إنُ مو حلو دائمًا تسوي نَفسك دور الضحية اللي غادرتَك الدنيا الحزين الماكو كلشي بحياتك غير انُ الناس اذتك الناس مرغلتك الناس جرحتك وكلشي حلو بحياتك ماكو ومتهونها عَ روحك وهيچ قافل فَد مرة عَ انُ تعيش روحك هالشي وقافل انُ تحبس روحك بكمية سلبية مامنها اول ولا تالي يا حبيبي والله انتَ مو طفل حتى ياهو اليجي يأذيك حاول تحافظ عَ نفسك وحاول تهونها عَ روحك
ماگلك لتكون حزين لاء .. كون عادي كلش .. اني من الناس اذا تطلب الموضوع اكون حزينة أحزن وانطي الشعور حقة وهالشي لازم يصير لان احنه بشر .. بس مو دائمًااااااا مو بكل لحظة
مو هيچ الحياة شلون تنعاش والله
صدگوني اذا هونتوها راح ترتاحون
بس جربوا انُ تشوفون الموضوع من باب انُ الله راح يحلّه وانُ شيصير خل يصير المهم ما أأذي نفسي وماخليها حزينه هيج دائمًا !!!!
الحياة بيها هواي امور غير الحزن
لاتقنعوني اذا گعدتوا وي شخص معين متضحكون شوي لا تقنعوني مموتين روحكم ومتاكلون ومتسبحون ومتشربون ومتنامون .. سهلوها عَ روحكم حتى تسهَل مداگول لتحسون بس هونوها عَ روحكم والله تعدوها بساع لو هونتوها
كسروا وجبروا .. حزنوا وضحكوا
لا تقفلون بس عَ انُ تكونون مو بخير.

شعجبٌ مامش رساله عاد أعرفنّك حنين.

آني شَخص آمن ،،
عُمري مراح أصير مصدر خوف أو قلق ..
ولا عمري حتعمد أأذي أحد
دائمًا من أريد أسوي شي غلط
( أحط أمي بعيني )
فَ اللي خايف مني لا يتقربلي ..
واللي يطلب مني إن ماخلي يتندم
فَ آني أشوف لو يتندم أحسن
وكُل الناس الي تعرفني تشهد
شگد طيبة وياهم وما أذيتهم
وأي غلط أسوي أعتذر عليه
وأعاقب روحي عقاب لا صاير ولا داير
فَ اللي يحسسني إني ماعندي ذَرة انسانية
وامشي وأأذي بالناس لا يكون بحياتي.

أحس هالكلام لو محاچيتة هسة أطگ
من البارحة ساكتة واريد أگولة بس مچان الي خلگ .. المُهم ما اتمنى اي مخلوق يضغط علية
لان اذا نفجرت بس الله يدري شيصير

تعال نعيش حبيبي حياتنا

مِن تحبون تكونون كُتاب
لا تسرقون أفكار غيركم
هذا شي كلش محلو
والناس اللي تشجعكم
دتشجعكم كُله لان
تريد تصعد براسكم مو حُبًا بالتكتبوه
كونوا مِثل ما انتو مو ضروري تقلدون.

اقروا كُتب تطلعوا على مواضيع مُختلفة
ثقفوا روحكم حاوروا ناس عُمر الكاتب ماصار كاتب بيوم وليلة الموضوع مو حروف وتحطون اسمكم جواها وهاهيه معناها الله صفگولّه .. لا حبيبي الموضوع اكبر من هيچ اتمنى تكون وصلت
( لا تسرقون أفكار ).

اكتشفت شي بس اكتشفت انُ هاي دنيا مو فندق

أكتشفت انُ الانسان يحب روحة وهاي صفة حلوة
ما اشوف الها داعي مِن يصير سوء فهم بين ثنين الطرف الاول يگول للثاني انتَ تحب روحك وكأنما ديعيرة بهالشي .. ما شي طبيعي الانسان يحب روحة !

أكتشفت إنُ الانسان بأستطاعته يتخلة عن كلشي بس حتى يكون مرتاح مو مُهم وين الراحة ومو المهم الاشخاص التريدهم وياك .. مستعد يبقى لحالة بدون اللي يحبهم ولا هوستهم والخبصة اللي يسببوها الك فَ إي الانسان يحب روحة هواي

أكتشفت انُ اني أگدر اعترف بخصلاتي الموحلوة اللي من ضمنها آني هواي حساسة وأفسر الأمور مثل ما عقلي يريد ونحسة وأتزَعَل هواي واللي يگلي شغلة خلاص معناها هذا قاصد بيها هيچ وهيچ .. واللي يغثني معناها ميريدني ..
ماعندي شي إسمه تفاهم
مَرة انگالتلي كلمة ( انتِ حقودة )
بالفعل وهالشي مو بأيدي
ما انسىٰ الشي اليزعجني مهما سامحت
بأقل سوء تفاهم أتذكر كلشي
وارجع لنقطة الصفر مال السوء التفاهم الأول
بينما آني بسوء التفاهم المليون
ما أگدر انسى كلمة مو حلوة انگالتلي
وما اگدر اغير هالصفة !
وأحب روحي هواي .. بس أحب ناسي أكثر
بعد عندي صفة الطيش
بلحظة عصبية مافكر غير انُ اني زعلانة
وهالشي صار وميصير يصير وميكون اكو حل
الحل الوحيد انُ ابچي او اطلع او لساني يصير هطولة ..
بعد عندي صفة مو حلوة إنُ اتسرع
وأظلم المقابل بتفكيري
وأتذكر مرة نگالتلي كلمة تدگ براسي
فَ اللي استنتجتة آني مو أهل للأحتواء
ولا أفهم وأتَعِب وأطگك الواحد من نحوسيتي

بس تدرون شنو ؟
الناس المُقربة مني ما ضميت عليهم
إنُ آني من البداية هيچ وما تغيرت عَ أحد
من البداية معروفة خصلاتي الموحلوة
مو ذنبي آني هيچ ذنب التقرب مني
وهو يعرف راح يتأذة ويايّ

هذا آني ليغركم آني طيبة وحبابة
واحاچيكم واسمعكم واضحك وياكم
وادعيلكم وهالأمور ..

كل انسان بينا عندة صفة او صفات مو حلوة
وهاي ود بالسوء مالتها.

فَ نصيحة الكم مَتخصني ..
انتم من تتعرفون عَ شخص
اكيد تتعرفون عليه بكلشي
من تقررون تفوتون حياته
وتشوفون خصلاته الموحلوة
ابتعدوا رأسًا ..
مو بعد مدري شگد يلا تبتعدون
اقبلوا ناسكم بعيوبهم

من تگلولهم انتَ هيج
انتَ هيج انتَ هيج
اكيد مراح يتغير
ويبقى يگلك هذا آني
وانتَ عرفتني هيچ
وهذا هو ..

بس من تحچي بهدوء
ومتتعارك ومتاخذ موقف
ومتروح وم …. الخ
هوّ اكيد حيفهم وحيغير من نفسة

ماكو انسان يتغير تغيير مشروط

ممعقولة اجي اگول لانسان انتَ هيچ
وانتَ هيچ وانتَ هيچ بنيّة انُ هو يتغير

اوكِ راح يگول بگلبة اني هاي الشغلات المفروض ماكررها لان مو حلوة او المفروض اغيرها

ليش ؟ لان الشخص البحياتي
مهما كانت صلة القرابة
صديق حبيب قريب

يريدني اتغير لان ممرتاح !
زين هيچ انتَ مراح تتغير لنفسك
حتتغير لناسك وهم ورة فترة حتحس بشي محلو

فَ خصم الحچي اللي يريد يكون يمك يكون يمك لو چنت ابليس.

شبابنا الطيبة، گوموا للصَلاة يلا واستغفروا ربكم محد يفيدنا غير الصَلاة..

يَلا للصَلاة💚

شنو عقوبة الزاني .. داشوف هواي ناس تزني ف خليني احَجي وياكم

عقاب الزاني يوم القيامة، يكون بينه وبين اللّٰه، ولو تباوعون عَدل حَ تلگون القرآن الكريم والسّنّة النّبويّة حذّرت هذي الجريمَة، والواضح فعليًا وكُليًا هيَّ محرمة شرعًا ويترتّب عليها عقاب بالدّنيا والآخرة، فَ عقاب الآخرة مُقتصر على العذاب اللي حَ ياخذة جزاء لفعلته اللي تعتبر من الكبائر، واللّٰه سبحانه وتعالى يگول : {ولا تقتربوا الزنا, إِنه كانَ فتحشةً وساء سَبيلًا} إنّ للزاني عقاب چبير توعّد اللّٰه بي، وهَذا واضح بقوله تعالى:
{والذين لا يدعون مع الله الهاً آخر وَلا يقتلون النفسَ التِي حرم الله الأ بالحق وَلا يزنون ومن يَفعَل ذلِك يلق أثاماً}.
ودليل آخر هوَّ حَديث للإمام عَلي يگول بي
"يَقول رَسول اللّٰه ص في الزِنا سِتةُ خِصال ثلاثَ في الدُنيا وثلاثَ في الآخرة اما اللواتي فَيذهب بِنور الوجه ويقطع الرِزق ويسرع الفَناء اما اللواتي في الآخرة، غَضب الرَبّ وسوء الحِساب والدخول إلى النار"

شنو اليخَليك أنتَ كَـ أنسان عاقل تدخل
بهيچ حَرام وتمشي بطَريق اللّٰه مايحبَة؟
وين الحلو بالموضوع وأنتَ اللّٰـه شايل عَنك رحمتَه وماكو بدربَك كل تَوفيق! ماكو بهالدنيا شي احلى مِن الحَلال..
مامجبور/ة تدخلون بعلاقة مُحرمَة
والسَبب تافه وسخيف لدرجة مالازم يتسولف
زين باعيلي شنو احبة وگال راح نتزوج مقتنعَة بهالفكرة الماتقنع عاقل😅؟
هوَّ لو يحبچ صدگ ويريدچ ليش يسوي هيچ وفوگاها بالحرام؟ ليش مايتزوج على سنة اللّٰه ورسولة ويثبت حُبه فعلًا وين الداعي لهالتصرف المامفهوم ونجي للتصرف الثاني.. أنتَ من تدخل بعلاقة مُحرمَة الزواج بشنو مقصر وياك؟ ماتفكر بأختك، زوجتَك، أمَك؟ ماتفكر أنُ هالدنيا يجي يوم وتدور وتخَليك بنَفس هالموقف اللي سَويته هسَـة وراح تشَوفك شلون اللّٰـه عادل، هوَّ عادل مو بَس بالزينات ويرَجعهن لأي شخص يسويهن لا عادل بالسَيئات هَم شنو مَتسوي اليوم يرجعلَك باچر ويمكن من يرجع حَ يكون بطريقة مضاعفَة..!