طور / على محمد واويلاه🏴

🔺لوفاة الصديقة خديجة الكبرى "ع
—————————————————

ماقــام الاِســـــــــــــلام إلّا بثـنين

موقف خديجه وسيف اَبو حسين

——————————————-

چانت خديجه اتگول الاخبار

عدها مُـلِك وإيمـــان واِيثـار

وگفت سند للنبي المخـــتار

وگالتـله إخـذ ياگـــرَّة العين
————————————

بأموالها اِخْظَر عود الاسلام

وِتعافى صدره مِن الِاسهام

لولاهــا إسـم الدِين ماقام

ودعوة محمَّد حدها يومين
———————————-

يكفيهــــا بالدنيــا كــرامه

من عدها شع نور الإمامه

او وي النبي لـيوم القيامه

ماعدها مثل الغير وجهين
———————————-

الله اصطفـاها اوشرفاها

زوجهْ لـنبي الأمَّه ارتضاها

وضَي فاطمه ايشع بسماها

ومن فاطمه يولدَن نورين

————————————

أُمْ فاطمـــه وسر السماوات

تمطـر كـرم وِتـفيض خيرات

مابخلَت اعله الدِين هيهات

هيه وعلي بالوگفــه حـدَّين
————————————

للدعوه چانت تنفق المــال

من چان ابو القاسم بآشد حال

يوم التِحاصَر والحقـد طال

وگفتـله عـون بمحـنة البين
————————————

ومن ماتت اعليهْ الوكت جار

يوم الدفن (عام الحزن) صار

وي فاطمه ظل يبجي بالدار

ويگلهـــا أجيبن أمچ امنين
———————————-

خادم الحسين عليه السلام
مرتجى الحسَّاني
2023

https://www.tg-me.com/MM_lt5

مولاتنا زينب تستقبل أمها الثانيه أم البنين في دار أبيها علي عليه السلام وتقول لها
""""""""""""""""""""""""""""""""""""""

هلا بِـيچ
هَلَه ابگـد مانِحِب أُمْـنه .. هلا بيچ

طَبيتي او طَلَع هَمْـنه   وْشَمِّـينه حـنان أُمنه
           هلا بيچ  • هلا بيچ
___________________________

زينب نادت إخوَتها او إجوها
وطاحت عينها اعله حسين أخوها
بِچِت ، وِلحجرتْ الزهره خذوها
اوحلمها اتحقّق بدعوات أبوها

حلِم چان
وأبوها امتاني رِزق الله .. حلم چان

شكراً لـ الله وِلْـعَـمنه    وشمينه حـنان أمنه
                هلا بيج ..هلا بيج• هلا بيچ
__________
هله بيچ..... بكثر مابِينه كسره
يگمـره اوبيتنه امفارگله گمـره
وبُسـتان الوِفه فاگدله زهره !!
بي صِرتي إقْحِوَانَه اوفاح عُطره

تِعوضين
بعون الله الفُـگـدناها .. تعوضين

مِنّ أُمـنه تِيتَّـمنه      وشمينه حنان أمنه
                    هلا بيج• هلا بيچ
__________
عن موضــوعـج أُمي حـدِّثـتني
أُخو ، منچ يجيني بشَّــــــرتني
يكفلني ابطَلِعتي اويحدي ظعني
صاحت: فدوه أروحن آنه وابني

قرابين
أَنَا او إبني الْتنطرينه .. قرابين

إلكم نرخص بدمـنه    وشمينه حنان أمنه
                     هلا بيج
_______________

تِگول أمي اَربعه ايصيرولچ إِخْوَه
مِن عِندچ اوهاي ابشـــاره حِـلـوه
أول مايصــــــــير أنخـــاچ نخـوه
عبـاس ، أرد اگمطـه بچفي فـدوه

إذا صار
تِصـير الغِـيره والخـوَّه .. إذا صار

من زغره يِلازِمنه      وشمينه حنان أمنه
                      هلا بيجيچ
___________________
يـَ أُم الـراح يكفـــلـني ابطَلِعــته
أُخوي ايصــــير مني وآنه إخـته
والله اِشـــتـاگ دلالي الـعِـشِــرته
وَحشةْ مِحسن ايسدها ابضِحِكته

يعباس
گلبي اشتـاگــلك إسمَـع .. يعباس

الْيوم أمَّك إجت يَمنه    وشمينه حنان أمنه
                         هلا بيج____________________
مِشت أمي او نشَف نهر الأماني
وِانتي بعمري شِفتچ أمل ثـاني
إسمحـيـلي ييمه اَبچي بزمـاني
على الموقف الهد حيلي او لِواني

وره الباب
أُمنه فاطمـــه ماتت .. وره الباب

وِبگد ما تـألمنه     وشمينه حنان أمنه
                   هلا بيج    هلا بيچ  • هلا بيچ
___
خادم الحسين ع
مرتجى الحسَّاني
07854824915
خادم الزهراء مرتجى الحسَّاني

https://www.tg-me.com/MM_lt5
..

لسان حال أم البنين تروي لأمها تلك الرؤيا العظيمة التي رأتها في المنام ! فتقول لها?
===========================

چِنْت بمنامي او صافْنَه بهذا الكون
وِبحجري لَنْ طاح الگمر مدري اشلون

وِثْلَث نِجُوم اِتشِع ضِوَه
وَيه الگمر طاحن سِوَه !! ..نُورٌ على نُورْ
____________________

يايمه فَسرِي رؤيتي بتفسيرچ الإيماني
چَنِّي بخَضَار اوجالِسَه وطاح الگمر بحضاني
وِثلَث نِجُوم اتساقطَن اوضَيْ نورهن أَغْشَاني
بشريني خليني أطمئِن ظلّ بقلق وجداني

جيت بشعوري اوسلفتلج رؤياي
گالت: عقيل لوالدچ يخطب جاي

وْراد إيدچ لحامي الحمه? مِن حلگچ لباب السمه
ياربي مشكور نورٌ على نور
_______________

يُمه وبعد شِفْت العَجَب هاتف هتف وِاسمعته
(بُشْراكي بالساده الغُرَر) صاح اِسمي بس ماشفته
وفزّيت مرعوبه اوگِلِت خير ، او يجيني بوكته
وِاليتِّصِلْ بآل النبي يكبر شَرَف مَنْزِلته

والعارف بحق فاطمه ايشوف الخير
تِلتقطه باچر مِثِل... حبَّات الطير !!

عنها اسمعِت هذا الخبر وبگلبي حب فاطم كُبَر

نَص عنها مذكور نورٌ على نور
_______________

گالتلي اِبشرِي ابرؤْيتِچ مُستقبلچ بي شاهِد
عندچ يصيرون أربعه والگمر أوَّل واحِد
وِتصير بعده اِثلَث وِلِد ساعِد يِعاوِن ساعِد
وبيهم تگر عينج إذا كبروا اِبظِلّ الوالِد

گلتلها ، هنيالي بهذوله الشُبَّان
لَحسين وِلزينب يصيرون اِخوان

بهاي البشاره استبشَرِت بس رايِدَه لزينب إخِت

وي وِلْدي اِلِبْدور نورٌ على نور
__________________

وِتحقَّق ابّالي الحلم وطبِّيت دار الزهره
وَأوّل طلب گِلْت لعلِي غَيْر اِسمي يابو العتره
كلما صحتلي فاطِمَه بحسين أشوف الكسره
آنه اَرد اصيرن أمّ إلَه ماريد أصيرن عثره !!

ومن باب خوفي اعله اِخته زينب بالدار
ماريد بيها ايظل يحيدر بسمار !!

امن الباب لوما ينشلِع لَبنيتي هَمْ يكسِر ضلع

گلبي إلها ناطور نورٌ على نور
_______________

من خيمتي لدار الوحي يافاطمه اشهلْ نعمه
أُم صِرِت لَحفاد النبي اوزوجة أمير العصمه
كلما حِزَن وَجه الحسن لشفافه اَصيرن بَسمه
وِبصدره لوضاگ النفَس من صدري ياخذ نسمه

كلمه او گلتها اوگلبي أبد مامرتاب
أحيا او أموت بحب علي داحي الباب

سِلمٌ لِمَن سالَمَهُمْ حَربٌ لِمَن حارَبَهُمْ

واليهوى معذور نور على نور
_____________

وصاروا أَولادي الأربعه اوحيدر تِنُومَس بيهم
وِب(قُل أعوذُ) امن الحسد من خوفه يقرأ اعليهم
قبَّـلهم بثغره النَدِي وِبفرحته ايناغيهم
وِاسمَعته بَشَّر فاطِمَه يالزهره شِنْسمِّيهم

گالتله من وحي الخيال ابأحساس
سمِّي البقيه وآنه أسمِّي العباس


هذا إبني واَعرف غيرته بالدم يوَفِّي لخوِّته

اويشهدله عاشور نورٌ على نور
______________

خادم الحسين ع
مرتجى الحَسَّاني


078 54824915
https://www.tg-me.com/MM_lt5

والله حـاير --------- يل غريبه
أنـعـه يمِّـچ --------- يامصيبه

كِلـهــن ايعـــزَّنْ علـيه
وِانتي عِشتيهن سِـويه
گـلبج أكـــبـر من رِزيه .. يزينب
______________________

مُصـــابج رِمـــاني ابســــــهم ذكرياتج
وطِحِت مِنْ سِمَه احلامي لحظة وَفاتِج
بِـدون ٱهْـلـج اشتِـسوه زينب حـيـاتج
يلِ امْخَلْصَه عمـرج جِلــوس ابصلاتچ

اشگد بچـيتي ------- اوما رِوَيتي
چِـنتي شـمعه ------ وِنطـفـيـتي

واشتـعــل بالراس همّچ
والحـزن حط رَحلـه يمج
حتى لو رحـتي ســـــــبيه
گلبـــــج أكـــــبر من رزيه .. يزينب
______________________

وحيــده وغريبـه او زمــانج تِمــرَّد
عليج المصــايب فِتَحـهن بِلا حَـد
إلـچ خيمه بِعيوني وِبروحي مَـرقد
انظلمتي وسبب ظُلْمچ أمة محمد

ســاعدَ الله ------- گلـب إخُوتِج
من وِصلهم ------- طاري مـوتج

بلَـه شـنهو حسـين حـاله
من ســـــمـع مـاتت دَلالَه
والحسن فوگـــج رمـــيه
گلبـــج أكــــــبر من رزيه .. يزينب
______________________

أنشــدج يزينب شنو أخبـــار كفيلج
إجه ايشيعج اشلون أخوج برحيلج
يِنـــادي يزينب سَــــــلامـة دليـــلج
إذا ماكو چفين عَلى الراس أشـيلج

ناده يخــــتي ------- مـا أعـــــوفج
اعيوني راحن ------- بس أشــوفج

يختي صِدمَتني مِنيــتچ
جيت أشــيعج مانسيتج
والجِــــنـازه اتريـد إديـه
گلبــــج أكـــــبر من رزيه .. يزينب
______________________

يـ مَن شِلْتي الِحمول بِديچ الشريفه
وَكت بي تصيرين جـنـازه اونَـحِيفه
يلِ امْرَبيَه عبـاس أشـــوفج ظعيفه!
تِضلـين أبِـيَّــه اوشجاعه او عـفيفه

إنتي ثوره ----------- زينبيه
تنطي قوَّه ---------- معنويه

يركع الطف يم صمودج
وماله اِسم لوما وجودج
وِبشرف صنتي الوصيه
گلبـــج أكــــبر من رزيه.. يزينب
______________________

ســلاماً عَـليـــج ابكــــثر ما نَحَـبتي
ســلاماً عَله اجروحج اشگد صُبرتي
تِمـنِيتي، لاكِـنْ يوســفـه انحــرمتي
ابغُرب عَنْ أُخُوتِـچ بِعــيده اندِفَنتي

ابعيده صرتي ------ ومِن يعـينج
يـاغُـــــرُبـتِـج ------- يا حــــنينج

ندعي الله المهدي يطلع
رايـه فوگ الگُبـَّـه يرفع
وْياخـذ لصــبرج تَحـيه
گلبج أكـــــــبر من رزيه ... يزينب
______________________


خــــادم زينب ع
مرتجى الحَسَّاني

خادم الزهراء مرتجى الحسَّاني

      شِلْـتي السِمه اعله امتونچ
      او دَم تمــطر ٱمن اعـيونچ

تِبچين !! اَشــوفـچ منـچ اشـرايِح
يمـكـن گـمــــر من عـالـمـچ طايِح
-------------------------------------------------------------

زينب وٱعرفنـج جبــل     لا ينـحـــني ولا يهـــتـز
رغم المصيبه الصابتج     جرحج بصـبـره امطـرز
حزوا اشچم منحر إلچ     بـس كلمتچ ماتـنــحَّـز
بيچ الله أحيا كـــربله     والتل حَـدِر جدمچ فَـز

واتكـلَّـمْ اوصاح الـتّـل  مثل النهــر ما أنذل
بالطف خِسَر واترابي ظل رابح
يمكن گـمــــر من عالمـج طايح
_____________

انتي الأميره ابـعــفـتـچ    معصومه من شر كل شر
كل خطوه إلچ رفعت علم   وبصــفـها خَــظّر  منـبر
مايحـتويج الطف چذب     يحتاجلــج طــف أكــبر
بيچ النبي وبيچ الحـسن     وحســين وأمه وحيدر

عبـاس بـيـچ اوزوده     سيفه او لواهْ وزنوده
يلسان أخوج ابو الحچي المالِح
يمكن كمـــــــر من عالمج طايح
____________

الســـوط مـايدناج أبـد     لو ما تـسـمـحيله اِنتي
والنـار تتحـــــــوّل بَـرِد     لو بالدُعَـا اتعــامـــلـتي
خافوا اجفـوفج تـنـرفع    من عدها وِتچـتــــفـتي
قادره اتخسفين الأرض    بس عـنــهـم اتـنـازلـتي

لو ما صمودچ بالطف     چا هسه كون الله إلـتف
بس الكريم ابعادته يسـامح
يمكن كـمر من عالمج طايح
_____________

شِفتج أسيرة وماشفت    صفـنت رعُب بحــلامج
والنار حســدت جَـنِّـتِچ    رادت تطـب بخـــيـامج
حرگوها فوگــچ مادروا    إلجـــنه تحـت أقـدامج
ألف وثلث ميــــة ســنه    بينـه تعــيــــــش آلامج

اِرتاحي ياجـرح الطف    ابعون الله هَمْ گلبج خف
ظل ناظرج صوب النهر شابِح
يمكن كمــــر من عالمج طايح
_____________

قُـوَّة عـدوّچ بالعـــــدد      او گلـبج قَوي ابإيمــانه
درب الســبي منچ تعب     بس انتي مـاتـعـــبــانه
يـازينب انتـي أول نهـر     تروينه بس عطـشــانه
وبوكت ممنـوع الحچي    صــوتـچ فـتـح ديـوانه

وِتـسـيِّـديتي اعليـهم      نســــــوان سويتـيـهم
يل حته صوتج بالسبي ايكافِح
يمكن كمــــــر من عالمج طايح
_____________

(كل دمعه) من عينج جرت    موكب مـواجع يحـدي
(كل لچمــه) بعـــزاز الگـلب    مَرْهَـمـها چف المـهـدي
(كل صرخه) فوگ التل إلچ    من عـدها ثـائـر يبــدي
(كل ضربة) ثار اعله المـتن     ماعدنا غيمــه اتعــدِّي

باجر الطف إيعـيده    والمهدي يحكم بيده
حگّج يرجعه بسيفه ابو صالح
يمكن كـمــــر من عالمج طايح
______________________________________

خادم الحسين ع
مرتجى الحسَّاني
                           
                        نسألكم الدعاء

خادم الزهراء مرتجى الحسَّاني
يازينب إنتي أول ( نهر )    تروينه بس عطشانه !!
https://www.tg-me.com/MM_lt5

لمولانا موسى ابن جعفر "ع

فوگ الجسر رافعها اِديه بس لاترد اِجنازه إليه
لو ترجع أترجاك لو نرحل آنه اوياك
رافعهـا اديه
__________________________

أرد اشوفك
بالحلِم وَتـلافَـت ايمـين اوشمال

شوگي يكبر
والحـنين البِـيَّه أكــبر من سـؤال

بـإعتقادي
إليمـــوت لـفرگـتك موتـه حـلال

ليله ليله
أحسب لـموعد طِـلوعك ياهلال


دمعي يبث شوگه اعله بـابك
طال ويســـألـك عن غـيـابك
ماينحمل فرگاك لو نرحل انه اوياك
رافعها اديه
_____________________

مِثِل يوسف
ذوبِلَتْ زهرت شبابك بالسِـجُـون

وانته تارك
چم گلب يعگـوب يهواك بجـنون

البِـير سِجنك
فرق، بس اِخوان ماعندك تِخون

وِعلَه أخُوته
لَوَن هان، اعلينه هجرك مايهـون


من تترك الغيبه او تجـيني
تنطي تره افـراج الحـنيني
لا والله ما انساك لو نرحل انه اوياك
رافعها اديه
_____________________

أنـدعيلك
للفرج، وي كل نِفَس واَبعث سلام

مِدلي چفك
دمعي صار ابّـاب خَدِّيني اِزدحام

ابعيني جرحي
وِلِــبعـينه الجــرح مايگــدر ينــام

بِــــيّه لهفـه
الْـشوفتك ياسيدي بحجمِ الْخِـيَام


لوجهك، عطَش عبد الله بِـيَّه
بين انتظــارك و المـــنيـه
خل أنسر بملگاك لو نرحل انه اوياك
رافعها اديه
_______________________

بيك أفـكِّـر
ٱلْملگـه بعيوني حـلم والفرگه نـار

والِـيفارگ
يبــقه عايش عل أمـل والإنتـظار

إشتياقي
أرد اشـــوفك لاتـوديـلي اِعـتـذار

يا إِمامي
لو طفَت شمسك طُفَه بعيني النهار


گالولي شو باين كســوفك
گلت أمشي وأوصلك واَشوفك
بلكت أمر والگاك لو نرحل انه اوياك
رافعها اديه
______________________

عن لقـائك
هيـه حســبت ليـل وِيطر الصبــاح

وانته تدري
لـو أشوفك من هضم گلبي اَستراح

ومن وصلتك
عل جسر وَانظر إجت سوده الرياح

واعدتني
(نلتقي بس خارج القوس) الجراح !


جيتك على جسر الرصافه
بس بيدي نعشك ياحسافه
تتركني أون وانعاك لو نرحل انه اوياك
رافعها اديه
____________________________

خادم الحسين ع
مرتجى الحسَّاني

خادم الزهراء مرتجى الحسَّاني
يازينب إنتي أول ( نهر )    تروينه بس عطشانه !!
https://www.tg-me.com/MM_lt5

عَلَه امتوني شِلِتْ نعشك علَه امتوني
واَحس الدنيـا ضاگت كلها بعيـــوني
_____________________________

زَرَعـت ابكل جـسـر عين إلك خـظَّر حـنيني
تعب من حزنه يعگـوب ييوسف ماتجـيني
عـطش موَّتـــها فرگـاك تعال اسگيها عيني
غيــــابك والحزن سيف يحــز بِـيَّـه ونـيني

وِنين المنجـــرِح
وصل سابع جرح
دخيل الله شكثر •• دعيت امن الصبح

شجاوب سيدي العنك يسألوني
واَحس الدنيا ضاگت كلها بعيوني
......................................…….

الصبر يالكاظم شلون چبيره اللهفه بِـيَّه
وبعيده شوفتك حيل مثل بُـعد الثـريه
أنا بحسراتي مسجون نعيش الهَم سويه
بأمل واَتخــيلك جاي تفاجئني بمنيه !!

عليك امن الحزن
أحس روحي بسجن
اولقائك عل جسر •• كسر گلبي اليحن

يريت اعله الجسر گبـلك يشيعوني
واَحس الدنيـا ضاگت كلها بعيـوني
..........................………........

وِگفْت أنتظرك بشوگ كلَتْ روحي الملامه
إمامي وخايف اعليك مِن أعــداء الإمامه
شِفِت شي لاكن ابعيد فرحت ابهل عـلامه
تِبيَّـنلِي النعش جاي اوعليهْ شِفْت العِمَامه

أنا الجُمعه الظهر
نطرتك عل جسر
أراقب عن بُعد •• وإديه اعله الجمر

ركضت ابكل لَهِفْتي ومنخطف لوني
واَحس الدنيـا ضاگت كلها بعيــوني
..........................……...........

رجف گلبي وخفت حيل خذتني اجدامي ليهم
جنازه او أربـعه اوياك يحملونك بديهم
صحت ياعالَم اشصار يجاوبني بچــيهم
إمامك هذا مســـموم ولا صدِّگ حچيهم

أچذِّب بالخبر
واحلِّف بالبشر
صدگ ميِّت صدگ •• وأخذ حيفه الدهر

أمس واعدني گال الجُمعه تلگوني
واَحس الدنيـا ضاگت كلها بعيـوني
.................……...................

ضَربت ابنعشك الراس لمَن ميّت عرفـــتك !!
(رقيه الراس الِحسين) طحت شوگ اوشبگتك
بِچيت اوضجَّت الناس على ادموعي لفـرگتك
واَحس الزهـره وَياي تدگ عل راس اجتـك

فجع گلبي الزمن
مثل يوم الحسن
ولجل دين النبي •• يدفعون الثمن

عطَش دين النبي وناداهم اسگوني
واَحس الدنيـا ضاگت كلها بعيوني
……… .................................…

بعدها المِحـــنه لليوم تعيش بنص گلبنه
ورجع بأحقاده هارون وگــف عثره بدربنه
ذنبنه انحِب أبو حسين يذبحونه اعله حُبنه
نموت اونحيى ونموت وَلا نتـــــرك ذنبنه

شـرف هـذا إلـي
أموت ابحب علي
رغم كلمن يضد •• يظل هوّ الولي

فخر والله اعله حبه لو يذبحوني
واَحس الدنيا ضاگت كلها بعيوني
........................………………… ....

مرتجى الحسَّاني

خادم الزهراء مرتجى الحسَّاني
يازينب إنتي أول ( نهر )    تروينه بس عطشانه !!
https://www.tg-me.com/MM_lt5

حضروا امتــونكم يرجــال لجل الكـاظم وروحه
موعدنا اعله جسر الموت فوگه اِجنازه مطروحه
——————————————————

يوم الجمعه كلنه نروح نستقبل جنازتنه
وِنشيِّـع إمـام الكـــون هيبتنه وكرامتنه
بسم الكاظم بكل عام تتوافد مسيرتنه
اونرفـع رايـة الأحزان وِنجـدِّد مصيبتنه

من سجن لسجن ينـدار وِيكابر على اجروحه
موعدنا اعله جسر الموت فوگه اجنازه مطروحه
__________________________


من شَمّ الهوا محروم خلَّص بالسجن عمره
ظلمه ومايمَـيز الليل مِنّ اِنهــــاره ياحسره
وِنسَـمّ بأمـر هـارون وسفه ومـاحفظ قدره
وماراعى محمَّد بِـي وصوَّب گلب أبو الزهره

والْـ عنّ أهله عاش ابعيد چف الغادر ايلوحه
موعدنا اعله جسر الموت فوگه اجنازه مطروحه
__________________


يسأل ربَّـه كل اغروب يطلب هل طلب منه
ايفرغه لـطاعته وذكراه وماقصَّـر أبــد عنه
وبذكر الله والتسبيح سوَّه امن السجن جَنه
والأعمـــال بالنِـيَّـــات والله انطـاه اِشيتمنه

اعليه صافن بقه السجَّان بس اعيونه مفتوحه
موعدنا اعله جسر الموت فوگه اجنازه مطروحه
__________________


ساگه من الألم مرضوض وِمْن اجفوفه ينزف دم
متگـيد بذاك الگيــــد كلما گـام يتـــألم
يدري بشيعته اتانيــه وتريد الشمل يلتم
چا يمته الفرج مولاي كلنه بشوفتك نحلم

ياكاظم الغيظ اشلــون يكظم صاحبك نوحه
موعدنا اعله جسر الموت فوگه اجنازه مطروحه
__________________


جيناك اعله جسر الموت بس بيا وجه جينه
نسأل ياغريب الدار ماحن گلبك اعلينه
تتــلگـانـه نـتـمنـاك تالي بحسره ظلّـينه
بس نعشك بدينه ايلــوح وِبيـا ملگه ردينه

چم گلب بگلب يرثيـك وِشچم عين مشبوحه
موعدنا اعله جسر الموت فوگه اجنازه مطروحه
__________________

خادم الحسين "ع
مرتجى الحسَّاني

نسألكم الدعاء ..

خادم الزهراء مرتجى الحسَّاني
https://www.tg-me.com/MM_lt5

عندما ولد أبو الفضل العباس"ع ،فكأني بلسان حال الامام الحسين عليه السلام يقول :


عبــاس أخوي ياجماله وهيبِتَه
جبريل إجـــاه وحزِّمـاه برايِـتَه
————————————————

ياحلات ارسومه وعيـونه ونظراته
بي أشم الغِـيره من اشتم وَجناته
چن گمر يتلاله امن الغيمه بآيـاته
الجنَّه بيهْ اِتباهت والغيم ذب زخَّاته


من زغره چان گلبي يهوى لشُوفِتَه
عباس أخوي ياجمـــــالـه وهيبته
———————————————

بي مهابة حيدر وارسوم حمزه وطـه
وچم نجم من نوره مخلوق يتمناها
الليل حار بصورته وظل صافن يتباها
صاح ياسبحانــــه مَن خالق معناها

فرحـتنه بـي مثل فرحة غِيرِتَه
عباس أخوي ياجمـاله وهيبته
————————————————

صار أخوي وصارت وي ميلاده الغِيره
واَحس كل الدنيا يم شخصيته اگصيره
من عطر وجناتـــــه فــواّح جـو الديره
وحظى بحضن الوالد واِجلاله وتقديره


قَـبَّـل إديـهْ وشمّه شمّه برگبِتَه
عباس أخوي ياجمـاله وهيبته
———————————————-

لَـختي زينب كافل شعبان جاب ابشاره
وصارت اتلوليــلــه اتناغيـــهْ تاره وتاره
رَبِـتَـه اعله ايديها من يوم وكت اصياره
أبو فاضل ضامن هنيـــــال كلمن زاره

مِنّ الســماء كلها نزلت زارِتَـه
عباس أخوي ياجمـاله وهيبته
————————————————

صاحبي وِعضيدي واحزام ظهري لباجِر
من يشبّ اگبـالي ويـلوح طوله الناظر
يطمئن إحساسي وماحـير بأمر العاشر
عندي أخوي الهيبه موجود سيف وناصر

رايـه وأمان يفدي روحه لـخوِّتَـه
عباس أخوي ياجمـــاله وهيبتـه
—————————————-

خادم الحسين "ع
مرتجى الحسَّاني

https://www.tg-me.com/MM_lt5

أبيات أبوذية ..

بعين الناس خل أزغـــر ولكبار
إلك يحسين أظل خادم ولكبار
أمشِّي اعليك عبـــد الله ولكبار
حبل ملگاك لتگطعه امن اديه
-—————————————

الخـادم عبد بس لحسين ملاّچ
بزاده العنـده علّه ايطيب ملاچ
اشكبرها بخدمتك لوصير ملاچ
واَداوي بزادك الناس اعله اديه
—————————————-

ابفِطِرتي اشما أثوِّب من الحسين
ولا عنـــدي بثــوابي مِنَّ الحسين
أنا كلشي الملكتـــه من الحسين
بشـــر ماريــد غــيره ايمِـن عليه
—————————————
لزين العابدين "ع

چذب كلمات مَدحي اعليك يازين
يكـاتب بالصحيفـــه ذهَـب يازين
هــنيئـاً للمــــجـالس بيـك يازين
ينكهــة ســـــالفـتنه بكل مســيه
—————————————-
للخدمه

شي للملگــه ظل سهران شيبات
وقرار العشگ للمعشوگ شيبات
اكبَرِتْ گالوا او لاحَن بيك شيبات
صحت للخدمه دافع خوش دِيَّـه
——————————————
للعباس "ع

اخيــول وزلم من عباس شطين
خوف، وغير هذا الصيت شطين
الجود ايكفِّي ماي اعدال شطين
لأن ابَّـطنــه ذب ســر الزچــــيه
______________________

وگف عل مــاي لاكن صاحب الماي
غيور، او نَفَس ماظل صاحب الماي
بكثر مايسگي سمّوهْ صاحب الماي
ولَهسه بجوده ظـل مـــاي لــ أخيه
——————————————

سل سيفه اِبـرِگاب اعــداه بشاط
وراسه امن الغضب بركان بشاط
بقصد شـــمَّرهم العباس بشاط
حتى يفيض يوصــــــل يم رقـيه
—————————————-
للحشد المقدس

وره كلمن يضـد نهجـــك حَشَد بي
وحبِـل الخدمـه مـاهـدَّه حشد بي
الوطن لـوما صدگ نـازل حشد بي
وعلـي نقرأ الســــــلام اعله الهويه
—————————————-
موال للعباس"ع

عباس حب السبط واهل السبط بي سره
كض رسن مهره بعزم صوب النهر بي سره
والماي جابه وإجه وشجم گلب بي سره

ومن شافته أم الخدر صاحت هلا بكافلي
صح آنه ميته عطش بس شوفتك كافلي
مطبوعه ظلت طبع بيدك حرز كف إلي

يابو الوفه وهالحرز حيدر دفن بي سره
—————————————-

https://www.tg-me.com/MM_lt5
✍️مرتجى الحساني

أبيات أبوذية لـ ولادة منقذ البشرية "عج

صرت أنطــر الثـار بنار موعود
ضاگت والينطرك صار موعود
إلي ب 15 شعبــــــان موعود
لاح وبي فــــرح گلـب الزجيه
————————————-

ظــروف الدنيـــا عنـك مالهنّـه
وگلُب جم شيعي ينظر مالهنه
افرحت فرحه بقدومك مالهنه
ورد وادموع اَطشــلك واهليه
————————————-

خسر ، جدمه بأثر غيرك ترضّع
وحذرته اشكثر گتله تره اضيع
لـبَن لو غِيره بيــك أمك ترضع
وصرت صاحب نفوذ اعله البريه

للسيدة نرجس عليها السلام

يـا أُمّ الكـــــرامــات أهـديـلـــچ زيـارات
من عاشور الِحسين دفعـــاً للـمُـلِـمَّـات

[ إيدچ مِنْ تِـرُفْعِـيها كل غُـمَّه تِـكِشْـفِيها ]
كرامات كـرامات
__________________________

الله اختَـصِّـچْ بـأوَّل كـــــرامه
أُمّ او زوجــه صـرتي للإمـامه
مِن تاريخچ اتفــوح الشـهامه
وگبرج بي خصوصيَّه وعلامه

بصحن العسكرييَن جاوَرتِي ٱشْـرَف اثنـين
بسامرَّه إلـچ صــار وِبگــلـبي حَـضُـــرتـين

[ وْكلمن طاف إلچ بيها كل غُمَّه تِكشفيها]
كـرامات كـرامات
__

مَـر طـاعـون والْـوادِم حـيـارَه
اوْبالأرواح أَصابَـتْـهُم خَـسـاره
سَـيِّد حِضَـر وانطاهـم بِشــاره
عَشِـــر تيـَّـام يِقْـــرون الزيـاره

زيـارة يـوم عـاشــــور هَديـه لْـروحج انـزور
من عِدها وْجِفَه الظيم وْماظل بينه مَخطور

[ لْـكل ازياره نِـهدِيها كل غمَّه تكشفيها ]
كرامات كرامات
__

سَـلام الله عَليـچ ابگـد مَحَـبْـتِي
إِلـچ نتـــوجَّــهِ اوبـاب الله إنتي
إذكـرينـه بـدعـــائچ لـو رِكـعـتي
كريمه وللحـوائج قِـبـلَـه صِـرتي

مَـــلاذ ومـأْوَى للنـاس كـ أُمّ الغـالي عبـاس
اليجيچ امحَمِّل هموم يِـرجع رافِـع الراس

[ أيْ عِـلَّـه تِشـافِـيها كل غمَّه تكشفيها ]
كرامات كرامات
__

أصيلـه وطاهره وحرَّه ونَـقِيه
لِــذلك كَـرُّمـچ ربِّ البـــــــريه
وانطاچ امن الٱســرار الخَفِيه
أَصِلْ شُعلَـة الثـوره المَهدويه

مِـنـچ ينطـلــق نــور لِلعــالَـــم الـدَيجُّـــور
وِتْـعِـمِّ المُـســـــاواة وْيكسر رايــة الجِور

[ لَـمَّن يظهـر اعليـها كل غمَّه تِكشفيها ]
كرامات كرامات
__

حُبــچ حُـب مُقـدَّس مانبـيـعه
وسـيلتنه إلى اللهْ يل شَـفـيعه
بْـنَجلچ تِـزهِـر أحكام الشَريعه
وِيخـضِّر اليـابِـس بالطــبـيـعه

بثاني عَـشَر مَعصــوم الدنيا ابْحيلها اتگوم
مِن يقـبِل على الكون نوره ايزيـح الِغْـيوم

[ ويوم اللي يِصفِّـيها كل غمَّه تِكشفيها ]
كرامات كرامات
__


خادم الحســين ع
مرتجى الحَـسَّاني


خادم الزهراء مرتجى الحسَّاني
يازينب إنتي أول ( نهر )    تروينه بس عطشانه !!
https://www.tg-me.com/MM_lt5

آنه أمْسَح دم طَبُرتَكْ وانته تمسحلي دَمِعْتِي
هِيه ليله ومني رايح وَادفـن بگبـرك فَرحتي
(بويه علي بويه)
__________________________________

ليلة اوداع / تخـلص بساع / ياعلي اوساعاتها ايمـرَّن ثواني
رايد اتروح/ يا مُنى الروح/ لو تموت امنين أجيبن أَبو ثاني

أريـد اعيـوني منـك تشــــبـع اهــواي
بقت ليـله او بعد ماشـــــوفـك اوياي
أنا امْحَظـرَه الوضُـوئك طاست الماي
تِـنــام اشــــلـون وآذان الفجــر جـاي

چنت أفِـزَّن وي صـلاتك
وهسه سـهرانه لْـممــاتك
اتغيب وي بدرك نَجِمتي
وادفن بگبــــرك فرحتي .. بويه علي بويه
__________________

ابشهر إلِصيام / وسفه طبروك/ يل امخَلْص الليل تتـفـگَّـد الفقره
ابدَوْلِـتك چان/ ماكو جوعان / چنت تنطي اليدگ بابك عِشه الزهره

چنت تگســـم لُـگمتك وي الأيتام
المايگـــــدر يِنـام ابحضنك اينـام
وزير ابگرصت اشعير وملح صام
علي أكـبر خسـاره بدِين الإسـلام

شِـلَّـه بالدنيــا اليفـگــدك
الموت عن عيني يبِعـدَك
والله وسفه ابگد لَچِمتي
وادفن بگــــبـرك فرحتي .. بويه علي بويه
______________

لو بل اعيون / گالوا ادواك / أرخص عيوني إلك كون انته سالِم
مني اخذ حيل / ياعلي وگـوم / هاي أوّل مره أشوفك بيها نايم

علي المســجد يريدك مو وكت نوم
عجب محـــرابه حـيدر فارغ اليـوم
صَفـار الطـــبره هــذا لـو أثـر صُــوم
علي اسم الله اعله حيلك ياعلي گوم

الليله محــرابك ينادي
لعنة الله اعله المُرادي
صابك اوطفّـه شمعتي
وادفن بگبـرك فرحتي … بويه علي بويه
__________________

بسمة الدار / لمّن اتموت / ياعلي معناها شال الوالي عنها
الْگلبه مكسور /فاگد اعزاز / وْروحي بعدك بويه تحـتار بزمنها

ألف وسفه التراب ايظم الاعزاز
وانا مخنوگه والْـنسـمتكم أعتاز
ٱليِخَـيْروني اببقـائي إلكم انحاز
علي گَضّيت عمرك تِمشي جَـنّاز

بويه بس مُوتك يِريحَك
من عذابك وألـم جرحك
نكـبـة امصــابك نـكبـتي
وادفن بگـــــبرك فرحتي .. بويه علي بويه
__________________

لو إجه العيد/ دگ الأبواب / آنه طفله وِبصباح العيد اَريدك
أفطر اوياك/ واگضي الأيام/ يمك، اطمئنان گلبي اوسادت ايدك

تره اليفگد أبو ايظل عمـــره مجروح
صحيح ايشـم هوى بس هوَّه مذبوح
اليفگدك يِگضي ليـله بدنْيِتـه اينــوح
علي ٱيَّامَـك سـعـيــده الجَّـنِـتَك روح

زَيِّـنَـتْ جَـنَّــتـــها فاطِـــــم
باجر اتطب وانتــــه صايِم
وانه أظل وحدي بحـسرتي
وادفن بگــــــــبـرك فرحتي .. بويه علي بويه
__________________

يهل الٱسلام/ ابهذا ترضون/ ينطبر بالمسجد الدِين اعله راسه
مايراعون/ حرمة البيت/ وادم ابََّـيت الله تتحدَّه ابشراسه

أمس نص عمـــري طاح ابعـتبة الباب
واخذ نص عمـري أبوي ابهذا الِمصاب
قِسِمْـتي ابدِنْيِـتي بس أفگـــد أحباب
تـره اغيـابك گـبــر ثـاني يبو اتـراب

وْللحـزن أصـبح سفيره
من يِگـيْدُوني أســــيره
واندفن غـــاد ابرِحِـلْتي
وادفن بگـــبرك فرحتي .. بويه علي بويه
__________________

خادم الحسين ع
مرتجى الحَسَّاني
07819457321

خادم الزهراء مرتجى الحسَّاني

https://www.tg-me.com/MM_lt5

قصيدة لعلي ع"عن لسان مولاتي زينب ع

طَبـع اليســــافِر أهْـلَـه تشـتاگ
طيحت سِمَه او لاساعة اِفراگ
من گتـلي گبـرج إنتي بالشــام
وانـه اندفِـن بتـراب الِـعــــراگ
_____________________________

منها ٱعْـرَفِـت // ليش الگمر
إنته خلّيـت ايدي بـيده ٱمن الصِـبَه

وتأكــدِت // بعد الأبـو
حَگَّـه ينـشـــــال الأمــان او موكِـبَه

إنته العَمَد // وِبطيحتك
ايطيح سگـف البيت هـوَّه وصاحِبَه

ومن الزغر // بيك انجرِح
وِبســـهم فگدك أَطيـــح امصــوِّبه
**

من شـفـتك اِتعاين لَلِـ انجـوم
ليـلـتـهـا مامَـر بنـتـك النــــوم
حسبالي أگـضي اويـاك الأيام
وانه اندفن بتراب العـــــــراگ
__________

لا يا جبل // وسفه ابنعِـش
ويانعِـش يـگــدر يحِــمـــلَك ياجـبل

وچفك قِـلَع // باب الحصِن
اليوم اَشوفه إموسد اعله المُغـتسل

ولمّن سَرَوا // بِجـنازتك
سَرَه بروحي الظيم والهم والأجل

وماي برمل // حلمي انچفه
وصارت الدنيـا الوسيعه بعيني تَـل
*

طفله اوبعدني بعـازت احضـان
ابلا ماي بويه اتـموت الأغصان
وياي أريد.. اتكمْـــلِ الِصيــام !
وانه اندفن بتراب العــــــــراگ
_________

بويه علي // ماتنحمِـل
فرگت عيونك يبـو وجـه السَـمِح

وَيـاك اِخذ // گلبي الْيحن
واِسمه من دنيا الوجع خل ينمسِح

آنه مَرَه // ومحاصره
بين طف رمضــــانك وطف الذبِح

عَفْيهَ گلب // بيْ ظل نبض
ماوگف من شاف بالهامـه الجـرِح
*
جرحك يبويه انشالله ايطيب
وانشـالله عـن عيني مَتــغـيب
ســـــالــم أريـــــدك مِـن الآلام
وانه اندفن بتراب العــــــــراگ
__________

شلّي بعمر // مابي أبـو
حالي حال الأعمه ومْضَيْع الضوه

والينكسر // گلبه يظل
مثل جرحك مالَـه بالطب كل دوه

يا أغله حُب // واَئـمَن حضِن
اثنـينـهن ضاعـن مثل ذَرَّه بـهَـوَه

والله زمن // بي ضَيعِتْ
حضنك الدافي اوحضِن أمي سوه
**

مكتوبــه بويه اعليه الِجْروح
أمْسِــك بدمعـه وافطر ابنوح
وي جسمك أدفن كل الاحلام
وانه اندفن بتراب العــــــراگ
_________

عن كربله // عوف الحچي
يكفي جرحـك ياعلي وهذا القهر

بنـتـك أنَــا // او گد الصبر
باجر الطف ضامتـله اشگد سـهر

گِـتلي الخيم // من تحترگ
اتصير ضِدِّچ حته گطـرات النهر

مُستـقبلي // مابي فرح
بس حزن مكـتوبلي ابهذا الدهر
**

ياعيـد وانته الـراس مطـبـور
يِكْـفِـيك ربنا شـر الگـبــــــــور
أتمنــــه أمـوتن گبـل الِخــيـام
وانه اندفن بتراب العــــــــراگ
________

خادم الزهراء مرتجى الحسَّاني
يازينب إنتي أول ( نهر ) تروينه بس عطشانه !!
https://www.tg-me.com/MM_lt5

(( سلامات ياعلي ))

سلامات .. ياعلي .. سلامات
يل مِنطبُر وَكت الفَجُر / ياعلي سلامات
____________________________

يابو لِـصْوَاب الما گِـطَع سِيلَه !!
ينزف بروح الشيعه ، كل ليله
شَلْ ظهر الآِسلام وْهِدَم حيله
"ومال الحمِل " يَمعدِّل المِيله

مُعاناة .. تستمر .. مُعاناة
رحت بغدُر وكت الفجُر
ياعلي .. سلامات
____________

ندعيـــلك او دمعـتـنه مـذروفه
وِوْجوهنه امن الرَهبَه مخطوفه
نسأل ، وگفنه بمسجد الكوفه
بس الحزن علْ وادم انشوفه

والآصوات .. تِندِبَك .. والآصوات
فوگ او حَـدُر وكت الفجر
ياعلي .. سلامات
_________________

يامِشعَل الحگ طافي نبراسك
شو چنها جرَّت موت بأنفاسك
والشِبَـع من خيرك طبر راسك
يتَّم اَطفـالك وأهـلك ونـاسك

جراحات .. مو جرِح .. جراحات
بينه اشكـثُر وكت الفجر
ياعلي .. سلامات
_________________

اشحال اليتــامه الليله بِغيابك
لمن وصل ليها صدى اصوابك
جابت لبن .. وِتعـنَّـت لبــابك !
كل ظنها تِشفه اوترد لَـحبابك

علي مات .. وانفگد .. علي مات
حظروا الگبر وكت الفجر
ياعلي .. سلامات
_________________

تدري الأبو لو فارگ إعيـاله
يوگع البيت او ينهضم حـاله
وِالدنيا ماترحم بَچيْ اطفاله
ليليـــه تِگعــــد تِنطر اهـلاله

الوكت فات.. مايجي ..الوكت فات
راح العمر وكت الفجر
ياعلي .. سلامات
_________________

كل عام جرحك يفتح اَحزانه
وِنعـيش آلامــــك يمـــولانه
نعلن حِداد ، وزينب اويـــانه
امعاشره الونّه اوتبجي سهرانه

خسارات .. روحتك ..خسارات
أصعب كَسُر وكت الفجر
ياعلي .. سلامات
_________________

أشعـــــر بزينب وِبمصيـبتها
الله اليساعدها اعله محنتها
عباس يمها ايهَـدِّي حالتـــها
يتألم امن ايشــوف دمعـتها

علامات .. للحزن .. علامات
ليلةْ قَـدُر وكت الفجر
ياعلي .. سلامات
____________

ياعلي 💔

خادم الحسين ع
مرتجى الحسَّاني


خادم الزهراء مرتجى الحسَّاني
يازينب إنتي أول ( نهر ) تروينه بس عطشانه !!
https://www.tg-me.com/MM_lt5

بالسِـــمه هاتـف رحـــيلك
ياعلي اشصاير دخــــــيلك
أوگف اِسم الله اعله حيلك.........ياعلي
__________________________


توگع شلون...واِنته ابو الكون... ياعلي بهذا الجرح عشنه الهضيمه
ياجبل گوم...مو محل نوم… تترك اَطفالك يتامه بلايا خيمه

تفارگنه وتســــافر گـلبك اشگال
الكسر ماينجبر لو نعشك انشال
علي بهذا الشــــهر لاهَـلْ الهلال

من شفت راسك يصب دم
دوّرت بس دمعي مرهــــم
توجع الونه ابدليــــــــــــلك…… .ياعلي
اوكف اسم الله اعله حيلك .… ...ياعلي

_______________


وجهك اشبي ...أصفر اللون...ياعلي امن الطبره لو من أثر صومك
فكلي عيناك...واحچي وياي...لاتسدهن ياعلي يهضمني يومك

چِنِت أحسب يبويه الجية العيد
وَلا بالموت چان احسـابك ابعيد
أريدن بس وجودك كلشي ماريد

شلون الك روح وعفتني
زينب آنـــــه الدللـــــتني
من هضم كلبي اشتــكيلك…….. ياعلي
اوكف اسم الله اعله حيلك… ....ياعلي

______________


والدي راح..والعمد طاح.. الله يلعن كلمن ايخون الأمانه
گلها عباس… آنه موجود… آنه أخوج او آنه ابوج او أمچ آنه

وحگ ادموعج اليتــــلاهبن نـار
وَعَد انه او أخوتي ناخــــذ الثار
من طبرت ابوي وراسي ظل حار

اوياج اظل للموت اِبشري
ولكـلِمتي أفــــدي عمري
راح أعوضهـــــــا جميــلك… ياعلي
اوكف اسم الله عله حيلك… ياعلي
_____________


الله يلعن...ابن ملجم.....فجع گلبي ابيوم تاسع عشر رمضان
مارحمنه....واحنه صيام.......عاند الله بـمسجده وصوّب القرآن

الهدى ٱمن اربع جهات اركانه طاحت
وملائكة الســـــــــمه ابلـيلـتها ناحت
علي من طاح عـــدوانه اســـتراحت

اويه الصلاه فرصه لگوها
بـالحـــــــــرب مـادبـروها
وبالألم يســــــعر غليـلك… ......ياعلي
اوكف اسم الله اعله حيلك……..ياعلي
_______________


يهل الاسلام....بهذا ترضون....ينطبر بالمسجد الدِين اعله راسه
مايراعون....حرمة البيت....ناس حته اويّه الله تتحده ابشراسه

أمس نص عمري طاح بعتبـــة الباب
واخذ نص عمري ابوي بهذا المصاب
تره اغيـــابك گبـر ثــاني يبــو اتراب

وللحزن أصبح ســفيره
من يگَـيْدوني أســـــيره
روحي محـتامه وتجـــيلك ..........ياعلي
اوكف اسم الله اعله حيلك..........ياعلي
.........................……………………………

خادم الحسين ع
مرتجى الحساني

https://www.tg-me.com/MM_lt5

يل مرَجْــــع الشمِس   علـي ابچـفك أمِـس
عجيبه اموَسَّد الليله    وكلامَك بس هَـمِس
__________________________


يچف الله القِـلَع خيبر تطيح اشلون
رغـم چنت ابوكـتـها صـايم ايگـولون
يحــيدر ما أشــوفك ويه اِلي صَـلون
بواچي بدارك اَسمع حضروا ايشيعون

الحـسن عـن يِـمْـــنِـتَـك     ٱلحُـسين بيِسْـرتك
وابو فاضـــل حضن زينب  وِهِـيْ بي تحـتِرِس
______________

علي يل زارع البَســمه اعله كل حزنان
علي يل تارس اجفوف اليتـامه إحسان
چنت تگـسـم لُـگُمـتك إنته والجوعان
اليفك ريجه بنظر وجهك يـرد شبعان

علـي الفُـقْـــــــرَه تـوِن       حـزِن شــبـعت حزِن
يل امشبّعها من خيرك       زَمَنـــها ٱفـتر عكِـس
______________

چنت تدري بمصيرك لو رحت مَتْعُـوُد
إزَارَك من تعـلَّـگ تـعـرف الـمـقـصـود
يأخـرَّك عن لـقـاء الواحــد المـعـبــود
دخلته والمُـــــرادي تدري بي موجـود

دِخَلْــت المـســـجـدَك       تصـلّي ابمــوعــدَك
إجيت وتدري من دمك      عَـبــاتــك تِـنـتــرِس
______________

وگــفـت ابين ادين الله وقـريت آيـــات
وابن ملجـــم ينطـرك سيفه بالسَمْ بات
گضيت الركعه الاولى وناوي للسجدات
لچن صـارت صلاتـك كلهـا تكــــبـيـرات

طحِــت من طَـبْــــرِتك      على امْصَـــــلاّيتك
للـ اسلام ابأداء فرضك       كتبت اعظم درِس
______________

يسُــبحـان اللّه من خَلّـه الأجـل يِدناك
يِخَـضُّب شـيـبتك ويخـضُّب امصـلاّك
عـلي وي الله إنتـــه او الله دوم اويـاك
تمـوت ابّيتــه مـو وسط الحرب راداك

إلاهَـــــــــــك يِعْــــــرُفَك     يريد ايشــــــــرُّفك
علي شگد قُربك ٱمن الله     وبعـيد ٱمن الرِجِس
______________

بقيت اثلـث لـيــالي تلـــــفـظ الأنفاس
گمت تكــتب وصـــايا الأهـلك وللناس
أَشوفك أشَّـرِت بيــــــدك علـه العباس
أريـدك يابو فاضـل إلـهـا رفـعـت راس

واَريـد بكــــــــــربـله         تـظــل مـــــــدللـه
أسـد وتكَـفَّـلِت لَبْـوَه         بعد مــا تـنـلّـمِـس
______________

خادم الحسين ع
مرتجى الحسَّاني

https://www.tg-me.com/MM_lt5

رايح ..رايح ياعلي وبزينب اشلون
رايح ..رايح لو ترد ياخيمة الكون
———————————————

يالما تعب حيلك     ولاتعبت ايمينك
هالليله شنو الصار   شو نسمع اونينك
وانته الْتعِين الناس  وِتريد الي ايعينك

وسفه وسفه امن الألم سدِّيت العيون
——————————————

حرمة شهر رمضان    هالليله هتكوها
واتعدّوا اعله الدِين    والنعمه داسوها
وچي هامتك قرآن      بالكوفه طبروها

راسك راسك ماسجد بس لـ الله يدرون
————————————————

وكت الحرب بالسيف   عجزوا يلاگــونك
ماچـانوا ايثبـتــــون      من تجدح عيونك
فرصه ولگوها اليوم    ساجد يغدرونك

سيفك سيفك من تسلّه مايظـلّون
——————————————

يابو الحسن جيناك      نتـــوسل ابابك
وماعدنه بس ادموع    شيضمد اصوابك
فارغ صفه بلاصوت     من عفته محرابك

يسأل يسأل عن غيابك وجهه محزون
——————————————

شفت الحسن وحسين   مهضومه حالتهم
يم راســـــك ايونّـون       وبحرگه ونّـتـهم
ولن أنظر العباس           حاضن عقيلتهم

زينب زينب بعد أبونه آنه إلچ عون
—————————————-

نعشَك صدگ ينشال    مو وكته ياحيدر
جم ليله ظل للعيد       نتـمنه تتأخّــر
امروتك يبو الحسنين     عالفرگه مانگدر

نعشك نعشك من نحمله فوگ الِمتون
————————————————

خادم الامام الحسين "ع
مرتجى الحسَّاني

https://www.tg-me.com/MM_lt5

لوما علِينه وذو الفقاره لِلدِين مالاحت مناره
———————————————————

كلنـه فخــــــر لمّن نـوالـيه
وماعدنه شك ونختلف بِـيه
خصمه الرسول اللي يعاديه
وبحب علي إنطـانه البشـاره
———————————-

چان النبي ايندبه بالِحروب
وحيدر يطب وسيفه مهيوب
مِنّ الِصدور ايطلعِ الگلوب
او لامرّه رد سيفه بخـساره
———————————-

تشهد لسيفه أيام صفين
ذلّ الخـــوارج والمرائِين
لوما علي مايكمل الدِين
(وبالمائده) اِتخصه الإشاره
———————————-

لوما علي ماقـام الاسلام
وچا عفنه الله ونعبد اَصنام
مِنّ الحرب يرجع لِلايتـام
اِيجاهد گضه ليله ونهاره
———————————-

بالنهروان وبالجمل چان
عالحگ يدافع سيف وإلسان
شنسوّي لِلـيكفر بالاِيمـان
وِيضد علي ونهجه وشعاره
———————————-

چي گمنه نلهج بيك مولاي
تهمونه نعـبِد حيدر بـهاي
هذا الإسم غـثَّاهم اهواي
مادروا حبّه اَعظم تجـاره
———————————

سچّـينهم لو حـز الِـرگاب
ولو صرنه موته حدر الِتراب
نندب علي ياقالــع الباب
بس هوّه الاَول بالصداره
———————————

خادم الحسين "ع
مرتجى الحسَّاني

https://www.tg-me.com/MM_lt5

للعليله ع

حَـنِّيت الك ياوالدي وِلْحضنك اشـتاگيت
كِلما تهِب نَسمة هَـوَا تِـفتَحلي باب البيت

وامشيلك ابسَكـتَه ... حسبالي اجيت انته
( نسمة هَـوَا)
____________________


يل ماخــذ اوياك النِـدَه وميـبِّــس الورده
شِيلِمَّه يل عمـــري ابدرب هجرانك اتبده
بويه اليفارگله طفل غير البجي اشــعنده
گلبي انچــوه بنــار الهجر يـل ما إلك ردّه

أحلم تجي ها ماتجي وعيوني صوب الباب
حسبالي أحظى بشوفتك ثاري الهوا چذاب

يل يِتْـمِي مو وكته ..حسبالي اجيت انته
نسمة هوا
ــــــــــــــــــــــــــــــــــــــــــــــــــــــــــــــــــــــ

بصدرك أشِم امن الزغـر بس ريحـة الملگه
والرابي بحضانك عُـمر يســتغــرب الفرگـه
يابويه والله اجفوفي الك محتامه عالشبگه
يشبه حنانك ياگلب بالدنيـــا وين ألـگه

وين الگه حنـيَّـه ودفو تشبه تفاصيلك
ونتسامر بذاك الحچي تحجيلي واحجيلك

عطرك تنفـســته ....حسبالي اجيت انته
......نسمة هوا
ــــــــــــــــــــــــــــــــــــــــــــــــــــــــــــــــــــــ

يل كلشي بيه ايحن الك مشـتاگه لحضانك
كل مغرب امصلايتك اَفرشـــــها بمــچانك
بكلشي حلـو بس الهجـر مو حلوه بلسـانك
لوما بعيــــــده كربلــه جيت آنـه واحزانك

وأگعد واراويك الألم بعيوني هاي وهاي
يابويه كبَّـرني الهجر لمّن عفتني اهواي

كلمن اِجه البِـنْـته ....حسبالي اجيت انته
.......نسمة هوا
ــــــــــــــــــــــــــــــــــــــــــــــــــــــــــــــــــــــ

أدري الدمع مابي نفع من تخلـص احروفي
راح اطبگ اَبواب العتب وافتحلك اجفوفي
ياربي رد الغــالي إلي وبجـيته رد شـوفي
نظره حقيقية ردت مو نظره بــطيوفي

شلّي بعمر مابي أبـوْ ياحسرتـه اليـشتاگ
والموت والله أهوَن إلي وْلاعِيشن اعله افراگ

بس الأثـر شفته ...حسبالي اجيت انته
......نسمة هوا
ــــــــــــــــــــــــــــــــــــــــــــــــــــــــــــــــــــــ

من اســمعـت رد الظعـن كل حيــلي رد بـيَّه
رحـت اَركض ابلايـــه وَعي ملهــــوفه رجليه
شـافاني ابن حذلم سِـكت ظل صافن اعليّه
من شوگي ليش اتفاجئت گـتله او نزل لـيه

گـلِّي لَوَن عن كربلــه جيتي تسأليني
خوفي أجرحج يابنِت لا لا تجـبريني

يحچــيلي حلَّـفته .... حسبالي اجيت انته
.......نسمة هوا
ـــــــــــــــــــــــــــــــــــــــــــــــــــــــــــــــــــــ

ظليت ألـِـح گال الخبر خاف أحجي ويكتلِچ
هسه آنه من طف كربله جايب خــبر أهلچ
كلهم ضحايه اعله الثـره وبس الظعن ردلچ
لاعمِّــچ او لاوالــــــــدچ ريت الله يوگفلچ

بعون الله ياسيِّـدتي ايخففـلج الاحزان
بهاي المصيبه الراتبه يوگفلچ الرحمٰن

يالگلبي گطعـــته ...حسبالي اجيت انته
نسمة هوا
ــــــــــــــــــــــــــــــــــــــــــــــــــــــــــــــــــــــ

دعواتكم........

خادم الحسين ع
مرتجى الحسَّاني

خادم الزهراء مرتجى الحسَّاني
https://www.tg-me.com/MM_lt5