله مارح تاخده عم قلك هاته
مجد: لك ايمن حاج تشده بلا فجع بشدوه هنن لتنين وبطير الصحن والبزر عليهن
بيتطلعو ببعضهن بصدمة
ايمن: بيتطلع بمجد وبيفرط ضحك وبترقع صوت ضحكته بكل البيت
مجد: بيضحك معه وبيفرط على شكلهن
وببلشو يضحكو كلهن
ايمن: بقرب من رأس مجد وبيمسك البزرة من عليه وبياكلها وبيضحك
مجد: بيضربه بخفة وبتعلى صوت ضحكاتهن من جديد
( هاللمة يلي قليل لنشوفها ونحس فيها هي الاجواء الدافية والحب والرضا والبساطة يلي فقدناها من حياتنا وعم نتمنى نعيشها يمكن هاد يلي بيفرق قصصنا عن واقعنا! 🥺)
بتخلص سهرتهن وبينزلو خالد وفاطمة وبيمشو ليوديها على بيتها وسارة وأيمن بينزلو وعم يتمشو ليطلعو بالسيارة
ايمن: بيتطلع بسارة بتكون عم تفرك ايديها ببعضهن بوقف وبيتطلع فيها بردانة
سارة: بتطلع فيه وبتبتسم انو شوي هلق بس نطلع بالسيارة بدفى
ايمن: بيبتسم وبيشلح جاكيته وبقرب منها بهدوء وبحطه على كتافها وبشيل الشال يلي على رقبته وبحطه على رقبتها وعم يرتبه هيك بتطمن انك دفيانة
سارة: بتبتسم مافي داعي ايمن هلق بتبرد انت
ايمن: بيضحك بعرف رح أبرد بس مامنكون جنتل إذا ماعملنا هيك وبتقولي علي قليل ذوق
سارة: بتطلع فيه بصدمة يعني عم تعمل هيك كرمال ماقول عنك قليل ذوق مو من جواتك!
ايمن: اوف لا تطلعي هيك فيني ويبلش نكد البنات عندك انو طالع من جواتي يابنت الناس صدقيني مارح أبرد انا مهم انتي
سارة: بتضحك انت كيف هيك مابتخليني عصب منك طيب تركلي مجال شوي اني اتدايق على القليلة
ايمن: بيبتسم امم قلتلك قبل سحر ايمن هالشي بعدين شو المشكلة ضحكي ضحكتك بتفرح القلب
سارة: بتبتسم ايمن لوين بدك توصل
ايمن: على البيت لوين بدي اوصل
سارة: لك لا تغشم حالك انت ليه عم تهتم فيني وتمشي معي وتطلع وتحاكيني بالساعات كل هاد بهدف شو
ايمن: امم بهدف انك رفيقتي
سارة:بتطلع فيه بنظرات حادة رفيقتك!؟
ايمن: بيكتم ضحكته انو اي شبك رح تاكليني ليه انتي ما بتعتبرني رفيقك؟!
سارة: بتعصب من كلامه وبتحكي بعصبية لك انت شو عم تخبص انو اي بعتبرك رفيقي بس انت هاد كلشي جواتك رفيقتك انت مو شايف شي غير هيك
ايمن: اي سارة شو بدو يكون بقلبي غير هالشي ليه انتي مو نفس الشي انتي بتعتبريني رفيقك ويمكن اخوكي شو بدي شوف غير هيك
سارة: بتضربه بايديها بقوة اني بحبك ياغبي
ايمن: بيتطلع فيها بصدمة وبيضحك شو قلتي
سارة: بتطلع فيه وبتحس على حالها شو حكت أنا أنا ماحكيت شي وبتجي لتمشي
ايمن: بيمسكها من أيدها دقيقة دقيقة انتي قلتي انك بتحبيني صح وبيضحك اي قلتيها
سارة: بتضحك بخجل وبتحط أيدها على وجها انو ماقلت هيك أنا ما بقصدها
ايمن: بيضحك وبيمسك أيدها بقوة لك ياجدبة أنا مابحبك أنا بعشقك
سارة: بتضحك بصدمة وبتطلع بعيونه شوو قلت ايمن
ايمن: بحبك بحبك يابنت الناس شبك بطلتي تسمعي
سارة: بتضحك بقوة وبتستوعب شو حكا وبتطلع فيه عنجد عم تحكي
ايمن: هيهي علينا اي عنجد لكن عم بمزح معك غريبة والله
سارة: لك ايمن أنا أنا بموت فيك وبتضحك وبتنط وبتغمره بقوة
ايمن: بينصدم من ردة فعلها وبشد على غمرتها وبيضحك وبيتجمد بمطرحه
سارة: بتبعد عنه بخجل وبتطلع فيه ايمن
ايمن: بكون جامد بمكانه بيتطلع فيها شو عملتي فيني انتي
سارة:بتبتسم شو عملت
ايمن: كرتعت ماعم بقدر اتحرك هي هيك من غمرة لو اكتر شو بصير
سارة: بتضحك اي اصحى على حالك
ايمن: بيتطلع فيها وبيضحك وين السيارة ماعاد اعرف
سارة: بتمسك أيده امشي ليكها
ايمن: بشد على أيدها بقوة وبيبتسم وبيمشي هو وياها وهنن عم يضحكو وبيركبو بالسيارة وبيمشو
ايمن: بيتطلع فيها كيف وجها احمر وخجلانة اي افرديها ام السوس مابدها
سارة: بس ايمن أنا كيف هيك بحكي
ايمن: هو لو ماانا ضغطت عليكي مااعترفتيلي بحبك الي وبيضحك
سارة: اديه ملعون انت
ايمن: كتير مابتعرفي ليه اني مخاوي بليس وبيضحك
سارة: واضح واضح وبتضحك
ايمن: بما انو اعترفتيلي بحبك الي احم رح اهديكي هالغنية
سارة: بتضحك ياا مسكها علي هلق شو هي تفضل
ايمن: بشغل الغنية على السيارة وبيبتسم وببلش يغنيلها ياها وبيضحك وبكفي معها عمري ماشوفك زعلانة وضلي ضحكي ضلي ضحكي عيونك ماخلقت للبكي بحطك على جرحي بطيب مابيسوى عمري بلاكي وضلي ضحكي ضلي ضحكي عيونك ماخلقت للبكي بحطك على جرحي بطيب مابيسوى عمري بلاكي

سارة: بتضحك وعيونها عم تغزل بالحب
ايمن: بيغمزها بخفة ياصاحبة اجمل ضحكة
ببيت مجد بتطلع ناهد من عند هناء وبتكمل الاعدة مع مجد وسلمى
سلمى: لك قوم مجد خلينا نلم يلي عملتوه
مجد: بكون ماسك موبايله وعم يبتسم وماعم يرد
سلمى: بتطلع فيه مجد عم حاكيك قوم بتصرخ عليه لك مجدد
مجد: بيتطلع فيها اي اي شبك
سلمى: ليه ماعم ترد بعدين على شو عم تبتسم
مجد: بيضحك ولاشي عم بحكي مع ايمن عادي
سلمى: ايمن قلتلي فرجيني الموبايل هات لشوف
مجد: لك شو بدك فيه هلق
سلمى: عم قلك هات لشوف بتمسكه من أيده عطيني بتطلع بالمحادثة وبتقرأ بكون ايمن كاتبله شو صار معه بتفتح تمها بصدمة وبتضحك لعما خلا البنت تعترفله ياااه
مجد: لك هسس نوصي صوتك بيضحك شايفة اديه حيوان
سلمى: بتضحك حلال عليه والله مابعرف ليه نحن هالبنات عم نعترفلكن هون بحبنا كتير
مجد: بيضحك ماشاء الله عليكن شو محترمين مفضلين علينا انتو
سلمى: اي لتعرف هات لااعمل جولة تفقدية مع مين بتحكي لشوف
مجد: بلشنا نكد النسوان
سلمى: بتطلع من المحادثة وبدها تدخل على غير برنامج لك مجد ايمتى بدك تغير هالخلفية قرفتني ياها بدل ماتحط صورتي وصورتك حاطتلي مربعات
مجد: بيبتسم انتي لسا معلقة على خلفية موبايلي هالخلفية فيها سر
سلمى: شو هو السر بعدد المربعات يعني
مجد: بيضحك لا ابدا تعي لقلك شو السر بيفتح على برنامج وبيدخل على صورة الخلفية وبيلعب بالاعدادات وبتبلش توضح الصورة وتفاصيلها لتظهر صورة مجد وسلمى
سلمى: بتطلع عليه بصدمة وبتضحك يااا هي صورتنا
مجد: بيبتسم اها هالصورة من زمان محطوطة بس باللغة سرية ما بيفهمها حدا غيري وهلق صرنا تنين
سلمى: ليه كنت خافيها مجد
مجد: ماكنت بقدر حط صورتي وصورتك قدام الكل لان كنت بوقتها فيكي تقولي جبان او ضعيف بس هلق
سلمى: لاتقول هيك انت بعمرك ماكنت هيك بتمسك أيده انت احسن انسان عرفته بكل الدنيا انتي حبيبي وسندي ورفيقي انت الدنيا كلها
مجد: وانتي نور عيوني وروح روحي وتشرينية قلبي وبيضحك
ناهد: بتطلع من المطبخ وبتحط أيدها على خصرها ايوا وانا لفاية يلي نفضكن بتصرخ فيهن قومو انتو لتنين نظفو يلي عملتوه احسن ما بنده لشحاطة هناء تعلم على جنابكن
سلمى ومجد: بيتطلعو فيها وبيضحكو
بعد مرور ايام
واقفين سلمى ومجد وهناء وناهد ببيت مجد وعم يتفحصوه
مجد: شو حماتي امي عجبكن وبيضحك
هناء: والله مافيه شي حلو شو رأيك اختي
ناهد: وانا شايفته منيح
مجد: لا وعم يتأمرو كمان أنا طالع من شغلي بكير كرمال اسمع هالكلمتين سمسم شو رأيك انتي
سلمى: بتطلع فيه وبتقرب منه وبتمسك أيده حبيبي وين انت بتكون أنا بكون مو مهم المكان كيف ولاشلون أنا معك بكون اسعد إنسانة
مجد: بيضحك وبيهمسلها لك الله يلعني شو بحبك ايه
سلمى: بتضحك بموت فيك
هناء: بتشنكل ناهد وبيتطلعو فيهن شو مشان أنهن مو معتبرين وجودنا
ناهد: شايفة تقولي حبو بعضهن هيك من الله لولانا ماشافو بعضهن
هناء: اخخ يااختي ياما حكيتي وماكنت صدق شوفيلي هلق
ناهد: قلتلك مابتصدقي اختك بس امشي نشوف المطبخ امشي
مجد: بيضحك امشي وراهن ياعروسة المجد
سلمى: بتضحك لك يخليلي المجد
بيدخلو على المطبخ وببلشو يتفحصوه
سلمى: مجد بدي جلاية مابحب اجلي أنا
هناء: بتطلع فيها وبتشهق يوووه تقولي ولدانة بيت ابوكي في جلاية يافصعونة ليه يامو ملفوف على ايديكي الحرير ولا في نقش الحنة بتجلي انتي شو هالمصاريف يلي بلا طعمة
سلمى: ماما انتي امي مو أمه لمجد عم توفري عليه يعني
ناهد: بتضحك والله حاسة هي حماتك مو انا
مجد: خلص من عيوني بجبلك
هناء: بتطلع فيه خراس انت مافي يعني مافي حكيت كلمة أنا
سلمى: اووف امي اوف
مجد: بيتطلع بسلمى وبيغمزها بخفة أنا بجلي عنك ياروحي ولاتهكلي للهم
سلمى: بتضحك اي يخليلي ياك اي
مجد: بيضحك ويخليلي ياكي وغيره مرت عمي شو في نواقص
هناء: ولاشي بس بتجيب غرفة نوم وتغيير طقم الكنبايات والسلام كلشي من اكتره وغير هيك أنا بعرف شغلي
ناهد: طيب بدنا نبلش نجهز سلمى
هناء: أنا بفصلها غراضها
سلمى: اي لا امي تخنت يعني بدك ياني اطلع بالتياب يلي علي بدي جيب غراض جديدة ويلا
مجد: بيضحك خلص أنا بعطي سلمى وهي بتنزل تشتري على كيفها
هناء: بركي بدي قص رقبتك ورقبتها بنتي وبعرفها جدبة بتروح بتجيب الشغلات التافهة بتجيبو المصاري لعندي أنا وناهد ومنروح سوا منشتري مفهووم
سلمى: بتقلب وجها حاضر حاضر اوف
هناء: ايوا يلا خلينا نرجع على البيت امشي اختي يلا
بيمشو
سلمى: ياالله يعني امي بدها تتحكم بكلشي راحت علي
مجد: بيغمرها بايده ولا يهمك ياعيوني أنا بعطيكي نص انتي ونص هي وانتي بتجيبي يلي بدك لحالك تمام
سلمى: بتبتسم عنجد مجد

مجد: عنجد ياروح مجد بس الحلو مايزعل بقرب منها بخفة وبيطبع بوسة على خدها وهي للصلحة
سلمى: بتضحك بس مجد هلق بتجي ماما
هناء: بيطلع صوتها يلا يا سلمى وينكك
سلمى: ها شفت
مجد: امشي قبل ما ناكل شي طاير وبيضحكو وبيمشو
بمكان تاني اعدين ايمن وسارة على لصخور يلي على البحر وساندة سارة رأسها على كتف ايمن
ايمن: عم ياكل بزر ويزت ويحكي مع سارة ويضحك
سارة: ايمن
ايمن: عيونو
سارة: عنجد كل هالوقت عم لمحلك كنت مو فهمان علي اني بحبك
ايمن: بيبتسم بدك الصدق ولا ابن عمه
سارة: الصدق اكيد
ايمن: بيضحك كنت بعرف بس عامل حالي مابعرف
سارة: بتطلع فيه وبتقرصه بخفة ليه كنت عم تطنش لكن
ايمن: اخخ بيضحك مو طنش بس بحب فترة التلميحات اكتر من الحب
سارة: تلميحات شو يامعدم
ايمن: مثلا وقت سمعتيني كلام نحن واعدين كنت بعرف وفهمت عليكي ووقت غنيتلك بدي حبك فهمت عليكي ووقت رديتي بغنية ياابن الاوادم ترا مليت المحلك بيضحك كمان فهمت عليكي ووقت رقصنا وبخطبة مجد وسلمى كل هدول بس يعني كنت مبسوط لهيك تغابيت
سارة: بتبلش تضربه بعصبية يعني كل هاد وعم تحرق دمي يادب
ايمن: اخخ سارة رح اوقع بيمسك فيها ورح يوقعها معه
سارة: بتصرخ لك ايمنن
ايمن: بوازنه حاله وبيفرط ضحك ياربي شو انك مجنونة
سارة: بتطلع فيه وبتضحك انت المجنون يادب
ايمن: بيحضنها لقلبه لك وقعتي البزرات هيك منيح
سارة: بتغمره وبتضحك احسن مافي داعي تاكل لك صحيح ايمتى عرس فاطمة وخالد
ايمن: يي لك صح عرسهن بعد اسبوع
بعد مرور أسبوع
( طبعا خلص بيتهن المستقبلي استأجر خالد بيت وفرشه هو وفاطمة وجهزوه وحجزو الصالة وعزمو الكل واليوم يوم الفرحة يوم عرس طمطم وخوخة🥺😂🫣)
مجتمعين الصبايا مع فاطمة بالكوافير وعم يتجهزو كلهن
والشباب ببيت أهل خالد عم يرتبوله لبسه ويزبطوه
مجد: شو ياعريس جاهز وبيضحك
خالد: تضرب على هالملافظ شو رايح حارب أنا
ايمن: بيضحك وبجيب المشط وعم يرتبله شعره والله يا عزيزي راحت عليك مافي مجال للتراجع برأي هروب احسنلك من هالقفص الذهبي يلي رح يصير سكاكين على رقبتك هاهاهاها
خالد: بيمسك من أيده المشط وبيضربه فيه تضرب ا انت وياه اي
مجد: بيضحك لا عريس هدي وطول بالك تعال لبيس جاكيتك هيك اي دخيلو البدلة السودة شو هيبة أكلة شقفة
خالد: بيبتسم كيف طالع
ايمن: لك تقبر قلبها شو طالع حلوية يؤوبشني تعال حطلك بارفان تعال ولله لغرقك بدي أهل الحارة تشم ريحتك عن بعد كيلو متر وبيضحك وببلش يرشله
خالد: ببلش يسعل لك خنقتني الله لايعطيك العافية
ايمن: بصرخ باذن والليلة ليلتك ياعريسس وبيضحك
مجد: وصلو على محمد مكحول العين والعالية وهيي
ايمن: ولتفرعلو لتفرعلو وبيضحك
خالد: بيضربه هو وعم يضحك لك بس استحي
بتدخل ام خالد لعندهن
ام خالد: اللهم صلي على سيدنا محمد الله يحرسك ياعيوني وبتقرب بتبوسه
ايمن: اهلين خالتي شفتي هالعريس خلنج وكالة الله وكيلك
ام خالد: بتضحك الله عليك ياايمن شو مهضوم ابني أنا لازم روح كرمال استقبل الناس
خالد: روحي امي انتي وانا رح خلص وروح جيب فاطمة من لكوافير يلا
ام خالد: ماشي ابني يلا رايحة أنا وبتطلع
ايمن: بيمسك لجرافة ليكمل لبس خالد تعال لهون لااشنقك بقصد رتبك
خالد: لك ايمن حل عن كتفي مجد شوفه ها
مجد: بيضحك هات من ايدك انا بزبطها
ايمن: بوقف على التخت وببلش يزلغط اويهااا وطبخنا ملكلكةةة اويهااا وحركناها بالملعقةةةةة اويهاا ويلي مابحبك ياخالد اويهااا بكرا أمه تكون مطلقةةة ولللللللليشششش وياعريس ولا تعبثث وفرد من جوخك ولبيس
خالد: عم يضحك عليه ياربي انت هربان من مسلسل شامي يعني ولا تقول ابن أكابر متل ولاد الشوارع علي الحلال
ايمن: من عاشر القوم اربعين يوم وبيضحك
خالد: بيمسك الجيل وبيضربه فيه طلاع من وجهي روح
ايمن: بيضحك وبيهرب
عند الصبايا
بتتجهز فاطمة والبنات وبتخلص مكياج وبتلبس فستانها الأبيض
سلمى: بتبتسم وبتطلع فيها ياعيوني محلاكي وبتضمها الف مبروك ياعيوني
فاطمة: بتبتسم وبتضمها يخليلي ياكي عقبال فرحتي فيكي ياروحي
سارة: بتقرب منها وبتبوسها الف مبروك ياطمطم
فاطمة: بتضحك الله يبارك فيكي عقبالك
سارة: بتبتسم امين
ام فاطمة: بتقرب منها وبتبوسها الف مبروك ياروحي
فاطمة: بتبوس أيدها يخليلي ياكي
هناء: شو وين العريس تأخر
بتوصل سيارة الشباب وبتبلش الزمامير قدام الصالون
ناهد: ها وصل العريس
بينزل خالد من سيارته وبينزل الشباب معه وبيدخلو على الصالون وبوقفو تحت
بتنزل سلمى وسارة وهناء وناهد وام فاطمة
ايمن: بس يشوفهن بصفر بقوة اي شو هاد ياارض حفظي ماعليكي شو هالحوريات يلي عم شوفهن شو دخلنا على منبع الجمال وبيضحك

مجد: بينكشه استغفر الله خراس شوي
بقربو منهن هنن وعم يضحكو على ايمن
مجد: بيتطلع بسلمى وبيبتسم وبيمسك أيدها اي يقبرني هالجمال
سلمى:بتبتسم بعيد الشر ياروحي
خالد: بيتطلع فيهن وين فاطمة
هناء: بتبتسم ليكها ها طلت
بتطل فاطمة من فوق بفستانها الابيض وبسمتها مزينة وجها بفرحة وطرحتها عم تسحب وراها
خالد: بيتطلع لفوق هو وماسك بوكيه الورد بيبتسم وبتلمع عيونه بالفرحة وبيغزلو بقرب من الدرج وبيطلع عليه وبيمسك أيدها بفرحة وببوسها بحب نورتي حياتي ودنيتي يافلة قلبي وبضمها
فاطمة: بتضحك و بتضمه بقوة يخليلي ياك ياسندي
خالد: بيبتسم وبيتطلع فيها وببوس رأسها عهد علي ضل حبك لآخر يوم بعمري
فاطمة: بتبتسم وبتمسك بايده بقوة
ايمن: بيتطلع فيهن وبيضحك سمعونا زغروطة وبزغرط وكل الموجودين بزغرطو معه وانا معهن ولللللللليشششش 😂🥹
بيطلعو كلهن بالسيارات وبيمشو على الصالة وكل الناس وصلو بتكون صالة صغيرة مو كبيرة وفيها حبايبهن ومعارفهن بس ليشاركوهن فرحتهن
بيدخلو كلهن على الصالة وبوقفو ليستقبلو فاطمة وخالد
بتعلى صوت الاغاني بغنية طلي بالابيض
بتنفتح البوابة وبتنخفت الاضواء وبتتسلط على خالد وفاطمة وبيدخلو هنن وماسكين ايدين بعضهن بقوة وعم يبتسمو للناس والتصوير شغال والتصفيق
ايمن: بصرخ مبرووووك وعم يصفرلهن
مجد: الله حيووو العرسان وبيضحك
سلمى: بينزلو دموعها لك طالعين بجننو قلبي عم يرجف 🥺
مجد: يعمري انتي وبضمها لقلبه
بوقفو بالنص وبتشتغل غنية ودع العزوبية وببلش يرقص هو وفاطمة بالنص
خالد: بيمسك ايد فاطمة وبيضحك وببلش يرقص معها
ايمن: لك أن شاء الله جاية اعد أنا واتفرج عليهن بيمسك ايد سارة ومجد امشو لشوف يلاا بيركدو كلهن لعندهن
ايمن: بقرب من خالد وببلش يرقص حيو ابو الخلل وعم يبوسه بفرحة مبروك ياحبيبي
خالد: بيضحك الله الله يبارك فيك عقبال ماارقص بعرسك
ايمن: امينن ولله لنولعها
سلمى: بتقرب من فاطمة وبتضمها وعم ترقص هي وياها والكل فرحان معهن
ايمن: بيتطلع بخالد وبغنيله وبطل في سهرات اليوم وللتنتين الضهر النوم صار في مسؤولية ولوم وغيرة على غرامه بصمه وبضم مجد راح اول واحد من الشلة ياجماعةة
مجد: خسرناه ياشريك والله
خالد: بيضحك قريبا حنخسرك كمان
ايمن: اعد على قلوبكن والله لخلي ولادي رفقات ولادكن وبيضحك
بيطلعو كل القرايبين وبيرقصو كلهن مع بعضهن بفرحة ومابخلو شي بنفسهن
بيعد ايمن بتعب على الكرسي وعم يشرب مي
سارة: بتعد جنبه حبيبي ماترك دور لحدا بالرقص وبتضحك
ايمن: بحب لحق على كلشي روحي
سارة: بتضحك اخ منك
ايمن: ابوكي ليه مااجا صحيح عزمه خالد
سارة: بابا مسافر لهيك ماقدر يجي بس بعتني بداله وبتضحك
بتطلع غنية رومانسية الحب الأبدي لااصالة وبوقف خالد وفاطمة بالنص ليرقصو
ايمن: قومي قومي
سارة: لوين
ايمن: على الرقص وبيغمزها
سارة: بتضحك مابتوفر شي تفضل بتمسك أيده
وبيطلعو مجد وسلمى وبوقفو كل واحد وحبيبته ليرقص معها
فاطمة: بتكون حاطة رأسها على رأس خالد وعم تبتسم وتغنيله بصوت خافت وحنون انت اماني وعوضي من الايام بس بحضنك اقدر اغفى وانام حبك جنة واحلى من الاحلام
خالد: بيبتسم وبغنيلها هو هذا حب حياتي يلي أتمناه ياطعم الغرام وعطره ومعناه ادفع عمري كله ادفع عمري كله حتى اعيش وياه وبيحملها وبدور فيها بحب
ايمن: بيتطلع فيهن وبيضحك وبيتطلع بسارة وبيهمسلها بحبك يا صاحبة اجمل ضحكة
سارة: بتبتسم وبتطلع فيه وانا بموت فيك ياسر سعادتي
مجد: بيتطلع بسلمى كيف عم تطلع فيه بحب شو لسا عم تشوفي حالك حلوة بعيوني
سلمى: بتبتسم كل يوم عم زيد حلى بعيونك
مجد: بيبتسم وبيغمرها لقلبه
سلمى:بتضمه وبتهمسله بحبك
مجد: بموت فيكي بيتطلع فيها وببوسها من جبينها بحب بتقبلي تكوني حلالي سلمى
سلمى: بتضحك ولاخر يوم بعمري أنا حلالك
مجد: معناها خلينا نستعجل بالعرس وبيضحك
سلمى: شو غرت منهن
مجد: يعني ماغرت بس مالي قارد ابعد عنك اكتر بدي نضل مع بعض لاخر العمر
سلمى: بتبتسم ورح نضل لاخر العمر
( بتنتهي حفلتهن وفرحتهن يلي شاركونا فيها بكل تفاصيلهن بتحسو انو في ناس بتعرف تفرح والدنيا لسا بخير مع هالعيلة وهالحارة حسينا بطعم الفرح وتفاصيل صغيرة ماكنا اخدين بالنا منها بالحب والبساطة عم يكملو بعضهن حياتهن عبارة عن حبهن لبعض ومساندة بيفرحو لفرح بعضهن وبيزعلو لزعل بعضهن 🥹🖤)
بتوصل سيارات على بيت خالد
بينزل خالد وبساعد فاطمة لتنزل من السيارة
ايمن: بيطلع رأسه من الشباك وبيغمزهن اي ريته الف مبروك ياأم نظرات حادة لهلق بتذكر كيف اول مرة شفتينا فيها عطيتنا نظرات دبحتينا وبيضحك
فاطمة: بتضحك الله يبارك فيك ايمن وعقبالك ماتعقل وتنضب

سارة: بتضحك ماتخافي رح ضبه قريبا الف مبروك
فاطمة: بتبتسم الله يبارك فيكي
مجد: يلا مبارك ياجماعة خلونا نروح بدكن نوصلكن وبيضحك
خالد: لا ريحلي ضميرك وجمالك منوصل لحالنا
ايمن: يلا باي ياعريس وبيضحك وبيمشي بالسيارة
وبتمشي سيارة مجد وراه
خالد: احم يارب بقرب من فاطمة وبيحملها بين أيديه
فاطمة: بتضحك خالد شو عم تعمل
خالد: بيغمزها بخفة بدي اخطف عروستي وبيضحك وبيطلع فيها
فاطمة: بتضحك خالد رح يجي الكف ها
خالد: عامل حسابي وجبت خوذة الوقاية وبيضحك
وهيك فينا نقول لأول ثنائي بقصتنا انو تمت فرحتهن وتوجو حبهن بالزواج 🥹🖤
بعد مرور أسابيع
المسا والدنيا ليل والمطر عم تبل الشوارع بقرب مجد من شباك غرفة سلمى وبدقه بخفة
سلمى: بتقرب من الشباك وبتفتحه بابتسامة
مجد: بيبتسم وبغنيلها بصوت خافت ولو شباكك على شباكي كنت بقلك كيف بهواكي ولو شباكك على شباكي كنت بقلك كيف بهواكي لكن ويني وانتي وينك في مسافة بيني وبينك لاعيني عم تلمح عينك ولابحرك بتطاله شباكي لو شباكك على شباكي
سلمى: بتطلع فيه وبتضحك اشتقتلك كتير
مجد: وانا اشتقتلك ياروحي بس ابوكي عامل حصار علينا شو بعمل والشغل ماعم بقدر أو أفضى اجي لهون
سلمى: يعطيك العافية ياروحي وبتبتسم بابا حاكاني بخصوص الجامعة
مجد: اي وشو قلتي انتي
سلمى: مابعرف قلتله رح وقف لنتزوج بكفي لان السنة راحت وراحت من ورا الامتحان
مجد: انتي هيك بدك
سلمى: اي هيك بدي ادرس أنا ومعك وبتضحك
مجد: بيبتسم أنا بكرا حفلة تخرجي أنا والشباب ها
سلمى: ياروحي لك الف مبروك وبتقرب منه وبتغمره بايديها وبتبوسه من خدوده
مجد: بيضحك ياريت قلتلك من زمان عن حفلة التخرج
سلمى: بتضحك بس قلة ادب
مجد: بيبتسم اي دخيلو حبيبة قلبي
سلمى: بتضحك يخليلي ياك
مجد: شوفي شو جبتلك معي بمدلها الكيس بكون فيه اكلات من يلي بتحبهن سلمى
سلمى: ياروحي يعني فوق دراستك وامتحاناتك وشغلك تذكرتني
مجد: لك بنسى كل الدنيا ومابنساكي
سلمى: بتبتضحك ماانحرم منك برد مجد ايه واقف هون مو شايف الدنيا عم تشتي
مجد: بيغمزها ومن ايمتى نحن منخاف من الشتى طلعي خلينا نتمشى يلا تعي
سلمى: مابظن بابا يرضى سهران برا
مجد: بيضحك اي جيبي طاقيتك لقلك
سلمى: بتلبس طاقيتها وبتقرب اي وبعدين
مجد: بقرب منها وبيحملها بين أيديها وبنزلها لعنده من الشباك
سلمى: بتضحك مجنون والله مجنون
مجد: بيضحك مجنون فيكي سلمى
سلمى: عيونها
مجد: شو رأيك نعمل العرس بعد التخرج
سلمى: بتبتسم بفرحة أنا موافقة
مجد: بيضحك وبيحملها بين أيديه وبيركد فيها هو وعم يصرخ الله يلعني شو بحبككك
#يتبع
#نبض_القصص
#شو_بيشبهك_تشرين
رأيكن لهون عسولات 🫂😂🖤

#الجزء٢١
بقلم#سدرة_عزالدين
سلمى: بتطلع فيه يعني رح تضل تسمعني متل وقت كنا رفقة وصغار
مجد: بيضحك انتظري لجاوبك بيشلح جاكيته وبحطه على كتفها وبضمها لقلبه وعيونه بعيونها أنا مارح اتغير عليكي سلمى مجد رح يبقى مجد ورح ضل رفيقك وبس تنزعجي من اي شي من الدنيا حتى لو أنا رح نجي على هالمكان ونخبر بعض كأصدقاء عن كلشي بيزعجنا بدون ملل ورح نتفاهم وندفن انزعاجنا بهالمكان ونمشي نكفي حياتنا ورح ضل حبك كحبيب وحتضلي اول حب بحياتي وزوجتي وشريكة عمري وحياتي ورح حبك اكتر وصونك واحميكي وعوضك عن كلشي وبيضحك ورح حب طبخك واطبخلك وحب شكلك انتي ومريضة وانتي وصاحية وانتي ونايمة وبكل دقيقة رح اتحملك وبعمري مارح مل منك او اتغير عليكي ممكن يجي يوم ونتزاعل وممكن نتخانق وممكن يصير كتير شغلات بس يلي مارح يصير هو انو يقل حبي ولهفتي الك سلمى أنا بحبك وحبي الك ماتغير مع كلشي صار بينا بالعكس زاد حبي وتعلقي فيكي
سلمى: بتطلع فيه بحب وعيونها عم تلمع بالدموع أنا بحبك كتير وبتضمه بقوة
مجد: بيبتسم وبضمها لقلبه وانا بموت فيكي يااختصار كل المسميات ياتشرينية انتي
سلمى: بتبتسم وبتطلع فيه وبتحط أيدها على خده بحنية بتعرف اني رح خبر ولادنا بكرا اديه امهن محظوظة
محظوظة اني حبيت صديقي يلي فتحت عيوني عليه وعلى محبته وحنيته ورح كمل حياتي معه ومع حنيته
مجد: بيبتسم وبيمسك كف أيدها وببوسه بحنيه وانا رح خبرهن أديه ابوهن محظوظ برفيقته يلي كان يأكلها سندويشاتها كرمال يعطيها مصروفها وبيضحك
سلمى: بتضحك رح نخبرهن عن كلشي مجد رح نخليهن يحكو عن قصتنا لكل العالم
مجد: اكيد رح نخلي الكل يعرف عن حبي الك وعن كلشي صار
سلمى: حنضل رفقة عطول
مجد: لاخر العمر رح ضل رفيق دربك وبيت أسرارك
سلمى: وإذا بيوم زعلت رح اهرب منك الك
مجد: بيبتسم وحتلاقيني مستنيكي يارفيقتي لااسمع منك كلشي ونرجع على بيتنا سوا
سلمى: بتضحك وبتغمره
مجد: ببوس جبينها بحب وبشدها لقلبه بحب
وبضلهن اعدين عم يتطلعو على نجوم السما والقمر يلي عاكس على الشوارع المعتمة ومنورها وهوا الشتا يلي عم يغلغل بقلوبهن بنسماته الباردة
بعد مرور ايام
واقفين الشباب كلهن والصبايا عم يختارو اثاث والكماليات لبيت مجد بالمول واقفين كلهن وعم يدورو على فاز وسجاد ويتناقشو شي زابط وشي لا وبيركدو روا بعضهن بالمول والناس عم تتفرج عليهن وعلى هبلهن😂
سلمى: مجد أنا عاجبتني هي السجادة بتلبق مع لون الكنبايات اكتر من يلي معك
مجد: ياحبيبتي مااختلفنا بس هي بتعطي جمال اكتر اصلا قريبة من لون يلي معك
ايمن: لك ياسلمى ليه مصرة تعاندي نحن الصح يلي اخترناها احلى
سارة: لا حبيبي اسمحلي يلي اخترناها نحن احلى يلي مع سلمى ازبط بعدين انتو شو فهمكن بالاثاث بدها ذوق روحي
ايمن: يعني نحن بلا ذوق آنسة سارة
خالد: لك نحن الذوق بذاته
سلمى: هاهاها كرمال هيك انت اخترت كلشي بالبيت الذي فاطمة اختارت كلشي وانت قلت امين
فاطمة: بتطلع فيهن مزبوط أنا يلي اخترت كلشي وبتضحك
مجد: اووف خلص اختاري يلي بدك سلمى أنا طالع لبرا امشو شباب
ايمن: خدني معك تعال احسن ماانجلط
فاطمة: يلا حبيبي لحقهن
خالد: رايح بدون تقليع وبيطلع
سلمى: بتضحك عليهن وبتختار يلي بدها ياه وبيختارو الديكورات كرمال الخطوات الأخيرة وبيطلعو ليدورو عليهن
فاطمة: وين راحو هدول
سارة: بتمشي شوي وعم تتلفت حوليها بتشهق هي وواقفة
بيركدو لعندها البنات
سلمى: شبك شو شفتي
سارة:شوفو وينهن وبتأشر على مكان الالعاب
سلمى وفاطمة: بيتطلعو على مكان الالعاب بالمول بصدمة
بكونو مجد وأيمن وخالد طالعين على تبع الالعاب وعم ينطو بالترمبولين ويزتو بعضهن متل الاطفال😂
سارة: بتضحك لك هدول مجانين
سلمى: بتضحك ياربي كيف عم ينطو
فاطمة: مو معقولين هدول قال متخرجين ورجال ولا واحد متزوج والتاني على وجه زواج والتالت عم يفكر
سارة: بتطلع بسلمى وفاطمة ونحن شو عم نعمل هون
سلمى: بتطلع بسارة وبتبتسم ابتسامة خبيثة قال إذا جن ربعك
فاطمة: بتضحك عقلك ما ينفعك
سارة: بتضحك معناها اركدوو
بيركدو البنات لعندهن وبيقطعو كروت وبيدخلو لجوا معهن
ايمن: بيضحك ها اجو الحبايب تعي تعي سارة وعم ينط
سارة: بتشلح من رجلها هي وعم تضحك اجيتك وبتنط لعنده وبتوقع هي وياه وهنن عم يضحكو
سلمى: بتضحك انتظروني ساعدني مجد
مجد: بيضحك تعي ياروحي وبيحملها وبيرفعها لعنده وبوقفها بايده
فاطمة: وانا وقفت علي يعني خالد ساعدني
خالد: تعي عيوني بيمسك أيدها وبشدها لعنده
بوقف ايمن وبنط بقوة ليوقعهن كلهن فوق بعضهن
ايمن: بيضحك حاج رومانسية هي اللعبة بدها جحاشية
سارة: بتضحك وماعم تقدر توقف من كتر ماعم ينط ايمن بتصرخ عليه لك ايمن وقف خليني قوم بس

ايمن: البقاء للاقوى ياحلوة وبيضحك باعلى صوت هاهاهاها
مجد: بوقف بالزور وبيمسك ايد سلمى بوقفها وببلش ينط وبنط على ايمن ليوقعه وبيركد ايمن متل القرد بالمتاهة وبوقفو كلهن وبيركدو روا ايمن كرمال يمسكوه وهو متل السعدان من الترامبولين للزحليطة للشباكات ماعم يلحقوه
سارة: بتشوف ايمن واقف وعم ياخد نفسه بتضحك بالخفة وبتركد وبتنط على لترامبولين وبتنط عليه وبيوقعو هي وياه بقلب الكرات وماعاد يبينو تحته
بوقفو الشباب والصبايا عم يتطلعو عليهن ويضحكو
سلمى: لك ماعاد بينو
ايمن: بيرفع رأسه وعم يضحك الله لا يوفقكن اختنقت
سارة: بتطلع من تحت الكرات وعم تضحك بتستاهل كرمال تعرف تركدنا وراك
مجد: بيضحك اخخ ياخواصري ياحرام بالاخير سارة توقعك هيك وقعة
ايمن: عم تضحك ضحكة عنزة
سلمى: بتضحك وبتقرب من مجد وبتدفشه بايديها وانت كمان حتوقع
مجد: لك لا سلمى سلمى بيمسك ايد سلمى وبيسحبها معه وبيوقعو هو وياها
بيضحكو كلهن عليهن
خالد: لا تطلعي فيني هيك فاطمة بزت حالي بدون مقاومة بيحملها بين أيديهه وبنطو هو وياها
فاطمة: بتضحك وبتحط أيدها على ضهرها بوجع لك شو مفكرين حالكن بمسبح بتوجع النطة 😂
ايمن: بهايم مابحسو
مجد: تعال لااخنقك كلو منك مو انت يلي لعبت بعقلنا لندخل نلعب بيمسكو هو وخالد وببلشو يرمو عليه الكرات وعم يتخانقو ويضحكو
بوقفو لولاد لصغار وبيتطلعو فيهن وعم يضحكو من بعيد
سلمى: بتطلع بالولاد وبتضحك ياشباب صرنا فرجة للاطفال ومسخرة
بيتطلعو كلهن على لولاد وبيضحكو
خالد: أنا برأي نطلع قبل ما نتقلع
ايمن: وانا هيك برأيي بس لناخد كم صورة تذكار وبيضحك بطلع موبايله وببلش يصورهن ويتصور كلهن مع بعض فيديوهات وصور
بيطلعو كلهن من المول عم يسحبو العربايات ويضحكو على حالهن وعلى صغر عقلهن وماسكين بأيديهن بواري بوظة وعم يأكلو ويضحكو
بقلم#سدرة_عزالدين
تاني يوم
بروحو كلهن على بيت مجد وبيفرشوه مع بعضهن هنن وعم يضحكو ويمزحو وبكل تفصيلة بحطو جوهن ومحبتهن وخناقهن وصحبتهن
بعد ساعات من تعبهن بيعدو كلهن على الارض وعم يتطلعو بالبيت كيف صار
ايمن: اخخ تعبنا
مجد: اي يعطيكن العافية فلحنا عليكن فلاحة اليوم
ايمن: تضرب انت وملافظك
خالد: بيضحك ملافظ سوقية شوارعية متعلمها منك
ايمن: صار بدها سيكارة ياجماعة لمخمخ مخي
مجد: مو قلت بدك تبطلها بس تحب
ايمن: انا هيك حكيت
خالد: بتشهد علينا البلكونة انك حكيتها
سارة: بتطلع فيه وبتمسك منه السيجارة وبتكسرها بايدها وهي بطلها وبتطلع فيه وبتزوره
ايمن: بيتطلع فيها وبيبتسم شو عملتي ياروحي
سارة: بطلتها من اليوم بس بدك تدخن بتحويلك على كيس بزر وبتاكله احسنلك
مجد: كفو كفو زقفة لاام السوس
بزقفولها كلهن
سارة: بتضحك شكرا شكرا
ايمن: انننن فرحانين بحالكن وانا كيف بدي اصحى
سارة: بتصحى بدونها هي الك اديه عم تشتغل معنا ماشربتها معناها بتقدر بدونها لا أنا لا السيجارة البطيخة
ايمن: اوف منكن اوف بيمسك الباكيت وبزته وهي بطلناها وعمرها
سارة: بتبتسم اي هيك ها خليك مطيع
ايمن: بيبتسم للاسف أنا ايمن وبيضحك بتعرفو شو
الكل: شو
ايمن: رح يجي يوم اشتري بناية فيها تلت بيوت ونسكن مع بعضنا
سلمى: بتضحك كل هالقد مابتقدر بدونا
مجد: ايمن مابيقدر على بعدنا
ايمن: اي بموت فيكن بس ياشباب مابدي اخسركن بعد الزواج لهيك بدي اضمنكن تحت جناحي
خالد: بيضحك منضيع بدون بابا ايمن بتعرفو
ايمن: بعرف تقبرني بعدين مين بدو يربي ولادكن غيري
فاطمة: لا وصلنا إذا ايمن يلي رح يستلم الترباية اكلنا هوا
سارة: على الدنيا السلام وبتضحك
ايمن: إذا ما بخليكن كل ولادكن نسخة عني مابكون ايمن انتظرو بس لخليكن تكرهو حالكن
مجد: بقرب منه وبيحكي بصوت عالي لك اصلا يصحلنا متلك ابو الليمون
ايمن:بقرب منه حيو رفيقي وبيتصافحو وبضمو بعضهن وبيضحكو
(بعد مرور ايام )
بالشركة اعد مجد ومحمد وزين وعم يتناقشو باخر اخبار الشغل وعم يحكو
بخلصو الاجتماع
محمد: والله يااستاذ زين الاستاذ مجد ماله فاضي عم يحضر لعرسه
زين: بيبتسم حقه يعني كمان هو عريس
مجد: بيبتسم عم بتأخر هالايام بالشغل بس اخد إذن ومعذور ماعم بفضى والله
محمد: ولهلق ماحجزت الصالة ياعريس
مجد: لا والله لسا مااخترنا
زين: بما انك مااخترت خليها تكون هدية مني الك
مجد: لا شو هالحكي اكيد مارح اقبل استاذ زين كتير هيك
زين: اعتبرها هدية من اخ لااخوه شبك
محمد: سبقناك يااستاذ زين الصالة نحجزت أنا اخترت احلى الصالات وجبت منهن مواعيد ليختار منهن مجد وحدة والتكاليف علي
مجد: بيتطلع بمحمد بس يااستاذ محمد أنا مارح اقبل و
محمد: يامجد انت ابني وهالشي عم بعمله لاابني عم تفهم

زين: بس هيك انا كمان مارح ارضى بدي اهدي مجد هدية بتليق بمجهوده النا لهيك رح يكون هالشي بيني وبينك استاذ محمد نص بالنص
محمد: بيضحك مارح نختلف استاذ زين
مجد: بس ياجماعة هيك خجلتوني عنجد مافي لزوم لكل هاد
زين: اله الزوم اله وبدلتك وفستان العروس رح يوصلوك هدية مني
مجد: لا عنجد هيك كتير
زين: بس يامجد انت اخونا وشريكنا بكلشي لهيك رح يوصلك كتالوج الك وللعروس بتختارو الموديل وهنن رح يتكفلو بكلشي وهي طلب زوجتي جوري هدية للانسة سلمى
مجد: بيبتسم بخفة وخجل والله هيك كتير عنجد بتشكركن كتير
زين: بوقف اقل شي منقدمه لتعب يامجد
مجد: بيبتسم وبوقف شكرا استاذ زين بتشكرك ووصلي سلامي وتشكري للمدام مني ومن سلمى وبنتظاركن بالعرس أول الناس ورح يوصلكن كرت الدعوة بأقرب وقت
زين: بيبتسم وبسلم عليه بيوصل اكيد وهلق بالاذن ومبروك سلفاً
مجد: الله يبارك فيك يارب
بيطلع زين وبيندق الباب وبيدخل ايمن وابوه
مجد: بوقف وبيتطلع فيهن بيبتسم اهلا وسهلا
ايمن: بيبتسم وبسلم على مجد ومحمد
محمد: نورتونا تفضلو
زهير: منور بوجودكن استاذ محمد
محمد: تسلم يااستاذ زهير خير ان شاء الله مافي شي بالشغل
زهير: الحقيقة نحن جايين بموضوع خارج الشغل
مجد: بيتطلع بأيمن وبهزله براسه بمعنى شوفي
ايمن: بيغمزه بخفة وبيبتسم
محمد: خير استاذ زهير شو سبب زيارتكن النا ؟!
بعد مرور أسبوع
( زين بيبعت الكتالوج وبتختار سلمى فستانها ومجد بيختار وبياخد لقياسات كرمال يعملوهن وبيختارو الصالة وبيطبعو كروت الدعوة كلهن من افخم الأنواع وهالشي بيتكفل فيهن مجد وبوزعوهن لكل الناس يلي عازمينهن ومجد بيعزم كل رجال الأعمال يلي بيعرفهن ومحمد بيعزم كل معارفه باسم مجد وكأنه عرس ابنه وبرتب أمور كتب لكتاب انو يكتبوه بالمحكمة قبل بيوم من العرس )
المسا ببيت سلمى اعدة سلمى بغرفتها وصوت جعيرها طالع من جميع الانحاء وهناء واقفة بالشحاطة وعم تلطوشها وتضرب على رأسها وناهد عم تهدي هناء وتفهم شبها سلمى وراما واقفة مع مرت عمها وعم تحاول تفهم شو عم يصير
سلمى: عم تبكي وتجوعر قلتلك بطلت اتزوج مابدي مابديي عااااا
هناء: لك يابنت الكلبة كيف مابدك تتزوجي بعد بكرا كتب لكتاب بدك ياني ارتكب فيكي جريمةة.
سلمى: كرهتيني الزواج امي مابدي مابديي تركونيي لحاليي
بكون واقف ابوها وأبو امجد
ابو ملهم: امشي اخي ابو امجد على القهوة لان رح يصير حرب الزير هلق امشي
ابو امجد: بيضحك قولتك امشي اخي امشي نريح راسنا منهن
هناء: لك اختي تركيني عليها لعلم الشحاطة على جنابها وخلي النمرة تطبع تتاتو على خدودها يلي متل الصحن
ناهد: وكلي الله ياهناء تركيني افهم من البنت لك تركتها معك ساعة وطلعت رتب البيت شو عملتيلها حتى قلبت
هناء: لك هالجاموسة شو بدي اعمل معها غير عم حاكيها وانصحها والله ماامسكك ياسلمى
سلمى: تعي ضربيني تعي لاتقصريي اصلا أنا مابدي شيي
راما: لك ياسلمى ياحبيبتي مجد عم ينتظرك هو والشباب فوق والبنات يلا استهدي بالله وتعي نطلع
سلمى: مابدييي تركونييي
ناهد: عم تلهث وماسكة هناء راما طلعي اندهي لمجد بسرعة ماضل فيني حيل ردها عنها
راما: يلا يلا حاضر وبتركد لفوق بتنده لمجد وبينزل مجد
بيدخل مجد لعندهن
مجد: شوفي شو صاير
هناء: هالجحشة قال شو بطلت تتزوج
مجد: بيتطلع بسلمى يلي عم تبكي تركوني انا وياها وطلعو لبرا شوي يلا
هناء: بتزت الشحاطة لتضربها فيها
مجد: خالتي بترجاكي طلعي يلا امي
ناهد: ماشي ابني رح نطلع تعي هناء تعي هديتي حيلي
بيطلعو وبيتركوهن لحالهن
مجد: بسكر الباب وراهن وبيلتفت على سلمى
سلمى: بتكون عم تشهق وتطلع فيه
مجد: بقرب منها بحنية وهدوء وبنحني على الأرض وبيمسك أيدها وهي بتكون اعدة على سريرها ليه عم تبكي
سلمى: بتطلع فيه وبتشهق مابدي اتزوج
مجد: بيبتسم كل هالقد الزواج مني شي مو منيح حتى عم تبكي كل هالقد
سلمى: بتحكي بسرعة لا لا مو هيك
مجد: لكن شو
سلمى: امي امي عم تخوفني من الزواج مافي غير بتعطيني نصايح على قولتها بس هي عم ترعبني بزيادة ماعم تنصحني بتشهق قال شو إذا بكرا ماطبخت منيح ممكن تطلقني متل ماصار مع جارتنا ام سعدو
مجد: بكون ماسك ضحكته بيفرط و بيضحك ماعاد يقدر يمسك حاله
سلمى: بتضربه بايدها بخفة ليه عم تضحك علي
مجد: بيضحك بزيادة اسف اسف مابقصد اضحك عليكي اي وشو كمان حكتلك
سلمى: وقال عم تعد تشرحلي على اغراض المطبخ يلي بحياتي ماسمعت عنهن شو يعني بحطو للحمة وقت يسلقوها ورق بغار يعني الورق بغار وعم تشهق وتمسح دموعها من وين بدي جيب ورق بغار أنا
مجد: بيضحك بزيادة ورق بغار قلتيلي حبيبتي اسمه ورق غار و
سلمى: لك مجدد لاتضحك علي مابدي اتزوجك انا وعم تشهق بعدين شو هاد الورق يلي بغار وليه هيك سموه

مجد: بيضحك ياروحي هاد الورق يلي بينحط متل ورق الشجر بقلب المي كرمال الزفرة وليه هيك سموه هو الورق حمش شوي لهيك بغار على الورقات لهيك سموه ورق غار ومابيقدر يمسك ضحكته وبيفرط
سلمى: بيزداد بكاها عم تضحك علي مجد ماشي أنا بفرجيكك روح من وجهي قوم وعم تدفشه
مجد: بيبتسم خلص اهدي طيب مين قلك أنا بحب ورق الغار باللحمة انا بطبخها مو مشكلة وغيره شو حكت
سلمى: قال بتقلي أنا مابعرف بطبخ حتى لمفركة بطاطا وانت بتحبهاا أنا فاشلة كتيرر وبيزداد بكاها
مجد: بيضحك ياعيوني انتي مالك فاشلة بيمسك ايديها وبيعد جنبها شوفي ياعمري انا قلتلك أنا بطبخلك وبعلمك الطبخ وبتعلميني وحتى لو ماعرفنا نطبخ أن شاء الله عمري مااكل بجبلك شاورما وبيضحك بعدين انا بحب لمفركة بطاطا يلي بتعمليها وكيف ماكانت حتى لو نية ح اكلها صدقيني الاكل اخر همي
سلمى: عم تكذب علي انت مو
مجد: بتعرفيني بكذب عليكي شي
سلمى: بتطلع فيه بعيون عم تغزل بالدموع وانفها وخدودها حمر ونمشها ظاهر من زعلها متل الاطفال يعني مارح تطلقني متل ام سعدو
مجد: بيضحك أنا ممكن طلقك إذا جبتيلي سيرة ام سعدو حبيبتي بيمسك خدودها بين ايديه لك انا بحبك هيك متل ما انتي بدون ماتطبخي ولاتعمليلي شي انا وياكي ربيانين سوا يعني أنا اكتر واحد بيعرفك سلمى مافي داعي تعمليلي شي لحبك لاني بحبك هيك متل ما انتي بشكلك وبجسمك وبعقلك وبكلامك وحتى بطبخك بحبك
سلمى: بكرا إذا سمنت وحبلت رح تبطل تحبني جسمي رح ينتزع واتغير ويصير الي كرش عنجد مجد رح تبطل تحبني وبيرجع بيزداد بكاها
مجد: بيمسح على وجه بقلة صبر وعم يحاول يتحمل كلشي ويسايرها بيضحك وبيتطلع فيها وبيحكي بصوت عالي عيوني روحي انا مارح بطل حبك حتى لو صار وزنك ٢٠٠كيلو بحبك ومارح اتغير لا اله الا الله على لنهار
سلمى: بتطلع فيه وبتشهق ليه عم تصرخ علي إذا كلمتين ماتحملت احكي بكرا كيف بدك تتحملني إذا توحمت على شي صعب
مجد: بيضحك ياربي دخيلك والله ماعم عيط أنا بعتذر معلش أنا آسف أنا الغلطان وانتي الصح
سلمى: يعني عم تسايرني هلق
مجد: بقلبه ياصبرر ياصبرر بيبتسم بخفة لا ياروحي ماعم سايرك أنا غلطان وانتي الصح هدول مشاكل كبيرة وانا لازم حلهن وبلا مانتزوج خلينا هيك احلى صدقيني
سلمى: بتمسح دموعها بخفة لا خلص رضيت رح نتزوج صدقتك انك مارح تتغير علي
مجد: بيضحك وبيتطلع فيها بعمري مارح اتغير عليكي والله انا بدي ياكي جنبي وبس حققلك كلشي بتتمنيه وتدرسي وتتخرجي ونبني عيلة ونعيش سوا كل العمر بس سلمى أنا مالي متزوجك لتطبخيلي وتخدميني أنا بدي اتزوجك لنشارك بعضنا كلشي بالحياة ونصير واحد والحكي يلي حكته خالتي هناء كله ارميه ورا ضهرك أنا مارح طلقك إذا الأكلة نحرقت ولارح ازعل اذا سمنتي ولارح اتغير وبطل حبك إذا صار عندك كرش بيضحك بالعكس رح حبك اكتر واكتر واكتر وكلشي بيتصلح تمام
سلمى: بتبتسم وبتضحك بخفة تمام يعني مافي متل ام سعدو
مجد: بوقف بعصبية آمنت بالله على لنهار
سلمى: بتضحك خلص خلص عم بمزح معك
مجد: بيضحك وبوقف عم يتنهد
سلمى: بتبتسم وبتوقف وبتغمره بقوة بحبك يامجد بحبك
مجد: بيبتسم وبضمها لقلبه وبشد عليها وانا بموت فيكي ياتشرينية يامتقلبة انتي ماكذبت لما سميتك تشرينية متل تشرين انتي بتتغيري وبتفرجيني كل لفصول بثواني
سلمى: بتضحك كرمال ماتفكر بغيري ابدا
مجد: بيتطلع فيها ليه بصير
سلمى: اكيد لا
مجد: بيضحك اي الله يلعني شو بحبك وبضمها
سلمى: بتضحك وبتتخبى بحضنه متل الطفلة
مجد: بيبتسم فينا نطلع هلق لان الكل فوق وعم ينتظرو نبلش تدريب على الرقصات بتعرفي ايمن وأفكاره
سلمى: بتضحك اي بعرف يلا خلينا نطلع
مجد: اووه الحمدلله يلا امشي
بيطلعو على بيت اهل مجد
بكون ايمن واقف وماسك ورقة وعم يخطط فيه
مجد: نحن اجينا
ايمن: اي بدكن زغروطة وللللليششششش يعني وينكن اه
مجد: كان في مشكلة وحليناها
هناء: بتكون اعدة وعم تهز برجلها شو فهمت عليك
مجد: بيضحك خالتي انتي تركيها الي وهي بتفهم علي مو هيك سمسمة
سلمى: بتهز برأسها إذا انت خليتني لاامي بتروح عليك
مجد: ماعاد اتركك وبيضحك
ايمن: هلق مو وقتكن هلق يلا بدي بلش تدريبات رح نبلش بالبداية على رقصة لسلو حنرقص رقصة أسطورية عم تفهمو مابدي غلط
مجد: حجي عفكرة كلنا منعرف نرقص سلو مافي داعي التدريبات
ايمن: انت شو بدك مني انا بدي يكون كلشي على البكلة
مجد: بيضحك اي لو عرسك مو هيك وبيغمزه
ايمن: بيتطلع فيه وبيزوره خلص مو عرسك هو عرسي نفس الشي يلا خلونا نبلش الحكام خالتي ناهد وخالتي هناء واختنا راما
خالد: اي شو نحن بمسابقة
ايمن: اي اخي بمسابقة وفرجيني ابداعك يلا
راما: بتضحك رح شغلكن الغنية تمام يلا

بتشغل الغنية
وكل واحد بوقف مع حبيبته وبحط أيده على خصرها وبيبتدو الرقص مجد وسلمى بالنص وأيمن وسارة وخالد وفاطمة وبيطفي الضو ايمن وبشغل لفلاش بالموبايلات وبدهن يرقصو على هالجو
سلمى: بتبتسم وبتحط ايديها على كتاف مجد وبتحاوط رقبته بخفة وعيونها بعيونه وعم تتمايل معه بخفة
مجد: بيبتسم وبيغرق بتفاصيلها بحب وعم يتمايل معها
ايمن: بيتطلع فيهن كيف واقفين ستووب وبوقف بشغل الضو شو عم تعملو انتو
مجد: عم نرقص شو عم نعمل يعني
ايمن: شكلكن عم تنامو مو ترقصو شو انت مدبل عيونك وهي متعلقة فيك متل حبل الغسيل شبكن
سلمى: بتضحك ايمن لا تجننا هلق شو بدك احكي
بقلم#سدرة_عزالدين
ايمن: تفرجو تعي سارة
سارة: بتضحك أجيت
ايمن: بيمسك أيدها وبحطها على كتفه وبحط أيده على خصرها وبخلي مسافة قليلة بينهن
سارة: بتطلع فيه وعم تضحك
ايمن: شوفو كيف وببلش ينغم بصوته بالغنية نرارار مرارا وعم يرجعو لورا ويقدمو لقدام واقفين كلهن عم يتفرجو عليهن اختي راما شغلي هالموسيقى
راما: بتضحك تكرم بتشغل الغنية وبتقلب على غنية دبكة
ايمن: بكون عم يتحرك هو وسارة وقت يسمع غنية الدبكة بيضحك وبكملها هو وياها دبكة بيمسكو ايدين بعضهن وببلشو يدبكو ولعتتت
مجد: بيضحك يخربيت جنانك يازلمة
ايمن: صف على الدبكة يلا بشدهن كلهن وبيمسكو ايدين بعضهن وببلشو دبكة وأيمن على الاول عم ينط ويطلع وينزل وبيقلبها هز شرقي ورقص
ايمن: سارة تعي علمك هز الخصر ويلا هزييي وتتتت وتيي رشرشش وهزي بخصركك
سارة: بتضحك وعم تهز متله والله بتعرف ترقص اكتر مني
ايمن: بعجبك ولو وايوا ولعيونككك وببلش يطلع وينزل خالدد عطيها علم مرتك الهز
خالد: بيضحك وبيمسك ايد فاطمة وببلش يهز هو وياها هيك منيح حجي
ايمن: بيرفكتت يلا خالتي هناء خالتي ناهد بسرعة تعالو أهل العرسان انتو بدي خصركن مايعد بجرهن غصب وبوقفهن بالنص وعم يحرك أيديهن غصب عنهن وهنن عم يضحكو عليه
بتحطلهن عرس الغوالي وببلشو يرقصو كلهن بفرحة
ناهد: عم تحرك بايديها وتضحك
ايمن: خالتي هناء يلا عرس بنتك هزيي
هناء: بتضحك الله عليك ياايمن عم هز
ايمن: تعي أنا بعلمك بيمسك أيدها وببلشو يحركوهن مع بعضهن وعم يضحكو وفرحانين
وبجنو كلهن وعلى رقص وضحك وقلبوها مرقص بدل تدريب وكل واحد عم يرقص على كيفه ماهو هاد يلي بصير يلي دليله ايمن يلي دليله جردون ياما رح يفوت بلاليع😂
سلمى: عم ترقص هي وفاطمة ويهزو كتافهن على كتاف بعض ومبسوطين وفرحانين وعم يزغرطو وسارة معهن وداخلين بالجو تماما
فاطمة: بتوقف للحظة وبتحس بدوخة برأسها وماعاد تقدر تتمالك حالها وعيونها بتغبش بتبعد عنهن وبتمسك رأسها بخفة بتغمض عيونها بقوة وماعاد تقدر تشوف قدامها بتفتحهن وعم تطلع عليهن ورؤيتها بتبلش تغبش وماعاد تشوف قدامها بترفع أيدها لتسند حالها على الطاولة بس مابتقدر تتماسك بتوقع الطاولة و بيختل توازنها وبتوقع بالأرض مغمى عليها
بيلفتو كلهن بصدمة
#يتبع
#نبض_القصص
#شو_بيشبهك_تشرين

#الجزء_٢٢
بقلم#سدرة_عزالدين
بيلتفتو كلهن على صوت الخبطة يلي طلعت
ناهد: ولي علي فاطمة
خالد: بيتطلع على فاطمة بصدمة وبيركد لعندها بخوف ولهفة وكلهن بقربو منها
سلمى: بخوف شوفي شو صار ماكان فيها شي
خالد: بينحني لعندها بخوف وبيمسك وجها بين أيديه فاطمة عمري أصحي فاطمة
هناء: جيبو مي كولونيا اي شي ركدو
بيركدو البنات على المطبخ وعلى الغرفة بعجلة ليجيبو شي
خالد: بيحملها بين أيديه بخوف وبسطحها على الكنباية وببلشو يرشولها كولونيا ومي وعم يربتو على خدها بخفة بس ماعم تصحى
مجد: أنا رح اشعل السيارة بسرعة خلونا ناخدها على المستشفى
سلمى: يلا بسرعة خالد حملها خلينا ننزل يلا
خالد: بيتطلع فيها وأيديهه مربطين وماله عرفان شو يعمل من خوفه عليها يلا يلا بيحملها بين أيديه وبينزلو ورا بعضهن وخالد بينزل هو وحاملها وسلمى وسارة وراه بشغلو السيارة وبيركبو وبيطلع ايمن وسارة وهناء وناهد وبيلحقوهن ليطلعو على اقرب مستشفى
بيوصلو على المستشفى وبيدخلو فاطمة حالة إسعافية وكلهن برا واقفين وعم ينتظرو
خالد: عم يمشي بخوف ويلتفت وعم يتطلع بالباب عم ينتظر حدا يطلع
ايمن: بقرب منه وبيمسكه أهدى اخي أن شاء الله عرضية هلق بيطلعو وبخبرونا
خالد: بيحكي بعصبية ورجفة كيف بدي اهدى ايمن فاطمة ماكان فيها شي ماعم تشكي من شي ليه اغمى عليها وشو صار معها ماعم بقدر فكر خايف عليها وماعاد في حدا يطلع يطمني اوف
مجد: أهدى خالد هلق بيطلعو طول بالك
هناء: بتطلع بناهد وبتهمسلها خايفة احكي شي وعشمهن على الفاضي ويطلع شي تاني لاسمح الله
ناهد: هسس اختي أن شاء الله بيطلع يلي ببالك بس خلينا ننتظر لاتحكي شي
بينفتح الباب وبيطلع الدكتور
بيركدو كلهن لعنده واولهن خالد
خالد: طمني دكتور زوجتي شبها شو صاير
الدكتور: بيبتسم اتطمن زوجتك والبيبي صحتهن عال العال
بيتطلعو كلهن بصدمة وفرحة
خالد: بيتطلع فيه بصدمة وماعم يستوعب شو قلت دكتور اي بيبي
الدكتور: ليه مابتعرف مبروك زوجتك حامل وبشهرها الاول رح تصير اب
خالد: بيتجمد بمكانه وبيضحك عم تحكي جد دكتور
الدكتور: اكيد هالشي مافيها مزح استاذ مبروك
خالد: بيتطلع فيهن وبيضحك وبصرخ رح صير اببب وبضم ايمن بقوة
ايمن: بيضحك وبضمه بقوة الف مبروك يااخيي
خالد: بيضحك الله يبارك فيكك
سلمى: بتصرخ من حماسها وفرحتها وبتضم سارة وامها وبتضم مجد وكلهن فرحانين
خالد: الحمدلله يعني دكتور دكتور فاطمة بخير منيحة هي هلق
الدكتور: المدام فاطمة صحتها عال وبالف خير هي والبيبي والدوخة شي طبيعي بالاشهر الاولى أنها تصير وبس لازمها غذا وراحة والحمدلله على سلامتها
خالد: الله الله يسلمك فيني شوفهن مو
الدكتور: اكيد فيكن كلكن تشوفوها وتخرجوها كمان
خالد: بيضحك شكرا شكرا كتير
بيركدو كلهن وبيدخلو لعند فاطمة
خالد: بيتطلع عليها وعيونه عم تغزل بالفرحة والدموع
فاطمة: بتطلع فيه وبتبتسم بفرحة خالد
خالد: بقرب منها وبيغمرها لقلبه وببوس جبينها بحب
فاطمة: بتضحك وبتطلع فيه رح يصير عنا بيبي خالد رح تصير اب
خالد: بيبتسم وبهز براسه الحمدلله ياروحي وهبتيني روح تاني ياعيوني الله يخليلي ياكن يارب وبيرجع بضمها
فاطمة: بتبتسم وبتغمره بقوة الحمدلله
سلمى: بتقرب منها بفرحة بعدلي هيك عن اختي بدي باركلها
خالد: بيضحك وبيبعد
سلمى: بتضمها لقلبها ياروحي انتي الف مبروك ياعيوني والله احلى خبر بسمعه بحياتي رح صير خالة واخيرا
فاطمة: بتضحك ياروحي يباركلي فيكي وعقبالك ياعمري
سلمى: بتبتسم امين طلعتي عم ترقصي ومخبيتيلنا نونو كمان وبتضحك
فاطمة: بتضحك والله مابعرف انو حابب يحضر عرس خالته
سلمى: يي يقبرني مابيتركوني لحالي
مجد: بيبتسم مبروك فاطمة
وبقرب ايمن وسارة وهناء وناهد بباركولها
فاطمة: الله يبارك فيكن كلكن يارب عقبال فرحتنا فيكن
الكل: امين
فاطمة: بتطلع بخالد يلي فرحته مو واسعته وضحكته لورا ادانه😂 خالد خلينا نطلع ونخبر اهلك واهلي
خالد: اي اكيد ياروحي رح اعمل اوراق الخروج ونطلع
بمشو اوراق المستشفى وبيطلعو كلهن وبروحو خالد وفاطمة لعند اهاليهن وبخبروهن بهالخبرية الحلوة والكل بيفرح وبينبسط وبتصير فرحتهن فرحتين
وبتشرق شمس لنهار لتعلن بداية يوم جديد وتاريخي اليوم كتب كتاب سلمى ومجد
بيطلعو من المحكمة ايد بأيد سلمى لابسة بنطلون وجاكيت رسمي باللون الابيض ومجد لابس قميص ابيض وبنطلون اسود وعم يضحكو ووراهن ايمن وسارة وخالد وفاطمة وهناء وأبو ملهم وناهد وأبو امجد
مجد: بيتطلع بسلمى وبيبتسم وبيهمسلها وهي صرتي الي وعلى اسمي
سلمى: بتضحك اها صار اسمي هلق سلمى مجد العبدالله
مجد: بيبتسم وبيمسك أيدها وببوسها بحب وبضمها لقلبه

بكونو واقفين كلهن وعم يتطلعو فيهن
ايمن: احم حجي نحن هنا وبيضحك
مجد: وليه واقف هون افرقنا
ابو ملهم: شكلو عريسنا مستعجل بس منعتذر من حضرتك رح اخد بنتي على بيتها لان من هون لبكرا ولوقت الزفة مارح تشوفها
مجد: نعم مافهمت ليه مارح شوفها
هناء: لان هيك نحن بدنا ولانو فال مو منيح تشوف عروستك قبل الزفة وبعدين اليوم يوم توديع لعزوبية يعني بدنا نعمل حفلة لسلمى ببيتها وحضرتك روح احتفل بعيد
ايمن: يعني اليوم في احتفال للعزوبية ياعينيي والله لنكيف بسط وسهر و
سارة: بتنكشه وبتهمسله شو يعني بدك تعمل
ايمن: بدي اشرب عصير ونام يعني شو بدي اعمل
سارة: بتضحك اي اوعك تفكر شي تاني
خالد: وانا لازم اترك مرتي وابني وروح معكن
ايمن: لا خليك ساند خاصرتها إذا هي رح تكون معهن انت شو بدك تعمل
فاطمة: بتضحك فيها وجهة نظر بدك تروح ياحبيبي
خالد: والله هيك شكلي
مجد: بيبتسم يعني خلص امرتو علينا
ناهد: اينعم يلا ابني خود رفقاتك وفرقونا بريحة طيبة
مجد: بيضحك طيب خلينا نوصلكن على القليلة
بيطلعو كلهن بالسيارات وبوصلوهن على الحارة وبيطلعو الشباب على بيت ايمن والصبايا ببيت سلمى وأبو امجد وأبو ملهم بيطلعو على بيت ناهد وناهد وهناء شوي نازلين وشوي طالعين لفوق
المسا
اعدين الصبايا ببيت سلمى ولابسة سلمى فستان ابيض على قد جسمها قصير ولابسة روب ابيض فوقه ومكتوب عليه أنها العروس وحاطين اغاني وعم يرقصو هي وسارة وفاطمة لابسين كلهن متلها وعم يضحكو ويرقصو ويغنو ومبسوطين
عند الشباب واقفة سيارتهن عند اول الحارة
ايمن: هلق ليه اجينا كنا ضلينا عم نتفرج على المسلسل وناكل مو احسن
مجد: بيتطلع فيه بطرف عينه لك تضرب انت وحفلة هالتوديع بدل مايكون في بسط ورقص وشي حلو حطيتلنا مسلسل واكل هاد مفهومك عن الصياعة
بقلم#سدرة_عزالدين
ايمن: بيضحك والله ما اخدت كورسات صياعة ياشريك هاد أخري بعدين انا حبيبتي بتغار
خالد: لك خراس همك كرشك وبس هلق شوف كيف البنات اعدين وعم يرقصو وينبسطو ونحن متل الأرامل اعدين هون
مجد: رح طفي السيارة وننزل مشي لعندهن
ايمن: وكيف بدك تدخل
مجد: نزلو وراي وانا بقلكن
بينزلو كلهن على الهسي متل الحرمية وبوقفو عند البناية و مجد بوقف عند شباك غرفة سلمى
عند سلمى بتدخل على غرفتها وعم تدور على موبايلها وصوت الاغاني طالع من برا
مجد: بشوف خيالها بالغرفة والشباك مفتوح بنط على الشباك وبيدخل على الغرفة من وراها
سلمى: بتلتفت وراها برعبة وبتجي لتصرخ
مجد: بحط أيدها على تمها فورا هسس أنا مجد لاتصرخي
سلمى: بتأشرله بعيونها ليتركها
مجد: بيبعد أيده عنها لا تصرخي اوعك ها
سلمى: بتاخد نفسها برعبة لك شو عم تعمل هون وليه داخل من الشباك رعبتني
مجد: بيتطلع حوليه وبسكر باب الغرفة وبيتطلع فيها وبيمسك أيدها أجيت لعند مرتي الحلوة
سلمى: بتطلع فيه وبتضحك وليه أجيت مو عم تحتفلو بتوديع لعزوبية
مجد: لك اي عزوبية أنا ايمتى كنت عزابي اصلا أنا من أول ماشفتك مرتبط فيكي مافي هيك شي بحياتي بعدين بيتطلع فيها من فوق لتحت بخباثة ومكر وبقرب وبيمسكها من خصرها في حدا بكون عنده هيك جمال وبيسهر لحاله مع هالاوباش
سلمى: بتطلع فيه وبتضحك وعيونها عم تغزل بالحب هلق فيها وجهة نظر بس كمان اذا حدا اجا هلق وشافك رح ناكل صفيحة ياروحي
مجد: بيضحك أنا قبلان تأكلي اوزي كمان لو بدو يجي اهل الله كلهن مارح يقدرو يطلعوني ويبعدوني عنك وعن هالحلاوة والجمال هاد كله تقبري قلبي شو طالعة حلوة
سلمى: بتضحك بس مجد بعيد الشر شو هالحكي
مجد: بيمسك خصلات شعرها بين أيديه وعم يلعب فيهن بخفة ويتطلع فيها بحب مافي هيك شي على لحساب مثلا
سلمى: بتطلع فيه وبنظراته شي متل شو يا زوجي العزيز أو عفوا خطيبي لسا
مجد: عفكرة بكرا عرسنا يعني صرت زوجك
سلمى: بالله شو وهلق شو بدك
مجد: يعني هيك بقرب وجه من وجها بمكر وهو وعم يضحك ومحاوطها بأيديه بحب
بنط عليهن ايمن من الشباك
ايمن: ياقوة الله وبنط وبوقف وبنط وراه خالد
سلمى: بترتعب وبتبعد عن مجد
ايمن: بيرفع رأسه وبيتطلع فيهن بمكر اوووو ياملاعين شو عم تعملو
خالد: بيضرب بايده استحي
مجد: أنا ماقلتلكن انتظروني ليه نطيتو من هون مافي خصوصية ابدا
ايمن: بيضحك والله ياأخي العزيز هاد يلي كان رح يصير أننا ننتظرك بس لما شفتك طولت خفت عليك فكرت انقنصت بشي شحاطة قلت استفقدك لقيتك غرقان بالعسل وبيضحك
سلمى: بتطلع بمجد وبتخجل ووجها بعبق احمر
مجد: يعني شفت قليلين ذوق بحياتي بس متلك ماشفت
ايمن: بيضحك ولارح تشوف شريك لاني انا كل حياتك
مجد: تضرب مااغلظك اي
ايمن: لك في صوت اغاني بعدولي بيفتح باب الغرفة وبيطلعو على الصالون

سارة وفاطمة: بوقفو بصدمة وبيحكو بصوت واحد انتو شو عم تعملو هون
ايمن: لك ييي يقبرني الابيض جايين نرقص معكن وللعتت وبقرب للنص وببلش يهز
سارة: بتضحك وبتبلش ترقص معه
وبقرب خالد من فاطمة وبضمها وبوقف هو وياه
ومجد وسلمى وعم يرقصو ويضحكو
بتفتح باب البيت هناء هي وناهد عم يضحكو ويحكو
هناء: بتوقف بصدمة وبتطلع بناهد
ناهد: ييي شو هاد
هناء: بتقرب من الاغاني وبتطفيها ولك انتو شو عم تعملو هون
ايمن: بيبتسم ابتسامة تسليكية هيهي خالتي هناء كيفك
هناء: كتير مبسوطة بشوفتكن ياروحي انتو
ايمن: وانا هيك حسيت بفرحتك
هناء: لا ياروحي لسا ماحسيت بفرحتي هلق رح تحس فيها معنويا واحساسياً بترفع شحاطتها
سلمى: بتطلع بامها وليي هربوو وبتركد
مجد: هجوم مفاجأ يا شباب وبيركد ورا سلمى
عناء: أي وين بدكن تروحو مني أنا بفرجيكن بتركد ورا ايمن ومجد وسلمى
ايمن: خالتي خالتي طولي بالك وعم ينط من مكان لمكان
خالد: بيمسك بفاطمة وبيتخبى وراها
هناء: بتطلع فيه عم تتخبى ورا مرتك الحامل يارجال
خالد: خالتي شحاطتك أقوى من الصار.وخ خليني ورا مرتي
فاطمة: بتكون عم تضحك وفارطة ضحك
مجد: بيتخبى ورا امه حماتي بربك اهدي وسمعينا
هناء:هلق صرت حماتك أنا بفرجيك يامجد
مجد: لاع اوعك انتظري شوي لااهرب بس
ناهد: بتكون عم تروح يمين وشمال مع مجد ووراه سلمى عم تضحك ومتخبية وهناء وراهن بالشحاطة
بيركد ايمن ليفتح الباب ويهرب
بكون ابو ملهم داخل
هناء: وين بدك تهرب ولاه ايمن وبتزت الشحاطة
ايمن: وليي وبنبطح على الأرض وبتجي الشحاطة على كتف ابو ملهم
وبعم الصمت عليهن كلهن
هناء: بتوقف بصدمة يي يبعتلي حمى
ايمن: بيرفع عيونه لفوق وبيضحك اصبتي الهدف الغلط
ابو ملهم: بيتطلع فيهن بصمت
هناء: بتقرب من ابو ملهم يبعتلي حمى ماكنت قاصدتك كان الهدف ايمن قام هو نزل وبتطلع فيه بعصبية
ايمن: بكون كاتم ضحكته اكيد مارح ضل واقف لااكلها يعني
ابو ملهم: بيتطلع بهناء بطرف عينه انتي مارح تبطلي عادتك هي حرام عليكي الولاد نهرو من شحاطتك وبالاخير اكلتها أنا كتر خيرك والله ياهناء من بعد كل هالسنين ناكل شحاطة كفاءة
هناء: بتضحك والله ماكنت انت القصد انت أجيت فجأة شو دخلني أنا
ابو ملهم: بيتطلع فيهن وانتو شو عم تعملو هون
مجد: بيبتسم بخفة والله ياعمي كنا هيك جايين بالصدفة ها بالصدفة مو هيك خالد
خالد: اه اي فاطمة مرتي تعبت ورنتلي اجي اخدها فاانا أجيت وهنن اجو وشفنا بعض بالصدفة مو هيك ايمن
ايمن: اي عمي فانحن سمعنا البنات عم يصرخو فدخلنا بالصدفة لنعرف شو عم يصير قام لقيناهن عم يرقصو وبالصدفة صرنا نرقص معهن قام خالتي هناء دخلت بالصدفة وانت اكلت الشحاطة بالصدفة وبس
ابو ملهم: يعني كلشي صار بالصدفةة
ايمن: بيضحك بالضبط بالصدفة بس بتعرف الحق على مين
ابو ملهم: مين
ايمن: الكاتبة سدرة هي يلي عملت كل هاد وبالصدفة
مو هيك شباب
بردو الكل عليه: وبالصدفة وبيضحكو كلهن
وبينتهي هاليوم بسعادة وفرحة وبتشرق شمس لنهار لتعلن بداية يوم جديد ومو اي يوم يوم فرحة العزابية مجد وسلمى اجا اليوم المنتظر يوم عرسهن الاسطوري يلي عم ننتظره النا زمان لنتوج قصة هالحب بالزواج 🥹
اعدين الصبايا ببيت سلمى ولكوافيرات واقفين عم يزبطوهن ويعملولهن المكياج والشعر وعم يغنو ويرقصو والكل فرحان وهناء وناهد واقفين وعم يزغرطو
وعند الشباب اعدين عند الحلاق وعم يترتبو😂 ويشكلسو الأمور
ايمن: بدي تطلعني احلى من العريس
مجد: بيضحك اي اي اشتغل عليه بدو شغل يحرام لان
ايمن: وضريب اي
خالد: اي سمعونا شي ياشباب يلا
امجد: وعريس الزين يتهنى يطلب علينا ويتمنى
ايمن: وعريس الزين ياغالي ياعود اخضر وشيالي
امجد: بكون واقف ورا اخوه وعم يهلهل وعريس الزين يامجدي
ايمن: ولتفرعلو لتفرعلو وبيضحك
مجد: بيضحك خلص وصلت ياشباب شكرا
بتخلص سلمى المكياج والشعر وبتلبس فستانها الأبيض بكون فستان ابيض مشكوك باحسن انواع اللؤلؤ وطرحتها طويلة ومزينة بالورد الابيض واللؤلؤ وشعرها نازل على كتافها متل امواج البحر وعلى رأسها تاج من الالماس
.
وفاطمة لابسة فستان اسود طويل ساتان ومزين باللؤلؤ الابيض من على الصدر والاكمام وشعرها مرفوع رفعة بسيطة ومزين بعرق لؤلؤ
.
وسارة لابسة فستان احمر طويل وآله شاحط من وراه مشكوك بالالماس وحاطة على رأسها عرق الماس باللون الاحمر وشعراتها رافعته من قدام ومن ورا نازل على ضهرها
والشباب مجد متزين ببدلته السودة وقميصه الابيض وخالد لابس بدلة سودة بقميص اسود وأيمن لابس متل خالد بس مزين بجيبة الجاكيت بمحرمة ساتان حمرة متل الحب يعني😂❤️
( ولكم حرية التخيل بأشكالهن الجميلة)
بتطل سلمى من غرفتها بفستانها الابيض وبتعلى صوت الزراغيط

هناء: بتطلع فيها بفرحة وعيونها عم تدمع بتحكي بصوت عم يرجف اوهااا ياصحن نجاص اوهاا ومزين بالالماس اوهاااا ويلي بياخد بنتي سلمى اوهااا بضل مرفوع الراس ولللللللليشششش تقبريني ياامي شو طالعة حلوة وبتقرب منها وبتضمها بقوة
سلمى: بدمعو عيونها وبتشد عليها يخليلي ياكي يارب
هناء: بتطلع فيها قل اعوذ برب الفلق من عيون الناس الله يحميلي ياكي
سلمى: بتبتسم وبتبوس أيدها بحب الله ما يحرمني منك
ناهد: بتطلع فيها وبتضحك وبتقرب منها وبتضمها الف مبروك ياروحي ياأحلى كنة بكل الدنيا يابنتي يلي ماخلفتها
سلمى: بتطلع فيها وبتبتسم وبتبوسها يخليلي ياكي خالتي ولا حماتي
ناهد: أنا امك ياسلمى وحتى لو صرت حماتك وبتضحك واوهااا برق برق أوها وتخبى بين الورق اوهااا يلي واقفة تقول ماشاء الله اوهااا ويلي اعدة تقول قل اعوذ برب الفلق ولللللللليشششش
وبتعلى صوت الزراغيط من الكل
بيطلعو سيارات الشباب وبتوصل على الحارة مع العراضة والزفة وبيدخلو على الحارة بالطبل والزمر ليعلنو جيتهن وصوت الزمامير عم تصدا بكل مكان والزراغيط من لبيوت طالعة وكأن الدنيا كلها عم تشهد على قصتهن
بينزل مجد من سيارته وأيمن وخالد وأمجد
ايمن: يلا عريس تفضل على القفص الذهبي
مجد: بيضحك بتوتر اطلع يعني
ايمن: لا حجي بدنا نفرش وانام هون وين هالزغروطة وين الطبل يلا وللللليششششش وجينا وجينا جبنا العريس وجينا
بيعلى صوت العراضة باصواتهن والطبل والزمر
وبوقف ايمن وخالد وببلشو يرقصو تحت هنن وأمجد وأبو امجد وملهم معهن وأبو ملهم
بطلو أهل الحارة يلي مابده يتفرج من الأصوات الفرح وقف ليشوف
بيطلع ابو ملهم على بيته وبيدخل
ابو ملهم: بيتطلع بسلمى وبيبتسم وعيونه مدمعة
سلمى: بتكون عم ترتجف وتضحك هي وعم تسمع الاصوات بتشوف ابوها بتطلع فيه وقلبها بيرجف
ابو ملهم: بقرب منها وبيتطلع فيها بحب وبيمسك أيدها وبيقرأ المعوذات عليها وبيمسك وجها بين أيديه وبيحكي بالعادة اول حب للبنت بكون ابوها وانتي حتضلي حبي المختلف ياسلمى يابهجة البيت وشمعته انتي اول فرحة واول حب بقلبي الله يهنيكي ياعمري
سلمى: بتنزل دمعتها وبتغمره الله يخليلي ياك بابا ياحبيبي انت
ابو ملهم: الله يهنيكي ويسعدك دنيا وأخرى الله يرضى عليكي
بيندق الباب
وبيدخل امجد
امجد: العريس بدو يشوف العروس
ناهد: بتضحك خليه يجي
بيركدو سارة وفاطمة وبوقفو بوجه سلمى
بيدخل مجد وأيمن وخالد
مجد: بيتطلع بسلمى بدو يشوفها بلاقيهن بوجه بيضحك خير ممكن تبعدو
سارة: اول شي بدك تحلي اخوات العروس لنبعد
فاطمة: يلا الايادي على لجيوب بسرعة
سلمى: بتضحك بخفة
مجد: حسبيا الله بيضحك حاضر بمد أيده على جيبته وبطلع مصاري وبيعطيهن لسارة وفاطمة وهيك منيح
سارة: بتضحك اي هيك ها وهلق عروستك الك بيبعدو عن سلمى وبتطل سلمى هي وعم تضحك وماسكة بفستانها وعم ترتجف
مجد: بيتطلع بسلمى وبيتجمد بمكانه بيرتجف قلبه وماعاد يقدر يمشي لعندها وهنن بتفصلهن خطوتين شو هاد ياروحي انتي بيغزلو عيونه بالحب والحنية وبدمعو سلمى: بتطلع فيه وبتضحك وبينزلو دموعها صرت الك
مجد: بيتطلع فيها وبيمسح وجه بايديه من توتره وبيضحك الله يلعني شو بحبك اي وبقرب منها وبيغمرها بقوة ياروحي انتي ياروحي محلاكي
سلمى: بتغمره وهي عم تضحك ودموعها عم تنهمر على خدودها ومتمسكة فيه
والكل عم يراقبهن ويبتسم ويدمع أنا دمعت ياجماعة😂🥹
مجد: بيمسك وجها بين كفوفه بحنية وببوس جبينها بحب وعم يمسحلها دموعها ياروحي انتي يانبض قلبي الله يحميلي ياكي من لعيون ياأحلى شي بحياتي ياتشرينية قلبي
سلمى: بتطلع بعيونه الله لا يحرمني منك يا كل الدنيا
مجد: بيتطلع فيها وبيمسك أيدها بقوة وبيتطلع فيهن اي شبكن سمعونا زغروطة
ايمن: بيضحك وبيمسح دمعته حتى ايمن تأثر احلى زغروطة يلا ياصبايا وللللليششششش
بينزلو كلهن من البيت ومجد وسلمى ايد بايد وبيقوى صوت العراضة والطبل والزمر والجيران عم يرشو عليهن الورد ويزغرطولهن بفرحة
ايمن: بيمسك ايد سارة وبيهمسلها يقبرني الاحمر اي تمشي على رمشي وتهدي على خدي
سارة: بتطلع فيه وبتضحك بعيد الشر
بيطلعو كلهن بالسيارات وببلشو يمشو وصوت الفرح عم يصدا بكل مكان
بوصلو على الصالة وبينزلو من السيارات وبيدخلو كلهن وسلمى ومجد بيطلعو لفوق ليتجهزو ليدخلو
ومنشوف المعازيم الحلوين
( طبعا أول الناس الحاضرين زين وجوري وهادي وعليا ومحمد وزوجته وبناته اخوات سارة لان محمد عنده تلت بنات واكبرهن سارة وزهير ابو ايمن وأمه وأهل خالد وأهل فاطمة والقرايبين والجيران والرفقات يلي بالجامعة للشباب ورجال أعمال مع زوجاتهن عزمهن محمد باسم مجد وسدرة يلي هي أنا واخدة متابعيني كلهن نحن من اهل البيت بتعرفو🥹😂 بصير مانحضر ونرقص)

بيدخلو كلهن وبسلمو على الناس وبتنخفت الاضواء وبتتسلط على البوابة وبتشتغل الموسيقى لتعلن دخول العرسان بوقفو الكل بهاللحظة
بتنفتح البوابة وبتشتغل الشرار الناري من الجنبين وبتطير البوالين البيضة والورد الابيض وبطلو العرسان الحلوين سلمى ومجد هنن وايد بايد وبيعلى صوت التصفيق من الحاضرين كلهن
مجد: بكون شادد على ايد سلمى وعم يمشو والكاميرات عم تصورهن والكل عم يزقفلهن ويزغرطلهن
سلمى: بتطلع بمجد بعيون عم تلمع وتغزل بالفرحة والفخر بتهمسله خايفة مجد العالم كتار كتير
مجد: بيبتسم وبيهمسلها ماتخافي طول ماانا جنبك
سلمى: بتطلع فيه بنظرات حب بحبك مجد
مجد: بيبتسم بموت فيكي
بوقفو بالنص وبتتغير الغنية لتعلن عن رقصتهن الاولى بتشتغل غنية حطي كفك بكفي
مجد: بوقف بالنص وبيضحك وبيمسك ايد سلمى وببلش يتمايل معها هو وعم يغنيلها وحطي كفك بكفي
مجد: ومشي هالعمر نكفي مابدي كنوز ولامال والله ظفرك بكفي وعم يتمايل معها ويرقص والكل بقربو منهن وعم يزقفزلهن
سلمى: عم تضحك وتتتمايل معه بحب وحاطة ايديها على كتفها وعم تغني معه
مجد: عم يتطلع فيها وبضمها لقلبه أنا حطي راسك على راسي وحسي بقلبي واحساسي ولاتخافي من بعد اليوم والله بشيلك على راسي والله بشيلك على راسي يبا نامي بقلبي وتهني ماتشيلي عينك عني رح يبدأ عمري من اليوم بصرخ صرلي عمر مستنييي وبنط بفرحة وهو غامرها بين أيديه وجبينها على جبينه
مجد: ولاتقوليي معترر فقير أنا مابخيب ظنونكك وبيضحك
( انتو تخيلو معي كيف الرقصة تراها عسللل)
بتتبدل الغنية وبأشر مجد للشباب انو يقربو وبيركد ايمن اول واحد ووراه سارة وخالد وفاطمة ورشباب وصبايا مامنعرفهن بس هنن بيعرفوهن😂
ايمن: بيستلم النص وببلش يرقص هو ومجد وخالد
والصبايا بوقفو مع سلمى وببلشو يرقصو
ايمن: اوووو سطلانةةة وعم ينط ويضحك اي هيك ها هي صالة بينرقص فيها وللللعت
خالد: تضرب شو مشرشحنا وين مارحنا واوووو سطلانةةة
مجد: يادكتور شوفلي تصريفة ابوس ايدك اكبتلي روشيتتاا
ايمن: بيضحك وماسك مجد من جاكيته وعم يهز بخصره هو وياه
هادي: بكون واقف وعم يزقف وقلبه عم يقول حق بق
جوري: بتطلع فيه هادي شايفتك ماسك الرقصة قوم ننزل
هادي: اه لا مابحب هالغنية بتعرفيني
زين: اي فضحونا خايف لف وجهي عنكن لاقيكن بينهن
جوري: حبيبي اسمه عرس وفرح يعني جايين نشارك العالم مو نعد مو هيك
بيدخلو فرقة الطبل والزمر وبتشتغل غنية عرس الغوالي وبيطلعو أهل العرسان للنص معهن وناهد وهناء وببلشو يرقصو مع ولادهن
هادي: ايي لاا هي غنيتي ماعاد اقدر بعدولي هيك وبيركد لعندهن
ايمن: بشوفه جاية بيضحك استاذ هادي عطيها وبهزله بكتافه يلاااع
هادي: ولعتتت والله وببلش يهز بكتافه مع ايمن ويرقص غنيتي المفضلة
ايمن: كفك شريك صرنا تنين وجبينك عاليي ومهرك غاليي
هادي: قولي للدنيا هيداا رجالييي
جوري: بتسحب تكتيكياً وبتدخل لعند سلمى
زين: بيلتفت عليها مابلاقيها لك وين راحت
عليا: بتضحك اخي مع العروس بتلاقيها
زين: اوف منك جوري اوف بوقف وبيمشي لعندها
#يتبع
#نبض_القصص
#شو_بيشبهك_تشرين

#النهاية
بقلم#سدرة_عزالدين
جوري: بتوقف مع سلمى وبتبوسها الف مبروك ياعروس
سلمى: بتبتسم الله يبارك فيكي يارب نورتيني واسعدتي قلبي بوجودك معي بهاليوم
جوري: حبيبة قلبي والله مارح اكذب عليكي جاية شاركك الفرحة على المزبوط
سلمى: بتضحك يلا خلينا نولعها بتمسك أيدها وبتبلش ترقص هي وياها
مجد: بيتطلع عليهن وبيضحك وبقرب منهن وعم يرقص
زين: بقرب منهن وبيمسك ايد جوري حبيبتي شو عم تعملي
جوري: بتطلع فيه وبتضحك جاية شارك اخواتنا يوه مو هيك استاذ مجد
مجد: طبعا واعز نورتينا وانت استاذ زين يلا شاركني فرحتي
زين: بيضحك أنا مارقصت غير بعرسي ومحرم ارقص بعدها
بتتبدل الغنية وبتطلع غنية يلي رقص عليها زين بعرسه طلو عينيها
جوري: بتطلع فيه بفرحة زيين غنية عرسنا يلا خلينا نرقص أمانة
زين: بيتطلع فيها بقلة حيلة جوري بلاها
جوري: أمانة بدك تكسفني هلق
زين: بيبتسم بخفة خلص ماشي بيرفع أيديه وببلش يتمايل معها على الغنية
جوري: بتكون عم تتمايل عليه وتضحك بفرحة
وسلمى ومجد عم يرقصو مع بعضهن
وبتنضملهن عليا وعم ترقص مع هادي وكل واحد مع حبيبته😂🥹 الا أنا اعدة عم بتفرج
بتخلص الغنية وبينزلو كلهن ليرتاحو وبيعدو
بتشتغل غنية رومانسية وبتنخفت الاضواء
سارة: بتكون واقفة مع سلمى ومجد بتهمسلهن شو في فقرة هلق
مجد: بيبتسم ممكن
بيطل ايمن هو وحامل بوكيه ورد احمر وبيمشي على المنصة وبوقف قبال سارة وبقدملها البوكيه
سارة: بتطلع فيه بصدمة وبتضحك وبتمسكه شو هاد
ايمن: بيتطلع فيها بحب وبيضحك سارة وبينزل على ركبته وبطلع علبة وبيفتحها قدامها بيضحك سارة بتقبلي تتزوجيني
بيعلى صوت التصفيق والتصفير والكل عيونه عليهن
سارة: بتضحك وبتبلش ترتجف بتحط أيدها على امها من صدمتها وعم تضحك ومالها عرفانة شو تعمل
ايمن: بيضحك بتقبلي تتزوجيني ياصاحبة اجمل ضحكة بكل الدنيا
سارة: بتطلع بأهلها يلي واقفين بكونو
محمد: بيتطلع ببنته وبهز براسه
سارة: بتطلع بأيمن وبينزلو دموعها وبتهز برأسها بقبل بقبل
ايمن: بيمسك أيدها وبلبسها الخاتم وبوقف وبيغمرها بقوة
وبيعلى صوت التصفيق
سارة: بتغمره بقوة وهي عم تضحك وعم ترتجف بتطلع فيه مجنون انت مجنون
ايمن: بيضحك وبيتطلع بعيونها مجنون فيكي
بقرب منهن مجد وسلمى وفاطمة وخالد وبيغمروهن وبباركولهن
بقرب منهن محمد وعيلته وزهير وام ايمن
محمد: بيبتسم وبيغمر بنته وببوسها بيتطلع بأيمن وبيبتسم هالشب الظريف اجا لعندي وتقدملك رسمي ووطلبك مني وخبرني انكن بتحبو بعض وانا ماقدرت غير اني اقبل واتمنالك السعادة ياروحي ايمن مافي منه
ايمن: بيضحك الله يعزك ياعمي
مجد: بيهمس لاايمن خبرهن انك اكلت بهدلة بنص مكتبه انك مخبي عليه كنت
ايمن: بيتطلع بمجد وبيضحكله حبيبي الله يبارك فيك وبيزوره
مجد: بيضحك تمام مفهومة
طبعا بباركولهن الأهل بتعرفو صارو نسايب يعني شي عظيم وانا باركتله لاايمن لاتخافو نيابة عني وعنكن😂
طار الفرفوش ماصفيلنا حدا
بتشتغل غنية رومانسية انسى كل الناس وبتنخفت الاضواء
وكل واحد بيعزم حبيبة قلبه على الرقصة
مجد: بكون غامر سلمى بايديه على خصرها وعيونه بعيونها بحب
سلمى: ايديها على كتافه ومحاوطة رقبته بكفوفها بخفة وعم تطلع بعيونه بغرام وهيام
خالد وفاطمة بكونو عم يرقصو بحب
خالد: مالك حاسة انو في بينا عزول هالمرة
فاطمة: بتضحك هاد مااسمه عزول هاد ثمرة حبنا
سارة وأيمن
ايمن: بيتطلع بعيونها بتعرفي اني من اول مرة شفت فيها هالضحكة الحلوة نغرمت
سارة: بتبتسم وانت بتعرف انو انت كنت سبب هالضحكة الحلوة
ايمن: بيضحك أنا بحبك سارة بحبك يا صاحبة اجمل ضحكة ياأم السوس
سارة: بتضحك ياسبب ضحكاتي انت يافرحة قلبي بموت فيك
عليا وهادي
عليا: بتطلع بهادي بعيون مغرومة هدهدي المهضوم بحبك
هادي: بيضحك وتذكرتك ياعليا وتذكرت عيونك ويخربيت عيونك ياعليا شو حلوين وبضمها لقلبه
زين وجوري🥹
زين: بيهمسلها بتتذكري كم رقصة صار النا مع بعض
جوري: بتبتسم وبتطلع بعيونه الزيتونية اعترفلك اعتراف
زين: بيضحك اعترفي
جوري: بتعرف انو بكل رقصة برقصها معك وكل يوم بيمرق علي بحبك اكتر من يلي مضي زين أنا متيمة فيك عاشقة لتفاصيلك ولتناقضك ولخصلات شعرك يلي بتنزل وبتتمرد عليك وبتضحك
زين: بيبتسم وبتعرفي اني بعشقك انتي وعنادك وكلامك وضحكتك وشعرك وعيونك وهالشامة يلي على ثغرك اااه السيف بالغمد لا تخشى مضاربه وسيف عينيك بالحالين بتارو أن المفاتن في عينيك مخمرة من نظرة منك يغدو المرأ سكراناً
جوري: بتضحك وبتغمره بقوة
مجد وسلمى
مجد: بيهمسلها بحب ياتشرينية قلبي واخيرا صرتي الي وعلى اسمي وحلالي
سلمى: بتبتسم بحب انا الك من اول ماخلقت يامجد انا عروسة المجد وحضل الك ومعك لآخر عمري ورح حبك كل يوم اكتر واكتر وبعمري مارح مل منك او ابعد عنك