“Овропа ваҳший эканида, биз маданий эдик, Сўнгралари, Овропа халқи маориф ва маданият йўлида ишлади, бу ҳолга етишди, тараққий этди, биз тушдек ухладик, ишламадик, бу ҳолга етишдик-мутаасиблашдик.
Бу кунгача Овропа халқи осмонга учар экан, бизда соч ва соқол низолари, овропаликлар денгиз остида сузар экан, бизда узун ва калта кийим жанжаллари. Овропа шаҳарлари бугун электр билан иситилур ва ёритилур экан, бизда мактабларда жўғрофия ва тиббиётни ўқитиш-ўқитмаслик ихтилофлари…”

Мунавварқори Абдурашидхонов, 1923 йил.

Юз йил ўтибди, низолар, баҳслар мавзуси ўша ўша.

@mittihaqiqatlar

Илмий тўпламда Адабиётдаги аёл образлар ҳақидаги кичик изланишим чоп этилди. Қизиққанлар қуйида ўқиши мумкин:

https://telegra.ph/ADABIYOTDAGI-AYOL-OBRAZLARNING-MANAVIY-AXLOQIY-QIYOFASI-06-04

"Daryo" tomonidan e’lon qilingan qisqa hikoyalar tanlovi o‘z nihoyasiga yetdi.

Daryo Live telegram kanalimizda e’lon qilingan so‘rovnoma yakuniga ko‘ra quyidagi hikoyalar eng ko‘p ovoz to‘plab, g‘oliblikka erishdi.

1-o‘rin. "Ustoz va shogird", Nurzodbek Vohidov (34%)

2-o‘rin. "Vijdon", Shahlo Hamidova (11%)

3-o‘rin. "Ayol", Aziza Qurbonova va "Tasodif", Nodira Ibrohimova (9%)

G‘oliblar va’da qilingan sovg‘alarni qachon va qanday olish boyicha @daryo_hikoyalar_bot orqali ma’lumot olishlari mumkin.

@daryo_live

MAKTUBLAR

Ba’zan hayron qolaman, nega meni Xudo shunday yaratdi, nega sizni xursand qila olmayman? Nega qoniqish sezmayman? Nega ichimda she’r isyoni bor? Ammo millionlab odamlarga o’xshab oddiy hayot kechirishga toqat qilolmasligim mening aybim emas. Men turmushga chiqmoqchi emasman. Men hayotda muvaffaqiyat qozonishni va jamiyatda taniqli ayol bo’lishni xohlayman.

Tarjimonlik kursimdagi qizlarning Fo‘rug‘, Dostoyevskiy, Kafka, Tolstoydan tarjima qilgan maktublari: https://tarjimalar.uz/?p=489

ДАРЧА

Яқинда, бир оқшом маҳали,
Туман қучган чўлнинг қамари.
Ўз йўлида сузгани сари,
Бир қиз кўрдим – дарчадан нари.
Ўйга чўмиб ёлғиз ўлтирар,
Энтикади, ҳадик бор дилда,
Кўзларда хавотир… термулар
Дўм пастига, қоронғу йўлга.

“Бу ёққа!” – бесабр пичирлаб,
Қиз узатди қўлин, ҳойнаҳой.
Дарча аста-аста қисирлаб …
Зулмат ичра яширинди ой.
“Бахтли, – дедим дилимда ҳижрон, –
Висол сени кутмоқда бу дам.
Ахир қачон бир гўзал оқшом
Очилгайдир дарча менга ҳам?”

Пушкин

Ҳумоюн Акбар таржимаси

@mittihaqiqatlar

Ёзилган мактублар ҳеч қачон йўқолмайди, ёзилмаганлари йўқолиб кетади, холос...

Кафка

@mittihaqiqatlar

Chalg‘ima

“Go‘ro‘g‘lining tug‘ilishi” dostonidan

Hiloloy 6 oylik gumona bilan Zangarda qoladi. Yori Ravshanko‘r esa ota yurti Yovmitga ketadi. Hiloloyning akasi Gajdimbek ham Ravshanko‘r bilan birga ketadi. Ojiz va yolg‘iz Hiloloy o‘g‘lini go‘rda dunyoga keltiradi. Go‘ro‘g‘li yoshiga yetib, onasidan otasining ortidan Yovmitga ketishga ruhsat so‘raydi. Hiloloyning Go‘ro‘g‘liga aytganlari.

Duo qildim, duoibad qilmadim.
Bunday ishni, bolam, minba’d qilmadim.
Garchi otang aro yo‘lda qoldirdi.
Garchi otang qaro go‘rda qoldirdi.
Yo‘l yurarsan, qamar yetsa, chalg‘ima.

Borgin, ko‘rgin ota yurting Yovmitti.
Borganingda aytadilar “Yov – mitti”.
Borganingda aytadilar “Yov bitdi!”.
Borganingda aytadilar “Yov ketdi!”.
Senga shunday xabar yetsa, chalg‘ima.

Borganingda ko‘rganing el – mehmondo‘st.
Garchi kelgan har bir mehmon bo‘lmas do‘st.
Yo‘l to‘sib, darbadar etsa, chalg‘ima.
Yovning shohi safar etsa, chalg‘ima.
O‘qraygan bir nazar yetsa, chalg‘ima.

Yerusti boyligi ko‘zingnikimas.
Yerosti boyligi o‘zingnikimas.
Mozoroti yerosti boyligingdir.
Qabrtoshlar yerusti boyligingdir.
Tillaridan zahar yetsa, chalg‘ima.

Sening otang sinchi edi, go‘l g‘uncham.
Boltasiz o‘tinchi edi, o‘g‘ilcham.
Tag‘in taxtni tusamasin ko‘ngilchang.
Shohlar taxtni bo‘shatmaydi o‘lguncha.
Ota yurtda xatar yetsa, chalg‘ima.

Yolg‘iz otsan, lekin dunyo changidi.
Go‘ro‘g‘lim, ufq mening dilim rangidir.
Ozodmiz deb bunda ko‘plar chalg‘idi.
Ozodmiz deb bunda ko‘plar chalg‘idi.
Sen bo‘yningga xanjar yetsa, chalg‘ima.

Va qazoyi qadar yetsa, chalg‘ima.

Kumush Abdusalomova

@kumush_abdusalomova

Кун ортидан кун ўтяпти. Қатъий равишда иш ташлаш эълон қилдим. Шунчаки шифтга тикилиб ётибман. Дунё чархпалаги менсиз ҳам бамайлихотир айланяпти. Мен эса тўхтаб қолганман - нимадир содир бўлишини кутяпман.

Мураками

картина: Умар Ражабов

@mittihaqiqatlar