كونوا نوراً لمن تحبون 💙

كانت طريقتها في الكلام مميزة وجميلة جداً ، تنطق الكلمة بنبرة تشرح المعنى وتوّضحه ، بحيث لو قالت: "وردة"، تشم العطر في صوتها، وترى شكل الوردة بحركة يدها في الهواء 💙

"أقرأ المحادثة مرة ومرتين وثلاث ، لأجل الكلمة الواحدة التي لمست قلبي برقّة ، أسمعُ المقطع الصوتي عشر مرات لأجلِ الضحكةِ التي خطفت قلبي ، و أُسرف في الأشياءِ التي أُحب".💙

"‏كُل الخرائط تؤكد أنك أرضي"💙

‏"كيف يُمكنني البوح، أن صوتك حلوٌ؟ جلّ ما أعرفه أنه يخترقني عميقا.ً، ويجعلُني أهتز، مثل ورقة نبات، ويُمزقني إرباً، ويُفجّرني وماذا أعرف أنا عن بشرتك وأطرافك؟ التفكير فيها يجعلُني أنتفض لمُجرد أنها لك، ولهذا فلا نوم لي ولا راحة، إلى أن تصير كُلها لي"💙

”وإني أجيد الإفلات في عز تعلقي فلا تراهن“💙

السفاح البريئ
بقلم:محمد ياسر
جريمه:14(حب)

(السودان - الخرطوم- وأعلم أن للهوى ذرُ قاتلُ،وأعلمُ أني في الحبُ لا أغشى شئَ،كنتُ أنا والآن مرت قوافلُ وصرتُ أرى الحبيب وبعده دلوً املاءهُ قئَ،وجئتكِ امساً ملئ بالفراغِ والفراغَ بُئسُ على جسدي الحروف والحروق وأثار ضعفُ وما بالي لا أجدكِ ولا أجد منكِ شئَ؟وقلتِ تركني الجميع وأحمررتي خجلاً ولم تريني قط،لا بل كنتُ هناك لكن لم أكن جميعكِ فقط،أ وتأخذُ من الحب حتى إن شبعت؟ثم تلتقيني فلا تنتقيني تأخذ ما تشاء من الشعر دون أن تلقيني فأسئلوها إن هي حقا شبعت؟،أم تراني بيت غزلُ وهبَ نفسه أم أن لماضيٍ متكررُ وهي لم تعُد تريدْ الشئ نفسهَ،أمذنبُ حقا في حقها ؟ فوالله ما قلتُ الباطلَ ولكني وجدتُ الحق في حقِ فغضبتْ،فماالخمر في حلقي تبدعُ في حرقي فأخبروني بما في حقها اكتئبت،فتروني مغمورُ في مياهُ عكره ما إنتهت،افيض كرجل كُلي بعيد فور أن يقترب الناس أبتعدت،فالدمعُ ذهب،والماء ذهب،والملح يؤنس حرقي هذا ،فوالله لا ادري كيف سمحتُ أن يحدثُ هذا(مقتبس من كتاب المتمرد)

(في موقف الشهدا)
يوسف:جوان وين انتي انا منتظرك جنب موقف شارع الوادي
جوان:انا هسي نزلت من مواصلات العربي
دقيقه جايه عليك..
جوان:(جوان بتكلم نفسها) انا حرفيا طولت من الشهدا، هنا اول مره الاقي ثريا ربنا يرحمك بالجد اشتقت ليك شديد،زايد ناس نعيم،بالجد وصبري وعدنان كيف هم،لازم امشي ليهم
(جوان بقت تفتش فيهم ومشت موقف العربات الخاصه وهناك لمحت صبري من بعيد)
جوان:(بقت واقفه ورا صبري وغمضت ليو عيونو)
صبري:(بقي يكورك) فكوني،انا ما حرامي،انا ما حرامي ياا عدنان يا عدنان..
عدنان:(بقي جاري وشايل سكين) (فجاه وقف وجدع السكين..
جوان:صبري قول بسم الله دي انا جوان
صبري:( بقي يعاين لجوان وحضنها) نعيم يا جوان،نعيم مسجون،سجنوهو يا جوان،هو ما حرامي،نعيم ما سرق،التلفون لقاهو واقع وقال لينا لازم نرجعو لسيدو،.
جوان:في شنو؟ حصل شنو يعني؟
عدنان:مشى القسم عشان يسلم التلفون دقوهو ،وتاني ما جاء راجع ،لهسي ما جا راجع
جوان: يا عدنان الكلام دا ليهو كم؟
عدنان: قبل أربعه يوم يا جوان
جوان : طيب ياتو قسم؟
عدنان:هنا في سوق ام در مان
جوان:(اتصلت علي جعفر وحكت ليو الحاصل)
جعفر:لمن تصلي القسم اديني اي واحد فيهم ولو عندك قروش اديهم ..
جوان:يعني ارشيهم يا جعفر؟؟
جعفر:اعتبريها صدقه يا جوان،البلد دي من غير رشوه ما بتبقى والله العظيم ..
(في القسم)
جوان:السلام عليكم
العسكري:وعليكم السلام كيف ممكن اساعدك؟
جوان:في ولد قبل فتره انقبض هنا،هو كان لقى تلفون واقع ،وانتو حبستوهو..
العسكري:قصدك نعيم؟
جوان:ايوه ايوه هو..
العسكري:( بقي يضحك)نعيم دا عذبنا عذاب
جوان:كيف يعني؟؟
العسكري:اشترط علينا شرط غريب جدا جدا
جوان:هو شنو؟
العسكري:انو يومي يغسل عربات الشرطه بشرط ماف زول يسال اخوانو
جوان:كيييف؟وهو وين هسي؟
العسكري:الضابط اتكلم معاهو،وقال ليو نحنا اساسا ما بنعرف اخوانك ويا زول امشي،بس هو رفض وبقي قاعد هنا ف القسم يغسل العربات وينضف القسم ويترسل لينا،والله زول خدوم خلاص..
جوان:وانتو كيف تسمحوا بكدا؟ ووين هو هسي
العسكري:اتفضلي من هنا..
جوان:(لمحت نعيم وهو بنضف في الصاله) عارف انو ماف ارجل منك في كوكب الارض دا كلو؟
نعيم:(اتهجم) ووقع المكنسه..
جوان:انتا زول شجاع وانا فخوره بيك جدا
نعيم:انا لازم اضحي ،لازم ما ممكن نكون عايشين ف دوامه حقت خوف من الشرطه..
جوان:طيب واخوانك؟
نعيم:جوان انا ما دايم ليهم،ومصيرهم انهم يكبرو ومصيري اموت،لازم يعتمدو علي نفسهم
(فجاه الضابط دخل)
نعيم: يا جنابو أنا خلصت
جوان:اهلا يا سعاده
محمود: كيف اقدر اخدمك ؟
جوان : انا اسمي جوان زنان
محمود : دقيقه دقيقه أنتي جوان ؟؟
جوان:ايوه يا سعاده
محمود:انا محمود،ناديني محمود بس،نعيم حرفيا كل يوم بحكي عنك،لي الشرف اني الاقيك(سلم علي جوان)
محمود:جعفر ضرب لي وفهمني كل شي،نعيم كان خايف علي اخوانو مننا،انا بعتذر من جوه قلبي يا نعيم،بس بتمنى لو كنت شفاف معانا ووريتنا الحقيقه،انا كنتا فاكرك بتكذب ..
جوان:عمل كدا دا عشان يحمي اخوانو،زول شجاع ج
محمود:وين هم هسي؟
جوان:قاعدين بره،
محمود:ممكن تناديهم يا نعيم؟
(نعيم مش يناديهم)
جوان: يا محمود انتا زول محترم جدا،ومقدره العملتو، بس وجودهم ف القسم مش حيسبب ليك مشاكل؟
محمود:انا حاتصرف،ما تشيلي هم
(صبري جا وهو ماسك يد نعيم وعدنان وراهم ومبسوطين)
محمود:(بقي يصرخ) هوي أنا ما داير ناس تقعد لي ساي
(جوان اتخلعت والاولاد وقفو صف)
محمود:انتو من الليله حاتكونو مسؤولين من القسم دا،نضافه علي غسيل علي ترتيب،عندكم غرفه مجهزه وانا حااجيب ليكم العايزنو،بشرط تعملو النحنا عايزنو،مفهوم؟

نعيم:مفهوم؟
محمود: نعيم حيقسم المهام عليكم كلكم واضح
عدنان: واضح
(الاولاد جرو)
جوان:(ضحكت) شكرا ليك جدا يا زول يا طيب الاولاد امانه في رقبتك يا محمود
محمود:ما تشيلي هم بوعدك حاعتبرهم اخواني..
( جوان ودعت محمود وهي طالعه لمحت الاولاد وهم بغسلو في الصاله شاورت عليهم من بعيد و الابتسامه برسومه علي وجههم سلمو عليها جوان طلعت بدون ما تودعهم وعيونها كلها دموع)
(وجنب موقف شارع الوادي)
يوسف:انتي يا بت أتاخرتي كدا لي؟
جوان:يووووووووسفف(ضمت يوسف)ي بت فكيني، هسي الناس تقول شنو؟؟
جوان:اخت مشتاقه لأخوها فيها شنو يعني؟
يوسف:اتاخرتي كدا لي يا بت؟
جوان:ايييك حصلت حاجات كتيره شديد
يوسف:ارح نركب واحكي لي..
(وجوان كل الطريق كانت بتحكي ليو عن الحصل )
(في حي الروضه)
يوسف:ايييييك ياخ انا طولت طول من البلد دي،
جوان:حي الروض منور بيك ياخ(جوان مسكت يد يوسف)
(فجاه لقو أسعاف وعربيه شرطه جنب باب البيت )
جوان:(فكت يد يوسف وجرت)
فاطمه(جارتهم):جووووووان، يا حليلكم يا جوان، رهف يا جوان، رهف يا جوان
جوان:خالتو رهف مالا؟ ف شنو يا فطوم؟ فطوم؟ رهف ماالا
؟:السلام عليكم، انتي جوان زنان؟
جوان:ايوه ايوه، في شنو يا سعاده الضابط؟
الضابط:رهف وولدها مهاب لقيناهم مقتولين جوه، والظاهر انها عمليه حقت انتحار..
فاطمه:ماتو يا جوان، ماتو
(يوسف واقف بعيد ورفض انو يقرب)
جوان:(بقت ساكته)
الضابط:جعفر طالب حضورك في القسم، انتي واخوك يوسف،
(واحد من رجال الحله شاف يوسف)
؟:يوسف يا يوسف،
يوسف:(جا علي البيت، وكان هادي شنو)
رجال الحله مشو علي يوسف عشان يعزوهو)
عبد الله:البركه فيكم يا ولدي، وربنا يصبركم، نحنا بالجد عاجزين ما عارفين نعمل شنو، بيتكم ناس مصايبو كتيره شديد، ..
أحمد:احسن الله عزاكم يا يوسف، وربنا يصبركم، بيتكم بقي فاضي، ان شاء الله اولادي ح يجو يقعدو معاكم، ووعد مني الوجبات كلها علي، حاهتم بيكم، ولو عايزين مصاريف بصرفكم
يوسف:(هادي وما فتح خشمو)
الضابط:أنتا يوسف زنان؟
يوسف:ايوه
الضابط:مطلوب حضور في قسم بحري شمال
(الضابط بكلم الجيران):الجثتين حاتمشي المشرحه، ومنها حاتجي هنا، فريق، التحري حيجي هسي، ياريت تتعاونو معاهم، يوسف وجوان اتفضلو اركبو معاي .
(في داخليه بني سعد).
قصي:اول شي، ماف زول حايسألك في الداخليه دي، اقعد وقت ما عايز، واعتبر كل الفي الداخليه اصحابك واخوانك
معتز:لكن انا ما طالب، انا خليت القرايه
قصي:يا زول اعتبرها بيتك، وماف زول ح يتكلم معاك، وبالنسبه للشغل حاتنزل معاي الورشه، وحبه حبه حاعلمك، حتكون مسوؤل منها الصباح، وانا بالمساء اتفقنا،؟
معتز:واخواتي؟ وامي؟ يعني ما حاشوفهم؟
قصي:(بقي يضحك)انتا في زول ماسكك؟ وقت ما تشتتاق ليهم امشي ليهم..
معتز:بالجد؟؟ وطييب قروشها كيف؟ لاني محتاج ليها شديد.
قصي:اول ايام حاتشتتغل مجان، عشان تتعلم الشغل كيف لكن لو محتاج لمصاريف، انا حااديك
معتز:لالا مستحيل اشيل منك، انا زول كبير مستحيل امد يدي لزول
قصي:(ضرب معتز ف راسو)القانون الاول، نمره اربعه، جيبي وجيبك واحد، انا حاحتاج ليك، وانتا حا تحتاج لي
معتز:لكن يا قصي انا ما متعود، ابوي قال انو ما تثق في زول، ابوي حذرني، ابوي غدرو بيهو يا قصي، ابوي مات مغدور
قصي: ياخخ بعدين مع قصه ابوك دي أنا داير افهم حصل شنو يا معتز ما ممكن اي شي اقولو تفتح لي السيره..
معتز:ابوي من زمان شديد شغال في الذهب، ربنا فتحها عليو وبقي عندو ابيار، هو واربعه من اصحابو، لكن ابوي كان عندو النصيب الاكبر، كان عندو التلت في كل ذهب يطلع، قبل سنه لقو دهب بكميه هائله، ف اليوم بتاع توزيع النصيب اقرب واحد من اصحاب ابوي قال انو هو لقي موقع وقال لابوي ارح معاي عشان نشوفو، ابوي وافق، مشو لحدي ما حصلو حدود ليبيا ونزلو عشان يستكشفو الموقع، فجاه صاحب ابوي دور العربيه ومشي
قصي:كييييييييييييف؟؟ مشو خلاهو في نص الخلا؟ متاكد انو كان اقرب صاحب ليو؟
معتز:صحبو ليو 20سنه ،المهم ابوي ما عرف يعمل شنو، يومين يا قصي ما اكل ولا شرب، وماش، ابوي كان بين الحياه والموت، فجاه اغمى عليو وما صحا الا وهو في المستشفي، لاقوهو اولاد حلال، وانقذوهو، حالتو كانت صعبه شديد وما كان قادر يتحرك، وفي نفس الوقت خايف حقو يضيع، وما عرف يتصرف كيف، اتصل علي، قال لي صاح انتا صغير وممكن المهمه دي تكون صعبه بالنسبه ليك، وقام حكي لي الحصل، وقال لي يا ولدي انا ما بثق في زول غيرك، وقام وصف لي محل مكان فيو دهب، وحفظني ليو، وفجاه سمعت جوطتا والخط قفل، المغرب جانا خبر وفاه ابوي (مقتبس من قصه حقيقيه)
قصي:لا حولا ولا قوه الا بالله، حصل شنو حصل شنو
معتز:لقوهو مطعون ابوي مات مطعون، جريت ورا المحاكم وورا المحامين، بس ما كان في اي دليل، ولا اي ورقه بتثبت انو الابار دي حقت ابوي، وفي نص الجوطت دي، امي جاتني وقالت لي وقف البتعمل فيو دا واخطا الدهب، وما عافيه ليك دنيا واخره اذا سكيت الموضوع دا، عشنا حياتنا عادي، امي كانت استاذه، وابوي ما قصر خلي عندنا قروض، فجاه

امي جاها فشل كلوي، وحالتها بقت صعبه، القروش كلها كملت علاج، سنه كامله بالطريقه دي، بعنا البيت،ولسه
الحال في حالو، قروشنا قربت تخلص، خليت المدرسه وبقيت شغال ف السوق، خاتي قانون ف راسي ما تعتمد علي الزول ولا تثق ف زول، الكلي حقت امي وقفت، بقت شغاله بموحده، وهسي التانيه قربت تقيف، هنا قررت اشترك في المسابقه حقت الادب ومنها لاقيت مازن وتهاني..
قصي:انتا سوبر مان ، انا فخور بيك . ولد بعمرك ومتحمل المسوؤليه دي كلها؟.
معتز:اثق فيك يا قصي؟
قصي:اثق في حناني زاتو،
معتز:مازن وتهاني مبدعين جدا وانا كلماتي قصادهم ركيكه
قصي:مازن؟ قصدك يوسف، ااااااا سبحان الله (قصي بكلم نفسو)يعني قررت تكمل طريق صحبك يا يوسف

(في حي المزاد)
تهاني:(بتكلم نفسها) جوان ومازن، حرفيا بقو ماخدين كل تفك حتي ما قادره. اكتب للمسابقه، المسابقه؟ هههه يعني حااخسر، وابوي حايوديني البلد واعرس ود عمي، واي شي ينتهي، راسي جايط اتصل لدكتور ادهم؟ هل اتصل لدكتور ادهم؟ ياااخ ما عارفه والله ما عارفه
؟:تهاني يا تهاني
تهاني:ايوه يا ابوي
حسن:نايمه ولا شنو
تهاني:اتفضل ما نايمه
حسن:المسابقه الاسبوع الجاي مش
تهاني ايوه
حسن:جاهزه؟
تهاني:ايوه جاهزه
حسن:بما بهمني انك تكوني دكتوره البهمني انك تبقي اديبه وشاعره، زي وزي جدك وزي جدي، عارفه العقوبه اذا خسرتني شنو مش؟ ولا اذكرك بيها؟
تهاني:عارفه يا ابوي، والله عارفه
حسن:اجتهدي، عشانك وعشاني
(في قسم بحري شمال)
جعفر:سعيد في كوبر، ورهف ومهاب ماتو،
اتكلمت مع سعيد ومع لجنه ازاله التمكين، بيت حي الروضه ورثه، عندكم حق فيو، وعندكم نصيب التلت في شركه ال بحيري العقاريه، وعندكم نصيب في القروش ما تعادل12مليار، خلاص فجر الخلاص يا اولادي
ًيوسف: يعني يا جعفر كل العذاب ح ينتهي؟ يعني خلاص متأكد انتا؟؟؟
جعفر :الحمدلله كلو خلص والله كل الجحيم خلص يا ولدي
جوان:(بتبكي بحرقه)مهاب لي يموت؟قتلتو؟ وريني انتا قتلت مهاب؟؟؟؟ وريني
يوسف: ( بحاول يسكت في جوان) أنا والله ما قربت منهم يا جوان والله م قربت من زول
جعفر:يوم السبت الموافق13/1 الحاجات دي كلها حا تصلكم انا تاني ما عندي حاجه ليكم، وبسجن سعيد حاقطع علاقتي مع ال بحيري، واي مشكله تحصل في بيتكم حيتصرف قسم حي الروضه لانهم شاكلوني كتير، في خلو بالكم من نفسكم، وان شاء الله تكون دي اخر مره تجو فيها القسم..
يوسف:ما قصرت يا جعفر، والله ما عارف اسدد ليك. الدين دا كيف..

(خارج القسم)
يوسف: ( مسك جوان من كتفها وغلاوتك عندي انا ما قتلت زول يا جوان )
جوان : يعني هم انتحرو؟
يوسف: أنا حلفت ليك وأنتي عارفه اني ما حصل كذبت عليك ..
جوان : طيب طيب يا يوسف
يوسف : لازم اشوف زول عشان يعقد معاك
جوان:انتا حاتكون وين؟
يوسف:يوم الاحد باسافر الجنوب..
جوان:ما. ممكن تقعد هنا؟ ونتلاقي، وفي نفس الوقت اي زول يكون ما عندو علاقه بالتاني..
يوسف:اختي، انا ما فضل لي زول عزيز علي غيرك، ما بيدي شي، صدقييني، ما داير اقتل زول، ولا بستحمل اقتل زول..
جوان:ولا انا، ما دايره اقتل زول، يعني ماف حل غير دا؟
يوسف:ماف اي حل للاسف ...
جوان:خلاص؟ دي النهايه؟
يوسف:عيشي حياتك، وحققي احلامك. واعرفي انو اخوك بحبك شديد
(فجاه تلفون جوان دقه)
جوان:اهلين تهاني كيفك، مشتاااقييين ياخ، يوم السبت؟ اها ومعانا منو؟ بعرفو، في ياتو مطعم ،اها خلاص تمام..
(قفلت الخط)،دي طبعا تهاني، قالت عازماني يوم. السبت، تقرييا لعيد ميلادي، عويره خلاص كانت تجيبها لي بي فهم بس ماف داعي تقولها لي كدا
يوسف:البيست؟
جوان:ممكن تقول كدا
يوسف:بتحبيها؟
جوان:(سكتت وملامحها اتغيرت)بس يا يوسف، هي طيبه شديد، وظريفه، كنا يومي بنتلاقي
يوسف:(خته يدو علي راس جوان وابتسم)حبيها زي ما عايزه، بس ما تخليها تلاقيني. اتفقنا يا جميل؟
جوان:ح احبها، وما حابعد عنها ابدا، بوعدك
يوسف:يلا سلام، انا ماش الداخليه
جوان:يعني ما ح تمشي بيت الوفاه؟
يوسف:( يوسف بقي ساكت ومشى)
(يوسف ،اتصل علي تهاني)
يوسف:تهاني حسن
تهاني:يا عيوني
يوسف:انا بحبك والله العظيم
تهاني:(صوت نفسها بقي عالي)
يوسف:اتعرفت عليك قريب، ممكن دا م يكون حب، لاني ما عارف اسساسا الحب دا كيف، انا يا تهاني ما حصلت حبيت، بخاف من الحب شديد، بس لاول مره احس باني شجاع، اول مره، احس بأني مرتاح كدا، تهاني انا ارتحت ليك، لابعد درجه،
تهاني:مازن؟؟ وأنا والله العظيم
يوسف: وأنتي كمان شنو؟
تهاني:انا طول اليوم بفكر فيك، عارف احساس ،انا بتهرب من العالم بيك؟ عارف يعني شنو؟ مش المدمنين، بهربو من العالم مش عن طريق التعاطي؟ ،هسي انا لمن اضايق، بفكر فيك، بس بفكر فيك وبحس بسعاده كبيره شديد، يوسف انا كمان بحبك

يوسف:تهاني، انا ما قلت الكلام دا عشان تبادليني مشاعرك، ما تبادليني، انا حاختفي للاسف ، ممكن تقولي السبت الجاي اخر يوم لي، تهاني، انتي اول زول احبو ،عشان كدا انا لازم ابعد ، والله لمصلحتك ومصلحتي..
تهاني:تبعد؟ تبعد لي، عشان قلت ليك وانا كمان بحبك؟ لي تبعد؟؟
يوسف:عار علي الجمال ان تكوني حزينه، امسحي دموعك ،انا يوم السبت ح اتم عشرين سنه، اتمني اليوم داك يكون اسعد يوم ف حياتي..

تهاني:(مسحت دموعها) ممكن طلب ؟
يوسف: اعتبريهو أتنفذ
تهاني: اساسا انا عامله قعده يوم السبت ،ممكن تجي؟
يوسف:نتلاقي بعد المسابقه؟ انا ما عايز اخرب ليكم قعدتكم ساي..
تهاني:نتلاقي بكره، وبعد بكره، ويوم المسابقه الصباح وبعد المسابقه ونتلاقي بليل اتفقنا؟
يوسف:(بقي يضحك) يااا قمري اتفقنا
(وهنا بدت قصه حب استمرت لخمسه يوم ،رغم انها فتره قصيره شديد،بس الخمسه يوم دي،قدرت ترد ليوسف روحو ،ملامحو اتغيرت،العيون الباهته اختفت ويوسف بقي يضحك من جوه قلبو ،كانت خمسه يوم بنكهه خمس سنوات،يوسف ما قدر يوري تهاني انو اسمو يوسف،لانو تهاني بتحب مازن الشاعر والاديب المبدع،يوسف من جواهو حس بانو حيخون مازن اذا اعترف لتهاني بان اسمو يوسف)
(يوم السبت الموافق13/1)
(في قصر الشباب والرياضه)
يوسف:ايووه يا جعفر كيفك، انا عندي مسابقه مهمه، رسلتا جوان انها تجي وتستلم القروش وتوقع علي الورق، طيب تمامم شكرا ليك، الله يكرمك ما قصرتا معانا ابدا
قصي:يوووووووووسفف
يوسف:يا شاب الجابك شنو
قصي: جيت انا ومعتز
يوسف:اها بالجد كيف هو وكيف الورشه
قصي:راسو خفيف من اليوم التالت بقيت اديو يوميه
يوسف:وين هو؟
قصي:دخل جوه للاداره عشان ينسحب من المسابقه
يوسف:ينسحب؟؟؟ كيف دا؟ ولي وعشان شنو؟
قصي:قصي امورو اتسهلت ومعتز بقي اخوي الصغير،
يوسف:وامو، والعمليه حقتها، وحصل شنو
قصي:انتا عرفت كيف؟ هو وراك
يوسف:سمعتو بالغلط المره الفاتت
قصي:انا اتكفلتا بي اي شي، الحمدلله كل حاجه اتسهلت
يوسف:الحمدلله، الحمدلله ياااااخ، الحمدلله دي نعمه والله
معتز:يا مازن، ولا اقول ليك يا يوسف، كيفك ،قصي حكي لي اي شي، انتا بالجد صااحب عظيم
يوسف:انسحبتا؟
معتز:انتو منافسين قويين شديد، والمقصد من المسابقه كان مقصد مالي، والحمدلله اموري وضحت، بالاذن يا يوسف، عندي شغل ماش عليو، نتلاقي، وشكرا ليك ،لانو بي سببك اتعرفت علي نعمه كبيره جدا
(فجاه تلفون يوسف ضرب)
يوسف:يا جميل ضربت في وقتك
تهاني:كيفك وصباحات الخيرات،انا ف صاله المسابقه وين انتا
يوسف:معتز انسحب، امورو وضحت، يلا ارح نحقق احلامنا
تهاني:(بقت تبكيي)جد؟ بتتكلمم جد،
يوسف:وحياتك، انا هسي جاي عليك.
(وفي صاله المسابقه)
ساره:الاسبوع الفاتت كان اسبوع التصفيات، والاسبوع دا حيكون الاسبوع النهائي، عدد المتسابقين نقص، لخروج المتسابق عبدالقادر محمد وعزه كرار وحسن شريف ،يلا اقعدو والزمو الهدوء
،المتسابقه تهاني حسن، ادينا كتاب خواطرك وختي يدينك ورا ضهرك
(تهاني عملت زي ما قالو)
الحكم:افيضُ بِه .:
أحبّك لأنك الضوء في ظلمة طريقي , لأنك الفكرة الآمنة التي تطرأ على عقلي في كل مرة ينتابني الشعور بالخوف .. أحبّك لأنك اليقين بين طيات الشك ,
يلا تمي الباقي يا تهاني حسن
لأنك الشخص المُناسب لروحي و لأنني أشعر دائمًا بأنني وجدت بك كل ما أرغب به و كل ما أُحبّه .
‏أنسىٰ معك متاعب الحياة وشقاء الأيام والهموم المتاركمة فوق كتفي أنسى أشياء كثيرة تُثقلني من الداخل , أشعر بأن وجودك يُحييني من جديد ويحوّلني إلى شيئًا مُطمئن لا ينزع إطمئنانه أي شيء .
‏أحبُك جدًا , لإنك فكرتي الوحيدة عندما استيقظ وقبل ان انام , لإنك جزء ٌمن روحي والأقرب لقلبي , لإنك انت .
الحكم مبروك، النتيجه نهايه المسابقه
؟:يلا المتسابق مازن عابد
الحكم:طلع الكاب والكمامه يا مازن
(يوسف بقي ساكت )
الحكم:طلع الكاب والكمامه، دا شرط اساسي انك تكون ظاهر، عشان ماف سبيل تغش فيو، ممكن عادي تكون مركب سماعه. او حاجه زي دي..
يوسف: ( مرتبك شديد وما عارف يعمل شنو)
ساره: يا مازن أسمع كلام الاداره وطلعهم
يوسف: يوسف بقي يعاين لي تهاني غمص عيونو وفجاه)
(يوسف طلع الكمامه والكاب)
ساره :مازن؟ دا شنو دا ( ساره بتكلم نفسها) دا ما مازن انا كنت متاكده انو وراك) (ساره مشت للجنه واتشاورت معاهم)
الحكم:ادينا اثبات يثبت انك مازن عابد
(يوسف ساكت)
لو ما اديتنا اثبات حتستبعد من المسابقه
يوسف:مازن عابد اتوفى، وانا ما شاعر ولا كاتب، كنت بنقل من كتاب خواطرو، مازن حلمو كان يفوز في المسابقه وانا قررت احقق حلمو....دي القصه كلها ، عندكم الحق انكم تتخذو اي قرار وانا متحمل كل العواقب.

(الاصوات علت في الصاله بين انزل يا غشاش وبين انتا زول عظيم وفجاه الحكم وقف علي حيلو)
الحكم ماهر:نحنا بنقدر موقفك العظيم، ونحترمو جدا وربنا يرحم مازن ويغفر ليو، قرر دكتور عصمت وعبير انك تواصل هدف صحبك بس الاغلبيه كانت بتقول ، ان مازن عابد مستبعد من المسابقه نهائيا لعدم حضوره،وكل مشاركاتك دي حاتكون تحت اسمك،نحنا قدرنا وقفتك وقدرنا اجتهادك بس للاسف ما حاتقدر تنسب النجاح لزول،اذا فزت حتفوز عشان نفسك،هنا الخيار ليك،انك تواصل عشان نفسك،او تنزل من خشبه المسرح..
يوسف:(اخد نفس عميق وغمض عيونو وبقي يتكلم مع نفسو) النهايه،اظن انو دي النهايه فعلا والله،اسف يا مازن،انا اسف من جوه قلبي(فتح عيونو لقى ابو مازن قدامو)
يتبع...
@HmadaChan

💙 نحن على مشارف إنهاء روايتنا
اخر فصل حيكون بعنوان لأني أحبك 💙💙💙💙

تتوقعو نهايه الروايه تكون كيف ؟.💙🌚

قالوا الشاي ام من تهوى ؟
قلت الشاي مع من اهوى 💙
يا رب يا رب نرجع بلدنا قريب يا الله في بيوتنا متلمين بنشرب الشاي مع اهلنا واحبابنا واصحابنا💙💙💙💙💙💙

كان يفترض بكِ أن تكوني غُصن زيتون، بُستان، نهر بين حدائق، قلادة في عنق طفلة، أجمل بكثير من أن تكوني بشراً يتألم.💙

"وأنت الذي لم يعُد فيك شيءٌ مُلتئِم
‏أيّ صبرٍ هذا الذي أبقاك مُبتسِم؟"💙

‏من أفسد قلبك؟
"أنا من أفسدته بغفراني المتكرِّر، بتحملي لأشياء لا تُحتمل، وبثقتي في من لا يستحقون الثقة، بتقديم كل مشاعري دون انتظار مقابل .
لم يُفسد قلبي ... إلا قلبي".💙

‏وأنك سندي واتكائي وعُمقي وقوتي ومُلكي
ومملكتي وضلعي الثابت الذي لا يميل 💙.

كانت لا تدري، بأنّ النجمَة البيضاءَ في عينيَّ ضحكتها💙

‏” لا أعرفكم جميعاً ولا أنتم تعرفونني .. ولكني أريد بشدة ان أنشادكم ان ﻻ تقتربوا من قلب أحد ان لم تكن قلوبكم صادقه .. لا تخونوا العهود .. كونوا أوفياء. “💙