"غزل بـجنوبيتي"

سولفني إعلى كيفك ، سالفة نعسان
يا بَرد العصر ، يا فايدة كِل مُر
يل چنّك نـهر تتبده من كِل صوب
گبل لانام ألمّك وانه متطشر
ادورلي إعلى سِر ، بس كون اگلك بي
و أشمّنك بـحجة شاوريتك سِـر

ابـ حِد السيف خصرك ، ذابح اشكم عين؟
إعلى خصرك لو أجيب الصبر ما يصبر
يا بلبل إجيتك تين من تموّز
التين اشما يسومر يحلى يَم كِل حُر
أشم بزرار قمصانك گشر رمّان
خليني اضوگ البعده م مخضر

- منتظر هـادي

ادورلي إعلى سِر ، بس كون اگلك بي
و أشمّنك بـحجة شاوريتك سِـر ..

- منتظر هـادي

ما أحچيلك ولا قصدي أمدحني
بريئ و بالسجن من عيني تعرفني
أكثر من اهل بيتك حـَنيني وياك

بفواتح بيتنا لـعيونك إمغنّي ..

- ﮼منتظرهادي

(جزء من نص لم يكتمل "مفارقات")

عندما تموت الكُتب ؛ يشيعها الغبار
و عندما يموت الغبار تصلُ الدائرة
الى الرياح ، هنا سلسلة الرب ..

العاصفة : اغلبيةٌ صامتة

النهر : يشربُ أرض

الحزن و الشجر لا يموتان لأن لا تابوت لهما

و الشمع يقف جالساً حتى يأذن الله بالأمنية
لأن الشمس أداةُ مَسخٍ للعيون ؛ العاقلُ يحفظُ الطريق

و المفارقات لا حدود لها تبدأ من الأصابع
و تنتهي بالهواء لأن

الهواء : الزائر الحُر الوحيد في السجن

و ...

الغرفة شگد چبيرة و عينها الشبـّاچ
و عين الحسد عميه، و عدها سبع ٰعيون

الطريق المو حلو : فهرس نهاية ناس
موضوعه الطَعِن و الطِعَن و المطعون

ميل البشر عقله ، و راسه سوگ أرقام
و بـ أحلامه أبد ما تسجن المسجون

المجنو عليّ من الوكت معـذور
إذا باچر الناس إتحطله حرف النون

العطر مثل الدمع من ينمسح يرتاح ...

- منتظر هادي

كـَسر سِن ؛ الضحك ما لايـگ لـوجهي

- منتظر هـادي

من تضحكين ، الفرح يكسر الدنيا
و أضحك وياج و أطير

ولو بچيتي ، الوطن يلتم
و ينجمع حِزن العراقيات كلها يبات بيّه

"أنتِ محسوبه عليه"

- منتظر هـادي ..

أجيلك "ميل تعبان" وحظرتك ميل

بـصفي و ما تـشابگني ..

- منتظر هـادي

"أخاف انعاف"
القصيدة: مُختصرة من كل الجوانب
و كسر للنمطية ، أتمنى ان تصل لـحسن مسامعكم ..

أنا مكسور بس ما كاسر بـخاطر ..

- منتظر هـادي

هنيالك ..
صرت تگدر تنام بدون ما تعرف شنو اخباري
عگب ما چنت قرآنك يَـبو المسحور
يمّك حاطني و تذكرني بالطاري

- منتظر هـادي

سِجن ينفتح بـعيوني
شمس تطلع من متوني ..

"طلسم واضح ولا ناس يقروني"

- منتظر هـادي

رغم كِل الجمر بس بارد الدخآن ..

- منتظر هـادي

گبُل أستنگـي المخده و إلا ريش
هسه صاير وين ما حط راسي أنام ..!

- منتظر هـادي

عشت عمري بَلم شايل بـگلبي الناس

- منتظر هـادي

" مشهد "

إجيت من آخر ولاية

إجيت و شايل بـگلبي تعب گلبي
بـ أول خطوه من الباب ..

شفت عيونـي ما الهن خلگ للشوف
و شفت رجليه يمشن أسرع من الطيف
گدما ضگت عَثره و خوف

جست بـطراف أصابيعي طَرف شفتي
لگيت بـ هالطرف طفّين
عطش و وحيدتي و متعوب
گُبل صار إعلى بالي حسين

بصوت إيرجّف السكتة ؛ گلت أهون

عُبرت ايدي عَ الباكيت
فتحته و چنت خايف لا تصير ايدي سَجينة جيب ..

فتحته و كيّفت من صدري حَد الجيب
لگيت گطوف مال اخر سَهر بالبيت
بقيت أستورح و أشتم گفه الباكيت
لَحدما ريتي صارت أصفر من الموت

لهناك و گلت خل استراح بـفَي
إگعدت و الفي يچوّيني

گلت عادي ،
المهم بس استراح و أرجع اتعب دين

و گلت لا
خل اكمّل دربي لا اتأخر إعلى الليل

المهم ما طالت بعيني
گمت گوّه
ولو شايفني واحد انه أدري يگول
هنياله ، سِكر توّه

اجيت من آخر ولاية
اريد أفگد الناس الـ إلهُم بـگلبي
سَهر طفلين

لگيت الناس بس آنه الچنت ضايع ..

عليهم سلّمت ما ردّوا و گالوا
تفضل ، جاي من يا ديره ، من يا دين ؟
بفضلهم طلعن ٰسنوني
و ضحكت من الفشل للدين
ما عرفوني مدري انه صرت منسي
المهم وحيدتي و متعوب
گُبل صار إعلى بالي ٰحسين ..

-منتظر هـادي

الخوف الحقيقي من گال منتظر ...🤍

أنت يا إبني اليـزعلني و أعوفه
و حتى لو عوفه تضل عيني عليه

الحزن مثل الله ما ينساله واحد !

- منتظر هادي