Zahmatim tugadi… Ulushim oldim.
Shamol turadimi — turmas, baribir,
Faqat osmon bilan do‘st bo‘lib qoldim —
Dalalarim bo‘shadi, axir.

Kunlarim, tunlarim qo‘shilib oqdi,
Yaqinlashib kelar umri zavolim.
Kim do‘stim? Kimga men g‘animday boqdim?
Gunohlarim ko‘pmi, ko‘pmi savolim?

Chalg‘ini tashladim, huvillar bag‘ir —
Dalalarim bo‘shadi, axir.

KRISTINA ROSSETTI. SHE’RLAR: https://tarjimalar.uz/?p=518

Туш — қалбингда нелар борлигини кўрсатувчи тирқишдир, унда бутун бир олам жам бўлган: туғилганингдан бошлаб ҳозирга қадар, Ҳомердан бошлаб Ҳенрих Маннга қадар, Япониядан Гибралтарга қадар, Сириусдан Ерга қадар, Қизил қалпоқчадан Бергсонга қадар...

Ҳерман Ҳессе. "Мутолаа ҳақида"

Tez kunda...

@bookuzbekistan

Ўтган йили 16 июлдаги сурат экан. Қорасочга қайтсаммикин а?

Илк таржимамни йигирма йил олдин, 15 ёшимда қилгандим. Инглиз тили курсимнинг биносида кутубхона бўларди. Ўша ердан уйда ўқишга деб инглизча китоб олдим. Ўзимча қизиқиб ичидаги ҳикояни таржима қилдим. Газетага бердик, чоп этилди. Роса хурсанд бўлдик! Кейинчалик Ёшлик журналидаям босилди. Зиё.уз сайтида шу ҳикояни топиб олдим. Шунча вақт ўтибдия, лекин ўша жараён завқи, изланишлар, ҳаяжон, орзулар шавқи ёдимда.

https://ziyouz.uz/jahon-nasri/jad-boshqa-asarlar/rozmari-border-pianino-ikoya/

Эсингдами
мени соғинмаган дамларинг,
ҳеч қачон учрашмаганимиз эсингдами?

Эсингдами
биз кезмаган соҳиллар,
сайр этмаганимиз боғлар эсингдами?

Эсингдами
бизсиз ҳувуллаган кўчалар,
бирга яшамаган уйимиз эсингдами?

Эсингдами
мени тополмай йиғлаганинг,
эшитмаганинг исмим эсингдами?

Эсингдами
ёлғиз-ёлғиз юрганимиз,
бахтли бўлмаганимиз эсингдами?

Эсингдами
сенга ёзмаган хатларим,
хатларимнинг ҳар бир сўзи эсингдами?

Мен эса
сени эслаганим-эслаган –

бирга кечирмаган
умримизнинг
ҳар бир лаҳзаси
ёдимдадир.

(c)Усмон Азим

O'zi ayol ijodkorlarga har doim ham oson bo'lmagan. Aksari oila, turmush tashvishlari va jamiyatdagi "imtiyozlar" sabab yo'q bo'lib ketishadi. Nodira opa esa shuncha kuchni, sabrni qayerdan olganlar bilmayman. Har yili 3-4 ta kitoblari chiqadi. Tinmaydilar!

Bugun Nodirabegim Ibrohimovani tug'ilgan kunlari! Opa tabriklayman! Doim kulib yuring. Ichingizdagi isyon, olov, energiya hech qachon so'nmasin! Kelajakda "Nobel" oladigan kitobizga muqova qilish manga nasib qilsin!
SIZNI YAXSHI KO'RAMIZ!

бугун серқирра муаллифа Нодирабегим Иброҳимовани туғилган куни!

бунақа маҳаллар нима диб табрикласа бўлади, ақлимдан ташқари. масалан, одамларга ўхшаб, соғлиқ саломатлик, бахту саодат тилашни хушламиман. биринчидан, қўлга илинмайдиган тилаклар. кейин одамда барибир танлов бўлгани маъқулдек кўринаверади. шунга дунёнинг яхшиликлари ёр бўлсин деявераман. муҳими, одам ўзидан кўнгли тўлиши!

айтганча, Нодиранинг виржиния вулфдан таржимаси янги асрда нашрга тайёрланаяпти. суюнчига ҳей девораман, насиб

Бугун самимият соҳибаси, ўзига хос гўзал дунё яратган олима, ёзувчи, таржимон, бахтли она, рафиқа мақомидаги кўпчилик ҳавас қилган аёл Нодирабегим опани туғилган кунлари. Узоқ умр тилайман. Ҳамиша соғ-омон, қувноқ, шод юринг. Сиз бизга жуда-жуда кераксиз, @mittihaqiqatlar

Nodirabegim Ibrohimova ijodini "Forrest Gamp" va Anna Dostoyevskaya "Xotiralar"i orqali tanidim. Nashrga tayyorlanayotgan "Shaxsiy xona" ham qiziqtiryapti.

Ijodkor bólish oson emas, ayniqsa, ayollarga. Yaqinda oʻqiganim "Óğil" hikoyangiz óyga chómdirdi. Nega uchinchi, tórtinchi farzand ham almashmasa, qiz bólib tuğilsa, Óğiloy, Óğil singari ism qóyishadi. U óz ismini qabul qila olmaydi hech qachon, doʻstlariga aytishga ham tortinadi. Ózining ismini shunchaki sevmaydi, ismi ózidan keyin óğil farzand tugʻilishi uchun "vosita nom"ligini biladi. Bu uning keyingi hayotiga ham taʼsirini oʻtkazadi.

Ketma-ket óğillardan keyin qiz farzand kelishligi uchun "vosita" ismlar bilan nomlanmaydiku. Nega qizlarga bunday qilamiz?
Hikoyani oʻqirkanman shunday savollar yoğrildi...
Bu birgina ism haqida óylar holos. Aslida hikoyangiz chuqur mushohadaga undaydi.

Ijodingiz yuksalsin. Tavallud kuningiz muborak boʻlsin. Sizdan - ayol dardi, Inja hislari, isyoni, faryodi, bor yógicha yortilgan asarlar kutamiz!

Bundan bir yilcha avval Nodirabegim Ibrohimovaga bir nasriy mashq joʻnatgandim. Biroz maishiy boʻlib qolibdi , degan edi. Shu gap yaxshigina ta’sir qilgan. Shu-shu jiddiyroq narsa yozishga urinaman. Oʻsha paytda kanalida yozganlarimni, tarjimalarimni e’lon qilgan, e’tiborini ayamagan yagona odam shu Nodira opa boʻladi. Maqolalarida ham meni eslab ketadi. Shunda bu be’manilik ichra ma’no koʻringandek boʻladi. Yozishim kerak, deyman. Bizni bir tarafdan Bukovski ham bogʻlab turadi. Ruhiyatimizda ham anchagina oʻxshashliklar boʻlsa kerak. Bir uchrashganimizda yashashga dalda bergan edi. Shu qisqagina suhbat ham koʻngilni taskinlashtirgan.

Men uning jiddiy, katta asar yozishiga ishonaman. Kutaman oʻsha asarni.

Nodirabegim Ibrohimova, sizni chin koʻngildan tabriklayman!