​​#review #taqriz

📗Renee Knight — "Disclaimer"

"G‘azabning kuchingizga qanchalik ko‘p kuch qo‘shishi hayratlanarli..."

Yaqinda shu kitob asosida suratga olingan serial ko'rayotganim haqida yozgandim. Serialning oxiri shunchalik qiziqitirib qo'ydiki, so'nggi qismni kutmasdan kitobni topib o'qib chiqdim.

Britaniyalik adiba Reni Nayt tomonidan yozilgan ushbu kitob ham detektiv, ham drama janrlarini o'z ichiga oladi. Yozuvchiga butun hurmat bilan shuni aytishga majburmanki, kitob "belletristika" yoxud ommaviy adabiyotga taaluqli ekan. Yengil, tez o'qiladi va shunday yengil hazm bo'ladi, odatda bunday asarlar asosidagi filmlar ham yaxshi chiqqani hisobiga sotuvi ham oshadi.

Kitob oilaviy munosabatlar, bola tarbiyasidagi kamchiliklar salbiy oqibati va er-xotin o'rtasida sir bo'lishi qanchalik dahshatli voqealarni keltirib chiqarishi mumkinligi haqida.

Ispaniya plyajlarida ta'til o'tkazayotgan Robert, Ketrin va ularning 5 yashar o'g'li Nikolas. Kutilmaganda Robert xotini va 5 yashar bolasini tashlab Londonga qaytishga majbur bo'ladi. Uch kundan keyin ular ham qaytishadi. Ammo oradan 20 yil o'tib, Robert o'z ishxonasida pochtadan "Ideal begona" nomli kitobcha va xotinining 20 yil oldingi yalang'och va erotik holda tushgan rasmlarini qabul qilib oladi. U rasmdagi xonadan bu voqea 20 yil oldin u ketgan mehmonxonada bo'lganini anglaydi. Kitob esa o'sha vaqtda Nikolasni cho'kib ketishdan qutqarib qolgan holda o'zi halok bo'lgan Jonatan haqida edi. Xuddi shu kitobdan Ketrinning o'zi va yaqinlari ham qabul qilib olishadi. Endi sirlar yuzaga qalqib chiqadigan vaqt keladi.

Albatta, yakunda hammasi umuman bosqacha, haqiqat oshkor bo'ladi, menimcha bu juda kech. Shu bilan birga, final borasida ham muallif bilan tortishgan bo'lardim.

Masalan, Jonatan nega cho'kib ketdi? Axir u sog‘lom, yosh va baquvvat yigit edi-ku. Nega unga hech kim yordam bermadi, qirg‘oqda boshqa odamlar ham bor edi-ku? Ketrin nega yordamga chaqirmadi, Jonatan o'limida vijdoni qiynaladimi?

Nensi (Jonatanning onasi) o‘g‘liga bo‘lgan ko‘r-ko‘rona onalik mehri ham kishini hayratga soladi. O'g'lini haddan ortiq yaxshi ko'rishi natijasida, o'zi bilmagan holda o'z o'g'li hayotini buzib qo'yadi. Bu bizda ham begona bo'lmagan holat. Natijada faqat o'z xayollariga asoslanib yozgan kitobi ortidan aybdor bo‘lmagan insonlar hayotini buzilib ketadi.

Xullas, kitobning aytarli o'ziga tortadigan narsasi yo'q. Agar voqealarga qattiq qiziqb qolgan bo'lsangiz, kitob asosida olingan serialni ko'rib qo'ysangiz bo'ladi.

@panda_books

#meme

Mashhur adabiy mem, shu yerda turib tursin:)

@panda_books

Bugun tarjimon, bookbloger va ijodkor Ilhom Salimovning @salimov_blogi tug'ilgan kuni ekan. Happy birthday!

p.s: ushbu munosabat bilan "yopiq davrlar" tugab, kanalda nihoyat izohlar qismi ochilibdi. Nima ham deymiz, welcome to club:)

@panda_books

​​Hayot va yetti odam haqida hikoya

Bir kuni bir necha odamlar Hayotga shunday savol berishibdi: "Nega meni yashashim bunday?"

Birinchi odam so'rabdi:
— Nega meni yashashim bunday? Tez-tez kasalman, muvaffaqiyatsizliklar doimo menga hamroh... Xuddi men har xil muammolar uchun magnitman...

Hayot unga javob qilibdi:
— Chunki sen QASDMA QASDIGA yashaysan. Butun dunyodan xafasan, g'azab va nafrat tuzog'iga tushgansan. Hayotda esa XURSANDCHILIK bilan yashash kerak. O'zinga, atrofingdagilarga, Xudoga. Shunda baxtli bo'lasan.

Ikkinchi odam Hayotdan so'rabdi:
— Nega meni yashashim bunday? Kimdir yoki nimadir bilan doimiy kurashdaman... Hammasi noto'g'ri...

Hayot unga javob qilibdi:
— Chunki sen QARSHI yashaysan. Hammaga va barcha narsaga. Sen xuddi voyaga yetmagan o'smirga o'xshaysan, hali ham isyonkorsan, aslo to'xtay olmayapsan. Shuning uchun senda shunday qarama-qarshi hayot bor. Hayotda MINNATDORCHILIK bilan yashash kerak. O'shanda baxtli bo'lasan.

Uchinchi odam Hayotdan so'rabdi:
— Nega meni yashashim bunday? Doimo boshqalarning fikriga qarab ish tutaman, o'zimga ishonmayman...

Hayot unga javob qilibdi:
— Sen boshqalar senga HASAD qilishlari uchun yashaysan. Aslida shunday yashash kerakki, boshqalar sendan ILHOMLANSIN. O'shanda baxtli bo'lasan.

To'rtinchi odam Hayotdan so'rabdi:
— Ayt-chi, nega meni yashashim bunday? Doimo stress va asabiy tarang yuraman...

Hayot unga javob qilibdi:
— Sen kimgadir nimanidir ISBOTLASH uchun yashaysan. Sening hayoting doimiy teoremalardan iborat, ular doimo "isbotlanishi kerak". Lekin bu hech kimga kerak emas. Hech kimga hech narsani isbotlashing shart emas. Sen bunga juda ko'p vaqting va kuchingni sarflaysan: dalillarga, boshingdagi qaynab yotgan fikrlarga. Sen BAXT AKSIOMASIda yashashing kerak. Shunda xalovat topasan.

Beshinchi odam Hayotdan so'rabdi:
— Nega meni yashashim bunday? Hayot men uchun to'la ko'ngilsizlik...

Hayot unga javob qilibdi:
— Chunki sen KO'Z-KO'Z uchun yashaysan. Haqiqiy o'zing qayerda? Asling kabi KO'RIN yoki ko'ringaning kabi BO'L. O'shanda baxtli bo'lasan.

Oltinchi odam Hayotdan so'rabdi:
— Nega meni yashashim bunday? Zerikarli, qiziq emas...

Hayot unga javob qilibdi:
— Chunki Hayot SENi YONINGDAN O'TIB BORYAPTI. Sen undan yashiringansan. Aslida shunday yashash kerakki, Hayot qiziqqanidan to'xtab qolsin, yoningdan o'tib ketmasin va shu yerda qolsin... Shunda baxtli bo'lasan.

Va yettinchi odam Hayotdan so'rabdi:
— Nega meni yashashim bunday? Hech nima menga quvonch keltirmaydi...

Va Hayot unga javob qilibdi:
— Chunki sen O'Z HAYOTING bilan yashamayapsan. Bu quvonchlar seniki emas. O'zingni, tuyg'ularingni, istaklaringni, orzularingni, maqsadlaringni, so'zlaringni, hissiyotlaringni, kitoblaringni, filmlaringni, qo'shiqlaringni, muloqot doirangni top... O'Z HAYOTINGNI TOP! Ana shunda baxtli bo'lasan.

@panda_books

Hozir qaysi asar(lar) mutolaasi bilan bandsiz?

@panda_books

#tavsiya

Fransua Rable (1494-1553, Fransiya) - “Gargantyua va Pantagryuel”

Bu asar besh kitobdan iborat va ikki asosiy qahramon — dev Gargantyua va uning o‘g‘li Pantagryuelning sarguzashtlari haqida hikoya qiladi. U hajv orqali o‘quvchilarni ijtimoiy adolat, diniy erkinlik va ta’limning ahamiyatini anglashga undaydi. Rable o‘z asarida o‘sha davrda hukmron bo‘lgan urf-odatlar, soxta diniy qarashlar va ilmiy bilimlarning yetishmasligini tanqid qiladi.

Ushbu asar ko'pgina adabiyot olami vakillari tomonidan jahon adabiyotining eng sara durdonasi hisoblanadi.

Hajman katta bo'lsa-da, sekin-sekin mutolaa qilmoqchiman...

@panda_books

👆Aytganimdek, endi bu kitob Donald Trampning vitse-prezidentiga aylangan odamning kitobiga aylandi:)

@panda_books

#tavsiya

Migel Anxel Asturias - gvatemalalik yozuvchi va diplomat, 1967-yilda Adabiyot bo‘yicha Nobel mukofoti sovrindori va sehrli realizm yo‘nalishining asoschisi.

Uning eng mashhur asarlaridan biri - "Senyor Prezident" 1933-yilda yozilgan bo'lsa-da, biroq oradan 13 yil o'tibgina nashrdan chiqadi. Unda diktator Kabrera va uning davrida gvatemalaliklarning hayoti hikoya qilinadi. Mamlakatni qamrab olgan qo‘rquv muhiti va shunchaki omon qolish uchun olib borilgan kurash haqida so‘z yuritiladi.

Asturias biroz unutilgan yozuvchi. Rus tilida ham kitoblari 70-yillarda chop etilgancha, deyarli qayta nashrdan chiqmagan ekan. Afsuski, bizda o'zbekchasi bormi yo'qmi buni bilolmadim. Xullas, bugun shu kitob mutolaasini ham boshladim. Lotin Amerikasi adabiyoti borgan sari menga yoqa boshlayapti.

UPD: O'zbekchasi bor ekan😊 lekin kitob koʻrinishida boʻlmasa kerak.

@panda_books

Bugun tanlovning oxirgi kuni. Tanlov gʻoliblari soat 22-00dan keyin e’lon qilinadi.

Tanlov natijalari e’lon qilingunga qadar sovgʻaga qoʻyilgan 5 ta kitobdan birini yutib olishingiz mumkin. Shoshiling:)

#haqida

Originalida nimani o'qish kerak?

Har yili mutolaa qilish mobaynida nimanidur anglab borasan, bu seni o'sishingga yordam beradi. Ba'zi fikrlar noto'g'ri ekanini tushunasan.

Masalan, men bu yil Fyodor Dostoyevskiyni asliyatida o'qishga harakat qilib ko'rmoqchi, "Buyuk Beshlikni" ruschada o'qimoqchi edim. "Telba" va "Jinoyat va Jazo"ni mutolaa qildim ham. Va biroz adashganimni angladim.

"Rus tilini nega o'rgangansan?" desa "Dostoyevskiyni originalida o'qish uchun!" deyilgan narsa ko'proq mif ekan. Nega bunday desangiz, Dostoyevskiy ko'proq g'oyaviy adib, uning fikrlari qanchalik teran bo'lmasin, tarjima qilinganda mag'zini saqlab qolish mumkin.

Yana bir ustunligimiz, bizda Ibrohim aka G'ofurov uni maromiga yetkazib tarjima qilganlar. Men har ikkala tilda o'qiganimda ham deyarli bir xil kuchli hissiyot oldim, shuning uchun Dostoyevskiyni originalida o'qishga ayniqsa biz o'zbeklarda unchalik ham hojat yo'q, albatta, siz adabiyotshunoslikda o'qimasangiz:)

Xulosa shuki, originalida prozaiklarni emas, balki ko'proq shoirlarni o'qigan afzal ekan. Ularni tarjima qilishda ko'p narsa yo'qotilishi mumkin.

@panda_books

❗️Diqqat, tanlov g'oliblarini e'lon qilamiz! 🎉

Tanlovda to'fg'risi, men kutganda ko'proq inson ishtirok etishdi. Lekin eng ko'p faol bo'lganlar g'alaba qozonishdi. Demak, 5 ta kitobning 5 ta egalari quyidagilar.

Demak, g'oliblar:
Жангабаев Нодирбек - 191 ta inson taklif qilgan.
Abdualiyev Asilbek - 160
Xurshida - 51
Abdusharifova Ruhshona - 28
Abdusharifova Farangiz - 18

G'oliblarni tabriklayman va barcha qatnashuvchilarga o'z minnatdorchiligimni bildiraman, keyingi safarlarda yana yangicha tartibda tanlov o'tkazishga harakata qilamiz.

G'oliblar iltimos kanal boti @pandapochtabot yozishingiz so'raladi.

Barchaga rahmat!

@panda_books

Under white clouds,
cielo di Pisa.
Out of all this beaty
Something must come.

Ezra Pound

@panda_books

Baxtiyor Xabibullayev kanalida Zakovat o`yiniga oid quyidagi mavzulardagi ma'lumotlar muntazam ulashib boriladi:

• Zakovatga oid mualliflik memlari 😁

• Mashhur shaxslar haqida kunlik storislar 📱

• Zakovat o'yiniga doir tahlillar 🔬

• Rus adabiyoti 🖋

• O'zbek adabiyoti ✍🏻

• Jahon adabiyoti 📝

• Asarlardan parchalar 📖

• Kun boshida asar boshi 📚

• Yunon mifologiyasi ⚡️

Zakovat olamiga yaqin insonlarni davramizga qo'shilib, biz bilan hamsuhbat bo'lishga taklif qilamiz!

​​#tarjima
Aholimizning 90 foizdan ortig‘i savodxondir. Radio, televideniye, kino va kundalik gazetalar barchaga birdek ochiqdir.

Ammo ommaviy axborot vositalari o‘tmish va hozirgi zamonning sara adabiy va musiqiy asarlari bilan tanishtirish o‘rniga, reklamaga qo‘shimcha ravishda odamlarning ongini eng tuban, voqelikdan yiroq va vahshiyona fantaziyalarga to‘la axlat bilan to‘ldirib yubormoqda. Bu kabi past saviyali narsalar bilan hatto eng oddiy madaniyatli inson ham bo‘sh vaqtini o‘tkazishni xohlamaydi. Ammo katta-kichik odamlarning bu ommaviy buzuqligi sodir bo‘layotgan bir davrda, biz faqatgina ekranlarga "axloqsiz" hech narsa tushmasligini qat’iy nazorat qilishda davom etamiz.

Hukumat tomonidan odamlarni o‘qitadigan, rivojlantiradigan kinofilmlar va radio dasturlar ishlab chiqarishni moliyalashtirish haqidagi har qanday taklif ham erkinlik va ideallar sababli norozilik va e'tirozlarga sabab bo‘ladi. Biz ish soatlarini yuz yil oldingi vaqtga nisbatan deyarli ikki baravar qisqartirdik. Bugungi kundagi bo‘sh vaqtimiz darajasi haqida ota-bobolarimiz hatto orzu qilishgayam botina olmasdilar, Xo‘sh, natija qanday? Afsuski, biz yaqinda qo‘lga kiritgan bu bo‘sh vaqtimizdan qanday foydalanishni bilmaymiz: uni behuda o‘tkazishga intilamiz va navbatdagi kun tugaganidan quvonchga to‘lamiz.

Erix Fromm

@panda_books

​​Inson o'z chegaralarini yengib o'tishi – bu uning ruhiy o'sishi demakdir. San'at, adabiyot, mifologiya, din, falsafa va asketik fanlar – bularning hammasi insonga o'zining cheklangan chegaralarini yorib o'tib, cheksiz bilim olamiga qadam qo'yishga yordam beruvchi vositalardir. Ostonadan ichkariga, qadamma-qadam yo'lda uchraydigan "ajdaholar"ni mag'lub etib borarkan inson butun Borliqni Yaratganning buyukligini tushunadi. Insonning chegaralari faqatgina uning ezgu orzulari orqali unib-o'sadi, tarqaladi va nihoyat kosmik masshtablarga ega bo'ladi. Bizning tafakkurimiz hattoki ulkan koinotning chegaralangan doirasini kesib o'tib, muqarrar bo'shliqni anglashgacha moddiyatning barcha in'ikoslaridan - barcha belgilardanda ulkanroq bir kuchga egadir.

@panda_books

Aslida sevgining ziddi nafrat emas, befarqlik. Go'zallikning ziddi xunuklik emas, befarqlik. E'tiqodning ziddi dahriylik emas, befarqlikdir. Shuningdek, hayotning ham ziddi o'lim emas, balki hayotga ham, ajalga ham birdek befarqlikdur. Befarqlikdan inson ertaroq o'lib bo'ladi.

— Eli Vizel, Tinchlik bo'yicha Nobel mukofoti laureati.

@panda_books

Sneypning soʻzlarida ma’no bor edi..

@boredpandablog

Hayron qolayotganlar uchun, bu Yandex Partner doirasida reklama. Ya'ni men Yandex bilan shartnoma tuzdim va u orqali reklama olaman, matn va kontent ular tomonidan tanlanadi. 48 soatdan keyin o'chiriladi.

Aslida kanal mavzusiga oid reklamalar berishiga kelishilgan edi. Orada chiqib qolarkan.

Xullas, tirikchilik buyog'i:)