قصيدة  عزائيه عن القاسم ع

طاح الشباب اليوم ... خل انشيله
➖➖➖➖➖➖➖➖➖
يا رمله گومي اليوم.... خل  انشيله
طاح وولته. الگوم...خل  انشيله
ورأسه يصب ادموم... خل انشيله
عالهامه اسف صابوه.  ودمه ايسيله
*طاح الشباب اليوم...خل انشیله*

✍️ #علویه ام فاضل
➖➖➖➖➖➖➖➖
علهامه اسف صابوه. خل انشيله
ومن العرس حرموه.  خل انشيله
ازغير وفلا رحموه .  خل انشيله
من العطش والحرب.  ناحل حيله
طاح الشباب اليوم.  خل انشيله

✍🏻ام زهراء الزيداويه البصراويه
➖➖➖➖➖➖➖➖
من دمه هل حنوه  خل نشيله
وحسين بيه فجعوه  خل نشيله
عدوانه حيل اذوه.   خل نشيله
جابه الولي.  للخيمه.  ويتجيله
طاح الشباب اليوم  خل نشيله 

✍️ #خادمة اهل البيت ام اسعد
➖➖➖➖➖➖➖➖
طاح وغفت عينه    خل انشيله
القاسم امودعينه.    خل انشيله
ولا مايرد لينه      خل انشيله
عافاه العرس  يارمله ونيله
طاح الشباب اليوم٠٠خل انشيله

✍️ام حسين الحلفي
➖➖➖➖➖➖➖➖
ياطيحته امجيده ،،،،خل انشيله
من حزو وريده ،،،،،،،،،،خل انشيله
خضبوا چف ايده،،،،،،خل انشيله
من الشمس جسام خنفييله
طاح الشباب اليوم ،،،،،،خل انشيله

✍️ام حسين الابراهيميه ناصرية
➖➖➖➖➖➖➖➖
القاسم عزيز الروح    خل انشيله
ورمله عليه اتنوح.    خل انشيله
ويلي عليه مذبوح.    خل انشيله
امه عليه الدمع دم اتسيله
طاح الشباب  اليوم.  خل انشيله

✍️العلويه ام زين العابدين
➖➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

https://www.tg-me.com/OmFadil

#قصيده لسان حال الوالده لقاسم ابن الحسن ع

تمنيت الولد اهله يزفونه
مو للمگبره اوليدي يزتونه
➖➖➖➖➖➖➖
جيبو جاسم العريس للخيمه
بعده ازغير كلفه نومة الهيمه
شله بالحد ماينحمل.  ضيمه
*( عرسه من سنين أمتانيته)*

✍️ #علويه ام فاضل
➖➖➖➖➖➖➖
امتانيته العرس وتنطره  ابلهفه
وكل اهله وعمامه تحضر الزفه
وافرح من اشوف الحنه ابچفه
*(للخيمه اوليدي ايزفونه)*

✍🏻ام زهراء الزيداويه البصراويه
➖➖➖➖➖➖➖
ها يالولد يبني وشمعة اسنيني
محروم العرس هايانضر عيني
وفرح من تجي اصحابك تهنيني
*(ووليدي بعرسه يهنونه )*

✍️الحاجه نجاة اللامي ام كرار
➖➖➖➖➖➖➖
تتنوع الطولك وافرح ابملگاك
ألف عونه الرافگك يوليدي ابممشاك
ياجسام شنهي ظلتي ابجفاك
   *(اگعد المك جازي ارباها،)*

✍️ #أم علي نجف
➖➖➖➖➖➖➖
رمله تنادي عالعريس اه يبني
يالعرسك ينور العين دولبني
يلفراگك يبعد الروح عذبني
*( من دمه اليوم/ محنينه)*

✍️ #العلويه ام زين العابدين
➖➖➖➖➖➖➖
على وليدي اجر ونه باثر ونه
بعد طولك ييمه وين اشوفنه
نايم على الگاع اشلون اعوفنه
*(طايح عل الگاع امخلينه )*

✍️ #ام حسين الابراهيميه ناصرية
➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

https://www.tg-me.com/OmFadil

#قصيده العلي الاكبر عليه السلام

تطالب بلربه.   امك.  يمدلول
لو راح الولدمن عدها شدگول
➖➖➖➖➖➖➖
يالبعدك.   ازغير  وما تهنيت
يا زهرة حياتي وفرحت البيت
معرس چنت اشوفنك تمنيت
ماظنيت دهري منك.  اينول

✍🏻العلويه ام فاضل
➖➖➖➖➖➖➖➖
ماظنيت منك دهري.  يحرمني
بمصابك يجاسم يمه    صوبني
ظليت انتحب اه   يالولد.  يبني
فرگه البين كلفه وبعدك يطول

✍🏻 ام زهراء الزيداويه البصراويه
➖➖➖➖➖➖➖
حلوه شوفتك يمه يبعد الروح
وين اتريد عن أمك تظل اتنوح
هان عليك گلب أمك يضل مجروح
ودمعي عليك يبني يجري اسيول

✍️ #أم علي نجف
➖➖➖➖➖➖➖
دمعي ايسيل لجلك يبني ادموم
يالبعدك شباب الهوه محروم
گلبي الفرگتك نصين مجسوم
غير الآه ما ظلالي محصول

✍️ #ام احمد المنصوريه
➖➖➖➖➖➖➖
دمعي من دمه يايمه ايسيل
يالأكبر مصابك صاب الدليل
عگبك يالولد ماضل بعد حيل
ريت الليله حاضر فحل الفحول

✍️ #ام حسين الحلفي
➖➖➖➖➖➖➖
للعازه اريدك  يبني يلمظلوم
گالو منكتل   جتني.  اعلوم
رد بيك الولي للخيمه مملي ادموم
تانيتك ترد وهمي بيك ايزول

✍️ #العلويه ام زين العابدين
➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

https://www.tg-me.com/OmFadil

#فزاعيه علي الاكبر ع

ندهولي الولد
        شو طول النومه
➖➖➖➖➖➖➖
نام وجن حلاله النوم
ودلالي عليه.  مهدوم
وانه بعازته   هاليوم
ضخري ردته الجيدوم

*((انريده للعازه اوليدي))*

✍️ #علويه ام فاضل
➖➖➖➖➖➖➖
ردته العازتي  وكبري
من بعده شلي بعمري
لفراگه خلص صبري
وظلت دمعتي تجري
*(تجويني//جمرات افراگه)*

✍🏻ام زهراء الزيداويه البصراويه
➖➖➖➖➖➖➖➖
افراگه حيل اذاني
نحل مني ابداني
ماعندي ولد ثاني
حزينه عليه خلاني
*(من دم اتهل دمعة عيني)*

✍️ #ام احمد المنصوريه
➖➖➖➖➖➖➖➖
نار الولد حراگه
والشوفته مشتاگه
حيل يعذب افراگه
بعد يايوم  نتلاگه
*(عازيها ليلى عل الأكبر)*

✍️ #خادمه ام البنين ام رضا
➖➖➖➖➖➖➖➖
خلاني الدهر بل اه
اليه البين ماخلاه
ياريت انه اموت اوياه
مهضومه عگب عيناه
*(وخلافك جاشلي بروحي)*

✍️ #ام مرتضى الحواسي
➖➖➖➖➖➖➖➖
عمت عيني على وليدي
يناري بالگلب زيدي
بعد ماكضك ابايدي
ياروحي عالولد هيدي
*(بفراگه ،،،،،صوب دلالي)*

✍️ #ام حسين الابراهيميه ناصرية
➖➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

https://www.tg-me.com/OmFadil

#نعي علي الاكبر ع لسان حال الوالده

اكعد ييمه و شوف حالي
ضاع التعب يمه ودلالي
و بعدك بقيت بغير والي
➖➖➖➖➖➖
بعازتك لتعوفني اليوم
بين العده والدك مظلوم
عليك الگلب يالغالي مالوم

✍️ #علويه ام فاضل
➖➖➖➖➖➖
عليك العتب يالولد يابني
ماحسبت يمه تذبني
وبدار غربه تيهتني
➖➖➖➖➖➖
تانيني يمه وريض اشويه
حلوه معانيه وزهيه
فلت وياهم  هاي هيه

✍️خادمه ام البنين ام رضا
➖➖➖➖➖➖
تدري ييمه اشصار بيه
اعاين عالدرب صبح ومسيه
واكولن بلكي العزيز ايرد ليه
➖➖➖➖➖➖
اريدك يبني للحمل شيال
وتحامي علي الوكت لوعال
وتشيل الحمل مني لومال

✍️ #العلويه ام زين العابدين
➖➖➖➖➖➖
عوف الگبر ياضوه عيوني
يالبيك يمه صوبوني
خابت تره عگبك اضنوني
➖➖➖➖➖➖
يالولد ياحلو المعاني
خذاك من عندي زماني
طگني على اعيوني اوعماني

✍️ام احمد المنصوريه
➖➖➖➖➖➖
يل نمت بللحد ظلمه
ليش الولد ماحوته امه 
عيني الفگدك يمه تعمه
➖➖➖➖➖➖
رتك للنعش يوليدي شيال
ياحيف الدهر ويانه ميال
وفراكك يلولد تدريه جتال

✍️خادمة اهل البيت ام اسعد
➖➖➖➖➖➖
افراگك ييمه يلهب الروح
ماحسبت من عندي اتروح
بعدك دليلي يون مجروح

فگدك هدم يوليدي حيلي
رايح بعد.  ماظن.  تجيلي
من الحزن سهرت.   ليلي

✍🏻 ام زهراء الزيداويه البصراويه
➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

https://www.tg-me.com/OmFadil

#فزاعيه العبدالله الرضيع ع لسان حال الوالده


تبجي ام الولد وتصيح
يمه عليك در صدري
➖➖➖➖➖➖➖
يمه عليك مهظومه
ردت يومي كبل يومه
اون يوليدي مالومه
*((ايذبحونه شمسوي اوليدي))*

✍️ #علويه ام فاضل
➖➖➖➖➖➖➖
ميه ما  يشربونه
من نحره يذبحونه
عدوانه يفطمونه
*( يحرموني //منك يوليدي))*

✍️ #خادمة اهل البيت ام اسعد
➖➖➖➖➖➖➖
در ثديي يماي العين
يبني وياعزيز حسين
بغيابك اجر اونين
*(ليش امن الماي ،،،تحرمونه)*

✍️ #ام حسين الابراهيميه ناصرية
➖➖➖➖➖➖➖
اصيح بحسره يامظلوم
والمدمع يصب اموم
اويلي اعليك يالمحروم
*( المگمط ليش / ايذبحونه )*

✍️العلويه ام زين العابدين
➖➖➖➖➖➖➖
حرموني انظر اوليدي
وراح الغالي من ايدي
يمه اعله الجره شبيدي
*(من نحره//ليش ذبحونه)*

✍️حوراء الكناني
➖➖➖➖➖➖➖
در دمعي عليك اوهل
عبدالله.  ياالمدلل
عساه الصوباك انشل
*(انشل حالي  يايمه عليك)*

✍️ #ام مرتضى الحواسي
➖➖➖➖➖➖➖
حزينه الفرگتك تدري
من بعدك شلي بعمري
يوليدي خلص صبري

((مهضومه//روحي اعله افراگك))

✍🏻ام زهراء الزيداويه البصراويه

➖➖➖➖➖➖➖
تمت بااقلام خادمات اهل البيت ع
🤲🏻 نسألكم الدعاء 🤲🏻

https://www.tg-me.com/OmFadil

#فزاعيه عبدلله الرضيع ع

زغيرون الولد
وعداه يذبحونه
➖➖➖➖➖➖
مفطوم الولد وعيونه ذبلانه
بعده زغير يمه وخالي امجانه
ياوسفة الرضيع اتذبحه عدوانه
*((يذبحونه شمسوي اوليدي))*

✍️ #علويه ام فاضل
➖➖➖➖➖➖
ليش الماي من عنده يحرمونك
ترد الروح الي لو انظر عيونك
زغير عالذبح يمه يذبحؤنك
*(زغير وبالگاع ،،،،،،يدفنونه)*

✍️ #ام حسين الابراهيميه ناصرية
➖➖➖➖➖➖
زغيرون الولد مهده يبجيني
ياتعبي وشگاي وثمرة سنيني
مصابك هدهد عظامي ومفاصيلي
*(وليدي بدمه.// يروونه)*

✍🏻 #_بنت العباس ع ام منتظر الجابري
➖➖➖➖➖➖
يومك ياعزيز  الروح.   بچاني
وسهم نحرك ييمه حيل اذاني
وصار الدمع ويه النوح عنواني
*(يوليدي امصابك هد حيلي)*

✍🏻ام زهراء الزيداويه البصراويه
➖➖➖➖➖➖
من الماي اوليدي يحرمونه
عطشان بسهم ويلاه يفطمونه
لفراگك اون وروحي محزونه
*(محزونه امك لمصابك)*

✍️ #علويه ام فاضل
➖➖➖➖➖➖
عنواني الدمع ثكله يضل اسمي
اوضلمة دنيتي من سلمت شمسي
اصبح بلدمع اوبنايحه امسي
*(ياعمري خلافك  ماريده)*

✍️ #ام مرتضى الحواسي
➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻
https://www.tg-me.com/OmFadil

قصيدة عن عبدالله الرضيع لسان حال الرباب

اهزن بلمهد وعیونی عمیانه
اونن عالولد والروح خلصانه
➖➖➖➖➖➖➖
عبدالله يون من النحرمذبوح
راح اوليدي ومني خذاها الروح
لفراگه ابد مايهده هذا النوح
دليلي ويه نحره انگطع شریانه

✍️ #علويه ام فاضل
➖➖➖➖➖➖➖
لفراگه انوح ودمعتي بعيني
ازغير الولد  فرگاه.  يأذيني
راح الچنت اناغيه ويناغيني
ابيا عين اشوفن خالي امچانه

✍🏻ام زهراء الزيداويه البصراويه
➖➖➖➖➖➖➖
اويلي اعليك يبني وياصبي العين
تابعني زماني وصوباني البين
وياگلبي لفراگك منجسم نصين
وروحي اعليك اه يالولد دوهانه

✍️ #الحاجه نجاة ام كرار اللامي
➖➖➖➖➖➖➖
عبد الله ياريع الگلب يالغالي
اهزن بالمهد  والمهد شو خالي
منتظره تردلي وتنظر  الحالي
عليك انحب ييمه وروحي حزنانه

✍️ #العلويه ام زين العابدين
➖➖➖➖➖➖➖
حزنانه انوحن والگلب  مهدوم
عبدالله ييمه مو وكت هالنوم
ليش اتعوفني يوليدي هذا  اليوم
الروح الفرگتك يالغالي فجعانه

✍️ #ام حسين الحلفي
➖➖➖➖➖➖➖
فرگتك يالولد  یمه    تاذيني 
عبدالله ينبض الگلب حاچیني
مجروحه بقيت ومن.  يداويني
امتوني من الضرب يايمه تعبانه

✍️ #ام علی باپیروند
➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

https://www.tg-me.com/OmFadil

قصيده للسيده زينب زينب عليها السلام تخاطب اخوته



اريد وداع راضه مو على الخيل
بس اليوم يمكم باجر انشيل

،،،،،،،،،،،،،،،،،،،،،،،،،،،،،،،،،،،،،،،،،،
تسيل ادموع عيني ولا الي والي
زينبكم صفت بين الزلم تالي
اخوتي وهمتي وياراسي العالي
بس انه البگيت وعدي العليل

الملايه ام حسين الابراهيميه ناصرية
،،،،،،،،،،،،،،،،،،،،،،،،،،،،،،،،،،،،،
بس الیوم یمکم  باچر اوداع
اودعکم یخویه وگلبی مرتاع
تالی انعوفکم صرعى علی الگاع
امشي للیسر يخواني یا ویل

✍️ #علویه ام فاضل
،،،،،،،،،،،،،،،،،،،،،،،،،،،،،،،،،،،،،،
اعاين عل درب بلكي تفزعون
يسباح الدليل ونور    العيون
ترى أنه خلافكم ويه اليعيلون
امشي اميسره ودمعاتي اتسيل

✍🏻العلويه ام زين العابدين 
،،،،،،،،،،،،،،،،،،،،،،،،،،،،،،،،،،،،،،
یخویه وداعت الله و حان الفراگ
دمع عینی بعدکم صار حراگ
تدری بهالیسر صدری  تره ضاگ
تهيم الروح من لو يجي اللیل

✍️ #علویه ام فاضل
،،،،،،،،،،،،،،،،،،،،،،،،،،،،،،،،،،،،،،
أودعكم اوداع المابعد جيه
وامشي وي الحرم واطفال مسبيه
وعباس الكفل نام عل الوطيه
عكب اوجوهكم بينه العده اتعيل

✍🏻ام علي نجف
؛؛؛؛؛؛؛؛؛؛؛؛؛؛؛؛؛؛؛؛
ودعتكم والدمع يجري اعله خدي
شلون اروح اميسره والحادي يحدي
من بعدكم مابقى ليحامي خدري
جنت مترجيه اخوتي لحملي اتشيل

✍🏻العلويه ام زين العابدين
،،،،،،،،،،،،،،،،،،،،،،،،،،،،،،،،،،،،،،،
اودعكم  ياخويه وسفرتي طويله
ومايرضون ابات وياكم الليله
وماظلي ولي الهمي ايشيله
حرمه ايتام عندي وحملي ثجيل

✍️خادمة اهل البيت ام اسعد
،،،،،،،،،،،،،،،،،،،،،،،،
تمت بعون الله وبااقلام رابطة  دموع الاقلام غير مبري الذمه من يحذف الاسماء وينسبه له

https://www.tg-me.com/OmFadil

#فزاعيه .حماسيه اليوم العاشر من محرم

گوم الحگ يا ولينه
حرگو الخيم علينه
➖➖➖➖➖➖➖
شلون ترضاها يوالي
اطشرت كلها اطفالي
كوم خويه شوف حالي
*((حركوها يحسين اخيمنه))*

✍️ #علويه ام فاضل
➖➖➖➖➖➖➖
الخيم  تلهب.    جمر
وبينه    ماواحد.   يمر
ويحدي الضعون الشمر
*((وبصوطه الكافر آذانه))*

✍🏻 ام زهراء الزيداويه البصراويه
➖➖➖➖➖➖➖
اصرخت زينب بحركه
خويه الخيم محتركه
صعبه اعلينه الفركه
*((احضر لينه/ عباس اكعد))*

✍️ #العلويه ام زين العابدين
➖➖➖➖➖➖➖
جاوين راعي المرجله
وحسين أخيي بلفله
منهو اليلم العائله
*((وعيالك طشت //بلوادي))*

✍️ #أم علي نجف
➖➖➖➖➖➖➖
اكعدلي وانظر لينه
حاجيني يابو اسكينه
عباسك اموذرينه
*((هضمونه ياخويه اخلافك))*

✍️ #ام حسين الحلفي
➖➖➖➖➖➖➖
ترضاها ياخويه اضل
العين عگبك دم تهل
وعداك ماعدهم خجل
*((كفار اومارحمو حالي))*

✍️ #ام احمد المنصوريه
➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

https://www.tg-me.com/OmFadil