يـارب ننقرض

أريد اسولف بَس ما بيه حيل

لا ح اسولف بَس اصلي وارجع

شوفوا راح أحچيلكم شغلة . .
للي يحسون الدنيا انتهت وخلاص
فشنوا تخَيلوا بس
تخيلوا هَسه إنتو بلعبة المَتاهة
وكلش خَبصة ومتعرفون منين الطريق
الصحيح تمشون مِنا ومِنا ومتندلون شلون تطلعون مِنها
هنانه إنتو مو راح تحيرون ومتعرفون شتسوون وراح تكون مِن أصعب اللحظات الصارت وياكم؟!
متعرفون شلون تطلعون مِن هالورطة
اللّي دخلتوا روحكم بيها وبنَفس الوقت
دتشوفون اللعبة كلش مُعقدة وصعبة
وإنتوا متعرفون الإتجاهات
تخيلوا ويايَّ

لو چنتوا بهليكوبتر فوگ لعبة المتاهة ودتشوفون مِن فوگ شنو ديصير
شلون الإتجاهات واضحة والمَمرات سهلة
وإنه الواحد يگدر يختصر الطريق ويطلع مِن المَتاهة بسرعة

المَتاهة هنا بالضبط حَياتكم . .
بس بَعد إنتوا اللّي تقررون إذا چنتوا راح تدخلون بنصها وتتيهون ستالاف مَرة
لو تصعدون بهيليكوبتر وتشوفوها من بعيد شلون سهلة

عرفتوا شلون؟
لازم تشوفون حياتكم من زاوية بعيدة
راح تشوفوها شگد سهلة ومو بذيج الصعوبة


فَ إبتعدوا عن مكان تكونون بي وحدكم
صيروا بنص مجموعة لان بنص مجموعة
مراح تطلعون ضعفكم مراح تحسون بشي

مسألتو نفسكم ليش الانسان بالليل يتأذة ويشتاق ويتعب ويحير؟!
لان هدوء ووحدة ومحد يمة وفراشة وهالامور هاي بينما الصبح الوضع أشوه من الليل

فتخيلوا ومتأكدة حتتخيلون الطريق الاسهل مثل ما تخيلتوا گدرتوا تطلعون من المتاهة حتكدرون تنسون .. منو منسى؟!

الله دائمًا يبعد عنكم الناس الموزينه حتى يطبون بحياتكم ناس تجنن

شايفين لمن تكونين كلش تعبانين من التنظيف والشغل وتدخلون
تسبحون بمي حار وتحسون مساماتكم كلها انفتحت !!
بالضبط نفس الشي شلون تخلصتوا من الجراثيم الـ ؏َ جسمكم هسة انتو دتتخلصون منه
ليش دتنقهرون وتضوجون؟!!
الحب مو هيچ والله
أيامكم اللي راحت وياهم تتعوض ، والذكريات تگدرون تعيشون احلى منهن ويا شخص يستاهلكم

الكلام صح چان موجه لبنيه
بس أغلب الناس هيچ
لذلك حچيت بالقناة

يا الله شكد فَرحاااااانه

بدايةة أول خطوه مِن احلامي صح

دار الأب تَتَوَشح بالسواد.

ياهو أحَن مِنَك عَلينه؟

البارحه شگد ضجت حسيت جاي انسه
من حچو بيك وبقه لون الوجه نفسه !

بس المهم امس چان يوم يجنن🫂

شگد حلو مِن اساتذتكم يتذكروكم بشغلة حلوه بيكم 😁🖤 ، اني اكثر كائن يضحك بكل أوقاته حتى وإن كان الموضوع حزن ، فمُجرد قريت الرِسالة هاي فرحت وضحكت انّو اكو شخص ذكرني بشي حِلو ، وين متمشون ازرعوا الضحكة بوجوه الگدامكم حتى اذا ميحبوكم او ميستلطفوكم زَرع ضحكة ما راح يكلّف هواي، وكلش الحمدلله 🖤

اكره اليَجذب كلش وفوك كُل ههذا مَرات استَغبي واسوي روحي مصَدكتهم وانه اعَرف ﭼذب ! واعبرها واكول ميخالف

ياخي شهل ناس شوكت ينقرضون دخيل الله ميحسون ؏ نَفسهم

انه ماكول عن نفسي ماچذب بس ﭼذباتي بيضه يعني وبساع يبين علية مداحجي الحقيقه وانكَشف بس مااوصل لمَرحله الحماوة

افف انفعلت اسفه 🥲😂

السنة باجر عيد والشيعة عگبة
يعني ليش هالخلاف ؟
دعايدو سوة وفضوها

عمومًا اني كشيعية حعايد ويه السنة ضوجتوني

فتت بقناة وحدة لگيتها كاتبة
" اللي يعايدني انطي بلوك "
هلو ؟ هاي شني هاي
بطلوا سالفة لحد يعايدني
وماعندي عيد والعيد راح
هاي شعائر الله
و لازم وغصبًا علية وعليك انُ نحترمها
الله سبحانهُ وتعالىٰ گال بكتابه الكريم
يريد الله بكم اليسر ولا يريد بكم العسر
ولتكملوا العدة ولتكبروا الله على ما هداكم
ولعلكم تشكرون .. صدق الله العظيم
فَ احترموا عِيب

المهم اخواني خاف ارجع اختفي
لان صايرة ما اتأمن آني
فَ ..
عيدكم مُبارك حبيبيني
وايامكم سَعيدة يارب
وان شاء الله تحقيق كُل الاماني
ويارب السنة التجي عَ جبل عرفات♥️.

إي شباب اكو كلمة واگفة هنا اريد احچيها

مو كلمة موضوع