هل جوان حتقتل تهاني ؟🌚💙

باقي لينا فصل واحد وروايتنا حتخلص يا حلوين 💙🌚

"وأن تسرق من حقيبتها رشّة عطرٍ على قطعة منديلك كي تحتفظ به طويلاً دون أن تخبرها،
هذا حبٌّ أزرق💙💙."

أنا في شوق إليك، بطريقة هادئة وبسيطة وبائسة وإنسانية جدا💙

‏مساء الخير، للتذكير فأنا أحبك، رغم علمي بأن مثلك لا يُذكّر، و أن هذا شيءٌ لا ينسى، لكنّها رغبةٌ فيني وكأني أعيد وقع هذا الشعور فيني بداية كل يوم💙.

"هلا وضعت يدك الصغيرة على قلبي كي تزول عنه الصحراء؟💙"

"لم أعرف يوماً كلمات مُطمئنة مثل يديك"💙

"عندما نكون معًا، تبدو جميع الأشياء السعيدة على وشك الحدوث، عدني بأن لا نفترق".💙

"كأنها أنا، لقد رأيت نفسي فيها أكثر مما رأيتها في ذاتي💙"

قد يُصان الود بالبُعد أحيانًا💙.

الخامس عشر من يوليو
بفظاعة يتحوّل القلب الذي كنت تتمنى أن تستيقظ في كلّ صباح بجانبه إلى غریب، إلى منفى، إلى كلّ الأشياء التي لا تستطيع العيش برفقتها، وتتعجب من قدرتك على الفرار، بينما كنت يوماً تدافع عن سجنك كأنه جنّة الدنيا على الأرض.
وتتساءل، هل يتوقف الإنسان عن الحب ذات صباح؟ هل يقرر؟ هل ينطفيء الشعور فجأة؟ أم تتعطّل الإنارة تدريجياً في داخله حتى تموت؟ أم أنّ التجاوز هو التخدير الذي يرضى به كي يستمر، كي يظل قادراً على فتح نوافذ قلبه ليدخل الهواء، وأشخاص جدد، يلوّحون من بعيد؟
وتمضي في ممرّات الحياة بصعوبة بالغة في التغاضي، عن الأماكن والأصوات والروائح، عن الأغاني السكاكين، عن مصيدة الحنين الذي يطرق الأبواب متى شاء، وقبل أن تأذن له بالدّخول، يكون قد أتمّ مهامه على أكمل وجه، تاركاً إياك مع مرآتك، مع أصابعك المتوترة فوق لوحة المفاتيح، مع الكثير من الكلام المحشور في حنجرتك، المنفجر من تحت جلدك على هيئة بثور، تاركاً إيّاك تقاوم العودة إلى الصفر، إلى أكبر خدع التاريخ .. سحر البدايات، سببّ كلّ الهلاك.💙

الطبيعي أنني قادر والطبيعي أنني عاجز، كلاهما فيني ومني، ولكن كلما رأيت العجز سمة غالبة في حياتي، أو طال الأمد دون قدرتي على التحرك وفعل شيء؛ علمتُ أني غارقٌ في دائرة الاهتمام بدلاً عن انشغالي بدائرة التأثير.
ثنائية بسيطة تحكم تفكيرنا: ما نهتم به، وما يمكننا التأثير عليه. الأولى أفكار كبرى ونتائج كلية وخلاصات، قيم عليا نسعى لتحقيقها أو لتحقُقها، وصورة نموذجية نتمنى أن نراها واقعاً، لكننا لا نملك أمامها الكثير لنقوم به. أما الثانية -دائرة التأثير، فهي أشياء أصغر حجماً وأقل بريقاً، لكنها في المقدور وفي المستطاع، نعم ليست مدوّية ولا فريدة من نوعها، ولكن ميزتها الوحيدة أنها ما نستطيع فعله.
المهم هنا أن الإفراط في الانشغال بما نهتم به يورثنا العجز والغضب واحتقار الذات والآخرين؛ لأننا نفكر ونسعى ليل نهار فيما لا نستطيع التأثير عليه ولا تغييره ولا زيادته ولا نقصانه، فيكون الجهد كاملاً لكن بلا مكافأة أو مقابل، وعندها لن تجد من هو أحق بالملامة سواك.
بينما العمل على ما يمكنك التأثير عليه -وإن كان ضئيلاً، يرفع عنك ثقل العجز، ويجيبك بصدى الصوت، والأهم أنه قد يعينك على احتمال انتظار ما تهتم به، أو يمنحك قليل تأثيرٍ عليه.
الخدعة تكمن في أن الانشغال بأمر عظيم يمنحك وجاهة وثقل وامتياز تزايد به على الآخرين، وتغفل عما يمنحك إياه من عجز حتى فيما دونه، فتحيا حالماً بلا تأثير.
قد يكون ما تهتم به أشخاص، أو خلاص، أو فكرة عظيمة، أو حياة أخرى ترى نفسك فيها، لكن في نهاية القصة، سيؤنسك ما صنعته لا ما فكرت فيه 💙.

#محمد_عبدالرحمن

صباح الخير حبا 💙💙💙💙

أرح مسمعك💙🎧

💙🌚 بالنسبه الروايه أنا كذبت عليكم لسه ما انتهت

الباقي لينا 😂💙

الفصل ال 12 بعنوان(بدايه النهايه)
الفصل ال13 بعنوان (حب)
الفصل الأخير بعنوان ( لأني أحبك)

السفاح البريئ
بقلم :محمد ياسر
جريمه:13(بدايه النهايه)

(السودان-الخرطوم-قسم بحري شمال- تتعالى الاصوات،وترى مجموعتين من المتظاهرين امام القسم،جزو يهتف بأعلى صوته،(كوبر بس) (كوبر بس) والجزو الثاني يهتف بشعارات الاخوان المسلمين(الكيزان) (هي لله هي لله).(ولا لدنيا قعد عملنا) تري حشود من الصحفيين ومجموعه من المصوررين يجلسون في الارض وينتظرون سياره النيابه ثم تأتي سياره (نيسان باترول) لونها ابيض وعليها علم السودان مظلله تقف امام القسم، وفجاه يخرج جعفر وخلفه سعيد وبجانبيه اثنان من العسكر، فتعالت الاصوات مجداا، منهم من يصرخ (يا كوز اطلع بره) (ومدنيه بس) (ويا قطط يا سمان) وفي الشق الايسر(تري اشخاص يرتدون نظارات شمسيه وبدل اشتراكيه يرفعون اصبع السبابه عاليا وقولون(نحنا وصلنا، اسلاميه بس، نحي وطنا اسلاميه بس) ف يبتسم سعيد البحيري ويرفع علامه النصر ويدخل السياره)

(وفي النيابه)
مهاب:يا ابوي يا ابوي، حنطلعك، صدقني حنطلعك ما تخاف، اتصلنا للمحامين وكلهم حيجو..
رهف:(بتبكي بأعلي صوتها)ح تمرق يا سعيد حاتمرق وعد مني..
سعيد:(بإبتسامه باهته) رهف ومهاب،اسمعو كلامي للنهايه ،زنان ظهر، وكل شي حاينتهي، اهربو مصر ،رهف سوقي مهاب وامشو مصر، الوقت بداهمنا، اهربو عليكم الله اهربوو،
رهف:زنان؟؟ كيف، مش زنان دا ألفي بالي؟ مش قلنا سهيل مجنونه ؟
سعيد:هسسسس هسسسسس ح يسمع، ح. يسمع، هو سامع اي شي ،هو شايف اي شي رهف عليك الله اهربي، عليك الله اهربي
رهف:دا شنو دا؟ نفس الحاله الجات لمهاب هسي جاتك،يا ناس ف شنو؟؟؟
سعيد:(بقي يكورك) يا مراه انا ماداير اي نقاش،كلامي دا واضح. مهاب عليك الله سوق امك وامشوو..
مهاب:يا ابوي طيب والشركه؟ حنخلي كل شي؟؟
سعيد:خلو اي شي وراكم وامشو مصر،عينو مدير جديد للشركه،لمن البلد تهدا والناس تنسى بعداك ارجعو..
رهف:يا سعيد دا مستحيل،كيف ننهي العملناهو كيف ننهي اي حاجه نحنا عملناها بالسهوله دي؟
سعيد:(قعد ف الارض وبقي يبكي) رهف ،عشاني اهربو،عليكم الله عشاني اهربو،عشاني بس (مسك رهف من نصها) عليك الله عشاني بس اهربو،سوقي مهاب واهربو ،
(فجاه جعفر دخل)
جعفر:بسبب العشره البينا خليتك تتكلم مع مرتك وولدك، خلاص يا جماعه لازم تخش لوكيل النيابه
رهف:يااا قذر ، ليييي تغدر بصحبك، نحنا قصرنا معاك ف شنو؟
انتا زاتك قبلتا منا رشوه،ياما رشيناك يا كلب،كنت زي الكلب المطيع قدامنا وهسي تعمل فينا كدا
قروش واديناك، وما قصرنا معاك
جعفر:(قرب من رهف وهمس ليها).. حاخليك تندمي في كل مره قلتي لاولادي يا اولاد الحرام،حاتندمو صدقيني حاتندمو ، أنا رجعت عشان اولادي ..
رهف:(مخلوعه)مممممهاب،ارح الببيت،ممهاب ارح البيت
مهاب:بيت شنو يا امي بيت شنو..
رهف:(رهف بقت ترجف) يا ولدي الله يرضي عليك وارح البيت،عليك الله.
سعيد:(ببكي) شكرا ليك لاني سمعتي كلامي،(حضن مهاب) خلي بالك من نفسك،وخلي بالك من امك عليك الله،وابقي راجل البيت،انا حااشتاق ليكم شديد،(مسك يد رهف) قصتنا انتهت هنا،20 سنه ما بعد وشكلنا حانفترق هنا،اسف اسف من جوه قلبي لاني ختيتك في حتات زي دي (باس رهف في راسها)
رهف:سعيد،حانتلاقى،انا حااطلعك،حاخسر كل شي عشان اطلعك،دا وعد مني،والله حاطلعك
جعفر:( رفع سعيد من الارض) ارح يا سعيد، نخش لوكيل النيابه..
سعيد:اسمعو كلامي يا رهف، اسمعو الكلام، اقنعو مني، وامشو، امشو، مهااااب الشركه في رقبتك ما تنسي في رقبتك،في رقبتك..
(داخل مكتب وكيل النيابه)
وكيل النيابه:اتفضل اقعد يا سعيد البحيري
يا المقرر قول التهمه الاولي
المقرر:الاختلاس
وكيل النيابه: تنص المادة 113 على أنه : كل موظف عام استولي بغير حق على مال أو أوراق أو غيرها لإحدى الجهات المبينة في المادة 119، أو سهل ذلك لغيره بأية طريقة كانت يعاقب بالسجن المشدد أو السجن، وتكون العقوبة السجن المؤبد أو المشدد إذا ارتبطت الجريمة بجريمة تزوير أو استعمال محرر مزور ارتباطاُ لا يقبل التجزئة أو إذا ارتكبت الجريمة في زمن حرب وترتب عليها إضرار بمركز البلاد الاقتصادي أو بمصلحة قومية لها، وتكون العقوبة الحبس والغرامة التي لا تزيد على خمسمائة جنيه أو إحدى هاتين العقوبتين إذا وقع الفعل غير مصحوب بنية التملك.
ويعاقب بالعقوبات المنصوص عليها في الفقرات السابقة حسب الأحوال كل موظف عام استولى بغير حق على مال خاص أو أوراق أو غيرها تحت يد إحدى الجهات المنصوص عليها فى المادة 119 أو سهل ذلك لغيره بأية طريقة كانت.
وكيل النيابه:تعترف بجريمه الاختلاس، وممكن تقول عايز محامي ونتلاقي في المحاكم ان شااء الله
سعيد:ددداايرررر مححححااااا(فجاه وشوو بقي شاحب )ايووه بعترف

وكيل النيابه: ما سامع؟

سعيد:ايوه انا بعترف
وكيل النيابه: الجريمه اتنين
المقرر:تجاره الاسلحه
وكيل النيابه:المادة 44(1)) الرقم المخالفات المادة التي تشير إلى المخالفة العقوبات 1 استيراد الأسلحة دون ترخيص 5(1) السجن لمدة لا تجاوز خمس سنوات والغرامة. 2 شحن الأسلحة أو تفريغها أو نقلها دون تصديق 9 السجن لمدة لا تجاوز خمس سنوات والغرامة. 3 استيراد الأسلحة الممنوعة 10(1) السجن لمدة لا تقل عن عشر سنوات والغرامة.
4 إيداع وسحب الأسلحة من مخزن خاص بدون إذن 15 السجن لمدة لا تقل عن خمس سنوات والغرامة. 5 بيع الأسلحة وتحويلها والتصرف فيها بالمخالفة لأحكام هذا القانون 18 السجن لمدة لا تقل عن سبع سنوات والغرامة. 6 الاتجار في الأسلحة أو إدارة مخزن خاص لها بدون تصديق 19(1) (1) السجن لمدة لا تقل عن عشر سنوات والغرامة، أو (2) الإعدام أو السجن لمدة لا تقل عن عشر سنوات في المناطق التي يحددها رئيس الجمهورية بأمر منه. 7 تصدير الأسلحة بدون إذن 20 السجن لمدة لا تقل عن عشر سنوات والغرامة. 8 تصدير الأسلحة في غير الحالات المسموح بها 21 السجن لمدة لا تقل عن عشر 
وكيل النيابه:تعترف بجريمه تجاره الاسلحه، ولا نجيب ليك محامي، في حاله طلبت محامي، شغلي هنا حا ينتهي ونتلاقي في المحكمه
سعيد:(بيحاول ينطق بس ما قادر)دااااااايررررر مممممحاااا(فجاه سكت)ايوه بعترف
وكيل النيابه:علي صوتك يا سعيد وانطق بشكل صحيح
سعيد: انا بعترف بكل الجرائم دي،انا بعترف
وكيل النيابه:الجريمه تلاته
المقرر:الرشوه
وكيل النيابه:حسب قانون1991 كما نصَّت على ذلك المادة 88 منه (من يرتكب جريمة الرشوة، يعاقب بالسجن مدة لا تتجاوز سنتين كما تجوز معاقبته بالغرامة وفي كل الأحوال يصادر أي مال تم الحصول عليه بسبب الجريمة)
سعيد:انا حاسي بأني عيان والله ما قادر استمر داير ارتاح،انا مصدع يا سعاده،داير اخد حبوب
وكيل النيابه : طيب تمامم، اخدت راحتك،جيبو دكتور..
(وفي كافتريا زينا)
تهاني:جوان، في شنو يا جوان مالك؟
جوان:بتعرفي واحد اسمو يوسف؟
تهاني:لالا ابدا والله
جوان:انتي متاكده؟
تهاني:والله العظيم ما بعرف اساسا زول بالاسم دا
جوان:(مسكت تهاني من كتفاها)تشابه اسماء يعني؟ هو قال بيعرفك، قال بيعرف تهاني حسن، دي ما انتي صاح؟
تهاني:ايوه ايوه ما انا والله،والله ما بعرف واحد اسمو يوسف
(جوان حضنت تهاني وبقت تبكي)
جوان:انا ما عايزه ااذيك، وما عايزه ابعد منك، والله ما عايزه، تهاني انا بضحك وانا معاك بس، والله والله الضحك ما بتجي الا وانا معاك بس
تهاني:وانا معاك وما حاخليك، وعد مني ما حا اخليك
جوان:بالاذن، انا ماشه
( فجاه تلفون تهاني اتصل )
يوسف ، تهانينا عايز أقول ليك نتلاقي بكره في الكليه؟
تهاني:لي فجاه كدا ؟
يوسف : عايزه ولا لا ؟
تهاني: ما عندي اي مانع،
(وفي سوق بحري)
قصي:انا داير ارسل لناس البيت مصاريف، انتظرني هنا ثواني يا يوسف..
يوسف:طيب سريع، لاني داير الاقي اختي
(يوسف لمح معتز وشايل شنطه في ضهرو)
يوسف:يا معتز معتز الطيب، معتز
معتز:(بحاول يعمل رايح)
يوسف:معتز ياولد (يوسف ثبت معتز)
يوسف:دا انا مازن
معتز:يا مازن كيف
يوسف:ماش وين
معتز:ولا اي محل
يوسف:كيف يعني؟؟
معتز:انا ما ماش محل
يوسف:وشايل شنطتك وماش وين؟
معتز:ولا اي محل قلت ليك.
يوسف:ما عندك محل تبيت فيو؟
يوسف:فطرتا يا معتز؟
معتز:ايووه فطرتا
يوسف:عاين لي ف عيوني، وجاوبينيي
معتز:ما عارف..
(فجاه قصي جا)
قصي:السلام عليكم يا ولدنا كيفك
يوسف:(بقي يحاول يلفت انتباه قصي) طبعا يا قصي دا معتز ود خالتي
قصي:اووو اتشررفنا يا شاب ،كيفك
معتز:احمد ربي الحمد لله
يوسف:اول شي ارح نفطر وبعداك نمشي نقعد ف الداخليه
معتز:يا مازن، انا فطرتا قلت ليك، وما ماش اي محل
قصي:مازن منو؟
يوسف:(اتحرج شديد)طبعا ما دا اسمي التاني يا قصي، اسمي في العيله مازن وكدا، ما هو اسااساا اهل ابوي قالو يسموني مازن واهل امي اصرو علي يوسف..
قصي:يعني دا هسي ولد خالتك ولا عمتك
معتز:انا ما بعرفو والله ولا اساسا ببقي ليو..
يوسف:عاين يا قصي بفهمك بعدين، ويا معتز، افهم انو نحنا كلنا اخوان، وما تحاول تعيش براك، طول ما بإمكان الناس تساعدك خليها تساعدك..
معتز:الكلام دا قولو لزول تاني
يوسف: ياخ خلي عندك شويه لباقه في الحديث
معتز : يا حبيب انتا ما شفت الانا شفتو ولا مريت بالانا مريت بيهو، يااخ اهلي معتمدين علي وما عندهم غيري..
قصي:(قرب من معتز)ابوي يا معتز اتوفى وانا عمري 10سنين، وانا اكبر واحد ف اخوانى وتحتي تلاته اخواني ،انا المسوؤل عنهم لهسي، انا شغال، جامعه وبشتغل في ورشه في نفس الوقت، عمري الليله21سنه، وانا ماسك اسره، الحمدلله الناس وقفت معاي، والحمدلله ساعدوني كتيير، كنت زيك زمان، بس سؤال فايدته الاصحاب شنو؟ لي عندنا اصحاب اذا ما حيقيفو معاك؟، اعتبرني اخوك الكبير، واذا ما عندك محل تنوم فيو الداخليه ح تبقي بيتك، واذا محتاج قروش جيبي حيبقي جيبك، واذا عندك اخوان اصغر منك، حيبقو كمان اخواني، اتفقنا

معتز( بقي ساكت ) أنا ما طالب مساعده من زول قلت ليكم
قصي: ( خت يدو في كتف قصي) الحياه صعبه شديددددد ،انا ما داير اصغر من مقامك وعارفك زول مسوؤل ، بس انتا إذا عايز تعتمد على نفسك أنا برضو حاساعدك ، يا اخوي مهما كانت مشكلتك أنا الليله حاحلها ليك ..
قصي: (بقي يبكي)(اول مره وبعد سنين معتز يظهر الطفل الجواهو ويقعد يبكي،لاول مره حس بالسند،لاول مره حس بانو هو ما براهو وانو الدنيا لسه بخيرها)
(في حي الروضه)
رهف:مهاب، لم هدوومك كلها، زنان ظهر انا سمعتو، زنان ظهر..
مهاب:يا امي بطلي هلوسه زنان شنو الظهر
رهف:هو هسي ما فاضي لينا قاعد مع ابوك ،لازم نهرب لازم،ارح سريع ارح نهرب لازم نمشي لازم نسافر..
مهاب:انا مستحيل اخلي ابوي يا امي، مستحيل،بطلو هلوسه يا جماعه..
رهف:ابوك قنع من روحو، وقال لينا اهربو، نحنا ما شفنا الشافو ابوك، براك شفتا وشو كان كيف، كانو شاف ابليس..
مهاب:امي، انا قاعد، انتي اذا ماشه امي،
رهف:(بقت تضحك بطريقه هستيريا)حيوان يا مهاب حيوان، انا ما مستعده اتسجن، انتا وابوك اتعفنو في السجن انا ما عندي علاقه بيكم..
(فجاه التلفزيون فتح براهو)
(وفي قناه اخباريه)
ولقد اعترف سعيد البحيري بكل جرائمه وحكم عليه بالسجن المؤبد وقد صادرت لجنه ازاله التمكين كل أسهمه في شركه ال بحيري العقاريه وكل املاكه في حي الروضه والطائف وفي الصحافه)
(التلفزيون قفل )
مهاب:وريتك انو حاتندمي، على اي جمله ود حرام قلتيها، انا حااوريك يعني شنو ود حرام بالجد يا رهف عز الدين..
رهف:(مخلوعه)مممممممممهاب دا كلام شنو
مهاب:مهاب زول كويس، ذنبو حبه جوان بتي، عمرو م اكل حرام، زول كويس خالص، انا حااعفيو
رهف:زززززززنان، اديني فرصه عليك الله اديني فرصه، انا ربيتهم، انا ربيت اولادك، ربيتهم، جوان دي زي بتي
مهاب:(مسك رهف من شعرها) نفس كلام سعيد، نفس الكلااام، منافقيييين انتو ،منافقييييييين، كلهم نهايتكم حتكون الجحيييم، ما تخافو، الجحيييم ح يشيلنا كلنا،(زنان بقي يخنق في رهف)
رهف:(بقت راجعه لورا لحدي ما حصلت الدولاب)
مهاب:انا ما حااقتلك، بس حاعذبك، حصل جربتي الكيماوي؟،
رهف: زنان اديني فرصه والله حاصلح كل غلطاتي
مهاب:وشعرك شاايفو طوويل ولامع، رايك شنو يسقط كلو،؟
رهف:(بقت تصرخ بصوت عالي)لااا، لا سرطان لا حرام عليك يا زنان
مهاب:حااخليك تكملي قروشك كلها في العلاج والكيماوي، حاخليك تتعذبي، حاتتعذبي، حاتندمي لانك اذيتي اولادي..
(فجاه رهف شالت مسدس من الدولاب وضربت النار في مهاب)
رهف:مووووت يا زنان موووووووت(رهف بقت تضحك وتضرب في الطلق) يلا بله لمه، انتا قايل نفسك منو، قايل نفسك شنو اصلا، ما بتعرف بنت عز الزين ولا شنو، مووت يا زنان وحريقه تحرقك وتحرق أولادك
(مهاب مرمي ودمو سايل تحتو)
رهف:مهاب، يا مهاب، زنان خلاص مات، انا قتلتو، يلا قوم ، ارح نهرب مصر
(رهف بقت تحاول ترفع في مهاب بس كان تقيل شديد)
رهف:قوم يا ولدي، عليك الله قوم، ارح قوم، حبيبي انا(مهاب ما اتحرك ولا حتي بتنفس)
رهف:(بقت تبكي وتضحك في نفس الوقت)مهاب قوم، مهاب، انا قتلت زنان يلا قوم، مهاب، انا ضربت زنان، انتا نمتا ولا شنو، شكلك نعسان، قوم حبيبي
(رهف عرفت انها قتلت ولدها)
رهف:(قعدت في الارض وختت راس مهاب في رجلها وبقت تسرح في شعرو)
رهف:(بصوت خافت)ماما ما قاصده تقتلك، ماما متاسفه، متاسفه جدا أنا والله ما عارفه اعمل شنو ، يا رب عفوك وغفرانك..
(رهف شالت المسدس وضربت النار في راسها)
يتبع..
@HmadaChan