لا بدّ من رحمة أخيرة .💙

‏إنكِ تنطق إسّمي بطريقةٌ مُرهَفة تدُع الأحزان تتلاشى والجرُوح تلتئم.💙

"أمام وجهك
أنا مهزومٌ
من أول جيشيّ
حتى آخر فرسانيّ" 💙

‏"لديَّ ميزة منذ الصغر ترافقني، أعرف المحبين وأعرف مدّعين المحبة، أعرف الرفاق وأعرف الذين يلبسون لباس الرفاق؛ وهذا إنتصاري" 💙

أرح مسمعك 💙🎧

السفاح البريئ
بقلم:محمد ياسر
الفصل الاخير:(لاني أحبك)


(قسم بحري شمال)
جعفر:المحامي جاهز يا جوان اتفضلي.
جوان:طيب
المحامي: حسب قانون الانتفاع بالاموال العامه و بموجب قانون الحواله بالتركه تم تحويل أموال وممتلكات ال بحيري ، اديني اثباتك وقعي هنا يا جوان ...
جعفر:الف مبروك يا جوان احسنو استهلاك القروش دي بالله عليك..
جوان:يوسف عندو مشروع بتاع ورشه حقت سيارات، ووكل صحبو بالحاجه دي ..
جعفر: كل القروش؟
جوان:لالا حتنقسم بينا بإذن الله..
جعفر:ممكن اسااعدك؟ اشوف ليك مشروع بالاربعه؟
جوان:دايره افتح مغسله حقت سيارات ومعاها بيت للعمال في شارع النيل ..
جعفر:دا شنو دا،(جعفر ضحك) مغسله وورشه دي مشاريع عجيبه جدا ..
جوان:في ناس بتخجل تمد يدها يا عمو جعفر، عشان كدا لازم نساعدهم بطريقه غير مباشره ،نحنا سند بعض ..
جعفر:اذا احتجتو لشي انا موجود، كان انتي او يوسف، وربنا يحقق امانيكم ويديكم الفي مرادكم،
جوان:ممكن توديني موقف الشهداء يا عمو
جعفر:طيب، ارح
(وفي قصر الشباب والرياضه)
عابد:(حضن يوسف وبقي يبكي)
يوسف:انا فشلتا،انا فشلتا يا عمو عابد،انا ما قدرت احقق حلم مازن،انا فشلتا..
عابد:انا فخور بيك جدا يا ولدي،ومازن لو كان عايش كان حيكون فخور بيك برضو،انتا ما قصرتا،بالجد انتا صاحب عظيم،فخور بيك والله يا ولدي،(عابد مسك المايكروفون) السلام عليكم يا اولادي،انا ما حاخد من وقتكم دقايق،اول شي بستاذن من لجنه التحكيم ،ومن المتسابقين،اني حاخد زمن من وقتكم الغالي جدا ،اول بدايه،ولدي مازن اتوفى ،مات مقتول ،ولهسي التحقيقات قايمه وما معروف القتلو منو،مازن يا اولادي اتولد بمرض التوحد،وفي نفس الوقت،مازن وحيد امو ابوهو،ما كان عندو علاقه بالناس ولا حتى بالاهل،ولظروفنا السيئه جدا ما قدرت اوفر ليو لا تلفون ولا حتى تلفزيون،وبطبيعه عملي،اني شغال في مكتبه ،كنت بجيب ليو كتب وروايات،امو لاحظت ليو انو شخصيتو اتغيرت،بقى بتكلم،وبقى يحكي،وحبه حبه بقى يطلع الشارع،شويه شويه مازن بقى يكتب،دفترو وقلمو بقو معاهو طول اليوم،بقو اصحابو وكل شي،اخر ايام مازن بقى يجيني ف المكتبه،ولقيتو عمل صداقات وبعد مرور اكتر من 10 سنه انا شفت مازن بضحك،ايوه والله عشره سنه ما ضحك ،انتوو قادرين تفهمو شعوري؟ وانا كنت حاسي بشنو وقتها،الكتابه غيرت حياه ولدي،مازن بقى كاتب عظيم واشترك في 140 مسابقه وبفضل الله فاز فيهم كلهم،وانا واثق تماما انو كان حايفوز في المسابقه دي كمان،والقدامكم دا صحبو يوسف،قرر يكمل مسيره صحبو ويحقق حلمو،ويفوز في المسابقه دي ،حتي لو هو غلط بس هدفو كان سامي ونبيل جدا وانا فخور بيو جدا جدا
(فجاه الناس الفي المسرح قامت علي حيلها وبقت تصفق)..
الحكم ماهر: انا بحترم وقفتك هنا يا ابوي ،وبحترم يوسف جدا،ودي قصه عظيمه جدا جدا ،وعد مني انا ماهر عصمت اني انشر دفتر مازن على اكبر عدد ممكن انا حاوري العالم مازن عابد ودا وعد مني
(عابد ويوسف نزلو من المسرح والناس كلها بقت تسلم عليهم)
(يوسف استغل الفرصه وطلع بره المسرح)
تهاني:يا مازن؟؟؟
يوسف:(وقف بس ما قدر يلتفت عليها)
تهاني:انا مصدومه، مصدومه شديد ،بس في نفس الوقت كبرت في عيني جدا، انا لو محلك كنت عملتا كدا برضو، والاعظم من دا، انك كنت عايز تتخلي عن حلم صحبك عشان تساعد زول انتا ما بتعرفو، مازن او مهما كان اسمك، انا حبيتك ك شخصيه انتا فاهم؟
يوسف:(واصل مشيهو)
تهاني:(مسكت يد يوسف) انا بحبك
يوسف:(شال يد تهاني وختاها في صدرو)حاسه بنبضات قلبي؟
تهاني:ايوه
يوسف:حتي الايقاع بتاعه بقي مختلف لمن ظهرتي في حياتي تهاني انا معاك قدرت احب،قدرت اتنفس،قدرت اعيش..
تهاني:انا بحبك،بحبك وبس وواثقه من حبك لي
يوسف:يعني ما حتمشي؟
تهاني:ابدا والله انا ما حا امشي ابدا يا يوسف
(فجاه تلفون يوسف ضرب)
قصي:يوووووسف يا حيوان،
يوسف:مالك يا زول قول بسم بالله
قصي:القروش دي محولها لي مالك؟
يوسف:للمشروع بتاع الورشه..
قصي:مشروع؟ دا شنو دا
يوسف:مش انتا عايزز تفتح ورشه؟
قصي:وعلاقتك شنو؟
يوسف:اعتبرها دين مني، وما داير ولا كلمه
قصي:يوسف؟ دا شنو
يوسف:جيبي وجيبك واحد، دي جمله منو؟
قصي:القروش دي كتيره شديد يا يوسف
يوسف:ادي معتز معاك، وانا حالاقيكم بعد شويه، طيب؟

قصي:لكن يا يوسف..
(يوسف قفل الخط)
تهاني:وكل يوم بتكبر في نظري، انا حبيت راجل والله، فخوره بيك..
(فجاه المايكروفون اشتغل)
ساره :الساده الحضور حصلت تغيير مفاجئ جدا،وناس كتار انسحبو انتهت المسابقه وحا يتم اعلان النتيجه بعد دقائق..
(في قسم ام در مان )
جعفر:يا محمود كيفك ياخ
محمود:منور والله منورنا
جوان:كيفكم ياخ
محمود:بخير وعافيه

جوان: وين الاولاد ممكن نشوفهم
محمود:(طلع صفاره وبقى يصفر)
(فجاه الاولاد بقو جارين ووقفو صف)
نعيم: انتباه ( بصوت عالي)
جعفر:(بقي يضحك)
جوان:(قعدت في الارض وبقت مقاصده صبري):ممكن تسمعو كلامي للنهايه
نعيم:جووووان كيفك ياخ
عدنان:طولتي مننا يا جوان
محمود:اسكتو خلو جوان تتكلم
جوان: اول شرط،انتو حتتمو قرايتكم،وحاتكون في مغسله حقت عربات متكفله بكل مصاريفكم،ممكن تشتغلو فيها بالمسا،محمود حيشوف ليكم بيت جنبو في حلتهم،وهو حيكون المسؤول عنكم ،عيشو حياتكم،ومن الليله انتو غير ،انتو حتكونو طلبه،ومحمود حيعاقب اي زول بقول فيكم كدا،اتفقنا
نعيم:(حضن اخوانو وبقى يبكي)
محمود:طابور صفااااا،من الليله انا حاكون المسؤوله عنكم،ما داير دموع،يلا اي زول يمشي يشوف شغلتو بي وين
جوان:(حضنت الاولاد) عيشو حياتكم،انا حااكون معاكم دايما،بكره حانتلاقى يلا سلام.
(الاولاد مشو)
محمود:هدفك نبيل،وانا حااكون قدر المسووليه،بس بشرط
جوان:اطلب طوالي
محمود:اناحا اعمل المغلسه بقروشي،واي قروش زياده منك حاتكون مصاريف قرايتهم
جوان:ابدا ما راضي بالكلام دا
جعفر : يا جوان ولا كلمه جنابو محمود قال كلامو
محمود: الكلام انتهى يا جوان..
جعفر:ياخ انتو بالجد اشخاص عظيمين لابعد درجه
جوان:(سلمت علي محمود) انا معتمده عليك،وبكره القروش حاتصلك،يلا انا لازم امشي
(بره القسم)
جعفر:دي النهايه شكلها
جوان:انا ما عارفه ارد جمايلك دي كيف
جعفر:ما تقولي شي،انا غلطت كتير واتمني انو ربنا يغفر لي..
جوان:حتكون كويس؟
جعفر:انا كون كويس اذا انتو كويسين
جوان:لنا لقاء يا جعفر ،لنا لقاء
(تلفون جوان ضرب)
جوان:تهاااانييييي ؟؟
تهاني:فزتاااااااااااااا جوان انا فزتااااااا والله فزتا انا ما قادره اصدق، كاني بحلم يا جوان، والله ما مصدقه
جوان:(بقت تبكي)تستاهلي والله تستاهلي، الف مبروك ،ياخ بالجد انبسطتا منك، انبسطتا شديد..
تهاني:جوان انا ،عازماك، انتي ومازن ولا منو هو داك، ومعاكم دكتور ادهم، جووووان بعد المغرب طوالي حا اتصل عليك..
جوان:طيب تمام، انا زاتي بعد المغرب فاضيه.
(بعد اربعه ساعات في مطعم فليفر بيتزا)
يوسف:تهاني انا جنب باب المطعم انتو وين؟
تهاني:خش طوالي الصاله علي يدك الشمال
يوسف:(دخل المطعم ولقي تهاني مقبله عليو، ولقي ولد وبنت مقبلين عكس) السلام عليكم
د.ادهم:وعليكم السلام (وقام علي حيلو عشان يسلم علي يوسف) كيفك يا شاب ان شااء الله تمام
(جوان التفت علي يوسف عشان تسلم عليوو )يييييوسف؟ يوسف؟؟؟؟؟
تهاني:بتعرفيو؟
د.ادهم:دا يوسف؟ اخوك يا جوان
(جوان ودكتور ادهم بصوت واحد )تهااني اهربيي، اجري يا تهاني، اهربييييييي عليك الله اهربي يا تهاني....

(فجاه يوسف وجوان اغمى عليهم في نفس الوقت)

(وفي مسشتفي اسيا)..
د.ادهم:كيف يعني ما عندهم شي؟ كيف يا دكتور احمد؟
دكتور احمد:كل شي سليم، واديناهم دربات وماف اي استجابه، ضربات قلبهم طبيعيه، وحتي تنفسهم، طبيعي.
تهاني:(بتبكي)ادهم ادهم اتصرف، والله انا حاموت اذا حصل ليهم شي، والله حاموت..
د.ادهم:لميتي في يوسف وين؟ هل حاول ياذيك؟
تهاني:انا مرتبطه معاهو، وهو بالله اسمو يوسسف يعني؟
د.ادهم:انا ما فاهم، والله ما فاهم، تهاني، ممكن تنظري هنا، خليني اخش عليهم ..
(ادهم دخل غرفه العنايه وقفل الباب)
د.ادهم:يوسف، سامعني، يوسف يا يوسف(بحاول يصحي في يوسف)..
؟:ما تحاول، انا خليتهم يفقدو الوعي
د.ادهم:انتا خشيت كيف؟ خشيت كيف؟ انا قفلت الباب، انتا منو؟
؟:انا زنان
د.ادهم:زنان؟(ادهم بقي يضحك بصوت عالي) اخيرا، اخيرا ظهرتا...
زنان:انا مراقبك من زمان، بس انتا ما كنت منتبه
د.ادهم:مصعب حكي ليك عنك، انا عارف عنك كل شي
(زنان خنق ادهم)..
زنان:لو جبت اسم الزول دا تاني حاقتلك
د.ادهم:داير شنو، ولي خليتهم يفقدو الوعي؟؟
زنان:لانو قرب يطلع.
د.ادهم:منو؟؟؟
زنان:السفاح“..
د.ادهم: وحششش؟ مش عندهم نفس الروح ؟؟؟
زنان:لا، روحو دخيله، يعني هم جواهم روحين، روح بشريه وروح الجن..
د.ادهم:كيف دا؟
زنان:انا حبيت سهيل حب اعمي، كنت معاها من ما عمرها كان15سنه، وكل ما تكبر وتزيد جمال، حبي ليها كان بزيد، قبل ما تحصل ال19بقيت بجيها علي شكل فارس احلامها، وبعد بتونس معاها في الحلم، لدرجه اتمنت اني اكون حقيقي، ولمن ظهرت ليها ف الحقيقه، ما خافت، ولا كان فارق معاها اذا انا جن او لا، كانت مجنونه بي،

د.ادهم:مش دا غلط في عالكم؟ انك ترتبط مع بشريه
زنان:هو الصاح. شنو؟ الناس كلها بتعمل في الغلط ،قررت اتزوجها، وهي ما رفضت ابدا، واظنك. عارف الباقي..
د.ادهم:اتقبضتا وهربت من السجن وقواك كلها كملت
زنان:دا كلو عشانها، عشان بس اكون معاها.. واتزوجتها، وبعد فتره، قبضوني تاني وحكمو علي بالسجن المؤبد، وهسي بعد19000سنه بزمنكم19سنه، قدرت اهرب تاني، اكتشفت انو سهيل ماتت، واولادي طلعو سفاحين، ودا كلو بي سببي،

د.ادهم:سببك؟انتا عملت شنو؟
زنان:اخواني حذروني، بس انا ما اشتغلت بزول، سهيل حملت بجن، جيناتي فازت وحملت بجن، لكن الرحم البشري، ما زي رحم الجن، بقي ما قادر يتغذي كويس، سنه كامله والجنين ما اتكون، لانو ما قادر يتغدي، جاتني فكره، هي اني اسرق طفل بشري وادخل فيو روح الجن، بس اكتشفت انو طفل واحد ما حيستحملها، وفتشت توأم لمن. لقيت، وفي يوم العمليه وفي كسر من الثانيه، عملت زراعه جنين ونقل روح وكنت قايلها نجحت..
د.ادهم:سرقت اطفال ناس؟ كيف تعمل كدا ، كيف تعمل عمليه زي دي ؟؟؟
زنان:روح الوحش بدت تتغزي علي روح التوام ومشاعر الروحين اتلخبطت وبقت ما قادره تستقر، فاضطريت امحي المشاعر البشريه واخلي مشاعر الوحش اللهي الانقسمت علي جسدين بدون مشاعر
د.ادهم:واي روح بقت تدي عكس التانيه، وبكدا الوحش يكون هادي وما عندو تلخبط مشاعر
زنان:بالضبط، بس اذا المشاعر اتشاابهت، الوحش حيطلع، وصدقني ما حاقدر اوقفو تاني،
د.ادهم:يوسف بحب تهاني، وجوان بتحب تهاني.طيب الحل شنو؟
زنان:انو تهاني تموت!!!
د.ادهم:لا لا لا يا زنان دا كلام شنو ؟؟
(فجاه ادهم لقي نفسو بره الغرفه ولقي تهاني ماف)
د.ادهم:زنان، زنان، عليك الله ما تقتلها، زنان،(بقي يصرخ)زنااااان ما تقتل تهاني، زنااااان(بقي يضرب في الباب)
(زنان خلى تهاني تفقد الوعي ورقدها ف الارض وبدا يخنق فيها براحه براحه)
(فجاه)
(يوسف وجوان بتكلمو في نفس الزمن):اقيف!!
زنان:(مصدوم) خلاص قررت تطلع، قررت تتكلمم؟؟
الوحش:ابعد منها !!
زنان:(قام وقعد ف الكرسي)
الوحش: انت اخترت لي حياة انا ما عاوزها حتي كمان ما اديتني اسم والوحش بقي اسمي بس هسي وقت انت عاوز تنهي الحياة دي...
انا حاتكلم، انا لو م ضمنت انو تهاني حتفضل عايشة كويسة ما لي رجعة لعالمك، هي الكانت مصبرة روحين اتزرعو واتعجنوا من طين الالم والحرمان، هي ادتني سبب احب نفسي واعيش، لي ياخ انتا قاسي للدرجه دي، لي عايز تسلب مني كل شي؟ جاوبني؟ هل انتا بالجد ابوي؟
زنان:هل كنت داير الناس تناديك بالوحش
الوحش:(بقي يصرخ)الوحش دا كان ممكن يلقي الاميره البتحبو...
زنان:انا يمكن عمري م فهمت المعاناه الانت مريت بيها دي بس دا كلو لانو انا دافعت عن حبي لسهيل وكنت مقرر...
اتحمل الحيجي من ورا الحب دا كلو وهيئت نفسي اتحملو لاخر لحظة.. عشان كدا انا فاهم يعني شنو تقرر تعذب نفسك بس في الاخر تربح سلامة حبك
الوحش:(بقي يبكي)ابوي انا قتلتهم كلهم، والله ما قادر استحمل، انهي عذابي دا، عليك الله انهي عذابي دا، ما داير اكون سفاح، ما داير اكون سفاح
زنان:انتا سفاح بريئ الذنب ذنبي انا، وانا حاتحمل العواقب، نرجع للبيت؟
الوحش:ايوه يا ابوي، نرجع للبيت بس انهي كل عذابي دا ...
زنان:عشان سهيل وتهاني، حننهي القصه دي..
(تهاني تفيق وتلقي نفسها راقده ف كراسي الانتظار)
(تشوف الدكاتره جارين علي غرفه يوسف وجوان ودكتور ادهم ببكي وبقول ماتو التوام مات)
تهاني:ماتو؟ كيف؟ ماتو كيف(تجري علي الغرفه) وتلقي جثه يوسف وجوان قدامها) لا لا لا لا ما تمشوو انا ما عندي غيركم، ما تمشو عليكم الله
د.ادهم:لقينا الرساله دي جنبهم حاولي اهدي واقريها(الدكاتره طلعو تهاني من الغرفه)
تهاني : قاعده في الأرض وبتبكي بصوت عالي..
ادهم: تهاني يا روح الروح الله يرضي عليك اهدي واقري الرساله دي ...
تهاني:(قعدت ف الارض وبقت تقرا الرساله ( يا السمحه دي انا جوان، ودا انا يوسف، نحنا عملنا حاجات كعبه شديد وربنا حيحاسبنا بي سببها، حياتنا كلها كانت عباره عن غلطات، بس انتي كنتي الصاح الوحيد فيها، انتي طلعتينا من جو الاكتئاب والانعزال، لجو الفرح والانبساط، تهاني انا ما شفت الضحك الا معاك، الوحش كان اسمي، كنت ضحيه لحب اناني، وجا اليوم الحا اكون فيو اناني في حبي، تهاني انا ما مت، انا عايش بس في عالم موازي، الوحش دايما معاك، ودايما حاراقبك، الوحش بحبك، انتي الاميره الحبت الوحش، فانا عايزك تعيشي حياتك وتحققي احلامك بس عشاني، ما توقفي حياتك، استمري بس عشاني، بحبك يا تهاني والله العظيم بحبك ودي رساله ومكتوبه بالدموع، أنا آسف لانك حبيتي سفاح آسف حتى اذا السفاح كان بريئ بس بفضل سفاح، عيشي حياتك وانبطسي ، عيشي في سلام يا كل سلامي ..)
( تهاني بقت تضرب قلبها شديد، مره ورا مره، حست بانها فقدت كل شي تهاني بكت بكا زول موجوع لانها ما كان عندها صاحب غيرهم،كانو ليها حياه وامل كانو ليها كل حاجه )..
د.ادهم:(مسك تهاني من يدها) اتقوي بي، حاكون سندك، وحاكون كلي شي، اتقوي بي يا تهاني..

(مصر -القاهره )

تهاني: الثالث من مارس وها انا زي امسك كوب القهوه واتصبح كالعاده علي ام الدنيا.
(فجاه صوت زول بنادي تهاني)

تهاني: ) تهاني بقت تتلفت وما عارفه الصوت جاي من وين ..
؟:دا انا يا قلبي، ما تخافي داير اطمن عليك بس، انتي اكتر بني ادم كويس عرفتو وبفضلك هسي انا عايش في المكان الصاح بحاول اصل لسلام مع نفسي وبحاول اسامح ابوي على العملو معاي..
(صوت بكاء وفجاه تهاني فتحت عيوونها)
تهاني:تاني بكو ولا شنو يا ادهم ..
ادهم:التوم ديل كرهوني يا تهاني كرهوني، يوسف بعضي جوان، تقوم جوان تتسدى حقها وفجاه الاتنين بكبو
تهاني:وحلاتييي يا ناس دي شنو الحلاوه دي (تهاني تقفل الشباك وتخش جوه) ...
( ‏مهما مرّني من أشخاص و مسافة تقف بيني و بينك وحواجز تبعدني عنك لا يمكن لأي شيء أن يُنسيني الأيام التي جمعتني بك ، ولا يُنسيني رائحتك و لا طيفك العالق في ذاكرتي .. أحبّك لأنك جئت لعمري مثل ضماد لندوب لمَ تُشفىٰ منذ زمن ، لأن وجودك يمسح علىٰ قلبي و يطمئنه...)

#تهاني_حسن

النهايه..

@HmadaChan

النهايه 💙💙💙💙

تقييمكم للروايه يا حلوين 💙💙

لو حابي تقرا الرواية ابدا من هنا

٣٧ شخص في قلبي والله 💙😔

💙😔الاتنين العاملين بدون تقييم ديل أن شاء الله م تعرسو

أرح مسمعك 💙🎧

انتظرونا في روايه تانيه بعنوان : خمس وأربعون ثانيه 💙😔

مستعدين ؟؟؟؟

نحن نولد من عمق الحروف💙!.

روايه: خمس وأربعون ثانية».

بقلم: مُحمد ياسِر.

البارت الاول: امي و الشاورما ...



(الساعه السادسه مساء - الخرطوم)

الكاتب..
لا ينزفُ دمًا لكنه ينزف حرفًا حين يُجرح💙".!

عزيزي ايهاب ، اي ذنب اقترفته؟ ها أنا اقف على قبرك وكلي دموع ،اتابع ذكرياتك من خلال مذكراتك ، اي نهايه وضعتها لنفسك ؟ طبيب بهذه القامه والمكانه الان يرقد بسلام ، يقولون السنين كفيله بتغير الإنسان ولكن يا عزيزي لا يعلمون أن خمس وأربعون ثانيه كفيله بتغير مصير شخص كامل ، أتعهد أمام خالقي أن أوصل هذه القصه للعالم ، قسما بمن رفع السماء سوف اجعل روحك ترقد بسلام ...لنا لقاء

( وعند أول صفحات مفكراته كان يتحدث عن اول له يوم وهو طبيب)

السابع والعشرون من يناير و عند السابعه، تجرعت كأس القهوة.
قميصي،  قلمي، خيباتي ثم المشفى
حيث لا احد يستحق العلاج سواي!
سيبدأ روتيني اليومي الجديد..
طبيب!
كانت وصمة" الشرف الوحيده، التي يروني بها البشر💙!

-مُثقلٌ داخلي بِردّاتِ فعلٍ فاتَ أوانها!".

= يا انتا؟(أشاره بيدو) ماسك قلمك و سرحان وين؟
(نبيل طبيب عمومي 29 سنه)

- (قفل الكتاب وبقى يعاين لنبيل ،بس م اتكلم)
نبيل: مهاب انت طبيعي سرحان و م مركز كدا وحاسيك ما فرحان؟
مهاب:(قام وبقي ماش على الباب بدون ما يتكلم)
نبيل: (واصل حديثو )مع انو اي دكتور  بجي متحمس وكدا، محسسني الطب د جاي ليهو مجبور!
قالها واردف ضاحكآ...
،= لم يقصد بها سوى العبث والمزاح معي!
ولكن....

الحادية..💙

رن الهاتف..
الو.. :
مهاب ارح ياخ
عندنا 45 دقيقه نفطر فيها سرعه
عشان نلحق..
زي م شايف المرضى كتار، و محتاحين نثبت نفسنا اول ايام دي!
المهم انا جاي عل.......(الخط قفل)


حينما لفظ رفيقه " 45 دقيقه "
اجتاحت مهاب  موجه من التبلد، وضع سماعه الهاتف..
اصابه ذهول اللحظة، حتى انه لم ينصت الى ما يقول رفيقه بعدها..!

45..
لماذا؟ لماذا؟!!
اي ذنب قد الممت به!
ما هي خطيئتي!
=جرجرت خطائي، حملت هاتفي ومعه بضيع من  ابتسامه💙!

"كنت أبدو أمَامهم وكإنّي أستطيع أن أحمل العَالم كلهُ عَلى كتفي، وانا بالكادِ أحملُ نَفسي!".

( مهاب غمض عيونو وبدا يكلم نفسو)..

إلى تؤامي الشكلي، ومختلفي الروحي اخبرتني قبل اعوام مديده ان اواجه الناس بوجه صبوح..
وان مهما عادتك الحياة وخدشك الامس، لاداعي لليوم أن يراك حزينا💙!

كنت طفلآ لكن تحمل حكمة الكبار!

يا ويحك!،  و هذه ليست غيره...
كان حلمك أن تكون طبيبآ.. أن تكون بلسمآ💙".!
=
(وفي كافتريا المستشفى)
نبيل ها اطلب ليك ؟
_انا عايز شاورما..
=همهم مهاب.. بكرها يا نبيل.
نبيل :بتكره شنو؟ الشاورما؟ وطيب بتطلبها ليه😂 
( سرح مهاب بعد أن إعتلت  ملامحه الاستغراب ممزوج ب ضحكات)
مهاب:بكرها .. لكن عايزها وعايزها كل يوم..
عاين، متركز متركز..
(امسك مهاب ساندوتش الشاورما وسرح بعيدا مع ذكرياته)

=أمي انا عايز شاورما للمدرسة..

-يومي! يا ولد قلل شويه.

مهاب =بس انا بحبها يا أمي م عارف لي اخوي ما بحبها
الام : ( امل 29 سنه يطابق الاسم المسمى💙ربه منزل تعمل كمدرسة كي تحقق دخل اضافي) أنا والله تعبت منكم يا ايهاب ومهاب ، ما ممكن إيهاب يحب البطاطس ومهاب يحب الشاورما ، ما ممكن نتفقو تحبو حاجه وحده ؟؟
ايهاب: أنا أتنازل لشنو؟؟؟ وريني ؟ اكل الشاورما غصب؟
( وصوت يتدخل ويقول)
= ايهاب أنا وريتك الف مره ما تعلى صوتك علي امك ) ( الاب ورب الاسره صلاح الدين مدرس و لديه متجر العمر 35 سنه )
مهاب إنت عارف ي " أبوي " ..
=انا اكتر حاجتين ف الدنيا بحبهم امي والشاورما💙".
  ==

ما بال أخي ينثر شبحه على الطرقات..
ما بالي ارى الكل هو!!
( من المفارقات الغريبه جدا في شخصيه مهاب ، أنه بعكس عكس تصرفاته ، طيب لي؟ طالما انو هو بحب الشاورما لي هسي بقي يكرها ؟ أنا احترت أقسم بالله ، حاقفل الدفتر هسي وانوم والصباح اتم الباقي )




السابع والعشرون من يناير روحي مَدينة مَهجورة...

الثالثه..
انتهى موعد الدوام،
لملمت بواقي دفاتري.. حاجياتي..
وشغفي المصطنع!

الو..
مهاب كيفك؟
قبيل قلت لي اتصل ليك بعد تخلص دوام..
عايزه اسألك..
انت لي متجاوزني؟ لي بتتعامل معاي كاني شخص غريب؟
مهاب : ( بكلم نفسو اااه عزيزتي لينه لا استطيع ترجمه شعور الخيانه ولا اعلم تفسير للذي يحدث معي ، اعلم أنك تحبينه هو وأنا أعلم انني احبك ايضا، مات غرامه معه ولكن الآن سوف أحيي غرامي أنا ..)

( تنفس بعمق وقال ) أنا بحبك يا لينه..
= قايلاك نسيتني، اتوقعت واحده  من بنات هناك تحل مكاني!
=لينه قالت كدا وصوتها كلو  لهفة!

_بنات هناك؟!
هو انا كنت شايف غيرك يا ست البنات💙".!
ما نسيتني؟!
يا لينا انا كنت بنسى الدوشه بيك💙!

(لينا: ملازمه ل روحه، 19 سنة،
انثى على هيئه زهرة اوركيد💙!)
#.

تناولنا اطراف الحديث..
كانت تتحدث وكنت انصت كما كان هو!

لكن كل شيء قد يصطنع، الا اللهفة!

=خلاص ي مهاب م عايزه ازعجك

_ماف اي إزعاج لي بتقولي كدا ؟
لينا : يا مهاب أنا مبسوطه لانك حققت حلمك ، ما تصدق انا فرحت قدر شنو ..
مهاب : ( تنهد ) يا لينا ممكن نقفل موضوع اني بحب الطب دا ؟؟
لينا: في شنو بسم الله
مهاب: أنا حامشي جاني شغل
لينا: اسفه إذا أخدت من وقتك طيب لبعدين ما تنسي تتصل علي
مهاب: ( سرح وخلى الخط فاتح)

( قفلت دفتر المذكرات )

= أنا واثقه جدا انو في طفولتهم  
مهاب ما بعتريه الشرود ولا النسيان!
دايما كان اخوهو وهو البنسى ويتكبت مهاب عناء التذكير دي شنو اللخبطه دي ..

واردف مهاب في اخر المفكره أن كل حب كبير هو
مشروع فراق💙".

يتبع ...