#قصيده يوم عاشر فزاعيه .حماسيه

الله  أكبر.    ياعلي
بالحومه مذبوح الولي
➖➖➖➖➖➖➖
گوم الحك  لينه
حرگو خيمنه اعلينه
وبين الكفر ظلينه
*((الحك لينه يابونه انصيح))*

✍️ #علويه ام فاضل
➖➖➖➖➖➖➖
لحگ علينه يخوتي
الگوم حرگو خيمتي
وعالوجن نزلت دمعتي
*((مابين اعداكم مهضومه))*

✍🏻ام زهراء الزيداويه البصراويه
➖➖➖➖➖➖➖
انصيح بويه ياعلي
ظليت وحدي بلاولي
ذبحوا إخوتي بلخلي
*((أفزع الينه//ياداحي الباب))*

✍️ #أم علي نجف
➖➖➖➖➖➖➖
ذبحو اخوتي ابكربله
وحسين نايم بالفله
وعالنهر حامي العايله
*(( بالهيمه عافوني وناموا))*

✍️ #ام حسين الحلفي
➖➖➖➖➖➖➖
زينب عل التل اوجبت
شبجت العشره وحشمت
مذبوح اخوها وايست
*((مهظومه زينب وتحشم))*

✍️ #خادمه اهل البيت ام رضا
➖➖➖➖➖➖➖
شسويت بيه يادهر
منك شفت لوعه اوقهر
گطع الچفوف اوي النحر
*((شيبني الطف اوهد حيلي))*

✍️ #ام مرتضى الحواسي
➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻
https://www.tg-me.com/OmFadil

نشرت فوك 👆

و

انتظرونه بقصايد و نعي جديد

خادمتكم الشاعره علويه ام فاضل

#للهلال ((موشح))
لسان حال مولاتي العقيلة عليهاالسلام


سال دمع العين من شفت السمه
والهلال امگبّع.   بلون     الدمه
::::::::::::::::::::::::::::::::::::::::::

انجرح خدي وماگطع جاري الدمع
واحس نيران اسعرت حدر الضلع
بشهر الاحزان اعرفت روحي انفجع
وافگد بعاشور مهجة فاطمه

✍#ام_محمد_الحجاج
••❥••━━━━━━━━━━━━••❥••

أفگد بعاشور ذخري وهيبتي
وبـحرگ الخيام تكــبر لوعتي
بس ونين ونوح تبقى حصتي
وأعله دمع العين دوم امعلمه

✍🏻#آلّشآعرهً آلــــّعــلّويِـــه آلّمٌوسويِــــۿ
••❥••━━━━━━━━━━━━••❥••

يا شهر عاشور بي دمعي  نزل
هالشهر افگد احسيني والكفل
خايفه من اليوم يلفيني الوجل
روحي عالخوان تبقى هايمه

✍#علويه_ام_فاضل
••❥••━━━━━━━━━━━━••❥••

شگد مواجع بيك اشوف آنه ومِحَن
عالوجن نزلن دموعي كالمِزَن
فكري والدلال وياهن نِعَن
چم نوايب بيها أبقى امألمة

✍🏻#ولائـية_وافتـخر (دعاء العامري)
••❥••━━━━━━━━━━━━••❥••

چم نوايب بيك   اشوف وچم الم
الحزن وي هلَّتَك   چنه   انرسم
عاينتلك  واحس كل حيلي  انهدم
چم طفل   ياشهر    گلي    اتيتمه

✍#ام_زهراء_الزيداويه_البصراويه
••❥••━━━━━━━━━━━━••❥••

آه یالوعت مصابي ابهالشهر
والحسین ایموت مذبوح النحر
وعله شاطي العلگمي يبقى الگمر
وآنه أندب یاعلي حامي الحمه

✍🏻#الفاطمية_رافضية_وافتخر
••❥••━━━━━━━━━━━━••❥••
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

https://www.tg-me.com/OmFadil

أبوذيات ونواعي متعددة للهلال
#لسان_حال_السيدة_زينب
عندما شاهدت هلال شهر المحرم ولسان حالها يقول..

★ أبوذيات ★
أنكسر گلبي ودموع العين .. هليت
يشهر الحــزن ليش بساع .. هليت
فوك الراس بيدي الترب .. هليت
على مصاب أخوّتي بالغاضرية...
✍🏻#آلــــّعــلّويِـــه آلّمٌوسويِــــۿ

بان هلال شهر الحزن .. بسماي
يعيني شبيچ دمعچ يهل .. بسماي
چانو هلي من ينادون .. بسماي
العقيلة .. وراح يصير اسمي سبيه...
✍🏻#ام_محمد_الحجاج
✿•◈━━━━◈••◈━━━━◈•✿

★ مجاريد أو عاشوري أو جنوبي وغيرها ★
الهلال وجعتني طلعته
وسالت دموعي بحين شفته
بلحزن لافيني عرفته
✍🏻#ام_محمد_الحجاج

شفت الهلال وهلت العين
وبهل شهر اتموت يحسين
وسفه يغدرونه الملاعين

خويه يا ابن امي يا خويه

مغبن علينه
اهلال الشهر مغبن علينه
ولينه ولينه
وسفه يذبحونه ولينه
ابو سكينه
ونبچي ونون أعله ابو سكينه
✍🏻#ام_سيد_حسن

شفت الهلال وروحی راحت
وبشوفته هالروح ناحت
ودموعي عالولیان طاحت
✍#علویه_ام_فاضل

ياشهر الاحزان ياشهر الاحزان لا لا تهل ياشهر الاحزان
تفگد الخوان تفگد الخوان زينب ترى تفگد الخوان
والگلب حزنان والگلب حزنان من شافتك والگلب حزنان
من بعد الحنان من بعد الحنان وتظل محيره من بعد الحنان

بالك تجيها بالك تجيها يهلال الكدر بالك تجيها
تفگد وليها تفگد وليها بايأمك ترى تفگد وليها
ليمر عليها ليمر عليها وضيم شكثر ليمر عليها
ليصير بيها ليصير بيها ماصار ابشر ليصير بيها
✍🏻#ام_زهراء_الزيداويه_البصراويه
✿•◈━━━━◈••◈━━━━◈•✿

★ طور الفراق ★
ياهلالك .. ليش لونه اظلم وأغبر
ياهلالك .. شفته وگليبي توجر
ياهلالك .. ينگطع لعضيدي منحر

چم مصيبة .. بعيني اشوفن للغوالي
چم مصيبة .. وينشده بيها آنه حالي
چم مصيبة .. تخلي دمع العين سالي
✍🏻#ولائـية_وافتـخر (دعاء العامري)
✿•◈━━━━◈••◈━━━━◈•✿

★ طور التغريد الحزين أو طور عبد الحي قمبر ((ياجبريل نترجاك)) ★
علينا عادت الاحزان ومصبوغ الهلال بدم
ما ننسى مصاب حسين وحالي بالحزن خيّم
هلّ محرم ابهَمَّه وصرت اتنفس امخيم
هلاله يلجم بقلبي ودمعاتي تهل زمزم
"الحمدلله إجه عاشور: نصيح ويبدأ المأتم
وقميصه بالسمه امخضب من ضلعه لِذي اتهشم
✍🏻#خادمة_أبي_الفضل
✿•◈━━━━◈••◈━━━━◈•✿
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
https://www.tg-me.com/OmFadil

#للمسير من المدينة إلى كربلاء
((لسان حال مولاتنا الحوراء زينب "ع"))

على درب النوايب هل نوينة
شد ارحالنة حامي الضعينة
°°°°°°°°°°°°°°°°°°°°°°°°°°°°

حَمَّل بالضعن بدر العشيرة
بظلام الليل نمشي لغير ديرة
كل واحد عرف گًرَّب مصيرة
وعيون الحزن تشرح حچينة

✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦

ناشر رايته بدر الهواشم
اخونه اعله المسير الليله عازم
تلطم من درت طلعت الوادم
وضجّوا بل عويل اهل المدينه

✍#ام_محمد_الحجاج
✦════◐•⊰•❉•⊱•◑════✦

ضجوا بالعويل وروحي راحت
أجت أم البنين بحسرة صاحت
آه يبن الزچيه ودمعة طاحت
هم ترجع بعد وترد علينه

✍🏻#آلّشآعرهً آلــــّعــلّويِـــه آلّمٌوسويِــــۿ
✦════◐•⊰•❉•⊱•◑════✦

على درب المنايا. اليوم    ماشين
رحلنه والدمع يسچب من  العين
ويحف بالضعن عباس.   وحسين
سرينه    وتلتهب.   نيران.    بينه

✍#ام_زهراء_الزيداويه_البصراويه
✦════◐•⊰•❉•⊱•◑════✦

مشينه الكربله و حملنه الضعون
ودعنه الأحبة بدمع العيون
واعاين للعليله وحالها  شلون
تصد لضعونه وتنحب  حزينه

✍#علويه_ام_فاضل
✦════◐•⊰•❉•⊱•◑════✦
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

https://www.tg-me.com/OmFadil

أبوذيات ونواعي متعددة لـ المسير

ابو السجاد شد اليوم.    رحله
وعنده الكربله المظلوم.  رحله
لأن مكتوب من الكوفه.     رحله
((يريدونه  يجي.  للغاضريه ))

يدور  هل   دهر.  يحسين.     حجه
وانت.اعله.الخلگ.  مولاي  حجه
شخصك بالطفوف يصير   حجه
((وتطوف ابنحرك اسيوف المنيه))
✍#ام_زهراء_الزيداويه_البصراويه

سچ ظعن الفواطم والهواشم
وعساني ماصل الطف والهواشم
السيوف اتّاني اخيي والهواشم
تطحن جثته بالغاضرية...
✍🏻#ام_محمد_الحجاج

حده حادي الضعن بينه . وسرنه
بليل وماكشف همنه . وسرنه
حزنه ولاخبر جانه . وسرنه
وطلعنه من الوطن لارض المنيه.
✍🏻#ام_فاطمة_الزهراء

وحي الله  لبــــــو الـیمه   وحاله
الحــرم عافــه واطاع الرب   وحاله
ومن طیبـه الأرض الطف  وحاله
و لجل دینه وصل ارض المنیه
✍🏻#ام_عباس_الحسيني
✦════◐•⊰•❉•⊱•◑════✦

★ نعي نصاري زريجي عاشوري جنوبي مُلائي ★

حده حادي ضعنهم هالمسيه
وجدّوا سيرهم للغاضريه
عيني تصد لخوتي اهل الحميه
والنيران بضلوعي سريّه...
✍#ام_محمد_الحجاج

حدينه وهلت اعيوني للديار.
طلعنه من نزلنه وبالگلب نار.
محتاره بشباب اهلي والزغار.
ودري بهل الوكت ياوسفه غدار.
✍🏻#ام_فاطمة_الزهراء
✦════◐•⊰•❉•⊱•◑════✦

★ طور الحدي الركباني.. طور الحدي البدوي.. طور الفائزي القطيفي.. طورالفائزي البحراني العراقي.. طور تراث البحراني القديم.. ★
#وداع قبر الرسول ص والسيدة الزهراء ع

حسين السبط تعبان وانفاسه حرّه
عِد جده طاح وصاح عيشتي مُره

قبل اليشيل بليل من ارض المدينه
لقبر امه يشكي الآه وخيّه ونبينه
ضميني يُمّه الساع تسمع ونينه
موت الولد يشتاق لأمه الحنينه
بضلوعه تسري النار وبخده عبره
✍🏻#خادمة_أبي_الفضل

شال العزيز حسين عايفها دياره
متعني لأرضچ كربله وماطفت ناره
راح وأخذ كل أخوته وأهله الغيارى
ينهج نهج جده النبى واضح مساره
✍🏻#آلــــّعــلّويِـــه آلّمٌوسويِــــۿ

واضح مساره ابو علي ماهبط الراس
هيهات صاح وللظلم ماضل اله اساس
لمن وصل طف كربله فوگ الزلم داس
وبدمه ضحه ابن النبي وضل دمه نبراس
✍🏻#خادمة_اهل_البيت_ام_ابراهيم_الحلفي
✦════◐•⊰•❉•⊱•◑════✦

★مجاريد أو عاشوري★
ودع گبر جده وهلت العين
اوداعت الله ياهلي الطيبين
لارض بيها النوايب هل مرحلين

ماشين و دعناهه الگبور
يهلي وعليكم گلبي مفطور
عفناها ظلمه وخاليه الدور
✍#علويه_ام_فاضل
✦════◐•⊰•❉•⊱•◑════✦

★طور ( الجفيري.. الحدي السريع.. يم الولد راح الولد.. )★
ودعو مدينة جدهم
ضلت خلية ديارهم
وحشة بقت وتحن لهم
شگد صعبة ياساع الوداع...

متوجهين لكربله
واخذوها كل العايله
هذا الدرب بيه البله
تتوسد بدمهم بقاع...

درب المنايا والأجل
ينگطع من عنده الأمل
لهاي الأرض كلمن وصل
ميضل احد بيها صراع...
✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

https://www.tg-me.com/OmFadil

#فزاعية لـ العليلة علیه السلام


ونت والگلب مجروح
ترید احسین والیها
ــــــــــــــــــــــ

صارت کالشمع وتذوب
خطت بلقلم مکتوب
ماتدري الولي مسلوب
مارد الخبر لیها

✍🏻#الفاطمیه_الرافضیه_وافتخر
☆━━━━•●●☆●●•━━━━☆

يجيها الليل بالحسرات
راحن كل الحبيبات
وحيده شلون هم تبات
زاد المرض عليها

✍🏻#زهراء_اللامي
☆━━━━•●●☆●●•━━━━☆

مارد الخبر للحين
ولمدمع عماهه العين
شنهي البصر ياغالين
روحه وهاي تاليها.

✍🏻#ام_فاطمة_الزهراء
☆━━━━•●●☆●●•━━━━☆

علیله ولا اهل یمها
ضلت عايشة بهمها
وفـــرگتــــهم تألمها
تـرد هيهات اهاليها

✍🏻#ام_عباس_الحسیني
☆━━━━•●●☆●●•━━━━☆

ظلت تنحب ابحسره
وتشب بضلوعها الجمره
ابوها  حسين تنتظره
افراگه حيل ماذيها

✍#ام_زهراء_الزيداويه_البصراويه
☆━━━━•●●☆●●•━━━━☆

بگت بالدار وحدها
عليله ومحد العدها
تعاتب تنعي والدها
وتجر حسرة لبواچيها

✍#علويه_ام_فاضل
☆━━━━•●●☆●●•━━━━☆

خلوها تون بالدار
وحشه الهم زغار كبار
ياحزن العصر لو صار
يا وحشة لياليها

✍🏻#ام_محمد_الحجاج
☆━━━━•●●☆●●•━━━━☆
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

https://www.tg-me.com/OmFadil

#قصيدة بحر طويل (شوط كربلائي)
الوصول إلى كربلاء لسان حال مولاتنا زينب ع


ارض الطف يبو السجاد لاتبني الخيم بيها
اشم ريحة حزن ودموم وشوف الضيم غاطيها
♾️♾️♾️♾️♾️♾️♾️
غاطيها الحزن والضيم يخوتي الطف اشوفنها
ومن ثنى المهر جدمه روحي ايست چنها
شفتها ورفن عيوني ودلالي ارتجف منها

شفتها وخاطري اتكدر
وگلبي حزنه.   اتفجر
ردت انزل فلا.  اگدر
تهدم خويه كل حيلي من يوم اوصلت ليها

✍#ام_زهراء_الزيداويه_البصراويه
✿•◈━━━━◈••◈━━━━◈•✿

لا تبني الخيم يحسين شوف الضيم غاطيني
بعدك وشيصبر الروح دمعي نزل من عيني
اخاف اعليك يا خويه تروح انت وتخليني

لا تبني الخيام ادخيل
التمت يخويه الخيل
بحوافرهااحس الويل
وخافن عالحرم يحسين وين اتروح تاليها

✍#علويه_ام_فاضل
✿•◈━━━━◈••◈━━━━◈•✿

يوم اوصلنه وادي الطف وخيمنه بنيناها
حسّيت بخطر واكدار وماجف عيني مجراها
وحشه كربله يحسين من حين النزلناها

باصرني  يبو سكينه
شعدنه هنا يوالينه
ردنه ولا تخلينه
رجفن خويه كل اعضاي من سمعن ابطاريها

✍#ام_محمد_الحجاج
✿•◈━━━━◈••◈━━━━◈•✿

وصلناها وتذوب الروح واحسها بالگلب جمرة
يخوية بالفگد حسيت جثث شفت آنه عالغبرة
يحل بيها مسير الدم ومصايب عَلَّي تجرى

تبنيها الخِيَّم وتروح
وعگبك أمتلي بجروح
يانسمة هوى بالروح
وحيدة اختك تضل يحسين تتشمت أعاديها

✍🏻#ولائـية_وافتـخر (دعاء العامري)
✿•◈━━━━◈••◈━━━━◈•✿

دخيلك  هالخيم فجعه يخويه لا  تـكملها
وچني ماأحس جدمي وبشوف الخيم  شلها
واحس روحي تـره ابحرگه تون اعله التكفلها

اشوفن چن دمه ابعيني
وفرگة البينك وبيني
وتالي اعداك تسبیني
واخاف اختك يمشوها غصب ومحشمة تدريها

✍🏻#ام_عباس_الحسيني
✿•◈━━━━◈••◈━━━━◈•✿

شحكي وعدد مصابي واصعبها ارض الطفوف
خبرها من الصغر أدري  بيها تنقطع الكفوف
وتصد عيني لبو السجاد مرمي موذر وبسيوف

واظل بعد الأهل وحدي 
ودمعتي تِحرق بخدي 
غير الحسره ما عندي
الله يصبر بروحي صاحت من إجت ليها

✍🏻#خادمة_أبي_الفضل
✿•◈━━━━◈••◈━━━━◈•✿

وحيدة أختك تضل بالطف وتعيش بغربة الفرگة
تجذب عبرة وتنادي يوالي خيامي محترگة
على الكافل تدير العين وبالدلال الف شهگة

شبت بالخِيَّم جمرة
وبقينه نصرخ بحسرة
أعاين وآني منتظرة
بلچي ولن يجيني حسين وعياله يباريها

✍🏻#آلّشآعرهً آلــــّعــلّويِـــه آلّمٌوسويِــــۿ
✿•◈━━━━◈••◈━━━━◈•✿
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
https://www.tg-me.com/OmFadil

(( فزاعية مع هوسات لـ أم البنين ))

هوسن بالمجالس لام البنين
ويه ام النشامى لا  تقصرين
••••••••••••••••••••••••••••

هوسن بالعزا هاليوم  جمعيه
والنوح ولطم تستاهله هيه
أعگدي الشيله والحاجات مگضيه
((تگضيها//والحاجه بچفها))

✍#علويه_ام_فاضل
••❥••━━━━••❥••━━━━••❥••

أعگدي الشيله وام عباس اندبيها
وبنحر الحسين   اليوم.  حلفيها
هاي  الماتردچ  من     تگصديها
((ايسموها//بيبان الحاجة))

✍#ام_زهراء_الزيداويه_البصراويه
••❥••━━━━••❥••━━━━••❥••

هاي أم الوفى تستاهل الوگفه
يالعندچ مريض اعليها مايخفه
إندبي بالكفيل المنگطع چفه
((معروفه//هاي أم الكافل))

✍🏻#زهراء_اللامي
••❥••━━━━••❥••━━━━••❥••

باب الحاجة تنطي مراد معروفه
هاي ام الگمر بالشده موصوفه
اليگصدهه بطلب ينترسن چفوفه
((اگصد ليها//يالعندك شده))

✍🏻#ام_محمد_الحجاج
••❥••━━━━••❥••━━━━••❥••

تستاهل لطمنة ونذرف الدمعات
نواسيها ونجر وياها بالآهات
مو شوغة احملت والله كثر شوغات
((سمعيها//ونتچ بالمجلس))

✍🏻#ولائـية_وافتـخر (دعاء العامري)
••❥••━━━━••❥••━━━━••❥••

للكلفات تفزع وهيه معروفه
لون عندچ طلب نَخّيها  متعوفه
وعلم عباس بيه الشـدت چفوفه
((مرفوعه//عباس اچفوفه))

✍🏻#ام_عباس_الحسيني
••❥••━━━━••❥••━━━━••❥••

متقصر أبد لو بس نخيناهه
هاي ام البطل يامحله طرواهه
بمشاكلنه الچبيره جربيناهه
((نتبشر//لمن ننخاها))

✍#ام_مهدي_الفرطوسيه
••❥••━━━━••❥••━━━━••❥••
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

https://www.tg-me.com/OmFadil

★ أبوذيات ونواعي متعددة لـ أم البنين ★

بظيمه البين يا وسفه ..عداني
وطير السعد من عاده ..عداني
وخله البشر فرحانه ..عداني
أنوح الأربعه الراحو سويه....
✍🏻#ام_فاطمة_الزهراء

احس ضلوعي يمه حسين ..لاجن
لحظات الموادع ريت  ..لاجن
عليه شلون يبني الليل  ..لاجن
والگه الدار من طولك خليه....
✍🏻#ام_محمد_الحجاج

لبو اليمه دمـع الجفون ..وشلن
ركد حيلي وكل اعضاي ..وشلن
ياریت ولعنــد احداي  ..وشلن
ويدفنوني قبل هاي الرزيه....
خلصن
شلن
اشيلن يشيلوني
✍🏻#ام_عباس_الحسيني

بالدلال أحسهم ..من يلمني
(ألم)
أنه امن ابچي عليهم  ..من يلمني
(يلومني)
عگب حضن الغوالي   ..من يلمني
مشو عني بعجل كلهم سويه....
✍🏻#ام_مهدي_الفرطوسي
••❥••━━━━••❥••━━━━••❥••

★ نصاري.. عاشوري.. زريجي.. جنوبي.. وغيرها من الأطوار الشعبية ★
ونيني هدم اركاني وعماني
مافاد الصبر والهم دهاني
علم الأربعه لمن لفاني
سهم بحشاي صوبني ورماني...
✍🏻#ام_فاطمة_الزهراء

يمه اوداعت الله يهالماشين
وسباح الگلب آ يبني يحسين
وصيتي للكفل ينطيك چفين
ومنه الروح ينطيها هديه...

بروحتكم ردتها روحي تروح
ولا طول العمر أگضيها بالنوح
ودلالي يضل مليان بجروح
تضل صبح ومسا عيني جريه...
✍#علويه_ام_فاضل
••❥••━━━━••❥••━━━━••❥••

★ مجاريد .. عاشوري .. ★
سباح الگلب يحسين يبني
اوداعك يبعد اهلي شعبني
دهري بيش يايمه طلبني
دارت دواليبه وغلبني

ماشين يمه وآنه اظلن
المن اظل بدارك المن
بس تمشي يبني عيوني يعمن
✍🏻#ام_محمد_الحجاج

يمه اوداعت الله يالمشيتو
بحالة امكم مادريتو
وبيهه ابد ماحسبيتو

افراگ الولد ياخلگ چتال
يشل الگلب ويبهذل الحال
حمله ثگيل بثگل الاجبال
✍#ام_مهدي_الفرطوسيه
••❥••━━━━••❥••━━━━••❥••
★ نعي وزن الدارمي ★ ممكن يقرأ بلحن ((ياابن امي عالتربان عفتك رمية)) وأطوار أخرى

افراگك يبو السجاد هدملي الحيل
والديرة وحشة تصير لو چلچل الليل

راحل يبعد الروح  والسفرة.  كلفه
الفارگ اعزازه شلون بجروحه تشفه

ارويحتي الفرگاك يلهب.  جمرها
بعدك يماي العين ياهو.  اليمرها

فدوه الك هاي الروح وولادي كلهم
من سنين الك يحسين نذريته دمهم

من هل درب يحسين يرجف دليلي
للطف لون اتروح. ماظن.    تجيلي

ماظنكم  اتعودون  يكلف  سفركم
وهذا الدهر  هيهات  ليه.   يردكم

ماظنكم  اتردون.   يعزازي.   اليه
ابهذا الدرب حسيت يمه.  المنيه
✍#ام_زهراء_الزيداويه_البصراويه
••❥••━━━━••❥••━━━━••❥••

★ طور سامحيني ★
ودعوني -- ودعوني
    حَملو وگليبي يسعر بالگلب نار
ودعوني -- ودعوني
  ولضعنهم تربي عيني من مشى وسار
ودعوني -- ودعوني
    راحو وخلو عليهم تبچي الدار
ودعوني -- ودعوني
   وانهدم حيلي وفكري مني احتار
✍🏻#ولائـية_وافتـخر (دعاء العامري)
••❥••━━━━••❥••━━━━••❥••
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

https://www.tg-me.com/OmFadil