Нодирабегим Иброҳимова. Ёзувчи (ҳикоя)
https://ziyouz.uz/ozbek-nasri/nodirabegim-ibrohimova/nodirabegim-ibrohimova-yozuvchi-hikoya/

Нобел мукофоти лауреати, машҳур немис ёзувчиси Ҳерман Ҳессе ўзбек китобхонларига "Чўл бўриси", "Сиддҳарта", "Нюрнбернга саёҳат" ва бир қатор ҳикоялари билан таниш.

Шу кунларда унинг "Ғилдираклар остида" романини таржима қилишни бошладим. Ҳессе уни 30 ёшларида ёзган, китобда ўсмир боланинг руҳий олами ва кечинмалари муаллиф томонидан чуқур очиб берилган. Ўзим кўп нарса оляпман ва ўрганяпман, сатрдан сатрга ўтарканман, муаллиф маҳоратига тан беряпман. Китоб ҳажми катта эмас; умуман Ҳессе оламига киришни истаганларга мутолаани "Ғилдираклар остида"дан бошлаб сўнг "Чўл бўриси"ю "Маржон ўйини"га ўтиш тавсия қилинади.

@mittihaqiqatlar

ORQA FON

Mohi Ra

 Ammo, sendan o'zim uchun hech nima kutmayapman, chunki sen bularni so'ragan emassan. Tug'ilishing ham, mening qizim bo'lishing ham tanloving emas. Nosog'lom munosabatli oilalardagidek qator qilib sen uchun qilgan ishlarini sanamayman ta'na qilmayman. Sen qarzdor emassan ota-onangdan. Seni faqat o'zingdan bir baxtli, baland umr qarzing bor.

O'qish: https://telegra.ph/Qizimga-ilk-maktub-05-07

Турли ёзувчилардан йиғилган сара таржима ҳикояларим жамланган китоб

Buyurtma uchun:
📥 | @iBook_Uzbekistan
Manzil: Chilonzor, Shuhrat chorrahasi

Худо мени гўзал яратмай тўғри қилган.

М. Цветаева

@mittihaqiqatlar

Телба Алиш ва бизнинг Аласқар ҳақида эртак

1

Аввал Аласқар эди Алишнинг исми,
Шу исмла яшади у урушга қадар.
Ўсал бўлиб қайтди урушдан,
Дедиларки,
Аласқар қайтганмиш.
Кўрдиларки,
Бу қайтган Аласқар эмас,
Фақат Алиш эди, девона Алиш...
Рус тили муаллимамиз айтганларидек,
“Контуженный” Алиш,
“Ненужный” Алиш.
Алиш қайтган эди,
Лекин одамлар
Аласқар қайтади дердилар ҳамон.
Алишнинг хотини ҳам
Кутар эди Аласқарини.
Алиш бечора ҳам
Аласқарни кута бошлади.
Фақат...
Аласқар қайтмади.
Одамлар Алишга ўрганди охир,
Оғир-оғир боқди Алиш
Аласқарнинг хотини томон
Ва Алишни ҳайдамади бу хотин.

2

Алиш “Контуженный” эдию
“Ненужный” эмасди айтганларидек.
Юлдузи бор эди қалпоқларида,
Кўксида медаллар ярқирар эди.
Ва яна велосипеди...
Фақат чап педали бор эди велосипеднинг,
Ўнг оёқла юргизарди,
Тойиб кетарди...
Мактуб ташир эди Алиш уйларга,
Итлар ҳам Алишга хурмасди атай.
Жини қўзиб сўкар Алиш итларни,
Итлар уни одам деб билмаганларин
Сезиб қолган пайтлари, баъзан.

3

Алиш кўтарарди барча ҳазилни,
Болаларнинг ҳазилларин устига устак.
Бир марта
Почта қутисига мактуб солди болалар,
Мактуб...
Аласқарнинг хотинига ёзилган эди,
Гўёки
Аласқардан келган эди у.
Асир тушган эмиш анча вақт аввал,
Энди қайтётганмиш ота юртига.
Алиш қайдан билсин,
Не бу шайтонлик.
Мактубни ўқигач, балки ишонди,
Яширди мактубни қай бир бурчакка.
Ўлганида чўнтагидан чиқди у мактуб,
Кўзёш эритганди сатрларини.

4

На пул, на талон бўларди
Алишнинг ўша кенг чўнтакларида.
Алиш айтардики,
Худо бор,
Лек у жуда тепада
Ёки
Жудаям-жудаям пастдадирмиз биз.

5

Туш каби эди бу, худди туш каби...
Алишнинг
Аласқарнинг ётоғига илк бор кириши.
Папирос қоғозидек сиқар эди у
Тишларининг орасида
Қичқириғини...
Алишнинг бўсалари
“уятлироқ” эди,
“эслироқ” эди
Аласқарнинг қайноқ ўпичларидан.

6

Қачонлардир
Бир Аласқар туғилганди қишлоғимизда.
Кўтардилар
Алишнинг зил-замбил тобутин.
Туйқус
Оқ булутлар орасидан чиқди оқ отлиқ.
Кўрдиларки, у отидан тушган пайтида
Бу Аласқар эди,
Оқ от, оқ кўйлак...
Йўл бердилар унга –
Аласқар ёпишди
Алишнинг зил-замбил тобутига жим.
Сўнг олиб кетдилар
Алишни тупроққа қўймоқлик учун.

Ромиз Равшан

Мирзоҳид Музаффар таржимаси

@mittihaqiqatlar

ТАНКАЛАР

Ҳеч ким келмас
Сўппайган ёлғиз қабримни
Зиёрат қилмоққа кўзёши тўкиб
Ўлганингдан кейин унутилишингни
Ўйламоқ қайғули. . .

***

Наҳотки шунчалар майда
Арзимас ҳавотирларим менинг
Ҳаяжон, ташвишлар
Наҳотки мен унутсам уларни
Бир-икки қадаҳ винодан кейин.

***

Сенинг фикринга қўшилмаган
Одамларни савалаш шартми
Яхшиси хивич олиб
Ўз - ўзингни савалаб
Маматалоқ қилган яхшироқ . . .

***

Ҳасратли изтироб!
Ўчоққа ўт қалайман
Ва тун бўйи ўлтириб
Ҳасратли ўйга чўмаман
Қизарган кўмирларни ковлаб, ағдариб . . .

Ито Сатио

Холдор Вулқон таржимаси

@mittihaqiqatlar

Ток шоуни кўриб чиқдим. Чинданам, қизлар универларда сон жиҳатдан кўп, аммо битириб йўқолиб қолишади (оила, туғруқ, фарзанд тарбияси), ўн йилдан сўнг эса жамиятда ўрнини топиш осон бўлмайди. Менимча, ўша ўн йилни унумли тўлдириш керак — масофали иш, онлайн машғулотлар, ўз устида ишлашда давом этиш, янги нимадир ўрганиш, ўқиш, изланиш, ишончини ўстириш.

Кўрсатувда бир ҳолат асабни еди — турмушга чиқмаган қизлар, бола боқмаган қизларни шахсиятига ўтиб, бу борада гапиришга ҳаққинг йўқ дегандек гап қилиш, камситиш. Эркакларда шу стеоротип қотиб қолган экан барибир: аёл эркакни, ўғлини орқасида туриши керак доим. Ўзи олдинга чиқиши мумкин эмас. Ва аёлга юклама кўп. Шундай таассурот ҳам туғилдики: ўғил бола зўр ўқиши шарт эмас, уни ризқи кўчада, барибир жамиятда ўрнини топиб кетади шундоғам. Йўқ, ўғил бола ҳам онгли бўлсин. Қизларга қанақа имкон берилса йигитларгаям ўзини ўстириш, потенциалини очиш, дунёқараши кенг бўлиши учун ҳаракат қилинсин. Бола тарбияси фақат ўқиган онани қўлида эмаску. Ота иштирокини таъминлаш, оилани саодати учун эркак ҳам аёлдан ақли, билими, савияси кам бўлмаслиги керакку.

Яна бир гап: бу ерда кўпчилик аёл-қизларни ўқитишдан мақсад — болаларига яхши тарбия бериш учун деб қараляпти. Шу ўқиш аёлни ўзи учун хизмат қилсин, шахсиятини ривожлантирсин, ундан ҳам даҳо чиқсин, тарихда қолсин, деган истак йўқ. Афсуски.

https://youtu.be/zQ93gf3ztGI?si=67bS0SorHvDXZMxa